قصتي مع الملكه رانيا

[najdeya]

مادري حبيبتي انا رايي غير

انا بصراحة بجاماتي حلوة انقيها نقوة وكل شي يديد مثل ماقلتي من ماركس سبنسر وومن سيكرت واويشو وهالسوالف

يعني الحمدلله شكلي حلو والدلاغات طقم ، كل ماتسبحت سشورت شعري ولا افله بعد ، شواربي مستحيل اربيهم لي عقب الاربعين احفهم بروحي بالخيط ، اذا زاروني الاهل والا ريلي احط

دهن عود يم رقبتي وبودرة الاطفال جونسون ، اللهم الا ريحتي شوية عطبة من هالحسو والحلبة واللهوم

كلش مااحس نفسي مبهذلة

واشدعوة الا اكشخ بهالفترة ، ماادري احس كل فترة لها لبسها وكشختها

لا اصير مبهذلة وشكلي ينحش حتى اليهال ، ولا على سنقة عشرة

وبعدين الريال مسكين شفقان علي ليش اكشخ وايد واهوة المسكين مايقدر يقرب مني !!

مااحب هالشعور له بعد عمري كافي اني بعيدة عنه

وهذي رانيا اهية واجبها جذي تروح وتوجب وتجابل وحبيبتي هذي اذا ردت قصرها

مزهبيلها هالجاكوزي ومالت المساج ناطرتها تمسجها واللي يدهنها يعني اكيد عنايتها بروحها دبلات عنايتنا ، موملكة!

تقبلي رايي بس طريقتج بعرض الموضوع حلوة وتونس

ومبروك ماجبتي ولو انها متأخرة وايد وايد وايد:dddds:

100% معاها

 

[فوفو22]

موضوع حلو

و اسلوب مشوق

شوفي انا احس الوحد حلاتها تترتب و تصير تشوق مو تتبهذل عى الأخر

بس هم اخش النيو لوك حق طلعتي

يعني لما ايني في بيت اهلي دايما مترتبه و شكلي حلو

بس مو نيو لوك كامل

جربي تولدين ببيتج

ترى يشاركج الزوج ويحن على الياهل اكثر لانه يصير مجابله فتره اطول

 

[لطووف..]

تفكير منطقي ..
بس مو حلوو التكشخ بزوود
بهـ الفترة حلو انج تهتمين بنفسج وبنظافتج

اما الكشخة خليها بعد الاربعين عشان يصير نيوو لووك لوووول

 

[نماين]

حلو موضوعك

زين شجعتك ع التكشخ

بس ما اظن اسوي نفسك اسنع عمري بس بالبيت مو الصالون مثلا لانه الجسم والرحم يحتاجون الى 6 اسابيع عشان يرد وضعه وانا ما احرمهم لووووووول

 

[So0oKaRa]

وانتي الصاجه اشوفهم بلندن عمره يومين تحوس فيه بالسوق بروحها

وترضعه تحت الزرع

وماشاء الله

اشوف ما دخلهم هوا ولا ضرهم الا بالعافية

حلاته الوحده بالاربعين تلبس من هالبجايم الحلوه
او حتى بنطرونات وتيشرتات
مع سشوار ومكياج خفيف وتعطر وتبخر وهالسوالف الطيبه
عشان الريال يستانس وعيوننننننه ما تزوغ مني ولا مناااااااااك
خو البعض يلقاله حجه على بو المره بالاربعين والجسم مدهن بهالزيوت وريحتها ريحه اعشاب وادويه يروح يبصبص بره
اهتموووووو بروحكم حتى بالاربعيييييييين

 

[ياشايل الظبى]

مدرى احنا تربينا على سالفه الاربعين واللبس الطويل والاهتمام بالنفس
والاكل لان هالفتره يبيلها عنايه

 

[DooLy88]

كلامج حلو
الوحدة لازم تتعدل وتكون بيرفكت جدام زوجها

كل شي حق هالزوج !! انسي روحج بس تعدلي له وتصقلي له علشان لايجوف غيرج << ماحب هالحجي
بس موكل شي مرة وحدة - ونفس الشي بعد بيجوفني زميلته على قولتج

ارتب روحي اسوي شعري شي حلو والبس لبس حلو وذرب << كل هالاشيا بتخليه يذوب اصلا بس عقب ال40 هني يبتدي الجد اصبغ والبس القصير واسوي كل شي بزوده :$ ويبرد حرته على النيو لوك ويقول والله صبري 40 يوم وياني شي سنع وعلشان اذا طب علي يطب على شي سربرايزي ويستانس عدل ويكون مشتاق لي واشفي غليله عدل مدل
لازم الوحدة تتفرغ روحها ترا وتاخذ بريك من الاصباغ والتزقرت مو كله له

بعدين على فكرة بس

ترا الامراء والملوك زوجاتهم : يولدون ويقطون البيبي عند المربية
ومستحيل تنام معاه
بهالوقت تروح تحورف بعمرها وتعدل كرشها وتسافر وكل شي
موثلكم تقعدون تربونهم وترضعونهم من صدوركم وتتفرغون لهم << مع ان هالحجي اهو الصح لان دور الام جذي

وهالحجي ترا مايبته من عندي ثنكيووو

اي صح - اسم الله عليكم من العين << مع ان ماجوف ان هالشي وااااااااااايد زين عشان تنحسدون !! بس حاسبو على عمركم شوي

 

[DooLy88]

تفكير منطقي ..
بس مو حلوو التكشخ بزوود
بهـ الفترة حلو انج تهتمين بنفسج وبنظافتج

اما الكشخة خليها بعد الاربعين عشان يصير نيوو لووك لوووول

:rerrerek:

 

[سمردحه]

الله لو تسمعج امي ههههههههههههههههههههه

 

[فمان الله]

رد : قصتي مع الملكه رانيا

اول شي حمدالله علي سلامتك ومبروك ماجاك
انا اتنفس عند اهلي
ولما يجي زوجي
البس احسن شي عندي للنفاس طبعا
والبس ملفع مرتب سكلي وريحتي حلوه واقعد معاه نسولف
عشان بعد الاربعين تحسين انج غير
بعدين لازم تهتمين بنفسك
خصوصا انك عمليه موزين عشان ارحامك اقل شي ثلاثين يوم ماتجهدين نفسك بشي
بس 15 يو بصراحه حييييييييييييل بدري
قولي 30 ممكن............ز

 

[q8y-moon]

حياتي صح كلامج شخباري الي تبهذل بعمرها عشانها بالاربعين
بس لا تقولين شخباري ارحام وخراب ارحام حتي حق الي تولد عمليه روحي قسم الاعشاب وشوفي شكثر يشتكون ن شنو
لانهم مو مهتمين بنفسهم سواء وقت الدوره او النفاس
والي يونس الريال مو تنوره القصيره لا يا حياتي الي يونسه لي طلعت من الاربيعين اطلعله بنت مو خربانه
وجهه نظر

 

[&& دعاء &&]

العائلة المالكة في الاردن تمشي ع النظام الانجليزي
شوفي ملابسهم ...اهتماماتهم ...طريقة حياتهم كله نسخة مكرره من المجتمع الغربي
طبعا اهي تحت الاضواء ومقيده بواجبات معينة تفرض عليها كملكة
وصدقيني اختي الفاضلة فترة النفاس فترة مهمه فلازم الوحده تحافظ ع نفسها
لا تاخذينهم قدوه ,,,,
وشكراااااا

 

[حصووونه]

لوووووووووووول
لايسمعونج العجايز والله يرتفع الضغط عندهم
والله ثقه الملكه رانيا رايحه تعزي وهي نفاس وحاطه كوتكسه عفيه ثقه لووووووووووول

 

[قمر^خالد]

موضوعووج رووعه ... آنه بسوي نفسج لووول

 

[مناير خزنة التاير]

حلو انج تكونين مرتبيه !!

ياربي بعد من فيها حيل تتسنع و تتمكيج بالاربعين

بجامات مرتبه ترينجات حق البيت سنعهشعرج نظيف ومرتب عنقوس و لا تاج
ريحتج حلوة

دلاغاتج نظيفة و لايقه مع هدومج !!
بس قصير و عدسات و مادري شنو

 

[حبـ admant ـك]

معاج بكل كلمه

 

[أو عبوش]

احقد لما اكتب رد شطوله وينمسح بارد مبرد ههههههههههه


المهم

فوفو مواضيعج عجيبه



بس انا اقولج ان لا تقارنينا بالملكه رانيا

يعني انتي عندج خدامه اهي عندها 16 خدامه و3 ممرضات للبيبي لووووول

يعني ماتوقعها تسهر على بيبي او بينهد حيلها منه طول الليل

وبعدين حلو الوحده تهتم بعمرها بالنفاس بس مو لدرجه تلبس قصير اهم شي الصحه

وترى ادويه الاميرات مو نفس صيدلياتنا

اعرف وحده تقول انها راحت لندن تسأل عن بندول اكسترا الاحمر قالولها هذا مضر بالصحه....... وهني عندنا يصرفونه عادي لا ونلط منه حبتين

يعني اهم ادويتهم خاصه من بره وتحاميلهم غير وكل شي غير فحص شامل من اذونها لي اظافر رجولها اي فيتامين ناقص اي شي غلط يعدلون لها عمرها مو احنا ياحسره ندور بقوقل من عصيده لطريقه البخور للغسولات

واهي اميره يعني وعندها حدث ضروري اكيد بتحضر وتعرف ان كل الكاميرات عليها مو معقوله بتطلع للناس بعنقوص ودلاغات لووووووووووووووول تخيلت شكلها


يختي المنفس لين تطلع من النفاس يقولون لها طالعه من الشر........ النفاس شر وممكن تموت فيه المره اعوذ بالله من ابسط شي

ان رحتي للمستشفى وقلتي لهم فيني سخونه وانا نفاس يختبصون

لان النفاس اي شي يأثر عليها حتى النفسيه.... الانفلونزا العاديه لان اهيه فاقده اشياء بجسمها من الولاده فلازم تقعد فتره شهر عالاقل تعوضها

 

[بحر الذكريات]

ما انصح بجذي صراحه

حلو ارتب عمري واحط كريم بسيط كنضاره ومرطب شفايف وكحله وشويه بودره واتسبح طبعا

بس اسوي حمام مغربي واحف واصبغ وهالسوالف لا طبعا

خصوصا العمليه يمه انا بالموت راح العوار مني

واهم شي هذاك
والحمدلله على سلامتج مؤخرا

 

[Al.Nooor]

والله ضحك من المقارنه بس لا تنسين ان هذي ملكة يعني والده و الا عندها وفاة ....مو مهم عندنا واجبات سياسية ما تعترف بالولادة و الا العزا و صراحه مو بختها
بس انا عن نفسي اعتني بنفسي حييل و اكون مرتبة بس ما اكشخ اووفر ولا شخليت حق الطلعه

 

[بيتي بوب بس كويتيه]

بالاربعين لا الي كاشخه ذيج الكشخه ولا مبهذله
والصراحه الاربعين ياله الوحده تشيل بعمرها بعد اكشخ