قصــــــــة جولينار باٍختصـــــــــــــار << ياعيني

[جولينار]

الســـــلام عليكم ورحمة الله وبركاته

حبيباتي روّاد قسم تأخر الانجاب .. حبيت اكتب لكم تجربتي البسيطه اتمنى تتفاعلون معي

انا لي 4 سنوات متزوجه وماحملت والحمد لله على كل حــــال .. كان الوضع عندي عادي يعني مو متذمره مرره

بس لما عديت السنتين في اشياء كثييييره ضايقتني صارو الناس يتسائلون شفيها ؟؟ منها والا منه ؟؟

صار فيه دق بالكلام من أقرب الناس لي تخيلو


اللي تحمل وماتقولي ,, واذا جا طاري الحمل او وحده حملت الكل يطالعني << بيشوفون ردت فعلي

وحده من قرايبنا جابت ولد فرحت لها وربي ورزتها واهديتها وتكلفت حتى وانا مشكلتي اجااااااااااااامل

انا مو أي طفل يدخل مزاجي واحبه وهي ولدها ماحبيته سبحان الله عادي يعني بس صرت العبه وامزح معاه قدامها ماودي تحس اني ماانجذبت له ولأني اعرف الامهات يبسطون لاشافو وحده تعلب ولدهم وتدلعه

وكل هذ1 مجامله لها بالاخير اشوفها اذا لعبت ولدها والا كلمته ينقلب وجهها وتاخذ ولدها مني تقول لا بتعبك ومن هالكلام << ملاحظه ماتسوي هالحركة الا معي اما الباقي عسل على قلبها

شوفو اخرة المجامله..

ومرة من المرات جتني وحده مو من قرايبنا اللي حيل قالت لي جولينار شفيك ماحملتي ؟؟
كذ1 خبط لزق قلت لها : ماابي احمل وانا ادرس وبس

قابلتي في زواج ولد عمي وقالت لي كيفك شخبارك انتي حامل ؟؟ قلت لها طالعت فيني كذ1 نظرة خبث وقالت الله يرزقك << بتشوف ردت فعلي كيف

ماقلت امين << استغفر الله ابتمست ومشيت

والا زوجة عمي طبعا مو عمي ابو زوجي لا وحده مالها شغل كلش داايم اذا اجتمعنا تقول فلانه صارلها 5 سنين ماجابت وتزوج عليها زوجها وفلانه ماجابت وطلقها وفلانه وفلانه << اٍياك اعني فاسمعي ياجارة

صرت افكر بالعزله بعدين قلت لاااااااااااااااااااااااااااااااااا

هذي انهزاميه وضعف اذا ربي ابتلاني خلاااااااااااااااااااااص انتهي وانطوي واعترض

بالعكس صرت اكشخ واطلع وابتسم طول الوقت واسولف واضحك والحمد لله الدنيا ماتسوى وربي


بس لو الله يفكنّا من اللي يكدرون علينا كان احنا بألف خير

ادري طفشتكم بكلامي بس حبيت افضفض لكم وانتظر تجاربكم

 

[Snow angel]

فضفضي ياقلبي وقولي انا مثلك لي اربع سنوات ما ربي رزقني كنت اتعب والحين الحمدلله تطنيش في تطنيش مع ان السبب من زوجي لكن احسه كانه مني صرت اللي تطقها بوجهي وتقولي للحين واشفيك واحملي اقولها والله الليله اكلم زوجي بالموضوع واقوله فلانه تقول احملي الحين ولا يهمك طلباتك اوامر واخلي وجهها يطيح وتلقطه بعد ولا يهمني مشاعر احد ولا شيء
خليك واثقه من نفسك والاطفال مو كل شيء بالدنيا يمكن يجونا عاقين او معاقين لكن هذي خيرة من رب العالمين والحمدلله على كل حال

الله يرزقك ويرزقني ويرق كل محرومه ياقلبي

 

["*آآآنؤؤؤقهـ*"]

والله كل شي بيد الله وخلي ايمانك بالله قوي

لوتسمعين كلام الناس بتتعبين

لان الناس ماعندهم الا السوالف وقيل وقال


حبيبتي ياقلبي انا صارلي الحين سنه و3 شهوور وماشيه برابع شهر

وللحين الله ماكتب لي حمل وانا متفائله بإذن الله الواحد الاحد اللي مايرد عبده ان شكاه ودعااه

ان بيرزقني ويقر عيني بالولد الصالح بس متى الله العاالم


والحمدالله كل شئ فيني تمام وزوجي طبيعي الحمدالله الله


اقولج توكلي على الله وبسسسسسسسسسس


وانا من نوعي ماحب الزوارات ولاشئ تلاقيني بس اطلع مع زوجي وا عند اهلي وقاعده بيت حمولتي

ولاماحب الاحتكاكات واروح ازور احد من عمري حتى قبل لااتزوج كل بالبيت

وان رحت بس بيت خوالي


يعني حتى لو اسمع اطنش لان دايم ادري انهم يسألون عنييقولون هاا ماحملت


وانا اطنش اقول للحين للحين ماالله كتب والله الرزااااااااااااااااااق

 

[جولينار]

ضيفة سعوديه ,, جميلة وانيقه

قولو اميـــــــــــــــــــــــــــــن

عسى مايقبل عليــــــــــــــــنا رمضان الا واحنا حوامل اميــــــــــــــن يارب العالمين

 

[ملكه الحطب]

اميييييييييييييييييييييييييييييين يااااااااااااااااااااااااااارب

والحمد الله على كل حال

 

[sara_77]

اللي تحمل وماتقولي ,, واذا جا طاري الحمل او وحده حملت الكل يطالعني << بيشوفون ردت فعلي



اف فففف هالشعورر مليق صح كلامج ينرفزززز يخلونج تحطين فى بالج غصب ولا يتسساسرون جدامج وانتى سامعه كل شى "" قمة الملاقه ""

 

[sara_77]

فضفضي ياقلبي وقولي انا مثلك لي اربع سنوات ما ربي رزقني كنت اتعب والحين الحمدلله تطنيش في تطنيش مع ان السبب من زوجي لكن احسه كانه مني صرت اللي تطقها بوجهي وتقولي للحين واشفيك واحملي اقولها والله الليله اكلم زوجي بالموضوع واقوله فلانه تقول احملي الحين ولا يهمك طلباتك اوامر واخلي وجهها يطيح وتلقطه بعد ولا يهمني مشاعر احد ولا شيء
خليك واثقه من نفسك والاطفال مو كل شيء بالدنيا يمكن يجونا عاقين او معاقين لكن هذي خيرة من رب العالمين والحمدلله على كل حال

الله يرزقك ويرزقني ويرق كل محرومه ياقلبي

اى والله زين تسوين فيهم انا قمت اسوى نفسى مااسمع لما يكلمونى عن الحمل يشوفون وحده حامل انشالله انتى بعد مثلها شنو شالسالفه سباق اهوا ولا تقليد اسوى نفسى مااسمع مالى خلق مغثه والله

 

[برميت]

عادي يا قلبي
اخذي الكلام و قطيه بالبحر

قوليله باجر اشتري البيبي من سوبر ماركت
ما يدرون ان هذا امر ربي ..استغفر الله

 

[سيدة الانتظار]

الله يعينج اختي ،، حالي من حالج عاد انا متزوجة فوق العشر سنين وتخيلي لين الحين ما ملوا من كلامهم ونغزاتهم
بس ما اقول الا الله يعطينا جميعنا ويعوضنا خير


هالفترة نفسيتي تحت الصفر بسبة كلامهم واعصابي تعبانه بس الحمد لله لى كل حال

ربي لا تذرني فردا وانت خير الوارثين

 

[غيـ الناس ـر]

بنات صدقوني .. النااس ما تسكت ,, تأخرت بالحمل حالي من حالكم ونظرات الناس ونغزاتهم وعقب ما حملت ها شنو فيج ولد وله بنت وان قلتي ولد قالو لاااا حلاته بنت تترس عليج البيت واذا قلتي بنت قالولج لاااااااااااا لازم ولد يشيل اسم العايله


وناطره حجي الناس عقب ما اولد


صدقيني الناس ما تسكت فانتي تررفعي عنهم الله ولا يهمونج انا كنت احقر اللي يكلمني عن الحمل وله اقعد اتبووسم


وياااااااارب ما يمر رمضان الا وانتو كلكم حوامل يا رب

 

[جولينار]

اللي تحمل وماتقولي ,, واذا جا طاري الحمل او وحده حملت الكل يطالعني << بيشوفون ردت فعلي



اف فففف هالشعورر مليق صح كلامج ينرفزززز يخلونج تحطين فى بالج غصب ولا يتسساسرون جدامج وانتى سامعه كل شى "" قمة الملاقه ""

سارهـ شتقولين بعد عقليات متخلفه وربي

الله يرزقنا جميع

يسلمو ع المور

 

[جولينار]

عادي يا قلبي
اخذي الكلام و قطيه بالبحر

قوليله باجر اشتري البيبي من سوبر ماركت
ما يدرون ان هذا امر ربي ..استغفر الله

صادقه برميت المفروض لارحنا الجمعات تصير اذن من طين واذن عجين

اريح لنا ,, فعلا ربي الرزاق ومثل ماعطاكم نعمة ال؟أطفال عطانا نعم واجد << له الحمد والمنه

يسلمو ع المرور

 

[جولينار]

الله يعينج اختي ،، حالي من حالج عاد انا متزوجة فوق العشر سنين وتخيلي لين الحين ما ملوا من كلامهم ونغزاتهم
بس ما اقول الا الله يعطينا جميعنا ويعوضنا خير


هالفترة نفسيتي تحت الصفر بسبة كلامهم واعصابي تعبانه بس الحمد لله لى كل حال

ربي لا تذرني فردا وانت خير الوارثين

الله يرزقك بثلاث توائم قولي امين << مثل اللي ابغاهم

تكفين لاتتكدرين وتتعب نفسيتك ترى الدنيا بهم والا بغم ماشيه ماشيه لا تكدرين نفسك بالعكس شوفي كل شي ايجابي بحياتك

واحمدي ربك على كل حال ولازم تتأكدين كل ماضاق بك الحال اكثر معناها الفرج قريييييييييييييييييييييييييييييييييييب

 

[جولينار]

بنات صدقوني .. النااس ما تسكت ,, تأخرت بالحمل حالي من حالكم ونظرات الناس ونغزاتهم وعقب ما حملت ها شنو فيج ولد وله بنت وان قلتي ولد قالو لاااا حلاته بنت تترس عليج البيت واذا قلتي بنت قالولج لاااااااااااا لازم ولد يشيل اسم العايله


وناطره حجي الناس عقب ما اولد


صدقيني الناس ما تسكت فانتي تررفعي عنهم الله ولا يهمونج انا كنت احقر اللي يكلمني عن الحمل وله اقعد اتبووسم


وياااااااارب ما يمر رمضان الا وانتو كلكم حوامل يا رب

الله يتمم حملك على خير ويقومك بالسلامه

وبالنسبه لدعائك اااااااااااااااااامين مايجي رمضان الا واحنا حوامل الله يسمع منك

 

[انثى استثناء]

و الله ما ادري انا احس ان الي يصير معاج و الله مثلي طبق الاصل و حتى شخصيتج مثلي يعني بالتعامل مع اي موقف


انا بعد اكشخ و اسافر و اعيش حياتي يعني الله ما كتب انا شسوي اقعد اتكدر بس انت صارلج 4 سنين و انا 3 سنين

الله ما يدخلج بالخامسه الا و انت حامل

 

[ما في مثلهااا]

اكثروا من الاستغفار


والله الرازق

 

[روعة خيال]

يبه اذا اهتميتي بكلام الناس عمررج ماراح تستانسين هذول حريم يعني لاااااااااااااااااااازم في حجوة يموتون اذا ما طلعوها

مرة في وحدة سألت حماتي قالتلها (متى ناوية الحمال؟؟)

تهقون شنو ردت عليها؟؟

قالت:ليش تسئليني اليهال من ظهر الريال مو من المرة سئلي ريلي!!

البنت قلب وجهها احسسسسسسسسسسن ليش هاللقااافة؟؟

 

[ريحانه33]

الله يرزقك بالذرية الصالحة

 

[فطيرة فراوله]

الله يرزق كل محروم ومحرومه من الضنا يااااااااااااااااااااااارب
انا حالتي كانت مثل حالتكم حبيت اشاركم بسالفتي
من تزوجت وفلانه تحمل وفلانه تولد وانا كل شهر من الحجي احس سجاجين بقلبي وانا المشكله حنونه بزووووود وفيني احساس الامومه فايض لاني من صغري بنات اختي كنت علطول معاهم واشيل فيهم و احط وعقب سنتين حملت وطرحت عقبها بشهر ضاق خلقي عدل
وعقب سنه حملت في بنتي بجري وكان اسعد خبر بالنسبه لي و لزوجي حسيت في هالخبر ارضاء لنفسي ولزوجي اللي مل من كلام كل اللي حوله سواء بقصد ولا بدون قصد
لدرجه كان اي احد يحمل ما يقولون لي يخافون من العين الظاهر
المهم الله تمم علي بعد العلاج اللي استمر 3 سنين ونص ويبت بنتي بجري الحمدلله يااارب يرزقكم مثل ما رزقني وعقب سنتين مثلهم وبعد بعلاج مكثف يبت بنتي الثانيه الحمدلله وعقب شهرين وبدون علاج من ولادتي بنتي الثانيه حملت بدون العلاج فرحت ويبت بنتي الثالثه وبدا التذمر اني يايبه بنت ثالثه وبعدها بسنتين ونص الحيين توني جبت البنت الرابعه طبعا انا و زوجي فرحانين بالبنات كثير كثير الحمدلله دايم نتذكر ايام اللي كنا نبجي فيها عشان ظفر ياهل والحين نتذمر عشان مايالنا ولد؟ ابدا الحمدلله على كل حال بس بعد اللي حولنا سواء من اهلي ولا اهله تحسين من كلامهم ان مو عاجبهم اني يبت الحين 4 بنات الله يخليهم لي
والخلاصه من سالفتي وسامحوني على الاطاله ان الناس ما يعجبهم العجب لا من قبل اللي ما كنت ما اييب ولا من الحين اللي يبت البنات وهذي الدنيا يا قلبي
ولا تضايقون انشالله باذن واحد احد ان ربي يرزقكم بالذريه الصالحه يااااااااارب
وسامحوني عالاطاله

 

[جولينار]

و الله ما ادري انا احس ان الي يصير معاج و الله مثلي طبق الاصل و حتى شخصيتج مثلي يعني بالتعامل مع اي موقف


انا بعد اكشخ و اسافر و اعيش حياتي يعني الله ما كتب انا شسوي اقعد اتكدر بس انت صارلج 4 سنين و انا 3 سنين

الله ما يدخلج بالخامسه الا و انت حامل

اميييييييييين الله يسمع منك ويرزقنا قبل رمضان