- إنضم
- 4 يوليو 2010
- المشاركات
- 544
- مستوى التفاعل
- 0
- النقاط
- 0
السلام عليكم ....
الحمدلله رب العالمين ولدت يوم الاحد بتاريخ 27-2 .....
بس الله كتب لي عمر يديد بولادتي هذي ...صج صج مت وحييت :eh_s(11):
وانا اقول لكم بنات اللي تخاف او من النوع اللي توسوس لا تقرا قصتي....لان اللي صار معاي ممكن مايصير معاج ....كل شي قسمة ونصيب ....
المهم بنات.... انا والده قبل مرتين وولدي الاول يايبته بالسادس ....عشان جذي كانوا حاطين ببالهم اني ممكن اولد مبجر.... بنتي الثانيه يبتها بنص التاسع ....
المهم ....
بهالحمل من دشيت السادس كله يحوشني عوار ولاده ... وادش المستشفى ويعطوني ادويه توقف الطلق واطلع .... وطبعا كنت بالصباح ....لانهم ادرى بحالتي ومثل ماقلت لكم اني يايبه خديج من قبل فرعايتهم للخدج احسن من اي مكان ثاني وغير جذي دكتوري ممتاااااااااز وهو عارف حالتي عدل لان فيني اورام ليفيه بالرحم .....
دكتوري حط لي موعد للولاده بتاريخ 14-3 ...قيصريه طبعا وراح اكون بالاسبوع 38 ....
كان عندي موعد بتاريخ 24-2 .... رحت موعدي عادي وسويت سونار بالاول ..... والدكتوره تسويلي سونار اشوفها تكلم الدكتوره الثانيه ويعيدون الجزء اللي يسمعون فيه نبض الياهل ويطلع شي مثل الرسم البياني ويقعدون يحسبون .... عادوه يمكن عشرين مره ....
وانا اسالهم في شي ؟؟ يقولون لا ماتخافيش مفيش حاجه وانا قلبي ناغزني ....
خلصت وخذيت تقريري ورحت للدكتور .... وعلى حظي دكتوري مساافر وكان في دكتوره بداله ....شافت السونار جان تقول ان الحبل السري مو قاعد يغذي الياهل عدل :eh_s(11):
ولااااااازم تدشين المستشفى تحت الملاحظه .....
قلت لها دكتوره في حل ثاني .. لان الحين عطله ومااااابي يحوشني دكاترة الخفاره لاني ادري عنهم مأسااااة:eh_s(10):
قالت شوفي .... احنا قسمنا يمسك الخفاره يوم اللاحد تاريخ 27 ... من الحين ( الخميس ) للاحد تعالي كل يوم مرتين وسوي تخطيط وانا الحين راح اسويلج اوراق دخول المستشفى يوم الاحد بس اذا حسيتي العوار زاد او قلت حركة البيبي او نزل عليج شي تعااااالي بسرعه .....قلت لها خلاص شورج وهداية الله...
وهذي حالتي كل يوووووم مرتين ايي الصباح ....
لحد يوم الاحد طلعت الصبح مع ريلي رحنا كوفي بين شربنا قهوه وتريقنا خخخخخخخخخخ فراغه .....
وصلت المستشفى الساعه 8 الصبح ....دشيت الطوارئ عطيتهم اوراق دخولي ....ودخلت الليبروووم الساعه 9 الصبح ....
والا اشوف الدكتوره هناك ناطرتني يحليلها
بنات انا داشه عشان يخلوني تحت الملاحظه بس .... يعني كلللللش مو ولاده حتى قالت لي الدكتوره تظلين يومين عندنا وتطلعين....
يوم يحطوني على التخطيط الا طلقي 100 % وورا بعض حتى المؤشر كله فوق ولما ينزل بسررررعه يرتفع .... طبعا انا ويهي صار قوس قزح من كثر ماقام يقط الوان وقمت اضرب اخماس باسداس .....تقول الدكتوره شلوووون متحمله هالعوار ؟؟؟
والمشكله اني مو حاسه الا بالم خفيييييييييف .....
يت تفحصني لاني مسويه ربط لعنق الرحم ....شافتني مفتوحه 2 سم ... والربط مشدوووود يعني كان ممكن باي لحظه ينفجر الرحم وانا مووووووووووحاسه :eh_s(16):
ما اشوفها الا نادت الدكاتره وييولي 4 دكاتره غيرها وقالوا الحين بسرعه تدش العمليات ....
وانا اقول لهم هاااا منو ؟ شنو ؟ ليش ؟ شحقه ؟ وصج فصلت على الدكتور اقوله ليييش انا شسويت خخخخخخخ .....
المهم بسررررعه ودوني العمليات وبالغصب وانا بالممر عطوني التلفون عشان اقول حق ريلي ....دقيت عليه قلت له اني رايحه العمليات الحين ....ضحك قال مو وقتج بناااام ... اقول له والله الحين بيولدوني ...وبلش الفلم الهندي ... هالله هالله بعيالي .... برلي الذمه وسامحني اذا ضايقتك بيوم .... وميخالف عمري اذا بتتزوج ماراح ازعل ولا راح اطلع لك بأحلامك ....بس لاتنسى كلام الرسول صلى الله عليه واله ..فاظفر بذات الدين ....دورلك وحده تكون ام حق عيالي مو تشبع غريزتك وبس :rgewrg:
طبعا هني صدق لما سمع طاري الثانيه عرف ان السالفه صجيه
والهنديه فوق راسي تسحب التلفون مني وتقول ممنوأ ممنوأ كلاس ....
المهم دشييييييييييييت العمليات .... وهني بلش فيلم الررررعب .......
( للحوامل صاحبات الاحساس المرهف ممنوووووووع القراءه:eh_s(7)
دشيت وكنت حاطه ببالي اني اخذ ابرة الظهر وكنت حاطه ببالي اني اخذها هالمره لاني وايد كنت ارتاح عليها ودايما اي وحده تسألني عنها اقول لها اخذيها....
يتلي دكتوره التخدير .... انا عبالي سستر ... والله يابنات مايي ببالي انها مالة التخدير لانها اكبر من يدتي :eh_s(10):وكل شي فيها يررررررررررررجف حتى نظارتها :eh_s(10):
وبلشت تحط ابرة الظهر ....بنات انا قبل ماخذه ابرة الظهر 4 مرات وهذي الخامسه ....من اول مابلشت تشتغل والله العظيم حسيت في شي غلط .....هني تشهدت وقمت اقرا قران بصوت واطي ودموعي تصب بدون صوت ....
يالي الدكتور اللي بيسويلي العمليه ... طبعا مو دكتوري بس اهو من الدكاتره الممتازين بعد بالصباح وصج شهادتي فيه مجروحه... الله يعطيه العافيه دكتور طارق ....
المهم يي جابلني ومسك ايدي وقال ردي وراي ... وقام يقرا بصوت عالي ادعيه وقصار السور ... اهو يقرا بصوت عالي وانا اردد وراه ....وذيك مالة التخدير تشتغل واشوف دكتور طارق يطل ورا ظهري ويرد يطالعني ويقرا قران بصون اعلى .... هني تاكدت ان في شي غلط ....لحد ماخلصت ....قال الدكتور بصوت عالي اخييييرا ....
رفعوا ريلي حطوه على السرير على اساس يبلشون...
نطروا جم دقيقه عشان تتخدر ريولي ..... شوي جان تحط الدكتوره شي على خصري وقالت شنو هذا؟؟؟ قلت لها ثلج ....طبعا والله ماشفت شنو هذا بس حسيت فيه ... هني قالت لي مو حاسه بتنميل بريلج .. قلت لا ....نطروا شوي .... عادت نفس الحركه ونفس الاسئله ...جان ارفعلهم ريلي الثنتين واقول لهم قاعده احرك ريلي عااااااااااادي ولا حاسه باي تخدير او تنميل ....هني يي بسرعه دكتور ثاني مال التخدير ...ويقلون لا يتاهيألج ....واقول لهم شلوووون يتهيألي وانا قاعده احرك كل شي عااادي .....
هني بدا التفلسف على راسي .... يقولون في بعض الحالات ممكن ان المريض يتحرك عادي ....بس ينعدم الاحساس وماراح تحسين باي شي ... قلت لهم عيل شلون كل شوي احسن بالثلج وبردوته ... المهم واهم يكلموني ... والله والله والله يابناااااااات حسيت بشي يفتح بطني ..... واااااااااااي قاعدين يفتحون بطني وانا صااااااااااااحيه :eh_s(11)::eh_s(11)::eh_s(11):
صررررررررررخت من قمة راسي اقول شقاعد تسوووون انا واااااااعيه وحاسه بالعوار ...يقولون لا يتراوالج ....
قمت اصرخ يا عيالة اللذينه اقول لكم عواااااااااااار بطني يحرررررقني .....
يمااااا بنات والله بهاللحظات تشهدت على روحي .... ذكرت عيالي وامي .... قعدت بسررررعه احاول اذكر شسويت شي زين بحياتي وشنو ذنوبي .... مر علي شريط حياتي كللللله جدامي .....
وانا ابجي واقول عيالي حرام عليكم .....ما حسيت بنفسي الا دخت شوي ....شوي والا تناديني الدكتوره وتقول لي الحمدلله على السلامه ....
الا اثاري انا بغرفة الافاقه وقاعده تقعدني .... هني يوم فتحت عيني وشفتها على راسي وعرفت انها بنجتني عام عقب سواد ويهها ... جان اقول لها ... انتي دكتورة التخذير والا يتهيألي ؟؟
جان تقول لي اي انا ...لا شعوريا قلت لها .. يابنت الكلب انتي اللي بعمرج المفروض بالبيت تقول قصص حق احفادها....روحي مو مبريتلج الذمه على اللي سويتيه فيني ....
وصعدت فوق ....السسترات ممتازيييييييين ورعايتهمو روعه ....
ثاني يوم العمليه طلعت على مسؤوليتي .....
تخيلوا بنات ... ماكو تكييف.... السنترال مخترب بالمستشفى كللللها :rgewrg: والله جنه قاعدين بتنور ....
صراحه خفت على الجرح لا يلتهب من الرطوبه
بنات الله يخليكم ادعوا حق بنتي لانها بالشيشه الحين ...وادعولي اقوم بالسلامه ....تخيلوا ...جرح العمليه عذاااااب ....وعوار بظهري مكان ابرة الظهر .... وصدري وارم علي .... ومن تحت يعورني شوي مال الربط ....وفوق هذا صارلي يومين حرارتي مرتفعه وجسمي يرجف من البرد
الحين يمكن ما اقدر ارد عليكم لاني رايحه الصباح حق بنتي اتطمن عليها ....
اي صج نسيت اقول لكم .... يبت بنت وسميناها هدى على اسم خالتي ام زوجي
وزنها اول مايبتها 2300 غرام والحمدلله على كل شي
الحمدلله رب العالمين ولدت يوم الاحد بتاريخ 27-2 .....
بس الله كتب لي عمر يديد بولادتي هذي ...صج صج مت وحييت :eh_s(11):
وانا اقول لكم بنات اللي تخاف او من النوع اللي توسوس لا تقرا قصتي....لان اللي صار معاي ممكن مايصير معاج ....كل شي قسمة ونصيب ....
المهم بنات.... انا والده قبل مرتين وولدي الاول يايبته بالسادس ....عشان جذي كانوا حاطين ببالهم اني ممكن اولد مبجر.... بنتي الثانيه يبتها بنص التاسع ....
المهم ....
بهالحمل من دشيت السادس كله يحوشني عوار ولاده ... وادش المستشفى ويعطوني ادويه توقف الطلق واطلع .... وطبعا كنت بالصباح ....لانهم ادرى بحالتي ومثل ماقلت لكم اني يايبه خديج من قبل فرعايتهم للخدج احسن من اي مكان ثاني وغير جذي دكتوري ممتاااااااااز وهو عارف حالتي عدل لان فيني اورام ليفيه بالرحم .....
دكتوري حط لي موعد للولاده بتاريخ 14-3 ...قيصريه طبعا وراح اكون بالاسبوع 38 ....
كان عندي موعد بتاريخ 24-2 .... رحت موعدي عادي وسويت سونار بالاول ..... والدكتوره تسويلي سونار اشوفها تكلم الدكتوره الثانيه ويعيدون الجزء اللي يسمعون فيه نبض الياهل ويطلع شي مثل الرسم البياني ويقعدون يحسبون .... عادوه يمكن عشرين مره ....
وانا اسالهم في شي ؟؟ يقولون لا ماتخافيش مفيش حاجه وانا قلبي ناغزني ....
خلصت وخذيت تقريري ورحت للدكتور .... وعلى حظي دكتوري مساافر وكان في دكتوره بداله ....شافت السونار جان تقول ان الحبل السري مو قاعد يغذي الياهل عدل :eh_s(11):
ولااااااازم تدشين المستشفى تحت الملاحظه .....
قلت لها دكتوره في حل ثاني .. لان الحين عطله ومااااابي يحوشني دكاترة الخفاره لاني ادري عنهم مأسااااة:eh_s(10):
قالت شوفي .... احنا قسمنا يمسك الخفاره يوم اللاحد تاريخ 27 ... من الحين ( الخميس ) للاحد تعالي كل يوم مرتين وسوي تخطيط وانا الحين راح اسويلج اوراق دخول المستشفى يوم الاحد بس اذا حسيتي العوار زاد او قلت حركة البيبي او نزل عليج شي تعااااالي بسرعه .....قلت لها خلاص شورج وهداية الله...
وهذي حالتي كل يوووووم مرتين ايي الصباح ....
لحد يوم الاحد طلعت الصبح مع ريلي رحنا كوفي بين شربنا قهوه وتريقنا خخخخخخخخخخ فراغه .....
وصلت المستشفى الساعه 8 الصبح ....دشيت الطوارئ عطيتهم اوراق دخولي ....ودخلت الليبروووم الساعه 9 الصبح ....
والا اشوف الدكتوره هناك ناطرتني يحليلها
بنات انا داشه عشان يخلوني تحت الملاحظه بس .... يعني كلللللش مو ولاده حتى قالت لي الدكتوره تظلين يومين عندنا وتطلعين....
يوم يحطوني على التخطيط الا طلقي 100 % وورا بعض حتى المؤشر كله فوق ولما ينزل بسررررعه يرتفع .... طبعا انا ويهي صار قوس قزح من كثر ماقام يقط الوان وقمت اضرب اخماس باسداس .....تقول الدكتوره شلوووون متحمله هالعوار ؟؟؟
والمشكله اني مو حاسه الا بالم خفيييييييييف .....
يت تفحصني لاني مسويه ربط لعنق الرحم ....شافتني مفتوحه 2 سم ... والربط مشدوووود يعني كان ممكن باي لحظه ينفجر الرحم وانا مووووووووووحاسه :eh_s(16):
ما اشوفها الا نادت الدكاتره وييولي 4 دكاتره غيرها وقالوا الحين بسرعه تدش العمليات ....
وانا اقول لهم هاااا منو ؟ شنو ؟ ليش ؟ شحقه ؟ وصج فصلت على الدكتور اقوله ليييش انا شسويت خخخخخخخ .....
المهم بسررررعه ودوني العمليات وبالغصب وانا بالممر عطوني التلفون عشان اقول حق ريلي ....دقيت عليه قلت له اني رايحه العمليات الحين ....ضحك قال مو وقتج بناااام ... اقول له والله الحين بيولدوني ...وبلش الفلم الهندي ... هالله هالله بعيالي .... برلي الذمه وسامحني اذا ضايقتك بيوم .... وميخالف عمري اذا بتتزوج ماراح ازعل ولا راح اطلع لك بأحلامك ....بس لاتنسى كلام الرسول صلى الله عليه واله ..فاظفر بذات الدين ....دورلك وحده تكون ام حق عيالي مو تشبع غريزتك وبس :rgewrg:
طبعا هني صدق لما سمع طاري الثانيه عرف ان السالفه صجيه
والهنديه فوق راسي تسحب التلفون مني وتقول ممنوأ ممنوأ كلاس ....
المهم دشييييييييييييت العمليات .... وهني بلش فيلم الررررعب .......
( للحوامل صاحبات الاحساس المرهف ممنوووووووع القراءه:eh_s(7)
دشيت وكنت حاطه ببالي اني اخذ ابرة الظهر وكنت حاطه ببالي اني اخذها هالمره لاني وايد كنت ارتاح عليها ودايما اي وحده تسألني عنها اقول لها اخذيها....
يتلي دكتوره التخدير .... انا عبالي سستر ... والله يابنات مايي ببالي انها مالة التخدير لانها اكبر من يدتي :eh_s(10):وكل شي فيها يررررررررررررجف حتى نظارتها :eh_s(10):
وبلشت تحط ابرة الظهر ....بنات انا قبل ماخذه ابرة الظهر 4 مرات وهذي الخامسه ....من اول مابلشت تشتغل والله العظيم حسيت في شي غلط .....هني تشهدت وقمت اقرا قران بصوت واطي ودموعي تصب بدون صوت ....
يالي الدكتور اللي بيسويلي العمليه ... طبعا مو دكتوري بس اهو من الدكاتره الممتازين بعد بالصباح وصج شهادتي فيه مجروحه... الله يعطيه العافيه دكتور طارق ....
المهم يي جابلني ومسك ايدي وقال ردي وراي ... وقام يقرا بصوت عالي ادعيه وقصار السور ... اهو يقرا بصوت عالي وانا اردد وراه ....وذيك مالة التخدير تشتغل واشوف دكتور طارق يطل ورا ظهري ويرد يطالعني ويقرا قران بصون اعلى .... هني تاكدت ان في شي غلط ....لحد ماخلصت ....قال الدكتور بصوت عالي اخييييرا ....
رفعوا ريلي حطوه على السرير على اساس يبلشون...
نطروا جم دقيقه عشان تتخدر ريولي ..... شوي جان تحط الدكتوره شي على خصري وقالت شنو هذا؟؟؟ قلت لها ثلج ....طبعا والله ماشفت شنو هذا بس حسيت فيه ... هني قالت لي مو حاسه بتنميل بريلج .. قلت لا ....نطروا شوي .... عادت نفس الحركه ونفس الاسئله ...جان ارفعلهم ريلي الثنتين واقول لهم قاعده احرك ريلي عااااااااااادي ولا حاسه باي تخدير او تنميل ....هني يي بسرعه دكتور ثاني مال التخدير ...ويقلون لا يتاهيألج ....واقول لهم شلوووون يتهيألي وانا قاعده احرك كل شي عااادي .....
هني بدا التفلسف على راسي .... يقولون في بعض الحالات ممكن ان المريض يتحرك عادي ....بس ينعدم الاحساس وماراح تحسين باي شي ... قلت لهم عيل شلون كل شوي احسن بالثلج وبردوته ... المهم واهم يكلموني ... والله والله والله يابناااااااات حسيت بشي يفتح بطني ..... واااااااااااي قاعدين يفتحون بطني وانا صااااااااااااحيه :eh_s(11)::eh_s(11)::eh_s(11):
صررررررررررخت من قمة راسي اقول شقاعد تسوووون انا واااااااعيه وحاسه بالعوار ...يقولون لا يتراوالج ....
قمت اصرخ يا عيالة اللذينه اقول لكم عواااااااااااار بطني يحرررررقني .....
يمااااا بنات والله بهاللحظات تشهدت على روحي .... ذكرت عيالي وامي .... قعدت بسررررعه احاول اذكر شسويت شي زين بحياتي وشنو ذنوبي .... مر علي شريط حياتي كللللله جدامي .....
وانا ابجي واقول عيالي حرام عليكم .....ما حسيت بنفسي الا دخت شوي ....شوي والا تناديني الدكتوره وتقول لي الحمدلله على السلامه ....
الا اثاري انا بغرفة الافاقه وقاعده تقعدني .... هني يوم فتحت عيني وشفتها على راسي وعرفت انها بنجتني عام عقب سواد ويهها ... جان اقول لها ... انتي دكتورة التخذير والا يتهيألي ؟؟
جان تقول لي اي انا ...لا شعوريا قلت لها .. يابنت الكلب انتي اللي بعمرج المفروض بالبيت تقول قصص حق احفادها....روحي مو مبريتلج الذمه على اللي سويتيه فيني ....
وصعدت فوق ....السسترات ممتازيييييييين ورعايتهمو روعه ....
ثاني يوم العمليه طلعت على مسؤوليتي .....
تخيلوا بنات ... ماكو تكييف.... السنترال مخترب بالمستشفى كللللها :rgewrg: والله جنه قاعدين بتنور ....
صراحه خفت على الجرح لا يلتهب من الرطوبه
بنات الله يخليكم ادعوا حق بنتي لانها بالشيشه الحين ...وادعولي اقوم بالسلامه ....تخيلوا ...جرح العمليه عذاااااب ....وعوار بظهري مكان ابرة الظهر .... وصدري وارم علي .... ومن تحت يعورني شوي مال الربط ....وفوق هذا صارلي يومين حرارتي مرتفعه وجسمي يرجف من البرد
الحين يمكن ما اقدر ارد عليكم لاني رايحه الصباح حق بنتي اتطمن عليها ....
اي صج نسيت اقول لكم .... يبت بنت وسميناها هدى على اسم خالتي ام زوجي
وزنها اول مايبتها 2300 غرام والحمدلله على كل شي
