قصة ولادتي

orange blossom

New member
إنضم
12 سبتمبر 2011
المشاركات
852
مستوى التفاعل
0
النقاط
0
العمر
40
الإقامة
حبيبتي يا كويت
السلام عليكم شلونكم بنات
الحمدلله ولدت بالسلامة يوم الجمعة تاريخ 3/16
سالفتي بدت يوم الخميس تاريخ 3/15. *كنت داشة شهري اسبوعين . قعدت الصبح و وديت عيالي الروضة و رديت البيت لأني كنت ماخذه اجازة من الدوام. قعدت مع بنتي. هني حسيت بعوار خفيف بس ما اهتميت لأن هالعوار قاعده احس فيه من دشيت شهري. بعدين رحت نمت شوي و قعدت رحت سويت الغدا و يو عيالي من الروضة و حطيت لهم الغدا. و احنا نتغدى حسيت بالعوار صار اقوى و ايي كل تقريبا ربع ساعه. كنت متردده اروح ولا لأ. بعدين قلت حق ريلي ابي اروح المستشفى لأن اخاف يزيد العوار بالليل و عيالي ينامون و اضطر اقعدهم. وديت عيالي عند خالتي و وصلت المستشفى (مستشفى المواساة) الساعة تقريبا 5 العصر. دشيت الطوارئ قلت حق الدكتورة فيني عوار قالت خل افحصج. فحصتني و قالت انتي مفتوحه 3 سانتي. و بس فحصتني ياني العوار جان تحط ايدها على بطني و قالت صح انتي فيج طلق، خل اسوي لج تخطيط. و سألتني منو دكتورتج، قلت لها دكتورة معصومة مخصيد.
سويت التخطيط تقريبا اقل من نص ساعة و يت الدكتورة قالت فيج طلق بس قاعد ايي لج كل ربع ساعة خل ندق على دكتورتج و نشوف شنو تقول. راحت دقت على الدكتورة و رجعت قالت ان الدكتورة تقول انتي توج في بداية الولادة، روحي الحين و لمن تحسين بالعوار كل 5 دقايق تعالي. طلعت من المستشفى الساعة 6 و نص. رديت البيت، سويت لي جم شغله، و صرت احس بالعوار كل 10 دقايق او اقل، طلعت من البيت الساعة 9 بالليل و وصلت قبل ال 10 (لأن تدرون بزحمة الشارع يوم الخميس بالسالمية)*
دشيت الطوارئ مرة ثانية و فحصتني نفس الدكتورة جان تقول لي 4 و نص سانتي، الحين ندخلج الولادة.
دقت على الدكتورة معصومة و قالت لها الدكتورة الحين ايي. و هني راح ريلي سوا اجراء الدخول و حجز الغرفة. و انا ودوني غرفة الولادة.
دخلت غرفة الولادة و بدلت ملابسي.. سألتني السستر تبين ابرة ظهر. قلت لها لأ. حطو لي دريب. دقيت على أمي و قلت لها انا دخلوني الولادة، جان تقول لي الحين ني لج.
يت السستر و قالت تبين كمام و مسكن. قلت لها بعدين لمن يزيد العوار.
راحت شوي و ردت جان تقول الدكتورة معصومة تقول احسن الحين اخذي مسكن و كمام.*
عطتني ابرة المسكن و فجأه حسيت الدنيا ظلمت شوي و راسي يدور. كان ودي انام بس ريلي كان قاعد معاي و قلت حرام خل اسولف معاه لأن قاعد بروحه. قعدنا نسولف لمن صارت الساعة 11 بالليل. هني دشو أمي و أبوي و معاهم خواتي و مرت اخوي. قاعدين يكلموني و انا احاول ارد عليهم و انا دااايخة.
طلعو كلهم و ظلو معاي أمي و مرت اخوي يقرون قرآن. بعدين دشت دكتورة و قالت الحين راح ننزل الماي، و انا هني مادري اشفيني ميته من الخوف، بس اشوه ما عورتني ايدها خفيفه.
هني صارت الساعة يمكن 12 (مو متأكده لأني كنت دايخة) دشت الدكتورة معصومة و قالت خل افحصج. فحصتني و قالت 6 سانتي، اذا يي طلق قوي راح تولدين خلال ساعة.
بعد فتره مادري شكثر يوني سسترتين و قالو بنسوي فحص. قعدو ثنتينهم مادري شيسوون، و انا كل ما بسألهم شنو تسوون، حطو علي الكمام و ادوخ حيييل و ما اقدر اتكلم.
و يمكن الساعة 1 دشت دكتورة معصومة و معاها دكتورة ثانية و يمكن 3 سسترات و قالت الحين بتولدين. رفعو ريولي و فتحو الليت و قالو لي حاولي تدفعين. و انا احس نفسي خايفه.*
اذكر الدكتورة قالت يللا اهو الحين بيطلع.
فتحت عيوني و لقيت أهلي كلهم واقفين. سألتهم شنو صار ولدت؟ (انا اصلا ما اذكر اني سألتهم مرت أخوي قالت لي بعدين) و هني يابو لي ولدي ملفوف بفوطة. و شوي و ودوني الغرفة.*
و الله يسهل على كل حامل ولادتها/COLOR]
]
 
إنضم
29 أبريل 2010
المشاركات
3,750
مستوى التفاعل
1
النقاط
0
حمدالله علي سلامتج ويتربي بعزج انشالله

وصج مستشفي المواساه اينن انا جربيته بس عند حيان الاحمد والحين طلع حساافه
 
إنضم
8 يونيو 2010
المشاركات
2,204
مستوى التفاعل
0
النقاط
0
الإقامة
في عيونه
ياحياتي فديتج

الله يخليه لج وتخاوينه يارب

بس ياعمري سؤال ابرة الظهر

متى اخليهم يحطونها لي ؟؟

وهل لها مده ويروح مفعولها ولا يظل مفعول ابرة الظهر لين اولد ؟؟

لاني ياقلبي بجر وماعرف

وانتي ليش ما اخذتي ابرة ظهر ؟؟

هل لها خطوووره ؟؟؟
 
التعديل الأخير:

%meme

New member
إنضم
29 يونيو 2011
المشاركات
271
مستوى التفاعل
0
النقاط
0
الحمدالله ع السلامة يتربى بعزج
 

احلامي غير

New member
إنضم
25 أكتوبر 2011
المشاركات
197
مستوى التفاعل
0
النقاط
0
الف الحمدلله على السلامه ويتربى بعزك يارب وتشوفيه عريسسسسسسسس
 

love love

New member
إنضم
1 سبتمبر 2006
المشاركات
21,799
مستوى التفاعل
2
النقاط
0
الإقامة
Home
حمدالله عالسلامه حبيبتي
 

مكاييل

New member
إنضم
10 أكتوبر 2009
المشاركات
2,088
مستوى التفاعل
0
النقاط
0
الإقامة
ksa
الحمدالله على سلامتك ويتربى بعزك يارب

وانا اضم صوتي لراقية وجذابة شسالفة ابرة الظهر مانصلح ناخذها
 

ام فواازي

New member
إنضم
21 يوليو 2009
المشاركات
2,127
مستوى التفاعل
0
النقاط
0
الحمدالله عالسلامه ومبروك ماجاج
وبالنسبه للبنات اللي يسئلون عن ابرة الظهر هذه اول ماتبدا الطلوق معاج يحطونها لج وماتحسين بولا شي كلش حتى جسمج من السر وتحت جنه مشلول يحطون لج ابره باخر ضهرج ويلزقون وايرها على ضهرج وتظل فيج لين بعد الولاده بس طبعا بعد الولاده يشيلون الدوا منج انا ماانصح فيها كلش شفايدتج ام حلات الولاده تحسين فيها عشان تاخذين الاجر
 

orange blossom

New member
إنضم
12 سبتمبر 2011
المشاركات
852
مستوى التفاعل
0
النقاط
0
العمر
40
الإقامة
حبيبتي يا كويت
ياحياتي فديتج

الله يخليه لج وتخاوينه يارب

بس ياعمري سؤال ابرة الظهر

متى اخليهم يحطونها لي ؟؟

وهل لها مده ويروح مفعولها ولا يظل مفعول ابرة الظهر لين اولد ؟؟

لاني ياقلبي بجر وماعرف

وانتي ليش ما اخذتي ابرة ظهر ؟؟

هل لها خطوووره ؟؟؟


الله يسلمج حبيبتي
أنا خابرة إبرة الظهر ياخذونها قبل الولادة بشوي علشان ما تحسين بالولادة نفسها
الحين أنا ولدت 4 مرات ولا مرة خذتها لأني سامعة انها مكانها خطر مع ان ادري ان وايد بنات خذوها بس انا اخاف آخذها
حبيبتي الله يسهل عليج و يرزقج الذرية الصالحة يارب
 

orange blossom

New member
إنضم
12 سبتمبر 2011
المشاركات
852
مستوى التفاعل
0
النقاط
0
العمر
40
الإقامة
حبيبتي يا كويت

orange blossom

New member
إنضم
12 سبتمبر 2011
المشاركات
852
مستوى التفاعل
0
النقاط
0
العمر
40
الإقامة
حبيبتي يا كويت
الحمدالله على سلامتك ويتربى بعزك يارب

وانا اضم صوتي لراقية وجذابة شسالفة ابرة الظهر مانصلح ناخذها
الله يسلمج حبيبتي
إبرة الظهر وايد خذوها عادي بس معروف ان مكانها خطر و انا خوافه شوي
و بعد انا ابي احس بالولادة كلها
 

ام فطوووم

New member
إنضم
18 يوليو 2007
المشاركات
1,734
مستوى التفاعل
0
النقاط
0
الف الف الف مبروك اختي
حبيبتي ماعليج امر بغيت اسالج شرايج بالدكتوره معصومه؟
وخياطها شلون وهل طلبتي تجميلي؟
شنو الغرفه اللي خذيتيها بالمواساه
جم خذت عليج الدكتوره؟
والسعر كامل جم طلع عليج؟؟

الله ايخليج ردي على اسالتي صج وايد بس كنت محتاجه احد يكون مجرب
وانه بخاطري المواساه بس مو لاقيه الدكتوره السنعه اللي اتولدني مناك
وانه باجر راح ادخل الثامن يعني المفروض مختاره الدكتوره من زمان