قصتي كتبتها بدموع عيني

[ما في مثلهااا]

الله يعوضج يا رب


بالتوام

 

[@فطفوووطه@]

يااااااااااااارب يرزقج وصدقيني هذا اختبار من الله سبحانه وتعالى خلي ايمانج بالله قوي ((وبشر الصابرون))
الصبر مفتاح الفرج انشالله الله يرزقج بس نصيحتي اقري سورة البقره يوميا وسورة يس والله بيرزقج واشربي ماء زمزم والله يرزقج

 

[كـلا كـلا]

الله يرزقج ويرزق كل محروم
كل شي له حكمة خلي ايمانج بالله قوي

 

[SaD FaCe]

الله يعوضج ان شاءالله

 

[Coffee-Girl]

الله يرزقج الذريه الصالحه ياااااااااااارب

 

[ســارونه]

الله يرزقك حبيبتي ويررررررررررررررزق كل محروم

 

[ترووفه]

يااااااااحياااااااااااااااااااااااتي

الله يرزقج ياااااااااااااااارب في القريب العاااااااااجل ويرزقني ويرزق كل محرووووومه


الله كريم واذا منع هالشي الحين فيه خيره لج ومحد يدري وين الخيره فيه والصبر زين

ولاتنسين ان الله قادر على كل شي

والله مع الصابرين

والله يعوض ثبرنا خير ويجبر بخااطرنااااااا

 

[شمسه الكويت]

ما عليه حبيبتي ثقي تماما ان كل تاخيره فيها خيره وان الله سبحانه راح يرزقج ان شا الله وانتي التزمي حبيبتي بالاستغفاااااار والله يرزقح بالذريه الصالحه السليمه المعافاه

 

[سله تفاح]

بعدها تعبت نفسيتي وايد وايد وكان زوجي رايح العمره مع ربعة وكنت اوصيه ادعاء لنا بانه الله يرزقنا وسبحان الله بعد فشل العمليه جاءت الدوره مرتين المره الثانيه حملت وكنت حاسه بتعب وكنت اقول في نفسي ياتره انا حامل او لا وكنت جالسه في الصاله وفجة حسيت بنعاس فضيع ودخلت غرفتي ولم اققل الباب ووطيت راسي علي الشبريه وسهت عيني واللي اقوم علي صوت قطوه جنبي وفتحت عيني واشوف قطوه غبره حليانه جربه وشكلها غريب واول ما شفتها فزيت وهي هربت وخفت منها وكني قمت من النوم ولم انام وثاني يوم اقول لاختي الدوره متاخره خلينا نروح الصيدليه نشتري فحص ورحنا واشتريت فحص وعدت البيت واول ما فحصت اللي اشوف + من فرحتي ظهرت ابشر اختي وقالت لي بشارت زوجك عليه وطبعا ذكرت لكم ريلي كان في العمره ولما جاءه لم اخبره ولما جاءت اختي تسلم عليه علي عودته من العمره قالت له لي لك بشاره حرمتك حامل وطبعا فرح ريلي وقالي خلاص لا تتحرك انا بخدمك والله عاملني مثل الطفله كل يوم يمزر لي كيس من كل الحلويات والشبسات و العصائر ومدللني للاخر وطبعا المغص فيني وكل ما انام احلم قطوه تاذيني في الحلم ونفس السالفة تكررت معي وانا رايحة الحمام اتبول نفس الشي اللي اشوف دم واتصلت بامي اخبرها وقالت لي نامي ولا تتحرك وجاءه زوجي وامي واخذوني للمستشفي وعملوا لي فحص وقالوا لي فيه حمل وتم الترقيد وزاد الدم وحبوب المثبت اخذها ونايمة ولا اتحرك من الشبره ولكن حصل نفس الشي اجهاض ورديت البيت وانا حزيني وقلت لين متي انا بضل مثل ما انا اجهاض وحمل وكنت ابكي وريلي يواسيني بالصبر وصبرت وجاءتني الدوره وحملت من اول دوره تاخرت الدوره عليه ونفس الاعراض اتعب وايد في الحمل من بدات التلقيح سبحان الله وقلت في نفسي انا كل ما احمل اتحرك بخليها علي الله ما بحبس نفسي بكون عاديه يعني اتحرك عادي في البيت والمغص يزيد ورحت المستشفي وقلت لهم انا حامل وفيه مغص عملوا لي فحص وطلعت حامل وقالوا لي تعالي موعد للصوره ومضت الفتره المحدده وقبلها بيوم يعني موعدي الصباح في الليل وانا نايمة احلم بقطوه واحد يسحبني وقمت واخبرت ريلي يقولي انتي تتوهمي نامي ويحضني ونمت وقمت علي حلم احد يضربني في بطني وحسيت بالم فضيع في الحلم وفزيت فعلا بالم فضيع في بطني وفز ريلي ورايه وانا ما قادره اتحرك من مكاني وحتي ملابس النوم ما قادره ابطلها ريلي لبسني عباءتي مكاني ورحت المستشفي وبسرعة صوره سونار المشكله طلع حمل خارج الرحم في نفس الانبوب الذي حملت عليه سابقا والفجة دارت بي الدنيا لما قالوا لي حمل خارج الرحم ورقدوني وعطوني ابره مهدي والصباح علي غرفة العمليات وتم استئصال الانبوب الايسر مع الجنين يعني بقاء لي انبوب واحد والله يعلم قد شوه بكيت المهم ودوني اهلي عند شخص يقراء عليه قراءن وعطاني ماء مقروءه عليه وشريط سوره البقره اسمعة وزيت ادهن بيه جسمي استمريت علي هذا البرنامج وحملت ويا فرحة ما تمت فحصت وطلعت حامل وقلت بغير المستشفي هذا بروح غيره ورحت غيره واستمر الحمل شهرين والشهر الثالت حدث لي نزيف فجة بدون اي سبب ورحت المستشفي وتم ترقيدي وجهضت وانا في المستشفي شفتن كيف يا بنات الله ما راد لي ان يستمر الحمل رغم المثبتات وعدم الحركه بعد ونزل وقالت لي الدكتوره سوي منع حمل لمده ثلاثه شهور قلت في خاطري انا الحين ما اصدق واحمل بعد اسوي منع حمل المهم علي كلامها هي ثلاث شهور بدون مانع وكملت سنه وزياده لم يحدث الحمل ورحت سويت اطفال الانابيب خمس مرات متباعده ولم يحدث حمل وكل ما اسويها ما اتحرك كله نايمة حركات بسيطه رغم هذا كله لم يحدث حمل وتركت علاج اطفال الانابيب واخذت كلوميد نفس الشي ومرخت وشربت اعشاب ونفسيتي الله يعلم بيها وتركت الجامعة لانه كله حمل واجهاض وحمل خارج الرحم والكل يسال ما حملتي فلانه حملت فلانه متزوجة معاك ولو الله عاطينك اولادك كبار الكل فر هذا الكلمة وفي ناس تتعمد حتي صديقاتي لو وحده تزوجت وتاخرت تلقيها تشاركني حزني ويوم الله يفرجها عنها تلقيها نفسهم وكانها لم تذوق المر وتشرب من الكاس نفسه وام زوجي الله يسامحها عدالي تجرحني تقول لزوجي تزوج ما فيها شي علشان تجيب اولاد وكلام من هذا وايد وايد اسمعة وقوم فلان متزوجين عندكم وعندهم وتعدد كم جابوا وانا لم اجيب شي لدرجة قالت لي مره امه انتي تتعمدي تجهضي وكانه الاجهاض بيدي وكاني انا اخلقهم
المهم حدث حمل بدون علاج والله الفرحة شلت قلبي وقلت خلاص اكيد الله فرجها ونفس التكرار كنت قاعده اسحي شعري لانه امي وزوجي سوف ياخذوني عند احد يقراءه عليه وانا قاعده اسحي شعري حسيت شي ينزل واقسم لكم يوم تحركت من مكاني اشوف الدم في الارض نزل من
تحت ملابسي وعلي الارض وكاني دابحه شي مسكت التلفون واتصل لزوجي وكان زوجي في لصاله هو وامي وخبرت زوجي وطلبت منه ما يخبر امي ورحنا المستشفي وكنت حاسه خلاص اكيد بفقد الجنين والصدمة الكبره حمل خارج الرحم لا لا ماريد عمليات اريده مهما يكون يقولوا خطر علي حياتك لو انفجر بتموت وقلت لهم الموت مره وحده خلوني اموت وطبعا كل هذا الحوارات عند السسترات والدكتور وامي طلعناها برع ما كنت اريدها تتعذب من عذابي ولا تنزل لها دمعه واكون انا سببها المهم ودوني الغرفه وطلبت من امي تروح البيت امي مصره تقعد عندي تقولي ايش قالوا لكي قلت قالوا لي كل شي علي مايرام روحي امي البيت نامي لو فيه اي شي بتصل لج اخذها زوجي ووداها البيت وعاد لي وانا اضم ريلي واقول له خلاص هذا اخر انبوب اذا شالوه خلاص انا ما بحمل يعني انا ما بكون ام في يوم من الايام وابكي واقول لريلي ما اتحمل اشوفك عند وحده غيري اذا بتتزوج كل واحد يروح في حاله والصباح جاءني الدكتور وقال لي لازم العمليه ونشل الانبوب لو خلينا سوف يتكرر حمل خارج الرحم لانه سوف تحدث فيه التصاقات وهو يكلمني كنت ابكي واقول له وكيف بحمل وانا صغيره بعدني ما جبت عيال واريد اكون ام انت ما تفهم ما تحس ونزلت من علي الشبريه ودخلت الحمام وقفلت الباب وابكي بكاء والله عمري ما بكيت نفسه وحسيت بعذاب والدنيا ما منها فائده والموت ارحم لي من العذاب واقول يارب انا شوه سويت حتي تعاقبني بعدها استغفرت الله وقلت اللهم اجرني في مصيبتي واخلف لي خير منها كله هذا ساعتين تقريبا في الحمام والكل يدق عليه الباب واخر شي فتحت السستر مادري كيف وشفت ريلي الدموع في عيونه ووصيته لا توقع لا توقع انا ما ريد اي عمليات الموت مره وحده ماريد اي عمليات وطلعت عني وراح عند الدكتور واقنعة الدكتور ووقع وجاءت الممرضات ومعهن الشبريه ياالله بسرعة علي غرفت العمليات وانا اصرخ عليهم قلت لكم ماريد عمليه ماريد عمليه المهم شفت الكل ضدي زوجي الدكتور الممرضات ولا يوجد عندي احد نزلت من علي الشبره وركبت علي الشبريه الثانيه ومسكت في البطانيه وغطيت وجهي واخذوني الي غرفه العمليات وانا اشوفهم يجهزو قلت للمرض انا ما ريد اي عمليات يقولي ليش ما اخبرتي الدكتور قلت له انا اقوللهم جاءه الدكتور ويقول لهم عطوها بنج وكنت من اول مركبين لي ابره مغذي وضربوني بنج وخلصوا العمليه ولما فقت من البنج لقيبت جنبي امي وكان الود ودي اصارخ اهرب لما شفت امي مسكت نفسي واحساسي علشان ما اعذبها وحسيت بالالم وعطوني ابره ونمت عن الدنيا ولما فقت قال لي زوجي لم يشيلوا الانبوب احتفظوا فيه الله يعوضنا خير
المهم تعبت نفسيتي وايد وايد انا من النوع اللي يضحك والمرح صار الجزن مرافق دربي والفكر سيطر عليه ومضت الايام وسبحان الله حملت ولكني لم افرح جاني خوف فضيع قلت اكيد حمل خارج الرحم جاتني هواجيس من حمل خارج الرحم كل ما احس بشي يؤلمني في مكان اقول اكيد هذا حمل خارج الرحم لما احس بافرازات اقول هذا دم دخله الحمام معي كليلكس اشوف فيه دم او لا كل ما ابول اشوف بيطلع دم بعد البول او لا ومرت بتجربه كلها هواجيس واروح اكثر من عياده اشوف الجنين وين ويقولوا لي بعد بكير ويوم شافوه قالوا لي في مكان الصحييح وانا خايفه من الحمل وحدث الاجهاض بعدها لم احمل ورديت وسويت اطفال الانابيب ووصل عدد الاطفال الانابيب 22 مره من بدايت زوجي لحد اخر مره وهي 22 وحتي المراكز غيرتها ولم يحدث حمل وياست وقلت خلاص انا ما بحمل لانه صارت لي التصافات في الانبوب وكل يوم اصيح ولم اكمل الدراسه وسعيت ابحث عن وظيفه وتوظفت ولم اسلم من الكلام والاسئله كم سنه صار لتج متزوجة 15 سنه اءه 15 سنه وايد وزوجتك تزوج عليج والله صبر لو واحد غيره كان تزوج او متزوجة نعم كم لج اولاد لا يوجد كم سنه صار لتج متزوج اشوف الفجعه فيهم وكانها مصيبه وكانه بيدي هذا ا لشي رحت المستشفي عالجت شوه هذا السوال يعني معقول بقعد كل هالفتره وما بعالج اريد احد يقولي عالجي الناس لا ترحم
المهم سافرت الهند وقبل ما تسوي لي فحوصات سالتني كم صار لتج متزوجة 16 سنه طبعا خلاص دخلنا 16 سنه كم مره سويت اطفال الانابيب22 مره لا مستحيل يصير حمل وحكمت وكانها هي اللي تعطي وقلت لها علي اي شي حكمتي تقولي من خلال كلامي وهي تعرف وكانها هي التي ترزق نست الاخت بانها الله جعلها سبب فقط يالله منظار قلت لها ليش منظار علشان تتاكد رفضت وقالت لي خلاص مافيه علاج كيف انا اسوي لتج اطفال الانابيب
وعلي فكره الاجهاض الذي حدث لي سابقا سبب لي ضعف بطانه الرحم ضعف شديد يعني ا لبطانه توصل 2 واحيانا 5 واذا زادت 7
المهم بعد المنظار الصدمة الكبره انتي مستحيل تحمل خلاص مافي امل لاتتعبي نفسك وتخصري فلوسك لانه مستحيل يصير حمل عندك الرحم متليف والبطانه ضعيفه وشاله انبوب وانبوب الثاني فيه التصاقات وانتي معرضه لسرطان الرحم لو سويت اطفال الانابيب الرحم خلاص ميت وقلت من يحي العظام وهي رميمرديت من الهند مكسورت الجناح تعبت من كثر ما عالج والكل يقول لي البطانه ضعيفة
وكارهه نفسي والدوام وحتي في الدوام ما فيه احد يرعي احد فلانه ما حملت زوجها تزوج عليها او الريال من حقة يتزوج اذا الحرمة ما يابت اولاد من حقة وانا اللي اشوفه في مجتمعنا الرييايل يتزوجوا حتي لو عندهم عشره (( هم هكذا البشر لا يرحموا ))
المهم السنه هذه شهر 2 ظ 2009 جاءتني الدوره وشهر 3 و 4 لم تاتي واول شهر 5 قلت بسوي فحص من باب التجربه وليس الامل لانه خلاص كل البيبان التي سعيت لها للبحث عن الحمل متسكره بس باب واحد دائم مفتوح مستحيل يتسكروهو باب الرحمن الرحيم الكريم الذي لا يتسكر مفتوح في كل لحظة نهار ليل مفتوح دخلت الحمام اسوي الفحص واقول في خاطري الحين متزوجه من 17 سنه كنت اخر سنه 2008 خلاص دخلت 17 سنه وقاعده اقول في خاطري شوه باقي عن اكمل عشرين سنه غير 3 سنوات وبعدني ما حملت وانا اسكب الفحص طلع + لم اصدق عيني وتحقق الحلم صرت حامل وثبت الحمل لين هذه الحظة الحين في السادس
لا دكتور فادني لا بكاء لا نوم علي سرير وعدم الحركة لايوجد طبيب في هذه الدنيا يقرر بتحملي او لا مهما كان الذي يقرر هو رب العالمين وامره اذا ارد شي يقول له كن فيكون ومن يحي العظام وهي رميم
اكتب لكم وعيني تدمع لهذا سميت العنوان كتبت لكم قصتي كتبتها بدموع عيني

 

[سله تفاح]

اسفة علي الاخطاء الاملائي لاني مستعيله وبعد ما اقدر اقعد وايد كان نفسي اصحح الاخطاء الاملائي اتمنا فهمتن خطي اتمنا الله يثبت لي الحمل ويرزق كل اللي تتمنا ولا يحرمنا الله من الحظه التي نكون فيها امهات

 

[التميميه]

يارب ياكريم يثبت حملك اختي الغاليه سله تفاح
واستمري على قراءه البقره كل يوم ولاتنسين الاذكار صباح ومساء

وفرحينا لاتنسين ياااااااااااارب يجي اليوم اللي تقولين ولدت بالعافيه

ياقلبي فرحتيني ربك كريم ماينسى عبده دام العبد مايدعوا غيره

 

[البدايه 23]

يارحيم ارحمنا وارزقنا يارب

 

[فانسي نايت]

أسأل الذي وسعت رحمته كل شيئ أن يرزقم بالحمل السليم المعافي و يقر عينك برؤية ذريتك

كله بأجره ان شاء الله اختي ،،، الله يعوض صبرج خير يارب

 

[عشق قلبين]

حبيبتي الله يعوضج ويرزقج بالتوأم المعافى ويفرح قلبج يارحمن يارجيم

 

[دوا الغوري]

الله يثبت حملج ياااااارب ويشفيج

حبيبتي ليش ماتقرين على روحج واضح ان فيج عين قويه هي سبب الاجهاضات

 

[عشق قلبين]

والله يثبت عليج هالحمل ويقومج بالسلامه يااااااااااااااااااااااااااارب

 

[هذي قسمتي]

يارب ياكريم يثبت حملج اوصيج بقراءة سورة البقرة يوميا

 

[أم الهواشم]

ولله فرحت يوم قلتي انج حامل الله يثبته لج وتفرحينه بولادتج ان شاءالله ويتمم عليج يارب الله ماينسى عبده واهم شي الصبر

 

[حورية الشماااال]

يارب توام يالغلا ويعوض صبرج خير الله هو القادر ولايرد الدعاء

 

[حيل احبك]

ولاتقنطوو من رحمت الله اختي المؤمن مبتلى والصبر مفتتاااح الفرج
وهوو اللي يحيي العظاام وهي رميم انتي لي ايماانج بالله قووي والله يكوون عند ظن العبد فيه فاحسني الظن باالله

ياارب ياكريم اساالك باسمك الاعلى الذي اذا سئلت به اجبت ان تحفظ حمل الاخت سله تفااح وترزقهاا الذريه الصااااحه السليمه المعاافااه ااااااااااااااااااااااااااااااااامين يااااااارب