يوم السبت الموافق 29-1-2005
موعد ولادتي بقيصرية بولدي الله يحفظه
وبقناة الاردن الفضائية يباركون للملك عبدالله بمناسبة
ولادة الملكه رانيا بولد اسمه (الامير هاشم )
نسيت السالفة وطلعت من المستشفى
طبعا حالي حال اي كويتية بالنفاس
*الشعر مربوط بدون عناية لاني بسوي مفاجآت لللاربعين
*الوجه اصفر ومنصفق وكله احط كريمات للاعتناء بالبشره عشان اطلع طلعه بالاربعين
*اللبس قمصان من محلات الطاهر وقاسم ومارك سبنسر طويلة وحشمه لان الوقت شتا واخاف يدخل فيني هوا الاربعين
*النفسية كالعاده صفر لاني نفاسي بشقتي وضيقة خلق العالم رايحه ويايه
*انا بغرفة منفصلة تماما عن زوجي لاني بسوي تشويق حق عقب الاربعين
*طبعا سوالفي معاه بهالوقت تذمر :rgewrg:من سهري بالليل وشكاوي من الحاله اللي احسها
وهو يسمع ويطلع للديوانية ويرجع بالليل ينام
<<<ما الومه
******
بتاريخ 14-2-2005
تغيًر ت نظريتي لللاربعين 180 درجه
ليش:080402ask_prv:
ماااات الرئيسي الحريري بهذا التاريخ
وانا ببداية الاربعين
كنت قاعده بزاوية بالصاله ولابسة دلاقات ورابطه شعري واشوف نازك الحريري تتقبل التعازي
وفجأة :33_1185028183:
دخلت عليهم الملكه رانيا اللي والده معااااي بنفس اليوم وقيصرية
لابسة كعب وتنوره قصيرة وشعرها صابغته بلياج وتعزي الحريم بالقصر ببيروت
وقمت اقارن شكلي بشكلها
واسأل نفسي
ليش نتبهذل بالاربعين ؟؟؟؟ليش نحس انه وقت مرض واعاده حسابات بشكلنا....
********
الموووووهم طرت :RoadRunner:بنفس اللحظه للصالون
واطلب حف وشيره وحمام مغربي وصبغ وقص واستشوار
وارجع البيت
والبس تنوره قصيره وقميص وافل الشعر وانوم الياهل مبجر ولبس العدسات
دخل البيت وعلى طول شاف موبايله
اقوله اشفيك اسم الله عليك
يقول بشوف التاريخ بسرعه طلعتي من ال40:sfg:
******
طبعا تم 5 دقايق يتأمل فيني اسم الله عليي
وقال شسالفه
قلت السالفة اني كنت عايشة بجهل وفتحت
ليش نؤجل الاشياء الحلوه واحنا نقدر نسويها بنفس الوقت
يعني اكون انيقة وحلوه بال40 وازيد اناقتي وكشختي بعد 40
اضطريت اكتب هالموضوع للذين ما ايدوني بموضوعي السابق
فوفو
