قصتي يمكن غربية,,,بس محتاجه مساعدة انا الزوجة الثالثة,,:(

[سكون الليل]

الله وحده يعينكم على ظروف الحياة وعسى ربي يفرج همكم ويرزقكم من حيث لاتحتسبون

اما بالنسبه للبيت اول شي هل وثيقة البيت طلعت ام مازالت بالاسكان اذا ما زالت حلو يروح زوجك ويسجلكم بالبيت انتي واولادك الي منه وان طلعت الوثيقه باسمه والزوجتين يرفع دعوى سكنا عليهم لك واولاده منك فتروح القضيه للادارة الخبراء لتقسيم البيت للثلاثه والله كريم:eh_s(6):

والله علم

حبيبتي ورقة البيت موجودة عنده وضافني انا وعيالي

وان شاءالله راح اقول له لان حرام عيالي لهم حق بالبيت وال400اللي نقطها بالايجارات احنا اولى فيها

وماكو ايجارات ارخص فيه شقق ضيقه وتسد النفس بس غرفتين وصالة ب270و280دينار

 

[بطوطه9]

بس عيل ما في مشكله تقدرون تسكنون بالبيت بالطيب او بعد رفع دعوى قضائيه ويتقسم البيت على ثلاثه واريح لكم من الايجار

 

[سكون الليل]

بس عيل ما في مشكله تقدرون تسكنون بالبيت بالطيب او بعد رفع دعوى قضائيه ويتقسم البيت على ثلاثه واريح لكم من الايجار

مشكورة حبيبتي

يعني نرفع قضية بالمحكمة

 

[جكورة]

والله ماعنــدي أي فكـرة بس أتوقع يصير يتقســـم البيت على ثلاث زوجـات أو أربع بعـــد ...

والله يفرج عليكم ويوفقــــج إن شاء الله وياه...

 

[عنايد]

اختي في سلفيه مع البيت 25 الف أخذوها ووسعو القسم اللي راح تحكم فيه المحكمه لكم وكان الله غفورا رحيما

الله يعينج

عيالج من زوجج السابق معاج؟؟

 

[سكون الليل]

مشكورين بنات بس شنو الاجراءات اللي ممكن اسويها

 

[سكون الليل]

لا عيالي عند امي

الحضانة عندها لاني تزوجت بس تبين الصج على طول عندي ما استغنى عنهم

 

[روزالكويت]

يعني عيالج الي قبل عشان مايطالب فيهم ابوهم بالحضانه صوريا عند امج بس بالواقع عايشين معاج صح اختى..
عشان جذى انتي متظايقه لان الشقه الصغيره ماتكفيكم
يعني لو انتي وعيالج الاثنين من زوجج الجديد وزوجج اعتقد يكفيكم الصاله والغرفتين..

جربي ترفعين قظيه مشاركه بالسكن والله يفرجها عليج يارب
بس شلون المطلقات الثنتين خذوا البيت والزوجه تطلع برا اي حق يرضى بجذى مايصير حتى لو عندهم عيال مالهم حق يستفردون بالبيت القسمه هي العدل والحق وانتي لج حق حالج حالهم...واصلا اتوقع يخيرونج بالمحكمه لانج على ذمته..

 

[++The DuchesS++]

عسى ربي يفرج عليج انشاء الله
وكل مشكله ولازم لها حل باءذن الله
اوافق اغلبيه البنات الراي
وهو انكم ترفعون قضيه ويقسم البيت
وخلي بابج معزوول كثر ما تقدرين
والله يوفقكم انشاء الله

 

[++The DuchesS++]

عسى ربي يفرج عليج انشاء الله
وكل مشكله ولازم لها حل باءذن الله
اوافق اغلبيه البنات الراي
وهو انكم ترفعون قضيه ويقسم البيت
وخلي بابج معزوول كثر ما تقدرين
والله يوفقكم انشاء الله

 

[طير الحب]

قعدوا الثنتين الاوليات تحت نص بنص ولا فوق احسن

وانتوا تحت عشان طلعت ودخات ريلج ما تصير عليهم

بعد ما يصير عنده بيت وقاعد بايجار

 

[atooma]

حدي احتريت من سالفتج اعيش بايجار وغيري يتهنى بالبيت

شوفي حبيبتي انتي وريلج لكم الحق بالبيت حالكم حال الحريم الثنتين

وانا لو منج اخذ قرض 25000 دينار وابني دور كامل واقط 400 عالقرض ولا اقطها عالايجارات
واللي اعرفه ان لج حق بالبيت واخذيه عن طريق المحكمه وخلو شغلكم بالقانون

وعسى ربي يفرجها عنج ويوسعها عليج

 

[Bent Texas]

اممممممم
اناا اقول ابني دور ثالث بس خليه لج ودخلتج وطلعتج من ورى البيت او بالطرف يعني لا يعتبون عليج ولاتعتبين عليهم .. بس مادري احس انه بيشغلونه لأنه عندج بعيالهم وحوستهم ومشاكلهم

 

[*سوليتير*]

الله يكون بعونج ويفرجها عليج

 

[@Miss Dio@]

تبين رايي
اختي خلج بالجار ابرك لج
اذا صرتي قريبه بيدوخونج بيطرشون اعيالهم وايغارون وحتى ريلج بيننونه بالطلبات

 

[*سكون*]

الله يعينج .. صراحة الوضع وااااايد صعب خصوصا انه عنده عيال من كل وحدة

ما أقول الا الله يفرجها عليكم

 

[قلبي*خضر]

حبيبتي انا مو بعيد عن سالفتج

بس لما اتذكر ان زوجي يحبني ويموت فيني وصاحب اخلاق يهون عندي كل شي

ارضي بالقليل لانك تملكين الكثير

وخلي قلبج خضر

 

[sara bent elkuwait]

هذا بيت عيالة شرعا وقانونا الى يضمهم بعد عينة اللة لا يقولة يعنى مثل مافهمت من كلامك عندة بناات يعنى وين تبينهم يروحون ثانيا انتى مالك حق بالبيت الا اذا اجرتوا او اخذتوا قرض وبعدين حتى لو قسمتوا الببيت واللة راح تتغربلين وتعيشين مشاكل مالها حل اعذرينى يمكن اكون قاسية معاك بالكلام بس هذا لمصلحتك لانك مثل اختى وانتى طلبتى المساعدة وانا بكون صريحة معاك بعدين اختى انتى ماذكرتى شى عن عيالك ووين يكون مصيرهم وهل لهم حق فى بيت ابوهم الاولى0000

 

[@ الرسامة @]

الله يعينج

بس من واقع قرائتي

اللي اعرفه ان الزوج يعطي حق السكن لمطلقاته في البيت اذا كانو من الجنسية الكويتية وعندهم اطفال منه
والحق هذا يسقط اذا كانت المطلقة لها بيت من الشئون
يعني الشئون تعطي بيوت للمطلقات
اذا كانت بموافقتها
او ممكن يسمحون له لظروفه الشخصية

 

[إستبرق]

وي الله يعينج يارب ويوسع عليكم وعلينا
بس رايي تستشيرين محامي احسن لج