قصة مرض ولدي واخر التطورات ايللى صارت,,,,,

[سليلة المجد]

رد: قصة مرض ولدي وشلون اكتشفت المرض ..

الله علييييج ام ونعم الام ماشاء الله عليييج والله يخليييج عبووود وتشوفين عيياااااااااااااااااااااااااااااااال عيااااااله يااارب

 

[توت عنكبوت]

رد: قصة مرض ولدي وشلون اكتشفت المرض ..

طلعنا بعد شهر من العملية من المستشفى فترة نقاهه وبعد 3 اسابيع المنظار للتاكد من العملية.

نتيجة العملية بالحنجرة كانت ان الولد بيعيش طول عمره بصوت مبحوح ومو قوي ويكسر الخاطر لي بغى يعبر صوته شبه مسموع بس قالو بعد فترة بيتعدل ما راح يكون طبيعي الصوت قصير.

سوينا المنظار والعملية ناجحة 1000 بالمية بس يبقى الصوت لأن الأحبال الصوتية منجرحة عنده تدرون شلون كانت العملية العملية عبارة عن ان الحنجرة يقطعونها ويقصصون القطعه اللي مسكرة التنفس وبعدها يخيطون الحنجرة مرة ثانية القطع بيكون من النص ثم تتلزق وتتخيط الحنجرة .


المهم الحمد لله تعافى وليدي وعطونا موعد بعد 6 شهور وقالو اذا بتقعدون بلندن عادي واذا بترجعون الكويت رجعو وتعالو بعد 6 شهوور

زوجي يبينا نقعد بس انا حلفت ما اقعد بروح اشوف ابوي كان تعبان حده .

وصلت الكويت 5/3/ 2003 ورحت شفت ابوي الغالي اللي كان بيسافر بعد اسبوع امريكا للعلاج.شاف ولدي ووصاني عليه قعدت عنده وبعدين رحت بيتي.

وبعدها بايام رجعت احضر عزاء ابوي ...............................ابوي مات

ابوي مات

الحمد لله شفته قبل لايموت واحمد لله اني رجعت من لندن وشفت الغالي اللي فاقدته صار لي 5 سنين.

بعد 6 شهور سوينا لجنة عشان السفر وتم رفضها عارفين الكويت يودونا لما خلاص بنوصل حدنا بنموت.

سنتين وانا احاول باللجان والرفض دايم .

للحين والولد مو مطهر وكل يوم بالعدان وكل كم شهر بالصدري الولد تعبان عنده حساسية بالصدر وبلغم كثير والصوت غير مسموع عدل والحالة يرثى لها .

طبعا انا ولدت وجبت توته عشان جذيه نك نيمي (( توت عنكبوت)) توت بنتي واعنكبوت عبود الغالي .

بعد رحلة طويلة بين المستشفيات والله العظيم اقعد بالمستشفى اكثر من البيت .

وجت سنة 2005 وتحديدا برمضان شهر 10 والواسطة اشتغلت وسافرنا للتاكد من سلامة عبود ولعمل عملية اللوز واللحمية وسحب الماي من خلف الطبلة عشان السمع عنده .

تدرون ان الدكتور عبدالله العلي طبيب الأنف والاذن والحنجرة رفض عمل عملية اللوز لولدي لآن الحنجرة عنده غير طبيعية وتحتاج انبوب التنفس غير موجود لو احتاجو الى هذا الأنبوب اثناء العملية .

سافرنا وسوى اول شي سونار للقلب والحمد لله اوكي بس يقول الدكتور لا تفرحين حيل لازم تراجعين كل سنة عشان نتاكد.

بعدها سوا عملية اللوز واللحمية ومن ذاك اليوم الحال تغير والولد تشافى والحمد لله طيب .

قعددنا شهر بلندن ورجعنا بس لنا موعد بعد سنة للقلب.

المهم بعد سنة تم رفض اللجنة .

والعام رحت بسوي له سونار قلب وخرعني الدكتور الولد تعبان لازم يروح لندن........................

 

[توت عنكبوت]

رد: قصة مرض ولدي وشلون اكتشفت المرض ..

والحظ عثر صادف عطلة 1/9 اللي صارت الجمعه والسبت بدل الخميس والجمعه .

قعدت انطر انطر الأحد على احر من الجمر بشوف الاستشاري العود شنو بيقول ولما رحت الموعد الاستقبال بارد وانا نار قايدة بقلبي


دكتور شفيه عبود قال لا مشكلة بسيط يعيش سنة ما في خوف.



يا رب ارحمني شنو يعيش سنة الولد ما فيه شي عندي شفيه . قال لا بس عادي روحي وبعد سنة تعالي القلب زين لمدة سنة وبعددين نفحص ونشوف بالسونار ممكن نقول زين ووممكن يسافر بره الله العالم .

والحين انا ناطرة شهر 9 على نار برتاح تكفووووووووون تكفووووووون ادعو له والله احبه موووووووووووووت والله اموت بدونه الحين اسم الله عليه عمره 6 سنوات والله العظيم انه طبايعه كانه رجال يحبني وبس لازق فيني ويسمع كلامي ومتعلق فيني حيل ترى عبود الحمد لله سليم عقله ومتفوق بمدرسته الباكستانية الحين توه خالص ثاني روضة وانتو تعرفون الباكستانية تدريس مو لعب .

الحين ولدي عنده مشكلة بعد ما يسمع عدل ويسمع غلط حتى بالمدرسة ما يقول فورتين 14 لا يقول كورتين .يمه شعرفاح التيشر تقول كورتين.

شعرفاج يعني شدراج حبيب قلبي والله .

توني مسويه له لجنة وتم التعجيز فيها واستسلمت بسوي عملية الاذن بالعدان وطلبو مني تقرير للقلب جديد ورحت الاربعاء اللي فات وجبت التقرير وقال طبيب القلب مو مشكلة يسوي عملية وسالته عن سالفة سونار العام قال انا سالت الاستشاري بحالته يقول في مشكلة بس بعدين نشوف شهر 9 الحين بنسوي العملية وانا حدي خايفة مووووووووووت .


اللله يستر والعملية بالعدان يارب سترك تكفوووووووووووون تكفووووووووووون ادعو له الله يشفيه ويعافيه

تدرو ن قبل كم اسبوع خرعني يلعب وجاني يمه في شي بصدري يطق داخل يعور طرنا الطبيب وبرود عادي الولد يلعب سيبوه .

العام طهرته الحمد لله


ونصيحة انتبهو لعيالكم ترى التشخيص خرطي اهني الحنجرة انا كشفتها لما طلبت المنظار قبل ولا هم رايحين فيها

تكفوووووووووووووووون ادعو له
تكفوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووون

 

[زيـنـه]

رد: قصة مرض ولدي وشلون اكتشفت المرض ..

الطب من زمان يفشل عندنا بالكويت .. و مافي استمراريه و لا مراجعات . الله يرحم بحالنا يالكويتيين

ما يشوف شر عبود و ان شاء الله ربي يشافيه و يعافيه و يشافي كل مرضى المسلمين.. و ان شاء الله تفرحين فيه معرس و تشوفين عياله ..قولي امين

.

 

[نفيشه]

رد: قصة مرض ولدي وشلون اكتشفت المرض ..

بعد قلبي والله يزينه عبود
عسى الله يحفظه ويبارك فيه ويشافيه ويعافيه
ولدج هذا الله كاتب له عمر لا تخافين
ربج حاااااااااارسه بعينه اللي ما تنام
توكلي على الله وخلج موقنة برحمة ربج

 

[توت عنكبوت]

رد: قصة مرض ولدي وشلون اكتشفت المرض ..

يا حياتي تسلمون ردودكم تبرد القلب تكفووووون ادعو له هو محتاج بس الدعاء

 

[CaRaMeLaH]

رد: قصة مرض ولدي وشلون اكتشفت المرض ..

الله يعين قلبج ويصبرج ويآجرج ويشفي لج عبود إن شاءالله

وعساكم على القوه إن شاءالله

 

[CuTiE PiE]

رد: قصة مرض ولدي وشلون اكتشفت المرض ..

مايشوف شر حبيبى عبودى
ان شاء الله يارب يشفيه و يشافي كل مرضى المسلمين.. و ان شاء الله تفرحين فيه معرس و تشوفين عياله

 

[Dancing^Queen]

رد: قصة مرض ولدي وشلون اكتشفت المرض ..

وااااااااااااااااااااي القصه اتعور القلب ام عبودي
يارب يشفيه لج ويبلغج فيه معرس قولي امين

 

[**فراشة الكويت**]

رد: قصة مرض ولدي وشلون اكتشفت المرض ..

الله يشفيه ويعافيه ويخليه لج ان شاء الله
اهم شي ارقي ولدج بالقرآن وماي زمزم
والله يشفيه ان شاء الله

 

[حبيبة زوجي]

رد: قصة مرض ولدي وشلون اكتشفت المرض ..

الله يشافيه ويعافيه ويخليه لج ان شاء الله
ويقوم بالسلامه ان شاء الله

 

[نووووونا]

رد: قصة مرض ولدي وشلون اكتشفت المرض ..

الله يشفيه ويخليه لكم يارب

قصته حبيبى واايد مؤثره ,, اجر وعافيه توت عنكبوت,,

 

[أخت رضاب]

رد: قصة مرض ولدي وشلون اكتشفت المرض ..

والله ذبحتيني وقطعتي قلبي يا ليت ما قريت الموضوع والله حسيت فيج الله يشافيه وتصدقين انتي شجاعه انا مريت بتجارب مؤلمه بس ما اقدر ابدا اكتبها اتناساها الله يشافيه يارب

 

[pinky83]

رد: قصة مرض ولدي وشلون اكتشفت المرض ..

مايشوف شر حبيبي انشالله تشوفين عياله وعيالهم واحفادهم اميييييييييييييييييييييييييييييييييييييييييييين

 

[q8ya 3sal]

رد: قصة مرض ولدي وشلون اكتشفت المرض ..

حبيبي الله يعافيه انشالله

ويصبرج حبيبتي

 

[noo7a]

رد: قصة مرض ولدي وشلون اكتشفت المرض ..

الله يشافيه و يعافيه ياربي
و يخليلج ياه
اهو و اخته ياربي
و يقومه بالسلامه انشالله

 

[كويتيه رزتها ملكيه]

رد: قصة مرض ولدي وشلون اكتشفت المرض ..

قصتج تعوووووور القلب

اللهم رب الناس ، اذهب الباس ، انت الشافى ولا شفاء الا شفاءك ، شفاء لا يغادر سقما

اشف عبدالله ، وعافاه واسبغ عليبه من العافيه والصحه

اللهم اااااااااااااامين

 

[umfahad84]

رد: قصة مرض ولدي وشلون اكتشفت المرض ..

اللهم اشف عبدالله وخيب ظن كل من ظن السوء فيه يا شافي يامعافي ورده الى امه وبلغه فيها معرس بالبشت يمه العروسه الحلوة يا رب العالمين فانك قلت وقولك الحق "ادعوني استجب لكم "

يا رب تشفي عبود​

:yaaaaaarb:

 

[غزلان]

رد: قصة مرض ولدي وشلون اكتشفت المرض ..

يالله تشفيه ياربي ويبلغج فيه معرس قولي امين
والله انه ندعيلج

 

[nandoshia]

رد: قصة مرض ولدي وشلون اكتشفت المرض ..

اسال الله العظيم رب العرش الكريم ان يشفي ولدج عبودي وتفرحين بقومته بالسلامه ولايضيع تعبكم...والف الحمدلله على كل حااال