قصة فاطمه fa6ma story

[q8_girl200]

part27

لما وصلت البيت فاطمه .. دق عليها عبدالله مرتين .. ماردت .. ماحبت ترد عليه .. لأنه علاقتهم ماردت رسمي .. أهوا غامض وأهيا تكلمه بس بحدود الشغل .. دزتله مسج وتساب : سوري ترا مارديت عليك صوتي رايح حدي مريضه << اشكره تصريفه
عبدالله : شدعوووه !!
فاطمه : ههههه والله غصب يت التصوير اليوم
عبدالله : يعطيج العافيه حياتي .. يالله اليايات
فاطمه : يعافيك :**


ثاني يوم .. فاطمه راحت مع أمها يستلمون الصور .. وشافو عبدالله يا سلم عليهم .. وقررو أنهم يحجزون المسرحيه
مره ثانيه .. أم فاطمه سألت عبدالله : أنا بخاطري أحجز حق عيالي مره ثانيه بس متى أخر يوم
عبدالله : أنشالله اليمعه
ام فاطمه : ويي فطووم اليمعه يمعة بيت خالتج شلون ؟؟
فاطمه بس أمها قالت أسمها جنه أحد طقها طراق !! .. عبدالله فززز بس سوى نفسه ما أنتبه ..
فاطمه : عاادي يمااا خل نأجلها خوو
أم فاطمه ترددت .. عبدالله طالع عيون فاطمه جان يقول : أهيا لا تسألينها لو عليها بتقولج أكيد أي
أم فاطمه قررت أنها تحجز بس ترددت من المكان
عبدالله : تبون اوديكم داخل المسرح تشوفون مكانكم ؟
أم فاطمه : لا ويين مو عندكم عرض الحين ! المسرحيه شغاله
عبدالله : إي بس عادي تامرون انتو
أم فاطمه وفاطمه مشو وراه .. الكل بالمسرح قاعد يخزهم .. شلون كانو داشين المسرح من غير تذاكر ممنوع !! بس لأنه عبدالله المدير هناك الكل بالكل .. محد قدر يكلمهم .. دشو وأختارو المكان وحجزو .. وأم فاطمه وايد كانت تكرر أسم فاطمه يمه .. والمسكينه فاطمه كان شكلها فلم .. مايسوى عليها جذبه .. بس الصدمه أنه عبدالله كان عااااااادي عشان لا يحرج فاطمه .. والواضح أنه قدر موقفها لمن جذبت عليه بالأسم .. مازعل ولاعاتبها ..
أم فاطمه : مشكور ماقصرت تعبناك معانا
عبدالله يطالع فاطمه ويرد على أمها : ولوو ماسوينا شي تستاهلون أكثر
أم فاطمه : مع السلامه .. وراحت
عبدالله مادش داخل تم موجود لما راحو سيارتهم كان يطالع فاطمه .. دزلها مسج : تعبااان
فاطمه دزتله : سلامات عسى ماشر
عبدالله : جمالج تعبني شلون بكمل شغل الحين ؟


فاطمه ماحبت تعطيه ويه : لووول سلامتك من التعب
**ويـــــأتي الحب مـن حيث لا نعــلمـ **

شووو يا حلوين نكمل ??

 

[قلبي سلمته لك]

هههههه

بالاول : سلمي لي على فططوم ... وزين ماسوت ماقالت له اسمها الصجي

بس متحمسة شيصير بععدين
تككفين كملي

اب اب اب اب اب اب

 

[روندى العاصي]

ووووووووووااااااااااووووووووو كملي عاااااااد

 

[robe]

اكييييد كملي يلا تحمست البارت حلو واحس يعني فطوم وعبود مصخوها<<<لووول طيحت الميانه
خلاص دام تحبون بعض اعترفوا وفكونا بلا سوالف غامضه ههه ثاانكس حبي

 

[أحلى بطة]

الاحداث صارت احلى لما عرف اسمها بالصدفه

سلمي لي على فطوووووم وقولي لها قصتها تجنن
والله يخليها ويتتزوج عبد الله لان الصراحه تعبت من الغموض اللي هو فيه
​

 

[!! عشقت اسمك !!]

من زمان عن الروايه
سلمي ع فطوم

ناطرين البارت​

 

[q8_girl200]

حبايبي مشكورين وايد عالردود الحلوه وفطوم نفس ما قتلكم قاعده تتابع وتقرى القصه معاكم وكلشي تكتبونه يوصلها .. وأحب أقولها هني الله يوفقج يالغاليه وانشالله آخرة كل هذا يكون خير لج وحق هالمليق عبدالله ههههه
وانشالله بنزل بااااارت الحين

 

[q8_girl200]

part28

فاطمه تزهبت وهتمت بشكلها أكثر من كل مره حطت ببالها أنها تلفت نظر عبدالله أكثر من كل مره .. وراحت مع أمها وخوانها .. وهالمره وياهم ضيف كتكوت ولد خالها .. وطبعا عبدالله يدري أنه معاهم .. لأنه قالوله المره الي طافت أنه بيحجزون مره ثانيه علشانه .. أول ما وصلوا
فاطمه دشت بثقه .. كانت تمشي وتطالع جدامها أو راسها بالأرض .. ما تحب تتلفت أو تخزز بالناس .. ويهها كان منور أكثر من كل مره .. وشكلها كان أينن جنها كيكه قمر كانت ماشالله .. عبدالله كان ياي وراهم ما شافوه .. جان أيي جدامهم سلم على أم فاطمه .. وباس الياهل الي معاهم : هاا هذا الضيف الي ياين عشانه
أم فاطمه : هههه اي عاد انشالله تعجبه المسرحيه
عبدالله : انشالله .. يالله اي شي تبونه كلموني
ام فاطمه وعيالها دشو داخل .. فاطمه قعدت مكانها وناطره العرض يبلش وبقلبها : أمبيييه مابي أحبه L.. ليش كل ما أشوفه أحس إني ذايبه بعيونه .. ليش أموت بنظرته .. ليش أشتاقله وأدور حجه عشان أشوفه .. وااااااي مالت عليه حبييييييته L
فاطمه سرحانه بعبدالله ولا يوصلها مسج : هلاااا ابووووي هلا بالجمال كله نور المسرح يبا
فاطمه قرته وبصوت عالي من غير لا تحس قالت : واااااااي يمااااا يماااااا يماااااااا
أم فاطمه : وصممممممه شفيج أنتي خفيفه صوتج ويهد !!
فاطمه فصلت على روحها من الضحك : كاااااااك امبيه سوري ماما والله ماحسيت بروحي رفيجتي دازه بيسي يضحك هههههههه
أم فاطمه طنشتها وماردت لأنها كانت حايسه ويا اليهال وعلاوي ولد اخوها ميننهم كان يوعان
فاطمه دزت مسج حق عبدالله : thnx bwjodk :$
بلشت المسرحيه وفاطمه كانت حدها مستانسه ومزاجها فللللله .. ليه درجة أنها حطت علي ولد خالها بحضنها .. وقاعده تغني ويا الممثلين وتصارخ وتصفق وأحلى شي أنه مكانهم كان ورا وبالظلمه .. بس لما أحد يكون قريب منها يشوفها
قبل الأستراحه بشوي أم فاطمه : فطووم عليوي عطشان وديه الكفتيريا شربيه ماي وشوفي اذا في شي تيبينه حق خوانج ياكلونه هني حدهم يواعه
فاطمه : ماما خو صبرو بعد شوي أستراحه
أم فاطمه : انا قلت قومي الحين بعد شوي زحمه .. مالي خلق أحد يتحرش فيج
فاطمه ما كان لها خلق تقوم بس كلام أمها صح أهيا لازم يتحرشون فيها لأنه كان حده زحمه .. خذت علي ولد خالها وطلعت برا .. كان يبجي وأهيا شايلته وتسكته .. وكل شوي تبوسه .. عبدالله كان واقف ويا واحد أول ما شاف فاطمه هد الريال وسألها : مصورتنا شعندج طالعه برا ؟ << طبعا اكو شغله ماقتلكم عنها .. عبدالله مايحب يناديها بأسمها يم أحد وايد يحترم هالشي
فاطمه : ولد خالي عطشان بشتريله ماي وارجع
عبدالله نزل يلاعب علي : حجي تبي ماااي ؟؟
علاوي : اي اي اي مااااااااي
عبدالله رفع راسه طالع عيون فاطمه وهوا يبتسم : شسمه ؟
فاطمه تنحرج وويها يصير أحمر لما يطالع عيونها ويركز عليها ردت عليه واهيا مستحيه وعينها بالأرض: علي
عبدالله : عااااش بوحسييين يالله وديه لا ياكلنا وديربالكم << لأنه كان وايد يحن
فاطمه ودته وكانت كلشوي تبوسه وشايلته .. لمن وصلت المسرح وقعدت وصلها مسج من عبدالله : يعني مايصير خووو L
فاطمه : شنو خوو
عبدالله : شنو يعني بس تبوسين علاوي ولد خالج أحنا لنا الله L
فاطمه قرت المسج انصدمت ماتت ضحك : كاااااااك امبيه نعم شيبي فصل علي !!
دزتله : كاااااااااااااك
عبدالله : اي اي ضحكي

** أحببت وجودكـ في حيآتي .. لكنـ لآ أعلم حقا تريدني أم تتلاعب بمشاعري ؟!؟ **

 

[اسيرةالهموم]

كملييييييييييييييييييييييييي واااااااااااااااااااااايد متحمسه تبطين جبدي اذا كتبتي بارت قصير وكتابتج حلوه مهما كانت منقوله

 

[VET-Nour]

كملي

 

[robe]

ثاانكس البارت حلو بس يلاا ناطرين الاحداث لا تطولين حبيبتي

 

[قلبي سلمته لك]

ههههههه فطوووم حدهاا عجيبة


الله يوفقها ان شاءالله

كملي كملي

 

[q8_girl200]

سوري حبايبي اذا قاعده اتأخر عليكم انشغلت شوي بعد شوي بنزل بارت :*

 

[q8_girl200]

part29
بنص المسرحيه رن تلفون فاطمه كان رقم غريب : ألووو ؟؟
... : هلا حبيبتي معاج بنت أم محمد أمي قالتلي أييج مسرح ال.. عشان أستلم أوردرها عندها تصليح
طبعا سبق وقتلكم أنه فاطمه غير أنها مصوره مصممة أزياء وهالفتره كانت حزة عيدالأضحى وأكو وحده من زباينها عندها تصليح .. وفاطمه ماقدرت تسلمها هالأوردر إلا بالمسرح
فاطمه : ايي هلا حبيبتي عرفتج .. وينج وصلتي ؟
الزبونه : اي كاني عند باب المسرح برا
فاطمه : اوك حياتي الحين اطلعلج
طلعت فاطمه وخذت سويج سيارة أمها عشان تطلع بدلة الزبونه من السياره .. وبرا كان في لويه دوريه قاعده تتكلم مع جم شخص عبدالله كان معاهم .. أول ما شاف فاطمه طلعت من المسرح قاعد يراقبها من بعيد .. أهيا شافته بس سوت نفسها ماتدري عنه .. قاعده تستعرض سلمت عالبنت وعطتها الجيس في بدلتها ودشت داخل .. عبدالله هد الشرطه والناس وتم سرحان بفاطمه لين دشت داخل .. ولما خلصت المسرحيه أتفقوا اليهال أنه يصورون مع ولد خالهم لصغير علاوي بس طلع بهاليوم موقفين تصوير لأنه كان آخر عرض .. ركبوا السياره وبنص الطريج أخت فاطمه الوسطيه : امبييييييه ماما نسيت الأيبود مال عليوي بالمسرح !!
أم فاطمه عصبت : وثووول انشالله شيردني مره ثانيه بهالزحمه
فاطمه ستانست عشان كان بخاطرها تشوف عبدالله : يما رجعي انا بنزل ايبه
أم فاطمه : قعدي أنتي شعرفج وين بتلاقينه أختج اهيا الي خذته اهيا تيبه .. ونزلت أخت فاطمه على أساس تروح تيب الأيبود بس لقت مطفين اليتات بالمسرح وبس الإداريين وعمال كانو يشيلون الديكورات ويعزلون لأنه آخر عرض مثل ما قتلكم بس عبدالله لما شاف أخت فاطمه راده .. ناداها : ها يبه شنو بغيتي
فرح : ناسيه آيبودي داخل وما خلوني أدش آخذه
عبدالله : دشي يبا انا معاج بس عاد ذاكره وين حاطته ؟
فرح : اي بمكاني بالكرسي الي كنت قاعده فيه
عبدالله دش معاها ولقت الأيبود وردت السياره .. سولفتلهم فرح عن الموقف الي صار .. فاطمه بقلبها : يا عمريي هالريال شكثر خدووم
أٌقع ف حبك كل يوم ألف مره بألف طريق هل كل ما بك بات يغريني أم أنني أمامك لا أٌوى مقاومة تحرشات حبك **

 

[q8_girl200]

وهذا بارت 30 لعيونكم

أمس كان آخر يوم فاطمه تشوف عبدالله فيه .. ما يندرى بعد في عروض أو شغل راح يجمعهم ولالأ .. فاطمه قامت الصبح لقت عبدالله دازلها وتساب : تسلم إيدج << دزلها جذي لما شاف الصور الي مصورتهم حق المسرحيه
فاطمه دزتله : الله يسلمك
خذت فونها وفتحت الصور .. قامت تطالع صور عبدالله الي أهيا مصورتهم .. كانت تطالع الصوره واهيا مضايقه وتكلمه : أنته شنو تبي مني ؟ تبيني أحبك وأموت فيك بعدين تقزرها علي وتهدني صح !! آنا طلعت من حياتك بمجرد ما حسيت أحساس أنك مو جاد معاي .. وجمعتني فيك الصدفه مره ثانيه .. وأنته طلبت انك ترجعلي ! ليش هالغموض كانت تتكلم فجأه دمعت عيونها.. وخرت الصوره وقامت تبجي .. ترا والله حراااااااام اذا تبيني قول ابيج ماتبيني قول ما أبيج .. مافيني حيل أنكسر مره ثانيه .. والله تعبت .. مهما كابرت وقاومت قلبي .. ترا قاعده أحس أني حبيتك .. فاطمه بهالوقت ماحست بنفسها .. كانت تقول كلام أول مره تطلعه .. حست بهالحظه أنها ضعيفه وبروحها .. مسحت دموعها وعدلت قعدتها.. حست بصداع وايد أشياء قاعده تمر على بالها .. خطبتها الي ختربت قبل .. رفيجاتها الي نصهم تغيرو عليها من الغيره لأنها وصلت وبدت تحقق أحلامها رغم صغر عمرها ومريم وحده منهم
.. مريم كانت اذا طاحت بمصيبه أو مشكله أول أسم يطري على بالها فاطمه .. وفاطمه توقف معاها بقلبها وروحها ومرات تخاطر وتحل مشاكلها .. فاطمه قاعده تتذكر ..
بيوم من الأيام كانت نايمه الفير.. و حيل تعبانه توها راده من الطبيب أيام مرضها .. رن تلفونها فاطمه ردت بصوت تعبان : ألوو
مريم تبجي : فطوووووم لحقيني عزوز اخوي طاح علي شاف مسجات محمد (حبيبها)شسوي فطووم مالي غيرج فكري معاي بحل راح يذبحني شسووويي ,, كانت حيل تبجي
فاطمه بصوت تعبانه : مريم حياتي هدي .. مريوم جم مره قتلج خل يولي هالمحمد تركيه عنج .. لو صج يبيج يخطبج مايلعب عليج علاقتكم هذي الله مايرضى فيها .. عموما هالحجي ماينفع قومي توضي وصلي .. أنسي أني موجوده .. تخيلي ماعندج أحد بهالدنيا غير الله وطلبي منه أنه يحنن قلب عزوز ويسامحج وراح ترتاحين بس ان عدت هالسالفه على خير اياني وياج تكلمينه الله مارح يردج صدقيني .. المفروض تلجئين حق الله قبل لا تطلبين مني الحل
مريم تطمنت شوي وصكرت التلفون وبعد مده نحلت سالفتها ..
فاطمه تذكرت هالموقف قامت تبجي حييييل : مريم مشتاقتلج يالكلبه ليش تخليتي عن أختج بهالفتره .. ياما وقفت معاج بعز تعبي ومرضي وفاطمه زاد الصداع عندها .. طبعا بعد الي صارلها وايد انكسرت بس تعلمت بنفس الوقت .. مشاكلها صارت تواجهها بروحها وماتسمح حق شي يعكر مزاجها أو يكسرها .. كانت حيل قويه .. من زمان ما حست بضعف كثر هالمره .. قامت صلت ركعتين وطلبت من الله أنه يقوي قلبها وما تحتاج حق أحد وأنها ما تتعلق بعبدالله .. فاطمه : ياربي ياحبيبي مالي غيرك .. خذت نفسي عميييييق : يالله أبيك تبعده عن طريجي اذا ناوي يجرحني أو يعلقني فيه عالفاضي وقامت تدعي .. وحست براحه شوي .. قعدت مع نفسها مده بعدين قررت .. أنها ما تكلمه إلا إذا كلمها وتنساه مره وحده .. فاطمه : أنا لازم أصير قويه مابي أنكسر عشان ريال .. خل يولي واذا يبيني أهوا يلحقني نفس قبل مو أنا أمشي وراه خل أجابل شغلي ودراستي وأهلي وايد أحسن .. أنا ناجحه بحياتي وأهلي راضين عني والناس يحبوني .. ماله داعي أضعف عشان ريال ولا بنات ماعرفو قدري .. ومسحت صورعبدالله وقامت ..
على فكره ترى فاطمه علاقاتها وايد .. عندها صديقات من جميع الفئات العمريه أكبر وأصغر منها وناس شكثر يحبونها بس يعني مو وايد معاهم .. أهيا ما تثق بأي أحد ..
** سأعيش رغم الداء والأعداء كالنسر في قمم السماء **
صج البارت كئيب بس نفس ما قتلكم القصه بقولكم ياها بكل تفاصيلها j

 

[اسيرةالهموم]

كملللللللللللللللللللللللللللللييييييييييييييييييييييييييي

 

[غنج عتيبيه]

واااااو القصه روووووعه

 

[أحلى بطة]

كملييييييي
​

 

[robe]

Thaaanx elpart waaawo na6rench kamlay

 

[قلبي سلمته لك]

تسلم ايدخ

كملي