قصتي تحكيها لندن ... قصتي الرابعه بعد توقف الثالثه

[lovkom]

وااي حبيبتي طولتي انا قريت اكثر من 3 قصص وانتي للحين ماكملتيها وقمت انسى الأحدااااث !!! :bbbiu:


حبيبتي كمليها وياريت لو مانتعلق اكثر من جذي ..

ويعطيج الف عافيه عـ القصه الروعه ​

 

[تفاحة بيتنا]

آمبيييييه بنات سوري سوري ع تعليقه

بس صاار عندي ظررررررررررف قووويه

آسسسسسسسسسفه بناااااات والله ما كان قصدي البارت الاخير الحين بينزل

وسوري عن جدددددددددددددددددددد

 

[DALLY]

قريت البارتات اللي منزلتها كلها ف هالساعتين تقريبا

اسلوبج حده حلو

اهنيج عالروايه والسرد الحلو

حسيت كأني اقرا قصه واقعيه لاني مو من عوايدي اقرا خياليه

ناطرين اخر بارت منج

وعساج عالقوه

 

[أم@الحلوين]

ناطرينج.......

 

[إيمي1987]

ناطرين حبوبة وان شاء الله تنحل الظروف

 

[so_what]

ناطرينج

 

[هاردلك ياحظي]

انتظاااااااااااااااااااار ...

 

[zoqaaa]

waiting /:

 

[الحبوبه الطيوبه]

ناطرينج .........

 

[عثمان حبي]

:lkmnkl: يالله تفاحه وينج طولتي

 

[هواي كويتي]

لا يوققققققققققف


ناطريييييييييييييييينج

 

[تفاحة بيتنا]

البارت الرابع عشر والاخيررر

فهد :خوووووش والله
لكل كان منصدم مو عارف شيرد
قام سعود: عن اذنكم
فهد بعصبيه :هههههههه شنو عن اذنكم انت ع بالك داخل على يهووود !!!
سعود يخز فهد من فوق لتحت:امر اخوي بغيت شيء
فهد يعطي بوووكس من قلب ..وسعود مارد وخله يطقه طق بسنه....لين جووا الي بالمستشفى وخروهم عن بعض

سعود مارد على فهد مو ضعف منه بس خايف لا يعند وما يطلق الماس عشان جذي خله يطلع كل الي بقلبه ...

فهد في بيت ابووه
فهد:والله والي رفع سبع السموات ماراح اطلقهااا وراح اخليها معلقه
ام فهد:ياويليى هذا مرره وحده رايحه فيهااااا مدخله رجال وهي توها جايبه بنتهااا !!
فهد: ما حشمتني ولا حشمت بنتهاا قذره وقحه وصخه

ما وصل اي خبر الاهل الماس ...

بعد مرور 4 اشهر

خصوصا آنه فهد قاعد لها قعده

سعود :شصار ع الموضوع الطلاق
الماس:اي طلاق ؟
سعود:ههههههه طلاقج
الماس:مادري مادري ماعندي اي خبر ؟
سعود:ترى صار لج 4 شهور وانتي نفسيه عسى ماشر ؟؟؟
الماس:سعوود انت شايف الوضع الي آحنا فيه وتبيني استانس انا مو عارفه وضعي مطلقه او لا ..وبنتي قاعده تكبر جدامي وابوها مايسال عنها
سعود:شكوو يسال عنها ..انا موجود
الماس:سعوود ترى انت مو ابوها ..البنت.....
سعود يقطع كلام الماس: لا تكملين ..صج آني مو آبوها بس والله آغليها من غلاتج ..وآعتبره آكثر من بنتي
الماس ساكته ....
سعود:الماس آنتي متغيره حيل خلال4آشهر آحس آنج كارهتني
الماس:ليش آكرهك !!بس آنشغلت
سعود:هذا ليش ما يطلق
الماس:مادري مادري
سعود:وابوج ليش مايروح يكلمه
الماس بتنهد:انت من صجك ؟ كم مرره راح له وعمك آصمخ
سعود: لا حول ولا قوة الا بالله....

في بيت ابو عبدالله

ابو عبدالله صارت علاقته مع سعوود قويه حيل حيل ..
ابو عبدالله :سلاام
سعود يعدل نفسه :هلا يبا وعليكم السلام
ابو عبدالله: انا ناوي اخطب لك
سعود: ها ؟؟منو ؟؟
ابو عبدالله :على بالك مادري عن سوالفك كل مامريت غرفتك اسمعك تسولف بالليل
سعود:هههههه
ابو عبدالله : منو بنته ؟
سعود :هاا
ابو عبدالله يقوم : متى ما نويت نخطب ترى آنا جاهز ..وطلع

بعد ما طلع ابو عبدالله صار يفكر سعود مية سالفه آذا قلت الاسم بيتذكر اسمها لانه عبدالله قالهم قبلي ..شنو تكون نظرة عبدالله لمرت آخوه الي كان يحبها !! بتهرب ثاني مره يا سعود ؟؟ وماتبي تواجه !!

فهد: آسمعي يالماس ..تبين آطلق آطلقج بس توقعين ورقة عند المحامي انه اذا تزوجتي آخذ البنت منج
الماس :بنتي !!!!!!!!!!!!!!!!!
فهد: آيه بنتج ؟؟؟؟
الماس:.....
فهد:ههههههههههه قرار صعب بين الحبيب والبنت ..مو صح
الماس:ماعندي حبيب
فهد:للحينج؟؟ع العموم هذا اخر كلامي وانتي بكيفج ..

سعود قاعد يدق على الماس وماترد ..ودق رقم من بريطانيا
سعود:الوو
ساره بصوت تعبان :شلونك سعود
سعود: ساااااره ...شفيج عسى ماشر
ساره :مافيني شيء بس مصخنه شوي

وقعدوا يسوولفون لانه سعود كان بحاجه لاحد يشكي له ..

اليوم الثاني ..9الصبح
الماس طرشت مسج لفهد((انا فكرت بالموضوع وموافقه))
فهد رد بمسج ((اووكي بعد ساعه ونص انطريني عند المحامي))

الماس ما قالت لسعود اي شيء وقررت تنسحب من حياته بهدوء ..

بعد يومين بالضبط من توقيع الورقه قررت الماس تنهي كل شيء مع سعود خصوصا انه صار لها 5ايام ماترد عليه
وسعود طايح له سوالف مع ساره
الماس:سلام عليكم
سعود:تووو الناس
الماس تبتسم:كنت مشغوله
سعود:اهااا وعليكم السلام..امريني؟
الماس:مايامر عليك عدو ..ََ!! بس حابه آقولك موضوع
سعود:تفضلي
الماس:انا تطلقت ...
سعود فزز:من صجججججججججججج
الماس:ايه
سعود:واخيررررررررررا
الماس :....
سعود:خلاااص بعد شننطر ..متى آخطب ؟
الماس:سعود آسمعني شفيك ؟
سعود:آوكي
الماس:انا فكرت بنتي ولما تكبر !!وكان شرط فهد يطلقني بس .....
سعود:آييه ..شفيج .؟
الماس:بس آوقع على ورقه اني ماتزوج واذا تزوجت آعطيه غلا
سعود:شنوووو؟وانتي وقعتي عدل
الماس:عدل
سعود:يعني الي افهمه آنه...
الماس:سعود انا وياااك مستحيل نكون البعض ..
سعود يتنهد:تدررين الماس شيء طبيعي الي صاار ..لانه من 29 سنه عمره ما صار لي شيء آبيه !! عشت بدون آم بدون آب تتوقعين الي مثلي آذا كبر بيلقى السعاده
الماس تبجي:......
سعود : ع العموم آذا احتجتي اي شيء رقمي عندج..وصدقيني يالماس لو يمر 20سنه .....بكون بانتظارج
الماس تبتسم :سعود الله يوفقك
سعود:لا تنسيني وسولفي عن غلاا عني..وانا بدق واسال عنهااا !!
الماس وهي تبجي:ان شاءالله
سعود:وديربالج على نفسج ........مع السلامه
كثيـر الـلـي تمنـانـي وطـلـب ودي ولاجيـتـه ....* ازعلهـم وابكّيهـم واراضـي منـهـو اشقـانـي ....


انـا بانـدم علـى خـل ٍ رجانـي حــب وخليـتـه ....* ولا بانـدم علـى منهـو رجيتـه حـب وخلانـي ....


صحيح الوقت ياصـاح يبيّـن كـل مـا اخفيتـه ....* وانـا كلـي غـلا اعطيـت وبالـجـرح تجـزانـي ....


انا من وقت ما شفته وعشقته حيل وحبيتـه ....* فديتـه غالـي العمـر وملـك قلـبـي ووجـدانـي ....


عطيته وما حسبت حساب جروحه وتحاليته ....* وقلـت الله علـى خـلـي هـديـة ربــي وجـانـي ....


مـا دام الغـدر إسلوبـك وحبـي لــك تناسيـتـه ....* دخيلـك امسـح ارقـامـي واسـمـي وعنـوانـي ....


انـا مالـي بحـب أبـكـم جيـتـه وكــم ترجيـتـه ....* طلبتـه يقـول احـبـك بــس ولكـنـه تناسـانـي ....


غريبـه دنيتـي والله غريـب الـحـزن عانيـتـه ....* غريبـه حلمـي يتحطـم وعمـري كلـه اعانـي ....


انا الطيبه من عيوبـي وصدقـي طفـل ربيتـه ....* وعلمته على الاخلاص لكل إنسـان ماشانـي ....


خسـاره مـا بـدر مـنـي لـكـل إنـسـان رديـتـه ....* خسـاره ليتنـي فـكـرت قـبـل اخـتـار خـلانـي ....


أنا آسف..أنا آسف يـا اغلـى شخـص حبيتـه ....* ابرحل واترك العالم واعيـش الفرحـه ثوانـي ....


ابرحل في سما عشق ٍ بكـل إحسـاس ناديتـه ....* وابرحل عن عيون الناس وعن حب ٍ نساني....

الماس طاحت ع السرير تبجي تبجي من القهر ..وسعود حاول يبجي ولكن ما نزلت منه ولا دمعه ..يمكن زهق من البجي وقرر ينسى !!

بعد 5سنين بالضبط !!
غلا عمرها 5سنين وصار على فراق الماس وسعود خمس سنين 4 شهور

((فهد بعد ما ضمن آنه الماس ماراح تتزوج الي تحبه وتزوج وزوجته ملت عينه قرر يترك الماس بحاله وماله شغل بشيء ))

غلا:ماما آبي العبه هذي
الماس:آخذيهااا ..
غلا:ماما آبي العبه هذي
الماس:انا محدده لج 4لعب صح
غلا:امانه بس هذي خليهم 5
الماس:لااااا شنو قلنا بالبيت
....:تبخلين ع بنتج بلعبه
الماس:سعوووووود!!!
سعود:ايييه
الماس لا اردايا احضنته !!!!!!
سعود انصدم ؟
غلا:ماما منو هذا ؟
سعود :شلونج غلاوي
الماس خدودهااا حمر ..وقعدت اطالع العالم الي يخزونها !!
الماس :بطلع من المحل ..
سعود:ههههههههه
غلا:منو هذا ماما
وكل ماسالت غلا ناس يزيدون خزز بالماس !!

ماقدرت تتحمل وطلعت من المحل
وظل غلا وسعود مع بعض
سعود:غلااوي شنو تبين من المحل
غلا:ابي كل الالعاب
سعود:اخذيهم كلهم
غلا:والله
سعود:والله
غلا:انت منو
سعود:لا حووول ..انا ..ترى لج 5 دقايق اذا ما اشتريت شيء بطلع
غلا :لا لا خلاص وترركض تاخذ العاب

الماس واقفه برى ...
طلعوا سعود وغلاا ..
غلا:ماما شريت الف خمسين لعبه
سعود:الله 10لعب صاروا الف ههههههههههه
غلا:ماما منو هذا
سعود:لاحووول ...بنتج حنانه مثلج وفضوليه
الماس صار وجهه آحمر :ههههههههه

بعد 5 شهور بالضبط تعلقت غلا بسعوود حيل ...وقرر سعود يخطب الماس !!
سعود اهو وابوه بدوانية ابو الماس
محمد:ياهلا بلي زارنااا
ابو عبدالله:هلا فيك
محمد:يطالع لسعود:انت وين شايفك ؟
سعود انصفق وجهه ونسى سالفة المستشفى:وين شايفني ؟؟؟
محمد:انت مو سعود ؟
سعود:اي سعود..اي انا اسمي سعود
محمد:هلاااا والله ..انت سعود الي ساعدتني ..والله ادورك من زمان
ابو عبدالله ضايع بالطوشه
سعود توهق مايدري شقول:امرني
محمد:نبي نسدد دينك ..ابوي اذا شافك بيطير من الفرحه ..انت ابو سعود رفيج ابوي
ابو عبدالله !!!!!!!!!!:ايه ايه

وعرفوا ابو عبدالله وصار يرقع لولده مني ومناك لين انتهت سالفه ...

الماسس:مو مصدقه
ابرار :ههههههههههه مو تبين طياره خاصه وسيارات ودنياا هذا اهو تحت
الماس: بعد شنو بعد ما طلعت روحي ههههههههههه
ابرار: ع الاقل تحقق حلمج
غلا:يماا بتصيرين عرووسه ؟
الماس:ايه
غلا:وانا
الماس:بتصيرين عروسه معاي ؟

سعود حدد موعد العرس بعد شهر لانه مايبي ينطر بعد لاعت جبده !!

بعد شهر بالضبط وبنفس لية العرس دزت الماس مسج لسعود!!

((مانقدر نتزوج !!!!!!!وسبب

سعود اختبص وجهه...

نهاية لمسج


آتغشمر ههههههههههههههههههه...))

رد لها بمسج ( آنا اعرف العروس تكون مستحيه من المعرس مو تدز لها مسجات توقف قلبه ))

ردت له مسج((احرجتني ..بس العروس الي ما صار لها تعرف المعرس 7سنين يمكن تستحي منه بس وحده تعرف واحد 7سنين ماعتقد تستحي ..))

سعود رد مسج ((زيين قلت لي .هههههههههههههههه ناوي لك على نيه))

الماس توهقت ((باي بسسسس))

مهما يقولون مهما صار مهما تم

أنت البدايات وأخر ساحل ومينا

في هرجة الناس بالعذال لاتهتم

لو هم يحسون فينا ماحكوا فينا

ماعقب شرب الصبر والمر والعلقم

شي على طاري الفرقا يودينا

حنا اجتمعنا وشمل العاشقين التم

خضنا حروب الهوى فزنا وردينا

اهواك ماهي مواويل بها اترنم

ترى المواويل هي اللي تغنينا

منا الوفا ياوفي الروح يتعلم

وكل التعابير تبحر من شواطينا

حبيب عمري حياة القلب خل الهم

تقسي الليالى ولكن ماتقسينا

وان كان جدت جدايد حبنا اقدم

ولاعاش راسٍ على الدنيا يبكينا

 

[تفاحة بيتنا]

حق كل وحده تابعة معاي القصه وعليت قلبهااا بالبارتات

اقول لهااا آسسسسفه بس هالسنه ضغط مو طبيعي

وقررت اي روايه اكتبها آكتب البارتات وبعدين آنزل الروايه

واتمنى روايتي تعجبكم

وناطره رايكم

......ههههههههههههههههههه القصه ترى مختصرتهاااا وسبب الظروف

ومشكوورين كل من تابعني وتعبته بالبارتات

آختكم:تفاحة بيتنا

 

[Riooma]

nice bs makan almafroth etkhal9enha eb hal 6areqa khasatan ena e7na na6renech men zman.

 

[DALLY]

ياي الاحداث عجيبه

تسلم اناملج على ماخطت

واعتبريني متابعه يديده لرواياتج

 

[DreaMo'O]

كشششخه كششششخه
تزوجووو كلللللللللوش (منه المال ومنها العيال )

تسلمين حبيبتي تفاحة بيتنا عالرواية
وننتظرج بروايه يديده

 

[أم@الحلوين]

مشكوووووووره ع الرواااااااااايه
وننتظر يديدج

 

[كويتية بحتة]

تفاحة ..
رواياتج عجيبة
بس عيبج الوحيد التأخير

 

[gala_roohey]

مشكوره حبيبتى .... وننطرج بالقصه اليايه ... وبالتوفيق

 

[MeeMeeYoo_2]

يعطيج العافيه