قصتي مع الملكه رانيا

[دانه بعين رباني]

خووووووووووش موضوع انا اكون في بيت اهلي واذا جا زوجي اكون متسبحه ولابسه بجامه حلوه ومتعطره


ماجربت انفس عند زوجي بس اعتقد راح يكون شكلي حلو وانيق

 

[إنسانه وأكثر]

احقد لما اكتب رد شطوله وينمسح بارد مبرد ههههههههههه


المهم

فوفو مواضيعج عجيبه



بس انا اقولج ان لا تقارنينا بالملكه رانيا

يعني انتي عندج خدامه اهي عندها 16 خدامه و3 ممرضات للبيبي لووووول

يعني ماتوقعها تسهر على بيبي او بينهد حيلها منه طول الليل

وبعدين حلو الوحده تهتم بعمرها بالنفاس بس مو لدرجه تلبس قصير اهم شي الصحه

وترى ادويه الاميرات مو نفس صيدلياتنا

اعرف وحده تقول انها راحت لندن تسأل عن بندول اكسترا الاحمر قالولها هذا مضر بالصحه....... وهني عندنا يصرفونه عادي لا ونلط منه حبتين

يعني اهم ادويتهم خاصه من بره وتحاميلهم غير وكل شي غير فحص شامل من اذونها لي اظافر رجولها اي فيتامين ناقص اي شي غلط يعدلون لها عمرها مو احنا ياحسره ندور بقوقل من عصيده لطريقه البخور للغسولات

واهي اميره يعني وعندها حدث ضروري اكيد بتحضر وتعرف ان كل الكاميرات عليها مو معقوله بتطلع للناس بعنقوص ودلاغات لووووووووووووووول تخيلت شكلها


يختي المنفس لين تطلع من النفاس يقولون لها طالعه من الشر........ النفاس شر وممكن تموت فيه المره اعوذ بالله من ابسط شي

ان رحتي للمستشفى وقلتي لهم فيني سخونه وانا نفاس يختبصون

لان النفاس اي شي يأثر عليها حتى النفسيه.... الانفلونزا العاديه لان اهيه فاقده اشياء بجسمها من الولاده فلازم تقعد فتره شهر عالاقل تعوضها

هههههههههههه ضحكني جزء من ردج حلوه دلاغات وعنقوص
وصح كلامج الوحده لي سلموا عليها قالولها الله يطلعج من باقي شروره

اختي اسمله عليها كانت بتموت والسبه سخونة النفاس
الله يكافينا الشر

وصاحبة الموضوع هذي وجهة نظرج وانتي حره فيها

بس بالنسبه لي صعبه صعبه حتى لو قيصريه انا كملت نفاااسي ليييين اربعين يوم ولله الحمد وعقبها بدعت بالنيو لوك على قولتكم

موفقين

 

[أم^تركي]

وجهه نظر بس شدعوه انا بنفاسي اتسبح اول ما اولد والبس قميصي مرتب قطن ناعم البس ودلاغات طقم وروبي ذرب الحين حتى فاشن مل ينزل اشياء ذربة انا اشتري من كل مكان واستشور شعري وطاقيه بيج او ابيض وملافع الدانتيل او الشيفون ملافع فاتحه انا شفت وحده بنفاس جنها يتموت باجر وريحه صنان على حليب منقع في قطع مالت الرضاعه بالصدلية اهم شي عشان لا طلع الحليب يمتصه في ناس بالنفاس انتي ماتحملين تزورينها تنصرعين سبحان الله الحمدالله الذي عافانا فيما ابتلاهم

 

[أمواج البحر]

برايي المقارنه فاشله

لانها ماراح تسهر ولا تجابل الياهل

ولا ترضع ولا تغير بامبرز

وعندها جيش خدم وحشم

وبعدين انا تنفست في بيتي عند ريلي وعيالي

والحمدلله مرتبه وشعري مرتب ولا تدهنت ولا ربطت راسي

وما مر يوم علي بالنفاس شكلي مو حلو ولا ريحتي خايسه

مو عشان ريلي ... عشان نفسي ونفسيتي اولا

بس مو البس قصير واتكشف

والله لو هوا النفاس يلفح الوالده ببتعذب و ببيدخلها هوا ولا من ريلها ولا من كشختها

وبتقول ليتني اهتميت بعمري

وبعدين اشدعوا ترى الريال يدري ان والده وتعبانه ترى مطلعين ياهل مو ابره

ولاده هذي مو كحه وطلع الياهل يعني مافيها شي لاشاف الريال مرته شكلها تعبان والا مو كاشخه

والحين اصلا ماشاء الله عليهم البنات متعلمات ومثقفات

وتحب تطلع للزوج بأحلى صوره حتى لو بالنفاس

والله يعافي التريننقات و البجايم المرتبه من لاسنزا و اويشو

 

[الكادي 2011]

اني مو كويتيه بس اكو سلبيات واكو ايجابيات

الايجابيات انج معتنيه بنفسج بالاعشاب واهم شي صحتج
السلبيات شدعوه لللاربعين شايلين هم للاربعين وهو حلو انج تطلعين مثل عروس او كانه اول يوم بعيد تجهزين نفسج بعد معاناه تسع اشهر

اني اشوف اهلي مثلا او صديقاتي انه قبل اسبوع من الولاده يرحون صالون يسون نيو لوك عكسكم لان الناس بتزورهم واخاف يقولون عنهم مو حلوات مثلا تحف تشيل الشعر بالشيره تصبغ تشتري بجامات او دشاديش حلوه حتى اهل زوجها او صديقاتها او اقاربها ما ينتقدوها

بس الحلو فكره الحسو والاعشاب كلش عجبتني احنا ماعندها انقرضت ويا جداتنا ان شاء الله اذااصير حامل واولد اسوي هاي الخلطات
واهتم بنفسي بشي بسيط مو مبالغ بي

 

[(m & m)]

برافوووووووووووووووووووووووو عليييييييييييييييييج عيني عليج بارده والله يعافي الملكه رانيا لوووول

 

[om MaRyooM]

والله انج صاجة بكل كلمة يافوفو

وموضوعج حلو ويونس ومفيد بنفس الوقت ..

انا قبل يوم يسولفون عن النفاس كنت اكتاب وانا حامل لأني ناطرة النفاس وناطرة شكلي شلون بيصير !!!

بس اكتشفت ان الحريم مظخمين الموضوع زياااادة !!!!!!!!!!!! اصلا هالفترة بروحها النفسية زفت .. هالمرة بعد شكلي جني عيوز ولابسة من كل قطر اغنية لووول شلون بتصير النفسية اكيد زفت اكثر

عاد والله كنت عادية يوم نفاسي والكل كان ينتقدني وعقب اسبوعين كنت اطلع واروح السوق اتشرى واجهز حق طلعتي والكل ينتقد

بس اكتشفت ان فترة النفاس مع انها صعبة التأقلم .. .بس كافي اولحدة مدلعة روحها عند اهلها وكل يوم ناس طالعة ناس داشة
وتاخذين بريك شوي عن زوجج عشان يتجدد الشوق واللقاء

 

[<miss botamba>]

للحين ماتزوجت بس طول عمري اقول حق امي اذا تزوجت وحملت وولدت

مراح اكل حسو ما حسوت

اقولها شوفي الاجانب ماضرهم واعيالي واهما بو يوووم بحذفه بالبحر والا بحمام السباحه

وبفتر فيه كل مكان حتى جمعيه

اصلن احنا من حرصنا الزايد تلقين لا احنا ولا اليهال فيهم مناعه مثل الاوادم

والا مينونه 40 يوم اقعد مجابله الطوفه !! وريحتي وريحه الياهل حلبه واااي لاااا ما اتخيل حتى

 

[كويتيه وافتخر]

رد : قصتي مع الملكه رانيا

ياماما انا انطر الاربعين نطره علشان ارتاح

لا ابي اكشخ ولا ابي شيء

ابي النظافه بس والكشخه عقب
الله يعافي قمصان الطاهر ذربه اشفيها ولمي شعرج فوق
وحطي اولاي ومرطب شفايف
وريحي نفسج لا استشوار ولاخرابيط

اهم شيء الصحه والعافيه
اعتني فيهم بهالفتره وعقب النيو لوك

 

[ToOoTi]

وجهة نظر حلوة

بس شلون اخلي ماما تقتنع خخخخخخخخ

 

[cute manar]

حلو موضوعج

 

[عهود الحب]

رد : قصتي مع الملكه رانيا

موضوع حلو صح
بس غلط


و غلط يا بنات تقتنعون
الملكة رانيا غير عنا ما نقارن روحنا بوحدة حتى الكحة الناس يراقبونها



النفاس فيه المرة ضعيفة جدا
حتى عقلها ممكن يزر منها


انا سمعت عن وحدة سمعت خبر مو حلو عن زوجها و فقدت عقلها
وكان غشمرة مو صج

و شحلات اشكالنا بالنفاس بكل احوالنا حلوين بدون هتملة
المرتبة مرتبة حتى وهي مريضة
والمهتملة مهتملة لو مافيها الا العافية

 

[ورد]

عاد سالفة هالنفاس الي مو مصدقتها انا ولا مقتنعة فيها ،، خاصة بعد ما جربت

انا ولدت بنتي في امريكا في نص السمستر ،، وكانت ولادتي عادية بدون توسيع ولا شي ،، بس سوت لي غرزتين او ثلاث
وفي طلعتي من المستشفى عطتني الدكتورة ثلاث ادوية وشرحو لي كيف احطهم لروحي ،، وهي عارفة اني اسبوع وبرجع اداوم وكله الي وصتني عليه ولزمت على زوجي ينتبه له اني البس زين عشان لا امرض - كان وقتها عاصفة ثلجية - واسوي تمارين كيجل مو اقل من ٣٠ مرة في اليوم في البداية واظل ازيد الي اقدر عليه ،، ووصتني امشي عشان يرجع بطني

والله والله والله كلام زوجي اني ما تغيرت و صرت احسن من قبل ،، حتى انا حسيت اني تغيرت للاحسن ،، وما خلصت الاربعين اليوم الا وش حلاتي حتى بطني رجع زي ما كان مع انه زوجي كان متوقع اني بتغير وبصير وكاله من غير بواب خاصة انه حظر الولادة بس الحين اكثر من مرة يقول لي ما توقعت ترجعين زي قبل

 

[al-musk]

صاجة والله..عجبني الموضوع

 

[حوريه عسل]

رد : قصتي مع الملكه رانيا



بصراحه انا مو متزوجه بس شدني العنوان
وبصراحه عجبتني طريقه تفكيرج
موبس للحمال حتى في اوقات المرض والامتحانات و غيرها انا تييلي نفس الحاله واهمل نفسي
بس لما شفت غيري هم في المرض والامتحانات يهتمون في نفسهم قلت اهما بشنو احسن مني ! وسويت نفس اللي سوويتيه
رحت الصالون و كشخت حتى نفسيتي صارت مرتاحه ودرجاتي اتهبل

 

[حكستار]

مادري حبيبتي انا رايي غير

انا بصراحة بجاماتي حلوة انقيها نقوة وكل شي يديد مثل ماقلتي من ماركس سبنسر وومن سيكرت واويشو وهالسوالف

يعني الحمدلله شكلي حلو والدلاغات طقم ، كل ماتسبحت سشورت شعري ولا افله بعد ، شواربي مستحيل اربيهم لي عقب الاربعين احفهم بروحي بالخيط ، اذا زاروني الاهل والا ريلي احط

دهن عود يم رقبتي وبودرة الاطفال جونسون ، اللهم الا ريحتي شوية عطبة من هالحسو والحلبة واللهوم

كلش مااحس نفسي مبهذلة

واشدعوة الا اكشخ بهالفترة ، ماادري احس كل فترة لها لبسها وكشختها

لا اصير مبهذلة وشكلي ينحش حتى اليهال ، ولا على سنقة عشرة

وبعدين الريال مسكين شفقان علي ليش اكشخ وايد واهوة المسكين مايقدر يقرب مني !!

مااحب هالشعور له بعد عمري كافي اني بعيدة عنه

وهذي رانيا اهية واجبها جذي تروح وتوجب وتجابل وحبيبتي هذي اذا ردت قصرها

مزهبيلها هالجاكوزي ومالت المساج ناطرتها تمسجها واللي يدهنها يعني اكيد عنايتها بروحها دبلات عنايتنا ، موملكة!

تقبلي رايي بس طريقتج بعرض الموضوع حلوة وتونس

ومبروك ماجبتي ولو انها متأخرة وايد وايد وايد:dddds:

<<<<<< عجبني رايها

 

[حبيبي وبس]

والله موضوعج حلو يافوفو
وانا معاج بكل كلمه

 

[σм 3ℓαωɣ ™]

السلام عليكم


ميزان التفاضل بينا وبين الملكة رانيا خطأ كبير
لسبب بسيط العناية اللي تحصلها تفوق العناية اللي نسويها وإن كانت في صالونات
وبعدين شلون نقارن بينا إحنا المسلمين وبين الكفار في فترة الأربعين ؟؟
هذي فترة طهارة ونقاهه لنا
وانتوا شدراكم ان ما فيهم خراب بأرحامهم ولا !!
لو ما كانوا يعانون من هالمشكله جان ما جفتوا كبريات شركات وماركات التجميل العالمية تنتج منتجات للتضييق وشد البطن ....إلخ
لوما كانوا يعانون من هالمشاكل جان ما جفتي إن الخيانة الزوجية في كل بيت
احنا هني تلقين الخيانات بعدد معين وعلى أنواع ... اللي يزني واللي بس يكلم ويواعد واللي بس يغازل
لكن المجتمع الغربي الخيانات تنخر حياتهم

من جانب ثاني
انتي تونستي وتعدلتي وتكشختي بالأربعين
وحسيتي انج صديقته وزميلته وذي غلط في التعبير
المفروض تقولين آحس أن تونا مخاطيب
وقطيتي ورى ظهرج تخاريف الأربعين
ما بتحسين اليوم ولا باجر ولا ورى سنه ولا ورى سنتين
بتحسينها لين كبرتي في صحتج
اليوم بتأنسينه باجر بتلوعين جبده من كثر الشكاوي إلا ظهري إلا ركبتي إلا رقبتي


يعني تعدلي باعتدال
ولا تتبهدلين
يعني لا إفراط ولا تفريط

لكن ألبس قصير
وعدسات
وتوج اسبوعين
قوية شوي
أنا قيصريه وباقي 5 أيام وأكمل الأربعين وليحين الجرح يعورني ومأزمني

مع إني مومن النوع اللي يتنفس موووووووت
والله ما كلت الحسو في نفاسي هالمره إلا مره وحده
ولا خذت الحلبه ولا الرشاد
وبالعكس أتمنى لوآتنفس بكورس أعشاب

عشان أرجع بعدين وفيني تغيير
و فعلاً زوجي يحس بالفرق


وبالأول والأخير
هوعامل النفسية
ووضع الوحده الصحي

 

[سحابه ممطره]

رد : رد: قصتي مع الملكه رانيا

احقد لما اكتب رد شطوله وينمسح بارد مبرد ههههههههههه


المهم

فوفو مواضيعج عجيبه



بس انا اقولج ان لا تقارنينا بالملكه رانيا

يعني انتي عندج خدامه اهي عندها 16 خدامه و3 ممرضات للبيبي لووووول

يعني ماتوقعها تسهر على بيبي او بينهد حيلها منه طول الليل

وبعدين حلو الوحده تهتم بعمرها بالنفاس بس مو لدرجه تلبس قصير اهم شي الصحه

وترى ادويه الاميرات مو نفس صيدلياتنا

اعرف وحده تقول انها راحت لندن تسأل عن بندول اكسترا الاحمر قالولها هذا مضر بالصحه....... وهني عندنا يصرفونه عادي لا ونلط منه حبتين

يعني اهم ادويتهم خاصه من بره وتحاميلهم غير وكل شي غير فحص شامل من اذونها لي اظافر رجولها اي فيتامين ناقص اي شي غلط يعدلون لها عمرها مو احنا ياحسره ندور بقوقل من عصيده لطريقه البخور للغسولات

واهي اميره يعني وعندها حدث ضروري اكيد بتحضر وتعرف ان كل الكاميرات عليها مو معقوله بتطلع للناس بعنقوص ودلاغات لووووووووووووووول تخيلت شكلها


يختي المنفس لين تطلع من النفاس يقولون لها طالعه من الشر........ النفاس شر وممكن تموت فيه المره اعوذ بالله من ابسط شي

ان رحتي للمستشفى وقلتي لهم فيني سخونه وانا نفاس يختبصون

لان النفاس اي شي يأثر عليها حتى النفسيه.... الانفلونزا العاديه لان اهيه فاقده اشياء بجسمها من الولاده فلازم تقعد فتره شهر عالاقل تعوضها

معاها

 

[انتظر حبه]

رد : قصتي مع الملكه رانيا

ماااادري كلن ورايه
تسلمين عالموضوع