قصتي مع شد البطن والظهر

[ريم الهاجري]

السلام عليكم ورحمة الله وبركاته

كيفكم بنات ان شاء الله تمام وكل عام وانتم بخير

بدش بالموضوع عالطوول

بنات انا رحت حق الدكتور ايمن حلمي بعيادة الاستشاريون بالرياض مدحوه لي بشكل مو طبيعي

قالولي حده شاطر بالشفط والشد والنحت فنان بمعنى الكلمه المهم كلمت الوالده الله يطول بعمرها

البدايه عارضتني وقلتلها طالعي هالكرش شلون قايل بكره لاتزوجت بكرهني زوجي من هالكرش حده يخرع

المهم وافقت تروح وياي اتصلت بالمركز وخذيت رقم سكرتيرة الدكتور واتصلت فيها وخذيت موعد

ورحت بنفس الموعد زرت الدكتور وريته بطني ويديني واماكن الترهل عندي

شاف البطن وقالي يبغالج شد بطن مع الظهر يعني العمليه بتكون حزام قلتله مو مشكله المهم افتك من الكرش

امي طفتها الخرعه قالت لا ومالا واخيرا اقتنعت وبسويها

المهم يابنات انا تعرفت على وحده بالمركز كانت توها بتسويها وقلتلها ودي اشوفج بعد العمليه قالت انزين ماعندي مانع لاسويتها

قلتلج وخذيت رقمها عشان اشوف جرح الدكتور وايده كيف المهم جاء شهر 8 ورحت حق الرياض عشان احدد العمليه

واشوف جرح البنت يابنات الجرح وايد مرتب ومابان وكانها شدت شجعتني يوم شفت جرحها والنتيجه

دخلت حق الدكتور وحددت العمليه 1-10من الشهر الجاي طبعا انا مو متزوجه وقلت حق الدكتور لاتشدلي العضل اخاف من

الحمل بعدين ييصيبه فتاق بنات هالفتره انخطبت وخطبتي بتتم ان شاء الله وخاف يحطون العرس بشهر واحد وانا بسوي

العمليه الشهر الجاي كلش خايفه من هالموضوع غير كذا بنات الي سوت العمليه كم احتجتوا وقت وتعافيتوا غير جذي

درنق السوائل كم جلس فيكم وكم ساعه جلستوا بغرفة العمليات وبشنو تنصحوني ؟؟؟؟

اي معلومه عن الدكتور او عن كم بنقص وكم بزيد واي استفسار انا جاهزه

 

[ii DareeN ii]

الله يوفقج ان شاء الله وان شاء الله البنات يردون عليج

 

[كويتية بكل فخر]

عسى ربي يوفقك وتتزوجين وتشلين هالكرش والترهلات السايحة يحليلك :cxxxp:

 

[HASSOS]

اللة يوفقج انشالله بس ترى مكان الجرح راح يبين وراح يدري زوجج انج مسوية شد وبعدين انتي راح تتزوجين ووراج حمالة يعني حسافة كل هالتعب والفلوس والعملية اذا سويتيها عالاقل سنتين ماتحملين انا اقول تركدي وسوي رجيم ورياضة وانشالله لا حملتي وولدتي سويها واستانسي والامر متروك لج والله يوفقج وطمنينا عليج

 

[عرموشة]

اختى بكم قال لج الدكتور علي العمليه

 

[مساء مونترو]

موفقة..

 

[حناينq8]

بعد عمليه الشد لازم ما تحملين الا عقب 6 شهور

انصحج فيها عقب الحمل والولاده لانج راح تنصدمين بترهلات ومناظر ثانيه يديده عليج

 

[فوفو22]

انا سويتها ولله الحمد

بس انتي بنت

يعني الجرح صحيح تجميلي ولكن واضح للزوج

ولونه بالبداية عنابي ويخف ويصير بني

ويخف ويصير بيج غامق وانا بهالمرحلة

الشفط حلو والشد احلى ولكن

ااشلون عن الحمل

بالنسبة لي ولله الحمد جبت كل عيالي وبعدين سويتها

سويت شفط وشد للبطن والجوانب ب 1400

والزنود ب 800 ولكن فاشله لان مكان الخياط ولو انه تجميلي ولكن واضح وضوح الشمس

تمارسين حياتك طبيعية بعد 10 ايام

اما الطلعات والمشاوير قدرت بعد 3 اسابيع

واتمنى لج مرحلة حلوه بحياتج

 

[أمــ القنــااص]

انا اقول لاتستعجلين توج بنت وحاولى بالرجيم والرياضه احسن من العمليات؛؛؛
وباجر لتزوجتى راح اتجملين وتشوفين الهوايل والخرايط فى منطقة البطن؛؛؛؛
وبتروحين اتسوين عمليه فاحسن خلق على الرجيم والرياضه وبعد الحمل والعيال متلاحقين خير؛؛؛؛
هالدكاتره موجودين ماراح يطيرون واكثر من الهم على القلب؛؛؛

 

[أمــ القنــااص]

ماعليه طوفواااا انواع البدليات من تأثير الصيام هههههههههههههههههههههههه

 

[* ليــــدي *]

حياتي سوي رجيم بالمساج يرتب الجسم وممتاز

 

[نسمه بارده]

اختي دامج بنت سوي ريجيم ولاماسج تنحيفي احسن لج
لان باجر وراج حمل وولاده
مرت اخوي سوتها بس عقب ماوقفت حمل وماشء الله حلو وايد بس تري الاثر باين رغم انه تجيميلي والخياط علي قولته داخلي مادري شنو
لذلك فكري وايد قبل لاتسوينها

 

[ريم الهاجري]

بنااااااات جزاكم الله خير على النصحيه بس يابنات انا خلاص نحفت وصلت 70 ووزني المثالي

وهذي ترهلات عجزت كلش تروح حاااولت بالرياضه وبكل شي ماكووو فايده واخر حلولي كانت العمليه

وانا ادري بتجيني بلاوي بعد الحمال بس شنوو اسووي مظطره والله:0bee2e8d89:

الاخت الي سالت عن السعر الدكتور قالي 40الف ريال سعودي العمليه

وقال المستشفى بكلفج حدود 5الالاف ريال سعودي

بس انا شفت شغل هالدكتور وايد مرتب غير كذا اهو ماراح يشدلي العضل وايد بعطي فرصه حق الحمال

 

[ريم الهاجري]

فوفوو ياقلبي تصدقين كلش خايفه من سالفة متى اتعافى عاد خبرج الجهاز والمشاوير حق العرس

والتنقل بين الكويت والسعوديه وايد متعبه

طمنتي الله يطمنج يعني ثلاث اسابيع وارد حق دوامي طبيعي وابدا اشوف نفسي

 

[لاباس ياقلبي]

انا مع البنات ......... انت لسى بنوته............ فكري في الحمل ... اخاف يضرك.........

اولاً واخيراً ............استـــــــــــــــــــــــــــــــــخيري ثـــــــــــم قرري

 

[dectora 7elwa]

استخيري

 

[نوره95]

نصيحه لاتسويت شد أكتفي بالشفط بس لان اخاف يأثر على الحمل وتمدد الجاهل

 

[MN.collection]

الحمدلله على سلامتك

 

[ثلجة ساخنة]

نصيحه لا تسوين ,خليك على المساج,العمليات لها اضرار,هذا رايي اخاف تندمين.

 

[$نرجس$]

ديري بالج انتي وراج زواج وحمال وشد البطن يبيلة على الاقل سنتين عشان تحملين انا مع عمليات شد البطن لان في وحدة انعرفها متينة ويوم سوت رجيم بطنها كان رعب حيل مترهل ويوم سوتها صارت غزال بس ماكان وراها زواج بعد خمس اسنين جاها نصيبها اما انتي وراج زواج وهذا الي لازم اتفكرين فيه