شلونكم بنات شخباركم ؟؟؟
القصة هذي خطيييييييييييييييييييرة انصحكم تقرونها
(قصه مـــحــتـــاجــلـــك)
(قــصــه واقــعــيـــه)
@طـــلال & نـــــوره@
للكاتبه: صـمـت الـقـلـب
٨
>>>>الـــبـــدايـــة<<<<
يما يما يلا زهبي عدتي ربعي ناطريني برا
الأم :وين ياوليدي..؟
طلال:كالعاده بروح للبر
الأم :يالله بحفظ الله
طلال وهو يبوس راس أمه:الله يخليج لي يالغالية
طلال راح مع ربعه علي وعمر هذول ربعه من كانو صغار وباقي الشباب رايحين للمخيم تعرفون الشباب وفصلاتهم
سهر وضحك ومصخره ويظغطون بعضهم
أحب اعطيكم نبذه عن طلال وربعه علي وعمر
طلال انسان مافي مثله اخلاق وحبابه وكان الكل يحبه لأنه انسان جدا مرح وكمدي طلال عاشق البداوه طبعه بدوي يحب البر والمكشات وطلال جدا جميل وسيم (مزيووووون) عيونة كبار سود وحواجبه المرسومه الي تخلي الواحد يغرق في جمال عيونة وكان مسوي سكسوكه وطلال متوسط القامه وجذاب حيل كلمه مزيون شوي علية وبنات عمه كلهن ميتات عليه لكن هو مايعطي وجه هذي نبذه عنة
اماعلي كان يتميز بستايله لأن انسان حظري وطيب وحبوب وهو اكثر واحد يظغطه طلال وهو بعد وسيم
اما عمر انسان حبوب وطيب ونكته وأخلاقه حلوه بس عيبه انة جييييكر وماينبلع مسمي نفسه (جيكر بس مزيون)
هذي نبذه عنهم
اكمل القصه وهم قاعدين بيت الشعر قال طلال وهو شايف نفسه بضحك:ياخي أنا البنات جنني ياخي ازعجني ماني عارف ارتاح
عمر:لاولله شايف نفسك انك حلو حتى أنا ياخي البنات جنني ياخي مايردن علي
طلال:هههههههههههههه طلال فارط من الضحك
والشباب ماتو من الضحك على عمر
عمر بضحك:ياخي شسوي بخلقتي الله خلقني كذا تصدق شكلي بروح لبنان مثل الربع عشان يرقعون بوجهي هههه
علي:الصبي حتى لو كان جيكر مايعيبه البلا بالبنت بصراحه الله عين البنت الجيكره اطيح بجبد اهلها وتعنس عنوسه ابديه
طلال:هههه ياحبيبي حنا في زمن الشفط والنفح تجيك الوحده براطمها تشوفها عن بعد كيلو ولله انه براطمها تقول تيوبات سياره خخخخ
الشباب الي بالخيمه خارج نطاق التغطية من الضحك
عمر وهو فاصل من الضحك:الله يقطع بليسك يا طلال بطونا ذبحتنا من الضحك
بعيد عن مصخره الشباب وضحهكم نروح لبيت عمام طلال
اليوم الجمعه وطبعا في غدا بيت جدهم ام طلال وعمات طلال قاعدين يسولفون عن ابراهيم ولد عم طلال لأن ملجته بكره واستأذو البنات وراحو قعدو بغرفه بروحهم هم اربع بنات ندى و ريم وأنوار و خلود هذول كلهن ميتات على طلال
ريم:ياناس ولله احبه بس هو مايعطيني فرصه
ندى:اقول ارتاحي أنا أحلى منج وأمه حاطه العين علي
أنوار:لا انت ولا هي ياربي ولله انة معذبنا يختي ما أقدر اقاوم جماله
تعرفون قعده البنات كل وحده تقول طلال لي فجأه
خلود قالت بنات طلال بصاله بروحه
البنات انهبلو
ندى:انا بقهويه
ريم:وين الحمره ياندى بسرعه طلعيها
أنوار :ولله الي تطلع وراي ياويلها
البنات بصوت واحد :لا ولله مو بكيفج
طبعا المسكين طلال مايدري شبيصير فيه الحين
كلهن تدافعن على باب الصاله وقعدو يطالعون طلال من ورى الباب والخبله خلود جت متأخره ودزت البنات وكلهن طاحو جدام طلال بصاله وطلال قعد يطالعهم وضحك عليهم لأن اشكالهم اتضحك فوق بعض
من الفشله والمصخره الي صارت البنات فزن بسرعه راحو يركضون فوق
الا طلال ينادي بصوت عالي شوي
ريييم
ريم ماصدقت على الله جت تركض واطالع طلال بنظرات فاهية (من الحب ما قتل)لووول
قالها طلال وكان قاعد يمه أخوه الكبير اسمه بندر متزوج
قال ريم روحي جيبي فوطه وامسحي فيها وجهج ووجيه بنات عمج لوووول
طلعت وهي متفشله من الموقف البايخ الي صار
بيت طلال وتحديدا الصاله
دخل طلال وامه كانت قاعده تقرا قرآن
طلال :تقبل الله
امه:منا ومنك صالح الأعمال
طلال:أخبارك وأخبار العوبه جواهر (أخته الصغيره عمرها ١٧)
الأم:بخير ياوليدي
ها مالك نية تعرس
طلال:لايمه تعرفين الزواج مسؤلية ونا مالي خلق ليش حاطه وحده براسج؟
الام:ياولدي بنات عمك فيهن الخير والبركه
طلال:انت مصجج يمه بنات عمي!
الأم:اي شفيها ريم بنت ماعليها
طلال:يما أنا مابي بنات عمي المشفح
خلاص يمه أذا كلمت ٢٧ تعالي كلميني بالعرس ابي استانس بأول عمري
(طلال عمره ٢٣)
طلال انسان كان يتمنى بنت فيها المواصفات الي هو يبيبها
يبي بنت خلوقه محترمه حكيمه وجميله هذي الصفات مولاقيها بنات عمه المشفح
كالعاده الثلاثي المرح طالعين للمخيم بهذا اليوم ماكان بالمخيم إلا طلال وعمر وعلي
كانت الساعه ١٠ بليل وكانو قاعدين بيت الشعر ومشغلين النار هالرمث والقعده الحلوة وكل واحد يقول قصيده وكان طلال يقصد لأن صوته حيل حلو كان يغني
(مشتاقلك حيل والله يقطع الحاجه)
واطربهم بصوته
عمر:شرايكم يالربع نروح نجربع
(يصيدون جرابيع)
علي:ياأخي شتبي فيه تصيده اقصاه فار وصخ
عمر:أقول اسكت اسكت يالحظري هذا جربوع جربوع
طلال: ههههههاااااي يلا عمر جهز الجزه حق الصيد(الجزه يعني شبكه فيها عصا)وهم يجربعون نزلو علي خلوه يلحق واحد تعال شوف التعليقات والضحك بصراحه علي تمصخر
نزل طلال مع علي عشان يصيد الجربوع وعمر قعد يسوق الوانيت
بعد ما خلصو من الجربعه
دق تلفون عمر:هلا يا امي العزيزه
ام عمر:هلا فيك ياعمر اقول أنا مسوية لك ولربعك عشا
عمر:تسلمين يالغالية اي ولله بطونا حاكتنا من الجوع
ام عمر:يلا تعالو قبل لا يبرد
عمر:ابد خمس دقايق وجايين
عمر:يالربع الوالده عازمتا على العشا وملزمه
علي:شنو عشاكم
عمر وهو يغمز لطلال:ولله عشانة مفطح جرابيع
علي ولايعه جبده:لا خلاص آنا بروح ماكدونالدز
عمر:لا مافي العشا عندي
هههههههههههههههه
وهم قاعدين بديوانية دخلت ام عمر تسلم على طلال وعلي
شلونكم ياعيالي شخباركم؟
الشباب:هلا ولله خاله بخير دامج بخير
عمر:يما وين العشا ترى ذبحنا الجوع
ام عمر:ابشر ياوليدي دقايق
وهم يتعشون
علي:تصدق طباخ امك شي
عمر:حاظرين للغالين
طلال: كثر الله خيركم
عمر:عوافي
طلال وهو رايح للمغاسل المغاسل برا في الحديقه
بيت عمر وبتحديد المطبخ ام عمر وبنتها نوره
نوره بنت جميله جدا انسانة رقيقه وحلوه عيونها لوزية كبار ورموشها كثيفه حيل وعيونها مكحله وبيضه وبشرتها صافية ونعومه وشفايفها الوردية الطبيعية شعرها اسود طويل وجسمها روعه
قالت لها امها يابنيتي روحي شيلي المواعين بدوانية
نوره:انشالله يا الغالية
طلال:عمر لحظه لحظه نسيبت تلفوني بديوانية دقيقه اروح اجيبه واجي
طلال كان بديوانية وكان مايدري أن نوره تبي تدخل الحين لف ظهره ودخلت نوره شافت ظهر طلال عبالها عمر راحت تركض ومسكت ايده وقالت عمر ليش ماشريت لي تلفون
طلال وهو منصدم ما لف ظهره وماشافها عاد نوره عمر شفيك طالعني لما وقفت قدامه اشهقت وجمدت بمكانها من الصدمه
طلال ظل يطالعها ويشوف جمالها انصدم كانت لابسه دراعه حمرا مطرزه بذهبي وكانت ماسكه شعرها بربطه وكان شكله مفتوح من ورا
قالها انت نوره اخت عمر
نوره نزلت دموعها من الخوف وطلعت من الديوانية تركض طلال طلع بسرعه وكان تفكيره معاها لما ركب السياره قاله عمر شفيك طولت
طلال ماسمعه
عمر:طلال شفيك شكلك فيك شي
طلال:ها مافيني شي طولت لأني مالقيت تلفوني بسرعه
عمر:يالله على خير
طلال:عمر قطني على بيتنا
عمر:ليش
طلال :حاس اني تعبان
عمر:اوكي
طلال دخل سلم على امه وراح لغرفته قعد يفكر بنوره
وهو منسدح على سريره قال
معقوله عمر هالجيكر عنده أخت مثل القمر اكيد هذي نوره
طيب أنا ليش افكر فيها وليش مهتم فيها معقوله حبيتها لالا شلون أحبها ونا ماعرف طبايعها
طلال نام وهو يفكر فيها
ادري انكم تسألون نفسكم وش صار مع نوره بعد الموقف
طلعت نوره من الديوانية وجها مخطوف لونة وجتها اما قالت:نوره شفيج؟
نوره بإرتباك:ها لا مافيني شي بس زلقت وطحت
امها:سمالله عليج
نوره:يما مافيني شي الحمدلله
نوره راحت لغرفتها وقعدت على الكرسي تذكر شنو صار
نوره:معقوله هذا طلال لا لا يمكن علي بس شكله نفس المواصفات الي سمعتها عنة
قعدت تذكر نظراته لها قالت ولله أن جماله يسحر مزيون وقامت تضحك وتقول انا شفيني قمت افكر فيه وطالعت نفسها بالمنظره وتلف شعرها وصوره طلال ماتروح عن بالها واطالع نفسها وتبتسم
دق تلفون طلال المتصل جيكر بس مزيون (عمر)
طلال :هلا بالزين
عمر:هلا بمحطم قلوب العذارا
طلال وهو يضحك:شدعوه اقول وينك؟
عمر:الحظري(علي) عازمنا
طلال:وين عازمنا
عمر:بحدا هالمجمعات اسمة افنننينوز مدري شسمه
طلال:ههههااااي يالعقيدي اسمه الأفنيوز
عمر:الي هو
طلال :يالله خمس دقايق واكشخ اقول عمر البس عدل لا تفشلنا تراك رايح مكان راقي منت رايح للبر
عمر :ابك طلال أنا وجهي وجه لبس سنع تعال عندي ظبطني
طلال ماصدق على الله :افا عليك خلني اضبط حالي
واجيك
عمر:لا توخر
طلال ما ادري ليش استانست ويوم قالي عمر تعال
ضبط نفسة وراح لعمر
اول ماوصل دق على تلفون بيت عمر
وردت نوره بصوت ناعم:الوو
طلال ظل ساكت
نوره:الووو
طلال وقلبه يدق:السلام عليكم
نوره وهي مستغربه:وعليكم السلام
طلال:عمر موجود
نوره حست انة طلال:اي موجود منو اقوله
طلال:قوليله طلال
نوره:اوكي دقيقة
طلال:اخذي راحتج
نوره حست بشعور غريب لما سمعته قامت ترجف وجسما كش وصعدت لعمر وقالت له عمر طلال على التلفون يبيك
عمر:هو وجه ليش مادق علي شوفي قولية الحين يدق علي
نوره:انشالله
نوره راحت تركض لتلفون طايره من الفرحه
نوره بكل حيا وبنعومه:الوو
طلال عشان يتأكد انة هذي طلال:هلا نوره
نوره انصدمت لأنة عرفها:عمر يقولك اتصل علية
طلال بضحكه خفيفه:عز الله اخوج هذا كسول مع السلامه
نوره بإبتسامه وماودها طلال يسكر الخط:مع السلامه
طلال يكلم نفسه ياربي شالإنسانة جمال وصوتها يهبل ناعم لما سمع صوتها قلبه قام يدق
طلال يتصل بعمر
عمر:ياخي مستحي انت وجهك يلله حياك الحين انزل افتح لك الباب
طلال:لا طول خست حر
نزل عمر وقال حق اخته ادخلي ترى طلال بغرفتي
نوره:انشالله
نوره طارت من الفرحه راحت تركض لغرفتها عشان تشوف طلال من الدريشه تطل على الشارع شافت طلال وانهبلت علية كان لابس جينز سكني وحزام قست كافالي وقميص اسود ظيق روعه وشعره مسوية سشوار ورافع قذلته من قدام لأن شعره شوي طويل
شافتهم دخلو وغرفتا ومقابله غرفة عمر
عاد قالت بقلبها اكيد جاي يضبط اخوي هالعقيدي
نوره تسمع سوالفهم
عمر يكلم طلال:اخس اخس ياخي عطني من كشختك شوي
طلال:ياخي نضبك حاضرين
طلال طلع كم بدله حق عمر
ولبسه وضبطه لبسه جنز سكني
الجنز حق طلال عمر ماعنده هالسوالف عنده دشاديش وترينجات حق البر هههههه
ولبسه تي شيرت D&G
وحزام نفس الماركه وجوتي رياضة وضبط شعره بالجل
طلال:ها شرايك بشكلك
عمر وهو منصدم من شكله: انت شسويت فيني قلبتني فوق تحت يا شيخ
طلال:حاظرين لطيبين
عمربضحك:اقول ما تظبط خشتي ترقع فية
طلال وهو ميت من الضحك:ياخي شسوي بخلقتك
عمر :بروح اوري نوره ستايلي ابي اصدمهم
طلال مستانس:روح فاجئهم
نوره ركضت من سمعته لسريرها دخل عليها
نوره بإندهاش :يالعقيدي شمسوي بنفسك ياخي صاير ذرب
عمر:الله يخلي رفيجي لي ماقصر ظبطني
نوره:بصراحة تسلم ايدينة طلعك شي
عمر وهو مستانس:افا عليج اليوم اشتريلج احلى جهاز
نوره وهي طايره من الفرحه:صج يابعد قلبي يالله ياربي ينكبن عليك البنات وعمر يرد عليها آمين
نوره:يالله ياربي زين عمر اخوي بعيون البنات
عمر:آمييين
ههههههه خلاص التلفون جايج
يما منج
دخل عمر على طلال وقاله
يلا مشينا
طلال :يلا
دق تلفون طلال المتصل علي
علي :هلا طلول شلونك
طلال حاط سبيكر:بخير
علي:طلال عمر كاشخ ولا لا ياخي أخاف يفشلنا
طلال وهو ميت الضحك :لا تخاف ضبطته علي في واحد يبي يكلمك
عمر:يا حيوان صج انك تبن خايف لا افشلك يا رخمه
علي:هههههههه لا تزعل يا بعد قلبي انت
عمر:ولله انك خايس
علي:تزعل من اخوك
عمر:تدري اني ما اقدر ازعل مشكلتي ان قلبي كبير
علي:ومشكتلك الثانية انك جيكر
خخخخ ههههههااااااااي
عمر:اقلب وجهك والشرهة علي رافجتك يا تبن
طلال ميت من الضحك عليهم
لما وصلو الأفنيوز وهم قاعدين بستار بكس ينتظرون علي وصل علي اول ما شاف عمر قال أووووو خوش ستايل بصراحه صاير كووول
عمر:لولا طلول جان شايف هندي عاد بليه خلقتي ماتسمح لي لوووول
طبعا تعرفون الشباب يضغطون البنات اي وحده تمر يمصخرونها
علي:شرايكم ندخل السينما
طلال:يلا
عمر:ياخي أنا هاج عن التلفزيون جايبني عشان تلفزيون
علي بضحك:عمر هذا التلفزيون فية بنات واجد اصلا تلقاهم قاعدين يمك
طلال ميت من الضحك
عمر:يالله يالله قبل لا تخلص الكراسي
راحو حجزو ودخلو فلم اكشن اول ما دخلو الصاله عمر بصوت عالي السلام عليكم
علي :فشلتنا ياعمر كلهم قامو يطالعونا
عمر :يا خي السلام لله
علي :بس موهني
والله قرد عمر بمكان
وراه جهال وجبه بنت صغيره مناشبته كل شوي شاربه من ببسية و تاكل من نفيشه عاد قاله خلاص خوذي بس اتركيني وقام يسفل بعلي وطلال انتم قطيتوني عند هالورعان مالي شغل بغير مكاني لما غير مكانة ابتلش ما قدر يشوف الفلم تدرون ليش
لأن في بنت حاطه كبه شكبرها على راسها قالها :لو سمحتي قوطي النيدو وخريه شوي
طلال قام يضحك بصوت عالي
البنت عصبت وقالتله محد قالك اقعد وراي
عمر:الله قردي وقعدت وراج
طلال وعلي ماتو من الضحك على عمر وكملو الفلم
لما خلصو طلعو يتمشون وعمر لفت نظره بنت تهبل مزيونة لابسه عباية وشيله وراح وراها والبنت خافت وراحت ورى امها
امها لابسه عباية راس وبرقع وقال يابعد حيي هالبدويه صج اصيله وقعد يخز فيها وعينها بالقاع ما رفعت عينها ولحقها لما طلعت من السوق
عاد راح عند طلال قال:طلال الحقني تكفى
طلال:شـــفــيك
عمر:عشقتها يا طلال!
طلال: انت من صجك ليش ماقلتي عشان اشوفها
عمر:لية خبل أخيلها تشوفك عشان تحول عليك
طلال وهو يضحك:عاد عطتك وجه
عمر:اصلا مارفعت عينها عن الأرض وشكلها محترمه حيل
طلال:ماشاء الله عليها نادرا ماتلقى نفسها
التفت عمر إلا شاف محل تلفونات تذكر أخته نوره العوبه
قال حق ربعه دقايق
دخل المحل ودخل وراه طلال وقاله شعندك تبي جهاز جهازك جديد
عمر:نوره ابلشتني تبي جهاز وخط
طلال قعد يدور جهاز حلو
عشان نوره
طلال:شرايك E66 شكله حلو لونة حلو
عمر:اي ولله باخذه تستاهله
نويره
عمر قعد يختار رقم وطلال يمه
طلال حس انة زودها شوي طلع بره المحل عشان عمر يختار على كيفه
طلع من المحل وراحو لسياره
حط الأغراض عمر وقعدو يسولفون يضحكون وعمر حب البنت الي شافها طلال قاله
لا تعلق قلبك فيها يمكن ما تشوفها مره ثانية عمر:اي ولله ماابي اتعلق فيها
اول ماقط طلال عمر شاف نوره وامها نازلين من السياره
نزل راسه عشان عمر
لمحها شافها لبسه عباية وشيله وشاف وجهها الي كأنة قمر ١٤
خلاص قلب طلال متعلق بهالبنت حبها ونوى يكلم امه بس قال اول لازم اعرف طينتها شلون؟
قال عمر:مع السلامه
طلال:بحفظ الله
دخل عمر وسلم على امه وقال وين كنتو؟
قالت:ولله كنا عند جدتك نسلم عليها تو ها راده من السفر
عمر:الحمدلله على سلامتها طيب وين نوره؟
ام عمر:نوره فوق بغرفتها
صعد عمر ومعاه الجهاز والخط
وطق الباب وقالت نوره ادخل
دخل عمر ومعاه الكيس نوره طارت من الفرحه
عمر: شوفي شرايج؟
نوره:يعطيك العافية هذا الجهاز الي ابية مشكور يحياتي ماقصرت
عمر:لولا طلال ماشريته هو الي قالي عنة
نوره استانست حيل:
مشكور يا عمير ولله
عمر: تكسرينة بالعافية وطلع بره غرفتها
نوره حضنت التلفون حيل وقالت اكيد طلال يحبني
مرت الأيام وكبر طلول وتخرج وصار ظابط مطافي وعمر صار ضابط بالجيش وعلي صار موظف بالداخلية
اما نوره صارت مدرسه فنية
وجواهر أخت طلال تدرس بالجامعه
مره كان عمر واقف عند باب بيت طلال وطلعت جواهر تبي تروح عند خوالها لما طلعت شافت عمر بره قالت بقلبها هذا شفته مره بسوق يلاحقني الله يستر منة
عمر لما شافها تذكرها قال هذي الي شفتها بسوق اي ولله هذي هي هذي أخت طلال جواهر اوف ولله فشله كنت الاحقها الحمدلله ان طلال ما شافني الحمدلله دخلت جواهر للبيت عشان تنطر امها
عمر صج أنها بنت اجواد دخلت داخل مستحية مني أنا اقول ليش كل هذا الإحترام طلعت اخت طليل
جواهر لما شافته قالت بقلبها شهالجكر واي حده جيكر
طلعت هي وامها ودرت انه عرفها ونزل راسه
عمر:طلال وينك تأخرت
طلال:كنت اتسبح شفيك
عمر:لامافيني شي
يلا الربع ناطرينا بالمخيم
طلال وهو سرحان قعد يفكر بنوره وده يعرف أخبارها
طلع من بيت الشعر يبي يشم هوا حس انه متضايق
طلع وراه علي قاله شفيك منت على بعضك
طلال:اخخخ ودي اتكلم بس ماني قادر
علي:تكلم ونا خوك وفضفضلي وسرك بير
طلال:علي أنا أحب ياعلي
علي:معقوله طلال يحب!!
طلال:ليش ماني بشر بس ياعلي
علي:بس شنو
طلال:الي أحبها هي أخت عمر
علي: عمر يدري
طلال:لا وآخاف إذا درى يزعل
أنا بقول لمي تخطبها لي
علي:هذا أحسن حل ونا خوك كلم امك احسن والحين يلا اخاف الربع يفقدونا
طلال:يلا امش
دخل طلال بيت الشعر
قالو الربع ياخي وينك كل هذا بره
طلال: ولله رحت اشم هوا
عمر:طلال الشبيبه طربانين اطربنا بقصايدك الي تخلي الواحد يدش بعالم ثاني
طلال:ابشرو
قعد طلال يقول لهم هالشعر وكل شعره غزلي وكان يتذكر نوره حبيبته
وطلب علي منة قصيده محتاجلك حيل
لعلم تري هالقصيده مو له بس يحبها
وقال لعلي:ابشر
وقعد يغنيها بكل أحساس
كل كلمة يقولها تذكره بنوره
لما رد طلال للبيت قعد مع أخته جواهر
طلال:شلونج يالعوبه؟
جواهر:بخير يالغالي
طلال بضحكه:الخبل عمر طق الهندي
جواهر:ليش!
طلال:لأنة واقف قدام السياره
جواهر وهي فاصله من الضحك:حرام عليه
طيب طلال ابي اسألك منو ربعك الي انت وياه حيل مع بعض
طلال:عمر وعلي هذول قطعه مني
جواهر: الله يخليكم لبعض أحس انك تغلي عمر اكثر
طلال:لا كل واحد نفس غلا الثاني بس عمر نكته وفصله بشي موطبيعي تعالي شوفيهم إذا كان تقابلو عمر تصير ضغط موطبيعي
فديتهم ولله
جواهر:ياحظك فيهم
طلال:جوجو بسألج سؤال بس بيني وبينج
جواهر:افا عليك اسأل
طلال:شرايج بنوره
جواهر:اي نوره
طلال: نوره اخت عمر بنت ام عمر
جواهر:اي عرفتها بس ليش تسأل؟
طلال:يو جواهر خلصيني بعدين اقولج
جواهر حست انة طلال يحبها:نوره بنت خلوقه ومحترمة وفوق هذا كله جمال ودلال
طلال هو مستانس من كلام اخته :صج جواهر
زين شلون علاقتج معاها
جواهر :علاقتي حلوه معاها واصلا الفتره الي طافت صرت أنا وياها حيل اقولك شي أنا من اقعد مع نوره ارتاح
طلال يفكر بكلام اخته جواهر
وحبها اكثر
جواهر:طلال وين وصلت
طلال:ها جواهر
دق تلفون طلال المتصل عمر
قال طلال حق اخته دقيقه عمر يدق
جواهر فز قلبها لما قال ان عمر يدق
وقعدت تسمعهم بهتمام
طلال:هلا بالغالي
عمر :هلا بالمزيون ياخي وينك ؟
طلال:موجود
عمر:منو عندك؟
طلال:ماعندي أحد شفيك
عمر:لا مافيني شي بس زهقان ودي اشوفك
طلال:يحياتي افا عليك تعال عندي
عمر:انشالله
طلال يكلم جواهر
طلال:جواهر ضبطي لنا قهوة
جواهر:افا عليك
طلال باجر عندنا حفله تخرجي امي جايبه دي جي وبوفية شرايك اعزم نوره
طلال:اي اعزميها تكفين
دقت جواهر على نوره جدام طلال
طلال يطالع جواهر
جواهر تقول حق طلال اسمع بس بدون صوت
اول ماسمع صوت نوره ابتسم وتربع وحط أذه على التلفون
جواهر وهي طالع طلال وتضحك:الو و
نوره:يا هلا مرحبا
جواهر:شلونج يا نوره؟
نوره: بخير يحياتي أخبارج انت؟
جواهر:تمام يابعد قلبي
اقول
نوره:سمي
جواهر:ترى بكره حفلتي لازم تجين
نوره:حفله شنو؟
جواهر :حفله تخرجي وباجر الحفله كلها بنات
نوره:الف مبروك يا قلبي
وانشالله اول الحظور بس انشالله القى عمر فاظي
جواهر:ليش
نوره:وأخوج طلال يترك أخوي
طلال ميت من الضحك
جواهر:هههه لا ماعليج اقوله باجر مايكلم عمر
نوره:ههههه يلا مع السلامه
ثاني يوم بيت عمر تزين نوره
لبست ثوب قصير ظيج لونة احمر وعلى الخصر حزام رمادي مثور عليه كرستال رمادي شكلها روعه وحاطة مكياج خفيف لأن هي حلوه اصلا حطت كحل اسود ومسكرا وشدو رمادي خفيف وحطت حمره حمره وفتحت شعرها ولبست ربطه رمادية منثوره بكرستال نفس الحزام شكلها طلع رووعه قبل لا تطلع قالت لها امها اقري على نفسج يابنتي
قالت نوره انشالله يما
بحفله جواهر وكل رفيجاتها جو وبنات عمها كلهم
بصاله وكل البنات متجمعين طق الباب وفتحته جواهر
إلا نوره جت سلمت عليها جواهر سلام حار
وقالت لها شهالزين غطيتي علي تعالي سلمي على امي
قدام البنات جت ام طلال وسلمت عليها وقالت ماشاء الله تبارك الرحمن شهالزين ماشاء الله قمر
نوره:تسلمين خاله
طبعا بنات عم طلال ماتن من الغيره جت نوره تسلم على البنات الا بنات عم جواهر ماسلمو استغربت جواهر من تصرفهم وقالت لنوره ماعليه مالج شغل فيهم
شغلو الدي جي والبنات قامو يرقصون ومستانسين نادت نوره :جواهر وين غرفتج بضبط مكياجي
جواهر :امشي أنا اوديج
لما وصلت لدرج نادت ام طلال جواهر
قالت جواهر حق نوره:نوره امي تناديني غرفت ثاني وحده على اليمين
نوره كملت صعدت فوق وشافت ثلاث بيبان اول باب صغير استغربت منه ودخلت الغرفه الثانية مثل ماقالت جواهر
اول مادخلت قالت ماشاءلله غرفتها حيل حلوه كبيره فيها غرفة تبديل وحمام وقعدت على التواليت(التسريحه)عشان تظبط المكياج فجأه سمعت صوت فتحه باب قالت نوره هذي اكيد جواهر وماأهتمت للموضوع
الي فتح الباب طلال علباله ان جواهر هني اول ماشافها استغرب قال هذي مو جواهر وقعد يطالعها لما لفت فز قلبه قال هذي نوره اي ولله نوره يما فديتها طالعه قمر اليوم
وقعد وطالعها وماطلع اي صوت
نوره قامت تغني اغنية نوال
(طحت بهواه ياهلي سمو علي من شفته ونا حالتي حاله وابيه)
وكان صوتها ناعم وحلو لما تغني
طلال قال بقلبه هذي فرصتي لازم اقولها اني احبها لازم
تحرك طلال وطاحت الأبجوره وفزت نوره خافت قالت في أحد هني
طلال رد عليها:اي في احد هذا أنا طلال
طاحت عين نوره بعين طلال
نوره خافت قامت ترجف وراحت لغرفة التبديل وصكت الباب عليها
طلال حس بتأنيب الضمير لأنة خوفها
راح شوي شوي وقف ورى الباب وقعد يكلم نوره
طلال بصوت كله حزن:نوره لا تخافين مني لأني أنا اكثر واحد اخاف عليج
نوره تسمعه وقلبها قام يدق بسرعه وميته من الخوف وظلت ساكته
طلال:نوره أنا أحـــبــــج ولله أحـــبـــج
انت تسمعيني
نوره استانست من كلام طلال لأنة يحبها ويبادلها مثل الشعور
وظلت ساكته
طلال:نوره تحبيني؟
نوره بصوت مرتجف:طلال
طلال وهو مستانس ياحلو اسمي بصوتج:امري حبيتي
نوره وهي خايفة:طلال بعد عن الباب بطلع
طلال وهو يضحك:انشالله
طلال بعد عن الباب وقال طلال حبي بعدت عن الباب
نوره فتحت الباب شوي شوي طلعت راسها ادور إذا في أحد
طلعت وتمشي شوي شوي وطلال الملعون منخش ورا الباب اول ماحطت نوره ايدها على يده الباب مسك طلال ايد نوره ونوره خافت ونوره طالع عيون طلال وطلال ابتسم وقالها انت ما قلتيلي أذا تحبيني ولا لا نوره نزلت راسها وقالت له لو سمحت شيل ايدك
طلال بنظره خبث مع ابتسامه:ما ابعد لما تقولين لي أحبك
نوره أحتارت وقامت تفكر وبعد تفكير طويل وطلال لحد الحين ماسك ايدها
نوره وهي منزله راسها :طلال أنا..... أنا.... أ....أحبك
طلال وهو طاير من الفرحة:حتى أنا اموت فيج ياقلب طلال
طلال هد ايد نوره وطالعته وعطته ابتسامه ساحره وهو خلاص ذاب وراها
لما فتحت الباب طلع بوجها جواهر
نوره اول ماشافت جواهر بجت
لما شافتها جواهر امسكت نوره وقالت لها نوره شفيج
نوره:اسئلي أخوج طلال شسوا فيني
جواهر:ليش شسوا
نوره:انت اسئلية
وراحت نوره نزلت تحت
راحت جواهر لغرفة طلال وقالت له:انت شمسوي بنوره
طلال:ليش فيها شي
جواهر:نوره نزلت تحت تبجي
طلال وهو منصدم:انت منصجج تكفين ناديها بسرعه
جواهر:دقت على عمر وراحت لبيتهم
طلال حس بتأنيب الضمير وتضايق
طلال:جواهر عطيني رقمها
جواهر:أخاف تزعل علي
طلال:قوليلها ماأدري عن شي زين
جواهر:هاك الرقم********
اخذه طلال وراح لغرفته وتذكر ايد نوره وقال بقلبه لما لمست ايدها كأني لامس حرير مشاء الله عليها ادينها ناعمه وبيضه فجأه دق تلفونة المتصل عمر طلال خاف انة درى بالي صار رد علية
عمر:شلونك طلول
طلال:بخير انت أخبارك
عمر:ولله أخباري زفت زهقان شرايك نروح عند الربع بالمخيم
طلال:يلا مرني
عمر:اقط اختي واجيك
طلال:أنا بنتظارك
طلال طلع بسرعه من غرفته ونزل ونادا اخته قالها خوذيلي طريج بطلع
راحت جواهر قالت للبنات
ترى أخوي بيطلع
لما مر طلال اشهقن البنات من جماله عاد ندى بنت عمه طلعت وراه وقالت له طلال
طلال بدون نفس:نعم
ندى:شلونك
طلال بعصبية :بخير عندج شي بعد
ندى:انت شفيك معصب
طلال:يوووه الله يخليج بعدي عني(طلال وهو يطالعها وبخبث) حبيبتي زعلانة علي بروح اراضيها
ندى:شنو...! منو حبيبتك
طلال:مالاداعي تعرفينها باي
طلع طلال وراح لعمر بره
وندى ظلت تفكر بكلام طلال وقالت اكيد يجذب لأنة ماراح يتزوج إلا وحده مننا
هذا كلام امه
راحت نوره لغرفتها وانسدحت على السرير وتذكر شنو صار معاها وقالت الحمدلله أنة يحبني ولله أحـــبـــك ياطلال
جمال ورجوله وطبايعك حلوه
الله يخليك لي طيب أنا ليش بجيت اكيد بجيت من الفرحه
عمر وهو بسياره
عمر:بقولك خبر
طلال:خير
عمر:قررت اتزوج
وأمي كلمتها وافقت و استانست
طلال مستانس: مبروك يارفيج عمري عاد منو سعيده الحظ
عمر برتباك: أمممم اختك اذا مافي مانع
طلال وهو منصدم:هذي الساعه المباركه وأختي ماراح تلقى واحد نفسك
عمر:يابعد قلبي شوف يمكن باجر اهلي يجون يخطبون
طلال:حياكم الله
طلال استانس لما قاله عمر هالخبر حس انة يقدر يفاتحه بموضوع اخته
طلال سكت ما تكلم لما وصلو المخيم سلمو على الربع اوستأذن طلال قالهم بكلم تلفون وجايكم
بعد طلال عن الخيمه
وقعد يطالع رقم نوره
ومتردد مايدري يدق ولا لا
دق عليها
نوره شافت رقم غريب وردت وقالت:الوو
طلال وقلبه يدق بسرعه:مرحبا نوره
نوره حست انة طلال:ياهلا منو معاي
طلال:معاج طلال
نوره:.....ساكته
طلال: نوره زعلانة علي
نوره:ساكته
طلال:ترى ولله قلبي تقطع عليج لما قالت أختي انج بجيتي
نوره بحزن:طلال ولله انت خوفتني
طلال:يابعد قلبي يالله ياربي اموت ولا أخوفج
نوره :سمالله عليك
طلال :شنو نوره تكفين عيديها
نوره بخجل: طلال مع السلامه
طلال:الحين أنا تأكدت من حبج لي
نوره:طلال
طلال:هلا حبي امري
نوره:طلال لا تدق على تلفوني ولله أخاف من اهلي وأنت عارف هالشي ما لاداعي اشرح
طلال: افا عليج بس هذا انت تامرين امر يا الغالية
مع السلامه
نوره لما صكت التلفون استانست وطارت من الفرحه وحست ان حبها لطلال قام يزيد اكثر واكثر راحت نوره وقالت للخدامه شبي فحمة بخور وحطيها بداري لأني بتسبح
راح طلال للخيمه والإبتسامه شاقه الوجه اول ما دخل قالوله الربع عسا دوم هالضحكه قاله عمر :بشر شعندك
طلال:ولله ماكو كلمت الوالده
لما رد البيت قعد طلال مع امه وقاله موضوع عمر
جواهر قاطه اذنها تسمع
طلال:يما ترى عمر رفيجي خطب مني جواهر شرايج
ام طلال:عمر ولد طيت وأخلاق انت شرايك
طلال:يما ولله عمر رجال ويستاهل اصلا جواهر ماراح تلقى واحد نفس عمر ولا عيال عمي كلهم ردايا مايستاهلون
ام طلال:اي ولله بس لازم اكلم جواهر
جواهر قاعده تسمع وطارت من الفرحه لأنها تحبه وقالت بقلبه صج انة جيكر بس حبيته صج ان الحب اعمى وقامت تضحك وراحت لغرفتها
نوره أخذت شور حار وطلعت وقعد على الكرسي تبخر شعرها لما خلصت حطت المبخره على الأرض وكانت البرده قريبه من المبخره
راحت لكبتها طلعت لها بجامه ورديه وعلى جسمها شي خيالي بعدها نوره شمت ريحه دخان ودور وين مكان الريحه شافت البرده كلها نار واحترقت بسرعه لأن خام البرده سريع الإشتعال مامدها جيب سطل ماي من حمام غرفتها إلا ولعت الغرفه السرير والخشب وراحت تركض تحاول تفتح باب غرفتها مسكر ماقدرت تفتحه اخذت تلفونها ودقت على عمر قالتله الحقني غرفتي أحترقت والباب مسكر ماني قادره افتحه
دق عمر على طلال لأن طلال ضابط مطافي قاله دق على المطافي بسرعه أحترقت غرفة نوره ونوره انحبست فيها
طلال انخرع عليها وراح بسرعه دق على العمليات وطلال وصل قبلهم
طلال بسرعه قولها خل تكسر ديرشتها
طلال كان لابس ترينج
طلال:عمر أنا بصعد اوكي
عمر:يامعود بسرعه ما اسمع لها صوت وامي قامت تبجي
طلال صعد فوق وقام يحاول يكسر الباب
نوره تصرخ تقول بسرعه اختنفت بسرعه!
والنار صارت محوطه نوره
جت المطافي وتصرفت كسرت الدريشه ودخلت هوز الماي
طلال قدر يكسر الباب ودخل يدورها وينادي نوره نوووره كان ظلمه من الدخان شافه بزاوية طايحه راحلها وقاله انت بخير فتحت عيونها شافت الي قدامها طلال وقامت تجبي وراحت حظنته حيل وقالت لولاك أنا ميته طلال انصدم منها وحس فيها أنها كانت محتاجته حيل فجأه إلا اغمى عليها وطاحت على الأرض طلال لما شافها خاف عليها وشاله وحبها على راسها وطلعها من الغرفه
نزل تحت وقال لعمر بسرعه حطها بالإسعاف البنت مغمى عليها
راح طلال يهدي ام عمر قالها خاله الحمدلله نوره بخير انا طلعتها
ام عمر:الحمدلله وين بنتي
طلال :لا تخافين عليها بالمستشفى
ام عمر:ليش شفيها
طلال:خاله عادي راحت تاخذ كمام
ام عمر:جزاك الله الف خير ياولدي
طلال طلع راح للضباط يسألهم عن سبب الحريق قالوله لقينا فحمه بخور عند البرده الظاهر هي الي تسببت بالحريق
طلال:يعطيكم العافية
راح طلال للمستشفى عند عمر قاله ها شلونها الحين
عمر:ولله ياطلال الله يستر فيها اختناق بسبة الدخان
حاطيلها اكسجين
طلال:الله يقومها بسلامه
عمر:جزاك الله الف خير لولاك جان اختي ميته
طلال:عمر لا تقول جذي احنا خوان شفيك اجل متى بوقف وياك
عمر حظن طلال: الله يخليك لي مدري شلون برد جميلك
طلال:هونها وتهون
جت السستر قالت لعمر ماما قوم تعال شوفها
عمر:الحمدلله دقيقه بشوفها وراد
دخل عمر وحب راس اخته وتحمدلها بسلامه
نوره:عمر أنا شفت طلال بغرفتي هو انقذني
عمر:اي لولاه جان ماطلعتي هو موجود بره
نوره:ناده بشكره
عمر:افا عليج بس تغطي
عمر طلع راح لطلال قاله اختي تبيك شوي
دخل طلال وشافها وكان متأثر حيل
طلال:الحمدلله على السلامه
نوره:الله يسلمك طلال جزاك الله الف خير ولله
لولاك جان مت
طلال:لا شكر على واجب وانت منت غريبه انت اخت الغالي عمر
طلع طلال وراح لبيتهم
اول ما شافته امه قالت يما شفيك شكلك تعبان كانت جواهر قاعده معاهم
طلال:ولله يما عمر رفيجي تعرفين أخته نوره
ام طلال: اي شفيها
طلال:أحترقت غرفتها هي بدارها المسكينة طلعتها مختنقه والحين هي بالمستشفى
جواهر:فيها حروق
طلال:لا بس اختناق عشان نقص الأكسجين
جواهر:الحمدلله بدق عليها
تدق ماترد
ام طلال:انا ادق على امها
دقت ام طلال على ام عمر تطمن على بنتها وام عمر تشكر ام طلال على موقف ولدها
راح طلال لغرفة اخذ دش
وانسدح على سريره وعلى ماغطت عينة جاه مسج
لما فتحه المسج مكتوب فيه
أحبك يا أغلى البشر
وقفتك معاي ماراح انساها
المسج كان من نوره
طلال ابتسم وضم التلفون على صدره
رد عليها
وأنا أحبج يا أغلى من روحي علي الله يقومج بسلامه
قرت نوره المسج حست شعور غريب وابتسمت
بعد سبوع قال طلال لمه يمه كلمتي جواهر
عن الخطبه
ام طلال:لا
طلال:يما ناديها لازم نقولها
ام طلال:أنا اكلمها تستحي منك
طلال:رديلي الخبر الحين
راحت ام طلال غرفت جواهر
فتحت الباب جواهر
جواهر:هلا يما
امها:هلا فيج بس جايه اكلمج بموضوع يخصج
جواهر درت أنها جاية تكلمها عن الخطبه :خير يما
امها :ام عمر وبنتها جايين يخطبونج لودهم عمر
جواهر بخجل: يما انت شرايج
امها:ولله عمر ولد ماينطوف
جواهر:طلال شرايه
امها:طلال ماعنده مانع بس ننطر ردج
ها موافقه
جواهر والحيا باين من عيونها:موافقه
ام طلال:بروح ابشر اخوج الله يوفقج
جواهر استانست وقامت تفكر بعمر الجيكر بس احبك على جكرك
راحت ام طلال
قالت لودها طلال ابشرك موافقه
طلال:الله يبشرج يما
يحليلك ياعمير تبي تصير نسيبي
ثاني يوم دق عمر على طلال قاله اهلي اليوم جايين
طلال:حياكم حياكم
جو اهل عمر وقعدو مع ام طلال واتفقو على الملجه
أنها تكون يوم الخميس
لما بغو يطلعون
قامت نوره اول وحده
وراها امها عاد ام طلال مسكت ام عمر على صوب
وكملت نوره طريجها
لما فتحت باب عشان تطلع طلع قدامها طلال
طلال:هلا بهالزول ولله
نوره وهي اطالع وراها:طلال روح امي وراي
طلال بخبث:ماني متحرك ياروحي
نوره:طلال روووح
طلال:امووووت على الخايف ولله
عطته نوره ابتسامه دوخت طلال
طلال:أنا ماأقدر عليج
ام عمر شافته يضحك لنوره
جت قالت له:شلونك
طلال :بخير انت شلونج
ام عمر:زينة
طلال عشان يهدي الوضع لأن نوره خافت من امها
طلال:خاله قبل شوي ونا اسلم على نوره مر صرصور تحت عباتها عشان جذي ضحكت لا تفهمينا غلط
نوره صدقت الموقف وقامت ترفع عبايتها وتنفضها
ام عمر:اشوه انك سكت جان تسمع صياحها لي آخر الشارع
طلال بضحكه:ادري ولله
لما طلعو دزت نوره مسج حق طلال كاتبه فية
اشوه انك رقعت الموقف جان رحت وطي هههه
رد عليها
حاظرين لطيبين
فداج روحي ياروحي
قرت نوره المسج وقامت تضحك
قالت امها شفيج تضحكين
قالت:يما دازيلي نكته
امها اخذت التلفون(للعلم ام عمر امية لا تقرا ولا تكتب)
نوره بضحكه:ها قريتي النكته
ام عمر:جب تدرين اني امية
نوره:النكته بايخه اقولج اياها
في صومالية لما اكلت التوكس قامت تبجي ليه؟
ام عمر:ليه
نوره:تذكرت سيقان المرحوم ههههه
ام عمر ماتت من الضحك :استغفر الله تدرين يانوره لما آكل بقصم اتذكر سيقان ابوج الله يرحمه
نوره:هههههه لوووول
بعد سبوع وبتحديد يوم الخميس اليوم ملجه جواهر على عمر
بعد الملجه طلب عمر من طلال انه يشوف جواهر
طلال:ابشر هذا حقك يالنسيب
بغرفه جواهر ونوره كانت قاعده معاها تضبطها
نوره:بصراحه قمر قمر
جواهر:اسكتي تراني ميته من الخوف
نوره:الله يعينك ياعمر انت قبل لا تشوفها ميت عليها شلون لو تشوفها الحين اكيد راح تنهبل
جواهر:تضحك كل هذا
نوره:واكثر
(جواهر كانت لابسه ثوب وردي قصير وفيه ربطه صفره تحت الصدر وعلية فيونكه صفره
ثوبها ناعم بس حيل حلو وحاطه مكياج وردي ناعم وفاتحه شعرها مسوية تسريحه بصيطه شكلها روعه)
دق الباب طلال
جواهر فتحته
طلال :جواهر يالله عمر يبي يشوفج
جواهر وهي مستحية ماردت عليه
نوره كانت قاعده بالغرفة
تسمع كلام طلال
جواهر:طلال لحظه بقول حق نوره تنزل تحت لأنها قاعده داخل بغرفتي
طلال : صج جواهر نوره داخل
نوره قاطعتهم:اي صج
طلال:هلا بالزيييييين
نوره مستحية:طلال مبروك ملجه اختك
طلال:عقبالي(قعد يطالع نوره والمسكينة بيغمى عليها من الحيا)
نزلت تحت وراحت جواهر مع طلال اول ماوصلو
لباب الديوانية جواهر وقفت طلال:شفيج امشي
جواهر اطالع طلال
طلال:جواهر بلا دلع يلا
دخلت شوي شوي حاسه ان في احد رابط رجولها اول مادخلت هي وطلال
طلال بضحكه:ها عمر هذي زوجتك وجبناها لك امر بعد
عمر وهو منصدم من جمالها: مايامر عليك عدو
جواهر قامت ترجف حست أنها بتطيح من الحيا
راحت ورا اخوها تمشي وراه وقعدت يمة طلال قال:بما انكم ملجتو انا اخليكم الحين بعد شوي راد
جواهر قعدت اطالع طلال معنى نظراتها لاتخليني بروحي
طلال ولا كأنة يشوفها طلع وظلو بروحهم
قام عمر من مكانة وراح قعد يم جواهر
جواهر منزله راسها وحست ان جلدها كش لما قرب منها
قالها:جواهر شلونج
جواهر بصوت ناعم:زينة
عمر:تصدقين ياجواهر انج ملكه جمال مشاءلله عليج مزيونة صج اني جيكر بس مزيون ههه
جواهر ابتسمت له
عمر:فديت هالضحكه ولله اقول جواهر لا تستحين مني خلاص اوكي
رفعت عينها وقامت اطالعه
وقالت له:اوكي
عمر:جواهر
جواهر:هلا
عمر يبي يختبرها أذا هي تعرفه او لا: انت شايفتني من قبل
جواهر اطالعه وهي تبتسم:ليش نسيت شسويت فيني بسوق
عمر ميت من الضحك:شفتي يابعد قلبي ولله اني ما استحي
دخل طلال وخرب قعدتهم
طلال:ها خربت جوكم
عمر:ياخي من الذوق تطق الباب قبل لا تدخل صح ولا لا يا ست جواهر
جواهر مستحية من أخوها
بعدها قررو عرسهم خلوه بعد ٣ شهور
طلال يفكر يقول ليمتى ونا انطر
متى اتحرك وأخطب نوره لازم اكلم امي تحجزها لي لأن عيال عمها ما راح يخلونها
نزل لمه تحت قاله
شلونج يما
امه:بخير ياولدي
طلال:يما بكلمج بموضوع
امه:خير ياولدي
طلال:يما قررت اتزوج
امه وهي طايره من الفرحه:اي من زمان انطر هالكلمه انت حاط بالك وحده
طلال:اي يما وابي رايج فيها نوره اخت نسيبنا عمر
امه:اي ونعم اصلا أنا حاطه عيني عليها من زمان
طلال:متى تخطبينها لي
امه:طلال خل الخطبه بعد عرس أختك محنا فاظين عرس اختك بقاله سبوعين
طلال:على خير
طلال مستانس من كلام امه
بعد سبوعين واليوم عرس جواهر كانت هي ونوره بنفس الصالون وبنات عم جواهر هم معاهم بنفس الصالون
ندى بنت عم طلال:انت نوره الي ذابحتنا جواهر فيج
جواهر عصبت من كلام ندى: وذا مو عاجبتج حبيبتي بتصير مرت اخوي عن قريب
ندى من صدمه:من قال
نوره:زين ليش شفيني أنا
ندى:حرام طلال ياخذ وحده مثلج شهالغرور
جواهر:نوره حبيبتي هي منقهره منج لأنج بتاخذين زين الشباب
ندى ماتت من القهر ودها تذبح نوره
بالعرس وبتحديد صاله الحريم
نوره اخت المعرس طالعه قمر بعرس اخوها الكل جا يخطبها
الطقاقه:ياحريم تغطو العروس مع اخوها
راحت ريم مع امها عند الباب يستقلونهم
نوره:تبارك الرحمن خاله قريتي عليها
طلال واقف جنب اخته يطالع نوره ماقدر ينزل عينة من جمالها وانوثتها تبارك الرحمن
نوره فز قلبها لما شافت طلال
وجت ندى المنقهره من نوره
يعني جاية تهدي العروس قالت:جواهر تهبلين سمي برحمن ودشي
طلال يطالع ندى
ندى :طلال شلونك
جواهر همست بذن طلال قالت له تراها جاية تغث نوره تصرف
طلال:بخير دام اني شفت نوره
نوره ابتسمت
طلال:فديتها ولله
ندى معصبه ماتدري شتسوي: الشرهة علي جيت اسلم
نوره راحت للكوشه الابتسامه شاقه الوجه
لما دخلو الصاله الناس فزت فيهم والبنات انهبلن على طلال يسألون إذا هو متزوج او لا
وطلال ما طاحت عينة عن نوره ونوره مستانسة
ندى الي ودها تقطع نوره
طلال وصل اخته وسط البست وطلع بعدها بنص ساعه دخل المعرس
بعد العرس
وكل واحد راح لبيته
نوره شافت تلفونها
لقت مسج فتحته
فديييييتج طالعه قمر الله يحرسج من العين وطنشي ترى العذال واجد(يقصد ندى)
نوره:يابعد قلبي يا طلال الله يبعدنا عن العذال
ثاني يوم جواهر وعمر سافرو زلمسي عشان شهر العسل
بيت عمر
قالت نوره :يما زهقانة امشي لسوق
امها:ولله يابنيتي مالي خلق دقي على رفيجتج ملاك وروحي انت وياها
نوره:انشالله
نوره أخذت تلفونها ودقت على ملاك
نوره :مرحبا ملوكه
ملاك:هلا يالقاطعه
نوره:كوكه ولله تعرفين انشغلت بعرس اخوي
ملاك:يالله بطوفها لج هالمره
نوره:ترى زهقت شرايج نطلع لسوق
ملاك:اوكي امرج الحين
نوره راحت تلبس تنطر ملاك
سمعت هرن بره وطلعت
شافت سياره فيها شباب وماعطتهم اهتمام وركبت مع رفيجتها ملاك
سلمت عليها وراحو لمجمع الفنار وقعدو يتسوقون رفعت نوره عينها شافت الشباب الي كانو قبال بيتهم وراحت لملاك
نوره:ملاك أنا خايفه
ملاك:شفيج
نوره:شوفي هالصبين شفتهم عند بيتنا شكلهم لاحقينا
ملاك: مالج شغل فيهم امشي وعطيهم طاف
نوره:ملاك قربو منا حيل
ملاك تكلم الولد قاعده تزفه لأنة قرب منهم حيل:انت شفيك احترم نفسك لو سمحت
الولد:نعم ماسمعت
نبي هالحلوه الي معاج قصده على نوره نوره خافت حيل وقامت تمشي بسرعه هي وملاك
كانو علي وطلال بنفس المجمع الي نوره فية
علي شاف بنتين يمشون بسرعه وشكلهم خايفين وشاف شباب يلحقونهم
علي:طلال شوف البنات شلون خايفين
طلال:يحرام صج انهم عيال كلب
علي:لحظه لحظه طلال هذي جنها نوره
طلال:شنو من صجك انت ولله لأدوس بطنهم
راح طلال يركض ومسك الولد من رقبته وقاله شعندك وراهم
الولد:وأنت شكو
طلال :كفخه لعن خيره من الطق
(نوره خافت قامت تبجي ومنصدمه من طلال اول مره تشوفه جذي)
وجا علي وقام يتهاوش مع طلال طبعا الشباب انحاشو لأنهم اكلو خوش طقة من علي وطلال
جت ملاك ومسكت نوره تهديها
جا علي وطاحت عينة بعين ملاك وشافها واعجب فيها
ملاك حست بنظراته
راح طلال عند نوره وملاك وكان علي واقف معاهم
طلال:نوره ممكن شوي
نوره :اي عادي
ظلت ملاك مع علي وقامو يتبادلون النظرات
علي وهو مبتسم :ممكن اعرف اسمج
ملاك بحيا :ملاك
علي بقلبه صج انها ملاك :عاشت الأسامي
ملاك:عاشت ايامك
قعد يطالعها ملاك استحت ونزلت راسها
علي:ملاك شفيج
ملاك بإبتسامه: مافيني شي
بس أحاتي نوره
قامو يتبادلون الحديث
طلال بحنية:نوره حبيبتي خايفه
نوره اطالع طلال بنظره طفولية:اقولك شي أنا ارتحت من شفتك
طلال:شفتي القلوب عند بعضها
نوره:طلال ليش جاي هني
طلال:ماكو اتغرض وانت
نوره:كنت زهقانه وجيت مع رفيجتي
طلال بنظره كلها حب : تدرين هذي أحلى صدفه
طلال دق على تلفون نوره يبي يشوف شنو نغمته
نغمته(كيف نخفي حبنا والشوق فاضح في ملامحنا واللهفه ملامح... أغنية محمد عبدو)
نوره قالت ليش داق
طلال بخباثه:عبط
نوره:ههههه
طلال تدري خفت عليك
طلال:ياروحي ماعليج سبع ماينخاف علي طلال بخباثه آخخخ راسي يعورني
نوره:يابعد راسي هههه بلا دلع
طلال:يما منج
نوره:يلا بروح تأخرت على رفيجتي
جت نوره وشكلها قطعت جوهم
نوره :ملاك يلا نبي نروح للبيت
علي يضحك نوصلكم للبيت
ملاك:شدعوه أحنا نروح
وصلهم طلال لباب السياره
فتح الباب لنوره
نوره طالعه وتبتسم قالتله
طلال مشكور
طلال:مجنونج بخدمتج بأي وقت يا قلبي
نوره مستحية من كلامه لدرجه ان خدودها صارو حمر من الحيا
طلال:فديت اخدودج اروحلج فدوه أنا
دخلت وسكر الباب
حركت ملاك وجلس يطالعها لما راحت
جا علي قاله الله يخليكم لبعض
طلال:آمين
علي:طلال
طلال:شفيك
علي:طلال
على بضحكه: بديت احب تصدق
طلال فاصل من الضحك:منو حبيت
علي :حبيت ملاك رفيجه نوره
صج انها ملاك
طلال:هههه شكلك غرقت بالحب مثل ما أنا غرقت
علي:اي ولله رحت وطي
بسياره ملاك
نوره اطالع ملاك وتبتسم:شنو هالنظرات الي بينج وبين علاوي
ملاك بضحكه:انت شكو
نوره:بلا ملاقه خلصي شسالفتكم
ملاك:من الأخير علي شكله معجب فيني تبين الصراحه حتى أنا معجبه فيه يما يهبل
نوره:اقول سوقي عدل لا تدعمين
ملاك:إلا بسألج من متى انت وطلال تحبون بعض
نوره:تقريبا ٤ شهور
ملاك:ياحظج فيه مشالله جماله يطيح الطير من السما
شنو جذبج فيه
نوره:آخخخخ هو جمال ولا اسلوبه وأخلاقه وجاذبني اكثر بدواته وحبه للبر ورجولته واحس انه فاهمني
فديته ولله
ملاك:الله يخلية لج
بعد سبوعين
بيت عمر
دق مبارك عم نوره الكبير(محد يحبه لأنة متصلط )
نوره:الوو
عمها:السلام عليكم
نوره:وعليكم السلام هلا عمي
عمها:شلونكم
نوره :بخير دامك بخير
عمها:الله يسلمج عمر متى يرد
نوره:الأسبوع الجاي
عمها:اي على خير زين اسمعي أنا اليوم جايكم قولي لمج
نوره حست بخوف:انشالله
صكت التلفون وراحت تركض لمها وقالت لها ان عمها يبي يجيهم
امها :الله يستر
نوره:شسالفه قولي خرعتيني
امها:شقولج بس متى يرد عمر يفكنا منهم
نوره:يما لا يكون جايين يخطبوني لمحمد أنا ما ابيهم يما تكفين فكيني منهم
ام نوره حظنت بنتها والدموع على خدها :من عقب ابوج الكل قام يتحكم فينا
نوره خايفه مسكره على روحها بغرفتها
سمعت انا عمها جاي
قعد مع امها بصاله وتكلمو عن موضوع نوره
ام نوره:يا بو محمد البنت توها وهي رافضه الزواج
ابو محمد:الحين عمرها ٢٥ ليش رافضه يعني ليما تعنس
ام نوره:شوف ابو محمد البنت ما تبي محمد وانت عارف ليه
ابو محمد:اها يعني جذي السافله نوره ماراح تاخذ غير محمد وتشوفين
نوره لما سمعت كلام عمها انهارت وقالت لازم اقول لطلال
دقت نوره
طلال:هلا بالحب
نوره تبجي:.....
طلال:حبي شفيج فيج شي
نوره وهي تبجي:طلال
طلال:تبجييين ليش
نوره وخانقتها العبره:طلال عمي مبارك يبي يزوجني غصبن علي
طلال منصدم:شنو مو على كيفه هذا
نوره وتسمع عمها يكسر باب غرفته
نوره:طلال عمي قاعد يطق باب غرفتي شوي ويكسره
دخل عمها وعطاها طراق طيح التلفون من ايدها
وكان الخط مفتوح وطلال سمع الطراق يسمع شنو ينقال
عمها:ياحماره بتاخذين محمد ورجلج فوف راسج
نوره وهي تبجي:أنا لو تذبحني ماراح آخذ عيالك آخذلي هندي اشرف لي
لما سمع عمها كلامها قام يكفخ فيها وطقها طق السنة بليله وطلال يسمع صراخ نوره وحس بألمها مو عارف شيسوي
دخلت امها وفكت بنتها وقالت لبو محمد برا انت منت كفو
اطلع
ابو محمد:نوره راح تشوفين شسوي
قامت تدعي عليه
حظنت نوره امها وقالت يما تعبت ولله تعبت
طلعت ام نوره ونوره صكت الباب وقعدت على الأرض وتبجي بصوت عالي
سمعت صوت خفيف من التلفون مسكت تلفونها إلا طلال لحد الحين على الخط
نوره بصوت مرتجف:طلال
طلال يحاول يهديها:نوره حبي لا تخافين ياقلبي محد راح ياخذج غيري ياليته فيني ولا فيج
نوره:آاااه ياطلال تعبت ولله تعبت (تبجي)
طلال وهو متضايق على نوره:نوره لا تقولين جذي تكفين ولله قاعده تحسسيني بذنب لأني ماجيت خطبتج مبجر
بس اوعدج اول مايجي عمر اجي اخطبج خطبه رجال لا تخافين حبيبتي
أنا احبج ومافي احد يقدر يفرقنا
نوره بحزن:أخاف يجي يوم اكون أنا بطريق وانت بطريق
طلال:الله لايقوله
نوره بس لا تبجين تكفين ولله قلبي تقطع عليج ياروحي
نوره:أنا بدق على عمر
ابيه يرد بقرب وقت عشان يفكني منة
طلال:كيفج حبيبتي سوي الي يريحج
نوره:طلال ارتحت من سمعت صوتك وحسستني انك بجنبي الله لا يحرمني منك يا اغلى ناسي
طلال بحنية:اذا ماوقفت معاج بهالوقت متى اوقف معاج حبي ودي اجي اضمج على صدري وأمسح دموعج الغالية علي يا بعد قلبي
سكتو كلهم لفتره بسيطه
طلال:الووو
الووو نوره
نوره:هلا طلال
طلال:شفيج سكتي
نوره:ماأدري طلال أخليك الحين
مع السلامه ياقلبي
طلال:ديري بالج على نفسج غلاي اوكي
نوره :اوكي باي
سكرت التلفون وحست انها مرتاحه بعد المكالمه لأن حبيبها حاس فيها
وطلال لما سكر التلفون
متضايق حيل على نوره وقال يابعد قلبي غاصبينها على الزواج هي ما تبيه ياقلبي تكفخت عشاني لازم اخطبها بسرعه
لما رد عمر من السفر ومعاه جواهر
قالتله امه السالفة ونوره قامت تجبي
عمر معصب:ياربي هذا ليه مايتركنا انجن لأني ماخذت بنته
شوفي يمه السالفه صارت عناد ماراح ياخذها لو شنو يصير
نوره:تكفى عمر ما ابيهم تكفى
عمر:لا تخافين ماراح انسى شنو سوا فيج
دق تلفون عمر المتصل عمه حمود
عمر:هلا عمي
حمود وهو يبجي:عمر
عمر:عمي شفيك
حمود : عمك مبارك ومحمد
توفو
عمر منصدم:شنو وشلون
حمود:بحادث على طريق السالمي رادين من السعودية
وسكر الخط
عمر طاح على القنفه ونزل راسه بالقاع وقام يبجي امه ونوره خافو عمر شفيك تكلم
جواهر قعدت يم عمر تهديه
عمر:يما عمي مبارك ومحمد
توفو
نوره وامها انصدمو وقامو يبجون
نوره راحت لغرفتها طاحت عند الباب
قالت يا ربي ابجي ولا افرح
ياربي شهالمصايب ياربي يسر ولاتعسر
من درى طلال بالخبر راح دق على عمر عشان يعزية
طلال:شلونك عمر
عمر يحاول يسكت نفسه:ولله ياخوي ماني بخير
طلال:البقا براسك هذا قدر الله مانقدر نرده احتسب الأجر وادع لهم بالرحمه
عمر بحزن:الله يرحمهم يغفر لهم
طلال:عمر تكفى شد حيلك مايصير جذي
عمر:انشالله
طلال:وين العزا
عمر:بيت جدي
طلال:يلا مع السلامه
عمر الله يسلمك
قعد طلال يفكر بنوره وقال اكيد هي بحاله يرثى لها لازم ادق عليها
قعد يدق عليها
نوره اطالع تلفونها تشوف ان طلال هو يدق ماردت مو قادره تكلمه
طلال استغرب ليش ماترد
دق ثاني مره
ردت علية بصوت كله الم وحسره:هلا طلال
طلال:نوره شلونج؟
نوره بحزن:تسألني شلوني؟
ولله ما ادري شلوني ياطلال
ما ادري ابجي ولا افرح
ابجي لأني فقدت عمي ولد عمي ولا افرح لأني افتكيت منهم
آخخ ولله ماادري
طلال منصدم من كلام نوره ماقدر يسمع اكثر
وسكر الخط
بعد ٥ شهور
الأوضاع تعدلت والناس هدت
طلال يفكر بنوره
يقول
هي شخبارها وشلونها ولله اني اشتقتلها أخر مره كلمتها يوم وفاه عمها
طيب هي ليش ماتدق علي ليش ماتسأل عني
نوره:معقوله طلال مايسأل عني ليش قطع فيني كل هالفتره مستحيل طلال ينساني مشتاقتله حيل
راحت نوره طقت الباب على مرت اخوها جواهر
جواهر:هلا نوره حياج
نوره دخلت غرفة جواهر
نوره:جواهر بكلمج بموضوع
جواهر:شنو
نوره:عن طلال
جواهر:تبين تعرفين اخباره صح
نوره:اي
جواهر:شقولج يانوره كل مارحت لهلي طلال ياخذني على صوب ويسأل عنج
نوره منزله راسها
جواهر:نوره طلال يبيج وشاريج ماخطبج بسبه الظروف الي مريتو فيها
نوره:زين شلونة الحين
جواهر:اجذب عليج أذا قلتلج زين
نوره قامت تفكر بطلال وحاسه فيه ماأقدر اشوفه متضايق ياروحي يا طلال
طلعت نوره من غرفته جواهر وراحت لغرفتها مسكت التلفون دقت على طلال
طلال بالديوانية شاف تلفونة المتصل نبض قلبي
طلال فز قلبه وطلع بره الديوانية
طلال:هلا يحياتي
نوره بلهفه:طلال شلونك
طلال :بخير ياقلبي ليش ماتسئلين عني وينج عني يهون عليج فرقاي
نوره:ولله ماهان علي بس شسوي يا طلال انت عارف
طلال:يالظالمه خمس شهور قاطعه عني ولله اشتقتلج ياروحي
نوره:ونا بعد اشتقتلك
طلال:يافرحتي اليوم
سمعت صوتج يا بعد صوتي
نوره ودي اشوفج تكفين بشوفج
نوره:حتى أنا بس مو بكيفي
طلال اكلمك شوي امي تناديني
طلال رد لديوانية مستانس
علي:طلال بقولك بشاره
طلال:بشر
علي:ملجت
طلال:مبروووك يعني أنا الوحيد العزابي
علي:انت ليمتى قاعد تحرك اخطب نوره بسرعه قبل لا تروح
طلال:باجر انشالله بكلم عمر
علي:اي وكلم الوالده
طلال:انشالله منو سعيده الحظ
علي:ماقالتلك نوره
طلال مستغرب:لا
علي:ملاك
طلال:اييي ملاك رفيجه نوره
علي:عليك نور
طلال:مبروك الله يوفقك
طلال سرحان يفكر الحين عمر اخذ الي يحبها وعلي اخذ الي يحبها
ونا ليمتى ناطر
علي:ياهووو وين وصلت
طلال:ها ياخي شبلاك قطعت حبل افكاري
ههههههههاااااي
لما رد البيت طلال راح قعد مع امه قالها:يما باجر تروحين تخطبين لي نوره زين
امه:انشالله ياولدي بدق على جواهر تكلم عمتها
طلال:خلاص يما بدق على عمر اكلمه
امه:على بركه الله
طلال دق على عمر
طلال:مرحبا يالغالي
عمر:مرحبتين يا الخوي
طلال:فاضي
عمر:ولله قاعد مع جوجو ابشرك جواهر حامل
طلال:مبرووك عطني العوبه
جواهر:هلا طلول
طلال:ليش ما تقولين لي انج حامل بصير خال وناسه
جواهر:ما مداني توني جيت من الطبيب
طلال:عطيني عمر
عمر:هلا طلال
طلال:تعال بكلمك بموضوع
عمر:وينك
طلال:تعال بديوانيتنا
عمر:اوكي
عمر يكلم جواهر
عمر:بروح بيتكم تروحين
جواهر:اي بروح ابشر امي
دخل عمر الديوانية
عمر:ها طلال شنو الموضوع
طلال مرتبك
عمر:طلال شفيك تكلم
طلال:أنا ابي اتزوج
عمر :مبروووك انت وجهك قايلي بتلفون زين منو المقروده الي بطيح بجبدها
طلال:اختك
عمر منصدم :اختي
طلال:أنا جاي آخذ رايك
عمر بفرح:بصراحه ياطلال أنا ادري انك تحبها وهي تبيك
طلال انحرج
شوف طلال أنا لو الف وادور ماراح القى واحد احسن منك طلال أنا ماعندي مانع وتستاهل طلال حظن رفيجه وقال مشكور يا عمر
متى أخلي الوالده تجي
عمر:افا عليك من باجر لو تبيها بعبايتها
طلال: تسلم تسلم
رد عمر للبيت وشاف نوره وامه
قاعدين على التلفزيون
عمر:الأهل متجمعين
نوره:هلا فيك
عمر:يما ابشرج
امه:ها هات البشاره
عمر يطالع نوره:يما نوره انخطبت
امه: منو خطبها
نوره منصدمه وخايفه
من رد عمر
عمر يطالع نوره و يبتسم: خطبها واحد عزيز على قلبي ورفيج دربي طلال
نوره ماقدرت تخفي فرحتها نزلت راسها
ام عمر:هذي الساعه المباركه وطلال يستاهل كافي انه انقذ اختك من الموت
عمر:اي ولله
ها نوره شرايج
نوره وخدودها شبت ضو أحمر :رايي من رايك
عمر بضحك:أنا رايي ان ما تاخذينة
نوره:شنو
عمر:شبلاج اضحك انهبلت
صعدت نوره لغرفتها
وقالت واخيرا جا خطبني اللحمدلله ما في احد يفرق بينا
يا قلبي يا طلال
طلال وأخيرا نوره بتكون لي
قام يفكر فيها ويذكر ملامحه الي سحرته
اليوم خطبه طلال على نوره
لما درو عمامه زعلو عليه
لأنهم متحسفين عليه حرام يطلع منا
طلال قعد مع عمه الكبير يوسف ومع اخو الكبير ابراهيم
يفهمهم
وافق عمه وقال:طلال هذي حياتك خلاص باجر اروح انا وعمامك نخطبها لك
طلال:مشكور وماقصرت
اول مادرو بنات عمه بالخبر وخصوصا ندى استخفت وعصبت ودها تذبح نوره بس شتسوي
اليوم ملجه طلال
نورن حست بخوف
لأن جاها اتصال من ندى تهديد
نوره قالت محتره مني لأني اخذت زين الشباب
جواهر بغرفه نوره
جواهر:حسيتي بالي حسيت فيه بملجتي
نوره:اي ولله حاسه ان قلبي بيطيح ابطني
(نوره كانت لابسه ثوب قصير ضيج تفته لونة قرمزي كل درابية وفيه حزام على الخصر مرصوص رص بالكرستال نفس لون الثوب وناثره على الصدر كرستال نفس لون وشكله ذربه وحاظه مكياج خفيف حاطه بس كحل ومسكره واحمر خدود وحمره لونها قرمزي فيسها روعه وهالمره رافعه شعرها مسوية تسريحه شكلها مره روعه
الي يشوفها يقول هذي فرنسية
ولابسه كعب عالي شكله كول نفس اللون)
جواهر:انت تبين تعذبين طلال
نوره:ليش اعذبه
جواهر:كل هالكشه وما تبينة يتعذب
نوره بغرور:شذنبي أنا حلوة
هههه
بعد الملجه والكل بارك لطلال
طلال قعد يفكر الحين محد يقدر ياخذ نوره مني
هي الحين زوجتي
طلال:عمر ممكن اشوف العروسه
عمر بضحك:ياخي لاحق عليها
ابشر الحين اجيبها من شوشتها
صعد عمر لغفره نوره
دخل لقى زوجه جواهر وأخته
عمر بضحك:الله تذكرين يوم ملجتنا ياجواهر
جواهر:شلون انسى يا عمير
عمر:اقول يانوره زوجج يبيج روحي
نوره ذابحها الحين
عمر:يعني مستحية انت وجهج
مصيرج مثل هاللي قاعده عندي بس اول شي يعني استحي بعد مرور اقل من شهر صايرتلي فرعون
نوره تضحك
وجواهر طقت عمر لا ولله اقول احترم نفسك رجاءا
نزلت نوره مع أخوها لديوانية دخلت بكل حيا
عمر هذي نوره وجتها لك
يلا باي
ظلو بروحهم وقف طلال يطالعها يقول انت نور(منبهر من جمالها وانوثتها)
نوره بكل نعومه:اي أنا نوره
طلال قرب منها وقعد عندها
قال:شفتي يانوره أنا وعدتج ووفيت بوعدي
نوره اطالعه وابتسمت له
ونزلت راسها طلال مسك ايدها وضغط عليها شوي وقالها نوره أحبج
نوره ببتسامه:ونا بعد احبك
طلال حب ايدها وشم ريحتها تجيب العافية عطور فرنسية
نوره استحت حيل
ولفت راسها
طلال لف راس نوره وظل يطالعها ونوره قالت
طلال
طلال:عيون طلال
نوره :طلال بروح
طلال:حبيبتي مو بكيفج انت زوجتي على سنة الله ورسوله
نوره:طلال ابيك تشتاقلي شفيك طلال:حبي اصلا ونا قاعد معاج الحين مشتاقلج ياروحي
شلون لو تروحين عني
نوره اطالع طلال بنظراتها الحاده قالت له طلال اقرى على نفسك
طلال:ليش
نوره:جمالك فتان ياروحي
طلال:حبيبتي خايفة علي من العين
نوره :اكيد اخاف عليك
نوره تذكرت تهديد ندى وبين على وجهها الزعل وشكلها متضايقه
طلال حس ان فيها شي:نوره فيج شي
نوره:ها مافيني شي
طلال:نوره تكلمي أنا زوجج
نوره:طلال بصراحه أنا خايفه من ندى
طلال:ونت شكو فيها
نوره:طلال هي من زمان حاطه علي
طلال:زين هي شتبي
نوره:ندى دقت علي تهددني
طلال:وين قاعدين احنا اي كملي
نوره:اخاف انها اطلع حجي عني وعنك هي تبي تفرقنا
طلال:شنو الدنيا فوضه
هذي حسابها عندي لا تخافين
نوره بضحكه:أخاف تاخذك مني
طلال:لا تخافين محد يقدر يبعدنا عن بعض
دخل عمر وقطع عليهم حديثهم
طلال بضحك:ياربي يا هالنشبه شتبي
عمر:ابي اختي
نوره ميته من الضحك
طلال:كأنك اول مره تشوف اختك
قامت نوره وقفت جنب اخوها
طلال يطالع نوره من فوق لي تحت يطالع انوثتها واناقتها
طعلت وراحت لغرفتها
لما راح طلال راح لعمه حمود وقعد يقوله سوالف بنته ندى شسوت بنوره
عمه حمود منصدم:بنتي تسوي كل هذا
طلال:عمي طلبتك لا تأذيها بس قولها مالها شغل بمرتي
عمه:ابشر
طلال طلع من بيت عمه
بعد فتره قالت امه ياوليدي ودي أنا وخواتي نخيم بالصبية
طلال:ابشري يما
اليوم اروح أنا ونسيبي نعس لكم مكان زين
دق طلال على عمر
طلال:هلا بالنسيب
عمر:هلا ومرحبا بالنسيب هههه
شلونك يالغالي
طلال:بخير وانت شعلومك
عمر:اخبار الخير
طلال:شرايك نطلع لصبية
عمر:ليش شعندك
طلال:اهلي يبون مكان زين نبي نسوي مخيم
عمر:اي ولله قربت الشتوية
تصدق وابي ادور مكان جنبكم عشان الوالده تفضى وتغير جو
طلال:يلا جهز العزبه عشان امرك إلا صج عمر شخبار علي من زمان عنة
عمر:ولله علي محتاس يجهز لعرسه
طلال:اي ولله نسيت
عمر:اقول يلا مرني من زمان عن البر
طلال:يلا دقايق
طلال وعمر راحو لصبية واختارو اماكن حلوة
جابو العمال وطقو الخيام وضبطوهم
سوو مخيمين واحد لأهل عمر والثاني لأهل طلال وكانت المسافه شوي بعيده بين المخيمين
ثاني يوم طلال وامه وخالاته طلعو للمخيم ونامو فية كان وقتها بعطله الربيع
طلع عمر مع اهله لمخيمهم
طلال راح يتمشى بروحه بالبر ويفكر بنوره ظل يطالع مخيم عمر ويقول اكيد نوره هناك ودي اشوفها
نوره هي قاعده على النار تفكر بطلال كانت لابسه جنز سكني
وبلوزه سوده لي نص الفخذ ضيجه وحلوه حيل وملفع اسود وكانت لافة على رقبتها شماغ أحمر
لفت نظرها طلال كان يتمشى لما شافته فز قلبها كان لابس دشداشة وعمامه طالعه عليه روعه وكان لابس نظارات
نوره قطت الملفع وتلثمت بشماغ وكانت عيونها شي خيالي جمالها ساحر
راحت ركبت البقي وراحت تقحص عند طلال
طلال منصدم يقول هذي شفيها
طلال عرف ان هذي نوره
طلول الخبيث راح نط عليها وقعد وراها نوره انصدمت
طلال:يالعوووبه ليش تسوين فيني جذي عرفت يانوره
نوره:انزل انزل
طلال:ماني نازل شبتوين
نوره:طلال ياقلبي فشله موحلوة احد يشوفنا
نزل طلال ونوره اطالع طلال
طلال قرب منها ونزل لثامها بيده
وقالها:احبج احبج
نوره شغلت البقي وهي ماشية حتى انا اموووت فيك
راحت نوره للمخيم وصار بليل وأهل طلال زارو أهل عمر بمخيمهم
والحريم قامو يقصدون ويغنون كل البنات رقصو والحين جا دور نوره
جواهر الملعونة دقت على اخوها قالت له لف من ورا شوف نوره بترقص
طلال ماصدق على الله اول مره يشوف نوره ترقص
نوره فتحت شعرها الأسود الطويل الكثيف كان شكلها وهي ترقص يجنجن كانت كل ماتلفح بشعرها تفوح ريحه البخور
طلال منهبل عليها وقال شهالغزال الي قاعد اشوفه
اول ما خلصت وقعدت
جاه مسج فتحته الا من طلال مكتوب فيه عشت عشت
انصدمت طالع يمين ويسار ادوره طالعت جواهر
جواهر بضحك:أنا مالي شغل
نوره:انا اوريج يا الخايسه
جواهر بنات شرايكم نجربع بروحنا بس ما نبعد ونوره تسوق فينا
البنات:يلا
ابيت الشعر عند طلال وعمر
طلال:شنو هالسياره الي تحوس عند المخيم
عمر:هذول البنات يجربعون قالتلي جواهر
طلال:انت منصجك مخليهم بروحهم الحين ظلمه وأخاف يضيعون
عمر:امش نلحقهم بسياره
طلال وعمر بسياره راحين عند البنات
عمر:هذي نوره شمنزلها بظلمه شكلها تكلم تلفون
طلال يطالعها
عمر بضحك:شفيك طارت عيونك
طلال:اي ولله طارت عمر وقف وقف
عمر:ليش
طلال بضحك:ياخي بروح لزوجتي عندك شي
عمر:هههه انزل انزل
طلال نزل وراح يلحق نوره شوي شوي عشان ما تحس فيه
لما قرب منها لمها من خصرها
نوره:صرخت منو
طلال:حط ايده على حلج نوره
نوره رفت طلال بطنة ماتدري انه هذا طلال
طلال طاح بالأرض يتلوى وقال:يالخبله انا طلال
نوره :يحياتي اسفه عورتك مسكته طلال سوري
طلال يتدلع:آخخخ بطني
نوره خايفه عليه:ليته فيني ولا فيك ياقلبي
طلال:يحياتي خفتي
نوره:بالله هذا سؤال
اكيد خفت
طلال:ياحلوج ونت خايفه فديتج
طلال وقف قدامها وظلمه حيل حط ضو التلفون على وجهه وقالها أحبج
نوره بحيا طلال رجعني للمخيم
طلال افا عليج حبي امشي
طول الطريق وهو ماسك ايدها ويتغزل فيها اول ماوصلو
طلال حب ايد نوره وقالها فديت عيونج
نوره:ياقلب نوره انت
طلال:أنا ماأقدر على الكلام الحلو باااي يا نظر عيني
نوره:باي
راحت نوره عند البنات اول مادخلت قالو :اووووو ليش غاطه قولي
نوره ذابحه الضحك:انتو شكو
البنات:يما منج
صارت الساعه ٢ بليل والكل راح لخيمته ينام
دق عمر على طلال
نوره قاطه اذنها على اخوها
عمر:يالنسيب وينك؟
طلال:ولله قاعد الحالي
عمر:تعال عندي بيت الشعر مظبط القهوه تعدل المزاج
طلال:الله بوقتها دقايق وجاي
جا طلال عند عمر وكانو قاعدين عند بيت الشعر
وكانت نوره واقفه ورا الرواق مال بيت الشعر وقاعده تسمع سوالفهم لأن سوالف الشباب حلوه
عمر:طلال بصراحه ناقص هالقعده شي
طلال:شناقصها
عمر:علاوي
طلال:اي ولله تصدق واحشنا
عمر:ياخي من زمان ماتناشبت معاه
طلال:ههههههه
عمر:طلال ياخي اطربنا بسمع صوتك
طلال :ابشر ياعمير
طلال بدا يغني اغنية محمد عبدو(تصوري مره نسيتك وابتسمت مره نسيتك وابتسمت.....)
نوره تسمع صوت طلال وقالت
طلال صوته حلو مشالله عليه فديته
عمر:الله الله عليك
طلال:حاظرين
عمر:اقول بروح اجيب التمر
نوره العوبه دست التمر عشان عمر يطول
اول ماطلع عمر من بيت الشعر
نوره اطالع طلال من فتحه الرواق وتقول:بسسست
طلال:بسمالله منو هني
نوره:بسسسسست
طلال:يطالع يدور في احد
نوره اخذت عصا وقامت تنقز طلال من ورا الرواق طلال درى ان هذي نوره حط مخده وقامت تنقز المخده
طلال وهو يضحك:أح اح اعوذ بالله منو
طلال طلع شوي شوي وراح عندها وطاح عليها وقال:طحت عليج يالعوبه
نوره وهي منخرعه:يما
طلال:لا ولله خرعتي وكسرتي ظهري يالخايسه
نوره ميته من الضحك ما تقدر تكلم من الضحك
وتقول وهي تضحك :بطني بطني(بطنها قام يعورها من الضحك)
طلال وهو منصدم لأنة اول مره يشوف نوره وهي مته من الضحك:يالخبله لاتموتين بسج ضحك
نوره:ما اقدر ما اقدر هههههههه
اختنقت
طلال:يالهبله بس
نوره:اقول اضحك معاي هههههههههااااااايييي
طلال لما شاف الوضع قعد يمها وقعد يضحك معاها
فجأه نوره طلال قوم قوم
طلال :ليش يا هبله
نوره وهي فارطه من الضحك:عمر عمر
طلال فز وطار لبيت الشعر
وقط اذنة على عمر
عمر شاف اخته ميت من الضحك:شفيج يا دلخه
نوره تحاول تسكت نفسها: سريت سريت
خخخخخخخخ
طلال سمعها وفرط من الضحك صج ان نوره فلم لووول
متزوج وحده رقله
عمر:مالت عليج تضحكين انج سريتي صج انج مجنونة
روحي روحي الله يستر عليج بس لا يعطونج كرت احمر
نوره:زين زين
طلال:يحاول يسكت عمره عشان قدام عمر
طلال:شفيك تأخرت
عمر:ولله ادور التمر توني لقيته
طلال يكلم نفسه يما منج يانوره حتى التمر دسيتيه
بعد فتره
وباقي على عرسهم تقريبا ٣ شهور
كانت نوره تكلم طلال
وقالت:طلال مايصير جذي
طلال:شنو الي مايصير
نوره:شوف عرنا باقيله ٣ شهور وابيك تشتاقلي خلاص لا دق علي ولا تشوفني
طلال:انتي من صجج ماأقدر
نوره:طلول عشاني
طلال:خلاص اوكي بس ولله راح اشتاقلج
نوره:طلال بلا دلع باي
اول ماسكرت الخط دق طلال
نوره ضحكت:مامداك
طلال:اشتقتلج
ههههههه
طلال وعد نوره انة مايدق
تعرفون العروس تروح اجهز حق عرسها
من سوق لي سوق
راحت نوره سوق الصالحية دخلت محل تختار لها ثوب
نوره اندمجت مع الملابس
وصدفه كان علي مع طلال بسوق الصالحية وطلال لمح نوره بالمحل
طلال قرب منها وكانت نوره ماسكه بدي وفي أحد قام يجر البدي من ايدها نوره استغربت
ورفعت نظرها الا الي واقف عندها طلال نوره انصدمت
طلال:واحشتيني موووووت
نوره بدلع:هذا الي ابيه يلا روح حبيبي وين وعدك لي
طلال:يما فديتج اوكي رايح يا قلبي ناقصج شي
نوره:ابي سلامه قلبك
طلال:قلبي قلبي يعورني
نوره:طلول بلا دلع شفيك
طلال:حبي ما اقدر اروح وانت موجوده
نوره:طلال عاد يلا
طلال:خلاص خلاص لا تزعلين يلا باي
نوره ضحكت على طلال
وحست انة مشتاقلها حيل بس قالت احسن عشان يشتاقلي اكثر
باجر عرس طلال ونوره
نوره تفكر وتحاتي ومو قادره تنام
طلال مستانس ويقول اخيرا انا ونوره راح نعيش مع بعض وبأي وقت راح القاها عندي
طلال دز مسج حق نوره كاتب فيه
تصبحين على خير يا اغلى البشر اوصيج بالأذكار وارقي نفسج ترى خايف عليج من العين
نوره لما قرت المسج ارتاحت ونامت
لما قعدت راحت لصالون هي وجواهر
ولقت الوجيه الودره بنات عم طلال ولقت ندى
لما مرت ندى من عند نوره
نوره قالت السلام عليكم
ندى خزت نوره من فوق لي تحت ومشت وماردت السلام
نوره تضايقت شوي وجت جواهر تهديها تقولها تراها محتره منج لا تعطينها وجه
راحت نوره عند خبيره التجميل وحطت لها مكياج خفيف يناسب نوره كل الي يمر من عند نوره يسمي برحمان لأنها طالعه قمر ملكه جمال تهبل
ندى لما شافت نوره زادت غيرتها وماتت من القهر راحت عند الخبيره الي حطت لنوره وقالت لها ابي مثل مكياج نوره واحلى
الخبيره:اوكي
طبعا ماطلع المكياج مثل مكياج نوره لأد ملامح ندى عادية
نزلت نوره عشان تسوي التسريحه وسوت تسريحه حلوه مع طرحتها
لما لبست الثوب نوره صارت ملكه
جتها ندى وكان معاها صبغ اظافر احمر
نوره حست ان ندى تبي تسوي شي
لفت نوره وندى تسوي نفسها ماشافت نوره وكبت الصبغه على ثوب نوره
ني عصبت وصبغه حمره ما تروح وثوبها ابيض نوره مسكت اعصابها وقالت لندى
ليش ماشفتيني
ندى بخبث:شفتج وتعمدت اكب الصبغه والحين اتحداج تلقين ثوب ثاني هههه
نوره تقهر ندى:ياحبيبتي موتي قهر أنا اخذت طلال زين الشباب والثوب بداله الف ثوب ياروحي
ندى فار دمها من برود نوره
وطلعت من الغرفه معصبه
نوره قامت تبجي ما تدري شتسوي بثوبها دقت على جواهر
جواهر عصبت ومسكت ندى وشرشحتها دقت جواهر على المصمم سألته أذا عنده ثوب بنفس المستوى الي اخذته نوره
قالها عندي
جواهر:اوكي بليز توصله على الصالون لأن مافي وقت
دق عمر على جواهر ويسألها شخبار العروسه
جواهر قالت لعمر السالفه وعصب وفار دمه وقال ان كيدهن عظيم ديري بالج على نوره وهديها
وصل الثوب الجديد ولبسته نوره وطلع احلى بألف مره من الأول واستانست نوره كل شي مضبوط
طلعت نوره من الصالون وراحت لبيتهم تصور وتنطر الزفه
وهي بسياره رايحه لصاله العرس حست بخوف وارتباك ودقات قلبها تسرع
وصلت لباب الصاله وجتها جواهر تهديها
بدت اغنية دخلتها ودخلت وصعدت على البست
والكل قام يسمي برحمن لانها طالعه قمر
ندى انجنت
وطارت عيونها وماتت قهر
وقعدت على الكوشه وجو رفيجات نوره يسلمون عليها
قالت الطقاقه المعرس وصل تغطو يا حريم
نوره خافت وارتبكت لما سمعت ان طلال وصل
دخل المعرس وأهله البنات فزت قلوبهم لما شافو طلال طالع تكانة
وصل طلال الكوشه وشاف نوره متغطية وقف وسلمو عليه لما طلعو اهله شالو الغطا عن نوره طلال كأن اول مره يشوفها نوره منزله راسها منحرجه
طلال همس بذنها تبارك الرحمن قمر
نوره انحرجت من كلامه
الناس منهبلين عليهم
المصوره تقول حق طلال امسك ايدها
طلال ابتسم ومسك ايدها
قامو عشان يطلعون من الصاله وطلال شاف ندى وبعيونها الشر طلال يبي يحرها قرب من نوره ولرق فيها ويضحك ندى انقهرت من نوره وتقول بقلبها
حرام عليك ياطلال ليش تسوي فيني جذي أنا احبك
بس أنا الحين على قد ماحبيتك كرتك واتمنى انك تموت
لما طلعو المعاريس ركبو الليموزين طلال طالع نوره مسك ايدها ويقولها نوره
نوره اطالعه
طلال:تدرين انج طالعه قمر
نوره ابتسمت
طلال فديتج ياعمري
ابراهيم اخو طلال هو الي يسوق وهو خايف:الله يستر
طلال:ابراهيم شفيك
ابراهي انت شايف هذول يقحصون قدامي وقاعدي يحدونا على الرص....
ابراهيم ماكمل كلامه
جت سياره مسرعه دعمتهم نوره تصرخ طلال طلال
فجأه سكتو كلهم طلال فتح عيونة ينادي نوره نوره طلال فتح باب السياره ومايشوف طاح على القار وابراهيم صار في نزيف ونوره ثوبها الأبيض صار احمر من الدم نوره قامت ادور طلال نزلت من السياره وقامت تصرخ وتبجي لما شافت طلال طايح على الشارع
مسكت ايده وتقول طلال تكفى قوم قوم لا تموت طلال (تبجي) طلال حبيبي قوم نوره زاد نزيفها وأغما عليها وطاحت على صدر طلال الي يشوفهم عيونة تدمع غصبن عليه
جاهم عمر لما شافهم قام يبجي ويقول رفيجي وأختي
ياربي صبرني
مسك طلال يكلمه طلال لا تخليني يا طلال لا تخليني يا خوي مسك اخته يهزها نوره نوره
جت الإسعاف أخذتهم
عمر لحقهم بسياره
راح للمستشفى واقف عند العناية المركزه ينطر اي خبر عنهم
طلع الدكتور يكلم عمر
عمر :دكتور شلونهم
الدكتور:حاله البنت زينة
اما الولد حالته خطيره ادعوله
عمر وعيونة متروسه دموع:دكتور زين طلال شنو فية
الدكتور:طلال بيغبوبه وما ندري اذا يصحى ولا لا
عمر:ياربي استر
جت ام عمر وام طلال واهلهم خايفين عليهم وحالتهم حاله ابراهيم قام بسلامه
ام طلال وهي تبجي يابعد عمري ياولدي ما فرحت بعرسك هذي عين ما صلت على النبي
عم طلال مبارك:اذكري الله يام طلال انشالله يقوم بسلامه
جت ندى للمستشفى والكل مستغرب جيتها وخصوصا جواهر جواهر خافت من جية ندى
ندى ندمانة على الي سوته وحاسه بتأنيب الضمير وقالت اعوذ بالله من الشيطان أنا شلون كنت اسوي بنوره جذي
جا الدكتور يبشرهم
الحمدلله نوره في حاله طيبه بس تحتاج لدم ضروري
راحو يحللون عشان يتبرعون لها
ولا واحد مثل فصيلتها حتى امها
بس وحده هي ندى مثل فصيله دم نوره وقالت لدكتور انا اتبرع لها
جواهر وعمر استغربو من رد ندى وقالو ندى تكره نوره ليش تتبرع لها
راحت ندى لغرفه سحب الدم دخلت جواهر على ندى
جواهر:ندى ليش تتبرعين لنوره
ندى بحزن:تبين الصراحه انا غلطت بحق نوره وحاسه بتأنيب الضمير
جواهر استانست من كلام ندى وحضنتها وقالت ماصار إلا الخير
طلع الدكتور من العنايه ومسكته ام طلال تقوله ولدي شلونة
الدكتور:مش عاوز اخبي عليك ولدك في حاله حرجه واحنا عملنا الي علينا والباقي على رب العالمين
ام طلال انهارت من كلام الدكتور :زين يا دكتور طلال راح يعيش
الدكتور وشكلمه مايطمن:الله اعلم
جواهر وامها تعبو من البجي
جا علي للمستشفى راح لعمر
لما شاف عمر يبجي على خاف
علي:عمر وين طلال
عمر حظن علي وقام يبجي
علي: عمر تكفى فهمني ولله تلف اعصابي
عمر:طلال بغيبوبه ويمكن يموت بأي لحضه
علي منصدم:انت شقاعد تقول طلال مستحيل يموت طلال اخوي علي حط راسه على الطوفه وقام يبجي
نوره اول ماصحت سألت عن طلال
عمر يطالع امه سكت
نوره خافت:عمر طلال وين
عمر:نوره ارتاحي طلال بخير
نوره:لا طلال فيه شي بس ما تبي تقول
عمر يحاول يخفي دموعه:شوفي نوره طلال لحد الحين بالعناية
نوره تحاول تمسك اعصابها:هو شلونة الحين
عمر:تحت رحمه رب العالمين ادعيله
ابيج تشكرين ندى
نوره مستغربه:ندى شكو
عمر:هي الي تبرعت لج بدم لولاها جان متي
نوره مستغربه من ندى هذي اول مره تسوي خير
نوره لفت راسها والمخده انترست ادموع نوره تقول ياربي تشافي طلال يارب آخخخ يا طلال ليش يصير فيني جذي أنا تعذبت قبل لا اتزوجك والحين اتعذب بعد ما تزوجتك آاااه طلال ودي اكون بجنبك ادري انك محتاجني
لما صحت نوره والكل جا يتحمد لها بسلامه
نوره راحت لقسم العنايه المركزه طلبت الدكتور يدخلها
الدكتور ما رضى
ترجته وآخر شي وافق
اول ما دخلت عليه وشافت حالته قامت تبجي
لفت على الدكتور وقالت له دكتور طلال يسمع
الدكتور:طلال يسمع و يحس بس مايتحرك
نوره شافت حاله طلال شكله تعبان وجهه اصفر
مسكت ايده وقعدت تكلمه
طلال حبيبي شد حيلك ونا جنبك ماراح ابعد عنك ولا افارقك دقيقه الا لما تقوم بسلامه
وحبت راسه
وقعدت تقرا عليه
يا بعد قلبي يا طلال ياروحي الله يقومك بسلامه
قعدت نوره عنده ومسكت المصحف وتقرا قرآن وتعلي صوته عشان طلال يسمع القرآن وصلت نوره عند الآية(ان الله مع الصابرين)نوره تعيد هذي الآية اكثر من مره
وكانت تغسل وجه طلال بماي زمزم
وصارلها سبوع وهي تقرا عليه
دخل الدكتور
وشاف طلال وقال بقلبه طلال خلاص ماراح يعيش
الدكتور سكت ما قال لنوره
الدكتور اول ماطلع كملت نوره قراءه وكانت حاطه ايدها بيد طلال
طلال ضغط على ايد نوره
نوره انصدمت طلال ضغط على ايدي
استانست وطارت من الفرحه
طلال أذا تسمعني اضغط على ايدي
طلال ضغط على ايدها
نوره وهي طايره من الفرحه
الحمدلله يارب الحمدلله
راحت تنادي الدكتور وقالتله ان طلال ضغط ايدها
الدكتور فحص طلال وانصدم ظل يطالع نوره
نوره خافت من نظره الدكتور :دكتور شفيك
الدكتور منصدم:نوره طلال عايش وحالته تحسنت وراح يصحى
نوره من الفرحه قامت تبجي وتحمد الله
الدكتور:انت عملتيلو ايه
نوره بفرحه:دكتور أنا صارلي سبوع اقرى علي القرآن
الدكتور:سبحان الله
عازين ناخد طلال لغرفه الإنعاش انتظري برا
راحت نوره دقت على ام طلال وعمر وقالتهم ان طلال قام بسلامه
نوره واقفه عند باب غرفه الإنعاش مستانسة تنتطر طلال
جت ام طلال والأهل كلهم
ينطرون طلعه طلال
نوره مشتاقه لطلال ودها تشوفه وتسولف معاه
داخل في غرفه الإنعاش طلال صحى وفتح عيونة شوي شوي
قاله الدكتور الحمدلله على السلامه
طلال دايخ وحس الدنيا تفتر من البنج
طلال:دكتور
الدكتور:نعم
طلال:اقدر اطلع
الدكتور :لا لأن يبيلك راحه
بروح ابشر اهلك
طلال:دكتور لا تروح أنا بطلع لهم
الدكتور:طلال اخاف عليك
طلال:تكفى دكتور طلبت
الدكتور:على مسؤليت
طلال قام وقعد يفكر بأهله وبنوره وشبيسون لما يشوفونة
طلال مسك يده الباب يطالع من طرف الباب الأ يشوف زحمه اهله وحبايبه ونوره ماسكه يده الباب الثانية محد يدري ان طلال بيفتح الباب
اول مافتح طلال الباب طلعت بوجه نوره وحضنها حيل نوره انصدمت وقامت تبجي وقالت
الحمدلله على سلامتك حبيبي
طلال:نوره ولله اشتقتلج ولله ولأول مره تنزل دموع طلال
نوره:طلال حبيبي لا تبجي دموعك غالية علي والحمدلله الله قومك بسلامه
طلال رفع نظره وشاف امه وجواهر واهله
راح لمه وحضنها حيل وحب راسها
ام طلال :الحمدلله ياولدي اني شفتك
طلال:يما انا عشت بعالم غريب اسمع واحس بالي حولي
بس ماأقدر افتح عيوني ولا اتحرك
ام طلال:ياروحي
جت جواهر تسلم على اخوها
طلال بضحكه:شلونج يالعوبه وحشتيني
جواهر: وانت اكثر
عمر وعلي جو يركوض مستانسين
حضنو طلال ورفعوه فوق من الفرحه
عمر:الحمدلله على سلامتك ياخوي فديتك ولله وحشتنا
علي:طلال الحمدلله ان ربي رجعك لنا سالم تدري اني ما اسوى شي بدونك
طلال:الله يسلمكم يارب ولله لا يفرقنا
جا الدكتور قال لطلال:يلا طلال لازم نسوي لك فحوصات عشان نطمن عليك
طلال:انشالله جاي
بعد الفحوصات نزلو طلال للجناح
كان نايم
دخلت نوره وشافته نايم
حبت راسه وقالت يابعد قلبي نايم
قعدت يمه ومسكت ايده وقعدت اطالعه وتبتسم وقعدت تذكر الي صار وقالت سبحان الله الي رد طلال بعد ماكان شبه ميت ولله انها معجزه الحمدلله على كل حال
طلال فتح عيونة على نوره
وابتسم
نوره:شلونك حبيبي
طلال:بخير مادام انج بجنبي
نوره:طلال تدري شصار فيني بعدك حسيت اني بموت طلال حياتي بدونك ولاشي انت دنيتي كلها
طلال:لبا قلبج ياروحي لولاج ياروحي ماعشت كنت احس فيج واحس انج بجنبي كنت لما اسمعج تقرين قرآن كنت ارتاح
نوره تمسح على راسه وفجأه بجت نزلت دموعها غصبن عليها طلال شاف دموعها
قام من سريره وحظن نوره بحنية وقالها بس ياقلبي لا تبجين هذا أنا عندج وصحتي زينة تكفين نوره بشوف ضحكتج من زمان عنها طلال مسح دموع نوره ونوره ابتسمت لطلال
طلال:فديت الي يبتسم ولله احبج
نوره:ونا بعد احبك
دش الدكتور وقال:طلال عندي لك بشاره
طلال:ها بشر
الدكتور:اليوم تقدر تطلع تحاليك سليمه
طلال:صج دكتور الله يبشرك بالخير
طلع الدكتور
طلال:الحمدلله يانوره جهزي اغراضي
نوره:من عيوني(قاعده تدق تلفون)
طلال:فديت عيونج الي عذبتني بس قاعده ادقين على منو؟
نوره:قاعده ادق علي عمر
طلال:ليش
نوره:ابية ياخذني لبيتنا
طلال يطالع نوره:نسيتي انج زوجتي واعرسنا
نوره استحت:نسيت
طلال:شفيه وجهج قلب احمر أنا شقلت
نوره تضحك
جت ام طلال مع جواهر عشان ياخذون طلال قالت ام طلال لنوره:يانوره ترى اليوم عندنا عشى على سلامه طلال
نوره:انشالله خاله بغيتج شوي
ام طلال:آمري
نوره:خاله كلمي طلال بروح بيتنا اتجهز واجي
ام طلال تضحك:ليش موراضي
نوره بحيا:اي
ام طلال :خلاص اكلمه لج
طلال:شعندكم متطرفات تحشون فيني صح
ام طلال:ههههه اقول ياوليدي نوره تبي اهلها
طلال:أحنا أهلها
ام طلال:شبلاك تبي بيتهم عند امها
طلال يطالع نوره :ليش يما
ام طلال:ياخي افهم تبي تضبط نفسها وتجي
(وجه نوره قام يقط الوان)
طلال يطالع نوره بنظره خطيره:أذا جذي ماعندي مانع
طلع طلال من المستشفى ولما صار المغرب كشخ طلال وراح لديوانيتهم وجو عمامه الكبار واقفين معاه بالعشا لأن ابوه متوفي
وعند الحريم
كانت الصاله متروسه حريم وصلت نوره مع امها لبيت طلال دقت نوره على ام طلال وقالتها انهم بره
جت ام طلال دخلتهم وشافت نوره وقالت تبارك الرحمن يابنتي شهالجمال غزال مشاءلله قريتي على نفسج كافي الي صارلكم بليله عرسكم عين ما صلت على النبي
(نوره كانت لابسه ثوب ضيج ف بنفسجي غامج في قصات فرنسية من قدام ومن ورا وكانت دلعته دائرية واسعه والكم ثلت تربع وكانت فيه حزام تحت الصدر مرصوص بالكرستال مختلف الأحجام لونة فضي شكلها روعه وكانت حاطه مكياج خفيف وفاتحه شعرها )بصراحه انيقه
لما دخلت على الحريم
الحريم انبهرو بجمالها واناقتها
وسلمت عليهم
عاد كانت ندى واقفه جت نوره وسلمت عليها
ندى بإبتسامه: شلونج نوره
نوره:بخير ياحياتي انت اخبارك
ندى:انا بخير دامج بخير
الحين ندى صارت انسانة ثانية وحبت نوره لأنها عرفتها عدل
لما راحو الحريم وام نوره راحت
نوره حست بخوف لأن تغير بيتها ولحد الحين مو مستوعه انها تزوجت
جواهر:نوره امشي اوديج لشقتج
نوره ساكته
جواهر:نوره يعني خايفه اقولج شي اول يوم بعرسي كنت خايفه وبعدها بجم يوم تعودت والحين شوفي بطني باقيلي شهرين وأولد
نوره ضحكت
جواهر:يلا نوره امشي
نوره قامت وراحت مع جواهر وقفت جواهر عند باب الشقة وقالت لنوره افتحيها
نوره فتحت الباب وسمت بالرحمن ودخلت ودخلت جواهر تدلها تقولها هذي غرفتج وهذي الصاله
جواهر:نوره
نوره:هلا
جواهر:نوره لا تغيرين خلي طلال يشوف كشختج بعدين كيفج
نوره ضحكت:يامنج صدق طلال لما سماج العوبه
جواهر ضحكت وطلعت برا
نوره ظلت تأمل بشقتها
فجأه إلا يطق باب غرفتها راحت تفتح الباب وقالت منو
طلال:حبي افتحي انا طلال
نوره حست برجفه وارتباك:فتحت الباب
لما شافها طلال ظل يطالها من فوق ليتحت منصدم كل مايشوفها يزيد جمالها
وقرب منها
وأخذ ايدها وحطها على قلبه وغمض عيونة
وقالها :تسمعين دقات قلبي
نوره مستحية:اي
طلال:كل ما اشوفج ضربات قلبي تزيد
نوره:سمالله على قلبك يا عمري
طلال:آخخخ فديت كلامج الي ينقط عسل
نوره ضحكت وقالت ياحلو سوالفك
مشت نوره قدام طلال
وطلال يطالع اناقتها
لفت نوره وشافت نظرات طلال أسألته:شفيك
طلال:سحرتيني يانوره
نوره :حتى انت ياطلال عيونك سحرتني
نوره دخلت غرفتها أخذت شور
وطلال قاعد على التلفزيون
لما طلعت من الحمام لبست بجامه حرير حمرا وحطت كريم مرطب على وجهها وقلوس وردي ورفعت شعرها
تعطرت بعطور فرنسية وراحت شافت طلال على التلفزيون وراحت قعدت يمه
قرب منها طلال وحط راس نوره على كتفه وحظنها وظلو يطالعون التلفزيون
طلال مندمج على التلفزيون
فجأه شاف نوره إلا نايمه وقال يابعد عمري نامت شكلها تعبانة
شالها طلال وداها لسرير وغطاها وحب راسها نوره قامت طلال همس بذها نوم العوافي
نوره ابتسمت وردت نامت
لما قعدت نوره من النوم شافت طلال يمها قامت شوي شوي عشان ماتزعجه
راحت اخذت شور ولبست ثوب قصير ناعم وحطت كحل ومسكره وقلوس وردي وتعطرت
دق باب الشقه فتحته إلا جواهر بره وقالت جواهر:صباحية مباركه
نوره :الله يبارك فيج
جواهر: الريوق جاهز
نوره :تسلمين
دخلت الخدامه وحطت الريوق
راحت نوره لغرفتها عشان تقعد طلال
راحت نوره قعدت جنب طلال ومسكت ايده وقالت له:حبيبي
قوم
حطت نوره ايدها على راسه وتلعب بشعر طلال:حبيبي قوم
طلال فتح عيونة وشاف نوره الي وجها كأن شمس مشرقة
يشع منة النور
نوره:صباح الخير
طلال :صباح النور حبيبتي
نوره:يلا قوم صح صح
طلال :جهزي لي الفوطه باخذ شور
نوره:من عيوني ياروحي
طلال راح للحمام وقال لنوره بصوت عالي:نووووره وين الفوطه
نوره:زين زين الحين اجيبها
نوره طقت باب الحمام وطلال اخذ الفوطه
راحو قعدو على طاوله الأكل
نوره تصب الشاي وطلال يخز نوره
نوره:طلال شفيك ليش ماتاكل
طلال يتدلع:ايدي تعورني
نوره:يا بعد قلبي الحين أنا اوكلك وبعد الريوق اسولك مساج على ايدك
طلال ابستم
نوره توكل طلال وطلال عض اصبع نوره بالغلط نوره تعورت
طلال مسك اصبع نوره وباسه وقالها يعورج الحين
طلال ونوره قامو يضحكون على الي صار
بعد فتره ومرت الأيام
وصار لطلال سنة متزوج
طلال نايم جت نوره مستانسة
لأنها حامل
راحت تقعد طلال
نوره:طلال طلال قووووم
طلال:هااااا شبين خليني انام
نوره:بسك نوم قوم
طلال:أذا ماقمتي عن وجهي ولله لألزقج بطوفه
نوره:لاولله الشرهه علي جاية ابشرك خلاص لا تحاجيني ولا احاجيك
نوره طلعت من الغرفه زعلانه
طلال حس أن نوره زعلت
طلال كمل نومه
لما قعد ينادي نوره ماردت عليه
طلال طلع من الغرفه يدورها
لقاها بالمطبخ
طلال:نوره
نوره ساكته
طلال:نوره شفيج صمخة
نوره:نعم
طلال مزاجه اكس وماله خلق معصب :شعندج ازعجتيني قولي شتبين
نوره انصدمت من اسلوب طلال :لا مافي شي كنت بقعدك بس
طلال بنفسية خايسه: سويلي ريوق بسرعه
نوره:انشاءلله
طلال راح لصاله يشوف التلفزيون
ونوره بالمطبخ تسوي ريوق بس كانت متضايقه حيل لأن طلال خرب فرحتها
ودت الريوق لطلال وحطته وقعدت اطالعه
طلال:اكلي
نوره:مالي نفس
طلال:احسن
نوره:طلال شفيك اليوم علي نفسك بخشمك
طلال:شوفي تراني مالي خلق
نوره:قامت وراحت
طلال يناديها بصوت عالي: نوره نوره
نوره راحت لغرفتها
طلال عصب وترفز منها وقام لحقها
نوره دخلت وقفلت الباب
طلال يطق باب الغرفه يصرخ:اذا مافتحتي قسما بالله ياويلج
نوره خافت وفتحت الباب اول مافتحت طلال طق نوره طراق!
من قوة الطراق نوره طاحت بالأرض
نوره انصدمت من تصرف طلال
نوره:طلال اطقني أنا طلال انا نوره
نوره انهارت قامت تبجي طلعت راحت للغرفه الثانية
وقفلت الباب نوره قامت تبجي حيل وتقول معقوله طلال الي يحبني بجنون يطقني
ولله ياطلال راح تندم على الي سويته
بروح لبيتنا بس شلون اهلي كلهم مسافرين وين اروح
آخ ياربي شسوي
طلال منصدم راح قعد بصاله ويقول أنا شفيني اليوم أنا شسويت بنوره معقوله أنا اطق نوره
نوره حبيبتي لولاها ماعشت
ياربي شلون اراضيها
يارب ساعدني
طلال راح للغرفه الي نوره قاعده فيها وقرب من عند الباب سمع نوره تبجي
طلال حس بتأنيب الضمير ياقلبي يانوره أنا عورتها ولحد الحين تبجي ما اقدر امشي وأخليها تبجي
طلال طق باب غرفتها :نوره حبيبتي افتحي
نوره سمعت طلال وقامت تبجي اكثر
طلال:ياحبي ولله آسف
نوره ماردت عليه
طلال شوفي نوره انا بعد شوي راد
نزل طلال تحت لقى امه بصاله
ام طلال:مبروك ياوليدي
طلال: على شنو يما
امه:ليش ماقالتلك نوره
طلال تذكر ان نوره كانت بتقوله شي:لايمه شنو
امه:مرتك حامل
طلال منصدم:شنو
امه:نوره حامل ونا بصير جده
طلال :من صجج يما نوره حامل
امه:شفيك اي ولله صج
طلال صعد لشقته ويفكر نوره يابعد روحي حامل ونا بصير ابو فيصل انشالله
طلال دش للشقه يدور نوره
طلال مسك يده الباب:نوره تكفين افتحي
طلال فتح الباب لأن نوره نست لا تقفل الباب
شاف نوره بوضع يبجي شافها طايحه على الأرض وتبجي وشعرها طايح على وجهها
طلال قرب منها وشال شعر نوره عن وجهها وقاله:تكفين يانوره سامحيني انا غلطت بحقج سامحيني
نوره رفعت عينها وشافت طلال
ونزلت دموعها
طلال ما قدر يتحمل حط نوره بحضنة وقام يسكتها يقولها خلاص حبيبتي لا تبجين انا اوعدج ماراح ازعلج بس خلاص قلبي يعورني عليج
نوره سكتت
وظلت اطالع طلال وقالته بصوت كله حزن:ليش سويت فيني جذي
طلال:حبيبتي كنت متضايق شوي
نوره حظنت طلال وطلال حس ان نوره محتاجلته وحن عليها
وقالها:اسف حبيبتي اسف
طلال حط ايدينة على وجه نوره ومسح دموعها وقاله:حبيبتي انت حامل
نوره انصدمت :منو قالك
طلال وهو مبتسم:امي
نوره :اي أنا حامل
طلال وهو فرحان:الحمدلله يارب انك رزقتني بالذرية ويارب اجعل ذريتنا صالحه
نوره ابتسمت لطلال:يارب
طلال قوم نوره وقالها غسلي وجهج الي كأنة بدر
نوره غسلت وجهها وراحت انسدحت وحست بتعب وارهاق وانسدحت على السرير
دخل طلال عليها وقالها أنا راح أنومج مثل الأطفال ياطفله حياتي
قعد طلال جنبها وحطت نوره راسها على فخذ طلال وطلال قام ويطق كتفها شوي شوي مثل الأطفال
طلال يلعب بشعر نوره
نوره حست براحه وريلاكس ونامت
طلال حط المخده تحت راسها وغطاها
وطف الضو وسكر الباب
بعد فتره والحين نوره بشهر السادس
راحت نوره وجواهر لدكتور عشان الفحص
لما فحص الدكتور نوره وشاف تحاليها انصدم
نوره:دكتور شفيك
الدكتور:نوره بصراحه لازم تنزلين الولد
نوره انصدمت:دكتور شتقول انت ليش انزله
الدكتور:نوره انت معاج ورم برحم وذا مانزلتية احتمال...(سكت)
نوره وهي خايفه:احتمال شنو
الدكتور:احتمال تموتين
نوره نزلت دموعها: دكتور أنا مابي اموت ولدي وأنا ماراح انزله
الدكتور:نوره انتبهي ولله خطر عليج
جواهر منصدمه:دكتور مافي حل
الدكتور هز راسه وقال:مافي حل
طلعت نوره من العياده تبجي حيل وراحت لشقتها وطاحت على سريرها تبجي
دشت جواهر للبيت وجها لونة اسود سألتها امها شفيج
جواهر قامت تبجي على حال رفيجتها ومرت اخوها
ام طلال :انخرعت شفيج تكلمي
جواهر:يما الدكتور قال لنوره اذا مانزلت الجنين راح تموت لأن فيها ورم ونا خايفه على طلال إذا درى شبيصير فية
ام طلال قامت تبجي على نوره جواهر:يما نوره راسها يابس موراضية تنزل الجنين
ام طلال:ياربي ياكريم الطف فينا اكيد ولدي بيصير فية شي أذا درى عاد طلال اهم شي بدنيته نوره شلون لو ماتت لاسمح الله
نزلت نوره تحت وقعدت مع عمتها ام طلال وجواهر وقالت لهم لحد يقول لطلال
ام طلال:لا يانوره لازم يدري
نوره:عمه تكفين اذا درى راح ينزل الي بطني غصبن علي
جواهر:يانوره العيال يتعوضون بس انت ماتعوضين ترضين طلال يعيش وهو شبه ميت بدونج طلال مايقدر يعيش بدونج نوره فكري بطلال يانوره
نوره احتارت من كلام جواهر
نوره:بس ياجواهر حتى لو نزلت الولد أنا ماراح اعيش لأن الي فيني خبيث(سرطان)
جواهر:نوره خلي ايامنج بالله قوي
دخل طلال البيت وشاف الوضع و كلهم سكتو حس طلال ان في انة بالموضوع
سألهم شفيكم
نوره:مافي شي بس تعبانين من السوق
طلال:ماظنتي شكلكم شبعانين بجي
نوره تحاول تمسك نفسها:شدعوه لا عادي
طلال:ياخي حتى عمر مدري شفيه شكله متضايق(عمر يدري بالي في اخته)
ليش جواهر انت مزعلته
جواهر ترقع:اي متهاوشين
طلال طلع فوق لشقته وقال لنوره ابي عشى
نوره قامت راحت للمطبخ وعيونها متورمين من البجي
بعد سبوع
نوره وطلال كانو قاعدين بصاله نوره لما وقفت حست بألم رهيب بظهرها ومن قوة الأم ماقدرت توقف طاحت على القنفه تصرخ
طلال:نوره شفيج
نوره تصرخ :آاااااه بطني طلال مااقدر
طلال شال نوره ودها وحطها بالسياره وطار فيها للمستشفى
نوره بسياره تصرخ من الألم
طلال يهديها:حبيبتي وصلنا خلاص
حطوها بالكرسي المتحرك
لما كشف عليها الدكتور انصدم لأن المرض انتشر بجسمها
نوره غايبه عن الوعي معطينها مهدئات
الدكتور:انت شتصير للمريضة
طلال:زوجها
الدكتور:شوف طلال المرض انتشر بجسم زوجتك
طلال مو فاهم لأنة مايدري عن شي:شنو دكتور ترى ماني فاهم شي
الدكتور:زوجتك ما قالتلك
طلال:عن شنو
الدكتور درى انة طلال مايدري بس لازم يقوله عشان يخلي مسؤولية:طلال خل ايمانك بالله قوي (طلال قام يرجف)طلال زوجتك فيها الخبيث
طلال منصدم:دكتور انت شتقول من صجك
الدكتور:طلال لازم تستوعب طلال زوجتك إذا مانزلت الولد راح تموت
طلال طاح على الأرض قام يبجي دش على نوره وقال لها الله يسامحج يانوره ليش ماقلتيلي انج مريضه انت تدرين شبيصير بحالي بدونج ليش يانوره ليش
نوره تبجي:طلال شسوي خلاص أنا انتهيت
طلال:لا نوره تكفين لا تقولين جذي أنا ما اقدر اعيش بدونج نوره انا بدونج ولا شي
نوره:طلال تكفى بس أنت جذي قاعد تذبحني بكلامك
طلال:لازم تنزلين الولد لازم
نوره :طلال حتى لو نزلته ماكو امل المرض انتشر بجسمي
طلال حط راسه على نوره وقام يبجي نوره ماهان عليها تشوف طلال بهالحاله قامت وحظنت طلال ومسحت دموعه وقالت له قال تعالى(قل مايصيبنا إلا ماكتبه الله لنا)
الي كاتبه رب العالمين بيصير والحمدلله انا راضية بالي يصير لأن هذا ابتلاء من الله وان الله إذا احب عبدا ابتلاه
طلال ارتاح من كلام نوره وانصدم من قوة ايمانها وقالها:الحمدلله على كل حال
جا الدكتور ومعاه ورقه فيها اجراءات الإجهاض طلب من طلال انه يوقع طلال طالع نوره اوقع على الورقه نوره نزلت دموعها وقالها نوره انشالله إذا قمتي بسلامه بدال هالولد انجيب عشره هذا راح يشفعلنا يوم القيامه
وأنا اهم ماعلي صحتج ياحبيبتي
نوره سكتت وقالها الدكتور باجر موعد الإجهاض
طبعا ام نوره وعمر حالتهم يرثى لها خايفين على نوره صارت حياتهم كئيبه
وطلال ماهان عليه تذكر ولده الي بطن نوره شذبه يموت طلال حس بضيقه بصدره مسك القرآن يبدا يقرا سوره البقره
بعد العمليه قامت نوره من البنج وأول مافتحت عينها شافت طلال
طلال:نوره شلونج حاسه بشي
نوره :حاسه بدوخه وتعب شديد
طلال :هذا من البنج ياروحي
طلال متضايق وحاس بضيقه شديده بصدره لانة كثر مافرح بولده الحين زعلان ومتضايق وكان مبين عليه الضيقه
حتى نوره كانت تبجي بصمت لأنها فارقت ولدها
راح طلال لدكتور يسأل عن حاله نوره يبي يتطمن
طلال:السلام عليكم
الدكتور:وعليكم السلام
طلال:دكتور ابي اسأل عن حاله نوره شلونها الحين
الدكتور:طلال حاله نوره مستقره بس هي تحتاج للعلاج بالخارج
طلال:اوكي دكتور من باجر نطير ماعندي مانع بس اي دوله
الدكتور:امريكا
طلال:دكتور بصراحه راح تحسن حالتها
الدكتور:العلم عند رب العالمين بس ياطلال انت عارف المرض خبيث والحين انتشر بسرعه بجسمها ولازم تتوقع اي شي يصير وانت ادع لها
طلال يتنهد:دكتور احتمال تموت
الدكتور ساكت مارد على طلال وطلع من العياده
طلال قعد بإستراحه المستشفى وضاقت فية الدنيا وحس كل شي تسكر بوجه لما قعد يفكر بنوره يقول آااااخ كسرتي ظهري يانوره أنا بدونج ولاشي ماني متصور اعيش بدون لا اشوف عيونج أنا تعبت عشان اوصلج انت عطيتي لحياتي قيمه
صارت بطلال حاله هستيريا بسبب تفكيره بنوره طاح على الأرض يصرخ قدام الناس ولله أحبها أحبها نوره لاتخليني تكفين تجمعوا الناس علية منصدمين من طلال جو الدكاتره اخذو طلال وعطوه مهدئات ولما فحصوه طلع معاه انهيار عصبي بسبب التفكير
لما قعد من النوم دش علية واحد عمره تقريبا ٢٧ سلم على طلال
طلال استغرب منة اول مره يشوفه رد عليه السلام
قاله الولد:أنا اسمي نايف وابي انصحك
طلال مستغرب:تنصحني؟
نايف:اي انصحك
طلال:تكلم يمكن ارتاح
نايف يتنهد:طلال أنا قبل سنة كنت مثلك وحالتك واردى
كانت زوجتي كل شي بحياتي
وكنت ماني متخيل أني اعيش بدونها
(طلال يسمعه بهتمام)
مرضت زوجتي مرض مزمن ماقدرت تقاوم المرض وقالي الدكتور نايف احنا سونا الي علينا ومرتك تحت رحمه رب العالمين وأحتمال ٢٠ بالمية انها تعيش
طبعا أنا قمت ابجي وأصارخ لدرجه اني طقيت الدكتور والزبده يا طلال لما ماتت مرتي
حسيت اني ميت الي يجي يعزيني اطرده ومره جاني رجال شاف حالتي وقالي ابي انصحك نصيحه لله أنا قلت بقلبي كالعاده جاي يقولي المره بدالها مليون مره والدنيا ماتسوى وقلتله قول الي عندك
قال لي:الله سبحانة وتعالي يمتحن عبده في وقت الشده يبي شوف عبده يرضا بقضاء الله ولا يجزع وابي اقولك عن عن تجربه ولله إذا طبقتها راح ترتاح
يا نايف الا بذكر الله تطمئن القلوب اذكر الله صدقني راح ترتاح واقرى لو سطر من القرآن راح تحس بشعور اول مره تحس فيه تحس انك في عالم ثاني
وشفت الدنيا هذي الي معطيها قيمه راح تصغر بعينك لما تكون قريب من رب العالمين بالدعاء والإستغفار صدقني
نايف:تصدق أنا احمد ربي انه دزك لي جزاك الله خير
وجعله في ميزان حسناتك
ولله ياطلال أنا طبقت الي قاله والحمدلله أنا الحين بأحسن حال ولله هالولد غير حياتي
طلال ظل فتره ساكت يتأمل الكلام الي قاله له نايف
نايف بإبتسامه:تامر على شي أنا رايح
طلال مرتاح من كلام نايف :نايف تو الناس
نايف:ولله ياطلال عندي كم شغله
طلال:نايف جزاك الله خير وماقصرت بصراحه عطيتني نشاط وكنت فاقد الأمل بس الحين المعنويات عالية
نايف:لا شكر على واجب مع السلامة
طلع نايف وطلال ظل يفكر بكلام نايف وقال أنا لازم اطبق الي قاله
راح وتوضا وصلى ركعتين ومسك القرآن وقعد يقرا لما هدا وارتاح
فجأه دش الدكتور وشاف طلال يقرا شجعه وقاله استمر على القراءه عشان الله يبارك لك
طلال وضعك الصحي تمام وزوجتك خايفه عليك تسأل عنك
طلال راح لنوره يتطمن عليها
اول مادخل الغرفه شاف نوره متضايقه
نوره شافت طلال ونزلت دموعها وفزت من السرير وراحت حظنت طلال حيل:يا بعد روحي سلامات ولله قاعده احاتيك
طلال :نوره انا بخير يا نظر عيني
طلال شال نوره وحطها على السرير وقعد يبتسم
وقالها:حبي شلونج الحين في شي يعورج
نوره:الحين احسن من قبل شوي
طلال:شوفي يانوره انا اليوم بروح أحجز عشان نسافر امريكا علاج
نوره:تكفى ياطلال مابي أتعالج بره بعدين أنا عارفه نتيجه العمله
طلال:حبيبتي سمالله عليج لازم اتعالجين نوره أذا ماسافرتي صدقيني راح ازعل عليج نوره عشاني ولا مالي خاطر عندج
نوره نزلت راسها وقالت:الي تشوفه
طلال ونوره سافرو لأمريكا
وقعدو بأمريكا سنتين وكان عند طلال امل كبير ان نوره راح اتشافى طلال كل يوم يشجع نوره ويعطيها دافع
واليوم جا موعد العملية هذي اخطر عميله وكان نسبه نجاح العميله ٣٠% وكان طلال خايف على حبه نوره على السرير قبل لا تدخل غرفه العمليات طلال حب راسها وحاول انة مايبجي ولا تنزل دموعه وقالت نوره هي تبجي: طلال أخاف ادخل وبعدها مااطلع (تبجي)
طلال وخانقته العبره:نوره ماابي اسمع هالكلام منج
قاطعته نوره:طلال عطني ايدك(حبت ايد طلال)وقالت طلال انت سويت لي اشياء محد يسويها وانت ياطلال تسوا تدنيتني ومافيها ادعلي
طلال ما قدر يقاوم قام يبجي قدام نوره
جو السسترات ياخذون نوره كان طلال ماسك ايد نوره وجرو السرير اول ماوصلو باب غرفه العمليات قالت نوره وهي تبجي:طلال لا تنساني
ودخلت الغرفه
طلال قعد على الكرسي يبجي ويدعي لنوره يقرا قرآن وقعدت نوره في غرفه العمليات ١٠ساعات وطلال حس أن هالعشر ساعات كأنها سنة
طلال كان خايف من النتيجة
طلع الدكتور من غرفه العمليات وراح لطلال يركض يبي يعرف النتجية
طلال كان يكلمه بالأنقليزي
طلال وهو خايف من النتيجه:دكتور شلون نوره
الدكتور:منو انت
طلال:زوجها طلال
الدكتور:بصراحه ياطلال أنا والدكاتره الي معاي منصدمين
طلال يرجف ومتوتر:ليش
الدكتور:لأن العملية نجحت
طلال منصدم وقام يبجي من الفرحه وسجد سجدته شكر وجو الدكاتره يبشرونة ويباركوله
طلال دق على عمر واهله يبشرهم الكل استانس وحمد ربه
طلال سأل عن نوره متى تطلع من العمليات قال الدكتور لازم تقعد ٤ ساعات تحت الملاحظه
وبعدها نزلها الجناح
طلال قعد يستغفر ويصلي و يشكر الله
مرت ٤ ساعات بسرعه طلعو نوره من العمليات كانت نايمه
طلال ياروحي الحمدلله على سلامتج قرت عيني
نزلوها لغرفته وقعد طلال بجنبها يطالعها يتأمل بوجها الي يشع منة النور قعد يقرا عليها ويرقيها لما صحت قامت تنهد
وتقول ابي ماي
طلال استانس لما شاف نوره صحت وطار من الفرحه
نوره داخية من البنج لحد الحين تحت تأثيره كانت تقول كلام مو مفهوم
طلال حط ايده ورا رقبه نوره وشربها ماي ويسمي بالرحمن عليها
ارتاحت نوره شوي وصحت اول ما فتحت عيونها شافت طلال قدامها :طلال
طلال:عيونة
نوره:طلال نجحت العملية
طلال:الحمدلله اي نجحت ياعمري
نوره وهي مبتسمه وفرحانة :الحمدالله الحمدلله والشكر لك يارب
طلال ونوره ردو الكويت والأهل مستانسين عشان عيالهم ردو لهم
بيت طلال
ام طلال:الحمدلله يارب شوف ياطلال بسوي لك عشى على سلامه نوره
نوره:لا ياعمه لا تسوين عشى كافي مو ناقصين عيون كل الي صار فينا بسبه عيون الناس
طلال:اي ولله يمه تكفين نبي نرتاح
ام طلال:ايه انتو ماتهنيتو الناس ماخلوكم الله يكفيكم شرهم
والحين طلال عايش حياته مثل العالم ارتاحت نفسيته ونوره الحمدلله ردت مثل قبل واحسن
وطلال هو يكلمكم الحين
(السلام عليكم اول شي اقوله اشكر رب العالمين على كل حال واشكر الكاتبه الي ماقصرت بصراحه كتبت قصه حياتي بدون لا تزيد ولا تنقص بالقصه ياناس انا ادري انكم تقولون في واحد يحب وحده كل هالحب! شوفو الي يحب صج يسوي كل شي عشان حبيبته والحب الي بيني وبين نوره حب شريف
أحيانا تقولون يبالغ بس ولله هذا الصج ياناس ولله أنا حبيت نوره بصدفه نوره كل شي بحياتي أنا احبها موت وأذا صار فيها شي يمكن اموت بعدها هالبنت غريبه لعبت فيني خسبقتني خلتني اصير انسان ثاني تعلمت منها اشياء كثيره فديتها ولله واتمنى انكم تستفيدون من تجربتي وابي اوجه نصيحه حق البنات ادري انكم تمنون واحد يحبكم حب شريف ويكون صادق فيه لكن صعب تلقين في هذا الوقت واحد يحبج من كل قلبه
واحب اقولكم اني صرت ابو وجبت بنوته سميتها الزين
اتمنى ان قصتي أنا نوره عجبتكم واتمنى اعرف رايكم فيها إذا بتواصلون معاي هذا ايميلي اي سؤال في بالكم مستعد اجاوب عليه
[email protected]
نوره(السلام عليكم
ماادري شنو اقول لكن اقول يعطيكم العافية طبعا زوجي وحبيبي ما خلى لي شي اقوله
الله لا يفرق بين الحبايب انشالله
وذا كان في ثنين يحبون بعض مثل حبنا أنا وطلال خل يقرون على انفسهم لأن الناس الحين تحسد اي احد يعيش بسعاده
يابنات ترا انا أغار ياويلها الي تحب طلول
تمنياتي للجميع بالصحه والعافية)
>>>>الـــنـــهــايــة<<<<
هذي قصه طلال ونوره
طلال:أحبج يا اغلى من روحي علي
نوره:وأنا بعد احبك يا نظر عيني
القصة هذي خطيييييييييييييييييييرة انصحكم تقرونها
(قصه مـــحــتـــاجــلـــك)
(قــصــه واقــعــيـــه)
@طـــلال & نـــــوره@
للكاتبه: صـمـت الـقـلـب
٨
>>>>الـــبـــدايـــة<<<<
يما يما يلا زهبي عدتي ربعي ناطريني برا
الأم :وين ياوليدي..؟
طلال:كالعاده بروح للبر
الأم :يالله بحفظ الله
طلال وهو يبوس راس أمه:الله يخليج لي يالغالية
طلال راح مع ربعه علي وعمر هذول ربعه من كانو صغار وباقي الشباب رايحين للمخيم تعرفون الشباب وفصلاتهم
سهر وضحك ومصخره ويظغطون بعضهم
أحب اعطيكم نبذه عن طلال وربعه علي وعمر
طلال انسان مافي مثله اخلاق وحبابه وكان الكل يحبه لأنه انسان جدا مرح وكمدي طلال عاشق البداوه طبعه بدوي يحب البر والمكشات وطلال جدا جميل وسيم (مزيووووون) عيونة كبار سود وحواجبه المرسومه الي تخلي الواحد يغرق في جمال عيونة وكان مسوي سكسوكه وطلال متوسط القامه وجذاب حيل كلمه مزيون شوي علية وبنات عمه كلهن ميتات عليه لكن هو مايعطي وجه هذي نبذه عنة
اماعلي كان يتميز بستايله لأن انسان حظري وطيب وحبوب وهو اكثر واحد يظغطه طلال وهو بعد وسيم
اما عمر انسان حبوب وطيب ونكته وأخلاقه حلوه بس عيبه انة جييييكر وماينبلع مسمي نفسه (جيكر بس مزيون)
هذي نبذه عنهم
اكمل القصه وهم قاعدين بيت الشعر قال طلال وهو شايف نفسه بضحك:ياخي أنا البنات جنني ياخي ازعجني ماني عارف ارتاح
عمر:لاولله شايف نفسك انك حلو حتى أنا ياخي البنات جنني ياخي مايردن علي
طلال:هههههههههههههه طلال فارط من الضحك
والشباب ماتو من الضحك على عمر
عمر بضحك:ياخي شسوي بخلقتي الله خلقني كذا تصدق شكلي بروح لبنان مثل الربع عشان يرقعون بوجهي هههه
علي:الصبي حتى لو كان جيكر مايعيبه البلا بالبنت بصراحه الله عين البنت الجيكره اطيح بجبد اهلها وتعنس عنوسه ابديه
طلال:هههه ياحبيبي حنا في زمن الشفط والنفح تجيك الوحده براطمها تشوفها عن بعد كيلو ولله انه براطمها تقول تيوبات سياره خخخخ
الشباب الي بالخيمه خارج نطاق التغطية من الضحك
عمر وهو فاصل من الضحك:الله يقطع بليسك يا طلال بطونا ذبحتنا من الضحك
بعيد عن مصخره الشباب وضحهكم نروح لبيت عمام طلال
اليوم الجمعه وطبعا في غدا بيت جدهم ام طلال وعمات طلال قاعدين يسولفون عن ابراهيم ولد عم طلال لأن ملجته بكره واستأذو البنات وراحو قعدو بغرفه بروحهم هم اربع بنات ندى و ريم وأنوار و خلود هذول كلهن ميتات على طلال
ريم:ياناس ولله احبه بس هو مايعطيني فرصه
ندى:اقول ارتاحي أنا أحلى منج وأمه حاطه العين علي
أنوار:لا انت ولا هي ياربي ولله انة معذبنا يختي ما أقدر اقاوم جماله
تعرفون قعده البنات كل وحده تقول طلال لي فجأه
خلود قالت بنات طلال بصاله بروحه
البنات انهبلو
ندى:انا بقهويه
ريم:وين الحمره ياندى بسرعه طلعيها
أنوار :ولله الي تطلع وراي ياويلها
البنات بصوت واحد :لا ولله مو بكيفج
طبعا المسكين طلال مايدري شبيصير فيه الحين
كلهن تدافعن على باب الصاله وقعدو يطالعون طلال من ورى الباب والخبله خلود جت متأخره ودزت البنات وكلهن طاحو جدام طلال بصاله وطلال قعد يطالعهم وضحك عليهم لأن اشكالهم اتضحك فوق بعض
من الفشله والمصخره الي صارت البنات فزن بسرعه راحو يركضون فوق
الا طلال ينادي بصوت عالي شوي
ريييم
ريم ماصدقت على الله جت تركض واطالع طلال بنظرات فاهية (من الحب ما قتل)لووول
قالها طلال وكان قاعد يمه أخوه الكبير اسمه بندر متزوج
قال ريم روحي جيبي فوطه وامسحي فيها وجهج ووجيه بنات عمج لوووول
طلعت وهي متفشله من الموقف البايخ الي صار
بيت طلال وتحديدا الصاله
دخل طلال وامه كانت قاعده تقرا قرآن
طلال :تقبل الله
امه:منا ومنك صالح الأعمال
طلال:أخبارك وأخبار العوبه جواهر (أخته الصغيره عمرها ١٧)
الأم:بخير ياوليدي
ها مالك نية تعرس
طلال:لايمه تعرفين الزواج مسؤلية ونا مالي خلق ليش حاطه وحده براسج؟
الام:ياولدي بنات عمك فيهن الخير والبركه
طلال:انت مصجج يمه بنات عمي!
الأم:اي شفيها ريم بنت ماعليها
طلال:يما أنا مابي بنات عمي المشفح
خلاص يمه أذا كلمت ٢٧ تعالي كلميني بالعرس ابي استانس بأول عمري
(طلال عمره ٢٣)
طلال انسان كان يتمنى بنت فيها المواصفات الي هو يبيبها
يبي بنت خلوقه محترمه حكيمه وجميله هذي الصفات مولاقيها بنات عمه المشفح
كالعاده الثلاثي المرح طالعين للمخيم بهذا اليوم ماكان بالمخيم إلا طلال وعمر وعلي
كانت الساعه ١٠ بليل وكانو قاعدين بيت الشعر ومشغلين النار هالرمث والقعده الحلوة وكل واحد يقول قصيده وكان طلال يقصد لأن صوته حيل حلو كان يغني
(مشتاقلك حيل والله يقطع الحاجه)
واطربهم بصوته
عمر:شرايكم يالربع نروح نجربع
(يصيدون جرابيع)
علي:ياأخي شتبي فيه تصيده اقصاه فار وصخ
عمر:أقول اسكت اسكت يالحظري هذا جربوع جربوع
طلال: ههههههاااااي يلا عمر جهز الجزه حق الصيد(الجزه يعني شبكه فيها عصا)وهم يجربعون نزلو علي خلوه يلحق واحد تعال شوف التعليقات والضحك بصراحه علي تمصخر
نزل طلال مع علي عشان يصيد الجربوع وعمر قعد يسوق الوانيت
بعد ما خلصو من الجربعه
دق تلفون عمر:هلا يا امي العزيزه
ام عمر:هلا فيك ياعمر اقول أنا مسوية لك ولربعك عشا
عمر:تسلمين يالغالية اي ولله بطونا حاكتنا من الجوع
ام عمر:يلا تعالو قبل لا يبرد
عمر:ابد خمس دقايق وجايين
عمر:يالربع الوالده عازمتا على العشا وملزمه
علي:شنو عشاكم
عمر وهو يغمز لطلال:ولله عشانة مفطح جرابيع
علي ولايعه جبده:لا خلاص آنا بروح ماكدونالدز
عمر:لا مافي العشا عندي
هههههههههههههههه
وهم قاعدين بديوانية دخلت ام عمر تسلم على طلال وعلي
شلونكم ياعيالي شخباركم؟
الشباب:هلا ولله خاله بخير دامج بخير
عمر:يما وين العشا ترى ذبحنا الجوع
ام عمر:ابشر ياوليدي دقايق
وهم يتعشون
علي:تصدق طباخ امك شي
عمر:حاظرين للغالين
طلال: كثر الله خيركم
عمر:عوافي
طلال وهو رايح للمغاسل المغاسل برا في الحديقه
بيت عمر وبتحديد المطبخ ام عمر وبنتها نوره
نوره بنت جميله جدا انسانة رقيقه وحلوه عيونها لوزية كبار ورموشها كثيفه حيل وعيونها مكحله وبيضه وبشرتها صافية ونعومه وشفايفها الوردية الطبيعية شعرها اسود طويل وجسمها روعه
قالت لها امها يابنيتي روحي شيلي المواعين بدوانية
نوره:انشالله يا الغالية
طلال:عمر لحظه لحظه نسيبت تلفوني بديوانية دقيقه اروح اجيبه واجي
طلال كان بديوانية وكان مايدري أن نوره تبي تدخل الحين لف ظهره ودخلت نوره شافت ظهر طلال عبالها عمر راحت تركض ومسكت ايده وقالت عمر ليش ماشريت لي تلفون
طلال وهو منصدم ما لف ظهره وماشافها عاد نوره عمر شفيك طالعني لما وقفت قدامه اشهقت وجمدت بمكانها من الصدمه
طلال ظل يطالعها ويشوف جمالها انصدم كانت لابسه دراعه حمرا مطرزه بذهبي وكانت ماسكه شعرها بربطه وكان شكله مفتوح من ورا
قالها انت نوره اخت عمر
نوره نزلت دموعها من الخوف وطلعت من الديوانية تركض طلال طلع بسرعه وكان تفكيره معاها لما ركب السياره قاله عمر شفيك طولت
طلال ماسمعه
عمر:طلال شفيك شكلك فيك شي
طلال:ها مافيني شي طولت لأني مالقيت تلفوني بسرعه
عمر:يالله على خير
طلال:عمر قطني على بيتنا
عمر:ليش
طلال :حاس اني تعبان
عمر:اوكي
طلال دخل سلم على امه وراح لغرفته قعد يفكر بنوره
وهو منسدح على سريره قال
معقوله عمر هالجيكر عنده أخت مثل القمر اكيد هذي نوره
طيب أنا ليش افكر فيها وليش مهتم فيها معقوله حبيتها لالا شلون أحبها ونا ماعرف طبايعها
طلال نام وهو يفكر فيها
ادري انكم تسألون نفسكم وش صار مع نوره بعد الموقف
طلعت نوره من الديوانية وجها مخطوف لونة وجتها اما قالت:نوره شفيج؟
نوره بإرتباك:ها لا مافيني شي بس زلقت وطحت
امها:سمالله عليج
نوره:يما مافيني شي الحمدلله
نوره راحت لغرفتها وقعدت على الكرسي تذكر شنو صار
نوره:معقوله هذا طلال لا لا يمكن علي بس شكله نفس المواصفات الي سمعتها عنة
قعدت تذكر نظراته لها قالت ولله أن جماله يسحر مزيون وقامت تضحك وتقول انا شفيني قمت افكر فيه وطالعت نفسها بالمنظره وتلف شعرها وصوره طلال ماتروح عن بالها واطالع نفسها وتبتسم
دق تلفون طلال المتصل جيكر بس مزيون (عمر)
طلال :هلا بالزين
عمر:هلا بمحطم قلوب العذارا
طلال وهو يضحك:شدعوه اقول وينك؟
عمر:الحظري(علي) عازمنا
طلال:وين عازمنا
عمر:بحدا هالمجمعات اسمة افنننينوز مدري شسمه
طلال:ههههااااي يالعقيدي اسمه الأفنيوز
عمر:الي هو
طلال :يالله خمس دقايق واكشخ اقول عمر البس عدل لا تفشلنا تراك رايح مكان راقي منت رايح للبر
عمر :ابك طلال أنا وجهي وجه لبس سنع تعال عندي ظبطني
طلال ماصدق على الله :افا عليك خلني اضبط حالي
واجيك
عمر:لا توخر
طلال ما ادري ليش استانست ويوم قالي عمر تعال
ضبط نفسة وراح لعمر
اول ماوصل دق على تلفون بيت عمر
وردت نوره بصوت ناعم:الوو
طلال ظل ساكت
نوره:الووو
طلال وقلبه يدق:السلام عليكم
نوره وهي مستغربه:وعليكم السلام
طلال:عمر موجود
نوره حست انة طلال:اي موجود منو اقوله
طلال:قوليله طلال
نوره:اوكي دقيقة
طلال:اخذي راحتج
نوره حست بشعور غريب لما سمعته قامت ترجف وجسما كش وصعدت لعمر وقالت له عمر طلال على التلفون يبيك
عمر:هو وجه ليش مادق علي شوفي قولية الحين يدق علي
نوره:انشالله
نوره راحت تركض لتلفون طايره من الفرحه
نوره بكل حيا وبنعومه:الوو
طلال عشان يتأكد انة هذي طلال:هلا نوره
نوره انصدمت لأنة عرفها:عمر يقولك اتصل علية
طلال بضحكه خفيفه:عز الله اخوج هذا كسول مع السلامه
نوره بإبتسامه وماودها طلال يسكر الخط:مع السلامه
طلال يكلم نفسه ياربي شالإنسانة جمال وصوتها يهبل ناعم لما سمع صوتها قلبه قام يدق
طلال يتصل بعمر
عمر:ياخي مستحي انت وجهك يلله حياك الحين انزل افتح لك الباب
طلال:لا طول خست حر
نزل عمر وقال حق اخته ادخلي ترى طلال بغرفتي
نوره:انشالله
نوره طارت من الفرحه راحت تركض لغرفتها عشان تشوف طلال من الدريشه تطل على الشارع شافت طلال وانهبلت علية كان لابس جينز سكني وحزام قست كافالي وقميص اسود ظيق روعه وشعره مسوية سشوار ورافع قذلته من قدام لأن شعره شوي طويل
شافتهم دخلو وغرفتا ومقابله غرفة عمر
عاد قالت بقلبها اكيد جاي يضبط اخوي هالعقيدي
نوره تسمع سوالفهم
عمر يكلم طلال:اخس اخس ياخي عطني من كشختك شوي
طلال:ياخي نضبك حاضرين
طلال طلع كم بدله حق عمر
ولبسه وضبطه لبسه جنز سكني
الجنز حق طلال عمر ماعنده هالسوالف عنده دشاديش وترينجات حق البر هههههه
ولبسه تي شيرت D&G
وحزام نفس الماركه وجوتي رياضة وضبط شعره بالجل
طلال:ها شرايك بشكلك
عمر وهو منصدم من شكله: انت شسويت فيني قلبتني فوق تحت يا شيخ
طلال:حاظرين لطيبين
عمربضحك:اقول ما تظبط خشتي ترقع فية
طلال وهو ميت من الضحك:ياخي شسوي بخلقتك
عمر :بروح اوري نوره ستايلي ابي اصدمهم
طلال مستانس:روح فاجئهم
نوره ركضت من سمعته لسريرها دخل عليها
نوره بإندهاش :يالعقيدي شمسوي بنفسك ياخي صاير ذرب
عمر:الله يخلي رفيجي لي ماقصر ظبطني
نوره:بصراحة تسلم ايدينة طلعك شي
عمر وهو مستانس:افا عليج اليوم اشتريلج احلى جهاز
نوره وهي طايره من الفرحه:صج يابعد قلبي يالله ياربي ينكبن عليك البنات وعمر يرد عليها آمين
نوره:يالله ياربي زين عمر اخوي بعيون البنات
عمر:آمييين
ههههههه خلاص التلفون جايج
يما منج
دخل عمر على طلال وقاله
يلا مشينا
طلال :يلا
دق تلفون طلال المتصل علي
علي :هلا طلول شلونك
طلال حاط سبيكر:بخير
علي:طلال عمر كاشخ ولا لا ياخي أخاف يفشلنا
طلال وهو ميت الضحك :لا تخاف ضبطته علي في واحد يبي يكلمك
عمر:يا حيوان صج انك تبن خايف لا افشلك يا رخمه
علي:هههههههه لا تزعل يا بعد قلبي انت
عمر:ولله انك خايس
علي:تزعل من اخوك
عمر:تدري اني ما اقدر ازعل مشكلتي ان قلبي كبير
علي:ومشكتلك الثانية انك جيكر
خخخخ ههههههااااااااي
عمر:اقلب وجهك والشرهة علي رافجتك يا تبن
طلال ميت من الضحك عليهم
لما وصلو الأفنيوز وهم قاعدين بستار بكس ينتظرون علي وصل علي اول ما شاف عمر قال أووووو خوش ستايل بصراحه صاير كووول
عمر:لولا طلول جان شايف هندي عاد بليه خلقتي ماتسمح لي لوووول
طبعا تعرفون الشباب يضغطون البنات اي وحده تمر يمصخرونها
علي:شرايكم ندخل السينما
طلال:يلا
عمر:ياخي أنا هاج عن التلفزيون جايبني عشان تلفزيون
علي بضحك:عمر هذا التلفزيون فية بنات واجد اصلا تلقاهم قاعدين يمك
طلال ميت من الضحك
عمر:يالله يالله قبل لا تخلص الكراسي
راحو حجزو ودخلو فلم اكشن اول ما دخلو الصاله عمر بصوت عالي السلام عليكم
علي :فشلتنا ياعمر كلهم قامو يطالعونا
عمر :يا خي السلام لله
علي :بس موهني
والله قرد عمر بمكان
وراه جهال وجبه بنت صغيره مناشبته كل شوي شاربه من ببسية و تاكل من نفيشه عاد قاله خلاص خوذي بس اتركيني وقام يسفل بعلي وطلال انتم قطيتوني عند هالورعان مالي شغل بغير مكاني لما غير مكانة ابتلش ما قدر يشوف الفلم تدرون ليش
لأن في بنت حاطه كبه شكبرها على راسها قالها :لو سمحتي قوطي النيدو وخريه شوي
طلال قام يضحك بصوت عالي
البنت عصبت وقالتله محد قالك اقعد وراي
عمر:الله قردي وقعدت وراج
طلال وعلي ماتو من الضحك على عمر وكملو الفلم
لما خلصو طلعو يتمشون وعمر لفت نظره بنت تهبل مزيونة لابسه عباية وشيله وراح وراها والبنت خافت وراحت ورى امها
امها لابسه عباية راس وبرقع وقال يابعد حيي هالبدويه صج اصيله وقعد يخز فيها وعينها بالقاع ما رفعت عينها ولحقها لما طلعت من السوق
عاد راح عند طلال قال:طلال الحقني تكفى
طلال:شـــفــيك
عمر:عشقتها يا طلال!
طلال: انت من صجك ليش ماقلتي عشان اشوفها
عمر:لية خبل أخيلها تشوفك عشان تحول عليك
طلال وهو يضحك:عاد عطتك وجه
عمر:اصلا مارفعت عينها عن الأرض وشكلها محترمه حيل
طلال:ماشاء الله عليها نادرا ماتلقى نفسها
التفت عمر إلا شاف محل تلفونات تذكر أخته نوره العوبه
قال حق ربعه دقايق
دخل المحل ودخل وراه طلال وقاله شعندك تبي جهاز جهازك جديد
عمر:نوره ابلشتني تبي جهاز وخط
طلال قعد يدور جهاز حلو
عشان نوره
طلال:شرايك E66 شكله حلو لونة حلو
عمر:اي ولله باخذه تستاهله
نويره
عمر قعد يختار رقم وطلال يمه
طلال حس انة زودها شوي طلع بره المحل عشان عمر يختار على كيفه
طلع من المحل وراحو لسياره
حط الأغراض عمر وقعدو يسولفون يضحكون وعمر حب البنت الي شافها طلال قاله
لا تعلق قلبك فيها يمكن ما تشوفها مره ثانية عمر:اي ولله ماابي اتعلق فيها
اول ماقط طلال عمر شاف نوره وامها نازلين من السياره
نزل راسه عشان عمر
لمحها شافها لبسه عباية وشيله وشاف وجهها الي كأنة قمر ١٤
خلاص قلب طلال متعلق بهالبنت حبها ونوى يكلم امه بس قال اول لازم اعرف طينتها شلون؟
قال عمر:مع السلامه
طلال:بحفظ الله
دخل عمر وسلم على امه وقال وين كنتو؟
قالت:ولله كنا عند جدتك نسلم عليها تو ها راده من السفر
عمر:الحمدلله على سلامتها طيب وين نوره؟
ام عمر:نوره فوق بغرفتها
صعد عمر ومعاه الجهاز والخط
وطق الباب وقالت نوره ادخل
دخل عمر ومعاه الكيس نوره طارت من الفرحه
عمر: شوفي شرايج؟
نوره:يعطيك العافية هذا الجهاز الي ابية مشكور يحياتي ماقصرت
عمر:لولا طلال ماشريته هو الي قالي عنة
نوره استانست حيل:
مشكور يا عمير ولله
عمر: تكسرينة بالعافية وطلع بره غرفتها
نوره حضنت التلفون حيل وقالت اكيد طلال يحبني
مرت الأيام وكبر طلول وتخرج وصار ظابط مطافي وعمر صار ضابط بالجيش وعلي صار موظف بالداخلية
اما نوره صارت مدرسه فنية
وجواهر أخت طلال تدرس بالجامعه
مره كان عمر واقف عند باب بيت طلال وطلعت جواهر تبي تروح عند خوالها لما طلعت شافت عمر بره قالت بقلبها هذا شفته مره بسوق يلاحقني الله يستر منة
عمر لما شافها تذكرها قال هذي الي شفتها بسوق اي ولله هذي هي هذي أخت طلال جواهر اوف ولله فشله كنت الاحقها الحمدلله ان طلال ما شافني الحمدلله دخلت جواهر للبيت عشان تنطر امها
عمر صج أنها بنت اجواد دخلت داخل مستحية مني أنا اقول ليش كل هذا الإحترام طلعت اخت طليل
جواهر لما شافته قالت بقلبها شهالجكر واي حده جيكر
طلعت هي وامها ودرت انه عرفها ونزل راسه
عمر:طلال وينك تأخرت
طلال:كنت اتسبح شفيك
عمر:لامافيني شي
يلا الربع ناطرينا بالمخيم
طلال وهو سرحان قعد يفكر بنوره وده يعرف أخبارها
طلع من بيت الشعر يبي يشم هوا حس انه متضايق
طلع وراه علي قاله شفيك منت على بعضك
طلال:اخخخ ودي اتكلم بس ماني قادر
علي:تكلم ونا خوك وفضفضلي وسرك بير
طلال:علي أنا أحب ياعلي
علي:معقوله طلال يحب!!
طلال:ليش ماني بشر بس ياعلي
علي:بس شنو
طلال:الي أحبها هي أخت عمر
علي: عمر يدري
طلال:لا وآخاف إذا درى يزعل
أنا بقول لمي تخطبها لي
علي:هذا أحسن حل ونا خوك كلم امك احسن والحين يلا اخاف الربع يفقدونا
طلال:يلا امش
دخل طلال بيت الشعر
قالو الربع ياخي وينك كل هذا بره
طلال: ولله رحت اشم هوا
عمر:طلال الشبيبه طربانين اطربنا بقصايدك الي تخلي الواحد يدش بعالم ثاني
طلال:ابشرو
قعد طلال يقول لهم هالشعر وكل شعره غزلي وكان يتذكر نوره حبيبته
وطلب علي منة قصيده محتاجلك حيل
لعلم تري هالقصيده مو له بس يحبها
وقال لعلي:ابشر
وقعد يغنيها بكل أحساس
كل كلمة يقولها تذكره بنوره
لما رد طلال للبيت قعد مع أخته جواهر
طلال:شلونج يالعوبه؟
جواهر:بخير يالغالي
طلال بضحكه:الخبل عمر طق الهندي
جواهر:ليش!
طلال:لأنة واقف قدام السياره
جواهر وهي فاصله من الضحك:حرام عليه
طيب طلال ابي اسألك منو ربعك الي انت وياه حيل مع بعض
طلال:عمر وعلي هذول قطعه مني
جواهر: الله يخليكم لبعض أحس انك تغلي عمر اكثر
طلال:لا كل واحد نفس غلا الثاني بس عمر نكته وفصله بشي موطبيعي تعالي شوفيهم إذا كان تقابلو عمر تصير ضغط موطبيعي
فديتهم ولله
جواهر:ياحظك فيهم
طلال:جوجو بسألج سؤال بس بيني وبينج
جواهر:افا عليك اسأل
طلال:شرايج بنوره
جواهر:اي نوره
طلال: نوره اخت عمر بنت ام عمر
جواهر:اي عرفتها بس ليش تسأل؟
طلال:يو جواهر خلصيني بعدين اقولج
جواهر حست انة طلال يحبها:نوره بنت خلوقه ومحترمة وفوق هذا كله جمال ودلال
طلال هو مستانس من كلام اخته :صج جواهر
زين شلون علاقتج معاها
جواهر :علاقتي حلوه معاها واصلا الفتره الي طافت صرت أنا وياها حيل اقولك شي أنا من اقعد مع نوره ارتاح
طلال يفكر بكلام اخته جواهر
وحبها اكثر
جواهر:طلال وين وصلت
طلال:ها جواهر
دق تلفون طلال المتصل عمر
قال طلال حق اخته دقيقه عمر يدق
جواهر فز قلبها لما قال ان عمر يدق
وقعدت تسمعهم بهتمام
طلال:هلا بالغالي
عمر :هلا بالمزيون ياخي وينك ؟
طلال:موجود
عمر:منو عندك؟
طلال:ماعندي أحد شفيك
عمر:لا مافيني شي بس زهقان ودي اشوفك
طلال:يحياتي افا عليك تعال عندي
عمر:انشالله
طلال يكلم جواهر
طلال:جواهر ضبطي لنا قهوة
جواهر:افا عليك
طلال باجر عندنا حفله تخرجي امي جايبه دي جي وبوفية شرايك اعزم نوره
طلال:اي اعزميها تكفين
دقت جواهر على نوره جدام طلال
طلال يطالع جواهر
جواهر تقول حق طلال اسمع بس بدون صوت
اول ماسمع صوت نوره ابتسم وتربع وحط أذه على التلفون
جواهر وهي طالع طلال وتضحك:الو و
نوره:يا هلا مرحبا
جواهر:شلونج يا نوره؟
نوره: بخير يحياتي أخبارج انت؟
جواهر:تمام يابعد قلبي
اقول
نوره:سمي
جواهر:ترى بكره حفلتي لازم تجين
نوره:حفله شنو؟
جواهر :حفله تخرجي وباجر الحفله كلها بنات
نوره:الف مبروك يا قلبي
وانشالله اول الحظور بس انشالله القى عمر فاظي
جواهر:ليش
نوره:وأخوج طلال يترك أخوي
طلال ميت من الضحك
جواهر:هههه لا ماعليج اقوله باجر مايكلم عمر
نوره:ههههه يلا مع السلامه
ثاني يوم بيت عمر تزين نوره
لبست ثوب قصير ظيج لونة احمر وعلى الخصر حزام رمادي مثور عليه كرستال رمادي شكلها روعه وحاطة مكياج خفيف لأن هي حلوه اصلا حطت كحل اسود ومسكرا وشدو رمادي خفيف وحطت حمره حمره وفتحت شعرها ولبست ربطه رمادية منثوره بكرستال نفس الحزام شكلها طلع رووعه قبل لا تطلع قالت لها امها اقري على نفسج يابنتي
قالت نوره انشالله يما
بحفله جواهر وكل رفيجاتها جو وبنات عمها كلهم
بصاله وكل البنات متجمعين طق الباب وفتحته جواهر
إلا نوره جت سلمت عليها جواهر سلام حار
وقالت لها شهالزين غطيتي علي تعالي سلمي على امي
قدام البنات جت ام طلال وسلمت عليها وقالت ماشاء الله تبارك الرحمن شهالزين ماشاء الله قمر
نوره:تسلمين خاله
طبعا بنات عم طلال ماتن من الغيره جت نوره تسلم على البنات الا بنات عم جواهر ماسلمو استغربت جواهر من تصرفهم وقالت لنوره ماعليه مالج شغل فيهم
شغلو الدي جي والبنات قامو يرقصون ومستانسين نادت نوره :جواهر وين غرفتج بضبط مكياجي
جواهر :امشي أنا اوديج
لما وصلت لدرج نادت ام طلال جواهر
قالت جواهر حق نوره:نوره امي تناديني غرفت ثاني وحده على اليمين
نوره كملت صعدت فوق وشافت ثلاث بيبان اول باب صغير استغربت منه ودخلت الغرفه الثانية مثل ماقالت جواهر
اول مادخلت قالت ماشاءلله غرفتها حيل حلوه كبيره فيها غرفة تبديل وحمام وقعدت على التواليت(التسريحه)عشان تظبط المكياج فجأه سمعت صوت فتحه باب قالت نوره هذي اكيد جواهر وماأهتمت للموضوع
الي فتح الباب طلال علباله ان جواهر هني اول ماشافها استغرب قال هذي مو جواهر وقعد يطالعها لما لفت فز قلبه قال هذي نوره اي ولله نوره يما فديتها طالعه قمر اليوم
وقعد وطالعها وماطلع اي صوت
نوره قامت تغني اغنية نوال
(طحت بهواه ياهلي سمو علي من شفته ونا حالتي حاله وابيه)
وكان صوتها ناعم وحلو لما تغني
طلال قال بقلبه هذي فرصتي لازم اقولها اني احبها لازم
تحرك طلال وطاحت الأبجوره وفزت نوره خافت قالت في أحد هني
طلال رد عليها:اي في احد هذا أنا طلال
طاحت عين نوره بعين طلال
نوره خافت قامت ترجف وراحت لغرفة التبديل وصكت الباب عليها
طلال حس بتأنيب الضمير لأنة خوفها
راح شوي شوي وقف ورى الباب وقعد يكلم نوره
طلال بصوت كله حزن:نوره لا تخافين مني لأني أنا اكثر واحد اخاف عليج
نوره تسمعه وقلبها قام يدق بسرعه وميته من الخوف وظلت ساكته
طلال:نوره أنا أحـــبــــج ولله أحـــبـــج
انت تسمعيني
نوره استانست من كلام طلال لأنة يحبها ويبادلها مثل الشعور
وظلت ساكته
طلال:نوره تحبيني؟
نوره بصوت مرتجف:طلال
طلال وهو مستانس ياحلو اسمي بصوتج:امري حبيتي
نوره وهي خايفة:طلال بعد عن الباب بطلع
طلال وهو يضحك:انشالله
طلال بعد عن الباب وقال طلال حبي بعدت عن الباب
نوره فتحت الباب شوي شوي طلعت راسها ادور إذا في أحد
طلعت وتمشي شوي شوي وطلال الملعون منخش ورا الباب اول ماحطت نوره ايدها على يده الباب مسك طلال ايد نوره ونوره خافت ونوره طالع عيون طلال وطلال ابتسم وقالها انت ما قلتيلي أذا تحبيني ولا لا نوره نزلت راسها وقالت له لو سمحت شيل ايدك
طلال بنظره خبث مع ابتسامه:ما ابعد لما تقولين لي أحبك
نوره أحتارت وقامت تفكر وبعد تفكير طويل وطلال لحد الحين ماسك ايدها
نوره وهي منزله راسها :طلال أنا..... أنا.... أ....أحبك
طلال وهو طاير من الفرحة:حتى أنا اموت فيج ياقلب طلال
طلال هد ايد نوره وطالعته وعطته ابتسامه ساحره وهو خلاص ذاب وراها
لما فتحت الباب طلع بوجها جواهر
نوره اول ماشافت جواهر بجت
لما شافتها جواهر امسكت نوره وقالت لها نوره شفيج
نوره:اسئلي أخوج طلال شسوا فيني
جواهر:ليش شسوا
نوره:انت اسئلية
وراحت نوره نزلت تحت
راحت جواهر لغرفة طلال وقالت له:انت شمسوي بنوره
طلال:ليش فيها شي
جواهر:نوره نزلت تحت تبجي
طلال وهو منصدم:انت منصجج تكفين ناديها بسرعه
جواهر:دقت على عمر وراحت لبيتهم
طلال حس بتأنيب الضمير وتضايق
طلال:جواهر عطيني رقمها
جواهر:أخاف تزعل علي
طلال:قوليلها ماأدري عن شي زين
جواهر:هاك الرقم********
اخذه طلال وراح لغرفته وتذكر ايد نوره وقال بقلبه لما لمست ايدها كأني لامس حرير مشاء الله عليها ادينها ناعمه وبيضه فجأه دق تلفونة المتصل عمر طلال خاف انة درى بالي صار رد علية
عمر:شلونك طلول
طلال:بخير انت أخبارك
عمر:ولله أخباري زفت زهقان شرايك نروح عند الربع بالمخيم
طلال:يلا مرني
عمر:اقط اختي واجيك
طلال:أنا بنتظارك
طلال طلع بسرعه من غرفته ونزل ونادا اخته قالها خوذيلي طريج بطلع
راحت جواهر قالت للبنات
ترى أخوي بيطلع
لما مر طلال اشهقن البنات من جماله عاد ندى بنت عمه طلعت وراه وقالت له طلال
طلال بدون نفس:نعم
ندى:شلونك
طلال بعصبية :بخير عندج شي بعد
ندى:انت شفيك معصب
طلال:يوووه الله يخليج بعدي عني(طلال وهو يطالعها وبخبث) حبيبتي زعلانة علي بروح اراضيها
ندى:شنو...! منو حبيبتك
طلال:مالاداعي تعرفينها باي
طلع طلال وراح لعمر بره
وندى ظلت تفكر بكلام طلال وقالت اكيد يجذب لأنة ماراح يتزوج إلا وحده مننا
هذا كلام امه
راحت نوره لغرفتها وانسدحت على السرير وتذكر شنو صار معاها وقالت الحمدلله أنة يحبني ولله أحـــبـــك ياطلال
جمال ورجوله وطبايعك حلوه
الله يخليك لي طيب أنا ليش بجيت اكيد بجيت من الفرحه
عمر وهو بسياره
عمر:بقولك خبر
طلال:خير
عمر:قررت اتزوج
وأمي كلمتها وافقت و استانست
طلال مستانس: مبروك يارفيج عمري عاد منو سعيده الحظ
عمر برتباك: أمممم اختك اذا مافي مانع
طلال وهو منصدم:هذي الساعه المباركه وأختي ماراح تلقى واحد نفسك
عمر:يابعد قلبي شوف يمكن باجر اهلي يجون يخطبون
طلال:حياكم الله
طلال استانس لما قاله عمر هالخبر حس انة يقدر يفاتحه بموضوع اخته
طلال سكت ما تكلم لما وصلو المخيم سلمو على الربع اوستأذن طلال قالهم بكلم تلفون وجايكم
بعد طلال عن الخيمه
وقعد يطالع رقم نوره
ومتردد مايدري يدق ولا لا
دق عليها
نوره شافت رقم غريب وردت وقالت:الوو
طلال وقلبه يدق بسرعه:مرحبا نوره
نوره حست انة طلال:ياهلا منو معاي
طلال:معاج طلال
نوره:.....ساكته
طلال: نوره زعلانة علي
نوره:ساكته
طلال:ترى ولله قلبي تقطع عليج لما قالت أختي انج بجيتي
نوره بحزن:طلال ولله انت خوفتني
طلال:يابعد قلبي يالله ياربي اموت ولا أخوفج
نوره :سمالله عليك
طلال :شنو نوره تكفين عيديها
نوره بخجل: طلال مع السلامه
طلال:الحين أنا تأكدت من حبج لي
نوره:طلال
طلال:هلا حبي امري
نوره:طلال لا تدق على تلفوني ولله أخاف من اهلي وأنت عارف هالشي ما لاداعي اشرح
طلال: افا عليج بس هذا انت تامرين امر يا الغالية
مع السلامه
نوره لما صكت التلفون استانست وطارت من الفرحه وحست ان حبها لطلال قام يزيد اكثر واكثر راحت نوره وقالت للخدامه شبي فحمة بخور وحطيها بداري لأني بتسبح
راح طلال للخيمه والإبتسامه شاقه الوجه اول ما دخل قالوله الربع عسا دوم هالضحكه قاله عمر :بشر شعندك
طلال:ولله ماكو كلمت الوالده
لما رد البيت قعد طلال مع امه وقاله موضوع عمر
جواهر قاطه اذنها تسمع
طلال:يما ترى عمر رفيجي خطب مني جواهر شرايج
ام طلال:عمر ولد طيت وأخلاق انت شرايك
طلال:يما ولله عمر رجال ويستاهل اصلا جواهر ماراح تلقى واحد نفس عمر ولا عيال عمي كلهم ردايا مايستاهلون
ام طلال:اي ولله بس لازم اكلم جواهر
جواهر قاعده تسمع وطارت من الفرحه لأنها تحبه وقالت بقلبه صج انة جيكر بس حبيته صج ان الحب اعمى وقامت تضحك وراحت لغرفتها
نوره أخذت شور حار وطلعت وقعد على الكرسي تبخر شعرها لما خلصت حطت المبخره على الأرض وكانت البرده قريبه من المبخره
راحت لكبتها طلعت لها بجامه ورديه وعلى جسمها شي خيالي بعدها نوره شمت ريحه دخان ودور وين مكان الريحه شافت البرده كلها نار واحترقت بسرعه لأن خام البرده سريع الإشتعال مامدها جيب سطل ماي من حمام غرفتها إلا ولعت الغرفه السرير والخشب وراحت تركض تحاول تفتح باب غرفتها مسكر ماقدرت تفتحه اخذت تلفونها ودقت على عمر قالتله الحقني غرفتي أحترقت والباب مسكر ماني قادره افتحه
دق عمر على طلال لأن طلال ضابط مطافي قاله دق على المطافي بسرعه أحترقت غرفة نوره ونوره انحبست فيها
طلال انخرع عليها وراح بسرعه دق على العمليات وطلال وصل قبلهم
طلال بسرعه قولها خل تكسر ديرشتها
طلال كان لابس ترينج
طلال:عمر أنا بصعد اوكي
عمر:يامعود بسرعه ما اسمع لها صوت وامي قامت تبجي
طلال صعد فوق وقام يحاول يكسر الباب
نوره تصرخ تقول بسرعه اختنفت بسرعه!
والنار صارت محوطه نوره
جت المطافي وتصرفت كسرت الدريشه ودخلت هوز الماي
طلال قدر يكسر الباب ودخل يدورها وينادي نوره نوووره كان ظلمه من الدخان شافه بزاوية طايحه راحلها وقاله انت بخير فتحت عيونها شافت الي قدامها طلال وقامت تجبي وراحت حظنته حيل وقالت لولاك أنا ميته طلال انصدم منها وحس فيها أنها كانت محتاجته حيل فجأه إلا اغمى عليها وطاحت على الأرض طلال لما شافها خاف عليها وشاله وحبها على راسها وطلعها من الغرفه
نزل تحت وقال لعمر بسرعه حطها بالإسعاف البنت مغمى عليها
راح طلال يهدي ام عمر قالها خاله الحمدلله نوره بخير انا طلعتها
ام عمر:الحمدلله وين بنتي
طلال :لا تخافين عليها بالمستشفى
ام عمر:ليش شفيها
طلال:خاله عادي راحت تاخذ كمام
ام عمر:جزاك الله الف خير ياولدي
طلال طلع راح للضباط يسألهم عن سبب الحريق قالوله لقينا فحمه بخور عند البرده الظاهر هي الي تسببت بالحريق
طلال:يعطيكم العافية
راح طلال للمستشفى عند عمر قاله ها شلونها الحين
عمر:ولله ياطلال الله يستر فيها اختناق بسبة الدخان
حاطيلها اكسجين
طلال:الله يقومها بسلامه
عمر:جزاك الله الف خير لولاك جان اختي ميته
طلال:عمر لا تقول جذي احنا خوان شفيك اجل متى بوقف وياك
عمر حظن طلال: الله يخليك لي مدري شلون برد جميلك
طلال:هونها وتهون
جت السستر قالت لعمر ماما قوم تعال شوفها
عمر:الحمدلله دقيقه بشوفها وراد
دخل عمر وحب راس اخته وتحمدلها بسلامه
نوره:عمر أنا شفت طلال بغرفتي هو انقذني
عمر:اي لولاه جان ماطلعتي هو موجود بره
نوره:ناده بشكره
عمر:افا عليج بس تغطي
عمر طلع راح لطلال قاله اختي تبيك شوي
دخل طلال وشافها وكان متأثر حيل
طلال:الحمدلله على السلامه
نوره:الله يسلمك طلال جزاك الله الف خير ولله
لولاك جان مت
طلال:لا شكر على واجب وانت منت غريبه انت اخت الغالي عمر
طلع طلال وراح لبيتهم
اول ما شافته امه قالت يما شفيك شكلك تعبان كانت جواهر قاعده معاهم
طلال:ولله يما عمر رفيجي تعرفين أخته نوره
ام طلال: اي شفيها
طلال:أحترقت غرفتها هي بدارها المسكينة طلعتها مختنقه والحين هي بالمستشفى
جواهر:فيها حروق
طلال:لا بس اختناق عشان نقص الأكسجين
جواهر:الحمدلله بدق عليها
تدق ماترد
ام طلال:انا ادق على امها
دقت ام طلال على ام عمر تطمن على بنتها وام عمر تشكر ام طلال على موقف ولدها
راح طلال لغرفة اخذ دش
وانسدح على سريره وعلى ماغطت عينة جاه مسج
لما فتحه المسج مكتوب فيه
أحبك يا أغلى البشر
وقفتك معاي ماراح انساها
المسج كان من نوره
طلال ابتسم وضم التلفون على صدره
رد عليها
وأنا أحبج يا أغلى من روحي علي الله يقومج بسلامه
قرت نوره المسج حست شعور غريب وابتسمت
بعد سبوع قال طلال لمه يمه كلمتي جواهر
عن الخطبه
ام طلال:لا
طلال:يما ناديها لازم نقولها
ام طلال:أنا اكلمها تستحي منك
طلال:رديلي الخبر الحين
راحت ام طلال غرفت جواهر
فتحت الباب جواهر
جواهر:هلا يما
امها:هلا فيج بس جايه اكلمج بموضوع يخصج
جواهر درت أنها جاية تكلمها عن الخطبه :خير يما
امها :ام عمر وبنتها جايين يخطبونج لودهم عمر
جواهر بخجل: يما انت شرايج
امها:ولله عمر ولد ماينطوف
جواهر:طلال شرايه
امها:طلال ماعنده مانع بس ننطر ردج
ها موافقه
جواهر والحيا باين من عيونها:موافقه
ام طلال:بروح ابشر اخوج الله يوفقج
جواهر استانست وقامت تفكر بعمر الجيكر بس احبك على جكرك
راحت ام طلال
قالت لودها طلال ابشرك موافقه
طلال:الله يبشرج يما
يحليلك ياعمير تبي تصير نسيبي
ثاني يوم دق عمر على طلال قاله اهلي اليوم جايين
طلال:حياكم حياكم
جو اهل عمر وقعدو مع ام طلال واتفقو على الملجه
أنها تكون يوم الخميس
لما بغو يطلعون
قامت نوره اول وحده
وراها امها عاد ام طلال مسكت ام عمر على صوب
وكملت نوره طريجها
لما فتحت باب عشان تطلع طلع قدامها طلال
طلال:هلا بهالزول ولله
نوره وهي اطالع وراها:طلال روح امي وراي
طلال بخبث:ماني متحرك ياروحي
نوره:طلال روووح
طلال:امووووت على الخايف ولله
عطته نوره ابتسامه دوخت طلال
طلال:أنا ماأقدر عليج
ام عمر شافته يضحك لنوره
جت قالت له:شلونك
طلال :بخير انت شلونج
ام عمر:زينة
طلال عشان يهدي الوضع لأن نوره خافت من امها
طلال:خاله قبل شوي ونا اسلم على نوره مر صرصور تحت عباتها عشان جذي ضحكت لا تفهمينا غلط
نوره صدقت الموقف وقامت ترفع عبايتها وتنفضها
ام عمر:اشوه انك سكت جان تسمع صياحها لي آخر الشارع
طلال بضحكه:ادري ولله
لما طلعو دزت نوره مسج حق طلال كاتبه فية
اشوه انك رقعت الموقف جان رحت وطي هههه
رد عليها
حاظرين لطيبين
فداج روحي ياروحي
قرت نوره المسج وقامت تضحك
قالت امها شفيج تضحكين
قالت:يما دازيلي نكته
امها اخذت التلفون(للعلم ام عمر امية لا تقرا ولا تكتب)
نوره بضحكه:ها قريتي النكته
ام عمر:جب تدرين اني امية
نوره:النكته بايخه اقولج اياها
في صومالية لما اكلت التوكس قامت تبجي ليه؟
ام عمر:ليه
نوره:تذكرت سيقان المرحوم ههههه
ام عمر ماتت من الضحك :استغفر الله تدرين يانوره لما آكل بقصم اتذكر سيقان ابوج الله يرحمه
نوره:هههههه لوووول
بعد سبوع وبتحديد يوم الخميس اليوم ملجه جواهر على عمر
بعد الملجه طلب عمر من طلال انه يشوف جواهر
طلال:ابشر هذا حقك يالنسيب
بغرفه جواهر ونوره كانت قاعده معاها تضبطها
نوره:بصراحه قمر قمر
جواهر:اسكتي تراني ميته من الخوف
نوره:الله يعينك ياعمر انت قبل لا تشوفها ميت عليها شلون لو تشوفها الحين اكيد راح تنهبل
جواهر:تضحك كل هذا
نوره:واكثر
(جواهر كانت لابسه ثوب وردي قصير وفيه ربطه صفره تحت الصدر وعلية فيونكه صفره
ثوبها ناعم بس حيل حلو وحاطه مكياج وردي ناعم وفاتحه شعرها مسوية تسريحه بصيطه شكلها روعه)
دق الباب طلال
جواهر فتحته
طلال :جواهر يالله عمر يبي يشوفج
جواهر وهي مستحية ماردت عليه
نوره كانت قاعده بالغرفة
تسمع كلام طلال
جواهر:طلال لحظه بقول حق نوره تنزل تحت لأنها قاعده داخل بغرفتي
طلال : صج جواهر نوره داخل
نوره قاطعتهم:اي صج
طلال:هلا بالزيييييين
نوره مستحية:طلال مبروك ملجه اختك
طلال:عقبالي(قعد يطالع نوره والمسكينة بيغمى عليها من الحيا)
نزلت تحت وراحت جواهر مع طلال اول ماوصلو
لباب الديوانية جواهر وقفت طلال:شفيج امشي
جواهر اطالع طلال
طلال:جواهر بلا دلع يلا
دخلت شوي شوي حاسه ان في احد رابط رجولها اول مادخلت هي وطلال
طلال بضحكه:ها عمر هذي زوجتك وجبناها لك امر بعد
عمر وهو منصدم من جمالها: مايامر عليك عدو
جواهر قامت ترجف حست أنها بتطيح من الحيا
راحت ورا اخوها تمشي وراه وقعدت يمة طلال قال:بما انكم ملجتو انا اخليكم الحين بعد شوي راد
جواهر قعدت اطالع طلال معنى نظراتها لاتخليني بروحي
طلال ولا كأنة يشوفها طلع وظلو بروحهم
قام عمر من مكانة وراح قعد يم جواهر
جواهر منزله راسها وحست ان جلدها كش لما قرب منها
قالها:جواهر شلونج
جواهر بصوت ناعم:زينة
عمر:تصدقين ياجواهر انج ملكه جمال مشاءلله عليج مزيونة صج اني جيكر بس مزيون ههه
جواهر ابتسمت له
عمر:فديت هالضحكه ولله اقول جواهر لا تستحين مني خلاص اوكي
رفعت عينها وقامت اطالعه
وقالت له:اوكي
عمر:جواهر
جواهر:هلا
عمر يبي يختبرها أذا هي تعرفه او لا: انت شايفتني من قبل
جواهر اطالعه وهي تبتسم:ليش نسيت شسويت فيني بسوق
عمر ميت من الضحك:شفتي يابعد قلبي ولله اني ما استحي
دخل طلال وخرب قعدتهم
طلال:ها خربت جوكم
عمر:ياخي من الذوق تطق الباب قبل لا تدخل صح ولا لا يا ست جواهر
جواهر مستحية من أخوها
بعدها قررو عرسهم خلوه بعد ٣ شهور
طلال يفكر يقول ليمتى ونا انطر
متى اتحرك وأخطب نوره لازم اكلم امي تحجزها لي لأن عيال عمها ما راح يخلونها
نزل لمه تحت قاله
شلونج يما
امه:بخير ياولدي
طلال:يما بكلمج بموضوع
امه:خير ياولدي
طلال:يما قررت اتزوج
امه وهي طايره من الفرحه:اي من زمان انطر هالكلمه انت حاط بالك وحده
طلال:اي يما وابي رايج فيها نوره اخت نسيبنا عمر
امه:اي ونعم اصلا أنا حاطه عيني عليها من زمان
طلال:متى تخطبينها لي
امه:طلال خل الخطبه بعد عرس أختك محنا فاظين عرس اختك بقاله سبوعين
طلال:على خير
طلال مستانس من كلام امه
بعد سبوعين واليوم عرس جواهر كانت هي ونوره بنفس الصالون وبنات عم جواهر هم معاهم بنفس الصالون
ندى بنت عم طلال:انت نوره الي ذابحتنا جواهر فيج
جواهر عصبت من كلام ندى: وذا مو عاجبتج حبيبتي بتصير مرت اخوي عن قريب
ندى من صدمه:من قال
نوره:زين ليش شفيني أنا
ندى:حرام طلال ياخذ وحده مثلج شهالغرور
جواهر:نوره حبيبتي هي منقهره منج لأنج بتاخذين زين الشباب
ندى ماتت من القهر ودها تذبح نوره
بالعرس وبتحديد صاله الحريم
نوره اخت المعرس طالعه قمر بعرس اخوها الكل جا يخطبها
الطقاقه:ياحريم تغطو العروس مع اخوها
راحت ريم مع امها عند الباب يستقلونهم
نوره:تبارك الرحمن خاله قريتي عليها
طلال واقف جنب اخته يطالع نوره ماقدر ينزل عينة من جمالها وانوثتها تبارك الرحمن
نوره فز قلبها لما شافت طلال
وجت ندى المنقهره من نوره
يعني جاية تهدي العروس قالت:جواهر تهبلين سمي برحمن ودشي
طلال يطالع ندى
ندى :طلال شلونك
جواهر همست بذن طلال قالت له تراها جاية تغث نوره تصرف
طلال:بخير دام اني شفت نوره
نوره ابتسمت
طلال:فديتها ولله
ندى معصبه ماتدري شتسوي: الشرهة علي جيت اسلم
نوره راحت للكوشه الابتسامه شاقه الوجه
لما دخلو الصاله الناس فزت فيهم والبنات انهبلن على طلال يسألون إذا هو متزوج او لا
وطلال ما طاحت عينة عن نوره ونوره مستانسة
ندى الي ودها تقطع نوره
طلال وصل اخته وسط البست وطلع بعدها بنص ساعه دخل المعرس
بعد العرس
وكل واحد راح لبيته
نوره شافت تلفونها
لقت مسج فتحته
فديييييتج طالعه قمر الله يحرسج من العين وطنشي ترى العذال واجد(يقصد ندى)
نوره:يابعد قلبي يا طلال الله يبعدنا عن العذال
ثاني يوم جواهر وعمر سافرو زلمسي عشان شهر العسل
بيت عمر
قالت نوره :يما زهقانة امشي لسوق
امها:ولله يابنيتي مالي خلق دقي على رفيجتج ملاك وروحي انت وياها
نوره:انشالله
نوره أخذت تلفونها ودقت على ملاك
نوره :مرحبا ملوكه
ملاك:هلا يالقاطعه
نوره:كوكه ولله تعرفين انشغلت بعرس اخوي
ملاك:يالله بطوفها لج هالمره
نوره:ترى زهقت شرايج نطلع لسوق
ملاك:اوكي امرج الحين
نوره راحت تلبس تنطر ملاك
سمعت هرن بره وطلعت
شافت سياره فيها شباب وماعطتهم اهتمام وركبت مع رفيجتها ملاك
سلمت عليها وراحو لمجمع الفنار وقعدو يتسوقون رفعت نوره عينها شافت الشباب الي كانو قبال بيتهم وراحت لملاك
نوره:ملاك أنا خايفه
ملاك:شفيج
نوره:شوفي هالصبين شفتهم عند بيتنا شكلهم لاحقينا
ملاك: مالج شغل فيهم امشي وعطيهم طاف
نوره:ملاك قربو منا حيل
ملاك تكلم الولد قاعده تزفه لأنة قرب منهم حيل:انت شفيك احترم نفسك لو سمحت
الولد:نعم ماسمعت
نبي هالحلوه الي معاج قصده على نوره نوره خافت حيل وقامت تمشي بسرعه هي وملاك
كانو علي وطلال بنفس المجمع الي نوره فية
علي شاف بنتين يمشون بسرعه وشكلهم خايفين وشاف شباب يلحقونهم
علي:طلال شوف البنات شلون خايفين
طلال:يحرام صج انهم عيال كلب
علي:لحظه لحظه طلال هذي جنها نوره
طلال:شنو من صجك انت ولله لأدوس بطنهم
راح طلال يركض ومسك الولد من رقبته وقاله شعندك وراهم
الولد:وأنت شكو
طلال :كفخه لعن خيره من الطق
(نوره خافت قامت تبجي ومنصدمه من طلال اول مره تشوفه جذي)
وجا علي وقام يتهاوش مع طلال طبعا الشباب انحاشو لأنهم اكلو خوش طقة من علي وطلال
جت ملاك ومسكت نوره تهديها
جا علي وطاحت عينة بعين ملاك وشافها واعجب فيها
ملاك حست بنظراته
راح طلال عند نوره وملاك وكان علي واقف معاهم
طلال:نوره ممكن شوي
نوره :اي عادي
ظلت ملاك مع علي وقامو يتبادلون النظرات
علي وهو مبتسم :ممكن اعرف اسمج
ملاك بحيا :ملاك
علي بقلبه صج انها ملاك :عاشت الأسامي
ملاك:عاشت ايامك
قعد يطالعها ملاك استحت ونزلت راسها
علي:ملاك شفيج
ملاك بإبتسامه: مافيني شي
بس أحاتي نوره
قامو يتبادلون الحديث
طلال بحنية:نوره حبيبتي خايفه
نوره اطالع طلال بنظره طفولية:اقولك شي أنا ارتحت من شفتك
طلال:شفتي القلوب عند بعضها
نوره:طلال ليش جاي هني
طلال:ماكو اتغرض وانت
نوره:كنت زهقانه وجيت مع رفيجتي
طلال بنظره كلها حب : تدرين هذي أحلى صدفه
طلال دق على تلفون نوره يبي يشوف شنو نغمته
نغمته(كيف نخفي حبنا والشوق فاضح في ملامحنا واللهفه ملامح... أغنية محمد عبدو)
نوره قالت ليش داق
طلال بخباثه:عبط
نوره:ههههه
طلال تدري خفت عليك
طلال:ياروحي ماعليج سبع ماينخاف علي طلال بخباثه آخخخ راسي يعورني
نوره:يابعد راسي هههه بلا دلع
طلال:يما منج
نوره:يلا بروح تأخرت على رفيجتي
جت نوره وشكلها قطعت جوهم
نوره :ملاك يلا نبي نروح للبيت
علي يضحك نوصلكم للبيت
ملاك:شدعوه أحنا نروح
وصلهم طلال لباب السياره
فتح الباب لنوره
نوره طالعه وتبتسم قالتله
طلال مشكور
طلال:مجنونج بخدمتج بأي وقت يا قلبي
نوره مستحية من كلامه لدرجه ان خدودها صارو حمر من الحيا
طلال:فديت اخدودج اروحلج فدوه أنا
دخلت وسكر الباب
حركت ملاك وجلس يطالعها لما راحت
جا علي قاله الله يخليكم لبعض
طلال:آمين
علي:طلال
طلال:شفيك
علي:طلال
على بضحكه: بديت احب تصدق
طلال فاصل من الضحك:منو حبيت
علي :حبيت ملاك رفيجه نوره
صج انها ملاك
طلال:هههه شكلك غرقت بالحب مثل ما أنا غرقت
علي:اي ولله رحت وطي
بسياره ملاك
نوره اطالع ملاك وتبتسم:شنو هالنظرات الي بينج وبين علاوي
ملاك بضحكه:انت شكو
نوره:بلا ملاقه خلصي شسالفتكم
ملاك:من الأخير علي شكله معجب فيني تبين الصراحه حتى أنا معجبه فيه يما يهبل
نوره:اقول سوقي عدل لا تدعمين
ملاك:إلا بسألج من متى انت وطلال تحبون بعض
نوره:تقريبا ٤ شهور
ملاك:ياحظج فيه مشالله جماله يطيح الطير من السما
شنو جذبج فيه
نوره:آخخخخ هو جمال ولا اسلوبه وأخلاقه وجاذبني اكثر بدواته وحبه للبر ورجولته واحس انه فاهمني
فديته ولله
ملاك:الله يخلية لج
بعد سبوعين
بيت عمر
دق مبارك عم نوره الكبير(محد يحبه لأنة متصلط )
نوره:الوو
عمها:السلام عليكم
نوره:وعليكم السلام هلا عمي
عمها:شلونكم
نوره :بخير دامك بخير
عمها:الله يسلمج عمر متى يرد
نوره:الأسبوع الجاي
عمها:اي على خير زين اسمعي أنا اليوم جايكم قولي لمج
نوره حست بخوف:انشالله
صكت التلفون وراحت تركض لمها وقالت لها ان عمها يبي يجيهم
امها :الله يستر
نوره:شسالفه قولي خرعتيني
امها:شقولج بس متى يرد عمر يفكنا منهم
نوره:يما لا يكون جايين يخطبوني لمحمد أنا ما ابيهم يما تكفين فكيني منهم
ام نوره حظنت بنتها والدموع على خدها :من عقب ابوج الكل قام يتحكم فينا
نوره خايفه مسكره على روحها بغرفتها
سمعت انا عمها جاي
قعد مع امها بصاله وتكلمو عن موضوع نوره
ام نوره:يا بو محمد البنت توها وهي رافضه الزواج
ابو محمد:الحين عمرها ٢٥ ليش رافضه يعني ليما تعنس
ام نوره:شوف ابو محمد البنت ما تبي محمد وانت عارف ليه
ابو محمد:اها يعني جذي السافله نوره ماراح تاخذ غير محمد وتشوفين
نوره لما سمعت كلام عمها انهارت وقالت لازم اقول لطلال
دقت نوره
طلال:هلا بالحب
نوره تبجي:.....
طلال:حبي شفيج فيج شي
نوره وهي تبجي:طلال
طلال:تبجييين ليش
نوره وخانقتها العبره:طلال عمي مبارك يبي يزوجني غصبن علي
طلال منصدم:شنو مو على كيفه هذا
نوره وتسمع عمها يكسر باب غرفته
نوره:طلال عمي قاعد يطق باب غرفتي شوي ويكسره
دخل عمها وعطاها طراق طيح التلفون من ايدها
وكان الخط مفتوح وطلال سمع الطراق يسمع شنو ينقال
عمها:ياحماره بتاخذين محمد ورجلج فوف راسج
نوره وهي تبجي:أنا لو تذبحني ماراح آخذ عيالك آخذلي هندي اشرف لي
لما سمع عمها كلامها قام يكفخ فيها وطقها طق السنة بليله وطلال يسمع صراخ نوره وحس بألمها مو عارف شيسوي
دخلت امها وفكت بنتها وقالت لبو محمد برا انت منت كفو
اطلع
ابو محمد:نوره راح تشوفين شسوي
قامت تدعي عليه
حظنت نوره امها وقالت يما تعبت ولله تعبت
طلعت ام نوره ونوره صكت الباب وقعدت على الأرض وتبجي بصوت عالي
سمعت صوت خفيف من التلفون مسكت تلفونها إلا طلال لحد الحين على الخط
نوره بصوت مرتجف:طلال
طلال يحاول يهديها:نوره حبي لا تخافين ياقلبي محد راح ياخذج غيري ياليته فيني ولا فيج
نوره:آاااه ياطلال تعبت ولله تعبت (تبجي)
طلال وهو متضايق على نوره:نوره لا تقولين جذي تكفين ولله قاعده تحسسيني بذنب لأني ماجيت خطبتج مبجر
بس اوعدج اول مايجي عمر اجي اخطبج خطبه رجال لا تخافين حبيبتي
أنا احبج ومافي احد يقدر يفرقنا
نوره بحزن:أخاف يجي يوم اكون أنا بطريق وانت بطريق
طلال:الله لايقوله
نوره بس لا تبجين تكفين ولله قلبي تقطع عليج ياروحي
نوره:أنا بدق على عمر
ابيه يرد بقرب وقت عشان يفكني منة
طلال:كيفج حبيبتي سوي الي يريحج
نوره:طلال ارتحت من سمعت صوتك وحسستني انك بجنبي الله لا يحرمني منك يا اغلى ناسي
طلال بحنية:اذا ماوقفت معاج بهالوقت متى اوقف معاج حبي ودي اجي اضمج على صدري وأمسح دموعج الغالية علي يا بعد قلبي
سكتو كلهم لفتره بسيطه
طلال:الووو
الووو نوره
نوره:هلا طلال
طلال:شفيج سكتي
نوره:ماأدري طلال أخليك الحين
مع السلامه ياقلبي
طلال:ديري بالج على نفسج غلاي اوكي
نوره :اوكي باي
سكرت التلفون وحست انها مرتاحه بعد المكالمه لأن حبيبها حاس فيها
وطلال لما سكر التلفون
متضايق حيل على نوره وقال يابعد قلبي غاصبينها على الزواج هي ما تبيه ياقلبي تكفخت عشاني لازم اخطبها بسرعه
لما رد عمر من السفر ومعاه جواهر
قالتله امه السالفة ونوره قامت تجبي
عمر معصب:ياربي هذا ليه مايتركنا انجن لأني ماخذت بنته
شوفي يمه السالفه صارت عناد ماراح ياخذها لو شنو يصير
نوره:تكفى عمر ما ابيهم تكفى
عمر:لا تخافين ماراح انسى شنو سوا فيج
دق تلفون عمر المتصل عمه حمود
عمر:هلا عمي
حمود وهو يبجي:عمر
عمر:عمي شفيك
حمود : عمك مبارك ومحمد
توفو
عمر منصدم:شنو وشلون
حمود:بحادث على طريق السالمي رادين من السعودية
وسكر الخط
عمر طاح على القنفه ونزل راسه بالقاع وقام يبجي امه ونوره خافو عمر شفيك تكلم
جواهر قعدت يم عمر تهديه
عمر:يما عمي مبارك ومحمد
توفو
نوره وامها انصدمو وقامو يبجون
نوره راحت لغرفتها طاحت عند الباب
قالت يا ربي ابجي ولا افرح
ياربي شهالمصايب ياربي يسر ولاتعسر
من درى طلال بالخبر راح دق على عمر عشان يعزية
طلال:شلونك عمر
عمر يحاول يسكت نفسه:ولله ياخوي ماني بخير
طلال:البقا براسك هذا قدر الله مانقدر نرده احتسب الأجر وادع لهم بالرحمه
عمر بحزن:الله يرحمهم يغفر لهم
طلال:عمر تكفى شد حيلك مايصير جذي
عمر:انشالله
طلال:وين العزا
عمر:بيت جدي
طلال:يلا مع السلامه
عمر الله يسلمك
قعد طلال يفكر بنوره وقال اكيد هي بحاله يرثى لها لازم ادق عليها
قعد يدق عليها
نوره اطالع تلفونها تشوف ان طلال هو يدق ماردت مو قادره تكلمه
طلال استغرب ليش ماترد
دق ثاني مره
ردت علية بصوت كله الم وحسره:هلا طلال
طلال:نوره شلونج؟
نوره بحزن:تسألني شلوني؟
ولله ما ادري شلوني ياطلال
ما ادري ابجي ولا افرح
ابجي لأني فقدت عمي ولد عمي ولا افرح لأني افتكيت منهم
آخخ ولله ماادري
طلال منصدم من كلام نوره ماقدر يسمع اكثر
وسكر الخط
بعد ٥ شهور
الأوضاع تعدلت والناس هدت
طلال يفكر بنوره
يقول
هي شخبارها وشلونها ولله اني اشتقتلها أخر مره كلمتها يوم وفاه عمها
طيب هي ليش ماتدق علي ليش ماتسأل عني
نوره:معقوله طلال مايسأل عني ليش قطع فيني كل هالفتره مستحيل طلال ينساني مشتاقتله حيل
راحت نوره طقت الباب على مرت اخوها جواهر
جواهر:هلا نوره حياج
نوره دخلت غرفة جواهر
نوره:جواهر بكلمج بموضوع
جواهر:شنو
نوره:عن طلال
جواهر:تبين تعرفين اخباره صح
نوره:اي
جواهر:شقولج يانوره كل مارحت لهلي طلال ياخذني على صوب ويسأل عنج
نوره منزله راسها
جواهر:نوره طلال يبيج وشاريج ماخطبج بسبه الظروف الي مريتو فيها
نوره:زين شلونة الحين
جواهر:اجذب عليج أذا قلتلج زين
نوره قامت تفكر بطلال وحاسه فيه ماأقدر اشوفه متضايق ياروحي يا طلال
طلعت نوره من غرفته جواهر وراحت لغرفتها مسكت التلفون دقت على طلال
طلال بالديوانية شاف تلفونة المتصل نبض قلبي
طلال فز قلبه وطلع بره الديوانية
طلال:هلا يحياتي
نوره بلهفه:طلال شلونك
طلال :بخير ياقلبي ليش ماتسئلين عني وينج عني يهون عليج فرقاي
نوره:ولله ماهان علي بس شسوي يا طلال انت عارف
طلال:يالظالمه خمس شهور قاطعه عني ولله اشتقتلج ياروحي
نوره:ونا بعد اشتقتلك
طلال:يافرحتي اليوم
سمعت صوتج يا بعد صوتي
نوره ودي اشوفج تكفين بشوفج
نوره:حتى أنا بس مو بكيفي
طلال اكلمك شوي امي تناديني
طلال رد لديوانية مستانس
علي:طلال بقولك بشاره
طلال:بشر
علي:ملجت
طلال:مبروووك يعني أنا الوحيد العزابي
علي:انت ليمتى قاعد تحرك اخطب نوره بسرعه قبل لا تروح
طلال:باجر انشالله بكلم عمر
علي:اي وكلم الوالده
طلال:انشالله منو سعيده الحظ
علي:ماقالتلك نوره
طلال مستغرب:لا
علي:ملاك
طلال:اييي ملاك رفيجه نوره
علي:عليك نور
طلال:مبروك الله يوفقك
طلال سرحان يفكر الحين عمر اخذ الي يحبها وعلي اخذ الي يحبها
ونا ليمتى ناطر
علي:ياهووو وين وصلت
طلال:ها ياخي شبلاك قطعت حبل افكاري
ههههههههاااااي
لما رد البيت طلال راح قعد مع امه قالها:يما باجر تروحين تخطبين لي نوره زين
امه:انشالله ياولدي بدق على جواهر تكلم عمتها
طلال:خلاص يما بدق على عمر اكلمه
امه:على بركه الله
طلال دق على عمر
طلال:مرحبا يالغالي
عمر:مرحبتين يا الخوي
طلال:فاضي
عمر:ولله قاعد مع جوجو ابشرك جواهر حامل
طلال:مبرووك عطني العوبه
جواهر:هلا طلول
طلال:ليش ما تقولين لي انج حامل بصير خال وناسه
جواهر:ما مداني توني جيت من الطبيب
طلال:عطيني عمر
عمر:هلا طلال
طلال:تعال بكلمك بموضوع
عمر:وينك
طلال:تعال بديوانيتنا
عمر:اوكي
عمر يكلم جواهر
عمر:بروح بيتكم تروحين
جواهر:اي بروح ابشر امي
دخل عمر الديوانية
عمر:ها طلال شنو الموضوع
طلال مرتبك
عمر:طلال شفيك تكلم
طلال:أنا ابي اتزوج
عمر :مبروووك انت وجهك قايلي بتلفون زين منو المقروده الي بطيح بجبدها
طلال:اختك
عمر منصدم :اختي
طلال:أنا جاي آخذ رايك
عمر بفرح:بصراحه ياطلال أنا ادري انك تحبها وهي تبيك
طلال انحرج
شوف طلال أنا لو الف وادور ماراح القى واحد احسن منك طلال أنا ماعندي مانع وتستاهل طلال حظن رفيجه وقال مشكور يا عمر
متى أخلي الوالده تجي
عمر:افا عليك من باجر لو تبيها بعبايتها
طلال: تسلم تسلم
رد عمر للبيت وشاف نوره وامه
قاعدين على التلفزيون
عمر:الأهل متجمعين
نوره:هلا فيك
عمر:يما ابشرج
امه:ها هات البشاره
عمر يطالع نوره:يما نوره انخطبت
امه: منو خطبها
نوره منصدمه وخايفه
من رد عمر
عمر يطالع نوره و يبتسم: خطبها واحد عزيز على قلبي ورفيج دربي طلال
نوره ماقدرت تخفي فرحتها نزلت راسها
ام عمر:هذي الساعه المباركه وطلال يستاهل كافي انه انقذ اختك من الموت
عمر:اي ولله
ها نوره شرايج
نوره وخدودها شبت ضو أحمر :رايي من رايك
عمر بضحك:أنا رايي ان ما تاخذينة
نوره:شنو
عمر:شبلاج اضحك انهبلت
صعدت نوره لغرفتها
وقالت واخيرا جا خطبني اللحمدلله ما في احد يفرق بينا
يا قلبي يا طلال
طلال وأخيرا نوره بتكون لي
قام يفكر فيها ويذكر ملامحه الي سحرته
اليوم خطبه طلال على نوره
لما درو عمامه زعلو عليه
لأنهم متحسفين عليه حرام يطلع منا
طلال قعد مع عمه الكبير يوسف ومع اخو الكبير ابراهيم
يفهمهم
وافق عمه وقال:طلال هذي حياتك خلاص باجر اروح انا وعمامك نخطبها لك
طلال:مشكور وماقصرت
اول مادرو بنات عمه بالخبر وخصوصا ندى استخفت وعصبت ودها تذبح نوره بس شتسوي
اليوم ملجه طلال
نورن حست بخوف
لأن جاها اتصال من ندى تهديد
نوره قالت محتره مني لأني اخذت زين الشباب
جواهر بغرفه نوره
جواهر:حسيتي بالي حسيت فيه بملجتي
نوره:اي ولله حاسه ان قلبي بيطيح ابطني
(نوره كانت لابسه ثوب قصير ضيج تفته لونة قرمزي كل درابية وفيه حزام على الخصر مرصوص رص بالكرستال نفس لون الثوب وناثره على الصدر كرستال نفس لون وشكله ذربه وحاظه مكياج خفيف حاطه بس كحل ومسكره واحمر خدود وحمره لونها قرمزي فيسها روعه وهالمره رافعه شعرها مسوية تسريحه شكلها مره روعه
الي يشوفها يقول هذي فرنسية
ولابسه كعب عالي شكله كول نفس اللون)
جواهر:انت تبين تعذبين طلال
نوره:ليش اعذبه
جواهر:كل هالكشه وما تبينة يتعذب
نوره بغرور:شذنبي أنا حلوة
هههه
بعد الملجه والكل بارك لطلال
طلال قعد يفكر الحين محد يقدر ياخذ نوره مني
هي الحين زوجتي
طلال:عمر ممكن اشوف العروسه
عمر بضحك:ياخي لاحق عليها
ابشر الحين اجيبها من شوشتها
صعد عمر لغفره نوره
دخل لقى زوجه جواهر وأخته
عمر بضحك:الله تذكرين يوم ملجتنا ياجواهر
جواهر:شلون انسى يا عمير
عمر:اقول يانوره زوجج يبيج روحي
نوره ذابحها الحين
عمر:يعني مستحية انت وجهج
مصيرج مثل هاللي قاعده عندي بس اول شي يعني استحي بعد مرور اقل من شهر صايرتلي فرعون
نوره تضحك
وجواهر طقت عمر لا ولله اقول احترم نفسك رجاءا
نزلت نوره مع أخوها لديوانية دخلت بكل حيا
عمر هذي نوره وجتها لك
يلا باي
ظلو بروحهم وقف طلال يطالعها يقول انت نور(منبهر من جمالها وانوثتها)
نوره بكل نعومه:اي أنا نوره
طلال قرب منها وقعد عندها
قال:شفتي يانوره أنا وعدتج ووفيت بوعدي
نوره اطالعه وابتسمت له
ونزلت راسها طلال مسك ايدها وضغط عليها شوي وقالها نوره أحبج
نوره ببتسامه:ونا بعد احبك
طلال حب ايدها وشم ريحتها تجيب العافية عطور فرنسية
نوره استحت حيل
ولفت راسها
طلال لف راس نوره وظل يطالعها ونوره قالت
طلال
طلال:عيون طلال
نوره :طلال بروح
طلال:حبيبتي مو بكيفج انت زوجتي على سنة الله ورسوله
نوره:طلال ابيك تشتاقلي شفيك طلال:حبي اصلا ونا قاعد معاج الحين مشتاقلج ياروحي
شلون لو تروحين عني
نوره اطالع طلال بنظراتها الحاده قالت له طلال اقرى على نفسك
طلال:ليش
نوره:جمالك فتان ياروحي
طلال:حبيبتي خايفة علي من العين
نوره :اكيد اخاف عليك
نوره تذكرت تهديد ندى وبين على وجهها الزعل وشكلها متضايقه
طلال حس ان فيها شي:نوره فيج شي
نوره:ها مافيني شي
طلال:نوره تكلمي أنا زوجج
نوره:طلال بصراحه أنا خايفه من ندى
طلال:ونت شكو فيها
نوره:طلال هي من زمان حاطه علي
طلال:زين هي شتبي
نوره:ندى دقت علي تهددني
طلال:وين قاعدين احنا اي كملي
نوره:اخاف انها اطلع حجي عني وعنك هي تبي تفرقنا
طلال:شنو الدنيا فوضه
هذي حسابها عندي لا تخافين
نوره بضحكه:أخاف تاخذك مني
طلال:لا تخافين محد يقدر يبعدنا عن بعض
دخل عمر وقطع عليهم حديثهم
طلال بضحك:ياربي يا هالنشبه شتبي
عمر:ابي اختي
نوره ميته من الضحك
طلال:كأنك اول مره تشوف اختك
قامت نوره وقفت جنب اخوها
طلال يطالع نوره من فوق لي تحت يطالع انوثتها واناقتها
طعلت وراحت لغرفتها
لما راح طلال راح لعمه حمود وقعد يقوله سوالف بنته ندى شسوت بنوره
عمه حمود منصدم:بنتي تسوي كل هذا
طلال:عمي طلبتك لا تأذيها بس قولها مالها شغل بمرتي
عمه:ابشر
طلال طلع من بيت عمه
بعد فتره قالت امه ياوليدي ودي أنا وخواتي نخيم بالصبية
طلال:ابشري يما
اليوم اروح أنا ونسيبي نعس لكم مكان زين
دق طلال على عمر
طلال:هلا بالنسيب
عمر:هلا ومرحبا بالنسيب هههه
شلونك يالغالي
طلال:بخير وانت شعلومك
عمر:اخبار الخير
طلال:شرايك نطلع لصبية
عمر:ليش شعندك
طلال:اهلي يبون مكان زين نبي نسوي مخيم
عمر:اي ولله قربت الشتوية
تصدق وابي ادور مكان جنبكم عشان الوالده تفضى وتغير جو
طلال:يلا جهز العزبه عشان امرك إلا صج عمر شخبار علي من زمان عنة
عمر:ولله علي محتاس يجهز لعرسه
طلال:اي ولله نسيت
عمر:اقول يلا مرني من زمان عن البر
طلال:يلا دقايق
طلال وعمر راحو لصبية واختارو اماكن حلوة
جابو العمال وطقو الخيام وضبطوهم
سوو مخيمين واحد لأهل عمر والثاني لأهل طلال وكانت المسافه شوي بعيده بين المخيمين
ثاني يوم طلال وامه وخالاته طلعو للمخيم ونامو فية كان وقتها بعطله الربيع
طلع عمر مع اهله لمخيمهم
طلال راح يتمشى بروحه بالبر ويفكر بنوره ظل يطالع مخيم عمر ويقول اكيد نوره هناك ودي اشوفها
نوره هي قاعده على النار تفكر بطلال كانت لابسه جنز سكني
وبلوزه سوده لي نص الفخذ ضيجه وحلوه حيل وملفع اسود وكانت لافة على رقبتها شماغ أحمر
لفت نظرها طلال كان يتمشى لما شافته فز قلبها كان لابس دشداشة وعمامه طالعه عليه روعه وكان لابس نظارات
نوره قطت الملفع وتلثمت بشماغ وكانت عيونها شي خيالي جمالها ساحر
راحت ركبت البقي وراحت تقحص عند طلال
طلال منصدم يقول هذي شفيها
طلال عرف ان هذي نوره
طلول الخبيث راح نط عليها وقعد وراها نوره انصدمت
طلال:يالعوووبه ليش تسوين فيني جذي عرفت يانوره
نوره:انزل انزل
طلال:ماني نازل شبتوين
نوره:طلال ياقلبي فشله موحلوة احد يشوفنا
نزل طلال ونوره اطالع طلال
طلال قرب منها ونزل لثامها بيده
وقالها:احبج احبج
نوره شغلت البقي وهي ماشية حتى انا اموووت فيك
راحت نوره للمخيم وصار بليل وأهل طلال زارو أهل عمر بمخيمهم
والحريم قامو يقصدون ويغنون كل البنات رقصو والحين جا دور نوره
جواهر الملعونة دقت على اخوها قالت له لف من ورا شوف نوره بترقص
طلال ماصدق على الله اول مره يشوف نوره ترقص
نوره فتحت شعرها الأسود الطويل الكثيف كان شكلها وهي ترقص يجنجن كانت كل ماتلفح بشعرها تفوح ريحه البخور
طلال منهبل عليها وقال شهالغزال الي قاعد اشوفه
اول ما خلصت وقعدت
جاه مسج فتحته الا من طلال مكتوب فيه عشت عشت
انصدمت طالع يمين ويسار ادوره طالعت جواهر
جواهر بضحك:أنا مالي شغل
نوره:انا اوريج يا الخايسه
جواهر بنات شرايكم نجربع بروحنا بس ما نبعد ونوره تسوق فينا
البنات:يلا
ابيت الشعر عند طلال وعمر
طلال:شنو هالسياره الي تحوس عند المخيم
عمر:هذول البنات يجربعون قالتلي جواهر
طلال:انت منصجك مخليهم بروحهم الحين ظلمه وأخاف يضيعون
عمر:امش نلحقهم بسياره
طلال وعمر بسياره راحين عند البنات
عمر:هذي نوره شمنزلها بظلمه شكلها تكلم تلفون
طلال يطالعها
عمر بضحك:شفيك طارت عيونك
طلال:اي ولله طارت عمر وقف وقف
عمر:ليش
طلال بضحك:ياخي بروح لزوجتي عندك شي
عمر:هههه انزل انزل
طلال نزل وراح يلحق نوره شوي شوي عشان ما تحس فيه
لما قرب منها لمها من خصرها
نوره:صرخت منو
طلال:حط ايده على حلج نوره
نوره رفت طلال بطنة ماتدري انه هذا طلال
طلال طاح بالأرض يتلوى وقال:يالخبله انا طلال
نوره :يحياتي اسفه عورتك مسكته طلال سوري
طلال يتدلع:آخخخ بطني
نوره خايفه عليه:ليته فيني ولا فيك ياقلبي
طلال:يحياتي خفتي
نوره:بالله هذا سؤال
اكيد خفت
طلال:ياحلوج ونت خايفه فديتج
طلال وقف قدامها وظلمه حيل حط ضو التلفون على وجهه وقالها أحبج
نوره بحيا طلال رجعني للمخيم
طلال افا عليج حبي امشي
طول الطريق وهو ماسك ايدها ويتغزل فيها اول ماوصلو
طلال حب ايد نوره وقالها فديت عيونج
نوره:ياقلب نوره انت
طلال:أنا ماأقدر على الكلام الحلو باااي يا نظر عيني
نوره:باي
راحت نوره عند البنات اول مادخلت قالو :اووووو ليش غاطه قولي
نوره ذابحه الضحك:انتو شكو
البنات:يما منج
صارت الساعه ٢ بليل والكل راح لخيمته ينام
دق عمر على طلال
نوره قاطه اذنها على اخوها
عمر:يالنسيب وينك؟
طلال:ولله قاعد الحالي
عمر:تعال عندي بيت الشعر مظبط القهوه تعدل المزاج
طلال:الله بوقتها دقايق وجاي
جا طلال عند عمر وكانو قاعدين عند بيت الشعر
وكانت نوره واقفه ورا الرواق مال بيت الشعر وقاعده تسمع سوالفهم لأن سوالف الشباب حلوه
عمر:طلال بصراحه ناقص هالقعده شي
طلال:شناقصها
عمر:علاوي
طلال:اي ولله تصدق واحشنا
عمر:ياخي من زمان ماتناشبت معاه
طلال:ههههههه
عمر:طلال ياخي اطربنا بسمع صوتك
طلال :ابشر ياعمير
طلال بدا يغني اغنية محمد عبدو(تصوري مره نسيتك وابتسمت مره نسيتك وابتسمت.....)
نوره تسمع صوت طلال وقالت
طلال صوته حلو مشالله عليه فديته
عمر:الله الله عليك
طلال:حاظرين
عمر:اقول بروح اجيب التمر
نوره العوبه دست التمر عشان عمر يطول
اول ماطلع عمر من بيت الشعر
نوره اطالع طلال من فتحه الرواق وتقول:بسسست
طلال:بسمالله منو هني
نوره:بسسسسست
طلال:يطالع يدور في احد
نوره اخذت عصا وقامت تنقز طلال من ورا الرواق طلال درى ان هذي نوره حط مخده وقامت تنقز المخده
طلال وهو يضحك:أح اح اعوذ بالله منو
طلال طلع شوي شوي وراح عندها وطاح عليها وقال:طحت عليج يالعوبه
نوره وهي منخرعه:يما
طلال:لا ولله خرعتي وكسرتي ظهري يالخايسه
نوره ميته من الضحك ما تقدر تكلم من الضحك
وتقول وهي تضحك :بطني بطني(بطنها قام يعورها من الضحك)
طلال وهو منصدم لأنة اول مره يشوف نوره وهي مته من الضحك:يالخبله لاتموتين بسج ضحك
نوره:ما اقدر ما اقدر هههههههه
اختنقت
طلال:يالهبله بس
نوره:اقول اضحك معاي هههههههههااااااايييي
طلال لما شاف الوضع قعد يمها وقعد يضحك معاها
فجأه نوره طلال قوم قوم
طلال :ليش يا هبله
نوره وهي فارطه من الضحك:عمر عمر
طلال فز وطار لبيت الشعر
وقط اذنة على عمر
عمر شاف اخته ميت من الضحك:شفيج يا دلخه
نوره تحاول تسكت نفسها: سريت سريت
خخخخخخخخ
طلال سمعها وفرط من الضحك صج ان نوره فلم لووول
متزوج وحده رقله
عمر:مالت عليج تضحكين انج سريتي صج انج مجنونة
روحي روحي الله يستر عليج بس لا يعطونج كرت احمر
نوره:زين زين
طلال:يحاول يسكت عمره عشان قدام عمر
طلال:شفيك تأخرت
عمر:ولله ادور التمر توني لقيته
طلال يكلم نفسه يما منج يانوره حتى التمر دسيتيه
بعد فتره
وباقي على عرسهم تقريبا ٣ شهور
كانت نوره تكلم طلال
وقالت:طلال مايصير جذي
طلال:شنو الي مايصير
نوره:شوف عرنا باقيله ٣ شهور وابيك تشتاقلي خلاص لا دق علي ولا تشوفني
طلال:انتي من صجج ماأقدر
نوره:طلول عشاني
طلال:خلاص اوكي بس ولله راح اشتاقلج
نوره:طلال بلا دلع باي
اول ماسكرت الخط دق طلال
نوره ضحكت:مامداك
طلال:اشتقتلج
ههههههه
طلال وعد نوره انة مايدق
تعرفون العروس تروح اجهز حق عرسها
من سوق لي سوق
راحت نوره سوق الصالحية دخلت محل تختار لها ثوب
نوره اندمجت مع الملابس
وصدفه كان علي مع طلال بسوق الصالحية وطلال لمح نوره بالمحل
طلال قرب منها وكانت نوره ماسكه بدي وفي أحد قام يجر البدي من ايدها نوره استغربت
ورفعت نظرها الا الي واقف عندها طلال نوره انصدمت
طلال:واحشتيني موووووت
نوره بدلع:هذا الي ابيه يلا روح حبيبي وين وعدك لي
طلال:يما فديتج اوكي رايح يا قلبي ناقصج شي
نوره:ابي سلامه قلبك
طلال:قلبي قلبي يعورني
نوره:طلول بلا دلع شفيك
طلال:حبي ما اقدر اروح وانت موجوده
نوره:طلال عاد يلا
طلال:خلاص خلاص لا تزعلين يلا باي
نوره ضحكت على طلال
وحست انة مشتاقلها حيل بس قالت احسن عشان يشتاقلي اكثر
باجر عرس طلال ونوره
نوره تفكر وتحاتي ومو قادره تنام
طلال مستانس ويقول اخيرا انا ونوره راح نعيش مع بعض وبأي وقت راح القاها عندي
طلال دز مسج حق نوره كاتب فيه
تصبحين على خير يا اغلى البشر اوصيج بالأذكار وارقي نفسج ترى خايف عليج من العين
نوره لما قرت المسج ارتاحت ونامت
لما قعدت راحت لصالون هي وجواهر
ولقت الوجيه الودره بنات عم طلال ولقت ندى
لما مرت ندى من عند نوره
نوره قالت السلام عليكم
ندى خزت نوره من فوق لي تحت ومشت وماردت السلام
نوره تضايقت شوي وجت جواهر تهديها تقولها تراها محتره منج لا تعطينها وجه
راحت نوره عند خبيره التجميل وحطت لها مكياج خفيف يناسب نوره كل الي يمر من عند نوره يسمي برحمان لأنها طالعه قمر ملكه جمال تهبل
ندى لما شافت نوره زادت غيرتها وماتت من القهر راحت عند الخبيره الي حطت لنوره وقالت لها ابي مثل مكياج نوره واحلى
الخبيره:اوكي
طبعا ماطلع المكياج مثل مكياج نوره لأد ملامح ندى عادية
نزلت نوره عشان تسوي التسريحه وسوت تسريحه حلوه مع طرحتها
لما لبست الثوب نوره صارت ملكه
جتها ندى وكان معاها صبغ اظافر احمر
نوره حست ان ندى تبي تسوي شي
لفت نوره وندى تسوي نفسها ماشافت نوره وكبت الصبغه على ثوب نوره
ني عصبت وصبغه حمره ما تروح وثوبها ابيض نوره مسكت اعصابها وقالت لندى
ليش ماشفتيني
ندى بخبث:شفتج وتعمدت اكب الصبغه والحين اتحداج تلقين ثوب ثاني هههه
نوره تقهر ندى:ياحبيبتي موتي قهر أنا اخذت طلال زين الشباب والثوب بداله الف ثوب ياروحي
ندى فار دمها من برود نوره
وطلعت من الغرفه معصبه
نوره قامت تبجي ما تدري شتسوي بثوبها دقت على جواهر
جواهر عصبت ومسكت ندى وشرشحتها دقت جواهر على المصمم سألته أذا عنده ثوب بنفس المستوى الي اخذته نوره
قالها عندي
جواهر:اوكي بليز توصله على الصالون لأن مافي وقت
دق عمر على جواهر ويسألها شخبار العروسه
جواهر قالت لعمر السالفه وعصب وفار دمه وقال ان كيدهن عظيم ديري بالج على نوره وهديها
وصل الثوب الجديد ولبسته نوره وطلع احلى بألف مره من الأول واستانست نوره كل شي مضبوط
طلعت نوره من الصالون وراحت لبيتهم تصور وتنطر الزفه
وهي بسياره رايحه لصاله العرس حست بخوف وارتباك ودقات قلبها تسرع
وصلت لباب الصاله وجتها جواهر تهديها
بدت اغنية دخلتها ودخلت وصعدت على البست
والكل قام يسمي برحمن لانها طالعه قمر
ندى انجنت
وطارت عيونها وماتت قهر
وقعدت على الكوشه وجو رفيجات نوره يسلمون عليها
قالت الطقاقه المعرس وصل تغطو يا حريم
نوره خافت وارتبكت لما سمعت ان طلال وصل
دخل المعرس وأهله البنات فزت قلوبهم لما شافو طلال طالع تكانة
وصل طلال الكوشه وشاف نوره متغطية وقف وسلمو عليه لما طلعو اهله شالو الغطا عن نوره طلال كأن اول مره يشوفها نوره منزله راسها منحرجه
طلال همس بذنها تبارك الرحمن قمر
نوره انحرجت من كلامه
الناس منهبلين عليهم
المصوره تقول حق طلال امسك ايدها
طلال ابتسم ومسك ايدها
قامو عشان يطلعون من الصاله وطلال شاف ندى وبعيونها الشر طلال يبي يحرها قرب من نوره ولرق فيها ويضحك ندى انقهرت من نوره وتقول بقلبها
حرام عليك ياطلال ليش تسوي فيني جذي أنا احبك
بس أنا الحين على قد ماحبيتك كرتك واتمنى انك تموت
لما طلعو المعاريس ركبو الليموزين طلال طالع نوره مسك ايدها ويقولها نوره
نوره اطالعه
طلال:تدرين انج طالعه قمر
نوره ابتسمت
طلال فديتج ياعمري
ابراهيم اخو طلال هو الي يسوق وهو خايف:الله يستر
طلال:ابراهيم شفيك
ابراهي انت شايف هذول يقحصون قدامي وقاعدي يحدونا على الرص....
ابراهيم ماكمل كلامه
جت سياره مسرعه دعمتهم نوره تصرخ طلال طلال
فجأه سكتو كلهم طلال فتح عيونة ينادي نوره نوره طلال فتح باب السياره ومايشوف طاح على القار وابراهيم صار في نزيف ونوره ثوبها الأبيض صار احمر من الدم نوره قامت ادور طلال نزلت من السياره وقامت تصرخ وتبجي لما شافت طلال طايح على الشارع
مسكت ايده وتقول طلال تكفى قوم قوم لا تموت طلال (تبجي) طلال حبيبي قوم نوره زاد نزيفها وأغما عليها وطاحت على صدر طلال الي يشوفهم عيونة تدمع غصبن عليه
جاهم عمر لما شافهم قام يبجي ويقول رفيجي وأختي
ياربي صبرني
مسك طلال يكلمه طلال لا تخليني يا طلال لا تخليني يا خوي مسك اخته يهزها نوره نوره
جت الإسعاف أخذتهم
عمر لحقهم بسياره
راح للمستشفى واقف عند العناية المركزه ينطر اي خبر عنهم
طلع الدكتور يكلم عمر
عمر :دكتور شلونهم
الدكتور:حاله البنت زينة
اما الولد حالته خطيره ادعوله
عمر وعيونة متروسه دموع:دكتور زين طلال شنو فية
الدكتور:طلال بيغبوبه وما ندري اذا يصحى ولا لا
عمر:ياربي استر
جت ام عمر وام طلال واهلهم خايفين عليهم وحالتهم حاله ابراهيم قام بسلامه
ام طلال وهي تبجي يابعد عمري ياولدي ما فرحت بعرسك هذي عين ما صلت على النبي
عم طلال مبارك:اذكري الله يام طلال انشالله يقوم بسلامه
جت ندى للمستشفى والكل مستغرب جيتها وخصوصا جواهر جواهر خافت من جية ندى
ندى ندمانة على الي سوته وحاسه بتأنيب الضمير وقالت اعوذ بالله من الشيطان أنا شلون كنت اسوي بنوره جذي
جا الدكتور يبشرهم
الحمدلله نوره في حاله طيبه بس تحتاج لدم ضروري
راحو يحللون عشان يتبرعون لها
ولا واحد مثل فصيلتها حتى امها
بس وحده هي ندى مثل فصيله دم نوره وقالت لدكتور انا اتبرع لها
جواهر وعمر استغربو من رد ندى وقالو ندى تكره نوره ليش تتبرع لها
راحت ندى لغرفه سحب الدم دخلت جواهر على ندى
جواهر:ندى ليش تتبرعين لنوره
ندى بحزن:تبين الصراحه انا غلطت بحق نوره وحاسه بتأنيب الضمير
جواهر استانست من كلام ندى وحضنتها وقالت ماصار إلا الخير
طلع الدكتور من العنايه ومسكته ام طلال تقوله ولدي شلونة
الدكتور:مش عاوز اخبي عليك ولدك في حاله حرجه واحنا عملنا الي علينا والباقي على رب العالمين
ام طلال انهارت من كلام الدكتور :زين يا دكتور طلال راح يعيش
الدكتور وشكلمه مايطمن:الله اعلم
جواهر وامها تعبو من البجي
جا علي للمستشفى راح لعمر
لما شاف عمر يبجي على خاف
علي:عمر وين طلال
عمر حظن علي وقام يبجي
علي: عمر تكفى فهمني ولله تلف اعصابي
عمر:طلال بغيبوبه ويمكن يموت بأي لحضه
علي منصدم:انت شقاعد تقول طلال مستحيل يموت طلال اخوي علي حط راسه على الطوفه وقام يبجي
نوره اول ماصحت سألت عن طلال
عمر يطالع امه سكت
نوره خافت:عمر طلال وين
عمر:نوره ارتاحي طلال بخير
نوره:لا طلال فيه شي بس ما تبي تقول
عمر يحاول يخفي دموعه:شوفي نوره طلال لحد الحين بالعناية
نوره تحاول تمسك اعصابها:هو شلونة الحين
عمر:تحت رحمه رب العالمين ادعيله
ابيج تشكرين ندى
نوره مستغربه:ندى شكو
عمر:هي الي تبرعت لج بدم لولاها جان متي
نوره مستغربه من ندى هذي اول مره تسوي خير
نوره لفت راسها والمخده انترست ادموع نوره تقول ياربي تشافي طلال يارب آخخخ يا طلال ليش يصير فيني جذي أنا تعذبت قبل لا اتزوجك والحين اتعذب بعد ما تزوجتك آاااه طلال ودي اكون بجنبك ادري انك محتاجني
لما صحت نوره والكل جا يتحمد لها بسلامه
نوره راحت لقسم العنايه المركزه طلبت الدكتور يدخلها
الدكتور ما رضى
ترجته وآخر شي وافق
اول ما دخلت عليه وشافت حالته قامت تبجي
لفت على الدكتور وقالت له دكتور طلال يسمع
الدكتور:طلال يسمع و يحس بس مايتحرك
نوره شافت حاله طلال شكله تعبان وجهه اصفر
مسكت ايده وقعدت تكلمه
طلال حبيبي شد حيلك ونا جنبك ماراح ابعد عنك ولا افارقك دقيقه الا لما تقوم بسلامه
وحبت راسه
وقعدت تقرا عليه
يا بعد قلبي يا طلال ياروحي الله يقومك بسلامه
قعدت نوره عنده ومسكت المصحف وتقرا قرآن وتعلي صوته عشان طلال يسمع القرآن وصلت نوره عند الآية(ان الله مع الصابرين)نوره تعيد هذي الآية اكثر من مره
وكانت تغسل وجه طلال بماي زمزم
وصارلها سبوع وهي تقرا عليه
دخل الدكتور
وشاف طلال وقال بقلبه طلال خلاص ماراح يعيش
الدكتور سكت ما قال لنوره
الدكتور اول ماطلع كملت نوره قراءه وكانت حاطه ايدها بيد طلال
طلال ضغط على ايد نوره
نوره انصدمت طلال ضغط على ايدي
استانست وطارت من الفرحه
طلال أذا تسمعني اضغط على ايدي
طلال ضغط على ايدها
نوره وهي طايره من الفرحه
الحمدلله يارب الحمدلله
راحت تنادي الدكتور وقالتله ان طلال ضغط ايدها
الدكتور فحص طلال وانصدم ظل يطالع نوره
نوره خافت من نظره الدكتور :دكتور شفيك
الدكتور منصدم:نوره طلال عايش وحالته تحسنت وراح يصحى
نوره من الفرحه قامت تبجي وتحمد الله
الدكتور:انت عملتيلو ايه
نوره بفرحه:دكتور أنا صارلي سبوع اقرى علي القرآن
الدكتور:سبحان الله
عازين ناخد طلال لغرفه الإنعاش انتظري برا
راحت نوره دقت على ام طلال وعمر وقالتهم ان طلال قام بسلامه
نوره واقفه عند باب غرفه الإنعاش مستانسة تنتطر طلال
جت ام طلال والأهل كلهم
ينطرون طلعه طلال
نوره مشتاقه لطلال ودها تشوفه وتسولف معاه
داخل في غرفه الإنعاش طلال صحى وفتح عيونة شوي شوي
قاله الدكتور الحمدلله على السلامه
طلال دايخ وحس الدنيا تفتر من البنج
طلال:دكتور
الدكتور:نعم
طلال:اقدر اطلع
الدكتور :لا لأن يبيلك راحه
بروح ابشر اهلك
طلال:دكتور لا تروح أنا بطلع لهم
الدكتور:طلال اخاف عليك
طلال:تكفى دكتور طلبت
الدكتور:على مسؤليت
طلال قام وقعد يفكر بأهله وبنوره وشبيسون لما يشوفونة
طلال مسك يده الباب يطالع من طرف الباب الأ يشوف زحمه اهله وحبايبه ونوره ماسكه يده الباب الثانية محد يدري ان طلال بيفتح الباب
اول مافتح طلال الباب طلعت بوجه نوره وحضنها حيل نوره انصدمت وقامت تبجي وقالت
الحمدلله على سلامتك حبيبي
طلال:نوره ولله اشتقتلج ولله ولأول مره تنزل دموع طلال
نوره:طلال حبيبي لا تبجي دموعك غالية علي والحمدلله الله قومك بسلامه
طلال رفع نظره وشاف امه وجواهر واهله
راح لمه وحضنها حيل وحب راسها
ام طلال :الحمدلله ياولدي اني شفتك
طلال:يما انا عشت بعالم غريب اسمع واحس بالي حولي
بس ماأقدر افتح عيوني ولا اتحرك
ام طلال:ياروحي
جت جواهر تسلم على اخوها
طلال بضحكه:شلونج يالعوبه وحشتيني
جواهر: وانت اكثر
عمر وعلي جو يركوض مستانسين
حضنو طلال ورفعوه فوق من الفرحه
عمر:الحمدلله على سلامتك ياخوي فديتك ولله وحشتنا
علي:طلال الحمدلله ان ربي رجعك لنا سالم تدري اني ما اسوى شي بدونك
طلال:الله يسلمكم يارب ولله لا يفرقنا
جا الدكتور قال لطلال:يلا طلال لازم نسوي لك فحوصات عشان نطمن عليك
طلال:انشالله جاي
بعد الفحوصات نزلو طلال للجناح
كان نايم
دخلت نوره وشافته نايم
حبت راسه وقالت يابعد قلبي نايم
قعدت يمه ومسكت ايده وقعدت اطالعه وتبتسم وقعدت تذكر الي صار وقالت سبحان الله الي رد طلال بعد ماكان شبه ميت ولله انها معجزه الحمدلله على كل حال
طلال فتح عيونة على نوره
وابتسم
نوره:شلونك حبيبي
طلال:بخير مادام انج بجنبي
نوره:طلال تدري شصار فيني بعدك حسيت اني بموت طلال حياتي بدونك ولاشي انت دنيتي كلها
طلال:لبا قلبج ياروحي لولاج ياروحي ماعشت كنت احس فيج واحس انج بجنبي كنت لما اسمعج تقرين قرآن كنت ارتاح
نوره تمسح على راسه وفجأه بجت نزلت دموعها غصبن عليها طلال شاف دموعها
قام من سريره وحظن نوره بحنية وقالها بس ياقلبي لا تبجين هذا أنا عندج وصحتي زينة تكفين نوره بشوف ضحكتج من زمان عنها طلال مسح دموع نوره ونوره ابتسمت لطلال
طلال:فديت الي يبتسم ولله احبج
نوره:ونا بعد احبك
دش الدكتور وقال:طلال عندي لك بشاره
طلال:ها بشر
الدكتور:اليوم تقدر تطلع تحاليك سليمه
طلال:صج دكتور الله يبشرك بالخير
طلع الدكتور
طلال:الحمدلله يانوره جهزي اغراضي
نوره:من عيوني(قاعده تدق تلفون)
طلال:فديت عيونج الي عذبتني بس قاعده ادقين على منو؟
نوره:قاعده ادق علي عمر
طلال:ليش
نوره:ابية ياخذني لبيتنا
طلال يطالع نوره:نسيتي انج زوجتي واعرسنا
نوره استحت:نسيت
طلال:شفيه وجهج قلب احمر أنا شقلت
نوره تضحك
جت ام طلال مع جواهر عشان ياخذون طلال قالت ام طلال لنوره:يانوره ترى اليوم عندنا عشى على سلامه طلال
نوره:انشالله خاله بغيتج شوي
ام طلال:آمري
نوره:خاله كلمي طلال بروح بيتنا اتجهز واجي
ام طلال تضحك:ليش موراضي
نوره بحيا:اي
ام طلال :خلاص اكلمه لج
طلال:شعندكم متطرفات تحشون فيني صح
ام طلال:ههههه اقول ياوليدي نوره تبي اهلها
طلال:أحنا أهلها
ام طلال:شبلاك تبي بيتهم عند امها
طلال يطالع نوره :ليش يما
ام طلال:ياخي افهم تبي تضبط نفسها وتجي
(وجه نوره قام يقط الوان)
طلال يطالع نوره بنظره خطيره:أذا جذي ماعندي مانع
طلع طلال من المستشفى ولما صار المغرب كشخ طلال وراح لديوانيتهم وجو عمامه الكبار واقفين معاه بالعشا لأن ابوه متوفي
وعند الحريم
كانت الصاله متروسه حريم وصلت نوره مع امها لبيت طلال دقت نوره على ام طلال وقالتها انهم بره
جت ام طلال دخلتهم وشافت نوره وقالت تبارك الرحمن يابنتي شهالجمال غزال مشاءلله قريتي على نفسج كافي الي صارلكم بليله عرسكم عين ما صلت على النبي
(نوره كانت لابسه ثوب ضيج ف بنفسجي غامج في قصات فرنسية من قدام ومن ورا وكانت دلعته دائرية واسعه والكم ثلت تربع وكانت فيه حزام تحت الصدر مرصوص بالكرستال مختلف الأحجام لونة فضي شكلها روعه وكانت حاطه مكياج خفيف وفاتحه شعرها )بصراحه انيقه
لما دخلت على الحريم
الحريم انبهرو بجمالها واناقتها
وسلمت عليهم
عاد كانت ندى واقفه جت نوره وسلمت عليها
ندى بإبتسامه: شلونج نوره
نوره:بخير ياحياتي انت اخبارك
ندى:انا بخير دامج بخير
الحين ندى صارت انسانة ثانية وحبت نوره لأنها عرفتها عدل
لما راحو الحريم وام نوره راحت
نوره حست بخوف لأن تغير بيتها ولحد الحين مو مستوعه انها تزوجت
جواهر:نوره امشي اوديج لشقتج
نوره ساكته
جواهر:نوره يعني خايفه اقولج شي اول يوم بعرسي كنت خايفه وبعدها بجم يوم تعودت والحين شوفي بطني باقيلي شهرين وأولد
نوره ضحكت
جواهر:يلا نوره امشي
نوره قامت وراحت مع جواهر وقفت جواهر عند باب الشقة وقالت لنوره افتحيها
نوره فتحت الباب وسمت بالرحمن ودخلت ودخلت جواهر تدلها تقولها هذي غرفتج وهذي الصاله
جواهر:نوره
نوره:هلا
جواهر:نوره لا تغيرين خلي طلال يشوف كشختج بعدين كيفج
نوره ضحكت:يامنج صدق طلال لما سماج العوبه
جواهر ضحكت وطلعت برا
نوره ظلت تأمل بشقتها
فجأه إلا يطق باب غرفتها راحت تفتح الباب وقالت منو
طلال:حبي افتحي انا طلال
نوره حست برجفه وارتباك:فتحت الباب
لما شافها طلال ظل يطالها من فوق ليتحت منصدم كل مايشوفها يزيد جمالها
وقرب منها
وأخذ ايدها وحطها على قلبه وغمض عيونة
وقالها :تسمعين دقات قلبي
نوره مستحية:اي
طلال:كل ما اشوفج ضربات قلبي تزيد
نوره:سمالله على قلبك يا عمري
طلال:آخخخ فديت كلامج الي ينقط عسل
نوره ضحكت وقالت ياحلو سوالفك
مشت نوره قدام طلال
وطلال يطالع اناقتها
لفت نوره وشافت نظرات طلال أسألته:شفيك
طلال:سحرتيني يانوره
نوره :حتى انت ياطلال عيونك سحرتني
نوره دخلت غرفتها أخذت شور
وطلال قاعد على التلفزيون
لما طلعت من الحمام لبست بجامه حرير حمرا وحطت كريم مرطب على وجهها وقلوس وردي ورفعت شعرها
تعطرت بعطور فرنسية وراحت شافت طلال على التلفزيون وراحت قعدت يمه
قرب منها طلال وحط راس نوره على كتفه وحظنها وظلو يطالعون التلفزيون
طلال مندمج على التلفزيون
فجأه شاف نوره إلا نايمه وقال يابعد عمري نامت شكلها تعبانة
شالها طلال وداها لسرير وغطاها وحب راسها نوره قامت طلال همس بذها نوم العوافي
نوره ابتسمت وردت نامت
لما قعدت نوره من النوم شافت طلال يمها قامت شوي شوي عشان ماتزعجه
راحت اخذت شور ولبست ثوب قصير ناعم وحطت كحل ومسكره وقلوس وردي وتعطرت
دق باب الشقه فتحته إلا جواهر بره وقالت جواهر:صباحية مباركه
نوره :الله يبارك فيج
جواهر: الريوق جاهز
نوره :تسلمين
دخلت الخدامه وحطت الريوق
راحت نوره لغرفتها عشان تقعد طلال
راحت نوره قعدت جنب طلال ومسكت ايده وقالت له:حبيبي
قوم
حطت نوره ايدها على راسه وتلعب بشعر طلال:حبيبي قوم
طلال فتح عيونة وشاف نوره الي وجها كأن شمس مشرقة
يشع منة النور
نوره:صباح الخير
طلال :صباح النور حبيبتي
نوره:يلا قوم صح صح
طلال :جهزي لي الفوطه باخذ شور
نوره:من عيوني ياروحي
طلال راح للحمام وقال لنوره بصوت عالي:نووووره وين الفوطه
نوره:زين زين الحين اجيبها
نوره طقت باب الحمام وطلال اخذ الفوطه
راحو قعدو على طاوله الأكل
نوره تصب الشاي وطلال يخز نوره
نوره:طلال شفيك ليش ماتاكل
طلال يتدلع:ايدي تعورني
نوره:يا بعد قلبي الحين أنا اوكلك وبعد الريوق اسولك مساج على ايدك
طلال ابستم
نوره توكل طلال وطلال عض اصبع نوره بالغلط نوره تعورت
طلال مسك اصبع نوره وباسه وقالها يعورج الحين
طلال ونوره قامو يضحكون على الي صار
بعد فتره ومرت الأيام
وصار لطلال سنة متزوج
طلال نايم جت نوره مستانسة
لأنها حامل
راحت تقعد طلال
نوره:طلال طلال قووووم
طلال:هااااا شبين خليني انام
نوره:بسك نوم قوم
طلال:أذا ماقمتي عن وجهي ولله لألزقج بطوفه
نوره:لاولله الشرهه علي جاية ابشرك خلاص لا تحاجيني ولا احاجيك
نوره طلعت من الغرفه زعلانه
طلال حس أن نوره زعلت
طلال كمل نومه
لما قعد ينادي نوره ماردت عليه
طلال طلع من الغرفه يدورها
لقاها بالمطبخ
طلال:نوره
نوره ساكته
طلال:نوره شفيج صمخة
نوره:نعم
طلال مزاجه اكس وماله خلق معصب :شعندج ازعجتيني قولي شتبين
نوره انصدمت من اسلوب طلال :لا مافي شي كنت بقعدك بس
طلال بنفسية خايسه: سويلي ريوق بسرعه
نوره:انشاءلله
طلال راح لصاله يشوف التلفزيون
ونوره بالمطبخ تسوي ريوق بس كانت متضايقه حيل لأن طلال خرب فرحتها
ودت الريوق لطلال وحطته وقعدت اطالعه
طلال:اكلي
نوره:مالي نفس
طلال:احسن
نوره:طلال شفيك اليوم علي نفسك بخشمك
طلال:شوفي تراني مالي خلق
نوره:قامت وراحت
طلال يناديها بصوت عالي: نوره نوره
نوره راحت لغرفتها
طلال عصب وترفز منها وقام لحقها
نوره دخلت وقفلت الباب
طلال يطق باب الغرفه يصرخ:اذا مافتحتي قسما بالله ياويلج
نوره خافت وفتحت الباب اول مافتحت طلال طق نوره طراق!
من قوة الطراق نوره طاحت بالأرض
نوره انصدمت من تصرف طلال
نوره:طلال اطقني أنا طلال انا نوره
نوره انهارت قامت تبجي طلعت راحت للغرفه الثانية
وقفلت الباب نوره قامت تبجي حيل وتقول معقوله طلال الي يحبني بجنون يطقني
ولله ياطلال راح تندم على الي سويته
بروح لبيتنا بس شلون اهلي كلهم مسافرين وين اروح
آخ ياربي شسوي
طلال منصدم راح قعد بصاله ويقول أنا شفيني اليوم أنا شسويت بنوره معقوله أنا اطق نوره
نوره حبيبتي لولاها ماعشت
ياربي شلون اراضيها
يارب ساعدني
طلال راح للغرفه الي نوره قاعده فيها وقرب من عند الباب سمع نوره تبجي
طلال حس بتأنيب الضمير ياقلبي يانوره أنا عورتها ولحد الحين تبجي ما اقدر امشي وأخليها تبجي
طلال طق باب غرفتها :نوره حبيبتي افتحي
نوره سمعت طلال وقامت تبجي اكثر
طلال:ياحبي ولله آسف
نوره ماردت عليه
طلال شوفي نوره انا بعد شوي راد
نزل طلال تحت لقى امه بصاله
ام طلال:مبروك ياوليدي
طلال: على شنو يما
امه:ليش ماقالتلك نوره
طلال تذكر ان نوره كانت بتقوله شي:لايمه شنو
امه:مرتك حامل
طلال منصدم:شنو
امه:نوره حامل ونا بصير جده
طلال :من صجج يما نوره حامل
امه:شفيك اي ولله صج
طلال صعد لشقته ويفكر نوره يابعد روحي حامل ونا بصير ابو فيصل انشالله
طلال دش للشقه يدور نوره
طلال مسك يده الباب:نوره تكفين افتحي
طلال فتح الباب لأن نوره نست لا تقفل الباب
شاف نوره بوضع يبجي شافها طايحه على الأرض وتبجي وشعرها طايح على وجهها
طلال قرب منها وشال شعر نوره عن وجهها وقاله:تكفين يانوره سامحيني انا غلطت بحقج سامحيني
نوره رفعت عينها وشافت طلال
ونزلت دموعها
طلال ما قدر يتحمل حط نوره بحضنة وقام يسكتها يقولها خلاص حبيبتي لا تبجين انا اوعدج ماراح ازعلج بس خلاص قلبي يعورني عليج
نوره سكتت
وظلت اطالع طلال وقالته بصوت كله حزن:ليش سويت فيني جذي
طلال:حبيبتي كنت متضايق شوي
نوره حظنت طلال وطلال حس ان نوره محتاجلته وحن عليها
وقالها:اسف حبيبتي اسف
طلال حط ايدينة على وجه نوره ومسح دموعها وقاله:حبيبتي انت حامل
نوره انصدمت :منو قالك
طلال وهو مبتسم:امي
نوره :اي أنا حامل
طلال وهو فرحان:الحمدلله يارب انك رزقتني بالذرية ويارب اجعل ذريتنا صالحه
نوره ابتسمت لطلال:يارب
طلال قوم نوره وقالها غسلي وجهج الي كأنة بدر
نوره غسلت وجهها وراحت انسدحت وحست بتعب وارهاق وانسدحت على السرير
دخل طلال عليها وقالها أنا راح أنومج مثل الأطفال ياطفله حياتي
قعد طلال جنبها وحطت نوره راسها على فخذ طلال وطلال قام ويطق كتفها شوي شوي مثل الأطفال
طلال يلعب بشعر نوره
نوره حست براحه وريلاكس ونامت
طلال حط المخده تحت راسها وغطاها
وطف الضو وسكر الباب
بعد فتره والحين نوره بشهر السادس
راحت نوره وجواهر لدكتور عشان الفحص
لما فحص الدكتور نوره وشاف تحاليها انصدم
نوره:دكتور شفيك
الدكتور:نوره بصراحه لازم تنزلين الولد
نوره انصدمت:دكتور شتقول انت ليش انزله
الدكتور:نوره انت معاج ورم برحم وذا مانزلتية احتمال...(سكت)
نوره وهي خايفه:احتمال شنو
الدكتور:احتمال تموتين
نوره نزلت دموعها: دكتور أنا مابي اموت ولدي وأنا ماراح انزله
الدكتور:نوره انتبهي ولله خطر عليج
جواهر منصدمه:دكتور مافي حل
الدكتور هز راسه وقال:مافي حل
طلعت نوره من العياده تبجي حيل وراحت لشقتها وطاحت على سريرها تبجي
دشت جواهر للبيت وجها لونة اسود سألتها امها شفيج
جواهر قامت تبجي على حال رفيجتها ومرت اخوها
ام طلال :انخرعت شفيج تكلمي
جواهر:يما الدكتور قال لنوره اذا مانزلت الجنين راح تموت لأن فيها ورم ونا خايفه على طلال إذا درى شبيصير فية
ام طلال قامت تبجي على نوره جواهر:يما نوره راسها يابس موراضية تنزل الجنين
ام طلال:ياربي ياكريم الطف فينا اكيد ولدي بيصير فية شي أذا درى عاد طلال اهم شي بدنيته نوره شلون لو ماتت لاسمح الله
نزلت نوره تحت وقعدت مع عمتها ام طلال وجواهر وقالت لهم لحد يقول لطلال
ام طلال:لا يانوره لازم يدري
نوره:عمه تكفين اذا درى راح ينزل الي بطني غصبن علي
جواهر:يانوره العيال يتعوضون بس انت ماتعوضين ترضين طلال يعيش وهو شبه ميت بدونج طلال مايقدر يعيش بدونج نوره فكري بطلال يانوره
نوره احتارت من كلام جواهر
نوره:بس ياجواهر حتى لو نزلت الولد أنا ماراح اعيش لأن الي فيني خبيث(سرطان)
جواهر:نوره خلي ايامنج بالله قوي
دخل طلال البيت وشاف الوضع و كلهم سكتو حس طلال ان في انة بالموضوع
سألهم شفيكم
نوره:مافي شي بس تعبانين من السوق
طلال:ماظنتي شكلكم شبعانين بجي
نوره تحاول تمسك نفسها:شدعوه لا عادي
طلال:ياخي حتى عمر مدري شفيه شكله متضايق(عمر يدري بالي في اخته)
ليش جواهر انت مزعلته
جواهر ترقع:اي متهاوشين
طلال طلع فوق لشقته وقال لنوره ابي عشى
نوره قامت راحت للمطبخ وعيونها متورمين من البجي
بعد سبوع
نوره وطلال كانو قاعدين بصاله نوره لما وقفت حست بألم رهيب بظهرها ومن قوة الأم ماقدرت توقف طاحت على القنفه تصرخ
طلال:نوره شفيج
نوره تصرخ :آاااااه بطني طلال مااقدر
طلال شال نوره ودها وحطها بالسياره وطار فيها للمستشفى
نوره بسياره تصرخ من الألم
طلال يهديها:حبيبتي وصلنا خلاص
حطوها بالكرسي المتحرك
لما كشف عليها الدكتور انصدم لأن المرض انتشر بجسمها
نوره غايبه عن الوعي معطينها مهدئات
الدكتور:انت شتصير للمريضة
طلال:زوجها
الدكتور:شوف طلال المرض انتشر بجسم زوجتك
طلال مو فاهم لأنة مايدري عن شي:شنو دكتور ترى ماني فاهم شي
الدكتور:زوجتك ما قالتلك
طلال:عن شنو
الدكتور درى انة طلال مايدري بس لازم يقوله عشان يخلي مسؤولية:طلال خل ايمانك بالله قوي (طلال قام يرجف)طلال زوجتك فيها الخبيث
طلال منصدم:دكتور انت شتقول من صجك
الدكتور:طلال لازم تستوعب طلال زوجتك إذا مانزلت الولد راح تموت
طلال طاح على الأرض قام يبجي دش على نوره وقال لها الله يسامحج يانوره ليش ماقلتيلي انج مريضه انت تدرين شبيصير بحالي بدونج ليش يانوره ليش
نوره تبجي:طلال شسوي خلاص أنا انتهيت
طلال:لا نوره تكفين لا تقولين جذي أنا ما اقدر اعيش بدونج نوره انا بدونج ولا شي
نوره:طلال تكفى بس أنت جذي قاعد تذبحني بكلامك
طلال:لازم تنزلين الولد لازم
نوره :طلال حتى لو نزلته ماكو امل المرض انتشر بجسمي
طلال حط راسه على نوره وقام يبجي نوره ماهان عليها تشوف طلال بهالحاله قامت وحظنت طلال ومسحت دموعه وقالت له قال تعالى(قل مايصيبنا إلا ماكتبه الله لنا)
الي كاتبه رب العالمين بيصير والحمدلله انا راضية بالي يصير لأن هذا ابتلاء من الله وان الله إذا احب عبدا ابتلاه
طلال ارتاح من كلام نوره وانصدم من قوة ايمانها وقالها:الحمدلله على كل حال
جا الدكتور ومعاه ورقه فيها اجراءات الإجهاض طلب من طلال انه يوقع طلال طالع نوره اوقع على الورقه نوره نزلت دموعها وقالها نوره انشالله إذا قمتي بسلامه بدال هالولد انجيب عشره هذا راح يشفعلنا يوم القيامه
وأنا اهم ماعلي صحتج ياحبيبتي
نوره سكتت وقالها الدكتور باجر موعد الإجهاض
طبعا ام نوره وعمر حالتهم يرثى لها خايفين على نوره صارت حياتهم كئيبه
وطلال ماهان عليه تذكر ولده الي بطن نوره شذبه يموت طلال حس بضيقه بصدره مسك القرآن يبدا يقرا سوره البقره
بعد العمليه قامت نوره من البنج وأول مافتحت عينها شافت طلال
طلال:نوره شلونج حاسه بشي
نوره :حاسه بدوخه وتعب شديد
طلال :هذا من البنج ياروحي
طلال متضايق وحاس بضيقه شديده بصدره لانة كثر مافرح بولده الحين زعلان ومتضايق وكان مبين عليه الضيقه
حتى نوره كانت تبجي بصمت لأنها فارقت ولدها
راح طلال لدكتور يسأل عن حاله نوره يبي يتطمن
طلال:السلام عليكم
الدكتور:وعليكم السلام
طلال:دكتور ابي اسأل عن حاله نوره شلونها الحين
الدكتور:طلال حاله نوره مستقره بس هي تحتاج للعلاج بالخارج
طلال:اوكي دكتور من باجر نطير ماعندي مانع بس اي دوله
الدكتور:امريكا
طلال:دكتور بصراحه راح تحسن حالتها
الدكتور:العلم عند رب العالمين بس ياطلال انت عارف المرض خبيث والحين انتشر بسرعه بجسمها ولازم تتوقع اي شي يصير وانت ادع لها
طلال يتنهد:دكتور احتمال تموت
الدكتور ساكت مارد على طلال وطلع من العياده
طلال قعد بإستراحه المستشفى وضاقت فية الدنيا وحس كل شي تسكر بوجه لما قعد يفكر بنوره يقول آااااخ كسرتي ظهري يانوره أنا بدونج ولاشي ماني متصور اعيش بدون لا اشوف عيونج أنا تعبت عشان اوصلج انت عطيتي لحياتي قيمه
صارت بطلال حاله هستيريا بسبب تفكيره بنوره طاح على الأرض يصرخ قدام الناس ولله أحبها أحبها نوره لاتخليني تكفين تجمعوا الناس علية منصدمين من طلال جو الدكاتره اخذو طلال وعطوه مهدئات ولما فحصوه طلع معاه انهيار عصبي بسبب التفكير
لما قعد من النوم دش علية واحد عمره تقريبا ٢٧ سلم على طلال
طلال استغرب منة اول مره يشوفه رد عليه السلام
قاله الولد:أنا اسمي نايف وابي انصحك
طلال مستغرب:تنصحني؟
نايف:اي انصحك
طلال:تكلم يمكن ارتاح
نايف يتنهد:طلال أنا قبل سنة كنت مثلك وحالتك واردى
كانت زوجتي كل شي بحياتي
وكنت ماني متخيل أني اعيش بدونها
(طلال يسمعه بهتمام)
مرضت زوجتي مرض مزمن ماقدرت تقاوم المرض وقالي الدكتور نايف احنا سونا الي علينا ومرتك تحت رحمه رب العالمين وأحتمال ٢٠ بالمية انها تعيش
طبعا أنا قمت ابجي وأصارخ لدرجه اني طقيت الدكتور والزبده يا طلال لما ماتت مرتي
حسيت اني ميت الي يجي يعزيني اطرده ومره جاني رجال شاف حالتي وقالي ابي انصحك نصيحه لله أنا قلت بقلبي كالعاده جاي يقولي المره بدالها مليون مره والدنيا ماتسوى وقلتله قول الي عندك
قال لي:الله سبحانة وتعالي يمتحن عبده في وقت الشده يبي شوف عبده يرضا بقضاء الله ولا يجزع وابي اقولك عن عن تجربه ولله إذا طبقتها راح ترتاح
يا نايف الا بذكر الله تطمئن القلوب اذكر الله صدقني راح ترتاح واقرى لو سطر من القرآن راح تحس بشعور اول مره تحس فيه تحس انك في عالم ثاني
وشفت الدنيا هذي الي معطيها قيمه راح تصغر بعينك لما تكون قريب من رب العالمين بالدعاء والإستغفار صدقني
نايف:تصدق أنا احمد ربي انه دزك لي جزاك الله خير
وجعله في ميزان حسناتك
ولله ياطلال أنا طبقت الي قاله والحمدلله أنا الحين بأحسن حال ولله هالولد غير حياتي
طلال ظل فتره ساكت يتأمل الكلام الي قاله له نايف
نايف بإبتسامه:تامر على شي أنا رايح
طلال مرتاح من كلام نايف :نايف تو الناس
نايف:ولله ياطلال عندي كم شغله
طلال:نايف جزاك الله خير وماقصرت بصراحه عطيتني نشاط وكنت فاقد الأمل بس الحين المعنويات عالية
نايف:لا شكر على واجب مع السلامة
طلع نايف وطلال ظل يفكر بكلام نايف وقال أنا لازم اطبق الي قاله
راح وتوضا وصلى ركعتين ومسك القرآن وقعد يقرا لما هدا وارتاح
فجأه دش الدكتور وشاف طلال يقرا شجعه وقاله استمر على القراءه عشان الله يبارك لك
طلال وضعك الصحي تمام وزوجتك خايفه عليك تسأل عنك
طلال راح لنوره يتطمن عليها
اول مادخل الغرفه شاف نوره متضايقه
نوره شافت طلال ونزلت دموعها وفزت من السرير وراحت حظنت طلال حيل:يا بعد روحي سلامات ولله قاعده احاتيك
طلال :نوره انا بخير يا نظر عيني
طلال شال نوره وحطها على السرير وقعد يبتسم
وقالها:حبي شلونج الحين في شي يعورج
نوره:الحين احسن من قبل شوي
طلال:شوفي يانوره انا اليوم بروح أحجز عشان نسافر امريكا علاج
نوره:تكفى ياطلال مابي أتعالج بره بعدين أنا عارفه نتيجه العمله
طلال:حبيبتي سمالله عليج لازم اتعالجين نوره أذا ماسافرتي صدقيني راح ازعل عليج نوره عشاني ولا مالي خاطر عندج
نوره نزلت راسها وقالت:الي تشوفه
طلال ونوره سافرو لأمريكا
وقعدو بأمريكا سنتين وكان عند طلال امل كبير ان نوره راح اتشافى طلال كل يوم يشجع نوره ويعطيها دافع
واليوم جا موعد العملية هذي اخطر عميله وكان نسبه نجاح العميله ٣٠% وكان طلال خايف على حبه نوره على السرير قبل لا تدخل غرفه العمليات طلال حب راسها وحاول انة مايبجي ولا تنزل دموعه وقالت نوره هي تبجي: طلال أخاف ادخل وبعدها مااطلع (تبجي)
طلال وخانقته العبره:نوره ماابي اسمع هالكلام منج
قاطعته نوره:طلال عطني ايدك(حبت ايد طلال)وقالت طلال انت سويت لي اشياء محد يسويها وانت ياطلال تسوا تدنيتني ومافيها ادعلي
طلال ما قدر يقاوم قام يبجي قدام نوره
جو السسترات ياخذون نوره كان طلال ماسك ايد نوره وجرو السرير اول ماوصلو باب غرفه العمليات قالت نوره وهي تبجي:طلال لا تنساني
ودخلت الغرفه
طلال قعد على الكرسي يبجي ويدعي لنوره يقرا قرآن وقعدت نوره في غرفه العمليات ١٠ساعات وطلال حس أن هالعشر ساعات كأنها سنة
طلال كان خايف من النتيجة
طلع الدكتور من غرفه العمليات وراح لطلال يركض يبي يعرف النتجية
طلال كان يكلمه بالأنقليزي
طلال وهو خايف من النتيجه:دكتور شلون نوره
الدكتور:منو انت
طلال:زوجها طلال
الدكتور:بصراحه ياطلال أنا والدكاتره الي معاي منصدمين
طلال يرجف ومتوتر:ليش
الدكتور:لأن العملية نجحت
طلال منصدم وقام يبجي من الفرحه وسجد سجدته شكر وجو الدكاتره يبشرونة ويباركوله
طلال دق على عمر واهله يبشرهم الكل استانس وحمد ربه
طلال سأل عن نوره متى تطلع من العمليات قال الدكتور لازم تقعد ٤ ساعات تحت الملاحظه
وبعدها نزلها الجناح
طلال قعد يستغفر ويصلي و يشكر الله
مرت ٤ ساعات بسرعه طلعو نوره من العمليات كانت نايمه
طلال ياروحي الحمدلله على سلامتج قرت عيني
نزلوها لغرفته وقعد طلال بجنبها يطالعها يتأمل بوجها الي يشع منة النور قعد يقرا عليها ويرقيها لما صحت قامت تنهد
وتقول ابي ماي
طلال استانس لما شاف نوره صحت وطار من الفرحه
نوره داخية من البنج لحد الحين تحت تأثيره كانت تقول كلام مو مفهوم
طلال حط ايده ورا رقبه نوره وشربها ماي ويسمي بالرحمن عليها
ارتاحت نوره شوي وصحت اول ما فتحت عيونها شافت طلال قدامها :طلال
طلال:عيونة
نوره:طلال نجحت العملية
طلال:الحمدلله اي نجحت ياعمري
نوره وهي مبتسمه وفرحانة :الحمدالله الحمدلله والشكر لك يارب
طلال ونوره ردو الكويت والأهل مستانسين عشان عيالهم ردو لهم
بيت طلال
ام طلال:الحمدلله يارب شوف ياطلال بسوي لك عشى على سلامه نوره
نوره:لا ياعمه لا تسوين عشى كافي مو ناقصين عيون كل الي صار فينا بسبه عيون الناس
طلال:اي ولله يمه تكفين نبي نرتاح
ام طلال:ايه انتو ماتهنيتو الناس ماخلوكم الله يكفيكم شرهم
والحين طلال عايش حياته مثل العالم ارتاحت نفسيته ونوره الحمدلله ردت مثل قبل واحسن
وطلال هو يكلمكم الحين
(السلام عليكم اول شي اقوله اشكر رب العالمين على كل حال واشكر الكاتبه الي ماقصرت بصراحه كتبت قصه حياتي بدون لا تزيد ولا تنقص بالقصه ياناس انا ادري انكم تقولون في واحد يحب وحده كل هالحب! شوفو الي يحب صج يسوي كل شي عشان حبيبته والحب الي بيني وبين نوره حب شريف
أحيانا تقولون يبالغ بس ولله هذا الصج ياناس ولله أنا حبيت نوره بصدفه نوره كل شي بحياتي أنا احبها موت وأذا صار فيها شي يمكن اموت بعدها هالبنت غريبه لعبت فيني خسبقتني خلتني اصير انسان ثاني تعلمت منها اشياء كثيره فديتها ولله واتمنى انكم تستفيدون من تجربتي وابي اوجه نصيحه حق البنات ادري انكم تمنون واحد يحبكم حب شريف ويكون صادق فيه لكن صعب تلقين في هذا الوقت واحد يحبج من كل قلبه
واحب اقولكم اني صرت ابو وجبت بنوته سميتها الزين
اتمنى ان قصتي أنا نوره عجبتكم واتمنى اعرف رايكم فيها إذا بتواصلون معاي هذا ايميلي اي سؤال في بالكم مستعد اجاوب عليه
[email protected]
نوره(السلام عليكم
ماادري شنو اقول لكن اقول يعطيكم العافية طبعا زوجي وحبيبي ما خلى لي شي اقوله
الله لا يفرق بين الحبايب انشالله
وذا كان في ثنين يحبون بعض مثل حبنا أنا وطلال خل يقرون على انفسهم لأن الناس الحين تحسد اي احد يعيش بسعاده
يابنات ترا انا أغار ياويلها الي تحب طلول
تمنياتي للجميع بالصحه والعافية)
>>>>الـــنـــهــايــة<<<<
هذي قصه طلال ونوره
طلال:أحبج يا اغلى من روحي علي
نوره:وأنا بعد احبك يا نظر عيني
