احترت اعبر
New member
- إنضم
- 29 يناير 2008
- المشاركات
- 2,055
- مستوى التفاعل
- 0
- النقاط
- 0
" في خاطره" افففففف كلش ماكنت اتوقع اوصل لي امريكا عشان هالسالفه .. اطق هالطريج الطويل عشان شنو ؟؟؟ انا من صجي احبها .. بس .. كل مايصير شي تنقلب السالفه ضدي !! ليش !! ليش انا مالي حظ ؟؟ مالي ويه اجوف هالنااصر .. ولا لي ويه اجوفها اهيا .. واجوف فيصل .. ولا اجوف احد .. ااخخ .. هالشي الوحيد اللي ماحطيته في بالي .. ماكنت اتوقع ان عبدالله بيكون موجود وبيعرف مني السالفه .. هذي اللي ماحسبت حسابه .. لا اله الا الله .. شلون صار موقفي كريه !! يعني خلاص ؟؟ امش بوزي ؟؟ مافي أمل فيها ؟؟ يصير خير .. قافل علي الباب لايخليني اطلع ولا شي .. يخاف اشرد .. وين اشرد ؟؟ انا مب في فريجنا عشان اشرد .. نايف .. انت السبب .. لو ساكت احسن لي .. جانزين ماقلت لك شي .. جذي زين ؟؟ ارتحت الحين ؟؟ استانست ؟؟؟؟؟؟؟؟؟
فلبحرين .. الصبح ..
بو ناصر ومرته تحت عند الباب .. يايين يسلمون عليهم ..
ام فيصل تمش دموعها: لازم تيوونه عاد
ام ناصر: اكييد حبيبتي اكيد .. من يحصل اجازه سيده بنييكم ..
ريم تسلم عليهم ودموعها حارقتها: تحملوا فروحكم .. توصلون بالسلامه ان شاءالله
بوناصر: الله يسلمج ..
نجود: عزوز عاد من توصل اتصل لنا ..
بوناصر يهز راسه: ان شاااءالله والغنيمه .. (التفت على فيصل) يالله فيصل نمشي ؟؟
فيصل: ميود السوييج ويلعب فيه: يالله ..
ام فيصل: الله يحفظكم .. بالسلامه ان شاءالله
ام ناصر: يسللمج حبيبتي ..
بوناصر: يالله مع السلامه
الكل: الله يسلمك ..
ريم تحاجي فيصل: بترجع ؟
فيصل: لا لا بوصلهم وبروح الشغل .. تبين شي ؟
ريم: سلامتك .. بس كنت اسأل ..
فيصل: اوكي يالله .. فمالله
ام فيصل: الله يحفظكم ..
طلعوا عنهم ..
ام فيصل: تعالوا يمه تريقوا .. اكلولكم شي ..
ريم: وعليه فصول ماكل شي ..!
ام فيصل: اتصليله قوليله ياخذ له على طريجه شي ليتم لنا علريج ..
ريم خذت تلفونها .. وصووتها مشحط : الفيص .. هلا .. لا بس كنت بقولك تريق .. اخذ لك شي .. اوكي معليه .. لا انت عقب كلمني وبجوف .. اوكي .. باي...
دشوا المطبخ ..
ريم تحوس في تلفونها ..
ام فيصل: يمه ريم !! اكليلج شي ..
ريم بدون ماتطالعها: شبعانه يمه ..
ام فيصل: شبعانه شماكله ؟؟
ريم: ها ؟ لا قصدي عقب باكل لتحاتين ..
نجود وهي تاكل: يمه بسهم النسوان لوعوا جبدنا !! لي متى يعني لي متى ؟
ام فيصل .. تشرب " الجاي حليب" : ريضين يمه ريضين
ريم: يمه جانزين تمت مرت عمي ويانه ..
ام فيصل: ويي جان بخت .. بس مايصير تهد ريلها بروحه !!
ريم: اي صج .. (بلعدال) خل اجوف اسوم هذي وينهي ؟ ... (رفعت تلفونها بتتصل .. يرن يرن .. ) الو
اسوم وصوتها ابين راقده: هااااا
ريم: راقده ؟
اسوم بكسل: اممم
ريم: اوكي سوري بعدين بكلمج
اسوم: باي
ريم: باي ..
اسوم توها مستوعبه: هييييي
ريم: هلا
اسوم: تعالي وين بتروحين ؟
ريم: مابروح مكان !!
اسوم : قصدي ليش بتصكينه ؟
ريم: قلت اخليج ترقدين ..
اسوم: لا انا كنت يعني مب راقده ولا قاعده .. somewhere in between .. شخبار؟
ريم بضيق: سافروا ..
اسوم: من بعد ؟
ريم: عمي ومرته ..
اسوم: ايي لازم بيسافرون !! دهر يعني يتمون هني ؟؟
ريم: متى بتيين اسوم ؟
اسوم: رشود طلع .. قلت له انطرني قبل لاتروح الشغل وصلني .. الظاهر راح ولا عبرني..
ريم: وي ..
اسوم: زين انتي شخانتج احين ؟؟ ورا ماتيين تاخذيني ؟
ريم: اوكي انتي تجهزي ولي برزتي اتصليلي باييج
اسوم " تتمقط" .. و"تتثاوب" : اااه عوذ بالله من الشيطان .. اوكي عيل .. يالله باي
ريم: باي ..
نجود: بتروحين تيبينها ؟
ريم تهز راسها: ان شاءالله
نجود: عيل مري على عوشوو يبيها بعد ..
ريم: ان شاءالله بس اتصليلها قبل ..
نجود: اوكي معليه ..
ريم قامت .. خذت لها بيبسي وطلعت ..
نجود تحاجي امها: يمه !!
ام فيصل: هلا يمه
نجود كانت بتقول لها عن ريم .. بس .. مسكينه امي .. اللي فيها كافيها .. مابي ازيدها بعد .. تمت ساكته
ام فيصل: فيج شي ؟؟
نجود: لا بس .. كنت بسألج شي ونسيت (قامت) لي تذكرت بايي اقولج ..
ام فيصل سكتت ..
نجود طلعت من المطبخ .. الا ام احمد داشه: السلااااام عليكم
نجود متخصره: يالله صباح خير !! من الصبح رازه ويهج ؟
ام احمد: وين امج ؟
نجود: تتريق .. حياج الميلس بتييج ..
ام احمد: وي اشوله اقعد بروحي ؟؟ بروح اتريق وياها .. عسى ماخلصتيه؟
نجود: مايخلص افا عليج .. روحي اكلي
ام احمد دشت المطبخ تتريق ويا ام فيصل ..
نجود ركبت فوق ..
فيصل عقب ماوصل عمه ومرته المطار ..
راح الشغل .. وجاف خاالد ..
خالد التفت عليه: هالكثر متأخر ؟؟
فيصل: شسوي والله الطريج زحمه ووصلت عمي المطار
خالد: مب مشكله .. شخبار؟
فيصل: الحمدلله .. تعاللي المكتب ابيك ..
خالد: دقيقه بس بعطي الظرف المراسل وباييك ..
فيصل ينطره فلمكتب ..
شوي وخالد داش عليه: قوه !!
فيصل: يقوييك هلا .. حياك
خالد قعد عالكرسي اللي مجابله : الله حييك .. بسرعه يالله قول اللي عندك لايطب علينه بومعاذ .. مافينه شده
فيصل: انا متضايق .. شغل ابوي شكثر .. ماقدر اهده ..
خالد: افا عليك .. انا اساعدك ..
فيصل: ماتقصر .. بس وايد اراضي وعمارات وشغلاات .. وغير المطعم .. والمحل .. راسي دار مادري شسوي .. ماقدر اهد الشغل وجابلهم .. انا مالي في هالسوالف !! تعرفني ماحب هالسوالف ابوي الله يرحمه عيز وياي ..
خالد: اممم
فيصل: يعني انا ماقدر اروح مكتب ابوي وادير كل شي مكانه !! ماعرف ماعندي خبره نفسه الله يرحمه .. بعفس المكان فوق تحت !!
خالد: جوف لك واحد عنده خبره جذي وعينه المدير .. وآخر الشهر يطرش لك الريبورت عن كل شي صاار فلمكتب !!
فيصل: اي عاد وين احصل له ذي ؟؟ ابي واحد ثقه !!
خالد: ميخالف انا بسألك عمي .. يدور لنا واحد .. ولا يعطينه واحد من اللي يشتغلون عنده ..
فيصل: اي والله تسوي خير ..
خالد: خلاص انا بكلم عمي وبرد عليك اذا صار ماصار .. ولتحاتي .. اللي يشتغلون فلمكتب كلهم ماشالله عليهم قد المسؤوليه .. بس يبيلهم واحد يديرهم.. وعندك ذي .. شسمه اللي ابوك يعتمد عليه ؟؟
فيصل: بدر ..
خالد: اي .. يعلمونه الشغل بالضبط وخله يدير .. افا عليك بس لتحاتي ..
فيصل: والمحامي بعد قايل يبي يقعد ويااي .. يبي يقرا وصية ابوي الله يرحمه ..
خالد: الله يرحمه .. اي مب مشكله خلاص اقعد وياه وجوف شسالفه ..
فيصل: ان شاءالله .. اسمعني ترى الغدا اليوم عندي ..
خالد: يخي ذبحتنا كل يوم غدا وعشى .. انتفخنا
فيصل: يالله عاد !! بتردني يعني ؟
خالد: لا افا عليك ..
فيصل: يالله انا عندي شغل واايد انت عليك تخبر الشباب
خالد: ايي سكرتيرتك انا .. اي والله خبر الشباب ..
فيصل: يخي اكتب مسج وطرشه لهم كلهم وفك عمرك !!
خالد: وليش انت ماتطرشه ؟
فيصل: يخي ماعندي وقت
خالد وقف: زين اخليك ..
فيصل يحوس فلأوراق: مو تنسى !!
خالد: ان شاءالله الحين اقول لهم .. يالله فماالله
فيصل: فمان الكريم ..
ريم .. تحس بتعب في جسمها المتكسـر .. تتعب لأي حركه تسويها .. من تقوم راسها يدور .. ماكانت تقدر تقوم تييب اسماء .. بس .. غصبت روحها لازم تروح ..
لبست دفتها وشيلتها والنظاره .. وخذت تلفونها .. التفتت على نجود: تيين ؟؟
نجود: لالا بتم مافيني شده
ريم بهدوء: حاجي عايشه عاد ..
نجود: ايي اوكي ..
ركبت السياره ..بالزور وبالغصب قدرت تسوق ..
طول الطريج تحسها مو في وعيها .. كانت مسرعه عشان بسرعه ترد .. تحس بدووخه .. بالغصب ميوده روحها
وصلت بيت اسوم .. اتصلت لها وبسرعه اسوم نزلت ..
اسماء بصراخ: هلووووووووو
ريم بتعب .. التفتت عليها وابتسمت وساقت ..
اسماء تخزها: امبيه !! شفيه ويهج منصفق هلون؟
ريم خذت نفس: مافيني شي ..
زين اللي عووش بعد بيتهم مب بعيد .. اتصلت فيها عشان تطلع .. واسوم مب مستوعبه: انتي هي وين يايبتنه؟؟
عايشه بسرعه بطلت باب اسوم: يالله ورا .. بسرعه
اسوم تطالعها بنص عين: نعم ؟؟ خير اختي خير ؟؟ يالله منااااك (بسرعه سحبت الباب وصكته )
عايشه متخصره .. بسرعه بطلت الباب ودزت اسوم وقعدت يمها وصكت الباب: مشينه
اسوم تخزا: هي انتي هي !! روحي ورا يالله (تطالع ريم) نطري لتمشين .. (التفتت على عووش بعصبيه) نزلي لا احذفج الحين
ريم قفلت البيبان ومشت .. مالها خلق ..
اسوم تفرصها: انتي هي ؟؟ ليش مضايقتني ؟؟ وشلا ماقعدتي ورا ؟
عايشه بغرور: برستيجي مايسمح لي
اسوم تخزها: عشششتو .. ماللت عليج اقول ..
عايشه تدزها بخصرها: دني لي ..وخري شوي
اسوم تدزها صوب الباب: كيفي
عايشه فرصتها بالقوه في زندها واسوم صرخت: آآآآي !! كسسسر !! ضعفه !! مب يد !!
عايشه تطالعها بنص عين .. طلعت لسانها: جب (تبي تحرها .. طلت على ريم) اقوول الريم ؟؟
ريم وعينها علشارع .. بدون ماتطالعها: همم
عايشه بخبث: شخباره فيصل ؟؟ من زمان عنه !!
ريم ببرود: الحمدلله بخير ..
عايشه تتدلع: سلمي عليه وايد .. ولا تدرين .. بتصل له الليله بسلم عليه
ريم تهز راسها .. من غير نفس: زين ..
اسوم توها مستوعبه: لحظه لحظه .. شقلتي توج ؟؟
عايشه تغني: كنت اظن الريييح جابت عطرك يسلم علي
اسوم سدت اذنها: عبالج صوتج حلو ؟
عايشه وهي تطالعها بغرور .. علت صوتها شوي: كنت اظن الشووق جابك تجلس بجنبي شوي ..
اسوم تدزها: جبببب !! عورتي راسي
عايشه تصارخ: كنت اظن وكنت اظن وخاااااااااب ظني .. مابقى بالعمر شي .. واحتريييييتك ..
ريم حست بالكلماات .. عورها قلبها .. اي والله .. مابقى بالعمر شي .. واحتريتك
اسوم: اوه لحظه شكنتي تقولين مساعه ؟؟ شنو فصول مافصول ها ؟ تحجي شقلتي ؟؟
عايشه: وانتي شلج كار ؟؟ ذلفي مناااك
اسوم خذت يد عووش وعضتها بقوه وعووش تصارخ: وييييعه !! (سحبت يدها بقوه) مب ضروس !!
اسوم: شقلتي اقولج ؟
عايشه: وانتي شعليج ؟؟ مالج دخل فلسالفه ..
اسوم تخزها: نعم نعم ؟؟ شنو مالي خص ؟؟ سمعت اسم فصول .. شقلتي عنه ؟؟
عايشه بدون ماتطلعها: مايخصج
اسوم عصبت .. يودت يدها بقوه وفرصتها : بتقولين ولا شلون ؟؟
عايشه وجنها تترجى: بس بس اوكي بقول هديني حفرتي يدي !! يعلج شاقول !!
اسوم معصبه: تحجي
عايشه: كنت اسأل عنه !! حرام يعني حرام ؟
اسوم دزتها بالقوه: مابي اسمع طاريه على لسااانج مره ثانيه
عايشه تخزها: ويي ورا؟؟ يزعم تغارين؟؟
اسوم تدزها: انجبي
ريم راسها يعورها .. بس ماتبي تسكتهم .. قالت بتصبر ... اهم شي توصل البيت الحين ..
وصلت البيت .. وقفت السياره ونزلت .. واهمه نزلوا وللحين يتداززون .. ريم .. تحس بسواد في عيونها .. وراسها يعورها تحس بصداااع مو طبيعي .. قلبها يدق يدق يدق .. اهمه دشوا البيت .. وهي للحين تمشي بلعداال .. راسها ثقيييل ويعورها .. تحاول تصبر .. تيود روحها .. بس علأقل توصل عند الباب .. شوي شوي .. ركبت الدجه .. والدري اللي عقبه ..بطلت الباب .. دار راسها ماقدرت تتوازن .. .. مدت يدها تبي تيود شي .. تحس ماتجوف شي جدامها راسها يدور .. بسرعه طاااحت.. سمعوا الصوت .. اسوم وعووش .. التفتوا عليها جافوها طايحه صرخوا: رييم !! بسرعه ركيض صووبها .. امها كانت فلميلس ويا النسوان .. سمعت صرختهم يودت قلبها: يمه بنتي!! بسرعه ركضت وطلعت الصاله وجافتها طايحه وهمه قاعدين يمها مب عارفين شيسوون .. نجود كانت فلمطبخ سمعت حسهم بسرعه طلعت وراحت لهم .. ام فيصل متدودهه مب عارفه شتسوي .. اسماء تطقها على خداها : ريمم؟؟ رييم قومي ريم !! رييييم !!
ام فيصل بخوف: لا لا لتطقينها ..
بسرعه نزلت وفصختها الشيله .. وبطلت الدفه .. وقفت ورفعت ريلها .. والتفتت على نجود بسرعه: يبي مااي !!
نجود بسرعه ركضت المطبخ ويابت الماي .. خذت منه ام فيصل شوي ورشته على ويهه .. ويدها ترتجف خايفه على بنتها .. بخوف: اسم الله عليج .. اسم الله عليج ..
ريم تحس بصدااع مو طبيعي .. امها وقفت .. تحاول تشيلها .. ساعدتها اسوم ونجود .. شالوها وسدحوها علكرسي .." السوفا" وخلتها ترتاح .. شكلها كان يكسر الخاطر .. ويهه صاير اصفر .. تتنفس بسرعه وويهه عرقاااان ..
اسوم بخوف: خالتي لازم نوديها المستشفى ..
ام فيصل: انا ماقدر اهد النسوان .. الميلس متروس .. اتصلي في فيصل قوليله ..
ريم بصعوبه تبطل عينها: مافيني شي ..
ام فيصل ميوده يدها .. بخوف: اسم الله عليج ..
اسوم بسرعه خذت التلفون واتصلت في فيصل .. قامت عنهم .. راحت صوب الدري .. يودت السور تنطره يرد عليها ..
فيصل: الو
اسوم ونبرة الخوف تبين في صوتها: فيصل !
فيصل بخوف: شفيج ؟؟
اسوم: ريم تعبانه ..
فيصل وقف قلبه: شفيييييها
اسوم: مادري داير راسها .. مادري مادري تعال ودها المستشفى ..
فيصل تجوف الأوراق والملفات والكمبيوتر .. الشغل كله جدامه .. مايقدر يهده !! يطلع ويخليه !! .. سكت
اسوم تترجى بخوف: عااد
فيصل مستعيل: دقيقه بس .. استأذن واييكم .. حطي بالج عليها
اسوم: ان شاءالله .. فيصل لتأخر
فيصل: ان شاءالله ان شاءالله .. يالله باي ..
اسوم بسرعه راحت لهم: اكا بيستأذن وبيي ان شاءالله ..
نجود حاطه يدها على ويه اختها .. وتطالعها : ريم ؟؟
ريم بطلت عينها بلعدال تطالعها: همم
نجود سكتت ..
ام فيصل ميوده يدها: يمه شيعورج ؟؟
ريم تهز راسها: هأ .. ولا شي
ام فيصل التفتت على اسماء: روحي وياها ..
نجود تحاجي امها: انا بعد بروح
عايشه: وانا بعد
نجود التفتت عليها: الحين النسوان بيون مايصير امي اتم بروحها
عايشه تخزها: اتم ؟؟
ام فيصل: لا عادي حبيبتي تبين تروحين روحي ..
نجود: كشته هي كشته ؟؟ وين تروحين ؟؟ تمي تمي
اسوم: انتي مالج سالفه تيين تمي انا بروح وياها
نجود: لا حبيبتي انا لازم اروح ..
ريم راسها يعورها .. وهمه مالقوا مكان تناقشون فيه الا فوق راسها ..
ام فيصل: بس عاد !! اللي بيروح خل اروح .. سكتوا البنيه تعبانه مب حزتكم !!
ناصر .. ويا عبدالله فلمطعم ..
عبدالله .. عقب ماقال له السالفه كلها .. ناصر منصدم .. يحس بصدااع .. راسه يعوره مب قادر يصدق اللي قاعد يقوله .. نزل راسه حط يدينه على راسه .. غمض عينه .. يبي شوي يصدق .. ويبي يرتب افكاره .. شلازم يسوي .. يعني طول الوقت كان ظالمها ؟ وشلون حمد قدر يلعب عليه بهالسهوله ؟؟ وشلون صدقه .. !! شلون قدر يسوي كل شي ويخليه سافر ويهدها ؟؟ .. عبدالله ساكت .. يبيه يفكر على راحته .. وللحين ماقال له ان عمه توفى .. قال له سالفة حمد بس .. وجاف شلون ناصر ويهه انقلب ولسانه انربط .. مب قادر يتحجى لا يقول شي ..
عبدالله يفكر .. شلون اقول له عن وفاة عمه !
ناصر .. عقب فترة صمت طويله .. مانطق بولا كلمه .. وعبدالله تم ياكل ويطالعه .. رفع راسه ويطالعه بأيس: انت من صجك ؟
عبدالله خذ القلاص بيشرب: يخي جم مره سألتني من صجك من صجك ؟؟
ناصر ساكت .. يبي يروح بسرعه الشقه يطق حمد .. يبي يأدبه .. يبرد حرته فيه .. شلون قدر يسوي كل ذي ؟؟ شلون ؟؟ وشلون صدقه بسهوله وراااح عنها ؟؟ شلون قدر يفرقنا جذي ؟؟ الحين ريم شبتقوول عني ؟؟؟؟ ااااااااه يا حمد لو انك جدامي الحين دفنتك
عبدالله يود يد ناصر .. بتردد: بقولك شي
ناصر بروحه منصدم: شصاير بعد ؟!! ترى قلبي بيوقف !!
عبدالله بلع ريجه .. بهدوء: عمك عطاك عمره ..
ناصر بق عينه .. وقف قلبه . نشف رييجه .. مب مصدق: شنو ؟؟
عبدالله سكت .. وفر ويهه ماقدر يستحمل يجوف ناصر جذي ..
ناصر بسرعه وقف : شقلت ؟
عبدالله: ناصر ايلس .. ايلس خل افهمك ..
ناصر .. وعيونه انترست دموع .. حرقت عينه .. يحس بغصه: شلون ؟؟ ومتى ؟؟ وليش ؟؟ وليش انا مادري ؟؟ عبدالله انت من صجك؟؟
عبدالله: حزة اللي انت سافرت ..
ناصر نزل راسه .. خش ويهه بيده: انا لله وانا اليه راجعون .. انا لازم اروح البحرين الحين .. لازم .. انت يااي تذبحني عبود .. ذبحتني بكلامك .. ماستحمل جذي.. لازم اروح
عبدالله توه بيتحجى: باجـ
ناصر قاطعها بصراخ: الحييين !! ( خذ نفس) انت تعرف شقاعد تقول؟؟ عبدالله حط روحك مكاني !! بس الحين ؟؟ آآآآآآه !! ماصدق .. (نزلت دمعته) الله يرحمك .. الله يرحمك .. (وقف بسرعه) قوم !! قوم بسرعه !!
عبدالله قام: جدم السياره بدفع وباييك ..
ناصر طلع .. رفع راسه يجوف السما .. عمي مات !! بو ريم مات ؟؟ شحالج يالريم بدون ابوج !! آآآخ !! الله يرحمك ويصبرهم .. جذي تروح وتخليهم ؟؟ جذي تروح وانا مادري ؟؟ ااااااه الله يرحمك !! (عصب) وينه حمد ؟؟ اهوه السبب في كل شي ..! وويينه الجلللللللب !!
عبدالله بسرعه ركيض طلع من المطعم .. ناصر ركب السياره بيسوق .. وعبدالله ركب يمه ..
وناصر معصب ومتضايق ومنصدم يحس بضيق مو طبيعي
عبدالله يبي يهديه مب عارف .. : قول لا اله الا الله !!
ناصر خذ نفس: لا اله الا لله محمد رسول الله !! عبود شهالمصايب اللي ياتني مره وحده !!
عبدالله يطالعه بهدوء: انت هد اعصابك وقول الحمدلله والشكر !! ماتدري يمكن فيه خير لك !!
ناصر: الحمدلله والشكر .. ان شاءالله خير .. ان شاءالله خير
عبدالله: لازم ماتعترض على حكمة ربك !! ماتدري الله شكاتب لك !!
ناصر بهدوء: اللهم لا اعتراض
عبدالله: هد اعصابك .. وباجر الصبح نروح نحجز
ناصر التفت عليه بعصبيه: من صجك انت ؟؟ عبالك الطريج قصير ؟؟ يبيلنا اكثر من يوم فلطريج !! وتقولي باجر ؟؟ اسمعني .. انا الحين بطخ شنطتي ودايركت علمطاار .. بسرعه اي طياره بتروح فرنسا .. ميونخ .. فرانكفورت ..امستردام .. اللي اهوه .. وعقب باخذ لي طياره لي البحرين
عبدالله: اي معليه انا وحمادو بنيي وياك
ناصر توه متذكر .. بعصبيه: ذي الجلب بدفنه اهني بروح
عبدالله سكت ...
وناصر داير راسه .. يبي بسرعه يروح البحرين .. صج ان ايام العزا كملت .. ومالحق عليهم .. بس لازم دام درى يروح بسرعه .. يبي يجوف حالتها مسكينه ..
شلون قدرت اروح عنج ؟؟ شلون قدرت اخليج وانتي في اصعب حالاتج .. ؟؟ شلونج الحين ؟؟ شمسويه ؟؟ وانا اللي قلت لج انسيني .. نسيتيني ؟؟ برجع لج .. يااييج حبيبتي يايج .. بس عندي امل انج بترضين علي وبترجعين لي .. عاتبيني .. اجرحيني .. منج احب الجرح لو ماينتبارى .. بس اهم شي .. ترجعينلي .. اهم شي اجوفج .. " وان كان لي يوم وتمنيت شوفة عيونج طالبنج " فديتج وفديت عيونج.. لتنسيني طلبتج لتنسيني .. الذنب مو ذنبي .. ذنب حمادو الجلب .. الحين اراويج فيه .. بس ريم .. يارب تفهميني .. انا احبج .. والله احبج .. "وشويه ان قلت احتاااجك .. وشوية ان قلت اشتااااااااااقك وشويه ان قلت انا كلي لك وشويه ان قلت اهواااااك .. لو تجمع حب العالم .. احساس وشوق العالم .. وكلام الحب .. واغاني الحب .. ماتساوي يا عمري غلاااااااااك " ... عمي ! الله رحمك .. جعل مثوااك الجنه يارب.. ماتدري شلون اتخيل حياتنا بدونك !! الله يرحمك .. فراقك صعب .. والله فراقك صعب .. آآآه يا عمي .. ماصدق .. مب قادر استوعب شي ..راسي داااار ...
ناصر سرحاااااااااان .. يسوق وعينه علدبله شوي .. وعلشارع شوي .. وعبدالله ساكت .. مايبي يقول شي ويوش افكااره .. خله على راحته .. اهم شي نوصل البحرين بسلاام ..
عبدالله في خاطره" والله محد كاسر خاطري غيرك يا حمد .. انت اللي يبتها لنفسك .. من ايدك .. تستاهل " ..
نروح حق ريم ..
فلمستشفى ..
نادتهم السستر: حياكم ..الدكتور ينطركم ..
فيصل كان ميودها بقوته وهي طايحه عليه من التعب ..
فيصل بهدوء: بشيلج
ريم بتعب: لا لا اقدر امشي ..
اسماء تمشي وراهم .. وتحس مكانها غلط بينهم .. مالها سالفه ..
نجود ماراحت وياهم تمت ويا رفيجتها ..
دشوا عند الدكتور ..
رزه ولابس اللابكوت .. وحاط السماعه على رقبته .. شعره على وره .. حده ستاايل .. سكسوكه عجيبه .. شنب خفيف ..
فيصل من جافه ابتسم: ولييييد ؟؟
وليد وقف: فييييصل ؟؟
فيصل هد اخته وراح يسلم عليه: هلاااااااااا هلا والله
وليد يسلم عليه: هلا فييييك هلا .. شلونك ؟؟
فيصل: والله الحمدلله انت شلونك ؟
وليد: الحمدلله !!
فيصل: انت من متى اهني ؟ مادري انا
وليد: ليش ماقالك خلّود؟
فيصل: لا والله !!
وليد: يعني .. من شهرين تقريبن
فيصل: اووه زين زين ..
وليد: طالع من الشغل ومخلي اخوي يشتغل عنك ها ؟؟ متصل لي يتحندى عليك !!
فيصل بضيق: والله شسوي (التفت على ريم) اختي تعبانه شوي
وليد يطالعها : افاء ؟ تعالي حياج قعدي ..
ريم بتعب ..ويهه مصووفر وحالتها لله .. يودها فيصل وخلاها تقعد ..
وليد يجوف الفايل .. : ريم .. مب أول مره تيين .. نفس السبب ؟؟
ريم ساكته ومنزله راسهه ومب عارفه شتقول ..
وليد: قوليلي شفيج ؟؟ عسى ماشر ؟؟
ريم ساكته .. وفي خاطرها " دكتور عالجني اذا عندك علاج // انا مريض وعلتي داخليه "
وليد يحاجي فيصل: اختك ماتتحجى ولا شسالفه ؟؟
فيصل بهدوء: ريم قوليله
ريم وصوتها مشحط : مافيني شي ..
اسماء نطت وهي معصبه: اي مافيها شي!! دكتور !! جوف ويهه شلون مصوفر !! صار لها جم يوم الحين ماتاكل شي !! عايشه علبيبسي !! وكله راسها يعورها .. وكله يدوور !!
الدكتور يخز ريم بعصبيه: صج هالحجي ..
ريم ساكته ومنزله راسها ..
فيصل: صاجه صاجه ..
وليد معصب يحاجي فيصل: تدري وساكت ؟؟ المفروض من أول يوم تجوفها جذي تييبها !! مو تنطر لينما تزيد حالتها !!
فيصل: خبرك ايام الخلف ولويه .. ماتدري عن روحك حزتها ..
وليد وقف: ممكن تيين شوي ؟؟
ريم وقفت ..
وليد يحاجي فيصل واسماء: خلونه بروحنه .. لوسمحتوا ..
طلعوا ودشت السستر عليهم ..
خلاها تنسدح علسرير .. كشف عليها .. على دقات قلبها .. ومعدتها .. وجبدها ..يعني بطنها ..
حده معصب: انتي شمسويه في روحج ؟؟ ليش هامله روحج جذي ؟؟
ريم ساكته .. وعيونها انترست دموع .. مافيها شده احد يزفها ..
وليد: جسمج ضعفان .. لو اشرح لج الحين السالفه مابتفهمين .. قومي وياي بسرعه ..بلعدال عشان راسج مايدور .. بلعدال
ريم وقفت .. وليد يحاجي السستر مادري شقال لها ..
طلعوا وراحوا الغرفة الثانيه .. وفيصل واسماء ينطرونهم برا بسرعه راحو وراهم ..
وليد معصب .. " في خاطره" حرام هالبريئة الحلوه تتعب .. شلون اهلها هاملينها جذي !! شمسوين فيها !!
السستر نادت ريم .. خذت منها دم عشان تحلله .. بس يبي يتأكد ان مافيها شي ..
فيصل مستعيل: ولوّد شسالفه ؟
وليد التفت عليه: لازم نخليها عل iv .. جسمها ضعيف ويحتاج تغذيه ..
فيصل يهز راسه: وشكثر بتم اهني ؟
وليد: مادري بس تحتاج مضاد لازم تمشي عليه ..
فيصل: يعني ؟
وليد: انت روح وانا هني والسستر هني .. يعني لتخاف عليها .. بنخليها ترقد وترتاح ابين شكلها جم يوم مارقدت ..
فيصل: انا لله ..
وليد: نفسيتها تعبانه .. اكيد من وفاة الوالد الله يرحمه
فيصل: الله يرحمه ..
وليد: عندي رقمك انا اذا صار شي بتصل لك .. تقدر تروح ..
اسوم تحاجي فيصل: انا بتم وياها ..
فيصل: خلاص .. بتصل لج عيل ..
اسوم: اوكي ..
ريم .. منسدحه .. والتعب ابين عليها .. والسيلان في يدها .. قاطه راسها على صووب .. واسوم قاعده علكرسي يمها ..
اسوم: ريمو انتي مايمر شهر الا تطيحين علينه ؟
ريم ساكته ..
اسوم: الحين استانستي ؟؟ جفتي ويهج شلون صاير ؟؟ تخرعين جنج دراكولا بناتي
ريم ببراءة: بل !! هلكثر صايره كريهه ؟
اسوم: تلوعين الجبد .. اتخيل نصور يرجع ويجوفج جذي !! سيده يهوّن ..
ريم تضايقت ..
اسوم: لتموتين علينه بس !!
ريم غمضت عينها يزعم رقدت .." صاحبي بموت من كثر الحنين . . . خلني بختار لحظة مقتلي "
اسوم رن تلفونها: الوو ..
ام فيصل: ها يمه طمنيني عليها ؟
اسوم: مافيها شي تتدلع .. ماعليج منها زين
ام فيصل: عطيني بكلمها
اسوم تخزها: راقده
ريم بطلت عينها بسرعه: عطيني !
اسوم: هه !! يااااااااكبرها عند ربي !! توج راقده ؟؟ (عطتها التلفون) عياره
ام فيصل بسرعه: ريم حبيبتي ؟؟
ريم بهدوء: الحمدلله يمه بخير مافيني شي
ام فيصل: اكييد ؟
ريم: اي يمه مافيني شي ..
ام فيصل: شسوولج يمه شعطوج ؟؟
ريم: حطولي سيلان .. وخذوا مني دم .. بس
ام فيصل: زين يمه بطرشلج غدا
ريم: لاااااا يمه مابي مابي ماشتهي والله ماشتهي
ام فيصل: يمه شوي بس .. لازم تاكلين
ريم: لا بعدين مب الحين مابي ..
ام فيصل: ماتجوفين شر حبيبتي .. كلهم يسألون عنج .. عمج ومرته مساعه كلموني .. يسلمون عليج
ريم: الله يسلمج وياهم ..
ام فيصل: ارتاحي الحين .. واذا قمتي اتصليلي
ريم: ان شاءالله ..
ام فيصل: عطيني اسمه
عطتهاالتلفون ..
اسوم: هلا خالتي
ام فيصل: حطي بالج عليها .. لتخلينها بروحها
اسوم: من عنيّه ياست الكول..
ام فيصل: ماتقصرين حبيبتي ..يالله مع السلامه
اسوم : الله يسلمج ..
ريم انقلبت الصوب الثاني .. بترقد .. حدها تحس بتعب .. والنوده مسيطره .. وينك ياناصر .. مادريت شصار فغيـابك !! .. وينك ؟؟
"يا حبيبي
وينك إنت ووين أنا !!
يا حبيبي
رحت عني وضعت أنا..
حتى عن نفسي أنا..
وينك إنت ووين انا..
يا حبيبي كل شي فيني اختلف..
اللي يدري واللي ما يدري عرف
..اللي كان يقول مافي حب
..بالحب اعترف..
يا حبيبي ليت كل من راح راح.
.خذ معاه الشوق ريّح واستراح..
ما ترك غيره يهده الهم..وتبنيه الجراح.. "
آه ياناصر .. ليتك خذيت قلبي ورحت .. ليتك خذيت جرحي ورحت .. ليتك خذيت شوووقي ورحت ..ناصر ..
" رد نصف القلب ولا هاك قلبي كله .. لاتخليني بنصف ومعك نصفٍ ثاني .."
لاتخليني جذي .. المشكله .. صج ابيك .. والله ابيك .. بس .. انت ليش ماتحس فيني ليش !! .. آآآآآآآآآآآآآآآآخ قلبي .. جذي تخليني وتروح ؟؟ بدون ماتقولي شسالفه ؟؟ ولا شفيك ؟؟ بدون ماتعلمني ؟؟ كلمة انسيني عبالك بتفسر شي ؟؟ حرام عليك !!
ياوسيع البـال ضيّقـت الصـدور . . . . رحت ماعلّمتنى وين أنت سـارى
فى غيابك مال خلـق الله حضـور . . . ..وفى حضورك مالهم بالبال طارى
التغاضى عجز لاطـال القصـور . . . ليه أدارى وأنـت بالوضـع دارى
الزمااااان قصيـر والدنيـا تـدور . . . . كل يوم يضيق فى عينـى مـدارى
صاحبى محتاج لك شعر وشعـور . . . . . وإحتياجى شى ماكـان إختيـارى
من متى والغصن يختـار الطيـور . . . . من متى والبال يختـار الطـوارى
لاتسمى صمتـى البـارح غـرور . . . . . انكسارى خلف هالصّمت متـوارى
فى غياب الشمس وش ذنب الزهور . . . . والمطر لاشح وش ذنب الصحارى
اللقـا لحظـات والغيبـه شهـور . .. . .تقصر الخطوات ويطول إنتظـارى
لو قريت المنكتب وسط السطـور . . . .ماكتبت لغلطـة العمـر إعتـذارى
صمت هالمينا مثل صمت القبـور . . . . مارسى مركب ولا لاحت صوارى
" وايد احط اشعااار وقصاايد وحركات .. بس شسوي ؟؟ حدي احبهم .. يعني احسهم يعبرون عن الموقف اكثر .... أذا مصختها قولولي .. ولا انا احسني حدي امصختها " \
نرد حق ناصر .. " يختي حددي موقفج !! ناصر ولا ريم !! دار راسي ؟ "
ناصر .. ويا رفيجه ..
وصلوا الشقة ..
نزل ناصر من السياره مستعيل ..
فواز كان يتمشى صوبهم ..
ناصر ماله خلق يبي يركب بسرعه يجوف حمد ..
فواز راح له وسلم عليه: كيف الحال؟
ناصر مستعيل: زين زين ..
فواز: افف !! النفسيه خايسه اليوم !! وشصاير ؟؟ (التفت على عبدالله) وشفيكم؟؟
عبدالله ببرود: مافينه شي .. انت فيك شي ؟
فواز يحاجي ناصر: يارجاال وشفيك ؟؟ ليه وجهك صاير كذا ؟؟ وش عندك ؟؟
ناصر مستعيل: فواز شوي بس اكمل شغلي وارجع لك .. سوري يعني بس من صجي مستعيل ..
فواز: وش ذا الشغل اللي نازل من السما ؟؟
ناصر مشى عنه ..
عبدالله التفت عليه: امش وانت ساكت
فواز مب فاهم: لحظه طيب فهموني زي ايش هذي الشغله ؟؟
عبدالله سحبه بقوه: اقول امش لايكثر ..!!
ناصر بسرعه راح صوب شقة عبدالله ورفس الباب بقوه .. حمد اللي من سمع الرفسه نقز بقوه ومب عارف وين يروح ولا شيسوي ..
عبدالله دز ناصر: وخر ببطل الباب .. لتكسره علينه ..
عبدالله بطل الباب وناصر دزه ودش بقوه يصارخ: وييييييينه لحمااااااار !!
حمد كان فلغرفه قاعد متبريد مب عارف شيسوي ..
عبدالله يحاجي ناصر: ماله داعي صراخ وطق الحين .. اللي صار صار ..
ناصر بطل باب الغرفة بقوه وجافه واقف ..
ناصر وقف .. يطالعه .. بهدوء: زين جذي ؟؟ استانست الحين ؟؟ بردت قلبك ؟؟ استانست ؟؟
حمد ساكت ..
ناصر راح يمه: ليش ؟؟ ليش سويت فيني جذي ليش ؟؟ انت ماتدري شسويت فيني !! والله ماتدري !! والله ماتحس
حمد ساكت ..
ناصر يصارخ: تحجىىى !! قول شي !! ليش ؟؟؟؟؟ احاجيك انا؟؟(يوده من تيشرته) احاااااااااجيك
حمد يود يده: هدني ..
ناصر دزه علطوفه: صج انك نذل .. حقيير
حمد ساكت ..
ناصر راح يمه وعطاه كف قوي .. " عنده خبره " .. حمد ميود خده ويطالعه .. دزه بقوه: بس عاد مصختها ..
ناصر دزه: نعم ؟؟ شقلت ؟ (يود يده وعواها) شقلت ؟؟ (دزه علأرض ورفسه ) شقلت ؟؟
فواز يطالع " الفلم" ..داش feeling .. " في خاطره" عطى .. ايوا .. كذاااااا الكف ولا بلاااش .. ياسلام عليك .. بعد .. عاشوا .. ايييييوا ..
عبدالله راح لهم: بس عاد خلاص كملت السالفه
ناصر معصب: خلني .. خلني مابردت حرتي فيه خلني .. (رفعه من الأرض ولصقه علطوفه .. وعطاه بوكس في خشمه ..)
حمد يصارخ: بس عااااااااد !! (دز يده ) هدني !! انا مب ياي اهني عشان تلعبون فيني !!
فواز " في خاطره" وش يلعبون فيك الله يهداك !!
حمد قام وركض بيطلع .. عبدالله يوده عشان مايروح مكان .. ناصر لحقه .. وفواز ييوده: خلاص عاد وشفيك ؟؟ جازت لك السالفه اشوف ؟؟ بس خلاص كفايه ..
ناصر معصب: هدنييييي !! خلني اذبببببببحه الجللللب خلني ..
فواز مب فاهم شسالفه: ليه هذا من يطلع ؟؟
ناصر مب فاضي له .. يبي يروح يطقه .. وعبدالله مايبي تكبر السالفه .. بسرعه غير السالفه: نصور بسرعه عشان نلحق نحصل حجز !! يالله
ناصر معصب: اول شي اطقه .. ابرد حرتي .. بعدين
عبدالله: لو ذبحته مابردت حرتك .. خله عنك بس .. المسامح كريم
ناصر يهز راسه: ماسامحه .. اللي سواه مب شوي .. ماسامحه ..
عبدالله سحب حمد ودخله الغرفه الثانيه وراح حق ناصر ..
ناصر معصب .. دزهم كلهم ودش عليه بصراخه: شتبيني اسوي فيك ؟؟ تحجى
حمد معصب: بس خلاص عاد
ناصر راح يمه: والله .. ان جفتك تحاجيها ولا مجرب صوبها .. لا مب جذي .. اذا فكرت .. بس مجرد تفكيير .. لتلوم الا نفسك .. (يصارخ) سااااااااامع ؟؟
حمد يطالعه ومايتحجى
ناصر دزه ... مهوس على ضروسه بالقوه: سمعتني ولا ارد اعييد لك الحجي ؟؟
حمد: سمعتك خلاص !! لتذلني عاد !!
ناصر يوده من تيشرته: والله مابردت حرتي للحين .. (دزه علأرض بقوته وتم يرفس فيه .. وحمد يبي يقوم مب قادر .. لي ماياهم عبدالله ويود ناصر بقوه) بس عااااد !! ذبحت الريال
ناصر معصب: خلنييييييي بذبحه
فواز راح يساعد عبدالله .. طلعوا نااصر من الغرفه بسرعه .. قعدوه فلصاله
فواز معصب: صل علنبي يارجال !!
ناصر منزل راسه: اللهم صلي وسلم عليه .. لا اله الا الله !! جذي زين ؟؟ زين اللي سوى فيني زين ؟؟ انتوا ماتدرون .. لو كنتوا مكاني جان ذبحتوه .. مايتساهل الا الموت يعله المووت ..
عبدالله: بس خلاص عاد !! اي اهم الحين اتم تطقه لي باجر ولا تروح البحرين
ناصر قام: اكيد البحرين !!
عبدالله يجوف ساعته: اقول نرقد الحين وباجر نقوم الفير
ناصر بعصبيه: روح ارقد .. انا لازم احجز لي بأول طياره .. مايخصني
حمد معصب .. طلع من الغرفه .. فواز يطالعه معصب: انت ناوي تنطق ؟؟ انثبر مكانك !! لاعاد اشوف وجهك النحس ذا !!
حمد راح يمه ونافخ صدره: انت شتبي ؟؟ شعندك انت شعندك ؟؟
فواز يضحك باستهزاء: ههه مسوي ستيف اوستن ..
حمد يخزه: خير اخوي فيه شي؟؟
فواز يخزه من فوق لي تحت: والله مهوب منك .. الحمدلله والشكر .. انت صاحي ولا امهبول ؟؟ يخي ابسألك ليه عضامتك طالعه كذا ؟؟ ليه خدك مشفوط ؟؟ هلك مايطعمونك ؟؟ .. يخي استح على دمك شوي وادخل غرفتك مانبي سواليف نصايف الليل ..
حمد دزه بقوه .. وفواز عصب .. وقام دزه .. ناصر يبيها من الله يطق حمد .. بسرعه راح له ودزه بقوه: انت شتبي ؟ هاا ؟ شتبي اقول ؟
حمد قام يدزه .. لي ماتشابكوا بأياديهم وكل واحد يدز الثاني .. طاخ طيخ طوخ وصار الطق
عبدالله راح يود حمد يبي يسحبه عن ناصر .. بصراخ: فوازوو بسرعه يود ناصر ..
وناصر يطق ويرفس من صجه .. عطاه بكووع في صدره .. وحمد يبي يطق وعبدالله مايخليه .. بسرعه فواز قام ويود ناصر بقوته وسحبه: خلاااااص يارجااال كفاايه .. بس عااد
وناصر يعافص: هدني عليييه هدنيي ..
عبدالله سحب حمد ودخله الغرفه وياه وقفل الباب ..حمد معصب .. عبدالله قعده عالسرير .. ببهدوء: بس خلاص انتوا شفيكم ؟؟
حمد ينافخ: انت يايبني اهني تهزئني ؟؟ يايبني هني عشان انطق ؟؟ عشان تذلوني انت وربعك ؟؟
عبدالله بهدوء: حمد .. انت اللي سويته مب شوي .. انا مابيك تتأذى اكثر .. بس اللي سويته مب شوي ..
حمد وقف: اوهوووووو ترى مللتوني انتوا !! اللي سويته واللي سويته !! شسويت انا شسويت ؟؟ كملت السالفه .. اوكي خلاص الحين خل يرجع ويحلون السالفه انا شدخلني ؟؟ بس خلاص ترى تمللت ها !! بسرعه ابي ارجع البحرين .. غصبتني .. وييت اهني .. وطقيت درب .. وتدري ان الدرب طويل ويكسر .. وحدي تعبت .. وياي من السفر تعبان وانتوا مستلميني انت وربعك !! محد وياي كلكم ضدي !! برجع البحرين بسرعه !!
عبدالله سكت .. نزل راسه ..
حمد: والله حرام عليكم ترى !! مايسوى علي !!
عبدالله رفع راسه: حمد لتيلس تتمسكن علي .. انت تدري اللي سويته مب شوي .. حط روحك مكان ناصر .. وبتسوي اكثر .. ومحد بيلومك ولحد بيتحجى ..
حمد: بس انت عاجبك اللي قاعد يصير ؟
عبدالله: خلاص انزين بنروح المطار وجان فيه حجز حجزنا وطرنا وروح بيتكم ولاتوطوط عند بيتهم .. يعني لتخلي ناصر يجوفك ويلعن طوايف هلك !!
حمد خذ نفس: يالله مشينه ..
عبدالله: جوف .. بنخلي فواز يودينه .. نزل شنطتك .. بخليك تيلس جداام وياه وانا وناصر ورا .. اياني وياك تلتفت ولا تتحجي .. ترى للحين ماعرفت ناصر .. يالله بسرعه قوم ..
طلع عبدالله .. جاف فواز قاعد يهدي في ناصر ..
عبدالله: فواز تودينه ؟؟
فواز قام: افا علييك بس ..
عبدالله: ماتقصر والله
فواز يتدلع: لبى قليبك الدافي حبيبي
عبدالله يتطنز: لتغازلني جدامهم استحي
فواز راح يمه وطقه بجتفه ..
عبدالله ابتسم: مب حزتك انت بعد .. فيك نقص ؟؟
فواز: والله هذولي الشقر ماينعطون وجه ابد
عبدالله: ماينعطون ويه ولا مايعطونك ويه؟؟ حدد موقفك
فواز: والله مادري .. بس تدري ؟؟ .. مالي الا بنت ديرتي لبى قلبها ياحبني لها ..
عبدالله يود جتفه: عفيه عليك
ناصر بسرعه دز شنطته: مشينه ؟؟
عبدالله: يالله .. (ينادي حمد) بسسسسسسرعه بنمشي
حمد وشايل شنطته: ياي ياي ..
نرجع حق ريم .. اللي كانت راقده من التعب .. والسستر كل دقيقه تمر عليها تجوفها ..
اسوم كانت حاطه يدها على خدها وتنود .. رن تلفونها وقحصها .. كانت نجود ..
اسوم: قحصتيني تف على بليسج
نجود: تف عليه اهوه انا شدخلني ؟؟
اسوم: عيل تف عليج انتي .. شتبين ؟
نجود: شخبارها البدره ؟؟
اسوم: امحق بدره ؟؟ انا ابدر
نجود: وانا ابدر منكم كلكم .. قوليلي شخبارها؟
اسوم: راقده ..
نجود: سمعي .. اذا طلعوا الشباب بنيي
اسوم: حلفي ؟
نجود: بييب لج غداج لتموتين علينه
اسوم: افف حدي متطرقعه من اليوع ..
نجود: زين لتحنين يالله .. تسلم عليج امي
اسوم: يسلمهاا
نجود: يالله باي
اسوم: لتأخرون عاد !!
نجود: مب شغلي .. فصول وربعه انا شدخلني تيلسين تحنين علي ؟
اسوم: اوهوووو انتي بعد .. ذلفي ذلفي .. يالله باي ..
نجود: بقمه
اسوم: ها
نجود: اقص عليج احنا فلطريج
اسوم: صج انج بقمه !! من النوع الفريد بعد !!
نجود وهي تجوف فيصل: من ذي فريد بعد ؟؟ ها ؟؟ اعترفي
اسوم ماستوعبت: اي فريد انتي بعد؟
نجود: صبري بقول حق فصول ..
اسوم: شقلت انا؟ صج انج يعني
نجود: ذلفي ذلفي يالله باي
اسوم: باي
شوي الا الدكتور داش .. راح صوب ريم .. اللي تكسر الخاطر وهي راقده .. راح يمها بهدوء .. يود يدها باصابعه .. يبي يحس بدقات قلبها .. رفع يده يجوف الساعه ..دقاتها سرااع .. نزل يدها بهدوء .. وهي مسكينه دايخه ولا تدري بالدنيا .. رفع راسه يطالع اسماء: ماقامت ؟؟
اسوم تهز راسها: لاء ..
طلع عنها الدكتور .. شوي الا داشه السستر .. بدلت السيلان .. وحطت فيه ادويا زود .. وطلعت ..
واسوم قاعده وحاطه يدها على خدها .. ويد على ريم .. وتطالعها ..
شوي الاريم مبطله عينها .. تجوف اسماء ببراءه وصوتها رايح: مارحتي البيت ؟
اسماء: لا .. تبيني اروح ؟؟
ريم: ابيج ترتاحين .. اتصلي في فيصل ايي ياخذج .. انا الا بارقد .. مالج سالفه قاعده
اسماء: بدت الدليعه تتدلع .. جب
ريم بدون شعور: ناصر ..
اسماء تخزها: ها ؟؟
ريم التفتت تطالعها ببراءة: اسوم انا شذنبي ؟؟ شسويت ؟؟
اسماء ماستوعبت: شدراني يعني انا شدراني ؟
ريم خذت نفس: اسوم انتي حاسه فيني ؟؟ انا بمووت .. صدقيني احس روحي بتطلع .. تعبت
اسماء: ريمو شفيج ؟؟
ريم تحس بغصه: ابي اروح البيت !!
اسماء تخزها: كل هالحنه عشان تبين تروحين البيت ؟؟ اي خل يكمل اللي فيدج وبنروح !!
ريم بضيق: اسوم ماستحمل .. قلبي يعورني .
اسماء: تبين انادي الدكتور يجوفج ؟؟
ريم: شسوي فيه ؟ لا لتنادينه ولا شي .. بس سأليه لي متى يعني ؟؟
اسماء: رقدي انتي ماعليج .. رقدي وبيمر الوقت ..
ريم: وانتي ؟
اسماء: شعليج مني ؟؟
ريم: بتمين جذي يعني ؟
شوي الا نجود وفصول داشين
نجود طبعا لازم تدش بصراخها: هااااااااااااااي بنات ..
ريم استانست يوم جفتها: هلا هلا
نجود: وخي ويهج يخرع .. (التفتت على اسوم) شلون مستحملتها ؟؟
فيصل كان شايل الجيس اللي فيه الغدا .. عطاه اسوم: سمي ..
اسماء استانست: شكرا
فيصل راح حق اخته: شلونج الحين؟
ريم: الحمدلله .. بس ابي اروح البيت ..
فيصل: معليه بوديج .. بس خل يكمل ذي .. اشوى الحين؟
ريم: اي مافيني شي ابي اروح..
فيصل: معليه بروح اكلمه انا وبجوف شالفه (رفع راسه يجوف اسماء) اكلي ..
اسماء تسحب لها الطاوله .. رفعت راسها تطالعه: ان شاءالله
فيصل طلع عنهم ..
نجود سحبت لها الكرسي وقعدت يم اختها: انتي ماتعيشين بدون سيلان ..
ريم ابتسمت .. " في خاطرها" بلاج ماتعرفين من اللي ماعيش بدونه ..
اسماء ميته من اليوع قعدت تاكل .. ونجود تتطنز عليها: ول ول عليج ماجايفه خير انتي؟
اسماء وهي تاكل: علي بالعافيه !! يوعانه شسوي ؟
ريم يودت نجود: خليها تاكل مسكينه ..
شوي الا داشين .. فيصل والدكتور ..
ريم عدلت شيلتها ..
وليد راح يمها: شلونج الحين ؟؟
ريم: الحمدلله بخير .. ابي اروح البيت
وليد: من قالج بخليج تروحين ؟؟ شيضمني بتاكلين أدويتج ؟؟ شيضمني بتواصلين علمضاد ؟؟
ريم تطالعه وجنها تترجى: باكل صدقني باكل .. حتى اسأل فيصل ..(تطالع فيصل) فيصل عااد قول له !!
وليد يهز راسه
فيصل: ختكمل اللي في يدها ونروح ..
وليد: ماقدر .. (يجوف الساعه) علأقل يبيلها 3 أو 4 ساعات ..
ريم وقف قلبها: آآآآآآآآه !! وايد ؟؟
وليد: تدرين كنت بخليج ترقدين اهني ؟؟
ريم: شدعوه عاد ؟ مافيني شي !!
وليد بدى يعصب: سمعي الحجي وخلاص !! تبين تطيحين مره ثانيه !! مو كفايه اللي مسويته في روحج انتي ؟ (التفت على فيصل) تعال ابيك ..
نجود من دش وليد ليما طلع وهي عينها عليه ..
اسماء لاحظتها .. يوم طلع صرخت: هي !!
نجود التفتت عليها: ها ؟؟ شتبين ؟؟
اسماء تخزها: شفيج ؟؟
نجود بلعت ريجها: شلعذاب ذي ؟ شلتحطييييم ؟؟ شلخني !! (التفتت على ريم) انتي من صجج تبين تروحين البيت؟؟ لو انا منج عشت فلمستشفى ..
اسماء: بيييه حالتج صعبه !
نجود وقفت عند ريم: شرايج نبادل ؟؟ انتي الصاحيه وانا المريضه ؟؟
ريم: اسم الله عليج ..
نجود ميوده قلبها: حده رزه !! اللااااااي تخيلي تخيلي .. بعدين ينادوني حرم الدكتور؟؟ اااااااخ قلبي
اسماء: مداج عرستي عليه ؟؟
نجود: تهقين ينطرني اخلص توجيهي بس ؟؟
اسماء: شدراج يمكن خاطب ولا معرس ..
نجود: الدكاتره مايعرسون بسرعه ..نطري بجيك جان في يده دبله ولا شي
اسماء: شدراج يمكن فاصخهه يخاف تتلعوز ولا تتلوث .. شي ماشيات ..
نجود: اقول اكلي غداج وانتي ساكته ..
فيصل دش عليهم .. : يالله انا بامشي الحين.. من بيي وياي ؟ (التفت على اسماء) تيين اوصلج البيت وعقب اييبج؟
اسماء سكتت .. لحظه شوي بس خل تستوعب .. : ايي وياك ؟
فيصل بهدوء: ماتبين تروحين ترتاحين شي ؟؟
ريم التفتت عليها: اي روحي ارتاحي وبعدين تعالي اخذيني
اسماء تفكر
فيصل مشى: انا بجدم .. انطرج ..
فيصل راح .. بسرعه التفتت عليهم: من صجكم؟؟ اروح ؟؟
ريم: روحي انسدحيلج شوي .. عقب تعالي
اسماء بسرعه خذت شنطتها وتلفونها: باااااااااااي
نجود : هي هي تعالي !! بقمه انتي ؟؟ وان شاءالله من تبينه يشيل غداج ؟؟
اسماء تطالعها وهي مستعيله: انتي !! (طلعت عنهم)
نجود: غبيه !!
بسرعه ركيض تمشي جنها مينونه .. وفيصل كان واقف عند الباب ينطرها ..طلعت اهيا صوب الباركات .. راح لها فيصل من وراها: تدلين السياره ؟
اسماء تخرعت ..: ييييييمه !! من وين طلعت ؟؟
فيصل يخزها: شفيج تراكضين جنج مينونه ؟
اسماء متفشله: انا ؟؟
فيصل يمشي: يالله تعالي ..
راحوا صوب السياره ..
فيصل بطلها وركب .. اهيا ركبت وراه ..
فيصل التفت: ليش ماتين جدام يعني ؟
اسماء فيها الضحكه: روح ول !!
فيصل ابتسم: كيفج ..(التفت عليها) تنطرين من اييج ويصك الباب ؟؟
اسماء بسرعه صكته: نسيت
عقب ماطلعوا علشــارع .. عدل المنظره اللي جدامه عشان يجوفها .. : اقول ؟؟
اسماء: قوول
فيصل: شلونج؟
اسماء: انا زينه .. انت شلونك؟
فيصل: زين .. هلزمان ماتتصلين !! شسالفه؟
اسماء: الله وكبر !! انا ؟؟ دهر اتصل !! انت اللي ماتتصل
فيصل يقلدها: انا ؟؟ الله وكبر عليج دهر اتصل
اسماء ابتسمت: ترى .. ببقولك شي
فيصل: قوولي
اسماء: ودني بيتكم الحين محد في بيتنه
فيصل: ان شاءالله .. ماتبين ترتاحين ؟
اسماء: ارتاح في بيتكم افا عليك ..
فيصل: البيت بيتج ..
اسماء: اي البيت بيتي .. عندك مانع ؟
فيصل: افا عليج ..
اسماء: عاد النسوان هلحزه بيون .. بركب فوق ارقد لي شوي ..
فيصل: زين تسوين
اسماء: بعد بقوللك شي
فيصل: قولي حبيبتي ..
اسماء استحت: اوهو انت اذا قلت جذي ترى انسى
فيصل ابتسم: قولي
اسماء: شسمه .. ذاك.. شسمه ؟؟
فيصل: فيصل سعود ..
اسماء ماستوعبت: ها ؟؟
فيصل: شكنتي بتقولين ؟
اسماء: اممممممم .. ترى عمي البارحه وصل ..
فيصل ابتسم: حلفي ؟
اسماء: والله
فيصل: شدراج ؟
اسماء: رشود قالي
فيصل: كلمتيه ؟
اسماء: من ؟
فيصل: عمج ؟؟
اسماء: لا خيولي ..
فيصل مستغرب: ها ؟
اسماء: وييي قصدي .. بعدين بكلمه
فيصل: زين عيل بكلم راشد .. بقول له
اسماء: لا اهوه قال بيكلمك الليله .. مادري بييك الميلس شي جذي نسيت ..
فيصل: لا ؟؟ زين عيل .. يكون احسن..
اسماء ابتسمت ..
فيصل: شخبارج بعد ؟؟ كل شي تمام؟
اسماء: اي الحمدلله ابشرك .. اانت شخبارك ؟
فيصل: والله الحمدلله .. الحين روحي طمني امي .. عيزت فقيره واهيا بالدقيقه تتصل .. تبيها ترجع البيت ..
اسماء: وي فديتها خالتي ..
فيصل: لو الود ودها هدت النسوان وراحت لها ..
اسماء: وعليه عليها ..
فيصل: انا الحين بروح ارتاح .. تعباان .. بس يمكن نجود تتصل ولا شي ان بيرخصونها وماسمعه .. طرشي جاندرا ولا احد يطقون علي الباب عشان اقوم ..
اسماء: اوكي مو مشكله
فيصل: بس انا بروح بروحي انتي تمي
اسماء: ليش ؟؟ بايي
فيصل: لا تمي الا بييبها وبايي .. خلج ويا امي ..
اسماء: ان شاالله ..
فيصل: شحللوج لي صرتي مطيعه
اسماء : شقصدك ؟؟
فيصل: ولا شي .. اقول ؟
اسماء: قوول ..
فيصل: تعبااان
اسماء: اسم الله عليك .. الحين روح ارقد وارتاح
فيصل مستانس: انزين عاد .. ابي اشرب شي
اسماء: امممم .. اسويلك عصير برتقال؟؟
فيصل: ياريت وياليت ..
اسماء بغباء: شلفرق ؟؟
فيصل: صج بتسوين لي ؟؟
اسماء: اي افا عليك شلون ماسويلك ؟
فيصل: انزين يبيلي بعد من المعمول الزين والحركااات اللي تودونها الميلس
اسماء: ان شاءالله
فيصل: ماتقصرين حبيبتي
اسماء استحت .. وتمت ساكته .. لي ماوصلوا البيت .. نزلت قبله ودشت البيت .. وسيده علمطبخ .. وهوه سيده ركب غرفته .. بدل ثيابه وانسدح بيرقد ..
ام فيصل من سمعت حسهم راحت المطبخ: اسمه؟
اسماء يزعم زعلت: خالتي والله اسمااء
ام فيصل راحت يمها: قوليلي شخبارها ؟؟
اسماء: مافيها شي جنها البخت
ام فيصل: لا صج قوليلي
اسماء: من صجي خالتي مافيها شي .. شوي وبيرخصونها
ام فيصل: بريحاتها حبيبتي ؟
اسماء: لا وياها نجودو
ام فيصل: بتصل فيها عيل ..(طلعت عنها)
واسماء تمت تسويله العصير .. وودت له من المكسرات والكيك والمعمول وهالسوالف .. ركبت فوق وحطتهم يم غرفته .. طقت الباب بقوه وشردت .. ونزلت بسرعه تحت .. قام فيصل بطل الباب وجاف الصينيه عند الباب .. ابتسم ودخلها غرفته ..
نجود رن تلفونها .. كانت امها: هااي ماذر
ام فيصل: هلا يمه .. عطيني اختج
نجود: يعني بس اختي ؟؟ ماتبيني انا ؟ علأقل سألي عن حالتي !! شلوني ؟؟ زينه ؟؟ مريضه ؟؟ يمكن تعبانه ؟
ام فيصل: حبيبتي انتي شلونج؟
نجود: مب زينه
ام فيصل: افاء ؟؟ شفيج حبيبتي ؟
نجود: فيني هموم ومالقيت اللي معي يوووووووفي
ام فيصل: اسم الله عليج .. صج صج شفيج ؟
نجود: مافيني شي يمه اتغشمر .. هاج ريمو ( عطتها التلفون)
ريم بسرعه: الو
ام فيصل: هلا حبيبة قلبي انتي .. شلونج يمه؟
ريم: يمه انا بخير لتحاتين .. انتي شلونج؟
ام فيصل: حبيبتي انتي انا اسأل عنج ..
ريم: سالت عنج العافيه حبيبتي .. انا بخير لتحاتين ..
ام فيصل: يالله متى بتيين ؟
ريم: يمه الدكتور مللني !! جوفيه !! مايرضى يقول بعد تمي .. تدرين يبي يرقدني لي باجر ؟
ام فيصل يودت قلبها: وه !! لا لا حبيبتي عطيني اياه بكلمه .. وينه؟
ريم: مادري يمه يمكن عنده مرضى ولا شي ..
ام فيصل: عطي نجود التلفون خل تعطيه اياه يكلمني ..
ريم عطتها التلفون: وديه حق الدكتور
نجود فز قلبها: حلفي عاد ؟
ريم ابتسمت: بسرعه امي تنطر
نجود قامت .. متدودها مب عارفه شتسوي .. توها بتطلع الا الدكتور في ويهه .. وقفت مكانها .. فهت .. بطلت حلجها وتمت واقفه وميوده التلفون ..
الدكتور مستغرب: فيه شي ؟؟
نجود : ها؟؟ لا ولا شي .. امبلا امبلا ..امي بتكلمك ..
الدكتور مستغرب ..
نجود عطته التلفون ..
الدكتور: الوو .. هلا ام فيصل .. الله يسلمج .. لا كل شي تمام ابشرج .. لا لتحاتين تطمني .. كلها جم ساعه بس .. اكيد اكيد .. بس ماوصيج حطي بالج عليها وخل تاكل ادويتها .. وأهم شي اكلها .. ريوق وغدا وعشا .. ضروووري خالتي ضروري .. الله يسلمج .. لالا افا عليج .. العفو .. مع السلامه ..
(عطى نجود التلفون ): تفضلي ..
نجود وهي تطالع عيونه: شـ شـكرا ..
الدكتور ابتسم: عفوا
نجود: بسألك .. اصير لك واحد اسمه خالد؟؟ وايد تشبهه
الدكتور: اي خالد ؟؟
نجود: مادري اهوه رفيج اخوي يعني ..
الدكتور: اممم .. يمكن خالد اخوي ؟؟
نجود بغباء: ايي شيصير لك ؟؟
الدكتور ابتسم ..: اخوي ؟؟ من بعيد يعني ولد عمة ولد خالة ابوي ..
نجود بغباء: اها .. ماشالله وايد تشبهه ..
الدكتور مشى عنها وراح صوب ريم .. : بتيي السستر الحين تعطيج ابره
ريم بخوف: لا مابي !!
الدكتور: لازم ..
ريم: بس خلاص مايحتاي عطني الأدويه وبروح البيت
الدكتور: والسيلان ؟؟
ريم: بشيله !! بس مابي
الدكتور راح يمها: جوفي ترى انا مادلع .. (مشى عنها .. وطلع )
نجود ميوده قلبها: آآآآآآآخ قلبي ماستحمل !! خقييت !! ذبت خلااص ماستحمل !! شنو ذي !! شلون الأوادم يستحملونه ؟؟
ريم ابتسمت: يقولج خالد اخوه تقولين شيصير لك ؟؟ حدج رايحه عليج ..
نجود: حلفي اخوه ؟؟ وانا اقووووووووول شسالفه
دشت السستر بتعطيها الأبره ..
ريم بخوف: بلعدال ها !
السستر تهز راسها ..
عطتها الأبره وطلعت .. ريم تتحندى: افف يدها ثقيله ..
نجود: سمعي .. انا بروح اتجول شوي فلمستشفى .. باخذ لي جوله سياحيه جذي وبرجع لج
ريم: اي روحي بس لتيودين شي ..
نجود: يمكن اطلع برا بعد اشم هوى .. بروح البراده اللي يمهم بشتريلي شي .. بروح صوب الكوفي شوب بعد ..
ريم: اي معليه روحي بس لتضيعين .. خلي تلفونج وياج
نجود قامت: ان شاءالله ..يالله رقدي انتي
ريم: اوكي ..
راحت نجود .. ريم تمت بروحهه .. من يخلى عليها المكان ايي في بالها ناصر .. تتخيله واقف جدامها .. يسولف وياها ..ايود يدها .. يضحك .. يعصب .. يصارخ .. اي شي .. اهم شي يكون جدامها .. " جالس بحالي ولحالي هزني الشوق وذكرتك .. يعني معقولة يا غالي كل هذاا وما وحشتك ... غيبتك طالت ليالي يا عسى خير وعذرتك .. خوفي وكل انشغالي دون ما أقصد جرحتك ... يعلم الله وقلبي شاهد إن عيني من أملها ... بس تشوفك عندي قاعد روحي ترجع في محلها ... تدري يوم إحنا انتباعد كل هالدنيا و أهلها...يفقدون إنسان واحد وافقد آنا الدنيا كلها ... كان قلبك يا فتوني طاوعك تنسى حبيبك ... آنا ببقى مع شجوني وانته روح الله حسيبك ... بس تأكد يا عيوني لو غدى غيري نصيبك ... انته وياي وبدوني ما أبي مكروه يصيبك " نزلت دمعتها غصب اللي حرقت عينها وخذها ..
ناصر .. فلطياره .. التفكير ذبحه .. والوقت مايمر بسرعه .. "كن الدقايق في غيابك سكاكين .. ليتك تذوق شوي طعم الثواني" .. ميود راسه ومنزله .. يبي يفكر بشي .. يبي يعرف اذا وصل البحرين وين يروح ؟؟ وشيسوي ؟؟ وشيقول ؟؟ ريم بتصدقه ؟؟ بتزعل عليه ؟؟ ولا بترضى ؟؟ اي اكيد بترضى ريم حبيبتي .. مابتقول شي .. بس شبقول حق فيصل ؟؟ اقول له عن هالحمد وسوالفه ؟؟ ولا اسكت واطلع لي اي عذر ؟؟ انزين شنو عذري بيكون ؟؟ جم يوم مايدرون عني !! امي وابوي شخبارهم ؟؟ ياربي انا شبابد له !! لا اله الا الله .. الله يرحمك ياعمي ..انت اللي وصيتني عليها .. وانا رحت وخليتها .. ولا دريت عنها .. بس لحد يلومني .. لحد يلومني .. اي واحد مكاني بيسوي اللي سويته .. آآه يا حمد لو ودي ذبحتك جداامها وافتكيت منك ومن سوالفك .. عبدالله كان يمه.. مايبيه يفكر وايد .. يبي يسولف ويااه بأي شي بس مايخليه يفكر ..
عبدالله:what's up man ?
ناصر بضيق:so far so bad
عبدالله: افاا ؟؟ خلك متفائل .. وان شاءالله اللي في بالك بيصير ..
ناصر: الله يسمع منك ..
عبدالله: شناوي عليه ؟
ناصر: لازم اوقف ويا فيصل .. المفروض اكون ويااه قبل ..
عبدالله: يالله شتسوي بعد .. الله ماكتب .. الحين لتيلس تتحسف على اللي راح ..فكر فلياي .. شبتسوي ..
ناصر: ان شاءالله ..
عبدالله ابتسم .. حط يده على جتفه: cheer up man, everything will be over soon
ناصر: تهقى ؟؟
عبدالله: اكيد ان شاءالله !! خلاص كلها جم ساعه وانت عندهم .. وبتكمل السالفه .. خلك متفائل .. ابتسم يخي ..!
ناصر نزل راسه: don't blame me .. I really can't wait any longer
عبدالله: I know .. just stay calm
ناصر التفت عليه: will she ever forgive me ?
عبدالله: I hope that she will .. inshallh she will
ناصر بحزن: God knows how much i love her ,, honestly .. adore her .. God knows how much I miss her ... only God can see how much I need her ..
عبدالله: don't worry man .. be happy .. I know she reciprocates your feeling
ناصر سكت ..
عبدالله: be happy !!
ناصر: are you ??
عبدالله: I'm not .. until you are ..
ناصر: يصير اللي في بالي بس .. وبعدين ..
عبدالله: جريب ان شاءالله .. اصبر شوي بس ..
ناصر سكت ..
عبدالله: بس عاد .. يالله قولي اول ماتوصلون وين بتعشيها ؟؟
ناصر ابتسم: مادري تصدق !! وين اوديها ؟؟
عبدالله: امممم .. ماتعرف اهيا شتحب ؟؟
ناصر: اهيا شتحب غير البلين وذ جيز ؟؟
عبدالله ابتسم: يعني شدعوه انت ماتشيل الطماط والبيكلز ؟؟
ناصر: لا عاد اهيا كل شي تشيله
عبدالله: ودها مطعم راقي .. رومانسي ..
ناصر: المشكله لو في امريكا بعرف وين اوديها .. بس البحرين !! نسيت ..
عبدالله: اسأل !! اللي يسأل مايضيع !!
ناصر: اسأل من ؟؟ تخيلني يعني اروح اسأل واحد اقوله ابي مطعم رومانسي؟؟
عبدالله: هاك .. انا بسأل لك حمانو اخوي ..
ناصر: شعرفه ذي ؟؟ ليش ماتسأل ولد خالتك ذاك .. شسمه ؟؟
عبدالله ابتسم: تذكر .. مسكين كله طايح فيه طنازه ؟؟
ناصر عافس ويهه يبي يتذكر: انطر انطر ..
عبدالله: فقييير ..
ناصر ابتسم: علووي القصله
عبدالله: مسكين .. هذي ويهه ويه مطاعم الله يهداك ؟؟ حده جبود مشتان
ناصر: مالت عليه عيل .. ولا احد فيكم عدل ..
عبدالله: بس انا ..
ناصر: انت على خفيف .. لك عليك شوي ..
عبدالله: افا ؟
ناصر : ..
عبدالله: اي ودها ذاك المطعم .. جاينا جاردن .. ذاك اللي في فندق الخليج
ناصر: بالله عليك ريم ويهه ويه جاينيز؟؟ ماتاكل والله ماتحب هالسوالف
عبدالله: اااخ وصلتني ريحة الكباب !! ودها تخت جمشيد !! صج عجيب
ناصر: جنه في وحده تغني ؟؟
عبدالله: ايي
ناصر: ماظن ترضى .. مكان هادي مانبي وحده تلعلع علينه
عبدالله: ودها جسميز عيل
ناصر: اوهوو .. من صجك انت ؟
عبدالله: اي دام اهيا تحب هالنوع ودها ..
ناصر: لا لا مسكينه .. قول لنا مكان عدل عاد !! خبري فيك ذبحتك المطاعم ؟؟
عبدالله: اوهو .. انزين انطر خل افكر .. مالك الا الرتز
ناصر: ماعندنا غيره ؟؟
عبدالله: اي مو يوم ملجتك وديتها هناك ؟؟ ودها بعد .. وقعدوا نفس المكان اللي قعدتوا فيه .. خبرك يعني عشان تسترجعون الذكريات الحميمه
ناصر ابستم: والله طلعت تفكر العبد !!
عبدالله: افا عليك ..اعجبك ..
ناصر: زين عاد انطر .. لازم اشتريلها شي .. يعني مب عدله اروح لها يدي خاليه
عبدالله: ود لها روز ..
ناصر: لا لا .. لازم شي بعد .. تهقى احصل شي فلمطار الحين وحنا نازلين ؟؟
عبدالله: يجوز .. ندور ولا تزعل ..
ناصر ابتسم: اي لازم اشتريلها شي .. حبيبتي
عبدالله: خلف الله علينه .. لا حبيبه ولا رفيجه
ناصر: تبي اعرفك ؟؟ اقولك عندها اختك تشبهه .. فلشكل بس .. اما الطبايع عكس بعض
عبدالله ابتسم: احلف ؟؟ شكبر ؟؟
ناصر: اظن بتروح توجيهي
عبدالله: تقص علي تعطيني ياهل ؟؟
ناصر دزه بكوعه بلعدال: يالغبي اليهال احسن .. يتدلعون عليك .. شعرفك انت
عبدالله: احلف ؟؟
ناصر: والله !!
عبدالله: يعني انطرها ليما تخرج ؟؟
ناصر: جوف من تخلص امتحانات ملجوا .. عشان تروح تسويلها فلم هندي في حفلة تخرجها
عبدالله: والله تفكر !!
ناصر يعدل قميصه: اعجبك افا عليك ..
عبدالله: انزين انزين .. شسمها ؟؟
ناصر: اسمها ؟؟ لا مابقول .. خلها مفاجأه
عبدالله: مفاجأه فعينك !! يالله قول .. حمستي ابي اجوفها
ناصر: هي عاد !! بنت عمي ذي .. !! مافي سوالف مني مناك !! سيده عرس ها !!
عبدالله: افا عليك انا رفيجك .. عرس عرس ..
ناصر: عاد .. ترى اهيا لك عليها شوي فلتصرقع ..
عبدالله: احسن شي
ناصر: ام لسان ترى ..
عبدالله: so what? عادي
ناصر: بتأذيك !! مزعجه !!
عبدالله: معليه ..
ناصر: بلييسه
عبدالله: لحظه بسألك .. فيها شي زين ؟؟
ناصر ابتسم: افا عليك .. اخت الغاليه مافيها شي زين ؟؟ الا الزين كله
عبدالله ابتسم: بس عيل لتحبطني .. قولي الاشيا الزينه فيها
ناصر يفكر: اممم .. لحد الحين ماجفت شي زين
عبدالله يخزه: من صجك؟
ناصر ابتسم: يخي شدراني فيها ؟؟ اخطبها وجوف شالزين فيها !!
عبدالله: وبعدين ابتلش ؟؟ تقص عليي ؟؟
ناصر: لا افا عليك .. خوش وحده ..تعجبك
عبدالله: بنجوف ..
ناصر: خلاص اول مانوصل البحرين بكلم اخوها
عبدالله: من صجك انت !! ويهك عاد !! تبيني اتوهق عقب ؟؟ خل اجوفها .. اقعد وياها شوي .. اسولف ..
ناصر يخزه: ماتبي تطلع وياها بعد ؟
عبدالله فيه الضحكه: يكون احسن
ناصر: اقول اقلب ويهك .. هذي يزاتي اللي بضبطك
عبدالله: ايي افا عليك ضبطني عاد علأقل اعرفها يعني مابي تطيح فجبدي عقب
ناصر يخزه: بنت عمي تطيح فجبدك ؟؟ يحصل لك انت ؟؟
عبدالله: خلاص يبه اول مانروح نعرس ولا يهمك
ناصر: غبي انت ؟؟ اقولك ماكملت مدرسه للحين
عبدالله: خلاص انزين اللي تبيه يصير .. بس اول شي اجوفها وبعدين اقرر ..
ناصر: يصير خير ..
عبدالله يدزه: نصور ؟؟ يعني عقب بصير عديلك مادري نسيبك !؟؟ اووه عقب بنصير ربع !! شي
ناصر يخزه: وانت الحين شنو ؟
عبدالله: لا قصدي عقب بنصير من الأهل
ناصر: اشك .. اخاف من أول ماتجوفها تزفك وتهوّن ..
عبدالله: محد يزفني .. اصبر علي جان ماخليتها تحبني
ناصر: اووه وصلنا لي الحب ؟؟
عبدالله: اهم شي ..ولا شرايك انت ؟
ناصر خذ نفس: صاج ..
عبدالله: لا اله الا الله .. انت جان يبت لك كتاب تقراه ولا شي ؟؟
ناصر: تصدق شاريلي قصه .. شكلها فن .. بس مب عندي الحين فلبحرين
عبدالله يتلفت .. يطل ورا يبي يجوف حمد شيسوي .. جافه رااقد .. رد التفت على ناصر: اقوول النصري ؟
ناصر: سم
عبدالله: شبتسمي ولدك ؟؟
ناصر يخزه: ولدي ؟؟ شبسميه ؟ مادري تصدق !!
عبدالله: يه ؟؟ شلون جذي ؟
ناصر: بخلي مرتي تسمي عيالي كلهم ..
عبدالله: انزين مافي بالك اسم ..؟؟
ناصر: امبلا .. بس مادري باخذ رايها قبل
عبدالله: زين ..
ناصر: شهالسؤال؟
عبدالله: بس اسأل !! تصدق ؟؟ اول مره اتم في LA جذي .. وايد بسرعه .. وحشني المكان .. لو ودي تميت اكثر !!
ناصر: معليه .. نييها حفلة التخرج ان شاءالله
عبدالله: ان شاءالله ..
عقب مااذن العشا .. راح فيصل يصلي .. وعقب المسيد سيده راح حق ريم ..اللي كانت قاعده عالسرير تنطره .. ويمها نجوود تسولف وياها ..
فيصل دش عليهم: عسى ماتأخرت عليكم بس ؟؟
ريم قامت وقفت: لا لا .. بس اوكي
فيصل: وليد اهني ؟؟
نجود فز قلبها ..
ريم: لا راح .. كمل دوامه خلاص .. يات وحده بداله
فيصل: كتب لج الأدويه؟
ريم عطته البيسكربشن .. : اي .. وسلم عليك بعد
فيصل يقرا الأدويه: الله يسلمه .. (رفع راسه يطالعها) اشوى انتي ؟
ريم: اي الحمدلله مافيني شي ..
فيصل يتطنز: ماودج ترقدين الليله هني بعد؟
نجود: تبيها تنتحر ؟؟ لوعت جبدي الحنانه .. ودها البيت بسرعه
فيصل: يالله (عطاها سويج السياره) جدموا انتوا انا بروح الصيدليه بشتري الأدويه وبايكم
ريم ونجود مشوا عنه .. خذ الأدويه وراح لهم بسرعه .. فلطريج ..
فيصل يحاجي ريم: شخاطرج فيه تتعشين؟
ريم .. ماتبي تاكل .. سكتت
نجود: الله يسلمك انا خاطري في شي .. امممممم .. خاطري في باستا
فيصل: انتي محد سألج !! ريم ؟؟
ريم: ها ؟ اي كيفكم اي شي
نجود: عنبوج انتي ماتيوعين ؟؟ عفيه بطن عندج ؟!! خاطري مايوع خاطري يوم واحد بس ماحس باليوع .. تصدقين ؟؟ وانا اكل احس يوعانه .. اكمل غدا احس يوعانه ولا جني ماكله شي .. ارد ادش المطبخ آآكل وللحين يوعانه .. وانتي يمال لضعفه !! ماعندج احساس فليوع ؟؟
فيصل: بتاكل ماعليج منها .. بوديكم البيت الحين وبروح اييب لكم عشا .. جوفي امي واسوم شيبون .. وجان فيه نسوان ولا شي قولولي ..
ريم: ان شاءالله ..
راحوا البيت .. كانوا طالعين النسوان بس ام احمد كانت وياهم ..قاعدين فلميلس ..
من دشت ريم امها ركضت يمها .. لمتها وحببتها: اسم الله علييج حبيبتي اسم الله عليج !! شلونج يمه؟
ريم لامه امها بالقوه: انا بخيييير يمه مافيني شي ..
نجود متخصره: وانا يعني مالي hug ??
ام فيصل راحت لمتها : عاد انتي دلوعتي نظر عيني والله
نجود عطتها خدها: حبيني
ام فيصل حبتها
نجود: بس ؟؟ تدلدقيني انتي ؟؟ ابي وحده عوده ..
ام فيصل يودت ويهه وحبتها بقوه .. : جذي زين ؟
نجود مشت خدها: الحين بيقرح ويهي .. جذي يحبون ؟؟
ام فيصل: اوهو ماعرفنالج انتي .. (يودت بنتها ودشت الميلس) تعالي يمه قوليلي شخبارج الحين ؟ اشوى ان شاءالله؟
ريم: يمه حدي بخير مافيني شي ..
ام احمد من جافتها قامت: ويي خنت حيييلييي الريييم .. سلامتج امي شفييج ؟؟
ريم راحت تسلم عليها: يسلمج خالتي .. مافيني شي .. شفيكم ؟؟
اسوم: اشوى ريمو؟
ريم: اي الحمدلله مافيني شي .. فيصل يقول شتبون عشى بيروح اييب ؟؟
ام فيصل: كيفج يمه جوفوا شتبون .. مادري عنكم
ريم تطالع اسماء: اتصليله قوليله شتبون عشى .. انا بروح اتسبح وبدل ..
اسماء خذت التلفون وطلعت بتكلمه ..
عقب يابولهم العشا .. قعدوا كلهم تعشوا يميع .. راشد مر على اسماء .. وعقب ركبت ريم ترقد ويا اختها .. وفيصل .. كلعاده .. ويا الربع فلميلس ..
ناصر .. كان في مطار فرانكفورت .. .. يحس بشووق ولهفه يبي يرجع .. وحمد كله يمشي بروحه .. " يكسر الخاطر " .. عبدالله ويا نااصر: يالله بسرعه نروح الgate
ناصر: يالله ..
حمد طول الوقت يصد عن ناصر .. وناصر كلش ماحس فيه .. ونسى ان اهوه وياهم .. في باله ريم .. بس ريم .. قعدوا ينطرون الطياره .. مايبي يجوف احد .. مايبي يسولف ويا احد .. يبي الوقت يمر بسرعه عشان يوصل .. كل شي حواليه يحسه ماله قيمه .. .... كل شي عنده " ولا شي "..يحس فاقد كل شي .. كل شي ..
يتبع
فلبحرين .. الصبح ..
بو ناصر ومرته تحت عند الباب .. يايين يسلمون عليهم ..
ام فيصل تمش دموعها: لازم تيوونه عاد
ام ناصر: اكييد حبيبتي اكيد .. من يحصل اجازه سيده بنييكم ..
ريم تسلم عليهم ودموعها حارقتها: تحملوا فروحكم .. توصلون بالسلامه ان شاءالله
بوناصر: الله يسلمج ..
نجود: عزوز عاد من توصل اتصل لنا ..
بوناصر يهز راسه: ان شاااءالله والغنيمه .. (التفت على فيصل) يالله فيصل نمشي ؟؟
فيصل: ميود السوييج ويلعب فيه: يالله ..
ام فيصل: الله يحفظكم .. بالسلامه ان شاءالله
ام ناصر: يسللمج حبيبتي ..
بوناصر: يالله مع السلامه
الكل: الله يسلمك ..
ريم تحاجي فيصل: بترجع ؟
فيصل: لا لا بوصلهم وبروح الشغل .. تبين شي ؟
ريم: سلامتك .. بس كنت اسأل ..
فيصل: اوكي يالله .. فمالله
ام فيصل: الله يحفظكم ..
طلعوا عنهم ..
ام فيصل: تعالوا يمه تريقوا .. اكلولكم شي ..
ريم: وعليه فصول ماكل شي ..!
ام فيصل: اتصليله قوليله ياخذ له على طريجه شي ليتم لنا علريج ..
ريم خذت تلفونها .. وصووتها مشحط : الفيص .. هلا .. لا بس كنت بقولك تريق .. اخذ لك شي .. اوكي معليه .. لا انت عقب كلمني وبجوف .. اوكي .. باي...
دشوا المطبخ ..
ريم تحوس في تلفونها ..
ام فيصل: يمه ريم !! اكليلج شي ..
ريم بدون ماتطالعها: شبعانه يمه ..
ام فيصل: شبعانه شماكله ؟؟
ريم: ها ؟ لا قصدي عقب باكل لتحاتين ..
نجود وهي تاكل: يمه بسهم النسوان لوعوا جبدنا !! لي متى يعني لي متى ؟
ام فيصل .. تشرب " الجاي حليب" : ريضين يمه ريضين
ريم: يمه جانزين تمت مرت عمي ويانه ..
ام فيصل: ويي جان بخت .. بس مايصير تهد ريلها بروحه !!
ريم: اي صج .. (بلعدال) خل اجوف اسوم هذي وينهي ؟ ... (رفعت تلفونها بتتصل .. يرن يرن .. ) الو
اسوم وصوتها ابين راقده: هااااا
ريم: راقده ؟
اسوم بكسل: اممم
ريم: اوكي سوري بعدين بكلمج
اسوم: باي
ريم: باي ..
اسوم توها مستوعبه: هييييي
ريم: هلا
اسوم: تعالي وين بتروحين ؟
ريم: مابروح مكان !!
اسوم : قصدي ليش بتصكينه ؟
ريم: قلت اخليج ترقدين ..
اسوم: لا انا كنت يعني مب راقده ولا قاعده .. somewhere in between .. شخبار؟
ريم بضيق: سافروا ..
اسوم: من بعد ؟
ريم: عمي ومرته ..
اسوم: ايي لازم بيسافرون !! دهر يعني يتمون هني ؟؟
ريم: متى بتيين اسوم ؟
اسوم: رشود طلع .. قلت له انطرني قبل لاتروح الشغل وصلني .. الظاهر راح ولا عبرني..
ريم: وي ..
اسوم: زين انتي شخانتج احين ؟؟ ورا ماتيين تاخذيني ؟
ريم: اوكي انتي تجهزي ولي برزتي اتصليلي باييج
اسوم " تتمقط" .. و"تتثاوب" : اااه عوذ بالله من الشيطان .. اوكي عيل .. يالله باي
ريم: باي ..
نجود: بتروحين تيبينها ؟
ريم تهز راسها: ان شاءالله
نجود: عيل مري على عوشوو يبيها بعد ..
ريم: ان شاءالله بس اتصليلها قبل ..
نجود: اوكي معليه ..
ريم قامت .. خذت لها بيبسي وطلعت ..
نجود تحاجي امها: يمه !!
ام فيصل: هلا يمه
نجود كانت بتقول لها عن ريم .. بس .. مسكينه امي .. اللي فيها كافيها .. مابي ازيدها بعد .. تمت ساكته
ام فيصل: فيج شي ؟؟
نجود: لا بس .. كنت بسألج شي ونسيت (قامت) لي تذكرت بايي اقولج ..
ام فيصل سكتت ..
نجود طلعت من المطبخ .. الا ام احمد داشه: السلااااام عليكم
نجود متخصره: يالله صباح خير !! من الصبح رازه ويهج ؟
ام احمد: وين امج ؟
نجود: تتريق .. حياج الميلس بتييج ..
ام احمد: وي اشوله اقعد بروحي ؟؟ بروح اتريق وياها .. عسى ماخلصتيه؟
نجود: مايخلص افا عليج .. روحي اكلي
ام احمد دشت المطبخ تتريق ويا ام فيصل ..
نجود ركبت فوق ..
فيصل عقب ماوصل عمه ومرته المطار ..
راح الشغل .. وجاف خاالد ..
خالد التفت عليه: هالكثر متأخر ؟؟
فيصل: شسوي والله الطريج زحمه ووصلت عمي المطار
خالد: مب مشكله .. شخبار؟
فيصل: الحمدلله .. تعاللي المكتب ابيك ..
خالد: دقيقه بس بعطي الظرف المراسل وباييك ..
فيصل ينطره فلمكتب ..
شوي وخالد داش عليه: قوه !!
فيصل: يقوييك هلا .. حياك
خالد قعد عالكرسي اللي مجابله : الله حييك .. بسرعه يالله قول اللي عندك لايطب علينه بومعاذ .. مافينه شده
فيصل: انا متضايق .. شغل ابوي شكثر .. ماقدر اهده ..
خالد: افا عليك .. انا اساعدك ..
فيصل: ماتقصر .. بس وايد اراضي وعمارات وشغلاات .. وغير المطعم .. والمحل .. راسي دار مادري شسوي .. ماقدر اهد الشغل وجابلهم .. انا مالي في هالسوالف !! تعرفني ماحب هالسوالف ابوي الله يرحمه عيز وياي ..
خالد: اممم
فيصل: يعني انا ماقدر اروح مكتب ابوي وادير كل شي مكانه !! ماعرف ماعندي خبره نفسه الله يرحمه .. بعفس المكان فوق تحت !!
خالد: جوف لك واحد عنده خبره جذي وعينه المدير .. وآخر الشهر يطرش لك الريبورت عن كل شي صاار فلمكتب !!
فيصل: اي عاد وين احصل له ذي ؟؟ ابي واحد ثقه !!
خالد: ميخالف انا بسألك عمي .. يدور لنا واحد .. ولا يعطينه واحد من اللي يشتغلون عنده ..
فيصل: اي والله تسوي خير ..
خالد: خلاص انا بكلم عمي وبرد عليك اذا صار ماصار .. ولتحاتي .. اللي يشتغلون فلمكتب كلهم ماشالله عليهم قد المسؤوليه .. بس يبيلهم واحد يديرهم.. وعندك ذي .. شسمه اللي ابوك يعتمد عليه ؟؟
فيصل: بدر ..
خالد: اي .. يعلمونه الشغل بالضبط وخله يدير .. افا عليك بس لتحاتي ..
فيصل: والمحامي بعد قايل يبي يقعد ويااي .. يبي يقرا وصية ابوي الله يرحمه ..
خالد: الله يرحمه .. اي مب مشكله خلاص اقعد وياه وجوف شسالفه ..
فيصل: ان شاءالله .. اسمعني ترى الغدا اليوم عندي ..
خالد: يخي ذبحتنا كل يوم غدا وعشى .. انتفخنا
فيصل: يالله عاد !! بتردني يعني ؟
خالد: لا افا عليك ..
فيصل: يالله انا عندي شغل واايد انت عليك تخبر الشباب
خالد: ايي سكرتيرتك انا .. اي والله خبر الشباب ..
فيصل: يخي اكتب مسج وطرشه لهم كلهم وفك عمرك !!
خالد: وليش انت ماتطرشه ؟
فيصل: يخي ماعندي وقت
خالد وقف: زين اخليك ..
فيصل يحوس فلأوراق: مو تنسى !!
خالد: ان شاءالله الحين اقول لهم .. يالله فماالله
فيصل: فمان الكريم ..
ريم .. تحس بتعب في جسمها المتكسـر .. تتعب لأي حركه تسويها .. من تقوم راسها يدور .. ماكانت تقدر تقوم تييب اسماء .. بس .. غصبت روحها لازم تروح ..
لبست دفتها وشيلتها والنظاره .. وخذت تلفونها .. التفتت على نجود: تيين ؟؟
نجود: لالا بتم مافيني شده
ريم بهدوء: حاجي عايشه عاد ..
نجود: ايي اوكي ..
ركبت السياره ..بالزور وبالغصب قدرت تسوق ..
طول الطريج تحسها مو في وعيها .. كانت مسرعه عشان بسرعه ترد .. تحس بدووخه .. بالغصب ميوده روحها
وصلت بيت اسوم .. اتصلت لها وبسرعه اسوم نزلت ..
اسماء بصراخ: هلووووووووو
ريم بتعب .. التفتت عليها وابتسمت وساقت ..
اسماء تخزها: امبيه !! شفيه ويهج منصفق هلون؟
ريم خذت نفس: مافيني شي ..
زين اللي عووش بعد بيتهم مب بعيد .. اتصلت فيها عشان تطلع .. واسوم مب مستوعبه: انتي هي وين يايبتنه؟؟
عايشه بسرعه بطلت باب اسوم: يالله ورا .. بسرعه
اسوم تطالعها بنص عين: نعم ؟؟ خير اختي خير ؟؟ يالله منااااك (بسرعه سحبت الباب وصكته )
عايشه متخصره .. بسرعه بطلت الباب ودزت اسوم وقعدت يمها وصكت الباب: مشينه
اسوم تخزا: هي انتي هي !! روحي ورا يالله (تطالع ريم) نطري لتمشين .. (التفتت على عووش بعصبيه) نزلي لا احذفج الحين
ريم قفلت البيبان ومشت .. مالها خلق ..
اسوم تفرصها: انتي هي ؟؟ ليش مضايقتني ؟؟ وشلا ماقعدتي ورا ؟
عايشه بغرور: برستيجي مايسمح لي
اسوم تخزها: عشششتو .. ماللت عليج اقول ..
عايشه تدزها بخصرها: دني لي ..وخري شوي
اسوم تدزها صوب الباب: كيفي
عايشه فرصتها بالقوه في زندها واسوم صرخت: آآآآي !! كسسسر !! ضعفه !! مب يد !!
عايشه تطالعها بنص عين .. طلعت لسانها: جب (تبي تحرها .. طلت على ريم) اقوول الريم ؟؟
ريم وعينها علشارع .. بدون ماتطالعها: همم
عايشه بخبث: شخباره فيصل ؟؟ من زمان عنه !!
ريم ببرود: الحمدلله بخير ..
عايشه تتدلع: سلمي عليه وايد .. ولا تدرين .. بتصل له الليله بسلم عليه
ريم تهز راسها .. من غير نفس: زين ..
اسوم توها مستوعبه: لحظه لحظه .. شقلتي توج ؟؟
عايشه تغني: كنت اظن الريييح جابت عطرك يسلم علي
اسوم سدت اذنها: عبالج صوتج حلو ؟
عايشه وهي تطالعها بغرور .. علت صوتها شوي: كنت اظن الشووق جابك تجلس بجنبي شوي ..
اسوم تدزها: جبببب !! عورتي راسي
عايشه تصارخ: كنت اظن وكنت اظن وخاااااااااب ظني .. مابقى بالعمر شي .. واحتريييييتك ..
ريم حست بالكلماات .. عورها قلبها .. اي والله .. مابقى بالعمر شي .. واحتريتك
اسوم: اوه لحظه شكنتي تقولين مساعه ؟؟ شنو فصول مافصول ها ؟ تحجي شقلتي ؟؟
عايشه: وانتي شلج كار ؟؟ ذلفي مناااك
اسوم خذت يد عووش وعضتها بقوه وعووش تصارخ: وييييعه !! (سحبت يدها بقوه) مب ضروس !!
اسوم: شقلتي اقولج ؟
عايشه: وانتي شعليج ؟؟ مالج دخل فلسالفه ..
اسوم تخزها: نعم نعم ؟؟ شنو مالي خص ؟؟ سمعت اسم فصول .. شقلتي عنه ؟؟
عايشه بدون ماتطلعها: مايخصج
اسوم عصبت .. يودت يدها بقوه وفرصتها : بتقولين ولا شلون ؟؟
عايشه وجنها تترجى: بس بس اوكي بقول هديني حفرتي يدي !! يعلج شاقول !!
اسوم معصبه: تحجي
عايشه: كنت اسأل عنه !! حرام يعني حرام ؟
اسوم دزتها بالقوه: مابي اسمع طاريه على لسااانج مره ثانيه
عايشه تخزها: ويي ورا؟؟ يزعم تغارين؟؟
اسوم تدزها: انجبي
ريم راسها يعورها .. بس ماتبي تسكتهم .. قالت بتصبر ... اهم شي توصل البيت الحين ..
وصلت البيت .. وقفت السياره ونزلت .. واهمه نزلوا وللحين يتداززون .. ريم .. تحس بسواد في عيونها .. وراسها يعورها تحس بصداااع مو طبيعي .. قلبها يدق يدق يدق .. اهمه دشوا البيت .. وهي للحين تمشي بلعداال .. راسها ثقيييل ويعورها .. تحاول تصبر .. تيود روحها .. بس علأقل توصل عند الباب .. شوي شوي .. ركبت الدجه .. والدري اللي عقبه ..بطلت الباب .. دار راسها ماقدرت تتوازن .. .. مدت يدها تبي تيود شي .. تحس ماتجوف شي جدامها راسها يدور .. بسرعه طاااحت.. سمعوا الصوت .. اسوم وعووش .. التفتوا عليها جافوها طايحه صرخوا: رييم !! بسرعه ركيض صووبها .. امها كانت فلميلس ويا النسوان .. سمعت صرختهم يودت قلبها: يمه بنتي!! بسرعه ركضت وطلعت الصاله وجافتها طايحه وهمه قاعدين يمها مب عارفين شيسوون .. نجود كانت فلمطبخ سمعت حسهم بسرعه طلعت وراحت لهم .. ام فيصل متدودهه مب عارفه شتسوي .. اسماء تطقها على خداها : ريمم؟؟ رييم قومي ريم !! رييييم !!
ام فيصل بخوف: لا لا لتطقينها ..
بسرعه نزلت وفصختها الشيله .. وبطلت الدفه .. وقفت ورفعت ريلها .. والتفتت على نجود بسرعه: يبي مااي !!
نجود بسرعه ركضت المطبخ ويابت الماي .. خذت منه ام فيصل شوي ورشته على ويهه .. ويدها ترتجف خايفه على بنتها .. بخوف: اسم الله عليج .. اسم الله عليج ..
ريم تحس بصدااع مو طبيعي .. امها وقفت .. تحاول تشيلها .. ساعدتها اسوم ونجود .. شالوها وسدحوها علكرسي .." السوفا" وخلتها ترتاح .. شكلها كان يكسر الخاطر .. ويهه صاير اصفر .. تتنفس بسرعه وويهه عرقاااان ..
اسوم بخوف: خالتي لازم نوديها المستشفى ..
ام فيصل: انا ماقدر اهد النسوان .. الميلس متروس .. اتصلي في فيصل قوليله ..
ريم بصعوبه تبطل عينها: مافيني شي ..
ام فيصل ميوده يدها .. بخوف: اسم الله عليج ..
اسوم بسرعه خذت التلفون واتصلت في فيصل .. قامت عنهم .. راحت صوب الدري .. يودت السور تنطره يرد عليها ..
فيصل: الو
اسوم ونبرة الخوف تبين في صوتها: فيصل !
فيصل بخوف: شفيج ؟؟
اسوم: ريم تعبانه ..
فيصل وقف قلبه: شفيييييها
اسوم: مادري داير راسها .. مادري مادري تعال ودها المستشفى ..
فيصل تجوف الأوراق والملفات والكمبيوتر .. الشغل كله جدامه .. مايقدر يهده !! يطلع ويخليه !! .. سكت
اسوم تترجى بخوف: عااد
فيصل مستعيل: دقيقه بس .. استأذن واييكم .. حطي بالج عليها
اسوم: ان شاءالله .. فيصل لتأخر
فيصل: ان شاءالله ان شاءالله .. يالله باي ..
اسوم بسرعه راحت لهم: اكا بيستأذن وبيي ان شاءالله ..
نجود حاطه يدها على ويه اختها .. وتطالعها : ريم ؟؟
ريم بطلت عينها بلعدال تطالعها: همم
نجود سكتت ..
ام فيصل ميوده يدها: يمه شيعورج ؟؟
ريم تهز راسها: هأ .. ولا شي
ام فيصل التفتت على اسماء: روحي وياها ..
نجود تحاجي امها: انا بعد بروح
عايشه: وانا بعد
نجود التفتت عليها: الحين النسوان بيون مايصير امي اتم بروحها
عايشه تخزها: اتم ؟؟
ام فيصل: لا عادي حبيبتي تبين تروحين روحي ..
نجود: كشته هي كشته ؟؟ وين تروحين ؟؟ تمي تمي
اسوم: انتي مالج سالفه تيين تمي انا بروح وياها
نجود: لا حبيبتي انا لازم اروح ..
ريم راسها يعورها .. وهمه مالقوا مكان تناقشون فيه الا فوق راسها ..
ام فيصل: بس عاد !! اللي بيروح خل اروح .. سكتوا البنيه تعبانه مب حزتكم !!
ناصر .. ويا عبدالله فلمطعم ..
عبدالله .. عقب ماقال له السالفه كلها .. ناصر منصدم .. يحس بصدااع .. راسه يعوره مب قادر يصدق اللي قاعد يقوله .. نزل راسه حط يدينه على راسه .. غمض عينه .. يبي شوي يصدق .. ويبي يرتب افكاره .. شلازم يسوي .. يعني طول الوقت كان ظالمها ؟ وشلون حمد قدر يلعب عليه بهالسهوله ؟؟ وشلون صدقه .. !! شلون قدر يسوي كل شي ويخليه سافر ويهدها ؟؟ .. عبدالله ساكت .. يبيه يفكر على راحته .. وللحين ماقال له ان عمه توفى .. قال له سالفة حمد بس .. وجاف شلون ناصر ويهه انقلب ولسانه انربط .. مب قادر يتحجى لا يقول شي ..
عبدالله يفكر .. شلون اقول له عن وفاة عمه !
ناصر .. عقب فترة صمت طويله .. مانطق بولا كلمه .. وعبدالله تم ياكل ويطالعه .. رفع راسه ويطالعه بأيس: انت من صجك ؟
عبدالله خذ القلاص بيشرب: يخي جم مره سألتني من صجك من صجك ؟؟
ناصر ساكت .. يبي يروح بسرعه الشقه يطق حمد .. يبي يأدبه .. يبرد حرته فيه .. شلون قدر يسوي كل ذي ؟؟ شلون ؟؟ وشلون صدقه بسهوله وراااح عنها ؟؟ شلون قدر يفرقنا جذي ؟؟ الحين ريم شبتقوول عني ؟؟؟؟ ااااااااه يا حمد لو انك جدامي الحين دفنتك
عبدالله يود يد ناصر .. بتردد: بقولك شي
ناصر بروحه منصدم: شصاير بعد ؟!! ترى قلبي بيوقف !!
عبدالله بلع ريجه .. بهدوء: عمك عطاك عمره ..
ناصر بق عينه .. وقف قلبه . نشف رييجه .. مب مصدق: شنو ؟؟
عبدالله سكت .. وفر ويهه ماقدر يستحمل يجوف ناصر جذي ..
ناصر بسرعه وقف : شقلت ؟
عبدالله: ناصر ايلس .. ايلس خل افهمك ..
ناصر .. وعيونه انترست دموع .. حرقت عينه .. يحس بغصه: شلون ؟؟ ومتى ؟؟ وليش ؟؟ وليش انا مادري ؟؟ عبدالله انت من صجك؟؟
عبدالله: حزة اللي انت سافرت ..
ناصر نزل راسه .. خش ويهه بيده: انا لله وانا اليه راجعون .. انا لازم اروح البحرين الحين .. لازم .. انت يااي تذبحني عبود .. ذبحتني بكلامك .. ماستحمل جذي.. لازم اروح
عبدالله توه بيتحجى: باجـ
ناصر قاطعها بصراخ: الحييين !! ( خذ نفس) انت تعرف شقاعد تقول؟؟ عبدالله حط روحك مكاني !! بس الحين ؟؟ آآآآآآه !! ماصدق .. (نزلت دمعته) الله يرحمك .. الله يرحمك .. (وقف بسرعه) قوم !! قوم بسرعه !!
عبدالله قام: جدم السياره بدفع وباييك ..
ناصر طلع .. رفع راسه يجوف السما .. عمي مات !! بو ريم مات ؟؟ شحالج يالريم بدون ابوج !! آآآخ !! الله يرحمك ويصبرهم .. جذي تروح وتخليهم ؟؟ جذي تروح وانا مادري ؟؟ ااااااه الله يرحمك !! (عصب) وينه حمد ؟؟ اهوه السبب في كل شي ..! وويينه الجلللللللب !!
عبدالله بسرعه ركيض طلع من المطعم .. ناصر ركب السياره بيسوق .. وعبدالله ركب يمه ..
وناصر معصب ومتضايق ومنصدم يحس بضيق مو طبيعي
عبدالله يبي يهديه مب عارف .. : قول لا اله الا الله !!
ناصر خذ نفس: لا اله الا لله محمد رسول الله !! عبود شهالمصايب اللي ياتني مره وحده !!
عبدالله يطالعه بهدوء: انت هد اعصابك وقول الحمدلله والشكر !! ماتدري يمكن فيه خير لك !!
ناصر: الحمدلله والشكر .. ان شاءالله خير .. ان شاءالله خير
عبدالله: لازم ماتعترض على حكمة ربك !! ماتدري الله شكاتب لك !!
ناصر بهدوء: اللهم لا اعتراض
عبدالله: هد اعصابك .. وباجر الصبح نروح نحجز
ناصر التفت عليه بعصبيه: من صجك انت ؟؟ عبالك الطريج قصير ؟؟ يبيلنا اكثر من يوم فلطريج !! وتقولي باجر ؟؟ اسمعني .. انا الحين بطخ شنطتي ودايركت علمطاار .. بسرعه اي طياره بتروح فرنسا .. ميونخ .. فرانكفورت ..امستردام .. اللي اهوه .. وعقب باخذ لي طياره لي البحرين
عبدالله: اي معليه انا وحمادو بنيي وياك
ناصر توه متذكر .. بعصبيه: ذي الجلب بدفنه اهني بروح
عبدالله سكت ...
وناصر داير راسه .. يبي بسرعه يروح البحرين .. صج ان ايام العزا كملت .. ومالحق عليهم .. بس لازم دام درى يروح بسرعه .. يبي يجوف حالتها مسكينه ..
شلون قدرت اروح عنج ؟؟ شلون قدرت اخليج وانتي في اصعب حالاتج .. ؟؟ شلونج الحين ؟؟ شمسويه ؟؟ وانا اللي قلت لج انسيني .. نسيتيني ؟؟ برجع لج .. يااييج حبيبتي يايج .. بس عندي امل انج بترضين علي وبترجعين لي .. عاتبيني .. اجرحيني .. منج احب الجرح لو ماينتبارى .. بس اهم شي .. ترجعينلي .. اهم شي اجوفج .. " وان كان لي يوم وتمنيت شوفة عيونج طالبنج " فديتج وفديت عيونج.. لتنسيني طلبتج لتنسيني .. الذنب مو ذنبي .. ذنب حمادو الجلب .. الحين اراويج فيه .. بس ريم .. يارب تفهميني .. انا احبج .. والله احبج .. "وشويه ان قلت احتاااجك .. وشوية ان قلت اشتااااااااااقك وشويه ان قلت انا كلي لك وشويه ان قلت اهواااااك .. لو تجمع حب العالم .. احساس وشوق العالم .. وكلام الحب .. واغاني الحب .. ماتساوي يا عمري غلاااااااااك " ... عمي ! الله رحمك .. جعل مثوااك الجنه يارب.. ماتدري شلون اتخيل حياتنا بدونك !! الله يرحمك .. فراقك صعب .. والله فراقك صعب .. آآآه يا عمي .. ماصدق .. مب قادر استوعب شي ..راسي داااار ...
ناصر سرحاااااااااان .. يسوق وعينه علدبله شوي .. وعلشارع شوي .. وعبدالله ساكت .. مايبي يقول شي ويوش افكااره .. خله على راحته .. اهم شي نوصل البحرين بسلاام ..
عبدالله في خاطره" والله محد كاسر خاطري غيرك يا حمد .. انت اللي يبتها لنفسك .. من ايدك .. تستاهل " ..
نروح حق ريم ..
فلمستشفى ..
نادتهم السستر: حياكم ..الدكتور ينطركم ..
فيصل كان ميودها بقوته وهي طايحه عليه من التعب ..
فيصل بهدوء: بشيلج
ريم بتعب: لا لا اقدر امشي ..
اسماء تمشي وراهم .. وتحس مكانها غلط بينهم .. مالها سالفه ..
نجود ماراحت وياهم تمت ويا رفيجتها ..
دشوا عند الدكتور ..
رزه ولابس اللابكوت .. وحاط السماعه على رقبته .. شعره على وره .. حده ستاايل .. سكسوكه عجيبه .. شنب خفيف ..
فيصل من جافه ابتسم: ولييييد ؟؟
وليد وقف: فييييصل ؟؟
فيصل هد اخته وراح يسلم عليه: هلاااااااااا هلا والله
وليد يسلم عليه: هلا فييييك هلا .. شلونك ؟؟
فيصل: والله الحمدلله انت شلونك ؟
وليد: الحمدلله !!
فيصل: انت من متى اهني ؟ مادري انا
وليد: ليش ماقالك خلّود؟
فيصل: لا والله !!
وليد: يعني .. من شهرين تقريبن
فيصل: اووه زين زين ..
وليد: طالع من الشغل ومخلي اخوي يشتغل عنك ها ؟؟ متصل لي يتحندى عليك !!
فيصل بضيق: والله شسوي (التفت على ريم) اختي تعبانه شوي
وليد يطالعها : افاء ؟ تعالي حياج قعدي ..
ريم بتعب ..ويهه مصووفر وحالتها لله .. يودها فيصل وخلاها تقعد ..
وليد يجوف الفايل .. : ريم .. مب أول مره تيين .. نفس السبب ؟؟
ريم ساكته ومنزله راسهه ومب عارفه شتقول ..
وليد: قوليلي شفيج ؟؟ عسى ماشر ؟؟
ريم ساكته .. وفي خاطرها " دكتور عالجني اذا عندك علاج // انا مريض وعلتي داخليه "
وليد يحاجي فيصل: اختك ماتتحجى ولا شسالفه ؟؟
فيصل بهدوء: ريم قوليله
ريم وصوتها مشحط : مافيني شي ..
اسماء نطت وهي معصبه: اي مافيها شي!! دكتور !! جوف ويهه شلون مصوفر !! صار لها جم يوم الحين ماتاكل شي !! عايشه علبيبسي !! وكله راسها يعورها .. وكله يدوور !!
الدكتور يخز ريم بعصبيه: صج هالحجي ..
ريم ساكته ومنزله راسها ..
فيصل: صاجه صاجه ..
وليد معصب يحاجي فيصل: تدري وساكت ؟؟ المفروض من أول يوم تجوفها جذي تييبها !! مو تنطر لينما تزيد حالتها !!
فيصل: خبرك ايام الخلف ولويه .. ماتدري عن روحك حزتها ..
وليد وقف: ممكن تيين شوي ؟؟
ريم وقفت ..
وليد يحاجي فيصل واسماء: خلونه بروحنه .. لوسمحتوا ..
طلعوا ودشت السستر عليهم ..
خلاها تنسدح علسرير .. كشف عليها .. على دقات قلبها .. ومعدتها .. وجبدها ..يعني بطنها ..
حده معصب: انتي شمسويه في روحج ؟؟ ليش هامله روحج جذي ؟؟
ريم ساكته .. وعيونها انترست دموع .. مافيها شده احد يزفها ..
وليد: جسمج ضعفان .. لو اشرح لج الحين السالفه مابتفهمين .. قومي وياي بسرعه ..بلعدال عشان راسج مايدور .. بلعدال
ريم وقفت .. وليد يحاجي السستر مادري شقال لها ..
طلعوا وراحوا الغرفة الثانيه .. وفيصل واسماء ينطرونهم برا بسرعه راحو وراهم ..
وليد معصب .. " في خاطره" حرام هالبريئة الحلوه تتعب .. شلون اهلها هاملينها جذي !! شمسوين فيها !!
السستر نادت ريم .. خذت منها دم عشان تحلله .. بس يبي يتأكد ان مافيها شي ..
فيصل مستعيل: ولوّد شسالفه ؟
وليد التفت عليه: لازم نخليها عل iv .. جسمها ضعيف ويحتاج تغذيه ..
فيصل يهز راسه: وشكثر بتم اهني ؟
وليد: مادري بس تحتاج مضاد لازم تمشي عليه ..
فيصل: يعني ؟
وليد: انت روح وانا هني والسستر هني .. يعني لتخاف عليها .. بنخليها ترقد وترتاح ابين شكلها جم يوم مارقدت ..
فيصل: انا لله ..
وليد: نفسيتها تعبانه .. اكيد من وفاة الوالد الله يرحمه
فيصل: الله يرحمه ..
وليد: عندي رقمك انا اذا صار شي بتصل لك .. تقدر تروح ..
اسوم تحاجي فيصل: انا بتم وياها ..
فيصل: خلاص .. بتصل لج عيل ..
اسوم: اوكي ..
ريم .. منسدحه .. والتعب ابين عليها .. والسيلان في يدها .. قاطه راسها على صووب .. واسوم قاعده علكرسي يمها ..
اسوم: ريمو انتي مايمر شهر الا تطيحين علينه ؟
ريم ساكته ..
اسوم: الحين استانستي ؟؟ جفتي ويهج شلون صاير ؟؟ تخرعين جنج دراكولا بناتي
ريم ببراءة: بل !! هلكثر صايره كريهه ؟
اسوم: تلوعين الجبد .. اتخيل نصور يرجع ويجوفج جذي !! سيده يهوّن ..
ريم تضايقت ..
اسوم: لتموتين علينه بس !!
ريم غمضت عينها يزعم رقدت .." صاحبي بموت من كثر الحنين . . . خلني بختار لحظة مقتلي "
اسوم رن تلفونها: الوو ..
ام فيصل: ها يمه طمنيني عليها ؟
اسوم: مافيها شي تتدلع .. ماعليج منها زين
ام فيصل: عطيني بكلمها
اسوم تخزها: راقده
ريم بطلت عينها بسرعه: عطيني !
اسوم: هه !! يااااااااكبرها عند ربي !! توج راقده ؟؟ (عطتها التلفون) عياره
ام فيصل بسرعه: ريم حبيبتي ؟؟
ريم بهدوء: الحمدلله يمه بخير مافيني شي
ام فيصل: اكييد ؟
ريم: اي يمه مافيني شي ..
ام فيصل: شسوولج يمه شعطوج ؟؟
ريم: حطولي سيلان .. وخذوا مني دم .. بس
ام فيصل: زين يمه بطرشلج غدا
ريم: لاااااا يمه مابي مابي ماشتهي والله ماشتهي
ام فيصل: يمه شوي بس .. لازم تاكلين
ريم: لا بعدين مب الحين مابي ..
ام فيصل: ماتجوفين شر حبيبتي .. كلهم يسألون عنج .. عمج ومرته مساعه كلموني .. يسلمون عليج
ريم: الله يسلمج وياهم ..
ام فيصل: ارتاحي الحين .. واذا قمتي اتصليلي
ريم: ان شاءالله ..
ام فيصل: عطيني اسمه
عطتهاالتلفون ..
اسوم: هلا خالتي
ام فيصل: حطي بالج عليها .. لتخلينها بروحها
اسوم: من عنيّه ياست الكول..
ام فيصل: ماتقصرين حبيبتي ..يالله مع السلامه
اسوم : الله يسلمج ..
ريم انقلبت الصوب الثاني .. بترقد .. حدها تحس بتعب .. والنوده مسيطره .. وينك ياناصر .. مادريت شصار فغيـابك !! .. وينك ؟؟
"يا حبيبي
وينك إنت ووين أنا !!
يا حبيبي
رحت عني وضعت أنا..
حتى عن نفسي أنا..
وينك إنت ووين انا..
يا حبيبي كل شي فيني اختلف..
اللي يدري واللي ما يدري عرف
..اللي كان يقول مافي حب
..بالحب اعترف..
يا حبيبي ليت كل من راح راح.
.خذ معاه الشوق ريّح واستراح..
ما ترك غيره يهده الهم..وتبنيه الجراح.. "
آه ياناصر .. ليتك خذيت قلبي ورحت .. ليتك خذيت جرحي ورحت .. ليتك خذيت شوووقي ورحت ..ناصر ..
" رد نصف القلب ولا هاك قلبي كله .. لاتخليني بنصف ومعك نصفٍ ثاني .."
لاتخليني جذي .. المشكله .. صج ابيك .. والله ابيك .. بس .. انت ليش ماتحس فيني ليش !! .. آآآآآآآآآآآآآآآآخ قلبي .. جذي تخليني وتروح ؟؟ بدون ماتقولي شسالفه ؟؟ ولا شفيك ؟؟ بدون ماتعلمني ؟؟ كلمة انسيني عبالك بتفسر شي ؟؟ حرام عليك !!
ياوسيع البـال ضيّقـت الصـدور . . . . رحت ماعلّمتنى وين أنت سـارى
فى غيابك مال خلـق الله حضـور . . . ..وفى حضورك مالهم بالبال طارى
التغاضى عجز لاطـال القصـور . . . ليه أدارى وأنـت بالوضـع دارى
الزمااااان قصيـر والدنيـا تـدور . . . . كل يوم يضيق فى عينـى مـدارى
صاحبى محتاج لك شعر وشعـور . . . . . وإحتياجى شى ماكـان إختيـارى
من متى والغصن يختـار الطيـور . . . . من متى والبال يختـار الطـوارى
لاتسمى صمتـى البـارح غـرور . . . . . انكسارى خلف هالصّمت متـوارى
فى غياب الشمس وش ذنب الزهور . . . . والمطر لاشح وش ذنب الصحارى
اللقـا لحظـات والغيبـه شهـور . .. . .تقصر الخطوات ويطول إنتظـارى
لو قريت المنكتب وسط السطـور . . . .ماكتبت لغلطـة العمـر إعتـذارى
صمت هالمينا مثل صمت القبـور . . . . مارسى مركب ولا لاحت صوارى
" وايد احط اشعااار وقصاايد وحركات .. بس شسوي ؟؟ حدي احبهم .. يعني احسهم يعبرون عن الموقف اكثر .... أذا مصختها قولولي .. ولا انا احسني حدي امصختها " \
نرد حق ناصر .. " يختي حددي موقفج !! ناصر ولا ريم !! دار راسي ؟ "
ناصر .. ويا رفيجه ..
وصلوا الشقة ..
نزل ناصر من السياره مستعيل ..
فواز كان يتمشى صوبهم ..
ناصر ماله خلق يبي يركب بسرعه يجوف حمد ..
فواز راح له وسلم عليه: كيف الحال؟
ناصر مستعيل: زين زين ..
فواز: افف !! النفسيه خايسه اليوم !! وشصاير ؟؟ (التفت على عبدالله) وشفيكم؟؟
عبدالله ببرود: مافينه شي .. انت فيك شي ؟
فواز يحاجي ناصر: يارجاال وشفيك ؟؟ ليه وجهك صاير كذا ؟؟ وش عندك ؟؟
ناصر مستعيل: فواز شوي بس اكمل شغلي وارجع لك .. سوري يعني بس من صجي مستعيل ..
فواز: وش ذا الشغل اللي نازل من السما ؟؟
ناصر مشى عنه ..
عبدالله التفت عليه: امش وانت ساكت
فواز مب فاهم: لحظه طيب فهموني زي ايش هذي الشغله ؟؟
عبدالله سحبه بقوه: اقول امش لايكثر ..!!
ناصر بسرعه راح صوب شقة عبدالله ورفس الباب بقوه .. حمد اللي من سمع الرفسه نقز بقوه ومب عارف وين يروح ولا شيسوي ..
عبدالله دز ناصر: وخر ببطل الباب .. لتكسره علينه ..
عبدالله بطل الباب وناصر دزه ودش بقوه يصارخ: وييييييينه لحمااااااار !!
حمد كان فلغرفه قاعد متبريد مب عارف شيسوي ..
عبدالله يحاجي ناصر: ماله داعي صراخ وطق الحين .. اللي صار صار ..
ناصر بطل باب الغرفة بقوه وجافه واقف ..
ناصر وقف .. يطالعه .. بهدوء: زين جذي ؟؟ استانست الحين ؟؟ بردت قلبك ؟؟ استانست ؟؟
حمد ساكت ..
ناصر راح يمه: ليش ؟؟ ليش سويت فيني جذي ليش ؟؟ انت ماتدري شسويت فيني !! والله ماتدري !! والله ماتحس
حمد ساكت ..
ناصر يصارخ: تحجىىى !! قول شي !! ليش ؟؟؟؟؟ احاجيك انا؟؟(يوده من تيشرته) احاااااااااجيك
حمد يود يده: هدني ..
ناصر دزه علطوفه: صج انك نذل .. حقيير
حمد ساكت ..
ناصر راح يمه وعطاه كف قوي .. " عنده خبره " .. حمد ميود خده ويطالعه .. دزه بقوه: بس عاد مصختها ..
ناصر دزه: نعم ؟؟ شقلت ؟ (يود يده وعواها) شقلت ؟؟ (دزه علأرض ورفسه ) شقلت ؟؟
فواز يطالع " الفلم" ..داش feeling .. " في خاطره" عطى .. ايوا .. كذاااااا الكف ولا بلاااش .. ياسلام عليك .. بعد .. عاشوا .. ايييييوا ..
عبدالله راح لهم: بس عاد خلاص كملت السالفه
ناصر معصب: خلني .. خلني مابردت حرتي فيه خلني .. (رفعه من الأرض ولصقه علطوفه .. وعطاه بوكس في خشمه ..)
حمد يصارخ: بس عااااااااد !! (دز يده ) هدني !! انا مب ياي اهني عشان تلعبون فيني !!
فواز " في خاطره" وش يلعبون فيك الله يهداك !!
حمد قام وركض بيطلع .. عبدالله يوده عشان مايروح مكان .. ناصر لحقه .. وفواز ييوده: خلاص عاد وشفيك ؟؟ جازت لك السالفه اشوف ؟؟ بس خلاص كفايه ..
ناصر معصب: هدنييييي !! خلني اذبببببببحه الجللللب خلني ..
فواز مب فاهم شسالفه: ليه هذا من يطلع ؟؟
ناصر مب فاضي له .. يبي يروح يطقه .. وعبدالله مايبي تكبر السالفه .. بسرعه غير السالفه: نصور بسرعه عشان نلحق نحصل حجز !! يالله
ناصر معصب: اول شي اطقه .. ابرد حرتي .. بعدين
عبدالله: لو ذبحته مابردت حرتك .. خله عنك بس .. المسامح كريم
ناصر يهز راسه: ماسامحه .. اللي سواه مب شوي .. ماسامحه ..
عبدالله سحب حمد ودخله الغرفه الثانيه وراح حق ناصر ..
ناصر معصب .. دزهم كلهم ودش عليه بصراخه: شتبيني اسوي فيك ؟؟ تحجى
حمد معصب: بس خلاص عاد
ناصر راح يمه: والله .. ان جفتك تحاجيها ولا مجرب صوبها .. لا مب جذي .. اذا فكرت .. بس مجرد تفكيير .. لتلوم الا نفسك .. (يصارخ) سااااااااامع ؟؟
حمد يطالعه ومايتحجى
ناصر دزه ... مهوس على ضروسه بالقوه: سمعتني ولا ارد اعييد لك الحجي ؟؟
حمد: سمعتك خلاص !! لتذلني عاد !!
ناصر يوده من تيشرته: والله مابردت حرتي للحين .. (دزه علأرض بقوته وتم يرفس فيه .. وحمد يبي يقوم مب قادر .. لي ماياهم عبدالله ويود ناصر بقوه) بس عااااد !! ذبحت الريال
ناصر معصب: خلنييييييي بذبحه
فواز راح يساعد عبدالله .. طلعوا نااصر من الغرفه بسرعه .. قعدوه فلصاله
فواز معصب: صل علنبي يارجال !!
ناصر منزل راسه: اللهم صلي وسلم عليه .. لا اله الا الله !! جذي زين ؟؟ زين اللي سوى فيني زين ؟؟ انتوا ماتدرون .. لو كنتوا مكاني جان ذبحتوه .. مايتساهل الا الموت يعله المووت ..
عبدالله: بس خلاص عاد !! اي اهم الحين اتم تطقه لي باجر ولا تروح البحرين
ناصر قام: اكيد البحرين !!
عبدالله يجوف ساعته: اقول نرقد الحين وباجر نقوم الفير
ناصر بعصبيه: روح ارقد .. انا لازم احجز لي بأول طياره .. مايخصني
حمد معصب .. طلع من الغرفه .. فواز يطالعه معصب: انت ناوي تنطق ؟؟ انثبر مكانك !! لاعاد اشوف وجهك النحس ذا !!
حمد راح يمه ونافخ صدره: انت شتبي ؟؟ شعندك انت شعندك ؟؟
فواز يضحك باستهزاء: ههه مسوي ستيف اوستن ..
حمد يخزه: خير اخوي فيه شي؟؟
فواز يخزه من فوق لي تحت: والله مهوب منك .. الحمدلله والشكر .. انت صاحي ولا امهبول ؟؟ يخي ابسألك ليه عضامتك طالعه كذا ؟؟ ليه خدك مشفوط ؟؟ هلك مايطعمونك ؟؟ .. يخي استح على دمك شوي وادخل غرفتك مانبي سواليف نصايف الليل ..
حمد دزه بقوه .. وفواز عصب .. وقام دزه .. ناصر يبيها من الله يطق حمد .. بسرعه راح له ودزه بقوه: انت شتبي ؟ هاا ؟ شتبي اقول ؟
حمد قام يدزه .. لي ماتشابكوا بأياديهم وكل واحد يدز الثاني .. طاخ طيخ طوخ وصار الطق
عبدالله راح يود حمد يبي يسحبه عن ناصر .. بصراخ: فوازوو بسرعه يود ناصر ..
وناصر يطق ويرفس من صجه .. عطاه بكووع في صدره .. وحمد يبي يطق وعبدالله مايخليه .. بسرعه فواز قام ويود ناصر بقوته وسحبه: خلاااااص يارجااال كفاايه .. بس عااد
وناصر يعافص: هدني عليييه هدنيي ..
عبدالله سحب حمد ودخله الغرفه وياه وقفل الباب ..حمد معصب .. عبدالله قعده عالسرير .. ببهدوء: بس خلاص انتوا شفيكم ؟؟
حمد ينافخ: انت يايبني اهني تهزئني ؟؟ يايبني هني عشان انطق ؟؟ عشان تذلوني انت وربعك ؟؟
عبدالله بهدوء: حمد .. انت اللي سويته مب شوي .. انا مابيك تتأذى اكثر .. بس اللي سويته مب شوي ..
حمد وقف: اوهوووووو ترى مللتوني انتوا !! اللي سويته واللي سويته !! شسويت انا شسويت ؟؟ كملت السالفه .. اوكي خلاص الحين خل يرجع ويحلون السالفه انا شدخلني ؟؟ بس خلاص ترى تمللت ها !! بسرعه ابي ارجع البحرين .. غصبتني .. وييت اهني .. وطقيت درب .. وتدري ان الدرب طويل ويكسر .. وحدي تعبت .. وياي من السفر تعبان وانتوا مستلميني انت وربعك !! محد وياي كلكم ضدي !! برجع البحرين بسرعه !!
عبدالله سكت .. نزل راسه ..
حمد: والله حرام عليكم ترى !! مايسوى علي !!
عبدالله رفع راسه: حمد لتيلس تتمسكن علي .. انت تدري اللي سويته مب شوي .. حط روحك مكان ناصر .. وبتسوي اكثر .. ومحد بيلومك ولحد بيتحجى ..
حمد: بس انت عاجبك اللي قاعد يصير ؟
عبدالله: خلاص انزين بنروح المطار وجان فيه حجز حجزنا وطرنا وروح بيتكم ولاتوطوط عند بيتهم .. يعني لتخلي ناصر يجوفك ويلعن طوايف هلك !!
حمد خذ نفس: يالله مشينه ..
عبدالله: جوف .. بنخلي فواز يودينه .. نزل شنطتك .. بخليك تيلس جداام وياه وانا وناصر ورا .. اياني وياك تلتفت ولا تتحجي .. ترى للحين ماعرفت ناصر .. يالله بسرعه قوم ..
طلع عبدالله .. جاف فواز قاعد يهدي في ناصر ..
عبدالله: فواز تودينه ؟؟
فواز قام: افا علييك بس ..
عبدالله: ماتقصر والله
فواز يتدلع: لبى قليبك الدافي حبيبي
عبدالله يتطنز: لتغازلني جدامهم استحي
فواز راح يمه وطقه بجتفه ..
عبدالله ابتسم: مب حزتك انت بعد .. فيك نقص ؟؟
فواز: والله هذولي الشقر ماينعطون وجه ابد
عبدالله: ماينعطون ويه ولا مايعطونك ويه؟؟ حدد موقفك
فواز: والله مادري .. بس تدري ؟؟ .. مالي الا بنت ديرتي لبى قلبها ياحبني لها ..
عبدالله يود جتفه: عفيه عليك
ناصر بسرعه دز شنطته: مشينه ؟؟
عبدالله: يالله .. (ينادي حمد) بسسسسسسرعه بنمشي
حمد وشايل شنطته: ياي ياي ..
نرجع حق ريم .. اللي كانت راقده من التعب .. والسستر كل دقيقه تمر عليها تجوفها ..
اسوم كانت حاطه يدها على خدها وتنود .. رن تلفونها وقحصها .. كانت نجود ..
اسوم: قحصتيني تف على بليسج
نجود: تف عليه اهوه انا شدخلني ؟؟
اسوم: عيل تف عليج انتي .. شتبين ؟
نجود: شخبارها البدره ؟؟
اسوم: امحق بدره ؟؟ انا ابدر
نجود: وانا ابدر منكم كلكم .. قوليلي شخبارها؟
اسوم: راقده ..
نجود: سمعي .. اذا طلعوا الشباب بنيي
اسوم: حلفي ؟
نجود: بييب لج غداج لتموتين علينه
اسوم: افف حدي متطرقعه من اليوع ..
نجود: زين لتحنين يالله .. تسلم عليج امي
اسوم: يسلمهاا
نجود: يالله باي
اسوم: لتأخرون عاد !!
نجود: مب شغلي .. فصول وربعه انا شدخلني تيلسين تحنين علي ؟
اسوم: اوهوووو انتي بعد .. ذلفي ذلفي .. يالله باي ..
نجود: بقمه
اسوم: ها
نجود: اقص عليج احنا فلطريج
اسوم: صج انج بقمه !! من النوع الفريد بعد !!
نجود وهي تجوف فيصل: من ذي فريد بعد ؟؟ ها ؟؟ اعترفي
اسوم ماستوعبت: اي فريد انتي بعد؟
نجود: صبري بقول حق فصول ..
اسوم: شقلت انا؟ صج انج يعني
نجود: ذلفي ذلفي يالله باي
اسوم: باي
شوي الا الدكتور داش .. راح صوب ريم .. اللي تكسر الخاطر وهي راقده .. راح يمها بهدوء .. يود يدها باصابعه .. يبي يحس بدقات قلبها .. رفع يده يجوف الساعه ..دقاتها سرااع .. نزل يدها بهدوء .. وهي مسكينه دايخه ولا تدري بالدنيا .. رفع راسه يطالع اسماء: ماقامت ؟؟
اسوم تهز راسها: لاء ..
طلع عنها الدكتور .. شوي الا داشه السستر .. بدلت السيلان .. وحطت فيه ادويا زود .. وطلعت ..
واسوم قاعده وحاطه يدها على خدها .. ويد على ريم .. وتطالعها ..
شوي الاريم مبطله عينها .. تجوف اسماء ببراءه وصوتها رايح: مارحتي البيت ؟
اسماء: لا .. تبيني اروح ؟؟
ريم: ابيج ترتاحين .. اتصلي في فيصل ايي ياخذج .. انا الا بارقد .. مالج سالفه قاعده
اسماء: بدت الدليعه تتدلع .. جب
ريم بدون شعور: ناصر ..
اسماء تخزها: ها ؟؟
ريم التفتت تطالعها ببراءة: اسوم انا شذنبي ؟؟ شسويت ؟؟
اسماء ماستوعبت: شدراني يعني انا شدراني ؟
ريم خذت نفس: اسوم انتي حاسه فيني ؟؟ انا بمووت .. صدقيني احس روحي بتطلع .. تعبت
اسماء: ريمو شفيج ؟؟
ريم تحس بغصه: ابي اروح البيت !!
اسماء تخزها: كل هالحنه عشان تبين تروحين البيت ؟؟ اي خل يكمل اللي فيدج وبنروح !!
ريم بضيق: اسوم ماستحمل .. قلبي يعورني .
اسماء: تبين انادي الدكتور يجوفج ؟؟
ريم: شسوي فيه ؟ لا لتنادينه ولا شي .. بس سأليه لي متى يعني ؟؟
اسماء: رقدي انتي ماعليج .. رقدي وبيمر الوقت ..
ريم: وانتي ؟
اسماء: شعليج مني ؟؟
ريم: بتمين جذي يعني ؟
شوي الا نجود وفصول داشين
نجود طبعا لازم تدش بصراخها: هااااااااااااااي بنات ..
ريم استانست يوم جفتها: هلا هلا
نجود: وخي ويهج يخرع .. (التفتت على اسوم) شلون مستحملتها ؟؟
فيصل كان شايل الجيس اللي فيه الغدا .. عطاه اسوم: سمي ..
اسماء استانست: شكرا
فيصل راح حق اخته: شلونج الحين؟
ريم: الحمدلله .. بس ابي اروح البيت ..
فيصل: معليه بوديج .. بس خل يكمل ذي .. اشوى الحين؟
ريم: اي مافيني شي ابي اروح..
فيصل: معليه بروح اكلمه انا وبجوف شالفه (رفع راسه يجوف اسماء) اكلي ..
اسماء تسحب لها الطاوله .. رفعت راسها تطالعه: ان شاءالله
فيصل طلع عنهم ..
نجود سحبت لها الكرسي وقعدت يم اختها: انتي ماتعيشين بدون سيلان ..
ريم ابتسمت .. " في خاطرها" بلاج ماتعرفين من اللي ماعيش بدونه ..
اسماء ميته من اليوع قعدت تاكل .. ونجود تتطنز عليها: ول ول عليج ماجايفه خير انتي؟
اسماء وهي تاكل: علي بالعافيه !! يوعانه شسوي ؟
ريم يودت نجود: خليها تاكل مسكينه ..
شوي الا داشين .. فيصل والدكتور ..
ريم عدلت شيلتها ..
وليد راح يمها: شلونج الحين ؟؟
ريم: الحمدلله بخير .. ابي اروح البيت
وليد: من قالج بخليج تروحين ؟؟ شيضمني بتاكلين أدويتج ؟؟ شيضمني بتواصلين علمضاد ؟؟
ريم تطالعه وجنها تترجى: باكل صدقني باكل .. حتى اسأل فيصل ..(تطالع فيصل) فيصل عااد قول له !!
وليد يهز راسه
فيصل: ختكمل اللي في يدها ونروح ..
وليد: ماقدر .. (يجوف الساعه) علأقل يبيلها 3 أو 4 ساعات ..
ريم وقف قلبها: آآآآآآآآه !! وايد ؟؟
وليد: تدرين كنت بخليج ترقدين اهني ؟؟
ريم: شدعوه عاد ؟ مافيني شي !!
وليد بدى يعصب: سمعي الحجي وخلاص !! تبين تطيحين مره ثانيه !! مو كفايه اللي مسويته في روحج انتي ؟ (التفت على فيصل) تعال ابيك ..
نجود من دش وليد ليما طلع وهي عينها عليه ..
اسماء لاحظتها .. يوم طلع صرخت: هي !!
نجود التفتت عليها: ها ؟؟ شتبين ؟؟
اسماء تخزها: شفيج ؟؟
نجود بلعت ريجها: شلعذاب ذي ؟ شلتحطييييم ؟؟ شلخني !! (التفتت على ريم) انتي من صجج تبين تروحين البيت؟؟ لو انا منج عشت فلمستشفى ..
اسماء: بيييه حالتج صعبه !
نجود وقفت عند ريم: شرايج نبادل ؟؟ انتي الصاحيه وانا المريضه ؟؟
ريم: اسم الله عليج ..
نجود ميوده قلبها: حده رزه !! اللااااااي تخيلي تخيلي .. بعدين ينادوني حرم الدكتور؟؟ اااااااخ قلبي
اسماء: مداج عرستي عليه ؟؟
نجود: تهقين ينطرني اخلص توجيهي بس ؟؟
اسماء: شدراج يمكن خاطب ولا معرس ..
نجود: الدكاتره مايعرسون بسرعه ..نطري بجيك جان في يده دبله ولا شي
اسماء: شدراج يمكن فاصخهه يخاف تتلعوز ولا تتلوث .. شي ماشيات ..
نجود: اقول اكلي غداج وانتي ساكته ..
فيصل دش عليهم .. : يالله انا بامشي الحين.. من بيي وياي ؟ (التفت على اسماء) تيين اوصلج البيت وعقب اييبج؟
اسماء سكتت .. لحظه شوي بس خل تستوعب .. : ايي وياك ؟
فيصل بهدوء: ماتبين تروحين ترتاحين شي ؟؟
ريم التفتت عليها: اي روحي ارتاحي وبعدين تعالي اخذيني
اسماء تفكر
فيصل مشى: انا بجدم .. انطرج ..
فيصل راح .. بسرعه التفتت عليهم: من صجكم؟؟ اروح ؟؟
ريم: روحي انسدحيلج شوي .. عقب تعالي
اسماء بسرعه خذت شنطتها وتلفونها: باااااااااااي
نجود : هي هي تعالي !! بقمه انتي ؟؟ وان شاءالله من تبينه يشيل غداج ؟؟
اسماء تطالعها وهي مستعيله: انتي !! (طلعت عنهم)
نجود: غبيه !!
بسرعه ركيض تمشي جنها مينونه .. وفيصل كان واقف عند الباب ينطرها ..طلعت اهيا صوب الباركات .. راح لها فيصل من وراها: تدلين السياره ؟
اسماء تخرعت ..: ييييييمه !! من وين طلعت ؟؟
فيصل يخزها: شفيج تراكضين جنج مينونه ؟
اسماء متفشله: انا ؟؟
فيصل يمشي: يالله تعالي ..
راحوا صوب السياره ..
فيصل بطلها وركب .. اهيا ركبت وراه ..
فيصل التفت: ليش ماتين جدام يعني ؟
اسماء فيها الضحكه: روح ول !!
فيصل ابتسم: كيفج ..(التفت عليها) تنطرين من اييج ويصك الباب ؟؟
اسماء بسرعه صكته: نسيت
عقب ماطلعوا علشــارع .. عدل المنظره اللي جدامه عشان يجوفها .. : اقول ؟؟
اسماء: قوول
فيصل: شلونج؟
اسماء: انا زينه .. انت شلونك؟
فيصل: زين .. هلزمان ماتتصلين !! شسالفه؟
اسماء: الله وكبر !! انا ؟؟ دهر اتصل !! انت اللي ماتتصل
فيصل يقلدها: انا ؟؟ الله وكبر عليج دهر اتصل
اسماء ابتسمت: ترى .. ببقولك شي
فيصل: قوولي
اسماء: ودني بيتكم الحين محد في بيتنه
فيصل: ان شاءالله .. ماتبين ترتاحين ؟
اسماء: ارتاح في بيتكم افا عليك ..
فيصل: البيت بيتج ..
اسماء: اي البيت بيتي .. عندك مانع ؟
فيصل: افا عليج ..
اسماء: عاد النسوان هلحزه بيون .. بركب فوق ارقد لي شوي ..
فيصل: زين تسوين
اسماء: بعد بقوللك شي
فيصل: قولي حبيبتي ..
اسماء استحت: اوهو انت اذا قلت جذي ترى انسى
فيصل ابتسم: قولي
اسماء: شسمه .. ذاك.. شسمه ؟؟
فيصل: فيصل سعود ..
اسماء ماستوعبت: ها ؟؟
فيصل: شكنتي بتقولين ؟
اسماء: اممممممم .. ترى عمي البارحه وصل ..
فيصل ابتسم: حلفي ؟
اسماء: والله
فيصل: شدراج ؟
اسماء: رشود قالي
فيصل: كلمتيه ؟
اسماء: من ؟
فيصل: عمج ؟؟
اسماء: لا خيولي ..
فيصل مستغرب: ها ؟
اسماء: وييي قصدي .. بعدين بكلمه
فيصل: زين عيل بكلم راشد .. بقول له
اسماء: لا اهوه قال بيكلمك الليله .. مادري بييك الميلس شي جذي نسيت ..
فيصل: لا ؟؟ زين عيل .. يكون احسن..
اسماء ابتسمت ..
فيصل: شخبارج بعد ؟؟ كل شي تمام؟
اسماء: اي الحمدلله ابشرك .. اانت شخبارك ؟
فيصل: والله الحمدلله .. الحين روحي طمني امي .. عيزت فقيره واهيا بالدقيقه تتصل .. تبيها ترجع البيت ..
اسماء: وي فديتها خالتي ..
فيصل: لو الود ودها هدت النسوان وراحت لها ..
اسماء: وعليه عليها ..
فيصل: انا الحين بروح ارتاح .. تعباان .. بس يمكن نجود تتصل ولا شي ان بيرخصونها وماسمعه .. طرشي جاندرا ولا احد يطقون علي الباب عشان اقوم ..
اسماء: اوكي مو مشكله
فيصل: بس انا بروح بروحي انتي تمي
اسماء: ليش ؟؟ بايي
فيصل: لا تمي الا بييبها وبايي .. خلج ويا امي ..
اسماء: ان شاالله ..
فيصل: شحللوج لي صرتي مطيعه
اسماء : شقصدك ؟؟
فيصل: ولا شي .. اقول ؟
اسماء: قوول ..
فيصل: تعبااان
اسماء: اسم الله عليك .. الحين روح ارقد وارتاح
فيصل مستانس: انزين عاد .. ابي اشرب شي
اسماء: امممم .. اسويلك عصير برتقال؟؟
فيصل: ياريت وياليت ..
اسماء بغباء: شلفرق ؟؟
فيصل: صج بتسوين لي ؟؟
اسماء: اي افا عليك شلون ماسويلك ؟
فيصل: انزين يبيلي بعد من المعمول الزين والحركااات اللي تودونها الميلس
اسماء: ان شاءالله
فيصل: ماتقصرين حبيبتي
اسماء استحت .. وتمت ساكته .. لي ماوصلوا البيت .. نزلت قبله ودشت البيت .. وسيده علمطبخ .. وهوه سيده ركب غرفته .. بدل ثيابه وانسدح بيرقد ..
ام فيصل من سمعت حسهم راحت المطبخ: اسمه؟
اسماء يزعم زعلت: خالتي والله اسمااء
ام فيصل راحت يمها: قوليلي شخبارها ؟؟
اسماء: مافيها شي جنها البخت
ام فيصل: لا صج قوليلي
اسماء: من صجي خالتي مافيها شي .. شوي وبيرخصونها
ام فيصل: بريحاتها حبيبتي ؟
اسماء: لا وياها نجودو
ام فيصل: بتصل فيها عيل ..(طلعت عنها)
واسماء تمت تسويله العصير .. وودت له من المكسرات والكيك والمعمول وهالسوالف .. ركبت فوق وحطتهم يم غرفته .. طقت الباب بقوه وشردت .. ونزلت بسرعه تحت .. قام فيصل بطل الباب وجاف الصينيه عند الباب .. ابتسم ودخلها غرفته ..
نجود رن تلفونها .. كانت امها: هااي ماذر
ام فيصل: هلا يمه .. عطيني اختج
نجود: يعني بس اختي ؟؟ ماتبيني انا ؟ علأقل سألي عن حالتي !! شلوني ؟؟ زينه ؟؟ مريضه ؟؟ يمكن تعبانه ؟
ام فيصل: حبيبتي انتي شلونج؟
نجود: مب زينه
ام فيصل: افاء ؟؟ شفيج حبيبتي ؟
نجود: فيني هموم ومالقيت اللي معي يوووووووفي
ام فيصل: اسم الله عليج .. صج صج شفيج ؟
نجود: مافيني شي يمه اتغشمر .. هاج ريمو ( عطتها التلفون)
ريم بسرعه: الو
ام فيصل: هلا حبيبة قلبي انتي .. شلونج يمه؟
ريم: يمه انا بخير لتحاتين .. انتي شلونج؟
ام فيصل: حبيبتي انتي انا اسأل عنج ..
ريم: سالت عنج العافيه حبيبتي .. انا بخير لتحاتين ..
ام فيصل: يالله متى بتيين ؟
ريم: يمه الدكتور مللني !! جوفيه !! مايرضى يقول بعد تمي .. تدرين يبي يرقدني لي باجر ؟
ام فيصل يودت قلبها: وه !! لا لا حبيبتي عطيني اياه بكلمه .. وينه؟
ريم: مادري يمه يمكن عنده مرضى ولا شي ..
ام فيصل: عطي نجود التلفون خل تعطيه اياه يكلمني ..
ريم عطتها التلفون: وديه حق الدكتور
نجود فز قلبها: حلفي عاد ؟
ريم ابتسمت: بسرعه امي تنطر
نجود قامت .. متدودها مب عارفه شتسوي .. توها بتطلع الا الدكتور في ويهه .. وقفت مكانها .. فهت .. بطلت حلجها وتمت واقفه وميوده التلفون ..
الدكتور مستغرب: فيه شي ؟؟
نجود : ها؟؟ لا ولا شي .. امبلا امبلا ..امي بتكلمك ..
الدكتور مستغرب ..
نجود عطته التلفون ..
الدكتور: الوو .. هلا ام فيصل .. الله يسلمج .. لا كل شي تمام ابشرج .. لا لتحاتين تطمني .. كلها جم ساعه بس .. اكيد اكيد .. بس ماوصيج حطي بالج عليها وخل تاكل ادويتها .. وأهم شي اكلها .. ريوق وغدا وعشا .. ضروووري خالتي ضروري .. الله يسلمج .. لالا افا عليج .. العفو .. مع السلامه ..
(عطى نجود التلفون ): تفضلي ..
نجود وهي تطالع عيونه: شـ شـكرا ..
الدكتور ابتسم: عفوا
نجود: بسألك .. اصير لك واحد اسمه خالد؟؟ وايد تشبهه
الدكتور: اي خالد ؟؟
نجود: مادري اهوه رفيج اخوي يعني ..
الدكتور: اممم .. يمكن خالد اخوي ؟؟
نجود بغباء: ايي شيصير لك ؟؟
الدكتور ابتسم ..: اخوي ؟؟ من بعيد يعني ولد عمة ولد خالة ابوي ..
نجود بغباء: اها .. ماشالله وايد تشبهه ..
الدكتور مشى عنها وراح صوب ريم .. : بتيي السستر الحين تعطيج ابره
ريم بخوف: لا مابي !!
الدكتور: لازم ..
ريم: بس خلاص مايحتاي عطني الأدويه وبروح البيت
الدكتور: والسيلان ؟؟
ريم: بشيله !! بس مابي
الدكتور راح يمها: جوفي ترى انا مادلع .. (مشى عنها .. وطلع )
نجود ميوده قلبها: آآآآآآآخ قلبي ماستحمل !! خقييت !! ذبت خلااص ماستحمل !! شنو ذي !! شلون الأوادم يستحملونه ؟؟
ريم ابتسمت: يقولج خالد اخوه تقولين شيصير لك ؟؟ حدج رايحه عليج ..
نجود: حلفي اخوه ؟؟ وانا اقووووووووول شسالفه
دشت السستر بتعطيها الأبره ..
ريم بخوف: بلعدال ها !
السستر تهز راسها ..
عطتها الأبره وطلعت .. ريم تتحندى: افف يدها ثقيله ..
نجود: سمعي .. انا بروح اتجول شوي فلمستشفى .. باخذ لي جوله سياحيه جذي وبرجع لج
ريم: اي روحي بس لتيودين شي ..
نجود: يمكن اطلع برا بعد اشم هوى .. بروح البراده اللي يمهم بشتريلي شي .. بروح صوب الكوفي شوب بعد ..
ريم: اي معليه روحي بس لتضيعين .. خلي تلفونج وياج
نجود قامت: ان شاءالله ..يالله رقدي انتي
ريم: اوكي ..
راحت نجود .. ريم تمت بروحهه .. من يخلى عليها المكان ايي في بالها ناصر .. تتخيله واقف جدامها .. يسولف وياها ..ايود يدها .. يضحك .. يعصب .. يصارخ .. اي شي .. اهم شي يكون جدامها .. " جالس بحالي ولحالي هزني الشوق وذكرتك .. يعني معقولة يا غالي كل هذاا وما وحشتك ... غيبتك طالت ليالي يا عسى خير وعذرتك .. خوفي وكل انشغالي دون ما أقصد جرحتك ... يعلم الله وقلبي شاهد إن عيني من أملها ... بس تشوفك عندي قاعد روحي ترجع في محلها ... تدري يوم إحنا انتباعد كل هالدنيا و أهلها...يفقدون إنسان واحد وافقد آنا الدنيا كلها ... كان قلبك يا فتوني طاوعك تنسى حبيبك ... آنا ببقى مع شجوني وانته روح الله حسيبك ... بس تأكد يا عيوني لو غدى غيري نصيبك ... انته وياي وبدوني ما أبي مكروه يصيبك " نزلت دمعتها غصب اللي حرقت عينها وخذها ..
ناصر .. فلطياره .. التفكير ذبحه .. والوقت مايمر بسرعه .. "كن الدقايق في غيابك سكاكين .. ليتك تذوق شوي طعم الثواني" .. ميود راسه ومنزله .. يبي يفكر بشي .. يبي يعرف اذا وصل البحرين وين يروح ؟؟ وشيسوي ؟؟ وشيقول ؟؟ ريم بتصدقه ؟؟ بتزعل عليه ؟؟ ولا بترضى ؟؟ اي اكيد بترضى ريم حبيبتي .. مابتقول شي .. بس شبقول حق فيصل ؟؟ اقول له عن هالحمد وسوالفه ؟؟ ولا اسكت واطلع لي اي عذر ؟؟ انزين شنو عذري بيكون ؟؟ جم يوم مايدرون عني !! امي وابوي شخبارهم ؟؟ ياربي انا شبابد له !! لا اله الا الله .. الله يرحمك ياعمي ..انت اللي وصيتني عليها .. وانا رحت وخليتها .. ولا دريت عنها .. بس لحد يلومني .. لحد يلومني .. اي واحد مكاني بيسوي اللي سويته .. آآه يا حمد لو ودي ذبحتك جداامها وافتكيت منك ومن سوالفك .. عبدالله كان يمه.. مايبيه يفكر وايد .. يبي يسولف ويااه بأي شي بس مايخليه يفكر ..
عبدالله:what's up man ?
ناصر بضيق:so far so bad
عبدالله: افاا ؟؟ خلك متفائل .. وان شاءالله اللي في بالك بيصير ..
ناصر: الله يسمع منك ..
عبدالله: شناوي عليه ؟
ناصر: لازم اوقف ويا فيصل .. المفروض اكون ويااه قبل ..
عبدالله: يالله شتسوي بعد .. الله ماكتب .. الحين لتيلس تتحسف على اللي راح ..فكر فلياي .. شبتسوي ..
ناصر: ان شاءالله ..
عبدالله ابتسم .. حط يده على جتفه: cheer up man, everything will be over soon
ناصر: تهقى ؟؟
عبدالله: اكيد ان شاءالله !! خلاص كلها جم ساعه وانت عندهم .. وبتكمل السالفه .. خلك متفائل .. ابتسم يخي ..!
ناصر نزل راسه: don't blame me .. I really can't wait any longer
عبدالله: I know .. just stay calm
ناصر التفت عليه: will she ever forgive me ?
عبدالله: I hope that she will .. inshallh she will
ناصر بحزن: God knows how much i love her ,, honestly .. adore her .. God knows how much I miss her ... only God can see how much I need her ..
عبدالله: don't worry man .. be happy .. I know she reciprocates your feeling
ناصر سكت ..
عبدالله: be happy !!
ناصر: are you ??
عبدالله: I'm not .. until you are ..
ناصر: يصير اللي في بالي بس .. وبعدين ..
عبدالله: جريب ان شاءالله .. اصبر شوي بس ..
ناصر سكت ..
عبدالله: بس عاد .. يالله قولي اول ماتوصلون وين بتعشيها ؟؟
ناصر ابتسم: مادري تصدق !! وين اوديها ؟؟
عبدالله: امممم .. ماتعرف اهيا شتحب ؟؟
ناصر: اهيا شتحب غير البلين وذ جيز ؟؟
عبدالله ابتسم: يعني شدعوه انت ماتشيل الطماط والبيكلز ؟؟
ناصر: لا عاد اهيا كل شي تشيله
عبدالله: ودها مطعم راقي .. رومانسي ..
ناصر: المشكله لو في امريكا بعرف وين اوديها .. بس البحرين !! نسيت ..
عبدالله: اسأل !! اللي يسأل مايضيع !!
ناصر: اسأل من ؟؟ تخيلني يعني اروح اسأل واحد اقوله ابي مطعم رومانسي؟؟
عبدالله: هاك .. انا بسأل لك حمانو اخوي ..
ناصر: شعرفه ذي ؟؟ ليش ماتسأل ولد خالتك ذاك .. شسمه ؟؟
عبدالله ابتسم: تذكر .. مسكين كله طايح فيه طنازه ؟؟
ناصر عافس ويهه يبي يتذكر: انطر انطر ..
عبدالله: فقييير ..
ناصر ابتسم: علووي القصله
عبدالله: مسكين .. هذي ويهه ويه مطاعم الله يهداك ؟؟ حده جبود مشتان
ناصر: مالت عليه عيل .. ولا احد فيكم عدل ..
عبدالله: بس انا ..
ناصر: انت على خفيف .. لك عليك شوي ..
عبدالله: افا ؟
ناصر : ..
عبدالله: اي ودها ذاك المطعم .. جاينا جاردن .. ذاك اللي في فندق الخليج
ناصر: بالله عليك ريم ويهه ويه جاينيز؟؟ ماتاكل والله ماتحب هالسوالف
عبدالله: اااخ وصلتني ريحة الكباب !! ودها تخت جمشيد !! صج عجيب
ناصر: جنه في وحده تغني ؟؟
عبدالله: ايي
ناصر: ماظن ترضى .. مكان هادي مانبي وحده تلعلع علينه
عبدالله: ودها جسميز عيل
ناصر: اوهوو .. من صجك انت ؟
عبدالله: اي دام اهيا تحب هالنوع ودها ..
ناصر: لا لا مسكينه .. قول لنا مكان عدل عاد !! خبري فيك ذبحتك المطاعم ؟؟
عبدالله: اوهو .. انزين انطر خل افكر .. مالك الا الرتز
ناصر: ماعندنا غيره ؟؟
عبدالله: اي مو يوم ملجتك وديتها هناك ؟؟ ودها بعد .. وقعدوا نفس المكان اللي قعدتوا فيه .. خبرك يعني عشان تسترجعون الذكريات الحميمه
ناصر ابستم: والله طلعت تفكر العبد !!
عبدالله: افا عليك ..اعجبك ..
ناصر: زين عاد انطر .. لازم اشتريلها شي .. يعني مب عدله اروح لها يدي خاليه
عبدالله: ود لها روز ..
ناصر: لا لا .. لازم شي بعد .. تهقى احصل شي فلمطار الحين وحنا نازلين ؟؟
عبدالله: يجوز .. ندور ولا تزعل ..
ناصر ابتسم: اي لازم اشتريلها شي .. حبيبتي
عبدالله: خلف الله علينه .. لا حبيبه ولا رفيجه
ناصر: تبي اعرفك ؟؟ اقولك عندها اختك تشبهه .. فلشكل بس .. اما الطبايع عكس بعض
عبدالله ابتسم: احلف ؟؟ شكبر ؟؟
ناصر: اظن بتروح توجيهي
عبدالله: تقص علي تعطيني ياهل ؟؟
ناصر دزه بكوعه بلعدال: يالغبي اليهال احسن .. يتدلعون عليك .. شعرفك انت
عبدالله: احلف ؟؟
ناصر: والله !!
عبدالله: يعني انطرها ليما تخرج ؟؟
ناصر: جوف من تخلص امتحانات ملجوا .. عشان تروح تسويلها فلم هندي في حفلة تخرجها
عبدالله: والله تفكر !!
ناصر يعدل قميصه: اعجبك افا عليك ..
عبدالله: انزين انزين .. شسمها ؟؟
ناصر: اسمها ؟؟ لا مابقول .. خلها مفاجأه
عبدالله: مفاجأه فعينك !! يالله قول .. حمستي ابي اجوفها
ناصر: هي عاد !! بنت عمي ذي .. !! مافي سوالف مني مناك !! سيده عرس ها !!
عبدالله: افا عليك انا رفيجك .. عرس عرس ..
ناصر: عاد .. ترى اهيا لك عليها شوي فلتصرقع ..
عبدالله: احسن شي
ناصر: ام لسان ترى ..
عبدالله: so what? عادي
ناصر: بتأذيك !! مزعجه !!
عبدالله: معليه ..
ناصر: بلييسه
عبدالله: لحظه بسألك .. فيها شي زين ؟؟
ناصر ابتسم: افا عليك .. اخت الغاليه مافيها شي زين ؟؟ الا الزين كله
عبدالله ابتسم: بس عيل لتحبطني .. قولي الاشيا الزينه فيها
ناصر يفكر: اممم .. لحد الحين ماجفت شي زين
عبدالله يخزه: من صجك؟
ناصر ابتسم: يخي شدراني فيها ؟؟ اخطبها وجوف شالزين فيها !!
عبدالله: وبعدين ابتلش ؟؟ تقص عليي ؟؟
ناصر: لا افا عليك .. خوش وحده ..تعجبك
عبدالله: بنجوف ..
ناصر: خلاص اول مانوصل البحرين بكلم اخوها
عبدالله: من صجك انت !! ويهك عاد !! تبيني اتوهق عقب ؟؟ خل اجوفها .. اقعد وياها شوي .. اسولف ..
ناصر يخزه: ماتبي تطلع وياها بعد ؟
عبدالله فيه الضحكه: يكون احسن
ناصر: اقول اقلب ويهك .. هذي يزاتي اللي بضبطك
عبدالله: ايي افا عليك ضبطني عاد علأقل اعرفها يعني مابي تطيح فجبدي عقب
ناصر يخزه: بنت عمي تطيح فجبدك ؟؟ يحصل لك انت ؟؟
عبدالله: خلاص يبه اول مانروح نعرس ولا يهمك
ناصر: غبي انت ؟؟ اقولك ماكملت مدرسه للحين
عبدالله: خلاص انزين اللي تبيه يصير .. بس اول شي اجوفها وبعدين اقرر ..
ناصر: يصير خير ..
عبدالله يدزه: نصور ؟؟ يعني عقب بصير عديلك مادري نسيبك !؟؟ اووه عقب بنصير ربع !! شي
ناصر يخزه: وانت الحين شنو ؟
عبدالله: لا قصدي عقب بنصير من الأهل
ناصر: اشك .. اخاف من أول ماتجوفها تزفك وتهوّن ..
عبدالله: محد يزفني .. اصبر علي جان ماخليتها تحبني
ناصر: اووه وصلنا لي الحب ؟؟
عبدالله: اهم شي ..ولا شرايك انت ؟
ناصر خذ نفس: صاج ..
عبدالله: لا اله الا الله .. انت جان يبت لك كتاب تقراه ولا شي ؟؟
ناصر: تصدق شاريلي قصه .. شكلها فن .. بس مب عندي الحين فلبحرين
عبدالله يتلفت .. يطل ورا يبي يجوف حمد شيسوي .. جافه رااقد .. رد التفت على ناصر: اقوول النصري ؟
ناصر: سم
عبدالله: شبتسمي ولدك ؟؟
ناصر يخزه: ولدي ؟؟ شبسميه ؟ مادري تصدق !!
عبدالله: يه ؟؟ شلون جذي ؟
ناصر: بخلي مرتي تسمي عيالي كلهم ..
عبدالله: انزين مافي بالك اسم ..؟؟
ناصر: امبلا .. بس مادري باخذ رايها قبل
عبدالله: زين ..
ناصر: شهالسؤال؟
عبدالله: بس اسأل !! تصدق ؟؟ اول مره اتم في LA جذي .. وايد بسرعه .. وحشني المكان .. لو ودي تميت اكثر !!
ناصر: معليه .. نييها حفلة التخرج ان شاءالله
عبدالله: ان شاءالله ..
عقب مااذن العشا .. راح فيصل يصلي .. وعقب المسيد سيده راح حق ريم ..اللي كانت قاعده عالسرير تنطره .. ويمها نجوود تسولف وياها ..
فيصل دش عليهم: عسى ماتأخرت عليكم بس ؟؟
ريم قامت وقفت: لا لا .. بس اوكي
فيصل: وليد اهني ؟؟
نجود فز قلبها ..
ريم: لا راح .. كمل دوامه خلاص .. يات وحده بداله
فيصل: كتب لج الأدويه؟
ريم عطته البيسكربشن .. : اي .. وسلم عليك بعد
فيصل يقرا الأدويه: الله يسلمه .. (رفع راسه يطالعها) اشوى انتي ؟
ريم: اي الحمدلله مافيني شي ..
فيصل يتطنز: ماودج ترقدين الليله هني بعد؟
نجود: تبيها تنتحر ؟؟ لوعت جبدي الحنانه .. ودها البيت بسرعه
فيصل: يالله (عطاها سويج السياره) جدموا انتوا انا بروح الصيدليه بشتري الأدويه وبايكم
ريم ونجود مشوا عنه .. خذ الأدويه وراح لهم بسرعه .. فلطريج ..
فيصل يحاجي ريم: شخاطرج فيه تتعشين؟
ريم .. ماتبي تاكل .. سكتت
نجود: الله يسلمك انا خاطري في شي .. امممممم .. خاطري في باستا
فيصل: انتي محد سألج !! ريم ؟؟
ريم: ها ؟ اي كيفكم اي شي
نجود: عنبوج انتي ماتيوعين ؟؟ عفيه بطن عندج ؟!! خاطري مايوع خاطري يوم واحد بس ماحس باليوع .. تصدقين ؟؟ وانا اكل احس يوعانه .. اكمل غدا احس يوعانه ولا جني ماكله شي .. ارد ادش المطبخ آآكل وللحين يوعانه .. وانتي يمال لضعفه !! ماعندج احساس فليوع ؟؟
فيصل: بتاكل ماعليج منها .. بوديكم البيت الحين وبروح اييب لكم عشا .. جوفي امي واسوم شيبون .. وجان فيه نسوان ولا شي قولولي ..
ريم: ان شاءالله ..
راحوا البيت .. كانوا طالعين النسوان بس ام احمد كانت وياهم ..قاعدين فلميلس ..
من دشت ريم امها ركضت يمها .. لمتها وحببتها: اسم الله علييج حبيبتي اسم الله عليج !! شلونج يمه؟
ريم لامه امها بالقوه: انا بخيييير يمه مافيني شي ..
نجود متخصره: وانا يعني مالي hug ??
ام فيصل راحت لمتها : عاد انتي دلوعتي نظر عيني والله
نجود عطتها خدها: حبيني
ام فيصل حبتها
نجود: بس ؟؟ تدلدقيني انتي ؟؟ ابي وحده عوده ..
ام فيصل يودت ويهه وحبتها بقوه .. : جذي زين ؟
نجود مشت خدها: الحين بيقرح ويهي .. جذي يحبون ؟؟
ام فيصل: اوهو ماعرفنالج انتي .. (يودت بنتها ودشت الميلس) تعالي يمه قوليلي شخبارج الحين ؟ اشوى ان شاءالله؟
ريم: يمه حدي بخير مافيني شي ..
ام احمد من جافتها قامت: ويي خنت حيييلييي الريييم .. سلامتج امي شفييج ؟؟
ريم راحت تسلم عليها: يسلمج خالتي .. مافيني شي .. شفيكم ؟؟
اسوم: اشوى ريمو؟
ريم: اي الحمدلله مافيني شي .. فيصل يقول شتبون عشى بيروح اييب ؟؟
ام فيصل: كيفج يمه جوفوا شتبون .. مادري عنكم
ريم تطالع اسماء: اتصليله قوليله شتبون عشى .. انا بروح اتسبح وبدل ..
اسماء خذت التلفون وطلعت بتكلمه ..
عقب يابولهم العشا .. قعدوا كلهم تعشوا يميع .. راشد مر على اسماء .. وعقب ركبت ريم ترقد ويا اختها .. وفيصل .. كلعاده .. ويا الربع فلميلس ..
ناصر .. كان في مطار فرانكفورت .. .. يحس بشووق ولهفه يبي يرجع .. وحمد كله يمشي بروحه .. " يكسر الخاطر " .. عبدالله ويا نااصر: يالله بسرعه نروح الgate
ناصر: يالله ..
حمد طول الوقت يصد عن ناصر .. وناصر كلش ماحس فيه .. ونسى ان اهوه وياهم .. في باله ريم .. بس ريم .. قعدوا ينطرون الطياره .. مايبي يجوف احد .. مايبي يسولف ويا احد .. يبي الوقت يمر بسرعه عشان يوصل .. كل شي حواليه يحسه ماله قيمه .. .... كل شي عنده " ولا شي "..يحس فاقد كل شي .. كل شي ..
يتبع
