قصتي مع دكتورة لكشمي بدار الشفا

[تدلل حبيبي]

"السلام عليكم
شلونكم يا حلوات يا كتكوتات
الله يسلمكم انا كنت حامل بشهرين ونص تقريبا ومن قبل اسبوع جذي لاحظت ان قام ينزل علي قطرات بنيه !!!
عشان جذي قلت اروح دار الشفا عشان اتطمن
ورحت وبالصدفه كان يوم الجمعه وماكو غير دكتورة لكشمي
دخلت عليها وانا مختبصه اشرحلها حالتي والا تزفني
انزين شكو تزفييييييين بطت جبدي
المهم بلعتها وسكت عشان كنت مظطره ماكو غيرها
تقولي شكو يايه انا مو قتلج لا تيين لما يصير عندج نزيف

انزين انا بفهم شغله مو المفروض اللي عندها بوادر نزيف يعطونها شي يساعد على عدم نزول الدم ؟؟
جان تقول يالله ماما روحي وبعد 10 يوم تعالي !! واذا نزل عليج دم نفس دورة تعالي

رجعت البيت وانا منغثه منها وكله كنت منسدحه لمدة 3 ايام والا الاحظ الدم بدا يزيد ويزيد

وصار اكثر من الدورة بوايد
نطرت لما الاربعا قلت يمكن يخف لا والله كل يوم يزيد اكثر
المهم قلت امري لله خل اروح حق الدعله مره ثانيه
رحتلها والا تطردني تقولي انا مو قتلج لا تيين
قتلها اوكي بس انا تعبانه وايد دكتورة شفيج انتي
تقول ماما ما صار 10 يوم الله بعد 10 يوم تعالي
قتلها اوكي يمكن بعد 10 يوم انا راح اموت لان الحين 3 ايام انا انزف اكثر من الدورة ما بقى فيني دم
احس كله دايخه وبطيح يعني كل هاذا فيني و ما اييلج شنو انا دافعه افلوس ترى مو طالبه شي اببلاش
جان تنصدم تقول نزيف !!
اشوف كوتكس اهي شافت الكوتكس اختبصت
جان تصير حبوبه معاي وتقول لا تبجين ميخالف حتى لو بيبي طاح انشالله يصير بيبي ثاني
اقولها انا ما قاعده ابجي عشان البيبي طاح ابجي لاني تعبانه تعباااااانه
وحولتني سونار دقيق تحت بالسرداب عند دكتورة سلام تهببببل اخلاقها مشالله :33_1185028183:
والا تقولي اجهاض

هذي قصتي مع دكتوره لكشمي الله يسامحها
سوري اذا طولتت عليكم بس من حر مافيني والله
والحين ابي دعواتكم لي بالذرية الصالحة ​

​

[/SIZE]

 

[~ الــــزيــــن ~]

الله يرزقج يارب الذريه الصالحه


صراحه ارفعت ضغطي شنو هالدكتورة ليش جذي انزف وتقول تعالي بعد 10ايام شهالدكاترة

 

[عمر السنين]

شهالدكتورة و شكو ماكو غيرها

الله ما كثر الاطباء من زين اسلوبها

عالعموم الله يعوضج باللي افضل منه

 

[تدلل حبيبي]

الزين
مشكورة عالدعوة الحلوة

عمر السنين
كان يوم الجمعه ومافي غيرها
بكل المستشفيات يوم الجمعه عندهم جذي تقشف دكاترة الغالبيه الجمعه عندهم عطله
مشكورييين عالمرووور ​

 

[Miss-_-Fl0wer]

لو انا امنج جان خليتها تولي ورحت حق دكتورة ثانية
بس الله كريم واعوضج انشالله*

 

[قلبي سلومي]

الله يعوضج
والمفروض تروحين لمستشفى ثاني
على طول
بس كتبة الله

 

[lona28]

الله يعوضج انشاله شنو هادكتوره على الاقل جان حاولت تعطيج مثبت حمل

 

[انامل كويتيه]

الله يعوضج حبيبتي

لكشمي عرفتها قطيعه نفييييييييييسه ما ادري على شنو

وموقفها كلش مو شي معاج حلاته مشتكيه عليها

 

[Ms.Roon]

عاد خالتي ام ريلي شكثر مدحتها تقول وايد زينه كانت رايحت لها حق التهابات

انا حامل شهرين منوو احسن دكتوره بدار الشفا لانه الصراحة الحكومه حده ملاقه بس كل اشوي تحليل بول ذبحوني

 

[ام آمنه]

الله يعوضك ياعمري بس انتي عليك صبر ياحظك كيف صبرتي عليها كان رحتى حق دكتورة غير انا بحملي الاول صار معاي نفس الشي رحت للدكتورة والله اخلاقها عاالية هو كان الدم ينزل مني شوي على طول عطتني حبوب لثتبيت وابرتين اضربهم خلال اسبوع والحمدلله ماطاح البيبي الله يرزقك بالذرية الصالحة

 

[وردة الكاميليا]

الله يعوض عليج الخيرة فيما اختاره رب العالمين

 

[" سراب "]

الله يعوضك .. وانشالله انه فيـــة خيرة لك ..

 

[ملح بدويه]

الله يعوضج يارب

 

[طير يحب سجانه]

الله يعوضج حبيبتي

دكاتر اخر زمن

 

[طير يحب سجانه]

الله يعوضج حبيبتي

دكاتر اخر زمن:33_1185028183:

 

[ام طلال]

ممنوع التشهير بالاطباء

 

[Om_Ksha]

الله يعوضج خيييييير .. مو تشهير هالشي واقع وصار معاها ..

 

[خليفة العظماء]

ميخالف حبيبتي خيره ماتدرين وربي يعوضج بالأحسن
بس اذا كان نزيف لو نقطه على الاقل تعطيج مثبت حمل شئ لأن الدم موزين على الحامل وخليها تولي
ومره ثانيه الله لايقول لو تعبتي واحد قال لج هالحجي خليه يولي ورحي لدكتور ثاني وين قاعدين دافعه فلوس وتزفين والله لو أنا جان شتكيت
هذي نفس مايجوز على كيفها طرد يالله روح يالله روح خدامه أبوج أنا
والله حرتني الله يعينج بس سبحان الله يمكن خيره ماتدرين

 

[hneen2]

ويييييييييييييييي قطع عاد مارحتي الا هاذي والله يوم كنت ببدايه حملي كثرج دشيت عليها ابي اشيك علي البيبي ولا تقول شنو تشيييك تو النااااااس بنفس خايسه مالها خلق وغصب غصب رضت تسويلي سونار واخر شي حاست بالسونار ورعصت بطنيييييييي حييييييييييييييل والله يابنات قمت اقولها اي اي اي جنها بنتنقم ليش اني اصريت تشيكلي بالسونار بعد ابي اشيك ابي اسمع نبض البيبي يعني كل حامل تبي تطمن

المهم جان تقول ماكو ولالالالالالالا شي الرحم فاضي هااااااااااااااااااا|@@ وقالت تعالي بعد 15 يوم طلعت من عندها مصدووووومه

حدي جان اطير ثاني يوم عند دكتورتي ناهده العلي وقالتلي هذا الجيس وهذا لبيبي وطمنتني

والله بعد لكشمي xxxxxxxxxxxxxxxxxxxxxxxxxx من امه لووووول

 

[Almas_q8]

عسى ربي يعوضج بالذريه الصالحه وماتشوفين شر والحمد الله على سلامتج
ديربالج على صحتج