قصة فاطمه fa6ma story

[robe]

Ammbeee latgolen maaat mosta7eeel

 

[بحرينيه كوول21]

ويييي يالله كمليييي

 

[q8_girl200]

Part39

مرت ٣ اياام على المهرجان وعبدالله ما يا كلللش مااله حسسس .. الساعه ١٠ بليل بالمسرح فاطمه كانت توها مخلصه تصوير واقفه برا تنطر امها .. خذت راي رفيجاتها ايمان ومنال انها تدزله مسج تسأله بأسلوب عادي .. وفعلاً دزتله :
Slaam shlonk haaa wenk mo mbayn hl msr7 ;p

على طووول وصلها مسج من نفس الرقم :
صاحب هذا الرقم انتقل إلى رحمة الله

فاطمه كانت قاعده تتمشى وناطره رده عليها .. كان في يمها ٣ بنات بس لأنها بعدت عن المسرح شوي الممثلين والفنانين والزحمه كانت داخل .. اول ما قرت المسج بصوت عالي صرخت وحاولت توطي صوتها عشان لا تنفضح ونزلت دموعها اربع اربع : مااااااااااات !!!!!!! ..

بدت تمسح دموعها وايدها كانت ترجف حيل ما كانت قادره توقف على طولها كلش دقت على الرقم اول مره محد يرد .. ثاني مره كل ما تدق يسكره .. وتمت تسوي هالحركه ٥ مرات تدق ويسكره بعدين دزلها مسج : ثواني بس
فاطمه عصبت دزتله : ممكن ترد وما تلعب بأعصابي > طبعاً المسج كان في ستين الف بدليه لأنها كانت ترجف حيل .. لما ما رد عليها مسكت فونها دقت على منال كانت تبجي بس خانقه صوتها عشان لحد يحس : منااال مااااات ماااات
منال خافت : امبيه منو شصاير فطوم تكلمي عدل هدي مو قادره افهم شي
فاطمه سكرته بويهها ودموعها اربع اربع وحست بدوخه مو قادره توقف على حيلها قعدت لاحظوها البنات الي يمها لموها حيييل قامت تبجي اكثر
وحده من البنات : حبيبتي هدي انا سمعت شنو في هذا امر الله
فاطمه قامت تبجي اكثر وحست بدوخه مو قادره على اعصابها ..
البنت تكلم اختها : قووومي يبيلها كلنكس بسرررعه ..
فاطمه : لا بليز مابي احد يعرف لو سمحتو ..
البنت : لا تحاتين حبيبتي بس تيبلج كلنكس
بنفس الوقت مر مذيع اخبار شايب ريال عود : عسى ما شر يبا فيكم شي
فاطمه خافت لا تنفضح يمعت كل طاقتها وحاولت تقوم : ماكو شي عمي شكراً وراح المذيع
خذت فاطمه تلفونها قامت تدق والرقم يسكره بويهها تدق ويسكره لما دزلها مسج : شوي بس
مر مخرج صوب فاطمه كان ظلمه ما لاحظ ويهها انها باجيه : بسج بسج تلفونات > كان يتغشمر
فاطمه بتسمتله ولما راح ماااقدرت تصبر اكثر من جذي دزت مسج : عفواً يمكن انا غلطانه ممكن تقولي هذا رقم منو والله على اعصابي
دزت هالمسج وكانت تبجي حيل وترجف ليه درجة انه منال رفيجتها وايمان كانوا يدقون ما كان فيها حيل ترد. والبنات يمها ما راحو سيارتهم كانوا بيتطمنون عليها ..
رد عليها مسج : انا عبدالله الفلاني يدي تعبان شوي قاعد اقرا عليه قرآن اخلص واكلمج سيده
فاطمه اول ما قرت المسج بجت زياده دزتله : حرااااااام علييييييك صرقعتني انا اوريييييييك
بعدين حست انها تمادت بالأسلوب دزتله : سوري بس جد خبصت قلبي
دزلها : احبج
بعدها فاطمه كانت تبجي مو قادره تسكت وايدها فيها رجفه من الخرعه .. امها وصلت ركبت معاها السياره .. لافه ويها عالدريشه

ام فاطمه : هااو شفيج فطووم ايدج ترجف
فاطمه لفت ويهها كان احمر من البجي ومكياجها ساايح : مافيني شي
امها : انتي باااجيييه ؟؟؟ قوليلي شصاير شفيج
فاطمه بجت اكثر : رفييجتي مسويه فيني دقه دازه مسج انها مااااتت .. قامت تشاهق ورا بعض امها خافت عليها ليدرجة انها وقفت السياره قامت تقرا عليها آيات وتهديها .. عبدالله بنص الطريج دق عليها ما قدرت ترد عليه عشان امها بس فز قلبها لما شافت رقمه

قاعده تكلم نفسها واهيا تعبااانه اقوى نوع دايخه على صداع كل هذا من قوة الخبر : شلون بسامح نفسي لو كل هذا صج الحمدالله يارب انه مقلب شلون بسامح نفسي وكان يبيني وانا صديته وذليته من غير قصد. شلون بسامح نفسي وانا ما فهمته عن كلشي ووووو .. يا على بالها وايد اشياء وطول الطريج كانت تقول الحمد الله الحمدالله

لما وصلت البيت صكت عليها الباب .. دقت عليه ما رد عليها .. اهوا دايماً يحب يدق من رصيده عشتو يعني كريم .. اول ما دق فاطمه كانت تبجي حيل وبفونها الثاني حاطه صورته تطالعه وتبجي
عبدالله : يصير نسكت عشان اسمع صوتج عدل ؟
فاطمه قامت تبجي اكثر
عبدالله : فطووم عاد بس بجيي
فاطمه واهيا تبجي : امبيه حرام عليك ليش سويت جذييي
عبدالله : كنت بشوف ردة الفعل
فاطمه : لاوالله !! حرام عليك انا كنت بالمسرح زين محد شافني بس جم بنت
عبدالله كل ما يتكلم كلمه ايي مصري يتكلم معاه كان شكله مشغول وماله خلق يبي يحاجي فاطمه كل شوي يچعمه ويرد مره ثانيه
فاطمه : شكلك مشغول اخليك ؟
عبدالله : يبا اخلص الي بيدي واكلمج
فاطمه : اوك

صكته منه ورتاحت حيل لما سمعت صوته تطمنت عليه .. نطرت نطرت ما دق لما صارت الساعه ٢ تنرفزت انه مطنشها بالذات انه كان يدش ويطلع الوتساب ولاجنه صاير شي

قالت فاطمه السالفه كلها حق ايمان : شفتيي شلون قالج يحبج يعني ليش مضايقه
فاطمه : اقول بليز ستوعبي تعرفين شنو يعني الي صار فيني !
ايمان : كااااااااااك والله ادري حركته قويه خوش مقلب
فاطمه : حيوان ماقدر اقول غير هالكلمه
ايمان : هههه
فاطمه : تخيلي يقولي اخلص وادق عليج وما دق صارله ٣ ساعات
ايمان تنرفزت لانه بلش ينطش مره ثانيه : دزيله تصبح على خير باسلوب عادي عشان يحس انج كنتي ناطرته
فاطمه دزتله : t9b7 3la 5er yl mjrm
عبدالله رد على طول تحسون صج فاضي بس مادق : وانتي من اهله مع قلب > وايد علييه

طبعاً بعد كل الي صار فاطمه ما قامت تفكر فيه عطته طااااف لما صار بس قررت انها تدزله مسج طويل وتقوله عن الي بقلبها لاول مره لأنها يأست انه ايي او تشوفه .. البارت الياي راح اقولكم المسج القوي الي دزته وشنو صار بعدها :****

 

[FuFu...]

زيييين الحمدالله طلع يتغشمر مالت صج خوف فطوم مسكيينه والله..
اسلوبه صاير يغثث وايد
و يعطيج العافيه حبيبتي ناطرين البارت الياي

 

[q8_girl200]

هههههه حدااا غثني انا بعد الله يعافيج قلب :**

 

[robe]

Waay 7raam ksrat 5a6re ma 3ad fee a7ad yt'3shmar fe elmot bs 9j 7rkat 3bdallah bay5a shway ylla mt7msa a3rf elmaseg

 

[اسيرةالهموم]

كنت متوقعه كملييييي

 

[اسيرةالهموم]

اب اب اب اب اب اب اب اب اب اب اب اب اب اب اب اب اب اب.

 

[قلبي سلمته لك]

هههههههه امبيييه وربي صدقت انه مات


ناطرين الباررت حبوبه لا تطولييين

 

[q8_girl200]

حبايبي اليوم حدي بزي بحاول انزل البارت بليل thnx 3l motab3a fdetkm

 

[بحرينيه كوول21]

ابببببب

 

[حنونه بدمعتي]

انزززززززين ان شاء الله م تتطووووووولي

 

[FuFu...]

اووكي حبيبتي ناطرينج

 

[Ms.romanceya]

و انا دمعت ههههههه و مصدقة لو انا منها اذبحححة
بس زين سوت فطوم خل تقول كل الي في قلبها خل يحس صج ما عنده احساس حرام بجى فطوم حيااتي ​

 

[q8_girl200]

Part40
ايمان : والله قتلج لا تترددين احسن حل انج تفتحين قلبج وبس بعدها شوفي اذا صج شاريج يبين
فاطمه : على قولتج بسوي جذي بس الله يكون بعوني اذا ما رد انا يهون علي كلشي الا كرامتي
ايمان : لا انشالله بيرد عليج غصبن عليه بس هالله هالله بالكلام السنع الثقيل
فاطمه : تعلميني بالثقل افاا عليييج بس
ايمان : هههههههه

فاطمه راحت دارها وقعدت بروحها .. كانت تذكر من اول مره شافت عبدالله ليه يومها هذا .. كل لحظه طاحت عينها بعينه .. كل لحظه سمعت صوته .. كل لحظه قالها احبج .. وكل لحظه كانت تسكت لما يقولها تحبيني ؟؟ .. كانت تذكر لما يحز بخاطره يقولها احبج وماتقدر ترد عليه وتدرون ليش .. قامت تفكر بالموقف الي مريم حطتها فيه .. كانت تكلم عبدالله بليل بكل جرأءه وتنام معاه عالخط .. ولما رد حق فاطمه من بعد هالغيبه شاف وحده ثانيه تغيرت عليه ١٨٠ درجه .. خجل زياده وثقل واحترام وما تنطق بكلام غزل نفس قبل .. اخذ عنها فكره انها مزاجيه ومتغيره عليه .. كل هالأشياء جمعتهم مع بعض .. وطلع معاها كلام قوي من اعمااق قلبها .. كتبته بكل صدق

مسج# : مساء الخيير .. انا وايد قتلك بحاجيك بموضوع وسحبت علي فقررت اني ادزلك هالمسج لأني شاريه خاطرك .. حسيتك متغير علي ومايت المسرح يمكن زعلان مني او ماخذ بخاطرك على الي صار اخر مره .. حسبالك انته ولاشي بالنسبه لي .. ترا غلطان انا وايد اعزك والفتره الي وخرنا عن بعض حيل فقدتك ولهت على سوالفك وكل ما اشوفك اتعلق فيك اكثر .. بس انا كلش مو نوعي سوالف حبني واحبك .. ترا هذي اول تجربه لي خفت لا اتعلق فيك عالفاضي انا لما حسيت ١٪ انك مو جاد معاي على طول وخرت عنك .. انته الي طلبت انك تردلي والحين مادري شنو تبي مني او شنو انا بالنسبه لك .. وعلى فكره انا دزيت هالمسج لسببين اول شي خفت لا تاخذ عني فكره غلط لانه الزم ما علي سمعتي ثاني شي وللمره الثانيه اقولها لك انا شريت خاطرك واذا انته فاهم و واعي راح تعرف شنو القصد من كلامي .. واذا الحين اكو احد بحياتك it's ok الله يوفقك معاها واتمنالك كل خير اهم شي اني قلت الي كنت بقوله من زمااان

فاطمه اول ما خلصت المسج ورته حق رفيجاتها طبعاً كانت تكتب وتمسح حيل مرتبكه .. تعليقات رفيجاتها كانت
منال : فطوومتي حياتي تكفين يرحم امج ليش اسلوبج ناشف ؟
فاطمه : نعم !!!! كل هذا ناشف ! قتله انته عزيز وغالي قتله اني فقدته قتله كل ما اشوفه اتعلق فيه اكثر شتبين بعد الا اقوله احبك
منال : خوو قوليله حجي حلو شيي
فاطمه : اقول يا بنيه جب يعني ماتعرفيني عدل مستحيل اقول هالحجي الا حق المقرود الي بياخذني
منال : كاااااااك عاد ليش مقرود
فاطمه : مااادري منول خلي المقرود المهم زين المسج
منال : بصراحه حلوو وحده ثقيل ومبين انج خلوقه فديت رفيجتي والله
فاطمه : الله يطمنججج .. الله يشهد علي اني كتبت هالمسج عشان اريح ضميري اكون سويت الي علي واذا مايبي بالطقاق >> طبعاً عرفتو فاطمه من خلال القصه وايد تدوس على قلبها وتستخدم عقلها بس حيل قلبها عورها وقتها لانها حبته وصار بخاطرها

ايمان : اخيييه اخييييراً طلعتيله الي بقلبج
فاطمه : امووون انتي مو مراهقه وكبيره و واعيه ابيج تعلقين عالكلام يمكن اكو شي طايفني نبهيني بليز هذي اخر فرصه لي
ايمان : شوفي الكلام حلو .. راح يفهم منه انج وحده جد ما تحبين تلعبين واذا يبيج يطق الباب
فاطمه : اخييييييه قلبي يعورني بصراحه ماودي يكسر فيني
ايمان : لا انشالله يالله دزيه
فاطمه : هااا لالا خليه باجر لما اروح العرض اذا شفته ادزه يمه عشان اشوف عيونه .. وويهه .. ابتسامته واهوا يقرا المسج

ايمان : انشالله ما تتغزلين فيه
فاطمه : كااااااك واي اموون جمييييييل احباااااااااا .. اخر زمن ريال يطيحني بحبه
ايمان خافت على فاطمه .. صارت تقويها اكثر .. لانه ممكن يكون عبدالله طاب خاطره منها .. عقب قطت الويه سنتين كاملين .. تمت تحن عليها عشان تدز المسج مادزته .. سوت الي براسها وعقب ما راحت المسرح .. كانت كل يوم تتزقرت على امل انها تشوفه .. تروح تتلفت وتدور .. تلقط لها صوره وتلف ويهها صوب الباب .. تشوف ناس يدخلون المسرح وناس يطلعون .. الا اهوا ما تلاقيه ..

بهاليوم راحت التصوير واهيا حيل حيل متوتره ودها تشوفه ..
دقت على منال : منوول خايفه والله خايفه
منال : فطمو جب دزيه بعدين دقي علي يالله انطرج

سكرته وكانت واقفه عند باب المسرح الفنانين رايحين رادين يسلمون عليها .. كانت واقفه تراجع المسج تقراه عدل .. وترجف ايدها وتضحك مع نفسها .. خايفه يكون فيه شي مبالغ فيه او اسلوبها يكون مو شي

فنان بدون ذكر اسماء: هااا فاطمه شخبارج
فاطمه ستحت : اهلين بخير شخبارك انته
... : تمام ربي يسلمج .. ها وينج بالبي بي ام
فاطمه طالعته بنظره : موجووده انته الي ماسحني
..... : هههه مو ماسحج يبا مسوي فورمات يالله ردي ضيفيني
فاطمه : ههه اوك عطني البن

وكل شوي ايي واحد يسلم عليها او يسألها شعندج واقفه هنيه .. تخيلو تمت يمكن نص ساعه كامله قبل العرض بنفس المكان كلشوي تعدل بالمسج وتغير فيه .. اول ما سمعت الموسيقى بلشت المسرحيه .. غمضت عيونها ودزت send .. وبعدها قبل لا تدش دزتله
مسج# يمكن صدمتك بهالمسج بس ما ابيك ترد علي الا لما تفكر عدل واتمنى تكون صادق معاي وترد بكل صراحه
ودشت وكانت حيل متوتره اقوى نوع .. نطرت .. ساعه .. ساعتين .. ثلاث ماااكو رد .. اكيد توترت زياده فطوم وعصبت لانه طنشها .. وراحت تشتكي حق منول وامون تبون تعرفون شنو رايهم وشنو صار ؟؟

تابعووو البارت الياي وابي رايكم وشكراً :**

 

[FuFu...]

لاا حرام عليج ليش خلص البارت هني لوول.. تحمست بعرف شنو راح يقول عبدالله.. انشالله يرد رد حلو مو يغثها بعد
المهم يسلموو على البارت الحلو حبيبتي و ناطرين البارت الياي

 

[q8_girl200]

هااااااااا اكممممملللل ؟؟؟؟؟؟؟؟؟

 

[خشف شمر]

واو واااو وااو خووش روايه الصراححه !

ترا من زمان متابعتها بس كنت ورا الكواليس

خوش روايهه والله وفطووم وايد حبيتها الله يثبتها بعقلها ان شاء الله :*

ناطره ع احر من الجمر شبيصيرر

وبليييييييز بليز حبيبتي باليوم كتبي بارتين ترا انتي كريمه واحنا نستاهل

وبليزز مو اخر شي ما تكملينها ! لاني والله كرهت نفسي وايد كل ما اقرا روايه الاقي اخر بارت مو كاتبينه والروايه صارلهاا وايد يعني

قهر والله

سوري قرقت وايد لوول ، يعطييييج العافيهه وعساج عالقوهه ..

Waiting <3

 

[q8_girl200]

فديييييتج والله يالمتابعتنا خلف الكواليس هههه انشالله بنزل بارت الحين ومشكوره ع المتابعه :*

 

[q8_girl200]

Part41
فاطمه اول ما وصلت البيت كانت حدها تعبانه من التصوير ومتوتره من عبدالله الساعه ١١ ما رد عليها والمسج طرشته الساعه ٧ .. دقت على ايمان ومنال وشبكت الخط كالعاده

فاطمه مضايقه : شلووون الحيين يعني انا وين ما اطقها عويه ولا شنو بالضبط !
ايمان : وااي وايي منول بذبحها رفيجتج هاذي مو صججج يعني المسج كلام قوي وكبير لازم ياخذله وقت يفكررررر
منال : وحتى لووو ما رد خلاااص انتي سويتي الي علييج طنشي
فاطمه بالغصب طلعت منها الكلمه : بكل بساطه اطنش ! وقلبي شسوي فيه ؟
ايمان : هااا مو قلنا تصيرين قويه انتي من قبل ما تبين تعلقين نفسج فيه شفيج خقيتي الحين ؟
فاطمه : يا عمييي يولي اتعلق فيه خلاص مالي شغل فيه قطع >> طبعاً مو من قلبها !

اليوم الثاني فاطمه راحت المسرح وهم ما شافته بس لما ردت البيت .. كانت قاعده بالصاله تتعشى مع اهلها .. واهيا قايمه جيكت على فونها لقت مس كول عبدالله داق عليها .. راحت غرفتها سكرت عليها الباب .. دقت عليه رن رنتين جان يسكره ويرد يدق عليها
فاطمه : الو السلام
عبدالله : اهليين شفيج جنج داقه على امام مسيد !
فاطمه ضحكت شوي : هههه سلمت خو شتبيني اقول ..
عبدالله كان يكلم شباب يمه كان حيل لويه اصوات وايد يمه : شيييل الجنطه هذي .. بعدين رد يكلم فاطمه : اييه شلونج شخبارج
فاطمه تنرفزت : تمام بس اذا مشغول اخليك انا دقيت لأنك داق
عبدالله : لاا مو مشغول بس كنت بالبحرين توني واصل
فاطمه : اهاا الحمد ع السلامه
عبدالله : الله يسلمج .. زادت اللويه عنده قال حق فاطمه شوي واكلمج وكالعاده نطرت نطرت .. و سحب عليها

فاطمه تكلم ايمان: اللهم طولج يا رووووح انا وايد وايد تنرفزت انا مو لعبه عند ابووه يدق ويكلمني متى ما يبي !!
ايمااان : شفيييج فطووم خل عندج شوية صبر الرياييل كلهم جذي مابي منج غير الصبر وشوفي شيصير كا شفتي ظلمتيه طلع مسافر عشان جذي مارد عليج
فاطمه : لا والله ! ووليش ما علق عالمسج وليش مادق مو قال شوي وادق عليج من الساعه ١٢ والحين ٤ الفير !
ايمان : خلاص لا تكلمينه لما اهوا يكلمج
فاطمه : ادري وهذا الي راح يصير بط جبدي قثني بس كافي عااد > خنقتها العبره بس مسكت نفسها وقررت صج هالمره ما تكلمه وبلشت ماتحبه من تصرفاته

ثاني يوم بعد صلاة المغرب .. ام فاطمه : هاا فطوم بتروحين تصوير اليوم : مااادري يماا احس مالي خلق
امها : روحي ماما حبيبتي باقي جم يوم وتخلصين
فاطمه قامت تلبس واهيا مالها خلق .. حتى ما كان لها خلق تعدل شكلها نفس كل مره .. بس مضطره ما تحب تطلع وشكلها عادي لازم كل يوم احلى من الي قبلها .. اول ما ركبت السياره امها طالعتها وشغلت الليت : اشوف طالعيني !
فاطمه طالعتها : شفيج ؟
امها : تبارك الرحمن والله خايفه عليج من العيون المشكله لو حاطه فل ميك اب جان زفيتج بس كله خفيف
فاطمه : لووول يماا حبيبتي شفيج جنج اول مره تشوفيني
امها : هههههه هالمره منوور ويهج
فاطمه بقلبها : ياحظي على شنو ينوور من الهنا الي انا فيه ! كان مالها خلق اول ما نزلت من السياره راحت وقفت عند باب المسرح .. كانت واقفه متسنده على الطوفه ومچتفه ايدينها .. كانت ناطره يبطلون الباب .. وما كانت تراقب نفس كل مره عبدالله يا ولالا .. صار عادي عندها .. اذا المسج الي فتحتله قلبها لاول مره ما حركه .. شوفتها شبتسوي !؟

المهم كانت واقفه وكان في ممثله ما تحبها فاطمه لابسه ضييييج ومهلقه بعمرها و واقفه فاطمه كان في يمها مذيع مع رفيجته ما نتبهت لهم اول ما مرت يمها هذي جان تعفس ويهها وتقول بصوت واطي : يااو يرحم امج لو لابسه مايو وفاكه عمرج مو احسن من عالجينز قطع ما شفت اهلق من جذي !
المذيع ضحك بصوت خفيف يبي يوري فاطمه انه سمعتج وبدا يخزز فيها اهيا ما عطته ويه على طول غيره مكانها لانه بلش يتحرش ستانس عليها واهيا طفرانه .. شوي ولا يرن تلفون فاطمه منووو قاعد يدق !!!!!!!



Weeeee3 يتصل بك
طبعاً بتسألون منو ويييع ! فطوم لما عصبت من عبدالله سيفته وييييع المهم اول ما شافت رقمه فزز قلبها وعضت شفايفها وراحت التواليت صارخت من الوناسه .. كان في بنات شافوها ضحكو عليها .. بعدين لما ستوعبت قامت تخز التلفون : مااني راده بسرعه انا اعلمك

خلته يرن شوي لما ردت : الوو
عبدالله : قووه
فاطمه بنفسيه : اهلين
عبدالله : شلوونج
فاطمه : تمام
عبدالله : شدعووه شدعوه هالنفسيه >>> كاان حدااا رااايق اقوى شي
فاطمه ضحكت ضحكه قصيره ومختصره
عبدالله : شهالصور الحلوه الي منزلتهم بالانستقرام
فاطمه : تسلم من ذوقك
عبدالله قلد صوتها : تسلم من ذوقك
فاطمه ما قدرت تمسك نفسها : كاااااااااك
عبدالله : ماادري عنج نفسيه !! خل اشوفج لما نتزوج وتحملين هم نفسيه ولا اول يوم هم بتستحين !
فاطمه نصدمت حطت ايدها على حلجها وفصلت ضحك بين من صوتها انها قامته الضحكه وبقلبها : امبيه شفيه هذا فاصل
عبدالله : ايي ضحكي ضحكي
فاطمه تذكرت انها زعلانه عليه ردت نفسيه مره ثانيه
عبدالله : هااا يايه مع منووو
فاطمه : برووحي
عبدالله : وين حسينو بو قفل خايس
فاطمه : ترا ما ارضى عليه هذا جميلي
عبدالله : عشتووو صج وينه مو ياي ؟
فاطمه : نوو مارح ايي اليوم
عبدالله بصوت البريئ المسكين : زين عيل انا ياي يصير الحلوين يحجزولي يمهم ؟
فاطمه ذابت بس ما بينتله : انا بصور وانا واقفه بس بحجزلك كرسي
عبدالله : انا بقعد يمج شلووون
فاطمه : اوك
عبدالله : جنه مو عاجبج
فاطمه : لا عادي لو مو عاجبني اقول
عبدالله : بعااااد والله زيين يبا
فاطمه سكتت
عبدالله واهوا يضحك : اليووم بتشوفين شكلي غييير
فاطمه : ليش بالله
عبدالله : شعري كششه ومهلق ياي من القهوه
فاطمه : لوول عادي حتى انا مو نايمه عدل شكلي تعبان
عبدالله : اييي اقص ايدي اذا مو حااافه و كاشخه
فاطمه فصلت ضحك : كاااااااااااك امبيييه مو منصجك
عبدالله غير صوته : صج والله بعدين لو مو جميله وقطوه وعسوله جان ما طليت بويهج الحلو
فاطمه سكتت ستحت
عبدالله بصوت عالي : ممممممممموووووووواااااااااه
فاطمه تنحت ويهها جنه احد طاقها طراق !!
عبدالله : الوووو قاعد ابوووس
فاطمه توهقت : الوو ما اسمع !
عبدالله ضحك : ما تسمعين هاا
فاطمه : كااااك لا الي ابي اسمعه اسمعه بس بمزاجي
عبدالله : يالله اخليج روحي حجزيلي كرسي انا شوي وياي
فاطمه : اوكي
عبدالله : يباتي تبين ايبلج معاي شي وانا ياي ؟
فاطمه : سلامتك
عبدالله : اقول خلي عنج هالرسميه لا اعرف اتصرف معاج
فاطمه ضحكت : صج مابي شي
عبدالله باسها مره ثانيه وسكره .. طبعاً لا تشوفون فاطمه وقتها شعور اول مره تحس فييه .. طيرها ليه سابع سما وقاعده تناقز وتصارخ يم الفراشه الي بالتواليت .. الهنديه قاعده تضحك عليها .. عدلت شكلها صارت احلى واحلى وطلعت برا

واهيا طالعه صادفتها مذيعه صديقتها : اهلييين فووفووو شلونج حياتي
فاطمه : هلا حبيبتي بخييير شخبارج انتي
المذيعه عرفت صديقاتها على فاطمه : شوفووو مصورتي الجميله شووفوو السنع كله فديييتهاا
البنات ستانسو على فطوم شكلها كان حده زوغه ..
فاطمه نحرجت : تسلمين حبيبتيي فديتج والله
المذيعه : ولو حياتي شهالبدله الحلوه من تصميمج عدل
فاطمه : ههههه ايي عيونج الحلوه حبيبتي

وتمت تسولف معاها لما فتحو باب المسرح ودشو داخل فطوم ركضت بسرعه جدام عشان تلحق على مكان حلو وقعدت حجزت ٣ كراسي حقها وحق عبدالله كان طالب كرسيين .. البارت الياي تعرفون شنو صااااار لما وصل عبدالله :**


توقعااااتكم حبايبي