قصتي الاولى وحصري لكويتيات (ايام وسنين )

[أميرة العود]

ناطرينج حبوبة

 

[دموع وشموع]

الجزء التاسع عشر

ريم : أي انا ريم ريمك حبيبتك الي بتخليها
وقف يوسف على حيله
يوسف : انت من وين طلعتي انا صارلي سنين احاول انساج وماقدرت ليش طلعتي الحين ليش عدتي علي الالم والاه من اول ويديد
ريم : واهي بتموت من البجي انت تدري اني تزوجت غصبن علي بس طول عمري احبك ولا رحت عن بالي لحظه واسال عنك من بعيد لي بعيد واتابع اخبارك تخرجكك شغلك مع ابوك والحين انصدم انك ناسيني وبتتزوج انا ما كنت اقدر اخون زوجي واهو مو مقصر معاي بس الحين خلاص ما اقدر اتحمل اكثر ما يهمني لا زوجي ولا عيالي ولا احد مابي احد بس ابيك
يوسف : انا ابيج اكثر ياريم والله انا احبج اكثر انا قاعد اموت لا تحسبيني مستانس انا الحين قاعد ادفن نفسي حتى لما فكرت اتزوج دورت على بنت بمواصفاتج ويهج طولج براءتج كل شي فيج
ريم : وشلون وافق ابوك هالمره مو اهي بعد مو من مستواكم
يوسف : اخخخخخخخخخخخخخخخ ياريم اخخخخخخخخخخخخخ لا تذبحيني اكثر ما تدرين اهي منو خالها ومنو اهلها
ريم : راح اذبح نفسي صدقني ماراح اتحمل
الفت يوسف وراه ولقى ملاك واقف بس للاسف محطم ويها متروس دموع من غير صوت صدمه محد يتمناها بهاليوم بالذات ليله العمر وقف يوسف يطالعها واهي اطالعه من غير ما يتكلمون بعدها هدها وطلع وصكر الباب وراه طاحت شريفه على ركبتها مو قادره توقف

الصدمه كانت قويه وعرفت اشياء وايد قويه وصعبه عليها بوقت واحد

يوسف كان يحب لالالاا مازال يحب
اختارني عشان انا اشبها نفس طريقتها
وانا اصلا مو من مستواه خذاني عشان خالي
هذي الافكار الي كانت تدور براس شريفه واكثر

طلع يوسف من الغرفه ومن الفندق واهو لازال يكلم ريم الي تبجي بنهيار ويوسف يحاول يهديها

يوسف : ريم حبيبتي هدي نفسج شوي هدي نفسج
ريم : خلاص انا بطلق وبرجعلك وامش انا معاك نروح أي مكان بالدنيا ونتزوج
يوسف : مااقدر يا ريم ما اقدر انا تزوجت وانتي تزوجتي عشيي حق ريلج وعيالج وانسيني وانا بعد راح احاول اعيش مع مرتي وانساج ارجوج ريم انسيني انت ماتدرين رجوعج شنو سوالي عفس حياتي
ريم : انا اعفس حياتك
يوسف كان منقهر من الي صار ومن الي سمعته شريفه : أي يا ريم أي مرتي سمعتني اكلمج الله يعلم بتقدر تنسى ولا شتنسى شتخلي خلاصصصصصصصصصصصصصص ريم خلاص انسيني وخليني اعيش انسيني

وصكر التلفون بويهااااااااااا بس متاخر متاخر وايد

صكره بويها عقب ماحطم انسانه بريئة كل ذنبها انها حبته واقفت عليه

تركها حطام وطلع عنها مو قادر يرجع واهي على وضعها ماتدري شلون تتصرف

محد بيصدق انها اهي الي شافت عليه شي وتركته باليله الدخله كل من راح يقول اهي الي فيها شي

لو تطلقت راح تحطم الباقي من حياتها ماتدري شنو تسوي


بس بالنهايه قررت وقرراها كان وايد صعب ماراح تعيش معاه خوفا من كلام الناس على حساب نفسها قررت ما تقول حق احد صدمتها وانها باجر الصبح تنهي علاقتهاااا بيوسف وتتطلق منه

ريم كانت فعلا تحب يوسف بس تزوجت لما تقدم لها ولد عمها عاشت معاه حياة مستقره
بتعدت عن يوسف بعد الزواج او الاصح اهو الي طلب منها انها تنساه
عرفت ريم بزواج يوسف عن طريقه المسجات الي اندزت تبارك للعروسين وانتشرت بين الناس عن طريقه اصدقائهم بالجامعه اهما كانو مع بعض بالجامعه

ظل يوسف يحوس بالسيارة مو قادر يرجع لها شنو بيقولها ؟؟؟

الموقف ما يترقع كلش ؟؟؟؟
رن تلفون يوسف مرة ثانية بس الساعه كانت 4 الفجر شاف التلفون ولا مبارك اخو شريفه مارد عليه بس مبارك ظل يدق ويدق ويدق لما يوسف حس انه فيه شي ورد عليه

شنو يبي مبارك بهذا الوقت ليش داق؟؟؟؟؟؟؟؟؟؟؟؟

شنو تتوقعون صار ؟؟؟؟؟؟؟؟؟؟؟؟؟؟؟؟؟؟؟

 

[عاشقه الحب]

شكراَ حبيبتي على الرواية

 

[pearlq8]

laaaaaaaaaaaaaaaaaaaaaaaaa2 gaweeeeeeeeya
lish chthii 7raaaam enzain entay tzawajtaay o 3shtay7yaatech lish t5rbeen 7yataa ma e9er chthii walah anaaania

alah y3ench yaa shreefa walah

thnx 7beebtii na6reench

 

[دموع وشموع]

laaaaaaaaaaaaaaaaaaaaaaaaa2 gaweeeeeeeeya
lish chthii 7raaaam enzain entay tzawajtaay o 3shtay7yaatech lish t5rbeen 7yataa ma e9er chthii walah anaaania

alah y3ench yaa shreefa walah

thnx 7beebtii na6reench

حبيبتي مشكوره على مرورج وردج اول شي وثاني شي شفتي الناس ماترحم :eh_s(3):

اي والله مسكينه شريفه :ssssso:

 

[دموع وشموع]

شكراَ حبيبتي على الرواية

العفو حبيبتي مشكورة على مرورج:fun:

 

[pearlq8]

nabiiiiiii part thanii [plz glbii m3awerniiii 3leeha
goleelahaa 5al twaajeeha bs laa tsta3yeeel adrii law ana mkaneeha chaan ba5th nafs grareeeha bs ma 3leeeh ehwa shthaabaa mskin m5aaa 3tefs men shaaf hal hoola daga 3leeh neesa nafseeeha :X 5al tet7aml shwaya bs 3shaaniii plz

 

[عاشقه الحب]

شكراَ حبيبتي على الرواية

 

[دموع وشموع]

بعد عمري والله اليوم ما اظن اقدر انزل بارت سوري والله :*******

 

[so_what]

قصييير البارت ، يسلمو حبيبتي ناطرينج

 

[دموع وشموع]

قصييير البارت ، يسلمو حبيبتي ناطرينج

الحين بحط لكم بارت

 

[دموع وشموع]

الجزء العشرين


يوسف : هلا مبارك
مبارك : يوسف انا اسفه داقلك هالحزه بس انا موعارف شلون اتصرف خالي وليد سوا حادثه وحالته حيل خطره وبرحي بالمستشفى مع امي ومرت خالي وو
يوسف : أي مستشفى مبارك
مبارك : ....................
يوسف : يالله كاني يايك مسافه الطريج
مبارك :مشكور يوسف مشكور وايد انا اسفه
يوسف يقاطعه : ولو يا مبارك انا اخوك الحين واحنا اهل

صكره منه وسيده على المستشفى لقاهم كلهم واقفين ينطرون الدكتور وريهام حيل منهاره ومساكين كلهم بلبسهم حتى مامداهم يبدلون

طلع الدكتور : انا اسفه يا جماعه حاله المريض خطره جدا ولازم يخش العمليات الحين وهو عازو ريهام يكلمها هيا موجوده
نطت ريهام واهي تبجي وتصارخ : وينه وينه ابوي
كلهم انصدمووو خالهم قبل جم ساعه معاهم والحين حالته خطره ومايندرى شنو الي بيصيرة ومن شنو صار الي صار وليش كان طالعه هالحزه

دخلت ريهام على ابوها واهي ميته من الجبي تشاهق : يبا يبا حبيبي وتبوس ايده يبا الله يخليك لا تخليني يبا والله انا مالي غيرك والله الي تبيه بسويه لا تروح
مسح على راسها واهو مو قادر يتكلم الا بالغصب : ريهام يبا بقولج
ريهام : لا تقول شي يبا عفيه ريح نفسك ان شاء الله انها عمليه بسيطه وبتقوم بالسلامه
ابو ريهام : الله يخليج اسمعيني انا مخليلج امانه وحمل ثقيل ديري بالج عليه
اهني ريهام ماقدرت تتحمل قامت تصارخ حيل دخل لها مبارك ولا شعوري شافها تصارخ بكلام مو مفهوم راح لها ووخرها عن ابوها حيل
ابو ريهام لما شاف مبارك : اشره مبارك دير بالك على ريهام وعلى خالتك وامك يا مبارك امك يبلع ريجه غصب يتكلم وصى راشد علي ريهام ما يخليها وقوله انا موافق
الوضع انه مبارك مقرب حيل من خاله عشان يسمعه مو قادر يركز من ريهام الي طايحه على الارض وتصرخ
ريهام : يبا انا مابي راشد مابي احد مابي الدنيا من عقب يبا لا تخليني الله يخليك لا تخليني يبا الله يخليك ارضى علي الله يخليك ارضى علي
ابو ريهام يبتسم لها: الله يرضى عليج يا يبا الله يرضى عليج
مبارك يبوس راس خاله حيل ويشمه ودموعه مبلله ويها كله : بتقوم انت ياخالي وبدير بالك علينا كلنا بو ريهام يضغط على ايده حيل ويوصيه عليهم مرة ثانية والدكتور ياشره يطلع
ويوخر عن خاله يسحب ريهام حيل و يطلعها برى
مبارك : بس ريهام لا تسوين بروحج جذي مو زين عشان خاطر خالي تحملي وريهام منهاره وتصارخ حيل لما طاحت على الارض مو قادره تتحرك واطق الارض بايدها وتصارخ ابوي راح ابوي راح يخليني ابوي حبيبي بيخليني بيروح واهو موراضي علي بروح وانا مزعلته
مبارك : ريهام ذكري الله خالي راضي عليج وبيطلع وبتسالينه
راحت لها عمتها وهي بتجي : ذكري الله يا ريهام ذكري الله وادعيله لاتفاولين عليه
وكل من تجمع على ريهام يهدونها وامها بعد مسكينه بحاله ريلها بالعمليات و بنتها منهارة حيل

وبعد6 ساعات من الانتظار طلع الدكتور كلهم راحوله بس ريهام ظلت قاعده على الكرسي وععيونها تدمع ومعلقه بالدكتور مو مصدقه الي قاعد يقوله


انتشرو كل من خذاله زاوية الصدمه كانت قويه محد قادر يتحملها وريهام اغمي عليها على طول


الله يرحمك يا وليدالله ريحمك يا وليد انه لله وانه اليه راجعون
ام ريهام كانت تصررخ بهذي الكلامات
وام مبارك : غطت ام ريهام بالعباية عدل لانها من هذي اللحظه لازم تكون بالعده وغطت ويها واهي تبجي
ام ريهام : ليش رحت وخليتني يا بعد اهلي ليش رحت وخليتني وانا ما اعرف اعيش من غيرك

مبارك راح مع السسترات الي شالوو ريهام وبقلبه يقول الحمل كبير يا خالي كبير علي حيل وان شاء الله اني بكون قده انشاء الله الله يرحمك ياخالي

ويوسف اخذ عمته وشيخه وام ريهام وطلعهم بالغصب يوديهم البيت اول ماوصلووو دخلهم بيت ريهام وظل واقف برى مو عارف يتصرف دق على راشد

راشد انصدم اتصال يوسف بهذا الوقت كانت الساعه 11 الظهر

راشد : الوو
يوسف : راشد انت وين
راشد : بالبيت خير يوسف خوفتني
يوسف : ابو ريهام عطاك عمره
راشد : شنووووووووو
يوسف : راشد ولي عافيك ابي احد يقعد عند الحريم في بيت اهل ريهام عمي وليد للحين بالمستشفى لازم نسوي اجراءات وريهام طاحت علينا هناك وعمتي وام ريهام اهني بالبيت بروحهم الثنتين الله يعينهم وانا مخبوص
راشد : ريهام باي مستشفى
يوسف : ...................... شنو بتسوي
راشد : الحين اقول حق امي واروى يروحون لهم وانا بروح حق ريهام المستشفى
يوسف : يالله جذي تمام الحريم لازم احد يقعد عندهم وانا مرتي للحين ماتدري لازم اروح ايبها

الله يكون بعونهم فعلا موقف صعب حيل حيل ابو ريهام سوى حادث وكان بحاله حيل خطره وقاعد ينزف بالعمليات زاد النزيف عليه وتوفى الله يرحمه

بالمستشفى عند ريهام صار لها انهيار عصبي من الصدمه وعطوها مهدي ونامت ومبارك عندها

بالفندق شريفه كانت مبدله ملابسها ونايمه على الغفنه الي بالصاله
دخل عليها يوسف جان تفز
بس شافت شكله شلون مبهذل وقاط غترته وفاتح زرايرة ومعفوس حست انه في شي نست كل شي بهذي اللحظه ومن الخوف : شنو في
يوسف : خالج وليد بالمستشفى قومي بدلي بوديج لهم
شريفه : شفيه خالي امس مافيه شي
يوسف : سوا حادث يالله يبا بسرعه امج محتاجتج
شريفه تركض دارها ان شاء الله ان شاء الله
يوسف مسكين لما شافها حيل عورت قلبها وايد عليها الي صار من امس لي اليوم امس باليل صدمتها بزوجها والحين خالها وايد عليها لا و مو أي خال خالها الي ربها بعد ابوها
قعد يوسف بالصاله 5 دقايق ولا يسمع صرخه دخل على شريفه لقالها قاعده عالى الارض للحين بجامتها وتصارخ وتبجي جنها توه تستوعب الي سمعته جنها حاسه انه خالها راح
راح لها يوسف ولمها: شريفه هدي بالج يبا هدي نفسج
شريفه : تشهق من البجي وماتتكلم
يوسف : امج محتاجت لازم تصيري قويه عشانهم كلهم امج وخالتج و ريهام
شريفه : تمسح دموعها ياربي ساعدني يا ربي ساعدني والله مو قارده اتحمل اكثر
يوسف حيل عورت قلبه وده يسوليها شي خصوصا انه نص الالم الي فيها منه

بدلت شريفه لبست جينز وقميص ابيض ولفت شيلتها وطلعووو وداها بيت ريهام وظل برى مايقدر يدش دخلت شريفه ركض واهي ماتدري مسكينه لقت ام ريهام لبسه اسود وامها تبجي ومادت لها ايدهاااا : تعالي يما تعالي يا بعد عمري >>>كانت ام شريفه ماسره خاطرها بنتها انه خالها مات باول يوم من زواجها
شريفه : يما شفيكم شلون خالي شصار عليه
اهني تعال البجي من امها ولمتهااا حيل : راح خالككم يايمه راح راح الي كان ساندكم راح الي عوظكم عن ابوكم الحين صج تيتمتوووو

صرخت شريفه : لااااااااااااااااا يما لاتقولين جذي خالي مارح خالي ماراح


الوضع كاانه حده ومؤلم بسرعه وصلو الناس وانترس البيت

وريهام صحت بالمستفى كان راشد قاعد عندها لما شافته ظلت اطالعه اطالعه مده بعدين صرخت :اطلع برة اطلع بره انا مابيك بسببك ابوي مات بسببك
راشد : ريهام حبيتبي ذكري الله وراح يحاول يمسكها قامت اطقه حيل سمع الصراخ مبارك ياه ركض مع الممرضات وعطوها ابرى ثانيه وهدت وقامت تبجي من غير صوت واطالع راشد لما نامت

راشد : مبارك ادري مو وقته بس شلون صار الحادث
مبارك : مادري خالي ليش كان طالع الساعه 4 من البيت والمصيبه انه اهو الي يسوق حتى مو السايق وكان مسرع حده
راشد : ليش ريهام تقولي انا السبب انا شكو
مبارك : مادري الصراحه راشد في شي بعد خالي قالي اقولك قبل لا يدخل العمليات
راشد حده اخترع : خير شنو في
مبارك : قالي اقولك ادير بالك على ريهام وماتخليها وانه موافق بس على شنو انا مو فاهم
راشد : انا خطبت ريهام والظاهر عمي الله يرحمه وافق
راشد حيل تلخبطت عنده الامور اذا ابوها كان موافق ليش تقوله انه مات بسبته ؟؟؟؟؟؟؟؟

 

[pearlq8]

اخيييييييييييييييييييييييييييييييييه عوار قلب الله يرحمه بس ليش صج تقول بسبت راشد ؟ ليش ابو رهام شنو كان فيه لما سوا الحادث ؟

معقوله عرف سالفه رهاام و لا شنو ؟؟

 

[دموع وشموع]

اخيييييييييييييييييييييييييييييييييه عوار قلب الله يرحمه بس ليش صج تقول بسبت راشد ؟ ليش ابو رهام شنو كان فيه لما سوا الحادث ؟

معقوله عرف سالفه رهاام و لا شنو ؟؟

قريب بتعرفين كل شي :O_SHH_:

حبيبتي مشكورة على مرورج وتشجيعج الدائم:fun:

 

[DALLY]

وااااي الاحداث عوار قلب

ابليز كملي....

 

[so_what]

waiting

 

[zoqaaa]

waiting

 

[دموع وشموع]

En shalla alsa3h 5 aljaza'a o ra7 t3rfon lish sawa al7adth

Alla y3enha reham

 

[أميرة العود]

ناطرينج

 

[miss-_-smart]

امبييي حراااااام....الله يرحمه.....................ناطريينج حبيبتي