قصة كويتية اتحداكم ماتندمجون معاها...

[Asrarie]

السلام عليكم حبايبي
قصه عجبتني وحبيت انقلها لكم ..

----------------------------------------

(صوت انثوي مبحوح): ههه والله وكبرت يابدر

بدر ( اللي كان حاط موبايله على اذونه قعد يتلفت بذهول صوب بحر شرق جدام(قدام) الطراريد اللي كانت مصفوفه بشكل مرتب و ضوء الشبات كان يشق البحر...و وراه ستار بكس شرق اللي كان خارجي يطل ع البحر بإختصار المنظر كان يسحر...):منو انتي؟



.......: افا يابدر افا ماعرفتني؟؟ لالا تزعلني منك جذي ( بدلع ساحر و رقه مو طبيعيه)

بدر( بلا مبالاه مصطنعه): بتقولين ولا لأ

.............:ههههه آسفه بدر شكلك حمقت (عصبت) تنرفزت صح ههههه خلاص خلاص..اظن الوقت مو مناسب الحبيب مختلي بروحه صوب البحر رومانسي حبيبي.ههههه..لا بس تي شيرتك عجبني...ممم تغيرت يابدر..


بدر: نوعج جذي يعني..شكلج متأثره بالافلام والله..اقول لاتدقين مره ثانيه عشان لاتحطين نفسج بمواقف انتي مو قدها


.............:ههههههه احب هالمواقف انا..دامها منك..عسل على قلبي...شفت العسل؟..جذي جذي على قلبي..ومستعده اتعرضلها كلها ...دير بالك على روحك بدر هاذا انا و وصيتك باي حبيبي


[تم الفصل..]

 

[Asrarie]

قعد بدر يطالع الرقم !!..(منو هاذي شهالرقله اللي قاطه روحها بهالطريقه..يمعود انت ليش مهتم وايد... باللعنه تلعنها تلقاها وحده من هالبنات الخفاف تبي تتعرف ولا تقزر...(تقضي وقتها)..ختولي ززززين اتركها عنك ززين <<بدر يكلم روحه...)

راح صوب ستاربكس..طلب كاراميل ماكياتو ميديام..واختار طاوله بعيده عن ازعاج الناس و قعد ودخن زقاره...شوي و يرن موبايله ...نفس الرقم!!!



.......: تؤ تؤ تؤ تؤ بتزعلني منك يابدر...كل شي فيك تغير للأحسن..الا هالعاده..متى بتبطل تدخين يعني!!!


بدر: اقول انتي..... طفارة امي هالحركات(طفارتي) تسدينه ولا شلون

........:شلون

بدر: اقول لو انتي بنت ناس جان ماتدقين على الشباب و تقطين روحج عليهم استحي على ويهج و سديه

تم الفصل....

سدته واهيا تتوعد فيه....( انا تقولي هالحجي يابدر...انا لك يابديرررر اوريك هين....والله لك...[سكتت شوي و قالت].وانته لي بعد )..

بدر شاب كويتي 21 سنه من اسره معروفه بمراكزها المرموقه اغلب خواله دكاتره محتلين جامعة الكويت..يعني مرتقين علميا اكثر من ما اهما مرتقين ماديا..مستواهم المادي مريح...لأ مو مريح..اكثر بشوي...

يعني مستواهم راقي..ساكن بالروضه (احدى مناطق الكويت)....يدرس في كلية العلوم الاداريه (تجاره)..وكان عاشق للكره...ولاعب مميز بنادي السالميه...

سبورتي هالريال ومايهمونه البنات ...بالنسبه للشكل..طويل مجسم اسمر سمار شباب الكويت ( حنطاووووي)..

سكسوكه خفيفه واحلى مافيه خفة دمه وتكانه بشكل مو طبيعي مايعطي ويه (( ثقيل يعني)..وحبيب امه...تحبه حيل...وعنده خواته ( ساره...متزوجه مشاري وعندها منه جوري 5 سنوات و همس سنتين)...

واخته الثانيه (دانه...16 سنه..اولى ثنوي)..

قام بدر بعد ماطفى الزقاره ودخل شرق من داخل...مايحتاج اوصف شرق...كان زحمه ..طبعا" زحمه...اليوم خميس و الناس تارسين شرق...شوي و يرن تليفونه..

بدر:اذتني هالرقله والله لوريها...

شاف الرقم ولا خالد رفيجه..

بدر: هلا بو وليد الله يابك يالحبيب توني افكر ادق عليك

خالد( نوعية راعي بنات و فاهم البنات عدل ماينقص عليه مايعترف بالحب لأن اللي حبها الله خذاها في حادث مروع قبل 3 سنين.. وامقضي حياته بهالطريقه ديوانيه و قعدة شباب و مغازل بنات ...يبي ينساها مو قادر ...وده يكون مخلص لها بس معتقد ان هالطريقه ممكن تنسيه حبه اللي مات بس للأسف ولا وحده من البنات قدرت تنسيه قلبه و روحه و نبضه ..غدير...اللي ماتت بالواقع لكنها عمرها ماماتت بقلبه و عقله و احلامه و طموحه كان عايش على بقايا ذكراها وهاذا اللي امصبره...غشمرجي و راعي نكته بس مايقدر يخفي الحزن اللي باين بعيونه و واضح و وضوح الشمس.......): هلااا بو نويصر عسى ماشر يبه ؟؟؟ تبيني امرك ..انت وين بس

بدر: لابو وليد انا بشرق ...وينك انت الحين

خالد:وين بكون يعني ....بالدوانيه مع الربع

بدر:لا ابيك بروحك مالي خلقهم والله

خالد:لا شكله الموضوع جااايد (قوي) خلاص خلاص وين تبيني ايييك

بدر: خلاص امرك آخذك من الدوانيه

خالد:صار بو ناصر ناطرك ابوووي (امووووواح)..

بدر:ههههههههه يلا ياي

خالد :لاتبطي ( لاتتأخر)

بدر:صرتلي امي انت الثاني..يايك يايك...


سكر خالد التليفون و اهوا يجيك على مسج واصله طلع من الوطنيه اللي يهداهم زلغوووني ( لمعرفة اخبار المباريات النهائيه ارسل على 1515 ....إلخ)..

كان لاهي بالموبايل مو معطي اهميه حق البنت اللي يايتله من بعيد صوب مخرج بوابة شرق...ودعمته بطريقة غريبه و مقصوده...

............:آسفه اخوي
بدر:لا انا اللي آسف حسبي الله على المسج خلاني ادوعم

.......(البنت ابتسمت ابتسامه خفيفه وابتعدت) ...

بعد اقل من 10 خطوات وصل مسج ثاني لبدر...
(((( عــطــرك بــعــده مــاتغـــــير..)))


لف ويهه بسرعه بيلحق على البنت ..اي..اهي نفسها..اهي نفسها صاحبة هالصوت و هالمسج..اهي نفسها...
الي لفت ويهها و ابتسمت و كملت خطواتها بالزحمه و دخلت دبنهامز...

وعارفين دبنهامز شرق بالدور الارضي ...كانت اذكى منه وصعدت الدري اللي بالمحل للدور الأول...ومن اهناااك نزلت مره ثانيه و طلعت من البوابه الثانيه اللي صوب مركز السلطاان ( سوبر ماركت لازق بشرق)....


بدر كان واقف جدام مانجو الغبي..مادرى ان البنت طلعت من شرق كله ...دخل مانجوو وسأل اللي بالمحل كانوا اكثر من وااحد بما ان دبنهامزز كبيررر حيل ومكون من اركان مختلفه..

بدر: لو سمحت ....في بنت دخلت عندكم لابسه اسود

الريال: اخي البنت صعدت لفوووء ( فوووق.) بتأدر تطلع له ( تقدر تصعد لها)..

بدر: مشكور..

وبحركه سريعه صعد فوووق..وشاف ان المحل مفتوح من فوق..شي طبيعي تكون طلعت البنت
بدر...( والله انك غبي...أثبت انك غبي هالمره..بس تعال!!..انت ليش مهتم وايد...ومن متى تهمك بنت؟؟..بس الفضول ذابحني...بعرف شتبي مني...معقوله تكون تحبني...لأا يبه شكلها من النوع الدايخ ..اللي كل يوم واحد....ختولي اتركها زين.....)

طلع بدر من شرق وركب سيارته ( رنج روفر سبورت لونه ابيض..)

وحط اغنية عبدالمجيد معقوله .....((( معقوله كلمه تغير حالي معاك...تشكك بي..وبغلاك..وانت الروح في قلبي و وريده..تقول احنا خلاص..الكل منه له طريقه......)))

كمل طريجه لي دوانية الربع اللي كانت بكيفان...
صفط بدر ودق على خالد..
بدر: بو وليد انا عند الباب
خالد:يلا كاني طالع لك....

بعد دقايق طلعله خالد و ركب معاه بالسياره...

شنو الموضوع اللي كان شاغل بدر و يبي خالد يعاونه فيه....؟؟؟

خالد: تحجى ياخوي شصاير معاك

بدر:والله ياخويلد حاس بالذنب ياخوك

خالد:بليييييييييييييييه ردينا على نفس السالفه

بدر:عمري مانسيتها..
.
خالد:وشلي يريحك ( شنو يريحك)؟؟

بدر:ضروري نبلغ

خالد:انت مينوووون ..اول واحد بياكلها انت تدري ولا ماتدري؟

بدر:ادري ياخالد ..انسجن بس انام مرتاح

خالد:ياعمي فكني زين شنو انام مرتاح اذا انت تبي تنسجن انا ما ابي انسجن ولا تنسى انا راح تربطني معاك واروح جفي

بدر: صدقني ياخالد الأحسن انه نبلغ..

خالد:لا تحاول تقنعني يابدر لأنك ماراح تقدر..مو مستعد اخسر عمري و اهلي عشان حضرتك تنام مرتاح

بدر:احنا غلطنا

خالد:الغلط راكبنا من راسنا لي ساسنا...بس انت اعلم بالحال الحين..انا تبت لربك..وماراح اسمحلك تخرب حياتي اليديده

بدر: اي حياة اللي تتحجى عنها..مرتاح بللي قاعد تسويه ولا مرتاح؟..حياة اقرب للفساد...شنو تبت لربي وانت كل يوم لك وحده

خالد:عن الغلط يابدر مو لأنك رفيجي وعارف بأسراري تقعد تستفزني و تهيني بهالطريقه...انا معاك ان في جانب خايس من حياتي..لكن صدقني قاعد احاول كثر ما اقدر وانت بتحكم علي بالفشل بتفكيرك هاذا

بدر: ياخالد ادري ان الموضوع صار غصبن علينا احنا الاثنين وادري محد راح يصدق ان احنا مالنا شغل بالموضوع..بس ننظلم ولا نسكت عن الظلم...

خالد:انت شايف جذي...

بدر: اي نعم..مو قادر انام ياخالد..في روح ماتت كل يوم قاعده تطريلي بالاحلام..تبيني اساعدها..ع الاقل انتقم لها وصدقني الله فوق و عارف ان مالنا يد بالموضوع

خالد: والاهل والناس؟؟؟

بدر: الاهل بيعذرونك انت ولدهم...والناس ياخالد..شلي يسكت الناس..الناس لي حجت ماتسكت..وتطري الشين قبل الزين..وتتحجى عنك حتى وانت مو امسوي شي..واذا احنا بنعيش ونرضي خاطر كل واحد ..حياتنا راح تصير مو لنا

خالد: بس يابدر احنا عايشين بينهم

بدر: بس ربك كبير..وربك فوقك..وفوقهم كلهم.....


عن شنو قاعد يتكلم بدر؟؟؟وليش خالد مو اموافقه بولا راي..؟؟..واي روح هاذي اللي ماتت وتبي بدر ينتقم لها.؟؟...

 

[Asrarie]

رد بدر بيتهم بعد مارد خالد للدوانيه..واكيد حديثهم ما انتهى ...دقت ام بدر على ولدها وقالتله ابيك و ضروري وهالشي اللي خلاه يقطع حديثه مع خالد و يأجله ....


وصل بدر بيتهم و لقى سياره سافطه صوب بيتهم.....وقف صوبها فتره ...(( منوو بيكون زايرنا اليوم يعني...هاذا مورانو مناير بنت عمي..اكيد يايه مع امها و اختها...زين انا شكو امناديني يعني؟؟؟؟...خل ادخل زين و اشوف شصاير ..صج حريم.....))

دخل بدر واهو امنزل راسه كالعاده جدام اي مره حياوي بطبعه مايحب يقط فيسه وايد ...ومحترم بشكل مو طبيعي..طبعا"..دامه تربية ام بدر المثقفه الوكيله ..اللي تركت المدرسه عشان تجابل عيالها لين شافتهم يكبرون جدامها بعمرهم و بأخلاقهم و بإنجازاتهم...:: السلام عليكم


ام فيصل( ام مناير و نوره و زوجة عمه مبارك...): وعليكم السلام هلا وليدي عسى ماشر قاطعنا ماقمنا نشوفك ولا قمت تمرنا

بدر: بهاذي معاج حق انا امقصر و ستين امقصر بس صدقيني مشاغل الدنيا...

نوره: شلونك بدر...( بإبتسامه)

نوره [ بنت عم بدر و عمرها 17 سنه خريجه بآخر سنه لها كانت تموت ببدر و بشخصيته كونها مراهقه وشافت فيه الجمال و الاخلاق و السنع ..كانت تموت فيه و تعشقه و هالشي باين بعيوووونها...]

بدر: هلا نوره بخيرر..انتو شلونكم بنات

مناير ( مدرسه لغه انقليزيه مو متزوجه عاديه بالنسبه للشكل..بس كشخه ...وستايلها حيل عجيب...ومعروفه بهالشي بالمدرسه بين المدرسات و الطالبات...و بالعايله بين بنات عمها..وخارج العايله مع رفيجاتها ...كانت تبهر اللي جدامها بذوقها العالي و اسلوبها الذرب........متحجبه. ....بإختصار كانت فتاة احلام كل شاب ...تقدموا لخطبتها 5 شباب رفضتهم كلهم عشان الشهاده كانت تبي واحد مو اقل من جامعي عشان تقدر تعيش معاه ياخي مثقفه البنت و راقيه ماتبي تبتلش مع عسكري ولا جندي ماعنده الثنويه.........): والله بخير عساك بخيرر

دانه(اخته): اهلين يابو ناصر واحنا مانقدر نشوفك الا لي خرعناك

بدر: هلا سحيله ( كلمه كويتيه بمعنى البنت الجيكره اللي الذبان عليها وين ماتروح)...

ام بدر: بدر يمه ام فيصل بغت تشوفك و مره وحده بغيناك بموضوع انا واهي

بدر: تامرون امر ..آمري خالتي

ام فيصل: يمه تعرف احد بوزارة التربيه

بدر: اي خالتي عندي اكثر من واحد اعرفه هناك

ام فيصل: لي بغيناك تنقل اوراق مناير من المدرسه الخايسه اللي فيها لي مدرسه قريبه يم بيتنا تقدر؟؟

بدر: بس القانون اليديد خالتي صعب شوي و انشالله انا بشوفلي واسطه قويه ومايصير خاطرج الا طيب

مناير: تسلم بتسوي فيني معروف لي نقلتني مو قادره اداوم يوم واحد هناك

بدر( امنزل راسه):لا انشالله من عيوني من باجر الصبح بشوف الموضوع بس بغيت اوراقج
مناير: انا يايبتهم معاي تفضل ( وتعطيه فايل متروس اوراق تهمه عشان النقل ويفتحه بدر و يجيك على كل الاوارق)

بدر: كل الاوراق موجوده انشالله مثل ماقلت لكم اشوف الموضوع باجر

نوره: آآ بدر

بدر: هلا نوره

نوره ( كانت تبيه يطالعها بس مارفع راسه كلش...كانت لابسه تنوره ضيجه حيييييييل وقصيره نوعها اللي يبي يسبق عمرها ولبسها دايما اكبر من سنها رافعه شعرها بbuff وكان ستريت نازل لي نص ظهرها): شتعرف عن عايلة البرواز

بدر: واحد من ربعنا والله من هالعايله....خوش واحد..خير ليش تسألين؟؟

نوره:لا بس رفيجتي اخوها حمد اعتقد رفيجك بس حبيت اسأل لأنها قالتلي سألي ولد عمج

بدر: اي حمد هاذا اسمه..صح رفيجي

وتقاطعهم دانه: يلا بدر روح ماشبعت من القعده مع الحريم

بدر استحى و قام و ام بدر تدخلت:انتي يا ام لسان طويل شحار قلبج قاعد مع خواته و ماكو احد غريب بدر اقعد يمه

بدر: لا يمه ماهمتني هالصخله صاعد فوق ببدل وآخذلي حبة بندول راسي شب علي

ام بدر: اسمالله عليك يمه خلاص روح

ام فيصل:ماتشوف شر بو ناصر

بدر: عن اذنكم واول ما اخلص موضوعج مناير اعطيكمم خبر
مناير: خير انشالله
بدر: يلا توصون شي؟
ام فيصل: سلامتك ..

بدر: الله يسلمج...
صعد بدر فوق..وماكان راسه يعوره ..بس استحى من احراجات اخته المليقه ..وبالأصح خاف يحرج البنات معاه والا اهوا مو فارقه حيل معااه....قط روحه ع الفرااااش و تسند وباله كان مشغووول...


شوي ولا ( طوط طوط طوط طوط) صوت المسج.....

بدر: إنــا للـه

فتح المسج..

(((((انا الماضي .. اللي رجع..والمستقبل اللي بتعيشه..
لاتلوم قلبي لو غلط..او تمادى في طيشه
ولو تذكر بقايا الأمس..يمكن تطريلك ونتي..
يمكن لابغيت تحس..يمكن تحس بعلتي...))))

بدر: !!!!!! ....( قام و تربع وهالمره بدا يشده المووضوع..قال لأ ماراح ادق....برد عليها بمسج يمكن تقولي اهي منووو)..

( آسف إذا غلطت بس اي واحد بمكاني بيتنرفز من هالحركــه)

ردت عليه::
( معآك حق في هاذي،، طريقتي كانت غلط..ومسموح وانت ما غلطت)

رد عليها:
( اقدر اعرف الحين منو إنتي؟..)

ردت عليه:
( اكيد لأ....)

رد عليها:
( تبين شي مني؟...قولي خنخلص و افهم انا مع اي نوع قاعد اتعامل..)

ردت عليه:
( مع نوع انت تجهل نوعه..)

رد عليها:
( بدينا بحجي الأفلام....شتبين مني انتي؟؟)

ردت عليه:
( أبـيـك إنـت..)

رد عليها:
( شنو ابيك انت؟؟؟..انتي صاحيه؟؟..)

ردت عليه:
( مينونه فيك )

ضحك بدر بينه وبين نفسه شهالنوع الغبي..

ومارد عليها....مع انه كان محترق بيعرف منووو هالبنت وشتبي....بس مسك اعصابه لأن يدري اسهل طريقه ياخذ فيها اللي يبي برودة الاعصاب واللا مبالاه والحقران.....بس بنفس الوقت قعد ينطر مسج منها...مانام......مشغول باله فيها...مايتذكر من ملامحها شي ..كل اللي صار لمحه مو اكثر...يحاول يجمع شتات الصوره....بنت شعرها نازل على ظهرها ...شاف ظهرها بس ماركز على ملامحها....منو تكون؟؟وشتبي منك يابدر؟؟؟...معقوله اللي قاعد يصير؟؟؟...فلم والله فلم....

قطع افكاره صوت مسج ...وبسرعه فتح المسج....
(( ليش ماقعدت معانا و تدري اني ميته على شوفتك....))

بدر: انا لله هاذي شتبي شلي بلانا بهالمراهقات

رد عليها::
( يوزي يانوره لا اعلم امج ...)

 

[Asrarie]

الجزء الثاني...
(( يوزي يانوره..لا اعلم امج....))

ردت عليه نوره اللي كانت تزعجه من عرفت رقمه و غيره اكثر من 4 مرات بس كانت تحصله لزقه هالبنت و حبها ينوني املعوزته واهوو مو حاب يسوي مشاكل ببيت عمه وساكت عنها بس اموقفها عند حدها و مو معطيها ويه :

بدر انغث ومارد عليهاااا شوي ولا مسج ثاني!!!!!

(( احب الليل يذكرني بك حبيبي....))
البنت نفسها؟؟؟!!! شنو احب الليل شفيها هاذي......قعد ينفض بذكرياته...مني و مناك...هالاغنيه تربطه فيها ذكرى بس مدفونه ..تحتاج تفكير....كانت مثل اللغز بالنسبه له...سهى يفكر.....
ومسج ثاني منها....

((( منت رايق..فيك شي ومتضايق..منت في طبعك ولا هاذا مزاجه ....)))

فكر يابدر...فكر..منو ممكن تكون هالبنت وانا اللي مالي علاقه بالبنات خير شررررررر...فكرررر لاتصير غبي.بس الحين....................................

وغفى بدر....

فتح عيونه...
بدر: أوووف الساعه 12 طافتني صلاة اليمعه ....وانا شفيني شنو هالنووووم....قلب بالموبايل ولقى مسج..

(( صباح الحب....)))
طنشها هالمره و قام خذا شاور حاااااااااااااااااااار
بالوقت نفسه اللي كانت فيـــه مها...تاخذ شاوووور

ملامحها ولا احلى....المعنى الحقيقي للجمال.... الويه مدور مثل القمر و احلى شي عيونها وااااسعه عسليه و لوزيه و رموشها كثاف و طوال الخشم صغيررررر و الشفاااايف وردييه ...الجسم ...مالا داعي نوصف الجسم....تقول حق نانسي و أليسا هذا الجسم الطبيعي من غيرررر نفخ ولا فش...طولها متوسط ...لاهي متينه ولا هي ضعيفه بس متروووسه ...والشعر واصل لي نص ظهرها بني غاامج......ينزل الماي على ملامحها اللي كلها براءه..وطفوله...وعلى خدودها المورده من حرارة الماي...امغمضه عيووونها و تااااااااااااااخذ نفس طوووويل تحت الدش......يرتفع فيه صدرهااا ....وينزل الماااي على ملامحهااااا و رقبتهاااا و يغطي باجي جسمهااا....كانت لابسه قلاده على حرف الb ماكانت تنزعها كلش.........................تبعد الماي عن ملامحها.............
...............وتفتح عــــــيـــــونها...
الله ياعيووونها....لما فتحتها فجأه ...كانت فعلا" تبهرررر...مع انها كانت حمره من بقايا الشامبو اللي دخل بعيونها.........قطرات الماي كانت على خشمها و تقطر من شفايفهاا.......ابتسمت ابتسامه.....كانت تفكر بموضوع شاغلهااا.............طلعت من الشاور بوكس...سحبت الفوطه و لفت فيها جسمهااا...وفوطه ثانيه لشعرهاا...طلعت و قعدت على الفراااااش...حطت ريل على ريل .....وفلتت الفوطه...
وبان جسمها....
رفعت ريلها و حطتها على السرير ... .........نشفت شعرهااا....واهي امغمضه عيونها...وانسدحت على السريررررر بالعرض...وخلت شعرها يحوووش الارض...
رفعت الموبايل....وكتبت ......
((( تـعـرفـنـي مـن اكـون؟...أنـا صـرخة ســكـــون...)))
و ضحكت واهي تعض شفايفهااا...وارســــــــــــال...


اي صح صح صح..ماغلطتوا..ارسال..لــبـــدر...
اللي كان توه طالع من الحمام عزكم الله..ولقى رسالة جديده:1
فتحها...و ابتسم...شهالمينوووونه اللي الله بلاني فيهاا...
حذف تليفونه على السرير و قعد ينشف اذونه حيل بالمنشفه........

نطرت مها رد من بدر بس للأسف سيفوووووون وماكو اي تعبيرررر ...
وقعدت تكلم روحها ..جذي يا بدر..جذي!!..انا اعلمك.....
حذفت تليفونها بعيييييد و قااامت من الفراش...نشفت شعرهااا ع السريع بالاستشوار كااان ناعم مايحتاج بس مبلل ويبيله هوا شوي.....رفعته كله بbuff, وحطت صبغ اضااافررر احمر لون الدم وعلى بيااضها كان حده رهيب..سحبت سكني جينزززز ضيج لبسته و قعدت تدور على بدي...عجبها بدي ازززززرق....يعني مو سماوي ولا كحلي...ازرق عبيط...كان لبسها حيل فنكي ....لبست كعب عالي...رشت على رقبتهاا عطر 212 سكسي و لبست تراجي....وحط فل ميك اب ..مع ان ملامحها البرئيه ماكانت بحاجه لكل هالتلطيييخ...بس فعلا" كانت النتيجه شي عجيب...اللمسه الأخيره لكل فتاة.....مسكررررررررة ماكس فاكتور لووول.............

فــتـــحـــت عــيـــونها...وابتسمت للنتيجة النهائيه..
في طرف آخر...في احدى منازل الروضه.....انتهى بدر من لبسه اللي كان عباره عن دشداشه وقاعد ينسف الغتره وبعد مارش عطر...آخر لمسه لأي شااااب...لبس اللساعه...لبرادو...ذوقه كان حيل عالي....


مهااا اللي كانت ساكنه في المنصوريه( احدى مناطق الكويت))..نزلت من الدري بكعبها العااااالي


مها: صبآآآآآح الخيررر شبااااااااااااب ( مع ميوووعه )
الام:اي صباح اي خيسه..كل هذا نووووم
مها: يقولونلج سر جمال المره الخمده ماسمعتي فيها يمه..وانا وحده بحافظ على جمالي...شلونك يالنسيب
النسيب ( اسمه عبدالرحمن زوج اختها طبعا" كانت العايله كلها متجمعه ..يوم اليمعه طبعا"..اكيد بتكون كل العوايل متجمعه......): هلااا بمهاوي اللي عمرها ماراح تكبرررر..

منال ( اخت مها الكبيره و زوجة عبدالرحمن): اتركها عنك زين عمرها ماراح تتسنع طالع شلابسه بس

الام: مهوو شهاللبس هاذا .صعدي يلا بدلييييييه

منال: يمه بنتج متى بتتحجب لي متى هالدلع يمه باجر الله بيسألج عنهااا شبتقوولينله

مها: انتي انجعمي ومالج شغل...محد له شغل بلبسي دام راس ابوي الغالي يشم الهوا....عدل يابوووجراح

بو جراح( ابو مها): عدل يبه...شفيكم عليها ترا توها ياااهل مها

مها: سمعتوا ..سمعتوا الحجوه اللي بتسد حلجكم غصبن عنكم..فديته و فديت حجوته ( حجوه = كلمه)
ام جراح:اي مو الخراب من وييين ..كله من ابوج
جراح:وانتي ماصارلج شهر من قصيتي الليسن ...وانتي يوميا" هايته..مالج اهل انتي
مها:يباااا شوووفه
بو جراح:: قعدي تغدي انززززين لاحقه على الهياته

مها:يبه ماسمعت اللي يقولك البنت من تطيح بيدها السياره تلف شوارع الكويت لف ليييييين تشتكي منها ...وبعدها تزهق و تقعد ببيتهم...؟؟ هاذي انا..خلني ألف مردي بزهق و بنثبررر بينكم
بو جراح: وين رايحه انزين قايله و يمعه ماكو شي فاتح هالحزه

مها: امبله شي واحد فاتح هالحززززه

جراح: المصحه يبه..مالها وقت معين تسكر فيه
مها:اسكت يالسخيف لا تملق على راسي
بو جراح:وين مهاا
مها: بيت شوااااق رفيجتي...يلا يبه بيبااااااااااااااااااااااااااااي
ام جراح:الله يكملج بعقلج و يرزقج بولد الحلال اللي ياخذج و يفكنا منج...



طلعت مها بعد ما ألقت نظره ببتسامة استهزاء...لأمها...كانت وقحه نوعا" ما...لبست نظارتها اللي غطت نص ويهها...وغطت جمال عيونها....وطلعت..وركبت...اللكزس الصغيرررره..
ورفعت على صوتها المسجل....وداااست..


مستهتره متمرده ...عايشه حياتها بطريقه غريبه....ومالها احد يوقفها عند حدهاا.....
هاذي اهي مها..
لكن شنو علاقتها ببدر..وشتبي من بدر.....تابعوا القصه........

نزل بدر...
ولقى امه مع اخته ساره ..اللي تكلمنها عنها في بداية القصه..زوجه لمشاري ..وعندها منه جوري 5 سنوات و همس سنتين مع العلم ان اسم همس اسم مركب يعني اسمها اهوا ( همس الورود)...

بو بدر: هلا والله بأم الجوري

ساره: هلا بو ناصرر وينك يابوناصر تيي تشوف الوالده شتقوووول
ام بدر: وانا صاجه عند ربي..بدر وصار ريال ..شناقصه حق الزواج
ساره: ههههههه عدل يمه عدل جنه البخت وكل السنع فيه بس مادري ليش مو قادره اتخيل..بدوري حبيبي اللي كان يحبي يمي متزوج ..انا بعدي احسه صغير
ام بدر: وتبينا نمشي على احساسج متى ما احساسج قالج بدر كبررر وخري عني اهووو..ها بدر حبيبي شقلت
بدر: وانا شقول بعد كلمتج يمه...بس تدرين فيني باقيلي سنتين و اتخرج علامج ماتنطرين كلهم سنيتن غمض فتح و تلقيني متخرج و مشتغل ع الاقل اصرف عليها من جيبي
ام بدر: جيب ابوك اهو جيبك وتبيني انطر سنتين بعد..مايندرى جود الله ياخذ روحي بهالسنتين وما اشوف عيالك
بدر:شهالحجي يمه لج طولة العمر انشالله....(( واهوا يشرب القهوه اللي يابتها له الخدامه))...بس الاهم يمه..من اهي العروسه اللي تستاهل بو ناصررر ( ويشق الحلج ثقه و غرور)
ساره: علامه براد بيت ماييوقع لي..انجب بس انجب خلنا نشوف وحده تقبل بواحد دنيته كلها كره و تشوت
ام بدر:اي يمه لي زووجناك اترك عنك الكررره
بدر: اللي تبيني يمه ترضى بالكره شريجة لها ( شريكه = ضره)
ساره: مااااينفع معاااك مدمن كرررره
بدر: تجري مجرى الدم بعروووقي ولا وين تعليقج يا ام بدر
ام بدر:انا وين لي تعليق لي يبتوا طاري الكره...ماعليه يمه خلني اقولك من اهي العرووسه..العروس يابدر ..مناير بنت عمك مبارك
بدر:ههههههههههههه مناير عااد يمه
ام بدر: وشفيها يمه...شملحها و شزينها
بدر: ههههههههه يمه مناير اكبر مني بأربع سنين شفيج يايمه الله يهداج
ام بدر: اربع سنين ماقلنا عشر وشفرق يعني اربع سنين..ماهي عيوز ولا فيها عيب..كامله والكامل الله ... ليييتج شايفتها امس ياسويره ..اهيي كشخه اهيي سنع اهييي مبخره شزينها ..بس بدر وينه و وين الذوق
بدر: اي عدل متى ماتبون يصير عندي ذوق اصيرر ابو الذوق ومتى ماتبوني اصيررر اثول سويتوني اثول..يمه مناير مثل اختي سويره شوفيلي غيرها وما اقول لأ
ام بدر: صج شصار على اوراق البنيه
بدر: انا قايل لهم باجر ومن اصبح افلح..نسيت ان اليوم يمعه يام بدر..لا بس انشالله الاحد من الصبح انا بالوزاره و بشيل و بشدخ ليييين انقلها..بس اني اتزوجها ...انسي يمه انسي ...ساره وين جوري؟
ساره: وين بتكون يعني اهيا و همس عند دانه فوق...ام السعف والليف زين ماتعلمهم على العياره و قلة الأدب
بدر:قلعتج احد قالج قطي بناتج بيد سحيله ..يلا يمه لا أتأخر عندي جم شويغله اخلصهم و راد ..
ام بدر: الحين عاد؟؟ اي شغله اللي بهالوقت ؟؟..شوي و ننجب الغدا خلك انثبر ززززين
بدر: لا يمه مواعد صاحبي..يلا عن اذنكم
ام بدر: وييييييييه

ويطلع بدر و يركب سيارته و يجيك على النسفه بالمرايا ( المنظره ).. ويغني ...

يلبس حزام الامان و يسوووق...

 

[Asrarie]

مها ( حاطه التليفون على اذونها و اهي تسوق): شواااق و ويعه وينج ماتردين
شوق:قاعده أتمكيج شفييييييييج انتي صرعتينا قايلتلج تو الناس
مها: اي تو الناس ان ماطلعتي بمشي يلا
شووق:يلا نازلتج نازلتج..

وتنزل شوووق رفيجة مها من عمر ..اثنينهم ينخاف منهم..ام الخطط و الدوابير....ماصارلهم شهر من تخرجوا من الثنويه ...ومها قصت الليسن قبل شوق بما انها اكبر منها بشهرين...وهياتتهم مو طبيعيه...وذاك المكياج و اللبس اللي يلفت.....بالنسبه لشوق كانت سمرررررررره شعرها كيرلي لي اول جتفها وملامحها هنديه ...تنزل شوق و تركب مع مهااا اللي انزرعت بالحر واهي تنطرها..

شوق: قوه قوه
مها: اي قووووه عمى بعينج سكري الباب خل نلحق...يقولج إلحق ما تلححححق..
شوق: وانتي شدراج انه طالع هالحزه؟؟
مها: يعني شدراني بالله بروح وبشوف اذا ماراح يطلع ..ننطره لين يطلع ..
شوق:وبنقعد ننطره بالسياره جنه خبووول
مها: اييي عليج نور بننطره ليش ماننطره...
شوق:شصار امس
مها:اسكييب على صامخي ..
شوق:اها يبيله يعني شوي بعد
مها:اي يبه يبيييييييله وايد مو شوي بدر اعرفه اكثر من روحي ولا نسيتي شنو كان بالنسبه لي
شوق:منو ينسى مهوووووي
مها:عيل انطمي واهي تتعلج)
شوق:البنات بيروحون الاكوابارك الثلاثا
مها:ياعمي استريحووو انتو متى تكبرون على هالسوالف
شوق:اشفيها اللي كبررررررت عطينا نظره بس
مها ترفع النظاره و ترمش بسرعه
شوق:عساهم البط انشالله عيون هالكبرر..امصيبه ضفدعه مو آآدميه..
مها: قل اعوذ برب الفلق ......سكتي لا انزلج الحين
إنزل ترا بعدنا تحت..وقول لأمي كاهي يمي...))) 1 وحده ظهرا... شوق: تسويها بنت ام جراح
مها: ايي عيوني ليش ما اسويها...شواق شرايج بأخوي جراح
شوق: ملييييييييييييق ..مادري شلون عايشه معااه
مها( واهي تتعلج ): اسليييمه تصكج ...شزينه اخوي...شرايج اخطبج حقه
شوق: ويي ماعوووزج حبيبتي انا آآخذ هالجيكر
مها: ليش عمري وانتي شنو طمووحج لايكون تحلمين مثلنا؟؟؟
شوق: اي ليش شعندج زود ياعمري
مها: عندي عيووووووون تذبح ياشوق..(وتعيد حركتها ..ترفع النظاره و ترمش بسرعه)
شوق: قلنالج عساهم البط..


و وصلت الروضه وشاافت سياره داااااااايسه بتطلع من الفريج....
شوق:شفيج شفيج ..شفيج رديتي؟؟
مها: فوق تحت فوق تحت..كاهو الحبيب بيطلع..صيده صيده صيده
شوق:ههههههههه دوسي دوسي دوووووووووووووووسي..



ويووصل بدر الافنيوز ( اكبر مركز تسوق في الشرق الأوسط...) وكان وقتها الساعه 4 العصررر..يعني المحلات فتحت...واهمااا داخلين عند المسافط
شوق: وي جبح شعنده ياي الافنيوز
مها: علمي علمج ياشوواق بس شفيج نصبر و نشوووووف
كانت مها تلحقه من بعيييييييييد لي بعيد لدرجه انه ماكان حاس فيها...كانت متهوره بالسواقه بس كانت شاطره وهالشي كان نتيجة تطفلها وتعلمها السواقه قبل لا تكمل ال17 حتى...فااا محد يقدر يصيدها بالسواقه..
سفطت بعيد عنه و نززل بدر ...
شوق: ورآآآآه..

دخلوا اللافينيوز...مشى بدر ليي ستار بكس و قعد ...المكان ماكان زحمه حييل...وصل خالد وسلم على بدر..
اللي كان داق الزقاره...
خالد: ها بوناصر ليلحين ماتنام مرتاح
بدر:لااتتطنز لي يبنا طاري هالموضوع
خالد: تهقى نطلع براءه لي بلغنا
بدر: كل اللي سوينها دفاع عن النفس.و جودنا بمسرح الجريمه كان صدفه مو اكثر
خالد: وشنو يقنع القاضي لي نشدناه
بدر: يقنعه كلامي..هاذا اللي عندي و الباجي على الله
خالد: تذكر شي من اللي صار
بدر: شلون ما اذكر..ومنو يقدر ينسى..
خالد:الموضوع صارله اكثر من 3 سنين
بدر: ولااا عشر سنين تقدر تنسيني
خالد:شبغينا من الشاليه حزتها..شلي خلانا نتواجد هناك و بهالوقت بالذات
بدر: القدر وانا اخوك..القدر...
خالد: تذكر ملامحها
بدر: مافي احلى من ملامحها
خالد: جم تعطيها
بدر: مو اكثر من 16 سنه
خالد: تهقى كويتيه
بدر: لهجتها كانت مضطربه
خالد: مزيج من المصري و الكويتي
بدر: بالضبط ياخالد
خالد: تهقى من بنته
بدر: علمي علمك
خالد: الله يسامحك ياعبدالعزيز
بدر: ساس البلا كله
خالد: بس ابوك صاحب الشاليه
بدر: وهاذا اللي امخوفني
خالد: تذكر الحكم؟
بدر: جريمة قتل مازال التحقيق فيها..وجلسه ولا جلسه..ولا يابت اي نتيجه...ومحد كلاها غير حارس الشاليه المسكين
خالد: ولي سألونا عن سبب وجودنا هناك وبهالوقت بالذات
بدر: شاليه ابوي وبكيفي ادخله و بأي وقت
خالد:تهقى وينه عبدالعزيز الحين
بدر: التشييك...اشتغل و عاش هنااك
خالد: الحقير..ما ادري شلون يقدر ينام الليل وايده تلطخت بدم الضحيه
بدر: للأسف لما يقسى الأنسان يصير اوحش من الحيوان نفسه
خالد: شلون رافجناه
بدر: لا تقول رافجناه..مايشرفني...اهوا اللي تطفل علينا..لمصلحه..كان يبي شاليه ابوي...مركز يمارس فيه هوايته القذره
خالد:تذكر شلون ابتعدنا بهدوء...
بدر: اذكر دم فهد
خالد:ودم البنت
بدر: مايخليني انام الليل
ويقطع كلامهم صوووووت مسج.....لبدر اكيد..

(( مـايـخـلـيـنـي انـام اللـيـل))
كانت ماره يمه وسمعت هالكلمه بس و دزتها له عشان تسوي اكشن اكثر

بدر استغرب من المسج....توه قال هالكلمه..شلون سمعتني
تلفت يمين يساااااااااااااار...

مها : شواقه بسرعه خلننطلع
شوق: امشي ندخل h&m
مها: هاذا وقت تشري الله يهداج
شوق: عن الملاقه مهووووي ماخلصتي منه
مها: لأ...بخليه يستخف
شوق: زين عيل امشي خنضيعه ..اكيد بيقوم يدور
مها: عدل كلامج

قاموا اثنينهم و دخلوا بين الناس ....
خالد: شفيك بدر...شنو هالمسج اللي وصل لك
بدر: ولا شي ولا شي
خالد: افا تغبي علي( تخش علي)
بدر: لا يبه ...سالفه ماتسوى ..اتركها عنك زين
خالد: سالفه ماتسوى وفززتك من مكانك
بدر: ياخالد ياحبيبي قلتلك لو تسوى جان قلتها لك...المهم شكنا نقول
خالد:قلنا بنبلغ
بدر: ولي سألونا وينكم من قبل
خالد: خايفين
بدر: اقتنعت ياخالد
خالد: امس طول الليل افكر بكلامك..وتقدر تقول..اني مقتنع
بدر( بإبتسامه كبيره):قلتلك احنا قدها انشالله وماعلينا شي كل اللي صار دفاع عن النفس...
انت شفته شلون فهد هاجمني ..ويوم دافعت عن نفسي...مات بين ايدي
خالد: خلاص يابدر...متى ماحسيت انك مستعد تبلغ ..كلمني..والحين امش خلنا نشوف الحلوه اللي امواعدها
ويدز خالد مسج حق حبيبته اللي امواعدها...
خالد: قوم قوم بدر..وصلت الافنيوز
بدر: استح على ويهك تبيني ايي معاك..بالله احد شافني..بيقولون خروف عدل؟؟
خالد:يمعود ..وين اللي يقول حجي الناس ماراح يفيد و مادري شنو..امش خل نلقى نظره يمكن تطلع بنت ناس و اتزوجها
بدر: بنت ناس ترضى تواعدها...ياخي خاف ربك
خالد: يمعود خلنا نستانس يلا قوم معااي
وقاموا اثنينهم و بدر كااان منغث من رفيجه بس مابيده شي الصبي ادمن بنات..
وصل خالد لي البنت اللي كان امواعدها...وقف يطالعها من بعيد و يكلمها بالتليفون
البنت: واي شحلاتك شحلاتك شحلااااااتك
خالد:انتي اللي شزينج ياعمري على الاحمر
بدر: خالد بس خلنا نمشي..
يوصل مسج حق بدر..
( جذي نوعك؟؟..)
رد عليها بدر..
( انتي شتبيين فيني ذلفي ولا اشوف منج مسج ترا بحركه وحده اطلع كل بياناتج )
ردت عليه مها::
( طلعها ياحبيبي طلعها.. بيطلع لك ان اسمي كومار سيداوي اون بيا....لووول )

[[ كانت تقصد ان الرقم امسجل بإسم عامل نظافه هندي...]]
انغث بدر ومارد عليهاا....
بدر:يلا ياخالد..خلنا نمشي
خالد: نمشي وين نروح..ماتقولي بالله عليك وين بتوديني
بدر: مادري بس بذمتك هاذي اشكال تكلمها
خالد: خخخخخخ شنسوي هاذا الموجود
ويرفع خالد التليفون و يكلم الحب ...البنت الي مواعدها طبعا"...
خالد: إنتصار يابعد عمري انتي انا بمشي
إنتصار: وين رايح حبيبي تو الناس
خالد: ماعليه وقت ثاني ياقلبي..رفيجي بغى مني سلف بروح اسحب له ياعمري
بدر: ايا الخسيس
خالد ( يضحك):اي عمري اي شقلتي
إنتصار: على طاري رفيجك شملحه رفيجتي ميته تبيه
خالد: اقول بدر تعال يبه بغيتك
بدر: خيرر
خالد: شايف اللي يمها
بدر: شفيها
خالد: تبيك
بدر: استح على ويهك زين....شايف هالخلقه المعفنه خلها لك زين....انا ماشي
خالد:وين رايح بوناصر
بدر: اتركني زين خلك معاهم بروح انااا
خالد: زين عيل اشوفك بالدوانيه
بدر: فمان الله..

 

[Asrarie]

مشى بدر...ومالاحظ مها اللي كانت تطالعه من بعيييييييد...
شوق: دقي دقي كاهو بروحه
مها: لاالا ادز مسج احسن
شوق: شبتقولين له هالمره ..ذابحتج الافلام ..امأثره على مخج
مها تبتسم واهيا تكتب المسج...

(( حار حار حار...))
يطالع المسج ويرد عليه بعلامة استفهام
(؟)
ترد عليه::
( قربت قربت...)

رد عليها:
( مايهمني اعرفج)

ردت عليه:
( احلف احلف...)

رد عليها:
(مايهمني من تكون..ولايهمني وش بغيت..انا لي هزني السكون..صرخ بي ولاحكيت)

ردت عليه:
( لايهمك ياحبيبي..بكره يبكيك شوقي..بكره تكون من نصيبي..بكره تعشق سحري و ذوقي)

شوق: صج قووويه من وينلج هالمسج
مها: تأليييييييييييييييييف
شوق: للالا كتبيله هاذا

(( إلتفت طالع يسار..ارجع بخطوتك تلقاني..لا ترتبك مهما صار..ادري بتموت بعناني))

رد عليها:::
(ماهموني قبلك كثير..ابعدي عني وانسيني..ماا انكسر مهما يصير...محد قدر يملي عيني)

شواق: طاااااااااااااااع هاذااا ..عفيه خليه يشوووفج عفيييييييييييه عفيه مهوو خنبعط عينه تكفين

مها: لا ياشوق صبري شوي لانتهور ..اهوا اصلا" قال جذي عشان اخليه يشوفني...صبري انا اعلمه...

دزت له:::
( شايف جنوني...اسبابه انته...)

رد عليها::
(وشايفه الزقاره اللي بييدي بطفيها بويهج الحين)

مها: ايا الحقيرررررررررر شفتيه شقاال
شوق: معاه حق شهالمسج البايخ اللي دازته
مها: انا اوريك يابدير
ردت عليها:
( وشايف عيوني...بذلك فيها)

رد عليها:
( وشايفه البنت اللي قاطه روحها هاذي اانتي)

واهواا يدز المسج ...وصل لي المواقف...ماكان يرفع راسه من الموبايل..لاهي فيه...ولما وصل رفع راسه....

لقى مها متسنده على باب السياره.....وحاطه ايدها عليها..ومتخصره بالوقفه...كانت معصبه حدها...
بدر تجمد بمكانه...قرب شوي...
بدر: لو سمحتي..شوي
مها رفعت نظارتهاا...وقالتله: شايف عيوني...بذلك فيها
بدر بلع ريجه وماتكلم ولا كلمه... انخرس بالعربي الفصيح ...وقعد يطالعها وشاف فيها اللي عمره ما شافه..ادري بتقولون ابالغ بالوصف...لأ فعلا" ...جمالها يسحرررررررررررررر...
بدر كان متصنم بمكانه ماتكلم ولا كلمه..واهيا كانت تطالعه بإستحقااار....خذت موبايله من ايده...
واهيا تتعلج وتخزززززه...بحركات طفووليه من نوعها....لقت اسمها امخزن بإسم ( الأذيــــه)..

غيرته و كتبت ..
( ذلـــتـــنـــي عــيـــونــهــا..)

مها: تفضل
بدر بلع ريجه : انتي؟
تركته ومشت .....وراحت حق شوق اللي كانت تنطرها بعيد شوووي..واهيا رايحه إلتفت وطالعته بنظرة استحقار......وكملت طريجها لي شووق....وراحوا اهما الثنتين ركبوا السياره...
بدر...معقوله اللي قاعد يصير..فلم ..صج مو صج...لا بس الموضوع مو صجي...
شقاعد يصير معااي...اووويلي عليها وربي ماعمري شفت مثلهاا...جمال...لي قلنا جمال....هاذي اللي ينقال عنها جميله....بس صغيره يابدر...الانوثه كانت ممزوجه بالطفووووله...وجنها طفله تحاول تلفت الأنظار بأي طريقه ...
وحتى بنظراتها كااان كل شي فيها طفووولي...خدودها بارزه حتى واهي عاااابسه....و شفايفها عريضه من تحت و رفيعه من فووق...وعيونها...اوويلي على عيوووونها.....صج صج صج مو صجيه هالبنت....

بدر ليلحين واقف مو امصدق اللي صارله.....شنو هالجرأه ...شنو هالوقاحه ..بس احلى وقاحه وربي...احلى وقااااااااااااحه...

شوق:: شقلتيله انتي ليلحينه ماصعد السياره
مها( واهي ترفع حاجب): اهي كلمه وحده...وانتي عارفتها زين
شوق: ذلتني عيونها ؟
مها: ذلته عيوووني
شوق: تعجبيني ياغرور
مها: يحقلي ياقلبي..يحقلي...مغروره و معذوره...

بدر اخيرا" استوعب نفسه..بدر اثقل شقاعد يصير فيك..على بنت!!!...وشنو يعني حلوه؟؟..دام الاخلاق منعدمه ختولي زين...ركب سيارته ووتفكيره يقول غير جذي....

وهني وصل له مسج منها::
( لاتدعم حبيبي..شوي شوي على روحك )

جيك على الاسم ولا ..ذلتني عيونها!!!!!!
توه يستوعب ليش خذت منه الموبايل...
رد عليها::
( الصراحه..المفروض ادعم..لأني شفت قبل شوي..اجكر انسانه على وجه الارض...)

مها: امبيييييييييييييييييه شفتيه شقاااال
شوق: صج ماعنده ذووووق..
مها: لا بيسوي روحه انا ثقيل...
شوق: الحين لازم نبدا بالخطوه الثانيه
مها: لالالالا بعدنا بالخطوه الأولى ياقلبي...


غيرت مها طريجها.....وبعد ماوصلت شوق .€ردت البيت...دخلت دايخه على اذان العشا...

مسحت الميك اب ولبست شوووورت قصير حيل وفتحت شعرها وقعدت تنفشه عشان يرتاااح...طول اليوم كان مشدود....
لبست ثوب الصلاة و صلت ...وبعدها انسدحت على الفراش ..

رد بدر البيت .....لقى امه كانت تكلمه واهوا باله مشغول مو معاها...صعد غرفته...وقعد يفكر بللي صاااااارله...
رفع موبايله...ماكو مسج منها!!

قعد يحوووس على عمرررره....اكيد زهقت مني....قالت مامنه فايده هاذااا..

ومها كانت على فراشهاا......بدر..اكيد لاهي....حده مو مهتم حق كل اللي سويته عشانه

بدر...ادز لها مسج!!...بس شقووول

مها...ادز له مسج!!...شكتب له فيييه

بدر...خل ااتحرش ادز مسج فاضي..


مها:: خل ادز له مسج فاضي..

بدر...لالالا بتقول شهالسخافه


مها...لالالا مو خوش فكره

بدر...يبه ادق عليها احسن

مها...ماكو الا ادق عليه...


بدر رفع موبايله و (( ذلتني عيونها)) إتصااال..

مها ..حطت ايدها على الموبايل...وفزت..لما دق..ضحكت حيييييييييييل..وردت بعد 6 رنات....كنوع من انواع الثقل
مها: ألو
بدر: أأأ...ممكن اكلمج شوي اذا فاضيه..
مها: فاضيه..
بدر:يصير اعرف ليش كل هاذا ؟؟؟؟( وبينه وبين نفسه...سؤال غبي يابدر..)
مها: جذي..وحده فاضيه و تبي تلعب...مو هذا تفكيرك؟
بدر: هاذا تفكير كل واحد ينحط بهالموقف
مها: خلاص مشكور..مابغيت شي
بدر: ولا شي؟!
مها:أأ بغيت اقووولك شغله تهمك
بدر: شغله تهمني؟..شنو اهيا
مها: لالا ماتهمك..خلاص انسى
بدر: ودي اعرف قووولي..
مها: بدر مابغيت شي..يلا امي تناديني
بدر ( نبرة حيره): ماشي
مها: باااااي

 

[Asrarie]

سكر بدر..وقعد يفكر...شكانت تبي تقوول!!!

سكرت مها الموبايل واهيا تعضه....حييييييييييييييييييييييل
وتضحك...

تمت الخطوه الاولى بنجاح ياشوق..
شوق: اي هاذا العشم فيج بنت عمي هههههههه (دقت عليها مها اكيد بعد ماسكرته من بدر)

بدر دافن رااااسه بالمخده ( الوساده) مو قاااااااااااااادر ينااام...كل تفكيره فيهااا...شفيك يابدر وين الثقل والركاده...قاعده يحاااول يستجمع بقايا صورتها اللي اركزت بعيونه ومو قادر يشوف غيرهااااا....ويتذكر طريقة تصرفاتهاااا و كلامهاا..وصوتهاا..اويلي على صوتهاااا.......
شبغت تقول شبغت مني...كله مني..كنت بايخ معاها و ماعطيتها فرصه.....بلييييييه الحين شتسوووووووووي يابدر...لالالا اللي سوت كل هاذا عشانك..ماراح تخليني بسهوله..راح تتمسك فيني لي آخر نفس....بس تعال..شفيك واثق من انها تبيك انت...يمكن بغت شي ثاني................

الساعه 3 الفير...وليلحين ماغمضت عين بدر........مها بعد نفس الشي....قاعده تفكرررر شراح تسوووي...........

ويشق السما نور خفييييف.......على اذان الفيرررر...قام بدر توضى و لبس دشداشته و نزل لقى الوالد ناطره:

بدر: صبحك الله بالخير يبه
بو بدر: هلا بولدي صبحك الله بالنور يلا يبه سرينا
بدر: سريناا...
بو بدر: علامك تتطوطح مو نايم البارحه؟
بدر: اي والله يبه ماغمضت عيني
بو بدر ( يمسك جتف ولده): وشلي شاغل بالك يبه
بدر: مو شغل بالي شي يقولك هاذا الأرق و مايسوي ..يلا يبه خلنا نسري قبل الإقامه...


دخلوا المسجد ( المسيد) و صلوا مع الامااام و بعدها رد بدر و ابوه البيت تم ابوه يتريق و يقرا الجريده بس بدر صعد فوق بعد ما استأذن ابوه ودخل بفراااشه و ناااااام..

مها بهالوقت كانت غارقه بنومتهاااا....
رؤيه غير واضحه....مها ماشيه بطريج طويل ....انمدت لها ايد...خذتها بعيد.....كانت تضحك من كل قلبها.....لين تجمعت الغيوم بالسمااا......وصعدت مهااا على غيمه بيضه....

وفـــتـــحـــت عــيـــونها...

كان هاذا حلم مها اللي ادهشهاا..بس خذاها النوم مره ثااانيه لحلم ثاااني....

كانت تطل من الدريشه( الشباك) شافت بدر في السمااا...

صحت مها واهي تضحك......

كان وقتها الساعه 7 الصبح...

وغفت مره ثالثه .....



فتح بدر عيوووونه على اذان الظهر...وبعد الصلاة....طلع من غرفته لي غرفة دانه....
ابتعدت بالفتره الاخيره حييل عن دانه..بعد ماكانت اقرب انسانه عندي..اكيد..واهي اختي اللي شالتها ايدي...صج انها يت بالغلط..وبالوقت الضايع مثل مايقولون...بس فرحنا بولادتها....مع ان امي كانت تتمناها ولد...
لكن الحمدلله على كل شي....دانه..آآخ يادانه.....
( دانه : 17 سنه ..اخر سنه لها بالثنويه...كانت مشهوره باللقافه و طولة اللسان..واجتماعيه حييييل ...حياتها كلها سبورررررت ..وتعشق الكره...مثل اخوها مو شي غريب..كان يقعدها الفير بالعطله لما كانوا صغااار..وينزلون الحديقه و يلعبووون كره اهما الاثنين......شعرها كان بوووووي .....ماتحب تهتم بمظهرها...لبسها سبورتي و بسيط و عملي ....تحب يكون لبسها مريح ...عاشقه للكورفيت.....مو شي غريب....دانه من مواليد الغزو يعني سنة 1990 ..وانولدت بكورفيت خالها...بسبب الظروف الصعبه وقتهاا...لما حست ام بدر بالطلق( وقت الولاده) كانت ببيت امها وماكان هناك غير خالها اللي اخذها لي مستشفى الولاده ...ومع التفتيشات و لعانة الجيش العراقي انولدت دانه بالسياره.....وهذا سبب عشقها لهاا..ماكانت تحب الدراسه بس كان مستواها جيد جدا..)
وقف عند باب غرفتهااا بيطقه....سمعها تتكلم ...اكيد بالموبايل ....
دانه: حياتي بس عاد انا اعتذرت....

بعد ماسمع بدر كلام اخته...ثار دمه....فتح الباب بقووووووووووووووه..
بدر: من قاعده تكلمين
دانه: ها....بدر!!!..نعم شبغيت
بدر: من قاعده تكلمين يالجلبه (( بصوووووووووت عالي)
دانه: منو قاعده اكلم يعني ...رفيجتي روان ( بتردد)
بدر: عطيينيي اكلمها
دانه: ليش بتكلمها مو من حقك وخر عنيييييييي
بدر خذا منها الموبايل...
بدر: ألو...ألو...ماترد يالجلب ..
روان ( في الطرف الثاني): ألو..منو ؟....

بعد ماسمع بدر الصوت الأنثوي...قط الموبايل و طلع بره الغرفه...

انت شسويت يابدر...معقوله تشك بأخلاق اختك....معقووووله تشك بأخلاق دانه..دانه يابدر دانه.!!...
دانه اللي تربت جدام عيني.....دانه اللي شفتها تكبر واعرف كل تفاصيل حياتها..
دانه يابدر تشك فيهااا..........
طلع من البيت امعصب........متضااايق حييييييييييل...حتى مارد على ام بدر اللي قالتله
ام بدر: بدر شفيك وين رايح ..بدر رد علي

ساااق..مايدري وين يرووووح....خط البحر....طريج كل كويتي متضااايق....شحلات البحررر.....سبحان الله كل يوم له شكل و كل يوم له لون......كان لوووووونه ازززززززرق......
دايس بدر.....وباله مشغول بدانه...اكيد متضايقه الحين......


لازم اراضيهاا...شلون اراضيها...ويقطع حبل افكاره صوت تليفونه......
شيبي هاذاااااا داق............

[ جـرآح..يتصل بــــك ]..
اي صح ماغلطتوا...جراح اهو نفسه اخو مها...الكويت صغيره.....والله صغيره

بدر: هلا جراااح هلا حبيبي
جراح: حبيبك ها...وينك مانشوفك ماتمر الدوانيه..عفتنا يعني ولا شنو
بدر: لا يبه ماعاش اللي يعوفكم اعوف نفسي ولا اعوفكم...بس والله الدنيا ياجراح
جراح: اي دنيا انطم انززين هاذا وانت بعدك عزابي و طالب...باجر لي اشتغلت و تزوجت اغسل ايدي بتايد تمرنا
بدر:خخخخخخخ لي تزوجت شبي فيكم
جراح: ايا الخسيس ...تعال يبه زين مرنا اليوم
بدر: مع ان باجر وراي دوام..بس بحاول امركم يالتجاري
جراح: اضحك يالجامعي اضحك...كلها يومين و تخرجي و اشتغل و اتزوج و اييب عيال وانت بعد تدرس
بدر: بس فرق الراتب وانا اخوك هاذا الي يذبح
جراح: اي والله يابدير الملعوون راتبك يطلع شكبره
بدر: صل ع النبي هذا وانا بعدي ماقبضت شي..لا وقول بعدي ماتخرجت
جراح: لا انت حسابك عندي ...وينك انت الحين
بدر: انا بالطريج والله
جراح: وين رايح
بدر: نعم؟؟..مرتي انت عشان تسألني وين رايح
جراح: انجب انززين ...قريب من المنصوريه
بدر: والله على خط البحر
جراح:يلا يبه مدخل بنيدالقار و تعال ناطرك
بدر: يلا زين عيل يايك...

وشوي يلقى بدر دوريه وراه تترك له عشان يوووقف...

 

[Asrarie]

الجزء الثالث


ويلقى بدر الدوريه وراه تترك له عشان يوقف...

ويسفط بدر ع اليمين...

وينزل له الشرطي..

الشرطي: الليسن و دفتر السياره لو سمحت

بدر ( يسحب الدفتر من درج السياره ويعطيه..توتر بدر وسأل الشرطي..): تفضل...خير يبه شمسوي انا

الشرطي: تتحجى بالتليفون وانت سايق و تقول شمسوي

بدر: ايييي عدل ..والله ياخوك نسيت ...تدري قانون يديد وبعدنا ماتعودنا عليه

الشرطي( يطلع دفتر المخالفات): اعلمك شلون تتعود عليه...ترا كل هذا عشان سلامتك وسلامة غيرك..منت خايف على نفسك خاف على عيال الناس يبه

بدر( يخزه وياخذ منه الورقه)
الشرطي: راجع المرور..حرك خلاص

ويكمل بدر الطرييييج واهوا متنرفز من حقااارة الشرطي ...شوي ولا صوت المسج...ياعمي مااني شايفك زيييين .......

وصل بدر المنصوريه و لما سفط طلع الموبايل وجيك على المسج:::
كان من مها...:
(( أحـــبــــك))

مها كانت توها امفتحه عيووونها ......وقتها كان الساعه 4 العصررر...وماتدري شلون كتبت المسج و دزته....بس بنفس الوقت كانت تضحك ....

بدر.. ابتسم ابتساااااااامه كبيررره....وقعد يغنييييييي ويطق رقبه..... واصبع ....بعدين بلع ريجه و قال اركد بدر....شفيك خبل!!!...رد عليها بمسج...:
(( شلون حبيتيني ..ومن وين عرفتيني اصلا"))..

بعد ما حط إرسال....لام نفسه على المسج.. تحسف و قال : شهالسؤال البايخ ياغبي....لا بس معاي حق..من وين عرفتني و متى ...عشان تحبني...وجانب آخر من عقله يقووول...الحب ماله وقت معين ولا مناسبه ...والله وبديت تتفلسف بالحب يابدر....

وقطع افكاره تليفونه يررن..
جراح: ويييينك انت ماصارت
بدر: انا عند بيتكم يلا نااازل
جراح: الحين اطلعلك..

طلع له جرااح....عند الباب..
جراح: حياك يابوناصر ...تفضل الدوانيه..
بدر:يحييك ...

دخل بدر الدوانيه..

بالوقت اللي فيه كانت مها توها قايمه من الفرااااش ....كانت فاقده توازنها...تمشي و تدوعم....ودعم صبعها طرف الفرااااش و قالت:آآآآآآآآآآآآآح .....

كانت لابسه شوووورت اصفررر قصير حييييييل ...وبدي علاق(خيط) ابيض ....كانت بلوزتها صاعده لي فوووق.... وشكلها فلم.....لبست نعالها(عزكم الله) كان لونه اصفر بعد....وشعرها كااان نااازل على ويهها...

على طول نزلللت ..تدري ان جراح هالحزه مايكون بالبيت ...و ابوها ناايم نومة العصر.........

جراح: مابغينا نشوفك...نطر منك تزورنا

بدر: نزوركم ونزوركم ..على شنو نزوركم وانتو حتى قلاص ماي ماتشربونا

جراح: بس قلاص ماي...تامر امرر يابو ناصر...انا اللي بصبه لك بنفسي

بدر: مادري طابخه الحين...

جراح: خخخخخخخخ يلا عطني دقيقتين وارد...
( للعلم الدوانيه كان فيها بابين ..باب يطلعك بره البيت...وباب يدخلك البيت....)

جراح طلع من الدوانيييه جان ايييه تليفووون ...وقف بره يتكلم بالتليفون....يم السيارات...

بالوقت اللي دخلت فيه مها الدوانيه....
ماتدري اصلا" ليش خذتها ريلها هناك....اصلأ" ماتدخل الدوانيه الا نادرا"

مها ( تصرخ): تدروووون فيني ما احب السمج..يعني لازم اقوووولكم ابي برجر هالسمج هااااذااا ماراح اخليه يدخل بيتكم مره ثااااااااانيه زهقتونا بالسمج..لا وتقووولي ***دي خير انشالله ***دي ....***دي ولا غيره كله زفررر مافرق شيييييييييييييييييييييييييييييييييييييييي

وتستوعب مكانها اخيرا"...وتطيح عينها بعييييين بدر...غمضت عيونها....4 ثواني..


وفــتـــحـــت عــيـــونــهـــا...
وصرررخت مهاااا...
بدر وقف...وماكان بيده شي يسويه...غير انه يوقف وراها و يسكر حلجهااا...

بدر: سكتي يالخبله فضحتينااا

مها: انت شيايبك هنيييييي..اكيد بتعلم جراح..والله ما ادوخك مره ثااااانيه بس لا تقووله تكفه

بدر: سكتيييي لايسمعج ..انا شدراني انج اخته ..ماكنت ادري اصلا"...والله محد راح يدري ...خلصينا طلعي بسرعه لا يدخل جراح و يشوووفج...

وتهده مهاا بسرعه واهيا ترجف و تفتح البااااب...بس عثرت بنعالهاااا...جاان تشيله بيدها وتلمه على صدرها...وتدخل....

بعد 3 خطوات داخل البيت....جراح دخل البيت......
جراح: مهاااااااا..مهااا..ييبيلي قلاص مااااي من المطبخ و قولي للخدم يجهزون العصير و الجاي ...

مها ماكانت تسمع شي ..انسدت اذووونها مره وحده...صعدت الدري اللي كان بوسط الصاله و اهيا تتنفس بسرعه و بصعووووبه...ولامه نعالها على صدرها...

جراح: هي انتي يالخبله ... قاعد اكلمج لا بارج الله فيج الشرهه مو عليج ع اللي ماعلمج الاحترام

مهاااا حطت ريلها على آخر دريه بالدري ( الدرج)..وهني عثرت مره ثااانيه حطت ايدها على الارض و قااامت....دخلت الغرفه سكرت الباب و تسندت عليه...

وحطت ايدها على ويهها ابعدت خصلاتها اللي كانت نازله على ملامحهااا...وتتنفس بسرعه....
وفجأه......عفست ملااااااااااامحها...مثل اليهال......وراحة بنوووبة بجي....

امبيه شاافني بهالطريقه....بدر شافني.....شافت نفسها بالمنظره ( المرايا)...وزادت بالبجي.....
خذت الموبايل...ورفعته و دقت على شوق من غير تفكير....

شوق: هلا مهووو شعندج بعد...صار شي يديد
مها( كلامها كان امقطع و نفسها كان واااضح وكانت تتكلم بصعوبه): بدر....بدر ياشوق بدر
شوق: بدر!!!...شفيه بدر...تكلمي...زفج؟؟؟؟
مها ( وصووت نحيب اطفال): لا يااااااشوق بدر شافني
شوق ( بدهشه): هدي مها هدي خليني افهم...وين شافج ومتى طلعتي انتي؟؟..وليش ماقلتيلي انج طالعه
مها: ماطلعت يااشوق مااااطلعتتت ( وتطق على فخوذها حيل بحسره والضيقه ماليه قلبها)

شوق: يايكم البيت؟؟؟
مها: بدر طلع رفيج جراح ياشوووووق

شوق: وعسىىى قاله!!!!!!!!!!!!!!!!!!!!!!!!!!!!!!!!
مها(تبجييييييييي): لاااااااااااا ياشووووووووق اللي صار اقوى من جذي
شوق: شصااار تحجي..تلفتي اعصابي ....ردي علي شصااار
مها( خذت نفس): شوق بدر شاافني بالبجامه ...وماكنت امشطه شعريييييييي ((( وتبجيييييييييي)))
شوق: الله ياخذج انشالله...خرعتينيي..انا قلت الحين قال حق اخوووووج..لا خلاص يامها من اليوم انهي هالموضوع خوووفج يعلم اخووج

مها: احبه ياشوق احبه ما اقدر انهي الموضوع
شوق: انجبي انزين..حمدي ربج ان ماصار شي قبل شوووووي
مها: شووووووووق شاااافني بشووووورت
شوق: ههههههههههههههههه وااااااااااااااي بطني
مها: انجبي هاذا واناااا داقه اشتكيلي لج..انا شلي خلاني ادش الدوانيه و بهالوقت بالذات
شوق: احساسج ياحياتي
مها : الحين شسوي ياشووووق
شوق: سمعي اللي اقووله بالحرف الواحد..

 

[Asrarie]

جراح تحت كان مع بدر....ياب له صينية العصير و الكيك و توابع سوالف الضيافه ..اللي نعرفها و تعودنا عليها..احنا عيال الخليج....بس بدر المسكين كااان بعالم ثاااني ...مو امصدق اللي صااارله قبل شووووي...جراح كان يتكلم و بدررر سارح...بالأصح كان متوتر وخايف .....

جراح(يسولف): وكان وقتها الجو حلو حق الحداق...قال لي طيعني ياجراح لاتطلع..اكو موجه يايه من الشمال...بس العناد ومايسوي....من طلعنا من الجون الا ذييييج الموجه اللي تاخذ الطراااد..وقمنا نشيل و نشدخ انا وحمد ..قلنا هاذا الموت ياينا.....بس الحمدلله ربك ستر....ركد الماي بعد عشر دقايق انخضينا فيها....ورجعنا على
طول ...بدر؟؟..عسى ماشر ياخوك انت معاي؟؟

بدر: هلا...اي جراح..اي ...انا معاك
جراح: والله منت معااي..وانا عند ربي صادق....شقلت آنا..

بدر: قلت....كنت تسوولف عن خطيبة المستقبل
جراح: شفت شلون منت معاي....طلعنا من هالموضوع من زمااان...زين عيل دامك سارح ...علمني ياخوك...شلي شاغل بالك..وامخليك متدوده ( متوهق) بهالطريقه هاذي...

بدر: والله ياجراح مافي شي ببالي بس من يبت طاري الخطبه ..وانا افكر اخطب
جراح: لا يابدر اصبر..انا لي خطبت معاشي بجيبي...انت من وين بتصرف عليها قووولي..كلها سنتين انطررر شفيك طاير ع الزواج...

بدر: وانا بعد اقول جذي..بس وايد سنتين ...وايد ياجراح..

جراح ( يغمزله): اكيد بقلبك وحده

بدر: لا يبه انا ويني وين هالسوالف..انت عارف اخوك...من دوامي لي البيت و من البيت لي الدوانيه...حتى المجمعات ما اشوفها الا لي بغيت آخذ الأهل

جراح: اي مو هذا اللي امستغرب منه آآنا...

بدر: الله كريم ياجراح....يالله ماشبعت من ويهي

جراح: منووو يقدر يشبع من ويهك

بدر: بس انا شبعت من ويهك خخخخخخخخخخخخخخخ
جراح :افا ..بس افا
بدر: لا يبه قعدتك ماتنمل ..بس بمشي ..متعود والله ما اتأخر ..تدري فيني نفس الشياب
جراح: هذا انت ماتغيرت ...خلاص يبه خلنا نشوفك لا تصير نحيس
بدر: لا انشالله ماراح اقطع...اشوفك على خير حبيبي
جراح: على خير عيييييييييل

بدر وقف عند باب الدوانيه..وقال: فمان الله يالنسيب

جراح: النسيب!!...والله لو عندي اخت تستاهلك جان من الحين اقولك خذها...عندي وحده وامنشفه ريجنااا كلنا ملسونه على عماتها

بدر ( سرح): ههههههههههه قول ما ابيك وخنخلص ..تذم اختك ليش
جراح: بلاك ماعرفتهاا....
بدر: فمان الله بس فمان الله يبه..
جراح: مع السلامه...


ركب بدر سيارته......واهوا غارق بأفكاره.......شنو هذا يابدر ..شنو هذاااا...شنو هالملاك...فديت قلبهااا.......النسيب ياجراح النسيب.....

شوي ولا يكتشف ان واصله مسج من فتره وبعده ماشافه ...فتح المسج بسرعه...

مها::
(( تـكـفـه لآ تقـول حق جرآح ..وآنا اوعدك والله ما ادق ولا ادز شي مره ثانيه..واطلع من حياااتك نهائيا ..وماارجعها..))

انصدم بدر من المسج و سفط ع اليمين ...لأنه ماكان عنده هاند ثري..خاف يتخالف بعد..
ودق عليها....

عند مها..
[ ذلـتـه عـيـونـي..يتصل بـك]

قطت موبايلها على الفراااش و ابتعدت خايفه...
من متى تخافين يامها...انتي عمرج ماخفتي...ردي عليه ..وشنو بيسوي يعني..مايقدر يسوي شي..
بعد 6 رنات..ردت...ثقل يعني..
مها: ألوو
بدر: قوه
مها: هلا بدر
بدر: هلا فيـــج..بكلمج عن اللي صار اليوم
مها: آسفه ع اللي صاار
بدر: انا للي آسف..بس صدقني يامها ماكنت ادري ان جراح اخوج
مها: والحين دريت..بتقوله؟؟
بدر: لأ يبه ..شكلج ماعرفتيني زين
مها: اعرفك اكثر من روحك
بدر: دامج تعرفيني بسألج...انا يطلع مني هالتصرف؟
مها( بدلع اطفال): لأ
بدر:خلاص عيل..ليش خايفه
مها: مو خايفه...شفت ويهك انت..من صجك اخاف منك..شكلك ماعرفتني زين
بدر: لا اعرفج
مها: صدقني ماتعرفني
بدر: والله اعرفج
مها: عيل شسمي دامك تعرفني
بدر : ها..ما اعرف اسمج..بس اللي اعرفه انج وحده مغروره مليقه شايفه روحج و ملسونه و دمج ثقيل
مها( انجرحت هالمره): هذا اللي تعرفه
بدر: اي نعم ..وماتحشمين احد ..ومتهوره
مها( بحزن): وبعد
بدر( استوعب انه قسى عليها شوي ..ألا وايد):آنا آسف
مها: على شنو...انت ماقلت شي غلط..كل اللي قلته صح
بدر: سمعي يا
مها: مها....انا مها
بدر: عاشت الاسامي...عاشت احلى الاسامي..
مها: اسمع شنو
بدر: انا واحد صريح وما احب اللي تلف و تدور معاي..اقدر اعرف من وين يه هالحب ...وشلون اصلا" عرفتيني عشان تحبيني...مها انا اعرفج؟
مها: انت تعرفني
بدر: منو انتي يامها؟
مها: انا مها
بدر: منو تكون مها
مها: وحده تجاهلت مشاعرها و جرحتها واهيا بأحرج مرحله بحياتها
بدر: نعم!
مها: مها يابدر...اهي نفسها مها اللي عرفتها من خمس سنوات
بدر:شنو.....مها!!..انتي مها...؟؟؟!!!!!
مها: اي يابدر انا مها..مها اللي عرفتها من الانترنت وكان عمرها وقته 12 سنه.........حبتك من كل قلبها...بس عاملتك على إنك اخ لها..عشان تكسب اعجابك..وعشان تكبر بعينك...بس للأسف تجاهلت شعورها....مغرور ماتحب الا نفسك..حتى لما طلعت من حياتك..ماهميتك..توقعت منك ايميل..مو اكثر من ايميل..تسألني فيه ..وينج يامها...بس للأسف ظني خاب....واختفيت فتره....والحين رجعت...رجعت وانت شايف شكثر تغيرت مها...صارت نفسك..مغروره يابدر مغروره...
بدر: انتي شقاعده تقوووولين ..من صجج انتي....؟؟..وانتي كنتي حاطه فبالج اني راح اهتم لعلاقة نت
مها: كشعور اي مراهقه ..بس الحين احنا بره النت...وكل شي تغير عن قبل..
بدر: انتي من صجج اللي قاعده تقولينه
مها: يمكن في جانب فيني عمره ماراح يكبر...وشايف ان عقلي صغيررررر ....بس انا حبيت يابدر..وكنت متأكده وقتها ان شعوري تجاهك حقيقي..ماكان حب عابر ..او سحابة صيف..كان فعلا"..حـب
بدر: صدمتيني
مها: هاذي الحقيقه...لاتستغرب وايد..ولاتضحك على احساسي بعد مره...يكفي مصخرته قبل خمس سنوات..بس حط في بالك..اني لما حبيتك...نسيت كل شي..حبيت احساسك وقلبك..حتى قبل لا اشوفك...ويقوولون القلب يعشق قبل العين..وهااذا انا عشقتك..بتبيعني...؟؟..ماراح استغرب..ولا راح اندم لأني رجعت..وبعتبرها محاوله...وماراح اذل روحي لك..هاذي انا ..وانت عرفت منو انا..عندك تعليق على كلامي..
بدر: مادري يامها..احنا كبرنا
مها: قلتلك عمري ماراح اكبر...ما انكر اني فهمت الدنيا اكثر....وعرفت شلون اتعامل مع اشكالك..بس مها بنت ال12 سنه عمرها ماراح تكبر...


تم الفصل..

 

[Asrarie]

ايه سكرته...سكرته بويهه بعد ما انهت آخر كلمه قالتها..
ياترى شنو ردة فعل بدر.....؟؟؟

بدر كان منصدم ..مستغرب من احساس طفلــــه..فعلا" ماكبرت...ولا راح تقدر تكبر...
كنا حيل متعلقين ببعض..كانت متعلقه فيني حيل...ماكنت ادري ليش طلعت من حياتي..ولا تطفلت وسألت عنها..كانت بالنسبه لي مثل اختي دانه و اكثر.....كانت تعرف كل شي عني حتى بيتنا...كانت تدله..
اذكر انها كانت تطريلي الحب..بس مافهمت احساسها..لأ مو غباء مني..ماتوقعت الحب منها اهيا بالذات..توقعت اني فعلا" اخ بالنسبه لها...من صجها هاذي؟؟؟؟...اضحك ولا ابجي..مو قادر استوعب كلامها...نلعب احنا؟؟؟...لايكون حاطه فبالها اني بعدي بدر بو ال15 سنه اللي كانت دنيته دراسه + النادي+ النت....اعتبرها ياهل؟..ولا عاشقه؟؟؟؟..ولا شنووو.....

ياحلو قلبها...وين نلقى بهالزمن قلب صافي جذي...عشق اطفال..؟؟؟..وين نلقى بهالزمن روح صادقه..متمسكه بحبها رغم السنين اللي عدت....يحليلج يامها....والله يحليلج...
طوول بدر على صوت المسجل...كان يسمع عبدالمجيد....
(((((((((( تنتظر كلمة احبك...شايفك مشغول فيها...كل شي بوقته حلووو...ليش مستعجل عليها..بكره هي اللي تجيك..وتمر كل لحظه عليك...انته بس طولي بالك..وكل شي بوقته حلووووووووووووووو)))))))

رد بدر البيت متأخر مو بعادته!!..كان الوقت حزتها 2 الفير....

كان صاعد غرفته....مر على غرفة دانه...لقاها نايمه.... وقف عند الباااب
بدر: داانه...دندووونه...قومي دوينه بسرعه قومي
دانه( والنعاس مسيطر عليها): شنو بدر شفيك
بدر: قومي ابيج بسرعه قووووومي
دانه: شنو اقوم دايخه بدر دايخه..
بدر: قوووومي ترا الحظ يطق باب الواحد مره وحده بس
دانه( رفعت راسها من المخده): يلا قايمه قايمه
بدر:ناطرج تحت..

قامت دانه لبست نعالهاا..غسلت ويهها و نزلت حق بدر اللي كان ناطرها بالصاله اللي تحت..
بدر: امشي بره ابيج شوي
دانه: الله يستر شعندك بديررررررر

طلعوا الحديقه وشات بدر الكره وقال لها: بلنتيااااااااات دانوووو
دانه ضحكت من كل قلبها..جنها تشوووف بدر اللي عمره 15 سنه واقف جدامهااا...
بدوا يلعبووون كره......
لين شرقت الشمس..
قعد بدررر وقعدت يمه دااانه و اهما يتنفسون بصعوووبه..
بدر: دانه
دانه: هلا بدرررر
بدر: الفرصه صج تي الواحد مره وحده
دانه: اي بدر مره وحده
بدر: والحب
دانه: مررره وحده يابدر...والباجي كله محاولات لنسيان الحب الاول
بدر: متأكده ؟؟
دانه: شفيه العاشق
بدر: الا العاشقه من وين تعلمت هالحجي
دانه: تقولك ورده ..الألب بيحب مره مابيحبش مرتيييييين
بدر: يعني ورده اللي علمتج؟؟
دانه: يعني منو بيعلمني يعنيييييي شايف ويهي ويه حب اآآناا
بدر ضحك من كل قلبه . رفع موبايله و بدون تفكيررر دز مسج حق مها::

(( احبــج يامها...احبج..))

دخل بدر غرفته و اهووو يفكر فيها...شنو راح يكون شعورها لما تقرا المسج...وغرق بأفكاااااره...
و غرق بالنوؤوؤوؤم...

فتح بدر عيووونه الساعه 8 الصبح...قام خذا دش ولبس عشان يستعد حق محاضرته ( كان ماخذ صيفي) اللي راح تبدا بعد ساعه....
بدر( على طاولة الطعام قاعد يتريق مع امه): يلا تامرين على شي يمه
ام بدر: سلامة قلبك
بدر: الله يسلمج....
طلع موبايله وقعد يجيك فيه....ماكو اي رد!!!...يمكن تكون نايمه..اي اكيد نايمه...

فتحت مها عيوووونها الساعه 3 العصررر..كعادتها ...عطله و ماكو شغل....
فتحت عيونها لقت ....رساله جديده:4

فتحت اول مسج...من هنوده...:::
(( هآآي..انا هنوده هاذا رقمي اليديد...))

ثاني مسج كان من فجور:::
((( من تخرجنا ماقمنا نسأل..عموما" عاذرتج يالجامعيه...بس حبيت اقولج يمعة بنات الخميس الياي ...احلى بارتي لعيون احلى شله..))

ثالث مسج كان من فطوم..::::
(( تدري انك احلاهم...وعلى قلبي اغلاهم..واذا يت حزة الشوق..أذكرك و انساهم...))

رابع مسج كان من...(( ذلته عيوني)):::
(( احــبــج يــامها والله احبج...))

نعمّ!!..صحصحت مها و فزززت من فراشهاا...كانت بجامتها معفسه و مرتفعه كالعاده...دزت خصلتها اللي نازله على ويهها ورا اذوونها و اهيا تقرا المسج...مره و مرتين و ثلاث....حبني!!..بدر يحبني....!!!

واكيد بدون تفكير..دقت على شووق..
شوق: من صجج انتي
مها( حاطه ايدها على بطنها): والله شواق انا لليلحين مو مستوعبه..بدر يحبني شووق..بدر يحبني...
شوق:لحظه يبه لاتستعيلين الا لما تتأكدين من مشاعره
مها: آآآآي ياشوق آآآي
شوق: شفيج مهاا؟؟
مها: بطني ياشوووق بطنييييي ذبحني من قعدت..
شوق: شنو ماتعودتي على عوار كل شهر..متى بتكبرين انتي
مها: مو قادره اتحمله هالمره
شوق:يمكن متفصخه البارحه و حاشج هواا


زاد عوار بطن مهااا و راحت مع امها المستوصف....
السستر: لو سمحتي ازا استمريتي بتتحركي حتتكسر الأبره
مها( تحط ايدها على عيونها وتغمضها حيييييييييييل): لا يلا بسرررررررعه بسرعه غزيني ( بصرااخ مابقى احد بالمستشفى ماسمع حسها))

ردت البيت انسدحت ع الفراااش على الساعه 6 المغرب....وبعد ما خف العوار...خدرت وناااااااامت..

في الروضه
======================
بدر ( يكلم نفسه) شكلك استعجلت يابدر( استعيلت) ..كان لازم افكر شوي قبل المسج......وينج يامها ردي..ردي قولي شي...

دز لها مسج::
(( مساء الخير...شلونج مها؟..))

مها طبعا تدرون ..كان موبايلها سايلنت و رايحه بسابع نوومه...

بدر نطرها ..عدت ساعتين ..ماكو رد..ألساعه الحين 9....صارت 10.......10 ونص ..ماكو اي رد..

اخيرا" قرر يدق....مره ..وبعد مره...يمكن مو يم الموبايل....بعد مره يابدر....يمكن تكون نامت..لأالالا ماظنتي نايمه....ردي يامها ردي.....

مهااا فتحت عينهااا شافت التليفون يشب و يطفي...ماكانت مستوعبه...نادت امها على طوول
مها : آآآ يا يمه آآآآآآآآآآآ بطني ذبحني يايمه
ام جراح: احسن قلعتج عشان لما اقوولج لحفي نفسج زين تطيعيني
مها: هاذا وقت هالحجي بموووت يايمه بموووت
ام جراح: لا انشالله ماشر تنامين الحين و تقعدين ناسيه اصلا" العوار
مها: يماا يبيلي ماااااي يمه...
ام جراح: انشالله يمه انشالله ذبحتنا عيارتج ذبحتناا...

طلعت ام جراح من غرفتها..
ردت مها على بدر ..
مها: ألوو ( بتعب باين من صوتها)
بدر( ماكان مستوعب انها واخيرا" ردت عليه): هلا مها..آآ...مها وينج؟...ليش ماتردين علي..انا غلطت بشي
مها( تبجي مثل اليهال...)
بدر: مها؟؟؟..شفيج؟؟؟..صايرلج شي..ردي مها لاتسكتين
مها: مو صاير شي يابدر مو صاااير شييييي
بدر: امبله انا حااس ان فيج شي
مها: تعرف تحس والله..شتبي الحيييييييين
بدر: انا شبي....لأ صح انا غلطان ..آٍسف بااي
مها( تبجي): بدررر تعبانه انا بدر
بدر: تكلمي قولي شفييج..اخوج درا عن شي..ردي علي تكفين لاتخلين الافكار تلعب فيني
مها: لااا يابدر لااااااااا..انت وين وانا ويين..
بدر: شفيج مها عفيه تكلمي وغلات اغلى ناسج
مها: بدررر تعبانه شوي
بدر: تعبانه شوي كل هالبجي
مها( تقاطعه بصراخ): ياخييي بطني يعوووووووورني
بدر( سكت فتره وبعدين انفجر من الضحك): سلامات حياتي سلامات
مها: حياتك؟؟..متى صرت حياتك
بدر: امس الفيررر وانا قاعد جان تصيرين حياتي
مها: اهاا يعني بتقنعني انك حبيتني بهالسرعه
بدر: اسرع شي بهالوجود...الحب..أسرع من الضوء نفسه...بلحظه ..تحس انك ملك انسان ..وان مالك غناة عنه
مها: اشفييييييييه روميو خل يعطينا ويه
بدر: ويهي وكلي لج ..ترا انا ما اعرف اغازل و اقول كلام حلوو..ولعلمج ضميري يأنبني لأني قاعد اكلم اخت رفيجي
مها: اشفييه بو ضمير
بدر: انا ابيج بالحلال
مها: هلا هلا؟؟ ما اسمع ..؟؟ تبيني بشنوو؟؟
بدر: بالحلال يامها
مها: لالا شكلي قمت اسمع غلط ..كله هاذا من عوار بطني؟!....
بدر:لا سامعتني زين انتي..انا ابيج انتي...
مها(زاد عليها العوار): اسكت انزززين نتفاهم عقب اسبوع
بدر ( يضحك): وبتنطريني اسبووع
مها: نطرتك 5 سنين يابدررر
بدر: لا تقعدين تذكريني كل شوي ..قلتلج كنت صغير..ماعلينا الحين...ليلحين يعورج؟؟
مها: بدر مالللللي خلق روووحي سكر زين امي يت

دخلت ام جراح..
ام جراح: حتى وانتي بأسوء حالتج ماتهدين هالتليفون من ايدج
مها: تليفوني عضو من اعضائي يايمه..وبعدين شهالماي هاذا ...تطبخينه؟؟..
ام جراح: لا لقيت جراح تحت وقعدت معاه شوي
مها: امخليه بنتج دلوعتج تعاني هني و قاعده مع جرااح ..آآ يا يمه آآآآآآآآآخ


واذا عجبتكم انتظروا الجزء الرابع

 

[دلوعه ناعمه]

حلـــــــوه

 

[Desert-Girl]

يسلمو على القصة

 

[Asrarie]

الجزء الرابع,,,
******************

بدر بعد ماسكره منها....
حس قلبه بدا ينبض..
بديت احب...بديت احب ياناس..وربي احلى شعوور انك تحب...فجأه تحس ان حياتك كانت ولا شي...وصارت تسوى انك تعيشها..فجأه حسيت روحي تنطق بأسمها...تهقى تنطرك لين تتخرج...اي تنطر ليش ماتنطر...اهي بعدها صغيره..وبعد سنتين يكون الوقت المناسب للزواج ..لي ولها....بس شلون احافظ عليها سنتين..واخليها ماتضيع من ايدي...
مها...فديت مها...احبج مها....اوويلي بس عليها.....كل مافيها يخليني اعشقها...اعشق ينونها و تطفلها..اعشق لقافتها و طولة لسانها..اعشق مشاعرها المينونه...اعشق صوتها...والله و ذلتني عيونها.....احلى شعور..لما تعشق طفله..تحس روحها وكيانها كله لك...مشاعرها عمرها ماتكون مزيفه...واللي بقلبها على راس لسانها...اقراها من عيونها..وافهمها..شفافه..واحبها بكل وضوح...ورفيجي جراح ماراح يلقى نسيب احسن مني..مو غرور..بس رفيجه من عمر ..وفاهمني و عارفني....وامي ماراح ترفض البنت اللي يختارها قلبي....آخ ياقلبي....

ينسدح و يفكر..وتاخذه الافكار بعيد بعيد..حيل حيل...مثل اي عاشق...في اول صفحه من كتاب العشق....يحس بشعور ماحسه من قبل..وبراحه.كبيره..

مها كانت تنام و تقعد من زود العوار...وكل مافتحت عين...فتحت معاها مسج بدر..
(( احبج يامها احبج..))وتضحك ..تسحب خصلاتها وتنزلهم على ويهها البريئ بحركه طفوليه و تقط راسها ع المخده ( الوساده) بقووووه...خبله بالعربي الفصيح...

الأثنين...الساعه 8 صباحا..

ام بدر: بدر شسويت على اوراق مناير..ولا انت من اللي يوعد ولا يوفي
بدر: لا يمه ولدج و تعرفينه..عطيني يومييين وانشالله كل شي خالص..
راحت امه تييب خبز حق الريوق( الفطور) ولما صار بدر بروحه..

طق على خدوده بقووه: شلون نسيت يابدر...الحب يابدر نساك ...ويرفع موبايله ويدق على رفيجه محمد...اللي كان له صوت مسموع بوزارة التربيه و واسطاته قويه...

بدر: بس احنا مانبي نطلعها من العاصمه ..بس بنغير المدرسه..

محمد: انا معاك بس النقل صار بصعوبه الحين مو مثل قبل..قولي وين اهيا بأي مدرسه
بدر: خالده بنت الاسود..وعادي انقلها حق اي مدرسه ثانيه
محمد: خلاص انا اسأل لك وما يصير خاطرك الا طيب يابوناصر
بدر: تسلم حبيبي هاذا العشم فيك ماتقصر
محمد: ولو تستاهل يالغالي
بدر: تستاهل الطيب يابوجاسم...


طلع بدر عشان يلحق على محاضرة الساعه 9...ودز مسج لمها...اكيد اهي نايمه الحين...((( صباح الحب و الشوق..فديت اللي امغمض عيونه)))

فتحت مها عيونها على صوت المسج...وقتها كان العوار خاف عن امس..ابتسمت بعد ماقرت المسج...لمت المخده حيييييييييييييييييل...وردت عليه::

(( صباح الورد ..))

بدر ماتوقع انها ترد...بس لما سمع صوت المسج...فززز قلبه..ولما شافه..قرر يسفط ع اليمين و يدق عليها...
بدر ( يكلم نفسه): وهاذي حالتك يابدير كل مابغيت تدق تسفط..متى بتشتري هاند يعني
مها: ألوو
بدر: فديت هالصوت
مها: جذاااااااب
بدر: فديت صاحبة الصووووت
مها: هم جذااااب
بدر: متى بتقتنعين اني صج احبج
مها: لما تحبني
بدر: إنا لله..يابنت الحلال احس اني عاشقج مو بس حابج
مها:لالا ..لاتحاول تقص علي..شايفني يااهل ومتهوره ..قلت خل ألعب عليها
بدر: وانا يطلع مني هالشي؟
مها( بدلع): لاااااااااااااااء
بدر: عيل جبي...يابنت احبج
مها: انزين انزين ..خلاص خلاص..لاتقول احبج بس
بدر: عمري شلون بطنج اليوم
مها: زيــن ( بدلع)
بدر:احبج
مها: انزين انا بنااام بدر بنام
بدر: نوم العوافي ياقلبي...خلاص عيل ..تلحفي زين
مها: واي لاتصير لي امي انت الثاني
بدر( يضحك) : يلا عمري رايح الكليه انا
مها: ادري
بدر(يضحك)
مها: لاتطالع يمين يسار ابط عيووووونك
بدر: بعد..!!..بدت الأوامر من الحين
مها: اي شعباااالك( بدلع)
بدر: احبج مها
مها: انزين انزين
بدر: شنو انزين احبج انا
مها: باااي بدر باااي

تم الفصل..

 

[Asrarie]

قعدت مها تضحك جنها خبله...وبدر داااس واهوا يغني بصوووت عاااااالي.....
((بس قول أبغى..وانا اقول حاضر...انت الوحيد اللي كلامك اوامر..وخاطرك عندي ترا مو مثل غيرك..خاطرك يسوى ترا مليوؤوؤون خاطر...
القوي الله و حبي لك قوي..شوف ايش اعمل اذا تطلبني شي..ينقلب حالي..وادورلك عليه..وعيني ماتغمض ولا حتى شوووي...
تهمني؟..طبعا حبيبي تهمني..انت اللي بس اللي بعمريى هزني..انته من حقك اذا تامر علي..وانا من حقي ابيك تحبني...وخاطرك عندي ترا مو مثل غيرك..خاطرك يسوى ترا...مليوؤووؤوؤن خاطررر...))))


مها ماقدرت تنام من الوناسه..قامت شافت شكلها كان حده معتفس ..وباين عيلها التعب...من عيونها..عيونها كانت تفضحها والكل يقدر يقراها من عيونها....

حست بثقل وانها محتاجه شاور...خذت شاور دااااافي..طولت فيه...كانت تفكر تحت الدش...بحبيب القلب طبعا....اللي عمرها مانسته....

(( ياما حاولت الفراق وماقويت..قلت ابي انساه لكن مانسيت...ماعصاني قلبي بعمره ولكن ..الأكيد اني انا اللي ما اشتهيت....))

كان بدر طول المحاضره ساهي...تقدرون تقولون ماسمع ولا كلمه قالتها الدكتوره لأنه من الاساس مو معاها .ولا مع احد,..مع حبه مها...

خلصت اول محاضره له ..وراح للثانيه...

طلعت مها ....وقررت تكلم شووق..
شوق: بسّ!! هاذا اللي قاله
مها: شتبينه يقوول بعد
شوق: المفروض يا قلبي.....(( وصوت ام شوق تناديها بصراخ يقطع حديثهم....)) بلييييييييييييه بدت الحنه بدت...انززززززين يايه...
مها: روحي روحي لاتبلشنا امج بعد
شوق: انزين اشوف شفيها و ارد اكلمج باااي يالعاشقه..
مها: باي ( واهييي تضحك بصوت عالي)..


تنزل شووق تحت ...عند امها...
اللي ورثت منها طوالة اللسان و الطفاقه....ولقتها قاعده مع اختها الصغيره ابرار ( عمرها 12 سنه )...و اختها الثالثه اسرار عمرها 10 سنوات....

متوفي ابوووهم من سنه من السرطان اللي حاشه من كثرة التدخين....والام مو مهتمه الا بنفسها و من صالون لي حفله لي عرس لي خطبة فلانه...ماتركد بالبيت...

شوق: نعمممممم شتبين صرعتينا
الام: عمى بعييييييينج يامال الويع جذي تحاجين امج
شوق: امناديتني عشان تقولينلي هالحجي خلصوا شتبووون انتي و بناتج
الام: والله ما اقول الا مالت ثم مالت على هالويه الخايس انا لو باركه عليج قبل لاتكبرين مو احسن
شوق: اكيد احسن..احسن من العيشه معااااج اللي تييب المرض
الام: مرض ياخذج مثل ماخذا ابووج يابنت ابوج
شوق: تدرين الشرهه مو عليج
الام: لما انا اكلمج توقفيين يالمو متربيه ..اي تربية ابوج..بعد شقدر اقوول اكثر...ماشفت منكم غير الفقرررر...لبسي و لبسي خواتج بنروح بيت خالتج امسويه يمعه اليوم
شوق: يمعه العصر!
الام: ايييي امسويه عشا تخرج ولدها من كلية الشررررطه ولازم اكون اول وحده هناك بيوونها وايد ناس..تسنعي جوود ( يمكن) يشوفونج ناس وياخذونج بدال ماتطيحين بجبدي عليتي جبدي الله يعل جبدج
شوق: و حمد راح يكون موجود؟؟؟؟!
الام: اي بيكون موجود بعد حفلته يالغبيه.. ..بسوي روحي مو فاهمه شي ..ميخالف..تكشخي زين انتي و هالسعالوه خواتج


تركض شوووق فووق ...واخيرا" بشوفك ياحمد ((( حمد عشق الطفوله و المراهقه و حلم المستقبل...تحبه تموت فيه من كانوا يهال .بس اهوا ساحب عليها سيفون مثل ما يقولون حده مو معطيها ويه ولا امعبرهااااا..واهي شاطه روحها عشانه....وماتتخيله زوج لغيرها..من واهيا صغيره ترسم عشان يتحقق حلمها...اخيرا" تخرج حبيبي...الحين الوقت المناسب للي راح اسووويه.....))))

صعدت شوووق غرفتهااا و اكيد بعد مااابلغت مها الخبر السعيييد بدا التحورف والشغل على شكلهااا....واكيد ماتركتها مهاااا دون مساعده.....

مها: شلونج خالتي
اام شوق: هلااا ( بدون نفس)
مها: بغيت شوق
ام شوق: بيتنا مافيه رياااايييل صعدي و نزلي براحتج
مها ( تبتسم)...

صعدت مهاا فوووق...
لقت شوووق توها ماخذه شاور و قاعده تنشف شعرها...............

استشوار ..وستريت ..و سبريه للشعر.....سنفره و ماسك للبشره.....الفل ميك آآب ..ابتدائا من الفنديشن ...الى اخر لسمه...اكيد عرفتوها ..(( المسكره..))

لبست شووق اصيع بدله كانت عباره عن تنوره و بدي كان شكلها كلاسيك بس ضيج حيل يعرض مفاتنهااا..

شوق: آآي آآآآي شوي شوي
مها: يلا كاهي ثبتتت الماشه
بعد العطر لبست الكعب بحذر عشان ماتتكسر االاضافر التركيييب..
مها: يلا انا بمشي برد البيت وقوليلي اول بأول شنو راح يصير معاااج
شوق: ديل
مها: يلا حبيبتي( وتسلم عليها وتنززززل و تركب سيارتها وتحررررك.)

شوق وقفت عند باب بيتهم بعد ماوصلت مها للباب.....وشافت العيون اللي لطالما عشقتها ومازالت تعشقهاا....شاب اسمر نحيل.. التعب باين بعيوونه..سااكن بملحق بيت جيران شوق...مع خواته الخمسه و امه المريضه....ترك تعليمه و ترك حلمه...عشااان يقدر يشتغل و يعيش و يعيش اهله...اللي تركهم له ابوه في احرج مراحل حياته..حرم نفسه من كل شي..من السعاده ..ومن كل احلامه...الا الحب..ماقدر يمنع نفسه منه...حب شوق.......آآآخ ياشووق...ياحلمي اللي عمره ماراح يتحقق...........نواف...أسمه نواف...من فئة غير محددين الجنسيه ((( بدون بالعربي الفصيح وبالانقلش with out)) ...عمره 19 سنه...بس ملامحه ملامح رجل لعبت فيه الدنيا لعب....شاف الظيم و انواع الحرمان كلهااا...واعتاد عليها...عايش على اعصاابه....ويصرف الفلس بعد تفكير طووووويل...مو بخل منه...بس يخاف ينتهي الشهر...ومايحصل 20 فلس ...قيمة جيس الخبز....ترك تعليمه بعد ما انتهى من 3 متوسط...اشتغل يبيع بنك وترمس على الدوار...ولما كبر شوي..تعرف على واحد عرض عليه العمل في فرقة اعرااس...يسخن الطار و يطق الطار...ولما اتقن عمله....رقوه مثل مايقولون....وصار يغني كورال...كل هاذا الذل ...عشان لقمة العيش.......

شوق: عمى ...شتطالع..
نواف: ها ..آنا اسف
شوق: ان شفتك هني مره ثانيه والله لاعلم خالي
تراجع نواف بكل انكساار...تعود على الاهانه والاستحقار منها...تعود...من اول يوم حبها فيه..تجريح واستصغار..وامتهان لكرامته....


في الروضه
==============================

بدر كان يسفط سيارته توه راد من الجامعه ....ويدق عليه محمد..اللي وعده يشوفله موضوع نقل مناير بنت عمه مبارك...

محمد: خلاص من بداية السنه اليديده تداوم هناك
بدر: مشكور يابو جاسم والله وانك قدها
محمد:شعبالك حبيبي يلا خلنا نشوفك مو بس حزة الواسطات تينيا تركض يلا يبه نشوووفك
بدر: على خير حبيبي...

وينزل بدر ويدخل البيت يلاااقي امه و دانه بالصاله مع الوالد بو بدرررر كانوا قاعدين يشربون جااي..
بدر: السلاااام عليكم
يردون: وعليكم السلام
بدر: يمه نجبيلي الغدا حدي يوعااان
بو بدر: عاد اليوم مطبق تخدر من بعده
بدر: تسلملي ايد الوالده
ام بدر: صج قبل لا اقوم..شصار على اوارق البنيه..اليوم خالتك دقت تسأل
بدر: خلاص قوليلها من السنه اليديده تداوم هناااك
ام بدر: وي فديت ولدي صج انك تبيض الويه خل اقوم ادق عليها اخليهم اييوونا البيت اليوم
بدر: اول شي غدي ولدج ياي ميت يوع من هالاهوب اللي بره




بعد الغداا...نام بدر ساعتين قيوووله مثل مايقولون....واول ماقام تذكر انه من الصبح ماكلم مها..واهي بعد مادقت ولا دزت شي !!

دق وانقط ع الwaiting (( إنتظار..))

بدر ( يكلم نفسه): من قاعده تكلم هاذيييييي ( عصب الحبيب)



++++++++++++++++++++++++++=

 

[Asrarie]

المنصوريه...
مها منسدحه ع السرير و تكلم شوووق...
مها: سكري سكري بدر قاعد يدق
شوق: اي احسن لقاه waiting ..الحركه اللي تغث الجميع هههههههههههه
مها: يلا زيييييين ذلفي لا يسكره..

وانهت مها مكالمة شوووق...وردت على بدر..اللي كان نااطر ..خط ثااني..

مها( بدلع): هلا حبيبي
بدر: من كنتي تكلمين؟!
مها: رفيجتي شوق..شفيك امعصب
بدر: شتبي هاذي
مها: وااي قاعده تسووولف
بدر: وينج من الصبح مادري عنج
مها: شواقه صايرلتها سالفه وقاعده اساعدها عشان تحلها وآسفه حبيبي بس صدقني مو ناسيتك
بدر: حبيبج ها
مها: حبيبي وعمري وحياتي وكلل دنيتي
بدر: بس بس بس..اناا بطلع الحين
مها: شهالنفسيه..وين رايح بدر؟؟
بدر: الدوانيه
مها: واااااااااي لو الله يفكنا من هالدوانيه جان مرتاحين
بدر: اكلمج بس ارد

بدر كان امعصب واهوا من النوع اللي اذا حب الشي يحب يمتلكه كله كله كله ويكون له وحقه برووووووحه فا مو شي غريب اذا تنرفز من الwaiting عقله صغير من هالناحيه

مها: الله معاك باي
بدر: لحظه
مها: نعم
بدر: زعلتي؟
مها: ليش ازعل؟..انت قلت شي يزعل؟؟؟
بدر: لأ
مها: خلاص عيل بااي
بدر: لحظه ( وبصوت عالي) قاعد اكلمج انا الحين
مها: نعم..شتبي
بدر: شبي ..؟
مها: ايييي شتبي
بدر: الشرهه علي تدرين...يلا باي
مها:لاتعال لحظه لاتسكره
بدر: هلا
مها: احبك
بدر: وانا بعد
مها: وانته بعد شنو؟
بدر: وانا بعد احبج
مها: فديييييييييييييييييييييييته حبيبي والله احبه احبه احبه احبه
بدر: ثقلي ثقلي...ويلا اكلمج بس ارجع
مها: حبيبي ديربالك على روحك..
بدر: انشالله يابعد روحي
مها: يلا باي
بدر: باي


نزل بدر لقى مناير وامها و العله نــــــــــــوره......اذا ذاكرينها...

شنو صار؟؟؟

 

[Asrarie]

الجــــــــــــزء الخــــــــــامس ...
*********************************

نزل بدر لقى امه و دانه اخته.. مع مناير و نوره بنات عمه مبارك ياييين مع امهم...امهم مره كبيره ...غير متعلمه التعليم الكافي...اللهم تعرف تقرا و تكتب...مره على نياتها ..واللي بقلبها على راس لسانها...

بدر: السلام عليكم
ام مناير:وعليكم السلام والرحمه هلا بولدي بدر
بدر: هلا خالتي...شلونج شلون صحتج
ام مناير: والله بخير دامكم بخير وبعافيه
بدر: شلونكم بنااات
نوره: بخيررر
مناير: الحمدلله تمام
بدر: خالتي خلصت اوراق مناير وانشالله من السنه اليديده تداوم بالمدرسه اللي اختارتها
مناير: وافقوا على المدرسه اللي اخترتها آنا؟
بدر: اي وافقوا
مناير: فرحت قلبي الله يفرحك صج صج صج كنت متضايقه ..مشكور بدر وماتقصر
ام مناير: عين السيح بدر مايقصر ولا يرد احد الله يخليك لأمك وخواتك
بدر: تسلمين خالتي ولو ماسويت شي ..يلا توصون شي؟
ام مناير: وين رايح بدر؟
بدر: والله مشوار ..ليش تامرون علي شي؟
ام مناير: اي بغيت تقعد شوي
بدر: هاذا انا ..وقعدت...بس اقعد؟؟..تامرين امر خالتي
ام مناير: مايامر عليييك عدووو قعدتك ماتنمل..بس اذا شغلتك مهمه حيل توكل
بدر: لا قعدتكم اهم
ام مناير: ماكو احلى من قعدة الاهل و الجمعه يابدر الانسان شماخذ من هالدنياا
بدر: اي والله ياخالتي كلامج كله عدل
ام مناير ( قعدت تحوس جنه براسها شي وحجي ودها تقوله...)
ام بدر حست بهالشي وقالتلها: شفيج فوزيه ((( فوزيه = ام مناير وزوجة عم بدر مبارك))...جان ودج تقولين شي لا تستحييين انا اختج و بدر ولدج...ومحد غريب
ام مناير: والله يا ام بدر..كاج قلتيها..انا حسبة اختج ويعلم الله بمعزتج اللي بقلبي..والله شاهد على انج اقربلي من خواتي نفسهم
ام بدر: تسلمين يالغاليه احنا خوات من عمر فهمتج من عيونج و حسيت ان في حجوه(كلمه) تقرقع بقلبج ..قوليها يا فوزيه مامن غريب
ام مناير: والله يا ام بدر يقولج الكلمه اللي تستحي منها بدها ..وانا ببدي كلمتي...بدر وحسبة ولدي..ويعلم اللله اني اعزه ومستثنيته عن الباجي دايمن كنت اقول بدر غير و بدر غيررر..وعسى الله لايغير عليه انشالله
ام بدر: آآمين انشالله
ام مناير: اللي بغيت اقوله ياوخيتي( يااختي)..مناير بنتي ماعليها قاااصر والحمدلله كاهي تشتغل وعندها شهادتها ...وبدر حليو ويدخل القلب ومن اهما صغار وانا اتمنى بدر زوج حق مناير...ها وليدي بدر شقلت........

مناير...قامت وقفت من شدة الصدمه..ماتوقعت هالتصرف من امهاااا!!!!..كانت كل علامات الصدمه باينه على ملامحهااااا.....كانت نظراتهااا مو ثابته..تطالع امهااا و بدررر و نوره و ام بدر......: يمه شنووو هالحجي انتي شقاعده تقوووولين
نوره تدخلت قامت و صرخت بصوت عالي: يمه شفيييج انتي

بدر طالع امه ومناير و قام وقف وقال لمناير:: مناير خالتي ماقالت شي غلط
مناير(تبجي وبصوت عالي قالت): شنوو ماقالت شي غلط...انت سمعتها شقالت؟؟؟..بتخطبني لك؟..
بدر(بتردد وحروف متقطعه): بتخطبج لي...خالتي حسبة امي وماقالت هالشي الا واهي نيتها خير لنا...وانا اقولج ياخالتي ان يشرفني هالشي...

مناير ماقدرت تستوعب اللي صار..او تقعد ثانيه وحده ببيت عمها...
مناير(تبجي): قومي يايمه نرد البيت...
ام مناير( فوزيه): شفيج يامناير تبجين...انا ماغلطت يايمه..مسحي دموعج غاليه علي حيل
مناير(تبجي):لو كنت غاليه عليج جان مااابعتيني بهالطريقه...قومي نرد البيت
ام بدر: عيب مناير انتي شقاعده تقوووولين تعوذي من ابليس ....كلمه وقالتها فوزيه ...جانج موافقه قولي خلينا نفرح...
مناير: بس مو بهالطريقه ياخالتي...مو بهالطريقه..(((( وتبجي)))))
ام بدر خزت بدر بقوه ..بدر نززززل راسه....بس موقفه كان اقووى من انه يرفض...خاف على مشاعر منايرررر اللي بدت تنهار جدام عيونه من الفشله و الموقف البايخ الللي حطتها فيه امها....: مناير..ماراح ألقى احسن منج..

نوره: انت شقاااااااااعد تقول..ماتبيك ياخي افهم
ام مناير: انجبي انتي لي حجوا الكبار الصغار ينطموون انجعمي بس وسدي حلجج
مناير: شلي قاعد يصير؟؟ليش جذي ..ليش؟؟؟؟
ام بدر: سمعينا رايج خلينا نفرح واللي صار انشالله ماوراه االا كل خير...لاتصيرين حساسه يابنيتي...واحنا اهل ..وانا حسبة امج فوزيه...
بدر( حس ان الموضوع صااااار صجي.............ومها يابدر ...مها!!!...)
فزت دانه من مكانها و وقفت

كان وده يصرخ بصوت عالي و يوقف المووضوع.بس خاطر امه يسوى عنده الدنيا ومافيهااا...اي يايمه اي.....عشان خاطرج يايمه ..ببيع خاطري...وراحتي...........و ...و ...واحساسي...

مناير( هدت شوي):يمه خلينا نروح الحين ونتفاهم بالبيت
ام مناير:على راحتج ..مع ان مامن غريب هني.....يلا يا ام بدر...انشالله الله يكتب اللي فيه الخيرررر...
ام بدر: وانا ماراح القى احسن من مناير جنه لي....وتوني قبل يومين تكلمت مع بدر بهالموضوع...

ابتسمت مناير بس االاحراج بان عليها..كل ماتذكرت الموقف البايخ اللي انحطت فيه....
طلعت مناير و لحقتهااا نوره....
وعند الباب..
نوره: انتي من صجج بتوافقيييين .؟؟؟؟ انتي اكبر منه...ينيتي...رفضيه مناير....باجر بيعايرج بيقوووولج امج باعتج لييي ..رفضيه صدقيني منايررررر احسنلج والله احسن لج
مناير كانت ساكته ولا كلمه..وماعبرت عن رايها ابد...
لحقتهم امهم بعد ماسلمت على ام بدر و بدر.....
واول ماركبت فوزيه ( ام مناير) السياره...انفجرررررررت مناير من البجي...بدت تبجي بقهرررررررر حست بالذل و الاهانه حست بأن حجمها صغيررر عند امها...بهالطريقه يايمه ...بهالطريقه ؟؟...جذي يايمه جذي ترخصين فيني.....ليش يايمه ليش..ليتني مت قبل لا ايي هاليووووم..ليتني مت...آسفه يابدررررر..آسفه...انحطيت بموقف باايخ مثلي.......والله مو ذنبي واللله مو ذنبي.....ليتني مايييت ...آآآآخ يايمه ..............


ام مناير: تعوذي من ابليس يايمه اناااا ماسويت جذي الا لأنج غاليه علي وماراح ألقى احسن من بدرررر زوج لج اهدي يايمه اهدي و مسحي دموووووووعج....

مناير ماردت على امهااا ...وماقالت ولا كلمــــه...بس صوتها واهي تبجي كل ماله و يزززززيد...تحس بحرقه بقللبها..ونااار محد يقدر يطفيييهاااا...آآآآآآآآآآآآآآآخ يايمه ليش جذي .....

نوره: انتي شسووووويتي..خربتي كل شي..مو حرام عليج تفرضين عليه يتزوج مناير...واهي اكبر منه و يمكن يكون مايبيها...مو حرام عليييييج تفشلين بنتج و وتصير حالها حال اي شي رخيص عندج تهدينه للغير...عيب يايمه اللي سويتيه والله عيببببببب

ام مناير: انتي تسكتييييييييييين ماتتحجييين....وليش ماتبيه منايررررر ليش...وفرق العمر ماهوو عود (( كبير))...والريال جامعي وبعد سنه يصرف على نفسه و يقدر يفتح له بيت بعد....وين يلقى احسن من مناير جمال ودلال واصل و فصل و فوق كل هاذا ولد عمج....اولى من الغريب يايمه..باجر لي خذيتي الغريب شلون بتعيشين معااه..ع الاقل احنا فاهمييين اطباعه و عارفيييين اخلاقه و قريب و رابي بينكم...ليش يايمه كل هالبجي ليش...يشهد الله اني ابيلكم الخير والأحسن..احنا الكبار نشوف اشياء انتوا ماتشوفونها ولا تفهمونها..احنا فاهمين بالحياه زين..وعارفين ان الانسب للبنت ولد عمها...

مناير كانت تبجي وتحاول تركز على طريجها واهي تسووووق..تلطخ ويهها بالكحل امختط بدموع القهر و الذل....وصارت تتنفس بصعوووبه...

نوره: تشوفووون اشياء.؟؟..هاذا اكبر دليل على انج خرفتي يايمه...خرفتي..ولا شلون تحطين بننتج بهالموقف..شلوووووووون
ام مناير: قلتلج تسكتين ولا اربيج من يديد بهالنعال على رااااسج يالمو متربيه....احنااا مو غرب انتي ماشفتي شلووووون بدر استانس انا سهلت عليه الأمور ادري فيه خجول...وانا مافيني صبر انطر

نوره: الا انبطت جبده وانحرج وماعرف شيقول واللي قاله..يقوله كل واحد ينحط بهالموقف يمه...اصحي يايمه الريال باين عليه مايبيها وانتي فرضتي مناير عليه غصب وعشان جذي قال هالحجي....مناير لا توافقين خلج ثقيله قدرج عالي مو رخيص عشان تبيعين روحج بهالطريقه.........

صراخ بجي ...ونقاااش حار..طول الطريج...لين وصلوا بيتهممم بالنزهه...نزلوا و اول ماحطت مناير ريلها ع الارض.............حست الدنيا صارت بيضه فجأه....
عوار براسها غريب.....اذنها انسدت فجأأأه..دوران ...دوران....كل شي صار يدور حوولهااا....والصوره ماعادت واضحه.......

وطاحت مناير...

 

[Asrarie]

وبالروضه...

بدر حاط ايده على راااااسه...وحس بالنااار تحرق قلبه..وعقله قاعد يعيييد الموقف اللي من دقايق صار جدام عيونه ...

دانه(بصراخ): شنو هالاسلوب وهالطريقه البدائيه ....بدر اذا انت ماتبيها تكلم هاذا مستقبلك وانت بتعيش معاها طول العمر..لا تفرض على روحك وحده انت ماتبيهاا..حرام تظلمها معااك..تنجرح الحين..احسن من انها تنجرح بعدييين..وانت ريال..كلمتك عندك...تكلم ليش ساااااااااكت...

ام بدر: ماعليج منه اهوا بغاها ووالريال ماينجبر على شي مايبيه..لو مايبيها جان ماقال لها ماراح ألقى احسن منج.....

بدر كان قاعد وسارح بقوه وامه واخته ذبحووووه بالحجي اللي كل دقيقه يتغير....مو عارف شيقووووول مو عارف شيقرر...وفجأه
بدر(يصرخ): بــــــــــس!!!..مو ناقص الا يعطوني المهر ويقولون لي جهز روحك للزواج...
ام بدر: اسكت بس اسكت ..انت مو عارف شي..مناير انسب وحده لك...وانا امك واعرف شلي يناسبك واللي مايناسبك...بتكسر بخاطر البنت؟؟؟..بتبيعها؟؟.. بتفشلني عند فوزيه؟؟؟..بتفشلني يابدر..شقول لها ...شقول لها قوولي رد علي...قبل كان رايك مهم قبل اللي صار قبل شوي..بس الحين انت مالك راي ....مالك غير مناير يابدر..واللي يعافيك لا تحطني بموقف انا مو قده..ماراح اقدر احط عيني بعينها يابدر ...صدقني البنت مناسبه لك ..من ناحية الجمال حلوه..والشهاده اهي جامعيه..شتبي اكثر يابدر شتبيي..
بدر ترك امه و صعد غرفته....حس الدنيا تدوور فيه...
انشالله يارب ماتوافق....يارب ماتوافق...انا شلي خلاني اقعد لو طالع مو احسن..لو مو نازل من الاساس مو احسن..ليتج يامها قلتيلي انثبر لا تنزل جان اهون من اللي صارلي الحين ..شنو هاذا شلي قاعد يصير..انا ماصدقت ألقى الانسانه اللي حبيتها..تطلع لي مناير وامها....انتي من وين طلعتيلي...من وووووووين...وانتي يا خالتي الله يهداج شفيييييج بهذلتينا عفستي البنت و عفستيني...

مسك موبايله قرر يدز مسج حق مناير يكتب لها فيييه اني ما ابيج... وانج اخت مو اكثر بالنسبه لي...كان تحت تأثير الصدمه ..خايف ينجبر ياخذها...ومها..آآخ يامها..ومها شقول لها..ومها ما اتزوجها يعني؟؟..مها حياتي ودنيتي واول حب لي ..يروح..كل اللي بنيته يروح جذي بلحظه..

ادري هالكلمه جارحه حيل..آنا آسف يامناير...آآآآسف...ما اقدر اربط روحي فيج وانتي حسبة اختي سااره..ما اقدر يامناير ما اقدر استوعب هالشي.......... ما اقدر يامناير...
انا اللي ابيهاااا اسمها مها...اسمها مها ....فديت كل مافيها ..فديت روحها وقلبهااا.....فديت احساسها ...اعشقها يامناير اعشقهاااا....ما اقدر اترك حلمي ..عشان حضرة شعورج....ما اقدر يامناير ما اقدر......




==============================

منايررر كانوا حواليها السسترات...مجرد اسعافات اوليه بسيطه....رفعوا ريلها شوي فوق...عشان الدم اللي تجمع بريلها ....وعطوها ابره.....وبللوا ملامحها بالمااي....فتحت مناير عينها ...صوره موواضحه....بعد ثواني تجمعت الصوره بعيونها....وشافت امها يمها..اللي فزت من مكاااانها....
ام مناير: سلامات يمه.....سستر شفيها مناير؟؟
سستر: شوية هبوط خليها ترتاح شوي ووبعدها تأدر (تقدر) تروح البيت
ام مناير: الله يطمن قلبج...يمه مناير سامحيني ..سامحيني يمه ...والله ماكنت داريه ان هالشي بيكون صعب عليج...توقعتج تفرحين يايمه والله آآسفه


مناير( تذكرت الموضوع و بدت تبجي بس بهدوء هالمره ): يمه خلاص اللي صار صار.....
وطقت على ملاحهاا بأيدها حييييييييل و بقوه وبحسره

نوره: خلاص رفضيه منايررر.....لاتوافقين عليه خلاص
مناير سكتت مانطقت بحرف
....غمضت عيووونها.....

وبعد دقايق...لبست شيلتهاااا بعد ماا لمت شعرها اللي كااان نازل على ملامحهاااا..وقامت من السرير.......
وراحوا وراها امها و اختهاا....
ركبوا مع الساااايق.....حطت راسهااا منايررر بين ايدها..طول الطريج ...وكانت تبجي بهدووووء....

دخلت البيت ...

مبارك( بو مناير): عسى ماشر يبه...قولولي شصاااار...شفيج يبه شفيج..
مناير مانطقت بولا حرررف...
ام مناير: خلها مبارك خلهااا...خلني آخذها غرفتها ترتاح
مناير: مافيني شي اقدر اصعد بروحي..

بعد ماصعدت مناير غرفتها
نوره: يبه يمه فشلتناااااااا ليتك كنت موجود وشاااااايف امي شقالت..ليتك سامع الحجي اللي صار تووووه
مبارك( ما اهتم لكلام نوره ): فوزيه علميني شصار ببيت اخوي...؟؟..ردي تلفتي اعصاااابي...

فوزيه: مبارك انت عارف بدر ولد اخووك ريال وحشا ماكو منه اثنين
مبارك: ومعناة الحجي؟؟
فوزيه: كل اللي قلته لبدر...بغيتك لمناير
مبارك: وشقال بدر
فوزيه: قال ماراح القى احسن منها زوجه لي
مبارك: عيل ليش هالنجره والصياح ؟؟
فوزيه: يقولون فشله
مبارك:تركيهم عنج زين ..يهال ومايعرفون مصلحتهم وينهي...وبدر من زمان انا بغيته لمناير..ودامج قلتيله هاذي الساعه المباركه والله

نوره: انتوو شكلكم ينيتوا خرفتوا وبتخلونا نستخف من سواتكم ....بعتوا البنت بهالطريقه...والريال غصبتوه..والله حرام عليكم...بالله الريال ما يبيهاا..

مبارك: انتي آخر من يتكلم...اختج ماعليها زود...وبدر بعد ماعليه زود..والاثنين مناسببين لبعض


نوره: شنو مناسبيين انت من صجك يبه...يمكن روحه ماتبيها ماتشتهييييييها

مبارك: سكتي لا ألسب هالعقال على ظهرررررج والله ماعرفت اربيج ..شوفي بنتج شتقول فوزيه

فوزيه: سمعت يامبارك..هاذا غير الحجي اللي سمعته منها طول الطرييييج...غثتني و حرقت قلبي يامبارك

مبارك: انتي مالج علاقه بهالموضوع..وان سمعتج نطقتي ماتلومين الا نفسج..بدر ماياخذ ااالا مناير..ومناير مالها ريل غير بدر...


مناير صعدت غرفتها وقفلت الباب..ولما صارت بروحهااا..قطت الشيله و فتحت شعرررها..اللي نزل على ظهرررها...تذكرت اللي صار...ماكاااان عندها غير البجي..الصدمه خلتها ماتعرف شتقووول..

لكن ...وصل لها مسج...قطع نوبة البجي اللي غرقت فيهاا....فزت ..مسحت دموعهااا...

خذت تليفونها..ولما صار بين ايدهاا..
رسالة جديدة : 1

(( السلام عليكم....اللي بقوله يجرح حيل..بس صدقيني انتي حسبة اختي ساره.. عزيزه وغاليه

 

[Asrarie]

الجزء السادس,,,
******************


انتي حسبة اختي ساره...عزيزه وغاليه.......))

تجمعت بعيونها الدموع من قرت اول كلمه...وآخر كلمه..كانت طعنه..مو جرح....خذت نفس طوووووووووووووووويل حطت راسها بين ايدينهااااا : ليش يايمه ليش..

حست ودها تصرررخ..حست بأحساس كل بنت تنحط بنفس موقفهااا..حست بالاهااانه....انتي حسبة اختي سارة!!..انا آآآسفه يابدر آآنا آآسفه...

ردت عليه بمسج::
( وانت حسبة اخوي فيصل...آسفه على اللي سوته امي..بس مره كبيره ولا تلومها..)

دفنت راسها بالمخده وحست بدموعهااااا حآآآآآآره تنزل على ملامحهااا ...وتحرقها...
تبللت المخده بدمووعهااا..ليش يايمه ليش..هاذي الكلمه الوحيده اللي كانت تطلع من لسانها...حاولت تكتم صوت آآهاااااتها بس دخلت عليها امهااا...

فوزيه: يمه مناير...يمه انتي ليلحين تبجيييين..انتي شفيج يايمه شفييييج ..أللي صار مايسوى كل هاذا..ويفرح اكثر من انه يبجي..انا معاج انه الموقف شوي كان محرج بالنسبه لج..بس لو كان مع غير ام بدر ...جان قلنا...بس ام بدررر اختي يايمه اختي...وبدر اهو نفسه بدر اللي تربى ببيت واحد معاااكم قبل لا نفترق بالسكن...

مسكت بنتها و ظمتها على صدرهاا...
مناير: بدر قال مايبيني يايمه
فوزيه: الريال قال ماراح يلقى احسن منج بس ييايمه بس عورتي قلبي...انشالله باجر بيي يخطبج من ابوج ..
مناير: يمه بدر قال مايبيني
فوزيه: يمه الصبي ماقال مايبيج
مناير: قالها يايمه قالها....( عطتها تليفونها)..شوفي يمه شقااال..( وزادت بالبجي)..
فوزيه: شنو هاذا ما اشوف يمه شكاتب بدر
مناير: يمه يقول اني حسبة اخته(وتبجي )
فوزيه:وهاذي الرساله متى دزها
مناير: قبل شوي يايمه...خلاص تكفييييين خليني طلعي وخليني
فوزيه: لالا شكله ين الصبي..يرفضج انتي..صج مايستحي على ويهه..لا ودازلج رساله بعد...خلاص يايمه من باعج ابيعه ..بس يمه مسحي دموعج
مناير: شعقبه يايمه شعقبه..خليني الحين خلييني ابي انام بس طلعي بره...



فوزيه طلعت من غرفة بنتها واهي حاسه بالذنب...تسرعتي يافوزيه تسرعتي..لو اني مستشيره امه قبل لا انطق جدام الكل..جان يمكن موقف بنتي كان احسن....آسفه يايمه آآسفه..والله مانويت الا الخير..والله عالم بللي في قلبي لكم..والله اني ابي لكم الخير و السعاده...آآآخ يايمه....

=======================================


شوق كانت وسط الحريم في حفلة استقبال ولد خالتها حمد ..من كلية الشرطه..في بيت خالتها بالسرداب...كانت الحفله كبيره وفيهااا حريم من كل المستويات والاصناف..والشاطره من البنات تكسب رضا وحده من هالحريم عشان تفكر فيها زوجه لولدها..
لكن شوق قلبها كان يقول ابي واحد بس...ابي حــمـــد..
شوق كانت تبتسم للكل وتسلم وتوجب..


وحده من المعازيم كانت طول الحفله تطالع شوووق..ومراقبتها في كل تصرفاتهاا..
في الدوانيه كانوا االرياييل مجتمعيين يباركون لــحمد..كان شاب مبتسم و بشوش...

مازالت هالمره تطالع شووق و تخزهاا من بعيد لي بعييييد....لين سألت وحده يمها....: من بنته هاذي؟؟
وحده من المعازيم: بنت غانم اللي رحنا عزاه قبل سنه
ردت عليها: امها مشاعل السمره اللي بكل حفله نلقاها؟؟
ردت الثانيه: اي هاذي امها...


شوق كان الموبايل على اذونها تكلم مها....
شوق: ماشفته ليلحييين
مها: وشناويه تسوووين انتي..عن الينون تكفين
شوق: لأ ..انا دارسه هالشي سنين ومضمون
مها: قوليلي شبتسوين...خليني انصحج او اساعدج
شوق: ساعدي روحج خليني انا اضبط روحي بروحي..
مها: وي مالت عليج خليني ادق على بدر احسن لي يلا باي
شوق : باي
مها: قولييلي شيصير معاج اول ماتخلصيييين..
شوق: انزين يلا باااي..

بعد ماسكرت مها من شوووق..قررت تدق على بدر اللي لا حس له ولا خبر من 4 ساعات!!

بدر اول ماشاف رقم مها نبض قلبه من يديد وبده التفاؤل يدخل قلبه..ابتسم وقال ..عسى الله لايحرمني منج يامها...وماتكونين زوجه لغيري...والله لأوريج السعاده على اصوولها وبنعيش احلى ايامنا مع بعض...

بدر: ألوو
مها: هلا حبيبي..وينك لا حس ولا خبر..ليلحين انته بره
بدر: لا ماطلعت
مها: ليش بدر مو قلت بتطلع..حبيبي فيك شي؟؟صوتك مو طبيعي!
بدر: لااا مها مافيني شي شوي متضايق
مها: اي باين ..يلا حبيبي قول لي شفييك عن الدلع
بدر: مشتاقلج
مها: اووله اووله يالجذاب ..قول شفيك خلصني لا تقص علي
بدر: متهاوش مع واحد من الربع وخلاص انسي ..
مها: اهاا..لايهمك حبيبي..انشالله تتراضوون
بدر: يولي الخسيس
مها: لالا بدر مو جذي عاد..بتقول هالحجي قوله لما اسكره
بدر: انززين..شكنتي تسوين
مها: اكلم شوق
بدر: بليييييييييه بعد شوق
مها: حبيبي شوق نصي الثاني
بدر: وآنا؟
مها: انته انا
بدر: انا شنو؟
مها: إنته آآنا..وآنا إنته
بدر: يابعد طوايفي وهلي وكل ناسي احبج يامها احبج
مها: اموووووووت فيك
بدر: ماراح اخليج مها
مها: فال الله ولا فالك شياب طاري الفراق الحين
بدر: كلمه كنت بقولها..والحين قلتها وانا مرتااح
مها: عسى دوم مرتااح حبيبي
بدر: وعسى الله لايحرمني من وجودج بحياتي
مها: وعسى الله لايغير علينا حبيبي
بدر:آآمين ياقلبي

+++++++++++++++++++++++++++++++++++++++++++

 

[Asrarie]

شوق طلعت من الصالــه اللي كانت تظم اكثر من 60 مره.....راحت صوب مدخل الدوااانيه ....كان فاضي كل الرياييل كانوا داااخل...هني طلع عمهااا وليد....
وليد: شوق!!...شتسووين هني؟؟؟؟؟
شووق: ها...طلعت ..طلعت بتكلم بالتليفون ..ازعااااج داااخل
وليد: يلا دخلي داخل ..لا اشوفج هني
شوق: انشالله عمي...

ابتعدت شوووق ...وراقبت عمها من بعيد ولما دخل....دقت على حمد....هاذا الوقت المناسب ياشووق...لازم اللي ابيه يصير.....

حمد كان داخل بين الريايييل ..ضحك وسوالف..والكل يبارك لــه..ماسمع صوت موبايله ولا حس فييييه....

شوق...تكفه رد ...تكفه رد...تكفه ياحمد رد ...

حمد واخيرا سمع صوت الموبايل..ولما شااف رقم شووق...عفس ملامحه ...ورد بنفسيه بعد ما ابتعد شوي عن الرياييل: نعم...شتبين داقه...

شوق: انا عند الباب ..اطلع بكلمك
حمد: انتي من صجج!! سكريه يلا سكريه ولا تدقين مره ثاانيه
شوق: موضوع يهمك حمد
حمد: مايهمني اعرف شتبين..يلا سكريه
شوق: بنطر 5 دقايق اذا ماطلعت راح امشي
حمد: بللي مايحفظج
شوق: حمد بقولك كلمتين ماعجبوك خلاص ..وما ادق مره ثاانيه
حمد: بلييييييييييييه ..يلا كاني طالع لج....
شوق: يلا ناطرتك

+++++++++++++++++++++++++++++++++++++++++++++

ام بدر كانت قاعده مع ابو بدر بالغرفه....وبدوا يتكلمون بللي صار اليوم
بو بدر: لا ابد ماغلطت فوزيه...وين بنلقى احسن من مناير
ام بدر: قول لولدك هالحجي
بو بدر: ولدي مايرد لأبوه طلب...وانشالله باجر اكلمه ..
ام بدر: كل خوفي يابو بدر يفشلني عند المره و يرفض البنت..والله ساعتها مادري شلون راح اجابل فوزيه مره ثااانيه
بو بدر: لا يا ام بدر ولدج بدر فاهم و عاقل و متعلم وماظنتي يرفض بنت عمه اللي تربت معااه ..نعرفها زين و نعرف اخلاقهااا...
ام بدر: ان وافق بدر والله لخلي الكويت كلها تتكلم عن عرسه ..
بو بدر: مايصير الا الخير انشالله..


++++++++++++++++++++++++++++++++++++++++++++


شوق كانت على اعصاابها و ناطره حمد...وكانت متوتره و تتلفت خايفه احد يطلع و يشووووفهااا...
بعد دقايق طلع بدر من الدوانيه وراح صوب السيارات....كان مستعيل...شاف شووووق نازله لكعبها اللي لابسته و تحاول تسكره لأنه فلت.....كانت متعمده تسوي هالحركه جداااامه.....رفعت راااسهااا...ولما شافهاا...

تبلعم ..هاذي شمسويه بروحها!!..
شوق: هلا حمد..تقدر تاخذني مشوار
حمد:اي مشوار انتي ينيتي
شوق: الموضوع اللي بكلمك فييه ماينفع اكلمك فيه هني..اخاف احد يمر ويشوفنا
حمد: انتي من صجج تتحجين؟؟!...اترك الريااييل واطلع معاج انتي؟! خبله انتي خبله
شوق(( بدلـــــــع))...:خلاص اشووفك باجر و نتفاهم
حمد: شوق خلصيني شتبين قولي ..ولا تدرين..انا الغلطاااان اللي طالع حق وحده خبله مثلج...
شوق:لالاالا لحظه حمد لحظه ...(تمسكه من ايده)........



حمد طاحت عينه بعينها فتره وقعد يطالعهاا...: لو سمحتي ايدج وخري بعيد الواحد ااذا بياخذ ذنب ياخذه على شي يسوى
شوق: انته ليش تكرهني؟! انا شسويتلك..يعني عشاني حبيتك قاعد تكااااابر ..ليش ياحمد ليش
حمد: اكرهج ما ادانيييج تلوع جبدي لما اشوفج ...الله يلعن الساعه اللي صرتي فيها بنت خالتي....ماتشرفيني ولا ابي اشوف هالويه الخايس مره ثااانيه...ذلفي عن ويهي يلا...وان دقيتي مره ثاانيه لاتلومين الا نفسج..


تركها حمد و دخل....صدمة شوق خلتهااا توقف بمكانهااا بدون اي حركه وبدون لا تنطق كلمه وحده.....

بعدها ركضت دااااااخل تبجي.........بس دعمت اختها ..ابرار..
ابرار: عمى شفيييج ..منو طاقج ؟؟؟؟
شوق: ابرار نادي امي خلينا نمشي....تكفين دشي ناااااديهااا بسرعه
ابرار: زين زين زين الحين اناديها...( اخترعت ابرار وحست ان اختها فيها شي..وشي جايد بعد)..

قعدت شووووق على عتبة الباب...حاطه راسها بين ايدها تبجي بحرقــــه..
ليش ياحمد....تجرحني بهالطريقه.....وانا اللي سويت كل هاذا عشانك.....ليش ياحمد ذبحتني..ذبحتني الله ياخذك ذبحتني....الله لا يوفقك وين ماتروح يالحقير...الله لايوفقك ياحمد...وين ماتروح....الله ياخذك ياحمد ياخذك....آآآآآآآآآآآآه ليش يصير معاي جذي ليش.....

ام شوق: شوق و ويعه شفيج تبجييين ..احد قط عليج كلمه ..قوليلي اقوم ابرك عليه الحين
شوق: يمه بروح البيييييييييييييت يمه تكفين خلينا نروووووووووح
ام شوق: وشقول حق خالتج انتي ينيييتي ..قوليلي شفيييييج وانا اعلمهم لج
شوق: يمه خلاص ما اقدر اقعد هني ثانيه وحده تكفين يمه خلينا نروح تكفييييييييين( ولمت امها))
ام شوق: بس يمه لاتبجييييييين انا اعتذر من خالتج واطلع الحين بس لحد يشوفج تبجين ..مسحي دموعج يمه ..
راحت ام شووووق ودخلت داخل
ابرار: شوق شفييييييج لاتبجين قوليلنا شفيج وانا وامي نروح نراويهم...
شوق: ابرار حمد مايبيني حمد قال اني ألوع جبده ...يقول يكرهني يا ابرار يكرهني.....
ابرار: من زمان قايلتلج انه خايس و مغرور والله ماعنده ذوق هالجيكر ...خليه يووولي والله اهوا اللي مرده بيحس بقيمتج ويندم
حظنت اختهاا واهي حاسه بمنتهى الاهانه حست بروحها بتطلع...حمد اللي نطرته طول هالسنين منعت قلبي من حب غيره..حرمت روحي من كل شي..عشان اكون الزوجه المثاليه اللي يحلم فيهاا...سويت كل شي عشان يرضى علي و يحس بحبي ...ليش يصير معاي جذي ...آآآآآآآآآآآآآه ...


طلعت ام شوووق و خذت بناتها اسرار و ابرار ...وركبوا السياره مع شووووق....
ام شوق: يلا..قوليلي شفييييج ردي علي لاتسكتين
شوق: مافيني شي يمه مافيني شي ((( وزادتت وناتها..)))
ام شوق: شفتي حمد يمه
شوق (( زااااااااد بجيهاا و عرفت ام شوق ان اللي ببنتها اسبابه حمد..حمد اللي عمره ماحس بحب شوووق و قدرها ...اللي على طول كااان يستهزء بمشاعرها و يجرحهاااا...حتى يوم وفاة ابوها..الكل تعاطف معااهاا.. ..الكل وقف معاهاااا بعد مافقدت اغلى انسان على قلبهاا..ألا حمد..تدرون شقال؟..قالهااا ياشوق عظم الله اجرج ولو انتي رايحه بداله وايد احسن!!...بكل برود و وقاحه واستحقاار..ماتدري شنو مصدر هالكره كله..ماتدري ليش حمد حاقد عليها جذي....هل لأني عطيته قلبي واحساسي..بدون تفكير...هل لأني كنت مستعده ابيع نفسي له...هل لآني سمحت له يجرحني مره ومرتييييييين....))


وصلوا البيت...ونزلت امها و نزلوا خواتهااا ودخلوا قبلهاا....
شوق قطت الكعب...وداخلت حافيه....كان حيل يعورها وتحملت العوار طول الحفله ..عشان حمد..عشان تعجبه ...عشاانه بس عشانه.......
ونواف كان يطالعها من بعيييد...حس انها متضااايقه و قرب منها:شوق
شوق طالعته بنظرة استحقااااااار وكملت طريجها
نواف: اوقفي سمعيني بكلمج
شوق( بصراخ): انت شتبي وخر عني وخر عن حياتي ياخي حس ماعندك كرامه ماعندك احساس
نواف( ابتسم ابتسامه بارده):شوق...اللي يحب للأسف ينسى كرامته
شوق: وشتبي الحين ياي تعلمني بالحب
نواف: ياي اقولج ابيج
شوق: اكل تبن واذلف عن ويهي مو ناقص الا...ولا اقول ماني قايله ..انت عارف روحك شنوو..وهاذا آخر انذار لك ان اعترضت طريجي مره ثااانيه راح اعلم خوالي يخلونك بيزه ماتسوى..وانت من الأساس ماتسوى
نواف: شوق انا معاشي ماعاد مثل قبل...زادوني اميه الحين وصار 400 دينار....واذا خذيتج اقدر اصرف عليج..صار عندي فلوس..مو مثل قبل
شوق: رقوك حبيبي...لايكون صرت ترقص بالاعراس بعد...اقول ..روح سخن الطيرااان روح حبيبي روح...

دخلت شووووق البيت ..وركضت غرفتها تبجي....
نواف تجمد بمكانــــه..حس يانواف حس..البنت اهانتك..حس..كافي ياشووق كافي...كرهت روحي ودنيتي..انا شنو ذنبي اذا الله خلقني فقير وعلى قدي....حاولت و حاولت و حاولت و حاولت و مازلت احاول اصنع نفسي ..اكون لي ذات بس عشان تحترمييينها...اكون لي شاان تحطين له اعتبار...هاذا كل اللي ابيه منج ياشوق..والله حرام عليج..رحميني ياشوق رحميني...رحمي قلبي الللي ياما نزف جروووح والسبه انتي ياشوووق....نسيت كرامتي نسيت كل شي...بعت عزة نفسي عشان اكسب رضاج..شتبيني اسوي اكثر من جذي ياشووووق...شتبيني اسووووووووي...دمعت عينه دمعت قهر...بس لازال مبتسم ابتسامته اللي اعتاد عليها..ابتسامة قهر و سخريه من القدر القذر اللي لازال يسكر بيبانه بويهه وين ماراح...هاذا انت يانواف بتعيش ذليل و بتموت ذليل ..وعمره محد راح يحطلك شان....

 

[Asrarie]

الجزء السابع,,,



كانت ليله صعبه على بدر ومناير وشوووووق....مها كانت طول الليل تدق على شوق بس للأسف ماكانت تسمع غير [ الجهاز مغلق او خارج منطقة التغطيه يرجى الإتصال في وقت لآآآحق]..

بدر: شفيج مها ؟؟ صوتج تغير فجأه

مها: احاتي شوق...امسكره جهازها ومادري شصار عليها

بدر: بعد شووووووووووووق..مادري متى بنخلص منها..يمكن طافي واهي نايمه مافيه شحن..لاتحاتينها انشالله باجر تكلمج

مها: قلبي ناغزني هالمره يابدر..احس صارلها شي

بدر: شبيصير لها يعني...مايصير الا الخير انشالله نامي ياقلبي غمضي عيوووونج..

مها: وانته..بتنام؟!

بدر: اي دامج نايمه اكيد بنام...وتدرين بعد ..وراي كليه
مها: نوم العوافي حبيبي..

========================================


ثاني يوم بعد ماصحى بدر 7 الصبح وكعادته شاور ..وطلع لبس...وراح الكليه..

الساعه 11 الضحى..

ام بدر كانت تقرا الجريده ..يابت ها الخدامه فنجان القهوه( فنيان).....وفجأه.
ام بدر: شارلي..شارلي...شوفي منو بالباب
شارلي: اوكي ماما

وتفتح الخداامه الباب......وتدخل ام مناير ونوره وفيصل( فوزيه..)..والنار ماكله قلبها..وتقدرون تقولون مو نايمه من البارح...ام بدر استغربت زيارة ام مناير في هالوقت...حطت فنيان القهوه ع الطاوله و قامت وقفت...

ام بدر: هلا والله فوزيه حياج الله وخيتي ( بقلق بعد ماشافت ملامح فوزيه متغيره عليها..) زين انج ييتي قاعده ابريحاتي من الصبح..( بروحي..)

فوزيه: لو اني اختج صج ...جان مارضيتي لبدر اللي سواه..انا اللي غلطانه يا ام بدر..جاني عديتج وحده من اقرب خواتي..وجاني عديت بدر ولدي اللي مايابته بطني...

ام بدر: انتي شتقولين يافوزيه ؟..قعدي خلينا نتفاهم..شلي قاله بدر ولدي..

فوزيه: طبختيها انتي و ولدج والحين يايه تسأليني..جانج ماتبينها جان نطقتي امس يوم كنت ببيتكم..مو تدزين ولدج يروح يدز رساله حق هالمسيجينه( المسكينه) مناير اللي مانامت من البارحه من الصدمه.جذي يا ام بدر؟..جذي تسوين فيني؟؟ جذي؟؟؟


ام بدر: وغلاتج يا فوزيه ما ادري عن شنو قاعده تتحجين..اي رساله هاذي اللي تتكلمين عنها..بدر ولدي انا داز رساله لمنايررر..شقال فيهااا قوليلي وانا اعلمج فيه اليوم

فوزيه: مابغينا ولدكم والله يرزق بنتي ولد الحلال اللي يستاهلهااا..ولا تحلفيين بغلاتي..انتي عمرج ماحبيتي و عزيتيني..بس قلبي كبير ونيتي الصفايه كانت عاميتني يا ام بدر..بيتج هاذا ماراح ندخله لا انا ولا بناتي من اليوم ورايح..

لفت فوزيه ورايحه صوب الباب بتطلع...

ام بدر: لحظه يافوزيه ..لحظه ..والله يافوزيه لأعلمج فيه..جانه مايبيها جان قال لي..بس البارحه قعد معاي و كلمني عن المهر...وقالي انه كان يبيها من زمااان ..تعوذي من ابليس يافوزيه...لا تخلين الشيطان يدخل بينا..

طلعت فوزيه بره البيت بعد ماعطتها نظره وجنها تقولها خاب ظني فيج يالغاليه....

ام بدر بدت تصييييح من كل قلبهاا..ليش جذي سويت يابدر ليش ...فشلتني و بهذلتني جدام المره ...ذبحت البنيه و ذبحتني معاها ليش يابدر ليييييييييييش..

===============================

مها فتحت عيونها الساعه 12 الظهر..على طول سحبت فونها لقت رساله جديده :1
(( صبآآآآح الحب يا احلى حب..))

ابتسمت مها بس غلقت بسرعه من تذكرت ان شووق ماتدري عنها من البارحه...
دقت عليها لا زال الجهاز مغلق...


حاولت تقوم من فراشها و تشغل روحها بقراءة مجله....بس تفكيرها كان ينحرف غصبن عنها..ويروح صوب شووق..وينج ياشووق..شلي صارلج؟...

قامت مها لبست بدي ابيض جبنيز..وتنوره جينز قصيره...رفعت شعرها كله فووق...وماحطت ولا شي بويهها..كان ابيض اكثر من كل مره...

نزلت لقت امها تحت مع جراح اللي كان لابس شكله طالع...

جراح: وين وين وين..انتي لا والي لج ولا اهل ..كل مابغيتي تطلعييين سحبتي السويج و رفعتي هالكشه


مها ماكانت امعبرته ولا امعبره كلامه: صباح الخير يمه

ام جراح: اي صباح هاذا ..الناس كلهم منثبرين ببيتهم هالحزه..الا اللي عنده داوم او شغله ضروريه ..محد طايق الطلعه بهالقايله

مها: انا طايقتها..عن اذنج يممه

جراح: لما اكلمج تووقفين.. ..واذا ماتربيتي اربيج من يديد

ام جراح: صعدي دارج يلاا اشوف...صعدي

مها: جراااح يكون بعلمك..انا تربيت بهذا البيت..واللي رباني ..صاحب هاذا البيت..وان كنت مو تربيه..انت بعد مو متربي...


جراح قام من مكاااانــه..: هديني يايمه هديني خل ألسب هالعقال على ظهرها اعلمها شلون تحاجي الريايييل..

مها: فكنا ززززين يلا انا رايحه..

ام جراح: خلها يمه محنا ناقصين مشاكل ..وان يه ابوك انا بكلمه عن اختك..يننتوني يايمه يننتوني..بسكم مناجررر..

طلعت مها و لبست نظارهااا..اللي غطت عيوووونها...ركبت سيارتها و حركت..

==============================

بدر كان توه طالع من المحاضره دق على مها..فديتها ..اكيد قعدت الحين...

مها: ألوو هلا بدر

بدر: هلا بهالصوت ..شلونج اليوم

مها: احسن بدر

بدر: عسى دوم..جنج مو بالبيت!

مها: اي رايحه حق شوق...

بدر: شنو؟؟؟ رايحه حق شوق..وليش مادقيتي قلتيلي

مها: وليش اقوولك..مايحتاي اقول( كان مزاجها خايس و ترد بنفسيه)

بدر: لا حبيبتي يحتااي..ومن اليوم ورااايح خطوه ماتخطين بره البيت الا بعلمي انا فهمتي

مها: اي انشالله ..ابوي ماقالي لأ انته ياي تقولي لأ و تمنعني

بدر: انا مو ابوج يامها..انا زوجج

مها: لي خطبت تعال كلمني

بدر: انتي متى بتحسنين اسلوبج و تفكينا من طوالة هاللسان

مها: اسلوبي ماكو احسن منه..ولساني مو طويل..

بدر: يصير خير يامها..

مها: اي انشالله يصير خير

بدر: حاجيني عدل لما اكلمج

مها: واانا قاعده احاجيك بالمقلوب؟

بدر: مها كبري ..كبري سنه بس

مها:الكبر لله حبيبي

بدر: ونعم بالله بغيتج بموضوع لازم اشوفج

مها: ماتشوفني حبيبي..شايفني خبله وكنت ألحقك من مكان لي مكان قلت هاذي متى مابغيتها اقدر اشوفها.لا حبيبي عندي اهل انا

بدر: سمعيني زين يامها قبل لا لانخطي الخطوه الكبيره في شغلات لازم تتعدل

مها: وشنو فيني مو عدل..

بدر: اول شي اسلوبج يتعدل لما انا اكلمج ماني اصغر عيالج

مها: اي وغيره حبيبي

بدر: ماتطلعين خطوه بره البيت االا بعلمي

مها: وغيره؟

بدر: من باجر بشوف الحجاب عليج.وملابسج تنحط بجيس وتنقط بالزباله

مها: ماعوزك حبيبي تغصبني على شي ما ابيه

بدر: خلاص عيل مها..الظاهر انا غلطت من البدايه لما شفتج بصورة الملاك..

مها: وانا غلطت لما رجعت حق واحد مثلك يبي الناس تمشي على مزاجه

بدر: عيل شوفي طريجج والحمدلله اني فتحت قبل لا اغلط الغلطه الكبيره

مها: فتح مره ثانيه حبيبي زين..يلا باي
بدر: ذلفي زين