قصتي مع ام اللي أحبه

[قطوة@@]

لو صج يحبها يتزوجها

امبين يلعب عليها و خلها تشوف نصيبها

 

[ضحية زمن]

اهو رجال شلون أمه تحكم فيه من حقه إنه يتزوج البنت اللي يبيها..
و يقدر يتزوجها بدون ما تدري أمه وبعدين يقول لأمه بموضوع الزواج..و لا يعلقها جذي و الله حرااام ..
ع الأقل يخلي البنت تتزوج إذا لهدرجه أمه متحكمه فيه وماراح تخليه يتزوجها..
انشالله يارب يجمعهم بالحلال واذا مالها نصيب انشالله ربي يعضوها اللي اخير منه
********************************************

 

[fatma aljadi]

ماقول الا الله يحنن قلب امه عليها

 

[alsooor]

تتوكل على الله و تتزوج الدكتور لان ف خيخه

 

[وردة العاشقq8ya]

لا حرام لا تضلموووونه

انا عشت مع وحده قصتها نفس هالقصه

بس بالاخير الام رضت والحين راضيه عنه

بس هم ليلحينها نسره وتتحكم

بس شي احسن من لا شي

 

[AL-LULU]

انشالله الله يحنن امه عليها والله اعرف وحده نفس القصة وبصراحه اصبرت ونالت والحين ام ريلها تحبها

 

[ام عبود الحلو]

حبيبتي صدقيني الحب موكلشي لاتظنين انج اذا خليتيه بتموتين اصلا مبين ان الولد موقد مسؤوليه ومايبيج وحتى لو اخذتيه صدقيني امه ماراح تخليكم بحالكم ولاراح تتهنون وبتنتهون بالطلاق
صلي صلاه استخاره واذا ارتحتي وافقي على اللي خطبج وان شاء الله بيوفقج وباجر تضحكين على نفسج تقولين انا شلون كنت اسمي هذا حب وترا الحب ايي بعد الزواج مومعناته انه اللي مايعرف مرته قبل مايحبها بالعكس اصلا الحب بيكون اقوى لانه انبنا على اساس صحيح

عدل كلامج
وانا من راايي انج تشترين الي شاريج من اهلج مو بالحنه عليه
اربع سنين ولا غير شي شلون لو العمر كله ؟؟؟الي جذى بيكبرج من الهم وما تسوى باجر يعايرج انتى اكبر منى خاصه انه قالها لج عاداتهم وتقالدهم
اشترى راحت بالج بالخطيب الزين وانسيه كفاايه حنه عليه بكلمه يالله ونصيحه لا تخلين عواطفج تاثر عليج وسمعي كلام امج لانها اهي تبي مصلحتج

 

[noisya]

ريال امه تتحكم فيه !! حلاته الريال .. ريال كلمته وحده شسالفه ؟


انا اعرف واحد ولد عايله و كل شي و حلوووووو مشاءااله لما قال ابي وحده و اهوا علاقته زينه ويا اهله و كلشي شافو ان البنت ما تناسبه والله ما خلاهم الا لما رضووو !!

بعد البنت يالله يقدروون عليها و يزوجونهاا غصب ! شسالفه ريال و امه تقوله منو تاخذ الصراحه خل يعاندهاا و ماردهم لبعض و اهوا ريال عادي

بس دام الام ماتبيها بتتعب ياما ناس حبو بعض سنييين بس بالاخير اتطلقوو و السبب الام !!

يعني اوكي انا احب .. بس خلاص اذا الوضع صار معاي اخذ الي شاريني و لان الحب يخلي الواحد يتنازل ساعات و ترى اهيا بتحس بعدين بافرق لان المره تكبر قبل الريال !!

المهم كبري عقلج كلناا نقدر على قلووبنا و اعرف شعوورج بس خلاص ريلج انشاءالله بيعوضج

 

[الفرفورة]

انا بصراحة أأيد إختج خليدة اللي اهيا كويتية فضية واختصرتلج الموضوع وحلتلج اياة

 

[ReMaaas^MLS]

الصراحه انا براي تستخيرين واتشوفين شنو الي راح ترتاحيله وانا اقول اذا اهو للحين جذي مو عارف شنو يبي على باله انتي بعدج صغيره فخليه يولي وشوفي حياتج ترا عادي الحب الي يحب مره راح يحب مره ثانيه خاصة اذا لقيت شخص يعزج وشاريج وانا بنسبه لي الحب مو كل لي شي ماراح اموت اذا ما خذيت واحد يحبني المهم عندي يحترمني ويسويلي حساب.. وترا العمر قاعد يركض وكلام امج صح ومثل ما اهو يسمع كلام امه سمعي كلام امج وانشاء الله بتتوفقين.. ولا تزعلين من كلامي هذا الواقع وكل شي قسمه ونصيب
والله يوفقج

 

[بنوووته21]

حبيبتي رايي انه تزوج اللي طق بابها لانه حتى لو تزوجوا والخاله مو راضيه راح تخرب حياتهم رضا الخاله وايد مهم بالزواج واهي ماتبيهااا ختعيش حياتها احسن لها دام الولد ماعنده كلمه بموضوع مثل جذي عييل متى بتكون له كلمه لانه حياته اهو وشي يخصه اهو ووايد قهرني قال شنو قال امي تقول ماتاخذ وحده مكلمتك ويمكن مكلمه غيرك وهو اشرد عليها شنو مايعرف يرد شكله ماله شخصيه بوجود امه صج يحبها وتحبه بس الحب مو كل شي

حبيبتي ختصلي استخاره وانشالله ترتاح
وما اايد انها تنطر الولد لانها بتنطر وايد وما منه فايده