قصة فاطمه fa6ma story

[حنونه بدمعتي]

.............. اينكك

 

[FuFu...]

waiting..

 

[robe]

up up up up up
Up up up up
Up up up
Up up
Up
Waiting

 

[اسيرةالهموم]

اب اب اب اب كملي

 

[اسيرةالهموم]

وينج طولتي يلا عاد مانبي ننطر اكثر

 

[FuFu...]

اي صح طولتي وينج
ناطرينج

 

[اسيرةالهموم]

وينج كل هالمده نبي باااارت؛(

 

[q8_girl200]

Part43

قامت الصبح فاطمه لقت مس كول من عبدالله : مالت علي لو مو نايمه جان الحين محاجيته وسامعه صوته ليه الصبح ..
دزتله مسج : gm sorry tra ams knt nayma
عبدالله رد عليها بعد ساعتين : هلا ابوي
فاطمه سكتت ماردت عليه .. بعدها صار كلش مابينهم تواصل فاطمه خلته براحته متى ما يبي يسأل يسأل .. صار الحفل الختامي مال المهرجان وما لقته هناك .. ضاق خلقها بس طاف وبقلبها كله تقول : خلاااص انا خلص دوري ليه هنيه ريحت ضميري وعطيته فرصه اذا يبيني يعرف شلون يوصلي .. ومرت الايام عاادي فاطمه كانت تشتاقله بس ما تكلمه لانه كان يتعمد يبيها اهيا تسأل ..
بعد اسبوعين فاطمه كانت داشه الانستقرام لقت عبدالله حاط صورة مسج احد دازله : صباح صوت اشتقت الى حنانه ولم يعطيني الفرصه لسماعه وكاتب كومنت بما معناه .. انه انشالله راح تسمعه نفس قبل وبكل حب وحنان .. فاطمه وقتها ناااار شبت بقلبها وكلمت رفيجاتها الي قالت لها واجهيييه والي قالت لها طنشي يبي يحرق قلبج عشان تسألين .. هذي حركات شباب هالوقت مايصير يحبون بكل هدوء .. لازم انتي تكابرين واهوا يكابر او انه ما يعطيج ويه وانتي تلحقينه والعكس صحيح .. بس فاطمه سيطرت على مشاعرها وما كلمته .. اليوم الي وراه حط صورة خاطره انكتبتله وراد عليها اهوا بخاطره ثانيه .. بس الي صج يحرق القلب انه خلاصة الخاطره او معناها : انه الطرف الثاني طالب من عبدالله انه يرجعله ورد عبدالله كان انه صج راح يرجع ..
هنيه فاطمه كلش ما ستحملت خذت راي ايمان رفيجتها وقالتلها لازم تكلمينه بس لا تحسسينه انج وايد خايفه او مضايقه
الساعه 12 بليل دزتله بالوتساب : هااي
رد على طول وچنه احد مشتاق وناطر على نار : هلاا ابووي .. هلا جميلتي هلا بالحب
فاطمه : هلا فيك شلونك
عبدالله : الحمد الله على كل حال يبا انتي شلونج
فاطمه : مو زينه
عبدالله : افااا ليييش يباتي شفيج
فاطمه : يصير اعرف منو كاتبلك الخاطره ؟
عبدالله : متابعتني ؟
شي حلو والله
فاطمه : طبعاً
عبدالله : شوفي انتي تدرين اني ما احب اجذب عليج انتي بالذات والدليل اني قتلج الي كان مضايقني بالمسرح
الله يسلمج هذي الخاطره خالتي كاتبتها حق خالي جان ابوقها واحط رد من عندي
هههههه
فاطمه ما قتنعت بالحجي : sure ?
عبدالله : شورين بعد
فاطمه : ممم اوك
عبدالله : تدرين اني مشتاقلج بس هالفتره ماكنت اسأل لأنه حايشني ظرف حيل موشي

عبدالله كان يتكلم كلام غريب .. فاطمه ماتعودت عليه هذا اسلوبه ستغربت منه .. بس طلع الريال فااااصل .. اكيد فهمتو قصدي .. فـ فاطمه لما لاحظت ما حبت تعطيه ويه كلش

فاطمه : عسى ماشر انشالله خير
عبدالله : مستحي منج والله
فاطمه : لا عادي قول
عبدالله : يبا فاطمه انتي وااايد جميله انا لما اشوفج ما استحمل افصل بدون لا احس
فاطمه بقلبها : اهاااا السالفه جذيييه !
دزتله بس : لوووول << ماحبت تسايره بالحجي لانها مو من هالنوع
وتم يسولف يسولف معاها لين حنج عليها الا يدق وابتشلت خافت يدق ويحاجيها بأسلوب اول مره يمر عليها واكيد فهمتو قصدي .. واهيا كلش مو من هالنوع ولا تحب هالسوالف ورفيجاتها كانو نايمين
تموا يسولفون واهوا كان يتحرش فيها اووووڤر اهيا تضايقت حسته صار جريء شوي .. عبدالله وقتها قال حق فاطمه بس ارجع من القهوه بدق عليج .. ولما رجع كانت الساعه 4 فاطمه فونها كان سايلنت ماحست فيه .. نامت على نفسها وبعد نص ساعه قامت لقته داق عليها
فاطمه : امبيه فشله خل ادق عليه بس مره اذا مارد يعني نام
دقت بس رنتين الثالثه ردعليها بصوت واااطي حده وكان شكله جنه نايم بس اهوا كان قاعد
عبدالله بصوت هادي : تخليني بروحي وتنامين ؟
فاطمه حدها ذابت من صوته بس حاولت تقاوم ما حسسته بشي وكانت تكلمه بصوت عادي وكانت متوتره اول مره تحاجيه هالحزه .. ايام قبل مريم كانت تستلم هالمهمه
فاطمه : واي والله ماحسيت بروحي جان انام
عبدالله : زين واناا ؟
فاطمه : انته شنوو
عبدالله : منووو ينومنيي
فاطمه بقلبها : امبيه انشالله مايفصل علليييي ويع عاد ما اواطن هالسوالف انا

فاطمه : ههههه انتااا نوم روحك
عبدالله : ماابي ابيج وياي قصيلي قصه
فاطمه وقتها توهقت وكلشوي تضيع السالفه بس ماكو فايده عبدالله كان فاصل عليها أقوى نوع .. تموا عالخط ليييين ما قاموا من النوم
فاطمه كل ما تبي تسكر الخط عبدالله مايرضى
فاطمه حست عبدالله سكت يمكن دقيقه كامله ماتكلم شوي ولا تسمع صوت شخييير خفيف : امبيه انته نمت ؟؟
الوووو؟
عبدالله دايخ : هاا يباا
فاطمه : انا بخليك تنام وراك دوام اوك ؟
عبدالله : اووووششششش نامي
فاطمه وخرت السماعه : انشالله ما يعيش الدور يااااااي بناااااام
فاطمه حطت تلفونها mute عشان ماتبي صوتها واهيا نايمه يوصل حق عبدالله ونامت .. اهوا لما حس انها سوت جذي قام من النوم

عبدالله : باباا
فاطمه : هلا
عبدالله : شيلي الmute احسن لج
فاطمه ضحكت لانه جكها وبعدين ماقدرت عليه صج سوا الي بباله ونام عالخط واهيا تسمع حسه وكلامه وانفاسه وشخيره وحسسها انه معاه صج .. لما صارت الساعه 9 الصبح .. فاطمه سمعت صوت باب غرفة عبدالله : عبوووود يمااااا دوااام تأخرت يالله قوووم
عبدالله : زين زين كاني قايم
قبلها كان كلشوي يطق المنبه ماله ويسكره ودوامه يدقون عليه ويحذف الفون فاطمه كانت تقوله : يالله قوم دوااامك لا تتاخر
عبدالله : مابي كيفي ماشبعت منج
لما قام وقبل لا يسكره قالها : فاتي قطوتي تغطي عدل ونامي انا بقوم تاخرت عالدوام وايد
فاطمه : انشالله
عبدالله كالعاده اذا باسها تسوي نفسها ماتسمع لانه مستحيل فاطمه تبادله بهالسوالف هذي

اليوم الي وراه عبدالله كلش مابين لما صار بليل الساعه 11 دش عليها وتساب : توني قمت اخيييه شكثر نمتتتت
فاطمه : نوم العوافي
عبدالله : الله يعافيج
فاطمه : رايح القهوه ؟
عبدالله : اي انا هناك
فاطمه : اوك تيك كير
عبدالله قرا ومارد

مرت الايام وعبدالله مايدش على فاطمه كلش يبيها اهيا تسأل وحضرته رد حط صوره تنرفز بالانستقرام .. يبي يلفت انتباهه الصوره كانت ( اوعدك ماتلقاني بدربك )
فاطمه دشت على ايمان : امبييييه انفصام بالشخصيه والله
ايمان : منوووو
فاطمه : منو غيره .. وقالتلها السالفه
ايمان : ترا بلشت اتنرفز منه هذا شنو يبي بالضبط ؟
وقرروا انها تنطش لانه شباب هالوقت اذا طنشتي يموتون من القهر اهما يمشون وراج اما اذا صار العكس البنت الي راح تتعب .. وصج مرت ايام وايد فاطمه ما تسأل ولا تدق لأنه بوجهة نظرها انه كافي اهوا كبير وموظف وعرفني عدل لوشاريها ويبيها يخطبها مايخليها اتعلق جذي

حبايبي اعتقد باقي بارت او بارتين اذا ماصار تطور .. وسوري على التأخير كان عندي ظروف وشكراً عالمتابعه .. وفاطمه حابه تعرف رايكم اب عبدالله تهقون شنو ورا الي قاعد يسويه ؟؟

 

[robe]

السلام عليكم
اول شي شلونج شخبارج ولهنا عليج
ثاني شي عبدالله لوع جبدنا بظروفه ما تخلص بس اتوقع انه متزوج&#55357;&#56869;اذا ماخاب ظني والله يعينها فاطمة وبانتظارج

 

[اسيرةالهموم]

مو مزوج بس اكيد خاطب لان امه الي دشت تصحيه

 

[FuFu...]

اول شي يعطيج العافيه حبيبتي..و عبدالله صار يغث الصراحه ييعني مايهتم مايكلمها و يغيب فتره بعدين يرجع.. اتوقع يبي فاطمه عشان جمالها بس و مو جاد يعني ماظن يبي يتزوجها لو يبي جان قال بدال لا يلف و يدور..لو صج حبها جان اهتم و ماقل ادبه لما فصل عليها..مادري بس احس كل الي يسويه تسليه و لو انا من فاطمه ماكلمه الا اذا اهوه سال و اكلمه برسميه بس..
و ناطرين البارت الياي

 

[robe]

يلاااا متى الباارت وااايد تاخرتي ناطرينج

 

[FuFu...]

وايد طولتي شسالفه
ناطرينج

 

[الوردة المحمدية]

تسلم ايداينك
ننتظرك

 

[اسيرةالهموم]

نبي بااااااااااااااارت بسرعههههه

 

[FuFu...]

شسالفه طولتي

 

[robe]

ما يصير جذي كل الرويات معلقة ولا وحده كامله ترا صار لنا اكثر من شهر ناطرين بليييييييز كملي

 

[FuFu...]

^صح كلامج ^

 

[حنونه بدمعتي]

ووووووووينككككك .... تعالي يله كملي البارت ....

 

[Ms.romanceya]

وييننننننج !!!!