قصتي...كرشتي...والدكتور خالد العنزي

[حبـ admant ـك]

الحمدلله على سلآمتج

 

[الزين77]

الحمدالله على سلامتج حبيبتي ،،

وحبيت أسألج ليش الجرح طويل للأجناب ؟؟ انتي حجم بطنج كان كبير ؟؟

انا بصراحه سويت العمليه قبل سنه وللحين الجرح لونه أسود ويضيق الخلق والمشكله اني وايد بيضه

 

[" بنت العز "]

الحمد لله على السلامه
مبروك وان شاء الله سلامه دايمه

 

[مشاعل البحرين]

الحمدلله ع سلامتج اختي كنت استنه ردك بعد العمليه بس صراحه انفجعت ان الفتحه للعمليه من الى ههه يعني كبيره ياااربي انا عندي موعد بعد شهرين وميته خوف ابي اسويها بس الي مخليني اتردد ان الجرح اثره مابيروح كفايه الفتحات الي فيني من عملية المنظار لازاله المراره من 4 سنين وللحين سوده وبيزيد عليها فتحت الشفط والشد يالله ماظل مكان مااخترب هالبطن يعني الي يقهر في الموضوع ان النتيجه الحلوه بس ظاهريا لكن بدون ملابس شوارع في بطنه؟؟

 

[ii DareeN ii]

حمدالله على سلامتج ان شاء الله تشوفين نتايج حلوه بس بخصوص خالد العنزي ترا يسوي عمليات بالاميري مو بس يشرف على الاطباء اعرف ناس يدشون وياه عملياته

 

[afesa]

الحمدالله على سلامتج حبيبتي ،،

وحبيت أسألج ليش الجرح طويل للأجناب ؟؟ انتي حجم بطنج كان كبير ؟؟

انا بصراحه سويت العمليه قبل سنه وللحين الجرح لونه أسود ويضيق الخلق والمشكله اني وايد بيضه

الله يسلمك ..اهو حجم بطني كبير صح ..بس كل اللي يسوون الشد يكون جرحهم كبير وللاجناب من ورا ...بس اللي اعرفهم يقولون انه يروح مع الوقت ....او علاقل يخف

 

[afesa]

الحمدلله ع سلامتج اختي كنت استنه ردك بعد العمليه بس صراحه انفجعت ان الفتحه للعمليه من الى ههه يعني كبيره ياااربي انا عندي موعد بعد شهرين وميته خوف ابي اسويها بس الي مخليني اتردد ان الجرح اثره مابيروح كفايه الفتحات الي فيني من عملية المنظار لازاله المراره من 4 سنين وللحين سوده وبيزيد عليها فتحت الشفط والشد يالله ماظل مكان مااخترب هالبطن يعني الي يقهر في الموضوع ان النتيجه الحلوه بس ظاهريا لكن بدون ملابس شوارع في بطنه؟؟

الله يسلمك اختي بس الصراحه انا ما فكرت بالجرح كثر ما فكرت اني اتخلص من هالكرش البايخ ...وفيه اجسام ما يبين فيهم الاثر وفيه اجسام بسرعه يبقع جسمهم ..وبصراحه ما عندنا حل ثاني ...لازم نضحي باي شي الشكل او المتن *

 

[afesa]

حمدالله على سلامتج ان شاء الله تشوفين نتايج حلوه بس بخصوص خالد العنزي ترا يسوي عمليات بالاميري مو بس يشرف على الاطباء اعرف ناس يدشون وياه عملياته

بصراحه هذا اللي سمعته من اللي مسويين عنده والله اعلم وشكرا عالمرور

 

[غفرانك يارب]

حمدلله على السلامه
لاااااتنسين تقولينا اصار معاج لما تشوفين النتيجه

 

[بنفسج]

اختي قولي لي عن الألم شلونه محتمل ولا لأ عمليتي قربت عنده طمنيني

 

[afesa]

هلا اختي بنفسج والله مابي اخرعك بس الالم اول 3 ايام وايد فظيع وما تقدرين تتحركين القومه والقعده عذاب وخصوصا لما تردين البيت تتفاجئين انه بالمستشفى انتي احسن لان سريرهم يساعد ويسهل لك الحركه اما بالبيت فلازم احد يساعدك بالقومه والحركه اشوي ..بس مع المسكنات يصير الالم اهون شوي..والحلو انك يوم عن يوم تحسين انك احسن واقدر على الحركه ..بس المشكله الشعور بالشد ..اييك احساس انك مشدوده حيل جنه واحد ساحبك من بطنك وهذ اهو الشعور المزعج واهو الشعور اللي ضايقني بعد العمليه ولا زال والدكتور يقول انه هالشي يروح مع الوقت ..والمشكله الثانيه الجرح وايد طويل وشكله قبيح ...وانشالله يروح والله يسهل امورك

 

[اميره بكلمتي]

الحمدالله ع السلامه

 

[om 3mori]

منو يعرف مواعيد الدكتور ابي اروحله الاميري بس اهوا اي يوم يداوم ؟؟؟

 

[اميره بكلمتي]

الف الحمدالله على سلامتج

ونعم الاختيار بالدكتور خالد العنزي انا مسويه عنده تكميم من سنه فعلا دكتور اسلوب وراقي

 

[Fateebeauty]

مساء الخير يازميلات المعاناة والفال لنا جميعا بالرشاقة اختي عفيسة الف الحمدالله على سلامتج وربي ما يضيع تعبج بس عندي سؤال لو سمحتيلي عمليتج شنو كانت بالضبط والتفصيل
وبالنسبة للاخت زين حسب ما سمعت ان في كريمات تخفف اثر ولون الجرح وفي بعد عيادات يسوولون ليزر لإخفاء الندب هذا الكلام من دكتور التغذية اللي اراجع عنده *

 

[سفيرة العشق]

الحمد لله على سلامتج

 

[سمو الشموخ]

الحمدلله على السلامه

 

[shams2008]

الله يتمم عليج يارب

 

[الباسمه]

يااااااربي
والله احس دقات قلبي زادت؟؟؟ وعظامي بردت ؟؟ لما قريت تجارب البنات بالعمليات
أنا جايبه عيالي بقيصريه عندي ولدين الله يحفظهم
وبطني حيل كبر من القيصريه الأولى وعلى المتن زاااد
ودي أسوي شد بس خااااااااايفه
سمعت أن العمليه نفس ألم القيصريه؟؟؟؟؟؟؟؟؟ واللي أقراه شي يخوف ألم ويالله نتحرك وكأنه شي يسحبنا من البطن من كثر الشد
انا خاااااااااايفه ادري طولت بس ودي أحد يهونها علي​

 

[ثلاثية]

السلام عليكم
عملية شد البطن بالنسبة لي اخف من العملية القيصرية بكثير اصلا من اول يوم يخلونج تقومين وتحركين
وبصراحه تعبها اول يوم بس بعدها الالم يخف بكبسولات وتحاميل خاصه لتسكين الالم
المها حيل معقول بالنسبه لعملية جرحها كبير ولاتنسين ترا عملية شد اللبطن بس بالجلد
وبالنهاية الشخص المتين ممكن يتعب اكثر من النحيف انا ما حطو لي بربيش لاني نحيفه بس كان عندي كمية الجلد حيل كثيره لاني كنت حامل بتوأم ثلاثي