قصتي الاولى وحصري لكويتيات (ايام وسنين )

[_zahra]

امممممممممممممم ,,اذا تقولين كل يوم شوي ,علي شرط انه فعلا كل يوم شوي ,والا انا بحن اول وحده وبقول ابي بارت وهو طبعا ارجع واقول حسب فضاوتج ومقدرتج

 

[so_what]

نبي بالتفصيل اليي يريحج

 

[f6oooma]

نبي بارت بس لا تختصرين بلييز

ويعطيج العافية :*

 

[DALLY]

نبيها ف بارتين طواااال حبوبه عشان ماتختلط علينا الاحداث اكثر واحس ان كافي هالكم من البارتات

وبراحتج

 

[دموع وشموع]

Hello banotat

Ana ra7 anzlh lkom 3la parteeen 6awal na6roni

 

[f6oooma]

waiting

 

[DALLY]

ناطرينج حبوبه


اب

اب

 

[سارووونه22]

انا بعد ابيها في بارتين طووووووووووووووووووووووووواااااااااااااال ناطرينج

 

[_zahra]

مرحبا بناات ,بشروا في بارت والا بعد؟؟

 

[FuTuRe DoC]

يعني هذول اخر بارتين بتنزلينهم؟؟

ومتى ؟؟:>

 

[دموع وشموع]

اي انشاء البارت الاخير وبارت عقب النهايه


ان شاء الله خلال هالاسبوع الاخير ولاسبوع الياي عقب النهايه

 

[دموع وشموع]

اي انشاء البارت الاخير وبارت عقب النهايه


ان شاء الله خلال هالاسبوع الاخير ولاسبوع الياي عقب النهايه

 

[دموع وشموع]

اي انشاء البارت الاخير وبارت عقب النهايه


ان شاء الله خلال هالاسبوع الاخير ولاسبوع الياي عقب النهايه

 

[FuTuRe DoC]

يلا عيل ننطرج حبيبتي :>

عاد هالله هالله ما اوصيج ترسيهم احداث

دموع بسأل الحين القصه خياليه والا واقعيه؟؟

 

[DALLY]

ويتيننننغ

اتمنى ماانسى الاحداث

 

[سارووونه22]

اي بليز لاطولين

 

[سارووونه22]

اي بليز لاطولين

 

[دموع وشموع]

الجزء الاربعين

ربى : فجر وبعدينننننننننننن قتلج مابي مو غصب السالفه ترى
فجر : والله حدج اولدددددددددد مايند شنو هذاااااااااا تفشلين
ربى : قولي الي تبين كيفج مو مهم
فجر: هذا اخر كلام عندج
ربى : يس وقتلج ياها مليون مره
فجر : اوكي ترى انا ما اقدر ارده اذا حاول يضرج
ربى : يضرني انتي شنو قاعده تقولين
فجر : حاولت معاج بالين بس ماكو فايده هيييييي يا حلوه اصحي محد يسوي شي لحد ابلاش هالايام

ربى انهارت تبجي ومحد من المدرسات والمديره عرف شنو فيها دقو على امها وخذتها البيت وبررت لها موقفها انها مهاوشه مع فجر

ام راشد: أي بس الي سويتيه غلط ربى انتي مو ياهل شنو يعني تهاوشتي مع صديقتج
اروى : احسن اصلا انا هالبنت ما ارتاح لها
ربى ساكته وعيونها كلها دموع
ابو راشد قلبه ناغزه وحاس انه الموضوع اكبر من جذي وماشاء الله عليه دايم شكه بمحله بعياله: اكيد هذا الموضوع ربى
ربى دموعها صبت صب وما قدرت تمسكها خلاص : أي والله يبا بس



قعدت ريهام من النوم وتذكرت الي صار معاها امس وانه راشد بايت عندها وبغرفتها وكل الناس تدري احساس حلو ويفشل وبالحلال اهم شي انه الرحمن راضي عليهم

لفت ويها لقت يمها ورده فله ورقه صغيره

الفله عرفها من بيتهم والورقه خط راشد

(( احلى صباح على احلى عروس انا رايح مشاور مابغيت ازعجج احبج تدرين اني طلعت لي السياره ورجعت عشان احط لج وردة مثل الافلام بس مالقيت مثل وردهم ))

باست الورقه واستنشقت الورد حيل ودعت ربها الف مره يحفظ لها راشد ولا يحرمها منه

مسكت تلفونها وغيرت اسمه من راشد الي الله لا يحرمني منك


تبي تدعي وتدعي وتدعي هالدعوه كل يوم صج راشد انسان ما يتعوض ولا اكو منه


والدليل انه طلع الصبح مره الجامعه وقف قيده اهو بعد وراح مر مكتب سفريات وحجز لهم رحله نفس اليوم بالفجر حق اسبانيا وايطاليا لمده عشر ايام وكان متفق مع عمته عشان يشوف اذا ماعندها مانع وبالعكس قالته انها موافقه واصلا قالت حق ريهام

خلص راشد وراح بيتهم يسلم على اممه وياخذ جم شغله

انصدم لما شاف سيارت ابوه واروى وامه

نزل ودش الصاله لقاهم كلهم قاعدين وربى بملابس المدرسه

كان مبين مصدوم

راشد: السلام
الكل : وعليكم السلام
ابو راشد: خلاص مدام تطمنا عليها روحي غرفتج يبا ريحي وانا برجع المكتب غبصتوني
طلع ابو راشد وربى صعدت غرفتها
راشد: شلونها الغاليه
ام راشد تلم ولدها وحيدها الي صج ولهت عليه : حبيب امك ولهت عليك ارجع راشد ابوك طاح الي براسه
راشد: ههههههه وين طاح الله يهداج يما تدرين انا ليش مو زعلان لاني ادري انه ريهام مالها ذنب بالي صار صدقيني الي صار بفعل فاعل والله يما ادري بس اوضح لكم الحقيقه برجع وين بروح يعني انا مالي غنى عنكم
ام راشد: كلنا ندري انه ريهام مالها ذنب بس ذاك الاغبر مايندري شقايل لابوك عنها
راشد: يما لو احد ياج وقالج عن اروى نفس الكلام بصدقين

ام راشد: اكيد لا
راشد: عشان جذي انا ما اصدق ريهام من المدرسه واهي يومها انا معاي او مع اروى ونعرفها ونعرف اخلاقها عدل مستحيل تسوي الي انقال
ام راشد: الله يسهل امورك يا وليدي ويستر على بناتنا وبنات الناس انت الحين وين قاعد
راشد يحك راسه : قاعد عن ريهام بالبيت
ام راشد: دشيت عليهااااااااا
راشد: هاااا أي جنه مادري
ام راشد: شنوه الي جنه ومادري أي ولا لا نمتوو بغرفه وحده
راشد: أي
ام راشد: هووو شلون مايصير والعرس
راشد: مانبي عرس احنا متفقين
ام راشد: يا ويلييييييييييي بيفضحني ابوك
راشد: شكووووووووووووو يفضحج بس تطلع امها من العده بنسوي اتقبال كبير بفندق لها وعشا رياييل حقي بالديوان وخلاص
ام راشد:بس أي جذي عشا الراييل مايصير يتاخر لي هالوقت مادري على هواكم
راشد: المهم انا ياياقولج اني اليوم بسافر
ام راشد: وينننننننننن
راشد: شهر العسل مع مرتي
ام راشد: ايييييي والجامعه وقفت قيدك
راشد: أي وقفت
ام راشد : معاك فلوس كافيه بعد عايش في بيتهم بس ما يصير يصرفون عليك
راشد: يمااااااااااااااااااااااااااااااا عندي كافيه وزياده خلاص

قعد راشد مع امه واروى وسوالف وضحك وعقبها قام اجهز جنطته وطلع


اما نوار استغربت اليوم طول اليوم بالطريج ما لقت الجميل وينه


قامت تتلفت وادور براسها يمكن مغير السيارة بعد ما لقته

دشت الجامعه وحضرت بعد مالقته


واهي طالعه سمعت احد يناديها لما اتفتت لقت واقف جدامهاااااااااااااا

نوار من غير شعور : انت وينك اليوم
طارق بضحكه خبيثه : ولهتي علي
نوار : لا مو قصدي بس احاتيك
طارق : انا وقفت من الجامعه بسجل بجامعه خاصه افتحت توها بس كان ودي اقولج شي
نوار حست انه خلاص بيعترف : قول
طارق : انا معجب فيج وايد وودي اتعرف عليج اكثر و اطرش لكم اهلي
نوار مسكينه كل رفيجاتها صارت لهم قصص حب وتكللت بالزواج والي تشوفه جدامها انه قصتها اهي بدت : اممممم مادري شقولك
طبعا هالكلام لانها ماتقدر تبين خفيفه وتقولها اوكي على طول
طارق : انا بعطيج رقمي وانتي خليه عندج وفكري واذا وافقتي راح اكون اسعد انسان بالدنيا
999........................ والباجي كله نفس الرقم


حفظته نوار لانه ماكان له داعي تسجله

راح عنها وركب رنج ابيض مع واحد من ربعه


سعد : هاااااااااااااااااا شنو حسيت
طارق : هههههههههههايييييييييي استوت مسكينه حدها استوت
سعد : انت مالقيت غير هالبنت الشابب يقولون ابوها دكتور بالجامعه وامها بعد وحدها بنت ناس
طارق : وانا شنو ناقصني ما اطيح بنت ناس
سعد: ههههههههههههههههههههههههه والله يا اخوي وايد اشياء اولها الاخلاق المعدومه
طارق : انجب بس انجب
سعد : شنو ناوي تسوي فيها
طارق : ماراح اغصبها على شي الي يطلع منها هذي حسيتها غير انا اهي الي بدت وبخليها اهي الي تبتدي بكل شييييييييييييييييييي
سعد : ما فهمتك
طارق : انا كلش ما حطيتها في بالي جم مره شفتها ثقيله وحسيتها صعبه صج انها نارررررررر وعليها جسم مو أي كلام بس على قولتك بنت ناس ومابي اعور راسي بس لما مره زفتني اني لا حقها ودقرتها ومشيت عنها اهني بديناااااااااااا
سعد : الله يستر علينا امش نرجع السيارة لا يكيس علينا صاحب المكتب ونروح وطي اثنينا
طارق : مالك شغل كومار يضبطنا معطيه دينار انا اليوم


وهذا بعد شي ثاني عن طارق اهو ماياجر السيارات اهو اصلا يشتغل بنكتب تاجير فينحاش كل مره بوحده واهو ورفيجه سعد كل من يغطي على الثاني


نوار راحت بعالم ثاني تخيلت عرسها مع طارق وعيالها واساميهم

طارق كان جد جميل ويلفت النظر سيارات وكشخه و جامعه خاصه بس هذا مو كل شيييييييييييييي نوار اكتفت بهاقدر وبس ماتدري شنو المخشوش وراه


وصل راشد البيت دش وكانت عمته قاعد راح لها على طول وباس راسها

ام ريهام : تحب الكعبه يما شلونك
راشد: باحسن حال انتي شلونج
ام ريهام : الحمدالله
مد لها راشد الظرف وشافته
ام ريهام : ايييييييي زين سويت بس بتفضحك ريهام اليوم عاد ما بيمديها
راشد:منو بيقولها انا باخذها من الحلفه على المطار على طول
ام ريهام : ههههههههه وي وي ما انصحك والله
راشد: انتي ادعيلي الله يسهل علي وان شاء الله انها بتستانس صدقيني اهي تحب الاكشن
ام ريهام : ههههههههههههههههههه

ريهام : شعدنهم الحلوين
وتبوس خد امهاوتقعد
راشد: حريم اخر زمن وانا ما كو بوسه
ريهام : راشددددددددددددددددددددددد
ام ريهام : لالا مايصير قومي بوسي راس ريلج مايصير يما
راشد: اييييييييييي يالله قومي
قامت ريهام ودها الارض تنشق وتبلعا وباست خد راشد واهو حده مكيف
ريهام تغير الموضوع : تصدقين يما مادري شنو البس اليوم
راشد: خلج سمبل انتي احلى وانتي بسيطه
ام ريهام ماسكه ضحكتها


اما عند مثايل ضبطت وضعها وكان وراحت تشوف كلاسها وين بيكون

دخلت وكعاده مثايل لازم تبهر كل الحضور بجميع الجناسي ما يفرق الانبهار بمثايل كان فرض على كل من يشوفهااااااااااا

دشت الكلاس وقعدت والنظرات كانت تحاوطها وتحاصرها اصلا كانت تستغرب من الي ما يطالعها


لغايه مادش عليهم الاستاذ
الحوار بالانجلش
الاستاذ : اليوم احب ارحب بطالبه يديده انظمت لنا من الكويت مثايل ال ,,,,,,,,,,,
مثايل : ثانكيوووووووووووووو


يخزي العين انت من الكويت
مثايل لفت على الصوت ولقت بنت شاميه : أي
هند: انا هند من الاردن ما بسدق لقيت حدااا عربي
مثايل بقلبها والله انا الي ما اصدق : أي اهلين

وانتبهوووو مرة ثانيه على الدرس

حدها مثايل اندمجت وكانت تسال وتشارك مع انها اول مره تاخذ دروس بالفاشن والدزاين بس وايد انعجب فيها الاستاذ ومن اول كلاس قالها ( انت لج مستقبل بعالم الازياء )

ريهام كانت قاعده تستعد بغرفتها وراشد منسدح على الفراش ويكلمها
راشد: ريهام شنو اكثر شي تحتاجينه اذا سافرتي
ريهام : اممممممممم وايد اشياء بس انا عندي طقوس مهمه
راشد: شنو
ريهام : انادي ليزا واهي تجهز كل شغلي حتى اللبس الي احبه حق السفر ليزا تعرفه وتعرف بعد اذا كنا رايحن حزت صيف شتا كل شي

راشد بقلبه الله وايد سهل الموضوععععععععععع الحمدالله دعواتج عمتي


اما ملجه سجىىىىىىىىىىىى فكانت اسطوريه ماكان ينقصها شي ابد الا مزاج الاميره الاسطوريه


الي مسويه شعرها ستايل روماني قذلتها مكسره وملمومه على جنب وشعرها الباجي كبه ولابسه نفنوف كوكتيل كحلي كان شكلها غريب وستايل


وشي يديد العاده العرايس اوف وايت وردي بنفسجي اما كحلي فكانت يديده


اخترب مودها لما نزلت توري ابوها شكلها وحدها مستانسه لقت وحده واقف مع ابوها بصاله الاستقبال وابوها حده معصب


سجى نازل تمشي بسرعه وحدها مستانسه على شكلها كان كل شي اليوم غريب وغير

سجى : بابا شرايككككككككككككككككككككككك
لما وصلت ابوها لقته واقف مع امره تقريبا باواخر الثلاثينات مو متحجبه ولابسه قصير وضيج وشعرها مفلول بطريقه استفزازيه اشقررررررررر ما ارتاحت لشكلها ولا حبت وقفت ابوها معاها طالعتها بغرابه كانها شايفتها من قبل
عبدالله : سجى ابوي روحي غرفتج والحين انا ايج عندي شغله بس لازم اخلصلها
راحت سجى تمشي واهي تسمع المره بصوت واضح وممسموع تقول
: مايصير يا عبدالله عطها المجال اهي الي تقرر وتختار
عبدالله واهو يتكلم من بين اسنانه : ماكو شي تختاره انتي الي اخترتي من زمان وقبضتي الثمن مسكها من زندها وسحبها صوب الباب: انا عشان فرحت بنتي ومابي اخرب عليها وناستها بس والله لو جربتي من اهني مرة ثانيه ما يردني عنج الا الشرطه بره يالله ياالله


سجى ما حبت انها تفهم منو هذي لانها لو فهمت ماتدري شلون لازم تتصرف

الي تعرفه انها احتاجت بالانسانه اكثر من مره قبل بس ما لقتها ليش يت الحين تلخبط حياتها ليش


كانت قاعده علىكوشه حدها راقيه انتفضت لما شافته جدامها واقف بهيبته وجمال ويهه ويمه ابوه واخوه وابوها يتها عمتها ووقفت نزلت راسها ما قدرت ترفع عينها عليه مره ثانيه

لما فارس كان ماسك احمد ومغمض عيونه مايبي يشوفها من بعيد يبي يشوفها الا لما يقرب منها

احمد كان يساعده يشمي وابوه وابوها يضحكون عليههههههههههه

لما وصلت ووقف جبالها على طول

احمد: وصلنا بطل عيونك
استغربت سجى ورفعت عيونها بنفس الوقت الي بطل فارس عينه وتلاقت العيون ويتروالي كلان العيون وايد ابلغ من الكلام

سجى كان احساسهاااااااااااااا انها ما تمسع شييييييييييي كلش حست انها انعزلت عن العالم

عمركم غصتو تحت الماي عرفتوو الشعور هذا كان احساس فارس


لبسها الدبله تخيلووو طول الوقت ماقالو ولا كلمه حق بعض كلش وحتى حق الموجودين كان ينفذون الي ينطلب منه بهدوء ومن غير مناقشه


لما صار وقت انهم يطلعون

ركبووو سيارة ابو سجى مع السايق


ومشى فيهم سجى ماكانت تدرين وين رايحن ولا سالت ولا اهتمت تسال كافي انها مع فارس

طلعت ريهام وكانت حدها متضايقه من شريفه الي سلمت عليها عادي وراحت قعدت مع اروى ونوار ولا جنه ريهام بنت خالها وصديقتها استغربت قسوه شريفه بس عذرتها بالاخير الي صار لها مو شويه اكيد انها تحتاج وقت اهي الحين فقدت ثقتها بكل الي حولها

ركبت السياره الي كان فيها راشد ومبارك

ريهام : شعندكم
راشد: سلامتج كنا رايحين القهوه وقلنا نمرج على دربنا نرد مع بعض

سكتت ريهام وجنها صدقت

لما لقت نفسها عند المطار
ريهام : شعندكم ما تشوفون كشختي
راشد كان ياي مع مبارك ومسيون البوردينق وكل شي
راشد: بنزل اسدد مكلماتي تعالي معاي عفيه
ريهام : راشد كعبي وحالتي حاله
راشد مدلها جيس فيه نعال جينا ستراس : لبسي هذا
ريهام : ههههههههه شحقه يايبه
راشد: ادري ماتحبين تلبسين كعب وانا بيي المطار
غيرت ريهام جوتيها ونزلت مع راشد

شكلها صار سمبل اهي اصلا لابسه نفنوف طبقات لي تحت الركبه وجمه طويل شفاف لما لبست الفلات صارت تشوق حدها وسمبل بس مبينه عروس


نزلوووو وسيده لي بوابه المغادرين

راشد: ريهام تحبيني
ريهام تلم زند راشد وتحط راسها عليه :اموت عليك
راشد: لو قتلج سافري معااااي شنو تقولين
ريهام : لي اخر الدنيا معاك
راشد: يالله عيل نفذي
ريهام : ههههههههههههههههه زين ابي اغراض من البيت
راشد طلع لها البوردينق والجوازات : سبقوج اغراضج
ريهام انصدمت واهي تشوف الرحله الي برشلونه
راشد: انا وعدتج اردج برشلونه برحله احلى وكاني انقذ وعدي
ريهام : وامي
راشد: اهي الي ساعدتني ارتب كل شي
ريهام : واااااااااااااااااااااي ما اصدق احبك احبك احبك


سجى وفارس وصلووو عند مرسى اليخوت سجى حدها منصدمه شنو هذا
فارس : حبيبتي ابي اكون بروحي معاج ومابي احد يضايقنا يبت يختنااااا وقلت نطلع نتعشى فيه بروحنا ابي اشبع منج ومن شوفتج
سجى ساكتهههههههههههههه وماكو رد

ركبت معاه اليخت الي كان عباره عن بيت متحرك

وكل شي كان جاهز وفيه خدم مضبطين لهم عشى ومسيقى خفيفه

سرىىىىىى فيهم اليخت وتعالا صوته في مذهله
مذهله ماهي بس قصت حسن رغم ان الحسن فيها بحد ذاته مشكله

مــذهــله
ماهي بس قصة حسن
رغم ان الحسن فيها بحد ذاته مشكلة
مذهله .. كل شي فيها طبيعي
ومو طبيعي أجمل من الأخيله

طيبها .. قسوة جفاها
ضحكها .. هيبة بكاها
روحها .. حدة ذكاها
تملئك بالأسئله ..
.. مذهله

يابدايات المحبه ..
يانهايات الوله
هالحسن سبحان ربه ..
ظالم وما أعدله
أعذب من الأمنيات ..
عالم من الأغنيات
يا أجمل الشعر البديع ..
من آخره لين أوله
مذهله .. تملئك بالاسئله

هي حقيقه أو خيال ..
هي ممكنه ولا محال
هو سهلها صعب المنال ..
أو صعبها تستسهله
مذهله .. تملئك بالأسئله

ليه كل مُعْجِزّ .. مر هذا الكون فيها له صله
ليه كل شي فيها .. تظن انك تعرفه. تجهله
ليه كل لا معقول فيها .. ورغم هذا تعقله

ليه عمري .. ما لقى لبرده دفا ..
إلا دفاك
ليه أنا عيني تشوف وما تشوف
إلا بهاك
يا أجمل من الأخيله ..
هذا جواب الأسئله
كي تكوني في عيوني
ومن حنيني
بس فيني
ومو بدوني
... مذهله
مذهله..مذهله..مذهله

بس ماكان عبده كان واحد ثاني
سجى : الله منو الي يغني
فارس : عجبج
سجى : وايد
فارس : هذا واحد مغنيها مخصوصه حقج حسيتي بحساسه
سجى :هههههههههههه أي شي
فارس: والله هذا اناااااااااااااااااااا

هانت باقي جزء واحد والنهايهههههههههههههههه السعيده على ناس وحزينه على ناس

 

[FuTuRe DoC]

واااااااااااااااااااي فارس وراشد عسسسسسسسسسسسسسسسسسسسسسسسسسل:*****

ثاااااااااااااانكسسسس

 

[so_what]

يسلموووو ناطرين النهايه