قصتي الحقيقيه مع المرض .. تابعوني وادعولي قصه خاصه فيني (ام كتكوت) =نسخة للقراءة فقط=

[ام كتكوت]

السلام عليكم ...


اول شي اشكر كل البنات اللي تابعوني بالقصه من البدايه وسامحوني انتقلت اهني لان طولت عليكم وزحمت على الموضوع الاساسي

هذي قصتي المريره مع المرض ... والشلل والمعاناة الله لايعوده ... بعد ولادتي الاولى ولاتنسوني من دعواتكم ..

واتمنى تتقبلون الاجزاء بصدر رحب ولاتتضايقون ولاتخافون ترى انا حالتي غيييييير مو تقولون ام كتكوت خرعتنا والله يهون على كل حااااااااااااااامل يارب :tek:


بسم الله الرحمن الرحيييييييييييم


الجزء الاول

انا بقولكم قصتي المريره اللي لمن الحين اعاني منها من 4 سنوات عمره وليدي

اول شي الحمدلله بعد سنه و8شهور من زواجي حملت في بجري واستانست وايد

طبعا اول 4 شهور تعب ونساة وحارج ونساة فظيعه فظيعه فظييييييييييعه مستحيل وحده بالدنيا كانت تتنسى مثلي

ورب الكعبه حتن الماي كانت تلوع جبدي منه تخيلو

تنسيت بريلي وقعدت بيت اهلي شهرين وغيرنا الشقه تخيلووو والسبه نساتي

حتن شكيت ان فيني توأم

المهم بعد الحارج والنساه مازالت مستمره لمن يوم الولااااااااااده

رحت الصباح حسبي الله عليهم كان مافي سرير واشوف هنديه داخله وهنديه طالعه

مصريه طالعه وسوريه داخله

وانا

زوجي طار فيني م.الراشد (حسبي الله عليه ونعم الوكيل )



ابتدت قصتي لاتباعدون ...............


اول شي الحمدلله دخلت غرفه الولاده الحمدلله مافيني الا العافيه بس مجرد طلوووق وهذي حاله كل والده

عوار موطبيعي ... تميت نص يوم بس مفتوحه 4 سم

طووولت وكالمعتاد قالو لي الياهل قل نبضه

وقعنا قيصريه وولدت الحمدلله ثاني يوم الفير ويبت ولد الحمد لله


بس هالولد طلع من عيني استغفر الله يارب

:0bee2e8d89:



:0bee2e8d89:


اكمل

طبعا نسيت اقول قبل لا ايني طلق بيومين كنت بعرس ومن يومها وانا مومترقع وولدت قبل موعدي باسبوعييييييييييييييين يعني تو الناس


المهم

عقب الولاده بيوم

حسيت بعوار صوب قلبي ماقدر اتنفس

ولمن اتنفس يعوووووور يعوووور تعرفون لمن الوحده يكون فيها هوا او ريح شلون يغز ؟؟؟؟؟؟؟؟؟؟؟؟؟؟؟

كان قلبي يغزني وايد مادري اشلون اوصف لكم العوار بس تعرفين طول ماانتي واعيه تتنفسين تتألمين

المهم امي حبيبتي تعبت معاي تقول فيج رييييييح ( تبخرت ) ماخليت شبه وحرمل

ماخليت قشور بصل

ماخلينا مره

ماخلينا زيت زيتون وترديد

ماخلينا شيخ مايبناه

ووووووووو حتن شحم الخروف تسبحت فيه

المهم كنت احس بتعب وضعف بجسمي وترجيييييييييع وعذاب والله ماابالغ كل يوم اتشهد من الكوابيس اللي تييني

بعدين قالو الحاس مادري تعرفنوه اللي ايي حق البجر

بعدين لااااااااااا خلاص وصلت ان ماكنت اكل ولا ارضع ولا اشوف ولدي ولاشي

بس نايمه

والناس اتيي وتروح وانا شبه ميته

ليما امي لاحظت ان السالفه صارت صج مو دلع ( طبعي دلوعه )
هههههههههه

المهم زوجي والله كان يزفني يقول انتي تتدلعين وتبالغين ( بس بعدين بجى على هالكلمه )

قال ابوي تعالي اوديج المستشفى اذكر كان يمكن اسبوعين من ولادتي وانا على هالعذاب

وداني الهادي رحت ولا كأني رحت بس لاحظت اني ماقدر امشي ياوييييييييييييييلي جني عيوز عمرها 100 سنه حتن القومه من الكرسي ماقدرت اقوم والله


ورديت البيت بخفي حنين ولاسوولي شي

بس خذو فلوس ع الفاضي

المهم ثاني يوم تمرمرت زوجي وداني العدان تخيلو صافط السياره بعيييييييد ويمشي فيني ع الويل جير بهالشمس(ولدت شهر7)

دخلت بالواسطه لان نشتغل هناك

وانا ناطره ويمي جثه وانا مادري قمت ابجي اقول حق زوجي ياليتني مكان هالميت والله


المهم

سوو لي سونار مابين شي


سوو لي اشعه والصدمه


قالو لي فيه دوائر مبينه معانا ( ماذكر وين)

قالو يمكن اورام يمه يممممممه ماانسى هاليوم

المهم قالو اورام وايد

زوجي قال شنو اورام

وراها الدكتور قال

1 من 3

ياما انها اورام


او غازات

او تجمعات دمويه


تخيلو موقفي بهاللحظه :0bee2e8d89:

وانا توني والده والله وحدي تعبااااااااااااااااااانه غير السخونه اللي ماتخليني انام بالليل من الكوابيس

درجه حرارتي توصل 40 ماتنزل

والكمادات 24 ساعه وجهاز الحراره واحد ورا الثاني والثلج اللي مافارق جبهتي


المهم قاله زوجي والحل


قال لازم عمليييييييه فورااااااااااااااااا

شنو عمليه

عمليه شنوووووووو

طار فيني الراشد( مكان ماولدت )

قالهم لازم اشعه نتأكد اكثر


وبالفعل نفس كلام العدان

مو عارفين شنو فيني


((((( تدرون شنو يعني موعارفين ))))))))


يعني بيفتحون بطني مره ثانيه جذي اهما وحظهم اللي يطلع وياهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !!!!!!!


اكمل

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء الثاني

طبعا الدكتوره اللي ولدتني(حسبي الله عليها ) وين ماراحت

من الخوف قالت العمليه على حسابنا راح نفتح بطنها ونتأكد شنو اللي في جسمها واصل ليما القلب جهه اليسار

المهم الدكتوره قالت تنويم على طوووووووووووووووووول

رحت البيت جهزت اغراضي وسلمت عليهم (ماشفت ولدي) ولا ادري عنه

ورحنا انا وزوجي المستشفى حجزولي غرفه بالليل الساعه 10 دخلت والعمليه باجر الصبح

حبيبي عمي ابو زوجي ماخلاني يقرا علي طول الليل

وخالتي بعد ماقصرت لمن نمت راحو

وامي حبيبتي قاعده مع وليدي بالبيت

المهم بعد اسبوعين من العذاب

افتحو بطني مره ثانيه (فتح بطن) مكان العمليه اللي مخيطيني تجميلي فتحووووه مره ثانيه


المهم سوو لي العمليه والله زوجي يقول شكلج يكسر الخاطر

بجى بجيييييييييي اول مره اشوفه بهالحال

طلعت واهني الصدمه@@

قالو لي انه دم ( مجهول ) منتشر بكل مكان واصل لي القلب ( شلون مادري )

والعلم من بعد الله اكيد عندهم حسبي الله عليهم وعلى اغلاطهم اللي ماتخلص

وشفطو الوسخ والصديد اللي قدرو عليه والباجي ينطرونه ينزل عبر انابيب

فاتحين بـ بطني 3 قتحات ومطلعين منهم انابيب تنزل الوسخ الله لايعيد ذاك اليوم

غير الدربات والانبوب اللي من خشمي ووووووووو

فقدت دم وايد وايد

تدرون جم واحد تبرع بدمه عشان يعطوني دم المستشفى

7 أشخاص والله

عمي واخوانه 3 وزوج حماتي وزوجي ورفيجه بالدوام

الله يجزاهم خير ويوفقهم

المهم وحرارتي الحمدلله نزلت وتميت بالمستشفى شهرررررررررررررررررررررررر بالراشد على حسابهم

شفت الويل والله عذااااااااااب عذااااااااااااااااااااب ورب الكعبه كل يوم اتمنى الموووووووووت طلعت من النفاس بالمستشفى بروحي انا والخدامه

الكل مل ولاهي بحالته

وانا حتن مااشتهي اشوف زول احد حتن ولدي لي يابوه اقولهم مابي اشوفه

ولا ابي اسمع اسمه

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء الثالث

المهم

اكمل
وقبل لا اكمل

الدكتوره اللي ولدتني اجنبيه بس ماعرف شنو اصلها جنه روسيه حسبي الله عليها الخايسه
اسمها يوليانا


المهم الحين وانا بالراشد وايد كنت متضايقه من البربيش مادري الانبوب اللي بخشمي

وانا صابره وساكته قلت حق زوجي متى يشيلون الوايرات اللي على بطني وكل يوم يقول باجر والله تعبت

بس الحمدلله شالو اللي بخشمي بس وبطلعته بغت تطلع روووووووووووووحي حتن زوجي طلع من الغرفه والله يبجي يقول شكلج يكسر الخاطر

المهم عقب اسبوع يه الدكتور قال لازم تنقلونها مكان ثاني (م.حكومي) لان الظاهر كلفت عليهم وايد

فزوجي قال لازم ننقلج لانج مطوله بالعلاج

(اطول من جذي) والله صج صج صج تأزمت حالتي وكنت كله ساكته وابجي وادعي

حتن الخدامه تبجي معاي وتدعي لي وتقرا علي قرآن

حتن رفيجاتي يتطنزون بدل لا ايون يقعدون معاي يقولون رافجتي الخدامه

المهم سوو اوراقي وخلال يومين نقلوني مستشفى اللوعه استغفر الله م. مبارك آآآآآآآآآآآآه

ودوني هناك مثل الجثه كرهت حياتي دخلت شهر 8 كملت شهرييييييييييييييين وانا لي الحين مقضضه وينزل مني وسخ


شهالوسخ اللي ماخلص

وكل مادشت سستر سألتها متى يوقف ونفس الكلام مادري الله كريم

المهم يابولي اكبر الدكاتره على راسهم موسى خورشيد قعد معاي وقال راح نسوي لج جراحه عشوائيه ندخل مصير ببطنج ونسحب الوسخ

شنووووووووووووووووووووو شنو يعني عشوائيه؟؟؟؟؟؟؟؟؟؟؟

قال لان جسمج مايتحمل اي عمليه بعد العمليتيين(يقصد فتح البطن او الجراحه)

تخيلو دخلوني غرفه ونوموني قمت على عواااااااااااااار الله لايوريكم وفشلت للاسف

قالو لازم ننطر الوسخ يطلع بروحه من الانابيب الصناعيه آآآآآه

وهذي حالتي ماتم متدرب ماتمت متدربه كل يوم واحد شكل يغير لي الجيس

والله لاعت جبدي حتن وحده منهم مره بجت علي وهم يغيرون لي الجيس لاني كنت اصرخ من العوار

وغير الترجيع ( الاخضر) اللي لمن الحين اتذكره تطلع روحي وانا اطلعه

اعتقد لونه اخضر من الدوا

يات امي ثاني يوم ويابت ولدي

قلت لها ليش يبتيه مابي اشوفه وزفتني من يومها كسر خاطري وايد والله لميته اول مره بحياتي بس وانا منسدحه (لان ماقدر اقعد كلش)

صارت معاي آثار جانبيه من كثر السدحه وجسمي كله خدر شبه شلل وماقدر امشي كلش وغير اللحم اللميت اللي يطيح من احتكاكات السرير لها اسم طبي ماعرفه


المهم

مرت الايام ومرت الاسابع لاعت جبدي قمت انا افتح الجيس واكب الصديد عشان لمن يجون يشوفونه فاضي يقولون خلاص خف ويطلعوني


قمت اترجى زوجي شوي واحب ريله عشان اطلع وايبلي ممرضات البيت يعالجوني

تخيلو مره قلت لدكتور مصري ارجوك طلعني وقع خروج المستشفى ومستعده اعطيك اللي تبيه امبي مادري شلون قلت له هالجمله بس لاتلوموني كنت مستعده اسوي اي شي بس اطلع : (

كرهت نفسي كرهت المستشفى

كرهت كل شي لونه ابيض

والناس تيني والله جنهم خلاص يتوقعون انا بموت باجر

غير اللي ايون ويروحون مايشوفوني لاني اكون بحاله صعبه ماقدر استقبل

احد

المهم بيوم ...

حلمت حلم وايد زين دقيت على امي ابجي قلتها يمى حلمت كذا وكذا قالت لي ان شالله خير

بنفس اليوم بالليل كان الساعه 2 وانا رايحه تكرمون الحمام دقيت جرس ع الممرضه عشان يودوني تكرمون الحمام
(مؤقت حمام بعدين قمت اقضي حاجتي بقيصريه تخيلوو)

وانا داخله وادوس على واحد من الجياس ويطلع من بطني

تخيلووو

يعني الانبوب كان مخيط في بطني وطلع وااااااااااااااي يذبححححححححححححححح

رديت السرير من الخوف ولا حتن قضيت حاجتي مع اني كنت وانتو بكرامه حصرانه

(( طبعا عفوا طول الشهرين بس بجرد بول بس ))

المهم رديت السرير ابجي ماني عارفه شنو راح يصير؟؟؟؟؟؟؟؟؟؟؟؟؟؟؟؟؟؟؟


المهم بنات رديت نمت وطبعا كل عاده كل يوم بس تغفي عيني تيي الممرضه وتفتح الليت عشان يعطوني الدوا ( بالوريد) كل يوووووووووووووووووووووووووووووووووووووم
اللي على آخر الايام قمت اصرخ بس رحموني خلوني انام
كل شوي
حراره
ضغط
ابره
مسكن
لوعه

المهم

يت جان تقولي يالله ابره وهي تبي تدخل الدوا ولا تطلع الابره من جلدي آآآآآه بس خلاص انا اهني انهرررررررررررررررررت

قمت اصرخ

ماكو دكتور تخيلو نطري الصبح ولازم يعطوني الدوا لازم

حاولو يدخلون الدوا من ريولي ماقدرت

لان ايدي مافي مكان كلها مقضضه كلللللللللللللللللللها

ايدي واصابع ايدي من فوق ليما تحت كلها خلاص الشرايين مادري الاورده ضعفت وماكو مجال

جابو الممرضه الهيد مالتهم الكبيره

قعدوها من النوم ويابوها لي ( انا افكر بالانبوب اللي طايح مادري شصار عليه وعلى الجرح اللي متبطل اخاف اقولهم يغزوني ابره هوا يموتوني)

المهم حاولت تدور بريولي هم ماقدرت

قالت ماكو الا الابهام يمين يسار لقت واحد ودخلت الابره

طبعا ماقدر اوصف لكم الالم وطبعا انتو عارفين الدرب شكثر يتم يعني طول الوقت انا قاعده وابايدي ابره مادري شنو مصيرها بعد وبالاصبع

طبعا ماقدرت انام لان مكان الابره حيل حساس وماقدر اتحرك كل ماتحركت الابره وياي يمين يسار

غفيت شوي ولا اشوف دكتور واقف على راسي يطالعني( مولابسه حجابي)

انا اخترعت قلت له خير دكتور

؟؟

قالي جيت اشوف لج مكان ادخل فيه الابره او السرنجه

المهم شاف مكان اهون من الابهام والله كريم ماذكر كان وين بس اللي اذكره اني بجيت بجي اللي السستر نفسها بجت بعد وكانت كويتيه

حبيبتي

يابت لي مجلات وقصص وكتب دينيه والخ

وكانت تترجاني اشرب الدوا ماعرف اسمه لاني مااكل صاير لي شهرين بس ع الماي والدرباااااااااات

جسمي انتفخ من الماي اللي من الوريد

قلت حق الممرضه الكويتيه فلانه بقولج شي

جان تقولي خير

قلت لها تعرفين الانبوب اللي باليمين؟؟
قالت ايه


قلت لها طاح

طاااااااااااااااح ؟؟؟؟؟؟؟؟؟؟؟؟؟؟؟؟؟ وينه

قلت لها خاشته بالسله

شافته وقالت لي شلون طاح؟؟؟؟؟ قلت لها

وسألتني يعور ؟؟ نزل دم ؟؟ في اغماء ؟؟؟؟؟؟؟؟؟؟؟؟؟؟؟؟؟؟؟؟؟؟؟

لا لا لا

المهم قالت للدكتوره وعلى حضي كان يوم الاربعا

يعني مافي مجال للهروووووووووووب

خميس يمعه مافي راوند = تدوير دكاتره

بس يت دكتوره منفسه

قالت لي مافي مشكله

لازم اشعه مقطعيه انا رفضت

قلت لهم بطلع

باختصار سويت فلللللللللللللم ومناحه كبييييييييييييييييييييييييييره

ورضو يطلعوني بالغصب ووقعت على مسؤليتي مع انبوب واحد غير اللي طاح بلا رده

قالو لي بس لازم ممرضه بالبيت عشان يغيرون الجيس يوميا والدوا اللي بالوريد بس لايتلوث غطيه

انا هني حسيت اني مسجونه وافرجو عني


يالله بنات اكمل بعدين والله تعبت سامحوني باجر بقولكم عن احاد مهمه وتضيق الخلق ( السفر+ الشلل )

-------------



المهم طبعا زوجي بالغصب بالغصب رضى عقب ما بجيت عليه وايييد وترجيته وقلت له انا ولهت على ولدي والله نسيت شكله وملامحه

كسرت خاطره وطلعت بيوم كان حرررررر وكئابه

رديت البيت المهم مر اسبوع كنت وايد تعبانه تخيلو حرارتي ردت ارتفعت وبيوم شالو الانبوب الثاني الحمدلله عقب ماخفت الافرازات والصديد وياليتهم ماشالوه

المهم يوم شالوه مر جم يوم من العذاب والصوم عن الاكل والآلام قعدت من الصبح ولا رييييييييييييحه والله كأنه فار ميت وانتو بكرامه

حتى ابوي بغرفته قايل حق امي شنو هالريحه اخاف البالوعه مطفحه

واخر شي طلع من الصديد اللي بطل جرحي من ريحته وطلع بره

وطارو فيني م.مبارك(السايق والخدامه وامي) زوجي مايدري

ودخلوني غرفه العمليات وخيطو الجرح بس بنج موضعي

ياهو يوم اسوووووووووود بجيت بجي ماتمت دكتوره ماتهديني وماتمت سستر مامسحت على راسي

ماكنت ابجي من الالم

بس ابجي اخاف يردوني المستشفى

المهم حطوني بغرفه الملاحظه المقرفه على ماوصل الدكتور يتطمن على حالتي

لمن يه قالي انتي شمسويه بعمرج؟؟

الجرح حالته صعبه ومحرجه

انا بجيت
قالي لاتبجين لازم علاج

المهم طبعا ماقدر اقولكم تفاصيل العذاب والله نفسيتي تتعب

رديت البيت والحمدلله الجرح ماطلع وسخ لان باليوم مرتين يغيرون لي الدريسينج وقطن وبيتادين وشاش وحاله

(والجرح على فكره مفتوح طبعا ) وفتحته موصغيره )

اللي زوجي هم اللي قام يعالجي ويغزني الابر ويوديني ويجيبني الله يوفقه ويسخره لي

المهم قعدت في بيت ابوي حبيبي والصراحه بيت ابوي نظام امريكي مافيه غرف تحت ومفتوح على بعض والزوار داخلين طالعين وامي حسيت انها تضايقت بس شسوي ماقدر اصعد دريه وحده ولاربع وحده مافيني حيل اروح للغرف الطابق الاول
الا مجرد تكرمون اروح الحمام وارد وخدامتين يسندوني وبس

وبالنسبه لولدي امي وخواتي قايمين فيه ماقصرووو

وتخيلو العذاب اني طول الوقت بالفراش نايمه ماحس باحد من المضادات الحيويه اللي اخذها كل يووووووووووووووووم كل يووووووووم

بالوريد

لمن يوم كنت ابي اتسبح لاني خلاص قطنت تعاونو علي وحطو كرسي تكرمون بالحمام

وانا داخله ريولي خانتني وطحت واااااااااااااااااااااااااااااااااااااااااي تخيلو جسمي ضعيف حيييييييييييل حييييييييييل مافيني قوه كلش وريولي شبه مشلوله لا اكل لا دم لا روح والله بحط ايدي عشان اقول احس اني حاطه هوا

بالغصب تعاونو وشالوني وردوني ماتسبحت

ريولي طول الليل مانمت منهم بس ابجي

ينبضون من الالم لاني طحت طيحه قشره استغفر الله ..

ابوي ثاني يوم راح حجز لي علاج بره وين؟ ( ايران) يعرف دكتور ايراني وايد وايد وايد شاطر كان بالمانيا

اول مايرجع ايران راح اكون عنده عشان يشوفون شنو علتي

المهم بعد جم يوم سوو اوراقي تقريبا كان اخر شهر 9 يعني 3 شهور من ولادتي بالضبط

سافرت انا وابوي حبيبي بروحنا ومعانا ناس (اصحاب الشقه اللي بيقعد فيها ابوي بايران واصدقاء ابوي ومنهم الممثل طارق العلي)

كنت حدي منحرجه من ابوي لان كانت تيني حالات تكرمون ارجع على طول ومااقدر امشي هو اللي يدزني ع الويل جير

وصلنا المطار زوجي ودعني وامي بجت وانا طبعا مناااااااااااحه:0bee2e8d89:

بعدين واجهت صعوبه بالطياره تخيلو حسيت اني مشلوله بنتقل من الويل جير لمن الكرسي ماقدرت لما ابوي قام يترجاني حسيت اني خلاص تمنيت الموت وبعد جهد جهيد مع مساعده (المضيف) <<<<<< فشله
قعدت على الكرسي وطوووووووول الرحله احاتي شلون بقوم وذبحت ابوي بالاسئله وهو يتغشمر ويلطف الجو وابوي غشمرجي حده حده حده بس ادري بقلبه حزن موطبيعي


المهم وصلنا ايران طبعا انتقل عن طريق الويل جير ونزلوني بجهاز من الطياره متحرك مثل الاصنصير

ركبوني سياره خاصه هناك بايران مادري شلون مثل الاسعاف

دخلت مستشفى (خاص طبعا ) يخرررررررع يخخخخخخخخرع يخرع بالثلاث

اهو كشخه بس مادري ليش يخخخخخخخخخخرع والله والممرضات الحريم اللي فيه ( رياييل )

تخيلو انتو ان الممرضه بروحها من غير اي مساعده شالتني من الويل جير وحطتني على السرير وابوي بقق عينه ههههههه لاتعليق

طبعا عنايتهم حلوه

شفت الدكتور الايراني

طووووووووووول

عررررررررض

شايب

جنه امريكي يكلمني ايراني وانا مبطله حلجي كل اللي فهمته ان اسمه محمد وبس

المهم خذو تحاليل وفحوصات وووووو

وطبعا نسيت اقول ان ماقدرت ايب خدامتي معاي (عشان ولدي) فابوي يابلي خدامه حبيبي بس تخدمني هناك

تهبل حياتي هالمره والله ماطلع من جزاها كانت اندونيسيا بس والله ماقصرت معاي بعدين تعرفون ليش

المهم ثاني يوم من الفحوصات يو دكاتره وايد ومنهم هذا محمد الله يعطيه العافيه (رغم انه كان كله يزف )

تخيلو لبسونس حق العمليات ليش يقولون لازم عمليه نفتح بطنها (للمره الثاله )

قلت يالله فتحو يت على هذي

لان بالسونار والاشعه اكتشفو ان فيه وسخ بعد يطلع ولازم يسكرون مصدر الافرازات الدمويه والسوائل الصديديه

المهم نطرت بممر العمليات ساعه ونص (نمت حزتها ) وقعدوني وانا ماعرف ولاحرف ايراني بس كلمه يعور والحين نسيتها بعد

دخلت الغرفه ولا د. محمد مع ولده هم الجراحين ماشاءالله

اشوه الولد تفاهم معاي وقمت اطقطق معاه بالانجليزي:eh_s(1):

قمت اقوله اخاف اموت

يقول ماراح تموتين وراح تردين لاهلج بالسلامه

قلت له عفيه اذا مت قول حق ابوي مشكووووور واني احبه وايد ووووكلام وايد

الدكتور قالي ماراح تموتين ولو متي راح تموتين نظيفه من اللي شفتيه :0bee2e8d89:

استغفر الله يارب اغفر لي

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء الرابع

المهم

تخيلو الابو قالي يالله دوخترا عدي من الواحد ليما الخمسه

انا بس اذكر اني قلت واحد قعدت على طراقات الدكتور الولد

اول مافتحت عيني جان يقولي الحمدلله على السلامه يو آر لاااااااااااايف الحمدلله

بس هذا اللي اذكره

دخلوني الغرفه كان الصبح ولا ابوي باستقبالي

بعدين دشو ناس ( ايرانيين ) وااااااااااااايد وايد يمكن 3 عوايييل

وانا منصدمه حدددددددددددددددي ناس تدخل وناس تطلع وانا مالي خلق نفسي وتعبانه

منو هذول مادري لي يومكم والله العظيم

يسلمون علي ويابو لي ورد الدنيا كلها والهدايا ووووووووووووووووووو

وابوي حبيبي تعب معاي وايد وياب لي اكبر دكاتره ايران عشان العلاج الطبيعي

ويحن علي اكلي والله بتموتين وانا مممممم حلجي مخيط ماغير الماي وبس

طبعا تتسائلون عن تكرمون الحمام ترى ماكنت اروح الحمام تخيلو كل 3 أيام مره وحده للتبول تكرمون وبس واصلي وانا نايمه بعد لان ماقدر انثني كلش

المهم يه الكتور الصبح تدرون شنو لقى وهو يسوي العمليه

يقول لقينا بمنطقه الولاده خيوط عمليه لونها اسود

يقول بالكويت مخيطين غلط وناسين خيوط صغيره

حسبي الله ونعم الوكيل

حسبي الله ونعم الوكيل

حسبي الله ونعم الوكيل

حسبي الله ونعم الوكيل

حسبي الله ونعم الوكيل

ويقول خيطنا الجرح والعمليه نجحت والحمدلله رب العالمين

وقال من اليوم لازم تمشين ولاراح يتجلط الدم بريولج وتدخلين بمتاهات (وهذا اللي صار )

المهم نسينا سالفه الخيوط واخيرا سبحوني بماي وصابوووووووووووووون واااااااااااااااااااااي يوم عيد

كان باقي على يوم ميلادي جم يوووووووووووم قلت على الاقل اكون فيه نظيفه

عيد ملادي 29-9

المهم كل يوم تغيير جرح .. ومع الادويه كانت تيني حكه مادري حساسيه من الادويه والخدامه تحك ريولي

وتوكلني

وتوديني الحمام

وتسولف لي وتواسيني

ولمن ابويي قالها تعالي اليوم تنظفين الشقه مارضت قالت انا ماهدها لو اموت

حبيبتي اكسرت خاطري مع اني كله نايمه وهي بروحها تقرا قرآن وتهفف علي

يابولي دكتور علاج طبيعي يسويلي تمارين بالفراش وانا نايمه عشان لاانشل

ويابو دكتور باطنيه كشف علي وقال الحمدلله الجرح بخير تقدر ترد الكويت

ويه اليوم اللي برد فيه الكويت تخيلو صار مقلب ماذكر شلون بالضبط بس بالرده راح اكون ابروحي لاني انا طلبت ارد ابجر من الموعد اللي ابوي حاجز

وماتحمل اقعد بعد اكثر...................

ابوي قال ماقدر اهدج بروحج


وكالعاده سويت مناحه ورضى ارد

خلصت باقي الاجرائات بالمستشفى وعطوني تقرير حق الكويت شي حق الدوام واجازه ومن هالقبيل بالايراني مترجم انجليزي

والحساب ولا الفاتوره طلعت بالملايييييييييييييين طبعا ايراني ^_^ يمكن 6 ملايين طبعا ابوي لاخلا ولا عدم مستعد يدفع البلايين قالي هالكلام واحنا رايحين المطار
كان بالليل

المهم وصلنا المطار عند المواقف وابوي يدزني على الويل جير وانا حاطه مخده تحتي (عشان لمن اقوم اسهل لي ) شفتو لاي درجه ضعفي اللي ماقدر اقوم على حيلي من على الكرسي؟؟؟؟؟؟؟؟؟؟؟؟؟

المهم ابوي انشغل شوي وعطه رفيجه يدزني (المترجم الايراني)

آآآآآآآآآآآخ قدر الله وماشاء فعل وهو يدزني


: (



: (




: (









: (



طيحني من ع الكرسي

طحت طحت

وريولي تعورت وايد المهم تيمعو علي الايرانيات شالوني وعلى فكره هذي ثاني مره اطيح بالشارع نسيت اقولكم

وبسرعه بسرعه دخلت عشان لاتطير الطياره عني:eh_s(2):

ابوي ضايق خلقه بغى يكنسل يقول شلون راح تتصرفين وانا قلت له مومشكله

دخلني لمن الطياره ودق على زوجي على اساس يستلمني من الطياره بالكويت

المهم دخلت الطياره بروحي ابي اقوم مااقدر شصااااااااااااااااااااااار


المهم ييت بقوم من على الويل جير ولا مااقدر(على فكره انا ماكنت لابسه شي في ريولي تكرمون لاجوتي ولانعال ولا حتى اي شي يعني حااااافيه)
حاولت اقوم ماقدرت ( حسيت اني مشلوله ) :eh_s(12):

نزلت راسي اشوف اريولي (لاني بلحظه حسيت انها مشلوعه ) !!!!!!!!!!!!!!!!!!

اشوفها ولا كلها مزلقه ومشققه كلها دم وانا مالاحظت لان لابسه عبايه(مانتو طويل)

اطالع عدل ولا لاااااا الجروح وايده قمت ابجي

جان ايني مضيف

قالي بالانجليزي شفيج قلت له موقادره اقوم

قالي حاولي...

قلت له مااااااااقدر قالي مسكيني وقومي قلت له مااقدر

قال الحين راح تطير الطياره ومستحيل تتمين على الكرسي المتحرك ممنوع

ياربي انا وحيده بروحي و موقادره اتصرف ولا استغيث باحد

وكلهم رياييل والله ...... التفت يمين ... التفت يسار .....التفت وره مثل المينونه ادور حرمه

ماكووووووو جان ابرطم وابجي مثل الياهل

وادعي ربي يعطيني القوه عشان ارفع نفسي واوقف ولا اتفشل بين الرياييل يلمسوني

قريت آيه الكرسي 3 مرات وانا مغمضه ...... فتحتها

ولا اشوف الناس تيمعو علي




المهم المضيف قال خلاص يااختي لازم نرفعج لان وايد تآخرنا


توكلت على ربي واستغفرت وحاووووووووولت حاولت اني اساعدهم بس للاسف هم رفعوني وحطوني على الكرسي حسبي الله ونعم الوكيل


تخيلوني وانا بالطياره بروحي محد يمي وريولي مجرحه وافكر شلون بنزل لا لا لا شلون بقوم وبقعد على هالويل جير مره ثانيه


المهم طارت الطياره وانا ابجي وابجي وابجيييييييييييييي بجيت لمن حسيت ان اللي قاعدين وراي تأذو مني : (

ناديت المضيف قلت له شوف


انا طحت بالشارع على ريولي ( والحين موحاسه فيهم ) شلون راح انزل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قالي لاتفكرين راح تنزلين بخير بس عطينا رقم احد عشان نكلمه

المهم ودقو على اسعاف الكويت وزوجي مايدري

عطيتهم رقم اخوي ولمن وصلنا دشو الاسعاف الطياره التفت ادور احد اعرفه ماكووووووووو

المهم بالغصب شالوني ونقلوني الكرسي وكنت ابجي واترجى اللي يدزني اقوله شوي شوي لاتطيحني ارجووووووووووك

وهو يقولي انا مومسرع لاتحاتين

بس احسه شوي يسرع ابجي اقوله لاتسرع اخاف اطيح ( ومن هاليوم تعقدت من الويل جير) ومن الطيحات

وانا بالممر استقبلوني الاسعاف ودوني طوارئ المطار سدحوني وشافو ريولي الثنتين مزلقين ومجرحين وايد ( من الشارع )

قالي رفعي القدم عشان ننظفها ونعقمها ونلفها

يايه برفعها ( ماقدرت )

قلت لهم ابي زووووووووووووووووووجي دقو عليه < ميته بجي


ابي زووووووجي .......... ابي زوجي

عطوني تلفون دقيت عليه قال كا أنا بره

المهم ابوي كان مكلمه والحمدلله زوجي قوي جدام المصايب ماشالله عليه

قام يقولي اشفيج وقلت له اني طحت

المهم رحنا اقرب مستشفى مع الاسعاف م. الفروانيه...........

تخيلو اول مادخلت الاسعاف حاولت احرك ريولي ....... تدرون احس ان ريولي مقطوعه مو موجوده على ساقي

يعني مافيه كلش ولا احساس ولا شي ولاشي

انشلييييييييييييييييييت


قمت اصرخ بالاسعاف عطوني ابره قمت اهلوس

وين ريوووووولي


المهم وصلنا المستشفى ودخلوني مكان سولي كشف واخوي ويه اصفر من الصدمه

وزوجي يقرا علي قرآن وانا مغطيني مثل الجثه عن الرياييل

دخلت غرفه كلها دكاتره

مالهم خلق

سألوني جم سؤال

حركو ريولي اليمين ماتتحرك

وديها يمين ؟؟؟(ماقدر)

وديها يسار؟؟(ماقدر)

طيب رفعي القدم فوق ( ماقدر)

انزين دوسي لي تحت جنه بتدوسين بريك ؟؟؟؟ (مااااااااااااقدر ماقدر)

ليش ؟؟ شنو السبب ؟؟؟ مادري ........

المهم جبسوها لي لان سوو لي اشعه طلعت ريلي سليمه مافيها حتن شرخ مو بس كسر وكل عظامي سليمه ومجبوره

بس شالمشكله!!؟

مادري!!

يمكن اعصاب شي ثاني مادري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


المهم الحين وين رحنا


رحت شقتي مع الاسعاف

دخلت غرفتي النوم

دخلت بدون ولدي

بدل لا ارد من بيت ابوي من النفاس

رديت مشلوله ... مقضضه .. مشقوق بطني من الوريد الى الوريد ... تعباااانه حدي:0bee2e8d89:

زوجي دخل الغرفه قلتله فلان خليني بروحي شويه بليز


طلع وسكر الباب :.........!!!

اشوف ريولي مجبسه ثقيله ماقدر احركها كلش وفوق كل هذا تعورني وايد وايد وتحكني موووووووووت

افرفر بحكها ماقدر



:0bee2e8d89:






:0bee2e8d89:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء الخامس


وانا بالدار ناديت زوجي اسولف وقلت له عن كلللللللل شي ضاق خلقه وقالي ميخالف حبيبتي المهم ان جرحج انجبر وريولج كلها جم شهر ونفتح الجبس وتطيبين

((((((((كلها جم شهر))))))))))))) >>>> قعدت هالجمله ترن في اذني

والله صج حسيت اشكثر الانسان بلحظه يكون ضعيف ذليل لاحول ولاقوة له

ياربي ياحبيبي ارحمني برحمتك الطف فيني واقعد ابجي وزوجي يهديني كسر خااااطري

المهم ردت روحي من شفت وليدي ولهت عليه اول مره احس بهالاحساس وليدي صار عمره 3 شهور .. كبر وانا بعيده عنه

الحمدلله رديت بيتي رغم اللي صار بس يم وليدي وزوجي المسكين اللي انظلم معاي ... وانطفت فرحته بالولد المنتظر باللي صار لي

والله ما حسيت بطعم الامومه

لاني ماشوف هالضنى ولا ارضعه ولا اناغيه ولا حتن نطقت باسمه ودلعته

ولمن طهروه ماشفته .. ولا اعرف شكل بسمته وضحكته وملامحه

(الا من وخيتي جزاها الله خير صورته بس عقب سنتين شفت الصور تخيلو )

المهم


الممرضات كانو كل يوم ايون يشوفون الجرح ويعقمونه لمده اسبوع ياو بيشيلون الغرسزهذا اليوم الاسود اللي ماانساه

لوعت جبودهم من الحنه والصراخ .. صراخ الالم واللوعه والقههههرررررررررررررر


المهم تعلعلت بعيشتي ( بالنسبه للحمام تكرمون ) زوجي شره لي قيصريه اقضي حاجتي فيها ...

واتسبح بالفراش .. عن طريق فوط يمسحون جسمي فيه و( ريولي مجبسه ) وووواي شعور مو حلووو

آكل بالفراش


اصلي بالفراش


اقرأ بالفراش


اسولف بالفراش


استقبل الزوار بالفراش


اسوي علاج طبيعي بالفراش

زهقت

طقت جبدي

تمنيت الموت

وفي يوم كان يوم عيد ميلادي ياو خواتي عندي ويابولي كيكه حبيباتي وهدايا بس والله هم قاعدين بالصاله وانا بالغرفه بروحي مابي اشوف احد

راحو والخدامه تقولي ماما مابتشوفين الهدايا قلت لها لأ


اخذي كل الهدايا وعطيني اريولج امشي فيهم

((((((((((((((قالت ماما انا يبي ريولي مااعطيهم احد لو يعطي فلوس كويت كلوووووووووووووووووووو))))))))

طبعا كل يوم بجي بجي واصرررررررررررخ اقول بس تعبت تعبت والله محد حاس فيني الا الخدامه

صج صج ماقصرت رغم ان الكل شاك ان هي مسويتلي سحر


بس قامت فيني قوووومه كبييييييييييييييييييييييييييييييييييييييره

المهم قرب رمضان الكريم قلت لزوجي بروح عند اهلي اقضي رمضان معاهم

قالي لا خليج يمي انا اقوم فيج بيت ابوج مافيه غرف وين بتقعدين؟؟؟؟؟؟ قلت له الدوانيه

المهم هو رفض مبدئيا

اليوم الثاني قلت له جيب مقص وشيل الجبس لان ريولي تحكني

وبعد جهد جهيد مع البجي والترجي والدمووووع انجرف زوجي ورا دموعي وسمع كلامي

وفتح الجبس ...............

قصينا قص بالمقص لمده ساعه ونص واكثر وكسره (طبعا ماحس بريولي )

جيت بحركها ولا ماقدر خلاص الحمدلله على كل حال شلل اكيد

زوجي ضاق خلقه وقام يلوم نفسه ان ماسافر معاي يقول لو انا معاج جان ماطحتي ولا صار اللي صار

قلت له مومعقوله بس عشان طحت انشل!!!!!!!!!!!!!!!!!!!!!!!!!!!!!!!

حاولت اقوم ماقدرت اوقف عليهم ولا حتن احطهم على الارض امبييييييي تخيلوووووووووووو

يعوروني اففففففففففففففففففف

مليت مليت بمووووووووووت

المهم زارني ابوي حبيبي قالي ها يابنتي شلونج اليوم اشوف رفعت الكفر


جان يصرخ وين الجبس


خفت يزفني جان ابجي واسوي تمثيليه ان انا تعبت منه وريولي تحكني موت موت موت موت قمت اهستر بغيت اين

المهم ابوي عاتبني وايد


كلمته بموضوع اني بروح عندهم البيت

رحب وقال تعالي احطج بعيوني بس تتحملين العواقب(الازعاج وووو )

لان مثل ماذكرت مافي غرف وبيحطوني بمكان قعدتهم


المهم شالو شلايلي ودقينا عالاسعاف ونزلوني بشبريه (سرير)

دخلت الاسعاف ولا المصري يقولي

فيكي ايه يابنتي


جان ابجيييييييييييييييييي واقوله قصت حياتي ........... قام يبجي

والله العظيم ورب الكعبه بجى


وصلنا بيت ابوي دخلوني من جدام الباب الرئيسي عشان يكفي السرير

وكان ثاني يوم رمضان ......... نيموني بالدوانيه ( مكان قعدتنا وتجمعنا )

وقام ايوني زوار من كل صوب وتعجبو للي صارلي كلكهم منصدمييييييين من شكلي ومن وزني اللي راح نصه واكثر

صرت انسانه ميته والله على قوله اخوي كأنج شبح ام كتكوت مو هي

ويهي مصفوق وايدي سوده من الدم ( الدربات ) وجسمي ذبلان وضعفان حده

المهم ابوي شاف حالتي بجم يوم مريبه وشعري طاح مره وحده
وايدي تعكفت يعني مثل المشلوله ماقدر اشيل ورقه اكلنكس واذا بشيل شي

اشيله من ظهر ايدي مو من الكف فاهميني ؟؟؟؟؟؟؟؟؟؟؟؟؟؟؟؟؟؟

ابوي بغى اين شنو اللي قاعد ايصير لي من سيء الا اسوأ

وقامت الكوابيس تيني بالليل لدرجه انهم شالو ولدي وخلوه ينام عندهم من كثر الصراخ بالليل

وغير الخدور فظيع بكل جسمي

يعني جنه نمل وايد يمشي بلا تووووووووووووووقف

شعري كان ليما ظهري تدرون لي وين صار؟؟؟

صار مثل البوي حت طاح صرت قرررررررررعه والله


طبعا نسيت اقولكم ان ابوي الغالي طلب لي علاج طبيعي بالبيت هو دفع اسبوع مع زوجي وكان غالي وايد طبعا بالفراش التمارين

المهم

عقب ماطاح شعري انا ينييييييييت لا مستحيل اللي يصير وين شعري اللي شطوله ؟؟

مره وحده جك بوم ماكو شي

قمت البس مثل القبعه وحجاب على راسي عن الاحراج

يابولي شيخ بعد جم يوم تقريبا ماذكر بس اللي اذكره ان كلهم طلعو بس تم زوجي معاي والشيخ

وقعد يقرا وانا ماحس فيه ولا اسمع جنه ولا احد قاعد

بس مبققه عيوني ومتصمبره جني مينونه

بس اللي اذكره ان كل ما علا صوته شوي راسي يعورني وايدي تتحرك بس ماحسيت بضيجه ولاشي الحمدلله بالعكس كنت مرتاحه

بس مسبهه ولا جني اسمع

زوجي قال شيخ زوجتي شعرها طاح قال يمكن من النفاس بس هو مايدري انه طااااااح طاااااااح يعني x باح

عطاني ماي مقري عليه وآيات اقراها ورقيه شرعيه

طبعا ماسويت ولاشي مادري ليش


وتخيلو ان اذا بحك مكان بجسمي منو يحكه

خدامتي

ومااتحمل اي لمس اي عوار اي شي .... ايدي داخله لي داخل وتغزني

مادري ليش ( لمن هذي اللحظه اللي اكتب لكم فيها )

المهم برمضان تدرون الغبقات والطلعات وووو وانا بروحي نايمه ماتحمل اي ازعاج
ماتحمل اي ليت اي ضوء كله قاعده بالظلمه وكآبه

حتن لمن اهل زوجي يو يزوروني كان ظلمه وخالتي حبيبتي قالت خلوه مسكر اذا هي مرتاحه

دخلو ضيفو عمرهم وطلعو وانا مادري عنهم

ووايد تأذيت بالنسبه لقضاء الحاجه ( التبول فقط مافي شي غير هالشي وانتو بكرامه ) هم مادري شالسبب

كله بقيصريه

وامي كانت تغسل راسي وانا بالفراش بماي مقري حبيبتي وتسبحني ياعمري

وهي تطبخ لي وتجيبه لي عندي وتقعد مع وليدي وماترضى احد يجيسه ولا يبجيه

والله العظيم ورب الكعبه انها تتفطر وتحطه على الطاوله مالت الطعام فوق ....... يمها حاله حال الصحن اللي يمها

ولدي خلاص بيكمل 4 شهوووووووور

دخلنا نص اكتوبر وانا ولدت 3-7اصلا

المهم ماذكر التواريخ بالضبط

بس اللي اتذكره بيوم ابوي قالي ياحبيبتي لازم تروحين المستشفى

انا قلت له اي مستشفى

قال الطب الطبيعي

قلت له خلاص يبه الحين هذول ممرضات ايوني ويسولي تمارين وان شالله احاول معاهم واتحسن

بس قالي هناك اجهزه وعنايه ووووو

المهم ماسمعت كلامه


بيوم من الايام يمكن مر 3 أيام على هالكلام

يت اختي الصغيره حبيبتي كان بالليل ...... قالت لي بلعب معاج اونو

قلت لها يالله عاد حدي ضايق خلقي

المهم صفطت يمي ع الفراش وقمنا نلعب نلعب لمن صار الوقت شوي متآخر يمكن كان الساعه 2 بالليل

ييت بعدل قعدتي ولا اشوف ماي ينزل على ريولي

ماي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من وين

لا اي ماي اي اكيد ماي


يعني مونقطه لا شي واضح ماي

من وين ؟؟؟؟

اختي تتغشمر تقول اخاف مركبه نل

قلت لها لا حرام عليج والله صج انا خايفه من وين هالماي

وانا كنت لابسه بجامه بنفسجيه وصارت سووووووده

(على فكره مايتني الدوره تكرمون طووووووووول هالفتره وقفت ماكو)

قلت لها لايكون الدوره

اختي تقول شلون الدوره ينزل ماي يالذكيه لون الدوره احمر

هااااااااااااااااااااا

نزلت البنطلون شويه

ولا شنو الجرح تبطل جرح الولاده تبطل


صرخت على اختي (((((جيبي منظره اشوف )))))))))))))))

؟؟؟ انفتح ؟؟؟ لا مستحيل اغمي علي

وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااي

زوجي كان بالاحمدي (بيت اهله) والله والله والله دقيت اهلوس اقوله الحق علي اللي بنيناه كله انهدم

والسَفره اللي رحتها ايران وطحت فيها وانشليت راحت بلا فايده الجرح تبطططططططططططططططططططططططططططططططططططططل



:0bee2e8d89:



:0bee2e8d89:


!!!!!!!!!!!!!!!!!!!!!!!!!!!!!!!!!!!!!

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء السادس

المهم

انا كنت بين واعيه وحلمانه ..... الا اقوول كابوس مو حلم ....!

ردت الايام بذاكرتي وره واتخيل العذاب اللي تعذبته عشان هالجرح

افكر لايكون راح ارد المستشفى ويحطون لي انابيب ووووووو ابر ودربات اللي ليما الحين علامتها بايدي من 4 سنين

المهم

زوجي بظرف نص ساعه يه وهو والاسعاف وراه

لبسوني وشالوني بالاسعاف وزخوني مستشفى مبارك وانا بين اللي قاعده وموقاعده مابي افتح عيوني
مابي اصدق اني رديت مره ثانيه للمستشفى

المهم قطوني بالملاحظه وراحو عني (لان بالليل ماكو فحص او علاج الا الصبح )

وزوجي حبيبي مايقدر يدش تم بره ممنوع الرجال

ولا المشكله يت الممرضه بتحط لي درب قلت لها مابي درب ماااااااااااابي وقمت ابجي ايدي تعورني والله ماكو مكان بنات شراييني كلها صار ضعييييييييفه ماقامت تبين اختفت : (

ويمي وحده تصررررررخ الصراحه اكتأبت واللي تصرخ صغيره بالعمر وتبجي بجي وقمت ابجي معاها وادعي لها ورب الكعبه اتذكر دعواتي لها والله واذكر شكلها حتن كانت من السمر اللي حيل ومسويه وايد عجايف وامها يمها تنادي الممرضات ولاحياة لمن تنادي

ومن كل صوب اسمع حريم يصرخون ويبجون ويترجون السستر اتيي : (

المهم مر الوقت بطيييييييء حسيت اني محتاجه اروح الحمام تكرمون

قلت للسستر بروح باثروم

قالت لي روحي

قلت لها ماقدر

قالت انا شنو اسوي يعني

ناديت عامله التنظيف ترجيتها ويابت لي قصريه قضيت حاجتي من غير لاغسل مايابت لي ماي ( متخيلين ؟)

المهم صار الصبح وانا مانمت ولا دقيقه ولا ربع ثانيه

فتحت تلفوني وقعدت اشوف الصور القديمه

اشوف تقريبا اخر الصور صور حلوه كلها حياة

اشوف صورتي مصوره ويا العروسه اللي رحت لها العرس قبل لا اولد بيومين

بكامل زينتي وانا ((( واقفه )) عورت قلبي الصوره

تمنيت ادخل بالصوره

شوي قطعت احلامي وحده من اهلنا يايه بالصدفه مع امها الله يرحمها (الحين ميته ) دخلت علي جان تقولي

ام كتكووووووووووووووووووووووووت


مخترعه علي

شفيييييييييييييج؟؟؟؟؟؟؟؟؟

شصار لج؟؟؟؟؟؟؟

ليش انتي هني؟؟؟؟؟؟؟؟؟

وليش جذي صرتي ضعيفه؟؟؟؟؟؟؟؟

وليش ايدج لونها اسود ؟؟؟؟؟؟؟؟

امبييييييييييي

اختلطت حزتها مشاعر الفشله وضيقه الخلق والضعف

انا اللي قبل بهيبتي وكشختي والكل يشوفني بأحلى شكل

جذي شكلي

بجامه البيت ... وعبايه معفسه ولفه طايحه ... وبدون جوتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قلت لها الحمدلله على كل حال (مضاعفات ولاده )

جان تقول كل هذاي مضاعفات

وانكسر خاطرها علي وانا احاتي انها تشم ريحه من الجرح ولا شي

بس الحمدلله الجرح ماطلع ريحه معناته مافيه صديد نفس قبل بس مجرد انه انفتح ...!
(هذي استنتاجاتي طبعا )

هي دعت لي ولمن وصل الدكتور ومعاه دكتوره راحت المره وهي تدمع والله:0bee2e8d89:

الدكتور بطل الجرح وقال

الجرح ملتهب وااااااايد من لونه والدكتوره قالت غرفه العمليات على طوووووووووووووووووول


بس موبنج عام

موضعي بس تخيلو انهم خيطووووووووه بموضعي(عذاب)

امي وصلت وهي متضايقه قعدت معاي لمن صار حزه الصلاة راحت

وقعدت بروحي

دقيت على زوجي قلت له ابي أرد البيت قالي اطلع من الدوام وايي لج

ياني ومعاه ورد فديته

قلت له الدكتور قال الورد ممنوووووووع والعطور ممنوووووووووع

كسرت بخاطره بدل لا اشكره :tek:

بس عصبت عليه لانه تأخر علي:eh_s(1):

المهم طلعت من المستشفى .....

طبعا ردوني باسعاف تخيلو بس سياره اسعاف اسمها (النقليات كبيره مجهزه للمعاقين جان سمعتوو عنها )

رديت البيت حدي تعبانه وداااايخه لاني من امس مونايمه جان تذكرون

وترى مادري عن ولدي عند منووووووو

حطيت راسي ونمت عقب ماغسلت وماذكر الساعه جم قعدت بس اللي اذكره ان بنفس اليوم زاروني ناس واااااااااااااااااااااااااااااااااايد وايد وايد

ماشاءالله الصاله انترست

حسيت بضيجه موطبيعيه انطرهم يطلعون مساكين

ولمن طلعووو حسيت براحه شوي


المهم مرت الايام الحمدلله جرحي تم يطلع ماي بفتحه صغيره بس الممرضات ايوني كل يووووووووووووم كل يووووم

يدخلون داخل اللحم يعني بالفتحه داخل الجرح الشاش ويخلونه داخل عشان يمتص اي شي يطلع ان جانه دم او ماي او صديد لاسمح الله و يخلونه داخل مايطلعونه ويحطون فوقه بلاستر طبي يلصقونه

لمن جلدي تشقق واحترق من اللزاق يوميا ..... آآآآآآآآآآآآآآه

وصار مكانه اسود وتشوه

واكيد اللي مجربين اللزاق على الجلد حاسين فيني اشكثر يعووووووووووووووووور

المهم صار آخر الشهر يعني تقريبا 31-10 بس هم كنا برمضان الكريم اتذكر كان رمضان

زوجي قط ماوراه ودونه حق علاجي من ادويه ومسكنات واجره الممرضات اللي ايوني البيت وحسيت ان خلاص ابوي كفى ووفى

صار الصبح من تاريخ 30-10 وكالعاده الصبح ابوي يطل علي

قلت له يبه خلاص انا وافقت اروح الطب الطبيعي ودقينا على الشركه الخاصه للخدمه الطبيه اللي ايوني البيت وكنسلنا معاهم

وسجلت اوراقي ودخلت المستشفى بروحي انا وابوي

رحنا اول شي قابلوني 3 دكاتره

واحد منهم هندي .... وقعد يختبر ريولي ذبحني واسئله وايد شكثرها وووووو

وابوي معاي يتغشمر وياهم ويلطف الجو

جان يقول الدكتور الهندي يالله ع الجناح

كلمه الجناح كانت بالنسبه لي بدايه حزني ووحدتي وسجني المؤبد استغفر الله

المهم رحت وكانت الساعه تقريبا 11 الظهر

اول مادخلوني طبعا عمومي على ماتفضى غرفه وايي دوري حق الخاصه

كنت منسدحه على فراشي او الفراش اللي نقلوني منه (الشبريه) صفطت يم سريري بالجناح ... كان كئيييييييييييييييييييب

الصراحه كان مايليق لمستوى الكويت (المستشفى )

الستاير مشلعه واطرافها اسود

السراير مبهذله

والطوفه مقشره وصفرة

الهنود من كل صوب ......


و



و


والمكان يخرع وخايس :0bee2e8d89:

قلت حق ابوي يبة مابي اقعد بهالمكان ولا دقيقه ولاثانيه وقمت ابجييييييييييييييييييييييييييييييييييييييييييييييي يييييييييييييييييييييييييي




المهم



قلت حق الممرضه (وانا ابجي ) لاني وقتها ماوقفت بجي والله .... قلت لها قولي حق ابوي يطلعني مابي اقعد هني شهالمكان

المهم شوي ولا اتيي دكتوره مصريه طويله ويهها سمممممح وتهبل

مسحت على راسي حسيت اني بيبي

قالت لي حبيبتي لاتتضايقين والله راح تطلعين من عندنا مستانسه وقالت لي كلام واااااااايد وايد وابوي يسمع وساكت

المهم قالت الحين بيون مدرباتج وتتعرفين عليهم وتشوفين المكان وانا دكتورتج (نسيت اسمها بس جنه سحر)

اذكر كانت يمي وحده مره كبيره بالعمر وهي بدويه تهبل عسل عسل عسل

حبيتها ياليت بناتها مشاركين ويانا بالمنتدى يدلوني عليها ضيعت رقمها اسمها ام فهد

المهم تخيلو والدكتوره تكلمني ياتني ام فهد قالت لي ليه تبكين ؟؟ خليج معاي يمي واعتبريني امج @@

انا حزتها كنت ذابحه روحي من البجي ماشوف من دموعي
والدكتوره كل شوي تقولي ليش تبجين

اقولها ابي ولدي والله ماتحمل اتركه اكثررررررررررر

<<<< تو الناس توني استوعب اني ابي ولدي

المهم الدكتوره طخختني شويه ولا تدخل المدربه توقعتها شي ثاني بس كانت بنت بعمري حبووووووووووووووووووبه وايد وايد حبيتها من اول نظره @@

عرفتني على نفسها وقالت انا معاج وراح اكون مدربتج على طول ....... المهم


وسوينا اجراءات الدخول وحطوني بمكاني وابوي قال يالله انا رايح شويه وبعد اشوي ايي ( انحاش ههههههههههههه)

حسيت اني بالروضه والله الكل يطالعني اشلون ابجي

جناحنا كان مفتوح وراهي عباره عن 4 سراير وكل سرير جنه دار لان اللي يقعدون بهالمستشفى يطولووووووووووون شهووووووور

ابون كل شي ملابس وكل شي مثل السفر الطوييييييييل

ام فهد يابه تلفزيونها معاها وكانت تسهر على المسلسلات رمضان وصاير لها شهور بالمستشفى خنت حيلي

المهم من اول يوم انعزلت على نفسي سكرت الستاره بطلت تلفوني مره ثانيه اشوف نفس الصوره وانا كنت واقفه واندب حظي استغفر الله وقعدت اكتم البجيه ماقدرت لمن انهرت وبجيت وايد لمن خلاص وربي ابجي بدون دموووووووووع

شوي ولا اشوف الستاره انفتحت ...... منو ؟؟؟؟


ام فهد !!!!!!!!!!

قاعده ع الويل جير جاره عمرها ويايه صوبي وبايدها كلينكس مادته لي يعلها العافيه

ويمها خدامه مادري من خدامته من المريضات تنام مع معزبتها مره عوده هم وشكلها خبره بالمكان ومعزبه

ام فهد قالت لي يابنيتي لاتبجين والله اللي ايون يبجون يطلعون زينين

قلت لها انا ماعجبني المكان .. قالت والله تتعودين

المهم قالت لي قولي لي شسالفتج وارتاحي وقعدت اسولف لها يمكن جريب ساعه واتشكى ووووو والله ارتحت لها هالام فهد الله يذكرها بالخير

ويمي كانت وحده سوريه صاير لها 4 شهور بالمستشفى زوجها قاطها من فوق الدري وانشلت .. عرفت قصصهم كلللللللللللللهم

وفلبينيه منتحره ونجت بس تكسرت

وووووووووووووووو بلاوي الله يبعدها عنا يااااااااااارب

المهم اول يوم عدا على خير

محد ياني حتن زوجي مايه يومها ماذكر ليش بس اذكر اني تقلبت لمن تكسرت جنوبي على مانمت ونمت من التعب ولله

بس لمن صار الصبح اسمع الممرضه تقول يالله يالله بأعلى صوتها ( طبعا من الصبح الساعه 7)

ويفتحون الستاير والدرايش

والليتات

افففففففففففففففف شنو هذا مايخلون الواحد ينام

سألت الفلبينيه (رفيجتي )
بعدين طبعا صارت رفيجتي

قلت لها شنو شالسالفه(بالانجليزي)

قالت


7




7





7





7





7





7





@@

يالله قومي نسبحج


نسبحج ؟؟؟؟؟؟؟؟؟؟؟؟؟؟؟؟؟؟؟؟؟؟

يعني شنو


يعني تفريييييييييييييك

منو ؟؟

الممرضات يسبحون المرضى كل يووووووووووووووووووووووم


ليش عشان قاعه التمارين تروحين فرررررش مع الدكتوره

طبعا يحطونج على سرير خاص للتسبح مفتوح ومتنقل ومريح

خل اقولكم شصار بغرفه التسبح باجر صار شي قوووووووووووووووووي وايد @@

!!!!!!!!!!!!!!!!!!!!!!!!!!!1

عن اذنكم بنات تعبت

لا تنسون دعواتكم لي امااااااااااانه

تصبحون على خير

انتظروني باجر

ملاحظه:

نسيت اقولكم ان خدامتي راح تكون معاي بالمستشفى تنام معاي يمي كل يووووووووووووووووووووم ......

وراح تعرفون شسوت !!!!!!!!!!!!!!!


:0bee2e8d89:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

حبيباتي والله مشكورين على كل حرف كتبتوه لي والله يفرح قلوبكم بكل ماتتمنوووووون

حبيبتي اختي ام الغالييييييين ياعمري والله انتي الغاليه وماأنسى وقفتج معاي بهالايام ...وخصوصا مع خالة حماتج أ

بعدين يابنات راح تعرفون اشكر اختي ام الغاليين كان لها فضل من بعد الله بشفائي

والحمدلله اني الحين معاكم حولكم وحواليكم انا وفلذه كبدي ...... بفضل الله ودعواتكم لي اللي ماتوقف ولا دقيقه


المهم اكمل معاكم جزء مهم من قصتي .....


الجزء السابع


طبعا الفلبينة كانت تكلمني وانا منصدمه ومومصدقه انهم راح يسبحوني

سألت الممرضه الهد نيرس مالتهم قلت لها لو سمحتي الحين انا ماقدر امشي ولا احط ريولي على الارض شلون بدش الحمام تكرمون وبتسبح ؟؟

افرضي اني زلقت من الصابون

( انا حزتها ماكنت اعرف طريقتهم بالتسبح !!)

قلت افرضي دخت ... ودار راسي !! الدكتور ماقالكم ان انا ماعندي توازن واشتكي من الاختلال الكبيييييييير بالتوازن بالظلمه والنور:eh_s(2):

الفلبينيه ناطرتني اخلص .. جان تقولي حبيبتي لاتخافين راح نسبحج بأمان وانتي ع السرير

ع السرير !!!!!!!!!!!!!! شلون قالت صبري وراح تعرفين


المهم شوي ولا اشوف شبريه بنية مثل الماترس فوقها جلد فيها فتحه بمكان معين يتبطل (عشان يطلع الماي بعد السباحه )
قالت لي يالله انتقلي عليه عشان نروح الحمام تكرمون

طبعا انا لمن انتقل من مكان لي مكان انتقل بطريقه الدحرجه يعني وانا منسدحه اتقلب واروح للسرير الثاني وجذي


لحفوني وغطوني واخذت معاي ملابسي وفوطتي وشامبوي ووو

والخدامه معاي ... تمشي بمحاذاتي

المهم دخلنا غرفه مثل الحمام بس فيها فتحه يثبتون السرير فيها عشان مايتحرك وانا فوقه ويسبحوني

قالت لي يالله فسخي هدومج كلها

طبعا بنات الله لايوريكم الاحراج اللي آنا فيه ...

قلت لها كلووووووووو قالت كلووووووو

قلت لها لأ

وانا بنات طبعا ماقدر اتسبح بروحي ولا حتى اقدر امسك الماي ايدي تعورني وايد

واصلا مستحيل وممنوع يخلوني برووووووووحي

جان اقولها ماراح افسخ ولا راح اتسبح

:bbbiu:

جان تقولي ماراح نطلع من اهني الا وانتي متسبحه وخالصه

والله ضاق خلقي شلون جذي ؟؟؟؟

شلون بتشوف عورتي ؟؟

شلون بنكشف للي يسوى واللي مايسوى حالي حال اليهال والعجايز

جان تقولي يالله حبيبتي خل نخلص ترى الباقي ناطرين دووووووور وانتي لازم نغسل عدل لانج جديده ولازم تروحين بأحسن حال للدكتوره


المهم

فسخت وامري الله ( لاتتخيلون حالتي بهالوقت )

يفسخوني مثل البيبي وانا لا حول لي ولا قوة

وفتحت الماي :0bee2e8d89:


جان اقولها طيب ماراح افسخ الستيان ......... قالت لازم :eh_s(12):


وحاولت اعترض حسيت انها عصبت ولو قلت كلمه وحده بعد راح تطيحني واموت

المهم فتحو الماي وكان بااااااااااااااااااارد والخدامه طلعت بره بأمر مني

والممرضه تسبحني وانا حدي متضايقه ومتفشله واااااااايد

والصراحه كانت محترمه والحمدلله قالت اعتبريني اختج .. امج ...

شوي ولا خدامتي تطق الباب ...

انا انكمشت على حالي !! نعم اشتبين فلانه

جان تقولي من ورا الباب

ماما هذا مشط .............

!


!

مشط

حق شنو مشط ؟؟ وين شعري

والله قعدت ابجي وربي حدي انهرت:eh_s(2):

حسبي الله ونعم الوكيل حسبي الله عليج من مره ........جنها تتعمد تغثني : (

قلت لها مابي مشط والممرضه قالت ستيوبد ميد = خدامه غبيه

المهم بهاللحظه دخلت ممرضه مصريه علينا وانا بعدي مالبست عدل

خير؟؟

جان تقولي فين شعرك ؟؟ ليه كده خفيييييف

انا نزلت راسي ؟؟ شقولها ؟؟ والله العظيم احترت شقولها ......!

لو بقولها طاح جذي مابتصدق

المهم هي قالت لي كلام مااذكر بالضبط شنو نسيت بس حسيت وقتها براحه

المهم طلعت رديت صوب سريري بالجناح ولا حاطين الريوق والدوا فوق صندوق الاكل الوردي :0bee2e8d89:

سألتهم شنو هذا ماردو علي بس يات ممرضه مصريه ثانيه بتعطيني ابره قالت لازم هالابره

قلتلها شنو هذا قالت فيتامينات

قلت لها ابره وفيتامينات!! المهم كان لون الدوا آآآآحمر

غزتي ابره وأكلت الدوا وكانو يراقبوني يتأكدون اني اكلته ..... جني بقطه يعني!!

شوي ولا يتيمعون علي الممرضات ويجرون عربانه فيها اشياء معاهم


سألتهم شبتسون ؟ قالو دريسينج = تغيير جرح

وقعدو ينظفون الجرح ببيتادين وانمورسلاين مال الدريب وانا اصررررررررررخ وام فهد تقولي تحملي كله بأجره

والله ماتريقت لوعو جبدي

خذيت الصندوق وعطيته خدامتي كلته كله

المهم

شوي ولا اشوف 4 حريم لابسين بالطو ابيض يعني دكاتره

بس 4 ليش .. قلت بقلبي انا توني يديده والظاهر بيتعرفون علي..

وحده منهم كانت منقبه

نزلت نقابها وقالت لي انا دكتوره( ن ) وووووووووو

والحين راح نروح معاج القاعه ( قاعه التمارين)

شلون ..

انا ماقدر امشي ولا انتقل من مكان لي مكان على ريولي

الدكتوره عصبت

قالت لي تقدرين

قلت ماقدر

قالت تقدرين


مافي شي اسمه ماأقدر

يالله قومي

واشوف اللي يمها تقول

قولي يالله وقومي :s141:


جان ابتسم بخوف

قلتلها دكتوره (ن )انا ترى جد موقاعده اتغشمر او اتدلع انا بالفعل مااقدر

انا مشلوله انتي ماتدرين؟؟؟؟؟؟؟

قالت اي بس الشلل بالقدم مو بالرجل كلها


قلتلها ويعني ؟؟

جان تقول بس اوقفي قلت لأ

جان اعصب

بروح البيت انتو موفاهميني............؟


وقمت اقول كلام المفروض مااقوله لدكتوره بمستواها : ( بس كنت خايفه وبتهرب ومادري شنو اقول ينيت


ابي اطلع ابي اطلللللللللللللللللللللع واصرخ وهم خايفين مني واشوف وحده منهم ترجع لي وره عبالها صج ينيت

المهم دكتورتي اسمها( ت ) قالت خلاص ام كتكوت هالمره بس ...

المهم يابولي السرير وانتقلت دحرجه وثبتت الحمدلله وسويت اللي في راسي

غطوني ودزوووووووووني لمن القاعه وانا طول الطريج خاااايفه لا اطيح رهبه كبيره

وادعي الله ان تعدي هالكوابيس على خييييييير

طبعا خدامتي معاي يت القاعه وتساعدني بكل شي

شالو المفرش عن ويهي وانا منسدحه رفعت راسي والدكتوره (ت) معاي

شفت القاعه :cxxxp:


كبييييييييييره .. موحشه .... بارده ....... كلها اجهزه كبيره وصغيره ... معروفه ومو معروفه .....

يتني دكتوره( ن) الرئيسه وعرفتني عالاجهزه وعلمتني شنو راح اسوي وفهمتني البرنامج اليومي ...

ومن اهم الاشياء اللي شفتها كان جهاز الصدمات الكهربائيه : (

اللي راح يحطونه على ريولي كي يوووووووم ....


اشوف يمين .. يسار ... كل حريم مرضى (الله يشافيهم )

واغلبهم مشلولين يا شلل كامل .. او نصفي .. او موضعي ..


والصراحه اغلبهم اللي معاي بالتايم معاي اجانب حاولو الانتحار : (


قلت حق دكتوره (ت) الله يخليج فهميني والله العظيم والله ماقدر اوقف انا مشلوله

جان تقول بس نتيجه الاشعه المقطعيه سليمه الحمدلله والدكتور فلان من بعد الفحص قال (مبدئيا ) مافي شلل

قلت لها عيل شنو مصلحتي جان تقول موقصدي بس ان شالله نبدي العلاج الطبيعي وبتستفيدين

المهم قامت تسوي لي تمارين (طبعا ع الفراش ) ترفع ريلي وووو كله بايدها

حتن القدم تمارين شاقه كله بايدها يعني مو جهاز

وفوطه على الريول

مره فوطه مثلجه ماي وثلج ...ومره فوطه حااااااااااااااااااااره

طبعا انا ماحسهم بريولي هي تقولي انه هذا حار وهذا بارد !!

وحتن الصدمات الكهربائيه ماحس فيهم كلللللللش يعني المفروض ان مع الكهربا ريولي تتحرك بس انا مافي ولا حتى ربع حركه

هني حسيت انها صدقتني وانكسر خاطرها علي


وطبعا هاتك ياسوالف واسئله وتعرفنا على بعض وهي تحاول تلطف الجو كل ماواجهت صعوبه مع تمرين معين ...

الله يعطيها العافيه تعبت معاي خصوصا بهاليوم ...

المهم عقب تقريبا ساعتين ونص من التمارين المكثفه ...

رديت الجناح بنفس الطريقه ... المهم الممرضات كانو عند سريري وقالو لي ان في دكتور اليوم بيقابلني وعطوني ورقه

مكتوب فيها عنه


فتحتها


ولا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




:eh_s(2):

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

السلام عليكم يابنات كلللللللكم

اول شيء ... اشكركم وحده وحده وحياكم الله والله شرفتوني ..... وونستوني بردودك وعلى دعواتكم الحلوه


ثاني شي ... بنات والله العظيم امس دش لابتوبي فايرس : ( ورب الكعبه فايرس قووووي وتلخبط كل شي عندي وماقدرت اشبك كلش والله

حتن ماقدرت ادخل المنتدى وربي ........

المهم راح اكملكم جم جزء وماقدر احط القصه كلها بنفس الوقت ... ع العموم ترى قربت نهايتها احاول اختصر مابي اطول عليكم اوكي ؟؟؟؟؟؟!!!


المهم ..

اكملكم وآسفه على التأخير بس امانه قدرو ظروفي والله الفايرس ذبحني بس خلونا مع التكمله الحين:0bee2e8d89:


الجزء الثامن


لمن فتحت الورقه وكانت صغيره وفيها اسم الدكتور وتخصصه ......

طبعا اول مافتحت الورقه محد كان يمي .. اطالع الاسم واشوف التخصص مومصدقه

عبالهم انا مينونه يعني ؟؟

يايبين لي دكتور نفساني من مستشفى الطب النفسي بالكويت ويعطوني حبوب مجهوله

وربي اللي خلقني حسيت بغصه ببلعومي حزتها سكتت .. تسبهت ... حطيت الورقه تحت المخده ناديت خدامتي

قلت لها تعالي روحي نادي السستر

المهم

عقب ماياتني الستتر تغير الشفت يعني وحده ثانيه غير اللي وصلتني الجناح واول مره اشوفها قلت لها متى بيجي الدكتور يسوي راوند

قالت الدكتور مايجي الا الصبح بس

قلت لها لا انا اقصد دكتور فلان ( اقصد مال الطب النفسي ) قالت ماعندي فكره !!!!!!!

قلت لها انزين اذا ابي رصيد حق موبايلي شلون ؟؟؟؟

قالت مومشكله اي احد ايجيبلج احنا ماعندنا مكينه كروت :eh_s(1): او قولي لزوجج او اي احد يرسله لج (يعني طالعه فيها )

قلت لها عادي شغالتي تشتري لي من بره

قالت اي عادي

المهم دزيت خدامتي تشتري واحد وطلعت بره كان فيه مثل بقاله او كرونر يبيعون فيه ماشفته طبعاا

المهم عبيت رصيد ودقيت على زوجي اول ماقال الو جان ................( بقول الحوار اللي اتذكره بس )

انا: الو فلان متى بتيي ؟؟

زوجي: ان شالله العصر

انا : متى يعني الساعه جم ؟؟

زوجي: ان شاء الله الساعه 5

انا : الله يخليك لاتطول تعال مبجر قاعده بروحي وضايق خلقي ( جان ابجي )

زوجي : قاعده تبجين ؟؟

انا : ...........

زوجي : الووووووووووو

انا : فلان بيبون لي دكتور ميانيين

زوجي: (ساكت ) مادري يمكن منصدم

انا : والله ماجذب عليك توه دريت

زوجي: اي عادي لاتتضايقين هو دكتور نفسي بس بيشوف الحاله ووووو ماذكر اشقال

انا : بس على اي اساس اهم يايبينه لي

زوجي : اشفيج يبا عادي كل مريض ايبون له دكتور لاتنسين اللي صار لج

انا : والله صج بستخف انا مافيني شي والله مومينونه : (

زوجي: منو اللي قال انج مينونه انتي شفيج المسأله بسيطه .. انزين هو شسمه ومنو ولده

انا : اسمه فلان الفلاني وكويتي بعد


المهم

لمن سكرته من زوجي ناديت الممرضه قلت لها بليز نادي خدامتي ابيها المهم اذكر عيزنا واحنا اندورها مولاقينها انزين اشلون اذن بتوضى ... بصلي ... :eh_s(14):


حسبي الله على ابليسها انا ابروحي متنرفزه وحدي متضايقه وهذي مادري وين اذلفت

المهم اخر شي يابو وجبه الغدا (انا تعجبت لانه برمضان ) وشوي ولا اهي اتيي اول مايت انا هبيت بويهها قلت لها انتي وييييييييينج ؟؟؟؟؟؟؟:eh_s(14):

قالت انا عند غرفه فلانه ( الاخت رافجت لها سيلانيه وقرقه وهادتني ابروحي )

والله بنات تضايقت لمن حسيت اني ماستغنى عنها مثل الياهل تسوي لي كل شي

قلت لها تعالي اخذي غدا وروحي انا بنام شويه ( كله نايمه )

المهم مر وقت مادري اشكثر ياتني السستر جان تقول الدكتور فلان بكره الصبح راح يجي اوكي ؟؟

قلت لها قالو اليوم

قالت لا حبيبتي بكره

انا لاتعليق

المهم زوجي وصل متأخر شويه يمكن ع المغربيات جذي ع الساعه 6

دش وانا حدي كنت مستاااااانسه والله كان ضيقت خلق ماقدر حتن اقوم اتمشى ولا شي : ( بس جذي قاعده بالفراش

جان يقولي يايب لج مفاجأه

عاد انا حدي استانست اطلطل وراه قلت يمكن يايب لي ولدي

قلت له يبت الولد ؟؟

قالي لأ شي لج

عاد انا استانست حدي ........

قلت له شنوووو يالله قووووووووول

جان يقولي .........

شريت لج ((((( جبيره صناعية ))))))))

قلت له يعني شنو ؟؟
قال

شوفي هذي جبيره شريتها من الصيدليه وصاني عليها دكتور رفيجي

تلبسينها في ريولج وراح تقدرين تمشين لان الحمدلله الشلل بس بالقدم :eh_s(15):


قلت له
لا لا ماراح امشي

ماراح اقدر اكيييييييييييييييييييد

:eh_s(14): عصب علي قال ليش انتي متشائمه

جان يقولي يالله لبسيها

جان اقوله مابي


قال قومي لبسيها وانا بساعدج

وين الخدامه

قلت له مادري ؟؟؟

راح ناداها كانت بغرفه السيلانيه ( على فكره انا خدامتي اندونيسيا )

زوجي قالها شوفي فلانه لازم تتعلمين تلبسين مدام ( لاني ماراح اقدر البسها ) من طريقتها لازم احد يلبسني انا مايصير : (


المهم

انا الافكار قامت تاخذمي وتوديني اقول يمكن اطيح ولا يختل توازني وينكسر راسي : (

ولا اطيح على ايدي وتنشل بعدين شسوي ؟؟؟؟

ووو

ووو


جان اقوله مابيها خلاص

زوجي عصصصصصصصصصصصب قال تلبسينها ولا البسج اياها بطريقتي

قلت له سو اللي بتسويه هالجوتي ماراح البسه

....

شكله ايخرع وانا كنت وايد سلبيه من ناحيته ومومستوعبته كللللللش

ولامستوعبه شلون بمشي فيه وهو هالكبر : (


تخيلو ... فجأه

جان اشوف زوجي قام وطلع جذي بدوت اي كلمه

قلت بقلبي اكيد راح ينادي الممرضات يتعاونون يمسكوني ويلبسني اياها :jumpon:


بس زوجي طول ........ وانا لاتتخيلون شلون كنت حدي خايفه وااااااااااااااااااااااااااااااااااااااااااااااااااايد


شوي رن تلفوني ولا زوجي

قالي شوفي : ماراح تشوفين ويهي الا لمن تلبسينها :eh_s(2):


وسكره بويهي .......

انصدمت شنو هالردة الفعل اللي طلعت منه ؟؟؟؟ حرام عليه يكفي اللي فيني ...

بس بالمقابل انا ليش سويت جذي

وليش كافئته بالرفض وهو متكلف معاي ؟؟؟

وطاق درب من الاحمدي لمااااااااااااااااااا صليبيخات ومتعنيلي بهديه

وربي اندمجت احاسيسي بالخوف والندم والقهر والملل

قلت حق خدامتي حذفيه الجوتي بره مابي اشوفه

المهم خدامتي قالت لي البسيه مدام ممكن في فايده

طنشتها ... وانسدحت

كان ودي اتمشى

ودي اطلع


ودي اشوف بره

ناديت السستر

قلت لها شوفي انا مايبي وجبات انا ابي اصوم انا وخدامتي

قالت مايصير حبيبتي لازم 3 وجبات عشان دواااا

وعشان مواعيد طبيب لازم درب

المهم قلت لها اوكي بس انا ابي اعرف شنو هذا الدوا اللي تعطوني اياه الصبح

قالت هذا كله فيتامينات ومقويات بالعضل وعبر الفم مانقدر نوقف ماتقدرين تصومين ولازم مضاد حيوي كل يومممممم كل 8 ساعات عشان جرحج يلتأم بسرعه ان شاءالله

المهم

قلتلها اوكي


وصار باجر

زوجي مادق

وانا مادقيت

ومثل امس سبحوني :eh_s(22):

ورحت القاعه للتمارين

ونتقلاتي كلها عن طريق السرير : (

عقب مارديت الجناح

ولا السستر تقولي ام كتكوت البسي حجاب دكتور وصل



:yaaaaaarb:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء التاسع


عقب ماقالت لي الدكتور وصل

قلبي قام يطق يطق وحسيت ان ياتني قشعريره واختنقت وحسيت بضيقه والله العظيم بنات .. جد جد جد كنت حيل متضايقه

وخصوصا اني حاسه ان الكل عبالهم اني (اجذب)

لبست لفتي وضبطت حالي وانا قاعده ع الفراش ...

دخل علي الدكتور ماشاءالله عليه شكله مريح ...!! وكان كويتي

سلم ورديت السلام ...

انا قعدت اطالعه وحاولت اركز على كل كلمه اقولها .. لايقول هذي مينونه صج الحين


وقعد يسألني جم سؤال ويختبرني بجم سؤال

بس الضحك توقعت يسألني اليوم شنو نفس الافلام

بس اشوه ماسألني بس سألني سؤال حسيت ان صج انا مينونه

قالي شسم ولدج ؟؟

سكتت مادري ليش غص الجواب ببلعومي

جان يقولي ماتعرفين اسم ولدج؟؟؟؟؟؟؟؟


المهم

طبعا كنت ابجي وهو يسألني ليش تبجين قلت له والله ماحب المستشفى عفيه قول لهم يطلعوني

واعترف لي انهم يعطوني حبوب تخص العلاج النفسي وحقدت على الممرضه اللي جذبت علي وقالت كله فيتامينات ومقويات @@@@@@@@@ الجذابه



الصراحه وايد سألني اسئله ماذكرها وعطاني ورقه اعبيها والحمدلله المقابله عدت على خير

وحسيت اني فضفضت اللي بقلبي كللللللللللللللله

وارتحت وايد ..... وحسيت انه بينقذني مادري ليش؟؟؟

بس من يومها لمن ايبون لي الدوا اللي منه اقطه وهم مايدروووووووون ...@@



المهم بنات مرت الايام وتصالحت مع زوجي ويه اليوم اللي لبست فيها الجبيره والحمدلله تقبلتها وفادتني واااااااااااااايد وايد


صح بالبدايه كنت اتضايق منها بس حسيت انها فادتني والحمدلله زوجي ماقصر انه يابها لي الله يعطيه العافيه

وقمت انتقل من السرير لمن الويل جير عن طريقها وودعت الدحرجه . الا للتسبح الصبح .........بس يعني مامشيت لما الحين

وحتن الدكتوره حاولت تقنعني اني استغنى عنها بس انا رفضت

والتمارين مستمره معاي بشكل زين الحمدلله والكهربا مستمره معاي بعد .... بس ريولي مازالت مشلوله:0bee2e8d89:

والله كل يوم اقعد من الصبح على امل انها تتحرك ولو شويه

لو بس صبعي الكبير بس

والله ساعات اتعذب لمن تحكني ريولي .... احكها بس مايبرد قلبي جني احك الهوا ... واصلا يعور بعد

-------------


والحين استأذن بنات والله يوم الاحد بسوي لجهازي فورمات واحاول اكمل بالليل اليوم او باجر الصبح باذن الله

ان شالله بقولكم شنو سويت قبل العيد بيوم مع المريضه اللي كانت يمي بالجناح .............................!!:tomato2:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

مشكورين على مروركم بنات بعد عمري كلكم تسلمون ...

وبالنسبه لخدامتي هي كانت عندي من قبل لا اولد اصلا يعني كنت حامل بالسابع لمن وصلت الكويت

الجزء العاشر

طبعا مستشفى الطب الطبيعي المرضى اللي فيه يطولون بالاشهر واللي يقعد معاهم ويبات بالمستشفى تكون فحوصاته ومواعيده لها الاولويه من اللي يراجع عندهم او اييهم كل اسبوع مثلا ... فهم كانو ماخذين لي موعد بمستشفى ابن سينا عشان قسم الاعصاب عشان يشوفون اعصاب ريولي
صار العيد
وكملت بالضبط 4 شهور من ولدت واسبوعين من دخولي م.الطب الطبيعي واعادة التأهيل

والحمدلله على كل حال مافي اي تحسن ملحوظ على اي ريل لا اليمين ولا اليسار

قبل العيد بيومين بالضبط

المره اللي قبالي من الجنسيه المصريه وهي عندها مشكله في ظهرها والحمدلله تمشي بس المشكله بظهرها ...

كانت تشتغل بصالون بالكويت .. وكتب عليها الزمن انها تكون بهالمستشفى عقب ماطاحت هالطيحه الشينه

المهم من خلال هالاسبوعين هي حاولت تتقرب مني مع اني ماكنت وايد احتك منهم لا من بعيد ولا من قريب

ياتني بعد حصه التمارين

قالت ..

ايه رأيك يابنتي اعملك حف !!!!!!

حف:eh_s(1):

صارلي 4 شهور بدونه ... شكلي تغير وووووو : (

قلت لها لا عمري لاتكلفين على نفسج ماله داعي

جان تقولي لا كلفه ولاشي د احنا أربنا ع العيد ولازم ياسيتي تحفي :tomato2:

الصراحه بالبدايه ترددت بس قلت خليني اسويها مفاجأه حق ريلي حبيبي خنت حيلي كافي انه محروم مني ومن حقوقه وهم يشوف ويهي كل يوم جذي موشي : (

وهم بعد بالعيد اكيد احسن واكشخ : (

جان اقولها اوكي توكلي على الله ...

ومسكينه ماقصرت رغم آلام ظهرها مارست هوايتها على ويهي كله وماخلصت الا ويهي منووووووووووووووور

الحمدلله يارب الله سخرها لي والله وايد كانت تعزني وتبجي علي بالليل لمن كنت ابجي واصرخ

المهم

زوجي يه العصر جان يشوفني يقول ماشاءالله ويهج طاااااااالع ومتغيره:eh_s(22):

جان يقولي يالله اليوم راح ناخذج بعطله العيد

واااااااااااااااااااااااااااااااااي واخيرا بطلع بشم هواا

بشوف ناس يدد

بفتك من اللون الابيض

ومن السرير بوحدايد

ومن قعده الصبحححححح

ومن الادويه والابر <<< ماكو فكه

ومن الكمام ومن الاكسجين

بفتك من الوحده

المهم بنات المستشفى نظامهم المرضى كل اربعا المغرب يطلعون >> خميس + جمعه عطلة ويردون بالليل الجمعه طبعااا

فاللي تبي تطلع تجهز اغراضها الاربعا نطلع ونرد اليمعه بالليل ويعطونا الدوا ناخذه معانا لهاليومين بس بدون الابره بس اللي عبر الفم على قولتهم

فانا جهزو اغراضي ودقينا ع الاسعاف (النقليات) وطلعنا وااااااااااااااااااااااي يحلات بره

ويحلات الكويت

ويحلات الدنيا ويحلات الحررررررريه والله اسبوعين موشويه حكره بالمستشفى والله يمكن ماتحسون بكلامي بس اللي مجربه تفهمني

ولهت على السيارات

على البيوت



على كل شي

وانا منسدحه بالاسعاف اشوف قبالي السيارات ودي اصرخ اقولهم انا احبكم : (

مادري ليش ايني هالاحساس

اشوف الناس تتمشى والله قلبي يعورني اقول ياليتني امشي ولو خطوتين بس والله راضيه

المهم طبعا انتفقنا انا وزوجي اني اروح بيت اهلي ووافق وصلنا البيت ......... نزلوني المسعفين جزاهم الله خير

قعدت بفراشي طبعا

الكل استانس لردتي البيت

تمنيت مارد المستشفى

بس شسوي ماباليد حيله مكره اخوك لابطل : (

اشوف نظرات الشفقه والحزن على ويه امي حبيبتي

المهم لمن وصلت يابولي ولدي حبيبي والله لميييييييته حييييييييل وتحسفت على الحليب اللي ينزل من صدري ليمن الحين بعد 4 شهور
والله ينزل بغزاره بس ممنوع ارضع ولدي ..........: (

لاني اخذ علاج ومضاد حيوي وممنوع الرضاعه للولد

ياحسافه

هذي الامنيه اللي تتمناها كل ام

واحساس حلو

بس للاسف ماحسيته ولا جربته بهالايام السوده ..... كان ودي ارضعه ووايد بخاطري وايد بس مايصير ولازم التزم شسوي ؟؟

والله شفت ولدي متغير ومحلووو وااااايد ماشاءالله عليه قمر ...

ماكان يبيني وايد

مايدري ان انا امه يمكن

حسيته مايحبني ........ ولا يميل لي

يطالعني بنظرات كأنه يطالع احد غريب لايمت له بأي صله كانت .........

امي قالت لي هذا سريره خليه يمج والخدامه طبعا معاكم وجهزولي مكاني وكل شي كان تمام الحمدلله

لمن قعدت الصبح ولا امي يمي انا قمت جان امي تبقق اعيونها صوبي بتعجب وذهووووووووول

امبي شنو هذا على المخده ؟؟؟؟؟؟؟؟؟؟؟

قلت لها شعري !!

جان تقول امبي ليش جذي يطييييييييييح وايد

: (

قلت لها شسوي يمه كل يوم جذي والله خلص شعري


ابوي دش على سوالفنا ولمن درى عن شنو نتكلم وايد ضاق خلقه حبيبي وقعد يطالع بحسره

والله ماانسى ويه ابوي بهاللحظه والله ماانساه حده مغلق

قالي ماتاكلين عدل؟

قلت امبله الحمدلله

قال تاخذين دواج عدل

قلت له اي

قال عيل ليش شعرج قعد يطيح بهالشكل

: ( لاحول ولا قوة الا بالله

المهم بعدين ماذكر اشصار بس اللي اذكره ان بعدين ابوي لطف الجو وقعد يتغشمر ويضحك وهذا طبع ابوي على طول

طبعا امي حبيبتي كانت شاريه حق ولدي بدله العيد ماقصرت

وصار يوم العيد والناس ماوقفت تزورني

الكل ياني ماقصرو من بعيد ومن قريب

اهلي وصديقاتي والكل

وماقصرو مع ولدي بالعيادي فديته حصل وايد

وطبعا امي لمن راحت زارت خذته معاها ياقلبي

اذكر سألتها قلت لها عسى مااذاكم قالت لأ بس وايد يرجع ووهقنا <<< ماكنت ادري ان يرجع هالكثر تكرمون

فديته كبر ولي الحين يرجع مثل البيبيات

وكنت اسهر مع اختي بالليل سوالف ولعب وووو

وحسون يقرب لي اكثر واكثر واذكر اول مره صورته حبيبي

وخلال هالايام ابوي حاول يخليني امشي بس للاسف بائت محاولاته بالفشل

الفشل الذريييييييع

المهم


بعد ثالث يوم العيد

تقريبا ... كنت انا ..... بمكاني المعهود (الفراش) الصراحه ماذكر الاحداث بالتفصيل !!

بس اللي اذكره ان اختي الثانيه زايرتنا ...

امي ماتحب خدامتي .... ماتشتهيها كلش

من اول مايبتها قبل لا اطيح مريضه كانت تنفر منها مع انها بشوشه وخدومه وايد

المهم كانت امي مع اختي بالصاله وانا بالدوانيه ....

وصار الوقت بالليل شوي متأخر

واختي عندنا ليما الحين ماراحت وولدي نام حبيبي

وخدامتي يت فرشت فراشها بالصاله تبي تنام .. نامت وانا ناديتها لمن قامت امي

مادري شاللي خلاها ترفع الفرش


!!!!!!!!!!!!!

تخيلو

جذي احساس من الله ........ واختي معاها

يمكن لانهم شكو بتحركاتها وارتباكها ........

مادري

ماذكر

خلصت انا من الخدامه قلت لها روحي نامي

صار الصبح

يت امي كالمعتاد اتصبح بويهي : )

قالت لي تدرين اشلقينا تحت فراش خدامتج ؟؟؟؟؟؟؟؟؟؟؟؟؟؟؟؟؟؟؟

قلت لها شنووووووووووووووو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

(((توقعت تلفون ))) مادري ليش من الخايسه السيلانيه اللي بالطب الطبيعي شاكه فيها

المهم جان امي تقول ........


لقينا دفتر وكتاب متروسين طلاسم واحرف غير مفهومه

والكتاب مقطن معفن ومرسوم عليه رسمه .... (العضو الذكري ) وفيه حركه غريبه ومكتوب كلام بالاندونيسي تحتها ( من وصف امي ) انا ماشفته

وتقول واي لقينا بلااااااوي بلاوي بهالدفتر بخط ايدها وحركات غريبه وووو

بس للاسف امي ماخلتي اشوف هالدفتر ولا الكتاب وتخلصت منه

بس انا ماهتميت للموضوع ......مادري ليش ؟؟

ولا تغيرت مشاعري نحوها عادي ولا جنه امي قايله شي بالعكس قلت يمكن ظلمناها وهي زينه معاي

بس للاسف هي تكرمون حقيره واطيه

اكتشفت بعدين انها تستغل ضعفي وشللي وتطلع تروح الجمعيه وتشتري اللي تبيه الخايسه وحتن شفت عندها بعدين قمصان نوم وملابس بجنطتها لمن كنا بالمستشفى قالت لي انها شرتهم من فلانه (خدامه مقيمه ) تبيع هناك ورب الكعبه والله

بس انخدعت ورى ضحكاتها المزيفه

على قوله اختي ماانسى ضحكاتها بالليوم اللي طاح شعري فيه ولمن امي عطتها جيس قالت لها روحي قطيه بره اكتشفو ثاني يوم انها خاشته بالحوش ورى كرتون يم المطبخ كل هذا تذكرته حسبي الله عليها

وانا ساكته وصابره . لانها قايمه فيني بالمستشفى

امي اشكثر تحن علي تقولي خليها تذلف بس انا كنت ابجي اترجها اقول خلوها معاي والله محد بيتحملنني الا اهيييييي

المهم مادري شلون عدى هاليوم عليها ولا احد كلمها

حتن امي اللي شافت الكتاب والدفتر بعينها ماكلمتها ولا حرف ولا شي

وخدامتي الغبيه حتن ماسألت عند دفترها اللي كان تحت فرشها ولا فقدته !!!!!!!!!!!!!!!!!!!!!!!!!

كانت نظراتها على طول سخريه وبارده (ماانساها) بس بنفس الوقت كانت تخدمني وقايمه فيني وايد

طبعا بنات ماخفي عليكم هي شكثر كانت تحن علي انها اتم في البيت على اساس تقوم في ولدي بس انا اصريت على انها تظل معااااااااااااي


وراح العيد بسرعه ... ودقو على الاسعاف

يو اشلعوني شلااااااااااااااااااااع من البيت عقب البجي والدموووووووع اللي ماوقفت لي ثاني يوم الصبح بالمستشفى

قعدت من النوم وانا اصرخ

ابي ولدددددددددددددددددددي

يت الممرضه مسحت على راسي قالت ميخالف حبيبتي ان شالله تطيبين وتروحين حق ولدج قريب وانا ابجي بحرقه اقول آمييييييييييين

يت السستر الفلبينيه

جان تقول يالله ع غرفه التسبح .......... وااااااااو استانست صارلي اسبوع مومتسبحه

مو حلو هالشعور بنات ...........................والله


المهم قالت لي اليوم في دكتور يبي يشوفج ........ قلت بقلبي لايكون مال الطب النفسي مره ثانيه

بس الحمدلله طلع دكتور اعصاب وقعد يطق ريولي يمين يسار نتفني : ( وانا ولا حس ولاخبر ولا فيه استجابه للعلاج ولا التمارين

صار بالليل .....

(اليوم الاسود)

بنات صج هاليوم ماراح انساه
----------------------------

وهاليوم بصمه بذاكرتي بعطيه حقه باجر الحين تعبت لسموحه كويتيات اذا الله عطاني عمر لي باجر بقولكم


لاتنسوني من دعواتكم الحلوه .....


وانتظروني بالحدث المهم باجر ...........: (

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

السلام عليكم كللللللللكم بنات حبيباتي للي ردو وللي ماردو
ماقصرتو ياعمري انكم دعيتو لي وحسيتو فيني والله والله والله والله هذا اللي مكتوب لكم نقطه من بحر اللي شفته بالصج الله لايوري لاعدو ولا حبيب
صج اللي صالي ماتمناه لعدوي ...
وان شالله اكمل لكم اليوم واحاول انهي بأسرع وقت لان الاحداث وايد
وفي اشياء تقاضيت عنها ماكتبتها وايد تعور القلب ومحد راح يصدقني لو ذكرتها ...
ع العموم اكمل واذا في اي تساؤلات برد عليها بوقت ثاني بأذن الله تعالى

.............

الجزء 11


بنات لمن صار بالليل حزة النوم طبعا مثل ماذكرت الجناح اللي انا فيه كبييييييييييييييييييييييير وايد

مقسم قسمين وبينهم ممر ويودي لاجنحه ثانيه

ومن جهتي 4 سراير .. المصريه اللي قبالي ويمها الغاليه ام فهد وانا بالزاويه ويمي مره عوده


هالمره تعبانه حدها ووايد تون تون تون والله ماتخليني انام باللي من وينينها استغفر الله تعور قلبي الفقيره

وبنتها معاها وخدامتها لان حالتها صعبه وايد . والاجهزه بكل مكان يمها بالليل..

والبنت كانت كل يوم تصرخ عليهم خلاص ودوو امي غرفه خاصه .. بس طبعا ماكو لازم دور

وتقولهم انتو مزعجين (تقصد الممرضات ) والمرضى اللي بالجهه الثانيه ( لانهم يقرقون وووو

المهم

الساعه 2 جذي اسمع هالعيوز تشهق تخيلو انا كنت نايمه وكنت مسخنه حدي مادري ليش؟؟؟ فجأه حسيت اني مسخنه وقعدت من كثر الكوابيس :cxxxp:


وسمعتها تشهق فتحت الستاره شوي شوي ........ تخيلو كنت بقوم بطل عليها : ( بعدين تذكرت اني ماامشي


انهرت قلت امبيييييييي لا .......... جان اهمس باسم المصريه (س) ..... (س) ماترد

خفت انادي ام فهد حرام مره كبيره

جان اقول امبي شسوي ماكو الا الجرس

جان اسمع العيوزه تشهق مره ثانيه وصوت جهاز القلب يطلع اصوات واجهزه ثانيه تطقطق


شلون هادينها بروحها وينهم ( الخدامه تنام يمها بس ليش ماتسمعها ياربي ؟؟؟؟؟؟؟؟؟؟؟؟؟؟؟) شقتها موطبيعيه ( لما الحين ترن باذني)

المهم

استسلمت جان اصرررررررررررررررررخ فلانه فلانه اللي هي المصريه واطق الجرس بشكل هستيري

ماتسمعني ياربي ينيت شسوي تمنيت الخدامه تكون يمي بس هم هي مع السيلانيه تنام معاها لان مافي مكان طبعا تنام يمنا بالجناح

المهم شوي ولا اسمع خدامتها قعدت لمن انا صرخت ونادت السستر المناوبه بنفسها

قلت لها بليز ترى ام فلان توه طلع صوت وايد (وقعدت اشرح لها ) انها شهقت وطلع صوت مثل مادري شلون اشرحهه

وسكرت ستارتي وانسدحت سكرت اذوني وحاولت انام

بس لمن شلت الكفر ... ولا فاتحين الليتات والممرضه تتكلم بالانجليزي فهمت ان الدكتور لازم ايي وبنتها تبجي وتتكلم بالتلفون

وانا خايفه واااااااااااايد

المهم لمن وصل الدكتور ولا العيوزه خلاص ماتت ............ ماتت الله يرحمها :0bee2e8d89:

واااااااااااااااااااااااااااااااااي يمه يمه مت من الخووووووووووووووف قعدت ابجي والكل يبجي وينوح عليها

شهالمصيبه الحجيه ماتت .... ماتت يمي

وانا مثل المينونه ادور فوق تحت اخاف ملك الموت اللي خذا روحها يشوفني خايفه وياخذ روحي انا بعد

صرت مثل المينونه مابي اسوي اي حركه موزينه عشان لا ايي وياقبض روحي

مابي اقول اي شي عشان لايمكن يتذكرني وايني يشلع روحي

( استغفر الله )

والله بنات كنت كل يوم اتمنى الموت بس بهالوقت مثل المينونه مغطيه عمري وابجييييييييييييييي حدي:0bee2e8d89:

وتخيلو انهم خلو الجثه ماشلوها ليما الصبح .. وبنتها موتت روحا من البجي والنوووووووووووح

انا بغيت استخف كل هالوقت وهالعيوز الميته يمي الله يرحمها ويغفر لها ولمممممممممممممممما الصبح وهو مخلينها عشان ايي دكتور ويكشف عليها يشوف سبب الوفاة ويكتبون بشهاده الوفاة كل شي


وااااااااااااي وانا ابجي ابجي مت من البجي

طبعا احنا الصبح دقيت على زوجي مايرد

دقيت على رفيجتي اول ماقالت الووووووووووو

جان اقولها ام فلان ماتت ورفيجتي منصدمه حدها


منو ام فلان وانا ابجي ابجييييييييييي وميته خوف لانها يمي وشفتها وهي مغطينها ويو اهلها الظاهر اعيالها ومادري منو ويترحمون عليها ويقرون عليها وووووو وهي يمييييييييييييييييييي : (

وابجي واصرخ هستيريا

قلت لهم مابي اموت شيلوها والله خايفه

تخيلو حالتي بهاللحظه قمت ارجججججف امي دقت علي

قالت لي اشفيج قلت لها يما اذا تحبوني صج تعالو اخذوني بموت والله بمووووووووووووووووت بطلع من هالمكان

اذا ماطلعت وربي بستخف

توه وحده ماتت يمي ولاسوو لها شي ............ ومحد يمها

الا انا وانا ابجي واتذكر هالعيوز لمن كانت تكحكح بالليل شوي شوي مستحيه وخايفه تأذينا خنت حيلي

واتذكرها لمن يودونها ع الكرسي يمشونها ع الويل جير وهي ماتدري عن الدنيا

شهالمكان اللي ماتت فيه آآآآآآآآآآه

المهم جان امي تقول ذكري الله ولاتخافين والله ماصار شي وو ... ومن هالكلام

المهم تغطيت عدل وانتا ابجي واقرا اللي حافظه من آيات عشان ارتاح

المهم بهاليوم يت امي اول ماشفتها بجيت قلت لها يما ام فلان ماتت جان تقولي الله يرحمها لاتفكرين يالله مابقى شي يحطونج بالغرفه الخصوصيه اريح لج : (

غرفه خصوصيه ......... يعني مطوله ومابذنهم ماي يطلعوني من هالمقبره اللي انا فيها

المهم موصار الشتا امي حبيبتي يابتلي معاها هدوم شتا وبلايز وشفت بايدها زيت مادري شنو

ولا اتقولي هذا زيت حق شعرج من ابوج وايد زين توه طلبه من وحده خبيره اعشاب تقول يطلع الشعر بسررررررعه؟؟؟؟

آآآه على شعري

شوفي يما لمن الحين يطيح شعري بلا توقف ولاعت جبدي من هالوضع ............ووريتها مخدتي

يعني انا مخليه مخدتي مقياس كل يوم اقعد اشوف الكميه زايده ولا قاله ...: (

شوي ولا تطلع مقراضه مالت اظافر ( وتقرض اظافر ايدي وانا اصرخ من الآلم ) وأظافر ريولي : ( ماقدرت لاني ماخليتها من الصياح والبجي

قلت لها يما الله يخليج قولي لي اني بطيب!!!!!!!!!!!!!!!

جان تقولي والله بتطيبين ان شاءالله وبتردين حق ولدج ؟؟؟؟

قلت لها متى؟؟؟؟؟؟
جان تقولي ان الله مع الصابين ... الله يبلي اللي يحبه وانتي صبري وهذا اختبار من الله بيشوفج تصبرين ولا لأ

قلت لها يما مافيني صبر خلاص والله الصبر مل من صبري

قالت لي لاتقولين جذي الله ماينسى عبيده نجحي بالاختبار والله كريم

وعطتي كتب يمكن 3 او 4 كله ادعيه وقصص وايد حلوه ومعبره دينيه :eh_s(2): هم يايبتها معاها حبيبتي


سألتها مره ثانيه قلت لها يما تعتقدين راح امشي مره ثانيه؟؟؟؟؟؟؟؟؟؟؟؟؟؟؟؟

جان تقولي راح تمشين واحساس الام مايخيييييييييب : (

المهم

راحت امي حبيبتي عني واستانست بالملابس اللي يابتهم لي واغلبهم يدد شاريتلي اياهم فديتها

ويابت لي بعد اشياء بس اذكرها ........

دقيت على زوجي قلت له اللي صار ....... ضاق خلقه واااااااااايد

وقالي يالله مابقى شي راح يودونج ابن سينا عشان كشف الاعصاب وان شالله يلقون لج علاج لان مابقى الا يشوفون يمكن المشكله من الاعصاب

وانا ميته خوف


المهم

عقب موتت الحجيه الله يرحمها وانا من امر يم الفراش يكش شر ينبي واتضايق وايد

يت المصريه الي قبالي وقالت انا بنام يمج مكانها (ياقوي قلبها )

المهم بنات مرت الايام ومافي استجابه حق ريولي ولا تحسن حتى 1%

ودوني ابن سينا بالاسعاف معاي ممرضه من المستشفى تقوم فيني وخليت خدامتي بالمستشفى

المهم لمن رحت اهناك طبعا اهم كانو ماخذين لي موعد مسبق على قولتهم والاولويه لنا

دخلت على طول عند دكتوره هنديه فحصت ريولي فحص دقييييق بالايد ..... وقالت لي كل شي اوكي ليش ماتحسين قلت لها مادري

رحنا الغرفه المرررررررررررررررعبه

يمه يمه يمه يابنات الله لايوريكم ولايوري لاعدو ولا حبيب

ابر من جميع الاحجام ( قعدت ابجي ) يمااااااااااااااااا تعالي فلانه (الممرضه) جان الدكتور ينط مايصير

قمت ابجي شنو هذا

قال لاتخافين ولاترتعبين ( هدي اعصابج ) عشان تطلع النتيجه واضحه

حطوني على سرير وركبو علي ريولي اجهزه واسلاك من كل صوب من صبع ريلي لمن ركبتي (وقباله شاشه مثل السونار)

وانا كل شوي اسأل الدكتور شبتسوي
( الكتور جنسيته اجنبي بس مو معروفه مادري يمكن روسي اسباني مادري....... لهجته تدل انه مو امريكي )

بس يكلمني انجليزي مكسر

اقوله شبتسوي يقول لاتخافين

لاني انا شفت الابر وقلت اكيد لها علاقه بشغله


بنات الابر مو مثل الابر العاديه لاااااااااااااااااااا

الابره اللي يكون شكلها مثل الدبووووس بس كبيره ومتينه مرززه على طاوله ومرقمه

المهم

الدكتور قام وتوجهلها (للابر)

قلبي دق دق مت من الخوف

مادري ليش اللي انا كنت حاسه فيه سواه لي

ياب اكبر دبوس و ؟؟؟؟؟؟؟؟؟؟؟؟؟؟؟؟؟؟؟









!!!!!!!!!!!!!!!!!!!!!!!!!!!!!!!!!!!!!!!!!

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 12

وانا منسدحه على ظهري وادعي من كل قلبي ان هالدبوس مادري الابره مادري الدريل مادخله بالمكان اللي فبالي

بس للاسف خاب ظني

الدكتور حط ايده على ريلي قالي بالحرف الواحد

راح ادخلها شوي شوي بريلج ( بالساق )

وقولي لي شيصير معاج بكل غزه وقوليلي احساسج الحقيقي من غير اي مبالغه عشان نشخص عدل

انا اغرورت عيني بالدموع خنقتني العبره قلت له تعور

قال لي انا لي الحين مادخلتها ولاتبالغين (كان وايد متحملني)


المهم سميت بالرحمن وقلت يالله انا جاهزه

:eh_s(2):

ودخل الابره بريولي لمن آخرها

والله العظيم بنات ماحسيت ولابشي (انصدمت )

وخلاها معلقه بريلي بس شكلها يعور القلب

ياربي ياكريم ارحمني

الدكتور خزني وقالي : لاتشوفين وحط ايده وغطا الأبره وهي على ريلي

المهم انا غطيت عيوني اللي ماوقفت من الدموع حسره والم بقلبي واسمع صوت الجهاز يطلع اصوات يمكن هذا التشخيص

المهم دخل ابره ابرتين و3 ووووووووووو

باليمين واليسار

واخرتها عقب كل هالتقضض النتيجه طلع بعدين

(( سليمه )) !!!!!!!!!!!!!!!

مادري شلون بس الدكتوره الهنديه اللي اول مره شفتها عطتهم النتيجه سليمه 100%


تصدقون ماستانست

بالعكس قاعده اقول بقلبي ياريت النتيجه موزينه ع الاقل يمكن فيه سبب باللي انا فيه ويلاقون لي علاج

رديت بالاسعاف استقبلتني ام فهد تتطمن علي ولمن قلت لها النتيجه سليمه استانست وايد ...... وايد

ومر الوقت وصار على مرضي الفعلي 5 شهور بالضبط يعني خلاص طبقنا على نوفمبر ودخلنا شهر ديسمبر

وانا الحمدلله على كل حال مافي اي تحسن لو 1%

من صار شهر 12 وانا حدي خلاص كنت شبه ميته من الحزن ودوني خلالها مستشفى الصباح سوولي اشعه مقطعيه للمره الثالثه

طبعا قبلها نسيت اقولكم انهم مسويلي ب م. مبارك مره والنتيجه سليمه

لانهم كانو شاكين ان مخي فيه شي او فقرات ظهري فيها شي وهي السبب بشللي

ومرة ابوي الله يطول بعمره بالاسعاف نقلني مستشفى او عياده مادري اسمه انترناشيونال كلينك اللي بالسالميه

كانو ناقليني انترناشيونال بالاسعاف ويوم طحت هم على الارض(نسيت اذكر لكم ) وطحت وماقدرت اقوم من ع الارض وبعدها اللي زوجي رفعني وشالني بالغصب لان كنت قاطه حيلي كله عليه مسكين والله زوجي قام يبجي يقول ماتوقعت يوم من الايام بشيلج عليله ماتقدرين حتن تقومين :0bee2e8d89:


وطبعا النتايج سويتها اللي بالسالميه كان عشان الجرح طلعت فيها مشاكل واللي في مبارك عشان الشلل طلعت كلها سليمه


وبالصباح هم طلعت الحمدلله سليمه 100% طبعا بنات الاشعه المقطعيه تحتاج ابره بالايد ماتدرون اشلون حطوها عقب ماقضوا ايدي خمس مرات ولا لقو الا بالاصبع وريد : (

وتخيلو وانا بالاشعه صبعي انتفخ صار كأنه كره قاعده اقول لو احد يجيسه راح ينفجر والله وانا بس اشوفه ماقدر اتحرك

عقب ماخلصنا من الاشعه المقطعيه الدكتور بنفس الوقت قال النتيجه سليمه مالنا الا الرنين المغناطيسي!!!!!!!!!!

آآآآآآآآآآآآ اشعه القبر انا مسميتها اعتقد اغلبكم شايفها الله لايعوزكم لها يارب

قلت لهم لا المره اللي طافت تشهدت ( مستشفى مبارك) وطلعت سليمه ليش بتعيدونها قالو لازم : (

المهم والله وانا مقطعيه الغرفه باااااااااااارده موحشه وظلمه قلت الله يعيني على الرنييييييييييييييييين واااااااااي ياربي تآجرني واقعد من هالكابوس

ولاتشوفون حالتي وهم يشيلوني من سرير ليما سرير والممرضه الفلبينيه المسؤوله عني تمسح على راسي وتتعاطف معي

شافت ثلاجه ككاو على مانطرنا الاسعاف توصل راحت شرت لي ككاو والله ذاب بايدي رغم بروده الجو وطاح ع الارض ....................

بصرخ بقولهم ككاوي طاح ماقدرت

والله غصه ببلعومي تذكرت وليدي حبيبي بهالبرد مادري منو يمه

ويطق المطر بناااااااااااااااااااااااات وانا رايحه للاسعاف وهم مغطيني ومغطين ويهي والله تخيلت روحي ميته والمفرش الابيض كفن ورايحين يدفنوني ......... والله تمنيت الموت لمن عرفت ان كل شي سليم فيني واتذكر تقاطيع ويه الدكتور وهو يقول بيرفكت عيل اشفيها ريولي اشفيهااااااااااااا صرخت بقلبي تمنيت احد يسمعني : (


دخلت الاسعاف والممرضه الفلبينيه اللي قلت لها قصه حياتي وهي تمسح على راسي بالاسعاف كانت معاي قلبا وقالبا وهي مبرطمه متأثره فيني اقولها ريولي تعورني تقول مايخالف ان شالله مع العلاج الطبيعي تتحرك

تأخرنا بالطريج واسمع صوت زحمه قلت لها ابي اشوف بره قالت ان شالله اذا نزلوج ارفع المفرش وشوفي ولمن وصلنا والله والمطر يطق بغزاااااااااره غرق الدنيا وانا ادعي على الله تستجاب دعوه من دعواتي واتشافى واطلع لوليدي واهلي

لمن رديت المستشفى قعدت اسولف مع البنات والعياييز اللي هناك اشصار معي والكل يدعي لي

ويت وحده يديده كانت استاذه بالجامعه طالعه من دوامها ورايحه لبنتها المدرسه وفجأه بدون اي مقدمات جذي من الله طاحت وانشلت

سبحان الله العظيم ياربي رحمتك وعفوك
لا اله الله سبحانك اني كنت من الظالمين

رحت طليت عليها ولا اشوفها شبه ميته والله هان علي مرضي
هي ماتتحرك كلش كلش كلش

ياربي رحمتك .... مثبتين ويهها بحزام ومثبتين جسمها كله ومغطين ريولها وتكسر الخاطر قاصين شعرها بشكل فوضوي مادري ليش
واشوف شرطي يمها بعدين عرفت انه زوجها

طبعا اشوفها كل يوم بقاعه التمارين بس جذي حاطينها على سرير وقالبينها جنها واقفه هذا علاج عندهم مثل ضغط ع الاعصاب هم انا حطوني عليه تقعد عليه المريضه ساعه ساعتين جذي بس ماتتحرك تخيلووووووووووو
يربطونها عدل من فوق لي تحت ويقلبون السرير او الجهاز بحيث نكون مثل الواقفين بس مربطيييييين

كل يوم اشوفها على هالحال وادعي لها بعدين سوو اوراقها وسفروها بره الله يشفيها مادري شصار عليها الحين : (


---------

هذي للتوضيح صوره لجهاز الرنين المغناطيسي ( بس ملاحظه اللي انا حطوني فيه مثل (القبر)
كان غير مو متطور
وطبعا لبسوني لبس خاص مثل العمليات بس بدون اي شي وطولت داخل القبر اعوذ بالله جريب ساعه الى ساعه وربع ويحطون على اذوني مثل القطن عشان لاتسمعين الرنين طن طن طن طن مززززززعج بس انا كنت اسمعه بغيت انصمخ والله

وهذا جهاز الاشعه المقطعيه لازم تكونين ثااااااااابته ولا حركه ويحطون علي ايدي ابره مثل الدرب ويمشي فها الدوا
وحطيت ايدي بهالشكل والجهاز يتحرك ورى وجدام يلوع الجبد وتطول يمكن ساااااعه واكثر يملل ويعور

*الصور توضيحيه من النت

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 13

مر علي الوقت وانا بهالمستشفى والله العظيم اني كل يوم كل يووووووم ( بالضبط كل يوم ) اقعد من النوم اشوف يمكن ريولي تحركت ولا شويه بس صبع ريولي يتزحزح .. بس ماكو فايده ميته والله بنات ماحس بريولي تعبت نفسيا وأنا امسكها واحركها والله حتى دكتورتي (ت) الله يعطيها العافيه تعبت معاي وحاولت وايد وايد وايد وهي تحط بهالفوط الحاره والمثلجه والكهربا والتمارين مسكينه طاحت ايدها ولا ازيدكم من الشعر بيت صار تمارين مكثفه حتن خدامتي قامت تسوي لي واعطيها زياده على معاشها وهم موعاجبها بترد البيت
قلت لها مايخالف بزيد معاشج يالله سكتت ......... فكتني كل يوم تحن بترد البيت تقول مليت و اكلهم موعاجبها
انا بالنسبه لي الحمدلله قمت اكل نفس قبل والحمدلله تكرمون روحاتي للحمام صارت طبيعيه يعني بمعدل مرتين بالليوم (قيصريه ) او بربيش

ماقدر ادخل الحمام تكرمون لان اذا قمت ماراح اقدر اقوم !!
وقمت اطلع كل خميس ويمعه مره اروح بيت اهلي ومره بيت اهل زوجي

واشوف ولدي اسبوع عن اسبوع يكبر وانا بعيده عنه ....

وبيني وبينكم هو مايبيني ولا يحبني ويعتبرني غريبه كل ماييت بشيله يصد عني والله قلبي يعورني
هم في اشياء كان ودي انه مايسويها بس للاسف الظروف اجبرته ( يمص مصاصه ولا يتمهد واشياء ثانيه )

الله يعطيها العافيه خالتي ماقصرت فيه وربته ودايره بالها عليه ..

وبالنسبه لشعري يابولي دكتور متخصص يشوف حاله شعري

دخل علي دكتور مصري وسوالي فحص وشاف الحاله

قال اول مره تمر علي هالحاله بدون اي سبب طاح الشعر بهالشكل

والله العظيم وراس ولدي هذا اللي قاله وعطاني كبسولات حديد الكل يعرفها اللي يعطونها الحوامل (الفيفول)

طبعا الصبح يحطون لي الدوا مع ربعهم من الادويه كنت اقطه كل يوم هو ومال الاعصاب : (

الحديد كان يسبب لي امساك وانتو بكرامه وهالشي مو من صالحي وقمت اقطه وهم مايدرون : (

لان ادري شعري من شنو طاح !!

والله بنفس اليوم حلمت ان ريولي تتحرك وانا ابجي اقول طلعوهم طلعوهم

قلت حق ابوي والله العظيم قام يضحك وياب لي ماي مقري عليه بس ماكو فايده

المهم ياه الوقت اللي يودوني موعدي عشان الرنين المغناطيسي وكان آآآخر شهر 12

وسوو لي الرنين ودخلت هالقبر ولا في فايده النتيجه كالعاده سليييييييييييمه والحمدلله رب العالمين بس اذوني وعلعلوني بهالاسعاف ونطره الدور

بنفس اليوم اذكر: لمن رديت

يابولنا تذاكر حق المدينه الترفيهيه مجانا حقنا اللي بالمستشفى مخصوص ...: ( (احنا وين والترفيهيه وين )

والله عطيتهم ام فهد قلت لها خليهم حق احفادج

ياني الدكتور كالعاده هو ومجموعه من الدكاتره وقعدت اتراجهم مثل كل مره واذل نفسي يطلعوني لاني تعبت قالي ماراح تطلعين الا وانتي تمشين على ريولج ان شالله

المهم قالي هذي الجبيره الصناعيه اللي انتي يابتها معاج لازم تتركينها لانها موصحيه وراح نسويلج وحده طبيه من عندنا بس انا رفضت وهو اصر

قلت له مايصير تعالجون ريولي جراحيا تحطون اجهزه تمشيها قام يطالعني ويطالع الدكاتره اللي يمه وييقصون على عقلي يقولون ان شالله

رحت موعدي والمكان بنفس المستشفى عشان ياخذون قياسات ريولي ويسون لي ريول صناعيه شكلها جذي

وبالفعل سولي وحده واجبروني البسها مع جوتي رياضه تكرمون .. قلت لهم اخاف اطيح قالو لاتقولين اخاف

قلت لهم اوعدوني اني مااطيح قالو نوعدج .........

دخلت القاعه بالويل جير وانا ادز عمري بايدي اللي تعورني قالو لازم عشان رياضه حق ايدج !!

المهم امسكوني وحده يمين ووحده يساااااااار ... وشالو الكرسي ووقفت

وقفت وهم ماسكيني .... قالو يالله حاولي تحركينها شوي ...............!!

انا : .....................:eh_s(16):

حسيت جسمي كله يعورني وانا واقفه .....

كل ماييت بقعد على الكرسي وقفوني

الدكتوره (ن) قالت لي ام كتكوت شدي حيلج يالله كا وقفتي يالله اخطي بس خطوه وحده

صرخت مااااااااااااقدر

قالت لاتقولين هالكلمه مابي اسمعها :rgewrg:

جان ابجي : (

قالت لاتبجين ترى قوتج كلها بتروح

قلت لها انزين قعدوني بس امسح دموعي ماني قادره اشوف قبالي اخاف امشي واتعرجب بشي واطيح

قالت تتعرجبين بشنو ماكو شي الارض ملسه ومستويه وجاهزه لج بس تمشين عليها

تخيلو اهم ماسكيني وهم عطوني عصايه ماسكتها من كثر ما انا خايفه متصورين

قلت لهم عفيه بس ارتاح خل اقعد

قعدوني مسحت دموعي

شالوني حاولو فيني بس بنات والله والله واللذي نفسي بيده ماقدرت صج صج موقاعده ابالغ ماحس فيها كلش


بس استانست اني وقفت عليهم

شوي يابولي جهاز كبيييييييييييييييير


مادري اشلون اشرحه لكم بس مره صورته وضاعت الصوره ..... صورته من الفرحه تدورن ليش

لان من خلال هالجهاز مشيت اول خطوه من بعد 6 شهور من الشلل الله لايرده

المهم يت دكتورتي (ت) قالت مافي غير هالجهاز هو اللي راح يشيل الرهبه منج

عشان لاتتححين بالخوف هذا ماسكج من كل صوب وانتي معلقه ماتطيحين لو شيصير والله ماتطيحين

المهم

وانا راحه ع الويل جير

وقفت ماسكيني ... دكتوره (ت) هدتني متوجهه للجهاز بتضبطه ( جان اصرررررررررررررررررررخ ) يالله

جان اطيح على ايدي آآآآآآآه يابنات لاتشوفون موقفي حزتها

والله اصرخ وابجي

ليش هديتيني ؟؟؟؟؟؟؟؟؟

انتي وعدتيني ماراح اطيح : (

انتي وعدتيني وهاذا انا طحت

شوفيني طحت











يتني خايفه وقالت لي سامحيني بس انتي خايفه ولو ما الخوف ماطحتي

انا الحين قاعده افكر اشلون اقوم

!!

والله بنات شالوني وحطوني ع الويل جير والكل يطالعني ومنكسر خاطرهم علي: (

دكتوره (ن) قالت ام كتكوت لاتستسلمين خليج قويه لازم نجرب هالجهاز

انا كنت حدي ارتجف وحيلي خلاص مهدود من الطيحه

ومافيني قوه حتن خدامتي كانت معاي ووايد متأثره

المهم

يت الدكتوره قالت قولي يالله

قلت يالله...... ووقفت مره ثانيه بس ماحس بشي خلاص استسلمت لهم

علقوني بالجهاز ..... وشغلوه رفعني بحيث اني وقفت بدون لاحد يمسكني بس طبعا الريول الصناعيه لابستها

وبدونها ماقدر

وخطيت اول خطوه

:eh_s(15):


الحمدلله والله هلوست من الفرح واطالعهم وحده وحده وانقل نظارتي اشوفهم مستانسين مثلي ؟؟

وهم كلهم هدو التمارين وياو صوبي مندمجين معاي

شلون اضحك مهستره اني قمت امشي برووووحي

بنات تخيلو شكل البيبي اول مايبدي يخطي اول خطواته شلون يمشي ( انا جذذي ) بالضبط

الحمدلله قلت لهم خلاص تعبت ابي انزل

نزلوني ودكتوره (ن) ودكتورتي (ت) وايد تعبو معاي

ولمن قعدت البس بروح الجناح صورت الجهاز من الفرحه

شافتني الدكتوره وانا اصور وابتسمت

لمن رديت الجناح والله من الفرحه ماخليت احد ماكلمته بالتلفون

زوجي

ابوي


امي


قلت حق ابوي يبا مشوني اليوم خطيت اول خطوه والله العظيم يبى مشيت

حتن بعدين اللي المصريه تقولي :

سمعتك تكلمي باباتك وانا ابكي معاكي : (

لبست جبيرتي اللي شراها لي ابوي حاولت اوقف عليها والحمدلله وقفت بس عويه طبعا مومستقيمه ومنجفيه ليما جدام

حاولت استقيم ماقدرت بس قمت اروح يمين ويساره اختل توازني وخفت اطيح وقعدت مره ثانيه

ياتني الممرضه تشوف ضغطي وحرارتي مثل كل مره

وانا قلت لها اني مشيت ووايد استانست حتن الممرضه هنديه كانت حامل تقولي والله فرحت لج اكثر من مافرحت لمن حملت بهالبيبي اللي في بطني والله العظيم بنات ورب الكعبه




:0bee2e8d89:

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 14

والله بنات الممرضه قالت لي i will pray 4 u

يعني راح ادعي لج والله الحمدلله الكل يدعي لي محد قصر حتن المسيحيات يدعون لي

والحمدلله بنفس اليوم يانا قرار يديد انه فيه تمارين العصر بعد........

يعني توه هالقرار بس الدكاتره غير مو نفس اللي الصبح وان هالشي مو اجباري يعني على راحة المريض بس الصبح اجباري (بس اذكر رحت يومين وبس )

المهم قلت لزوجي ان فيه تمارين العصر قالي لاتضغطين على روحج بس انا محتاجه اني اضغط على روحي عشان اطلع بسرعه من الكابوس اللي انا فيه

6 شهور موشوي .... 6 شهور المفروض اكون مع وليدي

6 شهور خلاص اكون طالعه من الشر وارد لدوامي يعني خلاص خلصت اجازة الوضع والامومه

6 شهور بعضهم يحملون مره ثانيه وينسون الحمل الاول والولاده الاولى !!

وانا ليما الحين اكره سيره الحمل ................:0bee2e8d89:

الا على طاري الحمل .... تعالو انا لمن الحين مايتني الدوره ... تكرمون ....... متخيلين ؟؟؟؟؟؟؟؟؟؟؟؟؟!!!!!

6 شهور وانا والده وليما الحين مايتني الدوره لييييييييييييييش؟؟؟ شالسبب ؟؟؟؟؟؟؟؟؟؟ غريبه

انا اللي اعرفه بعد الاربعين تنزل الدوره تكرمون وانا لما الحين مانزلت صج ناسيتها

المهم قلت حق السستر ثاني يوم وهي تسبحني مثل كل يوم ............:eh_s(22):

قلت لها سستر ترى مافي دوره ( وينهم من زمان مايسئلوني ولا لاحظو هالشي )

المهم راحت يابت لي قوطي مال التحليل عشان اتبول فيه تكرمون عشان يتأكدون من ان مافي حمل


المهم وطلعت النتيجه وانا اتريق وقالو لي مافي حمل ......!!انا طبعا توقعت 200% مافيه حمل

يعني شلون بحمل عقب اللي صارلي اصلا جرح الولاده ليما الحين مفتووووووووووح والله العظيم مفتوح شلعوا روحي وهم يدخلون الفتايل ويلصقون بهالبلاستر لمن طاح جلدي

المهم

لمن يت السستر تبي تغير الجرح قلت لها ليمتى بيتم هذا الجرح مفتوح متى يلتأم وارتاح ؟؟

قالت ان شالله يلتأم ...... سألتني انتي معاج سكر...... قلت لها لا هذا اللي بقى ماصار فيني

المهم تخيلو بنفس اليوم طبعا تو الناس :eh_s(14):

قالو لي وصل دورج تروحين غرفه خصوصيه لج بروحج

: (

خصوصيه ....... بروحي .......... بروحي بروحي ....... ابتعد عن ام فهد ... وعن فلانه وفلانه ...... خلاص تعودت عليهم مابي اتركهم

فكرت شويه قلت لهم مابي الغرفه ابي اتنازل عنها لفلانه (مره كبيره بالعمر كانت تكسر الخاطر )

والمره استانست وايد ودعت لي والحمدلله يارب هي تستحقها اكثر مني لان وايد تتأذى بروحة الحمام تكرمون ومحد معاها بروحها

وتطورت حالتي ان قمت اقعد ع الويل جير بروحي

يعني يثبتون التاير بريك وانا اقوم بروحي ( مع الجبيره الصناعية طبعاااا ) واقعد بروحي ع الكرسي


الحمدلله كما يليق لجلال وجهك وعظيم سلطانك


وهالخطوه فادتني باشياء وايد ومنها اني قمت تكرمون اروح الحمام بمساعده خدامتي

وانتقل من مكان لي مكان بالويل جير بدل السرير : (

وبيوم رحت الجناح اللي قبالنا (( جناح الاطفال )) :0bee2e8d89::yaaaaaarb:

شنو اشووووووووووف شنو اشوووووووووف

هوايل

والله العظيم بنات اذا ماعندكم شغل روحو شوفو وطلووو على الاطفال وربي تحمدون الله على الصحه والعافيه الف مره

1- شفت توأم متشابهين امهم يابتهم مشلولين بسبب خطأ طبي وهدتهم وتخلت عنهم ومعاهم خدامه فلبينيه والله ارحم من امهم

2- شفت طفله مصريه ورب الكعبه تبجي تبي تمشي موقادره وانا اشوفها تترجى امها تمسكها عشان تمشي

3- شفت ولد صغييييير نايم مايحرك الا عيونه اول مانولد طايح على الارض ومنشل (الله يشافيه يارب)

شفت وشفت وشفت حالات تبجي حتن الصخر ....

وبالاخير مريت ولد كانو كاتبين عنه بالجرايد لقوه بالشارع قاطينه وهو استغفر الله شوي موصاحي

لمن دخلت

قالي انتي شنو اسمك؟؟

قلت له ام حسن

قالي انا احبك ام حسن

(يمكن عمره 9 سنوات )

وحاطينه بقفص مثل ال......... مسكين

يقولي افتحي السجن والله اعطيج من حلاوي : (

قلت له ماقدر حبيبي

جان يقولي عطيني موبايلج

قلت ليش ؟؟

جان يقول بدق على ابوي

(ماعنده ابو )

قلت لها اوكي مادري ليش كسر خاطري وعطيته التلفون



خمطه مني وقام يتعبث ويطقطق بالدقم بس دشت السستر حذفه وكسره

كسر خاطري والله شكله يعور القلب وهو بالقفص ايه والله قفص حتن كان لونه ازرق سماوي ماانساه وللبنات قفص وردي حديد طبعا

والاطفال يبجون من كل صوب موقادرين يمشووووووووووووون

اشوف الامهات يسولفون مع بعض وضايق خلقم على عيالهم ملولين يايبين هدومهم واكلهم وكل شي نفس ام فهد حتى تلفزيونهم يايبينه

واااااااااااااااااي

طلعت طلعت مابي ادش هني مره ثانيه ابي اعتبره حلم وخلاص بطلع من هالباب يتسكر مابي افتحه مره ثانيه

بس ماقدرت كل يوم ايدي تاخذني بدون شعووووور ايي وازور الولد : (

اللي مره خمط تلفوني ودق على رفيجتي بالغلط

رفيجتي اللي مادقت تسأل عني مره بالغلط

رد يكلمها يقولها منو انتي تعالي اخذيني طلعيني من اهني

:0bee2e8d89:

ترجيته يرد لي تلفوني الا لمن يت السستر انقذتني وردته لي ولا رفيجتي مسكرته حذفت رقمها من تلفوني ومن حياتي كلها

لان بنات وقت الشدات تعرفين منو اللي يحبج ومنو اللي مايحبج

رديت الجناح اير كرسيي بايدي تعبت وايد تعبت .. بس الحمدلله ايدي تحسنت وتعدلت بس مجرد الكهربا اللي احس فيها بكل ثانيه والخدور العجيب اللي فيها كأنه احساس لمن الايد تخدر شلون ؟؟ انا ايدي جذي 24 ساعه بس احسن من اول

رديت جناحي ولا فيه زوار من اهلنا

استانسو من شافوني اتمشى بدل لا انا نفس اول كله منسدحه

يايبين لي حلاو وككاو .......وسولفو معاي وراحو : (

وزعت الحلاو على الجناح كله

دخلنا شهر 1 صار يوم الاربعااااااااااااااا

يت المصريه اللي حفتني : ) قالت يابنتي خلاص اليوم راح ارجع لبيتي والحمدلله :eh_s(2):

خنقتني العبره والله تعلمت عليها شلون بفارقها ............!!

دقيت على زوجي على اساس اليوم الاربعا يوم طلعتنا

عشان الويك اند ......... ادق ..... ادق مايرد

ضاق خلقي لان مابي اضيع اي دقيقه من هاليوم داخل المستشفى ......

نطرت نص ساعه ودقيت

ماايرد : (

ساعه

ساعتن

صار المغرب

دقيت على بيتهم ردت خالتي جان تقولي والله نايم : (

قلت لها اليوم الاربعا ليش ماقعد

جان تقولي مايصير هم اهو تعبان خليه يرتاح شويه (انصدمت )

اول مره خالتي تكلمني بهالطريقه ضاق خلقي وايد صكت فيني الدنيا

بهاللحظه دق زوجي شتت الافكار

جان يقولي انا ماقدر اليوم اخذج !!!!!!!!!!!!!!!! وهاتك ياصياااااااااااااح ليش!!!!!!!!!!!!!!

وقعدت احن عليه والله ماانسى هاليوم صرخ علي


يقولي بس مليييييييييييييييت والله مليييييييييييييييييييييت

يالله متى تمشين رحمينا ......

ارحمك ؟؟؟؟؟؟ استغفر الله ....... الله كريم انا هذا اللي صارلي كله عشان ايبلك ولد يشيل اسمك : (

صبرت شويه قعد ادعي ربي يسخره لي خلاص هونت مابي اطلع بس لايقلب علي ويمل مني

بس الحمدلله دعائي ياب نتيجه شوي ولا الاقيه دخل علي

شفته جني والله ياهل شايف امه

شهقت قلت له وايد تأخرت مابي اقعد اهني

قالي ترى اروح اهون اخذج

قلت له خلاص اخذني وبرد السبت المهم رديت قلت له مابي اروح بيت ابوك اليوم امك زعلانه مني

بس لمن رحنا بالغصب طبعا خالتي حسيتها ندمت انها كلمتني وحسيت انهم متكلمين مع بعض والله بموضوعي

بهاليومين ماطلعت من الدار وانا افكر واحلم بالكوابيس

ورديت المستشفى مره ثانيه

للسجن

وهذي حالتي يقعدوني كل يوم نص الليل من عز نومي حق الضغط والحراره

كل يوم الصبح تسبح ... ريوق .. دوا ... تمارين .. ملل تفكير ... نوووووووم

لمن ياني الفرج


يالله


اي نعم الفرج ........... اوله ............

باجر ان شالله بقولكم شصار معاي عقب 7 شهووووووووووووووووووووووووووووور


والدم اللي شفته اللي خلاني ابجي من الفرح

اسمحولي بنات باجر اكمل واعطي الجزء حقه باذن الله

ولاتنسوني بالدعاء الطيب الله يعوضني من اللي شفته من ضيييييييييم ومشكووووووورين

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 15

يوم السبت من يناير يابولي دكتوره باطنية .. كشفت ع الجرح طبعا شالت البلاستر

بققت عيونها حاولت ماتخوفني .. سألتها شفيج؟؟

قالت ولاشي بس جرحج ملتهب ... فتحت ملفي (طبعا امتن ملف بالمستشفى)

شافته .. جان تقول انتي والده من 6 شهوووووووووووووووووور؟؟؟؟؟؟؟؟؟؟ << جذي بالضبط كان شكل ويهها

مافيج سكر؟؟ غريب هالجرح !!

انا لاتعليق لاني تعبت

والله تعبت

حتن هالدكتوره الكبيره متعجبه من جرحي؟؟ وتتسائل ؟؟

شلون بيتسكر هالعله ؟؟

والاهم متى بيتسكر ؟؟؟؟؟؟؟؟؟؟؟؟؟؟

متى ومتى ومتى ؟؟؟؟؟؟؟؟؟ والله العظيم قلبي يعورني بس بمجرد اني اتخيل الفتيله داخل لحمي ..

وهالبلاستر يحكني ماقدر احكه

منو يتصور اني 6 شهور مونايمه على بطني

منو يتصور اني 6 شهور موواقفه على حيلي بروحي

منو يتصور اني 6 شهور مونايمه على جنبي اليمين

منو يتصور اني 6 شهور افتح بنطلوني للي يسوى واللي مايسوى يغير الجرح ..... ترى حتن خدامتي مره مغيرته لوتصدقون

منو يصدق ان الدكتوره تدخل صبعها تقيس الفتحه ؟؟؟؟؟؟؟؟ واااااااااي مابي اتذكر

ودي اقوم امشي والله العظيم ظهري تكسر ... عاااااب ...... بس ......بعدين شلون بشيل ولدي ؟؟

المهم

الدكتوره طلعت من عندي وقالت لازم مضاد حيوي بالوريييييييييييييييد

بالوريييييييييييد :lkmnkl:


انا يالله يالله تناسيت الابر والتعذيب على مايلاقون لي واحد يدخلون فيه الابره او اللي يسمونها الفراشه

قلت لها ليش؟؟؟؟ وشلون بلعب تمارين ؟؟

قالت حبيبتي ماعليه بنعطيج كورس اسبوع واحد وتحملي

سكتت ........ اسبوع .. انا ماصدق خطيت خطوتين ولا بعد بالجبيره والحين تقولين اسبوع

قلت لها بس شلون اسبوع وانا بطلع الاربعا حق ولدي

قالت ماكو طلعه هالاسبوع وابنك يقيلك ........!!!!!!!!!!!!!!:eh_s(12):

وراحت الدكتوره

شوي ولا يتيمعون علي السسترات ...... ويسكرون الستاير ...... ويفتحون الليت اللي فوق راسي

رغم انه صبح !!

والله العظيم والله العظيم والله العظيم

نص ساعه بالضبط نص سااااااااعه 30 دقيقه ماانسها لو اموووووووووت

يحاولون يدورون عرج مافيه : (

تخيلو حطو واحد في ريلي

قلت لهم لو اموت ماتخلونه شيلوووووووووه واصرخ من قمة راسي

شيلووووووووووه


واسمع ام فهد تقول شيلوه حرام عليكم رحمو هالبنيه كافي ونتها كل يوم مع هالجرح

والله تمنيت امي معاي .... تمنيتها توخرهم عني وتقعد تحاميني منهم المجرمين

مافي رحمه وكانو كلهم هنوووووووود

ياتني فلبينيه رفيجتي اللي تعرفت عليها

يت جان تقولي حبيبتي تعاوني معانا شوي وقعدت تطق ايدي دقيقتين كسرت ايدي عشان العرج حضرته يبين

ومافيه غير كف ايدي لان ايدي من فوق كلها لونها بنفسجيه آثار قبل .......املهم يشوفون العرج لو شنو ........!!


الهيد نرس قالت والحل؟؟؟؟؟؟؟؟؟؟؟

قلت لهم احسن هذا عشان انا موراضية

قالت ماكو الا ريولج

صرخت

ريووووووولي لأ

وأخذت الجيس مال الأرمانسولاين واحذفه ع الارض واصرخ فيهم بس والله ايدي تنبض بالعوار بس حرام عليكم

ماخليتو مكان ماقضيتوه

جان الفلبينيه تقول اخر محاوله واذا ماصار خلاص

مسكوني اربعتهم جفتوني مثل المينونه ودخلو الابره بايدي من فوق ويطلع دممممممممم مثل النافوره << دششتها غلط

اخر شي حطوها بايدي الحمدلله لقوه ... وايشوفون الماي ينزل بطيييييييييء لان العرج ضعيف

قالت ماعليه بما معناته ( العوض ولا القطيعه )

وااااااي يابنات عذاااااب لاقومه ولاقعده الا للحمام تكرمون يدزوني والدرب يمشي معاي

تخيلو اقضي حاجتي والحمام مفتوح الممرضه خايفه اشلعه

مالت عليهم :cxxxp:

مر اليوم الاول زوجي انصدم قال هذا شلون مدخلينه هني ؟؟؟؟؟؟؟

انا سكتت لاني لو تكلمت راح ابجي

قلت له الله يخليك طلعني من هني والله يمكن لمن اكون يم ولدي نفسيتي تتحسن وامشي

انا متأكده ان اللي فيني نفسيه لا اقل ولا اكثر

قالي خلاص بس خلصي هالكورس وان شالله خير

انا : صج .........................!!

قالي الله كريم : (

المهم

كل شوي تكرمون ع الحمام لان الدرب بلش مفعوله

فقالو راح نحط لج بربيش ماعرف اسمه اللي مال الولاده

بربيش ؟؟؟؟؟؟؟؟؟؟؟؟

ليش

عشان لاتقومين ويطيح الدرب ونتوهق ماكو مجال ندور بعد خلاص


تخيلووو حطوه لي وانا اصرخ اصرررررررررررخ من العوار وربي ماقولكم عوار


كلمه عوار شويه عليه ...... كأنهم حاطين موس ويقصصون : (

المهم اول 3 أيام خلوه مرت على خير بس بعدين عقب ماشالوه اقصد البربيش تخيلو من العوار اغمي علي آآآآآه مابي اتذكر

وعقب كل هالكابوس الابره خلاص الانبوب مال الدرب ماقام يوصل لان عرجي تسكر ماقام يوصل قام يعورني لان الماي احتبس ويعوررررررررني جنه احد يقرصني بمقص (هذا اللي بالضبط حسيته )

قلت لهم يعني مافي فايده؟؟؟؟؟؟؟؟؟؟؟ كل هالتعذيب واخر شي شلتوه

الممرضه لاتعليق

قمت اصرخ ابي اميييييييييييييييي


ابي امييييييييييييييييييييييييييييي

وفوق كل هذا خلاص وحده من اللي معاي هم كانت تبي تطلع : ( صكت فيني الدنيا وقلت كلهم راحو وهدوني

وانا بروحي

يتني ام فهد قالت لي انا امج

قلت لها لا مابي ابي امي الحقيقيه << استخفيت

ابي امي وابجيييييييييي

دقيت على زوجي ياني

شاف ايدي ......... والله صد بغيى يبجي

وين اللي بايدج : (


قلت له راحت بلا رده والله حتن اكل ماكنت اقدر اكل الخدامه توكلني واخرتها شالوه ولااستفدت من الكورس يكفي بالليل انام وانا ايدي على قلبي اخاف يتحرك مسكره عين ومبطله عين

جان يقولي ماعليه كله بأجره

قلت له يالله ياربي خلاص والله هالأختبار طال طاااال وايد ...... انا شسويت بدنيتي والله تعبت تعبت تعبت وايد

والله عمري مااذيت احد

ولا لي شغل باحد كافيه خيري شري ............: ( شنو هالكابوس اللي طول هالكثر متى اقعد منه

وهو حده غلق وشكلي صج كنت منهاره

قعد معاي يسوي لي مساج حق ايدي الوارمه

وانا طبعا مايحتاج اقولكم الالم اللي احس فيه وساكته

راح زوجي ولمن صار بالليل مريت الولد بجناح الاطفال مثل كل يوم

وكان قاعد بالقفص ومعطينه عصير

والله العظيم اول ماشافني صرخ ام حسن ام حسن ام حسن

سلمت عليه وعطيته المقسوم ( بسكوت وككاو ودفتر كان معاه الوان شينيه )

وصيت زوجي ايب لي اشياء لهم

قالي ابي مسدس والعاب

قلت له من عيوني راح اييب لك كل اللي تبيه

والله العظيم دمعت عيوني تذكرت ولدي مادري ليش؟؟؟

دقيت على خالتي قلت لها بسمع صوت ولدي

قالت لي ولدج نايم

والله اذكر سألتها نايم منو يمه قالت احنا كلنا يمه

ماصار ساعتين الا وخالتي ووليدي وخدامتهم يايين ويايبينه حقي

آآآآآآآآآآآه يابنات لمن شفته خفت اشيله يبجي ويصد مثل كل مره

عطوني اياه ماانسى شكله متبتب خدوده حمرررررررر وملبسينه صوف وكبوس صوف ماشالله عليه اينن وشعر وقذلته طالعه من كل صوب

صرخت لاشعوريا ولدي حبيبي

خالتي قالت ديري بالج تره توه شارب حليب لا يستفرغ عليج

استغربت قلت لها ليما الحين قالت ايه عادي وراثه ابوه (ولدها اللي هو زوجي) يوم بعمره لمن سنه كان يستفرغ عادي

المهم مسكته ماقدرت ايدي تعورني فحطوه بحضني

قعد يخزني يخزني يخزني

اطالع عيونه ماشالله كبار ويخزني وهو مبلم

تعرفون لمن الياهل لمن يكون داااااايخ حده فيه النوم

جذي احسه سرح فيني وقام ينقل نظراته لعيوني مره يمين ومره يسار

برطم

برطم


بس مابجى

لميته حيييييييييييييييييييييييييييل حييييييييييييييييل


والله حسيت اول مره اشوفه

جنه اول مره شوفه

اول مره المه بحياتي من ولدته


اول مره المه يابنات والله العظيم اول مره المه

فصخته كبوسه شعره كان نااااااااعم والله مسحت على راسه آآآآآآآآآآخ شخنه وليدي

توني ادري ان وليدي غالي هالكثر


من زمان مالميته

خالتي نادت خدامتها (كنو يايبين مطارات جاي معاهم ) بس ماكان فيها جاي

كان فيها ماي حار

قالت لها صبي ماي حق اتون (جذي يدلعونه)

اخاف يعطش

اخذت المميه من ايد الخدامه حاولت اشربه :eh_s(2):


آآآآآآآآآه اول مره اشربه اول مره ارضعه ...........

والله يومها شفت المميه ضباب من دموعي وخالتي ساكته كاتمه بقلبها : (

والله اشوف ضباب من دموعي وهو يمص وساكت الحمدلله


وانا اشوف ويها وحلجه وكل شي فيه جنه بيطير مني

المهم شوي عقب فتره خذته خدامتي تبوسه وجذي راحت عنا شويه وانا اسولف مع خالتي اسوووووولف

ولهت على ولدي ناديتها قلت لها حطيه بحضني

حطته ولا بيده فلوس !!

من وين ؟؟

قالت من فلانه لمن قلت لها هذا ولد مدام ام كتكوت لمته وباسته وحطت بايده فلوس

حبيبي كان عاصرهم بايده عصااااااااااااااار

عقب ماراحت خالتي تميت ليما الصبح وانا بس ابجيييييييييييييييييييييييييييي

ابي ولدي


تابعوني اليوم بكمل

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 16

يوم الثلاثاء يناير
من الصبح مثل كل يوم ..... كنت مو نايمه الا الفير .... كالعاده قوموني عشان اتسبح وقعدوني على السرير الخاص بالتسبح ....... وانا لاتعليق ساكته .. دايخه

قلت حق السستر ... ممكن اسبح وارد انام ؟؟ والله تعبانه ...: (

قالت لي مايصير لازم تمارين انتي الاسبوع اللي طاف 4 ايام مافي تمرين

ترجيتها قلت لها عفيه والله ماني قادره حدي تعبانه وجسمي تعبان .....

قالت قولي حق د.(ت)

دقيت عليهم بالقاعه كلمت دكتوره(ن) قلت لها دكتوره طلبتج

قالت عطيتج قولي عيوووووووني الثنتين@@

قلت لها تسلم عيونج ومن تحبين .. عفيه قولي لهم اليوم يخلوني انام والله من امس مونايمه

قالت اوكي بس العصر تلعبين قلت لها اوكي ... اوعدج:tek:

نمت وحلمت حلم وايد حلووو

حلمت (بقوله بالتفصيل )

حلمت اني اقرأ سورة البقرة وانا لابسه حجابي ابيض وعبايه لونها أبيض !!!!!!!!!! متخيلين عبايه لونها ابيض

وانا اقرأ السورة احس اني ارتفع فوووووق بس انا منتبهه على الآيات الكريمه وبصراحه ماني متذكره شنو الآيات واي ترتيب اللي اقرها كلش.......

وعقب ماخلصت سكرت القرآن ورفعت ايدي للدعاء

(يابنات والله العظيم واللي خلقني وخلقكم) ..

وانا ادعي بالحلم ايدي الثنين وانا ادعي ارتفعو فوووووووووق فوووووووق ووصلو ليما السما ورب الكعبه وهالحلم ماقلته لاحد خفت مايصدقوني: (

وبيني وبينكم كنت خايفه بعد الحلم قلت لون ابيض مايبيله هذا اكيد يومي وصل: (

الا زوجي قلت له الحلم بعدييييييييييييييين

بس وانتهي الحلم وبيني وبينكم ماكنت ادري شنو ادعي بس كأني اقول الحمدلله أو بسم الله !!!!!!!!! مع الدعاء



قمت من النووووووووم قعدت على حيلي بحركه فجائيه مسكت ريولي :yaaaaaarb: امسكها غمضت عيوني علشان اركز مثل كل مره اقول يمكن تتحرك شوي بس ماكو ميته مييييييته وباااااااااارده وايد مثلجه

حاولت انام على جنبي اليسار لان طول ماانا نايمه لما الساعه 2 وانا على اليمين خدررررررررررر جنبي :eh_s(1):

المهم

يت السستر الفلبينه (وايد احبها)

جان تقولي حبيبتي نامي على ظهرج عشان ريولج جم مره اقولج مافي نوم الا على ظهرج : (

قلت بقلبي حرام علييييييكم تعبت يت مسكت ريولي شافتها بااااااارده جان تقولي لازم ندفيها لبسي دلاغاتج

ولبستني الدلاغات قعدت افكر بالحلم ودعيت ربي يكون خير لي

تغديت بطاط وعصير مافي صندوق الاكل تعاونو وكلوه الخدم

دقيت على زوجي بغيت اقول له الحلم قلت لا خليه بقلبي عل وعسى يكون فيه خير لي

كتبت الحلم بالنوته وتحفظت عليه ..المهم


المهم كلمت زوجي ..بالتلفون وقعدت اسولف معاه وايد .... لمن تخيلو عقب ماسكرته ام فهد تقولي ها؟؟ شحنتي ؟؟؟: )

وقعد اسولف لم فهد وخذيت رقم تلفون بيتهم ( كأني حاسه ) ورقم بناتها كلهم وقلت لها بتروحين القاعه العصر؟؟

قالت لا اولادي بيجوني

المهم رحت قاعه التمرين بروحي اير بالكرسي لمن انهد حيلي ( ممنوع احد يدزني )

وخدامتي قلت لها تغسل هدومي وترتب مكاني (كأني حاسه )

سويت تمارين ساعتين

وخلال هاليوم بالليل لبست جبيرتي والحمدلله قمت اقدر اتمشى فيها مع التمارين

بس الرجل (القدم) هي المشلوله اما الساق والركبه ولله الحمدلله من بعد فضل ربي والتمارين تحسنت وقوت الف الف الحمدلله

الدكتوره اللي بالخفاره استانست مني .. هي تمسكني بايدي اليمين وباليسار العصايه ومشيت الحمدلله 5 خطوات وانا لابس الجبس = الجبيره الصناعيه ......

والله تمنيت اسجد سجده شكر بس ماقدر لاني لو جبلت ع الارض ماراح اقدر اقوم

الجبيره تقوم ريلي مثل الطوفه يعني امشي وريولي من تحت قائمه مستقيمه .. فهمتوني:080402ask_prv:

والله يومها بالليل ماقدرت انام بس قلت لهم ابي منوم عشان اقدر اقوم الصبح اتمرن واطلع لولدي العصر

عطوني ابره مهدئه سميت بالرحمن ونمت على ظهري ..

قعدت الفير على صوت الممرضه تهمسلي ... ضغط .. ضغط:rgewrg:

افففففففففف ماكو فكه مايخلون الوحده ترتاح كل يومين ياخذون ضغطي وحرارتي

يخافون الجرح يسبب لي سخونه او شي من اللي صارلي بعد الولاده اللي بغيت اموت من الحراره

تذكرت غرفه الولاده يوم اصرخ بررررررررررد بررررررررد سكرو التكييييف بموت يابولي كفر صوف لحفوني


المهم يوم الاربعااا الصبح قمت ولا انا مسخنه حرارتي مرتفعه ( مو وقته ) ياليتني ماتذكرت الولاده استغفر الله

يابولي كشف الحراره ولا 40

قلت لهم اليوم الفير مافيني شي

قالت لازم ننزل حرارتج

والحمدلله على الساعه 10 صرت اوكي ورحت قاعة التمارين مالي خلق احد .. اتلفت يمين الفت يسار

هذا هو نفس المكان 4 شهور : (

4 شهور وانا بهالمستشفى لاحول لي ولا قوة

يلبسوني ويسبحوني ويوكلوني ويعالجوني ويمرنون ريولي ويمسحون على راسي ولمن ابجي يدلعوني

كل هذا مابيه

مابي الدلع

ابي اطلع لو اكرف كررررررررف اليهد ابيه

حتى الدوام اللي قبل مالي خلقه تمنيت اداوم شفتات صبح عصر بس ترد لي صحتي

وترد لي ريولي

واجتمع مع امي وابوي وزوجي ووليدي وخواتي وكل من احب

ورفيجاتي اللي قبل مايطلعون الا وانا معاهم

متى اطلع ؟؟؟ هذا السؤال اللي مل لساني من قوله

وانا اتمرن على القاري ... انفلتت اريولي وتعورت (مووقته ) اليوم الاربعا يوم طلعتنا

ريولي ورمت شوي وتعورني

قلت لهم مافيني شي حطو عليها ثلج وخفت

الحمد لله

شنو بقى بعد ؟؟؟

مافيني صبر اقعد لازم اروح اشوف وليدي لازم اشوف اهلي

مابي اشوف ولا وحده لابسه لون ابيض

مابي اشوف ولا عصايه ..ولا ويل جير ..ولا مشايه .. ولا جبيره.. ولا جوتي رياضه وانتو بكرامه ولا ولا ولا

المهم صار وقت طلعتي زوجي وصل لميت اغراضي ... اخذت صوره ولدي من تحت مخدتي وقرآني وركبت كرسيي وادز عمري وزوجي يكلم امي حبيبتي بموبايله !!!!!!!!!!!!!!!!!!

ليش موداقه علي ؟؟؟:eh_s(10):

تلفوني مافي شحن ومتسكر ...... اخ مانتبهت توه الحين تسكر يمه سوري : (

خير؟؟

امي: تعالي اليوم عندنا

انا : وولدي

امي : شفيه ولدج؟؟

انا : ابيه معاي

امي : اوكي راح يكون معاج

المهم

وصلت بيان بيت اهلي وودعت صليبيخاااااااااااااااااااااااااااااااااااااااااااااااااااااات بلا رجعه

شلون؟؟؟؟؟

راح تعرفون الليله لاني الحين تعبت وانا في بيت اهلي صج والله لويه قاعدين ننقل شقتنا اليديده يعلها ويه خير علينا قولو آآآآآآآمين

خلاص بنات اليوم اذا الله احياني بكتب آخر الاجزاااااااااااااااااااااااااااء


يمكن باجر الظهر انهيهااااااااا او الليله على حسب ظروفي .... والله يعطيكم العافيه

والله يوفقكم يارب ومشكورين وايد على التواصل ودعواتكم وردودكم

مادري شقول غير الله يديم عليكم الصحه والعافيه والخير والرزق من اوسع ابواااااااااابه يارب العالمييييييييييييين

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 17

الحمدلله وصلت بيت اهلي وانا وايد مستااااانسه اني راح اكون عندهم هالاسبوع ....... وقعدت اشوف بيتنا وانقل نظراتي بكل مكان ..

امي مغيره شويه بالاثاث تغير علي الجووو ... دخلت الديوانيه المكان اللي بنام فيه على ماروح ارد المستشفى ...

الحمدلله رب العالمين حالتي تحسنت وايد قعدت على القنفه .... والجبيره في ريولي ..

يوم اكون قاعده اشيلها واريح ريوووولي .. واذا نويت ابي اروح اي مكان البسها .. اقوم بمجرد اني اقعد ع الويل جير واروح وين ماابي اير نفسي بالكرسي

الصاله .. الحمام تكرمون او اي مكان

المهم خواتي تيمعو ووايد استانسنا الحمدلله

طبعا انا طول ماانا قاعده سواء بالصاله او بالدوانيه او بالغرفه اكون لابسه لفتي على راسي






عشان تعرفون حالة شعري اللي طاح وقرعت : (

اول مادخل ابوييييييييييييييييييييييييييي فديته استانس من شافني وسألني عن شعري (كان وايد يحاتي ) وسألني عن الزيت خلص ولا بعد وفاد ولا بعد؟؟

قلت الحمدلله شعري خف شويه من التساقط

هو استانس المهم شفت ان امي مهيئه المكان ومجهزته لي حبيبتي .. وطايره فيني ...

قعدت ع الفراش اللي حاطينه لي انام عليه لاني ماقدر انام ع الارض تدرون
وبنفس الوقت مافي مكان انام فيه لان مثل ماذكرت من قبل مافيه غرف تحت
كلهم فوووووق

المهم انا وخواتي سوالف .. وصل وليدي فديته ياعمري والله اول ماشفته لمحت بسمته ورب الكعبه نسيت الآلام كلها

تمنيت الوقت يوقف وماايي باجر عشان لايخلصون هاليومين وارد المستشفى : (

لميته وحببته لمن قلت بس

فسخت نظارتي الطبيه ولبسته اشوفه وايد يشابهني وايد وايد وايد

يمه آخ ياقلبي والله توني الاحظ ولدي منو يشبهه

ماصدقتهم يوم قالو لي ولدج نسسسسسسسخه منسخه منج

وخصوصا بهالعمر وباليوم كان وايد يشبهني

اذكر صورته اختي (كويتيه مذهله ) ب موبايلها لان الصوره كانت حلوه وهو لابس نظاره طبيه

فسخته وحطيت النظاره ببيتها لاني اصلا البسها بس للقرايه او بالسياره

المغرب

لميته حيييييل عصرته قام يبجي كسر خاطري ...

المهم قعدنا سوالف وضحك ..... تمنيت هاللحظه تطول وايد .......

تذكرت قعدتي بفراش المستشفى بروحي محد يمي غير الخدم ...

من الملل افتح موبايلي اتعبث فيه اسكره ارد افتحه واشوف نفس الصور واتحسر على شبابي اللي ضاع من سبب مجهوووووول

المهم وصل العشا تعشينا ويت امي يمي :gathering:


قعدنا نسولف .... قالت لي :

يما فيه وحده من طرف فلانه حمات اختج

افسرها لكم بنات ادري بتفكرون بصلة القرابه

يعني اختي ام الغاليين معانا بالمنتدى حماتها اخت زوجها .. متزوجه واحد امه راح تساعدني

المهم هالحرمه طلعت خوووش مره انا ماعرفها كلش ملش ولاعمري شايفتها بس هم نسايب نسايبنا

المهم

الزبده ان هالموضوع من طرف وخيتي (ام الغاليين )

الموضوع سمعي يابنتي < امي تتكلم

في وحده وايد زينه .. بتزورج وبتشوفج ... وبتقرا عليج وهي مؤمنه ومن اهل الله وسمعت بسالفتج وتقول ان هالعلاج للمشلولين

انا اسمع وساكته بس قلبي يفرفر من الفرحه

حسيت ب ( شوية) أمل

وامي تتكلم وتشرح واختي تطالعها من بعيد تبتسم :tek:

المهم فهمتني وقالت لي هي بتيي وبتشوفج وان شالله خير والله يجعلها سبب بشفاج

قلت لها شلون قالت لان ولد اخوها بالعراق كان مشلووووووووووول ومن بعد الله تشافى

شلووووووون؟؟؟

المهم

صار باجر بالليل تزهبت ولبست وعدلت شيلتي ونطرت

ودخلنا اليهال داخل وتمينا انا وامي واختي

والحرمه يايه مع خالة اختي هي اللي يابتها

دشت الحرمه الله يوفقها وين ماكانت

سلمت وقعدت ارتحت لها وايد

اول ماشافتني نزلت راسها تشوف ريولي

قالت لي انتي ماتمشين ؟؟

قلت لها لأ

قالت : وشنو هذا اللي لابسته؟؟

قلت لها جبيره تحفظ ريولي

وقالت من شنو تحفظها

قلت: من الطيحات

قالت لي :وليش انتي تمشين عشان اتطيحين !!!!!!

قلت لها: لا بس اقوم واقعد

قالت اووووووف لهالدرجه خايفه تطيحين : (

قلت لها ياخاله ماتدرين انا جم مره طايحه ومتعلعله اخر مره طحت بالطبيب وشالوني من ع الارض : (


قالت شيلي اللي على ريولج

شافت ريولي ميته ماتتحرك كلش

لافوق ولا يمين ولايسار ولا اي صوووووووووووووب

قعدت تقرا علي وتكلمني عن ولد اخوها اللي مشى ( بس مامشى فجأه تقول بالتدرج ...)

وعطتنيورقه اقراها عباره عن آيات قرئانيه كامله وماي مقري عليه اتسبح فيه كل يوم

بقلبي ضاق خلقي استغفر الله قلت نفس هذيك المره يابولي ماي مقري وسوالف وايد ومانفع (استغفر الله)

بس حسيت انها وايد واثقه من كلامها وقالت لي لازم تكونين طاهره على طوووووووووول

شافت شعري لان امي الله يهداها قالت لها ولابعد شوفي شعرها شلون طاح وووووو ومن هالسوالف


المهم

راحت المره بعد ماضيفناها وسولفنا وانا وامي قعدنا نتناقش بالموضوع

وامي تحن علي التزمي وحاولي تلتزميييييييييييييييييييييييييين اوكي قلت لها ان شاءالله والله كريم

خشيت الاغراض وتوكلت على الله

دقيت على زوجي قلت له استاااااااااانس

وايد وقال الله يسخرها لنا وتطيبين ياااااااااااارب

قلت له مابي اروح المستشفى بعد لازم اغسل بالماي المقري بدون صابون وبالصاله مو بحمام تكرمون وووو الخ

واقتع الحمدلله مت من الفرحه خلاص مابرد للسجن افففففففففففففففف الف الف الف الحمدلله

المهم

ثاني يوم الجمعه امي راحت زواره وكنت قاعده بالغرفه منسدحه وافكر بكلام الحرمه وبسوي اللي قالت عليه وبتوكل على الله

المهم ناديت خدامتي قلت لها سكري الليت خلاص طلعو

وانا منسدحه (غفيت )
على سريري
وماذكر ولدي وينه بس المهم انا بالدوانيه برووووحي والليت مسكر :cxxxp:

صحيت من غفوتي ... التفت امبي ظلمه يممممممممه لانها مسكره الباب فمادري ليش انا ارتعبت وااااااايد لاني بلحظه تخيلت المره وسوالف جن ومادري شنو تابعه وقلت بقلبي شلون بتشافى استغفر الله حسيت ان لها علاقه بالجن


قمت انادي خدامتي فلااااانه فلاااااااااااااااااااااااااااااااانه ........... ماكو

قمت انادي خدامه امي فلاااااااااااااااااانه فلاااااااااااااااااااااااااانه ..... ماترد

وااااااااااااااااااااااااااااااااي قمت اصاااااااااااااااااارخ لحقووووووووووووني



يماااااااااااااااااااااااااااااا لحقوني .. ورب الكعبه بنات جذي بالضبط قمت انادي والله

واتسائل وين ولدي وين الخدم حسبي الله على ابليس والجبيره مويمي وحتى لو يمي لو اموووووووووت مااتجرأ اقوم بروحي بهالظلمه لان اساسا ماعندي توازن وراسي يدووووور

اشوه الدريشه مفتوحه وفي نور يدش

اهييييييييي اهيييييييييييييييي واقعد ابجي واصرخ فلااااااااااااانه فلااااااااااااااااانه

والله خفت اصرخ اكثر يطلعون لي اهل الارض ...!:eh_s(22):وتفكيري ياخذني ويوديني بنات لاتلوموني صج عشت برهبه من موضوع الحرمه اللي ياتني

واصرخ مره ثانيه فلاااااااااااااااااانه ....... فلانووووووووووووووووووووو

جان ادق على تلفون البيت من نقالي قلت يمكن يرن ويجون

الله يلعن بليسج وينج لحقو علي ........ اخاف من الظلمه

(((((((اخاف من الظلمه ؟؟؟؟))))))..
هذي يديده بقاموسي انا طول عمري بالمرض قاعده بالظلمه بس خدامتي يمي موبروحي : (

قريت سوره الناس والفلق يمكن 10 مرات واستغفر ربي لاني اقراها سرييييييييييعه

شسوي ادق على منو

ادق على امي بالدسمه اتيني وانا في بيان لأ مستحيييييييييييل

خلوني وراحو ...........

وانا اصرخ مثل المينونه ومحد يسمعني

منو بيسمعني البيت شكبره

كلهم طلعو وهدووووووووووووووووووووووني :eh_s(11):

حاولت اوقف على ريولي ... والله بس حطيت ايدي يبوم حسيت نفسي بطيح من طولي


شفت الساعه من نقالي الا كانت 10 اشوه الحمدلله قربت ييت اهلي ......

شوي ولا ايدشون الخايستين

خدامتي فتحت الليت جان اهب فيها وينج وين ذالفه حرام عليج ماصدقتي على الله تين اهني وتخمرين ووووو

وهي ميته خوووووووووووف فتحت الليت وقالت لي سوري سوري ماما

قالت وين ولدي قالت نايم

نايم .!!!!!!!!! ياعمري وين قالت بسرييره

وانتي وين كنتي ؟؟؟؟؟؟؟؟؟؟؟؟ تقول والله انا كنت بالحوش (تدري فيني ماقدر اقوم اشوف شيسوون

استغلت مرضي وذلفت : (

شوي ولا اهلي يدخلون البيت ....قلت لهم ع اللي صار ولا اختي تقول انا شفت خدامتج يايه من الفرع تركض هي وخدامه بيت اهلي...!!!!!!!!!!!!!!!!!!

وهادين الولد بروحه افرضي قعد وبجى منو بيشوفه ؟؟؟ مايفكرون عمى

المهم عقب تناسيت اللي صار مابي اضايق امي حبيبتي ......


----------------------


ومشكورين لكم من تواصلت معاي حبيبات قلبيييييييييييييييييييييييييييييييييييييييييييييييي احبكم

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 18

طبعا هذا اللي صار اليوم مع خدامتي كله يهون عشان اني طلعت وافتكيت من المستشفى وريحة المستشفى .. دش ولد اختي وبايده مسدس لعبه

تذكرت الولد اللي بالمستشفى : ( ياعمري انا وعدته اني اشتريله العاب وهذا انا طلعت ولا شريت له ومستحيل اطب هالمستشفى مرة ثانية لو على جثتني

امي نادتني وقطعت افكاري .. اذكرها حبيبتي كانت محتاسه وي ولدي ومعصبه على اتون ولدي عشانه مستفرغ تكرمون ومدمرها

قلتها يمه خلاص ماراح ارد المستشفى جان تقول ماعليه حبيبتي .... التزمي باللي قالته لج المره وان شالله خير

المهم بنات مر اسبوع تقريبا وانا عند اهلي مع اتوني والصراحه وايد كنت اتضايق من الازعاج واليهال والصيحه ومشاكل خدامتي الخايسه وتصرفاتها وخصوصا ان بيت اهلي عندهم هنود رياييل ... صبي وسايق
وبالنسبه للمكان مافي غرفه خاصه فيني وخواتي اغلب الوقت قاعدين ولابسين شيلاتهم عشان زوجي يزورني ومافي غرفه اقعد فيها معزولين عنهم يعني

زوجي اقترح ان نروح بيتهم

ماعارضت ولاكلمه ........... اي مكان بتوديني ارووووح بس المهم مو المستشفى ..........!!!!!!

الحمدلله زوجي اقتنع اني ماروح ارد المستشفى هذا اهم شي عندي وبسسسسسسسسسسسس

قالي اهناك ببيت ابوي متروس غرف وهاااادئ وكل شي ارضي مافيه عتبات ولا سلم ماعدا دشت البيت (لان زوجي هو اللي يدزني بالكرسي الله يحفظه ويعطيه العافيه)

هديت بيت اهلي وركبت ع الويل جير وحبيبي ابوي كان مجهز لي صعده عند الدرج يعني يايب لي عمال وسولي صعدة مثل مالت المستشفيات ...

لمن قلت حق ابوي بروح بيت عمي ضاق خلقه ووصاني 100 وصيه ديري بالج على نفسج لاتطيحين :eh_s(1):

ترى اردج الطب الطبيعي << يطفرني : )

حبيبي طلع معاي لين السياره سلمنا على بعض وطرناااا الاحمدي

اول ماوصلت كان حزه غدا حتن اتذكر ( اذكر) ان خالتي امسويه مموش (اهم يسون مموش بالشتا يعني اكل شتوي ويدفي )

المهم

تغديت وزوجي ياب المشايه وقالي حاولي انج تمشين فيها شويه :eh_s(2):

مادري بنات من اسمع كلمة (مشي) ايني قامت موطبييييييعي وابجي من غير سبب والله العظيم وربي بمجرد مااسمعها اتضايق ضيقه موطبيعيه ابد

قلت خلاص اوعدك ... طبعا

ودوني الغرفه اللي بنام فيها دخلتها تذكرت قبل كنت ادشها وانا بصحتي وعافيتي .. والله هان علي ادشها ع الويل جير

شفت السرير شوي نازل .. بلمت:eh_s(2): زوجي يدزني وخالتي ام زوجي ورانا معانا

ماحبيت اعلق على اي شي الصراحه مفتشله من خالتي ........

قالي يالله قومي وقعدي على السرير,,,,,,,,, انا لابسه الجبيره ,,,,,,,, اوكي

وقفت مسكت ايد زوجي ابي افتر عشان اقعد (( خفت ))

ابي احاول ( ماقدرت )

ريولي جلبت بالارض

زوجي ناطرني .. خالتي تطالعني ...

اففففف توهقت حدي

همست لزوجي امسك ايدي الثنتين وقعدني .......:O_SHH_:

قالي قعدي @@

المهم عقب مابغيت ابجي وكسرت خاطره هبدني على السرير معصب ...:eh_s(14):

قعدت الحمدلله ........... خالتي واقفه يمي وقعدت تتحسر على شبابي ووووو وقالت كلام عور قلبي انه يعني انا شنو صار فيني ومن هالكلام : (

بغيت ابجي بس خفت من زوجي يزفني

اوكي الحين خالتي واقفه ....:s141:

زوجي قالي يالله الحين هذي غرفتج تعالي خل اوديج الصاله لاتقعدين ولا دقيقه بروحج خليج معانا ...

قالت خالتي ام كتكوت اذا بتبدلين اخذي راحتج الشباب مطولين ....... ترى ماكو احد انا وعمج بس .................

افسخ .. وتشوف شعري ....

لااااااااااااااااااااااااااااا والف لا

يمه يافشلتي تشوف شعر مرت ولدها بهالحاله لاحول ولاقوة الا بالله العلي العظيم

لو تامه ببيت اهلي احسن لي : (

المهم ابتسمت لها وقلت ان شالله ...

الحين تخيلو معاي هالموقف

انا قاعده عادي على السرير وهو شووووووويه نازل يعني موماترس عادي اسفنج على سرير ... بونفر

ييت بقوم ........... ماقدرت

ورب الكعبه ماقدرت


يعني كأني قاعده على الارض وحاطين علي ثقل حديد 100 كيلو ( جذي بالضبط اللي حسيته والله )

ابي اقوم ياربي ساعدني

مابي اتفشل يمها ... يالله عطني القوة بس هالمره عشان اقوم على طولي بس

: (


آآآآآآآآه يااااااااااااااااااااااااااااارب رحمتك ليش ماني قادره اقوم؟؟؟؟؟؟؟؟؟؟؟؟؟

وترى على فكره مو اول مره تصير معاي هالحركه مره صارت ببيت ابوي بالحمام تكرمون لمن قعدت اقضي حاجتي على كرسي الحمام الافرنجي ثبتت وماقدرت اقوم لان مافي شي امسكه واتكئ عليه بالجوانب !!!!!!!!!!!!!!!!!!!!!!!!!!!!!
فـ يت خدامتي وخدامت امي وقوموني بالغصب وحده مسكت ايدي اليمين ووحده يسار


ملاحظه:

انا علاقتي مع خالتي زينه الحمدلله بس انا استحي منها واااااااااايد وااااااااااايد ولا في ميانه معاها بهذاك الوقت تقريبا

المهم انا قاعده ع السرير بالدار واطالع زوجي بنظرات ان يعني خلي خالتي تتوكل عشان اقدر اقوم ....... ماني قادره
اففففف والله بستخفففففف

يعني انا عادةً لمن اكون قاعده بمكان اولا لازم يكون مرتفع شوي او فيه على جنوبي شي عشان احط ايدي واقووووووووووووم

طيب السرير راهي وحاطه ايدي

وارفع نفسي واطيح

ارفع نفسي واطيح


هـ شالسالفه ؟؟؟؟؟؟؟؟؟؟؟؟؟؟؟

المهم لمحت خالتي يايه مجبلة صوبي

قربت

قربت

شبتسوي ؟؟ بترفعني ... صعبه: (

المهم يت امسكت ايدي وزوجي الايد الثانيه ورفعوني الحمدلله .. انا المشكله قاطه ثقلي عليهم وبسرعه ارفعوني اشوووووه

خالتي ادمعت عينها وويها صار احمر والله العظيم ماانسى هالموقف ...........!

طلعت من الدار عقب ماقعدت ع الويل جير وقلت لنفسي بعد ماأدخل هالدار ( كرهتها )

وزوجي قال ماكو الا دار اخوي ..فلان... (حماي الوسطي)


لان سريره مرتفع وماترسه مريييح ويديد وبونفر ونص يعني اوسع على الاقل زوجي ايي

تفشلت من حماي وااااي يافشلتي

وحماي ماقصر الله يعطيه العافيه وفضى الغرفه من هدومه واغراضه ... حقي

والحمدلله ان السرير صج مرييييييييح : (
--------
زوجي شاريلي كرسي حمام تكرمون عشان التسبح ينفتح من الجوانب

المهم عدى هاليوم على خير وانا مستمرة على العلاج ...

دخل علينا شهر فبراير ....

يعني تقريبا صار على مرضي بالضبط ...سبعة شهور

وانا مشلوله

والجرح مفتوح ..

وزوجي يايب عده من م. العدان

بيتادين وارمانسولاين وقطن وشاش ومقص وبلاستر وفتايل ودس طبي قلافز ووو

وكل يوم مرتيييييييييين يغير لي والعذاب لمن يدخلي الفتيله داخل ... مافي تحسن

وحتن الابره والفيتامينات هو يغزني ابره كل يوووووووووم ( الله يوفقه ماقصر معاي )

وصايره ماطلع وايد من غرفتي كله منسدحه واقرأ قرآن وكل مره اقول بكمل سوره البقره بس ماقدر تلاقوني اوصل صفحه 10 وانااااااام بسابع نومه

اصلي وانا ع الفراش .....

واتوني حبيبي كله معاي وشروله دراية حبيبي وعربانه ( الدرايه من بنت عمتي ) (والعربانه من خالتي)

وبدا يقعد عليها وكل شوي ايني بدرايته فديته .......

الحمدلله بيوم كنت بالغرفه منسدحه وافكر وافكر واتذكر اشياء واشياااااااء ..

حسيت ياني عورا ببطني من تحت :cxxxp:

لا يكون بموت

لايكون هذا الصديد رد لي

افكاري سوداويه اففففففففففف

خفت ... طقيت الجرس اللي حاطينه لي ( حق انادي الشغاله اذا ابيها )

طبعا مامنه فايده الشيفه خدامتي كله قاطته بس شسوي تعوبل فيني ولا في ولدي

وهم ماحطوه الا لمن كنت اناديها وتتعمد تحقرني واتووووووووووهق

المهم

دقيت على زوجي ... قلت له حاسه بعوار

قالي شنو ماكله ؟؟؟؟؟

قلت له نفس اللي انت اكلته!!!!!!!

قال و غيره ؟؟

والله ولا شي ... من الغدا موماكله شي كلش

طيب قمتي اليوم مشيتي << هذا السؤال ماحبه

قلت له لأ

اقولك بطني يعورني

قالي من متى قلت من شوي موايد

المهم قالي خل اروح اييب لج بانادول وايي

المهم يت خدامتي

قلت لها سكري الباب

(ملاحظه : لو بسوي اي شي لازم تكون خدامتي معاي داخل عشان تقفل الباب .. تدرون ماقدر اقوم اقفله وووو )


سكرت الباب ..

قلتلها قفليه

قفلته

ليش؟؟

لاني حسيت بشي نزل من تحت

وي وي وي وي

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

الجزء 19

المهم

خدامتي مققه عينها @@ قلت لها فلانه تعالي لبسيني جبيرتي بسرعه

يت لبستني ع السريع

وقفت على حيلي و (عفوا يعني ) نزلت بنطلوني وشنو شفت

وااااااااااااااااااااااااو دم دم دم دم

اول مره اشوف دم وافرححححححححح

بنات دم تكرمون مومن الجرح ابشركم

الدوره يتني

لوهله بسرعه رتبت الحدث بمخي عوار = دوره ولا جان بعد قلت نزيف الجرح لاسمح الله

رفعت البنطلون ............ بققت عيوني ....... دوره ... دوره اي دوره :ggdw:

بنات عفيه لاتنصدمون من رده فعلي ترى بالفعل عبرت عن فرحتي ان الدوره واخير يتني... من قلب

مادري ليش حسيت انها رحمه لي سبحان الله

اول مره تيني بعد 7 شهووووووووووووووووووووووور طوييييييييييله كأنها 7 سنين

لو اقدر انط جان نطيت لو اقدر اصرخ جان صرخت

اكو انسانه تعبر عن فرحتها وهي قاعده بدون اي رده فعل ثانيه غير بالكلام بس

قلت حق خدامتي جهزي ملابس وروحي شوفي لي كوتكس وتعالي بسرعه ( فشله لا ينتلف سرير حماي واخزياه )

دقيت على زوجي .. وينك ليش تأخرت تعال بسرعه

يالله

بسرعه

هو >>>>>>>

اشفيييييج طحتي .........!!!!!!!!

انا لا تعال واقولك وسكرته بويها مسكين

انسدحت

دش ...... منفعل اشفييييييج ؟؟

قلت وااااااااااااااااااي فلان والله ماني مصدقه يتني الدوره الحمدلله

قال الحمدلله يالله زين ...... وعسى مالعوزتي الفراش:jumpon:

انا : لا الحين بروح ابدل


:RoadRunner:

يالله عشان اغير لج الجرح بسرعه اشوفه طبع

توني مستانسه ليش ضيقت خلقي

طليت بالفعل الماي ينزل وايد ...........



:0bee2e8d89:

مامداني افرررررررررررررررح!!

 

[ام كتكوت]

رد: قصتي الحقيقيه مع المرض .. تابعوني وادعولي قصه خاصه فيني (ام كتكوت)

تكملة الجزء....

اقدر اييبه صوبي حبيبي

مسكت عصايتي ... وجهتها على تاير الدرايه

ايره

اير
اير
اير

:eh_s(11):
الا ولدي خلاص بلش يبجي جد

بجي

بجي

بجي

انا حدي خايفه يعلي صوته اكثر:eh_s(1):


بس اشوه الحمدلله وصلته لي عندي وهم ميته خوف يحوش ريولي واتعوووووور

مسكت ايده

سكت

حاولت اشيله

قام يبجيييييييييييييييي

شلته واخيرا

صار بين ايديني

لميته حيل

لااااااااا الاخ استن يبجي يبجي

والمه حيييييييل ... بس مصر يبجي وايد

امبيييييييييه اتون ماما عيب اسكت الحين بابا عود يقعد...... نومته خفيفه

بس اتون يبجيييييييييييييي !!!!!!!!!!!!

يدور
يتلفت

افففففففففففففف امبيييييييييييي حدي توهقت

دقيت على زوجي (طاف)

وولدي يبجي

دقيت مره ثانيه هم (طاف)

دزيت له مسج وحسون يعافر بحضني ..

لي الحين مايقدر يقعد بروحه

حسن تطور البجي الى صرااااااااااااااااااخ

:eh_s(11):





:eh_s(11):



يبجي


بنات يبجي يعني يبجي من قللللللللللللللللللللللللب

فحط من البجي

وانا التفت محد يمي امبييييييي ياويلي

دقيت على زوجي مره ثانيه

امبي مايرد مايرد ....... مايرد

والله انتلفت اعصابي لان ولدي قام ويهه يقط الوان

مافي امل يسكت ورب الكعبه حاولت بكل شي

عطيته موبايلي شغلت له فيديو رنات .... امبيييييييي

توقعو شسويت

دقيت على خالتي وهي نايمه

ماترررررررررررررررررررد

امبي ليش ؟؟؟؟؟؟

وولدي خلاص بغى يموت بحضني من البجي بسم الله عليه

اتون اترجاك اسكت

اتون حبيبي انت اسكت بلييييييز

احب ايدك اسكت

تدرون شسويت من الخوف

حطيت ايدي على حلجه بكتم انفاسه

اهفففففففففف بويهه عشان يسكت

اهفففف .. حسون يوقف نسمه ويرد يبجي

اهففففففففف <<<<<< مجرمه

فسخته ملابسه لان من كثر ماجى قام يعررررررررررق ..... العرق يصبصب

انا قاعده على قنفه ام ايد ويمي قنفه نفس الطريقه

سدحته على القنفه

هديته

بس اسكت اسكت

ساحلته وحطيته على ايدي وهزهزته

ماما خلاص

قريت عليه قرآن

ايه الكرسي

ايه ال.. وووووووووو

ماكو فايده

حسن قام يشاهق مو راضي يسكت ولاحتى يفتح لي عيونه

يبجي وهو مغمض والله
رديت سدحته

فتحت على المكالمات الصادره بشوف الساعه جم انا داقه على زوجي اول مره بشوف ولدي من متى وهو يبجي ولا 6 دقااااااااااااايق ماانسى هالوقت

يمممممممممممه لحقييييييييييييييييييييني

ماقدر اقوووووووووووووووووووووم

ماقدر اشيلك يمه


ماقدر اقوم اسويلك حليب يشبعك ؟؟؟؟؟؟؟؟؟؟ اكيد ولدي يوعان

مادري شفيه ؟؟؟؟؟؟؟ مايبيني ؟؟؟؟؟ مايحبني ولاجان سكت بين ايديني

وين خدامتي شلون تذلف كل هالوقت ماتيي تطل علي شلووووووووووووووون

حقدت عليها

قمت اصرخ حسبي الله ونعم الوكيل................. ياربي ساعدني

شهالموقف اللي انحطيت فيه

ولدي بيروح من ايدي

دعيت على خدامه خالتي لان اهي اللي شالت الجبيره وحطتها مكان بعيد عني عشان تحط لي الطاوله يمي مالت الجاي


جان ع الاقل لبستها وقمت بعصايتي اقعد عمي او خالتي من النوم


امبييييييييييي خلاص حسن يبجي وايد وايد بنات لدرجه انه وهو يبجي يصصصصصصصصررررررررررخ

معقوله ؟؟؟ معقوله محد يسمع

وينهم

ليش قاعد يصير فيني جذي ....... ياربي

فكرت اطيح ع الارض واحبي احبي

بس ماقدرت اتخيل نفسي بهالموقف الصعب واحد يشوفني ازحف ووين بوصل بيت عمي كبييييييييييييير ووايد غرف ووايد متاهات

.......


والله ماتخيلت نفسي بهالموقف والله