قصة فاطمه fa6ma story

[q8_girl200]

part31
الساعه 12 الظهر .. بعد الي صار قررت فاطمه أنها تنسى كل شي .. تنسى الصدفه الي جمعتها ويا عبدالله بعد فراق سنتين .. تنسى الي باعوها وما سألو عنها .. تشيل من طريجها أي نقطه سوده أو فيها حزن ممكن تكسرها وتخرب عليها نجاحها وحياتها .. بعد ما صلت ركعتين وفضفضت وطلعت الي بقلبها حق رب العالمين .. غسلت ويهها وبدلت ونزلت تحت تسلم على أمها وأبوها تقعد معاهم
فاطمه : سلاااااام ماما .. شلونك بابا باست راس أبوها وأمها وقعدت ..
فاطمه قعدت حست الوضع غريب في شي .. أمها مطنقره وما تحاجي أحد .. أبوها ساكت يقرا الجريده .. وخوانها فوق .. ابوها قام .. فاطمه عرفت شسالفه فجأه ضحكت ماقدرت تمسك نفسها لأنه شكل أمها واهيا معصبه فلم
فاطمه : كاااااااااااااااااااااااااك .. وقامت تضحك طبعا ويهها مووورم من البجي وعيونها حمره وصوتها فلم كان توها قاعده من النوم وكانت باجيه << حياتي فطيم وقتها كسرتي خاطري
أم فاطمه : خير شنو الي يضحك !
فاطمه : هههههههههههه ماما شفيكم ؟؟ كالعاده متهاوشين ها !
فاطمه : عمى بعين بليسج وهالشي يضحك يعني ! أبوج مايرتاح إذا ما نرفزني .. وقامت تتكلم .. وتتكلم .. وفاطمه قاعده تسمعها .. قاعده تشتكي حق بنتها وتسولف لها .. خلصت من سالفة هوشتها ويا أبو فاطمه .. ودشت بسالفه ثانيه
أم فاطمه : خواتج يننوني مو راضين يفجون كتبهم عقب باجر دوامات واحنا على ويه أمتحانات شسوي فيهم والله تعبوني هالعيال
فاطمه : يماا سؤال !! ليش يعني كل شي تحرقين قلبج عليه !! ثواني .. سوووونيتاااااااا .. عفيه نادي البنات
راحت الخدامه تنادي خوات فاطمه لصغار ..
يت ساره أختها الي وراها على طول عمرها 14
فاطمه : ساره جم يوم باقي عالدوام ؟
ساره : عقب باجر ليش ؟
فاطمه : أنتي مو حاطه ببالج هالسنه تيبين نسبه حلوه يالعبقريه !! وينها مهندسة المستقبل ما أشوفج شاده حيلج !! ( كانت تحاجيها على غشمره عشان تتقبل منها وتسمع الكلام )
ساره : بسم الله !! خوالدوام عقب باجر مو باجر وبعدين ماكو لا امتحان ولاشي شكو ادرس الحين
فاطمه غمزت حق ساره .. تبيها تسمع الكلام وتروح تدرس عشان أمها تطمن وترتاح : ساروووو حبيبتي عشان ماما ترتاح روحي لو نص ساعه من كل ماده وبعدين ارتاحي
ساره : اووووك وراحت .. جان ترجع مره ثانيه
ساره : زين خل نطلع اليوم بخاااطري اغير جو قبل الدواامات
فاطمه : خوو ذلفي درسي ويصير خير خووو
ساره : هههههههه ويهج بس يعني انا لكبيره ها
فاطمه : كااااااك جب جب قلبي ويهج كبيره غصبن عليج
أم فاطمه بتسمت وحست براحه .. طبعا الصاله فضت كان فيها بس فاطمه وأمها ..
فاطمه : وهالنزغتين يني وعطبه وينهم .. خلاص يما سارو وخلصنا منها راحت تدرس ونور ولوجين بعد شوي بصعد أغريهم بجم كلمه ويدرسون .. وبليل خل نطلعهم نعشيهم برا .. نونسهم لازم يشبعون من الطلعات لأنه الأمتحانات عالأبواب هالشي من حقهم واذا على أبوي خو تدرين فيه يحبج ويموت فيج بس اهوا طبعه جذي .. مايصير على كل شي ترفعين ضغطج عالفاضي !!
أم فاطمه : حبيبتي يما والله راضيه عليج من كل قلبي .. انا مادري بدونج شنو راح اسوي
فاطمه ستحت .. تستحي لما امها تمدحها وتدعي لها بالخير .. نزلت راسها وقامت تضحك : هههههههه خوو بنتج انا غصبن علي اساعدج بكل شي ولا تنسين احنا رفيجات مو نفس اي ام وبنتها علاقتنا غيير
ام فاطمه : فاطمه !! أنتي باجيه صح ؟
فاطمه : هههههههه امبيه لا شكو ابجي بس أمس كنت حاطه عدسات وعيوني حمررره منها
أم فاطمه : رووحي حق ابوج عنده خوش قطره حق لعيون حطيها لا تهملين عيونج تلتهب بعدين
فاطمه : أوكييك صار انا بقوم اكلم البنات خل سونيتا تزهبلي شي اكله حدي يوعانه

راحت فاطمه وأهيا قاعده تمشي تكلم نفسها بقلبها : أشوه قدرت أرقع الموقف .. الحمدالله يارب أنه حلوة اللبن راضيه علي
** سأخفي دموعي .. لأرى أبتسامة شفتيك .. يا أجمل أنسانه على قلبي .. يكفيني أن أنال رضاكي .. تزول جراحاتي يا أمي .. عند تقبيل يداك الطاهره .. أحبكي يا أوفى الأصحاب .. أحبكي يا أغلى الأحباب

طبعا فاطمه بهالحزه كانت مرتاحه عالآخر .. عندها متعة ولذة يومها لما تحل مشاكل خواتها وأمها .. وأهما مايقدرون يسوون شي بدون يستشيرونها .. فاطمه بلشت تعيش يومها كل ثانيه ولحظه براحه وسعاده .. شنو أحلى من أنه أهلج حواليج .. شنو أحلى من الصحه والعافيه والتوفيق من رب العالمين وحب الناس .. شنو أحلى من أنج قادره تحققين طموحاتج بهالعمر .. وكل البنات والناس يحسدونج على هالشي .. صج أنه في ناس يحقدون ويحفرولج عشان يخربون هالنجاح .. بس حلو لما تكونين قويه ومتفائله وتتحدين هالمصاعب رغم كل العواقب الي تمرين فيها !! .. ليش نعور قلبنا عشان ناس ما سألو عنا ؟؟ .. الي يبينا نشتري خاطره والي باعنا نبيعه J
هذي أحداث يوم من الأيام الي فاطمه عاشتهم .. بس يا ترى عبدالله راح ينط مره ثانيه ولالا وشنو راح يصير بينهم .. تابعوني بالبارت الياي ؟؟

 

[أحلى بطة]

البارت قصييير

كملي ليش وقفتي

ولا تنسي تسلملي على فطوومة
​

 

[قلبي سلمته لك]

اب اب اب

 

[VET-Nour]

كممممليي

 

[اسيرةالهموم]

كمليييييييييييييييييييييييييييييي

 

[Ms.romanceya]

up up up up up up
بس انا عاجبتني شخصية فطوم متواضعةة و عندها قناعة و امل مشاء الله عليها
بس جم باقي على البارتات​

 

[FuFu...]

يعطيج العافيه على البارتات حبيبتي..
حسافه خلصت المسرحيات ماراح تشوف عبدالله بعد
بس انشالله يرجع مره ثانيه
كمليي بليز ناطرينج

 

[q8_girl200]

حبايبي شكراً لأنكم متفاعلين ويا القصه وسوري عالتأخير انشغلت اليوم باجر انشالله بنزل بارت وفطوم تسلم عليكم وااايد :*

 

[robe]

elpart nice wo atwaga3 en 3bdalla bytshja3 w y56bha
watching from UAE areport

 

[FuFu...]

نااطرينج حبيبتي و الله يسلمها فطووم سميتي

 

[q8_girl200]

[Part 32*
بهاليوم نفس ماقتلكم فاطمه مع امها وخوانها طلعوا يغيرون جو ..*
بالسياره فاطمه : على فكره باقي يومين على عيد ميلادي فاجئوني هااا موو تنسووون
أم فاطمه : ههههه حبيبتي والله تستاهلين عاد شنو تبين يما شيبلج*
فاطمه : ماامااا شفييج خو انا ابي اتفاجئ اتفقو من وراي عشان احس بالسربراااايز خخخخ وبعدين كلشي منج حلو يا الحب قام اتغشمر موصج كافي انكم يمي هذي احلى هديه
ساره : كاااااك والله انتي مو صج فطوم خو احنا ذاكرين ماله داعي تتليقفين*
ام فاطمه : فديت بنيتي والله بس عاد لا تصيرين مثاليه يمه قولي شتبين هديه
فاطمه : كاااااك خو يمااا لا تقصين ويهي صج مابي شي بس حبيت اذكركم يعني :$ *
*
و ردوا البيت طبعاً فاطمه كانت حدها دايخه على طول راحت دارها تبدل وحطت راسها عالمخده *ما مداها تغمض عيونها ولا يرن فونها .. فاطمه على طووول نطت وردت : وااااااييي حووورييي هلا بأم ريليي *شلوونج
حور رفيجة فاطمه معاها بالدوام عمرها ٢٤ منفصله عن ريلها بس عندها ولد عمره ٤ سنين وتحب فطوم كله تشتكيلها اذا مضايقه او فيها شي*
حور: هلااا هلا بالقاطعه *مشتاقتلج يالخايسه
فاطمه : واناااا اكثررر والله *شخبار ريلي الغالي
حور : ههههه تماام بو لساان توه نام *مطلعلي قروون*
فاطمه : واااي يمه يمه فديت جميلي بوسيلي ياه*
وتمت فاطمه تسولف مع حور لين سكرته ونامت .. طبعاً ام فاطمه وخواتها *كانو متفقين انه بس يرجعون وفاطمه تنام يجتمعون ويفكرون شنو يسونلها بعيد ميلادها*
ساره : يما انا بيب لها كيكه *وبكلم رفيجاتها ومريوم وزيون وانتي كلمي خالاتي وخل نسوي لها بارتي*
ام فاطمه : خلاص اوكي باجر انشالله اكلم خالاتج عشان يكونون موجودين ونتي دقي على صديقاتها*
ساره : اوكيييك تمم يالله قد نايت *بروح انام*
ثاني يوم فاطمه قامت الصبح قبل الكل كانت حدها مصحصحه تريقت وراحت *حطتلها ماسك .. طبعاً اهيا غرامها شي اسمه تهتم بنفسها تحب هالسوالف .. قعدت تلعب بفونها وتسمع *ميوزك فطوم حيل حيل تحب الهدوء والقعده بروحها وتموت على الموسيقى الهاديه .. فجت الوتساب *صدفه جان تشوف البيرسونال الي كاتبه عبدالله ( back to bbm world add me ) وحاط البن اليديد ماله طبعاً اهوا خذاله *فتره وخر عن البلاك بيري .. فاطمه * حست انه راح تكسر الاتفاق الي سوته مع نفسها نها ماتفكر ولاتسوي اي شي يخص عبدالله *
فاطمه تكلم نفسها : عشتااااووو رد حق البي بي ام .. خل اضيفه بس عشان احرره واحقره هالمليق *
على طول ضافته وحست *انها ندمت : انا شسويت شكو اضيفه !! *بس يالله طاف حاله حال الفنانين *والمصورين الي عندي واصلاً اهيا حاطه البي بي *حق شغلها اكثر شي *
صارت الساعه ١٠ الصبح فطوم ردت نامت ساعتين قامت الظهر لقت عبدالله دازلها : ولكموووو
فاطمه بكل رسميه : ثنكس
عبدالله *دزلها فيس بوسه فاطمه قرت وطنشت بس الي شدها انه حاط بالبيرسونال : welcome all delete kl eli ma y3rfoni*
قصده عن البنات لأنه وايد معجباته بحكم شغله بس اهوا مايعطيهم ويه *.. *فاطمه حطته بفئة الشغل ونست انه موجود عطته احلى طاف وراحت تاخذ شور .. *ساره دشت دار فاطمه لقتها بالحمام عزكم الله على طوول ستقلت الفرصه خذت فونها * دزت بيسي حق رفيجات فاطمه : هااي انا ساره اخت فطوم بليز كل الي يحبون فطوم يدشون علي بالوتساب ابيكم ضروري وهذا رقمي مابي فطوم تدري عن شي وثاانكس :***
.. وعلى طول سوت end chat عشان فاطمه لا تشوف شنو دازه ونحاشت *
*فاطمه طلعت من الشاور خذت فونها .. شافت عبدالله مغير صورته حاط صوره تينن * : *عشتو صاير حلو بعد مالت*
وما لاحظت انه ساره ماسكته ونجحت خطة ساره وكلمت رفيجات فاطمه واتفقوا انه *بهاليوم يونسون فاطمه وكلهم ايون وقرروا انهم يفصلون ويروحون الترفيهيه وبعدها فرايديز عشان يسوون البارتي هناك *وكل هذا فاطمه ماتدري عنه*

بليل الساعه ٢ ونص فاطمه كانت حاسه بملل مو يايها نوم دزت بيسي : who's awake ;(
دش عليها عبدالله على طوول : هلا ابووي انا قاعد
فاطمه : هلا فيك*
عبدالله : ليش مو نايمه*
فاطمه : مادريي مو يايني نوم *وانته
عبدالله : انا بالدوانجه
فاطمه : لوول اهم شي دوانجه زين شكو ماتعزم
عبدالله : والله لو بروحي جان *عزمتج
فاطمه تستعبط : اي خو عادي انا بي اشيش معاك والعب ديل ويا الربع*
عبدالله : اي عشان ادوس ببطنج*
فاطمه : كاااااك ايا المجررم كله هذا عشان قلت بقعد معاكم *بدل لا تقول حياج الله
عبدالله : حيااج الله ببيتنا وبغرفتي مو الدوانيه *
فاطمه دزلته : لووووول *يالله اخليك بنام*
عبدالله : تغطي عدل وحلمي فيني ونوم العوافي قطوتي*
فاطمه تتنرفز لما يكلمها جنها حبيبته واهوا مايسأل كل مره دزتله بس : اوك *ونامت*

البارت الياي راح يكون بارتي فاطمه وبتصير احداث تشووق تابعوني ؛)SIZE="6"][/SIZE]

 

[قلبي سلمته لك]

اووووووووه والله كل مالها و تحممس القصة
اب اب اب اب اب

لايوقف


لووووووووووول نبي تخلصين لنا الرواية قبل الامتحانات فديتج
لان ما اقدر ادخل بعدهاا

 

[q8_girl200]

هههههه حبييبتي مو بكيفي لأنه الصراع للحين مستمر بين فاطمه وعبدالله كل مايصيز بينهم شي تقولي واكتب لكم بارت عاد ادعو حق فطوم النهايه تكون حلوه وانشالله يفكونا قبل الامتحانات ككككككك

 

[robe]

Wnasa el89a gam t9er action na6rench
Bs 3nde so2al y3ne ehya le al7en mstmra el89a wla 5l9at?
Y3ne le al7en ma tzwjaw aw 9ar Shay benhom ;p

 

[robe]

Wo alla ywafg f6oom yaarb wo tlga ely ys3dha

 

[FuFu...]

يعطيج العافيه على البارت الحلو حبيبتي..
والقصه صج قاعده تصير احلى و احلى
وانشالله تكون النهايه حلوه مثل ماتبي فطوم
اب اب ناطرينج

 

[أحلى بطة]

القصه صارت احلى
يلا بسرعه جطي البارت ابي احضر عيد ميلاد فطووم
ولا تنسي سلمي عليها ​

 

[كتكوتي]

كمليهاااااا شوقتيني

 

[q8_girl200]

[Part33
طبعاً بهاليوم فاطمه كانت نايمه متأخرر وحدها مالها خلق .. واليوم كان يوم السبت وفاطمه عيد ميلادها يصادف الأحد فـ رفيجاتها واهلها قرروا انه طلعتهم والبارتي يكون السبت عشان الدوامات عاد شوفوا شنو صار ..*

يوم السبت الساعه ٩ الصبح يت ساره دار فاطمه تقعدها*
ساره : فطووووووم قوووماااي يالله قومي قومي قومي بنطلع بعد شوي*
فاطمه : سارو جب عطيني مقفاج وصكي الباب امس ما نمتت حدي نعساااانه وغطت راسها بالمخده*
ساره سحبت الكمبل : فطموووو يالله لا نتأخر قووماااي*
فاطمه تنرفزت وعقب صراع وحرب بينها وبين ساره قامت وكانت دايخه ومالهاا خلق*
فاطمه : خير انشالله وين بتروحون بعز الظهر*
ساره شقت الحلج : المدينه الترفيهيه
فاطمه قامت على حيلها : خير حبيبتي ما سمعت عيدي اقين !*
ساره ماقدرت تمسك نفسها فصلت على فاطمه لأنها تنحت لما سمعت كلمة ترفيهيه بيييه حده شخباري منو يروح هناك الحين !!*
ساره : كااااااك امبيه شفيج تنحتي*
فاطمه : اقول جب روحو بروحكم شهالهلاقه بعز الظهر اطق طريج حق الدوحه ليييش ماكو شغل ! لا وبروحنا بس انا وخوانج وماما ! ساره حبيبتي turn your face
ساره : اوك فاطمه انا اخلي ماما تتفاهم معاج احسن (وطلعت راحت تكلم امها :
يماا بنتج موتتني من الضحك انصدمت لما قتلها وين بنروح روحي قنعيها لأنها محنجه مو راضيه وانا بروح ألبس*
ام فاطمه : زين زين روحي ترا كلمت مريم قالتلي ماتقدر تي تعبانه غريبه مو عادتها تطوف هاليوم*
ساره : امبييه حده شفيها هذي عموماً ماتشوف شر ماتبي تي كيفها*
راحت ام فاطمه كلمتها وقنعتها ولبسو كلهم نزلوا تحت ينطرون فاطمه بالصاله والصدمه *انه الاخت كانت لابسه شي وكاشخه بس شي رسمي مو عملي كلش مو مال فصله ولعب وترفيهيه !!*
ام فاطمه تبي تضحك بس ماسكه نفسها : فطوم يما انا انطرج بالسياره اذا تحبيني صج غيري لبسج لبسي شي عملي*
فاطمه تنحت وحست نفسها دايخه : نعم ! يما من صجج ابدل عقب ما لبست واااي حق شنوو كل هذا !! مقعديني الصبح وغصبتوني اروح والحين لبست وحالتي حاله تبوني ابدل !!
وراحت مره ثانيه تبدل وهيا تتحطلم : انا مع ويهي شكو لابسه جذي قالولي ترفيهيه يعني مو مال جذي لبس كلش *
راحو ينطرونها بالسياره وكانو حدهم ميتين من الضحك وفاطمه صعدت واهيا تتحلطم جنها خدامه مسترجعه وركبت السياره كانت مطنقره عليهم .. طبعاً وقتها فاطمه كان مالها خلق اشكره رايحه غصب بس ماتبي تكسر بخاطهم فقامت تنكت وتضحك .. بس كان ينرفزها انه امها وساره كل شوي يتساسرون*
لما وصلوا المدينه عند الباب !! فاطمه كانت تسولف بالبي بي مع رفيجاتها وتشتكي لهم عن الي صار واهما بس يضحكون !! كانت منزله راسها ما نتبهت الا شلة بنااات رفيجااتها وخالاتها ومرت خالها يسلمون عليهم فطوووم وقتها نصدددمت قامت تصارخ : وااااااي حيوااانااااات امبيييه شياايبكم هنيييي*
البنات كلهم لموها وسلموا عليها لانه في منهم من زمان مو شايفينها وباست امها واختها على هالمفاجأه وقاعده تسولفلهم : امبيييه مو من صجكم فاجئتوووني قاعده اقول بقلبي شهالفصله الي علينا بنروح الترفيهيه وبروحنا !! عاد شكيت انه في شي ههههههه*
وكااان هاليوم حيل حيل فصله ما خلوا لعبه ماركبوها وفطوم حدهااا مستانسه لما صارت ١٠ بليل*
ام فاطمه : يالله كلكم لحقوني فرايديز البحر خل نتعشى قبل لا يتأخر الوقت*
فاطمه : وااااااي بنااات تيون معانا !!!!*
وحده من رفيجاتها : اي افا عليج مضبطين اهلنا ههههههه
فاطمه : ايوااا فديتكم والله*
راحو فرايديز وتعشو وفاطمه حدها تعبت كانت بترد البيت بس تفاجئت لما خلصت عشا ياو الجيرسونات وقاموا يغنون لها كالعاده يرقصون ويغنون ورفيجاتها كانو يغنون لها وفطوم انصدمت وعيونها دمعت الكيكه كانت حدها عجيبه كبيره حيل وعلى كاميرة canon .. باستهم وشكرتهم وردت بالبيت اول ما صارت الساعه ١٢ الكل دزلها مسجات .. اهلها رفيجاتها الممثلين والمصورين الي يعرفونها .. بس الصدددمه انه كانت هدية ابووها تذكرة سفر حق العمره ..*
#مسج : كل عام وانتي بخير يبا حبيبتي الله يطول بعمرج ويخليج لنا انا حاجزلج تذكره يومين نروح العمره انا وياج وامج*
فاطمه اول ما قرت المسج دمعت عيونها وراحت باست راس امها وابوها ولمت خوانها وشكرتهم وراحت تنام*
واهيا حاطه راسها عالمخده منسدحه ومسترخيه عالآخر حدددها تعبانه مانت من الصبح فراره ولعب وصلها مسج بالبي بي ام من عبدالله #HBD al7ub*
فاطمه بقلبها : وايد عليك وردت عليه ( thnxx)*
طبعاً مريم حتى مافكرت تهنيها بعيد ميلادها بس فاطمه ما هتمت كان يومها وايد حلوو غيرت جوو وماحبت تخرب جوها وتفكر بناس مايستاهلون .. كانت حيل محتاجه هالطلعه واليمعه .. والحمدالله غيرت جو*
~~اللهم أحفظلي من أحب ولا تحرمني جمعتهم ~~
SIZE="6"][/SIZE]

 

[q8_girl200]

حبايبي سوري اذا الخط صغير لاني قاعده انزل البارت من الفون :$