قصتي الحقيقيه مع المرض .. تابعوني وادعولي قصه خاصه فيني (ام كتكوت)

[رفرف]

ام حسون الجزء اللي ولدج يبجي ولا قادرة تسكتينه عووووووووور الله ياجرج على اللي شفتيه ويارب يكون كفارة ذنوب لج لأن موو شوية ..

 

[.]

متابعتج @@

خدامتج مالت طق سنه بساعه تبط الجبد..

 

[بدوره 22]

ياااااااابعد عمري ما اقول الا الله يآجرج يارب والله وانا اقرى قصتج بس ابجي بس ابجي ..


كملي ناطرتج على احرررررررررررررررررر من الجمر

 

[د.شريفة]

ناااااااااااااااااااااااااااااااااااااااااااااااااطرين يا ام كتكوووت حبيبتي كملي كملي كملي

 

[janoona]

متى الجزء الياي

 

[ام عفاف الكويت]

ناطرينج ياقلبي :eh_s(1):

 

[روزالكويت]

متابعين

 

[Betty]

واي ام كتكوت احنا نحبج اكثر يا قلبي شفتي الويل حسبي الله عليها خدامتج ناطرينج حبيبتي الله يحفظج و يبرد على قلبج يا رب

 

[سـاكـــورا]

وبتاريخ 23-4-2005

اول مره بحياتي اول مره بحيااااااااااااااااااااااااتي

صج صج اول مره بحياتي اشيل ولدي على قلبي ( وانا واااااااااااااقفه )

:eh_s(11): :eh_s(11):

 

[نيلفار]

الحمد لله انج صرتي احسن




ناطرين باجي القصه وام كتكوت ولي يعافيج حطي كل الاجزاء ما ابي انطر لي باجر بعرف شنو سبب كل هذا

 

[روح آلمشآعر]

كملي حبيبتي

آم فوفه مآقصتري حبيبتي آلله يعطيج آلعآفيه ويخليلج فوفه


،

 

[^kloOot^]

متابعتج

 

[b6o6a]

منزل مبارك حبيبتي


متابعه

 

[ام كتكوت]

الجزء 22

المهم بنات ... دقيت على زوجي قلت له يالله بو حسن عفيه لاتطول تعال قالي شعندج مستعيله قعدي وياهم من زمان موشايفتهم < يساحلني عشانه مع ربعه

يقول اول مره اطلع وانا مرتاح نفسيا ان انتي بين اهلج ...

ولمن سكرته قعدت احقق مع اختي عفيه قولي لي متى صورتيه وانا ويني كنت > اكيد بالمستشفى

وشنو وليش وشحقى وووو قالت لي حمضي الفلم وشوفيه على راحتج ......:tek:

وصل زوجي الحمدلله ركبت الويل جير ونزلوني ووصلت السياره

قلت لزوجي

اختي فلانه مصوره اتون وهو بيبي عفيه ودني المصور نحمض الفلم قال اوكي بس تنطرين عاد لما باجر ؟؟؟؟؟؟؟؟؟!!

قلت له لأ روح مصور رميثيه عندهم خدمه تحميض فوريه

بس تهقى الفلم ماخترب جريب سنه ؟؟!!!!!!!!!!!؟؟؟؟؟؟؟؟؟؟؟؟؟؟!!!!!!!!!!!

عاد انا قمت اوسوس وافكر لايكون مخترب الله لايقوله

المهم وصلنا المصور الحمدلله فاتح

زوجي نزل ومعاه الفلم

جان ادق عليه وقلت له لاتنسى بعد اشتري البوم قال ان شاءالله

التفت على ولدي نايم ( كل ينام بالسياره حبيبي مشهور بهالشي )

حتن لو قاعد بحضني بالسياره بس المهم ينام ...

زوجي دق

انا : الووووووووووووو ( حدي متشوقه ومتلهفه بعرف اشصار )

زوجي : ام حسن الريال يقول يطول ساعه شرايج نخليه وناخذه من الصبح باجر

انا : لاااااااااااااااااااااااااااا :eh_s(14):

زوجي : اوكي اوكي

انا : لا اتيي الا ومع الصور

المهم يه زوجي ايده فاضيه




قلت له وين الصور ؟؟؟؟؟؟؟؟؟؟؟؟؟؟؟؟؟؟

وين الالبوم؟؟؟؟؟؟؟؟؟؟؟؟؟؟؟؟؟؟؟؟؟

قالي يامره شفيج ينيتي ترى احنا مو بباي يخلص جك بم

اصلا الفلم بعدهم حتن يمكن مافتحوه خلي عندج صبر .........

قالي اردج البيت بدلي وارتاحي وانا اردله وانطره يخلص

قلت له خليني معاك بالسياره عفيه

طبعا المصور عند بيتنا موبعيد وايد

رحنا السالميه ع البحر ورحنا شارع المطاعم وانا حدي مستانسه والله من زمان موطالعه والله

قعدت اشوف الناس..... نزلت راسي واشوف جبيرتي الله يفكني منها واتمشى حالي حال الناس

الله كريم

مرت الساعه بسرعه الصراحه رغم اني توقعتها تكون بطييييييئه ..

زوجي نزل ......... المصور

ورد بعد شويه ولمحت بايده شي

لبست نظارتي ولا الحمدلله جيييييييييييييييييس:ggdw:


ياربي ياكريم الصور كلها طالعه وقعدت ادعي لاختي وادعي من كل قلبي ان الصور تكون مو محترقه على حظي : (

قبل لا زوجي يسكر الباب ولا انا فاتحه الظرف .... ومطلعه الصور

اشوف الصور بهستيريه وبسرعه جنه الصور بتطير والله

اخييييييييييييييييييييييه


اخيييييييييييييييييييييييييييييييييييييييييييييييه


اخييييييييييييييه على وليدي اخيه

آآآآآآآآآخ ياقلبي .... ويني عنك حبيبي

ولدتك .... ولارضعتك .. كبرت .. طهروك .... شرولك هدوم .. شربوك ... سبحوك ....قمت تضحك .. تناغي .. طلع لك ضرس وانا بعيده عنك

زوجي ساكت

وانا ابجي

وابجي

وابجي

وبحلجي علقت كلمه حبيبي وليدي

حياتي

حسبي الله علي اللي كان السبب بفراقنا كل هالوقت

اخخخخخخخخخخخخيه ياوليدي حبيب قلبي

وانا اشوف الصور تناثرت على الارض بين ريولي وانا ابجي ...

زوجي لاتعليق

لو تكلم بيبجي يم خدامتي

حسبي الله ونعم الوكيل حسبي الله ونعم الوكيل عليها

والله العظيم يابنات قعدت ابجي وانا اشوف ريولي مربطه ومجبره

متى امشي على الاقل يروح الحقد اللي بقلبي >>> للي مادري اصلا منو انا بالضبط حاقده عليه استغفر الله

وصلنا الشقه ............ زوجي عطى الخدامه المفتاح قالها اخذي حسن وروحي فوق وخلي جنطه حسن انا اشيلها ( عشان تشيل حسن بالراحه )

المهم قالي يابنت الناس خلاص انسي شوي

التفت له قلت والله ورب الكون لو اموت بقبري ماانسى اللي صارلي .........

قالي حرام عليج بس لمي صور ولدج خل اشوفهم عورتي قلبي

مسحت دموعي ....... نزلت عمري اييب الصور ماقدرت لازم اكون ع الجنب لان الجبيره مستقيمه ماقدر

المهم زوجي نزل ويابهم وشافهم وهو واقف بالشارع

مادري شيقول بس اسمعه يتمتم والله

المهم بنات

اخترت لكم صوره من الالبوم

شوفوها اول بعدين بعلق عليها ......................
وملاحظه ترى الصوره من كاميرا عاديه وانا مصورتها من نقالي موواضحه بس هذا اللي بين معاي السموحه ماعندي السكنر حاليا



هذي الصوره بتاريخ 28-8-2004
التاريخ مبين بالصوره اعتقد
عمر اتون تقريبا شهرين
شوفو ولدي موواضح بس هو اللي مأشره عليه بالسهم واللي داخل الدائره ويهه فديته

تدرون وينه؟؟؟؟؟؟؟؟ على طاوله الطعام بالمطبخ بين امي وابوي الله يطول بعمرهم قولو آآآآآآمين

والله صج لمن شفت الصوره تذكرت لمن امي تقول حتن واحنا ناكل يكون ويانا

يعل يومي قبل يومهم حبايبي : (

وهني اقرب



حبيبي شوفوه بين الخبز الايراني ( مأشره عليه بالسهم الخبز ) مرتز فديته :dddds:


المهم صعدني الشقه بالغصب قعد يلطف الجو ويطفرني ويتغشمر قلت له لا اطيح الحين واسوي لك مناحه ...............: )

وصلنا فوق الشقه ....

 

[ام عفاف الكويت]

الله يخليه لج يارب فديت قلبه ياااااااااااارب ولا يفرقكم يوم من الايام ويطول بعمرج وتشوفينه معرس

 

[روح آلمشآعر]

وآي فدييييته


كملي حبيبتي |~



،

 

[Eng.shosha]

الله يعطيج الصحه والعافيه

يحليييييييييله الله يخليه لكم وعساج تشوفينه معرس

متابعه

 

[ام كتكوت]

الله يعطيكم العافيه بنات اوشكر تواصلكم معاي حبيباتي واللي متابعيني ياعلكم الصحه والعافيه والله لايعوزكم لأحد ولاتشوفون اللي شفته من ضيم

حبيباتي ارجوكم السموحه باجر اكمل لكم رغم اني وعدتكم اني اخلص اليوم بس جد جد جد ودي اذكر النهايه وبعطيها حقها عشان تعرفون شغله وايد مهمه ......

عفيه قولو انكم محلليني اخلص القصه باجر على الاقل

لان الحين لازم استأذن .... واوعدكم النهايه قرررررررربت وايد .......... وااااااااااايد



بس بعطيكم رؤس اقلام جذي

بالحلقه اليايه

... زياره زوجي للطب الطبيعي وشنو عطوه !!!!!!!!!

... اطيح على خدامتي بشي خطير

... يوم دشيت العمليات ابجي

.. وزياره فلانه لي ......................

وقسما بالله ولا بالافلام اللي صار لي

وارجوكم تتقبلون الاجزاء والله يوفقكم دنيا وآخر ويعطيكم ماتتمنون

واشكركم وحده وحده وادعي لكم بالخير واحبكم بالله احبكم بالله

وشكر خاص لبنت الكويت حبيبت قلبي .. ونسيت اقولج مشكوره ع النقل فديتج ماعليه توني استوعب ....

وام عفاف ياقلبي سهلتي على البنات الأجزاء الله يسهل امورج دنيا واخر والله يسهل ولادتج بعد

وكلكم على راسي الله يوفقكم يارب

واللي انزلت دمعتها ان شالله يوم دموع الفرح دووووووووم ويبعد عنكم الحزن اللهم امييييييييييييييييييييييييين


:tek::tek::tek:

حسون وليدي بطل القصه يسلم عليكم ويهديكم بوسه كبيييييييره:hjy5jewf:

وامانه لاتنسوني بالدعاء الطيب

 

[AlZeenah]

:0bee2e8d89::0bee2e8d89::0bee2e8d89:

 

[روزيتا]

لله يخليلج ابوج وامج ويقدرج على برهم وطاعتهم اميييييييييييييييين يا رب

والله يخليلج وليدج اتون وتشوفينه معرس وترقصين بعرسه يا رب

ناطره التكمله وليش لى الحين خدامتج عندج ؟؟؟؟