قصتي الحقيقيه مع المرض .. تابعوني وادعولي قصه خاصه فيني (ام كتكوت) =نسخة للقراءة فقط=

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

تكملة الجزء 20


وزوجي لمن الحين مايرد وانا فقدت الامل ان ولدي يهدى ويسكت

والله ثم والله ماوقف بجي ماشالله عليه

قمت اصرخ عليه بس بس ببببببببببسسسسسسسسسسسس ماتعبت ؟؟؟؟؟

حبيبي


جسمه صار حااااااار من البجي ومعرق

قلت بقلبي خلاص ماكو الا اني احبي

دمعت عيوني وقمت ابجي معاه

وابجي شلون بنزل ع الارض الحين

واذا نزلت منو بيشيلني

وبالصاله فشله

خالتي شبتقول الحين ؟؟؟؟؟؟؟؟ بتقول مرت ولدي صارت عيوزه وولدي بعز شبابه

فريت ويه حسون صوبي يبجي واشوفه وهو يبجي و يعني خلاص عيونه تتسكر وتفتح

حطيت ايدي على حلجه مره ثانيه

قلت له اسكت بموتك: (

والله بهالاذان اللي قاعد يأذن دموعي غرقت عبايتي وانا ابجي

ودي اصرخ وبالفعل سويتها ..............!!!!!!!!!!!!!!

فلااااااااااااااااانه انادي خدامتي

فلااااااااااااااااااااااانه


فلاااااااااااااااااااااااااااااااااااااااااااااانه

فلااااااااااااااااااااااااااااااااااااااااااااااااااااااانه


آآآآآآآآآآآآآآآآآآآآآآآآآآآآه رحميني وردي ارجوج

وادق على زوجي

مايرد مايرد

اقرا أيه الكرسي قلت يمكن ينام

مافي فايده واشوف ترى صارله ربع ساعه يبجي

سكر حلجه وقال اممممممممممممممممم

اممممممممممممممممممممممممممممممممممه

قلت يابعد جدان امي

يقول اممممممممه

مادري اشقصده بس انا برمجته بمخي انه قال يمه

مادري يوعان مادري هو ليش يقول اممممممممممممممممه وحلجه متروس سعابيل ودموع

المهم

شوي وانا اخزه وهو يشاهق

حسيت بحركه يم الباب

عمي يطل علي منصدم

ام كتكوت ................!!!!!!!!!!!!!!!!!!!! شفيه حسون

جان امسح دموعي


مادري عمي والله مره وحده قام يبجي وانا حدي توهقت وهو يبي ينام يمكن تعبان او يوعان مادررررررررري

اخذه مني

حسن سكت

سكت



سكت الحمدلله

بس يون

قلت ياليتني يايمه اقدر اوقف ووقفت فيك

ولا بح صوتك ياالغالي

عمي يهزهزه على ايده وحسون سكت خلاص .......... بس اسمع صوت شهقته وهو نايم

يسكت شويه ويشهق يسكت شوي ويشهق ( آثار البجي )
وهو بسابع نومه يشهق
قلت اشوه يشهق بس اتأكد انه حي مامات من كثر مابجي بسم الله عليه

عمي اختفي من عندي مادري وين راح ...... هدني وراح صوب الغرف

وانا ابروحي

ابجي

وافكر

وافكر

اقول يمكن اللي صار حلم ...!!!!!!!!!!!!

بس اشوف ملابس ولدي مقططه حواليني اصدق

اشوف عصايتي طايحه عند الدرايه اصدق

اشوف الكلينكس مكود ع الطاوله منتنقع بدموعه اصدق

ياربي ليش ماقدر اقوم خلاص ابي امشي ابي امشي تعببببببت ياربي ياكريم

دقيت على زوجي هم مايرد لاحول لله ولاقوه الا بالله

المهم حطيت راسي بين ايديني والقط انفاسي

مابي ابجي وايد خلاص

مابي ابجي بعد

الله يعينني ويرحمني برحمته ...

ويقويني اقوم امشي بسرعه وارتاح من اللي انا فيه

التلفون قطع امنياتي

انا : الووووووو

امي: السلام عليكم

انا : يماااااااااااااااااااااااااااااااااااااااااااااااااااااااااا (جان ابجي )

امي : شفيج طحتي !!

انا : لا جان زين طايحه ...... ولا احس بالضيقه اللي انا فيها

امي : ذكري الله .... زوجج مضايقج ..؟ قولي تحجي..


وقلت لها اللي صار جذي ع السريع لان بهالوقت خالتي دشت الصاله وويها توها قاعده من نومه مومكتمله !!

سكرت التلفون

قلت لها خالتي سامحيني عسى حسون مااذاكم

جان تقول لاتقولين جذي بالعكس ماصار الا الخير

بس حسن متعلم ينام ويشرب حليب ليش ماسويتي له ؟؟

انا >>>>>:eh_s(12):

بصراحه يتني الضحكه حزتها مادري ليش ......

المهم

تخيلو ان زوجي لمن بالليل مارد علي ولا دق

ولاحتن مسج

كان طالع مع اخوه وعمه بالمزرعه والتلفون مويمه ...........> هذا اللي قاله لمن واخيرا وصل البيت

ماعليه الله كريم الله كاتب انحط بهالموقف وان شالله مايتكرر

حتن والله مازفيت خدامتي ولا كلمتها كلش بس قلت لها تعالي وديني الغرفه ابي انام !!!!!!!!!

وقعد في الغرفه يومين بالضبط

مر الاسبوع بين فرح وحزن وزوارات وزوجي حاول انه يطلعني اي مكان يعني بالسياره نتمشى قالي تعالي نروح بيت يدي نسلم ؟؟

نسلم!!!!!!!!!!!!!!!!!

المفروض هم ايون يسلمون علي مو انا اروح انا المريضه طايحه بالفراش شهور ولا احد بين منهم

ماعدا يدته طبعا انا اقصد الباجي البنات


-------------

المهم ان جرحي بهالفتره الحمدلله ماقام يطلع شي الف الحمدلله ياربي لك الحمد

بس تم ملتهب حتن زوجي وقف الغيار بس قمنا ننظفه ونخليه جذي بدون فتيله او شاش

افتكيت من البلاستر الحمدلله

الحمدلله كما ينبغي لجلال وجهك وعظيم سلطانك

ورب الكعبه يومها ماقدرت انام من الفرحه قاعده وانا بس اتبوسم بروحي جني مينونه بس اتذكر اني افتكيت من الجرح

وزوجي استانس وايد ومبين عليه هالشي

قام يطل عليه بس مافي شي اشوووووووه يارب ياكريم

بيوم وانا منسدحه على ظهري كالعاده ... اشوف صبعي العود اركز عليييييييه عدل ( يتحرك ) بروحه

مخي يحركه

غمضت عيوني .. عشان اختبر احس فيه يتحرك ولا لأ؟؟؟؟؟؟؟؟؟؟؟؟
(هذي طريقتي من البدايه لمن بشوف ريلي تحركت اغمض عيني واركز )

لا الحمدلله طلع يتحرك بس بروحه : )

واصرخ من الفرحه

بأسم زوجي

فلاااااااااااااااااااااااااااااااااااااااااااااااااااااااااااااااااااااااااااااان


مادري بنات ليش ناديته ؟؟؟؟؟؟ لانه اصلا مو بالبيت والله

توني كنت مكلمته قبل لا انسدح ب 5 دقايق

كان الوقت مغرب

تمنيت اسجد سجده شكر

رفعت ايدي فووووووووووووق وحمدت ربي

ياربي صبعي يتحرك الف الف الف الف الحمدلله


دقيت على امي قلت لها يما صبعي تحرك والله العظيم تحرك:016:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء21


طبعا بنات انا قاعده تقريبا اختصرلكم

والسموحه

المهم

امي >>>> حلفي

انا والله

يالله الحمدلله قلتي حق بو حسن

انا : لا ماقلت له

يماااااااااا لحقي علي والله قلبي بيوقف من الفرحه يما صبعي تحرك وحتن اللي يمه جنه هقوتي تحرك بس لازم اركز شويه

امي استاااااانست وكانت مومخليه نذر ومو ناذرته لي ياويلي بنخسرها يالله يالله ياكريم ساعدني

وانا اتكلم دشت خدامتي ...

اشرت لها بايدي قفلي الباب

المهم وانا اكلم امي والله بجيت قلت لها يمى ادعي لي بصلاتج عفيه ادعيلي يتحركون كل اصابع ريولي يما عفيه

امي اختق صوتها موقادره ترد علي .......

قالت لي دقي على زوجج قوليله والله انا بدعي لج ........ اصلا انا متى نسيتج كلنا ندعي لج ليل ونهار

وكلهم يسألون عنج والله

قلت حق خدامتي شوفي ريولي تتحرك تدرون شردت علي الحقيره !!

بكل برررررررووووووود اي يالله عشان انتي يقوم يمشي بروحه انا مافي يمسك انتي كل يوم ايد مال انا يعور

قلت لها ان شالله امشي وماحتاج لج والله ماتسوي شي لاتنظيف ولاكوي ولا غسال ولا شي غير توصلني باغلب الاوقات وتشوف حسون هي وتساعدها خدامت خالتي !!
حتن هدومها غساله خالتي مالت الخدامه تغسلهم

قلت والله موكفو البشاره .................

ذلفت عقب ماصار هالحوار قلت لها يالله روحي خلاص مالت عليها قايلة لها قبل زوجي هالخايسه صج مو كفووو:rgewrg:

دقيت على زوجي قلت له عن صبعي

ماصدق :fun22:

قال يالله يالله انا عند نادي الحبارى ثواني واكون عندج

ولمن وصل شاف صبعي . اي والله يتحرك يالله لك الحمد والشكر يالله هذي بدايه حلوه وان شالله ايي اليوم وتمشين فيه مثل اول واحسن

ونرد بيتنا ونعيش مع بعض وانتي تمششششششيييييييييييييييييييييييييييين

قلت وانا خانقتني العبره امييييييييييييييييييييييييييييين

الحمدلله يارب

صار تاريخ 25 فبراير :q8:

بهاليوم بيني وبينكم صارت مشاكل بيت خالتي واهل عمي وووو مسائل بينهم خاصه

وخالتي كانت متنرفزه وايد رحت اواسيها ووقفت يمها وانا مادري اصلا شالسافه بس شفتها تبجي وعرفت من زوجي ان الموضوع موضوع اهل

ماحبيت اتدخل صار موقف بايخ
مابي اذكره ......

بس مهما كان خالتي عزيزه وغاليه وماقصرت معاي ولادقيقه الله يعطيها العااااااافيه

اقترحت على زوجي دام اني قمت اتنقل بالجبيره ان نرد شقتنا

باختصار وافق

الحمدلله صار يوم ثاني لملمنا اغراضنا واغراض اتوني وخالتي ايدت الفكره ان نلتم بشقتنا احسن ...!!

قضيت عندهم احلى يوم يوم الحمدلله يتني الدوره الشهريه عقب غياب وتحرك صبعي والحمدلله

دقيت على اختي ام الغاليين قلت لها تشكر خالتها ورفيجة خالتها على التطورات اللي صارت ....

وباختصار

صار تاريخ 27-2-2005

يوم عيدي يوم رديت لشقتي الحمدلله مو بالاسعاف هالمره ........على ريولي + الجبيره

دخلت الشقه تذكرت اشياء وايد شفت هالفراش وتذكرت اشياء تضيق الخلق

الخدامه حطت ولدي داخل فراشه قعد يلعب وانا اشوفه من بعيد على مايصعدون الاغراض من السياره

دام اني لابسه الجبيره كل شي اوكي

اقدر اوقف ...... اقدر امشي وانا ماسكه شي ( عصايه + اتسند على طوفه ..)

الحمدلله لك يااااااااااااااااااااااارب صار التوازن من 10% ال 70%

اليوم فرحتي كبييييييييره والله الشي صار بسرعه وانا اشوف نفسي بالمنظره ردت روحي ..... لوني رد


زوجي وصل قال انا اروح اشتري عشا وايي

خدامتي قعدت ترتب وانا بس قاعده افكرررررررررررررررر

ياربي

25 فبراير استقلت الكويت
26فبراير تحررت الكويت
27فبراير فرحتي وردتي لبيتي

الف الحمدلله والشكر لك ياااااارب..........

-------

مر الوقت خلالها الحمدلله تطورت حالتي للاحسن بس + الجبيره

قمت تكرمون ادش الحمام بروووووحي .. اتنقل بروحي

اوقف من غير جبيره ماشالله الحمدلله

جرحي خلاص سكر

شعري وقف تساقط

لوني رد

عيوني موشاحبه مثل اول

نفسيتي انفتحت للاكل نفس قبل

قمت لمن اقعد اقوم اسهل من اول مو الا الخدامه ترفعني

بس بقى اني امشي على ريووووووولي

واااااااااااااي يالله متى امشي يارب العالمين ...........!!


اهلي قام يزوروني الشقه وابوي اسعد انسان بالدنيا

اذكر مثل اليهال اقول يبا شوف شلون قمت امشي بروحي ههههههههههه

وزوجي يوقف وراي عشان لا اطيح لي ورى

وزوجي اسعد واسعد

وبتاريخ 23-4-2005

اول مره بحياتي اول مره بحيااااااااااااااااااااااااتي

صج صج اول مره بحياتي اشيل ولدي على قلبي ( وانا واااااااااااااقفه )

والله والله وراس ولدي مااقدر اوصف لكم فرحتي يومها والله

كل وحده تتخيلني شلون واقفه فيه بنص الصاله وخدامتي يمي واقفه وراي بأمر مني عشان لي طحت حسون مايتعور لاسمح الله

الحين مر على مرضي 10 شهوووووور بالضبط

رحنا يوم بيت اهلي ....... امي متضايقه حدها .. يانا خبر وفاة عمتي بس للاسف ماقدرت اروح العزا ...!: (

الله يرحمها ماتت وانا ماشفتها : (

ومرت الايام رحت بيت اهلي ومع السوالف قلت لامي وخواتي ياليت عندي صور حسون وهو صغير ماصورته ياقلبي

جان تنط اختي الصغيره حبيبت قلبي يعني وقتها عمرها 15 سنه

جان تقول تعالي تذكرت انا مره كنت مصورته بكامرتي العاديه والفلم عندي .......... جان انا اصرخ من الفرحه

صج والله


قالت اي والله

بغيت اقوم ابوسها بس كنت قاطه الجبيره ولا جان تعنيت لها وبستها ............ قلت لها وين الفلم قالت مادري

بس عقب تذكرت ويابته لييييييييييي بعد فتره

نطرت زوجي ياخذني على احر من الجمر .............. يا يمااااااااا بهاللحظه تمنيت اني اسوق سياره : (

والله من زمااااااااااااان مو سايقه نسيت اقولكم ان سيارتي عطيتها بيت اهلي يقزرون فيها للسايق ...........

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 23

انا وزوجي صعدنا فوق بأمان الحمدلله وانا لامه الجيس مال المصور على قلبي ......

قعدت على القنفه وانا انادي خدامتي وين اتوني قالت بفراشه

قلت لها لاتخيلينه بالظلمه جذي وتسكرين الباب خلي الابجوره مفتوحه ...
قالت اوكي

المهم قعدت اتمقل بالصور عدل واشوف الاحداث حسب التاريخ اللي مسجل تحت بالصورة

وانا حدي مكيفه وزوجي يقولي رتبيهم باجر يالله خل ننام

قلت له مافيني نوم .. انت بتنام روح انا قاعده

المهم قلت ماراح اشيل الجبيره عشان لا اتوهق اذا بقوم انام

تميت لابستها وزوجي راح نام بسااااااابع نومه

وانا بس ماغير ارتب الصور بالالبوم اليديد وكل شوي افتحه اشوفهم واسكره واشوف التلفزيون وكل شوي افتحه

انسدحت ع القنفه وانا لابسه الجبيره نمت بالصاله ليما ثاني يوم:ch12:

لمن صار الصبح زوجي عصب قالي ليش مو نايمه بفراشج؟؟

قلت له مادري والله خذتني نومه ع السرير !!

ناديت الخدامه تساعدني راح صوتي وانا اناديها كل عاده وهي تحقرني طلعت لي من المطبخ تتعلج :eh_s(14):

بطت جبدي من الصبح علج ........!!

المهم ماكلمتها مابيها تعكر مزاجي من الصبح

قلت لها جهزي ريوق بسرعه على ما بابا ياخذ دوش

قالت اوكي وهي متوجه المطبخ رديت ناديتها جان تلتفت وتقول اف!!

هي قالت اف :eh_s(14):

صرخت عليها شنو يعني اف ؟؟؟؟؟

امس حاطتنلي ريل على ريل قبال ماما عوده واليوم اف ؟؟

عشان قمتي تروحين هناك كبر راسج

تقولي شنو؟
مافهمت

الصراحه خفت تحط شي بالجاي ولا تكرمون تتفل فيه ..

غيرت نبرتي جان اقولها
انزين يالله روحي خلاص مابي شي
جان تقول قولي مدام شنو يبي ......: (

قلت لها خلاص

والحمدلله عقب ماراحت المطبخ تمسكت بالقنفات ومشيت اشوي اشوي ووصلت الحمام تكرمون وعوبلت بروحي على ماقعدت

وعدى الموضوع على خير الحمدلله

المهم

زوجي تريق وخلص قال انا رايح مشوار تبين شي

قلت له : ماعليك امر ابي منك خدمه تسويها لي

قال لوقدرت بسويها :eh_s(1):

قلت عادي تروح محل الالعاب وتشتري مسدس لعبه وسياره شاحنه او سياره رموت وكبوس كاب فراري !!

زوجي >>>>

حق منو ؟؟؟؟؟؟ حسون ؟؟؟؟؟؟؟؟

قلت له : طبعا لأ

زوجي: عيل حق منو

قلت له حق الولد اللي بمستشفى الطب الطبيعي عفيه

قال ::: اووووووف تبيني اروح صليبخات :eh_s(2):

قلت له عفيه يالغالي < اساحله

قال لي ان شالله على الساعه 10 اروحلهم هو وين جناحه ووووو

وعطيته كل التفاصيل

ووصيته يسلم عليهم ويجيب لي رقم الممرضه الفلبينيه اياها : )

زوجي قال لاتطبخون غدا

اوكي..

اوكي

المهم .............

زوجي راح اهناك ووصل الامانه وهو طالع دكتوره (ن)

قالت له في شي خاص في ام كتكوت نسته عندنا بالقاعه ....!!

شنو ؟؟؟؟

قال هذي كورتها : (

كره اسفنجيه صغيره بحجم كره السله حق كف الايد يمسكونها ويضغطون هذا تمرين الايد للي عندهم عاهات في ايدهم والكره بعد لونها اصفر وعليها ويه يضحك.... ممسوح الحبر مال الويه اللي يضحك منه من كثر ماكنت اسوي التمرين : (

زوجي وصلها لي ...

شفتها ....... بنات ضاق خلقي وايد

لان باليوم اللي شراها لي كان مأساوي جنه ثاني اسبوع من دخولي للمستشفى يابها آآآآه مابي اتذكر

المهم

تغدينا الحمدلله

بعد الغدا انا قاعده ع القنفه ماكان عندنا طاوله طعام حزتها فكنت اكل على طاوله صغيره وزوجي ع الارض بروحه قبال التلفزيون .......

(الحين ركزوا)


-----

احنا عندنا حوظين سمج اللي بالصاله زوجي مهتم فيييييييييه وايد ويحبه وقاط كل حيله فيه

راح صوب صندوق الاكل ... دور اكل السلاحف مالقاه .........!!

بديهيا سأل خدامتي فلانه وين العلبه الصفرا مالت اكل السلاحف

هي عاااااااديه تتبوسم خلص بابا انا يقط

زوجي عصب

انتي شلون تتصرفين بهالطريقه ...؟؟

المهم احنا كلش ترى عاديين ولا اصلا اهتمينا بالموضوع بس زوجي ماشالله عليه عبثي

وايد
وايد

المهم

فركب راسه الا يطلع العلبه

راح يدور في تكرمون زباله المطبخ وماحصلها

لقاها بزباله تكرمون الغرفه الثانيه

اشوه لقاها

سألته شتبي فيها ؟؟؟؟؟؟؟؟؟؟؟؟؟؟؟

قال ابيها بحط ربيان طبيعي مجفف مال المموش داخلها دامها زفره زفره ..........!!

وبعطيه للسلاحف على مااشتري اكل لهم انا مفلس : (

المهم شالها لايعه جبده هههههه مع ان تكرمون الزباله نظيفه مافيها شي بس بديهيا عفس ويهه

فانا قلتله فلان ويييييييييييع شتبي فيها خلاص اخذ اي علبه :cxxxp:

ماخلصت كلامي جان زوجي يصرخ باسم خدامتي

فلاااااااااااااانه


يت بسرعه .. نعم بابا

زوجي: فلانه

خدامتي : نعم بابا

زوجي: وين الكرتون هذا ( وهو يأشر على قاع العلبه )

موموجود

طيب العلبه موجوده والغطا موجود بس قاع العلبه الكرتون المقوى موموجود !!!!!!!!!! ليش ؟؟؟؟؟؟؟؟؟؟

هي كانت جدا عاديه والله ولا مبين عليها اي اثار خوف او ارتباك

انا كنت حدي متنرفزه من ريلي شكو يسأل عن القاع خلاص كلها علبه عاديه ليش مهتم؟؟؟؟؟؟؟

المهم

قالها روحي مطبخ :eh_s(14):

قلت له فلان اشفيك ؟؟؟؟؟؟؟؟ قال مافيني شي

المهم بنات بختصر عليكم

دخل غرفتها ولا خاشه قاع الكرتون وكاتبه عليه طلاسم واشكال غريبه

والله العظيم والله العظيم والله العظيم

شفتو شلون الله فضحها ؟؟؟؟؟؟؟؟؟؟؟؟؟؟؟؟؟؟؟؟؟

بس عقب كل هذا ماصار ولا شي ولا سوينا لها شي ؟؟؟؟؟

بنات انتو مصدقيني ؟؟؟؟؟؟؟؟

مستوعبين ؟؟؟

انا شفت الكرتونه بعيوني الثنتين كاتبه الطلاسم على شكر دائره

يعني حوالين الدائرة بشكل مرتب مرتب مادري اذا فهمتو طريقه الكتابه اللي تكون متواااااصله على شكل دائره

ولقطت كلمة طفل وكلمة كل وكلمة حببني


يمه يمه يمه

ورب الكعبه الشريفه والله الكريم ان زوجي اخذها شقها وقطها لانها مومكتمله مبين ..

ولا قالها كلمه وحده .........!! متخيلين ؟؟


على فكره انا ماقلت لاحد نهاااااائيا نهائيا ع هالسالفه

اصلا اصدمكم لو اقولكم نسيت السالفه بمجرد ان صار يوم ثاني

والله الكبير على كلامي شاهد

بس كل مافي الموضوع ان من هاليوم زوجي قام يتحفظ على اي شي ياخذه منها

وفي شي ثاني يمكن كان سبب سكوتنا انا وزوجي

ان زوجي ماكان طاق للخدامه اقامه وعليه مخالفه ودفع فلوووووووووووووووووووووووس يعني سنه وشيx دينارين وحسبو اليوم بديناريين!!!!!!!!!!!!!!!!!

هو بعد موعن الفلوس وبس .......... زوجي تورط وايد وخاف من المسائلات وتحقيق ومادري شنوووووو

بس احنا سوينا لها الفحص اذكر هاليوم لان كانو البنات مطبعين الختم مال المعاملات علي ايدها يعني مثل غشمره وخدامتي مصدقه الغبيه

جذي

ولمن طحت مريضه زوجي الصراحه انشغل مع المستشفيات وووو وماسوينا اقامتها

ماعليه عاذرته

والسبب الثاني ان مانقدر نييب خدامه ثانيه الا اذا حلينا هالمشكله بالاول

وزوجي الصراحه باااااااااااااااارد وشغله يوم عن سنه :cxxxp:

تتذكرون لمن قلت لكم ان ابوي طلب لي وحده سافرت معاي علاج ايران ( هم عشان خدامتي ماعندها اقامه وماتقدر يعني ممنوووووووع )

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء24

المهم مرت السالفه ومر عليها وقت مووايد يعني

قمت هالفتره اتحرك اكثر مع الجبيره

وريولي تتحسن الحمدلله مع المشي

بس هم تمت ريلي ماتتحرك الا الصبع الكبييييييييييير الحمدلله ......

وكنت بس ازور بيت اهلي بين فتره وفتره وماقلت حق امي عن سالفه خدامتي والطلاسم اللي على الكرتونه عشان لاتمنعها وانا اتوهق >> (ندمت)

بيوم من الايام رحت ولأول مره بيت رفيجاتي وهم من اهلنا ياقلبي امهم استااااااااااااانست وهم بجووووووو بجي لمن شافوني داشه بيتهم بالويل جير وانا قبل ادخل ماشالله بصحتي وعافيتي كل اسبوووووووع كنت اضحكهم واغشمرهم ويستانسون علي

امهم حبيبتي قطت علي نووووووووووون حلاو وفلوووووووووووووووس ويببت ياقلبي

طبعا اتون مع ابوه والخدامه بالبيت مااخذته معاي

زوجي بجرد بس وصلني ليما باب المدخل ورفيجتي كملت داخل البيت


حتن اذكر انا بروحي حطيت الويل جير بريك وقمت قعدت اريح ع القنفه

بس كنت اغلب الوقت ساكته وهم كل شوي يسألوني شفيج اولهم ولاشي مادري متغير علي الوضع من زمان موزايره احد ولا راحه بيت احد جريب السنه

المهم

باليوم الثاني ..بنات حسيت بصبعي اللي يتحرك يعوررررررررررني موووووووت

كأنه مشقوق او مجروح جذي

بس لمن اشوفه مافيه اي اثر لاي شي

لا لون لا ورمه لا جرح لا دم ولاشي

بس يعورني بنات بشكل فظيييييييييييييييييييييييع فظيييييييييييييييييع

والله ماقمت امشي كل بالفراش اقرا قرآني وافكر

يعني عوار من غير اي مبالغه وسأألو اختي مذهله ماكنت اقدر اوقف على ريولي : (

وصارت مواقف محزنه والسبه هالجرح

باختصار زوجي مره شافه قال انا ماشوف فيه اي شي ويمكن ريولج تعورج مو صبعج

قلت له من صجك والله صبعي

ومرت الايام وتعذبت وايد وايد مع هالاصبع لاحول ولاقوة الا بالله يارب

المهم بعد اسبوع بالضبببببببببط واذكر التاريخ كان 14-5-2005

واخيرا شفت أثر بصبعي

منتفخ وابييييييييييييييييييييييييييييييييض لونه :cxxxp:


اول ماشافه زوجي قال بثقه تامه

هذا كله من الجبيره لانج تضغطين على ريولج بالجبس والظفر داش باللحم

الظفر داش وين ؟؟؟؟؟؟؟؟ انا ماشوف شي داش بشي : )

ضحك علي

قال امشي اوديج الطبيب

طبيب !!!!!!!!!!!!!!

بغى يوقف قلبي

خلاص مايعورني فلان خلاص انسى


زوجي كشر ...... شنو مايعور وانتي ماتقدرين تمشين يالله بدلي خل نروح لاندش بمتاهات


قلت له نووووووووو وي

:eh_s(14):


ومرت الايام والاصبع تطور

قام يطلع صديد ودممممممم

والله ياليت اصور لكم الجبيره الحين تشوفون الدم اللي عليها :cxxxp: مابي الوع جبودكم

كان ينزل مثل النزيف

وزوجي يغيرلي كل يوم

وصار مثل جرح الولاده يعور مانام بالليل وانا ابلع بهالمسكنات(علشان ماروح المستشفى)

وتطور وانتفخ وانفجر :0bee2e8d89:

تخيلو

زوجي شافه قال خلاص ام كتكوت لازم مستشفى الشاش والقطن بيخلص من الدنيا والسبه انتي حرام عليج

انا استسلمت وقمت ابجي

اقوله تتوقع ينيموني ؟؟؟؟؟؟؟؟؟

ضحك علي قال يالمينونه شكو تنويم ؟؟؟؟؟؟؟

دق على رفيجه دكتور وقاله تعالي الحين العدان (واسطه )

ودينا حسون الاحمدي عند يدته وطرنا العدان حوالينا

اول ماقعدت : (

خنقتني العبره ماحب هالمكان

زوجي فسخني الجبيره اللي على اليمين وقام الدكتور من ع الكرسي

بقق عينه

لبس دسوس

توه بيلمسه

جان اصرخ

لااااااااااااااااااا

يعور دكتور والله يعووووووووووور وقمت ابجي

زوجي خزني

الدكتور وقف

فسخ الدسوس

جان يقول : عمليات الحين على طوووووووووووووووول

توقعو انا شنو افكر فيه ؟؟؟؟؟

شلون بصعد على سرير الطبيب ؟؟؟؟؟؟؟؟؟؟؟؟؟؟؟؟؟؟


آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

تكملة

المهم

مر وقت جذي وزوجي هدني بروحي بغرفه الدكتور ... وانا بس ادعي واترجى ربي مايحتاج عمليه ...

بس خيب رجاي زوجي لمن دش قالي ام كتكوت يالله عمري ماعليه الدكتور يقول لازم الحين عمليه

انا ماقدر اوصف لكم حالتي حزتها مابي عمليه يعني شنو عمليه

قال لا لاتاخافين مو بنج عام بس موضعي

يممممممممممممممه يعني بحس بالعوار

زوجي:eh_s(14):


اقولج بنج شلون بتحسين ؟؟؟؟؟؟؟؟؟؟؟

قلت له ابي عام

قالي راح تموتين

قلت له ياليت اموت وافتك

هو متنرفز ومستعيل وانا طايحتله حنه ودلع

بس عفيه بنات لا تلوموني والله تعبت

المهم الحمدلله قعدت على السرير بأمان كان نازل وعدت على خير ........

اول ماشفت الدكتور ( كان شايب مصري )

قالي اي يابنتي سلامات

جان ابجي آآآآآآآآآآآآآآآآآه

والسستر يت تركض وتمسح على راسي

ومنكسر خاطرها علي لاني ابجي من قلب والله كنت اوووون

واقولهم والله بس تعبت اكره اللون الاخضر اكره اكرررررررررررررره

طفو الليتات وفتحو كشاف العمليات بو 6 ليتات المدور

وعقمو صبعي وانا اصرررررررررررررخ من العوار كأنه سجين بقلبي والله والله

الدكتو قالي خلصتي

قلت له لأ

قال يالله كملي بكا واذا خلصتي قولي لي

وابجي

ابجي

ابجي

وهو يجهز الوضع

وشفت ابره كبيييييييييييييييييييييييييييييييييييييييييره طلعت عيوني وخرت لفتي عن رقبتي ورفعتها فووووووووق لانها غرقت من الدموع وقلت للستر يعور ؟؟

قالت لا ماراح تحسين ياحبيبتي بنج بنج

انا قلت لها حلفي مايعور

قالت صدقيني

قلت لها والابره

قالت :eh_s(1): يعور شويه

قلت لها حلفي

قالت انا ماجربت الصراحه ......

المهم والدكتور لم حاله وجبل صوبي

وانا:cxxxp: لايعه جبدي قلت له دكتور بعدني ماخلصت بجي عفيه لاتعورني

واصرخ عفيه

وهو يقرب

انا عفيه عفيه لاتعورني

الدكتور قال اذا خلصتي قولي لي

قلت له خلصت:0bee2e8d89:


يه الدكتور

شفت الابره اشكبرها

قال لاتطالعيني ...:eh_s(14):

نزلت راسي وقلت له دكتور ايدك قاعده تعورني شوي شوي

قال حااااااااااااااااااااااااااااضر

ودخل الابره بصبعي حييييييييييييييييييييييييييييييييييييييييييييييييييييييييييييييييييييييييييييييييييييييل


وانا آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

يعور يعور يعور يعور يعور يعووووووووووووووووور شلون اوصفها ؟؟؟؟؟؟؟؟؟

امبي خرعتكم بنات

بس صج يعووووووووووووووووووووور

عفيه عذروني بس صج عورتني الابره لمن دخلها بصبعي

شوي قام يحرك صبعي يقول تحسين فيه؟؟

قلت له انا من قبل ماحس يعني الحين بحس : (

وقام يوديه يمين ويسار

قلت يعور

قال عاوزه جرعه تانيه ؟؟؟؟

قلت ايه

بعدين تذكرت الابره قلت له

جان يضحك هههههههههههههههه

المهم

وهو شغال وانا ماسكه ايد السستر

بغيت اكسرها وانا ماسكتها حيل

اقول حق الدكتور شتسوي ؟؟؟؟؟؟

يقولي : احفر كوسا

ههههههههههههههههههههه

امبي تخيلو وانا اضحك دشت دمعه مالحه بحلجي اففففففففف حتى ضحكتي ماتهنيت فيها :cxxxp:


قلت لها والله دكتور صج شتسوي ( ماحس بشي )

قال انتي مش مصدقه انا بحفر كوسا

يعني شنو يحفر كوسه

يعني غرف صبعي غراااااااااااااااااااااااااااااااف

لا عاد انا قبل العمليه كنت عبالي بسم الله علي عبالي غرغرينه ياكافي الشر

اشوه الحمدلله بعد انا صج موناقصه استغفر الله يارب واتوب اليه

المهم وهو شغال وانا احاتي لايخلص البنج << شوفو تفكيري

وهو شغااااااااااااااااال

والسستر تسولف معاي

وقلت لها اني هاده وليدي واحاتيه

وقعدت تسألني ليش لابسه جبيره ووووو

وفهمتها باختصار اللي صار

ومسكينه دعت لي وقالت ان شالله هذي اخر احزانج

المهم

الدكتور مازال شغال بصبعي .. ماصارت

امبي انا ماحس بشي الحمدلله بس قلبي يعورني وانا اشوفه يحفر : (

والله العظيم يحفر

بالفعل شفت بايده شي طويييييييييل جنه حفاره

يعني حفاره كوسا شويه عليها

واقعد احسه يحكك بصبعي ويصوت مثل لمن تقشرين البطاط شلون جذي استغفر الله ع التشبيه

آآآآآآآه ياريولي تعورني من كثر ماضغط عليها حسيت بهالعوار وتمنيته يخلص بسرعه

المهم

خلص

ربط ريولي بشااااااش غلفها عدل

نزلوني السسترات ثنتين وحطوني ع الويل جير

جان الدكتور يقولي حبيتك يابنتي لله في لله

لمن شاف زوجي قاله الله يهنيك بالبت دي

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 25

انا استانست من كلام الدكتور حدي


وزوجي قعد يتبوسم سأل الدكتور بس الدكتور خذا زوجي على جنب وكلمه بينه وبين زوجي

ماهتميت بس صج نسيت كل شي بس المهم اطلع ما انام بالمستشفى

شوي قلت حق الدكتور الله يعطيك العافيه وماتقصر مشكووووووووووووره وايد وايد اذيتك معاي

قال ولا يهمك من عيوني بس ان شالله عجبتك الكوسا ؟؟؟؟؟؟

انا >>>>>>:eh_s(14):

وطلعوني ع الويل جير

تخيلو رغم العمليه والشاش والحاله مارضيت اركب السياره الا بالجبيره

زوجي عصب بس طوفها لي لان احنا بالشارع والناس ورانا تنطر

بالسياره صارت سوالف بيننا ... من بينها

قلت له شنو قالك

قال ولاشي مهم

بس قال دير بالك عليها ووصاني اغير الجرح كل يوم

بعد تغيير ؟؟؟؟؟؟؟؟؟؟؟؟؟:0bee2e8d89::0bee2e8d89:

المهم مرينا الاحمدي اخذنا اتوني وقلت له بروح حق اهلي يحاتوني

قال ام كتكوت والله تعبان ماقدر اعوبل فيج بالويل جير كله عتبات بيتكم .........@@

المهم انا سكتت بس شوي ولا اشوفه داش بيان (بيت اهلي )

حبيبي ماهان عليه لان برطمي وصل جبيرتي:tek:

المهم دخلت عليهم امي كان عندها خبر زوجي قايل لها

استقبلتني امي وضايق خلقها علي

وشالت حسون وطاحت فيه تبوس وتعضض تقول ولهت علييييييييييييييييييييييييييييييه وايد وايد

المهم


انا منسدحه منهد حيلي وافكرررررررررر وايد

بدى يفج البنج والله يعور ورب الكعبه يذبح من العوار تمنيت الموووووووووووووووووووت

بس ماتمنيت الموت كثر من لمى وصلنا الشقه :cxxxp:

آآآآآآآآه يابانات لو تدرون شصار؟؟؟؟؟؟؟؟؟؟

تخيلو (بس ماذكر لمن ردينا ولا ثاني يوم الصراحه )

زوجي لمن فتح الشاش

الدكتور كان مدخل فتيله داخل صبعي ع الجنب

وربي من غير اي مبالغه ساعه كاااااامله وهو بس يحاول يطلعها من صبعي ... متخيلين ؟؟؟؟؟

بيشلع الفتيله (الشاش)

الدكتور ملوته ملوته مسويه مثل الفتيله ومدخلها بلحم صبعي

الله يآجرني على هاليوم والله حتن الولاده ماتعذبت فيها هالكثر كثر ماتعذبت بهاليوم ...................:0bee2e8d89:


تخيول ساعه كامله زوجي يحاول يشيلها لمن يأس قال لازم دكتور يطلعها

لان زوجي لمن يتلها بيطلعها جنه بيطلع قلبي من مكانه

قلت له دكتور ؟؟؟؟؟؟؟؟؟؟؟ بعد ؟؟؟؟؟؟؟؟؟ انزين خل يعطوني بنج ويشيلونه

زوجي لاتعليق :eh_s(1):


المهم يمين

يسار

يمين

يسار

سااااااااااااااااعه

يالله اطلعت اشكبرها

قلت اوووووووووووووووووووووووووووله

كل هذا كان بصبعي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!

بغيت ايبب من الفرحه انها طلعت

بس الظفر شكله يعور القلب وبنفس الوقت يلوع الجبد ولونه بنفسجي من التحفر

الحمدلله عدت على خيرر

زوجي عقمه وغسله

وقال الدكتور قال لازم نحط فتيله بس انا رفضت ( لمن الدكتور توحد بزوجي اثاري كان قايله على سالفه هاللي بصبعي مصيبه)

ربط صبعي والعوار استمر ليممممممممن وقت طويييييل

مرت الايام ومرت

ويه اليوم اللي محد راح يصدق شصار صج صج صج بتنصدمون


---------------------------------

ملاحظه : كويتيه مذهله اختي اذا ييتي بيتنا سألي بوحسن عن اللي بقوله بعد شوي هو بيصدمكم اكثر:tek:

دقيقه بس اشرب جايي وايي

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء26

المهم

بيوم جذي كان حزه ظهر ماذكر الساعه جم بس اللي اذكره زوجي بالدوام ... رن تلفوني رقم غريب .. مارديت ...

رن مره ثانيه

نفس الرقم .... مارديت

المهم قلت يمكن زوجي داق من رقم ويمكن تلفونه مافيه شحن ( جذي فسرتها ) لان استغرفت طول اليوم مادق

المهم

انا: الوووووو

؟؟: الو السلام

انا: منو معاي؟؟

؟؟: انا فلانه ماعرفتيني ؟؟

انا: فلانه الفلاني؟؟

؟؟ اي شلونج ام كتكوت شخبارج...

انا: (منصدمه شوي ) هلا والله يالغاليه .......انا الحمدلله احسن

؟؟: سمعت باللي صارلج مايخالف امرج البيت اليوم ولا فيها زحمه

انا: حبيبتي تفضلي بأي وقت بيتي مكانج وحياج الله

؟؟: اصيله يام كتكوت انا بعد صلاة المغرب عندج .. وان شاء الله مابيننا الا الخير

مع السلامه ..... مع السلامه وسكرته


انا >>>صج منصدمه

تدرون منو هذي ؟؟

هذي كانت اكثر الناس ماتحبني ومعاديتي جذي جذي من الله ماتكلمني وهي ترى من قرايبي وتزاعلنا على سبب تافه هي صدتني بس كنت انا اللي اسلم انا اللي ابتسم دوم انا اللي اقول مايسوى بنات عمه

والله ماتدرون شنو صار فيني حزتها

مابطول عليكم

يتني هي وخواتها وزاروني ولمينا بعض وتسامحنا وطاح الحطب وطلبت لهم عشى وتعشينا واستانسنا ويابولي الهدايا وايد لي ولولدي


ووزوجي كان طالب لنا كنافه والخدامه ماكله منها طبعا ويهي انقص نصين يمهم بس ماعليه طوفو طوفو ..

انا كالعاده عديتها لها

---------

لمن اطلعو ...... فتحت الهدايا ماشالله يايبين شي راقي

المهم زوجي استانس من الموضوع وقال هي اكيد حست بغلطتها وشافت مني الزينه من البدايه والحمدلله انا ماحب ازعل على احد ولا ازعل احد

المهم

بهالشهر توفت خالتي اخت امي آآآآآآآخ حبيبتي


كانت هالمره ذهبه ذهبه ماتت بالسرطان الله يكافينا الشر بسم الله عليكم ... بس ماقدرت اروح للعزا اول الايام بس بمجرد عزيت امي بالبيت ووو

لمن صار اليوم الرابع من وفاة خالتي الله يرحمها

زوجي بيوم راد من الدوام قال يالله زهبو الغدا مييييييييت يوع

طبعا خدامتي هي اللي تطبخ

فجهزت كل شي وفرشت لزوجي وقعدنا نتغدى بأمانت الله

هدوووووء بس تسمعون صوت الشوكه والقفشه بالصحن

وخدامتي بالمطبخ تفرك الجدر

شوي ولا صوت رنه موبايل تكسر هدوء الصاله

ترن ترن

ترن ترن



قلت لزوجي : موبايلك يرن

قال لا هذا موبايلج ..!!

قلت لا هذي مورنتي

قال ولا رنتي يمكن الجيران

شوي ولا اشوف خدامتي واقفه قبالنا :s141:

زوجي قام من ع الارض

والتلفون يررررررررررن يررررررررررررررررررررررن

انا غصيت بلقمتي

يمه تلفون منو

التلفون بشقتنا

لو انا بالدار قلت يمكن تلفزيون ........!! بس التلفزيون قبالي

زوجي مازال واقف والتفلون سكت

.. مشى خطوه وحده صوب الخدامه

بكل برود بكل برررررررررروووووووووود قال

طلعيه :eh_s(10):

خدامتي ارتبكت ( وهم تتبتسم بعد ) بغيت احذفها بالشوكه

زوجي عاد الكلمه ابرد شوي

طلعيه


خدامتي قالت شنو بابا

قالها : اللي رن توه ... طلعيه بسرعه

راحت الدار وحسوني لحقها بالدرايه

طلعت من الدار ولا بايدها تلفون نقال اسود

انا >>>>>>>>> :nocommint:

زوجي اخذه منها قعد يقلبه بين ايدينه مومصدق

موباااااااااااايل


وده يقولي اخذي حسن ودشي بس مايقدر



طالعها .. قالها روحي المطبخ

انا >>>>>>> :nocommint:

قعد ياكل وهو ساكت

اكل وشبع

والسفره على الارض بعدها جان يناديها

فلانه تعالي

وهي يايه تبتسم ... نعم !!

قالها قعدي

اقعدت على الارض على ركبها

وتضحك

قالها من ويلج هالموبايل

جان يرن

الخدامه نطت

قالها : وين قعدي ؟؟

اقولج من وين .......... التلفون سكت

خدامتي ساكته ...!!!!!!!!!!!!!!!!!!

زوجي رفع صوته شوي

اقولج من ويييييييييين ؟؟

قالت من فريج خدامه نفر يعطي انا

زوجي: شسمها ؟؟

سكتت

اقولج شسمهاااااااااااااااا

جان تبولع بريجها

قالت

شوف بابا

انا بقولك الصج بس بليييييييز ما في عصب ولا يقول حق ماما عوده بليييييييييز ولا ماما فلانه تقصد حماتي

هذا تلفون موبايل من فلانه ( خدامه خالتي ام زوجي)

انا وفلانه وفلانه (خدامتي وخدامه خالتي وخدامه حماتي)

فهمتنا انه متحاططين وكل اسبوع عند وحده

منو تكلم ؟؟؟؟؟؟؟؟؟؟؟؟؟؟؟؟

قالها وهو يطالعني منو تكلمين

انا يكلم جوج

= زوج

المهم قلت لها يالمعفنه بابا بالشهر جم مره يشتريلج كرت؟؟؟؟؟؟؟؟؟؟؟؟؟؟

وتلفون بيت موجود 24 ساعه

وانا هذا الشهر موعطيتج دينارين حق كرت وزفيتها قلت لها منو تكلمين

زوجي قال لاتتعبين عمرج

انا الحين افتش واشوف منو تكلم واخذ الارقام

خدامتي تغيرت ملامح ويها من الابتسامه الا نظره تحدي

فرت بوزها

ولا هامها كلش

والله على مااقول شهيد وقسما بآيات الله ماانسى هالنظره العجيبه

زوجي التفت علي مره ثانيه طالعته بنظره اشوه فهمها مادري شلون يعني خلاص خل تروح

قالها قومي من ويهي وانا اعلمج

هي راحت الدار وانا طبعا ميته خوف حدي حدي

توقعتها بتيب سجينه وبتذبحنا واحد ورى الثاني

راحت وسكرت باب المطبخ

شوي زوجي نادها قالها تعالي شيلي السفره

توقعو شقالت له

؟؟؟؟؟؟؟؟؟

عطيني الموبايل .. هذا انا شاريته بفلوس

شوفو الجرأه وين وصلت

شفتو الحقاره وين وصلت

زوجي مسك نفسه عشان حسن بس

وهي قالت : انا مابي موبايل بس كلم فلانه تعطيني فلوسي تقصد خدامه حماتي

سكت زوجي

وراح الدار وانا لحقته

قلت له ييب حسن اخاف تموته

قالي ماتقدر

المهم يابه وقعدنا نتناقش

هو دش الحمام تكرمون اللي بدارنا وانا قعدت اتعبث في التلفون لايعه جبدي وييييييييييييييييييع

وشفت بلاوييييييييييييييييييي

بلاوي متلتله

ارقام ومسجات حب

التلفون قديم و(ابيض واسود ) نوكيا

بس فيه الصور الرقميه تذكرونها

قلوب وبوسات ومادري شنو ( اتذكر عدل)

قلت بقلبي حسبي الله عليها من خدامه ان جانها شالعه قلبي بحركاتها

المهم طبعا زوجي قال حق امه

وخالتي زفت خدامتها وقعدو تحقيق معاهم واعترفو ال 3

انهم شارينه من واحد ويتعاونون عليه ثلاثتهم

ويكلمون رايييل ويغازلون ووووو يتعاونون على اللي خبركم ويمكن يتكلمون مع بعض عن مخططاتهم مادري!!!!!!!

وترى هم تمت الخدامه عندنا ولا كأنه صاير اي شي

بالعكس اصلا ... ردت العلاقات احسن من اول

وماانكر انها هي شايله البيت وبحسون ولدي ولا مره حسيت اني كرهتها والله

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

تكمله

المهم مرت الايام وصار اربعين المرحومه خالتي حبيبتي ...واعتقد كان بشهر 6 مادري اخره جذي

والخدامه عندي بس بتحفظ تاااااااااام ماتروح معاي اي مكان لان امي ماتحبها وقالت لي تعالي احنا نشيلج على راسنا بس خدامتج ماتدش بيتي

ومره زعلت على اختي حبيبتي بسبت خدامتي مابي اذكر الموقف هي تذكره عدل والسبه انهم مايبونها تيي البيت كنت اقولهم انا مريضه وشبه مشلوله ماقدر اطلع بدونها والله ...... فهموني

بس امي قالت احنا نخدمج بس لا اتيبينها

المهم حتن مره طلعو رحله باليخت (اضطريت اخذذها امي قالت خل تقعد بره تنطر لاتدش بيتي ... انا تضايقت وايد وقعدت هي بالشمس حرررررررررر بعز الصيف ولمن حسون سوا كاكا تكرمون هي دشت دار السايق بأمر زوجي وطهرته )

وذلفت معانا اليخت وامي كل شوي تقول جبح ويه ماحلاه ربي وماتشتهييييييييييييييييييييييييها واااااااااااااااي

امي تزفني تقول انتي شلون متحملتها ؟؟؟؟؟؟؟؟؟

المهم بنفس اليوم كنت موديه جنطه مالت اتوني وعليه صورته مطبوعه ع الجنطه من اخوي حبيبي هديه كان رايح الترفيهيه وطابها ع الجنطه اذا تذكرون المحلات اللي هناك

ولمن ردينا البيت كانت الجنطه شوي وسخه وفيها جزء مبقع عليه طماط مادري شنو

فقلت لها غسلي هالجزء بس

راحت اغسلت الجنطه كلها وخربت الصوره عصبت حدي حدي

اول مره سبيتها قلت لها حشاكم يالكلبه

قالت لي انتي كلبه

:rgewrg::eh_s(13):

سفلت في امن يابتها

وزفيتها زف

تخيلو خدامتي تقولي انتي كلبه

ماعليه انا اعلمج

<<<<< ماسويت شي من الخوف

وجذبنا عليها زوجي ياب رفيجه وقلنا لها ترى ركبنا كاميرا مراقبه وهي مصدقه ولا مومصدقه مادري

.....

ماعليه طولت عليكم

رحت اربعين المرحومه خالتي حبيبتي بروحي وحسون عند يدته ام زوجي

الناس التمو علي يسلمون علي ويبوسوني وووو

ووحده منهم ( من اهلنا )

احبها هالمره يتني تبجي تقولي شصار عليج ؟؟؟؟؟؟؟؟ كانت تزورني بالمستشفى وارتاحت لمن شافتني طالعه بس انكسر خاطرها بنفس الوقت لاني ع الويل جير

قالت الحمدلله وين كنتي وشلون صرتي الحمدلله على كل حال

حبيبتي قالت لي فسخي هالجبس خلي ادهن اريولج

رحنا دار بروحنا وقعدت تدهن بريووووووووووووولي يعلها العافيه والصحه ياربي توفقها وين ماراحت ياااااااااارب

ورفعت عبايتي وتدهن وتدهن وتقرا علي الله يوفقها دنيا واخره ولمتني وقالت لي الله يفرح قلبج ووتمشين قولي آمين
( اخنقتني العبره آآآآآآمييييييييين )



المهم قريت لي جم جزء قرآن وعزيت ..... وزوجي مرني ورحنا الاحمدي زواره

خالتي قالت بمناسبه عيد ميلاد حسون الزواره اليايه عيد ميلاد حسون على حسابي اوكي كل شي ...

وطبعا الحين صار سنه الا اسبوعين على مرضي بالضبط وقرب ميلاد اتون المزيون

بيوم من الايام

وكالعاده مع مغامرات خدامتي .........

المهم بيوم جذي زوجي كالعاده بالمطبخ هو يسوي العشا

كان بالمطبخ مندمج بـ العشا

طبخ اذكر ( ماانساه هاليوم ) طبخ بيض وطماط وجبن وحط فوقه زيتون وهالسوالف وخبز ايراني

وجاي وكرنيشن

هو ياب الصينيه وراح رد المطبخ اييب فتاحه الجبن (جبن كرافت) اللي نفسها فتاحه بطل البيبسي

وهو يفتح الدرج انكسرت الايد مالت الدرج عادي مطبخ شقه اجار بوطقه : )

كان قبل الاخير

زوجي قال ولييييييييييييييييه ...

وملاحظه: ( خدامتي بالغرفه )

المهم

لمن ايه الصاله قلت له اشفيك

قال ايد الدرج طاحت >>انشلعت بايدي عادي شوي اركبها

تعشينا والحمدلله

زوجي شال الصينيه وقعد يتعبث

وكانو حاطين مسلسل فيه دريد لحام قديم بالتلفزيون

ناديته

فلان تعااااااااااال حاطين دريد(زوجي يحب يشوف تمثيله )

قال دقيقه

شوي جذي يعني دقيقتين جان اسمعه يقول

حسبي الله ونعم الوكيل حسبي الله ونعم الوكييييييييييييييل

انا كش شعر ينبي كش كش .. بغيت اقوم نسيت اني ماقدر اقوم عبالي اقدر والله نسيت من الصدمه

امبييييييييييييييييييييييه خفت خفت

حتن اذكر بنفس اللحظه رن موبايلي حقرته لو منو كان افففففففففففففف امبي اشفيه زوجي سكت

فلان اشفيك

فلان اشفيييييييييييييييييك


مولابسه جبيرتي :eh_s(14):


فلان شفيييييييييييييييييييييك


زوجي : لحظه لحظه دقيقه وياي

انا : امبي شفيه عسى هالشيفه موكاسره شي مهم ؟؟؟

خو انا معطيتها الخيط والمخيط ماادش المطبخ الا بالناااااااااااااااااااادر كلش


انطر

زوجي ياني ويهه اسوووووود احس الدم متكود بمخه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 26

دش زوجي منزل راسه

انا : شفيك عاد طيحت قلبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زوجي يه صوبي عبالي بيطقني

ولا اشوفه يلبسني جبيرتي بسرعه بسرعه رفعني قالي روحي الدار بسرعههههههههههههه

انا : لييييييييييييش.. من حقي اعرف شالسالفه

زوجي: لاتسألين وايد اخذي ولدج وروحي الدار

شوي جان يقول ااففففففففففففففف خذا درايه حسونتي وهو فيها تخيلو شالها ووداهم الدار

وانا اطالع

حسيت شي حار على خدي ولا الدموع بروحها على خدودي 4-4

المهم

قالي ام كتكوت دشي الدار وسكري الباب

انا: >>>>>>>>>>>>>> (( منصدمه )))))))))))))))))))))))))))))))))))

المهم

اخذت عصايتي وخذيت بعضي ورحت صوب الغرفه وعيوني تتلاقط على المطبخ اشوف يمكن اشوف شي ... بس سمعت زوجي يصرخ

فلانه

انا سكرت الباب ومن شفت حسن نسيت كل شي وراي

قفلت الباب ..:O_SHH_:

اتون قام يبجي

انا كنت حدي مومركزه هو يبجي بس انا بسمع شيصير بره شلوووووووووووون

هدوء بره ؟؟؟ شالسالفه ؟؟؟؟؟؟؟؟؟؟؟؟

يمه ياويلي زوجي عسى مايسوي شي موزين

تذكرت شي

تذكرت انه كان قايلي بيكلمها على سالفه التلفون اللي لقاه معاها فانا حللت الموضوع انه لقى موبايل ثاني




بس بعدين حسوني طفرني موراضي يسكت وريولي تعورني اففففففففففففففف ياربي شهالعناد الحين

وبره خاموش

لاحس ولاخبر

ياربي

ياربي

ياكريم

عدي هالليله علي خير

ودي اقره قرآن بس الدوره تكرمون علي كانت :cxxxp:


قمت ادعي وادعي واسمع صوت زوجي

قام يتكلم ويتكلم ( بس مادري شيقول )

جان اسمع طااااااااااااااااااااااااااااااااااااااااخ


شي طاح ( بس مانكسر بس طاح ) بعدين اقولكم شنو

واسمع صوت زوجي

يصررررررررررررررررخ

يصررررررررررررررررررررررررررررررررررررررررخ


من قمه راسه .......... الحين سمعته عدل

يصرررررررررررررررررررررررررررررررررررررررررررررررخ


بس اللي فهمته ........ العن ابوج :eh_s(22):

ويصرررررررررررررخ

الحين تأكدت 100% انه يقصد خدامتي

= يعني

خدامتي مسويه شي

لا لا موشي

مسويه مصيبه

مصيبه عوده

يمكن السالفه فيها ريال

لان زوجي تطور صوته صار جنه مكرفوووووووووون او مكبر

قام يقول حرام عليج

حرام علييييييييييج

وهي اكيد ماتت لانه مافي صوت

بنات والله العظيم انا لمن الحين ماسمعت همسه منها والله

وحسون طبعا ساكت ومبلم يلعب بالالعاب اللي على الدرايه

اففففففففففففففففففف الفضول ذبحني ..... قمت اتعذب بعرف شصار

لا اراديا قربت من وليدي الاعبه عشان لايسمع صراخ ابوه

واتكلم معاه .........

زوجي .. نزل صوته واسمع نفس الصوت اللي طاح توه

يمه يمه يمه

تمنيت بهاللحظه اني امشي عشان اشيل ولدي وادش فيه الحمام تكرمون واسكر الباب عشان لايسمع

تعبت وانا واقفه وقاطه اذني

لاتلوموني بنات والله زوجي قام يصرخ والخدامه ساكته

واخاف افتح الباب واحصل لي زفه ولا طقه

المهم

زوجي سكت

فتحت الباب شوي شوي

واأشر على اتوني من بعيييييد ششششششششش :O_SHH_: لاشعوريا لامه اساسا ماراح يفهمني بس قلتها جذي

واقوله ماما ششششششششششش اوكي

وهو عفس وييه بيبجي

فتحت الباب شوي شوي

تدرون شنو شفت ؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

تكمله

شفت خدامتي منسدحه على جنبها وزوجي راكب على ريولها مثل المصارعين وزاردها من ظهرها ( مادري اشلون اوصف لكم ؟؟؟؟؟)

انتو تخيلو المصارعين شلون لمن يبون خلاص يهزمون شلون يبركون فوق الخصم ..... جذي انا شفت زوجي

وويه خدامتي صوبي مجابل

مافي اي تعابير

حسبي الله عليها

اطالع زوجي مومصدقه حدي

بنات انتو مستوعبين ؟؟؟ ردو علي

زوجي يطق الخدامه

ليييييييييييييييييييييش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ويطقها

يطقها

حسيت ان زوجي بيطالعني وويهها متروس شررررررررررر

سكرت الباب

قعدت على السرير ريولي موشايلتني

حسيت (عفوا) ان نزيف دوره نزل علي

حسون تعابير ويها كان حده دايخ حبيبي

وبره صوت زوجي يتكلم بس ماسمع شيقول

واخيرا سمعت صوتها

بس ماسمع شتقول كذلك

شلت حسن لميته على صدري

قلت ماما نام حبيبي

(لازم حليب)

من وين ايب لك حليب ماماتي المطبخ عليه حصر

شربته ماي

سمعت صوت شي طق مثل شي طاح بس مو اللي توه طاااااااااااااااخ

وقلبي

يرررررقع

يررررررررقع

بيطلع من مكانه

يمكن حتن حسون يحس بقلبي

حسون حبيبي غفا ومارضى ينام على صدري


سدحته وطقطقت على ظهره فوق سريري وناااااااااااااااااااااااااااااااااااااااام الحمدلله .....

لحفته

نزلت راسي

ولا الجبيره مقلووووووووبه :cxxxp: اليمين يسار واليسار يمين ..........!!

طاف

قمت مره ثانيه زوجي وايد طوووووووول

رحت صوب الباب

فتحته شويه

واسمع زوجي يقولها والله العظيم راح تندمين يال ...... يال ............... يال...........


وانا حدي متضاااااااااااااايقه صاكه فيني الدنيا

طقها طق

برد قلبي

برد قلب امي

برد قلب ريولي اللي تمت مشلوله سنه كاااااااااااااااااااامله

سكرت الباب ودموعي تصب والله العظيم خلاص ظلمت الدنيا ماقمت اشوف من بعيد

سكرت الباب

زوجي دش بسرعه

لمن شاف حسون نايم .... وقف جنه مسكته كهرباااا

همس: ... ام كتكوت لقيت شي بالمطبخ

انا : شنوووووووو..........!!!!!!!!!!!!!

زوجي: هذي شكلها مسوده الوي

انا: تلفون ؟؟؟؟؟؟؟:gr4uu:

زوجي حط ايده بمخباته طلع جيس صغير لونه اسود مثل ويهها وداخله شعر وقصاصات بس مادري شنو

ماركزت بس لا اراديا

حسبي الله ونعم الوكيييييييييييل قعدت على السرير منصدمه ....... منصعقه مابي اشوووووووف

تذكرت وتذكرت

شريط الذكريات كله قام يمر علي مثل الافلام

تذكرت يوم طحت وهي تضحك

تذكرت شعري اللي طاح وهي راحت خشته

تذكرت يوم لقيت البوم الصور اللي هي مصوره حسن شايلته بشقتي وعلى قنفتي ماسألتها من وين كاميرا !!!!!!!!

سألتها منو اللي مصوركم.........!!!!!!!!!!

تقولي هذي كامره اوتوماتك تصور بالعد الرقمي من بعيد !!!! و انزين وين حاطه الكاميرا وانتي واقفه ؟؟؟؟؟؟؟ طايره بالهوا يمكن ؟؟

ومصوره وانتي منسدحه

ومصوره حسون وحاطه على شعره ورده مالت صينيه سابليه البلاستك تخيلووووووووو والصوره عندي لي الحين وانا اكتب لكم خاشتها

وتذكرت وتذكرت

والله ماتصدقوووووون كل هذا صار وانا مثل العميه

زعلت امي واختي عشانها

مازورهم عشان اهي مومعاي حسبي الله عليها

زوجي مسك جتفي قالي انا مادري شسوي الحين حدي منصدم

قلت له مايخالف قول حسبي الله ونعم الوكيل

يمكن هذا مومكتمل شلون مومكتمل واللي صارلج من وين

يمكن بتجدده ؟؟

هذا اللي قاله الشيخ حق زوجي في احد يسوي لي سحر منا وفيننا وخدانتي تنفذ

بنات شوي اكمل <<<<<<<<<:eh_s(2):


ملاحظه: اليوم اللي طحت عليها عندها اليبوم كانت مصوره باليوم الوحيد اللي طلعت وهديتها مع حسن بروحهم يوم رحت اشوف معامله الدوام خلصت ولا لأ عشان الطبيه

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

......

بنات الحين انتو فهمتو الموضوع

عقبها

اكتشفنا ان الحقيره خدامتي (حسبي الله عليها ) مسويه عمل لنا

بس مو هي لا احد ثاني بس هي اللي تنفذ والله العظيم

والدليل .


بعد يومين ذلفناها وزوجي دفع الغرامه وسفرناها بلا رجعه

هي ماقالت ولا شي عقبها بس اللي اتذكره انها بجت بجي اليهد يومها

واخيرا شفتها تبجي

بجت يوم عن سنه

عن السنه اللي تعذبت فيها

راحت بلا رده

وياكم الدليل .........

عقب يومين

عقب ماطهرت من الدوره الشهريه تكرمون

دخلت على الكرسي الخاص مال التسبح

تطهرت واغتسلت والمفروض كاالعاده زوجي يلبسني الجبيره عشان ينزلني من عتبه الحمام

قال ام كتكوت مو الا جبيره ونياسه حبيبتي الحين بس تلبسين لبسيها وارتاحي

(زوجي قام بدور الخدامه )

لبسني ... وياب لي كريمي واشيائي

قالي خلصي وصلي على ماروح امسح الارض كلها ماي وصابون

قلت لها ان شالله


وهو بالحمام

انا قاعده بدون جبيره ع السرير ومنزله ريولي ع الارض عادي

شعري مبلل مايحتاج شباصه ولا مشط ( تدرون ليش)

عدلت هدومي

سميت بالرحمن

وقفت:ggdw:


وقفت

رفعت ايدي عن السرير

زوجي يصارخ

ام كتكوت الساعه جم

انا وقفت على طولي

مشيت عليى ريووووووووووووووووولي


لمن باب الحمام




مشيت

مشييييييييييييييييييييييييييييت

مششششششششششييييييييييييييييييييييييييييييييييييييييييييييييييييييت

زوجي واقف مندمج حده ولابس شورته مال التسبح اسود

دموعي كانت وايد حاره

انا واقفه

بدون جبيره

والله والله الكبير

واللذي نفسي بيده

ياعلني الموت مابالغ

وربي يابنات اني مشين بدون جبيره

زوجي التفت علي لمن سمعني اقول

(( الحمدلله يارب ))

ام كتكوت

ام حسن

اشفيج

قلت له بوحسن انا واقفه

ترى انا مولابسه جبيره

تعال الحقني بطيح

يه وقف وراي

ورا ظهري

موماسكني

تخيلو بنات

مومصدقه

الدار ظلمت

حسيت اني بطيح ......... بطيح .......... بطيح لا موعشان ريولي تعورني

بطيح من الفرحه

انا امشي


مصدقيني ؟؟؟؟؟؟؟؟؟؟؟؟؟ ردو علي ؟؟؟؟؟؟؟؟؟؟

والله العظيم .... والله العظيم ... يعلها ريولي تنشل اني ماجذب عليكم .. يعل ريول ام كتكوت تنشل اني اقول الصج

وربي العظيم قادر على كل شي

يحي العظام وهي رميم

رحمته وسعت كل شي ...

زوجي وراي ماسكني

احس بانفاسه جهنننننننننننننننننننممممممممممممممممممم

مومصدق

يالله يالله كملي


يالله امشي

اقوله اخاف اطيح

والله ماتطيحين

ريولج تمشي بروحها


يالله


يالله

بنات لاتضحكون علي بليييييييييييييييييييييز

قمت اصرخ الله اكبر


الله اكبر

الحمدلله

يالله ياكريم


ودارنا كانت صغيرره

قالي كملي كملي


طلعي الصاله


يالله عفيه عشان اتوني

كملي عشان خاطري


انا امشي بس احس ريولي شوي يابسه ( تدرون من قله المشي الريول تتكسر )

مشيت يابنات مشيتتتتتتت

تدرون شسويت ...

سجدت على الارض طحت جذي من طولي لاشعوريا

اسجد سجده شكر لله


سجده وانا ابجي شكرا لله شكرا لله شكرا لله


شسوي


شسوي

زوجي يبجي ويقولي وهو جذي ويها :eh_s(11):

تقدرين تقومين

مسكت القنفه ( وانا على الارض ) وقمت

تذكرونها ام كتكوت لمن ببيت عمها كانت على السرير بتقوم مو قادره ؟؟؟

الحين ام كتكوت على الارض قامت

زوجي صار ويها احمر

والدموع مثل الشلال

وانا اصرخ الحمدلله

الحمدلله









الحمدلله

يالله

يقولي زوجي

عفيه ام كتكوت امشي


امشي شويه

اوكي بس خليك وراي

راسي يدووووووووووووور ........ قال اوكي

هو وراي

واسمعه يبجي

وانا امشي

امشي


امشيييييييييييييييييييييييييييييييييييييييييييييييييي

المهم بنات طولت عليكم ماعليه


دقيت على امي بشرتها وصارت سوالف

بس باختصار رحت بيت اهلي ثاني يوم امشي بالصاله على ريولي وكان بينتنا رخام وريولي وانا امشي يطلع صوت ههههههههههه

امي تقول اخييييييييييييييييييييه يحلات هالصوت

الحمدلله وتضحك

ابوي مومصدق

قالي صعدي الدري

صعدت ونزلت


وااااااااااااااااااااااااااااااااااااااااااااااااااااااي بنات خليتوني ابجي شرايكم خلاص الحمدلله ارتحت الحمدلله ام كتكوت ردت تمشي



والله زوجي كان اسعد انسان بالدنيااااااااااااااا

اللي ماخله شي مايبه لي من فرحته

اول تلفون بوكاميرا هههههههههههههههههههههه وابوي تم يومين مومصدق

وانا كل شوي اقوم امشي

اي شي يصير اقوم انا اسويه

اي شي يطيح اروح انا اييبه



جني مومصدقه اني مشيت

انام وانا بعز نومتي

اقوم اجرب امشي اشوف اخاف كان حلم

وارد انام مره ثانيه

يالله

بنات الحمدلله وربي مشيت مره ثانيه مومصدقه تميت ليما يوم ميلاد حسن 3-7-2005 وانا مومصدقه اني امشي ببيت عمي رحت لهم على ريولي

خالتي سوت منااااااااااااااااااااااااحه مناااااااااااااحه ماتشوف من دموع الفرح بيوم ميلاد ولدي طفيت شمعته وانا بدون جبيره




:tek:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء الاخييييييييييييير

:nbvppw::nbvppw:


الحمدلله الذي بنعمته تتم الصالحات


الحمدلله كما ينبغي لجلال وجهك وعظيم سلطانك

الف الف الف الحمدلله ياااااااااااارب

:yaaaaaarb:


الله سبحان وتعالى مايقصر

والله يابنات الله لايوريكم

ماتتصورون شنو الانسان بدون ريول

يصير ذليل .. ضعيف ..... لاحول ولاقوة

بنات انا اللي صار لي موشويه

وتجربتي هذي ماحبيت اذكرها الا لكم

والله ماتتصورون شنو هو احساسي بيومها ..

وانا اشوف الناس تتعطف وتتعاطف معاي

حسبي الله ونعم الوكيل

حسبي الله ونعم الوكيل

هذي تحاليلي .. اشعتي ... سوناراتي ... الرنين المغناطيسي ... الاشعه المقطعية .. التقارير الطبيه ... الطبيات ... ملفاتي اللي بكل مستشفيات الكويت .. دارا الشفا .. الهادي .. الطب الطبيعي .. مبارك ...العدان ... الصباح .. المواساة .. ا ل ر ا ش د .........


لوتشوفون كل هذوووووووووووووووول والله والله مايهموني كلها مجرد اوراق وبس ماابي اصدق ان مكتوب فيها شي ابي اتخيلها اوراق بيييييضه صاااااااافيه ....والحمدلله ماتهمني لو سوده دام ربي تكرم علي بالشفاء التام

الحمدلله

واللي صار لي وكنت ضحيه من ضحايا السحر والعمل الاسود والعين الحسوده ... والنفس الدنيه (كل هذا مع بعض بنات )

ماقول ليش كل هذا صارلي

ماقول ليش تعذبت هالكثر

اقول الحمدلله رب العالمين على كل حال

الله طلعني من هالكابوس قويه ان شاءالله

يديده

نظيفه باذن الله

والله يقدرني واكون ..... مثل مابديت

ادعولي

هذا اللي اطلبه منكم ان الله يعوضني على اللي صارلي

ماقولكم نسيت ..............لا

بالعكس هالذكريات السوده ليما الحين اتذكرها بحذافيرها

ماانسى شي

وغير الاحداث اللي ماذكرتها اما بختصر او شي ماينقال لهول ماشفت يابنات


والحمدلله عقب هالسنه اللي مريت فيها تعلمت اشياء وايد ..... وايد

---------


وقدر الله وماشاء فعل ..

بنات انا اللي صارلي من سنه 2004 الى 2005

ولدت بالراشد
وختمتها بالعدان

يبت الساحره قبل ولادتي بجم شهر
وراحت قبل ميلاد حسن بجم اسبوع

والحمدلله بعدها الامور تمام

عقب شهرين رديت دوامي ولله الحمد عقب غياب سنه وشهرين بالضبط
بنفس االشهر اللي تعينت فيه رديت فيه الدوام بعد المرض

طبعا تخيلو شصار بالدوام احداث تبكي الصخر

وعقبها ب3 شهور رديت اسوق سيارتي حبيبتي
بمساعده زوجي وابوي حبيبي بعد غياب سنه ونص ماأسوق !!

وعقبها بشهرين قمت اركض ماشاءالله وطال شعري عدل
وعدلته وصبغته وصار شي شي ...:dddds:

وعقبها بشهرين الله كتب لي الحمل (يعني الحمدلله سليمه) من الناحيه الباطنيه
بس الله ماكتب وطيحت الله كريم بس الله عوضني

شوفو الله سبحان وتعالى راضي علي
ونسيت اقولكم يبت خدامه سيلانيه وعقب راحت ويبت اندونيسيه
لاتطقوني هههههههههههه تهبل مع انها بارده بس تهبببببببل

عكس هذيج من يتني والحمدلله ماشاءالله شفت الخير

بس انا ام المصايب هههههههههههه خلال سنه انكسرت اريولي واحترقت بالمطبخ وصبعي اليسار انشلع من عرجه غير اللي كان ملتهب وهم منشلع ونسيت اقولكم
بس الحين كل هذا ذكرياااااااااااااااااااااااااااااااااااااااااااااااااااااااااات ..

ونسيت اقولكم هم سافرت 2006
اللي بنفس السنه خدامتي السيلانيه تقول دقت وحده اسمها فلانه (اسم خدامتي )
اسألت عنج ...!! وقالت وين ماما وين بابا
تقول خدامتي السيلانيه ماقلت لها وسكرته الحمدلله


داقه اتجيك ................حسبي الله عليها

والحمدلله السيلانيه طلعت ذكيه ماعطتها اي معلومه والله

بنات هذي ورده :tek: لكم

لكل وحده شاركتني احزاني وافراحي

ولأي سؤال احاول اجاوب باجر ...........

موبس انتو دوام هم انا بعد هههههههههههههه طقت الساعه 12

بس شرايكم بالنهايه ....

امانه

بس هم لاتنسون تدعولي الله يعطيني اللي في بالي ويصييييييييييييييييييييييييييييير

واسولف لكم بعدين وارد على كل التساؤلات من عيوني الثنتين @@


وماعليه عذروني طولت عليكم السموووووووحه

وكتاباتي مومرتبه ومشتته شوي ماصلح كاتبه هااااااااااا ؟؟


أحبكم كلكم

أحبكم