قصتي مع ابلتي

[يمة يادلبي]

ليش ماتتواصلين معاها برا المدرسة ؟؟

 

[lovely~Noora]

مو اخاف تتضايق ترا انا حدي خوافه وكله استحي منها ما احط عيني بعينها ككلش مره اتصلت عليها وبالمدرسه كل ما اشوفها اهرب منها

 

[~خطر~]

حبيبتي ابلتج يعطيها العافيه
ولا تصيرين انانيه مثل ما اهي ساعدتج وخلت مستواج يرتفع انتي بعد خليها تترقى وتصير مشرفه ورئيسة قسم وكل شي وافرحيلها اذا تعزينها

Good LucK

وترى مو بسبتها انتي يبتي درجات عاليه .. لاا !! انتي باجتهادج بعد

الله يوفقج

 

[lovely~Noora]

مشكورين عالردوـوـوـود وما قصرتوا
بس احب اقولكم
انا حساسه بمعنى الكلمه
يعني اي كلمه تقولونها ع طول تأثر فيني
والله يسامح اللي قالت انانيه

 

[lovely~Noora]

اذا متضايقه علشان ستواج نزل حلي امتحانات قديمه وحلي اسئله واايد وتكلمي وايد انجلش وخلصنا من موضوع المستوى

الموضوع الثاني علاقتج مع المدرسه

انامن النوع اللي اكون صداقات مع اللي اكبر مني من صغري جذي لن عقلي اكبر من عمري فاندمج ويندمجون معاي الكبار بسرعه

وانا بالمتوسط تعلقت بمدرسه رياضيات وكاني لي الحين اكلمها واشوفها واطلع معاها لا مو بس جذي حتى عرسها اعزمتني عليه ورحت عرسها وعيالها مشاالله كل ما يصير عندها مولود اروح لها وكل المناسبات تواصلنا وتكلمني اواهي مثل اختي الضبط

ودشيت اثنويه بكل قسم لي رفيجه اقتصاد منزلي خو كل القسم رفيجاتي بالفرصه اقعد معاهم والله واهم ينادوني اقعد يستانسون على سوالفي و قسم لرياضيات رفيجاتي بعد وفسم العلوم حدث بلا حرج خو قسم العلوم ابله الفيزيا رفيجتي واقرب الناس لي تكلمني اذا مو كل يوم كل يومين وتزوجت وجضرت عرسها ويابت عيال اسم الله عليهم واذا تبي شغله من السوق خاصه سوالف كمبيوتر وغيره تاخذني معاها واذا دشت منطقتنا دقت علي ومرت البيت تسلم
وقسم الانجليزي بعد قبل فترة طالعه مع رفيجتي رحت معاها الهيلتون شربنا كوفي
وقسم الحاسوب كلهم رفيجاتي ودشيت معاهم انشطه ولي الحين معاي
حتى وحده منهم ضاع رقمها والله جم شهر ولا اختي بالصدفه تلاقي وحده قاعده يمها بمؤتمر ولا هذيج تسولف مع اختي وقالت لها ان اعرف وحده بملامحج كانت تدرس بالمدرسه الفلانيه بس ماعندي رقمها وخوش بنت وقامت تمدح فيني ولما اختي قالت لها اني انا اختها شسووت طاارت والله وخذت رقمي واهي اتصلت تسلم
ولما دشيت الجامعه هم بعد تعرفت على الدكاتره اللي هناك تعالي شوفيهم اشلون يفرحون بشوفتي وينادوني ويدقون علي علشان امرهم
وكاني الحين متخرجه من الجامعه وعلاقتي اشحلاتها مع درازن مدرسات
لا موبس جذي حتى دشو معاي بزنس
قبل اناديهم ابله الحين ياويلي ي سواد ليلي يعصبون والله يقولون كبرتي وبتتزوجين وليش تقولين ابله خلصنا هالمرحله

يعني عادي مافي مشكله تقدرين تتواصلين معاها بالعكس اصلا علاقتج بتكون اقوى لان الحين تربطكم حدود ادراسه بس بعدين ماكو حدود تربطكم
يعني الحين تنادينها ابله باجر بروحها بتقولج ليش تقولين اله خلاص كبرتي
والله صج عيشي حياتج ولاتضايقين علشان هالسبب لان تقدرين تتواصلين معاها

والحين بعد اسهل الظروف يعني اتوقع عندج نقال واذا ما عندج السنه اليايه بتشترين
انا قبل لا تلفون ولا شي اخذ تلفون امي ادق وارد لها التلفون

ولا تضايقين عمرج ولا شي وتقدرين تتواصلين معاها

اصدمج اكثر ايام الروضه كنت احب مدرستي واايد وانا بالروضه كله لازقه فيها ولما رحت الابتدائي ام كانت توديني الروضعه علشان ناخذ اخوي الصغير منها وبالمرة كنت اشوف ابلتي والله امي خذت رقمها والحين اهي رفيجه امي ونشوفها وتشوفنا ونعرف بعض
تخيلي شكبري يعني صارلنا اكثر من 19 سنه هم علاقتنا مع بعض

ماكو مشكله ان شاءالله

مشكورة حياتو
الله سمع منج
وصرنا ربع هع
انا استشرت رفيجتي اهي اكبر من بـ 8 سنوات تقريبا
وقالت اتصلي فيها
وحتى اهي اللي سنعتني بالمحادثه
وقالت لي قولي كذا وكذا
وحسسيها انك بتفقديها
ولا تبجي
وغيره من كلام
وانا اتبعت اوامرها
وقالت لي الابله اتصلي فيني متى ما تبين
فديتكم ما تقصرون

 

[Amanda_93]

اختي هذي مرحله وتعدي ..
انتظري جم يوم وبتلهين بالمدرسه وبتنسينها انشالله
ونصيحتي لا تاخذين رقمها عشان ماتتعلقين فيها اكثر
انا مريت بنفس حالتج انا الحين بالثانويه ووالله مامرت سنه الا وانا نسيتها ..
ومثل مايقولون keep going >> وهذي اهي الحياة ..

 

[lovely~Noora]

لا حياتوا شوفي ردي اللي فوق