قصتي وانا بنت على نيتي

[~ FOOSY ~]

الله يجعله من نصيبج ان شاء الله

 

[A.E]

الله يوفقك

 

[أسيـ(^_^)ـل]

لاتعطلين نصيبك وتعلقين نفسك بوهم

 

[Tutti-Frutti]

الله يجعله من نصيبج اذا كان خير لج
لكن اذا تقدم لج واحد زين وماعليه شي لا ترفضينه ترى الفرصه اذا راحت ما ترد
اسال مجرب ولا تسال طبيب

 

[ترانيم القصيم]

وشوفوا انه رب العالمين مايرد أحد سجدله ولا رفع ايديه (أنا قلت ان كان من نصيبي أشوفه)

لأ ,, ( على الشق الثاني من ردك ) و على فهمك الخاطئ للي صار ,,

شوفي يا قلبي ,, أبي أسولف معك شووي ,, ^_^ ,,

لما دعيتِ الله سبحانه و تعالى في سجودك إنوهـ إذا كان من نصيبك ( تشوفينوهـ من جديد ) و حصل إنك شفتيـه

هذا مهوب معناهـ إنوهـ ربي أجاب دعوتك ( لأن الشاب هذا من نصيبك )

و لا أكبر عقل و لا أقوى منطق يؤيّد هالنقطة ,,

ممكن تكون إجابة الله لدعاءك ( ابتلاء و امتحان ) ,, ما فكّرتِ بهذا الشي ؟

الله يبي يمتحنك و يختبرك لحتى يشوفك تثبتيـن لما تشوفيـنوهـ و إلا تلحقين وراهـ و تدوسين كرامتك و تقتلين عفافك و تريقين الحياء من وجهك ؟

إن الله إذا أحب عبدًا ابتلاهـ ,, فقد يكون ما مررتِ به ابتلاءًا ,,

ذكرتيني بوحدة دعت دعاء ( موقفها شبيه بموقفك )

اتصلت على المفسر ( وسيم يوسف ) في برنامح تفسير الرؤى آللي يجي على قناة نور دبي

اتصلت عليه و قالت :

يا شيخ أنا دعوت الله إنّ يُريني زوجي في المنام , علمًا بأني عزباء و أتمنى من كل قلبي أن أتزوّج

و بعد أن دعوت الله :

( يا رب إني أسألك أن تُريني زوجي في المنام ) << و الظاهر إنها دعت بهذا الدعاء في وقت نزول مطر مانيب متأكدة والله

نمت فرأيت أنّ أحد الأشخاص أمسك بي و قبّلني و قيل لي ( أنّ هذا زوجك ) !

و هذا الشخص ليست بيني و بينه أي علاقة إلا أنّني أعرف هويّته !

>> تدرين وش قال لها الشيخ ؟

قال لها :

هذا الشيطان دخل عليك في المنام و صوّر لك هذي الرؤيـا حتّى تُفتنين بهذا الشاب ..

و إلا السالفة غير صحيحة , الشيطان عارف آيش آللي يدور في خواطرك و خلجاتك و على هذا الأساس يوسوس لك ( يقعد لك في كل مرصد )

فـ استغل دعاؤك الذي دعوتِ به في المنام لكي يفتنك بذلك الشاب ,, و ليس ما رأيته كان رؤيا صالحة و إنما رؤيا من الشيطان لـ يفتنك بذلك الشاب !

عرفتن يا بنات وش هي مداخل الشيطان ؟ حتى في الرؤى !!

أنتِ الحين دخلتِ في متاهة أو بالأصح ( دوامة عذاب ) .. و صرتِ تفكرين فيه و موضوعه مشغلك

و ما تدرين إذا بتتزوجيـنه و يبي يكون من نصيبك و إلا بس كذا ,, مجرد إعجاب من قبله و ( حركات فضاوة آللي الكل عارفها )

يا قلبي أحيي فيك مبادءك , و رفضك للعلاقة المحرمة ,, الله يرفع قدرك دنيا و الآخرة

و تأكدي إن قدر العفيفة الصالحة عند الله عظيم , و إنّك إذا صبرتِ عن الحرام بتلاقين بحياتك نقطة انقلابيّة

تقلب الحزن فرح , و الفقر غنى .. شوفي الله سبحانه و تعالى أيش يقول :

{ مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وّلنجزينّهم أجرهم بأحسن ما كانوا يعملون }

و لـ نجزينهم أجرهم بأحسن ما كانوا يعملون ..

هذا كلام الله سبحانه و تعالى ,, فـ احرصي على نفسك , و ابتعدي عن أسباب السقوط في الحرام

ابتعدي عمّا يؤجج هذهـ العاطفة , حاولي بقدر الإمكان إنك تتجاهلين وجودهـ و تغضين البصر عنه

و ما تفكرين فيه , اعتبريه شيطان , لا جاء على بالك قولي ( أعوذ بالله ) أنا بنت عفيفة شريفة محافظة ما أفكر بشاب

و من هالشاب حتى أفكر فيه ! لاهوب أخوي و لا أبوي و لاهوب من محارمي , لو أمي تدري إنّي أفكر بشاب و شاغل بالي , هل بترضى ؟

هل أخواني يبون يرضون ؟ أكيد أهلي ما رضوا لي بالوظيفة إلا لغرض واحد ألا و هو غرض الحصول على مدخول شهري

ما رضوا لي أتوظف عشان حب و إعجاب و سخافة و أنزل راسهم في الأرض بعدين

صح ؟ << أنتِ فكري بكذا و قولي هذا الكلام من كل قلبك ..

حافظي على طهارته قد ما تقدريـن , و بتشوفين أجرك و مكافأة الله لك كيف بتكون , :ggdw:

و قد يحبس الله عنـا تحقيق دعاؤنا لذنب نحن نرتكبه , يعني لو حدث إنك تماديتِ و كلمتِ هالشاب ,

ممكن ربي يعاقبك و يمنع زواجك منه ,, ليه لأ ؟

فلا تحبسي عنك النعم بالمعصية ,

أنا أعطيك الأسباب و أنثرها أمام عيونك , و الأمر راجعن لك يا الغاليـة ,,

و إذا كان الشاب من نصيبك راح تآخذينه لو إنك في قعر حجرك أو في مكان نائي معزول عن الناس

يعني ما يحتاج تسلك أي بنت علاقة محرّمة و تدمر عرضها و تغضب ربها عشان تتزوّج ..

احترامي و تقديري

ترانيم القصيم

 

[m6m6m6]

السلام عليكم حبيبتي انا باقولك عن تجربه اما انصحج اتسوينها او لا كانت عندي صديقه حبت شاب مايدري عنهاقامت قالت حق صديقتها قولي له ان في وحده تحبك وتبيك بالحلال ورد عليها ابي اشوفها واتفقو علي مكان وشافها وحبها وتزوجو وللعلم هو رجل ذكي وناجح بس النصيب واخيرا الله يوفقك

 

[دلووووعة نجد]

ما شاء الله شكلتس ثقيله
بس نصيحه لا تتصلين عليه و اثقلي واذا صحيح يبيتس بيجي يخطبتس
و واضح عليه يحب الثقيله و الدليل انتي اللي عطاتس اهتمامه من بين البنات اللي ميتين عليه
وبس ان شاء الله البنات يفيدونتس اكثر

 

[ترانيم القصيم]

السلام عليكم حبيبتي انا باقولك عن تجربه اما انصحج اتسوينها او لا كانت عندي صديقه حبت شاب مايدري عنهاقامت قالت حق صديقتها قولي له ان في وحده تحبك وتبيك بالحلال ورد عليها ابي اشوفها واتفقو علي مكان وشافها وحبها وتزوجو وللعلم هو رجل ذكي وناجح بس النصيب واخيرا الله يوفقك

تقدرين تقولين إنها ضربة حظ ,, و مهوب شرط إن ذا الطريقة نفعت مع وحدة من البنات يعني تبي تنفع مع كل البنات ^_^

شوفي يا قلبي ,, ردّات الفعل متباينة و على الغالب تنتهي بالفشل و بصورة تكسر الوجه ,,

ذكرتيني بوحدة هنـا في القسم ذا حطت مشكلة ,, تقول إنها تحب ولد خالتها ( شوفي يعني من لحمها و دمها )

و أرسلت له ع جواله و صارحته ,,

راح رد عليها و فشّلها و أعطاها على راسها .. باختصار شديد ( طاحت من عينه ) ..

احترامي و تقديري

ترانيم القصيم

 

[مارياq8]

الله يثبتج على اللي طاعته
والله يكتبه من نصيبج اذا كان يصلحلج

 

[proud(2B)me]

الله يكتب لج اللي فيه الخير ان شاء الله

 

[مملوحه الكويت20]

ماشاء الله علييج (ترانيم القصيم) كلامج درر :eh_s(7):,,ياريت عندي إخت مثلج أو بنت عم او بنت خاله .​

والله انا فكرت يمكن يكون (إختبار) من صدفه 2 ,,وانا يوم قلت ​

حق امي أني شفته بأفنيوز وشفته مرة 2 بماك قالتلي ​

مستحييل صدفه, وقامت تمنعني أطلع بسيارة ,ونظرتها تغيرت ​

علي واسلوبها قامت تكلمني بجفاف ,,​

ونسيت أقولكم انا ماعندي إخت أقولها اكبر مني وأثق فيها ,أو​

حتى بنات عم او بنات خاله الصراحه كله ينصحون ​

بالغلط ,عندي وحده من رفيجاتي موبس رفيجه اهي أختي ​

بختصار( نصفي ثاني) بس تغيرت علي 180 درجه ,,معنها ​

تعرفني حييييل ,,وتدري اني مراح اجازف وتعدى الخط الأحمر .​

بالنسبه لm6m6m6 مشكورة على ردج لي موضوعي بس لوتخلى الدنيا من رياييل ومايبقى إلا اهوا ماأجازف ,,وين قاعدين بنت العايله إلي أهلها مربينها ماتسويها ,,أقولج أيها أنا كنت بدق والله خلاص بدق وكنت متوقعه كل شي منه توقعت يقولي:
1.أنا خاطب .
2.انا أحب وحده 2.
3.توقعت يقولي صدمتيني فيج .
4.أنا ماعندي مشاعرج صوبج,مجرد إعجاب .​

وحتى فكرت لي خطبني بعد جم سنه راح يقولولي أنتي الي أخترتيني مو انا ,,ويقعد يعايرني ,,حتى نظرته التغير علي.​

والله يابنات اليوم معاي بالمعهد أدرس لغه دش واحد والله والله والله يشبها بس هذا أضعف منه ,,حسيت بضعف موطبيعي داخلي ,,وشوفو الشيطان بليس أعوذ بالله منه تذكرت أيامه ونظراته وصوته وكل شي ,,بس تعوذت من بليس قلت (ضعف مومن صفاتي )​

والله ماجذب عليكم اي احبه وأدري هذا الطريج غلط ,وأدري أنه ربي مايرضى على هالشي ,ربي يعلم شنهو نيتي ويعلم ربي اني مابي أسوي الغلط واني محافظه على روحي الحمدالله نعمه كبيره اللهم لك الحمد .
ومشكووووووووووووورين كلكم والله ينولكم مرادكم :yaaaaaarb:​