قصة فاطمه fa6ma story

[robe]

allla elpart 3jeb ywans bs 9j nrfzne 3bdalla 9j wayd 3lek loool y3ne 7ta mo katbha kamla ;p

 

[روندى العاصي]

وووووووووين التكمل

 

[FuFu...]

waaayd 7loo alpart yslmoo 7abibti w 3bdullah shfeh 9ij mt3b nfsa 3la el hbd lool ;p
w na6reen alpart alyay

 

[غنج عتيبيه]

وااو القصه حلوه كملي كملي كملي

 

[q8_girl200]

Part34
يوم الأحد الصبح قامت فطوم لقت واصلها برودكاست :*
#كل عام وانتي توأمي وصديقتي الي ما يابتها أمي الي كل بلاويي وشطانتي كانت معاها فطااامي احبج يالغاليه كل عام وانتي اختي وحبيبتي عقبال المليون عام وانشالله اشوفج اكبر مصوره ومصممة ازياء بالديره love youuuu :**
هالمسج كان من منال ( صديقة فاطمه من ٣ سنين الروح بالروح بس اخر فتره اهيا لهت بالجامعه وفطوم لهت بحياتها وشغلها قاموا مايكلمون بعض كل يوم بس بينهم بي بي ام )*

فاطمه قرت البي سي وردت عليها والعصر لبست عشان تروح زواره بيت يدها و تحتفل هناك بعيد ميلادها مع اهلها .. طبعاً كانت حدها كاشخه وشكلها حده زووغه والكل كان هناك .. اول مادشت سلمت عليهم وشافت بنات عمها من زمان مو شايفتهم اهيا تحبهم ويحبونها بس مو وايد معاهم*
واحد من عمام فاطمه :يماا حفيدتج صايره قمر ( كان يطالع فاطمه ويضحك)*
يدتها : سمالله عليهم بناتنا كلهم جميلات عسى ربي يحفظهم
فاطمه ستحت نزلت راسها وضحكت .. شوي ولا يدش ولد عمها عمره ١٩ .. هذا قصته قصه حده فلم كان يحب فاطمه واهوا صغير واهيا الله وكيلكم كله تدقر بالولد ماتحب شي اسمه صبيان بهالعمر عندها حساسيه منهم ههههههه .. أول مادش كان يطالع فاطمه ويبتسم*
فاطمه تساسر بنت عمها : ييييييووووو يعني انا الريال !! ولك شنبك صارله سنتين بالغ صدق روحه خلاص !
بنت عمها : كاااااااااك فطموووو سكتي لا يلاحظووونج*
فاطمه : امبييه مو قادره ابلعهم انا اذا تزوجت ويبت ولد وبلغ اطرده من بيتي لما يصير عمره ٢٠ او ٢١ ايبه :S
البنات فصلوا عليها من الضحك لأنها حدها مينونه لما تتنرفز تضحك*
*
كانت القعده حيل حلوه .. البنات تيمعوا بعد مده وعطوا فاطمه هدايا .. وبعد العشى فاطمه تفاجأة من منول صديقتها .. يايبتلها كيكه تشووق .. صدمتها صج !! ستانست حييل ودقت شكرتها .. قعدوا شوي بعد بعدين ردوا البيت*

أول ماوصلت فاطمه حطت بالبي بي ام sleep وبنفس الوقت عبدالله دز #mnoo gaa3d فاطمه : يبااا اررررحل*
صارت ما تحب تعطي نفسها مجال انها تفكر فيه او يشغل تفكيرها لو واحد بالميه وصارت مشاعرها تجاهه عاديه !! واهيا اصلن قبل كانت ماتحبه من الاساس بس حست انها تشتاقله او معجبه فيه لأنه شي طبيعي اي بنت تحس ريال يهتم فيها ويصر عليها بعد فراق سنتين بصير عندها فضول تعرف شنو يبي منها هل يحبها صج ولا بس حجي !! تذكرون قبل فاطمه شلون كانت تعامله ايام مريم ! كانت ماتعطيه ويه*
رغم انه يتلها فتره صارت تعزه من قلب .. بس لأنه ماينعرفله تغيرت عليه .. الحين ردت نفس قبل شالته من قاموسها وصارت تعتبره واحد من الشغل فقط لا غير !

المهم فطوم شغلت قرآن ( اهيا متعوده يا تنام على موسيقى كلاسيك او قرآن ) وحطت راسها ونامت *

مجربين لما تكونون اقويا وتحطون ببالكم انه ماتعطون مجال حق قلبكم انه يحب ! او ماتفتحونه حق احد عشان لا تنجرحون ! وصج فعلاً تعيشون حياتكم مع اهلكم وربعكم وتنسون الانسان الي بينلكم حبه !! وتعطونه طاااااف .. بس يصير شي ! يغير فكرتكم ورايكم ! ويفرض عليكم التفكير فييه !! هذا الي صار مع فاطمه بهاليوم نامت واهيا مرتااااحه وقامت مصدوومه ومتنحه .. قامت وخذت معاها الحلم الي شافته عيونها .. اكيد فهمتو منو اقصد *
اي عبدالله ..*
فاطمه حلمت حلم بعبدالله بس ماراح اقدر اقوله لأنها طلبت مني هالشي تبي تحتفظ فيه حق نفسها ..*
فاطمه : امبيييه شنوووو هذااا !! انا ما كنت افكر فيييييييك !! حتى بالحلم طالعلي خييير شتبييي*
وعلى طوول دشت على رفيجتها أسمها ايمان ( ايمان عمرها ٢٧ اهيا من البحرين مو من الكويت بنت حيل ملتزمه وخلوقه وفاطمه تثق فيها واهيا تعرفت عليها بالصدفه ويت الكويت مره وحده .. وتقدرون تقولون بالفتره الاخيره صارت قريبه من فاطمه .. لأنها عرفت بقصتها مع عبدالله وساعدت فاطمه ووقفت معاها )*
فاطمه : اموووووون*
ايمان : عيونهاا*
فاطمه : الحين مو يقولون اذا كنتي تفكرين بشي قبل لا تنامين تحلمين فيه !*
ايمان : اييي يسمونه قبل باطن*
فاطمه : *زيييين اذا شي انا مو مفكره فييه حق لييش احلم فييه ((
ايمان : ههههههه حلمتي بأخ عبدالله !*
فاطمه : ايييي عما بعين العدو شيبي طالعلي بالحلم هذا يعني غصب .. غصب يبيني احبه *
وسولفت حق ايمان الحلم .. وقرروا انه تستغل الفرصه وتقول حق عبدالله من باب الغشمره تشوف ردة فعله شنو تكون .. مر اليوم كان كللللله تفكييير فاطمه كل مخها وعقلها وكل مافيها يفكر بعبدالله .. كانت تتذكر الحلم حيل أثر فيها .. صورته مافارقت بالها كلش .. صار بليل الساعه وحده ونص الفير وخدمته كانت مقطوعه بالبي بي ام .. دشت عليه بالوتساب*
فاطمه : هااي*
عبدالله : هلا بالحب*
فاطمه : شلونك*
عبدالله : ولهان عليج*
فاطمه : ولهت عليك العافيه*
عبدالله : فديتج*
فاطمه توها كانت تكتب ولا تشوف عبدالله طلع من الوتساب .. طبعاً الأخت برستيجها مايسمحلها تكلمه ومايرد بسرعه لازم يكون online
فإنقهرت لأنه طلع من الوتساب : أنا اعلمك الشرهه علي الي داشه عليك أسأل .. وعلى طول حرقت فون ايمان بنقاات*
فاطمه : Ping!!!
ايمان : هاا شصار
فاطمه : حيواان باط جبدي شكو شكو يقول هلا بالحب ! على مزاجه يكلمني ومايسأل ! والحين ادش اسلم عليه قاعده اكتبله يطلع من الوتساب !*
ايمان : هههههه انتي شفيييج خو يمكن صار شي .. انشغل ! ماتدرين *
( نسيت اقولكم شغله ايمان كلامها كويتي بححححت لأنها تحب واحد كويتي وكل صديقاتها من الكويت )*
المهم قعدت تهدي فاطمه وجذي وفاطمه نامت وطنشت عبدالله ولا فكرت فيه كلش .. بس صار شي الصبح حنن قلب فاطمه عليه مره ثانيه البارت الياي راح تعرفونه ؛)*





*

 

[FuFu...]

7raam alpart y5l9 chthii b3rf shnu ra7 y9eer
bs yslmoo w na6ra alpart alyay 3la nar ;p

 

[robe]

9a7 klam fufu 7raaam loool bs ma 3leh na6rench wo atwaga3 ena klmha w e3t4ar aw 9ar la 7adth Allah la ygol

 

[حنونه بدمعتي]

يله وووووووينه .....

 

[قلبي سلمته لك]

اب اب اب اب اب اب ا

 

[FuFu...]

waiting

 

[q8_girl200]

جاااري كتابة البارت اول مايخلص انزله :*

 

[غنج عتيبيه]

البارت حلوووو ناطرينج ي قلبي ��

 

[q8_girl200]

ثاني يوم الساعه ١ الظهر قامت فاطمه لقت عبدالله دازلها مسج الساعه ٨ الصبح : مسج# انتقلت الى رحمة الله جدتي فلانه الفلاني وحاط عنوان العزا ومتى الدفان
فاطمه اول ما قرت المسج من غير لا تحس بنفسها شهقت !! : احححححح الله يرحمها يارب .. بعد عمري عبدالله الله يصبرك

فاطمه تمت مده على فراشها تتذكر ايام اول :
عبدالله : ها الحب وينها
فاطمه : طالعه ويا امي وانته
عبدالله : انا بتغدى عند يدتي .. فديتها والله ولهان عليها
فاطمه : الله يخليها لك ويخليك لها
عبدالله : تسلمين عمري هذي الحب عاد

وعلى طول دزتله مسج : عظم الله اجرك .. الله يرحمها واخر الاحزان انشالله
اكيد عرفتو انه بهالوقت فطوم وعبدالله علاقتهم عاديه حيل عبدالله يكلمها على انها حبيبته بس مشكلته انا مايسأل كل يوم نفس قبل .. وفاطمه شالته من حياتها .. بس حست انه لازم توقف معاه بهالوقت حتى لو اسلوبها اسمي .. تعزيه عالأقل .. وتمت طول الوقت تفكر فيه وتدش الوتساب تراقبه ..
بليل الساعه ١٠ شافت وحده من اهل عبدالله بالانستقرام حاطه صوره بالمقبره وقت الدفان .. شباب وريايل وايد .. كان من بينهم عبدالله .. شكله كان حيل مكسووور وتعبااان .. كان قاعد يم القبر يمسك لتراب ومنزل راسه .. فاطمه حيل تعبتها هالصوره .. كسر خاطرها وايد

قامت كل يوم تسأل عنه برسميه بس بين انها مهتمه فيه
فاطمه : شلونك اليوم
عبدالله : الحمدالله
فاطمه : قاعد تنام عدل ؟
عبدالله : صارلي يومين مو نايم
فاطمه : مايصير جذي لازم ترتاح !
عبدالله : وقفتي بالعزا هدت حيلي
فاطمه : سمالله عليك .. كليت شي ؟
عبدالله : الحمدالله
فاطمه : بالعافيه .. يالله اذا ماعندك شي روح نام ارتاح
عبدالله : انشالله
فاطمه : نوم العوافي
عبدالله : الله يعافيج

وتمت فاطمه تنطره يطلع من الوتساب .. طول مده واهوا online !! .. فاطمه بقلبها : يااربيي شفيه هذا مايناام ! .. خلته براحته وسكرت الفون بس هم تمت تفكر فيه
ثاني يوم هم بليل دشت الوتساب عشان تطمن عليه كان اخر يوم عزا :
فاطمه : سلام
عبدالله : وعليكم السلام
فاطمه : شلونك اليوم
عبدالله : تمام بس ناقصني بوسه منج
فاطمه قرت !! تنحت : نعم !! هههههه هذا مايووز عن سوالفه الحين يدته متوفيه وحالته حاله وهم يتحرش
فاطمه : لووول
عبدالله : مشتاقلج
فاطمه : شتاقتلك العافيه
عبدالله : :** ( لما يكلمها بهالاسلوب فاطمه ماتعطيه مجال حق المغازل ماتحب هالحركات .. ترد عليه بهالاسلوب الثقيل بس اهوا حسباله انها قاعده تكسر فيه وهالشي حيل راح أثر عليهم )
فاطمه : قبل جم يوم كنت بقولك شي بس كان مو وقته
عبدالله : صجج شنو قولي
فاطمه : بعدييين
عبدالله : قوولي يباااا حياتي
فاطمه : خو بعدين احس مو وقته :$
عبدالله : ههههه شغلتيها فيني الا تقولين الحين
فاطمه لما شافته ضحك وسولف ارتاحت : الحمدالله ياارب نفسيته احسن شوي #: لوووول بقولك بس لا تضحك علي
عبدالله : هههه قوولي
فاطمه : حلمانه فيك معنى يومها كلش ما كنت على بالي لوووول
عبدالله : ابووووي الي حلمانين فيني
وقالتله الحلم وستانس حيل وحنج الا يعرف معناه وبعدها قالتله تصبح على خير ونامت
اليوم الي وراه ما كان في تواصل بين عبدالله وفاطمه .. ومرت ايام كانت تراقب التوبكات الي يحطها بالوتساب كلها تدل على انه مشتاق حق يدته .. كان يكسر خاطرها ودها تكلمه .. بس كانت تقول انه فترة العزا عدت واهيا سوت الواجب وهتمت وسألت عنه اول الايام .. حالياً ماله داعي تسأل لأنه ماكو بينهم رابط او علاقه او شي معروف .. يننها موعارفه شنو يبي منها !

بيوم من هالأيام فاطمه كانت قاعده بالصاله ويا اهلها وصل لها مسج #السلام عليكم اختي فاطمه معاج المخرج (.....) غداً انشالله عندنا حفل تكريم الفنانين بالمسرح ويسرنا ويشرفنا انج تكونين من الحاضرين

فاطمه قرت المسج : وليييه نغزه يعني سويلنا تغطيه وصوري التكريم
ام فاطمه : شفييج
فاطمه : ولاشي باجر عندي تصوير مادري اروح ولالا
ام فاطمه : اوك اذا بتروحين بلغيني
فاطمه : انشالله

وبعد تفكير عميق .. قررت انها تروح تصور التكريم وتطلع بسرعه .. وصار يوم الحفل كشخت فاطمه وضبطت روحها وركبت السياره مع امها .. بنص الطريج رن تلفونها !! الصدمه كانت انه الي داق عبدالله !! فاطمه حطته سايلنت ما كانت بترد يم امها
ام فاطمه : ليش ماتردين
فاطمه : رقم غرييب مالي خلق
امها سكتت ولما نزلت فاطمه .. كانت العيون كلها عليها .. الكل انعجب بشكلها بس اهيا كان مالها خلق .. مخها مع المكالمه الي ما ردت عليها .. شيبي فيني ؟ ليش داق ! غرييبه !!

صورت التكريم واهيا طالعه كان بويهها ممثل شاب له معجبات وايد هاليومين شافها سلم عليها وصورته وعلى طول طارت السياره .. الكل حس انها مستعيله كل مره تصورهم بعد العروض وجذي هالمره غير ..

فطوم اول ما ركبت السياره سوت تمثيليه على امها .. اهيا كانت صج مصدعه ودايخه بس بالغت شوي لوول طبعاً راح تعرفون ليش السبب الحين ..
فاطمه ركبت السياره على طول قطت روحها ليه ورا وردت الكرسي نسدحت وتنفست نفس عميق
امها : شفيييج خرعتييني
فاطمه بصوت دايخ : تعبانه من اول ماقمت ماكليت شي
امها : تبين امر مطعم ؟
فاطمه : لا حبيبتي مابي بس عادي تمرين الجمعيه تنقيلي جم فاكهه عالسريع
امها : اي قامت تدلع الحين .. زين زين بمر الجمعيه

فاطمه ستانست وصج امها مرت الجمعيه واول ما نزلت فاطمه دقت على عبدالله .. كانت ترجف ومستحيه من زمان ما سمعت صوته .. تدرون انه فاطمه نقطة ضعفها بعبدالله شغلتين ( عيونها وصوته ) تذووب من نظراته وطريقة كلامه .. بس طبعاً اهيا تتماسك وتكلمه بثقل ماتدلع كلش .. بس الشي الي يضحك انها من الاساس ناعمه وصوتها ناعم يعني دلعها طبيعي فلما تكلمه يبين اشكره انها بتسوي عمرها ثقيله وماتعطيه ويه

عبدالله اول مارد ماعطاها مجال تسلم : جاان داقه باجر خو
فاطمه : ههههه سوري كنت بالتصويرر ماشفت فوني
عبدالله يقلد صوتها : و اي تصوير هذا بالله الحين
فاطمه : كاااك حفل تكريم وترا مو ضابطني لا تقلدني
عبدالله : ممم شاطره تروحين حق هذيل بس صح اما مسرحيتي ما سويتيلها بس تغطيه وحده
فاطمه : ههههه اليايات اكثر انشالله
وتمو يسولفون سوالف عاديه وقالها انه كان داق عليها عشان يقولها عن تفسير الحلم .. لانه قال حق امه وتم يحوس يحوس لما عرف التفسير .. بعدها سكت فجأه عبدالله : أنا شنو بالنسبه لج ؟
فاطمه انصطلت فتره كانت حيل مصدومه من السؤال ! كلش ماتوقعت ينسأل
عبدالله بصوت حنون : يالله قوولي
فاطمه ساكته
عبدالله : قاعد اكلمج
عبدالله : يالجيكره
فاطمه : انا جيكره ؟
عبدالله : اييي حدج
فاطمه على غشمره وبحسن نيه : فديتني والله اهبل ويني وين الجكر

عبدالله : اهاا جذي نظاامج مغرووره خلاص مره ثانيه مارح امدحج
.. زين يالله قولي انا شنو بالنسبه لج >> صدق انها مغروره
فاطمه ماقدرت تسيطر على خجلها بس رقعت الموقف و جاوبته : ممم يعني اعزك .. استانس عليك .. نفس اخوي
عبدالله : لعبي فيني بالمدينه الترفيهيه !
فاطمه : هههههه امبييه شكووو !!
عبدالله : مو تقولين تستانسين علي !
حست فاطمه بنبرة صوته تغيرت لأنها كسرت فيه ..
فاطمه : شفييك
عبدالله : لا مافيني شي انا نفس اخوج صح ؟ لنا الله .. الله كريم
فاطمه : اي خو شنو تبيني اقول
عبدالله : يعني الي قبل كله جذب !
فاطمه شتطت لما قال جذي : اهاااا يعني انته تبي نفتح موضوع قبل ! خلني ساكته احسن
عبدالله : لا قولي ابيج تتكلمين
فاطمه : انته الي ماسألت عني فتره كامله ماكلفت روحك تدق بس مره وحده شدعوه عليك !
عبدالله : فطووم ! وليش مو انتي الي تسألين ؟ لا تظلميني لأني شكثر دورت عليج ايفوني والبي بي بوقت واحد نباقوا طار مني رقمج ولما قدرت اطلعه طلعتي مغيرته .. لو ما اعزج جان قتلج ابي رقمج ؟ ولا انتي الي ماتعطيني ويه
فاطمه توها تبي تتكلم ولا امها تركب السياره : انا اكلمج بعدين لما ارجع اوكي ؟
عبدالله حيل زعل : اوك باي

~~ اثبتلي انك صج تبيني .. وانا اوعدك بهالكون ما اشوف غيرك ~~

توقعاتكم ؟ شنو راح يصير بين فاطمه وعبدالله ؟ فاطمه سيده وماتبي لعب وتدري انها اذا كلمته كل يوم رح تتعلق فيه وتحبه .. واهوا فاهم انها مغروره وتتثيقل عليه ومايبي يقط روحه اكثر تهقون شنو راح يصير ؛) !

 

[حنونه بدمعتي]

م اعععععععرف ليهه ججاني احسسسسساس انو بغرور فطوم راح يتركهاا عبداللههه .







بانتظار البارت .......

 

[رومانسيه ناعمه]

يالله نبي باااااااااااااااااااااااااااااااارت حدي متشوقه

 

[q8_girl200]

Part36
لما ردت فاطمه البيت قالت السالفه كلها حق رفيجتها ايمان
فاطمه : امون شسوي تهقين انا صج كنت كاسره فيه ومو معطيته ويه
ايمان : اهوا وايد قط روحه عليج يمكن الحين حس انه كافي !! والريال الزم ماعنده كرامته ترا
فاطمه : زييين شسوي انا لو شنو يصير مستحيل اقوله احبك وهالحجي مو نوعي كلش ! وبعدين المشكله والبلوى الكبيره انه قبل مريوم كانت تدلع وتعطيه ريج حلو اهوا تعود على مياعتها والحين قاعد يشوفني ثقيله حسباله نغريت وتغيرت عليه !
ايمان : لو ما بنت عمج هذي وطفاقتها جان احنا بخير
وتموا فاطمه وايمان يتناقشون بخصوص عبدالله وبعد ما صارت ١ بليل فاطمه دشت على عبدالله بالبي بي ام

فاطمه : انته زعلت مني ؟
عبدالله رد بعد نص ساعه : اي
فاطمه : قولي زين من شنو زعلت بالضبط
عبدالله رد بعد ساعه كامله : عيل انا صرت ولا شي ؟
فاطمه حست بتأنيب ضمير : انا ماقلت ولاشي انا حيل اعزك بس الحجي الي تبيه مستحيل يطلع مني انا حيل استحي اتمنى انك تقدر موقفي !
عبدالله مارد على فاطمه بلش يسوي حركات الزعلان واول مره يسوي جذي قبل حتى اذا زعل او عصب او غار كلش كلش مايبين حق فطوم يبينلها على غشمره بسس .. صارت الساعه ٤ الفير وفاطمه نامت على نفسها كانت تنطر منه رد .. ولما مارد عليها
فاطمه بقلبها : اقص ايدي اذا ما كان بالدوانيه مالته او بالقهوه ويشيش ومستانس ويبينلي انه زعلان !! ماتشوف شر عبدالله انا بنام وايد ابرك .. نامت ولما قامت الساعه ١ الظهر لقته راد عليها : مممم جين >> هذي اول علامه تدل على انه تغير
فاطمه بينت انها مو مهتمه قرت وماردت .. بعدها منال وايمان قاموا يلومون فاطمه على الي سوته .. كلهم صاروا مع عبدالله .. فاطمه حست انها ضايعه ماتدري شتسوي .. كانت تحاجيهم وشابكين الخط
فاطمه : وااااي والله ببجي .. مابي احس اني ظلمته واهوا صج يبيني لاني اعرف الشباب والله بس حجي
ايمان : حبيبتي انتي تقولين انه ثقيل ومايعطي البنات ويه شنو مصلحته انه يركض وراج كل هالمده ها قوليلي ؟
منال : قتلهاااااا والله رفيجتج راح تذبحنييي تخيلي اموون اكو واحد بهالوقت واهوا قاعد مع امه يخليها عالخط عشان لا تشك فيه !!
فاطمه : اقول جب انتي لا تصيريلي مريوم الثانيه كانت ميته على حركاته هذي .. انا مابي اصير عاطفيه واي شي يسويه اتعلق فيه
ايمان : صح كلامج فطمو ماشالله عليج انتي حيل قويه وذكيه بس هم حرام ريال جميل وثقيل وتقولين يصلي وزين وايد بينلج انه يحبج
فاطمه : بنات تخيلوا سألني يعني الي قبل كله كان لعب ؟؟ بالله انا شنو ذنبي اذا كان يكلم مريم بالفون .. انا خايفه اطيح من عينه خايفه حسباله اني مو زينه او كنت اقزرها عليه
منال : يبا شفيج ماعليج منه انتي الحين سوي الي عليج واذا اهوا يبيج اييج
فاطمه : شسوي ؟
ايمان : انا اقولج .. سألي عنه .. سولفي معاه عادي لا تحسسينه انه صار شي من قبل واهوا اذا فاهم بيحس فيج وجذي بتكونين سويتي الي عليج

فاطمه سكرت الفون والبنات كانوا يكلمونها ويخططون معاها .. اهيا ياما وقفت معاهم ..والحين يادورهم يوقفون معاها .. بس المشكله انه لما يت فاطمه تبي تبادر عبدالله تغير ١٨٠ درجه .. من الاحداث راح تصير مرات فاطمه تحس انه صج خاطره فيها بس حس انه كرامته فوق كلشي ..

مرت الايام وصارت وايد مواقف كانت تتعمد فطوم تسأل عنه بدون سبب وتضحك وتسولف بس كلش ما كان يعطيها ويه يكلمها برسميه .. طبعاً فاطمه ما تتحمل ههههه تحس انها قاطه روحها على واحد .. شوفوا شنو صار !!

فاطمه : سلاام
عبدالله : وعليكم
فاطمه : شلوونك شخباارك
عبدالله : تمام
فاطمه : دوووم
عبدالله : اجمعيين

فاطمه انقهرت .. ويهها صار احمر من العصبيه .. دزت بنقات حق ايمان
ايماان : هلااا بالحب ها شصار ؟
فاطمه واهيا معصبه شوي وتبجي : الحين انااا اخرر عمررييي اسلم عليه يرد علي من طرف خشمه ويقولي اجمعين حتى مايقول انتي شلونج !
ايمان : كااااااااااااااااك صج ليه قالوا الدنيا دواره
فاطمه : نعم نعم نعم نعم !!! ياااا شقول انا يايه اشتكيلج تقولين جييي ملييييقه اموون
ايمان : هههههه ترا اهوا فاز عليج .. سوا فيج نفس ما كنت تسوين فيه
فاطمه : هاهاهاها ضحكتيني والله .. عيل تدرين شلون بعلمكم منو الي بتسأل عنه مره ثانيه كافي عاد جم مره بينتله اني مهتمه لو يبي جان كلمني وخلاص ماني محاجيته مره ثانيه
ايمان : كيفج فطوم بس اهوا سنين تم وراج ما قال نفسج !! الريال اكثر شي مايحبه انه مره تذله فما بالج نوع عبدالله الي ثقيل حيل !
فاطمه تضايقت : امون انتي تعرفيني انا اذل احد ؟
ايمان : والله ادري انج بنت ناس وماتحبين تكلمين ولا تحبين هالسوالف .. بس مادري .. عموماً الحين خليه خلاص اذا كلمج كلميه عادي غيره لا تدشين عليه
فاطمه : اوك

طبعاً اكو شغله مهمه حيل .. نسيت اكتبها بالبارت مال عيد ميلاد فطوم .. بالترفيهيه فاطمه لقت مصمم ديكور بالمسرح سلم عليها وقالها انه بعد شهر راح يكون في مهرجان مسرحي ثاني وراح يكون اطول من الي قبل

فطوم تذكرت هالموقف ستانست .. قررت انها ماتكلمه وبعد شهر بالمهرجان بتشوفه اكيد و وقتها تشوف شنو راح يصير

}{ نعم تغيرت .. فأنت لم تعد أنت .. لم أعد أرى اللهفه في عيونگ .. ولا حتى الشوق رفيق كلماتگ }{

 

[اسيرةالهموم]

كمليييييييييييييي

 

[robe]

Sorry f6om bs zain yswe fech 3bdalla loool bs enty b3ad m3ach 78 w thanx 3la elpartat 3jebeen

 

[حنونه بدمعتي]

لا تطوووووووووووولين .... ابي اعرف وش صصصار بالمسسسرح

 

[FuFu...]

يوووه حسافه تغير عبداالله
ترى حلو الثقل بس مو زياده شفتي جذي تغير عليها لوول
المهم يعطيج العافيه حبيبتي ع البارت الحلو و ناطرين البارت الياي