قصتي الحقيقيه مع المرض .. تابعوني وادعولي قصه خاصه فيني (ام كتكوت)

[بدوره 22]

حبيبتي مسمووووووووووووحه والله..

بس ياريت اطمنينا على احوالج الصحيه ... شلووونج الحين ؟؟ والله افكر فيج واااااايد

 

[ام كتكوت]

حبيبة قلبي بدورة الحمدلله الحين انا زينه واحسن من قبل بوااااااايد

ان شالله ادعولي محد يضرني بعمل ... وانا اسوي اللي علي وان شاء ربي يحفظني ويحفظكم من كيد كل ساحر

 

[بدوره 22]

الله يبعد عنج الشر انشاء الله ...

وتحصني حبيبتي بالقران والله يهديج لا تيبين اندونيسيه الله يخليج والله وانا اكتب لج تخنقني العبره بس خلاص اللي صار درس ...


الله يخليج الله يخليج الله يخليج لا تيبن اندونيسيه

 

[supermarket]

الله يتمم عليج بالصحة والعافية

ويخلي لج اهلج وزوجج وولدج

 

[am-7awra'a]

الله يعينج قصتج تعور القلب

 

[شوفواشموخي]

الف سلامه يا روحي اجروعافيه

 

[Mi$$ RoRo]

ياللـهـ كل هذا سارلج ان شاء الله تكفير لذنوبج
والحمدالله على سلامتج
والله دموعي بعيني وانا اقرااء قصتج

بس يكفيج قول الرسول صلى الله عليه وسلم : ( إذا أحب الله عبداً ابتلاه )

تحياتي ريمو السبيعي

 

[عيمية^والقلب^كندري]

ام كتكوت غيري سايت القصة اللي حاطته بتوقيعج وحطي اللي سوته لج بنت الكويت عشان اللي تدش تقرا يسهل عليها واااااااااااااااايد

 

[p!nk1]

حسبي الله ونعم الوكيل والله يجازي اللي كان السبب جان انه عين ولا حسد ولا سحر وان كان ابتلاء الله يعينج عليه ويعين كل مبتلي يارب
الله يكتبلج الاجر .......................

 

[أغلى حبيبه]

حسبي الله ونعم الوكيل فيه

واااااااااااااااي بجييييييييت لما قلت بس

قصتج تعور القلب

الله ياجرج ان شاءالله

 

[ابله*]

ياااااااااااااااربي لك الحمد والشكر وحمدلله عالسلامه فصه عجيبه وربي ياجرج

 

[الحــــــلا كله]

الحمد الله على سلامتج
والله قصتج تقطع القلب والاندونيسيات الله يا خذهم حسبي الله عليهم
بس بسألج ليمى كنتي تقرين قرآن وانتي مريضه ما كنتي تحسين بشي ؟!

 

[laylaas]

الحمدلله ع سلامتج ام كتكوت

 

[كويتيه مذهله 87]

:tek: اهدااااااااااء :tek:

قصة ام كتكوت نسخه خاصة للقراءة

http://q8yat.net/showthread.php?t=245178

:tek:

مشكووره حبيبتي

علي الاهدااااء:ggdw:

 

[^^عاشقة النوتيلا^^]

الفففففففففففففففففففففف الحمدلله على سلامتج صراحه قصتج حدها مؤؤؤؤؤؤؤثرة الله يبعد عيون الناس عنج و الله ظليت جم يوم بس اقره بالقصة حدها مؤثرة و الله الانسان ولا شي والله الانسان من غير صحه و لا شي الله لا يبلي ولا احد يارب احفظنا و ارحمنا برحته التي وسعت كل شي


ممكن سؤال وين صايرين الشيوخ اللي فتحو السحر؟؟؟؟؟؟؟؟؟؟؟؟؟؟؟؟؟؟؟؟

 

[كوب حليب]

الحمد لله على سلامتك ... واااايد تأثرت وبجيت عليك ... وأن شاء الله بعد ما تبجين الا دموع فرح اللهم آمين

 

[أساور]

حسبي الله ونعم الوكيل
ياريت تعطيني بالخاص اسامي الشيوخ اللي تعاملتي معاهم

 

[ام كتكوت]

حبيباتي والله كلكم ماعليه سامحوني ع التأخير .... ان شالله برد على التساؤلات كلها وذا نسيت شي ذكروني

هذي الاقتباسات بخلي السؤال بس :ggdw: فديتكم والله

ام كتكووووووووووووووت

سؤال.........
انتي جم عمرج؟ وحاليا جم عيال عندج عسى الله يحفظهم :ioljnmlk:


:eh_s(8):

اخر سؤال انتي الحين تخلصتي من كل اللي فيج من الناحية الصحية ماتعانين من آثار شي انشالله وتسلمين:tek:

هلا والله عميميه ياعمري لومانتي غاليه ماقلت لج عمري هههههههه توني كملت 27 سنه وعندي قمرين اولاد واتوني بجري الغالي وحملت مره وطاح الحمدلله على كل حال بس بعد حسون حبيبي
لا ياقلبي في ليما الحين آثار الحمدلله على كل حال .... بس دام اني امشي وامشي وامشي اهم شي عندي مايهمني اي شي ثاني استغفر الله .. قلبي ينبض+ريولي تمشي = انا اعيش

بس ما جاوبتيني بشنو تغير فيج بعد هالتجريه؟؟؟وشنو استفدتي؟؟

وعفيه سولفيلنا اكثر عن مواقف الوااالد الرجوليه اللي تكلمتي عنها عساه سند وظهر وعز لج طول العمر ياااااااارب

حبيبتي كيود ان شالله من عيوني بجاوبج ..
شوفي
سبحان الله الانسان دام انه بصحته وعافيته كل شي يمشي على الطبيعه بس خل يطيح بمرض او مصيبه لاسمح الله يعرف ربه عدل ... يدعي وحتن لو مايصلي تلاقينه يصلي عشان تتحقق مطالبه
انا لمن كنت مريضه كنت متوجه لربي توجه كاااااامل ولله الحمد .. ساعات مالي ويه ادعي اتفشل اقول شوفي الانسانيوم يبي حاجته يعرف ربه
بس عقب هاللي صارلي ... استفدت من مرضي قربي من ربي وذكر ربي مايطيح من لساني والله
وهم شي ثاني تغيرت فيني اشياء سلبيه للاسف مثل الخوف ... قمت اخاف اني اطيح .. حتن شكل الويل جير ماحب اشوفه لو من بعيد اكرهه ودوم احس اني بطيح وخصوصا تكرمون بالحمام .. احسب لخطواتي الف حساب لازم افرش فوطه يوم بتسبح ع الارض عشان امشي عليها ومااطيح
وهم بفتره المرض تعرفين منو يحبج ومنو مايحبج ويطلع المستخبي على قولتهم والصديق يبين وقت الشدايد

اما بالنسبه حق ابوي ومواقفه معاي ......... واااااااااااااي والله صج صج صج صج ابوي مااطلع من جزاه لو اشيله على ظهري واحججه 7 حجات يعل عيني ماتبجيه
والله اتمنى الاجل ياخذني قبله
احبه لو مهما سوا
ابوي تعب معاي وايد
حتن لمن سافرت ايران على فكره ابوي كان تعبان وظهره يعوره
اتذكره لمن يقعد حبيبي يتعذب على مايقعد من عوار ظهره
وفوق كل هذا قال اسفرح اسفرج ودفع كل تكاليف السفره

وهم موقف بعد ماذكرته ومحد يدري عنه
ان قبل لا اولد اخذت ساعه غاليه من صديقتي ..
عطتني اياها حق عرس رفيجتي اللي قلت لكم عنه بالقصه اللي رحت له قبل لا اولد
وعقب ماولدت نسيت وين حطيتها وانحرجت بالفعل مادري وينها لان لهيت بالولاده ومادري وين راحت
فابوي سمعني اكلمها واقولها والله انا تعبانه بس ارد شقتي بعطيج اياها وهو سألني فديته واعترفت له
قال يبه يسلم راسها جم قيمه الساعه؟؟؟؟؟؟؟؟؟
سألتها قالت لي 400 دينار
ابوي عطاني 500 دينار قال عطيها وان شالله من تطيبين تردين لها الساعه .........!!!!!
انا انصدمت وسويت اللي قالي
مع العلم البنت هي اللي لزمت تعطيني الساعه انا ماطلبتها كللللللش
والبنت بالبدايه مارضت تاخذ الفلوس بس حلفتها
وبالاخير رديت لها ساعتها ... لقيتها في بوكس الحلاقه مال زوجي شلون راحت مادري ؟؟؟؟؟؟؟؟ والله
وحاولت ارد الفلوس لابوي مارضى ياخذ وقالي مره ثانيه لاتاخذين اي شي من احد اي شي تبين قولي لي
وهم مثل ماذكرت هيأ بيتهم لي كل شي
تكرمون الحمام
صعده السلم سواها لي مثل مالت المستشفيات
كافي انه دفع فلوووووووووس الآلاف حق فحوصاتي اللي بالخاص كله من جيبه
وايران بعد وايد كلفه
حتن التلفون قالي اذا بتكلمين زوجج دقي عليه ولايهمج سعر الفاتوره والله العظيم
بس كلمته مره وحده فشله وزوجي عقب هو قام يدق يتطمن علي بايران
هم شركه الطب الطبيعي اللي ايون البيت هو اللي اقترح ان نييبهم ودفع لهم على آخر شي
حتن الشيخ اللي يقرا ابوي راح له يترجاه يشوف لي حل والله
امي تقول قاله اعطيك اللي تبي بس طمننا عليها
يكفي يوم دخلت الطب الطبيعي كان كلللللللل يوم يدق علي ويسأل عني وكان يضيق خلقه لمن يشوف شعري طاح
حتن الحريم مافكرو ايبون لي دهن او زيت ههههههه هو راح دق على خبيره اعشاب بنفسه وقالها ابي زيت يطلع الشعر
واهم شي لمن بغيت ارد الدوام ( كنت سنه ونص تقريبا ) مومداومه والله العظيم وربي انه راكض لي لمن رديت الدوام ماخله واحد ماراح له وردوني
واللجنه الطبيه هو وداني وهو كان يدزني ع الويل جير ولو مو ابوي ترى جان انا مافي دوااااااااااام
لان هم كان له معارف ليش انه ابوي كان مدير مستشفى ال...
حبيبي والله ابوي كان كشخه لووووووول
والاهم من هذا كله
لمن رديت الدوام طبعا كنت اخاف اسوق سياره مع اني كنت اقدر
حبيبي قالي هذا سايقنا تحت امرج كان كل يوم كل يوووووم السايق ياخذني من شقتي ويوديني دوامي ويرد بيان ويرد ياخذني من الدوام ويقطني الشقه
ومره اتأخر شوي ابوووووووي زف السايق قال انطرها قبل بربع ساعه ولا تتأخر على بنتي
ويوم داومت اول يوم حبيبي دق علي المسؤل قالي تعالي في واحد يبيج
انا انصدمت
رحت له ولا ابوي قلبي ياي ويايب ريوق وكييييييييييييييييك حق الدوام كللللللللللللللللللللللللللللللللللللللللللللله على سلامتي

فديت روووووووحه والله مفاجأني ... وفوق كل هذا ترى هو اللي خلص اوراق البنك لان كرت البنك مالي كان ضايع
قالي بس كتبي كتاب او توكيل وبالفعل خلص شغل البنك وياب لي كرت يديد ياعمري عليه
يمه جان الحين ضاع مستقبلي ههههههه اشوه رديت الدوام
واخر شي هو اللي خذاني حق الطب الطبيعي ولزم اتعالج وكان وايد مهتم لي حبيبي وحتى بايران طلب لي دكتور ايراني اسوي تمارين ع الفراش
وفي نقطه اخيره بقولها ماذكرتها بالقصه خفت الوع جبودكم

واحنا بالطياره تكرمون استفرغت
فقبلها توهقت قلت حق ابوي يباااااا جبدي تقلب خلاص ماني قادره
قعد يدور الجيس اللي يحطونه بجيب الكرسي مال الطياره ماحصله ولا .......
يفتح الجيس اللي بايده كان فيه اغراضه وقالي يالله استفرغي
وبالفعل ماقدرت حتن اعارض لاني ماقدرت اتحمل واستفرغت تكرمون
انحرررررررجت قلت له يبا سامحني شنو بالجيس ؟؟؟
قال ولا شي مهم وقطه
ولمن الحين مادري شنو كان بجيسه
؟؟؟؟؟؟؟؟؟؟؟؟؟

يكفي انه فكر يوديني ماليزا علاج اول مامرضت بس انا رفضت رفض قاااااااطع لاني كنت تعبانه وحرارتي دوم مرتفعه وعلى مانزلت الا خلاص انا كنت شبه ميته مع سالفه الصديد اللي ينزل
حبيبي ابوووووووووي والله غالي علي وايد يكفي انه هدم بيته ورد بناه وعطاني شقه اكون يمه انا واخوي وخواتي الله لايفرقنا قولو اميييييييييييين ماشاءالله ربي يطول بعمره

امبيييي كيود ترى انا قرقه السموحه

ام كتكوت اهم شي الحين طمنينا على صحتج ؟؟

انتي شلونج الحين وشلون ريولج وايدج؟؟؟

وهذي اللي انتي شاكه فيها كانت تبي زوجج؟؟

انتي ماذكرتي هالشي من البدابه عشان جذي انا اسال ..لمن قريت قصتج من اول جزء على طول دشيتي بالمرض بس ما ذكرتي شي عن حياتكم قبل الحمال ولو بالشي البسيط..

ميخالف عذريني بس والله قلبي معورنيييييي عليج فوووووووق ما تتصورين

هلا يالغاليه اي الحمدلله انا زييييييينه الف الحمدلله وايدي زيييييينه الحمدلله وايد وريولي بعد بس مجرد يبوس لاني انا معودتها على الرباده ههههههههه خوافه ...... بس طبيعيه 1000% الحمدلله
وبالنسبه حق اللي شاكه فيها استغفر الله . رب يهديها كانت تبي زوجي والله العظيم والله وعندي ادله ملموسه ههههه بس خليها تولي موهامتني والحمدلله زوجي يحبني انا مواهيا

اي حبيبتي ماذكرت الا ببدايه المرض
انا مومترقه حتن قبل لا اتزوج اسحروني عاد ذيج السالفه واضحه مثل الشمس 100000000000% سحر واااااااااي شي عجبه عجبببببببه
حتن امي لي الحين تتذكر شصار فيني والله ..........

ومسموحه يالغاليه

بعد عمري ام كتكوت



بوسيلي اتونى حبيبي فديييييييييييييييييته والله

الحين جم بيبي عندج اثنين ؟؟ يبتى ولد بعد حسون ولا بنت ؟؟

هلا يالغاليه فديتج ... ولد

وهل حسوني تأثر أول ما سافرت الخدامه لأنه على كلامج كان متعلق فيها وايد !

​

هو طبيعي اغلب اليهال يحبون خدمهم مادري شالسر ..!
بس ماهتم و ماكان يدري عن هوا دارها لمن سافرت ولا تأثر والله الحمدلله

بس عندي سؤال ليش خداامتج تسحررج شنو بتستفااااااد عسى ربي ياخذ عمرهاا
يعني اهي سحرتج من غير سبب وله انتي قبلها مهاوشتها

حسبي الله عليها وربي ماعمري اذيتها ولا ضايقتها بشي
والله العظيم كنت احسبها مثل وحده فينا حتن يوم كنت حامل والله اروح اجهز واشري لها معاي
ماانكر وانا مريضه ساعات اتنرفز عليها واعصب
لانها تهدني بروحي وانا اتوهق :0bee2e8d89:

بس بسألج ليمى كنتي تقرين قرآن وانتي مريضه ما كنتي تحسين بشي ؟!

لمن اقرا سوره البقره .. اوصل صفحه 10 واوقف ماقدر

الا لمن امي حبيبتي كانت ساعات تيي وتقرا علي او تعطيني ماي
سواء عادي او زمزم
هم زوجي يقرالي قرآن
ولمن اقرا قرآن احس حلجي يخدر حتن ساعات احط يمي بطل ماي وكل مانشف ريجي اشرب بس ماكو فايده
وتلاقيني اسرررررررررررح وماركز
وكل شوي اعيد وازيد ولا اوصل صفحه 11 اوقف جنه احد رابط لساني والله
يعني معلومه:
وانا مريضه ولا مره كملت البقره ولاااااااااا مره
اما الحين ماشاءالله بديت احفظها عن ظهر غيب ادعولي الله يتمم علي واحفظها عدل
بس بالنسبه للصلاه الحمدلله اصلي مافي مشاكل !!

ممكن سؤال وين صايرين الشيوخ اللي فتحو السحر؟؟؟؟؟؟؟؟؟؟؟؟؟؟؟؟؟؟؟؟

الكويت _ السعوديه _ سوريا ... واللي ابوي راح له بايران

بوواحد بالكويت بس طلب منه طلب غريب نسيت شنووو بس المهم انه في شي كان يقطه بالبحر وزوجي اللي قطه ومارتحنا له

حسبي الله ونعم الوكيل
ياريت تعطيني بالخاص اسامي الشيوخ اللي تعاملتي معاهم

من عيووووووووني @@

 

[ام كتكوت]

ماشاءالله تبارك الله

هذي صورة حبيبي وحياتي اتون المزيون .. مثل ماوعدتكم

اذكرو الله .. وادعو له بان يكون من الذريه الصالحه


لا قوة الا بالله

بس مادري هني جم عمره حبيبي

ولا اذكر شكله بالصج .. وهالصوره عزيزه على قلبي :0bee2e8d89:

 

[ألماس q8]

ماشاء الله تبارك الرحمن الله يحفظه ويخليه لج
ويحفظ ولدج الثاني يارب ويرزقج بالبنت اللهم آمين ويكونون قرة لعينج انتي وابوهم
يارب يحميج يارب من كل شر وألف ألف ألف حمدلله على سلامتج

ام أتون ما تصدقين شكثر بجيت وانا اقرا القصه اقسم بالله ما ابالغ والله دعيتلج من كل قلبي والله لا يسامح اللي سحرج الله لا يسامحه ويوريه العذاب فالدنيا والآخره اللهم آمين عاجلا غير آجلا

اهم شي انه يظلون عزوتج لج الله يخليهم لج زوجج وابوج وامج وخواتج واهلج كلهم عسى لا يفرقكم يارب

حبيبتي ما عندي اي سؤال خاص لج بس كنت بسألج شنو اكبر درس تعلمتيه من اللي شفتيه بعينج ؟