قصــة فتاة ضلت عن اهلها في الصحراء ..قديمة جدا
قصة قديمة جدا يقدر عمرها بأكثر من ثلاثمئة عام وهي باختصار شديد
قصة فتاة ضلت عن أهلها في الصحراء وذلك بسبب إنشغال أهلها بمعركة طاحنة وكانت
هذه المعركة جزء من حرب عظيمة دامت سنين طويلة
وكانت هذه الحرب بين قبيلتها وبين شريف مكة آنذاك ..وقد وجدها أحد شيوخ الدواسر أو عقيد
قومهم فأعطاها الأمان وذهب بها إلى أهله.
عاشت هذه الفتاة في كنف قبيلة الدواسر وأحبها ابن الامير ثم تزوجها بالرغم من المعارضة
الشديدة من أمه وكان سبب اعتراضها هو لأن الفتاة إدعت أنها همية ضائعة عندما تم العثور
عليها مقطوعة في الصحراء مستظلة بشجرة كبيرة والتي كانت تصعد عليها اذا ما احست
بالخطر وهي لم تنسب نفسها لقبيلتها ربما خوفا على نفسها أو على قبيلتها...مرت السنون
وانجبت هذه الزوجة الشابة ابنا اسمته سباع وكان سباع
قويا وكان يتضارب مع أبناء عمه ويؤذيهم بسبب كثرة ما يعيرونه بأمه إلى أن اشتكت
الأمهات إلى الشيخ الكبير أبو زوجها بما يفعله سباع فتوجه إلى أم سباع فقال لها كلمة
آلمتها وهي موجودة في الأبيات
واستمر هذا الحال سنين طويلة إلى أن شب سباع وأصبح يغزو مع أبناء عمه فوصل إلى مكان
غريب به أثار قوم وقدور.. ولكن المكان كان خاويا فأخبر أمه بما شاهد ووصف المكان
لها فهلت دموعها وعندما علم عمها ابو زوجها بما بدر منها احتال عليها بحيلة حتى يكشف
مكنونها فكانت النتيجة هذه الأبيات التي تربو إلى السبعين بيت وهي لا تعلم أن عمها يستمع
لها وكانت بداية قصيدتها تحكي عما بدر منها عندما اخبرها سباع عن تلك الديار وعن الكلمة
التي قالها عمها لها والتي اثرت بها.
و الأبيات هي :
يهيضْني ياسبّـاع دارٍ ذكرتهـا
__ ولاعاد منها إلا مواري حيودهـا
سبّاع تبكي أمّك بعيـنٍ ودمعَهَـا
___من عينها يحفي مذاري خدودها
ولكن وقود النارباقصىضميرهـا
___هاضَ الغرام و بيّحَ الله سدُودها
ولكن حجر العيـن فيهـا مليلـة
___ولكن ينهش موقها مع برودهـا
دمعٍ يشـادي قربـةٍ شُوشليّـة
____بعيدٍ معشّاهـا زعُـوجٍ قعودهـا
زِعبيّـةٍ ياعـمّ مانـي هَمـيّـة
___ماني من الليّ هافيـاتٍ جدودهـا
أنامن زِعب وزعب إيلاَ أوْجَهوا
___على الخيل عجْلاتٍ سريعٍ ردودها
أهل سربةٍ لادْبرَت كِنّها مهجّـرة
____وِنْ أقبلت كنَّ الجوازي وُرودهـا
لطاح طايحهم بشوفـي ترايعـوا
_____تقول فهودٍ مخطيـاتٍ صيودْهـا
لصاح صياحٍ بالسّبيب تِفازَعـوا
______عزيِّ لغمرٍ ثبَّـرت بـهْ بلودهـا
لحقوا على مثل القطا يوم وردته
______متغانـمٍ عيـنٍ قـراحٍ برودهـا
خيلٍ تغـذّى للبـلا و المعـارك
___ترهِق صناديد العِدا في طرودهـا
لا تلقحونَ الخيل يا زعب ياهلي
____ترى لقاحَ الخيل يردي جهودهـا
إن جَتْ سماحَ الخـدّ مايلحقـن
____ون جت مع السّنْداء لزومٍ يكودها
جينا الشّريف بديرتِـه وإلتقانـا
____كلّ القبايل جامـعٍ بـه جنودهـا
طَلَبْ علينا الخُورهجمت قصيرنا
_____ مِتمَوّلٍ يبغي حنازيب سودها
يَامَا عطينا دونهـا مـن سبيّـه
___تسعين صفرا إحسابها ومعدودها
تمامها شعيطان خيالـة مهـوّس
____أصايل صنع النّصـارى قيودهـا
اقطـع قبيلـةٍ ضفهـا مايـذرّى
___تشري جمالٍ غطها في بدودهـا
قصيرنا في راس عيطـاً طويلـة
____بحجي ذراها من عواصيف نودها
عيّوا عليهـا لابِتـي واحتمُوهـا
_____بمصقّـلات مِرهِفـاتٍ حدودهـا
حَرَبنا العدى والبنت نشوٍ بهاامها
_____واليوم قده منوةِ العيـن عودهـا
تسعين ليلـة والعرابـا معقّلـة
____شمخ الذراء ومحجزاتٍ عضودها
شقح البكار الليّ زهن الدباديـب
____قامت تضالِع من مثاني زنودهـا
خيـلٍ تناحيهاوتضـرب بالقنـا
_____مثل التهامي يوم أحلى جرودهـا
بنات عميّ كلّهـن شقّـن الخبـا
____بيضِ الترايب ناقضات جعودهـا
على الحنايا ناقضـاتِ الجدايـل
_____سمرِ الذّوايب كاسيـات نهودهـا
وجيهٍ تشـادي مزنـةٍ عقربيّـة
_____أقبل مطرها يوم حنت رعودهـا
منهن نهارَ الهوش تنخَى رجالها
_____ستر العذارى ماحضر من فهودها
لباسةٍ بالهوش للدّرْع والطـاّس
_____وعلى سروج الخيل كودٍ سنودها
مِن صنع داود عليهـم مشالـح
______تجيبه رجالٍ مِن غنايم فهودهـا
يا ماطعنوا من حربـةٍ عولقيّـة
______شلفى تلظى يَشرَب الدّم عودهـا
الليّ ايتموا في يوم تسعين مُهرة
_______مامنهن الليّ ماتلاوي عمودهـا
تسعين مع تسعين والفين فارس
_______تحت صليب الخدّ تطوى لحودها
تسعين منهن بين ابويه وعزوتي
______وتسعين عنانٍ واللواحي شهودها
قبيلةٍ كـم أذهبـت مِـن قبيلـة
_______لاعدّت الجودات ينعـدّ جُودهـا
زِعب هُم أهلَ المدح والمجدوالثنا
_____من الربع الخالي للحجاز حدودها
إن أجْنبوا فالصّيد منهـم تحـوّز
______وضيحيها ومن الجوازي عنودها
وِن أشملوا تهـجّ مِنهـم قبايـل
_______ودارٍ يجونه ضدهـم مايرودهـا
لامِن نووا في ديـرةٍ ياهَلونهـا
_______تِقافت الظّعـان عجـلٍ شدودهـا
اركابهـم يـمّ العِـدى مِتعبينهـا
_______بيضَ المحاقب فاتـرات لهودهـا
يَامَاخذوا من ضدّهم مِن غنيمـة
_______ولا صاوُغوه بلطمـةٍ مايعودهـا
بنمرٍ تشـادي للجـراد التهامـي
_____ماتطاوع الحكام من عظم زودهـا
أشوف بالحره ضعـون تقللّـت
_______وابوي حمّاي السرايـا يذودهـا
شفي معه صقر تباريـه عنـدل
________مـرٍّ يباريـه و مـرٍّ يقـودهـا
أنا فتاة الحي بنـت بـن غافـل
______كم مِن فتاةٍ غـرّ فيهـا قعودهـا
شرشوح ذودٍ ضاربٍ له خَريمـة
_____ما ودّك يشوفه بعينـه حسُودهـا
حوّلت من نظوى ورقيت سرحه
______حطّيت رفٍ في مِثانـي فنودهـا
وجوني ركيبٍ ونوّخوا في ذراها
______وشافني عِقيدَ القوم زيزوم قودها
قال انزلي يابنت وانتِ بوجهـي
_______ولا جيته إلاّ بالوثْق من عهُودها
أمرٍ كِتبـه الله وصـار وتكـوّن
______تسبّب علينا من الأَعادي قرودها
بكونٍ شِديـدٍ ماتمنّـاه عـارف
______تعدّه عيالٍ عادها فـي مهودهـا
ذكرت وقتٍ فايتٍ قِـد مضىلهـم
_______ويومٍ علينا من ليالـي سعودهـا
ضوٍّ زمت للمال من غب سريـة
_______وضوٍّ زمّت عيدان الرطىَ وقودها
لكن قرون الصّيد باطراف بيتنـا
______هشيم الغضا يدني لحامي وقودها
تسعين عينا صيدنا فـي عشيّـة
_________وضيحيّة نجعـل دلانـا جلودهـا
قنّاصنا يذهب شريـقٍ وينثنـي
_______ويجيب الجوازي دامياتٍ خدودها
وروّاينا يـروح يـومٍ وينثنـي
_______ويجيب القلاصي لاحقاتٍ حدودها
ومدّادنـا ياخـذ حديـد وينثنـي
______ويجيب الجلادي ضايماتٍ هبودها
وغزّاينا يغـزي حديـد وينثنـي
_______ويجيب العرابا حافـلاتٍ ديودهـا
لنا بيـن حَبْـر وغْرابـا منـزلٍ
________لِهن في زيـن العرابـا قعودهـا
حنّا نزلنا الحـزم تسعيـن ليلـة
______وغلّ الأعادي لاجيٍ في كبودهـا
لامن حجى معنا عليـمٍ ولا ذرى
_______إلاّ شخوص العين قـب نقودهـا
وقليبنـا غزيـرةَ الجـمّ عيلـم
______ما ينشدون صدورهامن ورودها
طوله ثمانٍ مع ثمانٍ مـع أربـع
_______وسطٍ من الصفرا وقبلت نفودهـا
أهل عقلةٍ بحدّ الحاذ من الغضـى
______مادارها الزرّاع يبـذر مدودهـا
ألفيـن بيـتٍ نازليـن جبـاهـا
______والفين بيتٍ بالمظامـي ترودهـا
تخالِفوا في يوم تسعيـن لحيـه
______علشان وقفت أجنبـي إبنفودهـا
دارٍ لِنـا ماهيـب دارٍ لغيـرنـا
_______ماحدّها الرّمله وما ورد عدودهـا
و بعد أن سمع عمها الشيخ قصيدتها علم أنها من قبيلة زعب
و أنها إبنة أحد كبار قبيلة زعب وهو بن غافل
يعطيتس العافيه ولاتعبتي وهذي القصيدة الصحيحة
تهيضْـت ياسبّـاع لدارٍ ذكرتهـا.......ولاعاد منها إلا مواري حيودهـا
سبّاع أمّك تبكـي بعيـنٍ حفيه.......ودموعها تحفي مذاري خدودهـا
ولكن وقود النار باقصى ضميرها .......هاضَ الغرام و بيّحَ الله سدُودهـا
ولكن حجر العيـن فيهـا مليلـة ....... ولكن ينهش موقها من برودهـا
دمـعٍ يشـادي قربـةٍ شُوشليّـة .......بعيدٍ معشّاهـا زعُـوجٍ قعودهـا
زِعبيّـةٍ ياعـمّ مانـي هَفـيـه.......وماني من الليّ هافيـاتٍ جدودهـا
أنامن زِعب وزعب إيلاَ أوْجَهـوا .......على الخيل عجْلاتٍ سريعٍ ردودها
أهل سربةٍ لادْبرَت لكِنّها مهجّـرة.......وِنْ أقبلت كنَّ الجوازي وُرودهـا
لطاح طايحهم شوي ترايعـوا .......تقول فهـودٍ مخطيـاتٍ صيودْهـا
لصاح صياحٍ بالسّبيـب اِفزَعـوا له.......عزيِّ لغمرٍ ثبَّـرت بـهْ بلودهـا
لحقوا على مثل القطا يوم ورد.......متغانـمٍ عيـنٍ قـراحٍ يرودهـا
خيلٍ تغـذّى للبـلا و المعـارك .......ترهِب صناديد العِدا في طرودهـا
لا تلقحونَ الخيل يا زعب ياهلـي .......ترى لقاحَ الخيل يردي جهودهـا
إن جَن سمـاحَ الخـدّ مايلحقـن بكم.......ون جن مع السّنْداء لزومٍ يكودها
جينا الشّريـف بديرتِـه وإلتقانـا.......كلّ القبايل جامـعين جنودهـا
طَلَبْ علينا الخُورهجمت قصيرنا .......مصمل يبغـي حنازيـب سودهـا
يَامَا عطينا دونهـا مـن سبيّـه .......تسعين صفرا حسبها ومعدودهـا
تمامهن شعيطان خيالـة مهـوّس .......أصايل صنع النّصـارى قيودهـا
يقطـع قبيلـةٍ ضفهـا مايـذرّى .......تشدي جمالٍ عظها فـي بدودهـا
قصيرنا في راس عيطـاً طويلـة .......يحجى ذراها من عواصيف نودها
عيّوا عليهـا لابِتـي واحتمُوهـا.......بمصقّـلات مِرهِفـاتٍ حدودهـا
حَرَبنا والبنت نشوٍ بهاامها .......لين استتمت وستوى زين عودهـا
تسعيـن ليلـة والعرابـا معقّلـة .......بشمخ الذراء محجزاتٍ عضودها
شقح البكار الليّ زهن الجنايب.......قامت تضالِع من مثانـي زنودهـا
خيـلٍ تناحي خيل وتضـرب بالقنـا .......مثل التهامي يوم أحلـى جرودهـا
بنات عميّ كلّهـن شقّـن الخبـا.......بيضِ الترايب ناقضات جعودهـا
على الحنايا نقضـن الجدايـل.......سمرِ الذوايب كاسيـات نهودهـا
وجيـهن مثل مزنـةٍ عقربيّـة.......هلت مطرها يوم حنـت رعودهـا
كلن نهارَ الهوش تنخَى رجالهـا.......ستر العذارى بالملاقى اسودها
لباسةٍ للـدّرْع والطـاّس باللقاء....... على سروج الخيل عجل ورودها
مِن صنـع داود عليهـم مشالـح .......تجيبه رجالٍ مِن غنايـم فهودهـا
يا ماطعنوا في حربـةٍ عولقيّـة .......شلف تلظى يَشرَب الـدّم عودهـا
الليّ ايتموا في يوم تسعين مُهـرة.......مامنهن الليّ ماتـلاوي عمودهـا
تسعين مع تسعين والفين فـارس .......تحت صليب الخدّ تطوى لحودهـا
تسعين بين بني عمي وابوي وخوتي .......وتسعين عنانٍ واللواحي شهودهـا
قبيلـةٍ كـم أذهبـت مِـن قبيلـة .......اذا عدّت الجـودات ينعـدّ جُودهـا
زِعب أهلَ المدح والمجد والثنا.......من الربع الخالي الى الحجاز حدودها
إن أجْنبوا للصّيد منهـم تحـوّز .......الربد والوضيحي والجوازي عنودهـا
وِن أشملـوا تهـجّ مِنهـم قبايـل.......ودارٍ يجونـها ضدهـم مايرودهـا
إذا انتوو في ديرة ياصلونها.......تِقافت الظّعـان عجـلٍ شدودهـا
واركابهـم يـمّ العِـدى مِتعبينهـا .......بيضَ المحاقب مقترات لهودها
يَامَاخذوا من ضدّهم مِن غنيمـة .......من ذاق منهم ضربة مايعودهـا
نمرٍ تشـادي للجـراد التهامـي .......ماطاعوا الحكام من عظم كودها
أشوف بالحـره ضعـون تقللّـت.......ابوي حمّـاي السرايـا يقودها
شفي معه صفرا تباريـه عنـدل .......مـرٍّ يباريـها و مـرٍّ يقـودهـا
أنا فتاة الحي بنـت بـن غافـل.......كم مِن فتاةٍ غـرّ فيهـا قعودهـا
شرشوح ذودٍ ضاربٍ له خَريمـة .......ما ودّك يشوفه بعينـه حسُودهـا
حوّلت من نظوى ورقيت سرحـه.......حطّيت لي عش باعلى فنودهـا
جاني ركيبٍ ونوّخوا في ذراها .......وشافني عِقيدَ القوم زيزوم قودهـا
قال حولي يابنت وانتِ بوجهـي .......ولا جيته إلاّ واثقة من عهُودهـا
أمرٍ كِتبـه الله وصـار وتكـوّن .......وسبّب علينا من الأَعادي قرودهـا
بحرب شِديـدٍ ماتمنّـاه عـاقل.......يعده اللي صاغر فـي مهودهـا
ذكرت يوم فايتٍ قِـد مضى لهـم ......ويومٍ علينا مـن ليالـي سعودهـا
ضوٍّ زمت للمال من عقب سريـة .......ضوٍّ زمّت عودان الارطىَ وقودها
لكن قرون الصّيد من خلف بيتنـا.......هشيم الغضا يدني لحامي وقودهـا
تسعين عدد صيدنـا فـي عشيّـة.......وضيحيّة نجعـل دلالنـا جلودهـا
قنّاصنا يروح شريـقٍ وينثنـي .......ويجي بالجوازي دامياتٍ خدودهـا
وروّاينـا يروى بيـومه وينثنـي .......ويجي بالجلادى لاحقاتٍ حدودها
وغزّاينا يروح بيومه وينثنـي .......ويجيب العرابا ضايمتها ديودهـا
لنا بيـن حَبْـر والغرابة منـزلٍ .......نهد في زيـن العرابـا قعودهـا
حنّا نزلنا الحـزم تسعيـن ليلـة .......وغلّ الأعادي لاجيٍ في كبودهـا
ِقليبنـا غزيـرةَ الجـمّ عيـلـم .......ما ينشدون صدورها من ورودهـا
طوله ثمانٍ مع ثمانٍ مـع أربـع .......قبلي واسط في ملاوي نفودهـا
وهي بحد ّ الحاذ من الغضـى.......مادارها الـزرّاع يبـذر مدودهـا
ألفيـن بيـتٍ نازليـن جبـاهـا .......والفين بيتٍ بالمظامـي ترودهـا
تخالِفوا في يـوم تسعيـن لحيـه .......عشـان وقف الأجنبـي في نفودهـا
دارٍ لِنـا ماهيـب دارٍ لغيـرنـا .......تحدّها الرّمله لموارد عدودهـا
وهي القصيدة الصحيحه والقصة الاصح وكثير من القصص المنتشره اليوم فيها اغلاط وسلامتكم... منقول..
