قصتي الثالثة (( الى حبيبتي بسمــــــــــــة ...... وداعا ))

[سارووونه22]

اب اب اب اب اب اب

 

[Dnoona]

ويييع خآلة فهد صج صج لزقه مولت عليها
و ام بسمه شفيها جذي قاسيه على بنتها صج تغيرت حييل , الله يعين بسمه
ثآآنكسس ع البآآرت
نآطره البآرت اليآي على نآر

 

[ladeen]

يالللااااااا متى تمووووووت بسمه

 

[so_what]

uppp

 

[جروح الحب]

ناااااااااااااااااااااااااااااااااااااااااااااااااااااطرررررررررررررررررررررررررررينج قلبي

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

waiting 3ala naaaaaaaaaaar

 

[MaFaZ]

سلامتكم من النار لا تحرقكم ...

انوم ولدي ان شاء الله وانزل بارت .....

 

[Tom ♥ Jerry]

.



الله يخليلج ولدج آن شاء الله ينآم بسرعه !
نآطرينج حياتي :*

 

[MaFaZ]

دخلت بسمة بيت يدتها واهي منهارة من البجي .. وعلى كثر ما تبجي الغصة اللي ببلعومها مو راضية تروح ... تلقتها يدتها ببحضن حنون .. وحتى العمات .. طبطبوا عليها بمحاولة منهم انهم يخففون عنها . لكن بسمة كانت منهارة .. بس تبجي ... ليه متى جذي ؟؟
وين امها الحنونة الطيبة اللي كانت معيشتهم باحلى حلم .. للاسف صحت عليه بسمة ككابوس ...

الكل استانس ان بسمة بتقعد في بيت اليدة .. اليدة لقت منو يسليها ويعاونها على عيال وليد .. اما العمات فاستانسوا انهم كل ما ايون يزورون امه مبيلاقون بسمة موجودة خاصة ان طبعهم كل يوم يزورون امهم ..

اما اخوان بسمة فكانوا مكيفين لان اختهم معاهم ...
صعدت بسمة فوق ... واهي خدرانة من البجي ودها تنام وتقعد وتلاقي ابوها واختها وامها وعيشتها كلها مثل ما كانت .. ودها تقعد ما تلاقي هالسوالف صايرة .. وبعز تفكيرها انطق الباب ..
نادية : ممكن ادخل
بسمة: تفضلي ...
نادية ها شلونج الحين احسن ؟
بسمة : الحمدلله ... وين فجورة ؟؟
نادية : توها نايمة .. تخيلي لحد الحين مو راضية تتعدل نومتها ..
بسمة: الله يعينج عالسهر ...
نادية: الله يعينج انتي معانا ليه بجت تشيل البيت كله ..
بسمة: ما عليه عادي ..
نادية: لا شلون وراج جامعة لازم تنامين كفاية وتشبعين نوم ...
بسمة: يصير خير ...
نادية: بسومة انا يكن توقيتي غلط ايي اكلمج بهالموضوع بس .. ما عليه يا قلبي هذي امج ومو شوية اللي مرت فيه ..
بسمة: بس يا نادية هم انا بنت صغيرة بعدي على اللي قاعد اشوفه وامر فيه .. والله صغيرة .. وبعدين هم انا فقدت ابوي .. وحاسة اني ولا شي من غيره قاعده احاول اكون كبيرة وقوية .. بس والله ماني قادرة ... لا امي ولا ابوي ولا وورد يمي وحواليني .. ما تعودت اكون وحيدة ..
نادية: ما عليه بوضعج هذا لازم تكونين حساسة واي شي ياثر فيج ... طولي بالج
بسمة: نادية لو اقولج امي شنو كانت بتقولين الله يالدنيا شلون صارت .. امي ؟؟ امي ؟؟ شقولج عن امي ..
نادية: والله ادري .. ابوج الله يرحمه كان يسولف لي عنها .. شوفي المرحوم ما كان يسولف .. لو اقولج ان علاقي فيه خالتي اهي اللي ترسمها بتقولين جذابة .. حاولت كثر ما اقدر اخليه يسولف خفت لا انسى صوته ... فلما قام يسولف كان يسولف عن امج .. فقلت خل يسولف عنها وتقبلت هالفكرة بس المهم ان يسولف ... فعرفت منو مريم وشنو مريم فاكون جذابة اذا قلت لج اني ما غرت منها اول ما تزوجت ابوج غرت منها لان اهو كله لها .. بعدين لا قمت اغار منها لاني تمنيت اكون مثلها يمكن يشوفني بنفس النظرة .. بعدين لا حسيت مريم جزء من حياتي ... في يوم من الايام راح اواجهه .. والله يا بسمة مو شوية اللي اهي فيه .. انتي لما دخلتي اليوم تمنيت الارض تبلعني .. لاني حسيت اني سبب معاناتكم ولا جان ما امج سوت اللي سوته ... بس لو بيدي و يرد فيني الوقت ما اوافق على وليد لو شنو ..

بسمة: نادية شالكلام .. لا تقولين جذي .. انتي مالج دخل كل شي قسمة ونصيب وانتي وابوي الله يرحمه كبار مو يهال ..
نادية: تصدقين بسمة لو اقولج ؟؟ ابوج كان دايما يقفل جهازه برقم سري .. عاد مرة كان شكله ناسيه .. لما نام تعبثت فيه .. والله حسيت اني ماسكة تلفون مراهق يعيش قصة حب .. مو كاتبتله الا يا حبيبي ويا حياتي ونور عيني .. واهو ما يناديها الا يالحبيبة والغالية وحبي الاول .. فتخيلي عقب كل هالحب تكتشف ان متزوج وعنده 3 والرابع ياي بالطريج .. شنو تتوقعين منها .. انا احس كل شي بقلبها مات او على الاقل تجمد .. احس امج مصدومة .. يعني لو ريلي الاول الله يرحمه مسوي فيني جذي جان مت بحسرتي ..

بسمة: اسمالله عليج .. نادية انا مو زعلانة من امي او متضايقة منها .. لا انا مخنوقة من الوضع .. احس اني عايشة معاها بالشكل اما بالمضمون لا .. انا زعلانة عليها مو منها ... اوكي ابوي طلع متزوج .. لكن بس خلاص ابوي مات راح .. ما راح نقدر نعاتبه او نساله او نزعل عليه .. ماكو عوض عقبه خلاص مر علينا مثل النسمة ... (( دمعت عينها )) ما شبعت منه راح وما شاف عيالي .. راح وماشاف فجر .. راح خلاص .. ولا شي نسويه بيفيدنا ... راح وخلاني بروحي ... واي نادية قلبي يعورني ..

نادية: (( لمتها حيل )) واي لا بسمة لا تقولين جذي ... الله موجود يرعاج ويخليج (( تدمع عيونها )) انتي بقلوبنا احنا كلنا حواليج لو تبين عيوننا تحت امرج امج موجودة وانا واخوانج وعمامج وعماتج الله يخليهم لج ويدتج وكلنا كلنا موجودين حواليج لا تقولين جذي مرة ثانية ... بسومة حبيبتي (( تبوسها على راسها )) لا تقولين جذي مرة ثانية ...

حست بسمة براحة رهيبة لما لمتها نادية .. سبحان الله من اول ما شافتها ما حستها مرت ابو ولا شريجة .. وحتى مريم ما تقدر تنكر هالشي ...

في هاليوم حاولت بسمة تتصلع لى فهد لكن ما كا ن يرد عليها ..
وبالاخير دز لها مسج (( حبيبتي شوي واتصل عليج ))
دزتله (( خير في شي ))
فهد: (( لا ماكو شي ان شا الله بس قاعد اكلم ابوي .. ادعي ا ن الامور تعدي على خير احبج ))


فهد: يبه انا ما اكلمها ..
بو سليمان: وكلام خالتك ؟؟
فهد: مادري تالف الله يهداها ... بعدين يبه انا قل تلك البنت تصير حق واحد من ربعي .. وانا لو ما اعرف ابوها الله يرحمه واهلها خووش ناس جان ما تقدمت
بو سليمان: اصرارك مشككني
فهد: كل ما في الموضوع اني شفتها وتعلقت فيها بصراحة . يا يبه انا ولدك وما راح الاقي احد اثق فيه كثرك هذي الحقيقة اولصراحة كلها ....
بو سليمان: امك تعبانة من هالموضوع خواتها يضغطون عليها من صوب .. ونته من صوب
فهد: شنو يعني خالاتي يضغطون عليها يبه ؟؟ شنو الزواج بالغصب ؟؟ يعني عيب علي اقول هالكلام .. شنو يبوني اتزوج بناتهم غصب ؟؟ مو جنه كافي علينا ثنتين ؟؟ ونته شفت بعينك يا بو سليمان شسووا يوم خطب سليمان دانة .. طلباتهم ما خلصت سفر وعرس وشبكة ودبلة وهدايا حتى الهدايا حددوها .. انا مابي كافي علي الزوارة سلام و عليكم السلام ... انا مابي اناسب ناس طمعانين باسم ابوي واملاكه ...

بهالحركة حاول فهد يزلغ وايرات على خالاته ويضرب عصفورين بحجر ... منها يقول الصج ويوخر الخطبة عنه ومنها يبين حق ابوه جشع بعض خالاته .. مثل خالته هيا وخالته شريفة ..

بو سليمان: دام هذا كلامك انا بكلم عمامك ... نخطب الاسبوع الياي ليلة اليمعه ,, ونت كلم امك وطيب خاطرها ... فهد ترا الا بركة الوالدين ..
فهد: ان شاء الله يب ه

صعد فهد حق امه فوق بدارها ...
فهد: يمه ز.
ام سليمان: (( ما ترد ))
فهد: يعني ليه متى بتحاربيني .. ها ؟؟ يالغالية ؟؟
ام سليمان: ليه ما ترد وتعقل
فهد: اعقل عن شنو ؟؟ يمه انتي شنو قلتيلي اول شي ؟؟ وافقتي ورضيتي ودعيتيلي بالرضا والصلاح .. والحين ياية ترفضين عشان خالتي .. والله حرام عليكم انتي وياها بتكسرون بخاطري وتغثوني العمر كله وتحرموني من شي ابيه واتمناه عشان خاطر بقلبكم ؟
ام سليمان: لا والله من قال ؟ الحين احنا طلعنا المجرمات اللي بنحرمك
فهد: اي عيل شنو تسمين موقفكم من خطبتي و زواجي ؟؟ والله يا يمه بتحبينها وبتموتين عليها وقولي فهود ما قال .. بتحبينها اكثر من جناينج .. بعدين ابوي موافق وماعنده مانع ...
ام سليمان: بس خالتك هيا تقول ..
فهد: شكو يمه شكوووو اهي شكو ... الحين ليه تزوج احد من عيالها احنا بنقول شي ؟؟ لنا راي
ام سليمان: لا بس ..
فهد: بس شن ويا يمه ؟؟؟
ام سليمان: فهوود بتم تقاطعني وايد ؟؟ (( خزته )) اوكي مو مشكلة مو لزوم اللي بقوله بس انا ما يهون علي خواتي اللي اهم قطعه من قلبي وروحي ما اعيش بلياهم ما يحرون معاي خطبة وملجة وفرحة ولدي وخاصة انته يا فهود الغالي على الكل
فهد: يمه شالحجي .... شنو صاير عشان هالموقف ؟؟ بسمة شقاصرها ؟؟ بنت ناس واوادم وناس معروفين وقالج ابوي يصيرون حق امي بزة .. بعد شتبون ؟؟ خالتي هياو خالتي شريفة وخالتي تبارك شيبون بعد ؟؟؟ بدل لا يفرحون لي جذي يسوون والله انا مستغربو عيشتي معفوسة تفكير والسبة هالسالفة

ام سليمان: انا قلت لك اللي عندي ونته بكيفك
فهد: يعني شنو يا ام سليمان؟؟ ما تبين تخطبين لي البنت اللي يبيها قلبي ؟
ام سليمان: (( التفتت عليه )) يا يمه يا حبيبي .. حلاته الثوب رقعته منه وفيه .. شوف بنات خالاتك على قلبنا ,,, و حبيبات احبهم ويحبوني اعرفهم ويعرفوني ... ليش تدخل علينا غريبة .. بعدين ليه تخلي خالاتك خاطرهم ثجيل عليك .. وشايلين مني ومنك ..
فهد: انا بس بفهم شي واحد خالاتي ليش متدخلين؟؟ امي وابوي مو موجودين ؟؟ انا مو ريال كفاية عشان اتخذ قراري ؟؟؟
ام سليمان: اي بس شنو نطقهم ولا نسبهم ليش تحجوا ؟؟
فهد: لا هذا ولا هذا ... بس حرام لا الله ولا شرعه ولا الناس يرضون ان خالاتي يتدخلون يعني بعد مو عماتي وعمامي ... يمه انا ما بذني ماي ابوي حدد الخطبة ليلة اليمعه الاسبوع الياي .. واللي يعافيج يمه (( باسها على راسها )) لا تكسرين قلبي .. ولا ترا ما اتحمل .. اموت اروح فيها .... انا احب بسمة وبسمة تحبني ... وافقي خليني اكمل نص ديني ... واستر البنت بدل حالتنا ... (( يبوس ايدها )) واللي يعافيج يمه الله يخليج عشاني جان عندي خاطر


طلع فهد من ام سليمان واهي مترددة .. لكن قلبها مايل حق ترجي ولدها ... و طلبه منها .... ماودها تكسر فيه ولا تعور قلبه .. واهي بقرارة نفسها تدري ان موقف اختها ماله داعي من الاساس .. بس في ناس قوة علاقتهم باخوانهم وخواتهم يخليهم ضعفاء الضخصية ام منصاعين لموافقهم ... بس الضنى غالي واغلى من اي شي ثاني عشان جذي حاولت ام سليمان انها تغض البصر عن كلام اختها وتفكر قلب ولدها اللي بينكسر اذا رفضت ...

مر الاسبوع وبسمة وفهد يتحرون رد الام ... وبسمة قلبها مكسور لان امها ما ترد عليها .. حاولت اكثر من مرة تتصل ما ترد ز. اتصلت على خوالها وخالاتها وماكو فايدة من الوساطة ...

مريم رافضة تشوف بسمة او تكلمها عقب اللي سوته .. شلون تهد البيت وتروح تقعد مع شريجتها ويدتها .. اللي اهم سبب تعاسة مريم .. وكسرة قلبها ...

عشان جذي نصحوها خوالها انها تصبر شوي لى امها ليه ما تهدا الاوضاع ...

بسمة: خالي ... الناي بيون ليلة اليمعه لازم تيون ضروري تيون ..
عدنان ( خال بسمة )) : انزين وليش ما عمامج يدقون علينا يبلغونا ولا خلاص .. احنا مو جودين
بسمة: لا خالي انته الخيرو البركة .. بس انا مادري عن شي .. وما يهمني الا انكم تيون وخاصة انت خالي .. عشاني ... عشاني خالي ..
عدنان: اوكي مو مشكلة خل اشوف علي وعماد ... ولا دقوا على ابوي بعد ؟؟؟
بسمة: مادري خل اكلم عمي اليوم وابلغك اوكي ...
عدنان: اوكي ...

شوي ولا يدز لها مسج خالها بانهم داقين على يدها .. وانهم راح ايون يوم الخطبة ...
بسمة: الو فهودي
فهد: يا عيون فهودي ..
بسمة: خلاص انا بلغت خوالي الحمدلله وراح ايون وعمامي دقوا على خوالي وبيون اهم ويدي ان شاء الله ..
فهد: ان شاء الله ان شاء الله .. متى يمر الوقت وايي ذاك اليوم ..
بسمة: الله يعديه على خير .. ابيك فهودي
فهد: وانا بعد ابيج ...

 

[Tom ♥ Jerry]

.



واااي عليها قلب آم بسمه مو صج !
و نآآديه آتيييييييييييييينننن فديتهآ صج تدخل القلب طيبه : ) !

الله يتمم عليهم ان شاء الله يتزوجون بدون مشاكل !
و ان شاء الله آم فهد تحب بسمه !



مشكورة على البآرت !
يعطيج العافيه و نآطرين البآرت آلياي !

 

[fato_kw]

يعطيج العافيه البارت حييل حلووو وناطرين البارت اليديد

 

[كويتية و النعم]

مريم شلون لها قلب ما تكلم بسمة
وناادية صج طيبة مسكينة ..
مشكوورة حياتي
و ناطرين البارت الياي

 

[Dnoona]

يحليلها ناديه صج حبيتها
و انششالله يتزوجون فهد و بسومه
و يعطيج العافيه

 

[JaN JaN]

يااارب تعدي الخطبة على خير ويتزجون


تسلمين ياقلبي عالبارت الروعه :d

 

[b0ss_7]

رد : قصتي الثالثة (( الى حبيبتي بسمــــــــــــة ...... وداعا ))

تحمست مع القصه كمليها ولي يعافيج

 

[6amni bs]

رد : قصتي الثالثة (( الى حبيبتي بسمــــــــــــة ...... وداعا ))

يعطيج العافيه حبيبتي
بس اتوقع مريم ماترضى@@
ناطرينج

 

[rawnaq]

رد : قصتي الثالثة (( الى حبيبتي بسمــــــــــــة ...... وداعا ))

يلا قلبووو لا يوقف كملي لان صج الافكار تشتت من صج والله ما قمت اتذكر عدل بلييييز حبي كملي
كلنا ناطريييينج

 

[P!NKia]

ناطرين ليله الخطبه
ان شالله مايصير شي
الى حبيبتى بسمه وداعا
متى بيقولها فهد ؟؟؟

 

[كويتية و النعم]

waiting
؛)

 

[bent.gaga]

رد : قصتي الثالثة (( الى حبيبتي بسمــــــــــــة ...... وداعا ))

Wanasa thaanxx waaiting