قصتي الثانيه ..عشق فيصل ...<سميتها ...ياعشق ساره..

[zano0oba]

تروحين وترجعين بسلامه

 

[مشــآإآإعـــر آنثىآ]

تروحين وتدرين بالسلامة يا الغلآ

 

[زهور الجمان]

تروحين وترجعين بسلامه

 

[b6ooo6a*_*]

اتروحين و تردين بالسلامه حياتي

 

[*[Be_True]*]

تروحين وتردين بالسلامة حبيبتي

 

[kity]

waiting

 

[Sara.M]

الصراااااااحه القصة اكثر من روعه سجليني متابعه يديده حق قصتج ونااطرينج
تروحين وترجعين بالسلامه

 

[برونزيه كويتيه]

ترووحين و ترجعين بالسلامه
و ناطرينج حق البارت الياي

 

[ريوق بلاش]

يعطيج العافية والصراحه القصة حلووو


ولايوقف ولايوقف

 

[تفاحة بيتنا]

مرحباا بنات

شلونكم شخباركم اشتقت لكم .....


الله يسلمكم ..

سوري بنات رجعوا اقروا الاحادث من اول عشان ماتنسووون ...

والحين بحط بارت ...

 

[miss limoona]

هيااااااااااا
ولكم باك تفوحه
ناطريينج

 

[ام فطومه 82]

هاي تفاحه
انا متابعه قصتج بس بصمت
بصراحه قصتج حلوه و تستاهل ان الواحد يكملها
يالا ناطرين البارت على احر من الجمر

 

[تفاحة بيتنا]

ساره:اكييد ايه انت ...
جراح يقاطعها :ابي قلبج.............
ساره حست ببرود غير طبيعي كانه واحد يقول لها سلام عليكم ..وبينها وبين نفسها اي قلب تبيه قلبي الي من انولدت من الدنيا ماشاف يوم واحد حلوو اه لو بيدي اعطييك قلبي عطييتك بس قلبي خذاها واحد قبلك ليته قدره ..هذا قلبي مطعوون مية طعنه ويوم انه فررح اكتملت فرحته بقدوم احزانه
قاطع تفكير ساره صوت جراح::ساره انا اسف على صراحتي ..بس من انولدت ع الدنيا تعودت على الصراحه والي بقلبي على الساني
ساره بكل حززن وصوت مبحوح:انا تعودت على الصراحه وانا بكون صريحه معاك..انا من وعيت على الدنيا تعودت على الجمود وعلى صراخ ابوي وطقه ماشفت بدنيتي اي حناان ..انواع التعذيب جربتها حررق حرقني طق طقني ..لدرجة انه من كثر الطق صار عندي برود من الطق يعني ماقمت ابجي بالعكس احيانا يطقني اظل واقفه جدامه انطر الطراق الثاني
جراح الي انصدم من كلام ساره وكان منتبهه حيل معاها ..لدرجة انه نسى البرد القارس مع دفا صووت سارره
ساره تكمل وهي تمشي :يمكن استغربت بس مابالغ ..كنت انتظر بكل لحظه مجله ترد لي روحي ..كنت امسك صووره واشكي له وقبل لا انام ادعي يكون من نصيبي ..حبييته قبل لا اشووفه ماكان بينه شي لا تلفون ولا اعررفه بس حسيته الوحيد الي يفهمني ...سارره اختلطت كلاماته مع قلب جراح الي بدا يغلي من النار معنى للحين مايعرف هذا الشخص ..
ساره صوتها اختنق وبدات تتذكر لين نزلت دمعه ومسحتها باطراف اكمامه:شفته وكانت خدعه منه انه يشوفني يمكن ابالغ لو قلت لك اني حبيته حب ماوصفه بكلمتين ....تزوجنا وباسبوع عرسي بيرد زوجته الاولى ضحكت على نفسي الي توقعت انه الحظ بيضحك لي ..مع كل الي صار ظليت احببه تمنيت امووت ولا اشوفه مع غيري بس كان قلبه وروحه وكل شيء لغيري
لين شاف بعينه انه غيري مايبييبيه وقرر يدواي جروحه فيني ..احيانا كان ينادي باسمها وكنت اطنش..اقول عشرره..
تدري ياجراح..
((جراح))اول مره تنطق باسسمه كانت تعابير وجهه جراح ماتنوصف كان الاسم بالسانها غريب نوعا ماا خصوصا بحت صوتهاا الي مليء الحزن ...:اسمي حلوو تصدقين
ساره تبتسم وتكمل حديثهااا كانوا يمشوون مع بعض والبيت كان كبير والحديقه اكبر :تدري الي جرحني بزوجي اني شفت بعيوون زوجي ابووي ..كرهته..صار هدوء خصوصا مع سكوون الليل اخر كلمه نطقتها كرهته ..سكتوا لين قاطع سكوتهم صوت حصان كان يفترر يفتر وصوته عالي
ساره:شفييه
جراح لف وجهه:ماجاوبتني ع سؤالي
كان صوت الحصان علي ويرفس ...
ساره:جراح معزتك من معزة اخوي ناصر ...انا اسفه جراح بس قلبي ماعاد يتحمل ماباقي فيه شيء
جراح :ساره بس انا طلبتج
ساره:لو اطلب اقدر عليه من عيوني...بس هالطلب اسمحلي صعب علي ولا تحرجني زياده
جراح تغيرت تعبير وجهه ولف على الحصان:هذي مهره صار لي سنين احاول ارضوها مو قادر
مشت ساره لها وقبل لا تسمع كلام جراح,,
جراح يكمل وهو واقف بمكانه:وحلفت الي يروضها لو كانت مراه راح احبها طول عمري ولو كان رجال راح اعطي 100مليون درهم
ساره ماسمعته لانه صوت المهره يرتفع كل ماقربت لها...
ساره مسكت راس الفرس وظلت تمسح عليه..هدت
اما جراح كان يطالع منصدم من الي صار هالمهره صار لها سنين عنده وماقدر عليها ...تجي هالبنت مجرد تمسح على راسها ..مالومج فعلا فيها سحر مايقدر يقاومه اي مخلوق..
********************
فيصل كان قاعد على الكرسي وجدامه مكتبه الي مافارقه يكتب ويكتب ويكتب عل وعسى ترجع ساره ويوريها الي كتببه..
اليوم من افترقنا صار لنا 6شهور...
فعلا شعور غريب انك تفقد انسان ولا فقدته تحس بقيمته..
وشعور اغرب انك تعيش مع انسان كنت تعده النور والهوى..
كنت تعده كل حياتك ودفا ..ويطلع هو الي يخدعك
واقوى شعوور انك تشتاق لانسان ميت بنظر الناس
وحي بقلبك..اشتقت لج ياساره
هذي يوميه الي كتبها فيصل بعد فراقهم 6شهور ...كان يحس بكل الليله يمرها هم وغم فعلا فقد الانسانه الي تحببه وتوده فقد روح الي تحميه فقد الام والاخت الي دور رضاه..عرف شنو سارره وعرف انه الايام الي كانت معاها احلى ايام عمره..
قام فيصل وكان يمشي بخطواته شبه سرريعه..سمع صوت بجي من غرفه فهد...لين وصل للغرفه...
فهد بصوت يقطع القلب:ويينج ماما ساره اشتقت لج والله احببج ماما انا كل يوم امسك الدفتر واكتب مثل ماقلت لي..ومابجيت والله انتي قلت لي لا تبجي واجد لانك لابجيت انا ازعل وانا مابجيت بس اليوم شفت بابا فيصل يبجي وماسك صورتج ..وانا قمت ابجي معاه ماما امانه ردي لنا والله نحبج
فيصل ماقدر يتمالك نفسه وسند ظهره على طوفه وقعد على الارض وحط ايده على وجهه دموعه تررست ايده:انا ليش سويت جذي ليشش اه ياساره لو تشوفين البيت من بعدج هم وضيق ..تكفين ياساره ردي لي تكفين
بهالوقت ماقدر يتمالك نفسه وقرر يدق على ساره...
ساره كانت واقفه مع جراح عند الخييل ولما شافت رقم ابتعدت عننه..
ساره كانت محتاره ترد او ماترد بس قررت ترد اشتقت له واشتقت صوته اشتقت له بهالوقت كان يدق عليها ويقول راد البيت مو تنامين احبج..وبهالوقت كانت تركض تزهب الاكل له..وبهالوقت كان فهد يسوي نفسه نايم..بس كبريائها مايسمح لها ذلها واهانهاا :نعمم
فيصل بصووت خانقته العبره :سـ.سـاره....فيصل نسى كبريائه من سمع صوتها ..
ساره كانت خايفه من هالحظه كل شي يهوون بالنسبه لها الا دموع حبيب قلبها :شفييك فيصل
فيصل الي ماقدر يمسك نفسه بصوت خانقته العبره وبنبره حاده:ورب البيت اشتقت لج
ساره حست انه فعلا فيصل متحسف ..بس بعد شنو بعد6شهور بعد ماذلني بعد ماتهمني ..ساره جمعت قواها وبنبره حاده:المطلووب مني الحين
فيصل الي رد راسه وراء وبصوت مخنوق:ساره تكفين لا تذليني اكثر من جذي ساره البيت من دونج هم وغم ماحس فيه حيااه ..ساره انا اكره ماعندي اني اترجى الله..
تقاطع ساره وبصرراخ الي هز بيت اهل جراح هزز:كل الي هامك كرامتك وعزة نفسك..وينها كرامتك لما اتهمت زوجتك ظلم ...وينها كرامتك لما تذل اهلك الانسه منى ورجعت له ورجلك فوق راسك..اقول فييصل انسى انه في بحياتك سااره وولدك الي يربطني فيك ترى طاااح ...وناطره ورقة طلااق..
فيصل حس الدنيا صارت سووده جدامه:مو ساره الي اعرفها الي تكلمني ..سارره فعلا ماتت
ساره بكل برود:فعلا ساره ماتت وطلعت ساره الي لا عندها قلب ولا رحمه..ساره الي كنت تشوفها بريئه جدامك فعلا ماتت والي ذبحها انت..
فيصل :وفهد شذنبه...
اهني ساره ضعفت حييل لدرجه انه نزلت على الارض:وماحد ذابحني غيره
فيصل بصوت كله تووسل:ارجعي ساره..
ساره:انا مرتاح جذي جو الكويت صار يذبحني
فيصل:خلاص احنا نجي الامارات
سار تستهزاء:عشان جو الامارات يذبحني
فيصل الي نزل راس لارض:لهدرجه كرهتيني ياساره
ساره كان هالسؤال الوحيد الي مو عارفه له اجابه :والله يافيصل علمي علمك احيانا اقول اني كرهتك واحيانا...وسكتت
فيصل :تحبيني
يقاطع كلامهم صوت جراح :سااره منو تكلمين
فيصل الي ملت عيوونه الغيرره منو هالرجل وقرر يتمالك اعصابه:منو هذا
سارره :يهمك
فيصل يعض بشفايفه:سارره منو هذا
ساره:هذا زوجي من بعدك
مانطرت من فيصل اي اجابه صكرت الخط..اما فيصل مية عفريت وعفريت فوق راسه بهالوقت ..منو هذا صووت رجال عند راسسه..يمكن اخوها ناصر..اييه صح شكووو ناصر ..شيسوي عندها بالوقت بالامارات ساعه 11بالليل..فيصل مافدر يتمالك نفسسه وحجز على اول طايره الامارات...وكلم كل معارفه وطلع برنت على الرقم وكان مسجل باسم جراح...
**************************
بعد يومين..
ساره كانت مستانسه حييل باليووم هذا كانت تشوف بطنها يكبرر ولدها يتحررك كانت تحس فييه:اه يافيصل كنت اتمناك معاي بكل لحظه ..بس نصيبي انا وهالولد نعيش بعيد عنك..
قاطعه صوت ريهام:سارره شو تسووين اهني
ساره:ارمس مع ولدي هههههههههههه
ريهام:ههههههههههههه والله وصرتي ترمسين اماراتي
ساره:ههههههههههههههههههههههه
ريهام قربت من ساره:ساره بقولج شي بس بالاول تحلفين انه بيني وبينج
ساره تحط ايدها على حلجها :سر والله
ريها تبتسم:ساره انا عمري ماشفت اخوي مهتم بوحده كثرج ..
قاطعتها ساره:تكلمنا انا وجراح بهالموضوع واتفقناا انه احنا اخوان ...
ريهام:صددق ماخبرني
ساره:شو اسوي انا روحي ساليه
ريهام:وشووف معتسف هاليومين ..اول مره يحب وماحب الا وحده متزوجه..صج قليل حظ
ساره كانت تتهرب مستحيه منهم حييل:مايحب مجرد كلام انه بيساعدني عشان اتاقلم واخوي ناصر خايف علي عشان جذي قال هالكلام ..
ريهاام الي فكرت ولقت انه اخوها فعلا يسوي هالشيء عشان رفيجه:فعلا كلامج ممكن يكون صح..
ساره صعدت غرفتها وقررت تقعد تنظفها..كانت غرفتها تطل على الشارع وكانت تنظف الدرايش..لين شافت شخص واقف يكلم البواب كان يشببه فيصل نفس طوله نفس رزته ..فيصل حبيبها واقف تحت بعد غياب 6شهور ..فيصل جاء من الكويت بعد ماكان هو بيذبحها بايدها ..نزلت راسه ورفعته كانت ادقق بملامحه كانها تحس انه اخر يوم تشووفه ..واقف يكلم الحارس ورفع راسسه..على قدووم رجال له..
جراح:امر اخوي
فيصل:مايامر عليك عدو بيت جراح ذياب ال,
جراح:ايه حيااك
فيصل:الله يحيك ..ودخل الدوانيه..مو عارف من وين ابدي بس زوجتي عندكم
جراح الي سوى نفسه غبي :اي زوجه
فيصل:ساره
جراح حسس انه هالاسم يعنيله كثير كان معاها بتعابها وشقاها بكل لحظه هو كان وياها ويجي بكل برود هالانسان يسال عنها:ساره منو
فيصل:انا طلعت برنت على رقمها ومسجل باسمك
جراح :هويتي مسروقه من صارلها 6شهور
فيصل نزل راسه:يعني شنو
جراح:ممكن الهنود مستغلين هويتي ويسجلون باسمها والغيتها انا ومن باجر بلغي كل رقم باسمي
فيصل قام كل احلام انهدمت كانت واعد امه وفهد مابيرجع الا ساره معاه:اوكي عن اذنك
واول ماوصل عند الباب:بابا جراح هذا اغراض ماما سارره

 

[Sara.M]

كمليييي بليييز

 

[الاحاسيس المبهمه]

كمليي بلييييز الباارت رووعه

الحمدالله على السلامه تو مانورت الكويت

 

[ريوق بلاش]

يعطيج العافية

واتمنى انج ماتطولين


لان حدي مشتاقه اعرف

 

[miss 3yara]

قواج الله
يالله بليز كملي

 

[برونزيه كويتيه]

الحمد لله على السلامه
و يعطيج العافيه ع البارت
و نااااطرينج مو اتأخرين:ggdw:

 

[MeeMeeYoo_2]

ناطرييييييييييين

 

[dlo3t^baba]

الحمد لله على السلامه ^_^
ثانكس على البارت ننطرج