قصة ويستمر جنون الحب

[^لولو الصغيره^]

الحياة عباره عن سفينه شراعها الامل عن طريقها نستطيع ان نصل الى ما نتمناه .
اريد ان اضع بين ايديكم الحب والامل والتفاؤل اريد ان تعرفوا ان جنون الحب الطاهر لايزال موجود وستعرفون من ابطال قصتي معنى الحب الحقيقي
نبدا بتعريف ابطال قصتي التي سوف نبحر معهم على متن سفينة الامل .
اولا : ( عايلة ام ابراهيم )
الجده ساره : امرأه بمعنى الكلمة ربت ابنائها على الطيبة والتسامح والحب عندها 3 صبيان وبنتين ( ابراهيم - خليل -حمد-سعاد-حنان )
ابراهيم : ولد ام ساره الكبيره عمره 46 سن مدير بشركة النفط ساعد امه على بتربية اخوانه بعد وفاة ابوه نقدر نسميه الصدر الحنون الكل يلجاله بوقت الضيق كان متزوج وانفصل والسبب انه ما يب اعيال فهمه بالدنيا امه واخوانه
سعاد : 44 سنه وكيلة مدرسه وعندها بنتين امل وشروق رايلها متوفي من كانوا بناتها اصغار وهي عايشه بيت امها ساره مع اخوانه ابراهيم وحمد
امل : 23 سنه بنيه هاديه بطبعها ملامحها وايد حلوه طويله بيضه شعرها لي نص ظهرها وعيونها اوساع لونهم عسلي فاتح بالمختصر لي يشوفها ما يقدر يشيل عينه عنها بسرعه وهي اخر سنة كلية الهندسه
شوق : 18 سنه عكس اختها بكل شي لي يشوفها يقول اهي الاكبر لانها متروسه طويله شعرها كاري شيطانه وايد وهي اخر سنه بالثانويه طبعا اهي حبيبة خالها ابراهيم
خليل : 39 سنه يشتغل محقق بالداخليه متزوج وحده اسمها رنا وعنده ولد واحد بس احمد ما ياب اعيال بعد بسبب مشاكله وايد مع رنا
رنا : 35 سنه وحده اتحب الطلعات والسفرات مع رفيجاتها مو مهتمه كلش بيتها وريلها ولدها وهي مغروره الانها من اعايله معروفه وغنيه فدايما تشوف خليل واهله انهم ناس عادين على قد حالهم
احمد : 18 سنه ولد مسكين على ان يتميز بجمال لا ينوصف الا انه دووووم الحزن على ويهه بسبب مشاكل امه ابوه على فكره اهو اساسا ما يحب تصرفات امه دوووووم يلجا حق عمه ابراهيم
حنان : 32 سنه مدرسة علوم متزوجه خالد وتموووووووووت فيه لي درجة اتغار عليه من نسمة الهوى وعندها ولدين توام وليد وبدر 9 سنوات ورتاج 5 سنوات واهي الحين حامل بالشهر الثاني
خالد : 33 سنه يشتغل بالمطافي يمووووووووت بشي اسمه حنان اهي بنسبه له كل شي الام والاخت والصديقه والزوجه
حمد : 28 سنه دكتور يحب شغله وايد اهو طويل معضل اسمراني عنده قفل واهو امل بنت اخته دوووم مع بعض بسبب تقارب العمر بينهم قبل لا انسى اهو يحب عبير وايد راح اتعرفون منو عبير مع الاحداث
في اشخاص مهمين بالقصه لكن راح انعرفهم مع تسلسل احداث القصه
مكان كلية الهندسه الساعه 9 نص صباحا
امل اتنادي رفيجتها عبير من ايام الدراسه وهم حيل مع بعضل نقدر نقول انهم اكثر من خوات
امل : عبوره وينج ليش تاخرتي المحاضره ما بقى عليها شي امشي قبل لايوصل الدكتور عادل وانتي اتعرفينه شكثر مليق ونفسيه
عبير ابنيه مملوحه ولي يميزها غمازاتها اهي تحب حمد وتموووووت فيه بس لي بينهم مجرد نظرات العيون بس يعني اعيونهم فاضحتهم
عبير : وايد شحلاته دكتور عادل انا ما ادري ليش نفسيه جذي
امل : عبوره لتخليني اقول حق خالي انج تتغزلين بدكتور
عبير : عفيه اموله حبيبتي انتي منو قال الدكتور عادل حلو ويع ما شاف من الحلا شي ولا زعل امووله علي
امل : زعلي ولا زعل حموووووودي
عبير : عن ملاقه يلا امشي قبل ليوصل الدكتور يطرنا جدام الطلاب ما تسوى علينا
اعرفكم على دكتور عادل
عادل : 20 سنه شاب طموح يحب الدراسه والعلم لي يشوفه ما يقول عليه خليجي لانه ماخذ شكل امه وملامحها ام فرنسيه متوفيه صارلها 8 سنوات واهو رافض فكرة الزواج راح اتعرفون ليش
اتمنى عجبتكم بدايتها نبي ردوووووووووود لي اشجع الواحد عشان اكمل

 

[الفريده]

واااى اانا اول وحده راح اقولج تسلم ايدج وبدايه موفقه ومتابعينج يا لولو الصغيره

 

[^لولو الصغيره^]

مشكوررررررررررررررررررررره الفريده

 

[^لولو الصغيره^]

من جهه ثانيه مخفر المنصوريه
بدر رفيج خليل بالدوام
بدر : بو احمد خليل نحن هنا شفيك ساكت وضايق خلقك
خليل : ما ادري شنو اقولك امس متهاوش مع زوجتي احمد ولدي كان قاعد يشوفنى واحنا نتهاوش بس انا مليت من العيشه هذي هل الانسانه بس همه السفرات والطلعات وما تدري لا عني ولا عن ولدها
بدر : هونها تهون بعدين كل شي يهون عشان خاطر احمد المسكين لي ماله ذنب بلي قاعد يصير بينك وبين امه
خليل : انا منو كاسر ظهري غير احمد تدري بدر انا قاعد افكر اني اتزوج عليها انا ابي وحده تهتم فيني وتراعيني وتشوف طلباتي ابي انسانه تعيش معاي على الحلوه والمره
بدر : لا تقول جذي انشاءالله الله يهديها حقك وحق ولدك وصبر سنينك هذا ما يضيع هدر قول امين
خليل : امين الله يسمع منك يا بدر
نرجع حق كلية الهندسه بالتحديد قاعدة الدكتور عادل
الدكتوره عادل : احب اقولكم ان اسبوع الياي راح نبدا مشروع التخرج واتمنى من الحين اتسوون مجموعات ابي 5 مجموعات وكل مجموعه فيها 6 طلاب
امل : عفوا دكتور احنا 24 طالب جذي راح نتقسم على 4 مجموعات مو 5 مجموعات
د. عادل : يطالع امل وسرح اهو يشوفها لحظتها تذكر امه ما يدري ليش
امل : دكتور انته سامعني
د. عادل : ساكت ما زال يطالع بويهه امل لي درجة كل لي بالقاعه مصدومين من نظراته لها
واحد من الطلاب : دكتور عادل دكتور
د.عادل : انحرج حب يغير الموضوع بسرعه على عموم قسموا نفسكم مجموعات كل مجموعه تختار لها رئيس يرئسها وكتبوا اساميكم على كل مجموعه ابي الوراق بالمحاضره اليايه واي سؤال واستفسار انا موجود بالخدمه والحين بمكانكم تطلعون
اطلعوا كل لي بالقاعه من ظمنهم امل وعبير بس ظل واحد يفكر بامل ليش انشد لها وليش تذكر امه من شافها وايد اسئله كانت تدور بتفكير عادل
عبير : شفتي الدكتور عادل شلون كان قاعد يطالعج
امل : اي شفته حتى انحرجت من نظرت الطلاب ا لي معانا بس ليش طالعني جذي واهو مو اول مره يشوفني
عبير : مو انا بعد مستغربه نظرته لج غريبه وايد غامضه بنفس الوقت
امل : مو مع عبير ولا سمعتها شنو تقول لانه سرحت وبينها وبين نفسها تقول شنو سر النظره هذي يا دكتور عادل
عادل راجع البيت الظهر وهو بسياره تفكيره كله مع امل اهو مو اول مره يشوفها بس ليش هل مره غير وليش من شافه تذكر امه تنهد بصوت عالي قال الله يرحمج يا يمه
وصل البيت على طول راح حق يشوف حبيبت قلبه اخته لولوه
لولوه : 26 سنه معاقه سبب اعاقتها حادث سياره سوته يوم كان عمرها 18 سنه وهي فنانه شاطره بالرسم دوووم تطلع المركز الاولي بنادي المعاقين كثر ما رسوماتها حلوه يبيعون لوحاتها حق التاحف لي بره
عادل : حبيبت اخوها شنو اتسوي
لولوه : تعال عادل ياخوي شوف رسمتي اليديده وعطني رايك فيها
عادل : ما شاءالله وايد حلوه بس متى مداج ترسمين هل رسمه الخياليه
لولوه : بس انته طلعت رحت الجامعه خليت عايشه اتيبلي اغراضي الرسم بديت ارسمها
عائشه موجوده بيت بوعادل من زمان من ايام امهم وهي حيل طيبه وحبوبه وتحب لولوه وعادل وتخاف عليهم وايد وهي الوحيده الي ما تخاف من بوعادل كل لي بقلبها تقوله من غير خووف او تردد
عادل : لولوه لي متى ترسمين وتخليني اعرض رسوماتج بالمعارض وانتي رافضه تطلعين من البيت الكل يسال رسم منو وين صاحبة الرسومات لولوه بس خلاص وانا اخوج طلعي ليش الخوف والتردد من مواجهة الحياة
لولوه : ما اقدر ياعادل نظرة الناس لي راح تذبحني مابي نظرة الفقه ما راح اقدر اتحملها يا عادل صدقني
عادل : انتي طلعي جربي شوفي لازم تكونين قويه وتواجهين كل الصعوبات اهم شي تنسين الماضي خلاص هذا قدر لازم ترضين فيه
لولوه : الله يخليك يا خوي اذا تحبني لا تتكلم بالموضوع عشاني
عادل : انتي تامرين امر بس فكري وانا اخوج يلا انا رايح ابدل واصلي وانزل عشان نتغدى عائشه زهبي الغدا
عائشه : انشاءالله
امل وصلت البيت وهي تفكر بالي صار بالمحاظره اول ما دشت البيت شافت خالها ابراهيم وشوق اختها قاعدين يطالعون التلفزيون
امل : السلام عليكم
شوق وخالها : وعليكم السلام
امل : شوق امي وينها ما اشوفها
شوق : امي مع امي ساره بالمطبخ يجهزون الغدا
امل : انزين خالي حمد وينه ما رجع
خالها ابراهيم : لا ما راح ايي عنده حاله بالمستشفى

 

[^لولو الصغيره^]

ابراهيم : لا ما راح ايي على الغدا عنده حاله بالمستشفى
امل : انزين خالي ابراهيم ممكن اطلب طلب صغير
ابراهيم : امرني
امل : ودي اطلع بعد الغدا والجو اليوم وايد حلو خلنا نطلع انته تدري امي ما راح تخليني اطلع بروحي
ابراهيم : افكر
امل : خالي عفيه لا تردني
شوق : انا بعد بطلع معاكم صج الجو عجيب
ابراهيم : خلاص بس دقوا على احمد شوفوا يبي ايي معانا انمره
امل : خلاص خل شوق ادق
شوق لا والله ما ادق مالي خلق مرت خالي خليل اتشيله وبعدين اتكمني بنفسيه
ابراهيم : كل هذا خوف من مرت خالكم
امل : لا خالي مو خوف بس اهي نفسيه ما ادري على شنو الله يعين خال خليل عليها
ابراهيم : خلاص انا ادق على خالكم خليل واشوف
على دخلت يدتهم ساره وامهم سعاد
سعاد : شفيكم على منو بدقون
ابراهيم : على خليل ابي اطلع امل شوق بسال اذا يبيني امر احمد اخذا معانا
سعاد : خليل شوي راح ايي زوجته سافرت اليوم لبنان
امهم ساره : هذي لي متى بضل جذي هامله بيتها وريلها ولدها
شوق : انا ما ادري ليش خالي خليل صابر ليلحين عليها الله يعينه على غرورها ونفسيتها زفت
سعاد : بعصبيه شوق وانتي شكو بعدين لا تدخلين بخصوصيات غيرج
شوق : بس يمه انا ما قلت شي
سعاد : مهما يكون هذي مرت خالج ما يصير تقولين عنها جذي
شوق : انا اسفه يمه وقامت صعدت فوق
امهم ساره : سعاد يمه ليش زفيتها جذي البنيه ما قالت شي
سعاد : يمه هذي مرت خالها مفروض ما تتكلم عنها جذي
ابراهيم : انا معاج بس جان ما زفيتها بالطريقه هذي
سعاد : اسكتت من داخلها نار اهي ما تحب اتصارخ وتعصب على بناتها
امل : حست انه امها متضايقه يمه انا رايحه اشوف شوق
سعاد : اي يمه خليها اتييه تتغدى اهي من يت من المدرسه وهي بس اتحن وتقول انها يوعانه
امل : انشاءالله يمه
واهي صاعده فوق دش خالها خليل مع ولده احمد
خليل واحمد : السلام عليكم
الكل : وعليكم السلام
خليل : يمه شلونج عساج بخير
امهم ساره : بخير دام انك بخير يا لغالي
خليل : تغديتوا
سعاد : لا الحين بنحط الغدى
احمد من وصل اهو ساكت على ويهه علامات الحزن
ابراهيم : احمد شنو فيك وانا عمك شكلك متضايق
احمد : نزل راسه ما فيني شي عمي
ابراهيم : اكيد عمي ما فيك شي
احمد : اكيد
خليل يشوف ويسمع ولده هو من داخل يبجي على حال ولده لي فاقد حنان الام واهو يحاول يعوضه حنانه بس الكل عارف حنان الام محد يقدر يعوضه ولا احد يقدر يخذ مكانها

 

[فتاة الكئابه]

مشكوره حبيبتي