قصة كويتية اتحداكم ماتندمجون معاها...

[misS~GOLD]

كمليها بليز

 

[(نكتار الدلع)]

شــــــــــــــكــــــــــــرا

حلوة بس مرررررررررررة طويلة

 

[mezyana]

وين تكملة القصه ؟؟؟

 

[mi corazon]

متابعييييييييييييييييييييييين لا اطولين بليز

 

[نشميه]

كمليها حبيبتي ناطرينج

 

[ملاك ورمشي هلاك]

القصه اكثر من رائعه يسلموووووووووووووووو

 

[simple writter]

وين تكملة القصة بليز اندمجنا !! =(

 

[2mohammad]

وين تكملة القصة بليز اندمجنا

 

[ChocoLaTe Pie]

مو جنج طولتي وين تكلمه القصه ؟

 

[Asrarie]

اول شي سوووووووووووووري انا كنت بحطها كامله بس قالتلي مكرره نسيت الموضوع

سامحوني عالتاخير والحين بحطها كلها

 

[Asrarie]

شوق من الصبح كانت ببيت بو جراح بالمنصوريه....
الساعه 10 الصبح

ام جراح: هلا بنيتي شواقه...حياج حبيبتي
شوق: يحيييج خالتي...
وبعد ماقعدت شوووق
شوق: بعد أذنج خالتي...باخذ مها معاي السوق
ام جراح: لا ياشوق فكينا من سيرة السوق امس من ردت من السوق واهيا طايحه بالفراش.,.صبري عليها جم يوم

شوق: خالتي مها محتاجه تغير جوو صدقيني هالشي راح يحسن حالتها

ام جراح: لا ياشوق تكفين لاتحرجيني..خطوه وحده بره البيت ماراح اخليها تطلع

شوق: خالتي.لاتنسين ان الحركه زينه لهااا..وقعدة السرير ماراح تفيدها بشي..تكفين خليني آآخذها و صدقيني قبل الغدا اردها لكم البيت


ام جراح: والله ياشوووق...( تسكت فجأه) شرايج لو تمرينا باجر..يمكن تكون احسن

شوق( مسكت ايد خالتها):لا ياخالتي اليوم...طيعيني ..وصدقيني اوعدج...انشالله تتحسن..اهي بحاجه لتغيير جوو..

ام جراح: امري لله يابنيتي ...بس ليتها ترضى...صعدي شوفيها فوووق...

شوق قربت من خالتها..وباست خدها...واستأذنتها عشان تصعد فوووق..

ام جراح: منتي غريبه صعدي يمه صعدي جراح مو بالبيت
شوق : تسلمين خالتي...


صعدت شوووق غرفة مهاا.....

بس مالقتهاا بسريرهااا...

شوق: مهااااااا...!!!...

طلعت شوق مره ثانيه من الغرفه وراحت لأم جراااح......

شوق: خالتي ( بقلق)..انتي متأكده..ان مها...بغرفتها؟!!

 

[Asrarie]

الجزء الرابع عشر,,,



شوق:خالتي(بقلق)..إنتي..متأكده..ان مها بغرفتها؟..

ام جراح كااانت ماسكه فنيان(فنجان) القهوه ...طاح من ايدهاا....وبحركه سريعه...
صعدت فوووق ...غرفـــــة مها.....وشوووق كانت وراها.....

ام جراح واهي تصعد الدري: انا توني طاله عليها كانت على السرير...
..

شوق: خالتي مالقيتها..والله مالقيتهااا...
ام جراح: انا توني ماخذتلها كوب الحليب...انا توني لحفتها بفرااشها

..
خطوه..بعدها خطووووه..
ويفتحووون باب غرفــــة مهــا...

مها كانت لافه فوطه على جسمها و فوطه ثااانيه ماسكتها بيدها و تنشف فيهااا شعرهااا...وأول ما شافت شووووق.إبتسمت...

ام جراح( حطت ايدها على قلبها و خذت نفس طوووووووووويل...)
مها قامت و قربت من شووووق وباستهااا: هلا والله حيالله من يانا ( مع ابتسااامه كبيره...)

شوق كانت علامات الاستفاهم تارسه مخهااا...وامتنحه...

ام جراح: يمه خرعتينااا ماقلتيلي انج داشه تتسبحين
مها: تضااايقت من نفسي قلت اقووم آآخذ شاور حااااااار..عشان احس اني آدميه (( وتضحك بصوت عالي..))

شوق [ ساكته ولا كلمه]

ام جراح ( تطالع شوووق)
شوق كانت تطالع ام جرااااح...

اخيرا"
ام جراح: يمه مها شوق يايه تاخذج السوق

مها: اي تووني يايه بقولج بطلع...زهقت من قعدة البيت...واللي يسلمج يمه طاوليني البودر اللي صوب ايييدج...
[ ام جراح كانت واقفه يم التسريحه (( المايستواليت)) مدت ايدها وطاولت بنتها البودر]..

مها بدت ترش من البودر على جسمها..وشوق مازالت سايلنت بدون اي تعليق....

فتحت مها الكبت(خزانة الملابس)...وسحبت بلوزه سوده طويله شووي...مع جينز سكني...وبعدما ماخلوها و طلعوا...بدلت ...كان لبسها عاادي ....لبست كعب عالي....ماحطت ميك أب...رشت عطر على رقبتهاا.....

دخلت عليها شووق..لقت مها تلف الشيله على شعرهااا...
مها: تعالي شوق...تعالي حياتي ساعديني..دخت مادري شلون يلفونها....
شوق: مها!!!...شصارلج انتي؟؟..مو قادره استوعب شي
مها( ابتسمت): مو صاير شي
شوق: مو طبيعيه
مها: مو طبيعيه لأني قاعده احاول انسى ( وبدت تلمع دمعه بعينها بس كانت مبتسمه)..مو طبيعيه لأني قررت انسى الأنسان اللي باعني؟؟؟
شوق: لا مها ...تكفين لاتفهميني غلط...بس والله تفاجأت
مها( نزلت راسهااا)
شوق قربت من مها و حظنتهاااااا حييييييييييييييييل.....


مها: بس عاد بس شووواق ..ابيج تفرين فيني الكويت كلهاااااا احس صارلي فتره مو طالعه...ابي اروح كل مكااااااااان
شوق: لا ياحبيبتي قبل كل شي لازم آآخذج مكان مهم حيييييل

مها: مهم حيل؟؟؟...وين شوق
شوق: امشي معاي وراح تشوووفين وين باخذج ( مع ابتسامه كبيره)..
مها تمت امتنحه بدون تعليق....

=================================================

بدر نزل من غرفته تعب من القعده بروحه و من التفكيررررر...لقى داانه قاعده تحت تلعب بالبي اس بي...

بدر: صباح الخير
دانه( ترفع راسها و تبتسم): صباح النور..حيالله المعرس المغصووب( وتضحك بصوت عالي)
بدر (يعفس ملامحه): الشرهه مو عليج تدرين...[ قام وقف]..

دانه: لالالا آآسفه بس خلاص..اقعد اقعد...والله ما اتحجى
بدر( رد قعد..مو عشانها..لأن مايدري وين يروح و محتاج يفضفض).: دانه...تهقين راح احبها بعد الزواج

دانه( تعفس حواجبها و ترفع عيونها فوق يعني تفكر): والله يابدر آسفه ..بس مناير وحده ماتنبلع..الله يعييينك عليها

بدر: شلون يعني ماتنبلع ..كلميني عنها عشان اعرف شنو اطباعها

دانه: مليقه تحب النكد...ما اقولك ان لسانها طويل..لأأ..بس البنت مليقه...من واحنا صغار وانا احاول ابلعها..بس ياخوي واقفتليييييييي هني هني مو قادره ابلعها

بدر: ماكو امل احبها؟
دانه: شدراني انا..يمكن انت تقدر تبلعها...اما بالنسبه لي...فـ إنسى..
بدر: انزين يعني كلش مافي لها حسنات...قصدي ايجابيات
دانه: بصراحه اهي ذربه و تحب الكشخه ...انيقه المره...انشالله تقدر تحبهااا
بدر: واللي قلتلج عنها
دانه: قصدك مها؟؟ انت وبعدين وياااك..خلاص يبه انسااااااااااااها انساها
بدر: خلاص انزززين ..دانوو
دانه( تفتح البي اس بي و تكمل لعب): نعم
بدر: بطلع معااج قومي لبسي..
دانه: مالي خلق اتحرك من مكاااني...انا زين وصلت لي هالمرحله
بدر: آآخذج اشتريلج كل شي تبينه بس قومي ..ودي اطلع معاااج
دانه: كل اللي ابيه؟
بدر: كل اللي تبينه
دانه: تاخذني النصر الرياضي ابي طاولة تنس
بدر: آآخذلج طاولة تنس..بس قوووومي
دانه: ايوووآآ..اي الحين خوش ريال...وصدقني ترا مناير زينه ..حاول تبلعهاا...زين يبه..يلا اا نا لابسه
بدر: بتروحين معاي جذي؟
دانه: اي شفيه لبسي...تي شيرت مال اوادم...وجينززز..
بدر: وهالكشه .؟؟.قومي يلا قومي غيري لبسي و تعدلي
دانه: يلا زين يبه انا ساعتين انقزه وارفعه فوق سبريه واستشوار..تبيني الحين اقوم امشطه يلا مناك..بتاخذني ولا روح بروحك
بدر: لا خلاص خلاص..يلا قوووومي...

واهما طالعين عند الباب...طلعت بويههم اختهم ساااره....يايه تزورهم ...يوم اليمعه بعد..لازم يتزاورون الأهل...
ساره: كلولولولولوش...شفيه المعرس طاالع..وين رااايح

بدر: اي معرس ززين...بروح مشوار يحسسني اني آدمي
ساره: اخذوني معاااكم عفيه عفيه امواح امواح( تحرك شفايفها يعني تبووس)
بدر: لا يبه قعدي انتي واللي ببطنج شيشيلج...انا ما راح اطول راد ع الغدا...يلا دووينه....


وركبوا السيــــــــآآره...

==================================================

 

[Asrarie]

شوق ماصارلها شهر من قصت الليسن..متهوررررررره حيل..كانت داااااايسه حييل...وحاااطه أليسأأ ((( حبيت أياامي بيك و بعشيهاا ليك...ولا عمري حبيت من ابليك....))

مها كانت سااااارحــــه طووول الطريج....وشواقه تحاول تفصل على مها وتلطف الجووو..تضحك مها بس ضحكااات بعيده كل البعد عن قلبهاااا...واخيرا سفطت شوق جدام "" ليـــلى جالليلــــــري ""

مها: شحقه يايبتني هني خلينا نروح الفناار
شوق: لأ لأ انا امجهزتلج سبرااااااااايز
مها: سبراايز !!..ماشي نشووووف..

نزلوا مها وشوووق ودخلوا واحد من المحلااات...
نزلت شووق النظاره:صباح الخير...مدام هيام موجوده

.......

وبعد دقايق طلعت لها مدام هيااام صاحبة المحل ومصممة ازياء ...
هيام: اهلين وسهلييين
شوق: هاذي مها اللي قلتلج عنها
هيام: مشالله يخزي العين...جسمه كتير حلوو..حيلبأله الفستان اللي اخترناه...
وتروح تييب النفنوف...
مها: واااااااااو...
كان لوونــه احمر لون الدم.....راقي بشكل مو طبيعي....عاري يكشف مفاتنهااا...من جهة الصدر عااري بطريقه مبالغ فيها....ومن الظهرر.......قصير من جدام و طويل من وراا....ذيل على قولتهم...

شوق: شراايج فيني بس؟
مها: ذوووووووق...عطيني ودي ألبسه
هيام: لا تنزعيه أبل ما اشووفوو..من شان حط الدبابيس ازا بدك..
مها ( حركت راسها مبتسمه..)

بعد خمس دقااايق....

طلعت مها من غرفة التبديل...

================================================

بدر و دانه بالسياره رايحين النصر الرياضي..
بدر: دانه طالبج
دانه: آمر بوناصر
بدر: بغييت جهازج شوي
دانه: لاللالالاا لا حبيبي..عشان تدق عليهااا ..لا يبه لااا...خلاص يبه ابتعد انت ليش لزقه؟
بدر: تكفين بس اسمع ألو واسكره..عن النحاسه دوينه..انا اخوج
دانه: لا حبيبي لااا ..تكفه اعفيني..خلاص انت الحين متزوج مالك شغل بالبنت
بدر: دانه حبيبتي شرايج تكلمينها و تقولينلها عن موقفي
دانه: لا حبيبي اذا درت راح تعذرك ..خلها جذي ماتدري يمكن تكرهك عشان تقدر تنساك
بدر: بس الله مايرضى@ لازم تدري
دانه: لاتحمق ززين...ادق اكلمها اذا شفت النفسيه حلوه سولفت معاها واذا لأ قلت لها انا غلطااانه وسكرته
بدر: اي بس قطيه سبيكر عشان اسمع صووتها
دانه: إنا لله...خلاص زززين لا تحن ..اوف قطييعه...


==================================================
شوق: عجييييييييييييييييييب والله لو اني ريال..جان مادري شنو صار فيني
مها : ههههههههههههههههههههههه ( ضحكت من قلب هالمره... وماسكه ذيل النفنوف..وشعرها كان مرتفع فووق...)...

ورن موبايلهااا....

وترفعه مها تطالع ....
شوق: منو؟
مها: رقم غريب !!!
شوق: لاتردين
مها: اوكي...( بس قلبها بدا يعورها فجأه...حست ان المتصل بدر او من طرف بدر..بس تجاهلت احساسها....وحاولت تتظاهر انها مو مهتمه و ماسكه ذيل النفنوف ...)
مها: شرااايج لو ترفعه لي شوووي من هني؟

================================================== ====

شوق: شفت شلون...ماترد
بدر: تكفين حااولي بعد مره عشاني دانه..عشاني...
شوق: انززززززززين....
.......
[ المشترك لايرد...]..

شوق: سمعت؟؟
بدر: دزي لها مسج
شوق: انت ينييت ..شكتب فيه
بدر: انتي وبعدين معاج سوي الللي اقوله وبس...
شوق: مااشي..

========================================

هيام: لو بدنا نرفعوو شوي...ايوا...ارفعي ايدك من شان الدبوس..ايوا..بس
وصوت المسج..
فتحت مها المسج..

[ ردي انا دانــه..ابيــج ضروري..]
شوق: منوو؟؟؟
مها ( ابتسمت ): يحليييييييييييلها داانه...والله غبااار..
شوق: اي داانه
مها: دانه يبه دانه والله عبالي انقرضت ...
شوق: دانه السمره اللي كانت معانا بالانقليزي قبل
مها: اي اعتقد اهي..لحظه..كاهي دقت....

وترد مهـــا...

===========================================

بدر: ردت ردت..
دانه: ألوو ( قطته سبيكر)
مها: اهليييين...هلا والله....انتي وييينج
دانه: ها !!!!!!
مها: لا حس ولا خبر ..لا تسألين ولا شي
دانه: شنو؟
مها: وين رحتي يالخايسه اي كليه سجلتي؟
دانه: لا مها انا مو دانه اللي تقصدينها
مها: ها عيل؟؟؟!!!!!
دانه: آآنـــا...دانه ...دانه من طرف بدر..انا اخته الصغير
مها( قلبها بده يدق بقوووه): بدر!!
دانه: سمعيني بكلمج شوي...انتي فاضيه الحين
مها: انا مو بالبيت...بس عادي ..آمري شبغيتي؟
دانه: مها حبيت اقولج ان بــدر انغصب ياخذ مناير بنت عمي
مها: الله يوفقه...وغير هالحجي؟
دانه( رفعت راسها فوق تطالع اخوها ماكانت عارفه شتقول...اخيرا"...بدر قرر ياخذ الموبايل من اخته....)
بدر: ألوو
مها: ها؟...بدر!!!!
بدر: شلونج مها
مها: بخير ..نعم خير؟
بدر: مها انا آسف على اتصالي
مها: وغير هالحجي؟
بدر: مها انا آسف اذا غلطت بحقج
مها: لا تعتذر ....اذا عندك شي غير الاعتذار قوله..ماعندك قول باي وسكره
بدر: انتي ليش تكلميني جني مرتكب جريمه بحقج
مها: لا ابد..ما ارتكبت جريمه بحقي...بس انا اكبر الأمور وايد...صح بدر؟
بدر: مهاا..
مها: لا مها ولا شي..انت الحين واحد متزوج..واعتقد طريجك غير طريجي..مو هاذا كلامك؟
بدر: انا بوضح لج شغله بس
مها: لا توضح لي ولا اوضح لك وياليت ماتدق مره ثانيه
بدر: مها سمعيني
مها: باي بدر باي...

حذف بدر الموبايل بحظن اخته...وطق بأيده على السكان بقووووه...
بدر: هااذا حجي ينقال...بدر مغصووب
دانه: وانا شدراني
بدر: جب ولا كلمه
دانه: اهيا تجعمك انا شنو ذنبي تجببني؟
بدر( صرخ بقوه): بس خلاص سكتي ما ابي اسمع صووتج
============================================

مها تمت فتره ماسكه جهازها وسارحه
شوق: منو كنتي تكلمين ....
مها: بدر
شوق: بدر!!!!....شيبي داق هالتعبان
مها: بعدين اقولج ....شوق خلينا نطلع حاسه اني مختنقه
شوق: اسمالله عليج بدلي وانا ناطره بره...

=================================================


__________________



SaMa
مشاهدة ملفه الشخصي
إرسال رسالة خاصة إلى SaMa
إرسال رسالة بريد إلكتروني إلى SaMa
البحث عن المشاركات التي كتبت بواسطة SaMa
إضافة SaMa إلى الإتصالات الخاصة بك

05-23-09, 09:40 PM #34
SaMa
بدره منه و فينه


تاريخ التسجيل: Jan 2009
المشاركات: 766
معدل تقييم المستوى: 1


--------------------------------------------------------------------------------

فيصـــــــل ..... اخو مناير .......في مرينا شرق ...رسى طراده اخيرا".....

عبدالعزيز: وش علااامك من الاسمرانيه..من الاسمرانيه....( بنبرة واحد فاصل)
فيصل: يلا حجي شيل السمج حطه بالثلاجه ذبحتنا الشمس....
عبدالعزيز: ياااااااااااااحبيبي...
فيصل: اشفيها فيروز
عبدالعزيز: اسكت المزاااااااااااج عالي
فيصل: ايواااااا...عطني عطني الصبوره بشيلها بيدي..تعالي حبيبتي تعالي ...(( ويلم الصبوره..))

[ فيصل متولع بالحداق...حياته كلها بحــر ببحــــــر...ويموت بالسمج...ويحب الغوووض....لبسه كان عباره عن شووورت جينز...وتي شيرت احمر..ولابس كاااب ]
يوسف كان يلف الميدار و يلم عدة الحداق و يحطهم بصندوق الطراد......

فيصل: يلا شباب نزلوا من الطراد خل نروح نشرب لنا شي
يوسف: بهالزفر...لا حبيبي نخيس الأوادم..حلايه صبورتك...خذلك بيبسي من الثلاجه و فكنا جانك بتشرب يعني
فيصل: لا بغيييت ستار بكس
يوسف: بعدددددددددددد
عبداللعزيز: لا حبيبي لا...شناوي عليه...تبي البنوتات الناعمات هذيل اللي جنهم مرشوشين سبريه على كشختهم تلووع جبودهم لا يبه خلنا جذي احسن
( هالشله بالذااات موو سوالفهم بناات بس يحبوون يعبطوون....لا اكثر)

فيصل ( يطالع ريوله ..كان لابس نعال): اوف اوف يالجلحه..طالع يويسف طالع
عبدالعزيز: اهي جلحه اهي الطحالب اللي تارسه ريلك
يوسف: شدعوه انت امقصررر ولد الالمانيه
فيصل: خخخخخخخخخ حلو حلو حلوو ...شفت شلون ...قلنالك خلك سااااكت .....

نزلوا من الطرااااد...ومشوا على خط البحر رادين للباركينغ......

بالوقت اللي كانت فيه مها مع شووووق يتمشوون ع البحــر..

شوق: بس هاذا اللي قاله؟
مها: اصلا" انا ماعطيته فرصه...شوق لا تشوفين شصار فيني لما سمعت صوته..خقيـــــــــت..
شوق: مالت عليج والله..بس هم ماتنلاميين...

فيصل و ربعه كانوا ماريـــــن...
ويقرب فيصل ويحط الصبوره بويه مها....
فيصل: بذمتكم شباب ماتشبهها؟

يوسف و عبدالعزيز بطوها ضحكــــ
مها: عن الغلط و وخر يلا مناك
فيصل: نفس الحلج...كا شووفوا ( ويحرك حلج الصبوووره)
مها: بتووخر ولا شلون
فيصل: وي حمقت صبورتي ..حمقت
مها: اذلف زززين...قذر قطيعه...وخر ذبحتنا ريحتك
فيصل يحط الصبوره على الارض..ويرفع تي شيرته و يشم نفسه.:: مافيني ريحه....بس شوي زفر بيدي...
ويمش ايده بملابس مها
مها: يااااقذرررر...( بصوت عاااااااااالي)
فيصل: هاج هاج تبيج تحبج ( ويقرب الصبوره من مها)
مها: وخر والله ان ماوخرت الحين لاتلوم الا نفسك ويييييييييييييييييييع شنو هاذا ارف

فيصل ( يكلم الصبوره): تعالي حبيبتي تعالي...تعورتي؟؟؟ ( ويبوس الصبوره)..اموااح حبيبتي انتي بس...فصول معاج لاتخاافين
شوق: قطييييييييييعه..امشي امشي...
الشباب يضحكوووووون...

ردوا شوق ومها السياره.....
مها: جبح ويهه قليل ادب لوع جبدي..جبدي قامت تقولب
شوق: هههههههههههههههههه بس شفتيه شسوه والله كنت بضحك بس ماسكه رووحي
شوي ولا يطق الجامه فيصل...( عيونه كاانت عسليه وبالشمس شكله اينن...)

فيصل : تبونها؟؟؟
شوق: لا خلها حقك يالخايس ( يتكلمون عن الصبوره)
فيصل ( يكلم السمجه): خلاص عمري لاتبجين انا ابيج ..

مها: وييييييييييييييع صج لوعه
شوق: ههههههههههههههههههههههههههههههههههههههههه

ساقت شوووق..عشان توووصل مها بيتهم.....

ولما وصلوا....

نزلت مهااا...
مها: يلا حبيبتي مشكوره ويعطيج ألف عفيه
شوق: ولو حبيبتي..بس روحي تغدي و ديري بالج على نفسج
مها ( تبتسم...)

وقفت مها بالحديقه....رن موبايلها

جراح: مها وينج
مها: كاني عند الباب
جراح: يلا امي تحاتيج
مها: يلا كاني الحين بدخل...

وقبل لاتدخل...شافت سيارة فيصل جدام بيتهم...!!!!!!! والصبوره معااااه !!!!
مها ( تكلم روحها): شووف الخاايس...
فيصل: انتي؟ !!!!!
مها: انتي شيايبك هني والله بايعها..
فيصل: شتبين انتي....ياي حق عبدالرحمن انا
مها: نعم؟؟ ! عبدالرحمن ريل منال اختي؟
فيصل: خخخخخخخخخخخخ ياحلو الصدفه بس
مها ( نزلت راسها ):شتبي فيه اهوا ساكن بدور بروحه..تقدر تصعده من الدري هناك ( وتأشر)
فيصل: ليلحين ماتبين الصبوره؟؟

 

[Asrarie]

الجزء الخامس عشر,,,

فيصل: ليلحين ماتبين الصبوره؟
مها: انت وبعدين وياااك
فيصل: خلاص آسف...ممكن الحين اعرف من حضرتج؟
مها: وانت شكوووو ..انا عمري ماشفت واحد جريء بهالطريقه ..روح زين
فيصل ( حاط ايده على حلج ويضحك)
مها: اكو شي يضحك؟
فيصل: لا بس آسف ( ويعيد نفس الحركه اللي تغث)
مها( تحاول ماتبتسم وماسكه الضحكه بس حلجها قام يعوورها ..واخيرا" ابتســـمت)

ودخلت مهاا البيت...ماسكه ضحكتهاا..اول مادخلت البيت ..انفجررررت من الضحك....
ام جراح: وينج كنت احاتيييج..لا مشالله تضحكين..لا اشوه النفسيه احسن
مها ( تبتسم): السلام عليكم
ابوها و جراااح وامها ردوا السلام
مها: عن اذنكم بصعد ابدل
ام جراح: مو ماتنزلييين ترا الغدا مجبوس دياااي
مها: لالالا مايتطوف الغدا راح انزل لاتحاتين..

صعدت مها غرفتها و دقت على شوق..
مها: قولي منو لقيت عند باب بيتنا توه
شوق: بدر؟
مها ( بنبرة غضب): لأأأأأ
شوق: عيل منو؟
مها ( تضحك): راعي الصبوره اللي قبل شوي شفناه بشرق
شوق: شيسوي عند بيتكم؟
مها: ياي حق عبدالرحمن ريل منال اختي
شوق: هههههههههههههههههه من صجج انتي؟؟؟
مها: اي والله انا انصدمت لاتشوفين شكلي وانا اكلمه
شوق: شهالصدف اللي عليج...غريبــه عجيبــــه..
مها: شفتي شلون ياشووق
شوق: ماعلينا بمرج بعد صلاة المغرب عشان نروح نحجز حق الصالون
مها: مافيني حيييل
شوق: نامي الحين وارتاحي والمغرب يصير خير
مها: على خيررر

============================================
بدر رد مع دانـــه البيت....لقى امه قاعده بالصالـــه..
بدر( ينزل النظاره): السلام عليكم
ام بدر: وعليكم السلااام هلا والله بولدي بدر تعال اقعد يمي
بدر( ابتسم مو من قلبه)..

وبعد فتــرة صمـــت..
دانـه: يمـــه..بروح الاكوابارك بااجر ابي فلوس من الحين عشان مو تقوليييين ماقلتلج
ام بدر: انتي والله فااضيه..بدر يمه...حجزت حق شهر العسل
بدر( قام وقف): يمه انا عندي كليه
ام بدر: كلها اسبوع و يخلص الصيفي ومن الصيفي لي بداية الكورس اليديد عندك 15 يوم ..تقدر تسافر وترد وترتاح قبل لا يبدا الكورس
بدر: سفر ماراح اسافررر
ام بدر: انت ليش تحاجي امك جذي..ليش تحاجيني وجني امسويه ذنب...بتسافر يعني بتسافر
بدر: خلاص عيل خليها تسافر بروحها
دانه ( تضحك):هههههههه واكو عروس تروح شهر عسلها بروحها..انتي ينيت
بدر: يمه خلي ولدج عنده كلمه..مره وحده بس..ذبحتيني وانا حي...ذبحتيني يايمه ذبحتيني

[ قام وقف وصعد فوووق]
ام بدر: انا الحين اللي ذبحتك يابديررر..ذبحتك لأني بغيت مصلحتك..الشرهه مو عليك..ردي و بتم ردي طول عمرك يالهيس الأربد

بدر إلتفت ...وكمل طريجه...ماعنده كلام يقوله..مافي ولا كلمه تقدر تأثر بأمه...

================================


الساعه 6 المغرب ..

شوق تدق على مها...
شوق: يلا نزلي انا تحت ناطرتج
مها: يلا دقايق و انزل لج...

نزلت مهااا...وبعد ما استأذنت امهـــآآ..
خطوتين بره البيت.....
كانت امركزه على خطواتها لأن الكعب عاااااالي حيل...والدري طوويل...

ولما رفعت راسها..
لقت بدر جدامها...وطاحت عينها بعينه فترررره...

قلبها بده يدق بقــــوه...وانفاسها بدت تتساارع...ماتكلمت ولا كلــمه..لحظــــة صمـــــت..
آآآه من زمان ماشفته...تمت تطالعه...واهوو يطالع كل تفااااصيل ملامحها.....ولما بده يطالع شفايفهاا...

مها تركته وكملت خطواتها...بس سحبها من ايدهاا..
مها: هدني...هدني و وخر عني لا والله اسويلك فضيحه هني
بدر( رفع بطاقة دعوه وحطها بأيدها): ابيج تحضرين...وتشيلين عرسي شيل..وجودج يهمني..( إبتسم بحقاره) عن إذنـــج مهـا..

مها فتحت حلجهاا منصدمه و بدت الدموع تنزل على خدهاا...

حــفــل زفـــآف..
بـدر & مـنـايـر..
في فـنـدق الشيراتــوؤن..
وبحضوركم يتم الفرـرـرح...والسـرـرـرور..

ابتعد بدر عن مهااا..
وفتح جراح الباب..
جراح: حيالله معرسنااا..حياك الدوانيه
بدر: لا ياخووك منشغل حيييل بروح اشوف شصار على التجهيزات...بس بغيتك تسلم ع الوالده و هاذي البطاقه لهااا..واختي مها خذت بطاقتها..عدل مها؟
جراح: الاهل ماتعزمهم بطاقه..
بدر: انتوا اكثر من اهل بالنسبه لي ( ويطالع مها اللي كانت ساكنه ولا حركه)..ولا نسيت ياجراح..
جراح: ادخل اشرب جاااي ززين
بدر: لا جراح وقت ثاني انشالله...ٍسلملي ع الأهل..فمان الله...

صعدت مها السياره مع شوووق...
مها: حركي حركي
شوق: مها شفييييج ...شصارلج
مها: حركي شوق حركي ..بعدين اقوولج حركي..

ويبتعد رنــج شوق عن الفريج.....
============================================

ركب جراح سياااااارته......حط راسه على السكااان...
آآآخ يابدر آآخ..ليش جذي سويت يابدرررر..ليش....هاذي مهاا.....حبيبتي آنا...ليش جرحتهاا...
نززلت دمووعه وبدا يبجي مثل اليهال بالضبط......
مسح دمووووعه....لا خلاص انت ريال يابدر...والريال مايبجي.....خلاص بس..كل شي انتهى...كل شي.....سكت فتره....وبعدها عفس ملامحه..وراااح بنوبــــة بجـــي.....

تجرحها ياقلبي.. وتقول هي حبي ليه جرحتها؟
تخليها ..تجافيها...ثم تناديهــــا..

ذيك الدمعه في عينها انت اللي خلقتهـــا..
ثم تفز بتمسحها تقول وين اهي براضيها؟

مجنون قلبي عاشق ومن دنياها سرقتها
بس الحظ كل ماضحك....يقسى ويعاديـــها...

ليتني ميت قبل رحت وحرقتها...
ليتني طحت وانكسرت قبل لا ابعد و اخليـــها..




وجانب آآخر من قلبــــه يقول...لمها..

اعتبرني اي غلطه وانتهيني بالصوآب..
اعتبرني اي كلمه قلتها و تندمت فيها..

اعتبرني حلم ولا بقايا وهم وسراب..
ولا شمعه بيدك ذآبت عجزت تطفيها..

اعتبرني ماضي اظلم ولا طيف(ن) هل وغآب..
ولا جروؤح(ن) دآميه عجزت إنك داويـــها..

بإختصار جرح غابر طابت نفوس(ن) ولا طآب..
ولآ دمعـــه..وسط خدك من مولدك تربيــها..

عجز محجرك يحويها..وتحويها الأهداب..
ولا كلمه مستحيها و عآجز تخبيها..

افترقــنا بيوم وليله وليت اعرف شالأسباب..
وهاذي دموعي كل ليله على صدري اغفيها..


===================================

 

[Asrarie]

شوق: صج حقيررررر..مايستاهل ولا دمعه من دمووووعج...
مها (تبجي بحرقه واهي لامه البطاقه على صدرها): كافي ياشوووق...تكفين كاافي..
شوق:مهاااا سمعي كلامي مره وحده بس..هالريال خلاص ...قطيه ورا ظهرج..وشوفي طريييجج شوفي حياتج...انتي بعدج صغيره...18سنه..بعدج ماشفتي ولا شي من هالدنيااا...انسيه مهااا خلاص

مها:شوووق سكتي..تكفين سكتيي( تبجيي)

شوق: ماراح اسكت..سكت واايد لين ماوصلتي لي هالحاله.....من اليوم ماراح اسكت...وبدر بتنسيـــنـه يعني تنسيــنه...وهالبطاقه قطيها..كافي ذل

مها: لأ ياشوق خليها ابيها
شوق: تبينها؟؟؟ عشان تتمقلين بجرحج؟؟؟
مها: لأ شوق...( وتسكت فجأه)..انا بحضر العرس..

========================================

بدر رد البيــــت...لقى امه تناديه ومعاها مندوب تجهيز حفلات الافراح ..حاط الغتره على جتفه ..ماعبرهاا....صعد غرفته......


كانت ليلــــه حاسمه في حيـــاة مها..نثرت خصلاتها ع المخده...
وبدت تقرر قراراتها النهائيه...ويمها الستيريو ....

[ عشمتني..بأفراح دنياي والناس..
شمت عاذل قلبي اليوم فيني
وين الوعود و وين حبك والأحساس..
عشمتني في مامضى إنــك تبيني..
اول غلاك فداخلي ماله مقياس
واليوم في طاريك تبكي سنيني
ابعد وروح و خلني احظن الياس
خله يمـــــوت الحب ..قدام عيني...]

غمــــضت عيووونهــا..

==============================================

شمـــس حـــاره..نهار مشرق....دانـــــــه في الاكوابارك ( المدينه المائيه)..
زقاره بين اصابعهاا...شورت وسيع...تي شيرت ازرق...وقاعده على الكرسي...ويمها طاوله...: ابوووي يالمنقط انت عطنا وي ( تكلم وحده مرت لابسه بكيني منقط احمر بأبيض)..

وبعد ما إلتفت لها البنت دانه صكت روحها طراااق: اموووت ع النظره
البنت ( إبتسمت)..

داليا( رفيجة دانه ..و ليدي ..كانت لابسه شورت جينز و تحته بكيني وردي): بتيوز ولا اعلم روان
دانه: علميها يكون خايف الحيييين...

ودخلوا مجموعة بنات لابسين بكينيات والشعر اشكال والوان و اظافر و ميك اب..: هآآآآآآي دانا
دانه: هلا حبيبي..هلاااا الربع...تعالوا قعدوا وينكم الله يهداكم زرعتوني امجابل هالصخله صارلي ساعتين

روان: حبيبي قوم ابيك
دانه( تطفي الزقاره و تقوم وتلبس نعالها): يلا قايم قايم..

وراحوا مكان بعيد بين الشير ...وروان قربت من دانه حيل...
دانه:ها...انتي شقاعده تسوووين
روان: شفيك حبيبي..ماتبيني؟
دانه: يبه هي هي...وخري..شقاعده تسوين انتي
روان: وااي عليك..خلاص روح روح...( مشت روان خطوتييين مبتعده بس دانه مسكت إيـــدها....)
دانه: لالالا تعالي ابيج ابيج
روان: لا خلاص خلني اروح
دانه: لا بس كنت اعبط عليج..
روان: ويعني؟
دانه: قربي قربي..

================================================== =

مها نزلت الساعه 1 لقت امها تجهز الغداااا..كان شكلها تعبان.رابطه شعرها كله فوووق...
مها: هاي
جراح: هلا السحته..
مها: وااي قام يملق على راسي
بو جراح: مها متغيره حيل عن قبل
مها( بنظرات غير ثابته): شلون يعني متغيره
بو جراح: مادري يابوج احس في شي مضايقج..قولي يبه منو مضايقج وانا اعلمج فيه
مها( ضحكت من قلبها هالمره..آخ يايبه آخ): لا يبه اصلا" محد يقدر يضايقني..انا بنت بو جراح مو حيالله يبه
بو جراح: كفو بنيتي...

==================================================
في الاكوابارك
نوره: دانه؟
دانه: ها ...نوره...
( نـــورة اخت مناير وبنت عم دانه للتذكير بس)
نوره : انتي شقاعده تسوووين؟؟
دانه: بليييييييه انتي من وين طلعتيلي..ذلفي بس...اي عمري روان شقلتي
نوره: شوفي دانه ..ان مايزتي..والله لأعلم مناير تقول حق اخووج..زقاير و قلة ادب..انتي ماتستحين على ويهج

دانه( تكلم روان): شوي عمري خل اشوف هلصخله ليش تنبح ( وتبوووسها)
نوره: بعددددددددد!!!..هين دانوو هييين..
دانه: اقول نويره..بتقلبين ويهج ولا اقولب فيه بين ايدي؟ها عمري ؟

نوره(تحط ايدها على حلجها): هين يا دانه

دانه: رووحي ززين..علمي مناير...خخخ عاد تتوقعين بدر بيسمع من مناير كلمه؟؟..ذلفي انتي واختج كاافي اخوي مغصوب ياخذهاا

نوره( تصرخ): انتي ليش تكلميني جذي؟؟فوق شينج قواة عينج يالخايسه
دانه( ترفع حاجب): بتذلفين ولا شلون
روان: بس حبيبي لا تعصب
نوره: حبيبي بعدددد؟؟ والله لأعلم بدر والله
دانه: مدت ايدها بتسحب نووره و تطقها...بس روان سحبتهااا
روان: حبيبي شناوي عليه خليها تولي بس حبيبي( وتبوسها)
نوره ( تخزهم خززز وتبتعد)
دانه(تعدل تي شيرتها): والله حاله..ناس كرامتهم بريولهم
===============================

في بيت بو جراح بالمنصوريه الساعه 1 الظهر...
مها: بليييييييييييه بعد سمج؟؟؟
ام جراح: والله شحلوه يايمه انتي بس ذوقي
مها:لالالا يمه انسي لاتحاولين..خليها تسويلي ستيك
بو جراح: خليها يا ام جراح ..هاذي شفهمها بالسمج..هاذا صبوووور...صبووووور يامهوو صبووووور
مها: نعم!..صبور؟
بو جراح: شفهمج فيه انتي انتوا عيال البرجر والستيك
مها( تبتسم..تذكرت فيصل الخبل وقربت من ابوها): يبه..حلو الصبور؟؟
بو جراح: انتي مدي ايدج بس
مها ( ضحكت وذاكرتها بدت تعيد عليها خبال فيصل): يبااا زفر يباا
بو جراح: يبه هاذا صيد امس مو امثلج
مها(تضحك): منووو صايده[ تدري بس تستهبل,,,,عضت شفايفهاا بدلع]..
ام جراح: يايبه رفيج عبدالرحمن له بس تعرفين منال اختج ..ماتعرف حتى تسوي بيضه
================================

طاف اسبوووع هادىء مليء بالمشاوير عشان تجهيز شوووق....وبعد التعب والروحه والرده...

شوق: مها..انا خــايفه..
مها: سمي شووق..شعور طبيعي هاذا...كلها خمس دقايق وتدخلين الصاله(( صــالة الأفراح في الرميثيه))
شوق: مها تكفين لا تخليني
مها: اسمالله عليج شفيج ينيتي..انا معااج لاتحااتيـــن
شوق: مها..مكياجي مها
مها: اينن حدج مو صجيه
شوق: مهاا تكفين مو جنه وايد الفونديشن صايره جني كاسبر
مها: شواقه حياااتي انتي متوتره شوي..ماعليه اقري المعوذات
شوق: يمه ..
مها: شنو شفيج
شوق: نسيت كل شي..حاسه ان المعوذات انمسحت من مخي
مها:خخخخ ياحياتي..خلاص قربي(( وتحط ايدها على راس شوووق و تقرا آية الكرسي ..وآيات اخرى...))

كانوا بغرفة التجهيززز...
شوق كاانت رووعه...مكياجها فيه دراجات الذهبي وبما انها سمره طالع عليها اينن...شعرها كاانت مرتفع لي فووق ....النفنوف كان اوف واايت...كوكتيل و يظهر جزء من صدرهاا...المسكه فيها نوعين من انواع الورد....ورد جوري احمر و ياسمين ابيض...والمسكه فيها قلووب...ونازله منها خيووط من الكريستال الاحمر......بده قلبها يدق بقوووه...تنفست ...وتنفست...وخطت خطوتها الأولى... خارج غرفة التجهيــــز...

صوت راشــد المــاجد...

شيخـة الزينـات بنورها اقبلــت...

 

[Asrarie]

الجزء السادس عشر,,,


شيخــة الزيـــنات...بنورها اقبلـــت...

مها كانت العيون عليها من الكل...لابسه النفنوف اللي شرته مع شووق...لووونه احمر...وعليها طالع مو صجي...وعلى بيااضها..
صبغ اضاااافر احمررر...شعرهااا كان مرتفع كلـــه فووق بطريقه مو طبيعيه....لابسه تراجي كباار شوي...وعيوووونهــا...شي ثــآآني...رموشها كثاااف سود و طوووال حيل...مكياجها كان خفيف يبرز جمالهاا.....جزء كبير من صدرها ظاااهر...ولابسه كعب عالي حيل..وبما ان النفنوف مرتفع من جدام و طوويل من ورا..شكلها كان رووعه..كعبها فيه انواع الكرستاال احمر لون الدم...وشريطه تنربط لي فووق...رااقي...انوثي...مو صجــــــي ياجماعه...

دخلت قبل شوووق..وكانت تأشر لها عشان تبتسم...شوق ماسكه المسكه..وحاسه ان ايدها بدت تعرق من الخرعه..وكل شوي تحس بأن المسكه بتزلق منها..وحييل ثقيله عليها....وخطوات ثاابــته...والانظار مسلطه عليهم اهما الثنتين...مها ماسكه ذيل نفنوفهاا..وامركزه على شووق...وتشجعها عشان ماتتوتر..وتسوي لها ( اوكي) بإيدها..وتقنعها بأن شكلها اينن ...وتضحك لهاا...وتقدمت شووق بخطواتها الاخيره بثقه و ثباات...

وقعدت على الكرســـي...وسط كوشه مزينه بالورد الاحمر...

بعد الزفـــه..حطوا اغنــية الجسمي "عالي مستواه"...

قامت مها وقفت جدام شوق ابتسمت لهاا....ارفعت ذيل نفنوفها..وبدت ترقـــص..

========================================

مناير: مايرد علي..هاذي خامس مره ادق فييها...
فوزيه: يمكن مشغووول
مناير: امس واليوم يمه؟؟؟مشغوووول مايقدر يدز مسج؟؟؟؟مايشوف المس كول
فوزيه: لييش ماتروحين له البيت
مناير: اروحله ليش
فوزيه: انتووو بعد اسبوع عرسكم ..وفي شغلات لازم تتناقشون فيها
مناير( سرحت): عدل كلامج يمه...انا لازم اروحله..

===================================
مها( تقرب من شوق): حبيبتي ابتسمي وخلج طبيعيه..لاتتوترين الحين بيدخل فواز
شوق: مها...مها
مها: اوووش..مايخرع ترا ..يلا حبيبتي ابتسمي

عليـــك سعـــيد ومبــــاركـــ....
ولا إلــه إالا اللـــه..

دخل..شاب مبتسم...بنظاره طبيه...طويل...ابيض...سكسوكه خفيفه..بشت اسود...معاه ابوه و عمه....واهو يتوسطهم..
شوق امغطيه جسمها برداء خفيف..وشعرها...وامنزله راسهاا...
قرب....خطوه و خطوتين..لين صار يمها...
مطفوق شوي..مسك ايدها....ابتسم لها....شوق كااانت سايحه من الخجل.....

ولما رفعت راسها فوووق...لقت الشباااب امسووين دائـــره...وسطهم شاب....حاط الغتره على جتفه..ورافع العقـــال فووووق..ويهز جتووفـــه...قعد ع الارض...واهو يحرك راسه...

مو قادره تحدد ملامح هاذا الشخص...
المسكره و الرموش الصناعيـــه خلت الرؤيه غير واضــحــه..
غمضت عيوووونها..

فتحت عيوونها..

يهزز جتووفــه...ورافع العقال فوق يحركــه..

وبعد ماوضحت الرؤيــه اخيرا"...

نواف..
اي نواف..
======================================

بالروضــه..بيت بو بدر ..ألساعه 9..

ام بدر: حيالله من يانا..
مناير: يحيييج خالتي..انا مو غريبه كلها اسبووع خالتي
ام بدر: اي وانتي الصاجه البيت بيت يمه
مناير: تسلمين خالتي(( وتبتعد بنظرااتها تدور بدر))
ام بدر: ريلج بغرفته يمه صعديله فووق
مناير ( قامت و قفت وإبتسمت)..
..

خطوه..
خطوه..
وصادفت دانه كانت طالعه من غرفتهاا شايله الدي في دي بإيدها..ولما شافت مناير..دخلت دانه غرفتها سكرت الباب و تسندت عليه: ايا الصخله يانويروو اكيد قلتي حق مناير يالجلبه هيين والله لأعلمج..
(وبحركه سريعه حاولت تلم الافلام اللي عندها وتحطهم بجيييس وحطتهم تحت الفراش..وهني..دخلت مناير عليهاا..
دانه: انتي من سمحلج تدخلين
مناير: شفتيني وانا صاعده..ليش ماتسلمين
دانه: قلبي ويهج زين ريلج مو بالعج تبيني اانا ابلعج
مناير: احترمي نفسج وبلا قلة ادب..زين ماما
دانه: طلعي برررره
مناير( ابتسمت..): راح تربيج ايدي يادوينه...

طلعت مناير متنرفزه...ومنغثه..كانت ناويه تنزل وتطلع من البيت....وقفت فتره.....ورجعت لي وره...غـــــــرفة بــدر..

بدر: نعم...منو
مناير: انا مناير..ممكن ادخل
بدر( يكلم نفسه): بليييييه صج لزقه....دخلي دخلي
[ بدر كان قاعد على السرير هامل روحه فتره لا اكل لا شرب ..لابس فنيله بيضه و شورت..
مناير: هاي
بدر: هلا
مناير: ممكن اقعد( ابتسمت)
بدر: تفضلي
[ مناير قطت الشيله...وفلت شعرها...كان طويل واسود..كيرلي..لي نص ظهرها...حطت الشيله ع الفرااش..كانت لابسه جينزز و قميص طووووويل..قطت القميص...لابسه تحته بدي حفر اسود....وعاري حيل....وابتسمت له

بدر( رفعت راسه شافها..تجاهل حركاتهاا...قربت منه شوي): بدر حبيبي ليش ماترد علي..دقيت اكثر من مره...متضايق مني

بدر( مستغرب جرأتها): لأأ
مناير(( يابت شعرها كله على جهه وحده وحطت ايدها على رقبتها...وبعدين مسكت ايد بدر)): بدر انا ادري شفيك..بس صدقني قاعده احاول

بدر( انتبه حق آخركلمه): تحاولين شنووو
مناير: احاول اكسبك..بدر انا ابيك لي انا
بدر: انتي شفييج شقاعده تقولين
مناير: لاتتغيشم بدر..انا خلاص صرت على ذمتك..
بدر: ادري
مناير: لااتتكلم جنك مغصوب علي
بدر: شلون تبيني اتكلم..انا فعلا مغصووب
مناير( دمعت عينهااا..انجرحت حييل): بس انا شبيدي اسوي عشانك
[ حطت ايدها على راسها...وشعرها كاان ناازل على ويهها...وبدت تبجي بحرررررررقه ....دموع قهر..دموع ندم..دموع ذل..دمووع ..ودمووع....وفجأه تحول ويهها للون الأحمر..]

بدر رفع راسه...حس بالذنب...بلع ريــجه...قرب منها شوي...: آنا آسف..

مناير: بعد زواجنا بجم شهر..انا بنفسي راح اقولك طلقني
بدر: انتي مالج ذنب..وانا بعد مالي ذنب
مناير: عيييييل ليش تحرقني ( وتطق على ملامحها بقوه) ليش تحسسني اني عاله عليك..انا مثلك مالي ذنب
بدر: انتي وافقتي
مناير: وانا اقولك طلقني...اذا ماتبي هالزواج يستمر يابدر..من الحين احسن من بعدين
بدر( رفع راسه فوق): ماا..ماكو فايده...اللي صار ..صار..
مناير: وانا الحين شنوو
بدر( بلع ريجه وحس انه لأول مره يختلي بمره وحس ان اي كلمه يقولهااا لازم يحسب حسابهااا ..احساسيس مختلفه): انتي زوجتي
مناير: زوجتك اللي ماتبيها..زوجتك اللي انغصبت تاخذها...زوجتك اللي تدق من البارحه وانت مو امعبرهاا...
بدر: مناير بس( عقد نونته حاس بالذنب)
مناير( ابتعدت عنه...): ماكو حل صح
بدر( قرب منهااا...حط ايده على ويهها..رفع رااسها فووق): طالعيني وانتي تتكلمين...

( مناير كانت رافعه راسهاا بس عيونها تحت...حط ايده وره ظهرها..وقربها منه شوي....لين حطت راسها على صـــدره......)
مناير: بدر..
بدر( يحط ايده على شفايفها): اوش..

 

[Asrarie]

الجزء السابع عشر & الثامن عشر,,,


بدر: اووش..

=================================
شوق تجمعت (تيمعت) الدموع بعيووونها..نظراتها صاااارت مو ثااابته....تدوور مها...وين مهاا...؟؟...


مها كانت لابسه عباااايه ولافه شعرها بالشيله و مبتعده شوي عن شووق...ولما شافت شووق متوتره...قربت من ام شووق..
ام شوق: شفيج مها
مها: مادري..ِشفيها شوووق؟
ام شوق:خلج انتي هني انا اروح اشووف شفيها..

ام شووق كان لبسهاا اصغر من عمرها...عباره عن نفنوف بنفسجي..بس بجم طوويل شيفووون...شعرها مرفوع فووق...

قربت من شووق.
ام شوق: شفيج بوزتي
شوق( تطالع فواز و تطالع امها): يمه ابي مها بكلمها
ام شوق: شتبين فيها انتي..انا امج قوليلي شبغيتي
شوق( تعض ضروسها حييل): يمه ابي مها..
ام شوق: مها و ماراح تيي


شوق عفست ملامحهاا..وكانت ترجف..برد او توتر!!
=======================================

مناير(كانت حاطه راسها على صدره..رفعت راسها شوي وويهها كان قريب حيل من ويهه): بدر!!..احنا شسوينا!


بدر: انا ريلج شفيج يبه شفيج
مناير: استعيلنا بدر
بدر: بس سكتي
[ مناير حطت راسها على صدره]...

ام بدر ( تطق الباااب)

مناير فزززززت....بدر.(متوتر)...: ها يمه هاا..

ام بدر: انزل انت ومنايرررر حطينا العشا
مناير(متوتره): انشالله خالتي الحين ننزل..
بدر: قومي قومي...
[ مناير لبست قميصهاا ...ولفت الشيله على راااسها ]..

نزلت اعتذرت من ام بدر...وطلعت ...


===============================

مها ردت من العرس الساعه 1 الفير....سفطت سيارتهاا..حطت ريلها ع الارض...ونزلت من السياره..

كانت رافعه العبايه فووق حيل..لأن الكرستال اللي ع الكعب كاان كل شوي يتعلق بالعبايه...الشيله كانت قاطتها قط..وشعرها نصه امبين...وشافت سياره سفطت ورااها...بالعررررض...

فيصل: المره اليايه نبيها طلعت حدااق
عبدالرحمن : صار ..متى ماااتعدل الجوو عطني ألو( حاط ايده ع الجامه ويكلمه)
فيصل( ابتعدت نظراتته شوي بعيد...مها كانت تخطي خطوات غير ثااابته..الكعب وايد كان امضاايقهااا..وجزء كبير من ريولها بااااين بكل وضووح....)

عبدالرحمن: مهاااا
مها( انتبهت له اخيرا"): هلا عبدالرحمن
عبدالرحمن: نزلي العباااة...ودخلي
مها( شالت ايدها...ونزلت العبايه غطت ريلهاا..بس الشيله تحركت و بين شعرها....)
فيصل: يلا خلنا نشووفك
عبدالرحمن( امعصب ومفتشل): مع السلامه...


فيصل حررررك..
=========================================

اول مادخلت مها البيت..لقت امها ناطرتها...
ام جراح: الحمد لله ع السلامه
مها( تبتسم): هلا يمه...يمه اانا رفيجتها واقرب وحده لهاا...لازم اطلع آخر وحده من الصاله
ام جراح: ليش يمه..ماعندج اهل؟ مانبيج احنا؟
مها: لا يمه تكفيين ترا حدي امصدعه..باجر نتفاهم
ام جراح( تحرك راسها): ماكو فايده فيج


صعدت مها غرفتهاا...

قطت الكعب...والشيله و العباايه..تعب وارهاق...والنفنوف وايد امضايقها....وقفت جدام المنظره( المرايا)

..شوق...قدرت تنسى و تبدا حيااة يديده وخطوه يديده..صفحه يديده

...بدر..نسى...وبعد اسبوع راح تكون زوجته بين احظانه..

إلا آنـا..
تسندت ع التسريحه...(( إالا مها...))

نسيت انسى و نسى النسيان ينسيني!! ( عقدت نونتها)
قلت نسيته يوم طرالي ع البال...( إبتسمت ابتسامه بارده..)

اثارييني افكر فيه واهوا مادرى فيني..
انشغلت بكيف انساه واقطع الوصـــال!!..(( غمضت عيونها))..

واهو ناسيني مبتعد مجافيني..
قلت ابصبر و احمد ربي على كل حــال..

واهو مهتني بغيري وباله ابد مو فيني..
دون ما اشعر دمعي على خدي ســال!!!...( دمعت عيونها)..

واهو في حظن غيري...عاشق و ناسيني..
وكل فعل من افعاله على النسيان دآآل..

علمني انسى واخنق دمعتي بعيني..
بس تكفه وانت تشرحلي ابيك تطوّل البال ..( تبتسم و تنزل دمعه على شفايفها)..

ابيك تعيد الدرس وتفهمّني كيف تنسّيني..
وأنا اوعدك احـــفظه..ويمكن انســى...إحتمال.....( تبعد خصلاتها عن ملامحها)..

لا نسيت اشرح من جديد كيف تنهيـــني..
وأنا انسخ كلمـــة "إنتهينــــا"..واهز بقصتي جبــال..

ولي جا وقت اختباري... عينه قبل تسأليني..
بصرخ
"نسيــــتك"

بكل مافيني


..قبل ما تنطق بالســؤال..

وارحل واخليك و ذكراك تكفيني...
وأحمد ربي ألفيـــــــــن مره على كل حــال....





بدر منسدح ع السرير..وحاط ايده وره رااسه....[ ليتج انتي مكانها ...ليتج انتي يامها ....]...استغفر الله ياربي ...اسغفر الله...

======================

 

[Asrarie]

مهاا...نامت بالمكياااج ...بس شالت الماشات اللي ترس رااسهاا..ونزلت خصلاتها و غطت ويهها..ودمووعها اختلطت بالكحل...

ونشفت اخيرا"..
كانت تعبانه نفسيا"..جسديا"..
========================

شوق لبست نفنوف قصير ابيض....بعد ماخذت شاور حاار..وكان زوج مثـــالي...

ماحست بنفسها الا واهي بين احظانه ..حست بالراحه و الامان من اول يوم....

وغفت اخيرا"...

=========================



دانه نامت قلقه و تفكر بنوره اللي ممكن تفضحها بأي لحظه من اللحظاات..

===========================

فيصل منشغل باااله بمها....اعجاب؟..حب..ولا لانك اول مره تشوف بنت بهالطريقه..انبهرت....كأي رجل...بمكانك.....حط ايده وره راسه ساارح..


=============================

نوآآآآف زقاره ...وراها زقاره...دموع حاره على ملامحه..ملامح ساكنه بدون اي حركه....

==========================
نوره تمنت الموت قبل لا تشوف مناير زوجه لبدر...يجمعهم سرير واحد

==============================

منايررر...حطت راسها على المخده سارحه....تسترجع اللي صار بذاكرتهاا...وتبتسم خايفه...منه وعليه...ودها اليوم قبل باجر بدر يغفى يمها...

=============================


شرقــــت الــشمس اخيرا"...ليله طوويلــه..وليله اخرى من ليالي الوحده...وليله ثااالثه......ودخل النووور لغرفة مهااا...
وصوت الباب....امها تطق الباب..

مها(بتعب ): منووو
ام جراح(فتحت الباب): يمه قومي بسج نووم
مها: تعبانه يمه
ام جراح: سلامتج من التعب ..من النووم...كثرة النوم مهي زينه ..قومي يمه قومي

مها(رفعت راسها من المخده): شوق من تزوجت ماكلمتني يمه
ام جراح:معذوره يمه ولازم تعذرينها
مها:ادق عليها ماترد
ام جراح: خليها يمه عروووس هاذي...
مها: لو كل عروس تنسى اهلها اللي يحبونها...جان محد تزوج

============================

بدر نززززل من الدري..
ام بدر: صباح الورد
بدر: هلا يمه
ام بدر: اشوفك مستعيل
بدر: باخذ مناير نخلص تجهيز الشقه مابقى شي ع العرس
ام بدر: ليش وانتوا ماخلصتوا؟؟؟؟
بدر: ناقصتنا جم شغله
ام بدر: سلملي عليهاا...

طلع بدررر و اول ماوصل النزهه دق على مناير..: يلا حبيبي الحين انززل..

صعدت مناير السياره..لبسها كان عباره عن تنوووره لونها بني ولبسها حيل متنااسق...وحلوو الادعم عليهاا..

مناير: صباح الخير( تبتسم)
بدر( يبتسم..متقبل الواقع ..وحياته اليديده): صباح الورد..

وسآآآآآآآآآآآآق فيهاا..........

==============================
مها قامت خذت شاااااور..اللي تعتقد انه يقدر يغسل همومها و يجدد حياتها...
لبست تنوووره و قميص ضيج على صدرهااا..شكلها كان انوثي حييل...

الوحده بدت تذبحهاا...عشان جذي قررت انها تروح اي مكان تغير جوو....
ام جراح: وين رايحه
مها: اي مكان..زهقت من القعده بروحي
ام جراح: صبري ايييب عباتي...بيي معااج..
مها: ناطرتج بالسياره يمااا

====================================

دانه بعد ماتأكدت ان بدر طلع..ومهو راد قبل المغرب...
روان:حبيبي تبيني؟
دانه: شلون ما ابييييييييييج
روان:مادري...مادري شفيك اليوم
دانه: لا مافيني شي احسن من كل يوم...قربي بس قربي....

====================================

مناير وبدر كاانوا بهوم سنتررر...
مناير: حبيبي هاذي احلى..

بدر: على راحتج( اختارت ابجوره غرفة النوم)

مناير: بدر بغيت اكلمك عن دانه اختك

بدر: شفيها دانه

مناير: انت مو مهتم فيها

بدر: انا مو مهتم؟؟.دانه اقربلي من الكل

مناير: بس انت تدري اهي وين تروح ومع منو ترووح

بدر: شقصدج؟؟؟؟؟؟؟؟ دانه امسويه شي؟

مناير: لا حبيبي مو قصدي انها امسويه شي..بس وحده بعمرها لازم تشد عليها شوي

بدر: انتي تتكلمين عن منو؟دانه؟ يبه دااانه غير

مناير: شلون غيررر

بدر: مادري..ما احسها مثل البنات..ماظنتي احد يقدر يقص عليها

مناير: حبيبي احنا زمنا غيررر فتح عيونك زين...

بدر: مو فاهمج

مناير: قصدي....خلاص ولا شي

بدر: انتي شقاعده تخربطييين

مناير: لا ولاشي...بس ياليت تهتم فيها اكثر

بدر: دانه حاطها بعيوووني...

في جانب آآخر من هوم سنتر
ام جراح: يمه شوفي شحلوه ...خوش ملاس

مها: يلا يمه مليت صارلنا ساعه نحوس بين الصحووون

ام جراح: صبر يمه...قلاصاتي نصهم امكسرين...خلينا ناخذ درزنين قلاصات من هذيل

مها: على راحتج يمه بس خلصيييني زهقت

ام جراح: يلا يلا بس كافي...امشي نحاسب...

مها: شوفي يمه القلاصات هذيل بسرعه يتكسرون اخذي هذيل

ام جراح: على شوورج

مها( تأشر على القلاصات)........

وطاحت عينها بعين بدر..واهي رافعه ايدها..

..شفتها العليا ابتعدت عن شفتها السفلى......

 

[Asrarie]

الجزء التاسع عشر,,,,


حست ان الارض ماتقدر تشيلها....وبثقل مو طبيعي.....فجأه حست الصوره مو واضحه....بدر & مناير..
بدر مع وحده غيري!!....يبتسم ويختار معاها الكوشيات( المخاد) لسرير الزوجيه......والكفر(اللحاف)...

مناير:لاللالا حبيبي ماكو احلى من الاحمر
بدر(شايل الكوشيه بيده...ويهفها فيها...ويضحك...)
مناير: بدر وبعدين ويااك؟
بدر: بس بس آآسف...( ويضحك بصوت عااالي)..
مناير: بدر شوف..شوف هناك..
بدر: شنو !!
مناير( تأشر على أسرة الاطفال): شوف شحلاتهم..
بدر إلتفت يطالع....
ابتسم..
وتجمدت ابتسامته فجأه..
مها!!!..
سرررح فيهاا...
كانت واقفه تطالعه..
مناير مسكت ايد بدر....: حبيبي تبي الازرق ولا الوردي؟؟؟
بدر كان سااارح مو معاها..
مناير: انا ابي بنت...( واخيرا" لاحظت ان بدر سرح فجأه ..)
مناير: حبيبي
بدر: ها..هلا ..هلا مناير..ماسمعت شقلتي
مناير: حبيبي شفيك؟؟؟؟سرحت فجأه
جراح: مناير..امشي امشي خلينا نطلع...
مها نزلت راسهاا تحاول تبين انها مو مهتمه و تتصرف بلا مبالاه......لكن قلبها يتقطع من الداخل...يتــــــــــــقطع...حست بخناجر تقطع قلبها...وحرقه مو طبيعيه تخنقهاا...بلعت ريجهاا...وحاولت تسيطر على روحها...

هاذا إنتــه؟..!!
اللي عشقته؟؟
وهاذي آنا؟..
هي خيانه؟؟
ولا ظلمته؟


هاذا إنتــه؟

صدق إني ماعرفتك!..
هذا دمعي..ولا دمعك؟
..يوم شفتك..
ولا جرحي ولا جرحك؟
مو إنت آانا
وآنا انته؟
احساسي هاذا
مافهمتـــــــه!!!


هاذا قلبي ..ماعاد قلبي....!!
اشفيـــــه قلبي؟؟!!!.
ماعاد ينبــــض...!!


انتهينا..انتهينا؟؟..
هاذا إنته..اللي هويته
طاح كل اللي بنيته؟
هاذي روحي...يلي فيني؟..
محتويني
محتويني
محتويني
محتويتي


ليه صوتك؟؟
ماعاد صوتك؟؟
ليه صديت
ماحكيت
مانطقت!!
ولا شفقت؟
ولا لخاطرها
انسرقت..
مرتبك..!!
ضاع في عينك
كل صمت

هاذا انته..؟
منته انته..
منته ذاك اللي عشقته
وينه ذاك اللي سرقته


وينه.. يناديني ..واجيه
يزعلني يراضيني
وارتجيــه..
يبتديني
وانتهيه..
كنا واحد
مانباااعد
مانباعد
مانباعد
صرت واحد..ما اعرفك؟؟؟؟!!
منهو انته؟؟؟..
اعترفلك..
ماعرفتك!!
صَدَق إني ماعرفتك....!!!!..
هاذي عينك
ماهي عينك
ولا قلبك
ماهو قلبك
ولا روحك
وين روحك؟
خلها تجيني واجيها..
خلها تصحي نبض قلبك
اعترفلك
ان قلبي
في يوم كان
كان طفلك
اعترفلك
كنت انته
وكنت انا
كنت مثلي
وكنت مثلك
ليه صرنا محنا احنا !
منهو احنا؟
منهي آنا؟
هي خيانه؟
ولا ظلمته؟؟؟

خلني ألملم بسمتي
وارسم نهاية قصتي
اخطي في البعد
خطوتي
تكفه رجيتك تناديني
لا تخليني اروح
قول انك عاشق تبيني
خلها ترجع لي الروح

تكفه كّذب اللي شفته
قول اني مافهمته
قول انك منته انته

واللي عشقته محتريني
هو يبيني هو يبيني
هو سنينه هي سنيني
هو حبيبي عشقي حنيني
يبتديني ينتهيني
قول إنك تظلميني
وهاذي ماهي اللي ابيها
انتي إللي
مرتجيها
إنتي حلمي اللي حلمته
واصدق.. إنك منته إنتـــه!!
وافهم إنــي مافهمته!!
واضحك..واقول إني ظلمته!!!
هذا حبي إللي عشقــــته!!


بدر نظراته مو ثاابته...مو قادر يحط عينه بعينهاا..طافت جدامه بخطوات ثابته..

الله واكبر..يوم مرت ولا كني حواليها..
تساويني بخلق الله بنظراتها و تقهرني

يمكن اانا بحلم البارحه ليلحين طاريها
ويمكن هي مرت صح...بس ماشافتني!!

افا ياكيف نسيت السالفه اللي كنت ابحكيها
قفلت الموضوع بكلمه مدري من وين اهي جتني!!

بكــى والله انا قلبي..وقال "مشتـــــاق انا احكيها"..
ذميته وقلت اسكت..هي اصلا" ماعرفتني..!!..

اسكت بس خلني اشوف وش صار وش فيها..؟
والله عن جد من صدقها هي نستني؟؟؟؟

هي كلها شهرين عشت مع طيفها ولياليها
وهي نست كل مامضى وابد هي ماذكرتني؟؟

ايه والله ..نست عشقها..حبها...جنونها..وماضيها!!
لا ابد ماعبرتني..عدّت صوبي و طافتني...

مخنووق مجروح..متلعثم..... بتاليهاا..
حسبي الله عليها حتى مع نفسي لعثمتني

قالت : وش حصل فيك يوم مرت سهيت فيهاا
قلت: ابد ..شفت الماضي بعيوني..ولياليه اللي نستني...!!


ام جراح: يمه مها..شفيج امشي تأخرنا..ألحين ابوج يرد البيت ومايلقااني..منوو ينجب له الغدا بالله عليج..

مناير: بدر حبيبي بعدنا ماخلصنا...ليش مستعيل ع الرده..ورآك شي؟

بدر: بعدين....وقت ثاني ..امشي خلينا نروووح..امشي مناير امشي
مناير: على راحتــك..
================================================== ===========

مها سفطت جدام بيتهم....طول الطريج هاديه...وامهااا تسولف بروحهااا..
فيصل: خالتي...خالتي ام جراح
ام جراح: هلاااا..هلا بفيصل ولدي
[ شكله امهتمل...الغتره شرمبه ( جريمبــا)..دشداشه امعفسه...وريحته زفررررر..وماسك بيده جيس...]
فيصل: خااااااالتي الله يالبحر اليوم..الواحد وده ينام فيه..صيده ورا صيده
ام جراح(تضحك): وشطلع معاااااااك
مها( سارحه)..
فيصل: خووش زبيدي خالتي...بس لحد يشووفه...ممنوع صيد الزبيدي ...صايده بالخشاشي
ام جراح: حرام عليك ياريال توك راد من لندن وشهادتك كبر راسك..لي متى بحرررر
فيصل: خالتي شتبيني اسوي ..ناطر الوظيفه
ام جراح: تزوج يمه كمل نص دينك ( قالتها على نياتها ماكانت قاصده شي)
فيصل: على ايييييدج خالتي شوفيلي مره
ام جراح: هو..شفيها ايدك امشلعه؟
فيصل: من الميااادير خالتي...يلا خالتي شوفيلي مره
ام جراح: والله انت مايبيلك مره..تبي ازوجك زبيديه؟؟
فيصل:خخخخ تنكتين خالتي..لا خالتي..انا ابي صبووره ( ينغز مها)..
ام جراح: الله يخس ابليييسك يافصيل..
( مها رفعت راسها انتبهت للنغزه...ونزلت من السياره)
ام جراح: عطني الجيس اهوو...الله يخليك حق اميمتك(امك)
فيصل: تسلميين خالتي..يلا اشوفج على خيرر..
ركب سيااااااارته و دااااااااااااااااااس

 

[Asrarie]

بالنزهــــــه...
فيصل شات الباب و دخل البيت...يصرخ......: يماااااااااااااااااااا..يماااااااااااااااااااااااا اااا..يما وينج يماااااااااااااااااااااااااااااااااااا
فوزيه( ام فيصل): هوو شفيك علااامك رافع حسك...قصر صووووتك و ثول...
فيصل:يماااااااااااااااااا عطيني عطيني( يقصد المجله اللي بيدهاا)
فوزيه: هوو شفيييك ينيت
فيصل: عطيني يمه عطيني( وياخذها من ايدها و يحذفها وراه...ويقعد امجابلها و يتربع ويمسك ايد امه): يما انا ريال؟

ام فيصل: وي اسمالله عليك وليدي( تحط ايدها على راسه) لا منت امسخن..شفيك فصيل شقارصك؟؟؟

فيصل( متربع و يقرب منها اكثر): قوليلي انا ريال؟؟؟؟؟

ام فيصل: حسب معلوماتي..انت ريال..

فيصل: ايييييييييييي كاج قلتيها..انا ريال....دارس بره...وشهادتي كبـــر راسي..زوجيني يمه

ام فيصل( تحط ايدها على حلجها):بتتزوج؟؟؟؟....خلاص من باجر اشوفلك مره

فيصل: يمه انا لقيت و شفت وخلصت انتي بس روحي وخطبيها و قوليلي جم تبي مهر والعرس بااجر

ام فيصل: فصيل و ثووول انت شفييييك اعقل ززين يمه اعقل..اي اركد الركاده زينه..

فيصل: يماااا( ويخز امه)

ام فيصل: لا تصرررررررررخ اذووني انشقت

فيصل: اتكوكس؟ ( اتدحرج؟)

ام فيصل: يمه....يمه( حاطه ايدها على قلبها)..ين الصبي ين...

فيصل: قوليلي اتكوكس و لا اناقز

ام فيصل: فصيل قم..قم عن ويهي يلا اذلف

فيصل: ابي مهاااااااااااا يمه مها وحده بنت ناس و حلوه وابيها

ام فيصل: غبره غبره غبره...منو مها هاذي..من بنته

فيصل: شوفي يمه انا ولدج متربي....(يمسك ايد امه ويطق ايده بيأيد امه حيل)..على هالأيد تربيت صح يمه صح؟

ام فيصل: اييييي هالأيد اهي نفسها اللي بتسوطرك ان ماقمت ذلفت عن ويهي

فيصل: يمه اناااا واحد ما ألف و ادور..رحت ازور رفيجي و شفت اخت مرته وخوش بنت ..وانا بغيتها بالحلال

ام فيصل: اصبر علي خلني اتنفس شوي...

فيصل: تخطبينها اليوم

ام فيصل: انت ينيييييت..أصبر علي شووي

فيصل: ام بدر بعد شهر ولا شهرين بتصير يده وانتي خلج زين

ام فيصل: لا حبيبي لا...خلنا نخلص من بدر..وتالي اخطبك

فيصل: حجي حريم؟

ام فيصل: فصيلللللل وثول قم عن ويهي قم....صج انك فصخت الحيا موووليه

فيصل: ايي زين بنطر اسبوع انا...وبروح اجهز نفسي

ام فيصل: الحمدلله والشكر لك..ين الصبي ين...


==================================================

بدر بغرفته....مايدري يفكر بشنوووو...بحبه اللي طافت يمه ولا عبرته...ولا بدانه اللي انشغل باله عليها من وصته مناير عليهااا...

قرر يروح لدانه في غرفتها........دخل عليها لقاها سكرت الابتوب ...
بدر( رفع حاجب): شكنتي تسوين
دانه: ها...علق..اي..يبيله فورمات...كل شوي يعلق علي
بدر: اهاا...زين عيل...بقعد معاج انا..

دانه تحركت بخفه و قعدت على سي دي فلم اباااحي طبعا"..عشان مايشوفه بدر....
بدر: وهاذااا انا وقعدت...
دانه: ها..ليش بدر فيك شي
بدر: لا ابد...فتحي الابتوب بشبك شوي
دانه( تطق على رااسها): امعلللق بدير..أمعلللق ذبحني....( وتشيل الابتوب و تحطه بعيد شوي...)..شرايك نطلع؟
بدر: لا دانه..انا ودي اشبك...عطيني الابتوب...
دانه: انت شفييييييك ماتستوعب قلتلك امعلق بس خلاص..
بدر:عطيني تليفونج بغيت ويفات
دانه: ويفااات حدها امغبره..آخر ويف نزلته من سنه..تصدق بدر؟
بدر: شنو اهواا...؟؟ اي ويف؟
دانه:ها....رويشد....رويشد
بدر: الله.احب رويشد..عطيني اسمع
دانه: ها؟؟؟...بطل بلوتوثك انا ادزلك
بدر:لالا بغيت اسمع واللي يعجبني ادزه لي
دانه: يلا كا اسمع..." لاتجيني تعتذر...خلاص الوقت مر..حبك في قلبي اندثر..لاتحسبه باقي..وخذ مني العبر..وفر كلامك واختصرر..."
بدر: عطينياه دانه
دانه: انت شفيييييييك..تبيني ادزها؟..يلا بطل بلوتوثك
بدر( قام وقف بياخذ منها تليفونهاااا)..
دانه( قامت وقفت سحبت الابتوب و التليفوون ودخلت الحمام..وركض بدر وراها): طلعي يالجلبه..طلعي خليني اشووووف شحاطه بلابتوبج و جهازج...طلعي لاتخليني اييب السبير واطلعج مسحوبه مثل الصخووول

دانه: استح على ويهك..انااا بالحمام ..وخر عن الباب لا اعلم ابوووووي
بدر: لا...صبري يالجلبه صبري...
دانه حست انه راح يسويهاا...وقفت متسنده ع الباب...شسوي؟؟؟..وين احطهم؟؟؟....
بدر راح يدور مفتاح السبير بين المفاااتيح.....

دانه ماكان بيدها تسوي شي...رحت فيهاااااااا..رحت فيها خلاااااااااااص...

بدر...دخل المفتاح....وكان يحاول يبطله..بس دانه ماسكه الباب من داخل....

وفتح الباب............