zizo0ou
New member
- إنضم
- 18 يوليو 2009
- المشاركات
- 444
- مستوى التفاعل
- 0
- النقاط
- 0
نوف : شفيك حبيبي
منصور : هلا
نوف: شفيك ؟
منصور: لا ولا شي
نوف: منصور شنو ولا شي و انت من اول ما سديت الفون و مالك خلق و لا تكلمت ولا شي؟
منصور : مافيني شي حبيبتي خلاص
و قام و راح خذاله شور
و بدل و نزل تحت
و نوف قامت و خذتلها شور و بدلت و نزلت
حصة : وين يمه نوف ؟
نوف: خالتي بروح اشتريلي جم شغلة من الجمعية
حصة : خلاص مو تطولين
نوف: انشاء الله تامرين على شي
حصة : سلامتج حبيبتي
و طلعت نوف
** بالمدرسة عند شوق
كانت شوق توها بتدخل الصف
شوق :السلام عليكم
الطلاب : و عليكم السلام و رحمت الله و بركاته
شوق: جلوس
الطلاب " شكرا لك يا معلمتي
و قعدت تشرح و بعد فتره
شوق : عزيز شفيك ما قعد تجاوب ؟
عزيز : ابلة احس اني تعبان و دايخ
شوق: فيك شي حبيبي
عزيز : ما ادري شنو فيني
شوق: قوم تعال عندي
و اهو رايح عندها طاح على الارض على طول راحتله شوق و شالته وودته غرفة الممرضة
الممرضة : حرارته مرتقعة شوق اتصلي على اهله
شوق: ما ارعف رقمهم
الممرضة : هاج البطاقة و دقي على الرقم الموجود
و كان محطوط رقم ضاري على البطاقة
شوق: وين التليفون
الممرضة : اتصلي من تليفونج ماكو خط مني
شوق: هههه اوكي
و اتصلت
ضاري : الوو
شوق: هلا الاخ ضاري
ضاري : اي نعم تفضلي اختي
شوق: انا ابلت عزيز شوق
ضاري : هلا ابلة شوق امري
شوق : عزيز شوي تعبان و يفضل انكم تيون و تاخذونه من المدرسة
ضاري : اي انشاء الله ثواني و اكون عندكم
شوق: مشكور يالله مع السلامه
ضاري : مع السلامة
شوق: شلون صار الحين
الممرضة : انشاء الله بتنزل حرارته انتي روحي صفج ولا تحاتين
شوق : لا عادي كلمت ابلة امنة و قعد تدرسهم بدالي الحين
و وصل ضاري بعد دقايق
ضاري : هلا ابلة وين عزيز
....: بغرفة الممرضة تفضل
ضاري : مشكورة
و دخل الغرفة و شاف شوق و الممرضة
شوق : اهلن اخ ضاري
ضاري : شلونه الحين انشاء الله صار زين
الممرضة : حرارته مو راضية تنزل اهو يفضل انك تاخذه المستشفى
ضاري : اي اوكي خلاص
و قام و شال اخوه و توه بيطلع من الغرفة
شوق : اخ ضاري لو سمحت اذا ممكن تتصل علي تطمني على عزيز اذا تحسن حالته
ضاري : اي اوكي
و طلع ضاري ووده اخوه المستشفى
بعد نهاية الدوام
كانت شوق بالطريق بترجع البيت ولا يرن فونها
شوق: الوو
ضاري : هلا ابلة شوق
شوق: هلا فيك شلون عزيز
ضاري : ماكو توه مدخلينه غرفه العمليات
شوق: ليش ؟!
ضاري : قالو فيه الزايدة و بيسووله العملية
شوق: ما يشوف شر
ضاري : الشر ما ييج
شوق: ممكن تعطيني رقم الغرفه لمن يطلع ؟
ضاري : ايي انشاء الله
شوق: انا لازم اصكر التليفون الحين اخ ضاري تامر على شي
ضاري : لا سلامتج يالله مع السلامة
شوق: باي
و سدته و اول ما دخلت البيت كان مبين عليها انها متضايقة
حصة : يالله يمة بدلي بسرعة و تعالي بنتغدا
شوق بصوت و كان مبين من صوتها انها متضايقة : ماني ماكلة اكلو بروحكم
نوف: شوق شفيج
شوق : ما فيني شي
و صعدت دارها
نوف: انا بروح اشوف شفيها و ايي
حصة : خليها يمه قعدي تغدي
نوف: لا خالتي ماني مشتهية بعدين اكل وياها
و صعدتلها الدار
كانت شوق قعد تبجي
نوف: شوووق !!! شفيج ؟؟
شوق: عزيز بالمستشفى
نوف: شفييه ؟
شوق: بيسووله عملية
نوف: عملية شنو خرعتيني
شوق: الزايده
نوف: مو من صجج
شوق: شنو ؟
نوف: قعد تبجين علشان بيسووله عملية الزايده تراها مو خطيرة عادي كلها ساعة و يقوم
شوق : لا بس حراام توه صغيير
نوف: اقوول قومي مسحي دموعج و نزلي تغدي ويانا
شوق: اوكي يالله امشي
و نزلو تحت
منصور: اشوف كا مافيج شي نزلتي
شوق: ايي نزلت خفت تاكلون الاكل انت و مرتك و تخلصونه
منصور: اقوول انتي حمدي ربج ان مرتي يت و واستج
شوق: شكو اصلن كنت ببدل و بنزل
نوف: لاا
شوق : اييي
و قعدو و كلو و ورا الغدا قعدو بالصالة
منصور : ايي صج نوف على المغرب جذي بدلي علشان بنطلع
نوف : وين بنروح ؟
منصور : يعني وين بيت خالتج مها ولا شنو نسيتي ان اليوم الخميس
نوف: ايي صح
** بعد صلاة المغرب
صعدت نوف دارها و لبست بنطرون جينز و بلوزة فوشية و سوت شعرها عجفه و لبست جنطه فوشيه فيها ورود بيضة
و نزلت تحت
نوف: شوق وين منصور ؟
شوق: طلع بره قال لمن تيي نوف ختيلي بره
نوف: اوكي انا بروح باي
شوق: بايات
و طلعت نوف حق منصور و راحو بيت مها
اول ما وصلو نزلت نوف و سلمت عليهم و قعدت مع البنات
ريم : وااي نوفو اشتقت لج
نوف: اشتاقت لج العافية الا ريوم وين مريم ؟
ريم : شوي و يوون ليش؟
نوف: والله مادري شقولج صايره غريبة هالبنت
ريم : ليش ؟
نوف: تتصل علي و تسولف و مادري شنو
ريم : مو من صجها
نوف: الا بسالج عليوي ما يقول شي عن منصور؟
ريم : نوو ليش ؟
نوف: بس اسال لان هذاك اليوم مريم قالتلي ان يبي رقمه
ريم : ولا يكون عطيتيها ياه ؟
نوف: ايي ليش ؟
ريم : لا بس قعد اسال
نوف حست ان في شي غريب بهالموضوع : مم اوكي
و بعد دقايق دخلو شيخة و بناتها سلمو و قعدو فرح و مريم مع نوف و ريم
مريم : هلا نوف شلونج
نوف: بخير الحمدلله
مريم : شفيج ما تردين علي دقيت شكثر علييج
نوف: صج مادري ما سمعت فوني
و طلعت جنطتها بتشوف تليفونها
نوف: مو موجود يمكن نسيته بالسيارة
و راحت عند منصور
منصور: هلا حياتي امري
نوف: ما يامر عليك عدو حبيبي ابي مفتاح السيارة
منصور: ليش ؟
نوف: شكلي ناسية فوني بالسيارة
منصور: خلاص خلج هني و انا بروح اييبه
نوف: مم اوكي
و راحت و قعدت نوف مكانها
مريم: ها وين طلع
نوف: ماكو منصور الحين بيروح ييبه من السيارة
** عند منصور بالسيارة
منصور: هذا منو الي داق عليها .... مو جنه رقم ......
)( يتبع )(
سوري بنات بي هذا كل الي اقدر اكتلكم ياه الحين و انشاء الله انزل البارت الياي بالويك اند لان هالاسبوع عندي اختبارات قصيرة
sweet.sanfoora
New member
zizo0ou
New member
- إنضم
- 18 يوليو 2009
- المشاركات
- 444
- مستوى التفاعل
- 0
- النقاط
- 0
منصور: هذا منو الي داق عليها .... مو جنه رقم ......
_-----------------_
منصور: لا لا ما اعتقد
و خذا الفون و رد داخل
نوف : ثانكس حبي
منصور: ولو
مريم كانت قاعده تطالعهم و ميته قهر " جنه ما نفع الي سويته "
ريم : مريم قومي نجبو العشا
مريم: مو مشتهية اكل
ريم: كيفج
و راحو و تعشو و ورا العشا
ريم: امشو بره الجو حلو خل نقعد بالحديقة
نوف: ايي والله
ريم: امشي ... " بصوت عالي شوي " الي بيي بره خالايي انا و نوف بنروح نقعد
احمد : شنو المغزى من هالشي يعني ؟
علي : ايي والله شنو يعني
ريم: يعني احنا بنروح الحين و اليي بيي خل ايي ما يبيلها ذكاء :s
احمد : خلاص روحو احنا شوي و نيي
و طلعو بره و بعد دقايق طلعو الشباب
منصور: نوف يالله !
نوف: مم اوكي
منصور: يالله شباب نشوفكم يوم ثاني
احمد : وين تو الناس ما شبعنا منك " و طالع نوف و اهو يتكلم "
منصور: ماكو بنروح البيت نوف تعبانه
علي : ما اشوف ان فيها شي
نوف: بروح انام تعبانه
علي : خلاص انتي ردي بروحج و خلي ريلج يقعد ويانا
نوف: ما اعرف انام الا و اهو يمي
منصور لف ويها و مشى ولا تروح وراه
و ردو البيت
فوق عند نوف و منصور
منصور: شفيج قلبتي على علي اخر شي ؟
نوف: قثني
منصور: حياتي حتى لو ما تردين علييه جذي
نوف: خلنه منه الحين
منصور: ايي صح
* بيت مها بالحديقة
مريم كانت توها طالعه و رايحه الحديقة
مريم : وين نوف ؟
ريم : راحت
مريم : و ريلها وياها
ريم : اكييد
احمد : انتي شفيج باخر فترة المحبة نزلت فجأة
مريم : شكو بس كنت قعد اسال عنها
قعدت وياهم و مسكت فونها تدز مسج " افا يا حياتي تطلع و ما تقولي اوكي قلبي انا مشتاقتلك و ودي اسمع صوتك اذا وخرت اللزقة عنك اتصل اوكي "
** عند منصور و نوف
كانو قاعدين بالصالة يشوفون فلم و وصل حق منصور مسج
ما شافه منصور
نوف: حياتي شوف فونك ليته يقث
منصور: مالي خلق اقوم و اخذه قومي شوفيه
راحت نوف و لمن شافت المسج و قرته نصدمت و راحت يمه عطته الفون و راحت عند شوق باالدار و دخلت و قفلت االباب
شوق: شفيج نوف حبيبتي
نوف " و اهي تبجي " : شوق .......
شوق: نوفو خوفتيني شفييج
** عند منصور
" شفيها مره و حده ركضت فوق "
و خذا فونه و شاف المسج تنرفز و راح داره ما لقاها و طق الباب على شوق
منصور : شوقو فجي الباب
كانت نوف قايتلها عن المسج
شوق: منصور خل البنت ترتاح شوي و بعدين تعال
منصور: بس بقول شي فجي الباب
قامت و فجتله الباب
منصور: نوف تعالي وياي
نوف : --
منصور راح و سحبها من ايدها و راحو الدار
منصور : نوف فهميني انا ما اعرف منو الي داز المسج ولا شي
نوف : شلون ما تعرف و كاتبه حبيبي و قلبي
منصور: صدقيني هذي وحده صايرله جم يوم تاذيني كله مسجات و تتصل و مالي خلقها و لا اعرفها اصلن
وصل حق منصور مسج ثاني " مشتااااقتلك ترا طولت علي متعودة اسمع صوتك كل يوم هالحزة ما يصير جذي "
نوف: روح شوف المسج
منصور : ما راح اشوفه
نوف خذت الفون و قرت المسج تنرفزت زيادة
نوف: و مالك شغل بعد اوكي خلها تنفعك
خذت مفتاح سيارتها و طلعت من البيت و كانت بتروح بيتهم بس عرفت ان اول مكان منصور بيروحله فراحت على البحر و اتصلت على ريم
ريم : هلا نوف
نوف و اهي تبجي : ريوم وخري من يمهم شوي
ريم : ليش تبجين
نوف : ريوم منصور !!
ريم : شفييه ؟!
نوف بس تبجي
ريم : نوف وقفتي قلبي شفيه منصور
نوف: ريم منصور يخوني يعرف وحده ثانية و تدزله مسجات و يشوفها و مادري شنو
ريم : و شلون عرفتي
نوف : اليوم شفت انها دازلته مسج
ريم : نوف انتي وينج الحين ؟
نوف: على البحر
ريم : يعني طلعتي من البيت
نوف : شرايج يعني ؟
ريم : نوف حبيتي انتي تاكدي بالاول لا تضلمين ريلج يمكن ماله ذنب
نوف: اقوولج شفت المسج بعيوني تقوليلي لا تضلمينه
ريم : يمكن وحده بتخرب بينكم
نوف: ريوم وحده بتخرب بينا كاتبه انا متعوده اكلمك كل يوم وو مشتاقتلك ؟
ريم : والله مادري شقولج
نوف: ريوم انا اخليج الحين و بعدين اتصل
ريم : اوكي حبيبتي يالله باي
نوف:باي
ريم : مو من صجها مو زيين تطلع مريمو
مريم : شفيها نوف
ريم : مافيها شي داقه تسولف
علي : مو قالت تعبانه و بتروح تنام ؟
ريم : ايي تقول قعدو يسولفون و شافو فلم و تقول ما يتها النومة
احمد ما كان مقتنع بالكلام
ريم : ايي صج مريوم ابيي فونج شوي
مريم : ليش ؟
ريم : ابي الصور الي صورناهم هذاك الليوم
مريم : ايي اوكي هاج
خذت ريم الفون و دزتلها جم صورة و بعدين دشت صوب الرسائل المرسلة و لا تلقى مسج نفس الي نوف قالتله عنه و كان مكتوب الى منصور استغربت و تنرفزت بنفس الوقت
ريم : انتي شنو ما تخافين ربج ؟
مريم : شفييج تصارخين علي
ريم : و انا كنت متوقعه انج كنتي متربية بس حساافة اني اعرفج
علي : شفيج تغلطين عليها
ريم : الاخت هذا الي تسوي روحها شريفة بتخرب بيت نوف بس مو عارفة شلون ... احمد عطني فونك شوي
عطاها ياه و اتصلت على منصور
منصور : هلا احمد
ريم كانت حاطته سبيكر : هلا منصور انا ريم مو احمد
منصور: هلا ريم
ريم : منصور ممكن تقولي الرقم الي قعد تييك منه المسجات ؟
منصور : ايي اوكي .......
و قالها الرقم
ريم : مشكور مع السلامه
منصور : مع السلامه
ريم : ها شفتوو البنية الحين طالعه من البيت و منهارة بجي و هالزبالة قاعده مني و مستانسة قوليلي اذا صار فيها شي شنو بتستفيدين ؟
مريم : انا شكو
ريم : شنو انتي شكو الرقم الي منصور قاله مو رقمج ولا تستهبلين و انت " تأشر على علي " و نعم الرجولة الي فيك
علي : يوم سمع الكلام راح و طق مريم طراق و تلها و دخلها بيت خالتها و داخلها طقها مره ثانية
مريم" انت شكو تمد ايدك علي
شيخة : علي شفيك تتطق اختك ؟
علي : بنتج .... اه ه ه ماني قاجر اقول شنو مسوية
دخلت ريم : انا اقولج شنو مسوية الشريفة المتربية بنت خالتي
مريم : خلاص ريم ماله داعي تعيدين نفس الكلام
ريم : ليش خايفة يعرفونج على حقيقتج؟
و قالتلهم ريم السالفة
شيخة طقت بنتها و خذتها و راحو البيت
مها : و الحين وين نوف ؟
ريم : مادري حاولت ادق عليها بس ما ترد
احمد كان واقف بره و قعد يتصل على نوف
دق عشر مرات و باخر مره ردت عليه
احمد : نوف وينج ؟
نوف: انا الحين بروح البيت
احمد : نوف ابي اشوفج قبل لا تروحين البيت
نوف:
)( يتبع )(
انشاء الله يعجبكم البارت
و ابي توقعاتكم و نوف راح تروح حق احمد ولا لا و ترجع حق منصور ؟! انتو توقعو شنو راح يصير
رفيف الورد
New member
- إنضم
- 13 نوفمبر 2008
- المشاركات
- 1,184
- مستوى التفاعل
- 1
- النقاط
- 0
تسلمين حبيبتي عالقصه يااللي غلاج تتحلى القلوب بوجودها معاج يا أصيلة الطيب وربي يخليج لأهلج وأحبابج
أنا أتوقع نوف راح تروح حق منصور لأن ريم راح تدق على نوف وتقول لها السالفه كلها
أنا أتوقع نوف راح تروح حق منصور لأن ريم راح تدق على نوف وتقول لها السالفه كلها
zizo0ou
New member
- إنضم
- 18 يوليو 2009
- المشاركات
- 444
- مستوى التفاعل
- 0
- النقاط
- 0
نوف : ليش ؟
احمد : بس حبيت اقولج شغلة
نوف: اوكي قولها بالفون
احمد : ما ينفع
نوف ما كان لها خلق احد ولا شي : اوكي انا الحين بروح بيتنا تعال هناك
احمد : اوكي
و سدته نوف و راحت بيتهم و اول ما دشت لقت ياسر قاعد بالصالة و اهو انصدم يوم شافها يايه و مبين عليها انها تعبانه
ياسر : نوف !! شفيج ؟
راحت و لمت اخوها و بجت
ياسر : نوف شفيج تبجين قوليلي شفيج
نوف: ياسر منصور
ياسر : شفيه
نوف: .....
ياسر : نوف تراج قعد تنرفزيني قوليلي شفيه ريلج ؟
رن الجرس و راح فتج ياسر الباب و كان احمد اهو الي ياي دخل و راحو و قعدو بالصالة
احمد : نوف ادري بتحسين اني ملقوف بس ترا منصور ماله ذنب
نوف:احمد شنو ماله ذنب انا شفت كل الكلام بعيني
احمد : المشكلة ان .......مريم ....
نوف: شفيها مريم
احمد : اهي الي كانت قعد تخرب بينكم " كان متردد قبل لا يقولها "
نوف: شنو !! " حست جنه احد صاكها كف "
احمد : مثل ما سمعتي مريم اهي الي كانت تحاول تخرب بينكم
نوف حست انها ضلمت منصور
و بعد دقايق يي منصور بيتهم اول ما شافها راح قعد يمها و توه بيقولها السالفة
نوف: سوري حبيبي والله ادري ان مالك ذنب
منصور: شفتي شلون انتي ما خليتيني اكلمج على طول عصبتي و طلعتي من البيت
نوف: يعني لو كنت مكاني شنو كنت بتسويي ؟
منصور: ... خلاص امشي نرد البيت
نوف: لا منصور انا ودي اقعد اليوم اهني اريح شوي
منصور: خلاص انا اقعد وياج
احمد تنرفز : يالله انا استأذن
نوف: احمد
احمد : هلا
نوف: طمن ريم اوكب
احمد : انشاء الله
نوف: و مشكور تعبتك وياي
احمد : لا شكو تعبج راحة
و طلع و راح بيتهم و كلم امه و ريم و طمنهم
** عند شوق
كانت شوق قاعدة على سريرها تنطر احد يتصل و يطمنها بعد دقايق رن فونها
اول ما شافته كان رقم غريب استغربت و بعد فتره ردت
شوق : الوو
...: هلا شوق
شوق: لها منو معاي ؟
...: انا ضاري
شوق استغربت : هلا اخ ضاري
ضاري : ادري بتقولين شفببه هذا متصل و جذي بس الصراحة مادري شقولج
شوق: خير انشاء الله عزيز مافييه شي
ضاري :لا عزيز بخير و يسلم عليج الصراحة انا الي فيني مو عزيز
شوق: استغربت : نعم!!
ضاري : الصراحة انا اول ما شفتج دخلتي قلبي و حبيتج و
شوق: اخ ضاري انا مو مالت هالسوالف و اذا تبي تلعب دورلك اي وحده غيري
ضاري : انا مو قصدي اني العب او اي شي انا ابيج بالحلال
شوق : نعم !1
ضاري : انا الحين اخليج تفكرين بالموضوع و لو سمحتي رديلي خبر باسرع وقت
شوق: اوكي
ضاري : يالله مع السلامه
شوق: باي
سدت شوق الفون و حست بشعورغريب " امبي لا مو صج ماني متخيلة الموضوع شنو انا بعلم ولا بحلم " قطعت افكارها رنت فونها و كانت منصور اهو المتصل
شوق : هلا منصور
منصور: هلا شوق
شوق: ها وين نوف ؟؟
منصور: كاهي يمي .... ايي صج قولي حق امي ان بنام بيت نوف و ياسر و باجر لا تحسب حسابنا على الغدا
شوق : اوكي
و سد الفون
** ببيت مها
ريم : واااي هذي مريم مادري شلون عايشة مادري شنو استفادت بالي سوته
مها : مالج شغل فيها ,,,, يمه ريم حاولي تتصلين على نوف تشوفين شنو صاري معاها
توه احمد داخل البيت
ريم: انت وين رحت
احمد : كنت عند ياسر و نوف
مها : بشر شلونها الحين
احمد : لا الحمدلله ردت اهي و ريلها ولا جنه شي صاير
ريم : الحمدلله,,,,,ويمه مالج حق تعزمين الزفت خرابة البيوت بيتنا
مها : شلون ما راعمها و اهي بنت اختي
ريم : يما شنو بتينها تخرب بيتنا و تييبلنا المشاكل والله انا وحده مالي خلق مشاكل ولا ابي اعرفها ولا تعرفني
مها : شنو تبيني اسوي يعني مالي غير اخت وحده اطردها من بيتي ؟
ريم: مو عن جذي بس قوليلها اذا بنتها بتيي خل تلزم حدودها
و صعدت ريم دارها و نامت
** عند نوف و منصور
منصور : حبيبتي ليلحينج زعلانه ؟
نوف: نو
منصور: ممم
نوف: انا دخت بروح انام
و هذي اول مره نوف تهد فيها منصور و تروح تنام قبله
** ثاني يوم الصبح عند شوق
كانت توها قاعده من النوم ولا تلقى miss call من ضاري
حطت فونها ونزلت تتريق و بعد ما صعدت لقت مسج
" شوق فكرتي بالموضوع ولا لا تراني ناطردج على نار حاولي تردين علي بسرعة "
قعدت شوق تفكر توافق ولا لا
)( يتبع )(
سوري بنات بس ه1ا كل الي اقدر اكتبه الحين
$ فراولة $
New member
- إنضم
- 10 سبتمبر 2008
- المشاركات
- 1,677
- مستوى التفاعل
- 0
- النقاط
- 0
فيلجـ كول ـاويه
New member
- إنضم
- 11 أغسطس 2009
- المشاركات
- 2,583
- مستوى التفاعل
- 0
- النقاط
- 0
$ فراولة $
New member
- إنضم
- 10 سبتمبر 2008
- المشاركات
- 1,677
- مستوى التفاعل
- 0
- النقاط
- 0
