قصتي باختصار

[Om_Fho0ody]

[centerبسم الله الرحمن الرحيم center]

بنات اللي عندها اي معلومه تقدر تفيدني فيها لا تبخل علي .. بلييز
قصتي باختصار .. انا متزوجه صارلي سنة وما حملت رحت حللت طلع ماعندي اي مشكله ولله الحمد والمنه بس ريلي لما حلل طلع ماكو حيوانات منوية .. عدنا التحليل مره ثانية هم نفس الشي .. رحنا مستشفى الراشد وسوو حق ريلي عملية خذو منه خزعه مادري شنو المهم خذو 3 عينات ودزوهم المختبر وبعد مده تقريبا شهر طلعت النتيجه .........
ماكو الا خلايا سرتولي سيلز يعني الخلايا اللي تنتج الحيوانات المنوية مو موجوده
(الحمدلله على كل حال) .. سؤالي اللحين هل في علاج بره او في وحده تعرف احد مثل حالت ريلي تقولي شسوي الله يجزاكم خير .. لانه الموضوع هذا محد يدري فيه غيري انا وريلي ..
وانا توني 21 سنة ماعندي خبره بهالوسالف . شسوي وين نروح ... هل في علاج لنا بره ؟؟ وين أي دوله ؟؟؟؟

جاوبوني الله يخليكم ويرزقنا واياكم الذريه الصالحه اللي تقر عينا فيها اللهم آمييين

"انما أمره إذا أراد شيئا أن يقول له كن (((فيكون)))"
ناطره ردودكم

 

[mosta7eel]

يا حياتي الله يرزقج ان شاءالله وماكو شي بعيد عن رب العالمين
والله ماعندي فكرة بس حبيت ادعيلج
وفي وايد بنات بالمنتدى نفس حالة زوجج
اقري المواضيع وان شاءالله يفيدونج

 

[ام عفاف الكويت]

يالله يامجيب الدعوات بالجمعه المباركه هذي
انه يرزقج يارب الذريه الصالحة

والله مادري بس ماحبيت مادعي لج
وان شاء الله قريب تكونين مع خواتج بقسم الحمل والولاده انتي وكل البنات

 

[@حوريه86@]

هلا اختي ام فهود ما كو شي عند الله بعيد ان شالله الله راح يرزقج انا اعرف وحده حالة ريلها نفس حالة ريلج وماكو مكان بالكويت ما راحوا عطوهم امل 5بالمئه واخر شي سوولجنه حق العلاج بالخارج وراحوا امريكا حق هذه الحالات احسن شي امريكا ورفعوا النسبه النجاح 50بالمئه والحين ماشالله سوو العمليه وناطرين النتيجه مالت الحقن المجهري اذا جذي بسرعه روحوا سوو طلب حق العلاج بالخارج على حساب الحكومه والله يسهل عليكم ويرزكم يااااااااااااااااااااااااااااااااااااااااااااااااااااااااااااااارب بالذريه الصالحه

 

[فتكات بنت كيداهم]

ماردالله القضاء الا بالدعاء والصدقات بنيه الانجاب يا قلبى

 

[@حوريه86@]

حبيبتي نست اقولج لجنه العلاج بالخارج يم مستشفى الصباح واخذي الوراق المطلوبه \ عقد الزواج وبطاقه المدنيه لزوج والزوجه والتقارير الطبيه الي تثبت حالتكم وداخل المبنى ترحون حق الدكتور محمد السبتي وسكرتيرته مصريه اسمها مي ورحو قدمو والله يسهلها عليكم حبيبتي وتبشرينا وان شالله ماتمر السنه اليايه والا عيالكم بحضنكم اميييييييييييييييييييييييييييييييييييييييييييييييييييييييييييييييين

 

[Om_Fho0ody]

مشكورين حبايبي ماقصرتو ..على ردودكم الحلوه ودعاويكم .. صج فرحتوني بدعواتكم الله يرزقكم ويعطيكم كل اللي تمنون
صح كلامكم ماكو شي بعيد عن رب العالمين كل شي بامره سبحانه وهذا ان شاء الله ابتلاء لنا .. الله يصبرنا ويرزقنا ان شاء الله

 

[نونا العتيبى]

أختي أم فهوودي ,,,خلي زوجج يسعي للعلاج ولا يخلي نفسه بما أنج صغيره ,,,وأدري أنه ضايق خلقه بس هذي أرزاق وأهم شي

أنتي داري نفسيته وشوفي فيه الصفات الحلوه ولا تحتنين عليه وايد ,,,بهدوء وضحيله ضرورة أنه يتعالج لأن في رياييل ما يرضون بالعلاج

ولا تقولين حق أحد عشان ما يتضايق ,,,وأنصحج تروحين بلجيكا وايد يمدحونها وأعرف ناس دزوهم علاج بالخارج والحمدلله حصلوا

نتيجه ,,,ويارب بهاليوم الفضيل أنه يرزقج بالذريه ولا يحرمج منها اللهم آمييييييييييييييييييييننن

 

[Om_Fho0ody]

اختي حورية مشكوووره وايد على معلوماتج .. بس عندي سؤال يالحبيبه .. احنا فحوصاتنا كلها بالخاص عادي انقدمها ولا لازم يكونون بالحكومه ونرد نسوي التحاليل مره ثانية ؟؟

 

[احساس العالم 20]

السلام عليكم
اولا سؤال بيني وبينج
ما عرفتي شنو سبب ان الحيوانات المنوية تطلع جذي
شوفي انا زوج اختي كانت الحيوانات المنوية تطلع ميتة شي بسيط يطلع حي
راحت مستشفى هاااادي بالكويت وما شالله عطوها وعطوا مقويات وجابت ولد تبارك الرحمن
واعتقد في علاج في مصر ولندن بس انتي ادخلي النت وشوفي
انتي للحين صغيرة وربي يرزقج بالذرية الصالحة
وموفقة وبلغيني شنو يصير معاج


اختج احساس العالم 20

 

[Om_Fho0ody]

اختي احساس العالم انا زوجي مافي حيوانات منويه مو تطلع ميته او ضعيفه اهوا ماعنده صفر ماكو شي

الله كريم مشكوره على مشاركتج

 

[@حوريه86@]

اختي حورية مشكوووره وايد على معلوماتج .. بس عندي سؤال يالحبيبه .. احنا فحوصاتنا كلها بالخاص عادي انقدمها ولا لازم يكونون بالحكومه ونرد نسوي التحاليل مره ثانية ؟؟

لا حبيبتي عادي ياخذون تقارير من مستشفى خاص اوحكومه بس انتو اخذوكل الوراق وكل التقارير كامله بالتفصيل عن حالتكم وروحوا الاحد عشان تكسبون وقت والله يسهل عليكم ويرزقكم باقرب وقت ودشو على الدكتور محمد السبتي والله كريم

 

[Om_Fho0ody]

مشكور حوريه وااااايد الله يوفقج ويجعله بميزان حسناتج اللهم امين

 

[Miss_Moon]

الله يرزقج الذريه الصاالحة يااارب ماحبيت اقرا موضوعج من غير لارد

 

[da7doo7y]

الله يسهل امرج ويرزقج الذرية االصالحة ويشفي زوجج يارب

 

[WaChoCha]

اختي ام فهووودي ... علاج عقم الرجال في امريكا ... اقري تجربة اختنا عسووولة
الدكتور بيتر شلايقل مختص بعقم الرجال .... قدمو للعلاج بالخارج ولا تضيعون وقت بالكويت وعسى ربي ما يرجكم خايبين ويرزقكم بالذرية الطيبة الصالحة ان شاء الله

قادر رب العالمين يبدل من حال الى حال افضل

 

[Om_Fho0ody]

ثينكس على ردودكم "

 

[^noonaa^]

الله يرزقج يارب ويرزق كل محرومه بالذريه الصالحه

 

[الغلا2003]

يالله يارب يارحيم ترزقج .وتزقنا بالذيه الصالحه ..انا نفس حاله زوجي بس احنا سجلنا على العلاج بالخارج لامريكا والله يكتب الي فيه الخير..
انصحج بامريكا لان اكثرالدكاتره نصحوا زوجي حق امريكا..

 

[@حوريه86@]

مشكور حوريه وااااايد الله يوفقج ويجعله بميزان حسناتج اللهم امين

حبيبتي لا شكر على واجب والله يوفقكم ويسهل عليكم ياااااااااااااااااااااااااااااااااااااااااااااااااااااارب وشوفون عيالكم بحضنكم:ioljnmlk: