قصة عشان الحب واللي بيني وبينك روووووعه

[اسيرة احزاني]

بلييييييييييييييييييييييييييييييييييييز كمليها

 

[اسيرة احزاني]

يلاااااااااااااااا بلييييييييييييييييز كمليهاااا
بالانتظاااااااااااااااااااااااااار

 

[احترت اعبر]

فديتج يااسيره احزاني
ان شالله اليوم بالليل راح اكملها

 

[اسيرة احزاني]

بانتظااااااااارج حبوبة

 

[a7La_3eMeYa]

بناااات لاطوفوونها ترى عجييييبه انا قاريتها كلللللهاااااا_03BA::eh_s(6): تسلمين خيتي

 

[احترت اعبر]

قام يدور لها شي ..
طرش لها
( مشتاق صدقني لشوفك ولقياك..
وكل العيون بلاعيونك ممله..
أسمك على لساني** وشوقي لملقاك..
ورسمك ترى في وسط قلبي محله..
كلي أمل تجمعني الأيام وياك..
يامالك القلب مع العقل كله
** صج اني ماعرف اسمج .. بس يالله ولاتزعلين حرفج)
اسماء تصارخ: مااااااااااااااااستحمل !!
ريم: هههههههههههه يبي يجوفج الريال ..
اسماء: انا بعد ميته ابي اجوفه .. بس شلون ؟
ريم: الصبر زين يختج .. مسكين جوفي شلون يبي يعرف اسمج؟
اسماء ببراءة: ريمو من صجي احبه
ريم ابستمت: حبتج العااافيه .. اهوه بعد يحبج ان شاالله
اسماء تشرب بيبسي: ريجي نشف
ريم : يحليلها العاشقة الولهانه .. كملي اكلج
اسماء ابتسمت: شبعت
ريم: كلام حلو ؟
اسماء: ههههههههههههه
ريم: اكلي اكلي
اسماء: ورا انتي ماتاكلين ؟
ريم: هذاني

فلبيت
عقب ماكملوا غدا
نجود قعدت جدام التلفزيون تجوف الحلقه .. يعني متربعه جدامه حدها لاصقه
نجود تاخذ نفس: يااااااااااربي .. ماستحمل ..
ام فيصل طلعت من المطبخ: حبيبتي رجعي شوي مب زين
نجود ولا جنها تسمع: تحطييييم .. شهالجماال ياربي (التفتت على امها) يمه تعالي جوفي
ام فيصل: اي قعدي علكراسي اول
نجود تاخذ نفس: ماقدر يمه ماقدر .. (التفتت عليها) يمه جوفي الجمال وتحسري على جمال ريلج
ام فيصل: وه ؟ استحي على ويهج
نجود وعينها عالتلفزيون: يمه يمه بذمتج .. مب احلى من ابوي ؟
ام فيصل ابتسمت: بقول له صبري
نجود التلفتت عليها: خراب بيوت انتي
ام فيصل: انا ولا انتي ؟
نجود تطالع التلفزيون: يمه جوفيييييييي .. واي واي واي ماستحمل
ام فيصل: الحمدلله والشكر .. مادري من عليه طالعه
نجود: الحمدلله والشكر
ام فيصل: قومي درسي احسن لج .. اذا جافج اخوج بيزفج
نجود: بقوم بقوم .. بس شوي بتكمل
ام فيصل دشت غرفتها: قعديني الساعه 5
نجود: اوكي
عقب نص ساعه دشوا ريم واسماء
نجود كملت الحلقه وتمت تفرر فلتلفزيون
ريم واسماء: السلااام عليكم
نجود التفتت عليهم: وعليكم السلام ...
ريم واسماء ركبوا فووق يجربون ثيابهم
ريم: انا بروح غرفة نجود ببدل وانتي تمي هني ..
اسماء: اوكي
بدلوا وطلعوا ..
اسماء واقفه عند الباب وريم مجابلتها ..
فيصل بطل الباب .. بابه مجابل باب غرفة ريم
من بطله جاف اسماء بالفستاان سيده نزل راسه وصك الباب
ريم التفتت واسماء مبطله حلجها ومب مستوعبه
ريم سبحتها ودشوا داخل وصكت الباب
اسماء تصك وتبطل في عينها
ريم تغير السالفه: حلااااااااا حلااااا .. حلاا علييييج
اسماء نست .. قامت تدوور : شرايج؟
ريم: قمر ماشالله .. ترى انتي اللي محليه الفستان ماشالله عليج
اسماء استحت: وااااااي وينك يابوسعود تجوفني
ريم: هههههههههههه
اسماء: بقوم ابدل لاصدق روحي الحين ..(توها مستوعبه) اللااااااااااي ريمو حلو عليج
ريم رفعت حاجبها: تو الناس
اسماء: لا والله وايد حلو .. صايره ناااااااااعمه
ريم ابتسمت: اصلن من زمان انا نااعمه
اسماء: ادري فيج .. انتي الناعمه وانا الدفشه ها ؟
ريم: لا شدعوه ؟
اسماء سبحتها وراحوا صوب المنظره: شحليلنه
ريم: مب جنه توم ؟
اسماء: امبلا تصدقين ؟
ريم ابسمت: زين خنبدل لنينن الحين
اسماء تهز جتفها وخصرها يزعم ترقص
ريم: عقلي .. يالله بروح ابدل انا
اسماء: اوكي يالله
عقب مابدلوا
ريم مجابله المنظره ترفع شعرها : يبيله قص
اسماء: يالله امشي نروح
ريم: لا مافيني شده .. تعبت اليوم
اسماء: انزين تبين اعدله لج من تحت ؟
ريم: امممممم .. من صجج ؟
اسماء: بس شوي من تحت .. مابقص وايد
ريم: اخاف تخربينه ؟
اسماء: لا لا افا عليج .. شوي بس
ريم خايفه: من صجج؟
اسماء: اي والله .. يالله امشي
ريم: نطري بييب لي سفرة مادري سماط مادري شسمه
اسماء: ومقص بعد
ريم راحت يابت الاغراض وفرشت لها السفره وتربعت عالأرض
اسماء خذت المقص تخرعها .. تغير صوتها: نياهاهاها .. سأوقاريعوكي
ريم قامت: تحملييييييييي
اسماء: اتغشمر يالدبه قعدي .. روحي بللي شعرج من تحت شوي
ريم راحت وياات قعدت
اسماء: يحليلج يالمطيعه
ريم ابتسمت: يالله
اسماء: مستعده؟
ريم: يمه لتخرعيني .. بس شوي هاا
اسماء: ان شاالله
خذت المشط وتمت تقص .. دشت عليهم نجود: هيييييييييي شتسووون انتوا؟
اسماء: اششششش خليني مركزه
نجود مشرعة الباب وميودته ومتخصره: خوش خوش
اسماء التفتت عليها: صكي البااب ودشي
نجود دشت وجابلت ريم وعفست ويهه: وخييي قرفضته لج
اسماء كملت .. طقتها على ظهرها: يالله حجيه قومي
ريم بسرعه قامت راحت صوت المنظره تجوف .. يابت شعرها على صووب : قصيتي شي انتي الحين؟
اسماء: مو انتي تقولين شوي ؟ اخاف اخربه لج
ريم: لا بس اوكي تمام .. تسلم يدج ..
اسماء: الله يسلمج (التفتت على نجود) يالله دورج
نجود: ولييي تخربين لي شعري ؟
اسماء: كيفج كيفج ..
ريم شالت الاغراض ورتبت المكاان .. : يالله امشوا تحت
اسماء خذت شيلتها: يالله
ريم وهمه ينزلون فلدري قعدت: راسي يدور
اسماء قعدت يمها: بس تمي قاعده ..
نجود قعدت بس فلدريه اللي فوقهم
ريم ابتسمت: حلوه قعدت الدري والله ..
اسماء: اي والله وناسه
نجود: الصنطره ..
ريم التفتت
نجود: تعرف روحها الصنطره ..
ريم ابتسمت: كله تقولينها لان
نجود: اييب لج مااي؟
ريم: لا مشكوره حبيبتي ..
تموا قاعدين يسولفون ..
وفيصل يبي يروح محل الاثااث
طلع من غرفته وجافهم قاعدين عالدري .. يعني مافي مجاال ينزل ..
رد غرفته يتصل حق ريم ماتشيله .. ناسيته في غرفتها
واتصل حق نجود نفس الشي في غرفتها
ماله الا اسماء .. بس مايعرف رقمها ..
راح غرفة ريم
عساس يتصل حق اسمااء من تلفون ريم ..



][ الجــــــــــزء العــــاشر ][

دش غرفة ريم يدور تلفوها وحصله علجاارج ..
قام يدور رقم اسماء
كانت مسميتها Aso0oMty
سيده دش عليها وسوى كوول بدون مايجوف الرقم .. يعني ماحط باله
اسماء كانت علدري ورن تلفونها: ريمو صكيه
ريم : شاصك
اسماء: التلفون
ريم: تلفوني مب عندي
اسماء خافت وقطت عليها التلفون: يمه يني يتصل لي
ريم شالته: الوو ؟
فيصل: ريم .. ابي اطوف .. بانزل مستعيل
ريم ابسمت: وييييييي مسامحه .. سوري والله ..
فيصل: بسرعه
ريم: اوكي باي
عطتها التلفون واسماء مب مستوعبه: شصاير ؟
ريم قامت: قومي خنروح المطبخ .. يبي يطوف الريال
اسماء مب فاهمه: اي ريال؟
ريم سحبتها: امشي ماعليج
نجود : اانا بروح اطقطق فلمسن شوي عقب باييكم
ريم التلفتت عليها: اوكي
دشو المطبخ
ريم: عطيني تلفونج بتصل له بقوله ينزل
اسماء: ويهج عاد ..
سمعوا صوت الباب ينصك
ريم: بس اكا طلع .. اسوم؟
اسماء: هاا
ريم: خنسوي كب كيك
اسماء: فيج شده ؟
ريم: اي عادي .. (وهي طالعه) نطري بييب تلفوني
راحت بسرعه ويات
ريم: بتصل فلبراده خل اييبون لنا الاغراض
اسماء: يالله
عقب مايابو الأغراض
دشت عليهم نجود ويودت الباب وتمت تطبل
واهمه يزعم يسوون الكيك
نجود تغني : حنااااااج عيين ريمو حنااج عيين .. لي دزوج على المعرس بالج تستحين
ريم استحت: غني على اسوم انا شدخلني ؟
نجود تغني: وحناااااااج ورق اسوم حنااج ورق .. لي دزوج على المعرس صبج العرق
اسماء تسايرها: وعااااااااااااشوا
نجود: يالله بسرعه ابي آآكل
ريم قاعده تصب الخلطه فلكب ..: نطري عاد ليحين ماحطيناه فلفرن
نجود: سالفه بعد
اسماء تصب بعد: تعالي ساعدينه لا
نجود: لا انا اشرف على العمل ..
ام فيصل دشت عليهم ووهي تلبس شيلتها ودفتها .. وشنطتها في يدها : ماشالله ماشالله
ريم : احم
ام فيصل تحاجي نجود: سوي وياهم لا
نجود: يمه كل الشغل باشرفي شفييج ؟
ام فيصل: ايي طل
نجود: يمه ؟؟
رن تلفون اسماء .. كان فيصل .. ماقدرت تشيله جدامهم .. طقت اوبشن وهدته .. ويهه تغير .. وريم فهمتها
ريم تبي تغير السالفه .. تنادي جاندرا: جاااااندرا .. تعالي بطلي الفرن ماعرف
اسماء سيده حطت تلفوونها سايلنت .. وهوه يتصل ويتصل ..
ام فيصل تحاجي ريم: يمه انا بروح اخلف على ام احمد .. اذا تبون شي اتصلولي
ريم: ان شاءالله
نجود تتحلطم: هذي سالفتها من خلف لي خلف
ام فيصل ماسمعتها .. طلعت : يالله مع السلامه
ريم واسماء: الله يسلمج

تتبع

 

[احترت اعبر]

حطوا الكيك فلفرن واسماء سيده خذت تلفونها وطلعت واتصلت له
فيصل معصب: حبيبتي وينج ؟
اسماء: سوري والله بس ماكنت اقدر اتحجى
فيصل: وانا شلي شغل ؟؟ شيخصني يعني ؟؟
اسماء: شسوي ماقدرت !! آسفه
فيصل: خرعتيني عبالي فيج شي
اسماء: لا لا مافيني شي ..شلونك ؟
فيصل ابتسم ..: مب زين
اسماء: افاء؟ ليش ؟
فيصل: صج ان ذوووقج الله بلخير ؟
اسماء مب فاهمه: انا ؟
فيصل: حده جييب .. أي شي ..
اسماء بغباء تسوي روحها فاهمه: احلف ؟؟؟؟؟ظ
فيصل: من صجيي
اسماء: ياااااه .. شلون جذي ؟
فيصل: مادري عنج .. عيل هاي اثاث تختارينه ؟ ذوق لس
اسماء توها مستوعبه: انا قايله مابيعجبك ..
فيصل يضحك: ههههههههههههههههههههههههه هههه
اسماء حست انه يتطنز عليها .. بوزت
فيصل: هيييي ..
اسماء زعلانه: شتبي ؟
فيصل: والله العظييييييييم والله العظييم .. قولي اي ؟
اسماء: اي ؟؟
فيصل: احبج
اسماء استحت ..
فيصل: حبيبتي والله عجبني وااااااااااااااااايد حلوين كنت اتغشمر وياج
اسماء: احلف؟
فيصل: والله عجبني .. اكا دفعت لهم مقدم بس يقولون يبيله شهر لي ما اييبونه من برا لان اللي اخترتيه مافي منه الا واحد واللي معروض .. قلت لهم ابي يديد
اسماء: من صجك انت ؟
فيصل: اي والله .. اجذب يعني؟
اسماء مستانسه: عجبوك يعني؟
فيصل: ايي والله وايد .. حدج ذوييقه .. اصلن انتي ذويقه لان اخترتيني
اسماء مب فاهمه: اخترتك ؟
فيصل: اقصد قلبج اختاارني يعني
اسماء بغباء: شدخل قلبي ؟
فيصل: حدج مب رومانسيه .. شخبارج ؟
اسماء: والله تمام الحمدلله انت شلونك ؟
فيصل: اذا انتي بخير انا بخير ..
اسماء مب عارفه شتقول: امممممم .. مكانك ابين
فيصل ابستم: مكاني ابين ؟
اسماء تبي تعدلها : يعني لك فريه
فيصل ابتسم: لي فريه؟
اسماء مب عارفه شتقول: يعني شسمه
فيصل: شسمه؟
اسماء: وحشتني
فيصل استانس : ها ؟
اسماء: اللي سمعته
فيصل: حلفي؟
اسماء: والله
فيصل: مب كثري ..
اسماء ابتسمت ..
فيصل: اي قولي .. شفيج ساكته ؟
اسماء: مافيني شي .. انت قول
فيصل: حبيبتي ؟
اسماء: هلاا
فيصل: تحبيني ؟
اسماء استحت: ها
فيصل يتدلع: تحبيني ؟
اسماء: اكييييد .. تشك يعني؟
فيصل بهدووء: قوليها
اسماء: الحين؟
فيصل: ايي
اسماء: ماقدر والله .. عقب عقب
فيصل يتدلع: خاطري اسمعها
اسماء: عقب
فيصل: وعد ؟
اسماء ابتسمت: وعد .. اوكي الحين انا اخليك بروح لهم ينطروني
فيصل: وين تعالي
اسماء: بيفضحوني والله لازم اروح .. بعدين بكلمك
فيصل: اوكي حبيبتي تحملي فروحج
اسماء: وانته بعد
فيصل: اكلمج بعدين ان شاءالله
اسماء: على خير .. مع السلامه
فيصل: الله يسلمج

راحت لهم بسرعه وتموا ينطرون الكيك
عقب ثلث ساعه جذي طلعوه
نجود: آآآآآآآخ ريحته دوختني
ريم واسماء تموا يصفونه .. نجود طلعت نوتيلا من الكبت وخذت لها كيكه وحطت عليها وقامت تاكل: يمييييييييييييييييييييييي يييي
اسماء: اللاي حده فن
ريم: عطيني عطيني النوتيلا بحط عليهم كلهم
نجود ميودته: مافي ..
ريم: يالله عاااد
نجود عطتها: شوي بس لتحطين وايد مب حلو .. قصدي لتكملينه ابيه
ريم واسماء قاموا يحطون علكيك .. خذوه وطلعوا برا وصبوا لهم جااي وتموا ياكلون
ريم: لذييييييييذ
اسماء وهي تاكل: تسلم يديي
ريم: ويدي
نجود: فيصلو يحب هالسوالف .. رفعتيله ؟
ريم: اي اكيد افا عليج
اسماء: وهذي كل شي ترفعون له ويا ويهه؟
ريم: اوهوو .. ردينه؟
اسماء: بس اوكي بس ..
نجود: امشوا ندش الملحق ؟
اسماء: شنسوي ؟
نجود وقفت والكيك في يدها: انتوا تعالو ..
ريم: انزين نطري بودي الاغراض دااخل باييكم ..
دشوا نجود واسماء ..
كان الملحق معفس .. البلاي ستيشن والوايرات محذفه في صوب . .ديفيدي وافلاام في صوب ثاني ..
ريم دشت: بوووووو .. شهالخنقه ؟ بطلي بطلي الايسي
نجود ساده خشمها: كله يدخنون ذلين ؟؟
اسماء رفعت حاجبها: اخوج بعد يدخن؟
نجود: لا اسم الله عليه .. بس ربعه
ريم قامت تشيل المواسد وترتب .. : يبيله تعدييل
نجود بطلت الدرايش: افففففف من قلب
اسماء خذت الموسده وحذفتها على ريم: آآخ (التفتت عليهم) من ذي ؟
اسماء تحاجي نجود: جذي تطقين اختج ؟
نجود: الله واكبر عليج .. والله مب انا .. هذي اهيا
ريم حذفت على كل وحده موسده: تستاهلون
نجود عصبت: الحين انا شدخلني ( خذت موسده وحذفتها عليها)
ريم: آآآآآي يالدبه
نجود: أحسن تستاهلين
اسماء خذت الموسده وطقت نجود: لتطقين رفيجتي
نجود خذت الموسده وحذفتها على اسماء: كيفي
ريم خذت الموسده وحذفتها على نجود: هيييييي
وصار التحذف
كل وحده تحذف على الثانيه
وداشين يزعم بيرتبون
عفسوا الملحق فوق تحت
ريم تضحك .. كانت منسدحه من التعب على المواسد واسوم يمها : امبيه جوفي شسوينه
نجود بطلت الباب يزعم بتطلع: يالله رتبوا
ريم: ويهج تعالي رتبي ويانه
قعدوا يرتبون ويحطون كل شي مكانه ..
نجود بطلت الستيريو
اسماء: ياسلام عليج
ريم: صكيه الحين بيأذن
نجود: اوكي بييب لكم سياييد خنصلي هني
ريم: تسوين خير
راحت يابت لهم وصلوا .. تموا شوي وشغلت لهم لتسيريو
نجود تغني: وصبووووحه خطبها نصيب اووه خطبها نصيب (راحت حق اسماء تقومها ترقص)
اسماء : لا لا لا
نجود سحبتها بالقوه: امشي
اسماء: اذا ريمو قامت بقوم
ريم: مافيني شده والله تعباانه
نجود سحبتهم ثنتينهم: يالله تدربوا وراكم عرس
ريم: اوهووو
نجود خلتهم يرقصون غصبن عليهم
تمو يرقصون على ينون ويضحكون على روحهم
فيصل دش البيت .. وسمع صوت المسجل بالحييل من الملحق .. ماابين من داخل مصكوكه الستاير ..
فيصل عباله ربعه يايين بيتهم ينطرونه .. دش عليهم
بطل الباااب واهمه ماحسوا بالباب
اسماء رابطه على خصرها الشيله وترقص وماعطته ظهرها
وريم تصفق لها وتغني: حد ايقولو حد ايقولو اني بحبو الحب دا كولوو
واسماء مشتطه يزعم تهززززززززز
ونجود يزعم تيبب وترقص: رأأأأأصني يا قدع (رفعت عليها وجافت اخوها مبقق عينه وصرخت ): يييييييييمه
اسماء وريم التفتتوا على الباب وجافوه واقف منصدم .. من التفتوا عليه سيده صك الباب وطلع
نجود وريم عادي اخوهم .. الفشيله حق اسماء .. فيصل تفشل اهوه بعد
تفشلللللللت حدها
اسماء دمعت عينها: ماصدق .. خلاص انا شلا اتحجب عن اخوج ؟ كل يوم لازم يجوفني (قعدت تصيح) فشيييييييله ..
ريم: بس حبيبتي لتصيحين .. احنا شدرانه ان بيدش
اسماء قامت: انا زلام اوقفه عند حده
نجود: هدي هدي .. لتسوين روحج فلته ..
اسماء تمش دموعها: حطوا روحكم مكاني شبتسوون ؟؟ بتسكتون ؟؟ (فيها الضحكه) وقاعده اهز ويا ويهي
نجود: انزين امشوا خندش داخل
اسماء: انا بروح بيتنه .. مب داشه .. (تحاجي ريم) يبيلي دفتي وشنطتي لوسمحتي
ريم: لا اسوم تمي
اسماء: ماقدر آسفه .. مالي ويه .. تخيلي يجوفني ؟ شبيقول ؟؟ اووه اكا يات فيفي عبده ؟؟ مافيني شدته كلش
ريم: انزين نطري اكيد امي يات ..باخذ لسويج وبوديج
اسماء: لا بقول حق رشود
ريم: قلت لج انا بوديج لتسوين لج سوالف
راحت ريم يابت اغراضها واغراض رفيجتها .. وهي نازله جافت امها: يمه بوصل اسوم وبايي
ام فيصل: زين اخذي لكم عشى تعشوا
ريم وهي طالعه: ان شاءالله
دشت عليهم
ريم: نجود بتيين؟
نجود: لا بس يبيلي عشى
ريم: شتبين؟
نجود: امممممم .. كلاب ساندوج ..
ريم: ان شالله ..
اسماء لبست: يالله مشينه
راحت ريم شرت لها وحق اختها ورفيجتها عشى .. ووصلتهم

يوم ثاني كان أول يوم لهم يدرسون حق النهائي .. عقب الجامعه
اسماء في غرفة ريم يدرسون .. قاعدين عالأرض ومحذفين الدفاتر .. والكتب .. والقلامه ..
اسماء: افففففففففف مخي جيم
ريم: لازم نكمل استحملي مابقى شي .. كلها اسبووع ونخلص هالكورس ونفتك
اسماء: انا كل ماذكر ان بنفتك استانس
ريم: من قلب ..
نجود دشت عليهم تاكل جبس: بل !! للحين تدرسون ؟
اسماء: تف تف تف قولي ماشاالله
نجود: ماشالله ماشالله .. بسكم قوموا
ريم: لا لا خلينه شوي بس بنكمل
نجود: بالطقااق .. كنت بقول لكم شي
ريم: شصاير؟
نجود تبي تحرها: لا ولا شي
اسماء: عاد انا بطني يعورني في هالسوالف .. قولي
نجود ابتسمت: هههاااااااي .. مب قايله
اسماء: وه عليج
نجود: مب رايحين العرس ؟
اسماء: للحين ماأذن المغرب انزين ..
نجود ابتسمت .. قعدت تاكل جبس تنطرهم يخلصوون
ريم: اففففففف بس خلاص .. راسي عورني
اسماء: عيل انا شنو ؟
نجود: قلعتكم .. عيل هالكثر الأوادم يدرسون ؟
ريم: نجود؟ تقولين حق الفيص عن العرس ؟
نجود تاكل ..( ترى جبسها وايد عود مايخلص ) .. : قوليله انتي .. الحين اذا رحت له اكيد يتحجى فلتلفون
ريم: بس بس قعدي انا بقول له
دشت عليه كان منسدح ويحوس في تلفونه
فيصل ماانتبه لها ..
ريم: فيصل؟
فيصل التفت لها: نعم
ريم: نعم الله عليك (راحت قعدت يمه) تودينه اليوم العرس؟
فيصل: متى ؟
ريم: اممممم .. يعني علتسع وشوي جذي .. لي برزنا
فيصل يفكر: ومن بيردكم؟
ريم ابتسمت: من غيرك؟
فيصل قعد .. عفس ويهه: انتي وأسماء ؟
ريم ابتسمت: اي
فيصل: يعني ليش اخوها مايوديها هاللزقه ؟
ريم تكدرت وقامت بتطلع: بس اوكي شكرا .. مب رايحين
فيصل ناداها: تعااااااالي .. لتدلعين .. انتي الا مول ماتدوقلين؟
ريم وقفت عند الباب .. ابتسمت: بس خلاص ماله داعي
فيصل راح لها .. : بوديكم ماعندي مشكله ..
ريم ابتسمت
فيصل: لتقولين مايحتاي .. بوديكم ان شاالله
ريم مب عارفه شتقول .. طلعت وراحت لهم
اسماء: اخوج بيودينه ؟
ريم ابتسمت: بليز لتقولين لا
اسماء ابتسمت: مب قايله شي .. امرنا لله
ريم: يالله الحين بيأذن المغرب .. نصلي ونبتدي
نجود: شتبتدون يحظي ؟
اسماء ابتسمت: ميك اب
نجود: اللااااااااااااي انا بمكيجج ..
اسماء: لا لا اخاف ..
نجود: عاد عاد عاد خاطري
اسماء: باجر باييج مكيجيني .. بس اليوم لا
ريم: انتي اليوم جوفينه بس .. وباجر بنخليج تحطين لنا
نجود: ايي كيمرتج تجرج من الصبح حق الليله عيل ؟
ريم : عشون عيل ؟
عقب الصلاة انسدحت اسماء عالكرسي .. وطلعت ريم عدتها وقعدت تمكيجها
حطت لها شدو مدرج احمر واسود .. كان ناعم ومب وايد غامج ..
نجود تحبطها : وخييييييي جنج ساحره .. ويع ويع
اسماء ابتسمت وهي مغمضه: معليه عادي
ريم كانت تحط لها كحل سائل : سكني لتحركين
اسماء فيها الضحكه
ريم وقفت: يووزي اسوم بيخترب كل شي هاا
نجود تضحكها : هههههههههههههه اسوم
اسماء ضحكت: ههههههههههههههههههههههه (قامت من الكرسي)
ريم عصبت: انا من صجي .. تمي شوي ونخلص
اسماء تحاجي نجود: لتضحكيني يالدبه خلينه نخلص
ريم طلعت المسكرا : والله ان تحركتي اسوم ببط عينج ها
اسماء: اوكي اوكي خلاص آسفه
عقب حطت لها البلاشر .. واللب ستك
طلعت قمـــــــــر
نجود: فلي فلي شعرج خنجووف
ريم ابتسمت: ماشالله عليج
اسماء تطالع روحها يزعم مب مصدقه: لآآ مش آدره اسدق .. هيدي انا ؟؟
نجود: شحلوج يحمااره
اسماء: وه عليج .. قولي ماشالله لا اله الا الله تف تف تف الصلاة علنبي
ريم: مااشالله ماشالله
نجود: وييييييييييييعه .. ويعه ويعه ويعه
اسماء عصبت: هييييييي انتي .. عينج علي بارده
ريم: امشي بصورج
اسماء: كملي مكياجج انتي قبل وبعدين صوري
ريم قعدت مجابله المنظره تتمكيج .. حطت لها ميك اب حده نااعم
بدلوا ثنتينهم وخلو نجود تصورهم
نجود: ويعه تويعكم قولوا آمين
اسماء: ول علييييييييج انتي
نجود طلعت: بنادي امي تجوفكم نطروا
نزلت دبيج تحت واخوها توه راكب
فيصل: وين وين ؟
نجود وهي تركض: بنادي امييييي
فيصل طق الباب على ريم
ريم: من ؟؟
فيصل: تعالي شوي
ريم تحاجي اسماء: اروح له جذي ؟
اسماء: اي اي عادي
ريم طلعت كان واقف ينطرها
فيصل ابتسم: يه يه .. شهالكشخه؟
ريم ابتسمت: احم . .شكرا
فيصل: ها بارزين ؟
ام فيصل ونجود توهم راكبين
ام فيصل تطالع بنتها: ماشالله ماشالله .. تعالي يمه اقرى عليج ليحسدونج
ريم مستحيه .. تحاجي فيصل: نلبس دفافنه وننزل
فيصل وهوه نازل: انطركم فلسياره
ام فيصل دشت تجوف اسماء: ماشااااااااااااالله ماشالله .. شهالزين شهالحلاه
اسماء مستانسه: عاد خالتي لتخليني اصدق عمري الحين
ام فيصل: صدقي عمرج وشوله ماتصدقين ؟
ريم تلبس دفتها: يالله ينطرنا فلسياره
اسماء لبست دفتها: يالله
ام فيصل قرت عليهم: الله يحفظكم
نزلوا وركبو السياره
ريم ركبت جدام
واسماء ورا
تغطوا ..
اسماء طول الوقت ساكته
وريم تسولف ويا اخوها عن السفر
طلعت تلفونها وطرشت حق " فيصل" مسج ..
( لاتفتكر إني فـ...ـضيت

وقمت أعبث

بجوالي و " أرسلت " !!

لا وإللي خلـ ق ـك

" إشتقت لك "

ونبض قلبي

" حرك إيديني " )
كان تلفونه في مخبااه وسايلنت ماسمعه ..
وصلوا
نزلت ريم
فيصل: اذا كملتي اتصليلي
ريم: ان شاالله



آآخر يوم اختبارات
توهم طالعين من القاعه
ريم لمت رفيجتها: كملنااااااااااا
اسماء: واخييييرا ؟ مابغينا ؟
حمد كان وياهم نفس الماده
طلع وراهم
حمد: احم
ريم واسماء التلفتوا عليه
حمد: مبرووك ..
اسماء: الله يبارك في حياتك (سحبت رفيجتها ومشوا)
حمد لحقهم: لحظه لحظه
التفتت اسماء عليه: خير ؟
حمد جابلهم: تدرون ان جدموا السفره ؟
اسماء: اي قالت لنا منى
حمد: قالت لكم ان هالسبت ؟ عقب باجر ؟؟
اسماء: ايي قالت لنا ..
حمد يبي يطلع له سالفه: وو قالت لكم امتى تطير الطياره وهالسوالف؟
اسماء: كل شي نعرف .. في شي؟؟
حمد تفشل: لا بس كنت بتأكد .. ترى تذاكركم عندي
ريم: عطني اياهم بعطي اخووي احسن
حمد: لا خليهم عندي
ريم: انزين احنا بنروح ويا اخوي
حمد: ادري .. وبتروحون وياي بعد
اسماء: احنا قلنا حق منى قالت اخذوهم منه
حمد: مب ماعطكم
اسماء: يه ؟
ريم ببراءة: عطنا عاد
حمد ابتسم: ان شاالله .. بوديهم حق اخوج الميلس الليله
ريم: اكيد؟
حمد ابتسم: افا عليج
ريم ابتسمت: شكرا
حمد: حاضرييين
اسماء سحبتها ومشوا ..
ريم: يالله هذي ولبنا الحين .. ابي اروح البراده اشتريلي جم شي بحطهم فلشنطه
اسماء: ايي صج انا بعد ..
ريم: دار راسي من السوق .. كل يوم طاقين الويه نشتري .. بقى شي ؟
اسماء: اممممممم انا كملت اظن
ريم: ان شاء الله انا بعد ... بسألج
اسماء: هممم ؟
ريم: للحين ماقلتي له اسمج ؟
اسماء تهز راسها: لا
ريم: وامتى ناويه ان شاالله ؟
اسماء: يوم السفر
ريم: يحلييييييلج .. وقلتيله ان بتسافرين؟
اسماء: لااااااااء .. (نزلت راسها) مابي اسافر واهده
ريم ابتسمت: هلكثر تحبينه ؟
اسماء: افففففففف من قلب .. ماتصورين
ريم: انزين .. وماقالج اهوه شسمه ؟
اسماء: مب راضي العنيد .. يقولي اذا قلتيلي انتي انا بقول
ريم: شتنادينه انزين ؟
اسماء: بوسعود .. خخخخخ
ريم: يحليلكم .. انزين ترى اللي تسوينه حده غلط
اسماء: ادري ادري بس مابي اهده ماقدر صدقيني احبه
ريم: زين علأقل قوليله يكلم اخوج
اسماء: قلت لج اليوم لا
ريم: زين عفيه
اسماء: انزين الحين بنروح البراده .. وعقب قطيني بيتنه برتب اغرااضي
ريم: ان شاءالله
اسماء تضايقت: حدي مابي اسافر واهد رشوود واهد بوسعووود
ريم خذت نفس: شنسوي .. انا بعد مابي اهد امييي وابووي ونجوود
اسماء: لازم نسافر؟
ريم: حلفي بس ؟؟
اسماء: انا قبل كنت ابي اسافر اليوم قبل باجر .. بس الحين حسيت .. مادري
ريم: لتعورين قلبي عااااااد .. امي من تتذكر تصيح
اسماء: يالله كلها شهر واحنا رادين
ركبوا السياره
ريم جابلت اسماء وقطت راسها عالسكان وابتسمت
اسماء: شفييييييج يحظي ؟
ريم تطالع فوق: اتخيل .. اذا جفته .. شسوي ؟
اسماء: شتسوين بعد ؟؟
ريم: مادري
اسماء عفست ويهه: جيف شناويه تسوين يحظي ؟
ريم ابتسمت: ماااادري .. ابي اعرف شقول له ؟ يعني شلون بسلم عليه ؟؟
اسماء: انتي حالتج صعبه
ريم: تدرين ؟ كل مايتصل اقوله .. شقولك اذا جفتك ومادري شنو ؟؟ واهوه بعد يسألني .. وهذي سالفتنا
اسماء: يحليلكم .. اقول امشي لنتأخر بس

ناصرر كان عبدالله يتعشوون
عبدالله: نفسيتك هالاياام عجيبه
ناصر: اي اكيد .. حبيبتي بتيي .. وبجوفها وبقعد وياها وبسولف وياها وبطلع وياها
عبدالله: ياسلاااااام عليك
ناصر ابتسم: عبود عبود .. تخيل اهيا الحين يات .. اوكي ؟
عبدالله: اوكي ؟
ناصر ببراءة: شسوي ؟
عبدالله: عورت قلبي
ناصر: من صجييييييي
عبدالله: شتسوي يعني ؟؟ طير
ناصر: من صجي .. يعني شقول لها ؟؟ امم .. اسمعني .. باجر بروح المول بشتريلي شي سنع حق اللقاء .. بعد مايصير البس لها أي شي
عبدالله: مشكلللل .. ا صلا انت سنع من زمان
ناصر ابتسم: ادري .. بس اهيا غير .. لازم اشتريلي شي لها
عبدالله: رايحه عليك
ناصر ابتسم: وين اوديها ؟
عبدالله ياكل: اكل وانت ساكت ..
ناصر: اففففف مب ويه احد يعبر لك عن مشاعره
عبدالله: يخي تسألني اسأله .. انا شعرفني
ناصر ياكل: اكل اكل .. زحير في جبدك
عبدالله: غير السالفه يخي .. ماعندك الا اهيا ؟ تدري جم مره سألتني شسوي اذا جفتها
ناصر ابتسم: للأسف ماعديتهم
عبدالله: المشكله ماتجوف ويهك .. حدك تفهييي
ناصر خذ نفس: يحق لي


المغرب
ريم ترتب اغراضها
وفيصل توه ياي من المسيد ..
اسماء اتصلت حق فيصل: الوو
فيصل: والله ناوي اتصل لج بس بطاقتي استقبااال
اسماء: لا عاادي .. الوو ؟
فيصل: هلا حبيبتي .. شلونج؟
اسماء: الحمدلله بخير .. انت شلونك؟
فيصل: الحمدلله .. فيج شي ؟؟ صوتج متغير ؟
اسماء: هاا ؟؟ لا بس ..
فيصل: حبيبتي شفيج ؟
اسماء: مافيني شي
فيصل: تحجي ..
اسماء: ابي اقولك شي.. بس مادري شلون اقوله
فيصل خايف: شصاير ؟
اسماء: ماصاير شي لتحاتي .. بس ابي اصفي معاك لحساب
فيصل مب فاهم: شحسابه؟
اسماء: يعني .. ابي اقولك اسمي .. وبعد بيصير شي لازم اقولك
فيصل ابتسم: انا بعد ابي اقولج كل شي ..
اسماء: اممممم ..
فيصل: قولي حبيبتي
راشد يناديها .. اسماء: شوي شوي بس جن اخوي يناديني .. اكلمك بعدين يالله باي
فيصل تكدر: باي

ريم نادته: فصوووووووووول
فيصل راح لها: هاا
ريم: يالله عااد يالفااااااااج .. قولي شتبيني احط لك فلشنطه
فيصل متضايق: اي شي
ريم: شنو اي شي ؟؟ ماعرف انا اي شي .. قولي شتبي بحط لك بسرعه
فيصل: بعدين بعدين ..
ريم التفتت عليه: فيك شي؟
فيصل فر ويهه: لا
ريم راحت له: فيصل فيك شي ؟؟
فيصل طالعها .. بهدووء: حبيبتي
ريم ابتسمت: شفيها؟
فيصل: احسها متضايقه .. تبي تقول لي شي ومااعرف شنو .. ابي اكلمها
ريم: كلمها
فيصل: تلفوني استقبال
ريم: روح ادفع
فيصل: ايي عقب صلاة العشا بروح ..
ريم عطته تلفونها: هااك كلمها
فيصل: لا لا .. مشغوله الحين .. بنطر خمس دقايق جذي وبتصل
ريم: كلمهاا
فيصل ابتسم: بطرش لها مسج بس .. بقول لها اذا فضت تتصل لي على ماروح ادفع بيلي
ريم ابتسمت وراحت ترتب اغراضها: علهوااك .. تبيني انا احاجيها ؟
فيصل: لا لا مايحتاي ..
ريم التفتت عليه: يمكن متضايقه لانك بتسافر عنها؟
فيصل ابتسم: ماقدرت اقول لها .. انا لو مب انتي جان ماهديتها ..
ريم ابتسمت: الله عالحب ..
فيصل متضايق: والله مابي اسافر واخليها .. كل يوم احس اتعلق فيها اكثر من اللي قبله ..
ريم ابتسمت
فيصل يطالعها: لازم نسافر ؟
ريم بوزت: لا والله ؟
فيصل ابتسم: انتي ادري شلا بتروحين .. (رفع حواجبه) عدل ؟
ريم تفشلت: اقول طرش المسج لاتكثر
فيصل ابتسم .. قعد يكتب ويمحي مب عارف شيكتب
آخرتها كتب لها مسج من تلفون ريم
(Halla 7bebty .. hathy tlfon i5ty .. 3qb n9 sa3a bro7 adf3 bs a7atech .. etha kmlty mn o5och klmeny plz .. a7bch)
كتب رقمها وطرشه .. سواه ديليت من السنت آيتمز
شوي الا طالع له
Delivered to Aso0omty
طبعا ماستوعب .. بقق عينه وتم مشير وميود التلفون ...
وريم ماحطت بالها قاعده ترتب ..
راح بسرعه حق رقم اسماء .. الا نفس الرقم
انصدم .. وقف .. قلبه قام يدق .. نشف ريجه .. طلع تلفونه يتأكد .. نفس الرقم .. مب مصدق .. حذف التلفون على اخته وطلع
طبعا ريم ماتدري شسالفه : فييييصل ؟؟؟؟
اسماء سمعت صوت المسج وبسرعه راحت تقراه
جافت رقم ريم .. وتمت تقرا المسج ومب فاهمه شسالفه .. ماستوعبت
سيده اتصلت حق ريم
اسماء بغباء: يالبقمه انتي
ريم: هااااا
اسماء: شهالمسج اللي مطرشته؟
ريم مب فاهمه: انا ؟ ماطرشت شي والله
اسماء تطالع تلفونها: مب انتي ريم؟
ريم ابتسمت: يقولون
اسماء بغباء: شفيج ينيتي ؟
ريم: اي مسج ؟
اسماء تقرالها المسج: هلا حبيبتي .. هذي تلفون اختي
ريم: وييي يمكن فصول طرش لج اياه بالغلط
اسماء تحاول تفهم: فصول ؟؟
ريم بطت البرمه: فصول ياي يقول يبي يطرش حق (توها مستوعبه) اسوم؟
اسماء خافت: هاا
ريم:ليكووووووون ؟
اسماء خافت: شنو ؟؟
ريم: هالحجي ماينقال فلتلفون .. اذا جفتج بقولج
اسماء: لا لا بطني عورني قوليلي شفيج ؟
ريم: اوهو مادري شلون اقولج .. يمكن مب صج .. نطري بتصل حق فصول وبارد عليج
اسماء: انتي شفيج شدخل فصول فلسالفه ؟
ريم: نطري قلت لج .. يالله باي

ريم صكته واتصلت حق فيصل .. صاك تلفونه .. ردت تتصل تتصل .. مايشيل
ريم مب مصدقه (في خاطرها) معقوله ؟
اسماء وقفت مكانها مب عارفه شسالفه وشدخل فيصل وشسالفة المسج ..
ريم عيزت تتصل حق فيصل وهو صاك تلفونه ..
فيصل ركب سيارته منصدم .. مفهي .. مبطل حلجه .. مب عارف شسالفه
الحين يعني اللي اكلمها .. هذهيه اسوم رفيجة ريمو ؟؟ لييييييش ؟ مالقيت الا ذي ؟
راح بسرعه دفع بيله وبطل تلفونه
اتصلت له ريم: فيصل؟
فيصل: هلا
ريم مب عارفه شتقول: لا ولا شي ..
فيصل يزعم مايدري: شفيج ؟
ريم: لا بس عبالي ان شسمه .. لا لا ولا شي
فيصل: عبالج ان شنو ؟
ريم: انت بتيي البيت الحين؟
فيصل: اي ليش ؟؟
ريم مب عارفه شتقول: شسمه .. عشان ترتب وياي شنطتك
فيصل: بايي ايي ..
ريم: اوكي يالله باي
فيصل مب مصدق .. ماقدر يروح البيت راح عالبحر
طلع من السياره وتسند عليها وقط راسه .. تم يطالع السما ..
في خاطره
انا احبها .. (عفس ويهه) اسماء؟ .. ماحبها .. اكرها .. ماشتهيها ..
(أبتسم) بس حبيبتي احبها .. ام سعود احبها .. اسوم ماحبها
ريم اتصلت له: فيصل وينك ؟
فيصل: خير في شي ؟
ريم: لا
فيصل: ريم شفيج ؟
ريم: تعاال البيت وانا اقولك ..
فيصل ركب سيارته: كاني يااي
ريم قاعده تنطره ومب عارفه شتسوي ولا شتقول
اسماء تتصل لها وريم ماترد عليها .. ماتعرف شتقول لها ..
واقفه تدوور .. ماقدرت تيود روحها طلعت له فلحوش تنطره .. كل ماسمعت حس سياره بطلت الباب ..


][ الجـــــــزء الحادي عشــر ][

فيصل مب مستوعب
ولا مصدق
ان
اللي يحبها ويكلمها تصير " اسمااء"
اسماء عاد ؟ وليش يعني ؟؟ كلش ماكانت في باله .. وكلش ماتخيل انها بتكون اهيا ..
طول الطريج يفكر .. دار راسه .. مب عارف شيسوي وشلون يتقبل الموضوع ..
دش البيت .. معصب .. مزاجه معتفس ..
مايدري شسوي
ريم كانت تنطره .. خايفه وتحاتيه .. وتبي تعرف الصج .. وشنو اللي لازم تسويه ..
من جافته ركضت له .. فيصل مشى وماعطاها ويه .. مافيه شدة سواالف
ريم بسرعه: فيصل ؟؟
فيصل معصب: لتحاجيني في هالموضوع لوسمحتي
ريم ركضت وراحت جدامه: اسمعني
فيصل يقاطعها .. معصب: انتي اللي سمعيني .. قولي حق رفيجتج تنسى رقمي لاانسيها اسمها
ريم تبي تقول شي ماخلاها ولا عطاها فرصة تتكلم
فيصل مشى عنها وركب فوق ودش غرفته ورقع البااب .. واهي تمت واقفه .. شسااااااااالفه ؟؟ ياربييييي شاسوي انا الحين ؟؟ امبيه شفيه ذي ؟؟
ركبت فوق .. وجافت تلفونها عشرين ألف مسكول من اسماء ..
توها ميودته ويرن مره ثانيه
اسماء معصبه: يالبقمه انتي
ريم خايفه: همم ؟
اسماء ماتدري شسالفه : شلا ماتردين ؟
ريم بهدوء: ماكان عندي التلفون
اسماء بغباء: انزين شصاير االحين شسالفه؟
ريم متوهقه: ياربييييييي استيعابج بطيء اسوم .. ابي مره وحده بس تفهمين بسرعه
اسماء بغباء: قوليلي شصار
ريم خذت نفس: فيصل .. اخوي
اسماء عفست ويهه: شفيه بعد ؟
ريم سكتت
اسماء: تحجي ؟
ريم: .....
اسماء: الووووو
ريم: لا ولا شي .. باجر باجر بقوللج
اسماء: اوهوووووووووو شنو باجر بعد ؟ لتملليني .. اففففف بروحي اتصل حق بودبه مايرد علي ..
ريم تسوي روحها ماتدري: يمكن ناسيه
اسماء متضايقه: انا قايلة لك بقولك شي .. ورشود ناداني .. عاد
ريم ماستحملت .. تقاطعها: يالغبيه .. اسووووم
اسماء مب فاهمه: هاا شفيج ؟
ريم خايفه .. مب عارفه شلون تقول .. قالت واللي فيها فيها: فيصل .. هذهوه اللي تحاجينه
اسماء سكتت .. تسترجع اللي قالته ريم في بالها عشان تستوعب ..
ريم ساكته
واسماء ساكته
ريم دمعت عينها: اكلمج بعدين
اسماء شيرت .لحظه اي فيصل واي اللي اكلمه ؟ من صجها ؟ طاح التلفون من يدها وهي واقفه ..
ريم صكته وتمت تحاتيها
راشد دش على اسماء وجافها واقفه .. مبققه عينها .. ومبطله حلجها .. ودموعها تنزل .. جن احد صب عليها ماي بااارد
راشد خاف عليها .. بسرعه راح لها: اسوم شفيج ؟
اسماء جنها ماتجوف شي .. تهز راسها وتصيح
راشد خايف: اسوووم تحجي ؟
اسماء من جافت اخوها لمته وقعدت تصييح

راشد تم يمسح على شعرها: شصاير؟
اسماء تصيح
راشد متضايق: اسوووووم قولي
اسماء تبي تقول شي مب عارفه
راشد خااف عليها: صاير شي ؟؟ قوليلي تحجي ..
اسماء تهز راسها
راشد قعدها عالسرير ومسح دموعها .. بهدوء: ماتبين تقولين لي يعني ؟
اسماء خشت ويهه بيدها وتمت تصيح تصيح من قلب
راشد متدوده مب عارف شيسوي ..
اسماء بزور تتكلم: خلـ ني بـ بـ ر وحي
راشد مايبي بس غصبن عليه طلع : انا فلبيت تبين اي شي تعالي
اسماء مب مصدقه .. مب مستوعبه .. ولا براضي هالشي يدش في بالها
الحين اللي مطيحه حب وغرام وياه
يطلع فصوول النحس الوطب الكريه الثقيل اللي مادانيه ؟
اكرررررررررهه اكرهه
بس احب ذاك .. بوسعود حبيبي
وفصول اكرهه
ياربيييييييي شهالسالفه .. انا ليش جذي مالي حظ؟ .. شهالخربطه ؟؟ ياربي ماقدر افكر ..
لا اله الا الله
يعني مالقيت غيره ذي ؟
شدخله فلسالفه ؟؟ وليش قاعده اكلمه ؟؟ وليش توني ادري ؟؟
اففففففف شقاعده اقول انا ؟
دار راسها .. تبي تفكر .. تبي تستوعب .. تبي تصدق .. تبي تركب الموضوع.. مب قادره
حاولت ترقد .. ماقدرت .. تمت تفكر .. تتقلب .. يمين يسار .. فوق تحت واسبح .. لي مااذن الفير ..
دش عليها راشد وكانت قاعده
راشد خايف: للحين مارقدتي؟
اسماء ساكته
راشد: قوليلي شفيج انا من البارحه احاتيج ماعرفت ارقد
اسماء متضايقه: تذكرت امي بس
راشد يحاول يصدق .. يود يدها: الله يرحمها ..يالله قومي صلي الحين ورقدي
اسماء تحاول تبتسم: ان شاءالله

فيصل نفس الشي ماقدر يرقد
طول الوقت يفكر يفكر
يتخيلها تتصل له .. حبيبته ام سعود .. تطرش له مسج .. تكلمه .. يسمع صوتها .. يسولف وياها .. يضحك وياها ..
بس اسماء لاااااا .. كلش لاء .. اللي يبيها مب اسمااء
( في خاطره) احبها .. بس ماحبها .. اكرهها .. بس حبيتها .. بس لا ماحبها .. بس كنت احبها .. لا الحين ماحبها .. ( فهمتوا شي ؟ )
مخه توشش .. مب عارف شيسوي ..
اهوه عمره مافكر في اسمااء .. ماكان يشتهي يجوفها ..
شلون الحين تطلع اهيا اللي كان يكلمها .. وليش كلمها دام اهيا اسماء ؟وليش توه يدري ؟؟
طلع يصلي الفير فلمسيد ..
عقبها ركب سيارته وراح البحر ..
متضااااااااااايق والدنيا سوده بعيينه
" لما يخاويك الحزن ويضيق بك وسع الفضا
ويصير هالعالم سجن وبداخلك جمرة غضا
يعني بعد كل ماعطيت واثنيت عمرك بالعطاا
وشهو شعورك لو لقيت ان اللي سويته خطاا ؟؟ "
تم قاعد على سيارته .. يجوف الشرووق ..
قعد يتذكر كلاامها .. سوالفها .. ضحكتها .. كل شي فيها كان حلو .. كل شي كان يحبه .. يحبه من قلب .. يحبه من صجه .. حلف لها جم مره ان يحبها .. بس
الشي الوحيد اللي يكرهه اليوم ان اهيا اسووم ؟؟؟؟؟؟؟؟؟ لا اله الا الله

ريم كانت تحاتيهم .. اخووها حبيب قلبها .. ورفيجتها حبيبة قلبها ..
اول مادرت .. استانست .. تذكر سوالف اسووم عنه .. كانت تحبه صج
وتتذكر سوالف اخوها عنها .. اهوه بعد يحبها
بس اللي يكدر .. انهم فلصج مايدانون بعض .. وكل واحد راسه ايبس من الثاني
قامت تصلي الفير ..
وراحت بتطل على اخوها
بطلت الباب .. كانت غرفته ظلاااام
راحت صوب السرير بالعدااال .. جافته محد .. تخرعت ..
طلعت ونزلت تحت .. بلعدااال عشان محد يحس .. قعدت تدوره تدوره .. محد
طلعت .. راحت الملحق .. كان مقفوول ..
راحت غرفتها وخذت تلفونها واتصلت له
كان حاذفه فلسياره وللحين مجابل البحر ويفكر ..
يرن يرن يرن .. ريم خافت .. ليكون فيه شي ؟؟
مارد عليها ..
اتصل لها ناصر
ناصر يصارخ: قلبييييييييييييييييي
ريم ابتسمت: هلا والله
ناصر: هلا وغلا هلا هلا .. شلونج ابوي؟
ريم خذت نفس: الحمدلله
ناصر حس ان فيها شي: ابوي فيج شي ؟؟
ريم: لا لا .. شلونك انت ؟
ناصر خاف: ابوي تحجي .. فيج شي ؟؟
ريم ابتسمت: لا والله بس رفيجتي .. سالفه طويله
ناصر: قولي معليه بسمع
ريم: انا مب فاهمه شسالفه .. اعرف السالفه واقولك
ناصر: لتحاتين انزين .. ان شاءالله خير .. شفيها مريضه ؟
ريم : لاااااا اسم الله عليها .. لا بس مادري بالضبط .. المهم شلونك ؟
ناصر ابتسم: انطررررررررررج .. يالله متى بتيين ؟
ريم : افففففف حدي ابي ايي اليوم قبل باجر
ناصر: يالله لا
ريم: مابقى شي ..
ناصر: حبيبتي بروح المطار من اليوم .. برقد هناك بنطرج
ريم: لا ههههههه
ناصر: اسويها ترى
ريم: لا لا يوز .. انا بقولك متى بنوصل بالضبط ..
ناصر: حدي ابي اجوفج
ريم ابتسمت: وانا بعد
ناصر يصارخ: احبببببببببببج
ريم تيود اذنها: لتصاارخ انزين اسمعك
ناصر: ابي قلبج يسمع .. انتي شسوي فيج ؟
ريم : يه ؟
ناصر: آيه علييج .. تعالي انتي شمقعدج ؟؟ صليتي ؟
ريم: ايي الحمدلله ..
ناصر: يالله حبيبتي لازم ترتاحين .. وراج سفر .. تعرفين بعد جم ساعه فلطياره بتخيسين وبتكسرين ..
ريم: الله يعين ..
ناصر: كله احاتيج اخاف وايد تتعبين فلطريج .. الله يعينج حبيبتي ويسهل عليج
ريم: آمين .. معليه كل هالتعب وراه .. انت
ناصر استانس: حتى لو مابيج تتعبين .. ارتاحي اليوم .. باجر السفر
ريم: ان شاءالله
ناصر: يالله حبيبتي روحي رقدي .. واذا قممتي بكلمج .. اوكي ؟
ريم: اوكي صار
ناصر: ولتحاتييين شي .. ارتااحي
ريم: ان شاءالله
ناصر بهدوء: احبج
ريم عضت على براطمها وخذت نفس: تحمل فروحك
ناصر: انتي اللي تحملي فروحج حبيبتي
ريم: ان شاءالله .. يالله باي
ناصر: بيباي ..
ريم على كثر ماهي مستانسه انها بتجوف ناصر ..
على كثر ماهي متضايقه على اخوها ورفيجتها ..
اتصلت حق اسماء
كانت توها راقده عقب هالتعب .. صاكه تلفونها .. وراقده
ريم انسدحت تحاول ترقد .. ماقدرت من التفكير .. ..
اسماء عقب ماصلت مادرت في روحها .. سيده رقدت من التعب

فيصل راسه عوره من كثر مايفكر .. يبي ينسى هالسالفه شوي مب قادر
مايقدر يحب وحده مايحبها .. السالفه تعقدت في باله .. ركب سيارته وشخطها البيت ..
وصل ونزل .. تذكر تلفونه .. رد ياخذه وجاف مسكولات ريم .. راح لها الغرفه .. كان الباب مصكوك .. تم واقف .. ادش ولا لا .. مايبيها تفتح وياه الموضوع
ميود الباب ومب عارف يدش لها ولا لا ..
ريم عيزت وهيا تتقلب .. ماتقدر ترقد الا اذا كلمت اخوها .. قالت بتطلع بتشرب ماي
بطل الباب وتخرعت كان واقف جدامها: وه يمه بسم الله .. فيصل ؟ .. (يودت يده ودخلته ) تعال تعال ..
فيصل كان ساكت ..
ريم قعدته علسرير وقعدت يمه
ريم خايفه: احاتيك ..
فيصل ساكت ..
ريم تبي تقول له شي مب عارفه
فيصل ساكت ويطالع سيده .. جن احد صافقه .. ماعطه بوكس .. شي جذي
ريم: امممم ..انته بخير ؟
فيصل ساكت ولا جن يسمعها
ريم يودت يده: فيصل ؟
فيصل مالتفت عليها .. تم يطالع سيده وساكت ..
ريم حست ان مافي فايده .. مابيتحجى .. : شرايك ترقد الحين ؟ شكلك تعبان
فيصل قام .. وهوه طالع: باي
ريم تمت قاعده مكانها مب عارفه شتسوي .. راحت له
اهوه كان قاعدعالسرير .. منزل راسه .. وحاط يده على راسه ومجندس وخاش ويهه
ريم تمت واقفه عند الباب ..
راحت له: تبي نتكلم في الموضوع ؟
فيصل يهز راسه ان لااء
ريم: تبي ترقد؟
فيصل يهز راسه ان ايي
ريم: اوكي ارقد وبعدين نتافهم
فيصل (واخيرا نطق): مابي
ريم سكتت .. مب عارفه شتقول .. : يصير خير
فيصل تم ساكت واهي طلعت ..
انسدح يحاول يرقد ماقدر
ريم ماقدرت ترقد ..
نطرت لين تصير عالأقل الساعه 9 وتروح حق اسماء
لبست دفتها وشيلتها .. نطرت امها تقوم عشان تقول لها ..
كانت قاعده علكرسي فلصاله .. تهز ريلها .. ميوده تلفونها .. وتلعب فلسويج ..
طلعت امها
ام فيصل: يالله صباح خير .. شفيج يمه؟
ريم ابتسمت .. راحت تسلم على امها: لا يمه .. بس بروح حق اسوم تعبانه شوي
ام فيصل خافت: وه يمه .. شفيها ؟ عسى ماشر
ريم: لا يمه .. مافيها شي .. بس تعبانه وتبيني اساعدها بعد .. خبرج باجر السفر
ام فيصل تكدرت: اي معليه يمه روحيلها .. خليها تكلمني لي وصلتي
ريم: ان شاءالله .. (وهي طالعه) يالله مع السلامه
ام فيصل: الله يحفظج ويسلمج حبيبتي

وصلت البيت .. نزلت من السيااره .. قفلت السياره .. طقت الجرس .. طلعت لها ميري
بطلت لها الباب
ريم: السلاام عليكم
ميري: أليكوم سلاام
ريم : اسماء وين؟
ميري: نووم
ريم خذت نفس .. ودشت داخل ..
كان راشد يقرا الجريده فلصاله .. ويشرب جااي .. نظاره . قرعه .. فانيلة وصروال
ريم تفشلت .. : صباح الخير
راشد توه منتبه لها .. حط الجريده وقام لها: هلا هلا صباح النور .. حي الله من يه
ريم ابتسمت: الله يحييك
راشد: الله يابج .. توج في بالي
ريم خافت: شصاير؟
راشد: لا بس اسوم مادري شفيها تصيح من امس مب راضيه تسكت .. وبزور رقدت .. (فصخ نظارته) تعرفين شفيها؟
ريم يزعم ماتدري شسالفه: لتحاتي مافيها الا الخير ان شاءالله .. انا بروح لها وبجوف شسالفه
راشد ينظف نظارته: ماتقصرين ..
راحت غرفة اسماء .. بطلت الباب بلعدال .. كانت اسماء راقده وشكلها يكسر الخااطر ..
قعدت ريم عالأرض .. وتسندت عالطوفه .. تنطرها تقووم ..
تمت يمكن ساعة ..
واسماء راقده .. بطلت عينها وجافت شي اسود قاعد عالأرض متسند وقاط راسه .. تخرعت: ييييييمه !!
ريم بهدوء: اششششش انا ريم .. (راحت لها وقعدت يمها) انا ريم شفيج ؟
اسماء بزور تبطل عينها: ريمو ؟ شيايبج ؟؟
ريم ابتسمت: طرده ؟؟ اطلع يعني ؟
اسماء قامت وبطلت البرده .. : حيااج الله .. بس دقيقه بغسل ويهي وباييج ..
قعدت ريم تنطرها ..
ياتها اسماء .. ويهه كان حده تعباااااااان
ريم ابتسمت: شفيج ؟
اسماء تكدرت: لتيبين لي هالسالفه بليز .. بليز انسي الموضوع جم يوم .. خليني اصدق الصدمه بليييييييز .. ريمو اذا تحبيني بليز مابي مابي والله مابي خلاص
ريم تكدرت: اوكي اوكي خلاص مابييب طاريه .. بس مابنساه .. برد اقول لج عنه
اسماء: معليه بس مب الحين ولا بباجر .. نطريه خل تمر فتره .. (يودتها) ريمو انا تعبت
ريم يودتها بالحيل: اسم الله عليييييييج من التعب .. انا اعرف اتصرف بس
اسماء تقاطعها: مب الحين .. بليز ..
ريم: اوكي خلاص مب الحين مب الحين .. بس ابيج ترتاحين باجر وراج سفر

اسماء: اففففففف مالي خلق اسافر .. حدي حدي مالي بارض
ريم تبي تغير السالفه: بلا دلع يالله .. قالت مالي خلق قالت .. يعني يايه بيتكم ماتريقيني ؟
اسماء ابتسمت: افا عليييييج امشي يالله نتريق
ريم سحبتها: قومي لبسي دفتج بنطلع
اسماء عفست ويهه: وين نروح؟ من صجج انتي ؟
ريم ابتسمت: بتلبسين دفتج ولا شلون؟
اسماء: روحي منااااااااااك ..
ريم يزعم معصبه: والله .. ان ماقمتي
اسماء تقاطعها: ريمو مافيني شده ..
ريم يودت يدها: ترى
اسماء تقاطعها: افف اففففف حنااااانه انتي ..
ريم وهي طالعه: انطرج فلسياره
اسماء عافسه ويهه: اففففف مابي اروح ممكاان
ريم سوت روحها ماتسمع ونزلت
اسماء بسرعه لبست دفتها ولحقتها .. تصارخ: نطري بقول حق رشوود
راحت بسرعهه غرفته : راشد بروح شوي وبايي
وطلعت
راشد تم واقف: تعااااااالي .. وين وين ؟
اسماء ركضت: مادري مادري
راشد لحقها: هييييييييي احاجيج .. هييييييي
اسماء ركبت السياره وبطلت الدريشه: هاا
راشد: وين على الله ؟
اسماء تطالع ريم: السؤال موجه لج
ريم ابتسمت: شوي بس وبنرجع
راشد: انزين لتأخرون .. اغراضج جهزيها حق باجر
اسماء ابتسمت: ان شاءالله .. يالله باي
راشد: باي
اسماء التفتت عليها: وين بتوديني ؟
ريم وهي تمشي : بندور في ربوع بلادي .. قبل لنسافر
اسماء: مااااااااااااالت عليج .. صج متفرغه
ريم عند الاشاره: نزلي بسرعه
اسماء فيها الضحكه: ويهج عاد
ريم: بس عيل ..
ريم تحاتي اخوها .. في بالها .. بس ماتبي تكلمه جدام اسمااء ..
اسماء ساكته تفكر .. مب قاعده تركب السالفه في بالها ..
ريم شغلت المسجل على اغنية خير ان شاءالله
اسماء مالها خلق تسمع ..
ريم: هالاغنيه اهديها لج
اسماء رفعت حاجبها وتطالعها بنص عين
ريم تبي تحرها .. تغني: اذا تقوى .. انا مقوى .. ترى الدنيااااا ولا تسوى
اسماء مافهمتها
ريم: احم .. اهداء لج من نااس
اسماء توها مستوعبه .. صكت المسجل
ريم شغلته: خليه
اسماء معصبه: مب حلوه لغنيه
ريم تغني: حنيني غصب يدفعني وياخذني الوله يمك
اسماء عصبت: صوتج مب حلوووو
ريم تطالعها .. ببراءة: اذا تقوى .. اناااااااااا مقوى
اسماء: لتقوين احسن شسوي فيج .. (صكت المسجل) افففففف مزعجه
ريم غيرت السالفه: كملتي اغراضج؟
اسماء: لاااااا للحين
ريم: انزين بنمر ناخذ لنا آيس كريم .. وبوديج تكملين
اسماء: مابي شي .. بس وديني
ريم: لتدلعين ..
شروا لهم آيس كريم وودتها البيت
قبل لتنزل
ريم ابتسمت ويودت يدها: اسوم؟
اسماء منزله عينها: خير؟
ريم: لا بس ولا شي .. روحي وحسابج معاي بعدين
اسماء صكت الباب وراحت
دشت البيت وتتذكر كلمات لغنيه
اذا تقوى انا مقوى .. ترى الدنيا ولا تسوى
وخير ان شاءالله ؟!!
تقول في خاطرها: وخير يعني ؟ شفيها؟ وذا طلع فيصل ؟؟ بعد الحـ (غيرت رايها) لالا خيولي .. هذي اللي قاصر .. مادرييت .. كملوا الرياييل احب لي فصول ؟
راحت غرفتها .. وقطت شيلتها ودفتها وبطلت الشنطه .. مب مشتهيه تسوي شي ..
دشت عليها ميري ويايبه ثيابها مكويتهم .. علقت اللي بتلبسه حق المطار .. والباقي طوتهم وحطتهم فلشنطه
ريم مب عاجبها الوضع كلش .. وماتبي تسافر والسالفه جذي ..
راحت البيت .. دشت غرفتها .. فصخت دفتها وشيلتها وعلقتهم .. فلت شعرها وراحت حق فيصل ..
بطلت الباب بلعدال .. كان محد .. قالت اكيد راح المسيد .. اليوم يمعه
طلعت ونزلت حق امها
كانت واقفه فلصالة .. تجوف الصور وتصيح ..
صورة فيصل وريم ونجود وهمه يهاال
ريم قاعده على حضن فيصل ويشربها حليب وفيصل كان شكله ميت من الضحك فلصوره وريم نتفه تينن حدها كيوت ..
والصوره الثانيه قاعدين ثلاثتهم منسدحين يم البحر ويضحكون ..
وفي صورة كلهم ملبسينهم بشاار صلاة أحمر ثلاثتهم ومقعدينهم علسياده .. شحليلهم
ريم وقفت مكانها
ام فيصل حست فيها مشت دموعها
التفتت عليها: ها يمه .. تتغدون ؟
ريم سكتت تمت تطالع امها ..
ام فيصل ساكته
ريم دمعت عينها وضمتها ..
ام فيصل ضمتها بقوه وقعدت تصيح
وريم تصيح
نجود نزلت وجافتهم جذي دمعت عينها
راحت لهم ولمتهم وصاحت وياهم
ام فيصل وهيا تصيح: يمه رييم ماستحمل فراقج يمه
ريم تصيح: يمــــــــه
نجود تصيح تصيح: يالخااايسه ..
ريم معورها قلبها ان بتسافر وبتخليهم
ام فيصل ماتقدر تستحمل ان ريم بتروح عنهم .. ماسوتها من قبل .. ماتقدر تتخيل البيت بدون ريم
نجود بعد متعوده على ريم .. يعني سفرها حتى لو مابيطول .. بيصير البيت ماله طعم
تموا يصيحون من قلب ..
عقب شوي من لصياح
نجود تمش دموعها: بسكم عاد عطيناكم ويه ..
ريم ابتسمت
ام فيصل تمش دموعها .. تيود يد ريم: بتسافرين يمه ؟
ريم تطالع الأرض: يمه عااد !!
نجود تغير السالفه: يعني شكلكم مب ناويين اتغدون اليوم ؟
ام فيصل: امبلا يمه ننطر ابووج وخووج ايون من المسيد
نجود تطالع الساعه: صارت ثنتين ونص .. وينهم ؟
ام فيصل: اكيد جابلوا الرياييل وقعدوا يسولفون ..
نجود ميوده بطنها: عاد انا يوعاااااانه
دشوا بو فيصل وفيصل: السلااااام عليكم
الكل: وعليكم السلام
فيصل شكله كان متضايق .. ابين عليه .. مزاجه متعكر ..
بو فيصل راح حق نجود ينقزها في بطنها: يوعانه ها ؟؟ يوعانه
ونجود تناقز: ييييييييييييبه .. يبه لا يبه ..
وهو ينقز وهي تناقز ..
ريم تضحك عليها
ام فيصل راحت بتنجب الغدا
نجود شردت .. تحاجي ابوها: لتجيسني ها
بو فيصل يضحك: باييج صبري (يحاجي ريم .. حط يده على جتفها) ها يبه .. جاهزه ؟
ريم تطالع فيصل .. : بقى فيصل
فيصل قاعد علكرسي يقرا الجريده " الريااضي اكيد " ..
بو فيصل: يبه خلصوا اغراضكم عشان ترتاحون .. باجر سفرتكم من الصبح ..
فيصل وهوه يقرى: ان شاء الله يبه لتحااتي
نجود طلعت من المطبخ: يعني مب ناويين تتغدون انتوا ولا شسالفتكم؟
بو فيصل: يالله يالله يايين
راحوا يتغدون
نجود وهي تاكل: ريمو عاد هالله هالله فلهدايا
ريم ابتسمت: افا عليج
بوفيصل: ماعليج منها .. انتي راحيه تدرسين .. لتيبين شي
نجود تخز ابوها .. تتحلطم بلعدال: ونت شعليك؟
فيصل كل شوي وقام: نعم الله عليكم
بوفيصل: وين يبه ماكلت شي ؟
ام فيصل: يمه فيصل !!
فيصل وهوه طالع: شبعت الحمدلله
نجود تحاجي ريم: ماعليج ها ؟
ريم ابتسمت: اي اي اكيد
ام فيصل: يمه من توصلون هناك طمنيني عليج ..
ريم: ان شاءالله يمه من عيوني
ام فيصل: تحملي فروحج .. وخلج ويا اخووج
ريم: ان شاءالله
بوفيصل: حتى لو رد اخوج .. خلج ويا البناات مال جامعتكم .. ولد عمج بعد هناك
ريم فز قلبها: اي اكيد
نجود تتحلطم .. تقلد امها: تحملي فروحج .. طمنينه عليج حبيبتي . .كل يوم عالغدا هذي سالفتكم ؟؟ غيروها حفظناها .. لحظه بنغيرها .. امممممم
شربت العصير .. : مممممم .. الساعه جم طيارتكم ؟
ريم: الصبح .. المفروض عشر تطير
نجود: امممم والساعه جم بتطلعون من هني ؟
ريم: فيصل قالي سبع ..
نجود: بوووووو بنقوم من وقت يعني ؟
ريم: مب لازم تقومين .. بسلم عليج الليله
نجود: لا لا .. بوصلكم المطاار
ام فيصل: بنيي المطار يمه ..
بوفيصل: مالكم سالفه بس سلمو عليها فلبيت
ام فيصل: لا انا بروح
نجود: انا بعد


ناصر كان يرتب شقته ..
اتصل له عبدالله: الوو
ناصر قاعد يخم : هلاا هلاا
عبدالله: شهالازعااج ؟
ناصر صك الفاكيوم: ولا شي .. شخبار؟
عبدالله: الحمدلله .. فلشقه ؟
ناصر: ايي .. بتيي ؟
عبدالله: يوعاااااااان
ناصر: ونت متى مايعت ؟ كل ماتكلمني يوعاان ويوعاان !!
عبدالله: علي بلعافيه .. انت شدخلك ؟
ناصر: بروح انا شقة بنت عمي
عبدالله مب فاهم: بنت عمك؟
ناصر: الشقة اللي يم شقة فواازوو
عبدالله ابتسم: اي اي تذكرت ..
ناصر: بروح بحط لهم جم غرض
عبدالله: مايسوى عليك هالبنت عم
ناصر: جب كيفي
عبدالله: كيفك يبه كيفك .. لي كملت اتصل لي بنروح ناكل
ناصر: زين .. يالله باي
عبدالله: باي

عقب الغدا ..
ركبت ريم فوق .. دشت غرفتها .. خذت تلفونها .. واتصلت حق اسمااء .. ماردت عليها
راحت حق اخوها .. كان واقف يفرر في التلفزيون في غرفته ..
ريم وقفت عند الباب .. ابتسمت .. تجتفت .. : هاا الفيص .. مالك نيه نجهز اغراضك ؟
فيصل التفت عليها .. وماله نفس: الحين عاد ؟
ريم تتطنز: كيفك اذا تبي باجر الصبح انا ماعندي مشكله
فيصل .. بهدوء: شرايج تراويني انتي وانا اقولج اي ولا لا
ريم تتحلطم: يالفاااااااااج .. قوم يالله راوني بلا دلع
فيصل ماله خلق: اففففففف ..
ريم راحت له وسحبته: يالله عاد عشان اعطيها تكويهم لك .. قووم
فيصل قام: زين زين يالحناانه ..
ريم ماهدته الا يوم كملت كل اغراضه .. ولا لو عليه اهوه .. ولا بيسوي شي ..

ناصر قايل حق فيصل ان السكن خل يخليه عليه ..
وفيصل خبر الجامعه ان مايدورون لهم سكن ..
ناصر ادرى وافهم ..
الشقة كانت اولريدي مفروشه
بس بلمسات سحريه من الشيخ ناصر .. صارت وااااااو
فيها غرفتين نوم .. صالة مفتوحة عالمطبخ .. وحمامين ..
مب وايد صغيره.. نوت باد
غرفتين .. علأساس غرفة ريم وغرفة أسمااء ..
بس فيصل بيي .. خلى السريرين في الغرفة الأكبر .. والغرفة الثانيه خلى فيها مترس
شرالهم كولتاات وشرااشف
يدري ان ريم تحب الألوان الفاتحه .. وردي وأبيض .. شرالها كولت نااعم
" عنده ذوق الريال "
شرالهم اغراض الثلاجه .مااي .. عصير ... بيبسي .. حليب .. جبن .. هالسوااالف
والزين في شقتهم ان في يمهم سوبر ماركت عوود .. يعني اي وقت ينقصهم شي ينزلون ..
شرالهم تقريبن كل شي يحتاجونه .. بس بعد اكيد في اشيا ناقصه ..

يتبع

 

[احترت اعبر]

يوم السفر ..
أذن الفير ,, قامت ريم تصلي .. قومت اخوها يصلي .. واتصلت حق اسووم بعد
دشت تتسبح وتبدل ..
اهيا ورفيجتها متفقين يلبسون نفس الشي
بس الألوان تختلف
لابسين جينز
والتوب كان سليف لس .. وتحته بدي يد طويله
ريم كان ابيض مورد بالأسود وحزاام اسود .. ووست باق أسود
واسماء كان بيج مورد ببني وحزام بني ..ووست بااق بني
فيصل كان لابس جينز وقميص أسود مجفس يده ..
ام فيصل وبوفيصل كانوا تحت ينطرون
نجود عقب الصلاة ماقدرت ترقد
بسرعه لبست دفتها ونزلت تحت تنطرهم
عقب ماصكت لشناط نادت جاندرا تنزلهم ..
ام فيصل ونجود حابسين دمعتهم ..ومتضايقين ..
فيصل كلش ماله خلق يسافر بس شيسوي ..
نزلوا يميع .. فيصل وريم ..
سلموا على امهم وابوهم
فيصل لبس نظاارته: يالله مشينه
ريم ميوده نظارتها وحاطه الجوازات والتذاكر و والتلفون والبندوول وكحل والانتي بكتيريا والاشيا المهمه فلويست باق ..
طول الطريج ريم قاعده وسط امها واختها
امها ميوده يدها واختها ميوده يدها الثانيه .. اذا تبي تحك ويها نزلت راسها

اسمااء لبست بسرعه وقومت اخوها
لبس برومدا بيضه وتوب احمر عباله رايح المباراه

في المطاار ..
لحظه الودااع
ولييت ربي ماخلق لحظه وداااااااع

نبتدي باسماء ..
فصخت نظارتها .. يودت يد اخوها وجابلته
راشد نزل ويهه .. متضايق: بتروحين وتخليني ؟
اسماء ماقدرت تيود روحها .. لمته بلقوه وقعدت تصيح
راشد متفشل جدام الأوادم .. كلمن يطالعها.. بس بعد مايبيها تروح وتخليه .. تعود عليها كل يوم وياه .. ماقط تصيير وتسافر عنه .. دمعت عينه .. وهي تصيح .. من قلب .. ماتتخيل تروح عنه .. راشد مب أي احد .. لمته بالقوه .. تي شيرته تبللت دموعها ..
راشد والعبرة خانقته: اسوووووم بس قطعتي قلبي
اسما هدته وقعدت تمش دموعها: رشود مابي اروح .. بتم وياك
راشد ابتسم بالغصب.. يودها: لا روحي .. بس لتنسين تطمنيني عليج .. من توصلين ها
اسماء تمش دموعها: رشوود مابي
راشد جن مايسمعها: خلج ويا ريم لتهدينها .. ولو تحصلين لكم سير تربطون يدكم يميع وايد زين
اسماء ابتسمت: تصدق يبيلنا ؟
راشد ابتسم .. يود يدها: تحملي في روحج اسوم ..
اسماء :ونت بعد
راشد: اي شي تبين اتصلي .. اكا فيصل بعد مابيقصر
اسماء عفست ويهه: لتحاااااتي
راشد حبها: يالله ما أاخرج .. تروحين وترجعين بالسلامه
اسماء دمعت عينها: راااااااااااشد
راشد مايبي يتم دقيقه ويصيح عليهم وينفجر: الله يحفظج ..
رااح عنها .. وتمت واقفه .. ماقدرت تستحمل .. ركضت له : رااااااااشد
التفت عليها .. ياته ركيض ولمته وقعدت تصيح: رشووود لتروح
راشد دمعت عينه: اسوووم بس عاااد
اسماء تصيح: راشد مابي اروح ابيك
راشد خلاص نزلت دمعته: اسمااء
اسماء لمته ومب راضيه تهده .. كسرت ضلوعه .. وراشد مايقدر يستحمل ..
اسماء تمت شوي .. عقب سلمت عليه وحبته بالقوه هدته
راشد فصخ نظارته ومش دموعه: يالله اسوم بامشي اناا .. روحي لهم
اسماء وقفت تطالعه : لتروووح .. رااشد !!
راشد مشى عنها: مع السلامه
رااح وتمت وااقفه تطاالعه .. التفت عليها وأشر عليها بيده .. ابتسمت ورفعت يدها تسلم علييه .. وراااح .. تمت ليي مارااح ومابين .. عورها قلبها .. لا اله الا الله الله يصبرني ..


نروح حق ريم ..
بو فيصل سلم على ولده: يالله يبه .. تحمل فروحك ..
فيصل: ان شاءالله
بوفيصل: تحمل في اختك .. ورفيجتها
فيصل مب عاجبته " رفيحتها" : ان شاءالله
بوفيصل سلم على بنته: يالله يبه .. تحملي فروحج .. وطمنينه عليج
ريم وحابسه الدمعه: اكيد
بو فيصل يحاجي مرته: يالله
ام فيصل تصيح .. لمت بنتها بقوه .. بزور تتحجى من لصياح: حبيبتي !!
ريم تصيح .. : يمه !!
ام فيصل تصيح: آآآآآآآه يمه .. رييم
ريم تصيح بقوه ولامه امها بالحيل: يييييمه
بوفيصل حس بالموقف المؤثر: بس عاد .. وين بتروح اهيا حرب ؟؟
فيصل يبي يغير السالفه: عاد يمه مب جدام لواادم الله يهدااج
ام فيصل بزور هدتها . .حبتها: بالسلامه يمه .. الله يحفظج
تمت واقفه تطالعها .. ماقدرت .. ردت لمتها وتمت تصيح .. وريم لمتها ماتبي تهدها
فيصل: يمه !!
ام فيصل هدتها .. بالزور .. وبالغصب .. ماودها ..
نجود تصيح لمت اختها : ريمو يالدبه بتوحشينيي
ريم تصيح.. ماتبي تهد اختها: وانتي اكثر والله ..
بوفيصل: بسكم عاد
ام فيصل ردت تلمها: حبيبتي طمنيني عليييج
ريم: ان شاءالله يمه
بوفيصل بدا يعصب: انا لله .. انا فلسياره (يحاجي بنته) بالسلامه يبه
ريم ابتسمت: يسلمك
بزور راحوا امها واختها .. وقفت ريم تطالعهم .. واهمه كل دقيقه التفتوا عليها يسلمون ..
عقب ماراحوا .. التفتت تدور رفيجتها .. كانت قاعده علكرسي .. منزله راسها وحاطه يدها عليه .. وتصيح
راحت لها .. وتجابلوا وقعدوا يصيحون .. لمتها ريم بالقوه .. وتصيح .. واسماء تصييح
فيصل مستعيل يبي يدش .. وذلين اصيحون..
راح لهم معصب: يالله مشينه
اسماء ماكانت تبي تجوفه .. قامت ومشت دموعها
وهوه جدم جداامهم ..
راح يحط لشنااط ..
وتمت ريم واسماء علكرسي
اسماء ميوده قلبها: ابي رشووووووود .. من الحين احس ولهانه عليه ..
ريم: اااخ قلبي .. ابي امي وابوي .. ابي نجود .. ابيهم كلهم
عقب شوي حمد ياهم
حمد: صبباح الخير
ريم رفعت راسها: هلا صباح النور
حمد ابتسم: كل شي تماام ؟
ريم: الحمدلله
حمد: عيل وينه اخوج
ريم اشرت عليه: كاهوه
حمد راح له
اسماء ماتبي تجوف فيصل ..
بس شتسوي ..
اسماء: ريمو تريقتي ؟
ريم: لااا .. وانتي ؟
اسماء: لاا
ريم: معليه عقب بنروح كوستا بناكل لنا شي ..
فيصل ياهم .. وعينه على ريم : يالله مشينه ..
فيصل يبي يلتفت عليها .. بس كل ما يلتفت يصدها
واسماء كلش كلش ماتبي تطالعه
فيصل في باله .. مانسى
وريم متوهقه بينهم
دشوا داخل ..
ريم تنادي اخوها كان مجدم: فييصل
فيصل وقف لها : همم ؟
ريم: يالله نروح جسميز
فيصل من قالت له جسميز تذكر اسماء .. اسماء وقفت مكانها واهوه وقف مكانه
ريم من صجها: خاطري في BIG J بلين وذ جييز
اسماء تمت تتذكر يوم تكلمه .. وفيصل ابتسم .. اسماء عصبت وتمت ساكته .. ماتبي شي يذكررها فلسالفه
اسماء سحبت ريم: بومه انتي ؟
ريم مستغربه :شفيج ؟
اسماء مب عارفه شتقول: شدراني فيج .. جسميز من الصبح ؟
ريم ابتسمت: يوعانه شفيج .. شدعوه باكل فلطياره شي
اسماء: ذلفي مابي .. خنروح كوستا احسن
ريم ببراءة: بيوحشني جسميز .. خاطري
اسماء معصبه: ماحبه انا
ريم مستغربه: الله واكبر .. من متى؟
فيصل كان واقف ينطرهم ..
اسماء: اففففففف بس بس
ريم ابتسمت: عناااااااااد لج .. مافي الا جسميز .. (يودتها) تبين كوستا روحي بروحج
اسماء عصبت .. ريم راحت حق اخوها
اسماء راحت لهم: اففففففففف
فيصل ابتسم .. جافها عصبت عرف ان من هالسالفه .. لكن عناد لها
صج مايبي يكلمها .. بس يبي يحرها .. راح لها .. بهدوء: big j ؟
اسماء تفشلت .. نزلت راسها وماردت عليه
فيصل وقف مكانه: بلين وذ جيز ؟؟
اسماء ويهه صار احمر مب عارفه شتسوي
ريم سحبت فيصل: اي اي اهيا نفسي ..
اسماء متفشله ..
فيصل راح بيطلب لهم ..
ريم تطل في ويهه: اسوم شفيج ؟
اسماء معصبه: اففففففففففف اكرهه جسميز اكرهه
ريم مستغربه: شفيج الحين ؟
اسماء: مابي مابي بس مافيني شي انجبي بليز
ريم تخزها: الحمدلله والشكر .. شقلت لج انا الحين ؟
فيصل ياهم : امشو نقعد
اسماء وقفت .. ريم راحت ورا اخوها .. التفتت عليها: امشي
اسماء عافسه ويهه .. راحت قعدت .. تحووس في تلفونها ماتبي تجوفه
وهو يحوس فيي تلفونه مايبي يجوفها
وريم تطالعهم
اسماء تقرا مسجاتها .. وكله مسجاات فيصل .. سيده طلعت وحطت التلفون بقوه علطاوله
فيصل راح اييب الأكل .. حطه عالطاوله: سموا
اسماء تهز ريلها وعينها عالأرض
فيصل بلعماله خذ السندوج مالها وعطاها .. : سمي
اسماء خذته وتمت تطالعه .. اهوه ببراءة يطالعها .. اهي نست روحها
ريم كانت لاهيه تاكل
اسماء بسرعه نزلت عينها .. فيصل قعد ياكل
فيصل قلبه ابيض .. يحاول يستلطفها .. يتقبل الوضع .. بس اهيا مب ماعطته ويه .. واذا تنيحست بيصير أنحس
قعدوا ياكلون ..
اسماء توها مستوعبه شي .. كانت تشرب البيبسي .. بسرعه حطته عالطاوله وصرخت: ريمووووووو
فيصل مستغرب .. تخرع .. شفيها ذي ؟
ريم بققت عينها: ها شفيج ؟
اسماء حست ان العين عليها .. نزلت راسها وسكتت
ريم متدودها: شصاار ؟
اسماء بلعدال .. متفشله: لا بس توني مستوعبه شي
فيصل يهز راسه .. في خاطره الله يعيني عليها هنااك
ريم سحبتها: شنو؟
اسماء تساسرها:عقب عقب
صار هدووء .. تموا ياكلون ..
اسماء توها مستوعبه .. سحبت ريم: انا شلون مجابلتكم ؟؟ ..
قامت وخذت بيبسيها وقعدت عالطاوله اللي يمهم
فيصل تضايق .. في خاطره: خل ينفعها غرورها .. ختولي انا شفيني الحين ؟ مالت عليها
ريم تفشلت مب عارفه شتسوي .. راحت لها: قومي قومي
اسماء تلعب فلعوود: مابي
ريم: قومي خنروح السووق شوي
اسماء: مافيني شدة ريمو
ريم سحبتها: بتقومين غصبن عليج ..
ريم التفتت على اخوها: شوي وبنيي
فيصل: وين ؟
ريم: اهني بس بنجوف العطوور والكيمرات وهالسوالف
فيصل: اوكي
ريم سحبتها ووقفتها: انتي شفيج ؟؟ غبيه ؟
اسماء عصبت: شسويييييييت ؟
ريم: شلا تسوين جذي ؟؟
اسماء: ماسويت شي .. شفيج الحين انتي ؟
ريم: غبيه والله غبيه .. لتقصين على روحج وتقصين علي
اسماء تغير السالفه: امشيي نجوف العطور
ريم يودتها: اسماء ..
اسماء: ريم مابي اتكلم في هالموضوع بليز ها

ريم عصبت: اسوم شفيج ؟؟ ماخبر قلبج اسود جذي ؟
اسماء تكدرت: ااسود عاد ؟
ريم تتطنز: مفحم بعد
اسماء تكدرت: من صجج ؟
ريم ابتسمت: مالت عليج اقول ..(تحرها) بس خلاص نتكلم في هالموضوع مره ثانيه
اسماء يودتها: لا ليش تقولين جذي ؟
ريم: ليش تقصين على روحج ؟؟ ليش تتكبرين على شي انتي تبينه ؟؟ ليش ؟؟
اسماء مب فاهمه: شدراني
ريم: اسوم انا من صجي احاجيج .. ليش وانتي اللي حلفتي انج تحبينه .. نسيتي ؟
اسماء خذت نفس .. بهدوء: احب بوسعوود .. ماحب اخوج
ريم يودت راسها: يا انتي مينونه يا انا مينونه ..
اسماء تتطنز: اكيد انتي
ريم عصبت: اسووووووم !! الريال هذهوه .. اللي تحبينه اهوه اخوي .. شفيج الـ
اسماء تقاطعها: من قاااااالج ؟؟ اففففففف ريمو لتعورين راسي في هالسالفه
ريم: انتي شفيج ؟؟
اسماء: بس خلاص ماصار شي
ريم: عبالج ماحس فيج ؟؟ ماجوف ويهج شيصير اذا يطالعج ؟
اسماء: يخسسيييييي الا اهوه لايصير فيني شي ولا شي .. وبعدين عادي انتي اشوله معوره راسج الحين
ريم بعصبيه: لانج تهميني .. وخوي يهمني بعد
اسماء: يختي ماشتهييه .. شسوي ؟
ريم: تقصين على روحج والله .. لتحطين في بالج ان ماتشتهينه .. تخيلي كلامه قبل ويااج .. وركبي كلامه عليه .. ولين ماتستوعبين
اسماء: بووووووو لي ماستوعب عزة الله
ريم تقاطعها: لا ان شاء الله الشبكه تكون جيده
اسماء طلعت لسانها: ويهج
فيصل يه صوبهم .. يطالع ريم : يالله نادوا علطياره .. امشوا
اسماء تطالع الأرض ولا تبي تجوفه
وريم متضايقه
فيصل مايحب احد يعامله جذي .. وكل ما تكبرت زود اهوه بيتكبر ..


نجود تحاجي رفيجتها والدمعه على خدها: وااااااااي ماستحمل البيت خاالي
عايشه: تلاقينهم للحين ماطاروا ..
نجود: بووووووو انا من الحين واحس ان ماشتهي البيت .. ابيهم
عايشه: الله يعييييينج ..
نجود تمش دموعها: آمين
عايشه: الوووو
نجود: همم ؟
عايشه: تعالي بيتنه غيري جو
نجود: لا لا مافيني شده
عايشه: تعالي بشرح لج ريض
نجود: اخيي من صجج ؟ تبيني اغير جو بالريض ؟ يعلني ماغيرت
عايشه: انزين امشي ندرس مابقى امتحاناتنه يالبقمه
نجود: اففففففف ماشتهي ماشتهي
عايشه: وه عليييييييج ..
نجود: امششي تغدي عندنا
عايشه: لا حبيبتي انا اسوي رجيم .. نسيتي ؟
نجود: ويييييي عشتوا .. من بغى عافيه على عافيه ؟؟
عايشه: زاده الله سقاام .. حفظناااهه
نجود: بس عيل دام فيج عافيه خلاص
عايشه: لا لا والله متنت
نجود: انزين مب ايام امتحانات .. نطري فلاجازه .. اشك بتواصلين
عايشه: افففف .. امي تناديني بكلمج عقب
نجود: انزين انزين .. يالله باي
عايشه: باي

نجود نزلت حق امها ..
كانت قاعده وتجوف صورة ريم وفيصل اللي فلصاله
نجود تبي تغير الجو .. تصارخ: ييمممممممه
ام فيصل التفتت عليها .. تمسح دموعها: ها ها يمه شفيج ؟
نجود راحت تبطل التلفزيون
وام فيصل مب عارفه شسالفه
نجود حطت الحلقه وتربعت جدام التلفزيون .. التفتت على امها: امشي قعدي يمي
ام فيصل: ماعبر
نجود تتحلطم: كله ماعبر ماعبر
ام فيصل: شصاير؟
نجود: اقولج تعالي قعدي مب راضيه
ام فيصل: وه ..
نجود: تعااااااالي
ام فيصل حطت تكيه وقعدت عليها .. يم نجود
ام فيصل: عاد ردي ورا عينج بتعورج
نجود تاخذ نفس :آآآآآآآآه يمه آآآه .. لحقي على بنتج (قطت راسها حق حضن امها)
ام فيصل مستغربه: اسم االله عليج يمه شفيج ..
نجود نقزت: اكااااااهوه ..يمه يمه جوفيه .. (تمت تطالعه ومبققه عينها وحلجها مبطل .. فهت)
ام فيصل تسحب شعر نجود: الحين انتي مناديتني وتعالي ولحقي آخرتها على هالكريه ؟
نجود تطالع ولا جنها تسمع
ام فيصل: قومي درسي بلا هالخرابيط
نجود تطالع ولا جنها تسمع
ام فيصل: قومي يحظي
نجود مبطله حلجها
ام فيصل: اسم الله علييج .. حبيبتي ؟
حطو دعايه التفتت عليها : يييييييييييمه
ام فيصل: مب حلو ترى مافيه زود .. قومي درسي اقول احسن لج
نجود تبتسم بخبث: بذمتج .. مب احلى من ابوي ؟
ام فيصل طقتها بالعداال على جتفها: ابوج احلى .. عيب يالله قومي
نجود تتحلطم .. قامت وقفت علطاوله .. وتأشر علتلفزيون .. تغني: هلي لاتحرموني منه !!
ام فيصل: ويييي الحمدلله والشكر ينت بنتي ..
نجود: يمه .. بس بس خلاص مامنج فايده .. محد مات ؟ روحي خلفي عليهم
ام فيصل: ول عليييييييييييج
نجود جابلت التلفزيون وام فيصل راحت المطبخ ..
رن تلفون البيت ..
نجود ماتشتهي تشيله .. وام فيصل فلمطبخ ..
ام فيصل تصارخ: ردييييييي
نجود قامت تتأفف: الوووو
ناصر انصدم .. ريم ؟ للحين مارحت ؟؟
نجود معصبه: الوووووو
ناصر: حبيبتي والله .. شلونج ؟
نجود استغربت .. بسطت يم التلفون تسايره : بخيير ونعمه .. شلونك انت فديت عمرك ؟
ناصر: بخيير دامج بخير حبيبتي .. مارحتي ؟
نجود مب عارفه شتقول: لا والله للحين
ناصر مستغرب : صاير شي؟
نجود توهقت: لاااا بس جذي
ناصر مب فاهم: ابوي شفيج ؟
نجود متوهقه: مافيني شي
ناصر: ليش مارحتي ؟؟ طارت الطياره عنج
نجود وقف قلبها: هااااااااا ؟ من انت ؟؟؟؟؟؟؟
ناصر حس ان الصوت تغير شوي: انتي ريم ؟
نجود فيها الضحكه : مالت عليك .. انا نجود
ناصر تفشل: مالت عليج انتي .. نفس الصوت ماشالله
نجود متفشله: مااااااالت عليك
ناصر متفشل: وشلا ماتقولين لي من الصبح وتخليني اسولف وياج ؟
نجود: انا شدراااااااني ان انت نصوور الثوور بوريحه
ناصر عصب: ثووووره انتي
نجود تتطنز: هاهاها مافي ثوره
ناصر: ولا تزعلين . .بقره
نجود عصبت: انت شتبي الحين ؟
ناصر ببراءة: ريم
نجود: ريم محد .. سافرت
ناصر يتطنز: حلفي بس ؟؟
نجود: خربت علي الحلقه الله يخرب علييك
ناصر يقاطعها: بس بس لتدعين علي ..
نجود مالها نفس: في شي ؟
ناصر: ايي ابي رقم الرحله .. كل مره اقول بسألهم وانسى
نجود: مشكلتك
ناصر: قوليلي اذا تعرفين
نجود: وانا شعرفني ؟
ناصر: انزين تصرفي
نجود: قوم ول .. شتبي انت ؟ يالله يالله مناك
ناصر: اي مايصير اروح المطار وانا ماعرف رقم رحلتهم ؟
نجود: مشكللللللتك
ناصر: نجوود سمعيني. .اخاف تتأخر الطياره شي .. علأقل أعرف
نجود: ناصر انا مالي شغل .. وماعرف رقم الرحله ولا شي .. ويعلك مارحت المطار .. انا شدخلني ؟
ناصر عصب: انتي شفيج الحين؟
نجود معصبه: انت اللي شفيك ؟؟ اقول ... بجوف الحلقه انا
ناصر عصب: ذلفي يماااااااااال الويعه
نجود: مالت عليك
ناصر: وعليج .. تعالي
نجود : اوهوووووو شتبي ؟
ناصر: ابي رقم رحلتهم
نجود: انت غبي ولا اتغيبه ؟؟ قلت لك محد يعرفه زين ؟
ناصر: اوكي اوكي انا غلطان اكلمج .. يالله باي
نجود: بااااااااي

فلطياره ..
ريم قاعده وسطهم
اسماء يمينها وفيصل يسارها ..
ريم تبي تقول حق اسمااء شي .. وتبي تقول حق فيصل شي .. وماتبي الثاني يسمعها ..
الله أكبر
الله أكبر
الله أكبر
سبْحانَ الذي سخَّرَ لَنَا هذا وما كنَّا له مُقرنينَ، وَإِنَّا إِلى ربِّنَا لمُنقَلِبُونَ . اللَّهُمَّ إِنَّا نَسْأَلُكَ في سَفَرِنَا هذا البرَّ والتَّقوى ، ومِنَ العَمَلِ ما تَرْضى .
اللَّهُمَّ هَوِّنْ علَيْنا سفَرَنَا هذا وَاطْوِ عنَّا بُعْدَهُ ، اللَّهُمَّ أَنتَ الصَّاحِبُ في السَّفَرِ ، وَالخَلِيفَةُ في الأهْلِ.
اللَّهُمَّ إِنِّي أَعُوذُ بِكَ مِنْ وعْثَاءِ السَّفَرِ ، وكآبةِ المنظَرِ ، وَسُوءِ المنْقلَبِ في المالِ والأهلِ وَالوَلدِ
ريم قعدت تدعي ان الله ايسر امورها وتجوف نااصر ويوفقهاا .. وتمت تدعي حق اخوها ورفيجتها ان الله يجمعهم بالخيير ومايتفرقوون ..
واسماء تدعي
وفيصل يدعي
ريم طلعت لهم علج .. تموا يتعلجون ..
كلهم تعابه مارقدوا عدل ..
ريم تحاجي اخوها: جم يبيلنا ؟
فيصل: حول سبع ساعات ..
ريم: آآه .. الله يعيين
فيصل: حاولي ترقدين ..
ريم: بحاول
ريم تحاجي اسماء: رقدي
اسماء تفكر: ريمو
ريم: شفيج ؟
اسماء بلعداال: ابي اقول لج اللي في قلبي بس مابي هالوطب يسمع
ريم تسكتها: اششش ليسمعج اسويلنا سالفه .. لي وصلنا قوليلي كل شي .. زين ؟
اسماء متكدره: انا تعبت
ريم تسكتها: اسم الله عليج . .لتحااتين ان شاءالله خير .. اي تعالي .. شتذكرتي مساعه ؟؟
اسماء بغباء: متى ؟
ريم: شدراني يوم تصرخين هناك
اسماء تفكر: مادري نسيت
ريم: افففففف تذكري ..
اسماء: اي .. (بلعدال ) مابي يسمع اخوج
ريم: قولي ماينسمع
اسماء: احم .. استحييييي
ريم: يالله عاد قولي
اسماء ابتسمت: قبل .. كله كان يقولي .. (ويهه صار احمر) انتي تذكريني في اختي ..
ريم ابتسمت: انا ؟
اسماء ابتسمت: ايي يحظي .. أناااااااااسه
ريم ابتسمت: زين لا ؟
اسماء: من جذي مساعه سألني عن البلين وذ جيز مادري شنو
ريم: يحلييييييييلج على قلبي ..
فيصل سمع كل شي .. كان مغمض عينه يزعم راقد .. بس سمعهم ..
ريم: انزين قولي قولي اكا فصول رقد
اسماء ابتسمت .. وطلت عليه: شحلوه الخايس
ريم رفعت حاجبها: توج تدرين ؟
اسماء تمت تطالعه وتدقق في ملامحه ..اهوه يحس فيها بس يزعم راقد
ريم: هييي
اسماء تطالعه .. تخزه .. : تدرين ؟
ريم: شنو ؟
اسماء: خاطري
ريم: اي ؟
اسماء: .....
وفيصل يبي يسمع شخاطرها ..
اسماء: ياربيييييي فكري مشوش
ريم: شفييج ؟
اسماء: هالآدمي اكرهه .. بس احبه .. شلون مادري
فيصل نفس الشعور . .يكرهه .. بس يحبها .. يبي يبتسم بس يخاف اشكون فيه .. فر راسه يزعم يتقلب .. وابتسم
اسماء: صج نحيس .. مايخليني اتأمل
ريم: مينونه انتي ؟

اسماء: اففففف في قلبي حجي وايد
ريم ابتسمت: تحبينه ؟
فيصل استانس .. يبي يسمع
اسماء تفكر: مادري
ريم مصممه: تحبينه ؟
اسماء عفست ويهه: يخسي الا اهوه
ريم: بس سكتي سكتي .. لو ترقدين احسن
اسماء: عاد ريمو سمعيني
ريم: اسماء .. حبيبتي .. قعدي مع روحج شوي .. وجوفي انتي تحبينه ولا لا .. تبينه ولا لا
اسماء عفست ويهه: يصير خير
ريم: عشاني ..
اسماء: ان شاءالله ..
ريم: الطريج طويل .. بقالنا لي امريكا يمكن 12 ساعه ولا اكثر .. نسيت .. بس المهم طريج طويل .. فكري على راحتج
اسماء: حتى لو انا فكرت .. اهوه مابيفكر ..
ريم: اذا حبج بيوم .. مابينساج بسهوله
اسماء معصبه: لتقولين حبج .. مايحبني اهوه .. وانا ماحبه .. زين ؟
ريم: مااااااااتفهمين انتي ؟
اسماء: اففففففف مابي مابي ..
ريم: كلامج كله تناقض في تناقض
اسماء: معلي استحمليني ..
فيصل يسمع حجيها .. ويبي يركب السالفه ... ان اللي كان يحاجيها .. هذهيه اسوم .. اللي قاعده يمه .. تم يفكر .. لي مارقد ..
اسماء قطت راسها ورقدت ..
وريم تمت تفكر فيهم .. تذكرت ناصر .. "في خاطرها" مادري شبسوي اذا جفته .. مادري شبقوله .. اافففف يالله يمر الوقت بسرعه ابي اجووفه .. (خذت نفس) حبييبي والله ..
ماقدرت ترقد .. طلعت لها المصحف وقعدت تقرا ..

ناصر مب عارف يرقد .. ولا بعارف شيسوي .. كله يتخيلها جداامه .. يبي ياخذها ولا تروح عنه كلش .. يبي يحبها .. يبي يضمها .. يبي يطقها .. يعضها .. كل شي .. بس اهم شي يجوفها . .
خذ تلفونه واتصل حق عبدالله ..
ناصر : عبووود
عبدالله راقد: هممم
ناصر: راقد ؟
عبدالله: اممم
ناصر: ارقد ارقد ... يالله باي
عبدالله صك التلفون ولا حس فيه ..
قعد يتقلب .. بطل التلفزيون يفرر .. حط له فلم وقعد يجوفه .. رن تلفونه ..
ناصر: الوو
بوفيصل: السلام عليكم
ناصر استانس: هلا والله وعليكم السلام والرحمة حي الله عمي
بوفيصل: الله يحييك شلونك يبه ؟
ناصر: انا الحمدلله بخير الله يسلمك شلونك انت شخبارك ؟
بوفيصل: بخيير ونعمه الله يعافيك .. عاد ماوصيك على بنت عمك
ناصر فز قلبه: اكييييد افا عليك .. لتوصي حرييص
بوفيصل: انا لو مب انت جان ماخليتها تروح
ناصر: لاتحااااااتي ..
بوفيصل: حط بالك عليها .. اخوها جم يوم وبيرجع بتم بروحها .. اهيا ورفيجتها
ناصر: ان شاءالله من عيوني
بوفيصل: ماوصيك عليهم .. ومابي احد يقص عليهم ولا شي .. خلك معاهم
ناصر مستانس: اكيييييييييد افا عليك عمي لاتوصي .. في عيووني
بوفيصل: تسلم عيونك .. والله احاتيها .. وامها كله تصيح تحاتيها .. قلت مالي الا انت تطمني عليها
ناصر ابتسم: الله يسلمك عمي لتحااتي
بوفيصل: ماتقصر يبوك ..
ناصر: اقول عمي ؟
بوفيصل: سم
ناصر: سم الله عدوك .. تعرف رقم رحلتهم
بوفيصل: لا والله ماعرف ..
ناصر: بس اوكي معليه
بوفيصل: جوف خل يطلعون لهم ارقاام ويتصلون لنا اول مايوصلون
ناصر: ان شاءالله .. تامر امر ..
بوفيصل: مايامر عليك عدو .. ماتقصر والله
ناصر: افا عليييييييك .. شدعوى؟
بوفيصل: يالله يبه اخليك الحين .. طمني عليهم
ناصر: ان شاءالله ..
بوفيصل: يالله يبه مع السلامه
ناصر: الله يسلمك ..


][ الجـــــــــزء الثاني عشـــر ][

قعد نااصر عللابتوب .. طلع الكونفرسيشنز اللي بينه وبين ريم .. وتم يقرااهم .. مستانس .. يسترجع السوالف والضحك والوناسه ..

وريم كانت تقرا مسجاااته في تلفونها .. مستانسه .. تحب تقراهم .. بين كل فتره وفتره تقراهم كلهم ولا تتملل ..عقب تمت بروحهه .. واهمه راقدين .. تعبت من القعده .. قالت بتدور شوي بتمشى فلطياره يعني ..
وهي تتمشي تجوف الأوادم كلهم مسدحين وراقدين .. واللي يقرا كتاب .. واللي تقرا مجله .. واللي يقرا الجريده .. واللي يلعب psp ..
راحت وردت .. وهي تمشي واحد يود يدها .. ماتدري من .. تمت واقف مكانها .. وماتبي تلتفت .. حاولت تسحب يدها ماقدرت .. التفتت عليه الا حمد ..
ريم معصبه: هد يدي
حمد مبتسم: ليش ؟
ريم وهي تسحب يدها: هدنيييييي اقولك
حمد هدها بلعدال: انزين شفيج معصبه ..؟؟
ريم مشت عنه
حمد ناداها: تعااااااااالي
ريم ولا جنها تسمع ..
قام من كرسيه ولحقها : احاجيج انا ردي عيل
ريم: نعم ؟ فيه شي ؟
حمد: رقدتي ؟
ريم: لا ..
حمد: افا .. ليش ؟؟
ريم حطت يدها على راسها: حمد ممكن تخليني اروح؟
حمد: روحي من ميودج ؟
ريم عفست ويهه ومشت عنه
حمد: تعااااالي
ريم وقفت .. راح لها: شفيج ؟؟ صاير شي ؟
ريم سكتت ومشت عنه ..
حمد يتحلطم: ولا تعطي ويه .. اففف

فيصل قام .. يبي يروح الحماام " كرمكم الله" يغسل ويهه .. جريب بيوصلون ..
واسماء راقده وماده ريلها مايقدر يطوف .. وريم محد ..
فيصل في خاطره: اففففف هالعله ماتقوم
كانت راقده ..وشيلتها معفوسه ونص شعرها طالع .. وخصلها على ويهه ..وشكلهها اينن وهي راقده تكسر الخاطر ..بريئة .. كان قاعد يطالعها .. يبي يعدل شيلتها .. سحبها شوي بس ماتغطى كل الشعر .. يبيها تقوم .. خذ الموسده وحطها على ويهه .. وهي رااقده ولا حست فيها
فيصل طقها بالموسده
اسماء قصحت : يمه بسم الله
فيصل يضحك: ههههههههههههههههه شفيج جذي تصروعتي ؟
اسماء معصبه: شتبي انت ؟
فيصل عصب: ابي اروح الحماام .. وانتي ساده الطريج .. شسوي ؟
اسماء تفشلت .. : والمطلووب ؟
فيصل ابتسم: انتي للحيين استيعابج بطيء؟
اسماء رفعت حواجبها: شتبي انت ؟
فيصل: قومي لو سمحتي ابي اطلع
اسماء قامت .. وهوه طلع .. يات ريم
ريم تطالع اسماء .. ابتسمت
اسماء تتلفت: شفيج انتي ؟
ريم ابتسمت : لا لا ولا شي .. صح النوم
اسماء: ويهي منفخ ؟
ريم ابتسمت: على خفيف
اسماء تفشلت: وخوج بوتمبه جافني جذي ؟؟
ريم قعدت علكرسي : افففففففف تعبت
اسماء: الله يعينه ..
ريم قطت راسها علكرسي: لا اله الا الله
اسماء: محمد رسول الله
فيصل يه .. طقها على جتفها بتلفونه : قومي بطوف
اسماء التفتت عليه: جنك مللتني؟
فيصل تجتف : يعني مب قايمه
ريم تنقزها .. اسماء قامت: وخر
رجع فيصل مكانه ..
وريم تجوفهم شلون يحاجون بعض .. ومب عاجبها الوضع كلش
اسماء راحت تغسل ويهه .. وريم .. فرصه انها تحاجي اخوها: فيصل؟
فيصل يطالعها: قلت لج .. هالموضوع مابي اتكلم فيه كلش
ريم: خلني اتحجى يخي .. أسمعني ؟
فيصل: راسي يعورنيييييي ومافيني شده ..
ريم: فيصل .. اسمعني بس ..
فيصل رفع صوته: ريم ؟ ماتفهمين ؟؟ قلت لج لا يعني لا ! عجييييييب
ريم بهدوء: فيييييصل
فيصل: شنو اللي ما فهمتيه من كلمة " لا " خل افهمج ؟
ريم تكدرت: بس بس خلاص .. آسفه
فيصل بهدوء: ريم عاد خليني على راحتي .. وقت اللي احس ابي اتكلم فهالموضوع بقولج
ريم ابتسمت: أكيد ؟
فيصل: اكييد
اسماء يات وقعدت .. سحبت ريم: بطنيييييييي
ريم خافت: شفييج ؟
اسماء: ماادري احس بطني يعورني .. كله من جسميز
ريم ابتسمت: متأكده؟
اسماء ميوده بطنها: اااااااي
فيصل التفت عليها .. مايبي يصيدها شي : خير عسى ماشر ؟؟
اسماء عفست ويهه: ولا شي .. شتبي انت ؟
فيصل رفع حواجبه: يعلج سهال ماقمتي منه سبوع قولي آمين
اسماء بققت عينها: يعلللللللك انت .. وه عليك ..
ريم تسكتهم: هي هي انتوا
اسماء طلعت لسانها حق فيصل
ريم تطالعها: هي انتييييييييي
فيصل يحرها: يعلللله القص
ريم : بسسسس انت
اسماء: كرهااااااااات تكرهك قول آمين
فيصل: تكرهج انتي
اسماء: شتبي انت ؟
فيصل: شتبين انتي ؟
اسماء: مالت عليك وعلى ويهك
فيصل: وعليج وعلى ويهج
اسماء: اكرررررهك
فيصل: شدعوه انا اللي ميت عليج ؟
ريم صرخت: بسسسسسسسس .. يهال انتوا ؟
اسماء: سكتي اخوج
فيصل: سكتي رفيجتج
ريم قامت : يننتوني .. شتبون انتوا بالضبط ؟
فيصل سحبها: قعدي لتفضحينه انتي
اسماء تتأفف: اففففف ..
فيصل يبي يحرها .. طل في ويهه: افففففففف
اسماء: خذت الموسده وقطتها على ويهه
فيصل خداها: مشكوره .. (حط راسه عليها ) الله .. شهالراحه ؟ .. شيييييي
اسماء احترت
ريم جابلتها: تركيه عنج .. خليه ماعليج منه
اسماء ماتقدر .. محتره .. قاعده تتلفتت تبي أي شي تحذفه عليه
ريم يودتها: عقليي انتي !!
اسماء: هدييييينيي
فيصل سكت عنها .. وريم تمت تسكت فيها .. لي ماهدى الوضع ..

وصلوا مطار امسترداام ..
نزلوا .. بس مامداهم يقعدون سيده راحوا الــgate ينطرون الطيااره ..
وريم قاعده ومبتلشه فيهم
كل واحد ماد بوزه شبرين .. واذا تجابلوا تهاوشوا ..

ناصر .. مستانس .. ومب مصدق ان بيجوفها اليوم
راح كشخ .. وودى شعره الويفي على وره .. كان مخلي لحيه خفييفه ماتبين بس حركه .. تعطر .. يطالع روحه فلمنظره : يا أمر انته
نزل من شقته .. ركب سيارته ..يغني .. الين اليووووووم وانا اتخيل لقاانا كيف ..
شغل السياره .. بيروح المطاار .. طول الطريج شاق الحلج ومستااانس .. مايدري شيسوي في روحه ..
وصيده السيد .. زحمه .. والسيد مايمشي .. يتلفت يمين يساار .. اففففففففف حزتهم ؟؟ يطالع الساعه .. والسيد مايمشي
ويك اند .والظهر ... والأوادم كلهم طالعين
ناصر عصب .. يصارخ : افففففففففففف شهالسييييييييد ؟ ( طق راسه ) الا شهالحظ
فواز اتصل له .. ناصر مب مشتهي يتحجى
فواز رد اتصل

ناصر من غير نفس: الو
فواز: هلا ومرحبا
ناصر من غير نفس: هلا
فواز: عسا ماشر الا النفس مقطنه اليوم ؟
ناصر: محد مقطن غيرك ..
فواز: وصلت المطار ؟
ناصر يصارخ: وين اوصل وهالسيد مايتحرك ؟
فواز: اووووووه .. متى توصل طيارتهم ؟
ناصر: شدراااني محد قالي بروحي ماعرف رقم الرحله .. بس انا سألت قالولي على 2 .. بس ان شاءالله اهيا عاد
فواز: يا حظييييي .. عز الله وصلت الساعه 4
ناصر: بس عاد انت .. انت اللي كشحت علي
فواز: اييييي قطها علي .. ماغير حظك الردي ذا
ناصر: افففففففف ..
فواز يبي يحره: ماتبي تسكن معي عشان تجابلهم كل يوم ؟
ناصر ابتسم: اذلف اذلف .. ترى تلفوني مافي جارج الحين بيبند
فواز: هاهاها .. مالت عليك .. يالله اجل اخليك
ناصر: اوكي
فواز: باااي
ناصر: باي

طق علسكاان بقوه : افففففف .. لا اله الا الله
وقعد يتحلطم طول الطريج .. شوي وبند تلفونه .. والجارج مال السياره ناسيه في سيارة رفيجه


LAX
ريم وفيصل واسماء .. توهم طالعين من الطياره ..
راحوا صوب الجوازات .. عقب لشنااط ..
فيصل يشيل شنطة اسماء ويطالعها: شحاطه فيها انتي ؟؟ ثقيله
اسماء ابتسمت بخبث: شتبي انت ؟
فيصل حط لشنااط ودزهم .. ريم راحت له: بساعدك
فيصل ابتسم: شدعوى ؟
اسماء طول الطريج فاخه .. وريم تتطنز عليها: بوو جوفي ويهج .. ولا رغيف
اسماء طلعت لها لسانها: كييييييفي .. شتبين انتي ؟
ريم راحت لها: لمسي قلبي ..
اسماء حطت يدها: بووووو عرس عرس .. عرس هنود بعد
ريم ميوده قلبها: ماستحمل .. احس ريلي مب قادره تشيلني ..
اسماء: سكتي سكتي بس ..
طلعوا .. يدوروون .. يتلفتون .. محد
فيصل يتلفت: قالي بيي
ريم متكدره: يمكن يه .. المطار شكبره ..
فيصل يطالع الساعه: مايندره
اسماء راحت حق ريم تنقزها: جيتك على الموعد ولاجيت .. وش عن لقااااااناا مانعنك؟
ريم طقتها على جتفها: سكتي سكتي
فيصل: مافي الا ناخذ تكسي
ريم بسرعه: لا لا .. شناخذ تكسي .. وين نروح ؟؟ احنا حتى الشقة مانعرف عنوانها ؟
فيصل: نتم هني لي الصبح يعني ؟
ريم تفكر : امممممممم .. اتصل له سأله
فيصل طلع تلفونه واتصل . .. بخيبة أمل : صااكه
ريم تكدرت .. خذت نفس : لا اله الا الله
فيصل يطل على اسماء: ننطر ولا نمشي ؟
اسماء عافسه ويهه: شدراني فيك .. كيفك
فيصل: انتي بتمشين ولا تنطرين ؟
اسماء تطالع ريم: اكيد بنطر
فيصل يحاجي ريم: ننطر ؟
ريم ببراءة: كيفك فيصل
فيصل: المطار شكبره ..مادري وين نروح .. نتم مكانه احسن
عقب نص ساعه .. وهمه ينطرون مكانهم .. ناصر وصل .. قعد يتلفت يتلفت .. ماجافهم .. خذ تلفونه بيتصل .. مافي جارج .. قعد يدورهم
فيصل كان واقف: وبعدين يعني ؟
تم ربع ساعه يدورهم .. يراكض جن مينون .. واخيرا جافهم من بعيد .. ريم كانت واقفه يم رفيجتها وفيصل مجابلهم ..
جافهم وتم واقف مكانه .. بطل عينه وبقق عيونه .. مب مصدق .. ريم ؟ قلبي قلبي قلبي ماصدق
ريله مب قادره تشيله تم يصارخ : ريييييييييييييييييييييييي ييييييييييييييييم
ريم سمعت الصرخه وقلبها طااح في ريلها .. فالابهام بالتحديد
نشف ريجها .. بلعتت ريجها: نااا ناا نااصصر ؟؟
فيصل التفت عليه .. ياهم ركيض .. يطالع ريم جن مينون .. وهي مستحيه نزلت راسها ..
تم واقف يطالعها .. وهي تطالعها وتنزل عينها ..
فيصل: احم .. هيي انت
ناصر مفهي ولا يدري شسالفه .. عينه عليها وبس ..
فيصل دزه: نصوور
ناصر التفت عليه: هلاهلا فيصل الحمدلله عالسلامه شلونك زين؟
رد التفت عليها .. يطالعها ومب مصدق .. يحس شي في قلبه .. في جسمه ..
فيصل مب عاجبه : هيي .. شفيك ؟؟
ناصر يطالعها: شوي
فيصل عصب: هييييييييي انت
ناصر: بس انت اطلع من هالباب جدم واانا اييك
فيصل دز الشناط يأشر.. :ذي الباب ؟
ناصر عينه على ريم: اي
فيصل: وانت ؟
ناصر يطالعها: كا كا انت جدم بس
فيصل مستعيل مشا ..
وريم قلبها يدق يدق يدق شوي ويطلع .. ريلها ترتجف .. ريجها ناشف .. مب عارفه شتسوي
اسماء تجوف ويه ريم وتضحك .. راحت عنهم .. لحقت فيصل ..
تموا ريم وناصر .. بروحهم
ناصر مد يده وتم يطالعها .. ويطالع عيونها .. جن أول مره يجوفها
ريم بلعت ريجها .. دمعت عينها .. ومدت يدها ..
سلم عليها .. يده داافيه .. قام يهوس على يدها بالقوه .. يدها كانت ناااعمه .. مايبي يهدهاا
هدووء .. محد تحجى
اهوه يطالعها .. اوهي تطالعه شوي وتنزل عينها
لا اهوه مصدق .. ولا اهي مصدقه
ناصر ابتسم والدنيا مب شايلته من الوناااااااااسه : ماصدق ..
ريم ابتسمت .. مب عارفه شتقول .. نفسها صاير سرييع ..
ناصر بهدووء .. وبنفس سرييع : صارلي اسبوع احفظ .. الحجي اللي بقوله لج .. من جفتج شسمه .. نسيت .. نسيت كل شي ..
ريم استحت
ناصر للحين ماهد يدها
ريم خذت نفس .. وعضت براطمها
ناصر يطالعها جن مينون .. واقف جريب منهاا .. وهي تحس ان قلبها خلااص ماتستحمل .. ريجها نشف .. قامت ترتجف .. ركبها تتصافق .. طالعت يدها ويده في خاطرها يبيلهم صوره ( الفراغه)
ناصر داشfeeling : بمووت
ريم مب عارفه تتحجى .. مب عارفه شتقول
ناصر يود حنجها ورفع راسها: طالعيني ..
ريم تتنفس بسرعه .. بلعت ريجها وتمت تطالعه .. تطالع عينه .. نظرااته اللي كلها حبب وشووق ..
ناصر: واخيرا ؟؟
ريم نست كل الحجي .. خلاص ماتعرف تقول شي
ناصر يطالع عينها .. سكت ..
يدها في يده .. وكل دقيقه يهوس عليها أقوى .. : ريم ؟
ريم بزور تتحجى: هـ هـلا
ناصر مب عارف شيقول .. وايد كلام في قلبه بس يحس جمله مفيده مب قادر يركبها على بعض .. كل شي نسااه من جافها .. كل شي تبخر ..
فيصل جدم وطلع عالشارع .. ومايدري وين يروح
جاف اسماء وراه: وينهم ذلين ؟
اسماء عافسه ويهه: شدراني انا ؟
فيصل بهدوء: تروحين تنادينهم ؟
اسماء: وشلا انت ماتروح ؟
فيصل: يعني مب عدله اخليج بروحج اهني وانا اروح .. روحي انتي ..
اسماء مشت تناديهم
كانوا واقفين .. ميود يدها ويطالعها وهي منزله راسها .. تحس بحرااره في جوهم .. صج ماتبي تخرب عليهم .. بس غصبن عليها
اسماء راحت: احم .. يعني بنتم وايد ننطر اهني ؟
ناصر وعينه على ريم: شوي بس
ريم متفشله
اسماء تصارخ: شوي في عينك .. يالله بسرعه .. (سحبت رفيجتها )
ريم عينها على ناصر .. بس اسماء سحبتها ويدها ميودها ناصر .. ميوده بالقوه وذيج تسحبها
ريم ويدها تعورها:آآآآآآآآآي
ناصر سيده هدها: اسم الله عليج اسم الله عليج حبيبتي تعورتي؟
ريم ابتسمت .. تهز راسها: لاء
ناصر وراها واسماء تسحب في ريم
ريم بلعدال: بس هديني بامشي بامشي..
طلعوا برا وناصر يمشي وراها ويطالعها
وفيصل ينطر برا: وينكم انتوا ؟؟ انا مادل
ناصر متفشل : السموحه ياولد العم .. (خذ الشناط منه وتم يدزهم) تعالوا وراي .. (التفت على ريم .. يحاجيها بدون صوت .. يعني بس يحرك شفايفه عشان محد يسمع " تعالي يمي ")
ريم استحت ..
فيصل يمشي يمه
وناصر كل دقيقه التفت على ريم
فيصل: شخبارك ؟
ناصر: والله ابشرك كل شي تماام انتوا شلونكم ؟
فيصل: الحمدلله بخير
ناصر: عسى ماتعبتوا ؟
فيصل: اي والله تعبنا .. صار لنا اكثر من يوم الحين فلطريج
ناصر التفت على ريم .. بحب: تعبتي؟
ريم مستحيه تهز راسها ان لاء ..
ركبوا السياره .. واسماء تطالع ريم وتنقزها
فيصل جدام ويا ناصر ..
وريم ورا ناصر .. واسماء ورا فيصل ..
ريم قلبها يدق وتتنفس بسرعه .. مب مصدقه .. وناصر كل دقيقه يطل عليها من المنظره جداامه .. وهي تطالع عيونه ..
اسماء تساسرها: ماشالله وايد يتشابهون .. تقولين تووم ؟
ريم وعينها في عينه: اي ماشالله
اسماء: واللي يسلمج لتجوفين ويهج
ريم مستحيه: اششش لتفضحينه
ناصر : والله سامحوني تأخرت .. بروحي ماعرف رقم رحلتكم ..
فيصل: لا شدعوه
ناصر: والله صادني السيد ماتتصور شلون .. ولا يمشي ..
فيصل: اهم شي جفنااك ..
ناصر يطالع ريم فلمنظره وعاض براطمه .. ويهز راسه ومصغر عينه جن يبي يجوف شي من بعيد وهي تطالعه وتبتسم
ريم سحبت اسماء: ماستحمل
اسماء ابتسمت: اللاي فن .. فلم رومانسي لاايف
ناصر شعل المسجل والتفت على ريم بدون محد يحس : احبج
اهني ريييييييييم شب ويهه .. خلاص ماتستحمل .. سحبت اسماء: قعدي مكاني بليز..
اسماء: وليش ؟
ريم: قعدي وماعليج .. والله بذووب ماستحمل
قعدت ريم ورا فيصل .. ماتستحمل حركاته خلاص خقت من طووولها .. باختصاار ذااااابت
التفت عليها ناصر .. جذي يقدر يجوفها احسن .. ابتسم
ريم بلعت ريجها ويودت قلبها .. بهدووء: ماستحمل خلااص
فيصل قط راسه عالسيت ورقد .. واسماء كانت تطالعه وهوه راقد .. اينن
ناصر كل دقيقه التفت على ريم .. وريم تطالعه وتبتسم .. اسماء قطت راسها ورقدت ..
ريم كانت حدها تعباانه تدور لفراش بس عشان ترقد ... بس وين ترقد وحبيب القلب مجابلها ؟؟
وصلوا .. ناصر نزل بسرعه وبطل لها الباب .. والباقي راقدين
نزلت من السياره .. جابلتها تعدل شيلتها ..
ناصر جابلها .. بهدوء: قرت عينج
ريم ابتسمت: بويه نبيك .. انت بعد .. قرت عينك
ناصر ابتسم : بويه نبيج ..
ريم مستحيه .. ركبت السياره تقومهم .. يود يدهاا : وين ؟
ريم: بقومهم ..
ناصر: لا خلج شوي .. ماشبعت منج .. ولا بشبع .. شوي
ريم خقت .. ويهه صار احمر خلااااص ماتستحمل : مايصير لازم ..
بروحه بالزور تتححجى .. راحت حق اسماء: اسووم اسووم .. اسوم قومي .. وصلنا
اسماء قحصت .. بزور تبطل عينها: اففففففف تعبانه
ريم: يالله الحين نركب فوق ورقدي لي باجر
اسماء تحك ويهه: يالله (نزلت من السياره)
ناصر نزل الشناط وركبهم فووق .. جافه فواز وقال بيساعده
وفيصل راقد
ريم ابتسمت: قوميه
اسماء : ويهج ويهج .. قوميه انتي
ريم راحت له .. وحطت يدها على راسه: فيصل .. فيصل ؟؟ فصووول
فيصل وهوه راقد: هاااااااا
ريم: قوم حبيبي يالله وصلنا
فيصل: شوي بس خمس دقايق بس
ريم: فيصل اركب الحين وارقد فوق احسن لك
فيصل: اففففف يعني ماتخلين الواحد يرقد انتي ؟
ريم : فيصل يالله قوم
فيصل قام .. : كا كا قمت ..
عافس ويهه .. حده تعبااان ..
نزل من السياره ..
توهم ناصر وفواز نازلين
فواز راح يسسلم على فيصل ..
وناصر نادى ريم واسماء يركبون فوق ..
ركببوا اللفت .. وناصر يخز ريم .. وريم منزله راسها ..
بطل لهم باب الشقه ..
دش وخلاهم يدشون ووقف عند الباب بنطرهم
ريم مستانسه .. ماصكت حلجها من الأنااسه .. تتلفتت .. عجبتها الشقه حدها بسييطه وموودرن .. كل شي حلو :: اللااااااااااااااي حلوه
ناصر استانس .. كان متسند يم الباب ..
دشت الغرفه ووقفت عند الباب : ماااااااااااااصدق .. اللااااااااااي حده فن .. فله فله . .
اسماء: صج فن .. صج عجيب .. صج ونااااااااااسه
ناصر كان مختار لها كل شي على ذووقه ..
طلعت تطالعه .. مب عارفه شتقول
ناصر ابتسم: عسى عجبج ذوقي ؟
ريم مب عارفه شتقول: وايد حلو وايد عجبني .. مشكور والله ماقصرت
ناصر : افا عليج .. حاضرين ..
شوي الا فيصل ياي .. : الله الله شهالمكان الزين .. ماشالله
ناصر: عاد انا خليتك في ذيج الغرفه ..
فيصل ابتسم: ماتقصر ياولد العم .. والله مادري شقولك ..
ناصر: لاتقول ولا شي .. انا ادري مارقدتوا ..(يطالع ريم) ارتاحوا الحين ..بس انا من رايي تخلون لرقاد لي فلليل عشان مايخترب رقادكم
فيصل: تهقى ؟
ناصر: اي انا جذي .. مارقد فلطياره .. بس احاول علأقل انطر ليما تظلم الدنيا وارقد .. يعني نطرو شوي لي 8 .. 9 .. عقب رقدوا .. وباجر لتقومون الا حق الصلاه ..
فيصل: بس عيل .. مافي مكان جريب نتعشى مادري نتغدى مادري نتريق .. اللي اهوه .. اكل الطياره كلش مب شي
ناصر يطالع ريم: دشوا بدلوا شوي ارتاحوا نص ساعه .. انا بييب لكم الأكل ادري مافيكم شده ..
فيصل: لا عادي بنطلع احنا لتحاتي ..
ناصر: لا لا لا .. توكم يايين من السفر تعابه .. انا بروح .. مب بعيد المكاان .. بييب لكم أحلى برجر اهني .. ان ان اوت
ريم ابتسمت: اللاي
فيصل ينقز: عاد لاتنسى .. لهم ثنتينهم (يطالع اسماء) بلين وذ جييز ها
اسماء يزعم ماسمعته ..
فيصل: انزين انا بايي وياك
ناصر: لا والله حلفت .. ارتااح انا بييب لكم .. (وهوه طالع ) مع السلامه
ريم : الله يسلمك
رد دش عليهم : صج نسيت
فيصل: خير ؟
ناصر طلع (جب)ز من مخبااه: هذي ارقام لكم .. ثلاثتكم .. كلموا الأهل طمنوهم
فيصل ابتسم: ماقصرت يالشيخ
ناصر: عاد طقولي مس كول ولا شي عشان اعرف ارقاامكم ..قصدي يعني كل واحد ورقمه .. (يطالع ريم)
فيصل: اي اكيد .. ان شاء الله .. مشكور والله ماقصرت ..
ريم بهدوء: مشكوور والله
ناصر ابتسم: حاضرين افا عليكم .. يالله فمان الله
فيصل: الله ويااك

ريم بسرعه راحت حق فيصل: يالله خنكلم امي بسرعه
فيصل بهدوء: ان شاءالله
حط البطاقه .. وشغل تلفونه وتصل على رقم ابوه
كانوا قاعدين فلصااله يجووفون الأخباار ..
بوفيصل من جاف الرقم عرف ان اهمه .. فز: الوووووو
فيصل: هلاااااا والله
بوفيصل مستاااااانس: هلا هلا وليدي شلونك ؟
فيصل مستانس: هلا يبه هلا .. احنا بخير ابشرك شلونكم انتوا؟
ام فيصل من سمعته راحت يمه: عطني .. عطني بكلمه .. اجووف هاات
بو فيصل: اشش سكتي انتي خليني اكلمه .. فيصل يبه عسى ماتعبتوا ؟
فيصل: لا يبه الحمدلله .. وشلون امي ؟
ام فيصل: عطنييييي بكلمه
بوفيصل: هاج هاج يلحنانه
ام فيصل خذت التلفون ودمعت عينها: يمه فيصل شلونك ؟
فيصل: هلا يمه هلا بالغاليه هلا
ام فيصل مستانسه: شلونكم يمه عسى ماتعبتوا ؟؟
فيصل: لا يمه الحمدلله
ام فيصل: فديتك والله مكانكم ابين .. ولهانه عليكم .. وين اختك ؟
فيصل يعطي ريم اللي طول الوقت قاطه اذنها وتنطره يعطيها التلفون
ريم بلهفه: الووووووو يمه
ام فيصل دمعت عينها : يمه شلونج حبيبتي ؟ طمنيني عليج ؟
ريم دمعت عينها: يمه وحشتيني .. انا بخير انتي شلونج ؟
ام فيصل: مشتاقة لج والله .. اكلي زين حبيبتي .. وحطي بالج على روحج وعلى رفيجتج وخوج ..
ريم: ان شاء الله يمه
ام فيصل: عطيني يمه اسلم عليها
ريم عطت التلفون اسماء .. اسماء: الوو خالتي
ام فيصل: هلا هلا يمه شلونج ؟
اسماء ابتسمت: الحمدلله بخير انتي شلونج ؟
ام فيصل: مشتاقة لكم والله .. تحملوا في روحكم ..
بو فيصل ينقزها : عطيني ريم
ام فيصل: يمه عطيني ريم ابوها بيكلمها
ريم: الووووو يبه
بوفيصل: هلا هلا بنتي .. شلونج يبه ؟
ريم: الحمدلله انت شلونك ؟؟ شخبارك ؟؟
بوفيصل: بخيير ونعمه .. كل شي تمام ؟
ريم: الحمدلله .. يبه شخبار نجود ؟
بوفيصل يحاجي مرته : نادي نادي نجود تبي تكلمها
ام فيصل بسرعه ركبت لها فوق تناديها
بوفيصل: هذي رقمكم ؟؟
ريم: اي يبه هذي رقم فيصل . .انا ان شاءالله بتصل لكم على رقمي بعد
بوفيصل: ايي زين سويتوا .. شخباره ناصر؟
ريم فز قلبها: الحمدلله بخير والله ماقصر حدنا مفتشلين منه
بوفيصل: والنعم فييه .. كفو والله ماقصر .. سلمي عليه وايد
نجود نزلت سحبت التلفون من ابوها .. تصارخ: يالخااااااااااايسه
ريم استانست: حبيييييييبتي والله
نجود: يحماااااااااااره يابقرررررره يااااااااا ويه العنز وحشتيني
ريم: آآيه علييييييج وانتي اكثر والله شلونج ؟
نجود دمعت عينها: فديتج يالبقمه وحشتيني وحشتيني والله مكانج ابين كريه البيت بدونكم .. تدرين امي قالت لي انكم اتصلتوا وانا دبجت عالدري وبغيت ادبق على ويهي
ريم: هههه اسم الله عليج .. عاد ماوصيج هالله الله فلدراسه .. امتحانات الحين
نجود: اففف لازم تكدرني ... زين زين درينه .. وينه ويه الكلفس ؟
ريم: فيصل؟
نجود: ماغيره ..
ريم عطت فيصل التلفون: نجود بتكلمك ..
فيصل: الدببببببببه
نجود: الكرييييييييه
فيصل: شلوونج ؟
نجود: اوكي تمااام انت شلونك ؟
فيصل: الحمدلله بخير ..
نجود: هذي رقمك ؟؟
فيصل: اي
نجود: ابشر بالمسجات الزينه
فيصل ابتسم: واذا عرفتي رقم ريم بنتسيني
نجود: لا لا افا عليك شهالحجي ؟ خيرك سابج ياخوي
فيصل في خاطره شدخل .. : يالله نجودي اخليج الحين .. اكلمكم وقت ثاني .. سلمي عليهم كلهم ..
نجود: الله يسلمك ويعافيك ..
فيصل: تامريني بشي؟
نجود: سلاااااااامتك يالفيص ماتقصر
فيصل: الله يسلمج .. يالله مع السلامه
نجود: مع السلامه

ريم مستانسه كلمت امها وابوها واختها .. دشت غرفتها ولحقتها اسماء
اسماء: قلبي رشووووود ابي اكلمه
ريم : يالله اتصليله شناطره ؟
اسماء: ولد عمج شاحن البطاقات وعليه
ريم: فشيله والله كل شي سوى .. ماقصر
اسماء طلعت تلفونها وتصلت ..
راشد من جاف رقم غريب نقز: الووووووووو
اسماء دمعت عينها: رشود حبيبي
راشد: اسوووووووووم يالدبه شلونج ؟
اسماء: الحمدلله زينه انت شلونك ؟
راشد: يوم سمعت صوتج صرت بخير .. احاتيييييج والله التلفون في يدي انطرج تتصلين .. انتي بخير ؟
اسماء: آآيه عليك.. الحمدلله انت شلونك ؟
راشد: الحمدلله .. عسى ماتعبتي ؟
اسماء: لا لا لتحاتي .. الحين بنطقها رقده لي عقب باجر
راشد: هذي رقمج ؟
اسماء: ايي ايي رقمي
راشد: خلاص يبه اتصل بج انا .. عاد لاتصكينه خليه كله وياج .. ابي اتطمن عليج
اسماء: اي اي افا عليك ..
راشد: والله البيت كرييييييه وظلمه بدونج مايسوى شي .. ماحب اروح هناك كله برا ..
اسماء تكدرت: آآيه عليك .. ليتك وياي والله .. مشتاقة لك
راشد ابتسم: وانا مشتااق لج اكثر .. سمعيني .. هذي آآخر مره تخليني وتروحين فاهمه؟
اسماء ابتسمت: اول وآخر مره
راشد: ماوصيج تحملي في روحج واستاانسي .. بس اهم شي تطمنيني عليج
اسماء: ان شااااااااء الله .. انته بعد
راشد: وخلج ويا رفيجتج .. لتهدينها
اسماء ابتسمت: عاد في هذي لتوصي
راشد: حتى ميريوو تصيح .. تسسلم عليج
اسماء: اووهوو الخداي هذي بعد يحليلها .. الله يسلمها
راشد: يالله يبه .. طمنيني علييج
اسماء: ان شاءالله .. تحمل فروحج
راشد: وانتي بعد
اسماء: تامرني بشي؟
راشد: اهم شي سلامتج
اسماء: الله يسلمك ..مع السلامه
راشد: مع السلامه

ريم دشت تتيدد عشان تصلي .. وصوت امها وابوها وختها يرن في اذنها ..
تسبحت ..
ودش اخوها يتسبح
واسماء تسبحت
كلهم تسبحوا
اسماء وريم يحوسون فلمطبخ
بطلوا الثلاجه الا متروسه اغرااض وحركاات
ريم: مااااااااااااصدق ..
اسماء: عاد لا عشان اخوج ولا عشاني .. كله عشاان الرييم
ريم استحت: آآيه علييه والله ماقصر ..
عقب ساعتين يمكن ياهم ناصر .. تأخر بالعماله عشان اريحون شوي ..
طق الجرس
طلع له فيصل : حيااااااك حياااك
ناصر وفي يده الأجياس: الله يحييك
قعدوا علطااوله ..
فيصل ينادي البنات: ريييييم .. اسمااء .. تعالوا
ريم تنقزها: ينادييج ينادييج روحي
اسماء: ولي زين ..
راحوا
ناصر جابل ريم .. وفيصل جاابل اسماء
ناصر يعطي ريم: وهذي البلين وذ جيز
ريم خذته منه .. ببراءة: مشكور
فيصل طلع البرجر من الجيس .. يطالع اسماء: وهذي بلينج ..
اسماء خذته بدون ماتقوله شي ..
ريم يوعانه .. تبي تاكل .. وناصر عينه عليها
هدت البرجر وجابلته
ناصر حس ان " لتجوف ابي آكل " .. تم ياكل ويحاول مايطالعها
ريم ابتسمت وتمت تااكل ..
هدووء كلمن يااكل
ريم: ناصر ؟
ناصر فز: عيونه
طل في ويهه فيصل
ناصر تفشل: قصدي آمري
فيصل: اي جذي
ريم تفشلت: امم لا بس كنت بقولك ابوي يسلم عليك وايد
ناصر: الله يسلمج ويسلمه .. شخبارهم؟
ريم : الحمدلله بخير
فيصل قام: نعم الله عليك
ناصر التفت عليه: بلعافيه
فيصل دش غرفته: تصبحون على خير
ريم وناصر: وانت من هله
اسماء كملت أكلها وقامت .. بهدوء: نعم الله عليك
ناصر ابتسم: بالعافيه
اسماء دشت الغرفه ..
وتموا ريم وناصر بروحهم .. ريم بهدووء وهي منزله راسها: نعم الله عليك
ناصر تشقق: بالعافيه ابوي .. شبعتي ؟
ريم ابتسمت: اي الحمدلله .. ماقصرت والله
ناصر ابتسم: شدعوى ؟ افا عليج
ريم: لا والله وايد علينا .. مشكوور والله مادري شلون ارد جميلك
ناصر ابتسم .. بهدوء: لتخليني بس .. خلج وياي
ريم شب ويهه وابتسمت .. قامت تشيل الأجياس وتنظف الطاوله وناصر يطالعها ..
نظفت كل شي وخلته مرتب ونظيف نفس قبل .. وهوه قاعد ويطالعها .. وهي مب عارفه تسوي شي ..
يوم كملت ناداها .. : تعالي قعدي
ريم مستحيه .. قعدت
طلع لها من مخباه بوكس مخمل .. لونه احمر .. وعطاها اياه
ريم تفشلت .. بغباء: شنو ذي ؟
ناصر ابتسم: بطليه
ريم بطلت البوكس .. كان فيه نكلس .. سلسله.. على قلب .. حدها نااااااااعمه .. ينت عليها
ريم لا اراديها : اللاااااااااااااي تينن .. وااااااااااو نااعمه
ناصر ابتسم: عجبتج ابوي ؟
ريم رفعت عينها تطالعه: تينن وايد حلوه .. حدها فن ..
ناصر يبي يحرها: زين عيل عطيني اياها .. أكيد بتعجبها
ريم رفعت حاجبها مستغربه .. : تعجب من ؟
ناصر ابتسم: انتي شعليج ؟ اجوف هاتي

ريم حست بنااااااار في صدرها .. قطت عليه السلسله ومشت
ناصر لحقها: تعاااااااالي
ريم منزله راسها ومعصبه: في شي ؟
ناصر ابتسم: تغارين ؟
ريم ودها تعطيه طراق على ويهه: تعبانه بروح ارقد
ناصر ابتسم: جاوبيني انزين .. تغارين ؟
ريم شوي وتطقه خلاص ماتستحمل
ناصر: لتعصبين .. شكرهج تصيرين .. ابتسمي اجوف .. والله العظيم لج يعني ماتدرين انج حبيبتي ؟
ريم ابتسمت بالغصب: بروح ارقد
ناصر وقف مجابلها ومايخليها تتحرك .. تروح يمين يروح يمين .. تروح يسار يروح يسار ..
ريم: وبعدين يعني ؟
ناصر بهدوء: عادي البسج ؟
ريم استحت: لا مايصير
ناصر: عاد عاد .. خاطري
ريم مستحيه: لااا مايصير ..
ناصر: انزين عيل انتي لبسيها وانا بصكها
ريم استحت: لا لا لا ..
ناصر عطاها اياها : يالله لبسيها
ريم لفتها على رقبتها .. توها بتصكها راح من وراها وصكها
ريم قلبها يدق يدق .. لبستها ووحطت يدها عليها وتمت تطالعها .. : حقي؟
ناصر يتطنز: لا حق امي
ريم ابتسمت .. نزلت راسها: استحيي
ناصر مستانس: فديت اللي تستحي .. شحلوها عليج ..
ريم متفشله: وايد حلوه نعم الله عليك والله ماكان له داعي تكلف على روحك ..
ناصر عصب: شهالحجي ؟
ريم خافت: لا بس شكرا .. شسمه .. وايد حلوه
ناصر معصب: لا مب حلوه .. (بهدووء) انتي اللي محليتها
ريم خلااص انتهت .. ماستحمل .. عينها عالأرض
ناصر ابتسم: عليج بالعافيه حبيبتي .. اخليج الحين روحي ارتااحي .. بس سويلي مسكول عشان اعرف رقمج
ريم ابتسمت: ان شاءالله
ناصر مشى بيطلع: والله ماودي .. بس شسوي .. يالله حبيبتي تصبحين على خير
ريم تطالعها: وانت من هله
ناصر بطل الباب بيطلع وتم واقف يطالعها .. استحت ومشت عنه .. ودشت الغرفه .. وهو للحين واقف عند الباب ..
دشت وصكت الباب .. عقبها طلع .. مستااااااااااانس مب مصدق .. يحس بشي في قلبه .. شي في داخله منتعش .. قلبه يدق .. وناسه مو طبيعيه ..
ركب سيارته وراح شقته ..
ريم يوم دشت الغرفه لقت اسماء راقده .. بدلت ثيابها وانسدحت كانت صج صج صج تعبانه .. مارقدت طول الطرييج ..
يودت القلب وقطت راسها .. تذكرت يوم قالها تسويله مس كول .. طلعت تلفونها وطرشت له مسج
" ألينك .. تجلـس اقبالـي .. وتهمـس بًـ..اذني..اشلونـك
اضـيـع ويعـثـر لـسـانـي .. وعـيـنـي تـنـظـر اسفـلـهـا
واقول الحـال .. شـوف الحـال .. حالـي حالـه بدونـك
انـــا جـمــره .. نـفــس صـــدرك يطفّـيـهـا ويشعـلـهـا "

جاف المسج وتشقق
اتصل لها
ريم بلعداال عشان اسماء ماتقوم: الوو
ناصر: احبببببببببببج .. والله شوي عليج هالكلمه ..
ريم استحت ..
ناصر: حبيبتي اذا تبين تقومين الفير .. ترى حطيت لج اوقات الصلاة فلمير اللي يمج
ريم استانست: زين تسوي .. مشكور والله
ناصر ابتسم: حبيبتي والله احبج .. حدي حدي مستااانس احس فيني شي بس ماعرف شنو
ريم متسانسه: انا بعد
ناصر: ردينه عل" انا بعد " ؟؟
ريم تفشلت: ناصر ..
ناصر: عيونه وقلبه انتي .. آمري ابوي
ريم: مايامر عليك عدو بس ..
ناصر: ادري تبين ترقدين .. اخليج حبيبتي ارتااحي .. من تقومين كلميني
ريم ابتسمت: ان شاءالله
ناصر: يالله تصبحين على خير
ريم: وانت من هله .. مع السلامه
ناصر: الله يسلمج حبيبتي
طرش لها مسج
"يازين جوي يوم اطالعك بسكات
ودي بطول العمر .. ساكت .. وأطالعك
تقطع عيوني .. من عيونك مسافات ..
والمس عيوني في يدينك وأضيعك
مرات تبعدني وأقربك مرات
ومرات أحس بلذتك .. واتجرعك
لو أحكي بحبك دخلت بمتاهات ..
والحب نفسه .. لو عرف يحكي أقنعك
من كبر هيبة حبك ورب الآيات
حتى لو أنك تحكي بصمتك اسمعك .."
ريم قرته .. استانست .. يودت القلب ورقدت ..
من التعب كلهم من حطوا راسهم رقدوا ..

نجود كانت تحوس فلمطبخ يوعانه ..
ياتها جاندرا: شنو يبي ؟
نجود راحت لها: انتي حبيب مال انا .. ليش مايسوي كيك ؟
جاندرا: الهين ؟
نجود: اي الحين عيل باجر ؟
جاندر تهز راسها: انا تأباااااناا
نجود: يالله رفيق .. انتي كله تعبانه ؟
جاندرا: انا مو رفيق
نجود: رفيقه ولا تزعلين .. يالله سويلي
جاندرا: بوكرا بوكرا
نجود: بوكرا فعينج .. صج انج روييد بايت
جاندرا: انا رويد ؟
نجود: وبايت بعد
جاندرا: كلاس مافي كيك
نجود: اففففففففففف انتي شفايدتج ؟ يزعم فهمتي الحين ؟
جاندرا طلعت
نجود: جاندرووووو وويعه
جاندرا ردت: شنو تبي ؟
نجود: انا لله .. جلدي كرو ليش انتي سوي مشكل هي ؟ نهي مشكل ها
جاندرا: انا مافي سوي مشكل .. بس انا تأبانا
نجود: كنجوس
جاندرا: انا ؟
نجود: ذلفي ذلفي .. ذلفي بسوي بروحي .. تعبانه وتعبانه
دشت ام فيصل : ها يمه شفيج ؟
نجود تتحلطم : رويييد بايت
ام فيصل: شصاير؟
نجود: هذي البقمه .. عيزت اقول لها سويلي كيك مب راضيه
ام فيصل: وي يمه الحين بتسوي وياي الغدا .. خليه انا بسويلج عقب
نجود ابتسمت: لااااا يمه .. بس مابي مابي
ام فيصل: لتدلعين بسويلج
نجود استانست: فدييييييت امي انا
ام فيصل ابتسمت: روحي درسي ولي برز الغده بناديج
نجود تتحلطم: يمه مكتوب على يبهتي " روحي درسي"
ام فيصل: نهائي حبيبتي لازم تدرسين
نجود: انا لله .. يمه انا اروح اقدم بدون دراسه انجح
ام فيصل: اي ماشالله عليج .. طالعه على امج
نجود وقفت: هااااااااا صدتج .. يعني ماكنتي تدرسين قبل؟
ام فيصل تضحك: ويهج انا طالعه الأولى
نجود: اي ماشالله .. انتي الأولى وابوي الأول .. مادري من طلع الأخير
ام فيصل تضحك: ماتصدقين بييب لج شهادتي جوفيها
نجود: اي اي صح .. لا يمه صدقتج خلاص
ام فيصل: انتي الحين ماتروحين المدرسه عشان تدرسين .. اجوفج درستي شي
نجود: يمه عووش بتيني عقب بندرس
ام فيصل: ااخاف الا بس تدرسون
نجود: يمه من صجي .. لتصيرين لي رويد بايت انتي بعد
ام فيصل مستغربه: هااااا؟
نجود: ولا شي ولا شي اقولج جارتنا ام يوسف توفت
ام فيصل يودت قلبها: وه !!
نجود: اييييييييي استانست تبي تروح تخلف .. ماتقدر
ام فيصل ميوده قلبها: اسم الله عليها .. وراج تذبحين الأوادم انتي ؟
نجود تضحك: عشان تروحين تخلفين .. من زمان مارحتي خلف
ام فيصل: الله وكبر عليج
نجود: أي تبين تهيتين ..
ام فيصل: ويهج انا اروح اخلف على الناس .. استانس يعني ؟
نجود: لا يمه عمرج طويل ماقصد
ام فيصل مب فاهمه: شنو ؟
نجود: قصدي انتي تحبين تكونين مع الناس في الأفراح والمسرات والأحزان وجذي
ام فيصل: اقول روحي درسي لتخربطين علي
نجود: يمه قلت لج عووش بتييني عقب بادرس ويااها ماعرف ادرس بروحي
ام فيصل: انا لله .. الله يهديج بس
نجود: ويهديج يمه
ام فيصل: آمين
نجود: يمه بقولج شي بس لتزعلين
ام فيصل: قولي يمه قولي
نجود: ولا شي اقص عليج ( وهي طالعه ) بااي
ام فيصل: الحمدلله والشكر لله الكريم


][ الجـــــــــــزء الثالث عشر ][

صارت الساعه 1 الظهر
قحصت ريم عقب هالتعب.. جافت الساعه : ماشالله !!
طلت على اسماء الا راقده مسكينه .. تكسر الخاطر حدها تعبانه
قامت غسلت ويهه .. طلت على اخوها راقد
سوت جااي حلييب
وطلعت البستوق " البسكوت" والخبز والجبن وحطته علطااوله
طلعت الأكوااب والشكر ..
اتصلت حق ناصر ..
ناصر من جاف رقمها فز : حبيبتييييييي
ريم ابتسمت: صبااح الخير
ناصر : صباح الحب والأشوااق .. توج قايمه ابوي؟
ريم: ايي من شوي
ناصر: زيين رقاد العافيه .. ارتحتي ابوي؟
ريم: اييييي الحمدلله .. شلونك انت ؟
ناصر: ويااج اكيد بخير .. حبيبتي انتي
ريم مستحيه: ..
ناصر: ها ,, جنج بتقولين شي
ريم: اممم .. لا بس كنت بسألك متى بتيي ؟
ناصر يبي يحرها: من قالج بايي ؟
ريم تكدرت: ليش عاد ؟
ناصر: وليش آيي ؟
ريم : شنو ليش تيي ؟
ناصر: اي يعني اقصد .. اذا في احد يبي يجوفني .. بايي
ريم ابتسمت: لا والله ؟ يعني ماتدري ؟
ناصر: ادري بشنو ؟
ريم: اوووووو ناصر !! لتدلع
ناصر: يحق لي .. بتدلع .. مو ريم حبيبتي ؟؟
ريم استحت: ناصر عااااااد
ناصر:شفييج ؟
ريم ابتسمت: تعال
ناصر: يعني حتى لو ماقلتيلي اصلا انا ابي اجوفج وغصبن عليج وعلى اللي معاج بايي وبجوفج .. سامعه ؟
ريم ابتسمت: ايي .. جذي
ناصر: حبيبتي متى تبيني ايي ؟
ريم: الحين
ناصر: لااااااا الحين .. توكم قايمين مايصير
ريم: اصلا انا بس اللي قمت .. للحين راقدين
ناصر: بوووو .. زين انا العصر جذي بمر عليكم
ريم: زين
ناصر: متى يبتدي كورسكم انتوا ؟
ريم: اممم اظن مب عقب باجر .. اللي عقبه
ناصر: ااه زين عيل .. وفيصل متى بيرد ؟
ريم: امممم مادري والله نسيت اسأله .. كل مره اسأله لان يقولي ماحصل حجز .. مادري
ناصر: ميخالف انا بسأله عقب .. تريقي ابوي ؟
ريم ابتسمت: لا للحين
ناصر: وليش ؟؟؟؟؟
ريم: لا انطرهم يقومون بتريق وياهم .. اخليك الحين جن حسهم .. اكلمك عقب
ناصر: اوكي حبيبتي .. معيله
ريم: يالله مع السلامه
ناصر: يسلمج ابوي

دشت على اسماء توها قايمه
اسماء بزور تبطل عينها: الساعه جم ؟
ريم تطالع ساعتها: 1 ونص ..
اسماء فزت : ضعـّفه!! كل ذي رقاد ؟ تصدقين بعد ماشبعت
ريم ابتسمت: عليج بالعافيه ..
اسماء طلعت بكشتها عشان تغسل ..
ريم نادتها: تعالييييييي
اسماء من غير نفس: شتبين
ريم: لو يطلع فيصل الحين ؟ لبسي شيلتج !!
اسماء: اووهووو مب حزته .. يولي زين
ريم عطتها الشيله: هااج عشان عقب ماتحندين عليه
اسماء خذتها وراحت
عقب ماطلعت راحت ريم تجوف اخوها .. كان راقد
بس حس فيها يوم دشت

فيصل وصوته صاير شحلوه .. : الساعه جم ؟
ريم ابتسمت: 2 إلا ..
فيصل: بوووو .. خل اقوم يالله
طلعت ريم تنطرهم عالريووق ..
اسماء ياتها وقعدت .. صبت لها الجاي .. وخذت البستوق يمها ..
يه فيصل بياكل ..
ريم صبة له جاي
فيصل يطالعها: حقي ؟
ريم تطالعه: ليش ماتبي ؟
فيصل: امبلا امبلا صبي .. (التفت على اسماء) ممكن؟
اسماء مب فاهمه: شنو ؟
فيصل ابتسم: ابي بستوق
اسماء عافسه ويهه: قوم اخذ لك بروحك .. أشتغل عندك ؟
ريم بسرعه خذت البستوق وعطته
فيصل يزعم معصب: رديه .. انا ابيها اهيا تعطيني
ريم عقدت حواجبها .. ردته .. واسماء سوت روحها ماسمعته .. وقعدت تاكل
فيصل حط كوعه علطاوله ويده على خده ويطالع فوق: وايد بننطر ؟
ريم تنقز اسماء .. بلعدال: عطيه
اسماء: مابي
ريم: لا اله الاالله .. بليز
اسماء خذته .. من غير نفس .. قامت وعطته اياه .. حطته بالقوه جدامه .. تبتسم بالغصب: استانست الحين؟
فيصل يبي يحرها .. ابتسم: حديييييي
ريم خذتها فرصه تكلمهم : ممكن تسمعوني شوي؟
فيصل: شصاير؟
ريم وقفت: بليز .. سمعوني ..
اسماء تخزها: شفيج ؟
ريم: فيصل واسماء .. انتوا
فيصل يقاطعها: ريم وبعدين وياج ؟
اسماء قامت ودشت الغرفة وصفقت الباب
ريم دار راسها .. : لا اله الا الله اللهم طولك ياروح .. شسوي فيكم؟
فيصل بهدوء .. وبرود: لتسوين شي . (تم ياكل) .. مايحتاي تعورين قلبج على
ريم تقاطعه: فيصل انت واعي للي تقوله ؟
فيصل يطالعها: قلت لج مابي اتحجى في هالموضوع .. غصب يعني ؟؟ ماتخلين الواحد ياكل يعني ؟ ذيج راحت تبيني انا اروح ؟
ريم تضايقت: والله ماقصد .. اكل عليك بلعافيه بس والله مب قصدي .. (راحت عنه ودشت الغرفه)
اسماء كانت قاعده عالسرير: لو سمحتي .. من فضل فضلج .. مابي اسمع منج شي
ريم متضايقه: ياربييييييي اذبح روحي ؟؟ انتوا ماعندكم قلب ؟؟ ماتحسوون ؟؟
اسماء: ريم بليز .. عشاني .. بلييز والله
ريم: لا اله الا الله .. خلاص بسكت وأمري لله .. تيين البلكون شوي ؟
اسماء: يالله
طلعوا علبلكون ..
ريم: الله شحلوه المكااااااااان .. صج اني متضايقه .. بس فن
اسماء: اي والله اينن
فواز في نفس الوقت كان طالع من البلكون .. سمع حجيهم ووقف يتسمع ..
اسماء توها ملاحظه القلب: ياسلااااااااااام ياسلااام ..
ريم استحت: شرايج ؟ عنده ذوق؟
اسماء: اي ماشالله عليه ذويق .. عليج بالعافيه حبيبتي
ريم: الله يعافيج ..
اسماء: ماالت علي محد ياب اييب لي جذي
ريم تخزها: والله لو تبين تقدرين
اسماء: يحليلج ..
فواز استانس يوم سمع حجيهم . .قال بيسجله وبيسمعه ناصر
ريم: حدي مفتشله ويااه اسوم .. وبعدين استحيييييي
اسماء: ايي انتي ماجفتي ويهج امس .. للأسف
ريم ابتسمت:و لا ابي اجوفه
اسماء: ماشالله عليكم تيننون .. ولا يوم فلمطار .. فلم هندي
ريم : آآيه علييييييييه معذبني هالصبي
اسماء: الله يخليكم لبعض
ريم من قلب: آآآآآآآآآآآآآمين
اسماء: ولا يغير عليكم
ريم من قلب: آآآآآآآآآآآآآآآمين .. ويارب يصير اللي في بالي قولي آمين
اسماء مافهمتها بس : آآآآآآآمين
اسماء: شحلوه الجو .. اطربينا بصوتج
ريم: ويييييي من زينه عاد
اسماء: إلا شحلوه ..
ريم: جان نصور اهني خليته يغني صوته عذب ماشالله عليه
اسماء: انا ابيج انتي .. يالله غني
ريم: لا لا والله استحي
اسماء تخزها: حياااااا مرخه .. مجابلة الديج وتستحي من الفرخه
ريم : شقصدج؟
اسماء: لا ولا شي ..
ريم: لا قولي ؟
اسماء: الحين مجابلة نصوور وانا تستحين مني ؟
ريم: اوهو .. من قالج ماستحي منج؟
اسماء: غني عيل
ريم: شاغني عاد؟
اسماء: ابي اغنيه تهدينها حق ناصر
ريم: ناصر؟ اغاني الدنيا كلها ماتكفيه
اسماء: عاد يالله من صجي
ريم: مافي بالي اغنيه معينه
اسماء: غني شي حق ناصر .. بليز
ريم ابتسمت : احم .. لحظه .. بس بليز .. لتطنزين علصوت
اسماء: لا اوكي .. انتي غني الحين
فواز مستانس يسمعهم وقاعد يسجل .. في طوفه بينهم لا اهمه يجوفونه ولا اهوه يجوفهم .. بس ينسمع كل شي
ريم: بسم الله
اسماء: يالله انتي سنه
ريم: احم .. (ضمت يدها يزعم مايك .. ) هاي .. هذي اغنيه اهديها لحبيب قلبي ناصر ..
اسماء تصفق: تصفيييييييييق .. عاااااااشوا الحاضرين .. تفضلي
ريم غمضت عيونها وتمت تغني باحساس .. تغني وعيونها تدمع وقلبها يدق .. واسماء داشه feeling وياها .. :
أكثر من أول أحبك بس مابغى أقول
آخاف لو قلت تتغلى علي مــــره
انا بصراحه أحبك حب مو معقول
أكبر دليل لغلاتك غيرتي مُـــره
شف دمعتي لهفتي حتى العيون تقول
أحلى الكلام أحفظه ويضيع من نظرة
لمّا تقول لي أحبك التفت بذهول
من فرحتي فيك تخنق صوتي العبره
لاغبت أحس الدقايق في الغياب تطول
وتشب في غيبتك وسط الحشـا جمره
كل البشر حبهم قطرة غلا وميول
حبك بحر وش تجي عند البحر قطره؟
مابالغ ان قلت وان بالغت انا المسئول
انا أصدق احساس في الدنيا على فكـره

ريم كانت تغني باحسااااااس .. مشت دموعها .. واسماء دمعت عينها بعد .. وتمت تصفق لها
اسماء : عيني ريمو .. آآيه عليييييج خذتيني عالم ثاني .. هالكثر تحبينه؟
ريم: كلمة أمووووت فيه شويه عليه
اسماء: لا اله الا الله .. طول ماا انتي تغنين اتخيلج وياه ..
ريم ابتسمت: حبيبي والله
اسماء: اللاي ابي احد يهديني هالاغنيه
ريم: انا اهديها لج
اسماء: انتي شسوي فيج ؟؟
ريم: اها يعني تبين فيصل يهديها؟
فيصل ينادي: رييييييييييييييييم
ريم تصارخ : نعععععععم
اسماء: شنو نعم انتي روحي له
ريم: او نسيت
راحت له اخته وتمت اسمااء فلبلكون
فواز مستانس .. رن تلفونه وخاف يسمعونه .. دش بسرعه شقته يتكلم ..
دشت ريم غرفة فيصل
مرتب كل شي فلكبت .. وحاط شنطته على صوب
ريم ابتسمت: ماشالله عليك .. تصدق انا مامداني ارتب ؟ لا لا مايصير بروح ارتب اغراضي انا
فيصل ابتسم: ماتعرفين اخوج يعني ؟
ريم: يحليلك ..
فيصل: اتصل فيني ناصر .. يقوللي العصر بيينا
ريم تسوي روحها ماتدري: زين
فيصل: عاد خلكم جاهزين مو تأخرونه
ريم ابتسمت: لاااااااا افا عليك من الحين نجهز ولا يهمك
فيصل: وقولي حق رفيجتج هالـ
ريم تقاطعه: فيصل؟
فيصل: بس بس زين ..
ريم وهي طالعه: بروح ارتب ..
طلعت تنادي اسماء: اسوووووووم تعالي
اسماء طلعت من البلكون: شصاير؟
ريم: امشي امشي ..
فيصل طلع يجوف التلفزيون ..
قعد يجوف له مباراه
اسماء وهي تشيل ثيابها: يعني حزتج انتي ؟ خليتيها باجر ؟
ريم: الحين فصوول الفاج رتب كل شي ماشالله عليه
اسماء عفست ويهه: وانا شعلي من فصول .. خل يرتب
ريم علقت كل ثيابها وحطت اغراضها فلكبت: اي جذي انا كملت
اسماء : تعالي ساعديني عاد
ريم خذت منها الثياب: اجوف هاتي
اسماء تجوف القلب اللي على ريم: باصيييييييح ريمو ابي
ريم مب فاهمه: شتبين؟
اسماء تأشر عالقلب: هلون
ريم تتغيبه: شنهي ؟؟ البجامه ؟؟
اسماء احترت: لا يالبقمه .. القلب
ريم ابتسمت: لو تبين .. تقدرين
اسماء عفست ويهه: لا ماقدر
ريم: امبلا .. (علقت لثياب) ماتذكرين يوم حلفتي انج تحبينه ؟
اسماء : افففففف انتي ماتمللين من هالسالفه ؟
ريم: لا حبيبتي .. ولا بتملل ..
اسماء : انسي الموضوع .. زين ؟
ريم: لا حبيبتي .. آآآآآآآسفه
اسماء: افففففففففف تمللين الواحد انتي (لبست شيلتها) اروح اجوف التلفزيون احسن لي
ريم ابتسمت: روحي
اسماء طلعت الا تجوف الشيخ فيصل مبسط يجوف المباراه
وقفت جدامه وتخصرت: ابي اجوف
فيصل بهدوء: تعالي قعدي
اسماء عافسه ويهه: وانت بتم قاعد ؟
فيصل يجوف التلفزيون: تعالي قلت لج
قعدت علكرسي اللي يمه: فره مابي اجوف المباراه
فيصل يطالعها: انا ييت قبل
اسماء معصبه: وانا ابي اجوف
فيصل: قلت انا قبل !! ها !!
اسماء ابتسمت: عاد
فيصل يخزها بنص عين: مافي
اسماء تحاول تبتسم: يالله عاد .. صير حليو
فيصل التفت عليها: نطري شوي الحين وقت بدل ضايع بتخلص المباراه
اسماء تتأفف: اففف
فيصل يابو قول وصرخ: قووووووووول يااااااااااااسلام علييييييييك والله
اسماء تطالعه مستغربه .. التفت عليها : شفيج يعني مايستنون الأوادم ؟
اسماء تتطنز عليه: بفففففف عاد مب جذي .. بطيت اذني
فيصل يوم كملت المباراه قعد يفرر
اسماء: هيييييي عطني الرموت
فيصل ولا جن يسمعها
اسماء حذفت عليه الموسده: قلت لك عطني
فيصل ابتسم: خير ؟ تبين شي ؟
اسماء يزعم حليوه: انزين خل الفلم
فيصل يبي يحرها: ان شااااااااءالله من عيوني ..
(حط لها الفلم اللي تبيه وقعدوا يجوفونه ..)
فيصل ماد ريوله علطاوله واهي حاطه يدها على خدها مشتطين ويا الفلم
ريم طلت عليهم .. حدهم شكلهم يونس .. خذت الكيمرا وشالت الفلاش عشان مايصيدونها وصورتهم ..
راحت قعدت يم اسماء ..
اسماء حدها مشتطه ولاتدري بللي يمها
فيصل راح يم اذونها وصرخ : بووووووووو
نقزت نقزه : يييييييييييييمه (يودت قلبها) خرعتني
التفتت عليه معصبه : يالدب يالكريه يالخايس جذي تخرعني ؟
فيصل ميت من الضحك عليها: ههههههههههههههههههههههه
اسماء خذت الموسده تطقه: تضحك علي بعد ؟؟ كرهات تكرهك
ريم فيها الضحكه: بس حبيبتي قعدي الحين
اسماء تبزخ فيه بالموسده وهوه يضحك
اسماء بوزرت وقامت بتروح: مابي اجوف الفلم مابي
فيصل يضحك ولا همه
راحت لها ريم سحبتها: امشي جوفيه ماعليج منه
اسماء: خيولي مابي اقعد وياه الدب الكريه الخايس
ريم سحبتها وقعدتها غصب .. وتأشر على اخوها ان يسكت ..
فيصل ميود روحه
اسماء تتحلطم: خررب علي الفلم أسود الويه
فيصل عطاها الرموت يزعم ورده .. ببراءة: آسف
اسماء معصبه: اذلف عن ويهي لا بلعك اياه اهني ..
فيصل يتحندى: وييييييعه لسان
اسماء التفتت عليه: جب
فيصل حقرها وتم يطالع الفلم .. قمة الوناسه عنده اذا يتسبب فيها .. واذا تعصب ويحقرها ..
ذبحته يجوفها تعصب وتتحندى عليه
يحاول بأي طريقه يتسبب فيها عشان تحاجيه
اهيا بعد تستانس اذا تتهاوش ويااه وتكلمه
صار هدوء وقاعدين يجوفون الفلم ..
اسماء يودت بطنها وعفست ويهه من العوار .. بهدوء: آي
حس فيها فيصل ..بسرعه: شفيج؟
اسماء تحاول تخفي ألمها: شتبي انت ؟ مافيني شي ..
ريم خايفه: أسوم فيج شي ؟
اسماء ابتسمت: لا عادي ..
ريم راحت يابت لها بندول وماي بسرعه: هاج
اسماء تفشلت: وي ريمو مايحتاي؟
فيصل يتسبب: شربي وانتي ساكته
اسماء التفتت عليك: انت من حاجاك؟ افف
فيصل ابتسم وسكت
اسماء تنبط جبدها اذا يتبسم هالبسمه .. في خاطرها " تسوي روحك بريئ "
بلعت البندول ..
فيصل يبي يتسبب بس هوّن ..
عقب شوي رن جرس الشقة
فيصل قام بيبطل الباب .. ألتفت على ريم: قومي لبسي يمكن ناصر
ريم بسرعه سحبت اسماء ودشت الغرفه
فيصل بطل الباب الا فواز
فيصل مب متذكر اسمه: هلا هلا .. حياك
فواز ابتسم: الله يحييك .. لأا بس كنت بسألك .. عسى مرتاحين ؟ كلشي تمام ؟
فيصل ابتسم: والله الحمدلله .. حيااك تفضل
فواز: لا والله مستعجل .. بس قلت اسلم عليك وشوف كانك محتاج شي ولا شي .. ترى انا بالخدمه
فيصل: ماتقصر يالشيخ
فواز: بينه الباب ..
فيصل: فيك الخيير والله
فواز: يالله انا ماشي .. تامرني على شي ؟
فيصل: سلامتك
فواز: الله يسلمك .. مع السلامه
راح فواز وفيصل دش ..
ريم بسرعه بدلت ولبست واسماء بعد بدلوا وكشخوا
ريم وهي تلبس شيلتها: ماااااااستحمل بجوفه الحين
اسماء تعدل الوست باق ..: انتي كله ماتستحملين ؟؟
ريم: حدي حدي لااستطيييييييييييع
اسماء: اامشي يالله لايسويلنا سالفه اخوج ..
ريم عدلت القلب: يالله
طلعوا من الغرفه .. ومحد فلصاله .. ريم تتلفت يمين يسار .. المطبخ .. صوب التلفزيون .. البلكون .. محد فيه
ريم بهدوء: تجوفين احد ؟
اسماء تتلفت: لاء
ريم: وينهم ؟
اسماء: تخيلي خونوا فينه وطلعوا بروحهم؟
ريم بوزت: لااااااااااا .. تهقين ؟
اسماء: اسوونها ..
شوي الا طالع لهم فيصل من الغرفه .. لابس تي شرت وجينز .. مودي شعره على ورا .. ميود نظارته ..
اسماء مبققه عينها تجوفه
فيصل يطالعها
واسماء تطالعه
اهوه يجوفها ومستانس عليها وهي مستانسه عليه .. بس محد ابين حق الثاني ..
ريم في بالها ناصر بس تمت تجوفهم شلون يطالعون بعض ابتسمت: احم احم
فيصل للحين يطالع اسماء
اسماء نزلت عينها تبي تغير السالفه التفتت على ريم: شسمه ..
ريم تخزها: شسمه ؟
اسماء متفشله: ريمو يوزي
ريم ابتسمت: فيصل وينه ؟
فيصل: من ؟
ريم : ناصر ..
فيصل: مادري مايه ..
ريم: ويه ؟
فيصل: زين قلت لكم ناصر عشان تبرزون بسرعه وماتفشلونه ويا الريال
رن تلفون فيصل ...
فيصل يبي يحر اسماء . .بهدوء: هلا والله وغلا
(دش غرفته وصك الباب .. كان يحاجي ناصر)
اسماء تطالع ريم: الكريييييييييييه الخايس .. جفتيه ؟
ريم تبي تحرها: شفيج ؟ شسوالج ؟
اسماء عصبت: اففففففف .. يبط جبدي ياربي اكرهه
ريم ابتسمت: تغارين ؟؟
اسماء: يخسي الا اهوه اغاار عليه مالت عليه وعلى شكله .. اففففف
ريم: بس بس لتأففين علي ..
فيصل يبيها تسمع .. كمل سوالف ويا ناصر قاله خمس دقايق وهو عندهم .. .. صك التلفون
وقعد يضحك بصوت عالي
اسماء عافسه ويهه: ضحكت من سررررررررك بلا
ريم: بس عاااااااد ..
اسماء متضايقه: ليش يسوي فيني جذي؟؟؟
ريم: انتي ليش تسوين فيه جذي؟
اسماء: انا شسويت ؟
ريم: وهوه شسوى ؟
اسماء: ريمو لتيننيني !! شفيج عليي ؟؟
ريم: انتي شفيج على روحج ؟؟
اسماء: مادري مادري .. اففففف
ريم: في كلام وايد ابي اقوله لج .. بس ادري فيج ماتقبلين مني شي بخصوص هالسالفه
اسماء: انا لله .. مابي اسمع شي زين ؟
ريم: جفتي ؟؟ بس عيل لتقولين ليش جذي وليش جذاك !!
اسماء: ياربي محد يفهمني
ريم: انا فاهمتج والله .. بس انتي مب راضيه تفهمين روحج
طلع لهم فيصل ..
اسماء من جافته نزلت عينها
فيصل يبي يحاجيها يبي يتسبب .. مب عارف شيقول ..
كلش مب عاجبه الوضع جذي ..
كان يتمنى ان مايعرف من اهيا عشان يواصل بحبه .. كان صج يحبها
وللحين يحبها .. بس مايعرف شلون يرتب افكاره ويستوعب ..
فيصل يحاجي ريم :يالله خننزل له .. ألحين بيي
ريم استانست: يالله
نزلوا تحت .. شوي الا ناصر يااي
ريم استانست ..
وناصر عينه عليها ..
ناصر نزل الجامه: حياااااااكم
فيصل ركب جدام: يحييييك
ركبت ريم ورا ناصر .. واسماء ورا فيصل ..
ناصر يطالع ريم من المنظره: شلوونكم ؟
فيصل: الحمدلله بخير شلونك انت ؟
ناصر: والله تمام التمام .. الحمدلله (التفت ورا .. يطالع ريم) شلونكم بنات ؟
ريم ابتسمت: الحمدلله
اسماء : الله يسلمك
ناصر: عاد انا اليوم بوديكم مكاان بتستانسون عليه .. بس فيصل الظاهر بيكفخني
فيصل عفس ويهه: لتقولي سوق
ناصر ابتسم: اسمه The Block .. وايد حلو .. مجمع مفتووح .. يفتح النفس في هالجو الحلو
ريم واسماء مستانسين: اللاااي
فيصل مب عاجبته السالفه: يخي عاد من أول يوم سوق ؟؟ ماتعرفهم ذلين ولا بيطلعون
ناصر: خلهم يتسانسون .. مب كل يوم بنوديهم السوق ..
فيصل: يالله شنسوي بعد .. سوق سوق ..
ناصر شغل المسجل وتم يغني كالعااده .. صج كان صوته حلو ..
ناصر يصارخ: لك حبيييييبت يموت فيك .. حس به الله يهديييييييييك .. منشغل باااله عليييييك .. وانت مافكرت فيه
كنك الماي لضماااااه .. وضحكته وبسمة شفااااااااااه وانته حلمه فلحياااااااااااه وانت كل اللي يبيه ..
(بهدوء) يابعد هالدنيا ليييييه .. صاحبك تقسى عليييييه .. اللي اهدااالك حيااته وانته مستكثر تجييه ..
ارخص الدنيا لغلاااااااتك .. واشترى فرحة حيااااتك .. لو طلبت عيوونه جاتك .. وانت تتغلى عليه
ريم مستانسه عليه .. وهوه مشتط يغني .. يطالعها شوي ويرد يغني ..
اسماء كانت تركز فلكلمات ..
وفيصل لا اراديا التفت على اسماء .. وتم يطالعها
اسماء تفشلت .. ماعرفت شتسوي ولا شتقول .. تمت تطالعه وهوه يطالعها .. وساكتين
ناصر التفت على فيصل واستغرب .. شفيه ؟ .. وريم تطالعهم وتبي تقول شي .. مب عارفه شتقول ..
لا اسماء عاجبها الوضع ..
ولا فيصل عاجبه الوضع ..
فيصل توه حاس في روحه .. عدل قعدته وقعد يجوف جدامه .. وجن ماصار شي ..
ريم ماتبي تطالع اسماء ولا تبي توش تفكيرها .. سكتت عنها وخلتها ..
وصلوا المجمع
نزلوا من السياره
ريم واسماء جدموا
ريم: اللااااااااي فن
اسماء في بالها فيصل .. مفهيه
ريم سحبتها: اللااااااااااااي .. عجيب
فيصل يتحلطم على ناصر: الحين بيدورون راسنه وياهم
ناصر: شعااد .. شوي بس وبنيلس في ستاربكس ونخليهم
فيصل: لا بروحهم اخاف عليهم
ناصر: لا لتحاتي أمان مايصير شي ان شاءالله
ريم مستانسه ..: حلو كان المول حده شررح .. والجوا وايد حلو
ريم جافت
Victoria's Secret
ريم: اللااااااي امشي امشي
اسماء استانست: اللاااااااااي وناسه
دشوا المحل .. ومب عارفين شيشترون كل شي عاجبهم ..
فيصل وناصر تموا ينطرونهم برا .. مب عدله يدشون محل نسوان
تموا تقريبن ساعة فلمحل ..
وفيصل يتحندى .. خذولهم لفه عالمجمع كله ورجعوا لهم واهمه للحين داخل
شرولهم لوشنز .. بدي سبري .. بيجامات .. ميك اب ..
طلعوا وكل وحده شايلة لها جيسين .. شكبرهم .. ويضحكون
فيصل معصب: هذي من أول محل ؟؟
ناصر يضحك: الله يهداكم .. شخليتوا ؟
ريم ابتسمت: ثقاال .. نوديهم السياره ؟؟
ناصر يبي ياخذهم منها: يبيهم انا بوديهم
ريم: لا لا انا بايي وياك
ناصر : انزين تعالي بس انا بشيلهم (خذاهم منها بالقوه)
ريم خذت اجياس اسماء: انا بوديهم .. انتي تمي هني
فيصل: خليهم انا بوديهم وياه
ريم: لا لا انا بوديهم .. تموا تموا ..
جدمت .. ويزعم تدل الطريج
ناصر لحقها: تعااااااالي .. امشي وياي
ريم استحت: يالله
ناصر يطالع القلب: احبج
ريم شب ويهه: ناصر عاد !!
ناصر : اشريتي لي ؟
ريم : ماشريت شي .. كله اغراض نسوان ششتريلك ؟
ناصر يتدلع: اي شي .. يعني ماذكرتيني بشي ؟؟ افا بس
ريم تفشلت: ناصر !!
ناصر: اتغشمر يبه ..
وصلوا السياره .. وخلوا الاغراض هناك
ناصر: اشتري اللي تبين .. بس لتكثرين
ريم ابتسمت: ان شاءالله
ناصر: حبيبتي فيج شي؟
ريم تسندت عالسياره: اممم
ناصر خاف فيها شي: ابوي شصاير؟
ريم: لا بس .. في سالفه شاغله بالي وايد وماعرف شلون اتصرف ..
ناصر: قولي شصاير؟
ريم: اخاف نتأخر عليهم
ناصر: ماعليج .. قولي شفيج ؟؟
ريم : امممممم .. فيصل
ناصر: شفيه ؟
ريم: اسوم
ناصر: شفيها ؟
ريم منزله راسه وتتكلم : مادري شسوي فيهم .. اثنينهم يحبون بعض وكل واحد راسه ايبس من الثاني ..
ناصر ابتسم: آآيه عليج .. اممممم .. شرايج يعني شناويه تسوين بالضبط ؟
ريم متضايقه: والله مادري عيزت ..
ناصر: ماعليج انا افكر في شي واقولج الليله .. لتحاتين ..
ريم مشت: يالله زين لنتأخر عليهم
ناصر: صبري عااااااااد
ريم التفتت عليه: يالله
ناصر راح يمها: فيه محل احبه اهني .. اكيد بتينين عليه ..
ريم ابتسمت: افا عليك ..
وصلوا لهم .. كانو واقفين عند المحل .. اهي ساكته وهوه ساكت ..
ناصر يطالعها: دشي هالمحل ..
ريم تقراه : Bath & Body Works .. يبيله
فيصل يحاجي ناصر: يخي انا تمللت .. امش نيلس فستاربكس وهمه خلهم
ناصر: لتبعدون .. خلهم هالصوب .. واذا في شي اتصلوا
ريم: ان شاءالله
دشوا المحل .. شرولهم شكثر اغراض .. لوشن وكريم وشامبو وبدي سبري وهاند جل وصابون
كل وحده جيسه عوده ..
ريم: افففففف شثقل
اسماء: الحين بنحصل زفه .. اظن هذي آخر مره يفكرون فيها ايبونه سوق ..
ريم: لا وأول يوم بعد .. ههههههه
اسماء: يالله خل نستااانس شعلينه منهم
ريم: بعد اذا في شي عاجبنه نحطه في خاطرنا ليش ؟
اسماء: بوو تأخرنه .. كل ذي محلين !!
ريم: الحين نبي نوديهم السياره .. بس اذا جافونه بيقولون بس مافي مكان غير .. شنسوي ؟
اسماء: اممممممم .. كلش ماينفع ندور فيهم .. بعدين انا يعت ..
ريم: اي والله انا بعد يعت .. نطري بس الحين شريت حق امي ونجود بس بقى ابوي .. ندور له شي ونروح
اسماء: اوكي يالله عشان انا اشتري حق رشود شي

يتبع

 

[اسيرة احزاني]

يعطيج العافية
كمليها بانتظااااااااااارج

 

[احترت اعبر]

فيصل ويا ناصر في ستاربكس ..
فيصل: والله حلو المكان ..
ناصر: اي انا يعجبني وايد
فيصل: زين والله .. بس ماينفع عندنه جذي الجو مايساعف كلش ..
ناصر: بالضبط ..
فيصل يطالع الساعه: جنهم طولوا ؟؟
ناصر: خلهم على راحتهم
فيصل: لو تنساهم اهني يومين مابيحسون في روحهم ..
ناصر ابتسم: يالله اهم شي يستانسون

عقب ماشروا اللي يبونه ..
اسماء: صارت ست ونص !! ماشالله
ريم: اقول .. بتصل حق فيصل انا بقول له يواعه .. وبخلي ناصر اييبنه اهني مره ثانيه
اسماء: اي اذا جذي تمام ..
ريم خذت التلفون واتصلت : الوو .. هلا الفيص .. وينكم ؟؟ .. امم لا اوكي احنا بنيي اكا جفته .. يالله باي .. باي
اسماء: ها ؟
ريم: يالله امشي ..
راحوا لهم ستاربكس ..
ناصر : يالله نوديهم السياره (يازت له السالفه .. خذ الأعراض من ريم وريم خذتهم من اسماء)
ريم: يالله
فيصل تم قاعد .. واسماء واقفه ..
ريم وهي تمشي وبطنها من اليوع يقروج مادري يغروج " نسيت الاسم" ويطلع اصوات
ريم ابتسمت: ناصر
ناصر: عيووووووووون ناصر انتي
ريم ببراءة: يوعانه
ناصر التفت عليها: آآيه عليج يوعانه ؟؟ افا عليج الحين نروح ناكل
ريم استانست ..
اسماء كانت واقفه ..
وفيصل يبي يقول لها شي .. مب عارف ..
فيصل : اممم .. علأقل قعدي
اسماء التفتت عليه: مرتاحه جذي
فيصل سكت .. واسماء ساكته ..
فيصل كل مايبي يتحجى .. يسكت ..
اسماء واقفه وماعطته ظهرها ..ومتجتفه .. ولا عليها
يوهم ناصر وريم
ناصر: يالله امشوا نتغدى
فيصل: يالله .. وين عاد ؟
ناصر: امممممم .. كيفكم في مطاعم وايد هني .. تبون جوني روكتس ؟
ريم: ايي يالله أي شي يوااعه
ناصر يطالعها: بوو هالكثر اليوع مطرقعج ؟
ريم تفشلت: ها ؟
وهمه يتمشون .. ريم واسماء يدهم تحكم .. يبون يدشون المحلات ويتشرون ..
اسماء سحبت ريم: سمعيني .. انا ميته من اليوع .. ومافيني شدة اجابلهم
ريم التفتت عليها: انتي شعليج منهم .. اكلي
اسماء: لا لا بليز ريمو .. هذي اخوج .. وهذي ولد عمج .. انا شدخلني ؟
ريم تضايقت: افاااااااااا .. شنو شدخلني ؟؟ اسوم آآخر مره اسمع منج هالحجي
اسماء ابتسمت: عاد ريمو فهميها .. انا ابي آخذ دبل جيز برجر .. مافيني شده ابطل حلجي جدامهم .. فشيله
ريم تفكر: تصدقين انا بعد خاطري في دبل ؟؟ بس اوكي بقول لهم احنا بنقعد بروحنه
دشوا المطعم .. ريم سحبت اخوها: فيصل
فيصل التفت عليها : نعم ؟
ريم: احنا بنيلس بروحنا ها .. وانتوا بروحكم
فيصل عقد حواجبه: وليش بالله ؟
ريم : عاد عاد بس اليوم .. نبي نقعد بروحنه
فيصل: كيفكم .. (ينادي ناصر) نااصر
ناصر التفت عليه: هلاا
فيصل: بس خلنا احنا بروحنه واهمه بروحهم
ناصر تكدر: ليش عاد ؟
فيصل: مادري يبون يتمون بروحهم .. خلهم
ناصر: على راحتهم .. يالله قعدوا ..
ريم واسماء تجابلوا بروحهم .. واهمه يمهم متجابلين
ريم يوعانه تطالع المنيو : يميييييييي ..
اسماء: اللاااااااي اشهييييييييييييي
ريم: جوفي الفرنج فرايس مالهم .. آآآآآآآخ
اسماء: بس بس .. يالله اكا يات .. طلبي ..
ريم طلبت لهم .. وقعدوا ينطرون
فيصل وناصر طلبوا لهم بعد ..
يابوا لهم الأكل
ريم: آآآآآآآخ ريحته ..
اسماء: تدووووووووخ ..
ناصر طول الوقت يخز رييم ..
ريم ويهه احمر: اسوم مب قادره آكل
اسماء التفتت وراها: نصوور ؟
ريم: آآيه عليه مينني
اسماء عدلت قعدتها صارت بالضبط مجابلة ريم .. ناصر مايقدر يجوفها
اسماء تاكل الجبس: زين الحين؟
ريم متضايقه: لااء
اسماء: انا لله .. شتبين انتي بالضبط؟
ريم: ابي اجوفه ..
اسماء: ريمو بذبحج .. توج تقولين مب عارفه تاكلين زحير في جبدج
ريم يودت البرجر: زين نطري اذا كملت زري عشان اجوفه .. (ابتسمت)
اسماء تخزها: عداااااااااااال جولييت
ريم تاكل ولا عليها ..
ناصر يوم سدت اسماء عليه عيز يتلفف يبي يجوفها مايقدر ..
فيصل حس فيه: يخي شفيك .. ؟
ناصر: ها ؟؟ لا مافيني شي ..
فيصل : والله خوش اكل .. تحسه فرش .. مب اللي عندنه
ناصر: لاتقاااااااارن .. مايي صوبه كلش
فيصل وناصر كملوا .. وفيصل حلف ان يدفع لهم كلهم ..
ظلمت الدنيا .. خذتهم السوالف فلمطعم ..
طلعوا يتمشوون فلمجمع شوي ..
الجو كان وايد حلو .. براااد وهوى شوي ..
ناصر يتطنز: هاا .. فيكم شدة سوق
ريم مستانسه: اكيد
ناصر مستغرب: هالحزه ؟
ريم مستغربه: وليش لاء؟
فيصل ابتسم: يخي لاتستغرب .. لو تهدهم اهني شهر بتقولك بعد ابي
اسماء تطالع ريم: شفيهم محترين ؟؟
فيصل يتسبب .. يقلدها: شتبين انتي ؟
اسماء عفست ويهه: شتبي انت ؟
ريم غيرت السالفه .. بهدوء: حلو الجو .. رومانسي
ناصر راح صوبها يساسرها: احبج
ريم قلبها يدق تتلفت اذا احد جافه ولا شي .. كلمن كان لاهي ..
في خاطرها " لازم يحرجنيي " ..
ركبوا السياره ..
ناصر: فيكم شدة سينما ؟
فيصل: والله انا ماعندي مشكله (التفت على اسماء) بس خوفي من الشخيير اللي بيصير
اسماء عصبت: انا اشاخر يمال الويعه ؟
ريم تستر عالسالفه: في افلام عدله ؟
ناصر: والله مادري نروح ونجوف .. شرايكم ؟؟
اسماء معصبه: اانا مابي .. ودوني الشقه
فيصل التفت عليها: تخافين من الفشيله يعني ؟؟ عادي يبه بحجز لج كرسيين ورقدي
اسماء معصبه
ريم بسرعه تحجت: لااااااااااااااااااااا اله الا الله
الكل: محمد رسول الله
ريم بهدوء: صلوا عالنبي .. شفيكم؟
الكل: اللهم صلي وسلم عليه ..
فيصل التفت على اسماء .. ابتسم
اسماء عفست له ويهه
ناصر متوهق: عاد بتهاوشون بتطاققون قلعتكم .. بوديكم السينما يعني بوديكم
اسماء تساسر ريم: ريمو مابي
ريم التفتت عليها: اسماء عشانني هالمره .. بليز .. لترديني
اسماء ابتسمت: آخر مره .. ولا طلعة ويا اخوج .. تحلمين
ريم تسكتها: اوكي معليه بس اليوم
ناصر يبي يغير الجو .. شغل المسجل وبيغني
فيصل: يخي انت كله بتغني ؟
ناصر مستانس: يخي خلني أعبر عن الوناسه اللي فيني ..
فيصل: لا بس تصدق .. صوتك حلو
ناصر: اييييي ماتدري اميريكان آيدول كليوم يتصلون لي ؟؟ مستر ناصر تعال ومستر ناصر تعال ..
فيصل ميود الضحكه: وليش مارحت؟
ناصر يواصل: يخي اخاف من الحسد .. هالايام العين ماتخلي الواحد بحاله
فيصل: اي والله صااج ..
ناصر التفت عليهم: ولا شرايكم؟؟
اسماء ساكته ..
ريم ابتسمت
ناصر متفشل: رقدتوا ؟؟
ريم بهدوء: تعرف رايي
ناصر ابتسم
اسماء: يالله غن
ناصر يحوس فلسيديات .. : قولولي اي اغنيه تبون وانا حااضر ..
فيصل: حط بالك عالطريج وقولي انا بدور لك ..
اسماء تفكر ..
ريم بسرعه: اختلفنا .. بليز
ناصر التفت عليها: من عيوني
ريم كانت تبيها نقزه حق اسماء وفيصل ..
ناصر يحاجي فيصل: جوف سيدي مكتوب عليه محمد عبده 3 ..
فيصل يدور .. : وين ؟ اي اي اكا .. هااك ..
ناصر شغله .. : احم .. عاد اسمحولي صوتي شوي مشحط ..
فيصل: افا عليك .. بس لتقحص وايد
ناصر: لا لا افا عليك .. (ناصر طوّف شوي .. بصوت عالي ) كيف نخفي حبنا والشووووووووووق فاضح .. في ملامحناا من اللهفة ملاامح
وكييف نخفي حبنا والشوق فاضح .. في ملااامحناا من اللهفة ملاامح .. عاشقين ونبضنا طفلن حنون .. ان تزااااااعلنا .. يسااامح
فيصل واسماء .. الكلام موجه لهم ..
ناصر بلعمااله عاد المقطع .. ورد يغنيه .. وكل ساعه يعيده ..
فيصل بهدوء صك المسجل ..
ناصر التفت عليه توه بيتحجى: اشـ
فيصل قاطعه: راسي يعورني .. آسف
ناصر سكت .. تم يسووق
واسماء تفكر فلكلمات .. طبعا بتستوعب لي وصلت الشقه ..
فيصل: شرايك تخلي السينما باجر ؟؟
ناصر: لييش شصار الحين ؟
فيصل: لا بس راسي يعورني ..
ناصر يتطنز: هالكثر صوتي يعور الراس؟
فيصل ابتسم: لا لا شدعوى ؟؟ بس خنروح الشقة
ناصر : علهوااك .. الشقة الشقة .. بس باجر لتقولي راسي ماراسي
فيصل: ان شاءالله
وصلوا الشقه ..
فيصل التفت على ناصر: مشكور والله تعبنااك ويانه
ناصر: شدعوه ؟
فيصل: حيااك اركب
ناصر: لا لا .. اخليكم ترتاحون .. باجر اييكم ان شاءالله
فيصل: انزل شوي
ناصر: لااالاا ماله داعي .. بمشي
فيصل: زين باجر تعال من وقت
ناصر: اي اكييد .. افا عليك
فيصل يسلم عليه: يالله .. نجوفك باجر
ناصر: على خير
فيصل وهو راكب: مع السلامه
اسماء ركبت ورااه ..
ريم بلعماله تأخرت عشان ناصر ..
نزلت .. نزل ناصر وراها .. تسندت عالسياره .. متضايقه: جفت شلون؟
ناصر: ماعليج حبيبتي لتحاتين .. جوفي .. بتصل لج وبقولج شتسوين .. انا الحين بطبخ السالفه في مخي وبتصل لج
ريم ابتسمت: مو تحرقها
ناصر ابتسم: افا عليج ..
ريم بتمشي .. راح جدامها .. : وين ؟
ريم منزله راسها: بركب
ناصر دزها عالسياره: تمي شوي
ريم: الحين فيصل بيفضحني
ناصر: وانا شعلي من اخوج ؟؟
ريم تحاول تمشي من ماتتحرك يسد عليها ..
ناصر يزعم زعل: هالكثر ماتبين اتمين وياي ؟
ريم تطالعه: حرام عليك مب قصدي والله العظيم لا بس انا قلت بروح يعني مب عدله الحين هالحزه شسمه بعدين ذاك
ناصر يطالعها ويضحك: هههههههههه شقلتي انتي الحين ؟
ريم تفشلت: ها ؟
ناصر: روحي حبيبتي .. تصبحين على خير ..
ريم مشت .. التفتت عليه: وانت من اهله ..
ناصر تم يطالعها .. ببراءة .. لي ماركبت .. اتصل لها: وصلتي ابوي ؟
ريم: توني داشه
ناصر: احببببببببج
ريم مستحيه: شوي بس ابدل واكلمك ..

ناصر: لتأخرين
ريم: ان شاءالله
كانت الشقة سهده .. فيصل في غرفته .. واسماء بعد ..
دشت عليها
ريم بهدووء: شفييييييهم الحلوين ؟
اسماء معصبه: اشش مافيني شدتج
ريم راحت لها: أفاء ؟؟ افاااااا يذا العلم .. مافيج شدتي ؟
اسماء: يعني جم مره اقولج اذا انا معصبه لتيين صوبي
ريم: وانتي متى ماعصبتي اسوم ؟
اسماء عاقده حواجبها: شقصدج ؟
ريم: مب قصدي شي .. افا عليج بس
اسماء: افف لو ودي رجعت البحرين احسن لي من مجابل ويه اخوج النحس
ريم حطت يدها على راسها : ردينه؟
اسماء: يختي .. مادري شفيني .. (دمعت عينها) قلبي يعورني
ريم: اخاف اقولج شفيج تزفيني
اسماء: قولي .. جذي جذاك بزفج
ريم: وه عليج !!
اسماء: قولي شعندج؟
ريم: بخلي الحجي باجر .. مب الحين
اسماء يودت قلبها: والله قلبي يعورني .. بس مادري شللي يخليني اتسبب فيه وارد عليه .. احس بوناسه
ريم تخزها: وناسه ؟
اسماء: مادري شسمه بس استانس لين يتسبب فيني .. انطر اللحظه اللي يتسبب فيني تصدقين ؟
ريم: ياربي اسوم حجييج كله تناقض .. لآآخر مره اسألج .. تحبينه؟
اسماء سكتت
ريم: جاوبيني بليز
اسماء يزعم تفكر ..
ريم: زين .. بروح انا ببدل الحين .. لكن برجع لج مب هادتج .. زين ؟
اسماء ساكته ..
ريم قامت عنها : ياكرهج لي حقرتي ..
راحت تسبحت وبدلت .. عقب قعدت فلصاله واتصلت حق ناصر
ناصر معصب: لا شلا بعد متصله ؟؟ ليش ابي اعرف ليش ؟
ريم تكدرت: شسوي ؟
ناصر: صكي بتصل لج
ريم مستغربه: شلا؟
ناصر: صكي قلت لج . .باي
ريم: ليش انزين؟
ناصر: بااااااااااي
صكه .. ورد اتصل فيها
ريم: شفيك الحين ؟
ناصر: حبيبتي لتخليني انطر وايد .. احاتيج
ريم ابتسمت: آآسفه .. آخر مره
ناصر: كل مره تقولين لي آخر مره وماجفنه شي
ريم: ناااصر عاد
ناصر: عيوون ناصر انتي ..
ريم: طبخت السالفه ؟
ناصر: امممممم .. بقولج شتسوين .. بس ماظن السالفه تعجبج
ريم: قوول ماعليك
ناصر يتطنز: اشيلها واقطها عليه واقوله هااااااااك خذها بلا دلع
ريم عبالها من صجه: شتشيل فيها الله يهداك ؟
ناصر فيه الضحكه: انتي كل شي تصدقين؟
ريم تفشلت: شدراني
ناصر: سمعيني .. صج صج مادري جان تعجبج ولا لا..
ريم: قووول وماعليك
ناصر: اممممم .. انتي اخذي تلفونها .. واانا آآخذ تلفونه .. زين ؟
ريم: انزين ؟
ناصر: انتي طرشي مسج حق فيصل من رقمها ..
ريم: وانت تطرش مسج حق اسماء من رقمه
ناصر: ياسلاااااااااااام عليج .. ذكيه .. طالعه علي
ريم ابتسمت: وشنكتب فلمسج ؟
ناصر: امممم .. عاد هذي يبيلها تفكير
ريم: لاتفكير ولا شي ..
ناصر: في باالج شي ؟
ريم: اممم .. بقولك .. مادري عاد اذا
ناصر يقاطعها: قولي حبيبتي
ريم : امم .. يعني .. وي استحي اقوول
ناصر استانس: لا بتقولين
ريم: لا لا عاد استحي .. والله استحي
ناصر: قووووووولي .. اذا تحبيني قولي
ريم: ناصر !!
ناصر: اه يعني ماتحبيني .. اوكي معليه بس فهمتها
ريم توهقت: لا لا عاد ناصر
ناصر: نعم تبين شي ؟
ريم: بقول لك لتدلع
ناصر يتدلع: شتبن؟
ريم تتدلع: حاجني عدل اول
ناصر ابتسم: حبيبتي انتي .. مايتغشمرون يعني ؟؟ يالله قولي
ريم: استحي
ناصر: اوهوووووو .. مادري اوديج حق الملاج ونملج عشان ماتستحين؟
ريم: حتى لو بستحي
ناصر: ترى بطقج
ريم خذت نفس: انزين اسمعني انا بكتب لك المسج وبطرشه .. وانت اقراه .. غير اذا قريته ولا سمعته .. صح؟
ناصر: ايي قصي علي .. اخذيني على قد عقلي ..
ريم: لاااااا والله ماقصد .. انا لله ..
ناصر: تبين تقولينه قولي .. ماتبين . .خلاص مايحتاي ولا بساعدج
ريم: بقول .. بقول بقول .. بس لحظه .. بسم الله
ناصر: مابعضج والله مابعضج
ريم خذت نفس وغمضت عينها .. هوست على يدها .. قلبها يدق .: لا قلت .. يا قلبي .. ابعد .. قال .. حبـ بـيته .. (خذت نفس ) احبكِ
ناصر سكت .. اول مره تقول له جذي .. صج مب له .. بس طالعه من قلب ..
ريم سكتت .. تنطره يقول شي
ناصر مستانس .. خذ نفس: شقلتي ؟
ريم يودت قلبها: نعم ؟؟؟؟؟؟
ناصر: عيدي عيدي شقلتي ؟؟ ماسمعت شي
ريم فيها الصيحه: من صجك انت ؟
ناصر: لااااااااا سمعت والله .. خلاص حبيبتي .. شفييج؟
ريم: انا بزور قلته .. تقولي عيديه ؟
ناصر: آآيه عليج .. لا قلت ياقلبي ابعد قال حبيته .. احبببج .. قلتيه من قلب .. صج تحبيني ؟
ريم: تشك يعني ؟
ناصر: اسألج ..
ريم: تشك ؟
ناصر: لاااااا افا عليج .. زين خلاص وايد حلو المسج؟
ريم: من صجك؟
ناصر: اي والله خطيير .. احسه من قلب
ريم استانست: اللاي
ناصر: احبج .. زين خلاص .. باجر بايي انا وبقعد عند فيصل .. المهم يعني بنجوف متى وبطرش لج مسج بقولج يالله طرشيه .. زين ابوي ؟
ريم استانست: اي اوكي تمام .. زين الحين بروح انا بقعد ويا فيصل احسه متضايق
ناصر: ايي يا ويا فيصل يا ويا اسماء .. وانا تهديني
ريم: لا والله بكلمك عقب ان شاءالله
ناصر: اكيد ؟
ريم: ان شاءالله
ناصر: زين حبيبتي روحي .. بس بنطرج
ريم: ان شاءالله .. يالله مع السلامه
ناصر: الله يحفظج حبيبتي


][ الجـــزء الرابع عشـــر ][


ريم طقت الباب على فيصل ..
فيصل : تعالي
ريم بطلت الباب .. وتمت واقفه: الفيص ؟؟
فيصل كان قاعد عالسرير: همم ؟
ريم ابتسمت: شرايك في نسكافيه ؟؟
فيصل عقد حواجبه: الحين ؟؟
ريم: كيفك انزين اي شي .. شبيني اسويلك ؟
فيصل مستغرب: مشكوره مابي شي
ريم تبي تسولف: امبلااااااااا عن العياره
فيصل: لحوووول
ريم ابتسمت: احس فيك انا
فيصل تكدر .. بهدوء: اللي ابيه يحس فيني ماحس
ريم سمعت بس سوت روحها ماسمعت .. : هااااا ؟
فيصل التفت عليها: ريم شكلج متملله
ريم: على خفيف
فيصل: انزين .. ووين رفيجتج عنج ؟
ريم: تعبانه بترقد ..
فيصل تكدر: تعبانه ؟؟؟؟؟
ريم ابتسمت: لا يعني بترقد مافيها شي ..
فيصل: انا بعد تعبان ..
ريم تضايقت: انزين على راحتك .. تصبح على خير ..
فيصل ابتسم: تعالي شوي
ريم استانست .. راحت قعدت يمه وطلت في ويهه: قول
فيصل يفكر: خاطري في شي
ريم مستانسه: شنو ؟
فيصل يحك شعره يزعم يفكر: اممممممم .. امممممم .. فكري وياي
ريم تقلده .. تحك شعرها: امممممممممم
فيصل: خاطري في .. اممممم
ريم: اممممممم
فيصل: قومي بدلي ..
ريم مستغربه: الحين ؟
فيصل: اي الحين .. بنروح البراده
ريم تتطنز: يسمونها سوبر ماركت .. في امريكا انت مب في فريجنه
فيصل: براااااده وحزره بعد
ريم فيها الضحكه: من صجك انت ؟؟ الحين ؟
فيصل: اي شفيج ؟؟ لتخليني اهون الحين
ريم: لا لا اوكي . .بقوم .. بس ممكن اعرف ليش ؟
فيصل: انتي قومي .. وبعدين يصير خير ..
ريم قامت : انطرني انزين

راحت الغرفة .. اسماء كانت راقده .. دشت بلعدال عشان اسماء ماتحس .. خذت ثيابها وطلعت
راحت حق فيصل .. : لو سمحت ممكن تطلع ابي ابدل
فيصل كان يلبس التيشيرت: اوكي لحظه
ريم دزته: يالله عااد
فيصل طلع: انزيييييييين
ريم بدلت وطلعت: هياا ..؟
فيصل: هيا بنا
ريم: عاد اسوم اهني مسكينه بروحهه؟؟
فيصل: ماعليج بقفل الشقة .. وبخليلها مفتااح داخل ..
ريم: لو تدري بتفضحني
طلعوا وقفل الباب .. فيصل: ماعليج
نزلوا .. يتمشون ..
ريم: من تغيب الشمس يصير الجو بااااااارد
فيصل ساكت ..
ريم تبي يرد عليها : لا ؟
فيصل ابتسم: ايي حلو الجو ..
ريم تبي تسولف .. مب عارفه شتقول
ريم: امم .. فيصل؟
فيصل: همم ؟
ريم توهقت: ....
فيصل: فيج شي ؟
ريم: لا لا .. بس كنت بسألك شسمه
فيصل: شنو ؟
ريم: خلها وقت ثاني احسن
فيصل: اشاربه انتي ؟
ريم تفشلت: ماشربت شي .. انت شلونك زين ؟
فيصل يطالعها: الحمدلله بخير
ريم: انا بعد بخير الحمدلله
فيصل ابتسم .. وسكت .. وتمو ساكتين
وصلوا السوبرماركت . .
فيصل: يالله
ريم: شنو يالله؟
فيصل سحبها صوب الآيس كريم .. مستانس: الله .. على شنو ناخذ؟
ريم: امممممم .. كيفك
فيصل يدور .. وريم تطالعه
فيصل: توفي ؟
ريم ابتسمت: اللاي
فيصل: لحظه بعد .. فانيلا؟
ريم: اي اسوم ذبحتها

فيصل رجعه: بس عيل مايحتاي
ريم عصبت: فيصل ؟؟ اخذه انا ابيه
فيصل ابتسم: أنزين انزين .. اتغشمر
ريم: عبااااااالي ..
فيصل: وبعد؟
ريم: اممم .. بس لا
فيصل: انزين امشي ..
راحو صوب الجبوس " جمع جبس "
فيصل طخخ له جم جبس: اخذي لا
ريم قاعده تطالع: ماعرف شاخذ .. كلهم فن
فيصل يأشر لها على واحد: ذي شكله فن
ريم خذته: ورا مايبت لنا جاري ؟ علأقل نحط فيه الاغراض؟
فيصل: شدراني عبالي مب شاريين اشيا وايد
ريم: انزين بس خنروح باجر انيي ويا اسوم
فيصل: بس ماتبين شي؟
ريم: لااا .. انت تبي شي؟
فيصل: انا خذت اللي ابيه .. اذا تبين يالله .. عطيني الاغراض وروحي
ريم: لا لا بس اوكي .. باجر
فيصل: كيفج يالله انزين


اسماء قحصت عطشاانه .. طلت على سرير ريم .. محد .. قامت .. لبست شيلتها ..
البيجامه برمودا .. وشيله .. شكلها يضحك .. بس يمكن فيصل يجوفها شي .. اهم شي الشعر
طلعت الصاله .. خاليه .. راحت خذت لها الماي .. تدور ريم .. محد
قعدت تطالع باب غرفة فيصل .. كان مصكوك .. ببزور تبطل عينها قايمه من لرقااد .. تفكر .. ادش ولا مادش ..
راحت صوبها .. حطت اذنها بتسمع شي .. هدوء ..
بطلت الباب .. ألا محد .. يه .. وينهم ؟؟
دشت غرفة فيصل .. تمت واقفه تطالع غرفته شلون مرتبه ..
في هالحزه دشوا فيصل وريم .. ويا الأجياس
اسماء سمعت حسهم .. تفشلت .. الحين شلون تطلع من الغرفه .. بسرعه ركيض بتطلع الا فيصل في ويهه واقف
تم واقف مستغرب .. شتسوي في غرفتي ..
اسماء ماطلت في ويهه عن الفشيله بسرعه ركضت ودشت الغرفه وصكت الباب
ريم كانت تحط الأغراض فلفريزر .. التفتت المحت شي يركض خخخ
فيصل تم واقف مكاانه .. التفت على ريم .. رفع حياته: شتسوي ذي؟
ريم تفكر .. هدت الأغراض وراحت لها ..
فيصل يذكر شكلها بالبيجامه والشيله .. حده يضحك
ريم دشت عليها .. مغطيه ويهه بلحاافها يزعم رااقده
ريم: اسوم ؟؟
اسماء ماردت عليها يزعم راقده
ريم راحت لها: احاجيج
اسماء ساكته
ريم شالت للحاف: شفيج؟
اسماء فيها الضحكه: فشيييييييييييله
ريم ابتسمت: شفيج انزين؟
اسماء توها متذكره: انتي وين رحتي ؟
ريم: دقيقه رحنا نشتري آيس كريم وجبس ويينه
اسماء مستانسه: اللاي .. شريتيلي ؟
ريم ابتسمت: افا علييييييييج شلون ماشتريلج ؟؟ باجر بعد بنروح
اسماء تذكرت: يعني كل مره اخوج يجوفني بكشتي .. هالمره لابسه الشيله يزعم وعلي البيجامه
ريم تضحك: هههههههههههه عادي يبه .. تكبرين وتنسين
اسماء متفشله: وااي فشيله الحين بيقول شتسوي في غرفتي
ريم: اي صج شتسوين؟
اسماء طقتها على جتفها: يالبقمه أدوركم .. قصدي ادورج يعني .. تخرعت قمت انتوا محد !!
ريم فصخت شيلتها: انزين انا ببدل الحين .. امشي اكلي آيس كريم
اسماء: لا يبه بارقد الحين .. باجر يصير خير
ريم: وي .. انزين..
اسماء غطت ويهه بترقد ..
ريم بدلت وطلعت حق اخوها .. كان يجوف التلفزيون وياكل آآيس كريم ..
ريم: الفيص بارقد انا .. تصبح على خير
فيصل التفت عليها: وين تعالي قعدي ويااي
ريم تعبانه بس ماتبي ترده .. راحت قعدت يمه ..
فيصل: ريم ؟
ريم التفتت عليه: هلا ؟
فيصل مب عارف شيقول .. : لا بس ..
ريم: فصول فيك شي ؟
فيصل: لا لا مافيني شي ..
ريم: فيصل انا اختك .. قول لي اللي في خاطرك .. بليز
فيصل ابتسم: مب وقته ..
ريم: بس قولي
فيصل: اكيد افا عليج
ريم: جوف ترى اذا انت ماتهمني .. جان ولا افتكرت .. قلعتك كيفك .. بس مايهياني قلبي اجوفكم جذي ..
فيصل التفت عليها : ريم !!
ريم التفت: قلت شي غلط ؟
فيصل: لالا .. بس خليني افكر
ريم: يعني في أمل تـ
فيصل يقاطعها: مااااااادري ..
ريم: لا اله الا الله
فيصل يغير السالفه: خوش فلم ..
ريم تطالعه: لا ؟
فيصل: ريم ؟
ريم: هلا ؟؟
فيصل: ولا مب الحين نطري
ريم: متى يعني ؟
فيصل: عقب عقب .. جوفي الفلم بس
ريم انسدحت : يالله
تموا يجوفون الفلم .. ريم رقدت في نصه .. يوم كمل فيصل قومها تروح سريرها .. واهوه قام بعد وراح يرقد ..

نجود توها داشه البيت راجعة من الاختبار
ام فيصل: هااااا بشري
نجود مستانسه: عجيييييييييب يمه .. 3 اسئلة ماحليتهم
ام فيصل مستغربه: من صجج عاد؟
نجود راحت قعدت يم امها: شفيج يمه .. انجااااااز .. وايد وايد زين
ام فيصل معصبه: اي وايد زين ؟؟
نجود: يمه رياضيات .. وهالاسئلة ارقامهم تخرع .. خفت .. ماحليتهم
ام فيصل: لا والله ؟ (تتطنز) وعليه خفتي ؟
نجود: يمه خفت !!
ام فيصل: اسم الله عليج
نجود: الحين زين مني حاله الباقي ..
ام فيصل: نجود لتيننيني !
نجود تتحلطم بلعدال: بروحج مينونه
ام فيصل ماسمعت: شقلتي ؟
نجود: اقول يمه حبيبتي .. احبج اموت فيج
ام فيصل تغير السالفه: وشعليج باجر؟
نجود: باجر ماعلي .. عقب باجر علي عربي
ام فيصل: زين عيل قومي درسي
نجود وقفت: يمه حرام علييييييييج توني راده من لختبار .. ادرس بعد ؟؟ تبيني اين ؟؟ دراسه في دراسه مخي يتعب
ام فيصل: ومتى بتدرسين ان شاءالله ؟
نجود تفكر: امم .. اول شي بجوف الحلقه .. لا لا بارقد الحين راسي يعورني .. وايد حليت .. ماشالله علي .. وبعدين بجوف الحلقة .. اللي الساعة 3 .. وعقبها اللي 4 .. ولي خلصت حلقة الساعة خمس .. باخذ بريك وبجوف حلقة الساعة 7 ..
ام فيصل: لا والله ؟
نجود: اي والله العظيم يمه ماجذب
ام فيصل: ترى بقول حق ابوج يجوف شغله وياج !!
نجود: يمه شفيج كل ماقلت لج شي قلتيلي ابوج وابوج .. مب ريلج اهوه ؟؟وبعدين يمه الساعه 8 بادرس .. وبعدين عربي كله تأليف شادرس ؟
ام فيصل: تعالي انا بدرسج
نجود: لااااااا يمه واللي يسلمج .. (بلعدال) تبيني ارسب ؟
ام فيصل: ماعندكم قصايد شي تسمعونهم ؟
نجود: امبلا بس انا افضل ان احفظ قصايد حمداان وحامد زيد وبن فطيس والخالدي واروح اقدم
ام فيصل طقتها على جتفها: نجودوووووووو؟
نجود: يمه بقولج عربي مايبيله دراسه يعني اروح لختبار وأألف .. بعدين يمه يصير تنافس بيني وبين حافظ نجيب
ام فيصل فيها الضحكه: اسمه نجيب محفوظ يحظي
نجود: المهم .. يالله بعد قلبي بروح ارقد .. تصبحين على خير
ام فيصل: زين انا باطلع الحين
نجود التفتت عليها: تخلفين؟
ام فيصل: لحوووووول .. لا بس بروح اشتري اغرااض
نجود: اشتريلي لولي بوب
ام فيصل: ان شاءالله
نجود وهي راكبه: باي (تذكرت شي) لا يمه لحظه
ام فيصل: شفيج؟
نجود:في أمل مسويه غدى حلو اليوم ؟
ام فيصل: ليش ؟
نجود: عوشوو بتيي تتغدى وياي
ام فيصل: وجان تمت وياج .. مب اهيا اللي موصلتج الحين؟
نجود: اي عاد يمه راحت تاخذ قيلووله وبتيي عقب
ام فيصل: وبتدرسون؟
نجود: الساعه 8 ان شاءالله
ام فيصل تهز راسها: الله يهديكم بس ..
نجود: ويهديج يمه

ناصر كان ويا عبدالله في شقته .. يلعبون بلي ستيشن
ناصر مستانس: ههااااااااااااي يبته .. ياسلاااااااام علي
عبدالله: جب جب .. معليه اراويك ..
ناصر: ثلااااااااااثه صفر مره وحده ؟ ياسلاااااااااام .. ايوا يا كرستياااااااانو
عبدالله: اراوييييييييك
ناصر: دييييييكو .. جوف شلون فريتك
عبدالله: نصوووور
ناصر: نونو فلانت .. ياسلام علييييييييك
عبدالله: خلك وياهم .. جوف توتييييييي انت
ناصر: ول ول .. ماتعرف تلعب
عبدالله: عطـــــــــــه يا بيــــــــرلو
ناصر: باواليتاااااااااا عااااااااااااد
عبدالله: كنفاااااارو .. ييبهاااااااا
ناصر: ووووووووول
عبدالله محتر: براويك
ناصر: 3 دقايق وقت بدل ضايع .. شيييي .. اييب الرابع اييبه
عبدالله: ماتقدر
ناصر: ايييييييبه
عبدالله: اجووف يالله
ناصر من صجه يلعب ..: اااااااخ ضاعت .. عمي عمي
عبدالله : ييييييييو
ناصر: اسكت اصلن انا غالبك ..
عبدالله: براويك معليه
ناصر يقلده: براويك .. اسكت واللي يسلمك
كملت المباراه .. عبدالله صك البلي ستيشن: بس خلاص مب لاعب
ناصر: ليش انزين ؟؟
عبدالله: وبعدين تعال .. ايييييييي .. شعليك ؟
ناصر يتغيبه : شصاير ؟؟
عبدالله: اي يبه .. من لقى احبابه ..
ناصر: شدعوه عاد ؟
عبدالله: ولا تمر علينه ولا شي ..
ناصر: يعني اهدهم ؟ كا ييتك
عبدالله: جوف ترى باجر بنجوف المباراه .. تعال
ناصر: وين بتجوفونها؟
عبدالله: فوازو عور راسنا الا نجوفها عنده
ناصر: زين تمام .. عيل اخلي فيصل ايي
عبدالله: أي زين خنجوفه
ناصر ابتسم: زين .. يالله انا بروح الشقة بااارقد
عبدالله: ايلس .. تو النااس ؟ الا شقتك اهني يعني لي رقدت بسحبك من ريلك وبقطك هناك
ناصر: جيف قطوه ؟؟ لا يبه باارقد
عبدالله: تم لا ؟
ناصر: يخي تعباان ..
عبدالله: زيين كيفك ..
ناصر: يالله تصبح على خير
عبدالله: وانت من هله ..

يوم ثاني الصبح قامت اسمااء .. بطنها كان يعورها
اسماء ميوده بطنها من الألم .. عافسه ويهه: آآي
قامت تتسبح .. بدلت .. دشت على ريم الا قاعده .. ومرتبه الغرفة .. ومجهزة الريوق
اسماء ابتسمت: ماشالله عليج .. مداج؟
ريم: افا عليج .. ماتعرفيني ؟
اسماء بغباء: ريمو ابي مرقدوش
ريم: من وين؟
اسماء: مادري .. ابي
ريم تفكر: تهقين عندهم يعني ؟؟ تعالي ليش؟
اسماء: بطنييييييييي
ريم: وي فديتج ماعليج شر .. شمنه ؟
اسماء: والله مادري .. ابي مرقدوش
ريم: نوديج المستشفى احسن
اسماء: لاااااااااااا مابي .. مالت عليج جان يبتي وياج مرقدوش تعرفين ان بطني بيعورني
ريم: لا اله الا الله .. وانا شدرااني؟؟
اسماء: امشي نتريق .. خاطري في كورن فليكس
ريم: اييييييي نصور شاري من قبل .. امشي انا بعد خاطري
قعدوا علطاوله .. فيصل ياهم: صباح الخير

ريم: صباح النوور هلاهلا.. حيااك
فيصل قعد: احم
ريم ابتسمت: اسويلك ؟
فيصل: يالله .. بقولج .. جفت رساله عند الباب
ريم عطته: سم .. شرسالته؟
فيصل: مشكوره .. يقولون ان كورسكم باجر بيبتدي
ريم: صج ؟ انزين شلازم نسوي؟
فيصل: بعطيج الرساله اقريها .. بس باجر لازم 9 تكونون هناك
ريم: ان شاءالله ..
اسماء كملت اكلها .. طول الوقت كانت ساكته .. كملت وقامت ..
فيصل بسرعه كل وقاام ..
ريم تمت تغسل وتشيل الأغراض من الطاوله ..
خذت بندوول وماي وودته حق اسماء: هااج تعالي .. ماعليج شر
اسماء خذته منها: الشر ماييج مشكووره
ريم: عيل باجر ها .. قومي من وقت مو تأخريني
اسماء: الا بنروح مشي .. عشر دقايق ربع ساعة جذي وحنا واصلين
ريم: اي ان شاءالله .. (رن تلفونها .. ناصر)
ريم مستانسه: هلاهلا
ناصر: هلا فيييييييييييج هلا والله وغلا ومرحبا ومسهلا بحبيبة قلبي هلا
ريم ابتسمت .. الحيا ذابحها: شلونك؟
ناصر: انتي شلونج ؟
ريم: انا الحمدلله بخير انت شلونك ؟
ناصر: انا الحمدلله بخير انتي شلونج؟
ريم: هههههههه اسأل عنك
ناصر: سألت عنج العافيه حبيبتي ..
ريم: الله يعافيك ..
ناصر: ايي ؟؟
ريم:ايييييي انا انطرك .. يالله تعال
ناصر: لا بس هونت مب ياي
ريم تتدلع: ناااااااااصر
ناصر: مواعد الربع ماقدر
ريم: من صجك ؟ لا عااااااااااد
ناصر: بسرعه تصدقين انتي ؟ .. وين تبين اوديج اليوم ؟
ريم: امممممممم كيفك
ناصر: لا كيفج انتي .. تبين نروح البيج؟
ريم: يالله
ناصر: اي عاد مابنتأخر .. ورانه مباراه
ريم: معليه على راحتك .. اذا ماتبي نروح خلاص نقعد مو مشكله
ناصر: حبيبتي شفيج ؟ لالا لو مابي اروح جان ماقلت لج ..
ريم: زين معليه
ناصر: عندج زنوبه؟
ريم: مااااايبت
ناصر: زين خلاص اوديج اولد نيفي نشتري وعقب نروح ..
ريم ابتسمت: زين
ناصر: بنروح سانتا مونيكا .. اهوه صج حلاته فلليل بس بوديج له مره ثانيه
ريم: معليه .. يالله متى بتيي؟
ناصر: وعليه علي .. محد اريقني .. نطري بسويلي ريوق بتريق وبايي
ريم: افااااااااا تعال انا بسويلك
ناصر: تريقتوا انتوا؟
ريم: اي
ناصر: لا بس عيل مب عدله ايي اتريق بروحي .. مره ثانيه حبيبتي
ريم: لا من صجي والله تعال بسوي لك .. كلش عادي
ناصر: اتغشمر ابوي .. يالله اتريق وايكم .. تبرزوا..
ريم: ان شاء الله
ناصر: احببببببببج
ريم ابتسمت: ..
ناصر: مع السلامه
ريم: يسلمك (صكته والتفت على اسماء .. ) اشوى؟
اسماء: شدعوه سحر ؟؟ اي اوكي شوي
ريم: فيج شده تطلعين ؟
اسماء: لا والله تبيني اقعد فلبيت يعني ؟ اكيد بطلع
ريم: وي ماقلت شي .. انزين عيل يالله قومي لبسيلج شي حق بحر
اسماء بققت عينها: هااااا؟ بنتسبح فلبحر؟
ريم: لا لااااااا بنروح البيج .. ودي وياج فوطة وثياب احتيااط
اسماء: من صجج انتي ؟ يعني البس مايوه اسلامي؟
ريم: اسوم شفيج ؟ بنروح هناك بنقعد بس .. مابنتسبح .. لصبيان يمكن يتسبحون ..
اسماء: انزين انزين .. شودي وياي؟
ريم: اي شي حبيبتي اي شي .. خل اروح اقول حق فيصل وابرز اغراضه
اسماء: لحظه وين السن بلوك ؟
ريم: في شنطتي ..
ريم راحت حق فيصل .. توها بتحجى الا اهوه قاعد يطلع اغراضه .. حطهم في هاند بااق صغيره
ريم ابتسمت: ماشالله عليك ..
فيصل يخزها: قاللج ؟
ريم تفشلت: ها ؟ شنو ؟
فيصل: لا ولا شي.. روحي لبسي يالله
ريم ابتسمت: ان شاءالله
عقب عشر دقايق يااهم ناصر .. ركب فووق يطق الجرس .. طلع له فيصل: هلا هلا .. حيااك
ناصر: الله يحييك .. يالله بارزين ؟
فيصل: انا اي .. (ينادي اخته) ريييييييييييم
ريم بسرعه طلعت : هلاا
فيصل: يالله كانه تحت ننطركم .. بسرعه ولا بنمشي عنكم
ريم بسرعه سحبت رفيجتها: كانه كانه
ريم طلعت توها بتقفل الباب: ويييييييييي نسيت
اسماء: شنو بعد؟
ريم دشت تاخذ الأغراض اللي شروها امس: بيفضحني .. نزلي قوليليه شوي بس
اسماء وقفت عند الباب متخصره: يولي زين .. بنزل وياج
فيصل وناصر ينطرونهم تحت
فيصل: افففففف ماصارت .. بركب لهم
ناصر: لا لا ايلس .. خنصروعهم
فيصل يخزه: ها ؟
ناصر يأشر: يعني انت اوقف مناك .. وانا بوقف مني .. لتحرك عشان ماتبين ..ولي حسيت فيهم بأشر لك نصارخ عليهم
فيصل استانس: يستاهلون ..
نزلت ريم مستعيله ويا اسماء ..
ناصر يأشر عليه الحين
ريم اسماء كانو توهم طالعين الا يصرخون اثنينهم فيصل وناصر : بووووووووووووو
ريم من الخرعه صرخت: يممممممممممممممه
وطاحوا كل الاغراض اللي شايلتهم وراحت بتشيلهم وتنحقلت وطاحت .. قلبها يدق يدق يدق ريجها نشف من الخرعه
واسماء من الخرعه ماعرفت شتسوي سيده راحد وبزخت فيصل بالشنطه وناصر بعد وركضت فوق .. طبعا يبيلها وقت لي ماتستوعب شصار ..
ناصر وفيصل واقفين مكانهم ويطالعون ..
ناصر بسرعه راح حق ريم: تعورتي ابوي ؟؟ عطيني يدج
ريم معصبه .. قامت بروحها .. نفضت ثيابها .. انجرحت يدها شوي وطلع دم .. بسيط يعني بس لان من الشارع ..
ناصر: ابوي فيج شي ؟ اجوف يدج ؟؟
ريم مب ماعطته ويه .. شالت الأغراض .. وحطتهم في السياره .. التفتت تدور رفيجتها .. محد .. ركبت لها فوق الا قاعده عالدري ميوده قلبها
ريم تتطنز عليها: بوو شفي ويهج جذي؟
اسماء: انا شفي ويهي ؟؟ ماجفتي روحج شلون دبقتي ؟
ريم سحبتها: قومي قومي ..
اسماء: والله انا عبالي صار شي زين ماوقف قلبي
ريم معصبه: امشي وحسابهم معاي بعدين ..
فيصل ركب السياره وحابس ضكته ..
ناصر متدوده مب عارف شيسوي .. ماكان يدري انها بتطيح ولا شي ..
ياته ريم بتركب السياره .. وقف مجابلها: ريم .. حاجيني
ريم منزله راسها: بركب ..
ناصر: حاجيني قلت لج
ريم رفعت راسها: بعدين .. خلني ادش .. وخر
ناصر مشى عشان تركب السياره .. وتم يطالعها وواقف ..
فيصل طل عليه: يالله ياخي
ركب ناصر وكان معصب ..
ريم ماحطت في خاطرها بس كانت معصبه .. وماتبي تتحجى وهيا معصبه عشان مايصير شي مب زين ..
اسماء تساسرها: نردها لهم
ريم ميوده ضحكتها: جريب ان شاءالله
ناصر ساكت طول الطريج .. كل مره لازم يطربهم بصوته العذب ..
فيصل يبي يغير الجو .. :يبتي مال البارحه؟
ريم عطته: ايي هاك
فيصل: لا خليهم بس عطيني ذاك
ريم عطته: هاك
فيصل يعطي ناصر: سم
ناصر: لا مابي
فيصل: يالله عاد تتدلع ؟
ناصر: ماشتهي ياخي
ريم بطلت واحد ثاني .. وعطت رفيجتها واحد ..
ريم تحاجي اخوها: جوف ذي بعد وايد حلو .. خذ لك
فيصل خذ له: اي والله شكله فن..
ريم طلت على ناصر .. ابتسمت .. وعطته الجبس .. ناصر ماقدر يردها .. : مشكوره
تموا ياكلون .. لي ماصلوا اولد نيفي عشان ياخذون لهم زنوبات " نعال ام صبع حق البيج" (كرمكم الله).. خخخ شتسمونها؟
المهم
نزلوا كلهم ..
ناصر راح صوبهم: تعالوا اهني ..
ريم راحت لها وخذت لها نعال فيروزيه وفيها وروود ..
واسماء عجبتها وحده فوشيه وفيها ورود صفر ..
فيصل وناصر خذولهم عاديين مافيهم شي .. اثنينهم بنيين ..
ريم راحت بتدفع ويا رفيجتها ياهم فيصل: عطوني .. وروحوا السياره
ريم: لا انـ
فيصل يقاطعها: قلت لج يبي ..روحوا ويا ناصر السياره باييكم (خذ منهم النعل كرمكم الله ودفع )
ركبوا السياره .. شوي الا فيصل يايهم ..
اسماء وريم يسولفون بروحهم
وفيصل وناصر يسولفون بروحهم
طول الطريج ..
وصلوا سانتا مونيكا .. عطاهم فيصل النعل(كرمكم الله )
ريم مستانسه عليها .. لبستها ومشت .. علقت الكيمرا على رقبتها ..وشالت الشنطه . مشوا صوب السووق وهالسوالف ..
اللي يرقصون (الطراروه) ويبون بيزات واللي يسوي حركات واللي تعزف .. وناسه
دشوا البيج .. ريم مستانسه عليه .. فصخت لنعال ومشت حافيه: اللاي ناعم
تمت تمشي حافيه ..
اسماء: من صجج انتي ؟
ريم: اي والله جربي
اسماء فصخت: اللااي .. حلو .. حده فن
ريم تطالعها .. ابتسمت: وناسه ..
ريم تمت تصور المكان .. وايد حلو
وصلوا صوب البحر ..
ناصر فصخ التي شيرت .. يود السويج ونظارته وبوكه والتيشيرت وعطاهم ريم .. ابتسم: ممكن تيودينهم؟
ريم ابتسمت: افا عليك
ناصر التفت على فيصل: يالله
فيصل عطى اغراضه ريم .. : يالله
ريم واسماء عطاهم ناصر مثل الزوليه " السياده" صغيره .. قعدوا عليها .. وحطوا اغراضهم عليها ..
اسماء: ايي شعليهم .. جوفي المووج شلون يطق عليهم .. مالت علينه
ريم: قومي وياهم
اسماء: لااااااااااا لاا.. امشي خنسوي جبل
ريم تربعت وقعدت تيمع لتراب: انا بسوي قلعه
اسماء: قلعة عرااد ؟؟
ريم: تتطنزين ؟؟
ريم التفتت عليهم واهمه واقفين والموج يصب عليهم ويطيحون ... وناسه وضحك
ريم نفضت يدها .. ومشتها بالأنتي بكتيريال .. وقعدت تصورهم .. وهمه مايدرون
اسماء: صوريني انا بس طايحه فيهم تصور
ريم التفتت عليها وقعدت تصورها واسماء تضحك
ياهم يااهل يتمشى .. شكله توه بادي يمشي .. يشمي ويطيح ويرد يوقف ويمشي .. حده كيوت .. بس عليه شوورت .. ابيض وعيونه عسليه .. وشعره نااعم كل مايتحرك شعره يتحرك ويااه ويطيره الهوى
ريم مستانسه: اللااااااااااي اسوم جوفيه حده كيوت
اسماء التفتت عليه: ايي يبه .. شعليك
ريم تأشر عليه: تعال
الياهل راح صوبها .. قعدته يمها: اللااااااااي اينن اسوم ماستحمل .. ابي
اسماء: خاطري اكفخه .. اعضه في خده ذي لمدلقم ..
ريم حبته: فديييييييته
الياهل مبسط وياهم .. ويضحك
ريم: آآيه عليه جوفيه وهوه يضحك .. لحظه بصوره
قعدته وتمت تصوره وهوه يضحك
شوي الا ياي واحد صوب الياهل: شو هيدي خالو ؟؟ وينااك ؟
ريم تفشلت .. واسماء تمت ساكته
الرياال حده وسيم .. التفت على ريم .. بابتسامه عذبه: سوري كتير عم بيعزبك ؟؟
ريم ابتسمت: لا عادي ..
الريال بسط جدام الياهل ..: يؤبرني هالزلمه
الريال يسألهم: سياحه؟
ريم توها بتتحجى اسماء قاطعتها: ايي
الريال يطالع ريم: كتير حلو الجو .. انا هون بدرس .. بس اختي جايه تزورني مع ولدا ..
ريم ابتسمت ..
الريال: من الكويت ؟
ريم توها بتتحجى اسماء تقاطعها: البحرين
الريال: البحرين .. اهلا وسهلا
اسماء: هلا فيك
الريال يحاجي ريم: شو صورتي لابن اختي ؟
ريم متفشله عبالها مايرضى: ها ؟ ايي آسفه والله
الريال: ولو ؟؟؟؟
قام وشال الولد وخلاه جريب من البحر يعني يصييده المووج شوي .
الريال التفت على ريم: تعي هون بتكون الصوره أحلى
ريم مب عارفه شتسوي ..
الريال: تعيييييي لشوف
ريم قامت وراحت صوبه تصوره
ناصر التفت عليهم .. اسماء كانت بروحها وريم قاعده تصور الياهل والريال واقف يطالعها
حس بنااااااار الغيره .. راح بسرعه لهم
ريم كانت تضحك على الياهل يسوي حركات اينن وطايحه في تصور
الريال يضحك عليهم: ههههههههههههههههههههههههه هه شو هيدي ؟؟ تؤبرني
ناصر بسرعه راح صوبهم .. معصب وجن الشراار يطلع من عينه .. ريم ماحست فيه كانت تصور ..
ناصر وقف جدام الريال والتفت على ريم .. يصارخ: رييييييم ؟
ريم التفت عليه وهي تبتسم .. بهدوء: هلا ؟
ناصر معصب يطالعها ومب عارف شيقول
الريال ماعطاه ويه .. يحاجي ريم: فيني اشوف الصور؟
ريم ابتسمت .. راحت وقفت يمه وعطته الكيمرا
ناصر معصب: رييييييييييم ؟
ريم حست فيه .. وسكتت .. تبي تغير السالفه .. شالت الياهل وودته له: جوووووفه اينن ..
الريال: لك يسلمو هالايدين .. كتير حلوين
ريم مستانسه: شكرا
ناصر شوي ويطقها .. سحبها: تعالي شوي ..
خذاها على صوب .. معصب .. يخزها .. نزلت عينها خايفه ..
ناصر معصب: شتسوين وياه ؟
ريم طالعته: وي بسم الله ماسويت شي .. قاعده اصور
ناصر: بكسر كيمرتج على راسج الحين .. ولا تدرين ؟؟ بكسر راسج علكيمرا احسن
ريم تطالعه: شصار الحين؟
ناصر: ماجفتيه شلون يطالعج ؟؟ والله يدي تحكني .. ابي اروح اكفخه ..بذبحه
ريم مستغربه: شيطالعني الله يهداك .. كنت اصور الياهل .. شعلي منه انا ؟
ناصر معصب: شسوي فيج ؟
الريال شال الياهل بيروحون .. راح صوب ريم: nice 2 meet u sweaty
ريم ابتسمت له بس ماقدرت تتحجى وناصر مجابلها .. التفتت عليه بهدوء: بس اكا راحوا .. شصار الحين ؟
ناصر معصب: ريم لتبطين جبدي ؟ والله ترى .. افففففف
ريم كانت مستانسه ان اهوه يغاار .. ابتسمت: خلاص يبه توبه
ناصر معصب .. مشى عنها وراح حق فيصل
وهي راحت حق اسماء
اسماء: غبره غبره .. شبلاااااااااكم؟
ريم ابتسمت: ماعليج .. (عطتها الكيمرا) جوفيه اينن
اسماء: آآيه عليه .. بسألج.. في أمل نصور زفج ؟؟
ريم ابتسمت: جافني احاجي الريال .. الظاهر يغار
اسماء تخزها: سلام سلم
ريم تطالع السما .. ابتسمت: حلو الشعور اذا احد يغار عليج .. (التفتت عليها) بس اكره شي اذا انتي اللي تغارين
اسماء ابتسمت .. وسكتت .. توها مستوعبه: رشوووووووود
ريم خافت: يمه شفيه ؟
اسماء طلعت تلفونها بسرعه: ماكلمته اليوم
ريم تضايقت: وااي انا ماكلمت هلي بعد .. تهقين قاعدين؟
اسماء تتصل في راشد: اتصلي حق نجودو قاعده اكيد
ريم اتصلت ..
راشد كان قاعد .. من جاف رقمها استانس: الووووووووو
اسماء مستانسه .. تصارخ: رشوووووووووود
راشد مستانس: وينج انتي ؟ يختي ماعرف متى يناسبج عشان اتصل
اسماء دمعت عينها: يالخايس وحشتنيييييييييييييي والله ولهانه علييييك
راشد تكدر: عيل انا شاقول ؟ البيت خاااالي ومكانج ابين اسوووووم
اسماء غيرت السالفه: انت شلونك طمني عليك؟
راشد: الحمدلله انتي شلونج؟
اسماء: الحمدلله .. قول انا فوين ؟
راشد: اممم .. اسمع صووت البحر .. اذا ماخاب ظني يعني ؟
اسماء: ياسلام عليييييييك
راشد: صوري عااد راويني عقب
اسماء: اي اكيد .. (تتطنز عليه) هذاني لابسه البكيني الأحمر وقاعده اتنتن ..
راشد فيه الضحكه: اتخيلج
اسماء: ههههههههههههههههههههه
راشد: شخبار رفيجتج وخوها ؟؟ عسى مرتاحه وياهم ؟
اسماء ابتسمت: افا عليك تشك يعني ؟ لو مب مرتاحه جان مارحت من أول
راشد: الحمدلله .. اذا ناقصج شي قولي .. انا اخوج
اسماء ابتسمت: انت امي وابوي وخوي ورفيجي ولدي وريلي
راشد يقاطعها: آآه آآه شبقى ؟
اسماء: عاد قولي شخاطرك فيه من اهني ؟
راشد: مابي الا سلامتج
اسماء: لا صج قوول
راشد: لو ابي بقول مابستحي .. ابيج تيين بالسلامه وبس
اسماء: الله يسلمك
راشد: يالله ماطول عليج .. خلينه نكلمج عاد نطمن عليج .. لو تطرشين مسج .. بس ضروري كل يوم ها
اسماء: من عيووووووووني تامر امر بوسنيده
راشد: تحملي فروحج
اسماء: انته بعد .. تامرني بشي؟
راشد: سلاااامتج والله .. استانسي
اسماء: ان شاءالله .. مع السلامه
راشد: الله يسلمج
اسماء دمعت عينها: وحشني وحشني ماستحمل ..
ريم ابتسمت: آآيه عليج .. انا عيزت اتصل فيهم الظاهر راقدين .. بس طرشت حق نجودي مسج علأقل لي قامت تجوفه وترد علي
اسماء: اي زين سويتي
ريم خذت الكيمرا وتمت تصور ناصر وفيصل: جوفي المينن
اسماء: ايي يبه شعليهم .. مب احنا مقعدين .. قومي خنروح نتنقع
ريم: بالشيله ؟ من صجج انتي ؟
اسماء: وناسه
ريم: تبين برفع بنطلوني شوي وبتمشىى صوب الموج عشان يصب علي
اسماء: يالله
ريم تطالع الأغراض: وي تعالي .. بس بس انتي روحي انا بتم ويا الاغراض
اسماء: ولييييييي .. ناديهم يقعدون يعني احنا امساعه مقعدين واهمه مستانسين مايصير
ريم: شعاد انتي روحي انا بتم
اسماء: انتي بقمه ولا ابتيقمين ؟ اروح بروحي شسوي ؟
ريم: اسوم مايصير اخلي بوكتهم وتلفوناتهم اهني واروح
اسماء: كيفج تصرفي مالي شغل
ريم فضت الشنطه لصغيره وخلت اغراض ناصر وفيصل المهمين : يالله مشينه
اسماء: جان سويتي جذي امساعه ..
ريم: وليش انتي ماقلتيلي يحظي ؟
قعدت ريم جفست شوي من بنطلونها .. قعدت يمها ورفعت شوي اهيا بعد
راحوا يتمشون والهوا يطق عليهم .. وريلهم يصب عليها المووج البااارد ويروح .. مروا صوب ناصر وفيصل ..
ناصر راح لهم وفيصل لحقه
ناصر للحين شكله معصب .. يخز ريم وهوه ساكت
فيصل مايدري شسالفه: عسى مستانسين ؟
ريم ابتسمت: ونااااااااااااسه .. فصول فصول شوي بصورك ..
ناصر يطالعها وهي جنه ماتجوف .. مره وحده التفتت عليه وصورته: صصصصصدتك
ناصر فيه الضحكه: لا ؟
ريم تصوره: وناسه .. أضحك عااد كله معصب
ناصر يضحك
ريم: تيننون جذي .. فيصل اوقف يم ناصر بصوركم بليز
فيصل: هنديه انتي كله بتصورين ؟ بسج عاد
ريم: فيصل عااااااااااد
فيصل وقف يمه: يالله بسرعه
ناصر يضحك: بسج عاد
ريم: بعد بعد وحده بليز .. عاد غيروا الضحكه .. غيروا الوقفه .. اقول .. روحوا روحوا انا بصوركم وانتوا ماتدرون احسن
فيصل مشى عنها: كيفج
ناصر يخزها: لتبعدين
ريم ابتسمت: روح تسبح ليطقك الهوى
ناصر ابتسم: تخافين علي يعني ؟
ريم استحت .. سحبت رفيجتها ومشت عنه
اسماء: آآيه علحب
ريم: بس بس سكتي استحيييي
اسماء: جوفيهم كل وحده بالبكيني مااااااالت على الحظ
ريم: حمدي ربج ..
اسماء: الحمدلله والشكر

تموا يتمشون .. الجو حلو .. سوالف ووناسه
مر الوقت عليهم ولا حسوا فيه
تعبت ريم .. راحت بتقعد .. قعدت يمها اسماء ..
ياهم عقب ناصر وفيصل يرتجفون من البرد
ريم بسرعه طلعت الفوط وعطتهم: بسرعه
بسرعه تغطوا: برررررررد
ريم: بردت الشمس .. من جذي .. يالله خنمشي
ناصر بردان يرتجف: بررررررررد
ريم عطته التيشرت: البس بسرعه
فيصل خذ تيشرته بروحه ولبسه .. شالوا اغراضهم ومشوا .. ودوهم السياره وتمو يتمشون فلشاارع
اسواااق ومحلااات وكوفي شوبس يمين ويسااار .. الجو حلوو .. والأوادم رايحين ورادين
ريم واسماء بروحهم مجدمين
وفيصل وناصر وراهم
فيصل: بقولك
ناصر: قوول
فيصل: جنك امصخها هالايام؟
ناصر التفت عليه: شصاير؟
فيصل: انت فاهمني .. مايحتاي اقولك
ناصر: لا مافهمت .. قول
فيصل: قصدي انت وريم
ناصر مستغرب: في شي غلط ؟
فيصل: مادري انا اجوفها مب عدله .. ومحد يرضاها ..
ناصر: يخي قلت لك لي رحت البحرين بخطبها من ابوك رسمي وبملج عليها وبعدين خل اسممع حسك بعد
فيصل: لي رحت البحرين .. والحين ؟
ناصر: عاد خلاص اهيا خطيبتي الحين
فيصل: من متى؟
ناصر: يعني انت ماتدري؟ خلاص بقولك .. نبتدي من يديد ها .. على قولة ريم من أول .. السلام عليكم
فيصل فيه الضحكه: تتطنز انت ؟
ناصر: اقول السلام عليكم
فيصل يسايره: وعليكم السلام ورحمة الله وبركاته
ناصر: ياخي انا يايك اليوم اطلب يد اختك على سنة الله ورسوله .. عندك مانع؟
فيصل: جذي يخطبون؟
ناصر: مادري عنك .. المهم انا اعتبرها خطيبتي .. لتوقف فطريجي انت عااد
فيصل: لا مابي حجي انا ابي شي رسمي
ناصر: زين خلاص اول مانرجع البحرين ان شاءالله ..
فيصل: بس عيل لتكلمها الا اذا رجعت البحرين
ناصر وقف .. : شقلت ؟
فيصل: اظن كلامي واضح
ناصر تم واقف وفيصل مشى
ناصر: هييييي احاجيك
فيصل التفت عليه: اتغشمر يبه .. خلاص خطيبتك ماقدر احاجيك
ناصر ابتسم: عبالي بعد .. والله كنت بسدحك بدوس فبطنك
فيصل: انزين الحين تييبهم اهني بينون عالسوق .. امش خنوديهم ياكلون مكاان وعقب نجوف المباراه
ناصر: اي صج .. وباجر اهمه وراهم جامعه
فيصل ينادي اخته: رييم
ريم تسولف ويا اسماء مشتطه وماسمعته

فيصل يصارخ: رييييييييم
ريم التفت عليه وراحت له: سوري ماسمعت .. صاير شي ؟
فيصل: لا بس بنمشي
ريم: الحين ؟ وين تو الناس للحين ماشرينه شي
فيصل التفت على ناصر : اقولك ناويه تشتري (ألتفت عليها) لا يبه يواعه احنا .. مايعتي ؟
ريم: على خفيف .. انزين فيصل شوي بس
فيصل: ورانه مباراه
ريم: اوكي خلاص بنادي اسماء ..
راحت بسرعه نادت رفيجتها ومشت
ناصر يدري انها ماتبي تمشي .. يبي يغير السالفه: شرايكم وين تبون ناكل ؟
ريم سكتت
فيصل: انت عطنا مكانين واحنا نقوللك
ناصر: في مكان اسمه كاليفورنيا بيتزا كيجن .. وايد حلوه بيتزهم .. وفي مطعم ايراني جان ولهتوا علعيش نوديكم هناك
فيصل: والله كيفكم انا ماعندي مانع
ناصر التفت على ريم: شخاطرج فيه انتي ؟
ريم ابتسمت: كله واحد .. أي شي
ناصر: لا قولي .. شتبين ؟
ريم التفتت على اسماء: شتبين ؟
اسماء: انا شدراني .. لا جربت لا ذي ولا ذاك .. كيفكم
ناصر: خلاص نوديكم اليوم الايراني وباجر البيتزا
فيصل: تمام
راحوا المطعم .. كان جريب منهم .. دقيقه بالسياره ووصلوه ..
وونااسه كبااااااااب جلو كباب مادري كوبيده مادري شسمه وعيييييييش ويحطون عليه زبد ..
صج اشكالهم كانت تبين يايين من البحر
بس مايقدرون يردون لي الشقة يبدلون المكان بعيد
ريم كانت حاطه في خاطرها على ناصر
اول شي قحصها
وثاني شي صرخ عليها
بس ماكانت تبي تبين له
طول الطريج ساكتين .. مشغلين الراديو
latino 96.3
وصلوا ..

يتبع

 

[احترت اعبر]

فيصل يحاجي ناصر .. توه بينزل من السياره: باخذ لي شور انا وباييكم
ناصر: زين عيل انا بروح بتسبح وباييك ..
فيصل: بس عيل بنطرك ونروح يميع
ناصر: علهواك
فيصل ركب: يالله نجوفك
ريم واسماء كانوا يشيلون الأعراض من السياره
ناصر التفت على ريم: لتروحين ابيج
ريم يزعم ماسمعته ..
ناصر: سمعتي ؟
ريم: بوديهم وبنزل لك
اسماء ركبت
ناصر راح جدام ريم: لحظه
ريم نزلت راسها
ناصر: حبيبتي فيج شي علي؟
ريم ابتسمت: صار شي ؟
ناصر: اي صار .. صرخت عليج مساعه
ريم ابتسمت: عادي تعودت
ناصر متضايق: عاد ابوي فهميني يعني اغار تعرفين يعني شنو اغار ؟ والله اغار
ريم استحت .. ماردت عليه
ناصر: زين انتي بعد لتقعدين تضحكين ويا الأولي والتالي .. ماستحمل انا .. مابيج تضحكين الا وياي .. احد غريب اسمحيلي
ريم طالعته وتمت ساكته
ناصر: زين سمعي .. ابوي احاجيج ؟
ريم طالعته: اسمعك
ناصر يخزها: نسيتي سالفة المسج؟
ريم: لاااااا مستحيل .. في بالي والله
ناصر: زين خلاص .. خليني اروح اتسبح الحين وعقب باييكم .. وبقعد وياه ولي طرشت لج مسج طرشيه .. اوكي ؟
ريم ابتسمت: ان شاءالله
ناصر: يالله حبيبتي .. آسف اذا صار شي
ريم: لا عادي شدعوه؟
ناصر ركب سيارته: باااي
ريم ركبت الشقه ..
فيصل واسماء اثنينهم حاجزين الحمامين (كرمكم الله) يتسبحون ..
ريم تمت ترتب الأغراض وتنطرهم عشان اهيا بعد تتسبح ..


][ الجـــزء الخامس عشر ][

عند فواز
لصبيان كلهم متيمعين
وناصر في باله فيصل .. يحاول ياخذ تلفونه.. مب عارف شلون
وفيصل طول الوقت ميوده .. ومشتط ويا المباراه ..
ناصر التفت عليه: عطني تلفونك شوي بجيك شي
فيصل عينه عالمباراه .. عطاه بدون مايجوفه ..
ناصر استانس ..
بسرعه طرش مسج حق ريم ان تطرش المسج الحين
كتب المسج .. ومايعرف رقم اسماء
بسرعه راح البلكون واتصل حق ريم
ريم تتحجى بهدوء عشان ماتسمعها اسماء: هلا
ناصر: نطري لتطرشين
ريم: ليش شصاير ؟
ناصر: عطيني رقم اسماء
ريم: زين بطرشه لك يالله باي باي
طرشت له بسرعه رقم اسماء
ناصر بسرعه كتب الرقم وتأكد منه عشان مايطرشه حق احد ثاني ..
طرشه وبسرعه محاه من السنت آيتم .. وصل المسج منها بس ماوداه حق فيصل .. راح قعد يمه وخله تلفونه يم فيصل ..
وفيصل ولا يدري بالدنيا عينه علمباراه .. وناصر سوى اللي عليه .. بس الحين قعد يجوف المباراه وباله ويا فيصل ..
فيصل يصارخ ويأشر: ياااااااااااااه الغبي ؟ وين يشوت ذي
ناصر يسايره: ماااااااايجوف !
اسماء كانت تجوف التلفزيون .. وتلفونها علجاارج .. من جذي ريم قدرت تطرش المسج
خلت تلفونها ومشت .. ولا جنها سوت شي .. وخلت تلفون اسماء علجاارج ..
قعدت يمها: مافي فلم شي ؟
اسماء عطتها الرموت:هااج عيزت افرر مافي شي عدل ..
ريم: لا لا خلي عندج
اسماء خذته .. : صج فن اليوم .. استانست
ريم: اي والله وناسه ماكنت ابي ارجع
اسماء: يالله شنسوي بعد .. ماردت عليج نجودو؟
ريم: لا والله للحين ..الظاهر راقدين
اسماء: يمكن .. زين ريمو بقوم ارقد انا تعبانه .. باجر ورانا قومه
ريم: وين تمي تو الناس
اسماء قامت: تعبانه والله ..
ريم: اسم الله عليج .. روحي ارتاحي
اسماء: انتي بعد لتطولين ..
ريم: ان شاءالله
اسماء دشت الغرفه وانسدحت ولا جافت تلفونها
ريم راحت يزعم بتحط تلفونها فلجاارج .. : اسوم لج مسج
اسماء نقزت: رشود اكييييد
ريم طقت رنه حق ناصر عشان يفهم وطلعت تخليها بروحها
اسماء قرت المسج .. مب مستوعبه
لحظه لحظه
وترد تقراه من البدايه
من طوله ؟ كله سطر
" لا قلـت يا قلبـي ابعد ,, قال حبيته !! أحبج "
تقراه ومب مصدقه شسالفه .. مب مستوعبه ..
وماتدري رقم من .. يبيلها وقت تستوعب .. عافسه ويهه .. نادت ريم بخووف: ريمو؟
ريم ياتها وحدها تبي تعرف شسالفه: هلا ؟
اسماء: تعرفين هالرقم؟ (راوتها الرقم بس)
ريم ابتسمت: فيصل (وطلعت عنها)
اسماء قعدت تقرا المسج .. مب مصدقه .. من صجه ؟؟ امبيه !! اللاي !! شسوي الحين ؟؟ لا لحظه من صجه ؟؟ فيصل فيصل ؟؟ يعني يحنبي ؟؟ يحبني انا يعني انا مب ذيج ؟ يعني يحب اسوم ؟ من صجه ؟؟؟؟ اللاي انا بعد احبه .. للحظه لحظه من أول .. (ردت قرت المسج) يحبني ؟؟؟؟؟؟؟؟؟؟؟؟ (يودت قلبها) ماصدق .. لا لا ماصدق .. امبيه قلبي .. (قلبها قام يدق يدق .. نشف ريجها .. دار راسها) امبييييييييييه لحقوا علي !!

توه الشوط الأول مكمل
فيصل يود تلفونه وجاف ان فيه مسج .. قال يمكن ريم تبي شي .. قرا المسج " لا قلتـ يا قلبيـ ابعد قالـ حبيـتهـ .. أ ح ب ك "
فيصل قراه ومب مصدق .. او مب مستوعب .. رقم من ذي الحين ؟
ناصر يزعم ماسوى شي ..
اسماء بدون شعور اتصلت ..
ونفس الوقت فيصل اتصل يبي يعرف من .. معقوله اسماء ؟؟ من غيرها يعني ؟؟ يمكن ريم بتطرشه حق ناصر؟ لا شدخل مب رقمها ؟!
اسماء يطلع لها مشغول
وفيصل يطلع له مشغول
اسماء: افففففففف
سيده ردت اتصلت .. واهوه بعد رد اتصل ..
يطلع لها مشغول .. ويطلع له مشغول ...
اسماء وقلبها يدق يدق يدق: حححححزتك ؟؟ .. اففففف
عقب شوي ..
فيصل رد اتصل .. بس ازعاج لصبيان مايقدر يتكلم .. طلع البلكون ..
اسماء يوم رن تلفونها قطته: يييييييييمه لحقيني
ريم راحت لها خايفه: اسوم شفيج ؟
اسماء تأشر على تلفونها: يتصل !!
ريم يزعم ماتدري شسالفه: من ؟
اسماء خايفه: اخوج !!
ريم يزعم ماتدري: زين ردي !!
اسماء ميوده قلبها: اخااااااااااااااااااااااا ف
فيصل يتصل يتصل ..
ريم شالت التلفون من الأرض: هااج ردي
انقطع .. يعني سكت ..
ريم: اذا رن مره ثانيه ردي
سيده رن ..
اسماء خذتها منها خايفه .. ردت .. وتمت ساكته
فيصل حس ان اسماء بس يبي يتأكد .. تم ساكت .. مايعرف شيقول
اسماء ساكته
وهوه ساكت
وهي ساكته
وهو ساكت
وهي ساكته
وهوه ساكت ..
يعني قولوا عشر دقايق تموا ساكتين ..
بس فيصل يبي يتأكد .. !!
فيصل بهدوء: اسماء؟
اسماء قلبها يدق يدق يدق يدق : هـ هـلا
فيصل ابتسم .. مب عارف شيقوول ..: حبيبتي شوي واكلمج
اسماء بققت عيونها: ها ؟ اوكي اوكي
فيصل صكه وراح يجوف المباراه .. وفي باله اسماء .. مستانس .. كان يبي هالشي يصير من زمان .. واخيرا ؟ تحبني ؟؟؟؟؟؟؟؟؟ آآيه عليها ماتحبني كثر ما انا احبها .. يعني تحبني ؟ من صجها !! اي لو ماتحبني جان مابدت فلسالفه وطرشت المسج .. آيه عليهااا حبيبتي .. انا احبها بعد .. المفروض من زمان انا اطرش لها المسج .. بس انا كنت خايف من ردة فعلها .. يمكن ماتحبني ! .. لا بس الحين تحبني ..وانا احبها..
ناصر حس فيه .. فيصل طول المباراه يطالعها ومبتسم .. باله مب وياه .. باله ويا اسمااء .. سرحاااااااااان ولا يدري شسالفه .. الأوادم يصارخون ويعلقون وهوه مبتسم .. وباله بعيد ..
اسماء بسرعه راحت حق ريم ميوده قلبها: ريمو لحقي علي بموت بموت بمووووووووووووت ماااااااستحمل
ريم ابتسمت: اسم الله عليج شفيج ؟
اسماء ابتسمت: احبه .. احبه .. تعرفين يعني شنو احبببببه ؟
ريم استانست: حلفي ؟
اسماء : والله العظيم احبببببببببببه
ريم مستانسه .. راحت لها: يعني لو ما اهوه طرش لج المسج .. بتطرشين له ؟
اسماء: مادري .. بس صج احبه ..
ريم: عيل مابي اسمع كلمة اكرهه مره ثانيه
اسماء تخزها: اكررهه اخوج الكريه السخيف
ريم: هيييييييي لتلعبين بعصابي توج تحبينه؟
اسماء: اي والله احبه ..
ريم: وجان تحجيتي من زماان !!
اسماء: انا من زمان احبه .. بس ماكنت مصدقه انه يطلع اخوج
ريم: اوهو
اسماء: بس خلاص غصبن علي احب اخوج المليق
ريم ابتسمت: حلفي تحبينه؟
اسماء: والله احبه
ريم مستانسه: زين روحي رقدي ورانا قومه
اسماء مستانسه: اللااااااااااااي اليوم حلوووووووو بكلم حبيبي .. يعني بيرجع لي بوسعود؟
ريم : مستانسه اسوم؟
اسماء: حدي حدي حدي .. اللاااااااااي وناسه ..
ريم: خلاص الحين ركبتي السالفه ؟ اللي تكلمينه قبل هذهوه اخووي ؟
اسماء: لا لا نطري يبيلي وقت بس انا متأكده من مشاعري
ريم: حلفي؟
اسماء: والله احبه ..
ريم: زين روحي رقدي
فيصل ماقدر ايود روحه .. يحس مشتااااااااق لها مايقدر.. راح البلكون واتصل
اسماء التلفون في يدها: يمه يمه اتصل !! امبيه شسوي ؟
ريم: ردي بسرعه
اسماء: لا لا لا اخااااااف
ريم: ردي شفيج !!
اسماء راحت الغرفه: الو
فيصل ابتسم: والله العظيم احبج
اسماء نشف ريجها .. قلبها يدق يدق يدق مب مصدقه
فيصل بهدوء: من زمان عن صوتج .. قصدي من زمان ماكلمتج فلتلفون .. وحشتيني
اسماء مب مستوعبه: مساعه وياك عن الشلخ
فيصل ابتسم: لا قصدي .. بس تدرين؟ المسج
اسماء تقاطعه: بس خلاص مايحتاي تقول
فيصل: يعني خلاص طاح الحطب؟
اسماء تتطنز: الحطب بكسر فيه راسك
فيصل: هههههههههههههههههههه اسوم؟
اسماء: هلا
فيصل: آسف اذا صرت واحد ماكنتي تحبينه .. بس الحب مب بكيفي
اسماء تقلده: وآسفه اذا صرت وحده ماكنت تدانيها .. بس الحب مب بكيفي
فيصل: آآيه عليج .. احبببببببج
اسماء مستانسه: بس بشرط
فيصل: آمري
اسماء: ماكلمك الحين
فيصل تكدر: ليييييييييييييش؟ وانا اللي حدي مستانس اقول خلااص يعني بنرد نفس قبل
اسماء: لا فديتك مافي نفس قبل .. حاج اخوي بعدين يصير خير
فيصل: بحاجي اخوج اوكي بس بكلمج بعد
اسماء: لا حبيبي مافي .. كلم اخوي وعقب كلمني على راحتك
فيصل ابتسم: خلاص .. من اوصل البحرين ان شاءالله .. بكلم اخوج ومايصير خاطرج الا طيب حبيبتي
اسماء مستانسه: اي بتلكمه شبتقوله؟
فيصل: بقوله ؟ امممممممم مادري انتي شتبيني اقوله ؟
اسماء: نعم؟
فيصل يتغيبه: مادري عنج انتي تقولين لي كلم اخوي .. اكلمه شقول له ؟
اسماء متفشله: لتقول له شي .. قوله الله بلخير شلونك بس .. اقول يالله باي
فيصل يضحك: هههههه تعاااااااااااااااالي
اسماء معصبه: شتبي ؟؟
فيصل: احبج

اسماء متفشله: روح روح ماحاجيك
فيصل: اتغشمر وياج شفيج ؟
اسماء: ماحاجيك
فيصل: ادري يعني بخطبج منه شفيج
اسماء مستانسه: ماحاجييييييييك
فيصل: آآيه عليج ..
اسماء: من صجي ماكلمك الا اذا كلمت اخوج .. قرار نهائي
فيصل: اي اكلمه شاقوله ؟
اسماء عصبت: يالسخييييييف
فيصل ابتسم: حبيبتي شفيج ؟ استانس لي تسببت فيج
اسماء: آآدري فيك
فيصل: زين عادي بكلمج ووبكلم اخوج شفيها؟
اسماء: ماااااااااااافي .. كلم اخوي قبل بعدين يصير خير ..
فيصل: عاد عاد بكلمج
اسماء: الحين انت مجابلني صبح وليل .. شتكلمني بعد؟
فيصل يتدلع: لا اذا جفتج ماعرف شقول .. لكن فلتلفون بقدر اتحجى
اسماء مستحيه: فصوول عاد .. من صجي
فيصل: خلاص بكلمه ولا تزعلين .. عطيني رقمه وبتصل له الحين
اسماء: لا والله ؟ لي رحت البحرين كلمه ..
فيصل: معليه عطيني رقمه وبكلمه لي رجعت
اسماء: بطرشه لك مسج
فيصل: آآيه عليج .. من زمان عنج والله
اسماء مستانسه: وناسه
فيصل: حده ..
اسماء: هالشي المفروض يصير من زمان .. ولا ؟
فيصل: المفروووووووووووض .. فديتج والله
اسماء: زين يالله اخليك ..
فيصل: تمي تمي شوي بكلمج
اسماء: هأ .. قلت لك كلم اخوي ..
فيصل: انا لله .. محد فر راسج الا ريمو اكيد
اسماء مستغربه: ريمو شدخلها انت بعد .. يالله بااااااااااي
فيصل: نطري .. باييج الحين
اسماء: وه وه وه واخزيااااااااااااه شتييني ؟
فيصل: نطري لترقدين
اسماء: اقول بااااااي لتين علينه
اسماء صكته وهي مستاااااااااانسه تحس بشي فاقدته ورجع لها .. تصارخ: رييييييييمو لحقي علي بموت
ريم ياتها: شفيج
اسماء راحت ولمتها
ريم لمتها: آآيه عليج شصاير؟
اسماء دمعت عينها: مستااااااانسه
ريم: ربي يديم الوناسه عليييييج حبيبتي
اسماء هدتها: سمعي .. اخاف اخوج بيي .. مابي اجوفه استحي
ريم: شمعنى الحين تستحين وقبل لا
اسماء: جذي .. شدراني انا ؟
اسماء صكت الباب وانسدحت يزعم بترقد
ريم وايد استانست يوم جافت اسوم جذي مستانسه وتتحجى عن اخوها غيير ..
فيصل شوي ودش البيت .. يغني : تتبغدد علي وانا من بغدااااااااد
ريم ابتسمت: شالطااري؟
فيصل مستاااااااانس وشاق الحلج: وين حبيبتي ؟
ريم تخزه: منهي حبيبتك ؟
فيصل ابتسم: حبيبتي اسومتي وينهي ؟
ريم راحت له ..: من متى ؟
فيصل ويهه صاير احمر: من زمان ..تسوين روحج ماتدرين يعني .. ؟؟ وينهي ؟
ريم: شتبي فيها؟
فيصل: حبيبتي وكيفي
ريم: يالله مناااك .. قال حبيبتي قال .. من صجك انت ؟
فيصل مستغرب: تقصين علي يزعم ماتدرين ؟
ريم ابتسمت: كلمت رشود ؟
فيصل ابتسم: اقولج وين حبيبتي ؟
ريم: انا لله .. حبيبتك راقده
فيصل راح جدام باب الغرفه يطق الباب .. يصارخ: اسوووومتي
ريم: الحمدلله والشكر .. تعال بس تعال
فيصل يطق الباب: قلبي تعالي ابيج شوي
ريم: مينون انت ؟
اسماء ميته من الضحك عليه ..
فيصل: اسووووووم ..
ريم راحت له ودزته: وخر تبي ترقد لبنيه
فييصل يزعم زعل: ماحاجيكم ثنتينكم ..
ريم: وه بسم الله شيااك ؟؟
فيصل رفع تلفونه يتصل حق اسماء .. ماردت عليه: اففففففف (يصارخ) ردييييي
ريم: لتصارخ فصوول
فيصل طلع بيروح حق ناصر وفواز: اراويكم معليه .. باي
ريم فلت شعرها .. كان مبلل .. وطلعت تكلم ناصر .. ناصر يوم جاف اسمها طلع البلكون
ناصر: هلا حبيبتي هلا والله
ريم سمعت صوته يمها: انت هني؟
ناصر ماحط باله: ها ؟
ريم: دش الهوى بارد عليك
ناصر: انتي فلبلكون؟
ريم: اي
ناصر: آآيه عليج .. برد عليج حبيبتي دشي
ريم: لا حلو الجو
ناصر: دشي حبيبتي سمعي الحجي .. متسبحه ؟
ريم ببراءة: اي
ناصر عصب: ريمو انتي شفيج ؟؟؟؟؟؟؟؟ دشي بسرعه
ريم خافت: شصار الحين؟
ناصر: والله ان مادشيتي
ريم دشت بسرعه : كاني كاني دشيت شصاير؟
ناصر يصارخ: انتي ليش ماتهتمين في روحج ؟
ريم متضايقه : شسويت ؟
ناصر يصارخ: طالعتلي في هالبرد وشعرج رطب ؟ يعني تبين يطقج الهوى وتمرضين ؟ ماتقولين في واحد يخاف علييييييج ؟
ريم بهدوء: آسفه
ناصر يصارخ: شنو آسفه ؟؟؟؟؟ شنو شنو آآسفه؟ شعقبه ؟؟؟؟؟؟؟
ريم سكتت ..
ناصر: احاجيج انا ردي عليي
ريم: قلت لك آسفه خلاص ..
ناصر معصب: تبين تمرضين ؟؟ ماتدرين شيصير فيني اذا تعبتي ؟
ريم : انا ماقصد .. اصلن نسيت
ناصر: كله مب قصدي ونسيت وهذي ساللفتج
ريم بهدوء: زين ناصر اخليك انا ..
ناصر: الله وياج .. باي
ريم صكته .. ودمعت عينها .. وايد يصارخ عليها ..
ناصر بسرعه اتصل .. ماكانت تبي ترد .. بس ماتقدر ..
ريم: ..
ناصر: حبيبتي
ريم: هلا
ناصر بهدوء: حبيبتي عاد انتي ليش جذي؟
ريم: شنو؟
ناصر: آآسف خلاص آآسف
ريم: لا عادي لتأسف .. قلت لك تعودت
ناصر: ريم عاد .. عذريني .. اخاف عليج
ريم: فديتك خلاص قلت لك ماصار شي ..
ناصر: اكيد ؟
ريم: افا عليك
ناصر: وشللي يثبت لي انج مب زعلانه علي ؟
ريم: امممممممممممممم قول انت شلون تبيني اثبت لك؟
ناصر: والله احبج ريمو عااد شسوي
ريم: قولي شلون اثبت لك
ناصر: مادري انتي قولي
ريم .. سكتت.. خذت نفس .. : احبك
ناصر طاح قلبه: ... آآيه عليج حبيبتي انتي والله انا اللي اموت فيج
ريم ابتسمت: تدري ؟ احس سويت فيهم خير
ناصر: قصدج فيصل ؟؟ اهوه شسالفته بالضبط ؟؟
ريم: بوو سالفة طويله ماعرف بالضبط انا شسالفه .. بس اهم شي ردوا
ناصر: الحمدلله
ريم: اي والله الحمدلله
ناصر: زين حبيبتي روحي رقدي .. باجر وراج قومه ..
ريم: ان شاءالله
ناصر: لتزعلين ها
ريم: افا عليك .. شدعوه؟
ناصر: احبج .. تصبحين على خير
ريم: وانت من هله

راحت ترقد .. اسماء كانت راقده ومبتسمه .. ابين كانت مستانسه
يودت القلب اللي عطاها ناصر وانسدحت بترقد ..

فيصل كان مستانس ويا الشباب .. طوّل وياهم فلسهره .. عقبها نزلوا يتمشون ..
ناصر سحب فيصل: حجيي
فيصل التفت عليه: شفيك ؟
ناصر: احم .. شفيك ؟ ونسنا ويااك ؟
فيصل يخزه: يعني بتقولي ريمو ماقالت لك ؟
ناصر يسوي روحه مايدري: عن ؟
فيصل يخزه: متأكد ؟
ناصر: اي قولي عن شنو وانا اقولك قالت لي ولا لا ..
فيصل ابتسم: بس انت تحب يعني ؟
ناصر يخزه: لا لا .. من صجككك ؟
فيصل دزه: قووم منااااااااااااااك تبيني اقولك السالفه وانته تعرفها ؟
ناصر: ريمو ماقالت لي شي شفيك ..
فواز ياهم: وشفيكم انتم ؟
ناصر التفت عليه: سلامتك
فواز: الجو حلو
فيصل مستانس: ححححححده .. (يطالع الساعه .. يحاجي ناصر) بروح لهم انا ..
ناصر: تلاقيهم راقدين الحين .. تروح شتسوي ؟ تم ويانا شوي
فيصل: شوي بس .. اخاف عليهم بروحهم
ناصر ابستم: كفوو يا ولد عمي
فيصل يخزه: احلف بس ؟؟ بس بس بامشي انا ..
ناصر: امش بوصلك انزين
فيصل التفت: ادل الطريج
ناصر يقلده: اخاف عليك بروحك
فيصل يخزه: يبيلك طراق
ناصر فيه الضحكه: امش امش
فواز: تو الناس !!!
ناصر: معليه باجر ان شاءالله
فيصل: يالله مع السلامه ..
الكل: الله يسلمك
ردوا ناصر وفيصل .. تموا يتمشوون ..
فيصل مستانس ومب عارف شيسسوي ..
ناصر التفت عليه: انا للحين انطر
فيصل يطالعه: شتبي ؟
ناصر: افااااااا .. مداك نسيت ؟
فيصل يزعم مايدري: شنو عاد ؟
ناصر: بس بس خلاص .. ريم ماتقصر بتقولي كل شي
فيصل: احسن بعد ..
تموا ساكتين .. وصلوا العماره .. فيصل التفت عليه: يالله الشيخ .. تصبح على خير
ناصر: وانت من هله .. نجوفك باجر عيل ؟
فيصل: على خير .. مع السلامه
ناصر: الله يسلمك ..
ناصر مشى عنه .. وفيصل ركب فوق مستانس .. وده لو يقعد وياها يجوفون فلم .. يسولفون .. يبي يدش عليهم بس مايقدر ..
خذ ورقه .. وكتب عليها " وينج من زمان ؟ أحبج !! " وحطها تحت الباب .. وراح بيرقد ..

يوم ثاني الصبح قامت ريم بسرعه .. تسبحت وبدلت ولا ولاحظت الورقه .. قومت اسماء وياها .. من قامت بتمشي داست عالورقه.. خذتها وتمت تقرى .. ابتسمت: اللاااااااااااي وناسه
ريم ماتدري شسالفه: شنو ؟
اسماء تغني: ولا غييييييره في هالدنيا فتّنــــي ..
ريم ابتسمت: احبج وانتي مستانسه تيننين ..
اسماء استحت .. خذت الورقه وحطتها في شنطتها : آيه عليه
ريم تحس جسمها تعبااان مافيها شده تروح ..
اسماء: خنتريق يالله
ريم قعدت: يالله .. انا ماشتهي
اسماء: اكلي اكلي بلا دلع ..
ريم: لا اله الا الله .. احس روحي تعبانه
اسماء: اسم الله عليج . .شفيج ؟
صبت لها جاي: مادري .. ( تطالع الساعه) عيلي عشان مانتاخر
اسماء كلت بسرعه: يالله قومي
ريم: يالله
بسرعه نزلوا .. علأساس بيمشون لي الجامعه ..
فيصل كان راقد ماحبوا يقعدونه .. ابين عليه كان سهران
تمشوا لي الجامعه ..
كانوا البنات متيمعين .. والستيودنت كونسل ..
جافهم حمد سيده ياهم: هلا هلا .. حياكم
اسماء: يحييك
حمد يحاجي ريم: الحين كلنا في كلاس واحد .. الحين بيدلونه وين .. اليوم بس بيتحجون مافي دراسه .. من باجر بيبتدي الكورس
اسماء: زين
ريم طول الوقت ساكته .. تتلفت يمكن تجوف ناصر ..

دشوا الكلاس .. وقعد يشرح لهم عن الكورس .. شبياخذون .. شبيسوون .. شنو لازم يتعلمون .. وعن الشهاده اللي بيحصلونها لي كملوا ..
قعد يلغوي على راسهم تقريبن ساعة ونص ..
عقب قال لهم بس روحوا .. ونجوفكم باجر
ريم طلعت مستانسه: عجبني الكورس .. احس بنستفيد منه وايد
اسماء: ان شاءالله .. الله يسهل
حمد ياهم: ها شرايكم ؟
اسماء: اوكي
حمد يحاجي ريم: عجبج ؟
ريم بهدوء: اي اوكي
اسماء: انت مب جنك مللتنه ؟
حمد يخزها: وانتي من حاجاج ؟؟ احاجي ريم
اسماء: ول ول .. وخر زين بنروح
حمد يحاجي ريم: نجوفج باجر
ريم ابتسمت ومشت .. اسماء: يااااااااربي يبط جبدي ثقييل
ريم: خليه عنج .. حلوه الجامعه ..(طلعت كيمرتها وصورت)
حمد ياها: ممنوع التصوير ماتدرين ؟
ريم التفتت عليه: احلف ؟
حمد ابتسم: يويلج الحين بيسوون لج سالفه .. من أول يوم وبتشوهين سمعتج ها
اسماء: اقول وخر بس
ناصر جافهم من بعيد .. وجاف حمد شلون يطالعها ويحاجيها .. قال بيروح يطقه .. بس يود روحه .. مشى وهوه مهوس على يده .. ريم من جافته هدتهم وراحت له ركيض
ناصر يخزها: شيبي ذي؟
ريم ابتسمت: ماعليك
ناصر معصب: اقولج شيبي ؟؟؟؟؟؟
ريم: لا بس كان يقولي ممنوع التصوير اهني
ناصر: خل يولييي زين ممنوع .. يقص عليج ماعليج منه .. انا اراويه
ريم: لا لا تعال .. خله عنك
ناصر معصب: بأدبه
ريم: ماعليك منه .. عشاني .. (غيرت السالفه) تينن جامعتكم
ناصر ابتسم: عجبتج ؟
ريم: اي والله فن
اسماء كانت واقفه تتهاوش ويا حمد
اسماء: وبعدين وياك انت ؟
حمد معصب: من ذي اللي من جافته طارت
اسماء تخزه: خطيبها
حمد وقف قلبه: حلفي ؟
اسماء: والله
حمد انصفق ويهه .. مشى ولا نطق
ريم تنادي اسماء: تعاااالي
اسماء راحت لهم
ناصر: تعالوا براويكم الجامعه ..
ريم مستانسه: ياالله
ناصر ابين كان تعبان
ريم بهدوء: شكلك مارقدت البارحه عدل
ناصر ابتسم: عادي
ريم: الحين تروح ترقد
ناصر: لا عندي كلاس عقب نص ساعه
ريم: انا لله .. زين عقب الكلاس
ناصر: عقب الكلاس باييكم نطلع نتغدى
ريم : مانبي غدى .. انت ارتااح وبعدين يصير خير
ناصر: مرتاح حبيبتي شفيج ؟
ريم بهدوء: واذا قلت لك عشااني ؟
ناصر: ان شاء الله من عيوني واذا ماتبين احضر الكلاس وروح ارقد ماعندي مانع
ريم ابتسمت: امممم فكره
ناصر: والله الكلاس مب مهم .. شرايج يعني اطنش؟
ريم: لا لا روح .. وعقب ارقد
ناصر: تامرين امر
ريم التفت على اسماء: جوف الفرق بين جامعتنه وجامعتهم
اسماء: يبيله نيي ندرس هني
ناصر: لا والله ؟ عقب مابكمل ؟؟
اسماء: احنا يايين ندرس
ناصر: مافي ..
اسماء: شدعوه عاد بهد اخوي وبايي .. ماقدر
ناصر: حتى لو تبون مافي .. اي والله ندرس هني
ريم: تتغشمر شفيك ؟
اسماء: والله؟
ناصر يطالع القلب اللي عليها وابتسم
ريم نزلت راسها تجوفه شيطالع .. ابتسمت
لفوا الجامعه كلها
المباني كباار والمكان وااسع .. حده شرح المكان
عقبها ردوا اسماء وريم الشقه وناصر راح الكلاس
دشوا الشقة بلغوتهم .. فيصل كان يجوف التلفزيون
اسماء جافته وشيّرت .. اهوه من سمع حسهم راح لهم
فيصل معصب: وراحين بروحكم؟
ريم: جفناك راقد ..
فيصل معصب: لا والله ؟ علأقل أول يوم انا بوديكم
ريم: فيصل ماصار شي عادي ..وبعدين جفنا ناصر هناك
فيصل سكت ..
ريم: فيصل عاد شصار الحين؟
فيصل: اوكي اوكي .. خير ان شاء الله
اسماء دشت الغرفه بترتاح
فيصل يناديها: تتعالي
اسماء التفتت عليه: هاااااااا
فيصل: مايقولون ها .. يقولون نعم .. هلا .. لبيه .. سم .. مب (يقلدها) ها
اسماء تفشلت: ناديتني ؟
فيصل ابتسم: شلونج؟
اسماء استحت: زينه ..
فيصل: انا بعد زين ..
ريم: احم احم .. نحن هنا
فيصل يطالعها: كيفنا انتي شعليج ؟؟
ريم دشت الغرفه: كيفكم كيفكم
اسماء دشت وراها وصكت الباب: ماستحمل نظرااااااااااته .. لاحظتي ؟
ريم: يحليله فصولي يحب .. خل احاجي امي وحشتني ..
ريم خذت التلفون واتصلت حق امها: الوووووووو يمه
ام فيصل دمعت عينها: وااي بنتي ماصدق شلونج حبيبتي شخبارج؟
ريم مستانسه: ولهااااااااااانه عليكم انتوا شلونكم؟
ام فيصل: والله مكانج ابين والديره كلها مب حلوه بدونج
ريم: آيه عليج يمه شخباركم ؟
ام فيصل: والله هذحنه ننطركم تيون ..
ريم: فديتج .. ابوي شخباره ؟
ام فيصل: ابوج الحمدلله بخير ما يسأل الا عنكم
ريم: فديييييته ونجودي؟
ام فيصل: هذهيه تحن تبي تكلمج نطري
نجود بسرعه خذت التلفون منها: ريمووووووووو
ريم مستانسه: هلا هلا هلا والله حبيبتي شلونج؟
نجود: يالدبه متى بتيين؟
ريم: آآيه عليج وحشتيني
نجود: يالله ماصارت ترى البيت كلش ماله لزمه
ريم تضحك: هههههه آيه عليج شخبارج وشلون لمتحانات وياج؟
نجود: ناجحين ان شاءالله ماعليج انتي شلونج ؟
ريم: والله مشتااااقة لكم حبيبتي
نجود: بلا لغوه زايده وردي البحرين
ريم: نطري بس خل اكمل الكورس
نجود راحت بعيد عن امها: وشخباره وياج بوراس؟
ريم ابتسمت: ناصر؟
نجود: من غيره بعد ؟
ريم: الحمدلله زين يسلم عليكم
نجود: مالت على حظنه .. زين مو تنسين الهدايا والاشيا الزينه عاد
ريم: اي اي افا عليج لتوصين
نجود: اووووو اكاا الفذر وصل.. هاج مافيني شدته (تحاجيه) يبه ريمو تبيك
بو فيصل استانس: عطيني عطيني (يحاجيها) الوو ريم
ريم مستانسه: يبه شلونك ؟
بوفيصل: انا بخير انتي شلونج؟
ريم: والله الحمدلله بخير انتوا شلونكم؟
بوفيصل: شخبار فيصل ؟؟ يمج ؟
ريم: لحظه بناديه
بوفيصل: لا بس خليه انا بتصل له .. اهم شي انتي بخير؟
ريم: الحمدلله
بوفيصل: ماناقصج شي يبه ؟
ريم: لا يبه الحمدلله
بوفيصل: الحمدلله .. تحملي في روحج يبه واهتمي فدروسج
ريم: ان شاء الله يبه
بوفيصل: وحطي بالج على رفيجتج يبه
ريم: من عيوني يبه لاتوصي
بوفيصل: يالله الله يحفظج
ريم: مع السلامه
اسماء منسدحه ورافعه ريلها علطوفه: يحليلهم
ريم تعطس: آآآآآتشو .. الحمدلله
اسماء: يرحمج الله
ريم: يهدينا ويهديج الله .. احس جسمي متكسر .. تعبانه
اسماء: شربي مرقدوش
ريم: وانتي من ماقلت لج شي قلتي مرقدوش ؟
اسماء: زين عيل اكلي بندول ولا تزعلين
ريم: احس بديت ازكم
اسماء: انسدحي انزين ..اخذيلج فيتامين سي
ريم: مب لازم .. بروح اجوف التلفزيون
اسماء: غبيه انتي ؟ اقولج اخذي فيتامين سي
ريم: بعدين بعدين
اسماء: بعدين انتي حتى ريوق ماكلتي شي !!
ريم: شربت جاي والله
اسماء: وهاي يسمونه ريوق ؟
ريم: شتبيني اتريق ؟ بيتزا ؟
اسماء: مصخنه انتي ؟
ريم: احس بحراره تصدقين ؟
اسماء: سلامتج ريمو
ريم: الله يسلمج .. بنسدح انا فلصاله وانتي رقدي اهني
اسماء: زين
ريم طلعت وهي ميوده الكلينكس وتعاطس .. تحس جسمها متكسر .. حتى عيونها تحرها .. وراسها يعورها .. ومافيها شده تسوي شي ..
انسدحت وقعدت وبطلت التلفزيون
رن تلفونها
اسماء يابته لها: هاج سندرني
ريم خذته منها .. بزور تتحجى: الو
ناصر معصب: ليش شلتيه بعد؟ لا لتشيلينه احسن
ريم عطست: آآآتشوو.. الحمدلله
ناصر: يرحمج الله
ريم: سوري ماكان عندي التلفون ..
ناصر حس بنبرة صوتها ..: ابوي ؟
ريم تعبانه .. صكت عينها: همم
ناصر: ريم حبيبتي شفيج ؟
ريم: هأ
ناصر: الوو شفيج؟
ريم: مافيني شي شفيك؟
ناصر: تعبانه؟
ريم: شوي
ناصر معصب: اييييي هذي اللي تطلع بكشتها فلهوى
ريم سكتت
ناصر معصب: شقايلج انا شقايللج؟
ريم سكتت
ناصر: الووووووووو
ريم: هممم
ناصر: ردي علي شفيج ساكته؟
ريم ببراءة: بدل ماتقولي ماعليج شر يالس تزفني ؟
ناصر سكت .. بهدوء: كلتي دوا؟
ريم: الحين باكل
ناصر بهدوء: شيعورج حبيبتي؟
ريم: مايعورني شي .. مافيني شي لتحاتي
ناصر: شيعورج ؟
ريم: جسمي متكسر .. راسي .. آآآآآآتشو الحمدلله .. احس بصخونه
ناصر: قومي بوديج المستشفى
ريم: لا لا اي مستشفى الله يهداك .. اعرف دواي باخذه الحين
ناصر: لا حبيبتي ابي اتطمن عليج .. قومي .. فيني ولا فيج
ريم: لا فيني ولا فيك .. اسم الله عليك
ناصر: قومي عيل
ريم: ناصر مافيني شده شوي بس برتاح عقب باكل .. شوي
ناصر: ورفيجتج شخانتها ؟؟
ريم: معليه بقوم انا .. انت وينك؟
ناصر يتطنز: مب ياي اخاف تعاديني

ريم من صجها: آيه عليك معليه بدش انا الغرفه بس علأقل احس بوجودك ..
ناصر: حبيبتي من صجج مايي ؟ وانا اقدر يعني ؟؟
ريم ابتسمت .. تحس الصخونه بدت فيها .. : آيه عليك نصور انت وينك من زمان ؟
ناصر ابتسم: لا لصخونه لاعبة الدور
ريم غمضت عينها: ناصر ..؟
ناصر ابتسم: عيونه ..
ريم ماقدرت تيود روحها ورقدت .. وتم يسمعها تتنفس .. سكت .. التلفون في اذنها وراقده من التعب ..
ناصر كان خايف عليها .. خلى التلفون سبيكر .. عشان يسمعها اذا بتقوم .. ويحس فيها .. ركب سيارته .. راح الشقه بيرتاح .. بس مايقدر يرتاح وريم تعبانه
خلى التلفون يمه وانسدح ..
ريم عطست: آآآآآآآآتشو الحمدلله (توها جايفه التلفون) الو ؟
ناصر ابتسم: قلبي انتي
ريم مصخنه: شصاير فلدنيا ؟
ناصر: ماصار شي حبيبتي
ريم: لا يعني شسالفه؟
ناصر: حبيبتي قومي اكلي دوااج
ريم داير راسها وماتدري شتقول: دواي ناصر
ناصر مستانس: آيه عليج .. حبيبتي انتي
ريم: انا ؟
ناصر: حبيبتي جنج شاربه استغفر الله
ريم: شاربه كلونيا؟
ناصر فيه الضحكه: انتي فيج شي ؟
ريم: هأ
ناصر: حبيبتي اذا تحبيني قومي شربي دواج
ريم قامت: زين بس اذا طحت انا ماااااالي شغل ؟ انزين؟
ناصر: ماتطيحين ان شاء الله روحي
ريم راحت .. قعدت على الكرسي اللي فلمطبخ وحطت راسها ورقدت
ناصر: الووووو
ريم قحصت: هاها اكا والله الحين الحين
ناصر: بسرعه حبيبتي
ريم خلت التفون عالطاوله .. خذت لها فيتامين سي وبندول كولد اند فلو .. عقب شالته: الو
ناصر: حبيبتي ماعليج شر .. روحي الحين رقدي .. ومن تقومين كلميني .. سامعه
ريم: ان شاءالله
ناصر: سلامتج ابوي
ريم: الله يسلمك .. باي
ناصر: بيباي
دشت وحطت راسها علسرير ورقدت ..
اسماء كانت راقده بعد
فيصل متملل .. مايقدر يدش عليهم لان اكيد اسوم فاصخه شيلتها ..
نزل تحت .. راح وول مارت .. شراله جم شي حق الطياره .. وقعد يدور ويتمشى ..
جاف حمد يتشرى
حمد: هاااااااالااااااااا الفيص
فيصل سلم عليه: هلا حمااااااادو
حمد: شخبار؟
فيصل: والله تمام شخبارك انت؟
حمد: اوكي تماام .. (يدور) الا بروحك ؟
فيصل: ايي باجر ان شاءالله مسافر
حمد: باجر؟؟
فيصل: اي والله باجر ..
حمد: وين تو الناس !! والبنات ؟؟
فيصل: البنات وياهم ولد عمي .. انا وراي شغل بزور خذت اجازه
حمد: ولد عمك ؟ ماعرفه .. يمكن جفته ويا اختك مساعه فلجامعه
فيصل ابتسم: هذهوه
حمد: زين عيل تروح وترجع بالسلامه
فيصل: الله يسلمك .. اخليك انا تكمل اغراضك .. بمشي
حمد: زين نجوفك
فيصل: على خير .. مع السلامه
فيصل راح يدفع .. اتصل له ناصر
فيصل: الوو
ناصر: هلا هلا
فيصل: هلا فيك .. وينك مابينت اليوم
ناصر: والله هذاني منسدح .. مب قادر ارقد
فيصل: صاير شي؟
ناصر متضايق: احاتيها
فيصل تخرع: من؟
ناصر مستغرب: يعني ماتدري ؟
فيصل مب فاهم: شادري ؟ شسالفه؟
ناصر: لا بس ولا شي
فيصل: تحجى شصاير؟
ناصر: ريم تعبانه .. انا عبالي تدري
فيصل خاف: تعبانه؟ شفيها ؟
ناصر: عيل انا شلا متصللك ؟ روح جوف شفيها
فيصل: يوم قمت كانت في غرفتها ماقدرت ادش عليها
ناصر: يمكن رقدت ..
فيصل: اسم الله عليها شفيها انزين؟
ناصر: تقول تحس بعوار في جسمها .. وحرااره
فيصل: ماعليها شر .. معليه هذاني رايح
ناصر: بقوللك .. انا كنت ناوي اطلع بس ريم تعبانه .. شرايك نروح نييب لهم بيتزا من المكان اللي قلت لكم عنه وناكل فلشقة؟
فيصل: صار .. بس اودي الاغراض واتطمن عليها .. وانت تعال
ناصر: خلاص انا ابدل واييك .. يالله باي
فيصل: باي
فيصل ركب بسرعه .. ودا الاغراض غرفته وراح عند باب غرفتهم .. صاكين الباب .. طق الباب بهدوء .. محد رد عليه .. رد طق عليهم .. محد .. طق بقوه
اسماء قصحت .. بسرعه راحت صوب الباب: شصاير؟
فيصل: ممكن اجوف ريم؟
اسماء لبست شيلتها وطلعت .. يودت الباب: خير شصاير؟
فيصل: اصير ادش؟
اسماء بطلت له الباب: حياك
فيصل راح صوب ريم .. حط يده على راسها .. كانت حرارتها مرتفعه .. كانت يده بارده .. بطلت عينها: فيصل؟
فيصل ابتسم: سلامات شفيج؟
ريم ابتسمت: مافيني شي
فيصل: جوفي عينج شلون حمره وعقب قولي مافيني شي .. يعني تقولين حق ناصر وماتقولين لي؟
ريم: وي لا فيصل مب جذي ..
فيصل: معليه قومي بوديج المستشفى
ريم: لا فيصل مافيني شي لتكبر السالفه كلها بندولتين واقوم مافيني شي صدقني
فيصل: بوو كل ذي عشان ماتروحين المستشفى ؟
ريم: لان مافيني شي
فيصل: زين سلامتج (التفت على اسماء .. بهدوء) ممكن طلب؟
اسماء استحت: آمر
فيصل: حطي بالج عليها .. وخليها تاكل دواها ..
اسماء: افا عليك شهالحجي ؟ لتوصي
فيصل ابتسم: ماتقصرين (التفت على ريم) تدرين خطيبج شيقول؟
ريم شهقت: من ؟
فيصل يخزها: ماتعرفينه ؟
ريم: من ذي؟
فيصل: خطيبج ؟
ريم: لا ماعرفه ..
فيصل: ماتعرفين اللي خطبج ؟
ريم: لا
فيصل: ناصر بعد لتغيبين
ريم طاح قلبها: شيقول ؟
فيصل: يقول يبي اييب لج بيتزا .. ودج؟
ريم : ماشتهييي شييييييي
فيصل: زين خلاص بنفج الخطبه
ريم: شدخل انت بعد ؟
فيصل: مايصير ماتاكلين .. بيسويلج سالفه ناصر ..
ريم: ماشتهيييييييي
فيصل: كيفج عاد انا قلت له اوكي .. الحين بيمر علي وبروح وياه .. وكيفج عاد تفاهمني وياه
ريم: لا اله الا الله
فيصل قام: ارتاحي .. ترى اذا ماكلتي مابتطيبين (توه بيطلع التفت على اسماء) قوه
اسماء رفعت حواجبها: شتبي انت ؟؟
فيصل يزعم ماسمع: شقلتي ؟؟ لا ماسمعت عيدي ؟
اسماء تفشلت: اقول الله بلخيير شلونك ؟
فيصل: الحمدلله شلونج انتي ؟
اسماء: الحمدلله بخير
فيصل ابتسم: تبين اييب شي؟
اسماء: شككرا .. سلامتك
فيصل: اي جذي صيري ذربه
اسماء: نعممممممممممممم ؟ خير خير شقلت ؟
فيصل يقلدها: اقول الله بلخير شلونج ؟
اسماء محتره .. سكتت عنه ودشت حق ريم
اسماء: آيه عليهاا المريضه .. لازم تاكلين
ريم: يصير خير ..
اسماء: اخليج ترقدين احين ارتاحي..
ريم صكت عينها بترقد
اسماء قامت تتجول .. دشت غرفة فيصل .. جافت الاغراض معفسه .. والشنطه مبطله ومحذف فيها الاغراض .. اهيا تدري ان بيسافر جريب .. بس متى .. ماتدري .. يعني اهوه ماقال لهم ترى انا باجر بسافر .. عشان مايتضايقون .. وخصوصا ريم اللي ماتبيه يروح .. حتى اسماء .. ماتبيه يروح ..
دشت الغرفة .. فصخت شيلتها .. تربعت .. وتمت ترتب اغراضه ..
حطتهم في الشنطه .. واللي شاريهم حطتهم بعد .. رتبت غرفته .. وطلعت .. دشت قعدت عند ريم .. ماتقدر تعطيها دوى عالأقل تمر 4 ساااعاات ..
تمت قاعده علكرسي مجابلتها .. وريم التعب ابين عليها .. منسدحه شوي تتلحف وشوي تقط للحاف .. ريم التفتت عليها: اسوم ؟
اسماء: ها
ريم ..: ماااي
اسماء بسرعه يابت لها ماي: قومي شربي
ريم قامت بزوور تشرب الماي ..
فيصل اتصل حق اسماء .. اسماء نطرت تكمل الماي وعقب ردت عليه: الو
فيصل: هلااا اسوم ..
اسماء تقلده: هلا فصول ..
فيصل ابتسم: طمنيني .. شخبارها الحين؟
اسماء عطت التفون ريم: هااج كلميه
ريم خذته .. والتعب ابين في صوتها: الو
فيصل: هلاا الريم .. ِشلونج الحين ؟
ريم تحاول تقعد: الحمدلله ..
فيصل: اشوى؟
ريم: شوي
فيصل: ماعليج شر .. عطينا عشر دقايق وحنا يايينكم ..
ريم: زين
فيصل: عطيني اسماء
ريم ابتسمت .. تحاجي اسماء: يودي
اسماء خذته: الو ؟
فيصل مستانس .. يحب صوتها .. يحب كل شي فيها .. بختصار .. يحبها: وانتي شلونج ؟
اسماء ابتسمت: الحمدلله بخير .. وانت شلونك ؟
فيصل: اذا انتي بخير انا بخير .. يالله بنيي الحين .. مع السلامه
اسماء: الله يسلمك
ريم معنها تعبانه .. تخزها: يحليلج وانتي مستحيه
اسماء رفعت حياتها: مكسوره وتبرد .. رقدي رقدي
ريم ابتسمت: ابي اطلع اشم هوا شوي .. (قامت من السرير .. وراحت البلكون .. واسماء ميودتها تخاف يدور راسها ولا شي .. )
ريم: حلو الجو
اسماء: ايي .. وايد .. بس امشي اخاف تتعبين
ريم: شوي بس ..

ناصر توه رايح حق فيصل .. كان ينطره فلسياره
ناصر يحاتي: ها بشر .. كلمتها ؟
فيصل ابتسم: اي كلمتها ..
ناصر مستعيل: اي ؟
فيصل: شنو اي ؟
ناصر: تحجى قول شخبارها ؟ اشوى ؟
فيصل: اي الحمدلله .. يعني ماتقدر تصبر لي مانروح لهم ؟
ناصر بدى يعصب: شفيك انت ماتحس ؟؟
فيصل خذ منه الأكل: اركب اركب
ناصر طول الوقت يحاتيها .. مب عارف شيسوي بس مايحب يجوفها تعبانه .. يحس الدنيا سوده بعينه .. يبيها تصير احسن .. يبيها تكون مستانسه .. مرتاحه .. مافي شي يتعبها ولا يكدرها ..
ريم ردت غرفتها انسدحت .. تنطر تاكل شي عشان تاكل دواها مره ثانيه ..
واسماء عينها عليها .. خايفه عليها
اسماء: شياج جذي مره وحده اسم الله عليج؟
ريم عافسه ويهه: شدراني
اسماء: لا اله الا الله
شوي الا ناصر وفيصل داشين
ناصر: احم ..
فيصل: حيااك حيااك
ناصر: الله يحييك
ريم من سمعت صوته لبست شيلتها .. وعدلت قعدتها ..
فيصل: حياك ايلس .. بناديهم
ناصر متضايق: اذا مافيها شده اتيي خلها مرتاحه

فيصل راح لهم .. طق الباب .. اسماء طلعت له .. ابتسمت: حياك
فيصل يخزها .. وهو يمشي رايح حق ريم وعينه عليها .. دعم السرير .. وللحين عينه عليها .. وهي منزله راسها ومستحيه منه .. قعد يم اخته: فيج شده تطلعين ؟
ريم ابتسمت.. حدها تبي تجوف ناصر: اي معليه بقوم
فيصل يخزها: اي اكيد ..خلف الله
فيصل قام واسماء للحين واقفه عند الباب .. تم يطالعها .. لي ما جرب يمها .. اهيا مشت راحت حق ريم .. وهوه طلع حق ناصر ..
ناصر على اعصابه .. يبي يجوفها يطمن عليها .. شوي الا طلعت .. ناصر بسرعه راح لها .. والخوف ابين عليه .. بهدوء: ابوي اشوى؟
ريم ابتسمت: مافيني شي ..
ناصر: اكيد ؟؟ اشوى؟
ريم: الحمدلله بخير .. شوية تعب
ناصر معصب: لانج ماتهتمين في روحج .. طالعة لي فلهوى وتوج متسبحه ؟ شتبيني اسوي فيج ؟
فيصل: بس عاد امشو الحين اكلوا وبعدين يصير خير ..
ناصر يحاجي ريم: ابوي اكلي عشان الدوا ..
ريم ابتسمت: ان شاءالله
ناصر يعطيها البيتزا: سمي
ريم خذتها: سم الله عدوك ..
ناصر يحاجي فيصل: أي حزة بتمشي ؟
فيصل: اظن المفروض امشي 6
ناصر: اي زين تسوي .. ماتعرف شيصير عقب ..
فيصل: ايي من جذي
ناصر: خلاص عيل انا من خمس ونص عندك
فيصل: يارياااااال خلني بروح بروحي
ناصر: يالله يالله قلت لك انا بوديك
ريم واسماء مب عارفين شسالفه ..
ريم تحاجي فيصل: وين على الله ؟
فيصل تذكر ان ماقال لهم : اوه .. ماقلت لج ؟
ريم والدمعه في عينها: لا
فيصل: لا بس باجر برد البحرين ..
ريم وجن احد صب عليها ماي بارد: بااااااااجر؟ وليش ماقلت لي من قبل ؟؟ حرام عليك !!
فيصل: ريم انتي تدرين ان مابطوّل ..
ريم: انزين عاد ماقلت لي متى بتروح .. كل ماسألك تقول ماحصلت حجز .. من صجك انت ؟
اسماء بعد ماتبيه يسافر .. بس ماقدرت تقول شي ..
ريم قامت عنهم تصيح: حرام عليك ..
ناصر راح لها: تعالي كملي اكلج
ريم تصيح: ماشتهي .. مابي شي مابي
ناصر بهدوء: تعالي قلت لج .. عشاني
ريم ماتبي .. بس ماتقدر ترده: بقعد بس مب ماكله
ناصر: لازم تاكلين .. (يتدلع) عشااني !!
ريم تمش دموعها: مب الحين مب الحين (تطالع فيصل) ليش ماقلت لي
فيصل: خلاص يبه آسف
ريم: شنو آسف ؟ جذي مره وحده تقولي باجر بسافر ؟ وانا اللي مستانسه انك بتم ويانه اكثر ..
فيصل راح لها: ريم تدرين انتي ماقدر اتم زود .. زين اللي قدرت ايي وياكم
ريم ساكته
فيصل: خلاص انزين لتدلعين ..
ريم صاحت: ماقدر .. احس مادري .. في بالي انك بتم .. برجع الشقة بحصلك قاعد .. بنطلع يميع .. بس ..
فيصل ابتسم: معليه كلها سبوعين وانتي فلبحرين .. بس لتصيحين .. قومي غسلي ويهج يالله
ريم تطالعه: ماتقدر تأجل سفرك ؟
فيصل: اي جان بتدورين لي شغل ميخالف
ريم : آآآآآآآآه
فيصل: يالله عاد قومي غسلي ويهج ..
اسماء بعد ماتستحمل تجوف احد يصيح ماتصيح .. قعدت تصيح
فيصل التفت عليها: وشفيها الحلوه تصيح بعد ؟
اسماء تفشلت .. مشت دموعها وخذت ريم تغسل ويهه
ريم وايد تضايقت ماتبي اخوها يسافر .. غسلت ويهه وتوها بتدش غرفتها ناصر ناداها: رييييييم
ريم التفت عليه وويهه احمر .. : همم
ناصر بهدوء: تعالي اكلي
فيصل: يالله عاد بلا دلع .. امشي
ريم تمت واقفه
اسماء: امشي يالله
ريم راحت قعدت .. بنعومة .. ناصر عطاها تاكل ..
فيصل يخزها: ضحكي عاد كريهه لين تبوزين
ريم ابتسمت .. تحاجي ناصر: بيي وياك المطار
ناصر: لا ابوي .. وين تيين ؟ انتي تعبانه لازم ترتاحين
ريم تطالعه وتترجى: لا حرام عليك عاد .. بروح يعني بروح
فيصل سكت ..
ناصر: ريم .. سمعيني
ريم تقاطعه: بروح
ناصر: انا لله .. لي باجر يصير خير
ريم: تقص علي وعقب بتمشون عني .. مافي بقعد عند الباب
ناصر سكت .. قعد ياكل .. واسماء تاكل .. ماتبي ففيصل يسافر ويخليهم .. صج كانت ماتبيه ايي فلبدايه .. بس الحين تعودت كل يوم تجوفه .. كل يوم تكلمه .. مايصير يسافر !
فيصل ماوده يسافر بس مايقدر غصبن عليه بزور حصل له حجز لازم يرجع وراه دوااام
ريم كلت لها قطعة بيتزا .. على جبن اكيد .. يابت لها اسماء الدوا وكلته ..
ناصر: بلعافيه حبيبتي .. ماعليج شر
فيصل يطالع اسماء .. عطاها بيتزا: اكلي
اسماء مستحيه: لا بس شبعت
فيصل ماد يده: ترديني ؟
اسماء: شبعت
فيصل مصمم: يدي عورتني
اسماء ابتسمت .. وخذتها منه: شكرا
فيصل مستانس ..
ناصر يحاجي ريم: قومي ارتاحي الحين .. وانا اهني مابروح مكان .. اي شي تبينه بس اتصليلي .. خلي التلفون عندج
ريم قامت: ان شاءالله
ناصر مشى وياها لي الغرفه
ريم التفتت عليه .. في خاطرها وين على الله ؟؟ بس سكتت
ناصر ابتسم ..: اسم الله عليج
ريم دشت ووقفت عند الباب: لتحاتي مافيني شي ..
ناصر سكت .. دشت بترقد .. وهوه طلع علبلكون .. يفكر .. اذا سافر فيصل .. لازم يهتم فيهم اكثر .. يعني ابوها واخوها معتمدين عليه .. ولا جان ماخلوها تسافر .. زين اللي شقته مب بعيده .. بس بعد يبي يجوفهم كل يوم .. مايبي يخليهم بروحهم .. لو الود وده جان تم عندهم بس مايصيير .. يتم ريال غريب .. حتى لو اهوه ولد عمهاا .. يحااتي شبيسوي ..
اسماء شالت الاغراض عقب ماكملوا .. فيصل دش غرفته وجاف كل شي مرتب .. طلع مستانس .. عباله ريم اهيا اللي رتبت هذي سوالفها بس قال بيسأل اسماء
فيصل يزعم معصب: من رتب اغراضي؟
اسماء مب مستوعبه: اي اغراض ؟
فيصل كان واقف يم باب غرفته .. : اغراضي بعد اي اغراض ..
اسماء استوعبت: اي اي اغراضك .. شفيهم ؟
فيصل: من رتبهم ؟
اسماء سكتت ..
فيصل: احاجيج انا
اسماء بغباء: انا
فيصل استغرب: انتي ؟
اسماء هزت راسها ..
فيصل استانس .. بس قال بيتسبب فيها من زمان ماتسبب: من سمح لج تدشين غرفتي وتحوسين باغراضي ؟؟ باذن من ؟
اسماء تفشلت وانحرجت مب عارفه شتقول
فيصل: جاوبيني
اسماء دمعت عينها
فيصل راح يمها .. بهدوء تم يخزها .. وهي منزله راسها متفشله ..
فيصل بهددوء: من صجج يعني بزعل ؟ انا مستانس اصلا لانج جستي اغراضي .. ياابختهم اغراضي والله .. مشكوره حبيبتي
اسماء استحت: توك مب عاجبك ؟
فيصل ابتسم: افا عليج بس .. ماتشدين غشمره ؟؟ اتطنز ويااج والله .. تسلم يدج يالغاليه
اسماء بتمشي: بس عااد بس
فيصل: تمي شوي .. باجر بسافر ومابتجوفين رقعة ويهي بعد الا مادري متى
اسماء تكدرت: لتذكرني
فيصل متضايق: والله مابي اخليكم بس غصبن علي .. اهم شي انتي اهتمي فروحج وفي ريم ..
اسماء متضايقه .. تبي تقول شي مب عارفه: مابيك تروح
فيصل استانس: ولا انا ابي اروح .. بس شسوي ؟ غصبن علي
اسماء شوي وتصيح: زين بروح حق ريم يمكن تبي شي ..
فيصل: انزين وانا ماتسأليني جان ابي شي ولا شي؟
اسماء استحت: تبي شي؟
فيصل يتدلع: الحين عاد ؟ شعقبه ؟؟ مابي شي شكرا .. اهم شي سلامتج
اسماء: الله يسلمك ..
راحت حق ريم .. انسدحت علسرير مب عارفه شتسوي .. ماتبيه يروح عنها .. بس ماتبيه يتم بعد ماتستحمل نظراته وكلامه الحلو ..
فيصل راح حق ناصر البلكون
فيصل: ناصر .. ؟
ناصر التفت عليه: هلا
فيصل: والله مادري شقولك .. بس اهم شي حط بالك عليهم
ناصر: افا عليك لتوصي فعيوني ..
فيصل: تسلم والله ماتقصر
ناصر: شدعوه افا عليك ؟؟ بس انا ماحاتي الا هالريم
فيصل: ماعليك تقوم بالسلامه ان شاءالله ..
ناصر يتنهد: آآآه .. تبي نروح حق فواز ؟
فيصل: ماعندي مشكله
ناصر: اي مانبي نبعد يمكن يحتاجون شي ولا شي
فيصل: اي اوكي تمام

نجود
توها يايه ويا رفيجتها من الامتحان
دشت البيت وهي تضحك
ام فيصل توها بتطلع
نجود سلمت عليها : هااي مامي
ام فيصل: هلا يمه شلونج ؟؟ شسويتي؟
نجود فيها الضحكه: يمه عجييييييب حده زين
ام فيصل: متأكده؟؟
نجود سحبت رفيجتها: اي يمه حده عجيب ..
ام فيصل: الله يستر بس .. يالله انا بامشي الحين .. روحوا درسوا
نجود : ها يمه بشري من مات ؟
ام فيصل: وه عليييييج لا اله الا الله اشوله تفاولين علأوادم ؟؟
نجود: وين بتروحين عيل ؟
ام فيصل: بمر اشتري اغراض حق البيت
نجود ابتسمت: يمه كثري من الكاكو والنوتيلا وهالسوالف يعني والله انج فاهمتني والله يسلمج برنقلز لما تفك وجذي يعني
ام فيصل: وي عاد يمه كتبيهم لي في ورقه بانسى
نجود: بوووووووو يمه الحين اروح اييب ورقه واكتب شغله .. لا حبيبتي انتي مري صوبهم وطخي اللي يعجبج
ام فيصل: كيفج انزين مو تقولين لي مب ذي ومب ذاك ؟
نجود: اوكي اوكي
ام فيصل: درسوا عاد
نجود: لا يمه بننطرج .. ماتدش المعلومه بسهوله .. لازم ناكل شي عشان تدش رويسي فلمخ
ام فيصل: يالله مع السلامه
نجود: الله يسلمج (التفتت على رفيجتها) اشفيج ساكته انتي ؟
عايشه متضايقه: ماسويت زين
نجود: عادي يبه .. ناجحين ان شاءالله
عايشه: اي ناجحين اي بطيخ انا ماحليت شي .. كله تأليف
نجود: عادي شفيج شدعوه انا مسكته الحين ؟ كله تأليف .. بس بس ضحكي لا اييبج الحين بالجوتي .. ضحكي
عايشه ابتسمت: زين زين .. بسألج .. اخوج مايه ؟
نجود: لا والله للحين .. مادري متى بيي بودبه وحشني
عايشه ابتسمت: اي والله وحشني
نجود: هي هي شتبين انتي ؟؟ لتصدقين عمرج وايد هاا ..
عايشه: اففففففف شتبين انتي الحين؟
نجود: انتي اللي شتبين ؟؟ ترى حتى لو اخوي يبيج انا مابرضى .. ويع مابغى الا ياخذج انتي
عايشه معصبه: وشفيني يعني ؟
نجود: قولي شمافيج .. عشان نقلب لهم البيت ديسكو اهني
عايشه: ااااه جفتي يعني انتي اللي فيج مب انا ..
نجود: حبيبتي .. خلي اخوي عنج ولا يكثر
عايشه: عاد عاد ابي صورته
نجود: ذلفي مناااااااااااااك قالت تبي صورته قالت .. شتبين فيها ؟
عايشه: عاد عاد .. بليز .. اكيد عندج في تلفونج طرشي لي وحده
نجود: جوف ذي ؟؟ عووش لمتحان شسوي فيج ؟
عايشه: عاد عاد عاد
نجود: جبببببببب زين ..
عايشه: ابي صورته
نجود طقت يدها: ينت وقعدت
عايشه: افففففففففففف ترى ان خربطت فلختبار بسبة اخوج
نجود: ايي لقيتي لج عذر تقطين السالفه على اخوي مسيكين ولا يدري فيج ولا معبرج تلاقينه ذايب فلغراام ويا امريكيه هنااك ولا مفتكر فيج
عايشه: اففففففف لتحريني
نجود: مشكله اللي يحب ومايحبونه
عايشه: انا ماحبه حب حب يعني اعجااب واصل حده
نجود: ويهج الحلي عاد .. اعجاب .. واذا صار حب واخوي مب معبرج شبيصير فيج ؟
عايشه: على كيفه عاد ولا على كيفه؟
نجود: هي انتي شفيج ؟؟ ينيتي ؟؟ شكلج وايد تجوفين حلقات انتي
عايشه: افففففففففف ماتحسين
نجود: امشي الحين بتبتدي الحلقه .. ذاك انا اللي مدوخني .. لتقولين لي فصوول .. (يودت قلبها)) آآه يا قلبي .. (سحبتها) امشيييييي

عايشه راحت ووقفت جدام التلفزيون: طرشيلي صورته قبل
نجود: انتي للحين ؟؟ هيي انتي بقمه ولا اتبيقمين ؟؟ ذلفي الحين بتبتدي والله بسدحج وبدوس فبطنج ها
عايشه قعدت: اففففففف حدج متحكمه
نجود تخزها: عيل ماتحكم ؟؟ سكتي بس مابي اسمع حسج
عايشه: يعللللللللج ريل ابزخج ليل ونهاار .. يصبحج بطق ويمسيج بطق
نجود: اسم الله عليييييييي اسم الله علي .. محد بيكفخج الا ريلج الحوّل
عايشه: يعللللللللللللج ريل اسود ماابين
نجود: دعّي كلهم بيردون لج
عايشه: لا حبيبتي دعوة المظلوم
نجود: اي مظلوم انتي بعد ؟؟
عايشه: ابي الصوره
نجود: اقول جب لاييج بالمزهريه على راسج .. تقولين لولب حلي ؟؟
عايشه: عيل انتي جنه خنفروشه محروقه؟
نجود عينها عالتلفزيون: اششششششش بليز ..
عاشه تتحلطم: محد يحس فيني
نجود حذفت عليها الموسده: ماتنجبين انتي ؟
عايشه: انزيييييييييييييييين وه

قامت اسماء تصلي الفير ..
صلت وقومت ريم تصلي
اسماء: ريم .. رييم .. ريمو
ريم راقده: هممممم
اسماء: ماتبين تصلين؟
ريم قصحت: امبلا شنو مابي انتي بعد
اسماء: شدراني فيج مب راضيه تقومين
ريم قامت: اكا قمت
اسماء: رقدتي زين؟
ريم: كله اتقصح .. بس الحمدلله
اسماء: اشوى؟
ريم: اي احسن من امس الحمدلله
اسماء: اكيد؟
ريم: اي والله احس احسن شوي ..
اسماء: زين عيل قومي تيددي وصلي وردي رقدي
ريم: لا مابي .. بنطرهم اخاف يروحون عني
اسماء: محد بيروح عنج .. انا بايي وياج بعد
ريم راحت تتوضى. .. وصلت .. واهي عالسياده التفتت على اسماء .. متضايقه: مابي فصول يسافر ..
اسماء راحت قعدت يمها: ولا انا ابيه يسافر .. بس شنسوي ؟
ريم دمعت عينها: كفايه علي امي وابوي ونجود محد .. بعد فيصل بيخليني ؟
اسماء عورها قلبها: بس عاد ريمو لتعورين قلبي ..
ريم صاحت: وااي قلبي ماستحمل .. طول الليل في بالي .. على غفله جذي ولا قالي من قبل
اسماء صاحت وياها: بس عاد ريموووو لتعورين قلبي
ريم لمت رفيجتها: بمووووت من الشوق خلاص مابي .. برجع البحرين
اسماء: آآيه علييج انا شوراي برجع وياج ابيها من الله
ريم قعدت تصيح واسماء تصيح وياها ..
اسماء: بس عاد قومي غسلي ويهج وبدلي عشان نروح وياهم
ريم: آآخ قلبي يعورني
اسماء: وانا بعد قلبي يعورني .. يالله قومي عاد
ريم: ان شاءالله
طلعت ريم تغسل ويهه .. جافت غرفة اخوها مبطله .. دشت عليه
كان يكوي ثيابه
ريم راحت تبي تاخذهم منه: افا عليك جان عطيتني انا اكويهم لك
فيصل مارضى: خلي خلي بكمل الحين
ريم : انزين انطر لتصك لشناط في شي بعطيك توديه لهم
فيصل: حق من؟
ريم: امي وابوي ونجود
فيصل: انزين بسرعه عاد بصكها
ريم راحت: دقيقه
راحت ويابت الأغراض وحطتهم فلشنطه .. فيصل توه يجوف ويهه .. ابين عليها توها صايحه .. وتعبانه
فيصل: ريم شفيج ؟
ريم تطالعه: تروح وتخليني وتقولي شفيج ؟
فيصل هد لثياب: ريمو عاد
ريم لمته وقعدت تصيح : فصووووول ماستحمل انا جذي .. احس
فيصل يقاطعها: اشش اشش .. بس .. سكتي
ريم هدته: فيصل
فيصل: ريم وياكم ناصر..
ريم: انته غير .. وناصر غير
فيصل يخزها: يسلام؟
ريم ابتسمت: فيصل متى بتمشي؟
فيصل: الحين بس بتسبح وببدل .. انطر ناصر
ريم: اي بنيي
فيصل مستغرب: اسوم بعد ؟
ريم تخزه: ماتبيها تيي نخليها اهني بروحها
فيصل بسرعه: لالا شتخلينها .. يبيها بروحي بشتاق لها.. قصدي خليها تيي
ريم: اصلا حتى لو انت ماتبي تجوفها اهيا ميته تبي تيي
فيصل: ماتعرف غلاها هالبنت .. صج بقولج شي ..
ريم: قول
فيصل: زين حصلتج بروحج .. سمعي
ريم خافت: خرعتني شصاير؟
فيصل: ماصاير شي انتي الا مول ؟؟ سمعي
ريم: اسمع والله اسمع قول
فيصل: مو لي ردينه البحرين تقولين لي انطر ومادري شنو ؟؟ انتي ورفيجتج جوفولكم فساتين حق الملجه من ااهني
ريم تسوي روحها مافهمت: ملجة من؟
فيصل: انا وانتي
ريم تتطنز: بتعرس علي ؟ امبيه !! جيف يهود ؟؟
فيصل: يالغبيه فهمي .. مالومج مصخنه .. سمعي
ريم: اسمعك والله اسمع .. قول
فيصل: ناصر قايل لي اول مانروح البحرين بيملج عليج .. وانا بعد ماقدر انطر خلاص عقب باجر ان شاءالله انا مكلم اخوها
ريم مستانسه: اللاي فن !!
فيصل: اي واحد فيهم الفن ؟
ريم: كلهم .. كل شي
فيصل: سمعتيني ؟؟ وانا بقول حق امي بعد ونجودو عشان مايأخرونه
ريم مستناسه: وناسه
فيصل: سمعي ترى ماقلت حق ابوي ولا حق امي اني برجع البحرين .. بسويها لهم مفاجأه
ريم تقص عليه: ياعينيييييي وانا خريت كل شي
فيصل: حلفي ؟
ريم: لا لا اتغشمر والله .. زين خلاص .. ابشر
فيصل: انزين خليني اتسبح الحين عشان مانتأخر عالمطار ..
ريم: زين انا بروح ابدل
فيصل: صج اتصلي حق ناصر جوفيه قعد ولا لا
ريم: ان شاء الله
فيصل راح عنها .. وهي تمت تفكر في حجيه ..


تتبع مع الجزء16

 

[احترت اعبر]

يسلمووووووو يااسيره على المرور
وحطيت اكثر من بارت عشان خاطر عيونج

 

[اسيرة احزاني]

تسلميلي والله
يعطيج الف عافية على البارتات الاكثر من روعة

وبانتظااااااااااااااااااااارج حبوووووووووووووبة

 

[احترت اعبر]

][ الجـــزء السادس عشـــر ][


ريم عقب ماخلت فيصل بسرعه راحت تتصل حق ناصر تتأكد
ناصر استانس يوم جاف رقمها .. كان توه بيبدل: حبيبتي انتي
ريم ابتسمت: صباح الشووق
ناصر مستانس: صباااااااااح الحب والأشوااااااااق لأحلى مريضه فلدنيا
ريم: بل !!
ناصر: شلونج فديتج الحين ؟ احاتيج والله
ريم: الحمدلله مافيني شي ..
ناصر: اشوى؟
ريم: ايي الحمدلله اشوى
ناصر: اكيد ؟ ولا بس عشان تيين المطار؟
ريم: لا والله احسن من امس
ناصر: زين حبيبتي بتعبين والمطار مب جريب .. ولي ردينه سيده بتروحين الجامعه يعني مايمديج ترتاحين
ريم: ماعلييك مرتاحه انا
ناصر: لا حبيبتي مايصير
ريم: برقد فلطريج
ناصر ابتسم: والله خايف علييج ومابيج تتعبين ابوي
ريم: ناصر مافيني شي كا شزينني ..
ناصر: كلتي دواج ابوي؟
ريم: لاء
ناصر عصب: يعني شتنطرين ؟؟؟؟؟؟
ريم: وي بسم الله الحين باكله والله .. شفيك ؟
ناصر: صكيه يالله روحي اكليه بسرعه .. بسرعه جدامي يالله
ريم: زين زين يالله باي
ناصر صكه وبسرعه بدل ونزل عشان مايتأخر على فيصل ..
ريم كلت دواها وبدلت وراحت حق فيصل .. كان يطالع روحه فلمنظره ويعدل شعره
ريم: حلو حلو .. والله حلو
فيصل توه منتبه لها: انتي هني ؟
ريم ابتسمت: شحلوك صاير ماشالله عليك
فيصل يتلفت: نادي رفيجتج .. ختجوفني
ريم: وااااااااي قلبي .. ماقدر .. بنشتااق لك والله
فيصل: شنسوي بعد
ريم تعدل شيلتها فلمنظره .. رن تلفون فيصل .. فيصل: كانه بننزل .. باي
فيصل التفت عليها: يالله جدموا تحت انا بس انزل أغراضي ..
ريم: بساعدك
فيصل: اقدر اشيلهم روحي انتي ..
ريم: بشيل وياك
فيصل: شتشيلين انتي شيلي روحج قبل .. نزلي يالله
ريم نادت اسماء ونزلوا ..
اسماء حدها متضايقه ولا تشتهي تسولف ولا تقول شي ..
في بالها فيصل وماتبيه يروح .. توها تحس بمكااانته وقيمته عندها ..
ريم نزلت .. وناصر كان راكب بيشيل ويا فيصل اغراضه ..:دقيقه بس واييج (عطاها سويج السياره) روحي قعدي
ماعطاها مجال تقول ولا كلمه .. خذت لسويج ونزلت .. دشت السيااره والتفتت على اسماء : كلش ماحبج جذي ساكته
اسماء: اخوج ذي سواد ويهه بيسافر وبيخلينه
ريم: ايوه .. هذي اسماء اللي اعرفها
اسماء مب مستوعبه: ليش في وحده ماتعرفينها ؟
ريم: اووو نسيت الشبكه رايحه عليها اليوم .. اقول اسوم ..
اسماء: هااا
ريم تخزها: يقولون .. عاد مادري انا سمعت .. ان يقولون
اسماء: اي ؟
ريم: خلها عقب عقب .. اكا ياو
اسماء طقتها على جفتها: قولي
ريم ميوده جتفها: آآي يعور
اسماء: ولي طقيتج بلعدال .. انتي لو اهف عليج بتقولين لي آآي ..
ريم تطالعها: لا والله ؟
اسماء: اي والله .. جوفي ويهج صلون اصفر صايره كريهه .. روحي كحلي عينج
ريم تسكتها: اشش ينسمع
فيصل وناصر كانوا يحطون اغراض فيصل فلصندووق ..
دشوا داخل
ناصر التفت على ريم: يالله نزلي
ريم رافعه حياتها: نعم ؟
ناصر يتطنز: قلت لج نزلي .. مانودي مرضى ويانه .. احنا رايحين مطار مب مستشفى ..
ريم بسرعه تصدق: عاد ناصر بس اليوم عاد والله ابي ايي
ناصر يضحك ..: ههههههههههههههههههههههه (التفت على فيصل) اختك سهله
فيصل ابتسم ..
اسماء توها متذكره .. بلعدال: هي شكنتي بتقولين ؟
ريم قطت راسها: مب الحين بعدين
اسماء: يعني تدرين بطني بيحكني الحين تقولين لي عقب .. اففففففف مافي الحين تقولين
ريم غمضت عينها: بارقد
اسماء تدزها: هي انتي هي .. شنو بارقد ؟؟ قومي قوليلي
ريم بلعدال: ماقدر .. مابيهم يسمعون فهميها عاد
اسماء: معليه ساسريني
ريم: سالفه طويله مايصير
اسماء: اففففففف كريهه ماحاجيج
ريم تبي تسولف ويا فيصل قبل لايسافر
ريم: فييييصل ؟
فيصل التفت عليها: نعم ؟
ريم: لاتنسى اول ماتوصل تطمني عليك
فيصل: ان شاءالله
ريم: وطمني على امي وابوي ونجود
فيصل: ان شاءالله
ريم: ولا تنسى تتحمل في روحك وتخلي تلفونك كله وياك عشان اكلمك
فيصل: ان شاءالله
ريم: حاول ترقد فلطياره الطريج طويل
فيصل: ان شاءالله
ريم: اكل لك شي قبل لاتركب الطياره اكلهم مب شي
فيصل: ان شاءالله
ريم: تعلج لي طارت الطياره
فيصل: ان شاءالله
ريم: ولاتنسى تقول دعاء السفر ها
فيصل: ان شاءالله
ريم: فيصل بعد لاتنسى تدعيلي
فيصل: ان شاءالله
ريم: تلحف زين ترى الطياره برد
فيصل: ان شاءالله
ريم: افصخ نعالتك وقوم تحرك فلطياره مب زين كله قاعد
فيصل: ان شاءالله
ريم: والله بشتاااق لك فصول بتوحشني
فيصل مشيّر: ان شاءالله
ريم مب فاهمه: ها ؟
فيصل التفت عليها: كملتي أوامر ؟
ريم استحت: آسفه بس كنت
فيصل يقاطعها: تامرين أمر افا عليج بس
ناصر يتحلطم: الله لنا ..
ريم سوت روحها ماسمعته لان ماتعرف ترد عليه جدامهم
اسماء سحبتها: كلتي الريال بقشوره مايسوى عليه
ريم متفشله: شفيها انزين؟
اسماء بلعدال: خاطري اعض اخوج وانتف شعره المعفن ..
ريم: ليش عاد؟
اسماء: عشان مايسافر
ريم: يالله كلها سبوعين واحنا وراه
اسماء: ان شاءالله
ناصر التفت على فيصل: عاد ماوصيك .. سلم على الوالد والوالده وعلشباب كلهم
فيصل: الله يسلمك .. انت اللي ماوصيك ..
ناصر يتغيبه: على؟
فيصل: مداك نسيت؟
ناصر يواصل: اي شنو ؟
فيصل: لا والله ؟؟؟؟؟؟
ناصر بسرعه: اتغشمر يبه شفيك ؟؟ افا عليك لاتوصي .. فعيوووني
فيصل: تسلم عيونك يالشيخ
ناصر: انت بس تطمن ولاتحاتي ابد
فيصل: اعتمد؟
ناصر: اي يبه اعتمد .. افا عليك بس
فيصل: كفو والله

في المطار
فيصل يسلم على ناصر .. حده خايف علبنات .. مايبي يخليهم بروحهم .. بس ناصر قدها .. : ماوصيك ها ..
ناصر: لاتوصي افا علييك
فيصل: ماتقصر
ناصر: بالسلامه
فيصل: الله يسلمك
يات ريم بتسلم على اخوها
تمت واقفه تطالعه .. وعيونها تلمع من لدمووع اللي حابستهم .. فيصل سلم عليها: تحملي فروحج
ريم لمته بالحيل: طمني عليك
فيصل: انتي طمنيني عليكم
ريم صاحت: وااي ماصدق بتروح
فيصل سكت
ريم تصيح تصيح .. ناصر مايحب يجوفها تصيح: انا لله وبعدين يعني ؟ خلاص هديه .. خلاص قلت لج هديه
ريم هدته وتمت تطالعه: لاتنسى اللي قلت لك
فيصل ابتسم: ان شاءالله
ريم تمش دموعها: بلسلامه فيصل
فيصل: الله يسلمج
اسماء كانت فلسياره ومافيها شدة لحظات ودااع .. واهمه واقفين يم السياره
فيصل مايهياه قلبه يروح ومايسلم عليها .. بطل الباب اللي اسماء قاعده يمه ..
اسماء قصحت: يمه بسم الله خرعتني
فيصل بهدوء: يعني ماتسلمين علي؟
اسماء متضايقه: بالسلااامه
فيصل: الله يسلمج .. صج نسيت اقولج .. طرشيلي رقم راشد عشان اكلمه ماعندي اياه
اسماء مستحيه: ان شاءالله
فيصل يخزها: بكلمه اول مااوصل
اسماء سكتت .. ماتعرف شتقول
فيصل: يالله مع السلامه حبيبتي
اسماء متضايقه: الله يسلمك ويحفظك ..
فيصل توه بيصك الباب نادته: فيصل !
فيصل التفت عليها: عيونه
اسماء متضايقه .. تمت تطالعه .. دمعت عينها: لتروح
فيصل تضايق .. تم يطالعها وساكت .. وهي تطالعه ودموعها تنزل ..
فيصل بهدوء: احبج ..
اسماء مشت دموعها ..
فيصل مشى عنها : مع السلامه
راح عنهم .. وريم مارضت تركب السياره اول شي بتجوفه لي مايختفي بروحه ..
ناصر يحن: يالله عاااااااد ورانه طريج
يوم اختفى .. ركبت ريم ورى يم اسماء
ناصر ركب والتفت عليها: سواق ابوكم انا ؟
ريم مافهمت شسالفه : افاء ؟؟ ليش عاد ؟؟
ناصر معصب: يالله تعالي ركبي يمي
ريم متفشله: لااااااا خلني هني
ناصر: قلت لج قومي
ريم: الحين انا بنسدح وبرقد
ناصر: معليه بسدح لج الكرسي اللي يمي .. قومي
ريم متفشله: لا عاد عاد لا .. بتم هني
ناصر يزعم زعل: اوكي شكرا
ريم التفتت على اسماء
ريم متضايقه: ياااااااربي مابيه يروح
اسماء: عور قلبي والله ..
ريم تخزها: احسن اللي بيكلمون اخوهم
اسماء يزعم تستحي: بس عاد
ريم: ترى مايطيح عليج الحيا هااا
اسماء تخزها: لاااااااوالله ؟
ريم: اتغشمر .. شحلوج لي تستحين ..
اسماء: ادري ماقلتي شي يديد .. يالله شكنتي بتقولين ؟
ريم: لااااااا عقب عقب
ناصر التفت عليهم: مايمديكم تردون الشقه .. بوديكم سيدة الجامعه
ريم: اوكي معليه
ناصر: وينهي اللي بتنسدح
ريم قطت راسها على جفت اسماء: كاني
ناصر مايبي يسولف يبيها ترقد وترتااح
ريم واسماء من التعب رقدوا فلسياره .. واهوه يسووق والطريج طويل وزحمه

فيصل فلمطاار كان مستانس
صج تخيل اللي كان يكلمها وحده غير
بس خلاص الله كاتب انها تطلع اسماء
تم يفكر .. انا شلون ماشكيت ان اهيا ؟؟ صوتها فلتلفون كلش غير .. يعني ولا يات على بالي كلش .. خلاص من اوصل البحرين بكلم اخوها ومن ترجع بملج عليها كلش مافيني صبر ..
يا حبي لها .. صج ام لسان .. بس مايطيح عليها لي تمت ساكته .. يالله متعود ..عندي فالبيت نجود والحين اسماء .. الله يعيني عليهم ..
تذكر نجوود وقال في مطار امستردام بيشتري لها شي .. اهيا وامه وابووه ..
خذاله من ماكدونالدز .. وراااح ينطر الطياره وقعد ياكل.. بروحه فقير يتمشى ويااكل.. ركب الطياره .. كان يحااول يرقد بس يبي يرجع بسرعه يكلم اخووها

ريم واسماء حدهم تعابه توهم طالعين من الكلاس ..
حمد ياهم: قوه
اسماء: يقويك
حمد يحاجي ريم: راح اخوج ؟
ريم: اي
حمد: زين ترى الليله كلنا بنروح نتعشى في مطعم نسيت اسمه .. على الساعه 8 جذي حاولوا تكونون جاهزين
اسماء: اذا فينه شده
حمد: لا تعالوا كلنا بنروح .. لازم تيون
اسماء: ان شاءالله
حمد: وعقب جم يوم بعد بنروح يونيفيرسال ستوديو ..
ريم: زين
حمد: وفيه وايد رحلات عاد ماعندي الجدول الحين .. بعطيكم اياه عقب
اسماء: اوكي حمد الحين احنا بنروح تعااابه
حمد: انزين انا ماعندي ارقامكم
اسماء: شتبي في ارقامنا ؟
حمد: يعني سبحان الله الحين اذا رحنا رحله ولا شي لازم عندنا ارقام الكل
اسماء: عقب عقب يصير خير بنروح الحين
حمد: كيفكم ..
اسماء سحبت رفيجتها: باي
حمد تم واقف .. مشوا عنه ..
اسماء: اففففف يحب يسولف هالصبي
ريم: شعليج منه ؟؟
راحوا الشقه يدورون السرير بس عشان يرقدون ..
من حطوا راسهم رقدوا ولا يدرون في روحهم
ناصر عيز يتصل حق ريم وهيا قاطته ولا تدري عنه وراقده
خاف ان فيهم شي .. عيز يتصل .. يتصل .. محد يرد
راح الشقه .. طق عليهم الباب .. محد طلع له .. راقدييين وصاكين عليهم الباب ..
عيز يتصل يتصل .. واقف عند الباب ينطرهم .. شفيهم .. كل ذي رقاد ؟
فواز توه راد الشقه .. جافه واقف عند الباب
فواز: هلووو
ناصر التفت عليه: هاا انته
فواز: وشفيك عسى منت مطرود بس ؟
ناصر: لا لا بس .. ولا شي
فواز: طيب تعال معي ..
ناصر: لا بتم انطر هني
فواز: وش فيك انت ؟؟ جنيت ؟؟ تعال عندي لايكثر
ناصر يطق الباب بعصبيه: اففففففف
فواز: لا اله الا الله .. وش جااك ؟؟ وش صاير ؟
ناصر: ولا شي
فواز سحبه: تعاال تعال
ناصر دش وياه .. والتلفون في يده عيز يتصل فيهم ..
فواز يطالع ساعته: ماشالله صارت أربع ؟ تغديت انت ؟
ناصر: ماشتهي آآكل
فواز: وش ماتشتهي ؟؟ عبوود وينه ماشفته اليوم؟
ناصر والتفلون في يده ويهز ريله ومعصب: مادري مادري لتأسلني مادري عن شي
فواز يتحلطم: وش فيك انت ؟ (خذ تلفونه يتصل في عبدالله) الووو .. هلاا بك .. وينك انت ؟ ماشفنااك .. طيب تعال نروح نااكل لنا شي .. يالله .. ناصر معي .. بااي
ناصر ماقدر يقعد ولا يسوي شي .. بروحهه مريضه وقاعد يحااتيها .. وهي ولا براضيه تقووم ولا ترد عليه .. طلع من الشقة وقعد يطق الباب ..
فواز راح له: فشلتنا انت وشصاير؟؟
ناصر يطق يطق الباب ولا احد معبره
فواز: اسمعني انا اغير ملابسي واجيك .. تعال ادخل
فواز سحبه ودخله وصك الباب: صل علنبي
ناصر: اللهم صلي وسلم عليه
فواز دش يبدل .. وناصر ميود راسه ومنزله وقاعد عالكرسي ويهز ريله .. والتلفون في يده .. يتصل ولا احد يرد عليه
شوي وياهم عبدالله واتصل حق فواز ينزلون تحت
فواز: يالله عبدالله تحت يستنى
ناصر ساكت
فواز يصارخ: قلت يالله .. مشينه
ناصر رااح ووهوه رايح رفس الباب ..
فواز: الحمدلله والشكر
ريم الدوى يرقدها .. دقت بعمرها ولا تدري في روحها .. راقده من التعب ..
واسماء بعد راقده ..
ريم قصحت على الساعه خمس ونص .. طالعت الساعه: بوووووووووو ماصدق !!
اسماء قحصت من صوتها: ريمو شفيج ؟
ريم تعرك عيونها: من صجهم ؟
اسماء: صج من ؟؟
ريم: الساعه خمس ونص !!
اسماء قطت عليها الموسده: مالت عليج خرعتيني .. والساعه خمس ؟؟ شوراج ؟
ريم: لا اول مره ارقد هالكثر !!
اسماء: لانج تعبانه يالغبيه ومارقدتي عدل البارحه
ريم: احس روحي شوي أشوى ..
اسماء: اي بس موتفرعنين علينه وتطلعين بعضلاتج فلهوى ومادري شنو .. مافيني شدة
ريم: ان شاءالله عمتي
اسماء: انتي تحسين ؟
ريم: في ؟
اسماء: اليوع ؟؟
ريم: اممممم مادري
اسماء: يالساحره ماكلنا شي اليوم
ريم: انزين عادي خليها لي المطعم ..
اسماء: من صجج بتروحين ؟
ريم: اي خنروح وياهم .. صج مالي خلق بس تغيير .. احنا مب يايين اهني نقعد فلشقه
اسماء: انزين فيج شده انتي ؟
ريم: مابسوي شي بنروح ناكل وبنرجع ..
اسماء: انزين انا يوعانه
ريم: انزين .. امممم
اسماء: آآيه عليك يافيصل .. جان الحين تروح تييب لنا غدا
ريم: يعني ماتذكرينه الا حق بلعتج ؟
اسماء: لا والله مكانه ابين ..
ريم: اي والله آآيه عليه .. انزين وين تللفوني يمج ؟
اسماء: انا شدراني في تلفونج يعني ؟؟ لا ماعندي اياه ..
ريم قامت: انزين انا بروح اتيدد ماصلينه العصر
اسماء: اي يالله ..
راحوا تيددوا وصلوا ..
ريم تدور تلفونها .. كانت حاطته على طاولة المطبخ .. جافته الا عشرين الف مسدكول من ناصر
ريم طقت صدرها: امبييييييييه
اسماء طلعت لها: شصاير؟
ريم خايفه: ناصر .. بيفضحني .. لحظه بتصل له نطري (حطت التلفون عند اذنها ويدها ترتجف .. تدري بتحصل زفه)
ناصر كان ويا ربعه .. اهمه ياكلون واهوه مب مشتهي ياكل شي .. يحااتيها .. من جاف رقمها قام عنهم وطلع برا وشاله يصااارخ معصب: انتي وييييييينج؟
ريم سكتت .. بهدوء: انا كنت
ناصر يصارخ: شنو؟ شبتقولين لي بعد ؟؟ شبتألفين لي ؟؟ هااااا ؟ تحجي ؟؟
ريم دمعت عينها: ناصر انا
ناصر يقاطعها ويصارخ: ماتقولين واحد يحاتيج من الظهر وانا اتصل لج ؟؟؟؟؟؟؟ ماتقولين واحد يبي يسأل عنج ؟؟؟؟
ريم تبي تتحجى مب راضي يعطيها مجال
ناصر يصارخ: وين كنتي ؟؟ طقيت عليكم الباب شكثر ولا حد طلعلي وينكم ؟
ريم بهدوء: ممكن تخليني اتحجى ؟
ناصر هوّس على يده: تحجي
ريم بهدوء: ناصر حبيبي انت اسمعني .. كنت راقده وتلفوني كان فلمطبخ مادري عنه ولا ادري جان ييت وطقيت الباب والله ماسمعت كنت تعباااانه ولا ادري في روحي توني قايمه .. آآسفه
ناصر سكت .. بهدوء: اشوى ابوي؟
ريم والعبرة خانقتها شوي وتصيح: الحمدلله
ناصر: حبيبتي احاتيج .. والله مب عارف شسوي .. تغديتي ؟
ريم: لا
ناصر: زين الحين باييكم بوديكم تتغدون .. زين ؟
ريم يزعم زعلانه: لا مايحتاي بننزل البراده بنييب لنا خبز وجبن وهالسوالف
ناصر رفع حياته: على كيفج ؟؟ الحين بايي وبسحبج من كشتج مب على كيفج
ريم: لا ناصر من صجي لان بنروح ويا الجامعه نتعشى فمابي اكثر
ناصر تكدر: يعني تروحين تتعشين ويا الجامعه وانا ماتتغدين وياي ؟؟
ريم: لا ناصر مب قصدي بس
ناصر زعل: خلاص كيفج يالله تبين شي؟
ريم: ناصر لحظه بقولك شي
ناصر: في شي ؟؟
ريم: تعال
ناصر: شتبين؟
ريم تتدلع: ابيك تعال
ناصر يحاول ايود روحه: شتبين فيني ؟
ريم: ابيييييك والله ابيك تعال
ناصر: لا روحي خل الجامعه ينفعونج
ريم: ناصر عااااااد قلت لك تعال .. مب رايحه وياهم اصلا بس جذي اقولك
ناصر: لاحبيبتي روحي
ريم: اذا انت مب ياي وياي مب رايحه
ناصر: تقصين علي توج بتروحين بدوني
ريم: والله مب رايحه اذا انت مب رايح
ناصر: آآيه عليج حبيبتي دقيقه بس انا ماييت بسيارتي لان .. بخليهم يوصلوني وباييج .. زين ؟
ريم: اوكي عيل انطرك
ناصر: زين يالله حبيبتي بااي
ريم: بااي

ناصر راح حق ربعه: انتوا ماكملتوا ؟ بسكم سوالف
فواز: وش تبي ؟
ناصر: برد الشقة
فواز قام: دقيقه بغسل ايدي واجيكم
عبدالله يخزه: بتروح لها ؟
ناصر ابتسم: عندي غيرها ؟


نجود كانت ويا رفيجتها قاعدين بلمريول ولا براضيين يبدلون ..
ياتها جاندرا: جوود
نجود كانت يزعم تدرس ويا عووش ..التفتت عليها: هاا
جاندرا: همباا .. في واحد رجال يبي انتي برا
نجود التفت على عايشه: امبييييه فارس احلامي وصل .. (التفتت على جاندرا) .. لحظه لحظه .. في أمل راكب خيل ؟
جاندرا مب فاهمه: شينو ؟
نجود: خيله خيله طربق طربق ؟؟
جاندرا: انتي شنو قول ؟
نجود: زين معليه خليه يدش
عايشه: ينيتي انتي ؟ (تحاجي جاندرا) خليه ينطر برا من ذي ؟؟ شيبي ؟
جاندرا: مايأرف .. (طلعت عنهم)
نجود تناقز: اللاي .. واحد يبيني ؟؟ يبيني انا ؟؟ ماصدق ماصدق .. اكيد واحد يحبني .. جفتي النصيب شلون اييج وانتي قاعده فلبيت ؟؟ لا اله الاالله
عايشه: وه بسم الله عليج امشي خنجوف من
نجود مدت يدها: قطي قطي علي الشيله وامشي .. ولا شلا تيين ؟؟ اخاف يجوفج ويهون مايبيني
عايشه: يالخدااي انتي .. يمكن هندي يبي يصلح الايسي ولا شي ..
نجود لبست شيلتها: جب انتي .. عادي انزل بالمريول ؟
عايشه سحبتها: امشي خنجووف بلا خداي زايد
نجود مستانسه .. عدلت القميص .. ونزلت ويا رفيجتها .. طلعت برا .. قبل لا تبطل الباب .. بلعدال: عووش اخااف يغمى علي
عايشه: احسن عشان يشيلج ويصير فلم هندي
نجود بطلت الباب .. الا بوصلوح موقف .. قصدي موّقفه .. نجود وقف قلبها: انتيييييييييييي؟ ( أشرت بيدها على ويهه يعني مالت عليج) مالت عليييييييج وعلى شكلج
عايشه تضحك ..: ههههههههههههههههههههه (تساسرها) فارس احلامج ها؟
نجود معصبه: خير خير شتبي ؟ قصدي شتبين ؟
بوصلوح : لا بس كنت بسأل عنج وحشتيني
نجود: مااااااااالت عليج اقول ماااااااااالت عليج .. ذلفي ذلفي .. وبعدين انتي شدلاج بيتنه؟؟
بوصلوح ميوده قلبها: قلبي
نجود التفتت على عايشه: وييييييي شفيها ذي ؟؟ الحمدلله والشكر
بوصلوح: انتي ليش مب راضيه تفهميني .. انا من صجي احبج
نجود: حبببببتج القراده قولي آمين
بوصلوح: انا تعبت .. حسي فيني
نجود: ييييييييعلج من هالحااال وأردى
عايشه تضحك: وااااااااااااااي ماصدق هههههههههههههههههههههه
بوصلوح: انزين بتم واقفه عند الباب ؟؟
نجود: حدك واثقه تبي تدشين ؟ (طقت راسها) شفيني انا ماعرف اتحجى
بوصلوح: يعني مابتخليني ادش
نجود: استغفر الله شفيك انت أخر ايامي ادخل صبيان؟ ااوو قصدي اووه اووه مادري اقول يالله مع السلامه (صكت الباب في ويهه ودشت)
عايشه تضحك عليها: ههههههههههههه حلاته ريمو اهني تجوف ويهج وتصوره .. ههههههههههههههههههههههههه ه
نجود: جب انتي تتشمتين فيني يالخايسه

عايشه تقلدها: فارس احلامي وصل .. آآي قلبي
نجود معصبه: جب انتي (طلعت لسانها) كريهه
عايشه: انزين غبيه جاندرو تقول ريال ؟؟ يعني المفروض تقول ثلترباع ريال وربع بنت
نجود: اي ربع الله يهداج بس .. مافيها ذرة انوثه ذي استغفر الله
عايشه تتطنز: نجودو انتي ماعندج قلب ؟؟ المفروض تحسين فيها
نجود: اخييييييييي ويع ويع .. امشي يبه امشي.. يبيلها كف هالجاندرا .. تخيلته واحد رزه .. مغتر .. ينطرني .. طلعت هالعوه ذي ..
عايشه: هههههههههههههههههههههه للأسف ماجفتي ويهج ..
نجود: بس بس بس .. امشي خندش ..

ريم واسماء بدلوا ينطرون ناصر
اسماء: احس مادري شلون نطلع ويااه فشيله
ريم: شنسوي بعد مابنسوي شي بس بناكل وبنيي
اسماء: انزين انتي وولد عمج انا شدخلني ؟
ريم: لا والله حلفي بس ؟؟ يالله بلا دلع مايطيح عليج ترى
اسماء: يوعانه بطني يطلع اصواات مافيني شدة انطر لي فلليل
ريم: معليه بنطلع ولي صارت 8 بنروح وياهم
اسماء: ان شاءالله بتم انطر لي 8 مااكل شي؟
ريم: لا بقوله نروح مكان ناكل شي .. (رن تلفونها) الوو
ناصر: حبيبتي يالله نزلوا ..
ريم: ان شاءالله (التفتت على اسماء) مشينه
نزلوا ..
ناصر بطل الجدام: يمي لوسمحتي
ريم استحت ركبت ورا: عاد لتحرجني
ناصر: اففففف عنيده
ريم: لا والله مب عن بس .. استحي
ناصر: شبسوي فيج ؟
ريم تحاجي اسماء: ركبي جدام
اسماء طقتها: شدخلني انا ؟
ناصر التفت عليها: بس خلاص شكرا ..
ريم: ناصر عاد
ناصر: كملت السالفه خلاص ..
ريم مب عارفه شتسوي ..
ناصر مب راضي يمشي .. معصب: نزلوا
ريم: ها ؟
ناصر معصب : بسرعه نزلوا
ريم نزلت ومب عارفه شسالفه .. نزلت اسماء وراها .. ناصر نزل وقفل سيارته : امشوا
ريم راحت يمه: شسالفه؟
ناصر ابتسم: جذي .. كنت بدلعكم وبوديكم بالسياره .. بس طلعتوا مب ويه دلع
ريم: افاء !!
ناصر: جريب المول لتحاتين ..
ريم مستانسه: بنروح المول ؟
ناصر: اي بس مافي دواره انتي تعبانه ..
ريم تخزه: يعني امشي لي المول عادي ؟
ناصر: اكا جوفي Macy's? بس هالشارع ونوصل
ريم مستانسه: اللاي وناسه توني ادري يمنا مول
ناصر: اي عشان الشيخه ريم كلشي هني
اسماء مستانسه: أنااااسه يمنا
ناصر يخزهم: مافي روحه بروحكم عاد
ريم : اي اي اكيد
ناصر: وين بيودونكم عقب ؟
ريم: مادري نسيت .. وي اصلا ماقال نسيت
ناصر: من قالج ؟
ريم: حمد
ناصر عصب: اي حمد ذي بعد ؟
ريم حست فيه: لا بس مال الستويدنت كونسل ..
ناصر: مافي طلعات وياهم بدوني .. سامعه ؟
ريم: ان شاءالله افا عليك
ناصر: عبالي بعد ..
وصلوا المول .. قعدوا صوب المطاعم
ناصر: ترى انا يوعان
اسماء: انا بعد
ريم: على خفيف
ناصر: انزين بقى ساعتين علعشا .. تبون ناخذ لنا شي خفيف ؟؟
ريم: اي احسن
اسماء: عاد خفيف شنو ؟
ناصر: مادري .. تبون سينابون ؟
اسماء: اوكي كيفكم
ناصر يحاجي ريم : هاا شقلتي ؟
ريم: ااي اي اوكي ..
ناصر يطالع القلب .. وابتسم .. : بروح انا اشتريلكم
ريم: لحظه ناصر
ناصر التفت عليها: همم ؟
ريم: ترى اما ماحب اللي فيه مكسرات
ناصر ابتسم: قولي بلين وخلاص (التفت على اسماء) انتي بعد ؟
اسماء: اي
ريم كانت يم اسماء وناصر كان مجابلهم ..
ريم: وااي ماستحمل نظراته .. لين ايي يمي مادري شيصيدني .. يعني احس .. اللاي حلو الشعور
اسماء تخزها: ويي ينت
ريم: والله مادري احس بشعور
اسماء تقاطعها: حدج داشه feeling
ريم ميوده القلب: حدي حدي حدي
شوي وناصر ياهم ويااب لهم شي يشربونه على كيفه
على فانيلا وفيه كراميل ..
ريم مستانسه: اللاي احبه
ناصر استانس .. التفت على اسماء: تحبينه ؟
اسماء: ايييييي ذبحتي
ناصر: انا قلت الحين بيقولون لي رده مانبيه .. يالله سموا ..
قعدوا ياكلون وهمه ساكتين .. محد يتحجى ..
ناصر رن تلفونه ..
ناصر: الووو
عبدالله: اي يبه شعلييك .. مكيّف
ناصر ابتسم: حسوود
عبدالله: لا حسود ولا شي .. عليك بلعافيه
ناصر ياكل: الله يعافيك
عبدالله: شتاكل ؟
ناصر: سينابون
عبدالله: اييي اكيد مجابلها تاكل .. تجابنا تنسد نفسك هاا ؟
ناصر: شفيك محتر الحين ؟
عبدالله: لا مب محتر .. بس كنت بسلم
ناصر: الله يسلمك ..
عبدالله: تيي نتعشى الليله ؟؟ ولا بتعشى وياهم ؟
ناصر: وياهم اكيد .. انتوا لاحق عليكم
عبدالله: اي يبه شعليك
ناصر: حسوود حسوود لااله الا الله
عبدالله: محمد رسول الله .. اخخليك يبه ماخرّب عليك الجو
ناصر ابتسم: اقولك حسود
عبدالله: يالله يالله .. بيباي
ناصر: بااي
ريم تاكل: حتى سينابونهم غير .. لااله الا الله
ناصر ابتسم: عجبج ابوي؟
ريم ابتسمت: نعم الله عليك .. عاد ناصر طلبتك
ناصر: عيوني لج
ريم استحت: بس شسمه .. اووه لتقول جذي ترى انسى شكنت بقول
ناصر ابتسم: قولي ابوي آآمري تدللي
ريم: ماتردني اكيد؟
ناصر: ان شاءالله لا
ريم: العشا الليله علي ..
ناصر: يييييييييه مايصير ؟!
ريم: عاد انا طلبتك .. بتردني
ناصر: لا بس
ريم: لا بس ولا شي .. خلاص انزين
ناصر: لتعيدين الحركه سامعه؟
ريم ابتسمت: ان شاءالله (التفتت على رفيجتها) شحلوه يبرد علقلب
ناصر يخزها: من انا ؟
ريم تفشلت: اقصد الفربجينو مادري شسمه
ناصر: علأقل جامليني قولي اي انت ..
ريم: عاد انت غير يعني
ناصر: شلون غير يعني؟
ريم مستحيه: اووه ناصر عاد !
ناصر: آيه عليج .. يوم ثاني بييبكم تتسوقون اهني
ريم: اللاااااااااي وناسه
ناصر ابتسم: بقولج
ريم: هلا
ناصر: اي شي تبونه لتستحون .. اعتبروني فيصل
ريم ابتسمت: ماتقصر والله
اسماء: ناصر ؟؟
ناصر التفت عليها: هلا
اسماء: الله بلخير شلونك ؟
ناصر مستغرب: بخير .. انتي شلونج؟
اسماء: الحمدلله ..
ناصر يحاجي ريم: شفيها رفيجتج؟
ريم ابتسمت: لا الشبكه فصلت شوي
ناصر: اها .. بقولج ..
ريم: هلا
ناصر: طلعة فلليل بروحج مافي .. اصلن طلعه بروحج كلش مافي
ريم: ان شاءالله
ناصر: اي شي تبينه اتصليلي باييبه لج .. او بوديج تشترينه
ريم: ان شاءالله
ناصر: حبيبتي ؟
ريم تطاالعه: هلا
ناصر ابتسم: اشوى الحين؟
ريم: اي الحمدلله ..
ناصر: اهتمي في روحج .. عشاني
ريم: ان شاءالله من عيوني
ناصر يحاجي اسماء: اقول
اسماء: قول
ناصر: انتي عندج خوات ؟
اسماء تتطنز: ليش ناوي تخطب ؟؟
ناصر ابتسم: ايي جان تخبرين لي مره ..
ريم تخزه .. وناصر يزعم مايجوفها ..
اسماء تبي تحرها : والله اعرف وايد بنات .. قولي المواصفات
ناصر: اهم شي حلوه
اسماء تخز ريم: ماعرف حلوات انا .. كلهم عاديات ..
ناصر: يييييه شلون جذي؟
اسماء: امم .. خذ لك وحده من اهني شقره
ناصر: تصدقين افكر ؟؟
ريم طول الوقت تخزه .. مهوسه على ضروسها .. معصبه .. وهوه مستانس يبي يجوفها شتقوول ..
اسماء تسايره: جان تخبر لي واحد بعد .. اشقر جذي
ناصر: خلاص ضبطيني واضبطج
اسماء: اممممم .. (تتلفت) جوف ذيج .. شرايك ؟ ( كانت تأشر على وحده .. شقرة .. طويله .. جسمها حلو .. لابسه شوورت وكت .. فاله شعرها الاشقر .. حلوه .. )
ناصر يطالعها .. يخزها : الله .. شهالجمال ؟؟
ريم معصبه .. تهز ريلها تبيها يطالعها شي .. وهوه قاعد يخز البنيه ..
ناصر يزعم ذايب فلغرام : آآآآي قلبي .. حبيتها ..
ريم قامت وقفت .. معصبه: بامشي
ناصر يطالعها: وانتي رايحه ناديها .. قوليلها في واحد ذاب في غرامج اهناك .. أشري علي .. يمكن اعجبها شي ..
ريم مشت عنه .. وناصر ميود الضحكه .. بسرعه قام وراها ووقف جدامها مايخليها تطوف: ابوي انتي
ريم: وخر بطوف
ناصر يبي يحرها: بتروحين تنادينها ؟
ريم معصبه: ناصر عاد !! تبيها روح بروحك .. خلني بامشي
ناصر يخزها .. بهدوء: قلبي .. انتي كل شي تصدقينه ؟؟ اتغشمر يبه !! شفيج ؟
ريم: تغشمر .. بس مب هالسالفه ؟
ناصر: تغارين ابوي؟
ريم معصبه: خلني بروح
ناصر: وين بتروحين عاد ؟
ريم: اي مكان .. اهم شي اروح ..
ناصر يودها .. سحبت يدها : هدني
ناصر: زين سمعيني .. قعدي بنتفاهم
ريم زعلانه: مابي اتفاهم انا
ناصر: ابوي قعدي بقولج شي .. طلبتج
ريم قعدت .. اسوم تضحك عليها : انتي شفيج الحين ؟
ريم تطالعها: مافيني شي .. شفيني ؟
ناصر ابتسم: تبين اغنيلج ؟
ريم ابتسمت: مابي شي زعلانه
ناصر يغني: ان زعلت ارضيك وكل عمري فدااك
اسماء ابتسمت: الله علصوووووووت
ناصر: اغيرها ؟؟
ريم ابتسمت ..

ناصر يغني: ان كنت زعلان يا كل الغلا مني .. مجبور اراضيك وعيونك اراضيييها
ريم ابتسمت: بس رضيت
ناصر: حلفي ؟
ريم ابتسمت: بس ماتعيدها ؟
ناصر: اتوب اتوب
اسماء: زين يالله غن .. ليش ماتسجل صوتك ؟
ناصر: افكر ..
ريم: اي سجل لي صوتك .. بليز
ناصر: من عيوني .. بسجله جريب ان شاءالله
ريم: من صجي
ناصر: اكييد افا عليج عيوني لج يالغاليه يالدليعه يالغيوره
ريم تطالعه: لا والله ؟
ناصر: احبج
اسماء: بس عاد يالله غن عن لمغاازل ..
ناصر يطالع ريم: اغني ؟ اخاف تسمعني الشقره وتذوب
ريم تخزه: نعم ؟.
ناصر : اتوب اتوب .. اتغمشر والله .. تبيني اغني ؟
ريم: اي اكيد
ناصر: اهديها لج حبيبتي ..
ريم استحت: يالله
ناصر يغني من صجه ويطالعها : انتي غير النااس عندي انتي عندي شي كبير .. كيف ابصبر وانا شايف ناس من حولك كثير .. انا احبك وقولها لك .. كلمة خليها في بالك .. انا ماني اي عاشق .. انا لما اعشق اغييير .. والله لما اعشق اغير .. من عيون الناس والله اغار ياعمري عليك .. ماتطمن وانسى خوفي الا ويديني باديك .. بس تحمل كل جنوني .. لنك أغلى من عيوني .. لو تدور ماتلاقي .. منهو غيري يموت فيك .. منهو غيري يموت فيك .. (يود قلبه) قلبي في ادينك يا غالي بس خل بالك عليه .. يا حبيبي هذا قلبي وانته ادرى الناس فيه .. لو اعييييش العمر كله .. مانسى حبك او امله .. (يصارخ) ماابي شي بحياتي .. انت بس اللي أبيه
ريم حدها دشت feeling ويا الاغنيه وحدها مركزه فلكلمات .. استحت حدها
اسماء تصفق: الله الله ..
ناصر يطالع ريم: من قلبي لج .. حبيبتي
ريم استحت .. : بس عااد !! ونا اردها لك
ناصر: يالله غنيها
ريم: لااااااااا ؟؟
اسماء تتطنز: تبي الشقر كلهم يذوبون في غرامها ؟؟؟؟؟؟
ناصر يزعم عصب: لا بس خلاص هونت لتغنين .. وصلت وصلت ..
اسماء: هههههههههههههههههه تضحكون انتوا ..
تموا قاعدين يسولفون .. سوالف وضحك ووناسه ..
مر عليهم الوقت ..

ناصر يجوف الساعه: الله ! صارت ثمان ؟؟
ريم تجوف الساعه: ماشالله الوقت بسرعه يمر ..
ناصر يطالعها: اكيد الأوقات الحلوه تمر بسرعه
ريم استحت
ناصر: يالله نروح ؟؟
ريم: يالله ..
ناصر: وين قالوا بيتيمعون ؟؟
ريم: مادري انا قالي خلكم جاهزين 8 .. مادري عاد
ناصر: من ذي اللي قالج ؟
ريم: هذهوه حمد
ناصر: مارتاح له انا .. راويني اياه عقب
ريم خافت: ان شاءالله
راحوا جدام الشقه .. وكان حمد ينطرهم ويا البناات وصبيان الكونسل ..
حمد من جافهم راح صوبهم .. كان يدري ان ولد عمها بس يسوي روحه مادري .. ولا عبره ولا جن موجود
يحاجي ريم: وينج تأخرتي
ناصر يخزه: نعم ؟ لحظه لحظه شفيك انت ؟ (يطالع ريم معصب) هذي حمد؟
ريم خايفه يصير شي .. وحمد يطالعه ونافخ صدره: اي انا حمد خير من انت ؟
اسماء تبي تسوي شي مب عارفه: صلوا علنبي شفيكم الحين ؟ بتسوون لنا سالفه يعني ؟
ناصر هوّس على يده معصب .. سكت: وين بتروحون؟
حمد من غير نفس: بلانيت هوليوود
ناصر: اللي في وين؟
حمد يطالع الورقه من غير نفس: بفرلي هيلز
ناصر: خلاص انا بييبهم هناك ..
حمد: وانتوا ليش كله غير عن الأوادم ؟؟ شقه بروحكم .. ومادري شنو بروحكم
ناصر عصب راح يمه: خير .. في شي ؟؟ عندك شي ؟؟
اسماء: انا لله .. ردينه يعني ؟؟
ناصر يحاجي ريم .. معصب: يالله مشينه
ركبوا السياره .. ريم قعدت ورا ويا رفيجتها .. وناصر معصب مايبي يقول لها شي يخاف يسوي فيها شي ولا يقط عليها حجي يجرحها
بروحه الطريج طويل ..
تم طول الطريج ساكت ومب مرتاح حق هالحمد .. نظراته تنرفز ... وكلماته تلوع الجبد ..
ريم تبي تغير الجو .. تتدلع: ناصر؟
ناصر: همممم
ريم: ناصر ناصر ..
ناصر: هاااااااا
ريم: ناصر عاااد
ناصر من غير نفس: نعععععععم
ريم: نصوووووور
ناصر: ها شتبين؟
ريم: مابي شي خلاص هونت ..
ناصر: قولي
ريم: التفت علي
ناصر معصب: ماتجوفيني اسوق؟
ريم تفشلت: آسفه
ناصر تحسف .. بس تم ساكت مايعرف يتفاهم وياها جذي ..
وصلوا المطعم .. طبعا قبل الجامعه ..
ناصر حس ان ريم زعلت ..
ناصر بهدوء: ريم ؟
ريم التفت عليه ونست شصار: هلاا !!
ناصر ابتسم: لا ولا شي .. حياكم
دشوا .. خذولهم طاوله بروحهم .. ناصر وريم واسماء ..
ناصر يخزها: تبين تقعدين ويا الجامعه؟
ريم: لا لا ليش ؟ لا بس انتوا وخلاص اصلا انا ماعرفهم ولاشي شعلي منهم
ناصر: انزين شفيج تدودهتي .. انتي يايه وياهم لازم تقعدين وياهم !!
ريم ابتسمت: انزين مايحتاي بس خلاص
شوي الا حمد يايهم .. يحاجي ريم: امشوا قعدوا ويانه
ريم تطالع ناصر .. وناصر من يجوفه يثووور يعصبب .. قام له: شتبي انت ؟
ريم تبي تهدي الوضع قامت بس ماعرفت شتقول
حمد يطالعه من فوق لي تحت: انتوا مب ويانه ؟
ريم تحاجي حمد وخايفه: اوكي بس خلاص الحين انت روح وبعدين يصير خير
حمد يحاجيها: انتي يايه ويانه ولا شلون؟
ناصر معصب شوي ويكفخه
ريم تطالع ناصر ببراءة: ممكن تهدى شوي والله اخااف انا
حمد يحاجيها: شلا تخافين؟
اسماء قامت: حمد تعال وياي شوي .. ممكن ؟
حمد: لا مب ممكن
اسماء تخزه: قلت لك تعال
حمد راح وياها على صوب معصب: شيبي ذي ؟ من وين طلع لنا ؟؟
اسماء بهدوء: اسمعني .. خل البنيه في حالها ولتسويلنا سوالف احنا يايين اهني نستانس مب نتهاوش
حمد: والله انتوا يايين ويانه .. تيون تقعدون ويانه مب ويا ذي
اسماء: ذي اللي مب عاجبك خطيبها يعني كيفه يقعد وياها يروح وياها انت مايخصك
حمد معصب: شهالخطيب اللي نزل علينا من السما ؟
اسماء معصبه: وبعدين وياك انت ؟؟ اخر مره نطلع وياكم اذا جذي بتسوون لنا
حمد: انتوا الخسرانين .. كيفكم ويعلكم ماتهنون
اسماء سكتت عنه ومشت .. راحت الطاوله وقعدت عالكرسي
وناصر كان ساكت وريم ساكته ..
ناصر معصب: سمعيني .. ان جفتج تحاجينه مره ثانيه ياويلج
ريم سكتت ..
ناصر يخزها: سامعه ؟؟؟؟؟؟؟؟؟؟؟؟
ريم تطالعه: ان شاءالله بس ماله داعي تعصب الحين ..
ناصر يطالع المنيو وهو معصب ويهز ريله
اسماء تحاجي ريم: هاا شتبين تاكلين
ريم بهدوء: مابي شي
ناصر يخزها: شنو مابي شي؟
ريم: بس ماشتهي
ناصر عصب: اذا تبين تروحين تقعدين وياه روحي
ريم دمعت عينها: ناصر حرام عليك انا شسويت الحين ؟
ناصر: مب على كيفج تاكلين يعني تاكلين
ريم حبست دمعتها: مابي والله ماشتهي لايعه جبدي
اسماء حست في تعامله الجاف والتفت لها بلعدال: ريمو اكلي بروحج تعبانه
ريم ابتسمت: مابي والله مابي .. اكلوا انتوا ماعليكم مني
ناصر: اذا مب ماكله مب ماكل
ريم تنهدت: ناصر عاد ؟
ناصر قط المنيو بقوه عالطاوله: قلت لج .. مب ماكله مب ماكل .. بتاكلين ولا نرد الشقه ؟
ريم توهقت: انزين اخاف اطلب ومااكل
ناصر: شعاد بطلب لج كدز ميل ولاتزعلين
ريم توهقت: لا اله الا الله .. يعني لازم؟
ناصر: لازم وضروري ولابد .. بروحج مريضه وبعد ماتاكلين ؟
ريم هزت راسها: زين خلاص كدز ميل
ناصر: برجر بلين وذ جيز ؟
ريم ابتسمت: اكيد
اسماء: انا بعد نفسها
ناصر: وليش حظي ؟ انتي بعد ماتشتهين ؟
اسماء: لا مب عن بس مب يوعانه وايد
ناصر: زين كيفكم
ريم قامت: بروح اغسل يدي (التفت على اسماء) تيين ؟
اسماء قامت: يالله
ناصر: زين انا بطلب لكم عيل ..
ريم دشت الحماام "كرمكم الله" بسرعه وقعدت تصيح تصيح وتغسل ويهه وتصيح
اسماء بسرعه راحت لها: ريمو شفيج ماصار شي
ريم تصيح: انا شسويت يعاملني جذي؟؟
اسماء: ريمو عاد انتي العاقله الحين .. تعرفين بعد يزعم يغار
ريم تصيح: يغار يقولي روحي قعدي وياه ؟؟ شابي فيه ؟؟؟؟
اسماء: ناصر مب غلطان حمادوو عود الأذون السلحوت المقطن ذي اهوه السوسه
ريم مشت دموعها: والله ماستحمل جذي يحاجيني .. بالدقيقه يصارخ .. شدعوه؟
اسماء: ماعليج انا كلمت حمد وخل يجرب مره ثانيه براويه سنع الله لتحااتين انتي .. ردي غسلي ويهج
ريم غسلت ويهه ومشته .. : الله يعيني عليه
اسماء: اخي شكرهج جوفي ويهج شلون صاير حمر وعيونج داشه على داخل وخشمج حمر .. حد امج تبينين صايحه
ريم تطالع روحها فلمنظره: شعاد مب وايد ..
اسماء: زين امشي ليسويلنا سالفه
ريم: انا غلطانه اصلن قلت خنروح .. لوماكلين لنا روتي وجبن احسن لنا
اسماء: امشي نطلع بلا دلع يالله
ريم راحت وياها .. وقعدوا وولا جن صار شي ..
وصلها مسج من فيصل تشققت وسيده اتصلت له : الووو
فيصل مستانس: هلا والله هلا
ريم مستانسه: آآيه علييييييك فديتك وفديت هالصوت والله
ناصر يخزها وهي ولاماعطته ويه .. التفتت عليه وجافت ويهه خافت
فيصل: هلا فيج يالغاليه شلونج ؟
ريم ماتبي تسويلها سوالف: بخيييييير انت شلونك فصوول ؟ عسى ماتعبت ؟؟
قالت اسمه بس عشان يعرف
فيصل: لاااا لتحاتين الحمدلله انتي شلونج ؟ اشوى ان شاءالله؟
ريم ابتسمت: ايي مافيني شي .. الحمدلله
فيصل: اكيد ؟ صوتج متغير؟
ريم: ها ؟ لا لا كلشي تماام مافيني شي
فيصل: ريم اذاا فيه شي قوليلي
ريم: شفيه يعني افا عليك ؟ مافيني شي كانه طالعين انا واسوم وناصر نتعشى
فيصل فز قلبه: اسوم ؟ حبيبتي والله شخبارها ؟
ريم تخزها: الحمدلله بخير
فيصل: زين عطيني اكلمها عاد
ريم: ممنوع
فيصل: افففففففف وحشني صوتها والله
ريم: تعرف شغلك عاد مايحتاي اقوللك
فيصل: اي اي معليه الله يعيني ويصبرني .. الخايسه عيل احد يحبها ؟ صج ماعندي ذوق
ريم ابتسمت: افتن ترى
فيصل يضحك: هههههههه تعالي اتغشمر ..
ريم: آآيه عليك والله وحشتني
فيصل: زين يالله شدي حيلج مابقى شي وتكملون ..
ريم: ان شاءالله
فيصل: يالله قلت بسلم عليج قبل لا اركب الطيااره .. بروح البحرين ييييو
ريم: لتحررررررررني
فيصل: زين زين .. سلمي عليهم اللي وياج .. (يغير صوته) وعلى حبيبتي
ريم ابتسمت: يسلمك ربيي ويحفظك يالغاالي
فيصل: يالله مع السلامه
ريم: الله يسلمك من توصل طمني ها
فيصل: ان شاءالله .. باي
ريم: بااي
ناصر يخزها: فيصل؟
ريم ابتسمت: اي
يابولهم الأكل .. ريم تغصبت ماكانت تشتهي .. وناصر طول الوقت ساكت .. واسماء تحاول تسولف ويا ريم ..
ريم كلت نص البرجر وخلته: بس ماقدر
ناصر يهز راسها: الله يهديج بس
ريم شربت البيبسي .. تحاجي اسماء بلعدال: راسي
اسماء كملت اكلها .. بلعداال عشان مايسمع: تبين نرجع؟
ريم بلعدال: لا خل يكمل اكله ..

يتبع

 

[احترت اعبر]

ناصر قاعد ياكل ويطالع ريم .. يخزها .. وابين عليه معصب .. واهيا تلعب فلبيبسي .. تحرك العود .. ومنزله عينها ..
ناصر يوم كمل .. قالهم ايبون البيل ..
ريم سيده خذته ودفعت .. ناصر سكت ماقال شي ..
ناصر: نمشي ؟
ريم: يالله
ريم راسها يدور ميوده رفيجتها .. وناصر معصصصصصصصب
ركبوا السياره .. وطول الوقت ساكتين ولا احد يتحجى ..
ريم رد عليها التعب .. واسماء ميوده راسها وتقرى عليه .. وناصر ساكت ..
وصلوا الشقه .. اسماء نزلت ونزلت وراها ريم ..
ناصر سكت ولااااا كلمه ولا شي .. ركبوا فووق .. واهوه راح شقته ..
رجع شقته يفكر.. انا شسويت ؟ تستاهل يعني جذي اسويلها ؟؟ انزين اهيا شسوت ؟؟ زين انا اغاااااااار ماستحمل اجوف واحد يكلمها .. كيفها خل تستحمل ..
كان متحسف ان كلمها جذي .. وحتى مع السلامه ماقال لها ..
ريم خذت الدوا وانسدحت بترقد .. بس ماتقدر ترقد .. تمت تفكر في نااصر ..
وهوه ماقدر ايود روحه .. حس بالذنب .. واتصل لها .. ردت عليه والتعب ابين في صوتها: الوو
ناصر متحسف .. مب عارف شيقول .. شذنبها يعني .. تم ساكت
ريم : الوو ؟؟
ناصر خذ نفس: حبيبتي ؟
ريم في خاطرها احلف بس ؟؟ : هلا
ناصر: انتي زعلانه علي ؟
ريم تتدلع: وليش ازعل ؟؟ صار شي عشان ازعل ؟؟ ماصار شي
ناصر: ريم فهميني انا اغاار ماستحمل اجوفج تحاجين احد والله آسف بس شسوي
ريم: انا ماسويت شي ولا ابي احاجيه يعني
ناصر يقاطعها: بس انا مارتاح له .. كلش مارتاااح له نظراته ماتطمن
ريم خذت نفس: لا اله الا الله .. ترى اذا جذي غيرتك مابرتاااح كلش
ناصر: شسوي ماقدر ايود روحي .. آسف
ريم سكتت
ناصر: سامحيني خلاص ماعيدها
ريم سكتت
ناصر: ريم ؟
ريم: هلا
ناصر: شسوي يعني عشان ترضين
ريم: انا استانس احد يغار علي .. لكن جذي ؟ لا مابي كلش مب حلو .. تعصب وتصارخ وشوي وتطق ..شدعوه ؟
ناصر متحسف: انزين شسوي عشان ترضين ؟
ريم: مابي هالشي يتكرر ..يعني ابيك تتأكد وتحط في بالك ان انا مابيني وبين أي احد شي ..
ناصر ابتسم: وشفي بيني وبينج عيل ؟
ريم: يسلام ؟
ناصر: ريم انزين قوليلي شفي خاطرج علي
ريم: كل خير ان شاءالله
ناصر: ان شاءالله بس احسج زعلانه
ريم: لا خلاص مب زعلانه ..
ناصر: عيل متضايقه
ريم: لا مب متضايقه .. مافيني شي
ناصر: تعبانه ابوي ؟
ريم: مافيني شي
ناصر: اكيد؟ ابوي عاد
ريم ابتسمت: مافيني شي شفيك ؟
ناصر: اكيد ؟؟ شكلج
ريم تقاطعه: ناصر والله مافيني شي
ناصر: زين بس مابيج ترقدين وانتي حاطه في خاطرج شي عليي .. قولي
ريم: مافي خاطري الا كل خير افا عليك
ناصر: زين اخليج ترقدين شكلج تعبانه .. بس ماقدر ارقد وانتي زعلانه علي
ريم: مب زعلانه صدقني ..
ناصر: آسف
ريم: لتأسف افا عليك
ناصر: ابوي؟
ريم: همم
ناصر بهدوء: احبج
ريم: آيه عليك
ناصر: تصبحين على خير حبيبتي
ريم: وانته من هله ..
ناصر: ارتااحي ولي قمتي كلميني
ريم: ان شاءالله .. مع السلامه
ناصر: الله يسلمج

ناصر كان متحسف عللى اللي صار .. وفي نفس الوقت متضايق .. مايبي حمد يجرب صوبها ولا يكلمها ..
ريم مب عارفه شتسوي اصلا اهيا من زمان ماتداني حمد .. وناصر عصبي ومافيها شدته .. الله يعينها
اسماء تنطر فيصل يكلم اخوها .. مب قاده تيود روحها وتصبر .. تبي تعرف بسرعه رايه وتفتك ..
ريم قامت تصلي الفير .. وفي بالها ناصر .. صج ماتقدر تشيل في خاطرها عليه .. بس متضايقه من تصرفه .. يعني اهوه بيغار اهيا بعد بتغار .. للحين تعباانه .. قومت اسماء وانسدحت ..
اسماء: ريمو فيج شي ؟
ريم ابتسمت: لا شفيني ؟
اسماء: وانتي شلا مضايقتني وراقده وياي ؟؟ اخوج محد روحي رقدي هناك
ريم رفعت حواجبها: خير ؟
اسماء يودت قلبها: مالت على اخوج مكانه ابين افففففف ماستحمل
ريم تلحفت: روحي رقدي في سريره اذا ماتبين ترقدين وياي ؟
اسماء: تبيني امووووووت ؟؟ ناويه علي انتي ؟؟ كل مكان طافه يذكرني فيه
ريم ابتسمت: كل شي حولي يذكرني بشي
اسماء: آآآآآآآآه يافصول بوضرس عوي
ريم: اخوي مب ضرسه عوي
اسماء: زين اقول خمدي خليني اروح اصلي ..
ريم غطت ويهه: روحي
راحت اسماء تصلي .. وعقب راحت غرفة فيصل .. وبطلت الباب .. تحس ريحته للحين موجوده .. ماقدرت تستحمل سيده صكت الباب وراحت غرفتها وانسدحت ..

فيصل .. فلطيــاره ..
اسماء في باله .. والوقت مب راضي يمر بسرعه
يبي بسرعه يروح يكلم اخوها .. يبي يكلمها .. ولهان عليها وعلى سوالفها ..
يبي يرقد .. مب قادر ..
متملل .. اففففف
التفت على اللي يمه .. راقد منوخ ولا يدري فلدنيا ..
يبي يسولف .. يبي يسوي شي .. اففف
بس يالله مابقى شي وتنزل الطياره .. طريج طويل وكريه .. يكسر .. يتعب ..
عيز ينطر .. واخيرا نزلت الطياره
بسرعه بطل لحزام وشال اغراضه .. طلع بسرعه وراح صوب لشناط وخذ اغراضه وطلع
كان قايل حق رفيجه اييه
طلع .. جاف رفيجه واقف ينطره
خالد بسرعه راح يسلم عليه: حيييي الله الفيص
فيصل مستانس : الله يحيييك ..
خالد: الحمدلله علسلامه ..
فيصل: الله يسلمك
خالد : يالله مشينه ..
ركب فيصل ويااه ..
فيصل: افففففف شهالجو ؟
خالد: اي يبه شعليك .. مافي الا احنا خايسين فلحر (التفت عليه) متنان !!
فيصل ابتسم: مب وايد
خالد: والله ويهك احسه شوي .. يعني .. مادري
فيصل: والله هناك تشتهي تاكل
خالد: شخبار سفرتكم عيل؟
فيصل: والله .. ماشي الحال .. انتوا شخباركم اهني؟
خالد: هذحنه على حطة يدك ..
فيصل ابتسم .. تذكر اسماء وسرح
خالد التفت عليه: هيييييي .. هييي
فيصل توه مستوعب: ها
خالد: وين رحت؟ ليكون حبيتلك امريكيه ؟
فيصل ابتسم: ههههههههه لا يبه مينون انا ؟
خالد: والله ماينعرف لك ..
تموا يسولفون .. وفيصل ميت ميت يبي يكلم راشد ..
وصل البيت ..
فيصل التفت عليه: خالد شوي بس وباييك باخذ الأغراض
خالد ابتسم: خذ راحتك يبه ..
دش فيصل .. عنده المفتاح .. كانت الساعة تسع فلليل ..
دش البيت بلعدال .. الصالة خاليه ..
راح المطبخ .. يمشي بلعدال عشان محد يحس فيه ..
كانت امه فلمطبخ تحووس فلكبت
فيصل تم واقف .. مستانس مب عارف شيسوي ..
امه ولا حست فيه .. التفتت وجافته واقف .. متسند علباب .. متجتف .. قمييص وجينز .. والشعر على ورا .. شيييي
جافته وقف قلبها وصرخت وقطت اللي في يدها: ييييييييمه
فيصل بسرعه راح لها: يمه شلونج ؟
ام فيصل مب مستوعبه .. مب مصدقه ان اللي جدامها فيصل .. بسرعه لمته ودمعت عينها: فيصل يمه شلونك ؟؟
فيصل عوره قلبه: انتوا شلونكم؟
ام فيصل: الحمدلله (هدته وقعدت تطالعه) ماصدق !! وليش ماقلت لي ؟؟؟؟ (مشت دموعها) ماصدق
فيصل مستانس: يمه صدقي
ام فيصل ميوده قلبها: خرعتني وقفت قلبي ماشالله عليك (يودت يده وودته الصاله وقعدته وقعدت يمه) ها يمه .. بشرني شلون اختك؟
فيصل: الحمدلله بخير ماعليها
ام فيصل متضايقه: لا اله الا الله .. البيت بدونها مايسوى .. (دمعت عينها) ولهانه عليها ..
فيصل يخزها: يمه عاد
ام فيصل ميوده يده: شلونك يمه شخبارك ؟ كل شي تمام؟ مرتااح ؟
فيصل ابستم: حد يجوفج مايرتاح ؟
ام فيصل: فديت عمرك والله .. شلونك يمه ؟
فيصل: الحمدلله بخير
ام فيصل: شكلك تعبان يمه ..
فيصل: لا مب وايد
ام فيصل: قوم حبيبي ارتاح يمه .. بس بايي وياك والله مشتاقة لك
فيصل: يمه بقعد وياج شوي وعقب بروح
ام فيصل: انت شخبارك ؟
فيصل: انتوا شخباركم ؟ شخبار ابوي ونجوود ؟
ام فيصل: نجود فووق مجابله الكمبيوتر يزعم بتدرس .. وابوك معزووم
فيصل: ريم واسماء يسلمون عليج وايد
ام فيصل استانست: الله يسلمهم حبايبي والله
فيصل يبي يقول شي مب عارف
ام فيصل طلت في ويهه: يمه صاير شي؟
فيصل تدوده: ها ؟ (توه متذكر رفيجه .. طق راسه) اففففف شلون جذي؟ (قام بسرعه ) شوي شوي
ام فيصل مب فاهمه: تعاال
بسرعه فيصل طلع .. وبطل الباب .. خالد فقير فلسيااره قاعد ينطره ..
فيصل متفشل .. بطل باب السياره: مسامحه والله نسيتك
خالد التفت عليه: والله كنت بامشي عنك
فيصل: حياك تعال
خالد: شعقبه؟
فيصل: يالله امش
خالد: لا لا اخليك ترتاح توك راد من السفر
فيصل: تعال تعشى وياي
خالد: لالا باجر ان شاءالله
فيصل: انزل عاد
خالد: لا والله .. حلفت
فيصل: يخي صوم شعلي منك ؟
خالد: يه ؟ قلت لك باجر باييك انت روح ارتاح الحين
فيصل: راسك يابس .. زين عيل نجوفك باجر .. مسامحه يالشيخ
خالد: شدعوه؟ يالله مع السلامه
فيصل صك لباب الله يسلمك
خالد نزل الدريشه: ماتبي اغراضك ؟
فيصل: افففففف شلون جذي؟ امبلا لحظه بنزلهم
خالد يهز راسه: مادري شسوولك هناك
فيصل ابتسم وراح بطل الصندوق وطلع الأغراض .. دخلهم داخل وراح حق خالد يطل عليه من الدريشه: مشكور ماقصرت
خالد ابتسم: شدعوه؟ بس لاتعود
فيصل ابتسم: ان شاءالله
خالد: يالله فمالله
خالد راح .. فيصل دخل اغراضه .. وامه واقفه عند الباب تنطره
ام فيصل: ها يمه شفيك؟
فيصل: لا يمه بس قولي حق جاندرا تودي الاغراض فوق
ام فيصل يودته: تعال وين رايح ؟
فيصل: خير يمه في شي ؟
ام فيصل يودته وودته الصاله: ايلس
فيصل مب فاهم: شصاير؟
ام فيصل تخزه: فيك شي .. مب طبيعي .. شصاير؟
فيصل توهق: ها ؟ لا مافيني شي
ام فيصل : تخش على امك ؟
فيصل ابتسم: يمه عاد
ام فيصل: شفيك ؟ تستحي يعني؟
فيصل حد يده على يبهته: يمه مب وقته
ام فيصل يودته: مابخليك تروح .. قولي
فيصل ابتسم: يمـــــه
ام فيصل: وه عليك تحجى
فيصل: شاقول؟
ام فيصل: شفيك ؟
فيصل: مافيني شي؟
ام فيصل تخزه: تحب ؟
فيصل ابتلش .. استحى .. تفشل .. : ابين ؟
ام فيصل تشققت: وايد
فيصل قام: تصبحين على خير
ام فيصل سحبته: ايلس ماكملت حجيي
فيصل قعد: يمه لتحرجيني باجر باجر
ام فيصل: وشيرقدني لي باجر؟ قول .. ليكون امريكيه؟
فيصل عفس ويهه: يمه شفيج ؟
ام فيصل: اي عاد قول
فيصل توهق .. تم ساكت
ام فيصل: بتحجى ولا شلون؟
نجود توها نازله .. جافت اخوها وقفت علدري تصارخ: ييييييييييييييمه بسم الله فصول اهني؟؟
فيصل استانس يوم جافها
يات ركيض بسرعه سلمت عليه وحببته: وحشتني يالخاااااااااااااايس
فيصل: آآي آآي ضلوعي بلعدال
نجود تهوس زود: وحشتنييييييييي كيفي كيفي يعلهم يتكسرون
ام فيصل مستانسه تجوفهم: بس نجود خليه عندي وياه سالفه
نجود تشققت .. تحب السوالف .. تربعت جدام فيصل : اي كملوا .. وبعدين ؟؟
فيصل: انا لله
نجود تقدله .. يزعم فاهمه: انا لله ولا حول ولا قوة الا بالله ..
فيصل قام: يالله
ام فيصل تقاطعه: والله ان رحت
فيصل قعد: يمه شفيج؟
ام فيصل: بتقول ولا شلون؟
نجود تسوي روحها فاهمه: اي يالله تحجى لا بالجوتي الحين
فيصل: اوهو شاقول ؟
نجود: قول اللي امي تبي تعرفه بسرعه
ام فيصل: اقول لها ؟
نجود: اي اي يمه بليز قولي
ام فيصل توها بتتحجى
فيصل قام: اسوم اسوم .. يالله تصبحون على خير
ركب عنهم .. وامه انصدمت
نجود مب فاهمه شسالفه .. راحت قعدت يم امها: يمه شفيه فصول ؟ وشدخل اسوم فلسالفه؟
ام فيصل مستانسه: تصدقين عاد ؟
نجود: لا والله .. شي غريب بصراحه .. (التفتت عليها) شسالفه ؟
ام فيصل ابستمت: روحي رقدي وباجر بقول لج
نجود وقفت وتخصرت: يسلام سلم !! مادريت !! ارقد .. آآل ايه آل آرقد .. يمه ينيتي؟
ام فيصل: روحي رقدي لتخربطين
نجود: مافي .. قوليلي شسالفه
ام فيصل: اي روحي له سأليه انا مايخصني ؟؟
نجود: يمه .. وغلاااااااااات بو فيصل
ام فيصل تخزها: مايقوولون جذي مايجوز .. حرااام
نجود: قولي ولا ترى ها .. يمه عااد
ام فيصل: انا لله .. انا سألته شفيك ؟ تحب ؟ قالي اسوم .. بس
نجود بققت عينها: عينييييييييييييي فصول يحب .. لحظه ؟ من من قلتي ؟؟ اسوم ؟؟ اسوم اسوم ماغيرها ؟
ام فيصل اببتسمت: والله مامداني اسأله اي اسوم
نجود راحت دبيج عالدري تبي تلحق عليه ..
وام فيصل تضحك عليها: مينونه
فيصل كان ميود تلفونه بيتصل حق ريم .. دشت عليه نجود: صدنااااااااااك طحنا علييييييييييك
فيصل التفت عليها: اشش شوي بس
نجود راحت قعدت يمه: في امل يعني في امل اللي تقصدها تصير اسوم المخديه ؟
فيصل يخزها: ترى مارضى عليها
نجود تصارخ: يالاااااااهوي .. ماصدق .. عينك بعيني اجوف؟
فيصل يهز راسه: الحمدلله والشكر بس ..
نجود رافعه حواجبها: من صجك انت ؟ يعني من صجك من صجك ولا من صجك ؟؟
فيصل التفت عليها: في شي غلط ؟
نجود ابتسمت بخبث: مايطيح .. كللللللش مايطيح
فيصل حط التلفون بيتكلم .. التفت عليها: اشش
نجود مستانسه .. لصقت يم التلفون تبي تسمع .. فيصل قام عنها
ريم كانت تتريق ويا اسوم .. من جافت رقمه نقزت: الووووووو
فيصل مستانس: هلا والله
ريم مستانسه: هلا والله وغلا ومرحبا ومسهلا بالغالي
فيصل: هلا فيج هلا هلا .. شلونج؟
ريم: بخير انت شلونك ؟
فيصل: الحمدلله .. توني داش البيت
ريم: لا ؟ الحمدلله علسلامه شخبارهم كلهم ؟ امي ابوي نجودو؟
فيصل: الحمدلله بخير كلهم يسلمون عليج
ريم: عسى ماتعبت فصول؟
فيصل: لا لا لتحاتين الحين بطقها رقده لي عقب باجر
ريم: ماشالله !! ههههههه آيه عليك شخبارك ؟
فيصل: الحمدلله
ريم: امي يمك ؟؟
فيصل: امي لا . . نجود اهني
ريم مستانسه: عطني عطني اياها
فيصل يحاجي نجود: هاج يودي
نجود مستانسه: الووووووو
ريم: هلا هلا بالغاليه هلا
نجود: هااااااااا بقيم شخبارج ؟
ريم مستانسه: اسأل عنج انتي شلونج كل شي تمام؟
نجود: اي افا عليج .. اقول اقول .. صج اللي سمعته
فيصل يهز راسه ويتحلطم: ماتيود لسانها الفضيحه
ريم: شسمعتي بعد ؟
نجود: اسوم مسويه عمل في فصول ؟
ريم مب فاهمه: عمل ؟ بسم الله
نجود: اووه شيفهمج الحين .. المهم .. صج يقولون ؟
ريم: شنو عاد ؟
نجود تتحجى بلعدال: اسوم تحب فيصل؟
ريم ابتسمت .. تخز اسماء: قصدج فيصل يحب اسماء
نجود يودت التلفون بجتفها وطقت يددها: وعليه على اخوووووووي حب من طرف واحد ولا اهيا ماتحبه بعد مالت عليها وعلى شكلها وعلى حظها الردي
فيصل يخزها ..
ريم: هي هي شفيج انتي ؟ اثنينهم يحبون بعض شصار الحين فلدنيا ؟
نجود: حلفي ؟
ريم: والله
نجود: مالت عليج عيل
ريم: يه ؟
نجود: يختي مايطيح كلش .. شلاقيين في بعض ؟
ريم: يه ؟
نجود: اتخيل !! تخيلي تخيلي ؟؟ مايطيييييح
ريم: كيفهم انزين !!
نجود: المهم انتي شلونج زينه؟
ريم: الحمدلله
نجود: سلمي على اسوم و احم احم .. يالله مع السلامه.. او تعالي لحظه
ريم: هلا
نجود: يقولج فيصل امانه تبوسين له اسماء على راسها .. مع السلامه
ريم ابتسمت: ان شاء الله .. الله يسلمج
صكت التلفون وعطته اخوها: هاك
فيصل تعباان .. قام تسبح قبل لا يرقد .. وانسدح .. يبي يرقد .. يحااول يرقد .. مب قادر .. جاف الساعه .. متأخر مب عدله يحاجي اخوها .. شدعوه عنده رقمه !! للحين ماطرشته حضرتها !!


في الجامعه .. توهم طالعين من الكلاس
اسماء: عنبوه شلون يرطن !! خاطري اتحجى مثله
ريم: افففف صج عجيب .. عاد اهوه امريكي يعني عادي
اسماء: انتي جوفي اليهااال !! يبطون جبدي كل واحد نزقه شكبيره ويرطن !!
ريم ابتسمت: لغتهم حبيبتي ..
اسماء: مالت على حظنا .. بس صج حلو الكورس عجبني ..
ريم: اي عجيب .. جانزين كل سنه نيي
اسماء توه متذكره: شتقول لج نجود مساعه ؟
ريم التفتت عليها: يقولون الفيص افضحج
اسماء ابتسمت: عليه بلعافيه .. فديت عمره وفديت فضيحته
ريم: سمعي .. قلت حق ناصر اليوم ندور لنا فساتين حلوه ..
اسماء: اللاي فن .. انزين سمعي
حمد ياهم وقطع السالفه: قوه
اسماء التفتت عليه: يقويك
ريم ماتبي تتحجى مافيها شده ..
حمد يطالع ريم: ممكن شوي ؟
اسماء: انت شفيك ؟؟ خل البنيه في حالها !! شتبي ؟
حمد يخزها: انتي من حاجاج ؟
اسماء: كيفي .. فج عنه لو سمحت
ريم خايفه ناصر ايي الحين ويجوفهم ويسويلها سالفه .. سحبت رفيجتها وحمد لحقهم: دقيقه بس
اسماء: انت شفيك ؟
حمد: في أمل ولد عـ
اسماء تقاطعه: مالك شغل .. زين؟
بسرعه مشوا عنه .. وتم واقف يتحلطم : اففففففف .. لكن انا اراويج

بسرعه ريم اتصلت حق ناصر: الوو
ناصر: هلا قلبي .. هلا والله .. وينج ؟
ريم: توني طالعه من الجامعه ..
ناصر: بتروحين الشقة؟
ريم: ايي
ناصر: زين حبيبتي شوي واييكم ..
ريم: على راحتك ..
ناصر: ابوي للحين زعلانه ؟
ريم: لا لا .. شدعوه؟
ناصر: احبج والله العظيم
ريم ابتسمت: مب كثري ..
ناصر: عيل ؟
ريم: انا اكثر
ناصر: الله يعلم
ريم ابتسمت: الله يعلم
ناصر: يالله حبيبتي شوي ها
ريم: اوكي
ناصر: بيباي
ريم: باي ..
اسماء: ريمو ابي اقولج شي ..
ريم التفت عليها: قولي
اسماء: حمد
ريم مستغربه: شفيه؟
اسماء: ترى ذي حماار ومادري شناوي عليه
ريم: ويه بسم الله شبيسوي بعد؟
اسماء: نظراته وراها شي .. جوفيه كل يوم لازم ايي يحاول يسولف وياج
ريم: شعلي منه عاد ؟؟ انا ماعطيه ويه .. مرده بيتملل
اسماء: الله يستر بس ..
ريم: آمين ..



يتبع

 

[احترت اعبر]

][ الجـــزء الســابع عشــر ][

في المول
ريم دار راسها ويا الفساتين: ياربيييييي وايد حلوين شاخذ وشاخلي ؟
اسماء ميوده شكثر في يدها: امشي خنقايس
ريم: دار راسي اسوم ابيهم كلهم .. تدرين بعد انا ماعندي لازم اروح اسحب ..
اسماء: فوين انا شعرفني ؟؟ انزين امشي خنبدل ونحجزهم انا بعد ابي اسحب ..
ريم ميوده 5 فساتسن واسماء أربع ..
دشوا بيبدلون ..
اسماء تبدل وتصارخ: ريمو لحقي
ريم تبدل: هاا شصار؟
اسماء: طلعي طلعي خل اجوف
ريم: متأكده مافي رياييل ؟
اسماء بطلت الباب تطل: جن لا
ريم: لا اخاف يطلع لي ريال
اسماء: طلعي زين بجوف يالله ..
ريم: بطلي الباب بدش لج بسرعه
اسماء: يالله
ريم بسرعه طلعت ودشت عند اسماء
كل وحده تطالع الثانيه وصرخوا يميع: اللاااااااااي
ريم: اللاي حده فن عليج كيووووت صايره لا اله الا الله
اسماء: ذلفي جوفي روحج شحلوج ؟؟!! وايد حلو علييج يالخايسه
ريم: نطري نطري .. يالله لبسي الباقي
اسماء: اتصلي حق نصور خل ايي اجوف
ريم تخزها: اتصلي حق فيصل احسن

لبسوهم كلهم .. عجبوهم ماقدروا يستغنون عن واحد ..
طلعوا من غرفة التبديل وكل وحده شايلة على جبدها الفساتين .. حتى ويوهم ماتبين
اسماء: بخخخخ اشكالنا تضحك .. متخرعين ؟
ريم: علينا بالعافيه .. شيضمننه انيي مره ثانيه ؟؟ مابي احط في خاطري عقب
اسماء: انزين شنو الحين نحجزهم؟

ريم: خليه انا بحاجيها .. عادي اهني يحجزون .. بروح اسحب وبنيي ندفع

ناصر عيز ينطرهم .. لف المول كله .. من ياو واهمه هذهوه يدورون .. تملل وقعد في الكوفي شوب .. بروحه فقير ..
يوم حجزتهم ريم طلعت تتمشى ويا رفيجتها .. اتصلت حق ناصر بتسأله: الو
ناصر: هلا حبيبتي
ريم: بسألك
ناصر: لحظه وين انتي ؟
ريم: انت فوين ؟
ناصر: قوليلي انتي فوين وباييج
ريم: لا بس لاتيي بسألك
ناصر: قلت لج بايي .. وين انتي ؟
ريم تتلفت: عند coach
ناصر: دقيقه بس

اسماء: شفيج؟
ريم: مايعطيني مجال اسأله
اسماء: اللاي خل نروح nordstrom
ريم: لا لا نطري الحين بيي .. مابي ايي وحنا محد
اسماء تتلفت: يالله وينه؟
شوي الا ناصر يايهم ..
ناصر يتلفت: وين اغراضكم
ريم متفشله: ابي اسحب
ناصر يخزها: ماعندج ؟
ريم: امبلا بس بشتري وايد اغراض .. وللحين ماكملت
ناصر: امساعه شتسوين؟
ريم تطالع اسماء: ها؟
ناصر معصب: صارلكم اكثر من 3 ساعات تدورون .. شتسوون ؟
ريم مبتلشه: امبلا احنا سوينه
اسماء: احنا حجزنا بس بنروح نسحب وعقب بنشسمه .. بنشتري
ناصر معصب: يالله جدامي امشوا
ريم وقفت: وين؟
ناصر: شنو وين ؟ ماتبين اغراضج ؟
ريم: امبلا .. بس بسحب
ناصر: امشي قلت لج
ريم: ناصر شفيك؟
ناصر: من وين؟
ريم تأشر عالمحل: اهني
ناصر جدم عنهم
ريم تطالع اسماء: شفيه؟ ين ؟؟
تمت واقفه
ناصر التفت عليها: بتمين واقفه ؟
ريم راحت له: خل افهم شسالفه !!
ناصر: انتي امشي وانا اعلمج ..
دشوا المحل ..
ناصر يحاجي ريم: اقولج .. تموا شوي اهني ..
ريم مب فاهمه: ليش؟
ناصر: بدون ليش ..دقيقه
دش ناصر عنهم ..
ريم تطالع اسماء: شفيه ين ؟ اقوله بسحب يقولي تمي ؟
اسماء: شدراني فيه .. امشي نيلس تكسرت انا ..
ريم : يالله
قعدوا علكرسي ينطرونه ..
ريم: تهقين شيبي يسوي؟
اسماء بغباء: شدراني انا
عشر دقايق .. الا ناصر طلع لهم .. شايل أربع اجياس .. ريم بسرعه راحت له ولحقتها اسماء ..
ريم توه بتتحجه قاطعها ناصر: دشوا كل وحده تاخذ جيس ماقدر اشيلهم كلهم ..
ريم: ها ؟
ناصر هز راسه .. عطاها جيس .. وعطا اسوم جيس .. ودش ياخذ الاجياس ..
وريم للحين مفهيه .. تطل فلجيس: ليش ؟ ترى انا مادفعت
ناصر ابتسم: ريم شفيج ؟
ريم: مافيني شي بس
ناصر يقاطعها: بلا كلام فاضي ويالله امشوا .. خميتوا المحل شبقى ؟
ريم تعاصر ويا الاجياس: بوو ثقيل الجيس خنوديه السياره ونرجع
ناصر مستغرب: وبعد تبين ترجعين ؟ ماشبعتي؟
ريم ببراءة: لا ابي اشتري .. لحظه انت عندك بطاقتي ولا شسالفه ؟
ناصر: لا انا دفعت
ريم: وليش ؟
ناصر: كيفي
ريم: من صجك انت دفعت ؟
ناصر: ريم شفيج ؟ انا ريلج .. يعني شفيها اذا دفعت لج ؟ لتخلين بينه حواجز ابوي
اسماء توها مستوعبه: هي هي .. وانا شلا دفعتلي ؟ ريلك بعد ؟ مرتي يعني قصدي ريلي ؟
ناصر: انتي رفيجة مرتي .. عادي شفيكم شلا مكبرين الموضوع الحين؟
ريم: لا مايصير .. الحين الحين توديني اسحب ارجع لك الفلوس .. حبيبي غلايا الفساتين
ناصر ابتسم: مايغلون عليج
ريم: ناصر طلبتك لاتردني
ناصر: آسف
ريم حطت الجيس علأرض: مابيهم ..
ناصر: يه ؟
ريم: اي مايصير تدفع لي .. عندي والله عندي
ناصر: ادري عندج .. الله يزيدج .. شفيج انتي ؟ لتخليني اعصب .. ابوي .. بتمين واقفه الحين ؟
ريم: مافي اول شي توديني مكان اسحب وبعدين يصير خير
ناصر: انا لله .. ريم ؟
ريم: مافي
ناصر: ها !! ينيتي انتي ؟
ريم: اخر مره ايي وياك السوق اذا بتسويلي جذي
ناصر: حبيبتي اعتبريهم هديه
ريم: لا مافي توديني الحين اسحب ولا ترى والله بزعل عليك ولا بحاجيك
ناصر بهدوء: افاء .. ترديني يعني ؟؟ تردين هديتي
ريم: بزعل من صجي
ناصر بهدوء: تقدرين تزعلين علي يعني؟
اسماء: انتوا هي .. شهالخرابيط ؟؟ حزتكم يعني ؟؟ ناصر عشى وسكتنا .. ثياب لاء اسفين
ناصر: انا لله .. انتوا شفيكم؟
ريم: والله ..
ناصر يقاطعها: بس بس لتحلفين .. شفيج ؟
ريم: ان ماوديتني الحين
ناصر: تهددين يعني ؟ مافي .. مابوديج .. وبجوف شبتسوين
ريم متضايقه: ناصر انا ماكنت ابيك تدفع والله كنت اقصد
ناصر يقاطعها: ريم شفيج ؟ ادري انا شكنتي تقصدين .. حبيبتي انتي .. خلينا من هالسالفه الحين وعقب يصير خير
ريم: لا لا مابي ..
ناصر: انا لله .. امشي نودي الاغراض السياره الحين .. وبلا عنااد زايد
ريم: انا من صجي
ناصر: ممكن شوي نأجل الموضوع ؟؟ شوي بس
ريم سكتت .. ودوا الأغراض السياره ....
ريم ببراءة: يصير نتحجى الحين ؟
ناصر معصب: لاء
اسماء: انزين لتحجى وياها تحجى وياي ..
ناصر: لاء .. لاء يعني لاء .. اي بارت من "لاء" مافهمتوه؟
اسماء مب فاهمه: شتخربط انت ؟
ناصر: ولا شي.. ياحبكم حق الدواره .. لو يعطوني مليون ماتميت هلكثر .. شدعوه ؟؟ عادي تنسون روحكم يوم يومين اهني .. ماتحسون بالتعب .. لو قلنالكم دراسه ولا شغل قلتوا (يقلدهم) مافينه شده .. وحق السوق هابين ريح
ريم: يه ؟؟ قول ماشالله
ناصر: ماشالله ماشالله .. بوديكم South coast plaza .. بيعجبكم اكيد
ريم: يالله مشينه
ناصر: اقولج هابين ريح .. ركبي ركبي
فلطريج ..
ناصر: انتوا مب يواعه ؟
ريم: ها ؟ لاء
ناصر: انتي متى يعتي اصلا؟
ريم: من قالك ؟ اصلا اهني وايد ااكل انا
ناصر يتطنز: اي صح .. ابين .. انا بعد اقول
ريم: والله من صجي
ناصر: زين انا يوعان .. اول شي بناكل عقب كملوا دوارتكم ..
ريم: ان شاااااااااااءالله
ناصر: انزين عاد قولوا شتبون من الحين .. مو اروح هناك ومادري ومادري ..
ريم: كيفك انت شتبي ؟
ناصر: لا كيفنا كلنا
ريم: انزين ماعرف انا شفيه هناك . .
ناصر: اممم .. Claim Jumper .. هذي كلشيهم عود .. يعني انتوا تاكلون كدز ميل احسن لكم
ريم: حلو اكله ؟
ناصر: يس .. يا ذي يا rainforest .. شقلتوا؟
اسماء: انا اقول كوكو جمبو احسن ..
ناصر يتطنز: انتي قولي اسمه عدل قبل .. ريم ؟
ريم: اي بس يالله .. انت ادرى يعني
ناصر: انزين ناكل وعقب لكم ساعتين بس .. كملوا اغراضكم ونرجع .. ترى السوق مابيطير باييبكم مره ثانيه لتخافون
ريم: بس اسحب قبل
ناصر: انا لله .. ردينه؟
ريم مصممه: والله من صجي
ناصر: خلاص بوديج تسحبين ..
دشوا المول .. راحوا يسحبون .. عقب قعد ناصر ينطرهم وهمه راحوا يتسوقوون ..
ريم متضايقه: وعليه كاسر خاطري
اسماء: يولي زين .. يعني مانتسوق ؟؟
ريم: بس بس اسوم خندفع اللي في يدنا ونروح له فقير
اسماء: لا حبيبتي انا للحين ماشريت حق رشود .. نطري
ريم: حبيبتي اسوم عاد .. خليها وقت ثاني .. انا بعد بشتري حق فصول .. بس خنمشي بليز
اسماء: اففففففف حنانه انتي تدرين؟
ريم: بليز
اسماء: زين زين .. يالله .. مايسوى علينا هالناصر .. ناصر الريم
ريم بققت عينها : شقلتي ؟
اسماء: بسميه ناصر الريم .. مخدي
ريم ابتسمت: اسوم يالله عاد
اسماء: زين قلنالج يالحناااااانه انتي

ناصر متملل .. عيز وهوه ينطرهم .. تم يدور ..
مشاعل كانت ويا رفيجتها .. تدور .. جافت ناصر قاعد بروحه
مشاعل: فجر شوي بس واييج .. لحظه ها .. راحت له طلت في ويهه: هااااااااااي
ناصر التفت .. قام لها: هلا هلا ..
مشاعل تتدلع: بروحك؟
ناصر: لاء
مشاعل تتلفت: وينهم ؟
ناصر: من ؟
مشاعل: اللي معاك؟
ناصر ابتسم: الحين ايون
مشاعل تتدلع: ناصر تكفى
ناصر: شنو؟
مشاعل: عفيه تكفى طلبتك
ناصر: شفيج ؟
مشاعل قعدت : اقعد ليش واقف؟
ناصر قعد: شصاير؟
مشاعل: ابيك تشرح لي بليز
ناصر: اشرح لج ؟ ماعرف انا اشرح
مشاعل: بليز بليز لاتردني ناصر
ناصر: شعرفني اشرح ؟ خل اشرح حق روحي قبل .. قولي حق وليد .. سعود ..فواز ..
مشاعل تتدلع: لا انا مافهم الا لك .. بلييييييييز
ريم كانت تتمشى ويا اسماء .. علأساس بيروحون حق ناصر ..
اسماء جافته قاعد .. نقزتها: ريمو ريمو
ريم التفت: هلا
اسماء: جوفي مناك ؟ مب جن نصور؟
ريم وقف قلبها .. ويهه تغير.. وقفت مكانها
اسماء ماتبي توشها .. سكتت ..
اسماء: امشي نروح له
ريم واقفه .. معصبه ومتضايقه : مابي مابي ..
اسماء سحبتها: امشي بلا دلع
ريم: اففففففف قلت لج مابي
اسماء خلتها تمشي غصب ..
مشاعل كانت حدها جريبه من ناصر .. لابسه برمودا جينز وتوب وردي وشعرها كيرلي طوييل ..
راحوا اسماء وريم صوبهم .. ناصر ماحس فيهم ..
مشاعل تتدلع: بليييييييييييييز ناصر لاتردني طلبتك
ناصر: حبيبتي فهميني قلت لج ماقدر (يعني اهوه مايقصد "حبيبتي" .. بس اذا يبي يفهم احد يقولها )
ريم سمعت كلمته .. انصدمت .. عينها شوي وتطلع ..
ناصر التفت الا اهمه واقفين يمه .. بسرعه قام لهم : ها كملتوا ؟
ريم خزته .. دمعت عينها .. ومشت عنه .. اسماء التفت عليها: تعالي
ريم مب عارفه شتسوي .. وناصر مافهم شسالفه
مشاعل: ناصر منو هذولي؟
ناصر يطالعها: شوي بس ..
بسرعه لحق ريم: ريييييييييم .. رييييييييم لحظه .. اوقفي بكلمج .. ريم ؟
ريم تمشي ولا جنها تسمع .. واسماء تلاحقها
ناصر بسرعه ركض ووقف جدامها : شفيج؟
ريم منزله عينها وتبي تمشي .. ناصر مايعطيها مجال: شفيج ؟؟
ريم ماتبي ترفع عينها وتطالعه

ناصر بهدوء: ريم حبيبتي حاجيني .. شفيج ؟؟ احد قالج شي ؟؟ (التفت على اسماء) شفيها؟ شمسويت لها انتي ؟
اسماء ابتسمت: انا ؟؟ اسأل روحك
ناصر مب فاهم: اي روح ؟ قصدي شنو ؟ من ؟ شسالفه؟
ريم غافلته ومشت عنه .. ناصر يصارخ: رييييييييم
ريم وقفت ..
راح لها معصب: شفيج ؟
ريم ساكته .. ماقدرت تيود روحها .. .. خشت ويهه بيدها وقعدت تصيح
ناصر مب عارف شيسوي .. التفت حق اسماء: قوليلي شصاير؟
اسماء: اوهوو انا شدراني ؟؟
ناصر يحاجيها بهدوء: ريم حبيبتي لتصيحين .. قوليلي شفيج ( التفت على اسماء) الحين انتي امساعه وياها وماتعرفين شفيها مايصير !!
اسماء ابتسمت: اسأل ست الحسن والجمال اللي وياك مساعه
ريم بسرعه مشت
ناصر توه مستوعب .. ياته الضحكه .. راح لها: ابوي انتي . . شفيج ؟ عشان مشاعل يعني؟
ريم مشت دموعها: ابي ارد البيت
ناصر يبي يغير الجو: ماقلنا العزيمه عليج اليوم؟
ريم: ابي ارجع
ناصر: قعدي خنتفاهم
ريم تصيح: ابي ارجع
ناصر: حبيبتي سمعيني والله هذي وياي فلجامعه ومالي شغل فيها .. يايتني تبيني اشرح لها
ريم: ابي ارجع
ناصر التفت يدور مشاعل .. جافها من بعيد: دقيقه بس ..
بسرعه ركيض راح : مشاعل !! مشاااااااعل
مشاعل التفت عليه: ناصر؟ شفييك ؟
ناصر: دقيقه بس .. ابيج في سالفه
مشاعل: اي سالفه ؟
ناصر: تعالي وياي دقيقه .. بس بسرعه بليز
مشاعل: ناصر خرعتني شصاير؟
ناصر: تعالي قلت لج ..
مشاعل: وااااااي ناصر شفيك ؟
ناصر بسرعه خلاها تروح .. ريم كانت واقفه .. معصبه ومب عارفه شتقول
ناصر راح لها: ريم .. حبيبتي .. اعرفج .. مشاعل .. وياي فلجامعه .. ( التفت على مشاعل) مشاعل .. اعرفج على خطيبتي
مشاعل تتدلع: وااااااي عندك خطيبه وانا مادري ؟؟ (راحت تسلم عليها) شلونج شخبارج ؟ والله يابختج في ناصر .. شرحه ماله حل ..
ريم سلمت عليها ومب داشه مخها السالفه
مشاعل التفتت على ناصر: وااااي شحلااتها ؟؟ (التفتت عليها) والله زين شفنااج .. عفيه قوليله يشرح لي راسه يابس
ريم ساكته وتبتسم بالغصب ..
مشاعل: عفيه والله مو فاهمه شي عفيه
ريم ابتسمت: يصير خير
مشاعل: ماتقصرين والله .. يالله انا بمشي تنطرني فجور .. خنشوفج عااد
ريم ابتسمت: ان شاءالله
راحت عنهم .. ناصر التفت عليها: سمعتي ؟؟
ريم سكتت
ناصر: والله حبيبتي مافي بيني وبينها شي
اسماء تخزه: وليش تقول لها حبيبتي ؟
ناصر مب مستوعب: متى قلت لها ؟ تخسي الا اهيا اقول لها حبيبتي .. (التفت على ريم) ريم .. قلنا الناس يغارون عاد مب جذي
ريم تخزه: ابي ارجع
ناصر: انا لله .. وبعدين وياج ابوي ؟ لو صج بيني وبينها شي بالله عليج لو قلتلها انج خطيبتني بتصطرج
ريم تخزه .. تمت ساكته
ناصر: ضحكي
ريم مبوزه
ناصر: عشاني حبيبتي ضحكي
ريم مبوزه
ناصر: علأقل ابتسمي .. عشاني ..
ريم ابتسمت
ناصر: آيه عليج حبيبتي والله .. استانس تغارين علي .. بس عاد مابيج تتضايقين وتصيحين ومادري شتسوين .. يعني مافي امل اجوف احد غيرج
ريم ساكته ..
ناصر: كملتوا ؟؟ نروح ناكل ؟
اسماء: يالله
ريم: مالي خلق ابي ارجع
اسماء: ولي زين يوعانه انا .. خنروح كوكو جمبو مادري شسمه
ناصر: اي يالله حجزت انا .. بس مانروح الا اذا حبيبتي تضحك .. ريمو ضحكي
ريم ابتسمت: قولي نكته بضحك
ناصر يزعم يفكر: اقولج نكته ؟؟؟ نكته
ريم تضحك على سخافته: ههههههههههههههههههههههههه ه سخيف
ناصر: سخيف مليق اهم شي ضحكتي .. يالله مشينه

في المطعم ..
ريم تشرب البيبسي .. ناصر خذاه منها
ريم تخزه: لييش عاد !!
ناصر معصب: مب زين هالكثر يشربون بيبسي ..
ريم متضايقه: ماشربت وايد
ناصر: انتي للحين مايابو اكلج وماخليتي فيه شي .. وعقب لي يابوه بعد بتشربين .. جم قلاص يعني ؟؟ 4 يكفيج؟
ريم متضايقه: ناصر عاد ؟
ناصر: شربي ماي افيد لج ابوي ..
ريم ابتسمت: ان شاءالله
ناصر ابتسم : آيه عليها اللي تسمع الحجي ..
اسماء: اقول يا .. ناصر الريم ..
ناصر التفت عليها: ها ؟
اسماء ابتسمت: عاجبني الاسم شفيك
ناصر ابتسم .. يطالع ريم: فديت اللي انصرها انا ..
اسماء مب مستوعبه: شتنصر انت بعد ؟
ناصر التفت عليها: الريم ..
اسماء مب فاهمه: شلون يعني ؟ وضح لي اكثر مافهمت
ناصر مستغرب: مو توج تقولين ناصر الريم ؟؟
اسماء: اي بس انت
ريم التفتت عليها: عقب بفهمج اسوم شيقصد
اسماء: وييييييييييي حزن لطه ..
ناصر يطالع ريم ويخزها .. وساكت ..
وريم مستحيه تلتفت على اسماء شوي .. تطالع الطاوله .. تتلفت .. وهوه مايشيل عينه من عليها ..
ريم بتاخذ البيبسي طق يدها بالعدال .. معصب: مافي
ريم تطالعها: انزين ليش تطقني ؟
ناصر متضايق: عورج ابوي ؟
ريم يودت يدها: ماله داعي تطق يعني ..
ناصر: آسف ابوي اتغشمر وياج .. مادري اذا يعورج
اسماء: انت لو تهف عليها بتصيح ..
ناصر متضايق: آسف
ريم ابتسمت: لا لا عادي خلاص لتأسف .. شدعوه ؟؟

نجود .. وآآخر يوم امتحانات .. كان امتحانها فترة ثالثه .. رجعت البيت تبدل بسرعه عشان تطلع ويا البنات يتغدون كلهم ..
فيصل حزتها للحين راقد ..
ام فيصل تنطر بنتها عشان توصلها حق ربعها المول ..
نجود توها نازله: يالله يمه زتج
ام فيصل: انا انطرج ..
نجود: فصول للحين راقد ؟
ام فيصل: خليه تعبان وعليه .. يالله مشينه
نجود: يمه بنمر على عووش بعد ماعندها احد يوديها
ام فيصل: زين يالله قبل لاايي ابوج ابي الحق عليه
نجود: وييه الا مول .. دقيقه بس
ام فيصل: انزين امشي يالله
فيصل توه نازل .. كشته قايمه وويهه منفخ ..
نجود التفتت عليه: ضعــــــــفه !! توك قايم؟
فيصل عافس ويهه: صباح الخير .. ساعتي على امريكا .. الساعه جم ؟
ام فيصل: ثنتين ونص .. رقدت زين يمه؟
فيصل: الحمدلله
نجود تتحلطم: لو انا راقده لي هالحزة سوولي سالفه
ام فيصل: تبي شي يمه ؟
فيصل: وين بتروحون؟
ام فيصل: لا بس بوصل اختك عند ربعها
فيصل: لا لا سلامتج
ام فيصل: الله يسلمك
نجود تحاجي امها: توج مستعيله !! يالله لا
ام فيصل: يالله يالله
فيصل ماشبع رقااد .. يبي يكلم راشد .. تذكر ان ماعنده رقمه .. اتصل حق ريم .. كانت راقده .. واسماء قاعده للحين مارقدت ..
تلفون ريم كان يرن يرن .. وريم راقده وماحست فيه .. اسماء بسرعه خذت تلفون ريم وطقت ابوشن عشان مايسندرها .. توها ملاحظه ان فيصل اهوه اللي يتصل ..
فز قلبها .. وتمت ميوده التلفون .. رد اتصل .. وطقت اوبشن .. ودها لو ترد وتسمع صوته .. وحشها .. انقطع .. ورد اتصل .. يرن يرن .. قامت طلعت من الغرفه .. خافت ان فيه شي ولا يبي شي ضروري .. ردت .. وتمت ساكته
فيصل : الوووو
اسماء مستانسه سمعت صوته .. ومب عارفه شتقول .. سكتت
فيصل مستغرب: الوووووووو ريم
اسماء بهدوء: ريم راقده
فيصل فز قلبه: اسومتي ؟
اسماء استحت .. تمت ساكته
فيصل: الوووووووووو
اسماء تغير السالفه: والله ريم راقده
فيصل بهدوء: زين وحبيبتي ماتبي تكلمني يعني ؟
اسماء استحت .. وماعرفت شتقول له
فيصل: زين بس علأقل طمنيني عليج .. شلونج؟
اسماء: الحمدلله بخير انته شلونك ؟
فيصل بهدوء: مشتاق لج والله العظيم
اسماء استحت .. صارت تستحي منه اكثر من قبل .. تحس الحين غير .. مب نفس قبل .. تبي تتعود علوضع بس .. سكتت
فيصل: الوو .. حبيبتي فيج شي؟
اسماء: لا لا .. بس ..
فيصل: انزين حاجيني
اسماء: لا لا مايصير
فيصل: انا لله .. ابي اكلمج انا بليز
اسماء: ماقدر
فيصل: حاجيني
اسماء سكتت
فيصل: زين خلاص .. بس عطيني رقم اخوج
اسماء نست: وليش بلله ؟
فيصل: شعليج ؟ ابي رقمه .. عيزت اقولج طرشيلي اياه وانتي مب راضيه تطرشين .. هالكثر مب مهمه السالفه عندج
اسماء تذكرت: اوه .. ان شاءالله ان شاء الله الحين بطرشه لك
فيصل: الحين ها
اسماء: ان شاءالله
فيصل: انزين خلج وياي شوي سولفي عشاني
اسماء: فيصل احنا شقلنا؟
فيصل: زين شوي بس
اسماء: فيصل ؟
فيصل: راسج يابس تدرين ؟
اسماء: لا ؟ لا لا ؟ صج عاد ؟؟
فيصل: زين علهواج .. اقولج شي؟
اسماء: همم
فيصل بهدوء : ... أحبج
اسماء استحت
فيصل: يالله بسرعه انا مستعيل ابي الرقم
اسماء: الحين الحين بطرشه
فيصل: مو تنسين
اسماء: لا لا افا عليك
فيصل: سلمي على ريم ..
اسماء: الله يسلمك ..
فيصل: مع السلامه ..
اسمااااااااء حدها مستانسه .. حست براحة مو طبيعية يوم سمعت صوته وتطمنت عليه .. بسرعه طرشت له رقم اخوها .. كانت تبي تكتب شي ويا الرقم .. بس ماعرفت شتقول ..
فيصل وصل له المسج .. استانس .. اول شي سمع صوتها وتطمن عليها .. ثاني شي بيكلم اخوها .. سيده اتصل له .. يرن يرن .. راشد كان توه طالع من الشغل بيركب السياره .. قعد علكرسي وشاله : ألو
فيصل: قوه
راشد ومايدري من: قويك هلا ..
فيصل مب عارف شيقول: راشد شلونك ؟
راشد مستغرب: طيب طاب حالك .. مسامحه بس .. من معاي؟
فيصل ابتسم: انا فيصل ..
راشد: أي فيصل؟ اووه فيصل اخو ريم ؟؟
فيصل: عليك نور
راشد: هلاااااااااا هلا والله شلونك ؟
فيصل: والله الحمدلله بخير الله يسلمك انت شلونك؟
راشد: الحمدلله بخير .. متى ييت؟
فيصل: والله توني البارحه ..
راشد: شخبارهم هل أمريكا؟
فيصل: تماااااااام الحمدلله
راشد: زين زين .. كل شي تمام ؟

فيصل: الحمدلله
راشد سكت ..
فيصل: خنجوفك عااد
راشد: اي افا عليك ..
فيصل: امم حياااك الميلس الليله
راشد يفكر: الليله .. عندي شسمه .. لا بس اوكي بمرك ان شاءالله ..
فيصل: حيااك الله .. ننطرك عيل !
راشد: ان شاءالله ولا يهمك .. نجوفك الليله
فيصل: على خير .. يالله مع السلامه
راشد: الله يسلمك

فيصل استانس .. وصارت أول خطوه .. والباقي فلطريج ..
قعد يحوس في تلفونه .. رن .. رقم غريب ..
فيصل: الو؟ .. اي نعم .. هلاهلا .. لا ؟ أعطيكم العنوان يعني ؟ لا بس خل ايي اجوفه .. معلي اليوم امر عليكم .. طيب .. مع السلامه
ام فيصل توها داشه: ها يمه ..
فيصل ابتسم: هلا هلا ..
ام فيصل قعدت يمه: تعال قوولي .. شسالفة اسوم ؟
فيصل يتغيبه: اي اسوم؟
ام فيصل تخزه: فيصل انا امك .. مابتقولي يعني ؟
فيصل: افا عليج يمه .. بس جذي
ام فيصل: شنو اللي بس جذي
فيصل: يعني دشت خاطري
ام فيصل تخزه: لا؟
فيصل: يمه عاد .. عجبتني .. ابيها .. صار شي؟
ام فيصل ابتسمت : ماقدرت ارقد البارحه كله هالسالفه في بالي .. (دمعت عينها) تخيلتك معرس .. وانت لابس البشت وتمشي وياها .. متى ايي هاليوم ؟
فيصل: يمه اذا مب عاجبتج اسوم خلاص نفركش الموضوع
ام فيصل: افااااااا؟ اسووم هذي بنتي .. افا عليك لو قلتلي دوريلي وحده بقولك اسوم ..
فيصل ابتسم: اي صج يمه بقولج .. وصل أثاث الميلس وغرفة النوم ..
ام فيصل: لا ؟ زين يالله .. عاد جان قلتلي من قبل عشان نشيل أغراضك
فيصل: يمه من كثر اغراضي .. الحين بقول حق جاندرا تشيلهم
ام فيصل: انطر عاد ختنغدى ..
فيصل: بنادي الشباب الحين يساعدوني نشيل أغراض الميلس
ام فيصل: زين تسوي يمه ..
بو فيصل دش: السلاام عليكم
ام فيصل+فيصل: وعليكم السلااام
فيصل راح يسلم على ابوه
بوفيصل: شلونك يبه ؟؟ الحمدلله عالسلامه ..
فيصل: الله يسلمك
بو فيصل: ييتك البارحه بسلم علييك .. جفتك راقد .. شخبار البنات ؟
فيصل: والله الحمدلله .. ماكان ودي اهدهم .. بس شسوي
ام فيصل قامت: بروح انجب الغدا ..
بو فيصل قعد يم ولده: قولي يبه .. شخبار ولد عمك؟
فيصل: والنعم فيه والله ماقصر .. انتوا شخباركم اهني؟
بوفيصل: احنا هذاحنه ..
رن تلفون بو فيصل : الوو
نجود: هااي داد
بوفيصل: هلااا بالهايته
نجود: انا لله .. محتر ؟؟ تعال ويانه حياك .. قاعده في نينووو انطر الأكل .. خلك ويا مجابيس امي
بوفيصل: والله مجابيس امج احلى من هاللي تاكلينه
نجود: للحين ماكلت اقولك انطر
بوفيصل: نطري انزين .. جفتي اخوج؟
نجود: بوو يبه قديم حدك
بوفيصل: من بييبج يبه؟
نجود: امممم مادري اذا مالقيت احد بتصل في امي
بوفيصل: عاد لتأخرين
نجود: لا بس عقب بنروح السينما .. وبنقعد في كوفي شوب جذي .. ومادري جان بنتعشى بعد
بوفيصل يتطنز: شرايج ترقدين هناك بعد؟
نجود: اممممم .. لا يبه مب عدله بارد البيت بارقد وجان باجر الصبح نرجع .. بفكر فالموضوع معليه
بوفيصل: لا ؟ سمعيني .. اذا تأخرتي عن الثمان دوريلج مكان ترقدين فيه
نجود تتطنز: عادي برقد عند عووش
ام فيصل تناديهم: يالله امشوا
بوفيصل: يالله يبه بتغدى انا .. اذا تبين شي اتصلي
نجود: اووووووووكي فاذر .. بيباي
بوفيصل: مع السلامه

فيصل جدم .. ولحقه ابوه
بوفيصل: الله ..
فيصل: ريحته تشهي .. من زمااااااان عن طبااخج يمه
ام فيصل: فديتك .. وعليه بنتي مادري يعجبها اكلهم ولا لا
فيصل: لتحااتينها يمه .. تحب سوالفهم اهيا
ام فيصل: مكانها ابين حبيبتي .. وحشتني والله
بوفيصل يحاجي فيصل: ترى كل يوم هالسالفه .. ماترتاح الا لي صاحت
فيصل يغير الموضوع: يمه عاد نجبيلي
ام فيصل تعطي ريلها الصحن: هاات صحنك يمه
فيصل عطاها ..
جاندرا صبت لهم العصير ..
فيصل ياكل : الله .. شهالزين ؟؟ تسلم يدج يمه
ام فيصل: الله يسلمك .. بالعافيه يمه
بوفيصل: ونجود تتطنز عليه بعد ..
ام فيصل: ماعليك جمنها مستانسه اليوم افتكت
فيصل: خلاص آخر يوم اليوم ؟
ام فيصل: ايي الحمدلله
فيصل: شدعوه كانت تحاتي قبل يعني ؟؟
ام فيصل: انا اللي احاتي عنها
فيصل ابتسم: الله يعين النتايج عيل ..
ام فيصل: الله يستر ..

نجود ويا ربعها في نينو .. ينطرون الأكل
نجود: اففففف مابغينه نفتك
عايشه تتطنز: اللي يقول كلش الحين .. كنتي شايله هم
نجود تخزها .. تتلفت: عطوني شي افلعها فيه .. !! انتي ليش مسويه روحج فلته ؟؟
عايشه: انتي اللي مسويه روحج فلته
لطيفه: بس عاااااااد شفيكم ؟؟ وين الأكل خل ايبونه نبلعكم اياه يمكن تسكتون
مريم: شدعوه عاد اذا يبتي الأكل بيسكتون ؟
نجود تعدل شيلتها ودفتها .. وقعدتها .. يزعم معصبه: شقصدج ؟؟
عايشه: حلاااااااته منور اهني
مريم: اي منوور ؟؟ قصدج بوصلوح ؟
نجود معصبه: بلعماااااااااااله ايبون طاريه قبل الأكل عشان ماكل .. اعرفكم تبون تلوعون جبدي
عايشه: ههههههههههههههههه اتخيل اتييج تقولج (تقلدها) احبج .. تيين وياي السينما ؟
نجود: يعلهاااااا الدماااااااار قولي آمين .. مابغت الا انا عاد
لطيفه: صج ابي اعرف شلاقيه فيج زود ؟؟
نجود تطالع عايشه وتأشر على لطيفه: جوف ذي !! بكفخها !!
يابو الأكل .. حطوه عالطاوله ..
نجود تطالعها: احتراما للهندي سكت .. لو مب اهوه جان ياتج النعال على خشمج ذي العوي .. تقولين
عايشه تقاطعها: بس عااااااااااد .. اكلي اكلي
عايشه تشرب البيبسي
نجود: عن قفدددددج
عايشه التفت عليها: انتي شفيج اليوم؟
نجود: يختي مستانسه كملت .. بس حساافه خويتي محد
عايشه: ليش ماتروحين لها هناك؟
نجود: فصولي رجع .. اروح بروحي؟
عايشه يودت قلبها: آآيه آآيه لاتيبين طاريه بمووت ..
نجود: بفففففففففف قديمه انتي .. بما أنج مستانسه اليوم عيل خل اقولج انه بيعرس
عايشه ميوده قلبها: لااااااااااااا لتقولين !! من صجج انتي ؟ يعلها اللي تاااااااخذه ماتهنى
نجود طقتها على جفتها: هي هي هي .. شفيج انتي ؟ ينيتي ؟ اقول اكلي ونتي ساكته
لطيفه: انزين عقب شبتسوون ؟
مريم: ماقلتوا بنتروحون السينما ؟
نجود: اي اي بنروح السينما ان شاء الله..
لطيفه كانت مجابله نجود .. بوصلوح يات ووقفت ورا نجود .. وحطت لها ورده جداامها
لطيفه تطالع نجود وتطالع منور .. ونجود جافت الورده وتيبست .. تبي تلتفت ولطيفه تأشر لها لااء ..
عايشه التفتت وجافتها .. يودت ضحكتها وتمت تاكل يزعم ماجافت شي ..
نجود ماقدرت .. دنت الكرسي والتفتت .. جافت بوصلووح واقفه وتبتسم
نجود يودت راسها: يالاهويييييييي .. انت هيييييي (التفتت على ربعها) هذي شيايبه ؟؟
بوصلوح: شفيج حبيبتي .. ؟ بس ييت ابارك لج
نجود: واي واي قلبي ماستحمل .. انت شتبي بالضبط ؟؟ ذلفي عن ويهي .. قمت احرق بسبتج
بوصلوح بهدوء: اعصابج حبيبتي اعصابج
نجود: ياربي !! والله ان ماطلعتي الحين بناديلج اخوي
بوصلوح: لتهددين .. ليش يايه عيل دام بطلع ؟
عايشه: اقول فجي مللتينه انتي ورانه ورانه
بوصلوح: من قال وراج انتي ؟ انا ورا هالقمر اللي ماخذ عقلي
نجود شوي وتين: استغفر الله استغفر الله .. اقول ذلفي عني انتي شتبين ؟؟؟؟؟؟؟؟
بوصلوح: بروح .. بس بعد مابهدج
نجود: ياربيييييييي شاسوي ؟؟ مادري افلعها بالنعال الحين ؟
بوصلوح بهدوء: احبج لين تعصبين .. شحلوج تصيرين ..
نجود: هي هي هي .. انتي لتصدقين عمرج ؟؟ ذلفي يالله لوعتي جبدي الحين شلون آكل ؟
بوصلوح بتمشي: برجع لج
راحت .. ونجود حدها معصبه والبنات يضحكون عليها
عايشه: مسكين من صجه
نجود: اخيي ويع ويع ماشتهيها شتبي ذييييييي ؟
لطيفه تاكل: شكلج .. يبيله صوره
نجود: آآيه على ريموووووو وحشتني .. جان اهيا هنيي جان الحين طاحت فيني تصوّر فديتها
عايشه: كلميها لا
نجود: الحين راقدين ..لي صار فلليل بكلمها .. آيه عليها الخايسه وحشتني من قلب
عايشه: يالله مابقى شي وترجع
نجود: من زمان ماعضيتها .. قبل اترس يدها كله ساعااات .. حتى في خدها ساعه
لطيفه مب فاهمه: شساعاته ؟
عايشه: تعضها يعني
نجود تحاجي لطيفه: ودج ؟؟ بساعه ؟؟ شانيل ؟؟
لطيفه: لا لا حبيبتي مشكوره .. اذا ياتج منور عطيها جم ساعه علطااير
نجود: اخييييييييييييييييييي ويع ويع ويع .. اتخيل ؟ ويييييييييع لاعت جبدي لا بليز ماتسحمل .. مابغيتي الا اعضها اهيا ويع .. اخاف على ضروسي .. يمه
عايشه: زين اكلوا عشان مانتأخر علفلم ..
نجود: أيي عقب مالوعوا جبدي يقولون لي اكلي .. يعلكم الدمااااااااااار اللي يدمركم كلكم
عايشه: بس انتي لتدعين اكلي وخلاص
نجود: يعلكم كل وحده بويه تحبكم
عايشه: لاااااااا اسم الله علينا
لطيفه: الله لايقووول
مريم: انتي شلا تفاولين علينا ؟؟
نجود: عشان تحسون بمعاناتي ..


عقب الغدا .. ركب فيصل ويا جاندرا يشيل أغراضه .. خلاهم فلصــاله وخلى غرفته ..
عقب صلاة العصر ياوله ربعه يسلمون عليه .. شغلهم
خلاهم يشيلون أغراض الميلس ويااه ..
شالوا الأغرااض .. وقالهم ايونه فلليل .. وراح بسرعه محل الأثااث يتأكد من اللي يبيه ..
فيصل وقف يدور .. ياله الريال: اساعدك بشي ؟؟
فيصل ابتسم: لا بس كنت حاجز من قبل واتصلولي قالولي وصل
الريال: اي عرفتك .. تريد تشوفهم هسه ؟
فيصل: اذا ممكن
الريال: هسه هم بالسياره
فيصل: بوصلونهم البيت ؟
الريال: اكييد
فيصل: انزين مايصير اطل عليهم بس اتأكد
الريال: اكيييييد شدعوى ؟ تعال معايه .. ترى ذوقك هواايه حلو .. يجنن
فيصل تذكر اسماء: هذي ذوق زوجتي (مره وحده )
الريال التفت عليه: ماشالله عليها .. الله يخليلك اياها
فيصل من قلب: آمين
اول ماجاف الأثاث تذكر اسماء .. قلبه قام يدق يدق يدق ..
الريال: هذولي؟
فيصل التفت عليه: اييه
الريال: اريد تعطيني العنوان هسه
فيصل: ادفع اهني؟
الريال: اذا تريد
فيصل: خلاص عيل توكلنا على الله
دفع لهم وعطاهم العنوان .. اهوه جدم البيت ينطرهم .. شوي الا واصلين .. نزلوا اللي يشتغلون وحطو الأثاث أول شي فلميلس .. وعقب ركبوا غرفته ..
حده سمبل ومودرن .. عجييب امه ينت علييه .. يوم كملوا فيصل راح حق امه مستاااااانس: ها يمه .. شرايج ؟
ام فيصل: ماشالله عليك .. وايد حلوين .. خلاص انا بعد ابي اغير اثاثي
فيصل ابتسم: شرايج في ذوقي ؟
ام فيصل: ماله حل
جاندرا يات: ماهييييلو ماهييلو .. أول أهلا
فيصل التفت عليها: من خذ رايج انتي ؟
جاندرا عافسه ويهه: ماهيلو كريهاا
فيصل: محد كريه غيرج ..
ام فيصل: خلها عنك شعرفها اهيا .. (التفتت عليها) ودوهم لستور ؟
جاندرا: كلوو في ستور
ام فيصل تحاجي ودلها: عليك بالعافيه .. ادري عاد الشباب مابيخلون القعده في حالها .. بيدمرونها
فيصل: لا يمه .. شدعوه ؟

ام فيصل: اذا ياك خلوود بعد مشكله
فيصل ابتسم: الليله بيون ان شاءالله .. اذا سوو شي برد لهم القديم
ام فيصل: زين تسوي ههههه
فيصل مستانس: يمه حلو ؟
ام فيصل: واايد
فيصل: اكيد ؟
ام فيصل: اي والله وايد حلو .. عجبني .. ذكرني في ذوق اختك .. اهيا متخارته؟
فيصل تدوده: ها ؟ لا لا
ام فيصل: آيه عليهااااا وحشتنييييييي .. يالله متى بتيي ؟؟
فيصل: أوديج لها ؟
ام فيصل يودت قلبها :جااااااااان بخت
فيصل: بتيي جريب ان شاءالله .. لو عندي اجازه وديتج ..
ام فيصل تخزه: بتوديني لها ولا بتروح لها ؟
فيصل تفشل: من اهيا ؟
ام فيصل ابتسمت: حبيبة القلب
فيصل ابتسم: طقه بطيحه
ام فيصل: الله يهنيك يمه .. الحين بيأذن المغرب خل اقوم ابوك يروح يصلي ..
فيصل: زين عيل انا بتيدد وبجدم المسيد

عقب ماطلع من المسيد .. راح حق امه ..
فيصل يناديها: يييييييمه .. ام فييييييييييييصل .. ااااموونه
ام فيصل طلعت له من المطبخ: شسمي ؟؟
فيصل ابتسم: ام فيصل ..
ام فيصل ابتسمت: ذكرتني في ابوك الله يذكره بالخير ..
فيصل راح لها: على ايام العز ؟؟
ام فيصل يزعم استحت: للحين للحين .. المهم .. شفيك ؟
فيصل: يمه عاادي قولي .. شيسميج ؟
ام فيصل حابسه الضحكه: ويييييي فيصل !!
فيصل: يالله عاد عاد عشان اتعلم
ام فيصل: يمه منك يزعم ماتعرف ؟
فيصل: صج صج قولي
ام فيصل: سأله خل يقولك !!
فيصل: يمه شفيج ؟ انزين انتي شتقولين له ؟ سع سع ؟؟
ام فيصل عفست ويهه: بل !! سبه ذي
فيصل: يالله عاد يمه قولي شتسمينه ؟
ام فيصل: سعود بعد شنو
فيصل: لااااااا مايصير لازم تدلعينه
ام فيصل تبي تصرفه: اقول انت شكنت تبي ؟
بو فيصل توه داش البيت: السلام عليكم
ام فيصل وفيصل: عليكم السلام والرحمه
بو فيصل: الليله برقد انا فسريرك
فيصل: افا علييييييييك يبه .. تعال بسالك ..
بو فيصل راح يمهم : آمر يبه
فيصل: مايامر عليك ظاالم .. بس كنت بسألك .. (ابتسم .. ) قبل انت شتنادي امي ؟
بو فيصل يخزه: نعم ؟
فيصل: يالله عاد يبه خلك كوول وقوول
بو فيصل ابتسم .. راح يم مرته: قبل .. واليوم .. وعقبه .. امونتي
ام فيصل شب ويهه ودشت المطبخ ..
فيصل يصارخ :يييييييييمه عااد !
بو فيصل ابتسم: شهالسؤال؟ وانت شعليك ؟؟
فيصل: ابي اعرف بس .. يالله قولي اهيا شتسميك ؟
بو فيصل: مابقول .. خلها اهيا تقوللك
فيصل: ياربي عليكم .. بس بس خلاص هونت مابي اعرف ..
بو فيصل: اتصل في اختك تطمن عليها ..
فيصل: ريم ؟؟
بو فيصل: لا ريم الحين راقده يتراوالي .. اقصد نجوده
فيصل: ان شاءالله .. (طلع تلفونه واتصل) ..
نجود فلسينما .. جافت رقمه .. ماقدرت ترد .. صكته في ويهه وطرشت له مسج
( Bqaim ana fl cinema .. )
فيصل يحاجي ابوه: فلسينما يبه
بو فيصل: زين قوللها عندج احد اييبج ؟؟
فيصل كتب لها مسج
(Njood fe a7d eyebch elbait??)
نجود طرشت له
(7bebi int btye ta5thny elsa3a 8 mn el seef .. matdry >?)
فيصل يقرا حق ابوه المسج
بو فيصل: تصبغ بعد .. تقدر تروح لها ؟؟
فيصل: يبه انا الشباب بيوني عقب الصلاة ..
بوفيصل: وانا معزووم عند بو احمد الليله ..
فيصل: معليه امي يمكن تقدر (يناديها) ييييييييمه
ام فيصل طلع من المطبخ: ها يمه ؟
فيصل: شتسوين ؟
ام فيصل مستغربه: ارتب الاغرااض ..
فيصل: ووين جاندرا ؟
ام فيصل: فلمطبخ البرااعي تسويلك عشا..
فيصل: انزين تقدرين تيبين نجوود ؟
ام فيصل: الساعه جم ؟
فيصل: علثمان يعني
ام فيصل: معليه بروح لها .. السيف لا؟
فيصل: اي ..
ام فيصل: خلاص بس اكمل واروح لها
فيصل: انزين خلي لي باجر جاندرا تساعدج
ام فيصل: وي لا عادي ..
فيصل رن تلفونه .. كان راشد .. طلع برا يكلمه ..
فيصل: الوو
راشد: هلا هلا والله
فيصل مستانس : هلا فيك هلا هلا
راشد: شلوونك بوسعود؟
فيصل: بخيير الله يسلمك انت شلونك ؟
راشد: الحمدلله بخير .. فيصل مادري شقولك والله
فيصل: خير شصاير ؟
راشد: لا بس رفيجي مسوي حاادث
فيصل: سلاماات عسى ماتعوّر؟
راشد: هذاني رايح له المستشفى .. ماعتقد اقدر اييكم الليله
فيصل: أفا !!
راشد: باجر ان شاءالله أكيد
فيصل: ضروري عاد
راشد مب فاهم شسالفه: ان شاءالله باجر .. ان شاءالله
فيصل: يالله خير ان شاءالله ..
راشد: نجوفك باجر عيل ان شاءالله
فيصل: ان شاءالله ..
راشد: يالله عيل سلم علشباب
فيصل: الله يسلمك ..
راشد: مع السلامه
فيصل: الله يسلمك ..
فيصل تكدر .. كان يبي راشد ايي اليوم مستعيل يبي يكلمه .. بس مالله كتب ..

ريم قامت الصبح ويا اسماء ..
كانوا يتريقون
ريم: اقول اسوم ؟
اسماء تاكل: هاا
ريم: اممم .. شرايج ؟ خاطري اشتري شي حق نصوور .. بس مادري شاخذ له ..
اسماء: شعرفني انا ؟
ريم: يعني شرايج انتي ؟
اسماء: ماعرف حق هالسوالف ..
ريم: يعني لو انتي بتشترين حق فيصل .. شبتشترين؟
اسماء استحت: ومن قال بشتريله عاد ؟
ريم تخزه: لا والله ؟
اسماء: مادري ريمو .. خنروح الموول وجوفي اللي يعجبج اخذيه
ريم: اذا جذي بيدور راسي .. علأقل احط جم شي في بالي
اسماء: مادري والله ..
ريم: زين يالله امشي لنتأخر
اسماء : اي نطري بغسل يدي ..
غسلوا يدهم .. ريم اتصلت حق ناصر .. مارد عليها ..
ريم تحاتيه .. شفيه مارد .. طول الطريج ميوده التلفون .. وحاطه سماعه بلوتوث في اذنها وتتصل له
اسماء: ريم شفيج ؟
ريم متدودهه: ها ؟ لا لا ولا شي ..
اسماء: كلمتي ناصر اليوم ؟
ريم: مادري شفيه مارد علي ..
اسماء: وي .. يمكن راقد وماسمعه ..
ريم: يجوز ..

ناصر كان راقد .. وتلفونه سايلنت ..
عبدالله يطق عليه الباب: نااااااااصر ..
ناصر توه قايم ..
عبدالله يطق الباب: نصوووووور
ناصر قام من السرير .. بطل الباب .. وهوه يفرك عينه .. وشعره قااب
عبدالله معصب: انت وينك ؟كل ذي رقاد؟
ناصر بزور يبطل عينه: شتبي انت ؟
عبدالله: جوف شعرك !! ماله حل !!
ناصر: انت شفيك الحين ؟
عبدالله: جوف الساعه جم .. ورانه كلاس .. شفيك للحين راقد ؟
ناصر: عطني 6 دقايق و ستة وعشرين ثانيه ابدل بس واييك ..
عبدالله دش الشقه: يالله بسرعه لتأخر .. بحسب لك
ناصر دش الحمام كرمكم الله ..
وعبدالله قعد علكرسي ينطره .. اتصل له فواز: مرررحبا
عبدالله: هلا هلا
فواز: وييييينك ياخي؟
عبدالله: انا عند نصوور هذاني انطره
فواز: يالله تعالوا .. استناكم انا..
عبدالله: اووكي عطنا عشر دقايق ربع ساعه وحنا عندكم .. حلو ؟
فواز: حلو .. طيب بااي
عبدالله: بااي
ناصر تسبح بسرعه وبدل .. نزل ويا رفيجه .. تذكر تلفونه
ناصر: عبود تلفوني لحظه
عبدالله: افففففف تأخرنا نصور
ناصر ركب: دقيييييقه
راح بسرعه خذ تلفونه .. وجاف جم مسكول من ريم ..
ومسج ..
" لا غبت أحس الدقايق فالغياب تطول
وتشب في غيبتك وسط الحشـا جمره
كل البشر حبهم قطره غلا وميول
حبك بحر وش تجي عند البحر قطره؟"
استانس يوم قراه .. سيده اتصل لها ..
كانت فلكلاس ماتقدر ترد ..
طرشت له مسج
(ya 3mry ana fl class .. Sorry ..Mn a6l3 bt9llk )
ناصر تكدر .. كان يبي يسمع صووتها .. مشتاق لها .. ماعرف شيكتب لها غير (a7bch =*)
ريم ودها لو تطلع من الكلاس تكلمه .. بس ماتقدر ..
طلب منهم اللي يدرسهم .. في تدريب ال Speaking
يطلعون ويسوون انترفيوو .. وايون الصف يتحجون عنه ..
طلعت ريم ويا اسماء ..
ريم: شرايج اسوي وياج افك عمري ؟
اسماء: ماسمعتيه ؟ البنات ياخذون صبيان والصبيان بالعكس ؟
ريم متوهقه: افففففف مابي !! غصب يعني ؟؟
اسماء: يالله بروح ادور لي واحد اشقر احاجيه ..ولا تعالي .. شلي فلشقر ؟؟ يرطن علي عقب شفهمني شقال؟
ريم: بروح حق واحد من شباب جامعتنا احسن ..
اسماء: زين يالله بااي
ريم: تخليني ؟
اسماء: جدامج بستحي اتحجى .. روحي يالله راويني شطارتج
ريم: لا اله الا الله .. الله يعين ..
ريم تمشي فلجامعه .. تبي تحاجي احد .. مب عارفه من ..
جافت نايف .. وياهم فلجامعه .. شكله حليو ..ماعرفت شلون تناديه ..
كان يمشي ومب ماعطها ويه .. وهي واقفه .. ماتقدر تلاحقه ..
التفت عليها جافها واقفه وتبين متوهقه .. راح لها .. : فيج شي ؟
ريم متوهقه : ها ؟ لا شسمه بس ذاك
نايف ابتسم: عادي لتستحين .. قولي
حمد جافها من بعيد راح لها دبيج .. طل في ويهه: صباح الخير يا قمر
ريم من جافته فرت ويهه بتمشي .. حمد راح جدامها مايخليها تطوف: وين وين ؟
ريم: لا بس خلاص
نايف مب فاهم شسالفه: ريم كنتي تبين شي ؟
ريم متوهقه: اي ..
حمد راح جدامها: آآآآآآمري .. عيوني لج
ريم خايفه : لا لا مب انت .. نـ ناايف
نايف التفت على حمد: يخي امش انت شتبي ؟؟
حمد عصب: انت اللي شتبي ؟؟
ريم قالت بتمشي عنهم وتفتك احسن .. حمد راح جدامها: نطري .. وين وين ؟
ريم: بس خلاص هونت
حمد: مافي روحه .. بتسوين الانترفيو لا ؟؟
ريم نزلت راسها: مب وياك بليز

حمد معصب: وليش يعني ؟ مابتسوين ويا غيري فاهمه؟
نايف معصب: يخي انت شتبي ؟ اهي يايتني
حمد: انت تنجب ومابي اسمع حسك .. كيفنا .. (التفت عليها) آمري
ريم خايفه: بس خلاص مابي مابي ..
حمد: شفيج انزين ؟ مابنسويلج شي .. تعالي قعدي مايصير نوقف فلشمس ..
ريم: لا لا بس هونت
حمد معصب: قلت لج قعدي ..
ريم: مابي اسوي خلاص
نايف بهدوء: اختي قعدي انتي الحين وانا بسوي وياج .. ماعليج منه
ريم ابتسمت بالغصب: اوكي ..
قعدت علكرسي .. ميوده القلم والكتاب .. تبي تكتب .. تهز ريلها .. خايفه يصير شي .. ناصر قايل لها مايبي يجوفها ويا حمد مره ثانيه .. التفتت عليه: حمد ممكن تخليني ويااه؟
حمد معصب: شمعنى يعني ؟
نايف: قومي تعالي هناك
حمد يصارخ: والله .. ان رحتي وياه .. بتجوفين شي
ريم تقاطعه .. خايفه: لتهدد بليز ..
حمد: يالله ابتدي ..
رن تلفونها .. كانت اسماء .. بس تمت تحاجيها والسماعه في اذنها
ريم: هلا والله
اسماء: ريمو لحقي علي ابتلشت بواحد اشقر .. عيونه زررق .. اينن .. جفت ويهه نسيت الحجي
ريم تضحك: ههههههههههههههههههههههههه هه شنسيتي ؟
اسماء: حزة الحزة مايطلع الحجي .. ماستحمل اكاهوه مجابلني .. ابي اقوله انت وسيم .. انت تحطيم .. انت خطر على المجتمع .. شيقولون ؟؟ اقوله انت danger in society?
ريم: ههههههههههههههههههههههههه ههههههههه يوززي .. بقوول حق فصول ترى
ناصر كان توه داش الجاامعه .. هد ربعه وراح بيسأل الاستاذ شي .. جاف رييم قاعده .. ويمها نايف وحمد .. مابين التلفون انهاا قاعده تتحجى فيه .. وسمعها تضحك .. عصب .. يحس فيه حرررره .. يبي يطقق .. يبي يذبح .. مب عارف شيسوي .. قايل لها مايبي يجوفها ويا هالحمد مره ثانيه .. والحين قاعده وياه وتضحك ؟؟؟؟؟؟
اسماء: لا تحملي .. سمعي انزين .. شنو يعني ؟ ولا تدرين ..ببس بس خلاص بألف عليه وبيفهم .. خبرج القلوب تفهم بعضها.. واي واي ابي اييني ولد جذي .. لا لا عقب بيقولون لي اشقر من وين طلع ؟
ريم: ههههههههههههههههههههههههه هههه بس بس عاد ..
اسماء: زيين زين يالله باي خليني اتفاهم باي
ريم صكته وللحين فيها الضحكه .. ابتسمت .. التفتت على نايف: يالله ؟
حمد معصب: قلت لج انا
ناصر مايستحمل يجوفها جذي .. قاعده وتضحك وياهم .. بسرعه راااح لها ووقف جدامها .. معصب ..مهوس على يده ..ويتنفس بسرعه .. مهوس على ضروسه .. يصارخ: رييييييييم
ريم رفعت راسها وجافته .. ابتسمت ببرائة: هلا
وقفت له .. جافت ويهه شلون معصب .. قلبها قام يدق يدق يدق .. خاافت
ناصر رفع يده
وعطاها كــــــــــف قوي .. طيّر نص شيلتها
ريم حست قلبها بيوقف .. تمت ميوده خدها .. مغمضه عينها بتصييح .. بسرعه مشت .. وركضت عنهم .. تحس الدنيا سووده بعينها .. هذي اخرتها ؟؟ ناصر يطقني ؟؟ وعلى شنو ؟؟
ناصر مايدري شسوى .. بس في باله انها تستاهل أكثر .. حمد ونايف وقفوا يبون يستوعبون اللي صار ..
التفت على حمد معصب : انت شتسوي وياها ؟ ها ؟؟؟؟؟؟؟ ( راح دزه .. ونايف يوده)
ناييف توه بيتحجى سكته حمد معصب : وانت شعليك ؟؟ كيفي انا ويااها انت شكو؟
ناصر معصب .. مب عارف يطق من الحين ..ونايف ميوده مب مخليه يجيس حمد ..
ناصر معصب: اراااااااويك
مشى عنهم بيروح لها .. بيأدبها ..
اهيا كانت تركض بسرعه وتصيح بتروح الشقه .. مب مصدقه ان ناااصر يعطيها كف ؟ على شنو ؟؟ ابوها واخوها ماعمرهم مدوا يدهم عليها .. وايي ناصر ويطقها ؟؟ وليش ؟؟
ناصر معصب وللحين يبي يطق .. مايدري في روحه .. ليش يبي يطقها .. بس محتر .. وقايل لها مايبي يجوفها ويا حمد .. والحين قاعده وتضحك وياهم ؟؟ .. ركض وراها .. يركض بسرعه يبي يجوفها ويطقها زوود ..
يدورها .. جافها عبرت الشاارع .. توه بيعبر الا بااص سد عليه .. وتم ينطره يطوف وركض وراها .. ركبت اهيا العماره .. ودشت الشقه .. توها بتصك الباب الا نااصر ايود الباب .. من جافته ماتت من الخوف تبي تصك الباب ماقدرت .. دش عليها .. ويودها من قمييصها يصارخ: يالخااااااااااينه .. يالحقيره
ريم تصيح تصيح مب عارفه شتسوي: هدني .. تكفى هدني
ناصر دزها عالأرض .. يم الطاوله .. وطق ظهرها حد الطاوله وتمت تعور :آآآآآآآآآآآآي .. اطلع براا
ناصر يرفسها .. معصب: مب طاااااالع يالحقيييييييره .. اراويييييييج
ريم ميوده بطنها من الرفسه وتصيح : آآآآآآآآآآي بطنييييي .. حراام علييك ..
ناصر معصب: جبببببببببب مابي اسمع حسج .. انجبي .. (يصارخ) انجبيييييييي .. انتي حبيبتي انتي ؟؟ طل فعينج لا اعرفج ولا تعرفيني فاااااااااهمه ؟؟
.. ناصر مات احسااسه .. من جافها ين .. مب عارف شيسويلها ؟؟ بس في باله تستاهل اكثر .. ليش قاعده وياه ؟؟؟؟؟؟؟؟ وليش تضحك ويااااااااااااه؟؟ بينها وبينه شي ؟؟؟؟؟.. فواز كان ناسي كتابه ياي بياخذه من غرفته وسمع حس ناصر يصارخ .. بسرعه ركب له .. ودش الشقه .. جاف ناصر نزل لها ورفعها وهي تصيح تصيح .. دزها علكرسي .. طق راسها الحد .. طاحت .. واغمى علييها ..
فواز واقف مب مصدق .. بسرعه سحب ناصر يبي يطلعه .. معصب: وش تسوي يالخبل ؟ انت جنيت ؟؟
ناصصر معصب: خلنيييييي .. خلنيييييي بذبحها .. خلني اقووووووولك خلني
فواز طلعه وصك الباب ويصارخ: نااااااصر وشفيك ؟؟؟؟؟؟؟؟؟

يتبع

 

[احترت اعبر]

][ الجــزء الثــامن عشـــر ][

ناصر معصب .. راسه داير .. مب عارف شيسوي .. رفس الباب بقووووووه
فواز يبي يهديه: ناصر صل علنبي
ناصر يهز ريله ويتلفت .. مهوس على ضروسه: مابردت حرتي ..
فواز سحبه ودخله شقته .. ناصر معصب .. يقعد ويقوم .. يمشي .. ويوقف .. مب عارف شيسوي
وفواز متوهق ..: ناصر اذكر الله .. وشجاك ؟
ناصر: لا اله الا الله .. خلني بروح اطقهه ..
فواز صك الباب وقفله .. : ماراح تطلع .. فاهم ؟؟
ناصر معصب: خلني .. خلني ابرد حرتي خلني .. خاااااااينه .. وانا اقووووول ليش تدافع عنه ؟؟ اراويها ..
فواز: اشش اذكر الله .. استغفر الله انت عارف وشقاعد تقول ؟
ناصر معصب: من فضلك .. خلني اروح .. أأدبها .. بذبحها .. (وقف ) يا أنا يا حمد
فواز ياب له ماي: اشرب .. هد اعصابك
ناصر حذف القلاص علأرض .. انكسر ونكت الماي
فواز وقف: لا اله الا الله .. وشفيك انت ؟
ناصر وقف: خلني اروح لها .. (هوس على يده) خاينه
فواز: لاتتهور .. ناصر !! تعال معي نروح الجامعه .. وبعدين يصير خير
ناصر: مب رايح .. بروح لها .. بذبحها
فواز يصارخ: ناصر قسم بالله ان ماقمت معي الحين ترى والله
ناصر يقاطعه: شبتسوي ؟؟ راوني شبتسوي ؟
فواز يطالع فوق: لا اله الا الله .. ناصر ؟؟ تعال معي وان شاءالله خير
ناصر: اي خير ؟؟ اي خير وحمد هالحقير
فواز يقاطعه: لاااااااااااا اله الا الله .. بس خلاص طيب تعال معي .. طلبتك
ناصر قام بيروح وياه .. طلع من الشقه وورفس باب شقة ريم بقوه .. فواز سحبه ونزله تحت ..

ريم ماحست في روحهه من العوار .. ظهرها .. وبطنها .. وراسها .. وخدها .. ماخلى شي ماشالله عليه .. كانت طايحه يم الكرسي ومغمي عليها .. تكسر الخااطر .. شيلتها طاايحه .. ودموعها للحين تبين تلمع على خدها .. اسماء عقب ماكملت الانترفيوو .. راحت الكلاس .. علأساس بتجوف ريم هناك .. في خاطرها " شدعوه وينهي ؟؟ " .. طرشت لها مسج ..
" Bqwancheya wainch ?? "
تلفون ريم كان في مخباها .. ماتدري فيه ..
واسماء تتلفت تحاتيها .. طول الوقت تنطرها تدش .. كل مادش احد الكلاس عبالها ريم .. ماتشتهي تسوي شي وريم محد .. نايف دش الكلاس .. وحمد بعد .. المشكله ماتدري ريم ويا من سوت الانترفيوو .. بسرعه قالت عن الانترفيو اللي سوته وطلعت .. تتلفت تدوّر .. نايف بسرعه طلع وراها: لو سمحتي اختي
اسماء تحاتي .. التفتت عليه: خير ؟
نايف راح لها: انتي رفيجة ريم لا؟
اسماء يودت قلبها: ايي .. فيها شي ؟؟
نايف مب عارف شيقول: اممم .. والله مادري شاقولج .. بس ..
اسماء خايفه: ريييييم شفيها ؟؟
نايف: طلعت من الجامعه ..
اسماء مب فاهمه شسالفه: وين راحت ؟
نايف: يمكن الشقة ؟؟
اسماء مب فاهمه: ها ؟؟ اي شقه ؟؟
نايف مستغرب: مادري يعني وين بتروح ؟؟ اكيد شقتكم !!
اسماء: وليش تطلع ؟؟
نايف: الحجي الحين مامنه فايده .. روحي لها
اسماء مب فاهمه: وين ؟؟
نايف مستغرب: في أمل انتي مفهيه ؟؟
اسماء تفشلت : انا ؟ لا لا .. بس احاتيها وينهي ؟
نايف: يه ؟؟
اسماء: اوكي اوكي بروح .. (مشت عنه .. شوي والتفتت عليه) انت تعرف شي ؟؟
نايف متوهق: ها ؟ لا لا ماعرف شي .. شدراني ؟
اسماء: وليش قلت لي اهيا طلعت الحين ؟
نايف: اختي لتطولين السالفه روحي وانتي تعرفين كل شي لي جفتيها ..
اسماء خايفه: اوكي ..
خافت عليها .. ليكون فيها شي ولا شي ؟؟ عيزت تتصل لها ماترد .. بسرعه راحت الشقه .. طلعت من الجامعه .. ومشت وراحت الشقة .. طلعت المفتاح من شنطتها .. ودشت تنادي : ريووم؟
مالاحظتها .. تدورها .. دشت الغرفه .. خاليه .. طلعت من الغرفه وجافتها طايحه تكسر الخاطر على الأرض .. بسرعه ركضت لها: ريمو ؟؟؟؟؟؟؟ (دمعت عينها مب عارفه شتسوي .. تحاول تشيلها) ريييييم قومي .. ريم حبيبتي حاجيني !! (صاحت .. توهقت .. مب عارفه شتسوي .. وريم شفيها وشصاير وشسالفه .. راحت يابت مااي ورشته على ويهه .. تصيح) ريييييييييم قومي .. حاجيني ريموووووو .. رييييييم .. (قامت تهزها .. تطق ويهه عشان تصحى .. ) ريمووووو .. ياربي شسوي ؟؟ (رشت عليها مااي .. ريم شوي تحركت .. بزور تبطل عينها .. من لمحت اسماء بسرعه ضمتها بقوه وقعدت تصيح .. اسماء مب عارفه شسالفه قعدت تصيح وياها) ريم حبيبتي شفييج ؟
ريم تصيح من قلب: آآآآآآآآآآآآآآه اسووم لحقي علي
اسماء تصيح: ريمو شفييج؟؟
ريم تصيح .. حست جبدها تلووع .. بسرعه راحت الحمام ورجعت "كرمكم الله" ..طاحت عالأرض .. راسها داير .. ريلها ماتشيلها .. تصييييييح من الألم .. اسماء راحت .. قعدت علأرض يمها ويودت راسها تسويله مسااج .. " تهمزه " .. وريم تصيح: آآآآآآيي .. (خذت نفس) بمووت
اسماء تصيح: لتقولين جذي ريموووو .. (بخت ويهه بالماي ) اسم الله عليج
ريم تصيح مب عارفه شتسوي .. ميوده بطنها وتصارخ: ظهريييييييي
اسماء مب مستوعبه: شيعورج الحين بالظبط ؟
ريم تصيح: كل شي .. كل شي..
اسماء وقفت وسحبتها: تعالي غسلي ويهج ريمو
ريم بزور وقفت .. اسماء ميودتها ..غسلت ويهه وودتها سريرها تنسدح ..
ريم ميوده ظهرها: يعورنييييييي (تصيح) آآآآآآيي
اسماء بغباء: مرقدوش ينفع ؟؟
ريم تطالعها: اسوم انا من صجييييي
اسماء تمش دموعها: اي انا شعرفني !! شاييبلج ؟
ريم بتعب: يبيلي فولترين ..بروفين .. وبندول .. بليز
اسماء راحت ويابت لها جيسة الأدويه كلها: هااج اكلي اللي تبين ..
ريم تدري ان هالأدويه مايصير ياكلونهم وبطنهم خاالي .. لازم ياكلون شي .. بس مافيها شدة تروح تاكل .. بسرعه بلعت الأدويه .. ونسدحت .. وقعدت تصيح: آآه قلبي
اسماء توها مستوعبه: تعالي انتي شياج ؟
ريم ماتبي تقول ان ناصر اهو اللي سوى فيها جذي .. بس سكتت .. وقعدت تصيح
اسماء لمتها: بس عاد لتصيحين قطعتي قلبي .. جن حس احد يطق الباب ؟
ريم خافت: اذا ناصر لتبطلين .. بليز تأكدي
اسماء مب فاهمه: ليش عاد؟
ريم: عاد عاد اسوم اذا اهوه لتبطلينه بليز
اسماء راحت: ان شاءالله ان شاءالله ..
ريم قعدت تصيح من الألم مب قادره تستحمل .. راسها ..بطنها .. ظهرها .. كل شي يعورها .. كشفت بطنها .. في خصرها رضة بنفسجيه .. بسرعه تغطت ماتسحمل تجوف هالاشيا ..
اسماء راحت يم الباب: من ؟ (طلت من الفتحه) حمادو شتبي ؟؟
حمد مستعيل: دقيقه بس بطلي الباب بقولج شي ضروووووووووري
اسماء عدلت شيلتها وبطلت الباب .. ميودته ماتخليه يدش: خير ؟
حمد: مب داش لتخافين .. بس طمنيني .. شخبار ريم ؟
اسماء استغربت: ها ؟؟ وانت شدراك ؟
حمد مستغرب: ليش ماقالت لج ؟؟
اسماء مب فاهمه: شصااير؟؟؟؟؟؟؟
حمد: من صجج ماقالت لج ؟؟ اهيا وين الحين ؟؟ داخل ؟
اسماء متضايقه: أي داخل .. شصاير ؟؟
حمد متضايق: ولد عمها الخايس طقها كف جدامنا ..تخيلي؟
اسماء مب مستوعبه: لحظه لحظه .. بلعدال عشان أفهم السالفه .. لتحاجيني بالألغاز من فضلك
حمد مب فاهم: اي الغاز انتي بعد ؟؟ اقولج ولد عمها .. شسمه نسيت ؟؟
اسماء: ناصر؟؟؟
حمد: اي ناصر .. عطاها طرااق اقولج !!.
اسماء مب مصدقه .. يودت قلبها: هاااااااااا ؟
حمد: تبين اعطيج طرااق الحين عشان تفهمين ؟
اسماء: عشان اسدحك وادوس فبطنك اهني .. يالله يالله فارج
حمد: لحظه .. طمنيني عليها
اسماء متضايقه: مادري شسوي .. حدها رايحه عليها
حمد متضايق: كف يسوي فيها جذي؟
اسماء: اذا الكف من أحد تحبه .. غير ..
حمد متضايق: انزين يصير اجوفها ؟؟
اسماء ميوده الباب:آآآآآآآآآسفه .. خلني اروح اجوفها .. (توها متذكره) شدخل بطنا وظهرها وراسها فلسالفه ؟
حمد مب مستوعب: اهوه ركض وراها .. في أمل طقها بعد ؟؟
اسماء ميوده قلبها: كسسسسسسسسر في يده يمال لضعفه.. خل اروح اجوف شسالفه
حمد: انزين انا بنطر اهني .. يمكن تبي نوديها المستشفى شي
اسماء: زين انطر ..
راحت لها اسماء .. كانت للحين تصيح .. ميوده ظهرها وراسها ..
اسماء قعدت يمها: شسوى فيج اللي مايتسمى ؟؟
ريم مستغربه: هاا ؟ ماسوى شي !!
اسماء معصبه: للحين تدافعين عنه ؟؟؟ وليش ماقلتيلي تخليني اعرف من غيرج ؟
ريم مب فاهمه: من كان عند الباب ؟
اسماء متضايقه: حمد .. قوليلي الحين شسوى فيج ؟
ريم: ماسوى شي .. وماعليج من حمد محتر
اسماء: قوليلي شصار .. مب علي هالحجي
ريم يودتها : اسوم خلي حمد يروح مافيني شدة بليز
اسماء معصبه: مالي شغل .. قوليلي شسالفه
ريم: مافي سالفه ولا شي .. انا بروحي طحت
اسماء: على ؟
ريم مبتلشه: على ظهري
اسماء: وشدخل بطنج وراسج فلسالفه ؟
ريم: اي طحت جم مره
اسماء تخزها: ماتعرفين تجذبين ترى .. بتحجين ولا شلون ؟
ريم: اول شي خلي حمد يروح .. بعدين بقولج كل شي ..
اسماء: ريمو حبيبتي قوليلي عشان اعرف اتصرف
ريم: مابيج تتصرفين .. اللي الله كاتبه بيصير .. وبعدين
اسماء تقاطعها: رييييم !!
ريم: اسوم حبيبتي تكفين .. قوليله يروح .. ولا ايي اهني مره ثانيه بلييز
اسماء: اففففففف راسج يابس .. قومي انزين بنروح المستشفى
ريم: لا بس كلت الدوا اعرفه
اسماء: ولو غلط ؟؟ شدراج انتي ؟؟ قومي قومي
ريم متضايقه: طلبتج قوليله يرووووح اسووم اللي فييني كفايه
اسماء معصبه: شفيج قولي لا
ريم يودت بطنها وعفست ويهه من الألم : آآي بطني
اسماء: انا بخليه يروح .. بس مايهياني اجوفج جذي ريمو .. نروح المستشفى احسن
ريم تصيح: اسووووم خليه يروح
اسماء قامت: اففففففف زين زين
حمد كان للحين ينطر عند الباب ..
اسماء بطلت الباب وسيده التفت عليها: هاا شصار؟
اسماء: شصار يعني ؟؟ شدراني انا ؟؟ بس انت روح وبعدين يصير خير
حمد: لا ماقدر اروح .. خنوديها المستشفى احسن
اسماء: مب راضيه .. انت الحين روح
حمد: انزين يمكن تبون شي ولا شي .. اعطيج رقمي ؟
اسماء: لا ان شاءالله مانبي شي .. انت روووووووح الحين لتسويلنا سالفه .. يالله يالله
حمد: مايصير اخليكم جذي ..
اسماء: مشكوور ماقصرت يالله مع السلامه (توها بتصك الباب يوده) شفيك ؟
حمد: انا اهني ماببعد .. تبون اي شي بتحصلوني .. بكتب لج الرقم وبحطه تحت الباب .. اذا تبون شي اتصلوا .. اوكي ؟
اسماء : زين زين مشكور .. يالله باي (صكت الباب .. بسرعه راحت حق ريم )
ريم سكتت .. لايعه جبدها .. وراسها دااير .. كله من الأدويه كلتهم وبطنها خاالي .. بسرعه راحت الحماام تبي ترجع مااتقدر .. تحس روحها بتطلع .. قعدت تصيح تصيح .. اسماء واقفه يمها ومب عارفه شتسوي: ريموو نروح المستشفى احسن ..
ريم تصيح: مابي مابي
اسماء عصبت: مب على كيفج هاا .. نطري
ريم تصارخ: مااااااااااااابي
بسرعه راحت عند الباب تبي تجوف الرقم .. كان حاطه عند الباب بسرعه خذته واتصلت ..
حمد من جاف رقم غريب حس ان اهمه : الوو
اسماء تصيح: الحق علينا بسرعه
حمد خاف: دقيقه بس ..
بسرعه ركض لهم واسماء تحاول تشيل ريم ماتقدر .. طايحه عالأرض وتعور من العوااار .. يابت لها شيلتها .. حمد بسرعه طق الباب..
بطلت له اسماء الباب
حمد خايف: شفيكم ؟
اسماء خايفه: ضروري نوديها المستشفى
حمد يتلفت: انزين انا ماعندي السياره الحين ..دقيقه بس بقول حق نيووف (اتصل فيه) الو .. بسرعه بسرعه ارجع .. ! لا لا .. ايي ريم .. لتأخر ها .. بسرعه .. ساعة ؟ آآآآآآآه !!
ريم سمعت حسها تكلم حمد .. يودت الباب تبي تقوم من على الأرض .. قامت بالزور ودار راسها وطاحت ..
اسماء حست فيها بسرعه ركضت .. ركض وراها حمد ..
اسماء تحاول تشيلها ماتقدر .. حمد: بشيلها انا
اسماء متوهقه: بسرعه .. (قعدت تصيح) حسبي الله ونعم الوكيل ..
حمد يحاول يشيلها ..اسماء ساعدته علأقل يوقفوونها .. بس اهيا كلش رايحه عليها .. قام شالها بروحه .. ووداها عالسرير وطلع برا ينطر رفيجه
اسماء: ياربييييييي
ريم تكح .. بسرعه اسماء راحت يمها: ريمو ؟
ريم تعبانه مافيها شده تسوي شي .. تطالع اسماء: ابي بندول
اسماء: توج ماخذه .. مايصير
ريم تعبانه: بليييييييز ابي
اسماء: لا مافي .. آسفه
قامت ريم بزوور من السرير وخذت البندول وبلعته بدون ماي
اسماء عصبت: هييييييي .. انتي شتسوين ؟
ريم: بطني مااااستحمل العواار
اسماء معصبه: بكفخج
ريم قعدت عالأرض ويودت بطنها: احس ابي ارجع .. بس بطني خالي .. لايعه جبديي
اسماء متوهقه : ياربييييي شسوي الحين ؟
ريم ماقدرت اتم حتى البندول رجعته .. اي شي يدش يرجع على طوول ..
حدها تعبانه مافيها شدة تسوي شي ..

ناصر كان فلجامعه .. ويا فواز وعبدالله .. ومب عاجبته السالفه .. يبي يررد الشقه يكفخها زود .. مب عارف شيسوي ..
ناصر: فواز !
فواز التفت عليه: هلا
ناصر: قوم خنروح شقتك
فواز يخزه: وليه يعني ؟ وماكفاك اللي سويته ؟
عبدالله مب فاهم شسالفه: شصاير؟
فواز يهز راسه: تراه مجنون مهوب صاحي ابد
عبدالله يخزه: شمسوي ؟
ناصر ساكت ..
عبدالله: ناصر شفيك ؟؟
ناصر قام عنهم
فواز راح له بسرعه: وين رايح؟
ناصر مشى: كيفي
فواز التفت على عبدالله: تعال شوفه !!
ناصر التفت عليهم: خلوني بروحي .. ماعليكم انتوا
عبدالله: ناصر شفيك ؟؟ شصاير ؟؟
فواز: مدري شجااه !!
ناصر تنهد: فيني حره
فواز: لا اله الا الله .. وكذا تطقها ؟
عبدالله مستغرب: طق من ؟
ناصر التفت عليه: كيفي كيفي .. ان شاءالله اذبحها الحين .. كيفي
عبدالله: لا مب كيفك .. وهذي اللي اخوها موصييك عليها .. وابوها بعد .. تقوم تطقها ؟؟؟؟
ناصر رن تلفونه .. كان فيصل .. من جاف رقمه تدوده .. افف الحين شاقوله ذي بعد ؟؟
عبدالله: رد شفيك ؟؟
ناصر: الو ؟
فيصل: هلا هلا والله بالنسيب
ناصر متضايق ومعصب .. من غير نفس: هلا
فيصل مستغرب .. بس ماقال شي : شلونك ؟
ناصر من غير نفس: اوكي ..
فيصل مستغرب: وشخبار البنات ؟؟
ناصر متوهق: اوكي تمام
فيصل: اكيد ؟ كل شي تمام ؟
ناصر: اي اي افا عليك
فيصل: عيزت اتصل في ريم .. ماترد علي
ناصر متوهق .. ماله الا يجذب: انا من شوي طلعت من عندهم .. مادري ..
فيصل: انزين روح جوفها اذا ماعليك امر .. اتصل لها ولا شي .. عيزت اتصل .. امي ميته تبي تكلمها ..
ناصر يبي يصرفه بسرعه: ان شاءالله
فيصل: لحظه ناصر ابوي بيكلمك
ناصر متوهق في خاطره " حزتهم " ..
بو فيصل: الووووو السلام عليكم
ناصر متوهق: هلا هلا عليكم السلام والرحمة
بوفيصل: شلونك يبه ؟
ناصر: الله يسلمك انتوا شلونكم؟
بوفيصل: والله نسأل عنكم .. شخبارها بنيتي ؟
ناصر متوهق: الحمدلله ماعليها
بوفيصل: زين يبوك طمنا عليها .. عيزنا نتصل
ناصر: لا لا مافيها شي لتحاتي
بوفيصل: ماتقصر والله .. يالله مع السلامه
ناصر: الله يسلمك
بسرعه ناصر صك تلفونه: مااااافيني شدتهم كلش ..
عبدالله: انت شمسوي بالضبط ؟؟
ناصر معصب .. : افففففففففف بس عاد .. انا بروح وانتوا كيفكم
فواز يحاجي ناصر: قم معنا
عبدالله: يالله يالله


ريم مابقى فيها شي .. كل السوائل اللي في جسمها رجعتها .. تحس صادها مثل الجفاف .. حتى دوا ماتقدر تاخذ ..
مرت ساعة الا ربع .. وهمه ينطرون نايف اييهم .. من وصل نايف حمد طق عليهم الباب عشان ينزلون
اسماء بسرعه راحت حق ريم: يالله قومي
ريم مب عاجبتها السالفه: مابي مابي انا مافيني شي
اسماء: قومي لتموتين علينا بسرعه
ريم : مااااااااابي اصلا انا مافيني شي جوفيني
اسماء: قومي جوفي ويهج .. والله تخرعين
ريم معصبه: مااااابي اروح روحوا انتوا
اسماء: يالبقمه انتي المريضه مب احنا .. قومي
ريم: انا مافيني شي .. مب رايحه مكان
اسماء سحبتها: بتقومين غصبا عليج
ريم مافيها شدة تتحرك .. يودها اسماء .. ونزلوا تحت .. حمد كان واقف ينطرهم ..
حمد: يالله بسرعه دشوا ..
ريم وقفت ماتبي تدش ..
اسماء دزتها: دشيييي بسرعه ...
دشوا السياره ومشوا .. حزتها توه ناصر يايي .. جافهم فلسيااره .. عصب .. في خاطره " ايي طالعه وياه بعد .. اراويج يالخاينه .. ماكون ناصر اذا ماذبحتج اليوم " ..

ريم فلسياره قاطه راسها على اسماء: بسألج
اسماء: سألي
ريم: تلفوني
اسماء: شفيه؟
ريم: وينه ؟
اسماء: انا شدراني !! ماجفته
حمد التفت عليها .. خايف: شيعورج ريم ؟
ريم ماتبي تكلمه .. بدون ماتطالعه وقطت راسها : ولا شي
حمد سكت عنها ..
وصلوا المستشفى .. ودوها صوب الطواارئ ..
عقب مافحصها الدكتور وجاف شتبي .. قال لهم لازم ترقد فلمستشفى 6 ساعات جذي .. عشان يحطون لها السيلان .. جسمها وايد ناقص سوائل ..
حطولها السيلان .. ورقدت من التعب ..
اسماء طلعت حق نايف وحمد . .
حمد بسرعه: هاا شصار؟
اسماء: لا بس بيخلونها الحين علسيلان جم ساعه ..
حمد: شخبارها الحين؟
اسماء: رقدت فقيرة .. انزين انتوا روحوا الحين مالكم سالفه .. ولي بيطلعونها اتصلت لك ..
حمد: لا عادي بنتم
اسماء: اتمون شتسوون ؟ روحوا روحوا ..
نايف: خنروح وعقب نرجع لهم
حمد: بروحهم اتمون؟
اسماء: وي شفيك عادي .. روحوا مشكورين ماقصرتوا
حمد: عندج رقمي لا؟
اسماء: اي عندي
حمد: خلاص اتصليلي ..
اسماء: اكيد ان شاءالله ..
حمد: يالله بااي
نايف: باااي
اسماء: بيباي ..
حمد راح ويا نايف ..
نايف يخزه: شهالاهتمام اللي نزل عليك من السما؟
حمد يطالعها: لو اي احد مكاني بيسوي هالشي .. ماجفتها شلون تعبانه ؟ تبينه نهدها ؟؟
نايف: لا بس ماجفت ويهك انت
حمد: خل ويهي على صوب .. هالشي اهو المفروض اللي يصير ..
نايف: زين شسالفة ولد عمها الحين؟
حمد: مادري !!
نايف: أقصد ليش طقها ؟
حمد: بالضبط مادري
نايف: تهقى لانها كانت ويانا ؟
حمد: ماكانت تسوي شي غلط .. انترفيو .. وبعدين خل يولي ذي مايستاهلها ..
نايف يخزه: عيل انت اللي تستاهلها ؟
حمد ابتسم: اكيد
نايف: انت شناوي عليه بالضبط ؟؟
حمد: ولا شي ولا شي ..
نايف: حمد اذا كان في بالك شي ثاني .. فـ يوز احسن لك
حمد: لا ثاني ولا ثالث .. مافي بالي شي اصلا .. وبعدين خل هالسالفه عنك ..
نايف: اوكي يصير خير ..

اسماء قاعده يم ريم .. تقرا المجله ..
ريم قحصت: اسوم ؟
اسماء التفت لها: هلاهلا
ريم: ابي ارجع
اسماء: نطري خل يكملون شغلهم اهني .. وبعدين بنرجع
ريم: ابي تلفوني
اسماء طلعت تلفونها من مخباها: هااج تلفوني
يتبع

 

[اسيرة احزاني]

وااااااااااااااي على هالنااااااااااااصر مايتفااااااااااااهم
يعطيج العافية على هالبااارت المشوق
وبانتظاااااااااار التكملة

 

[احترت اعبر]

الله يعافيج حبيبتي وان شالله اليوم اكمل البارتات

 

[احترت اعبر]

ريم[B]: لا ابي تلفوني
اسماء تجوف تلفونها: يمه يمه !! فيصل متصل لي ثلاث مراات ؟
ريم فز قلبها: فيصل !! اتصلي فيه بليز
اسماء: الحين؟
ريم: اي اي معليه اتصلي اتصلي
اسماء: لحظه ..
ريم تنطرها تعطيها التلفون .. اسماء من رن عطتها اياه
ريم: الوو
فيصل كان راقد .. بس قحص لان التلفون كان يم راسه ورن .. : الو
ريم دمعت عينها: فيييييييصل
فيصل فز من الفراش: ريمووو وينج ؟!
ريم مب عارفه شتقول: ها ؟ ويني ؟ ليش؟
فيصل: عيزنا نتصل بج .. ورا ماتردين ؟؟
ريم مب عارفه شتقول: يمكن نسيته
فيصل مستغرب: وين يعني؟
ريم غيرت السالفه: انتوا شلونكم؟
فيصل: ريم .. صوتج متغير .. فيج شي؟
ريم متوهقه: لااا ابد مافيني شي ..
فيصل: اكييد؟؟
ريم: اي اي اكيد مافيني شي انت شلونك ؟
فيصل: خلي تلفونج كله عندج .. امي تحاتيج
ريم: وينهي بكلمها
فيصل: راقدين كلهم الحين .. اخليها تتصل لج باجر بس خليه عندج ها
ريم: اي اي اكيد
فيصل: شفيه ناصر؟
ريم استغربت: هاااا؟ ناصر ؟ شفيه ؟
فيصل: انا اسألج ..
ريم: مافيه شي .. ليش ؟
فيصل: اسألج ..
ريم: مافي مافي شي
فيصل: اكيد ؟؟
ريم: اي اي اكيد
فيصل: زين عيل سلمي على اسومتي
ريم ابتسمت: الله يسلمك
فيصل: يالله مع السلامه
ريم: الله يسلمك .. (عطت اسماء التلفون) تصدقين ؟ يسألني شفيه ناصر ؟؟
اسماء مستغربه: تهقين نصور قال له شي ؟؟
ريم: شبيقول له يعني ؟
اسماء: انا بروحي ماعرف شسالفه
ريم متضايقه: مافي سالفه ولا شي .. ناصر الله يهداه .. الله يسامحه بس ..
اسماء: اي ليش طقج ؟؟
ريم متضايقه: والله مادري ليش بالضبط .. بس انا كنت بسوي الانترفيو ويا نايف وحمد كان قاعد
اسماء: لحظه لحظه .. شوي شوي عشان استوعب .. كنتي تسوين الانترفيو ويا من ؟
ريم: نايف
اسماء: وشدخل حمد فلسالفه؟
ريم: يه وقعد ويانه شدراني
اسماء: وشدخل نصور فلسالفه؟
ريم: مادري .. (دمعت عينها) يه .. ووقفت له .. وعطاني طراق .. مابنساه
اسماء محتره: مالت عليه .. وشلا يطقج يعني ؟؟ لان كنتي قاعده وياهم ؟؟
ريم: انزين انا ماكنت قاعده العب .. هالشي لازم اسويه
اسماء: انزين انزين نطري .. من صجه ذي ؟؟؟؟؟
ريم مشت دموعها: شدراني
اسماء: وماكفاه الكف يرد يطقج بعد ؟؟
ريم: لحقني .. لي الشقه .. وطقني .. اسوم امانه ماتقولين حق احد بليز طلبتج
اسماء تخزه: بقول حق من يعني ؟
ريم: مادري .. فيصل نجود .. اي احد
اسماء: وليش ماتبينهم يعرفون ؟
ريم: لا لا مابي مشاكل وسوالف .. انا اعرف احل مشكلتي بروحي
اسماء: ماله حق يمد يده عليج .. والله لو انا تعرفين شسويت فيه ؟
ريم: ماتوقعت ناصر بيمد يده علي .. تعرفين ..اهوه يصارخ .. يعصب .. وايد .. بس ماتوصل لطق .. وجانزين انا مسويه شي بعد عشان اعذره
اسماء: لتقولين لي يزعم يغار
ريم: يغار ولا يشك ؟؟
اسماء: شيشك فيه بعد ؟؟
ريم: مادري اسوم دار راسي .. ذبحني طق .. مايسوى علي هالانترفيو
اسماء: ماعليج ..
ريم متكدره: زعلانه عليه من قلب ..
اسماء: ماتستاهلين والله بس خليه .. لتحاجينه .. خل يعرف قدرج
ريم: من صجج احاجيه عقب اللي سواه ؟؟
اسماء: خل يولي مالت عليه وعلى امه
ريم مستغربه: شدخل امه الحين؟
اسماء: شدراني مالت عليهم كلهم
ريم: يه ؟
اسماء: يالله كلها جم ساعه ونرجع البيت ..
ريم: كلها جم يوم ونرجع البحرين وانتي الصاجه .. حدي ابي ارجع .. كلش مابي اجوفه .. تعبت اسوم مساعه حسيت روحي بتطلع واهوه يرفس فيني ولا همه شي
اسماء: يعللللللللله الكسر والدمااار اللي يدمره
ريم: لاتدعين عليه .. خليه .. الله كريم
اسماء: بدعي عليه .. خراطه يطقج خراطه ؟؟ ماخبر اخوج ولا ابوج مدوا يدهم عليج
ريم: آيه عليهم حدي ابي ارجع
اسماء: ريمو ويهج خااق ..
ريم: مب حلو ؟
اسماء: لــه .. ولا طقته الحلاه
ريم ابتسمت: ماحاجيه ..
اسماء: مب لي ياج قالج آسف ركضتي وراه وقلتيله احبك وهالخرابيط ؟؟ حبيبتي .. اذا سامحتيه بسهوله .. بيلعب عليج .. وبيتمادى
ريم: حتى لو تأسف .. مابحاجيه
اسماء: حجييي .. اعرفج انا .. ضعيفه في هالمواقف
ريم: لا اسوم .. صبري علي بس
اسماء: اشك بتسوين شي ..
ريم التفتت: الله كريم ..

ناصر حده معصب .. كان عند فواز .. وكل ساعه طلع يبي يجيك جان ياو ولا للحين ..
فواز وعبدالله مب عارفين شسوون له ..
فواز: ناصر وشرايك تنام ؟
ناصر مستغرب: شلا يعني ؟
فواز: لا بس احسك تعباان ومتوتر .. يبيلك ترتاح..
ناصر يتطنز: شكرا
عبدالله يبي يغير السالفه: امشوا نطلع
ناصر: لا لا مابي
فواز: اي فكره .. نروح المول
عبدالله: اي يالله
فواز: مشينا
ناصر: ييييييه لازم يعني ؟ يلسوا يلسوا
فواز: لا كلنا بنروح وانت بالذات تجي معنا
عبدالله: عيل بتم بروحك يعني؟
ناصر: اففففف ..يالله ..
طلعو من الشقه .. ناصر رفس باب شقة ريم بقوه
عبدالله: انا لله
نزلوا كلهم .. تموا يتمشون .. راحوا المول .. ناصر مزاجه زفت .. مايتحاجه كلش ..
مافي شي في باله غير انه يبي يطق وبس .. محتر .. مب عارف شيسوي ..
طول الوقت ساكت ..

ظلمت الدنيا ..
ريم كانت ويا اسماء اللي تسولف ولا سكتت .. ياهم الدكتور وقال بيعطيهم الأدويه وعادي تطلع .. بس لازم تهتم في صحتها .. اسماء كانت تبي تتصل في حمد بس مفتشله .. ماتبي تحاجيه وتقوله تعال .. اهوه بروحه اتصل عقب ماصارت ست ساعات ..
اسماء: الو
حمد: هلاا هلا .. كملتوا
اسماء : تونا
حمد: كانه فلطريج .. عطينا عشر دقايق ربع ساعه جذي وحنا عندكم
اسماء: اوكي
ريم التفت عليها: لازم حمد ايي ؟ خنروح بروحنا ! مافي تكسي شي ؟
اسماء: قالي فلطريج .. شدراني
ريم: افف بروحه احسه السبه
اسماء: ماغير نصور السبه في كل شي مالت عليه وعلى امه
ريم: ردينه ؟؟ شدخل امه مسكينه ؟؟
اسماء: عاد من قالها .. كيفها
تمو ينطرون حمد .. بسرعه ياهم .. اتصل حق اسماء قال لها تطلع له .. ريم خذت أدويتها وطلعت وياها ..
حمد كان واقف يم السياره .. ينطرهم .. ضعييف حده معصقل .. التي شيرت تخب عليه ..
نايف كان فلسياره ينطر ..
اسماء كانت ميوده رييم وتمشي صوب السياره
ريم ويهه حده خااق .. تعبااانه .. صاير اصفر ..
راحت صوب السياره ..
حمد: ماعليج شر
ريم ابتسمت له .. : الشر ماييك
ركبت السياره .. صك الباب وراها وركب جدام وصك الباب .. التفت عليها : اشوى الحين؟
ريم: الحمدلله
حمد: زين تأخر الوقت .. وانتي ماكلتي شي .. تبون نروح مكان ناكل او اوديكم الشقة واييب لكم عشا ؟؟
ريم: لا لا لا مانبي .. شكرا .. بنتدبر
حمد: لا لا شتدبرون وانا هني .. من صجي قولوا شتبون
ريم: لا اصلا انا ماشتهي اكل
اسماء: شقاللج الدكتور ؟
ريم: قالي شربي سوائل وايد
اسماء: وماتاكلين شي ؟
ريم: اهم شي السوائل ... اذا كلت شي مب مشتهيته برجعه ..
حمد: شتشتهين انزين؟
ريم: ولا شي
حمد يحاجي اسماء: وانتي؟
اسماء: لا عادي انا بتدبر
حمد: لا مايصير .. مايصير .. تبون بوديكم علأقل السوبر ماركت
اسماء: وي الا يمنا بنزل عقب انا بجوف
حمد: بروحج لا
نايف : انا عندي اقتراح
حمد: قوول
نايف: نوديهم الشقة .. ونروح ان ن اوت نشتري لهم ونوديلهم
ريم من قال اسم المطعم تذكرت اول مايات امريكا .. يوم ناصر يروح يشتري لهم الأكل .. ويلبسها القلب .. طلت على القلب .. عورها قلبها .. ليش سويت فيني جذي !! ليش ؟؟!!
حمد التفت على اسماء: تمام ؟
اسماء: ويي مايحتاي حمد احنا نتدبر ..
حمد: انا لله ..
نايف: خلاص اليوم بنييب لكم
ريم: انا مابي شي ترى
حمد التفت عليها: بييب لج عصير شي من السوبر ماركت .. شتحبين ؟
اسماء تتحلطم: مابغيت الا ريم تشرب عصير بارز
حمد: لا والله عصيرهم غير .. مب نفس اللي عندنا
ريم: مشكور ماتقصر ..
حمد: لا عاد لازم اييب لج شي تشربينه
اسماء: عقب انا بروح
حمد: نص الليل بتروحين بروحج ؟ لو ففريجكم ماخلووج .. الا تبين اهني ؟؟
اسماء: انزين باجر الصبح موومشكله
حمد: لا لازم تشرب اليوم شي .. شودج ؟؟
اسماء: مايحتاي
حمد: والله بييب لها شي .. كيفكم عاد حلفت
اسماء: سفن اب اذا ماعليك امر
حمد ابتسم .. ريم التفت على اسماء: ويييي اسوم ؟؟ فشيله
حمد سمعها والتفت: انا حلفت .. تبين اييب لج شي ماتشربينه ؟؟ يالله خلاص غيروا السالفه (التفت على اسماء) دبل ؟؟
اسماء: لا مابي مابي شكرا
حمد: والله باييب لج
اسماء: احلف بس ؟؟ كل دقيقه بتحلف ؟ صوم صوم شعلي منك ؟؟ استغفر لي عقب باجر
حمد بقق عينه: بييب لج مالي شغل .. ماتغديتي انتي .. معقوله مايعتي ؟
اسماء ابتسمت: مادري
حمد: حلفت ؟ لتدلعين ... دبل ؟
اسماء: لا لا العادي .. بس بلين وذ جيز لو سمحت
حمد: شنو ذي بعد ؟ (التفت على نايف) ابيعونه هناك ؟
اسماء: وييي لا قصدي يعني بدون شي
حمد مب فاهم: يعني شنو بدون شي ؟؟ روتي خالي ؟؟
اسماء: وييييي شفيك ؟؟
نايف التفت عليه: يعني بدون سلطه وخضره وكجب وسووس وهالسوالف
حمد: عيدي شقلتي ؟
اسماء: بلين وذ جيز
حمد: يعني بس جبن ؟
اسماء: اي
حمد: سالفه بعد.. ليش ماتشيلينه بروحج ؟
اسماء: لاا اشيله واقطه حرام .. يستفيدون فيه حق غيري
حمد ابتسم: ماشالله عليج .. (التفت على ريم) اذا مافيج شده تيين باجر الجامعه ارتاحي انا بكلمهم
ريم: بجوف لي باجر معليه
ناصر تحت يم شقة ريم .. قاعد عالدجه .. حاط يده على راسه ومنزله ..يفكر باللي صار اليوم ..
تستاهل اطقها ؟؟ تستاهل كل ذي مني ؟؟ ايي تستاهل .. طالعه وياه ولي هالحزه بعد .. شتبيني اسوي ؟ تبيني اذبحها ؟؟ بذبحها ماعندي مشكله .. شسوي فيها ؟؟ اهيا ليش تسوي فيني جذي .. محد بيرضاها .. حرام عليها .. انا ماستاهل اهيا تسوي فيني جذي .. شفيني انا ؟؟ ليش تروح تضحك ويااه وتطلع وياه ولا معبرتني ؟؟ ليش ؟؟ انا شسويت فيها ؟؟ يزاتي اني احبها ؟؟ والله احبها .. بس مابرضاها تخونني جدام عيني .. تخوني اهيا ؟؟ شيسمونه ذي ؟؟ طالعه وياه ؟؟ انا مب رايح الا لين اصفي لحساب وياها ..

شوي الا السياره يايه .. نزل حمد بسرعه وبطل لها الباب : حياج
ريم ابتسمت .. نزلت .. وفي يدها جيسة الأدويه .. ونزلت وراها اسماء ..
ناصر من يات وقف .. بس ماتحجى يبي يجوفهم شبيسوون ..
حمد يحاجي اسماء: عطونه جذي ربع ساعه .. ثلث ساعه بالكثير .. وانا عندكم
ريم التفت عليه: مشكور والله تعبناك ويانه
حمد ابستم: افا عليج بس .. حاضرين
اسماء: يالله بااي
حمد: باي

ناصر كان طول الوقت واقف يسمعهم .. بس ظلام .. ومالاحظوه ..
ركبوا .. ركب وراهم .. بلعدال عشان مايحسوون ..
ريم: فشيله اسوم ..
اسماء مب فاهمه: شنو ؟
ريم: يعني .. حمد .. ماقصر
اسماء: ايي مب ذاك اللي طايره فيه ..
ريم: بس عاد اسوم ..
اسماء بطلت باب الشقة ..
دشت .. دشت وراها ريم .. توها بتصك الباب الا ناصر في ويهه
ناصر يود الباب عشان ماينصك وتم واقف
وريم خايفه مب عارفه شتسوي .. ببراءة وخوف: لتطقني .. عاد لتطقني .. بليز لتطقني بليز (دمعت عينها)
ناصر واقف يطالعها .. يبي يقول شي مب عارف .. كسرت خاطره وهي تترجااه ان مايطقها ..
اسماء يوم سمعتها تتحجى بسرعه راحت صوب الباب .. جافته واقف عصبت: انت هي شتبي ؟؟ ماكفاك اللي سويته ؟ لك عين تيي ؟
ناصر ولابماعطها ويه .. قاعد يطالع ريم .. شلون شكلها تعبااان .. وساكت مايقول شي ..
ريم تمت تطالعه .. تتذكر يوم يطقها ..
ناصر بسرعه يود يدها بقوه .. وهي تسحبها .. وهو ميودها وومهوس عليها ..
اسماء: ناااااااصر هدها !! ( سحبت ريم ) هدها اقوللك
ريم عورتها: آآآآآآي يدي
ناصر لاحظ اللزقة في يدها .. بعصبيه: وين كنتي ؟
ريم: هد يدي عاااااااد
ناصر: اول شي قوليلي وين كنتي
اسماء معصبه: وانت شعليك ؟ رايحين الديسكو ولا البار .. شيخصك ؟؟
ناصر معصب: قوليلي وين كنتي !!
ريم تسحب يدها: هدني عاااااااد
اسماء تتطنز: يعني حضرتك عقب اللي سويته فيها .. وين تتوقع نروح ؟؟
ريم التفت عليها: مايحتاي تقولين له .. (بقوة سحبت يدها منه وراحت عنه)
ناصر يبي يدش اسماء ماخلته: وين وين ؟؟ اقصر الشر وروح ..
ناصر: مب رايح .. قبل لا اعرف وين كنتوا
اسماء: انت شفيك ؟؟ ماتفهم ؟؟ اتحجى هندي انا ؟؟ اوو نسيت انت دارس اهني ماتفهم علينا .. لازم ارطن عليك عشان تفهم
ناصر يتطنز: هي هي هي تعالي دلدقيني اهني .. وين كنتوا؟
اسماء: اقول فارج ومانبي نجوف ويهك مره ثانيه .. شفيك يدك تحكك ؟؟ تبي تطق ؟؟ تبي ترفس ؟؟ روح روح
ناصر معصب: صج انج
اسماء قاطعته ورفعت يدها: لاتكمل .. (صكت الباب في ويهه)
ناصر يطق الباب معصب: هييييييييي .. (يطقه بالقوه) هيييي
اسماء راحت حق ريم .. كانت في غرفتها ..
اسماء معصبه: شيبي ذي ؟
ريم: تركيه عنج .. ولتبطلين له الباب مافيني شدة انطق .. للحين جسمي متعور ..
اسماء: مااااااااااالت عليه وعلى امه
ريم: انا لله !! قلنالج امه مالها شغل ؟؟ يه ؟؟
اسماء: نطري لترقدين حمد الحين بيي ..
ريم خافت: اوهو ..
اسماء: شفيج بعد ؟
ريم: الحين ناصر بيجوف حمد و
اسماء تقاطعها: يولون زين خل يتذابحون لي باجر قلعتهم احنا شعلينه ؟
ريم: لا لا اسوم مافيني شده
اسماء: ناويه تشاركين انتي وياهم؟
ريم: لا اسوم ان شاءالله مايصير شي ..
اسماء قامت : خل اجوفه راح ولا للحين ..
ريم: ماعليج منه
اسماء راحت عنها .. بطلت الباب .. الا محد .. بسرعه صكته .. ورد طق الباب .. عبالها حمد .. بطلت الباب الا ناصر
اسماء: اوهوووووووو شتبي انت ؟
حمد توه راكب فوق .. وشايل الأكل والأجياس ..
اسماء التفتت عليه .. تبي تحر ناصر: مااااااااقصرت والله
ناصر التفت الا يجوف حمد: كملللللللت .. يايب لهم الأكل بعد .. يزعم مول .. بعدين تعال بقوللك .. انت عبالك من ؟؟
حمد يخزه .. ماعطاه ويه ..
اسماء: وخر خل آخذ عشااي وخر ..
حمد راح لها .. : سمي ..
اسماء: انطر بييب لك البيزات ..
حمد: والله ماتيبين
اسماء: وبعدين وياك انت كله تحلف ؟؟
حمد: كيفج عاد .. هاج هذي حق ريم .. خليها تشربه .. الدكتور موصيها .. وقوليلها ماعليها شر ..
اسماء خذتهم: الشر ماييك ..
حمد: واذا تبون اي شي بس اتصلولي .. يالله تصبحون على خير ..
اسماء: وانت من هله
ناصر كان طول الوقت متجتف ويسمعهم .. راح حمد بسرعه .. ناصر لو وده يكفخه بس ذكر ربه .. لان ان جاسه مابيهده حي .. " مجرم "
التفت على اسماء: نطري
اسماء: وليييييي .. شتبي انت ؟
ناصر دز الباب ودش داخل: ويييينهي ؟
اسماء معصبه: هي هي انت وين داش ؟؟ اطلع اطلع بسرعه لتفضحنا
ناصر التفت عليها: اشش .. سكتي مابي اسمع حسج .. (يدور) ريييييييم !!
ريم خافت من سمعت صوته .. اووهوو .. شيبي الحين .. بسرعه لبست شيلتها .. يمكن يدش عليها شي .. بطل الباب عليها بالقوه واسماء معصبه: هييييييييييي .. وين قاعدين ؟؟
ريم كانت قاعده عالسرير .. من جافته خافت .. تهز راسها: لتطقني بلييز لتطقني ..
ناصر راح يمها : اششش .. سكتي
ريم خافت .. سكتت .. وقلبها يدق يدق يدق .. شيبي يسوي ذي الحين داش غرفتي ..
ناصر قعد يمها وهي قامت .. ناصر معصب: خلج قاعده
ريم خايفه .. قعدت بس بعيد شوي .. اسماء واقفه عند الباب: هي انت .. قوم يالله قوم .. اطلع برا .. مصختها ها ..
ناصر التفت عليها : قلت لج مابي اسمع حسج .. من فضلج سكتي .. (قام لها ) تعالي بقوللج شي ..
اسماء صدقت .. راحت وياه .. بسرعه رجع وصك الباب وخلاها برا ..
ريم خافت: ناصر شناوي عليه ؟؟
اسماء طقت عليهم الباب : هيييييي .. بطلوا الباب
ناصر حاقرها
اسماء: اوهوووو قلعتكم .. خل اروح آآكل احسن لي
راحت تاكل ..
ناصر تم واقف .. مب عارف شيسوي .. بهدوء: ريم ؟
ريم خايفه: هلا
ناصر يصارخ: وين كنتي ؟؟؟؟
ريم خايفه: والله العظيم كنت
ناصر يقاطعها: جب .. جب مابي اسمع حسج .. (يصارخ) جـــــــــب
ريم دمعت عينها .. وتمت تطالعه وهوه يصارخ .. ماتدري شتسوي ..
ناصر راح يمها : وين كنتي ؟
ريم مب عارفه .. تخاف تتحجى يسكتها . .تخاف ماتتحجى يعصب .. ببراءة: اقول ؟
ناصر معصب: عيل شلا انا سائلج ؟؟ اتحجى هندي انا ؟؟
ريم ببراءة: فلمستشفى ..
ناصر بهدوء: خير ؟؟ شفيج ؟
ريم مستغربه: هاا ؟؟ لا مافيني شي
ناصر يخزها: عيل شلا رايحه ؟؟
ريم ابتسمت: شوي كنت تعبانه
ناصر: ومن ظهر لي الحين .. شوي تعبانه ؟؟ (يصارخ) بتقولين الصج ولا لا ؟؟؟؟؟؟؟
ريم دمعت عينها .. وقعدت تصيح: والله العظيم كنت فلمسشفى .. (طلعت له الأدويه) حتى جوف (راوته اللزقه) جووف
ناصر سكت .. ماعرف شيقول .. عوره قلبه .. مسكينه كانت فلمستشفى .. وهوه شاك فيها .. ريم قعدت تصيح تصيح .. وهوه ساكت يطالعها .. مب عارف شيقول .. واهيا مستغربه .. شفيه الحين شقلبه علي ؟؟
ناصر بهدوء: شبينج وبين حمد ؟
ريم بققت عينها: انا ؟؟؟؟؟؟؟؟؟ والله العظيم مابينه وبينه شي ناصر شهالحجيييي ؟؟ انت واعي للي تقوله ؟؟ حرام عليك
ناصر بهدوء: شبينج وبين حمد .. سؤالي واضح .. جاوبيني
ريم وقفت: ناصر !! انت من صجك تسألني هالسؤال ؟؟ روح سأله جان مب مصدقني !! والله مابيني وبينه شي حرام عليك .. حلفت .. ومافي اعظم من الله احلف به
ناصر بهدوء: شمعناته .. سوالفج وضحكج فلجامعه وياه .. (رفع صوته) شمعناااااااته ؟؟ رايحه وياه المستشفى ؟؟
ريم مستغربه .. مب مصدقه ان اللي يحاجيها هذهوه ناصر ..وهي تصييح :ممكن تخليني اتحجى ؟
ناصر : قعدي ..
ريم قعدت .. وهي تصيح .. تطالع الأرض .. : اولن .. مساعه فلجامعه
ناصر يقاطعها .. رفع يده: عن الجذب .. مابي اسمع شي .. (وقف) انا بامشي .. (التفت عليها) وللحين ماجفتي شي ..
ريم خايفه .. طلع عنها .. وهي قعدت تصيح تصيح .. دشت عليها اسماء ميوده الفرايس تاكل: شيبي ذي ؟؟
ريم تصيح: بموووت ماستحمل .. من صجه ؟ (تطالعها) ذي ناصر ؟؟ ماصدق !!
ناصر نزل .. يدري انه غلطان .. والمفروض مايطقها .. قبل مايتأكد .. بس ماقدر ايود روحه .. وماعرف شلون يبرر موقفه .. وقعد يصارخ زود .. ماعرف شيسوي .. ووين يروح .. راح شقته .. وانسدح .. متضاااااااااايق والدنيا سوده بعينه .. مب عارف شيسوي .. وليش اهوه تصرف هالتصرف .. مسكينه فلمستشفى ؟؟ واهوه السبه ؟؟ ويعصب عليها بعد ؟؟ شذنبها ؟؟
يحس فيه غصه .. ضيقه .. كدر .. هم .. الحين شلون يبرر لها الموقف .. شيبرر وشيخلي ؟؟ طقها ؟؟ عطاها كف جدامهم ؟؟ رفسها ؟؟ صارخ عليها ؟؟ شبقى غير انه يذبحها ؟؟ والحين اللي موصينه عليهم .. عمه .. وولد عمه .. يحاتونها .. وموصينه عليهم .. جذي ؟؟ كفو احد يوصيه ؟؟ .. ماله داعي اللي سواه .. وماله عذر .. يغار ؟؟ اوكي غار .. كل الناس تغار .. لكن توصل لي الطق ؟؟ محد بيرضاها !! وهذي وللحين ماصار شي رسمي .. ويطقها ؟؟؟ لا اله الا الله .. ان شاءالله خير .. ان شاءالله خير ..
ريم تعبت من لصياح .. يابت لها اسوم السفن اب .. شربته .. وعقب كلت دواها ..
اسماء: بس عاد ترى مايستاهل كل اللي تسوينه
ريم: قلبي يعورني ..
اسماء: اسم الله عليج وعلى قلبج
ريم: صج مب مصدقه .. احس .. ابي ارجع يومين ورا .. ولا اجوف اللي جفته
اسماء: جانزين على كيفنه .. جان انا بروح اسبوعين جدام وباخذ فصوول بسرعه
ريم ابتسمت: كلن يغني على ليلاه
اسماء: ويه ويه ويه مابغت تبتسم !! ماصدق
ريم: ابي ارجع البحرين .. ماستحمل .. جانزين ماييت .. ولا اجوف اللي جفته منه ..
اسماء: يالله عاد انتي العاقله تقولين هالحجي ؟
ريم: خلي العقل .. مابيه .. قلبي .. انكسر
اسماء تتطنز: مرقدوش ينفع ؟
ريم ابتسمت: كلش لا ..
اسماء: سوبر قلو انزين
ريم: لا حبيبتي .. ماينفع شي ..
اسماء: زين شرايج تخمدين ؟؟
ريم: وين بقدر ارقد ؟؟ تعالي .. تلفوني وينه ؟؟
اسماء: جفته طايح يم المطبخ .. حطيته علطاوله
ريم قامت: خل اروح اييبه ..
اسماء انسدحت .. وتلحفت ..
ريم يابت تلفونها .. وجافت مسكولات اهلها شكثر .. فيصل .. وامها .. وابوها .. ونجود !! .. : واي قلبي
اسماء: شصاير؟
ريم متضايقه: أبي اكلمهم .. مايصير عاد الحين راقدين . .
اسماء: معليه لي قمتي الصبح ..
ريم: شيرقدني
اسماء: انزين انتي كلمتي فصول مساعه
ريم: ابي اكلمهم كلهم .. وااي قلبي احس ابيهم حدي
اسماء: معليه باجر كلميهم .. امشي رقدي بلا حنه
ريم انسدحت: لا اله الا الله .. اليوم كريه
اسماء نست: ليش عاد؟
ريم التفتت عليها: ماصار شي حلو .. ناصر احلى شي عندي .. اليوم كريه حده
اسماء: يالله .. مرده بيحس
ريم ببراءة: انا سويت شي غلط ؟؟
اسماء تفكر: مادري ..
ريم: في أمل يعني سويت شي؟
اسماء: لا حبيبتي ماسويتي شي .. بس اهوه تفكيره مادري شلون
ريم: تصدقين ؟؟ (دمعت عينها) يسألني .. (بلعت ريجها) جان بيني وبين حمد شي ؟
اسماء: ليكون ذاك رايح قايل له شي؟
ريم: تهقين يسويها ؟
اسماء: مادري .. يعني مني والدرب بيي وبيطقج ؟؟ اكيد سامع شي
ريم: زين وسامع .. مايتأكد قبل ؟
اسماء: حبيبتي .. نصور عصبي .. وبسرعه ينفعل ويعصب .. مخه مدجر مايفكر بعقله
ريم: وانا استاهل ؟
اسماء: لاا انتي ماسويتي شي .. بس بقولج .. لتخلينه يتمادى ..
ريم: ماقدر احاجيه .. من اجوف ويهه اتذكر شلون كان يطقني .. وااي انا ليش جذي؟
اسماء تنود .. تثاوبت: عوذ بالله من الشيطان .. انتي بتسولفين وايد ؟؟ انا تعبانه ..
ريم متضايقه: آسفه .. رقدي رقدي (انقلبت الصوب الثاني)
اسماء انقلبت بترقد
وريم قعدت تفكر .. ليش صار جذي .. وشبيصير عقب .. وتمت تدعي ربها الله يسهل ويكتب اللي فيه الخير ..
رقدت من التعب .. والدوا اصلا يرقد ..
نجود .. قامت الصبح على رنة تلفونها : الووو
عايشه: بسج رقااااااد قومي ..
نجود: شتبين انتي ؟؟ ذلفي ابي ارقد
عايشه: قومي قومي .. قومي بسرعه
نجود: شتبيييين ؟
عايشه: الساعه عشر .. لي متى بترقدين حظي ؟
نجود قامت: وانتي شعليج ؟؟ اقول .. يالله باي
عايشه: عندي لج خبر بمليووووووووووووون
نجود: قامت: شنو ؟
عايشه: قومي اول شي غسلي ويهج صحصحي .. عقب بقولج
نجود: قولي يالله
عايشه: مافي .. قومي يالله ..باي
صكته .. قامت نجود بسرعه غسلت .. واتصلت لها : عوشوو يالخايسه .. شتبين ؟
عايشه تتدلع: لحظه .. عدلي اسلوبج معاي قبل .. ترى مابقوللج
نجود تتطنز: اهلا وسهلا بالشيخه عمتي عايشه ..
عايشه استانست: اي جذي .. شزينج وانتي ذربه !!
نجود: يالله عاد !! بتذليني يعني ؟
عايشه: انزين انزين وه .. اصلن ماعندي شي بس كنت بقولج ترى لطفو حاجزه الملعب الصابوني اليوم
نجود : ماااااااالت عليج وعليها .. مقومتني من لرقاد عشان هالسالفه ؟؟ يعلج ان شاءالله .. تعالي ببلعج الصابون الحين
عايشه: يالبقمه زين مني
نجود: خبر بمليون خبر بمليون .. اخرتها صابون مادري شنو ؟
عايشه: والله عجيب ليفوتج
نجود: مادري بسأل امي عقب ...
عايشه: انزين ترى اهوه مب الحين .. من سبع لي تسع .. اوكي ؟
نجود: زين يالحنانه ..
عايشه غيرت صوتها: بايي بيتكم
نجود: ومن عازمج ؟
عايشه: كيفي .. مابييج انتي ..
نجود: لتقولين لي فصوول ؟
عايشه خذت نفس: من غيره ؟
نجود: مالت عليج اكا بيملج تقولين لي فصول ؟ اقول .. ذلفي عن ويهي خل اروح اتريق .. بكلمج عقب
عايشه: وه عليج ماعندج احساس
نجود: صج بسألج .. من بيروح الملعب ؟
عايشه: انا .. انتي .. لطفوو .. مريمو .. بنات خالاتهم .. بس اظن
نجود: متأكده منور محد ؟
عايشه: بوو مسوية لج رعب .. لا ماظن احد قاللها ..
نجود: تدرين اذا طلعت هناك شبسوي فيج ؟
عايشه: وانا شعلي ؟
نجود: بخليج تشربين الصابون اللي هناك كله .. سامعه ؟
عايشه: وي يمه بسم الله انا شلي خص ؟
نجود: كيفج عاد .. يالله باي
عايشه: باي

نجود بسرعه نزلت .. امها كانت تقرا الجريده .. راحت لها من ورا تمسد جتفها
نجود: صباح الخيير يا ويه الخيير
ام فيصل التفتت عيلها: صباح النور
نجود: يمه حبيبتي .. احبج انا
ام فيصل: قولي شتبين
نجود: عارفتلي المذر .. يمه بس شسمه .. (راحت قعدت يمها) اليوم
ام فيصل: اي
نجود: مب باجر يعني اليوم
ام فيصل: شصاير؟
نجود: بيروحون البنات الملعب ..
ام فيصل تطالعها: شملعبه ؟؟ صبيان انتوا؟
نجود: لا يمه حشا علينا .. حدنا لا .. والله بنات من صجي يمه
ام فيصل: شوديكم عيل ؟
نجود: يمه بيني وبينج انا مابي اروح بس البنات عيزوا يتصلون لي .. تعالي وتعالي .. خبرج يعني بنتج مهمه .. والقعده ماتحلى بدونها كلش
ام فيصل: اذا مالج خلق تروحين لتروحين
نجود: لا يمه البنات معورين قلبي .. بعدين كلهم بيهونون ولا حد يبروح .. مب عدله يعني اخرب عليهم كلهم.. ولا شرايج انتي ؟
ام فيصل: ملعب شنو ؟
نجود: ملعب يمه شسمه .. مال الصابون
ام فيصل: اي شيوديكم ؟؟ مب حق بنات !!
نجود: يمه عاد .. وناسه .. حدي خاطري اروح
ام فيصل: الله وكبر عليج توج مالج خلق ؟؟
نجود: انا ؟ لا عاد يمه شسمه .. (سلمت عليها) الله بلخير يمه شلونج ؟
ام فيصل تقرا الجريده: متى بتروحين ؟
نجود: اممممممم .. عقب المغرب
ام فيصل: ومتى بتردين ؟
نجود: عقب لعشا ..
ام فيصل: يعني على الساعه جم ؟؟
نجود: اهوه من سبع لي تسع ..
ام فيصل: زين سألي ابوج
نجود: ابوي يحليله مايقول شي .. بس انتي لتخربين علي وتوشينه
ام فيصل: ول عليج !! انا اوش ابوج ؟
نجود: لا يمه شهالحجي ؟ قصدي .. انتي قولي حق ابوي
ام فيصل: شعاد .. قوليله عقب ..
نجود: انزين .. (قامت ) بروح اتريق
ام فيصل: تعالي يمه .. خنكلم اختج .. ألساعه جم الحين ؟
نجود: الحين عشر وربع .. يعني عندهم 12 وربع فلليل ..
ام فيصل: ويي يمكن راقده حبيبتي ..
نجود: زين يمه لي رجعت من الملعب بنكلمهم ..
ام فيصل: ان شاءالله ..

راحت نجود المطبخ تتريق .. اتصل لها اخوها من الشغل ..
فيصل: الوو
نجود: هاا الفيص
فيصل: هاا النجد
نجود: شخبار؟
فيصل: الحمدلله .. شخبارج انتي ؟
نجود: الحمدلله
فيصل: بقوللج .. انتي وايد تجوفين حلقات .. لا؟
نجود: افا عليك .. آمر
فيصل: يعني اذا الواحد بيخطب .. شيقول ؟
نجود ابتسمت: ياعيني ياعيني .. السالفه كلش مب صعبه .. بتحاجي رشود انت ؟
فيصل: ايي .. شقول له ؟
نجود تقعد قعدتها: أسمع .. روح له .. سلم عليه ..
فيصل: لا اهوه بييني
نجود: غبي انت ؟؟ تخطب اخته وهوه عندنا
فيصل: لا بس بكلمه فلموضوع .. والشي الرسمي عقب انا وابوي بنروح له
نجود: زين اسمع
فيصل: قولي
نجود: قوله .. هلا الرشد شخبار؟؟ كل شي تمام ؟؟ والله ياخي مادري شقولك .. الخنقه عابرتني
فيصل مستغرب: اي خنقة ذي بعد ؟؟
نجود: ويي شدراني شيقولون .. انطر انطر .. من أول ها
فيصل: تحجي يالله
نجود: عندك ورقه وقلم ؟؟ اكتب احسن لان انا الحجي اللي اقوله بعدين انساه لتقولي عيدي ... خبرك يعني
فيصل يقاطعها: يالله عاد
نجود: اكتب ها
فيصل: زين يالله
نجود: قوله .. والله يا راشد .. انا يايك اليوم في طلب .. وكلي أمل انك توافق .. وماتردني
فيصل ابتسم ..
نجود: طبعا اهوه بيرد عليه بيقولك (تغير صوتها) سم ياولد عمي .. آآمر .. والله يقدرني واعطيك اللي تامر به ... اي انت وياي ؟
فيصل: ويااج
نجود: تكتب؟
فيصل: ايي اكتب
نجود: جوف عاد اذا راشد قالك حجي غير صج ماعنده سالفه
فيصل: انزين كملي
نجود: بعدين انت تعطيه ذيج الابتسامه العدله .. وتبلع ريجك ..وترفع عينك .. وتاخذ نفس .. جوف اذا ماسويت اللي قلت لك بيخترب كل شي
فيصل: بسوي بسوي .. كملي
نجود: وبعدين تقول له .. يعني تبين له انك انت تبي تتحجى والحجي مب راضي يطلع .. جود اهوه يحس فيك .. ويقولك (تغير صوتها) خير ياولد عمي .. ؟
فيصل: مب ولد عمي عاد اهوه ذبحتينه
نجود: المهم .. وبعدين انت تقوله .. (تغير صوتها) والله ياولد العم
فيصل يقاطعها: قلنالج راشد .. مب ولد عمي
نجود عصبت : لاتقااااااااااطعني !! ترى يطير الكلام كيفك عاد ..
فيصل: زين يالله كملي كملي
نجود: وين وصلت ؟؟ نسيتني
فيصل: الحين انا شاقوله ؟
نجود: اي قوله (تغير صوتها) والله يا ولد العم مادري شقولك .. بس .. انا اليوم .. ياي .. اطلب .. يد اختك .. على سنة الله ورسوله
فيصل ابتسم: بس ؟؟؟؟؟؟؟؟
نجود: اي عاد اسمعني .. قوله انا صارلي سنتين احاجيها فلتلفون
فيصل عصب: هي انتي هي .. سنتين فعينج .. اقول انا غلطان اللي متصل لج
نجود: افا يالفيص افا .. زين اسمعني خل اخلص
فيصل: بس خلاص هونت مب خاطب ولا شي
نجود: وي شفيك يزعم زعلت ؟
فيصل: بس بس سكتي ..
نجود: افا الفيص افا
فيصل: بس اوكي خلاص مشكوره
نجود: تدري ؟؟ انا المينونه اللي ماعطتك ويه
فيصل: انا المينون اللي ماعطج ويه .. يالله باي
نجود: باي

ريم قامت تصلي الفير .. قومت رفيجتها تصلي ..
اسماء عقب ماكملت صلاة التفت عليها : اشوى ريمو ؟؟
ريم قاعده عالسرير .. ابتسمت: ان شاءالله ..
اسماء قامت انسدحت ..: شفيج قاعده ؟؟ رقدي لا؟
ريم قامت .. خذت تلفونها بتطلع: شوي بس
اسماء: ريم فيج شي ؟
ريم: لا لا رقدي .. (طلعت وصكت الباب ) ..
ماقدرت ترقد .. للحين تتذكر شكل نااصر وهوه يطقها .. وودها لو تعرف السبب بالضبط اللي خلاه يطقها .. مب معقوله مني والدرب بيطقها .. خذت التلفون .. تبي تطرش له مسج .. مب عارفه شتكتب .. ومب عارفه ليش اصلا تبي تطرش المسج
مايهون عليها ترقد وهوه معصب عليها .. خاطرها مكسوور .. قلبها يعورها .. مب عارفه شتسوي ..
مالها خلق تسوي شي .. للحين تحس بآثار الطق .. متضايقه .. متكدره .. تبي تغير جو .. مب عارفه شتسوي ..
تبي يصير الصبح بسرعه .. تسمع صوت امها ..
طلعت البلكوون .. ظلاام .. للحين ماطلعت الشمس .. يابت لها كرسي .. وقعدت .. لا شعوريا اتصلت في ناصر ..
كان توه مصلي وراقد .. وتلفونه مب يمه ..
بسرعه صكته .. " في خاطرها" انا ليش متصلت له ؟؟ شباقول له يعني ؟؟؟ افف شهالحظ ؟؟ لا اله الا الله .. الله يعدي هالايام على خير ..
تمللت قاعده بروحها .. دشت داخل .. بطلت لها التلفزيون .. قعدت تفرر .. جافت الساعه .. صارت خمس .. يعني عندهم ثلاث العصر .. بسرعه خذت التلفون واتصلت حق امها ..
كانوا كلهم قاعدين .. ابوها وامها وختها وخوها .. يشربون جاي .. وياكلون مكسراات وكيك عقب الغدا ..
ام فيصل من جافت الرقم فز قلبها : يمه بنيتي
ريم دمعت عينها: ييييييمه
ام فيصل حست ان في بنتها شي: يمه شفيج ؟
كلهم كانوا يطالعونها ويبون يعرفون شسالفه
ريم ماتبي تقول لها شي .. : ولهانه عليج يمه .. ابيج
ام فيصل دمعت عينها : حبيبتي والله انا اللي ولهانه عليج .. شلونج طمنيني عليج ؟
ريم ماقدرت تيود روحها .. تبي امها .. صاحت: يمه ابيج ..
ام فيصل سمعت بنتها تصيح خافت: يمه انتي بخير ؟ لتصيحين عورتي قلبي
ريم تحاول تيود روحها: لتخافين يمه .. بس ولهانه علييج
ام فيصل: اكيد ؟؟ والله قلبي ناغزني ..
ريم خذت نفس .. مشت دموعها: يمه لتحاتين .. مافيني شي .. بس ولهانه عليكم .. شلونكم
ام فيصل: احنا بخير انتي شلونج ؟
ريم: الحمدلله .. شخبار ابوي ؟
ام فيصل تطالع ريلها: لحظه بيكلمج .. (عطته التلفون) هااك كلمها
بوفيصل: الوو
ريم استانست: يبه شلونك ؟
بوفيصل: الحمدلله طيب انتي شلونج ؟
ريم: طيبه طاب حالك .. شلون كل شي معاك؟
بوفيصل: الحمدلله .. (يطالع الساعه ) مب المفروض انتي راقده هالحزه ؟؟ فيج شي يبه ؟
ريم: لا يبه قمت اصلي .. قلت مره وحده بكلمكم ..
بوفيصل: اي زين تسوين يبوج .. وينج امس عيزنا نتصل ؟؟
ريم مب عارفه شتقول: ايي كنت مضيعه تلفوني
بوفيصل: زين عاد خليه كله وياج احنا نبي نكلمج .. لتخلينه نحاتيج
نجود واقفه على راسه تحن تبيه يعطيها التلفون: يالله عاد مصختها الفذر
بوفيصل عطاها: هاج هاج يالحنانه
نجود بسرعه خذت التلفون: ريييييييمووو
ريم ابتسمت: هلا والله
نجود: اهلن اهلن .. يالله متى بتيين ؟
ريم: لو ودي اليوم ييت .. بس مابقى شي عالكورس .. بجيك الحجز ان شاءالله هاليومين وبقوللج
نجود: اي واللي يعافيج وايد تصير مواقف المفروض انتي تكونين فيها
ريم : مثل شنو ؟
نجود: لا يعني نبيج تصورين
ريم ابتسمت: بس جذي ؟ عبالي صاير شي
نجود: يعني انتي من زينج ولا من زين ويهج ؟؟ شنبي فيج ؟؟
فيصل بسرعه راح يم نجود: بسج
نجود تخزه: روح روح مناك .. الو ريم نطري
ريم: هلا
فيصل واقف على راسها: بسرعه
نجود: افف حنان اخوج .. (تحاجيه) هاك يود
فيصل بسرعه خذاه وراح عنهم المطبخ: الوو
ريم مستانسه :فصووووووول
فيصل يحاتيها: ريم .. قوليلي شفيج
ريم استغربت: ها ؟ شفيني ؟؟ مافيني شي .. ؟
فيصل: مب من عادتج تتصلين هالحزه .. لتخافين قولي .. احاتيج من امس صوتج مب طبيعي .. صاير شي ؟
ريم تبي تسكته: يعني مثل شنو ؟؟ لا فصول لتخاف مافيني شي .. وبعدين الحين تخلي امي تشك وتحاتي
فيصل: محد يمي لتخافين .. قولي شفيج
ريم تحاول تقنعه : مب انت اللي قلت لي امي تحاتيج اتصليلها ؟؟ بس يوم قمت اصلي قلت بكلمها بطمنها .. بس
فيصل: احاول اصدقج .. ماخبرج تجذبين
ريم عورها قلبها: فيصل لتحاتي وانا الصاجه ..
فيصل: اذا في شي قولي
ريم: مافي شي فصوول
فيصل: يعني انتي بخير ؟؟ فيه شي مضايقج ؟؟ في شي يعورج ؟؟ تعبانه ؟؟
ريم: لا لا مافيني شيييي كلش كلش لتحاتي مافيني شي
فيصل: اكيد؟
ريم: اكيد اكيد
فيصل: زين شخبارها حبيبتي ؟
ريم ابتسمت: الحمدلله بخير .. راقده
فيصل: قوميها خل اسمع صوتها
ريم تتطنز: عاد صوتها هالحزه لك عليه شوي ..
فيصل: شعاد
ريم: لا مسكينه خلها راقده .. اذا قامت بخليها تتصللك
فيصل استانس: حلفي ؟
ريم: وي مادري لا .. لي قامت بقول لها عاد اهيا كيفها
فيصل: وحشتني والله
ريم: فديتك .. انت بعد واحشهاا ..
فيصل: صج ؟؟ يعني اهيا قالت لج ؟؟؟
ريم ابتسمت: وي فيصل .. اي اهيا قالت لي
فيصل: زين اشقالت لج بالضبط؟
ريم تتطنز: تقول اخوج الخايس ماحبه اكرهه
فيصل تضايق: أفاااااااا
ريم: اقص عليك .. لا لا تقول .. عاد بالضبط ماذكر !!
فيصل: انزين تقريبا شقالت؟
ريم: بس يعني ان مشتاقة لك ومكانك ابين ..
فيصل استانس: فديتها .. سلمي عليها وايد
ريم: الله يسلمك ويسلمها ..
فيصل: ويسلمج .. وسلمي على ناصر بعد
ريم تغير صوتها: الله يسلمك ..
فيصل: يالله اخليج .. بس طمنينه عليج .. وخلي تلفونج كله عندج
ريم: ان شاءالله من عيوني .. وانت سلم عليهم كلهم بعد
فيصل: الله يسلمج .. يالله مع السلامه
ريم: الله يسلمك ..

فيصل راح لهم ..
ام فيصل قلبها ناغزها: شلا ماحاجيتها جدامنا ؟
فيصل يخزها: يمه ؟؟ كنت بقول لها شي
نجود تحاجي امها: شفيج يمه نسيتي ان القلب وياها ؟؟
ام فيصل تحاجيه: زين فيصل تقدر تودي اختك بعدين الملعب ؟
فيصل عافس ويهه .. يطالع نجود: اي ملعب انتي بعد ؟
نجود متضايقه تطالع امها: يمه انتي لازم يعني ؟ (التفتت على فيصل) اوهو مابيك انت توديني ..(تحاجي امها) جذي زين ؟
ام فيصل مستغربه: شصار الحين؟
فيصل: اي ملعب ؟؟ شوديج انتي ؟؟ بنات يلعبون كره ؟؟ ليكون بتنقلبين علينا بويه ؟؟
نجود تحاجي امها: يمه جوفيه يتطنز علي ..
ام فيصل تحاجي فيصل: لا يمه بتروح الصابونه مادري شسمه ويا البنات
فيصل: حتى لو .. بنات مايروحون هالسوالف .. روحي السوق .. الصالون .. السينما .. معليه .. ملعب ؟؟
نجود: انت وبعدين وياك ؟؟كيفنا احنا خاطرنا نروح
بو فيصل يقرا الجريده ومب ماعطهم ويه ..
فيصل: بتكسرين وبتشدخين علينه .. عبالج مال يهال ؟
نجود: معليه شعاد انا ابي اروح
فيصل: عقب لتصيحين علي تبيني اوديج المستشفى
نجود: وانت اشوله تفاول ؟؟ ماتبي توديني قول مابي وخلاص
فيصل: بوديج .. بس مابقدر اردج ..
نجود تقلده: بيوني الربع
فيصل ابستم: اي بيوني الربع .. عندج مانع ؟
نجود تحاجي امها: شعاد يمه انتي عقب تعالي اخذيني
ام فيصل: ان شاءالله معليه .. بس تحملي في روحج ومب تتفرعنين عليهم هناك ؟
فيصل: اصلن مايمديها تحط ريلها فلملعب الا شدخت
نجود تخزه: انت ليش محتر ؟
فيصل: مب محتر .. اخاف لي طحتي تطيرين البنات كلهم
نجود تخزه: ول ول .. (تحاجي امها ) يمه جوفي ولدج
ام فيصل: بس عاد .. عقلوا ..
نجود تبي تحره: افتن مساعه شكنت تبي مني ؟؟ اقوول ؟
فيصل راح لها يزعم بيفقصها .. حط يده على رقبتها: تدرين ان قلتي شبسوي فيج ؟؟
نجود يزعم اختنقت : بس بس والله مابقول
فيصل هدها : عبالي بعد ..
نجود تتحلطم: سبال
فيصل رد يخزها: شقلتي ؟؟
نجود خافت: وي لا يمه بسم الله اقول اخوي حبيبي انا وايد احبه يعني مادري شسوي ووين اودي حبي.. قلبي مايزي فاض حبك قام يطلع .. جفت البرجه لي فاضت ؟ جذي يعني سوى فيضان داخلي مادري شلون اشرح لك
فيصل ابتسم: الحمدلله والشكر .. المهم .. ألساعه جم بتروحين ؟
نجود: يعني لي رجعت من المسيد .. اتصللي وبنروح
فيصل: صلاة العصر ؟؟
نجود: لا لا الحين بيأذن العصر .. لا لا .. المغرب
فيصل: عبالي ..لان برقد لي شوي ..
نجود: اي ارقد اخذ راحتك اخوي
فيصل: لتأخريني عاد
نجود: لا لا من الحين ببدل .. (قصت لها كيك) اقص لك ؟
فيصل: شوي
نجود تتحلطم: بعد مايقول لاء
فيصل سمعها بس سكت .. يحاجي امه: يمه عاد الله الله فلعشى اليوم
ام فيصل ابتسمت: افا عليك .. ان شاءالله
نجود تتحلطم: حق الشيخ فيصل العشا اشكال والوان .. وحقي انا نوع واحد بس
ام فيصل: انتي من بييج غير عووش ؟ فيصل ماشالله وايد صبيان ايونه
نجود: زين هالمره بييب بنات وايد وبجوف شتبسوين
ام فيصل: انزين ..

ريم انسدحت فلصاله ومن التعب ارقدت على الكرسي ..
الساعه سبع قامت اسماء .. التفتت على سرير ريم خالي .. قامت تدورها .. بطلت الباب وجافتها فلصاله راقده .. تكسر الخاطر .. التلفون يمها .. وشكلها بردانه .. جافسه ريولها ومخليتها جدام بطنها .. شعرها على ويهه .. ويهه تعباان .. وقفت اسماء تطالعها .. قالت بتقوم تتسبح وعقب بتقومها ..
دشت تتسبح .. قحصت ريم .. تحس بتعب في جسمها .. رقدتها كلش ماكانت مريحه .. رقبتها عورتها .. قامت بالزور .. دشت تدور اسماء .. سمعت حس الماي فلحمام " كرمكم الله " .. قالت اكيد تتسبح .. دشت اهيا بعد تتسبح .. بلعدال تمشي وميوده الباب .. والطوفه .. راسها شوي داير .. تخاف تطيح ..
كملت اسماء .. طلعت .. جافتها محد .. راحت تنشف شعرها شوي .. جافت تلفونها وقالت بتطرش حق رشود مسج ..
كتبت له
" Rashood bu ras .. w7ashtnyy .. Shlonk ??"
راشد من جاف المسج رد لها بسرعه
" Ana b5air as2l 3nch inty shlonch ?? yalla 3ad mlltena bsr3a rday =("
اسماء عورها قلبها .. كتبت له
" Waaay 7ady mayta aby arj3 .. m3leh klha chm yom o bayek inshallh .. tamrny 3la shy mn hny ??"
راشد بسرعه كتب لها
" Slamtch .. Maby ela slamtch .. ahm shy trj3en ly blslama .. o t7mly f ro7ch"
اسماء طرشت له بسرعه
" Allh ysalmk ,, inta b3d .. Bubye .. =*"

قامت اسماء المطبخ .. مابقى شي يتريقون فيه غير الكورن فليكس والحليب .. " في خاطرها " ضروري اليوم نروح البراده ..
شوي وطلعت ريم : صباح الخير
اسماء التفت عليها: هلا صباح النور .. امشي تريقي
ريم عفست ويهه: ماشتهي
اسماء: شلا بعد ؟
ريم: نطري بنشف شعري شوي وباييج ..
اسماء قعدت تنطرها .. حطت لها كورنفليكس وقعدت تاكل .. يات لها ريم: يسلم عليج فيصل وايد
اسماء فز قلبها: وااااااي الله يسلمه .. متى كلمتيه ؟
ريم: مساعه الفير ..
اسماء: شخباره؟
ريم: الحمدلله .. مايسأل الا عنج
اسماء ابتسمت: فديته والله .. زين امشي اكليلج شي
ريم: مابي مابي .. اكا بشرب سفن اب
اسماء: سفن اب على الريج ؟؟ مب زين ريمو
ريم: لا اوكي عادي ..
اسماء: اليوم لازم نروح البراده ها
ريم: ان شاءالله .. لي رجعنا من الجامعه
اسماء: بتروحين الجامعه؟
ريم: اي وليش ماروح؟
اسماء: لا قصدي فيج شده؟
ريم: ايي عادي بروح ..
اسماء تاكل : زين ..
فلجامعه .. دشت ريم الكلاس .. ويا رفيجتها .. التعب كان ابين عليها .. وحمد من دشت ماشال عينه .. طول الوقت يطالعها ..
نايف لاحظ نظراته .. قام دزه .. بهدوء: هي انت .. شفيك ؟؟
حمد التفت عليه .. بهدوء: شفيك ؟
نايف معصب: شلا تطالعها جذي ؟؟
حمد التفت عليه: كيفي .. انت شيخصك ؟؟
نايف معصب: بعدين اتفاهم وياك

ريم بالها مو وياها .. كانت مبطله الدفتر وترسم .. رسمت عين .. ودموعها تنزل .. وكتبت تحت .. " ماني مصدق خافقي تجرحه انـت " .. اسماء طلت على دفترها وعصبت .. خذت الدفتر منها وكتبت لها : يوزي
ريم خذت منها الدفتر .. وماردت عليها ..

ناصر معصب .. متضايق .. كل شي فيه .. دش الجامعه يدورها .. يبي يقول لها شي .. بس مب عارف شيقول لها ..
عبدالله كان وياه .. التفت عليه: ناصر؟
ناصر بدون مايطالعه: همم
عبدالله: شفيك اليوم مب طبيعي ؟؟
ناصر يهز راسه .. : لا .. ولا شي
عبدالله: زين ترى امتحاناتنا لسبوع الياي ..
ناصر : آدري
عبدالله: جفت فواز؟
ناصر مب مهتم: لا
عبدالله خذ التلفون وتصل: الوو .. وينك ؟ .. يالله تعال .. اوكي باي
ناصر تنهد: لا اله الا لله
عبدالله: ناصر قولي شفيك
ناصر : تعبان ..
عبدالله: تعبان روح ارقد
ناصر: لاء ..
عبدالله: شفيك ؟
ناصر: لا لا ولا شي ..

كمل الكلاس .. بسرعه حمد راح حق ريم .. باهتمام: اشوى ؟
ريم ماتبي تطالعه .. : الحمدلله
حمد: اذا تبين شي قولي
ريم: مشكور ماتقصر ..
نايف سحبه: تعال اابيك شوي
حمد معصب: شفيك انت ؟
نايف: مستانس يوم طقها خطيبها ؟؟ مستانس يوم وديناها المستشفى ؟؟ بس عاد خلها في حالها
حمد: وانت شعليك ؟ كيفي بحاجيها .. ها !!
نايف: حمادو يوز عن سوالف الميهله
حمد: ولييي .. نايف شفيك ؟؟
نايف: مافيني شي .. امش امش
نايف مشى وسحبه وياه ..
حمد: هدنيي شفيك
نايف جاف ناصر من بعيد .. هداه : اذلف
حمد راح عنه ..
وهوه كان متردد .. يروح حق ناصر ولا مايروح له .. يحاجيه ولا ماله داعي .. اهوه مايحب يجوف شي غلط ويسكت عنه ..
ناصر كان قاعد عالكرسي .. منزل راسه .. وبين متضايق .. وعبدالله كان يتحجى فلتلفون ..
راح قعد يمه .. ناصر ماحس فيه ..

نايف .. متردد : لو سمحت ؟
ناصر رفع راسه والتفت عليه ..جافه .. قام يتلفتت : تحاجيني ؟
نايف ابتسم: أي احاجيك
ناصر مستغرب: خير ؟؟ نيو ستيودنت؟
نايف: لا لا .. انا ويا اللي يايين من البحرين ..
ناصر عقد حواجبه: اقدر اساعدك في شي ؟
نايف مب عارف شيقول . : ادري ماتتذكرني .. وانا المفروض ماتدخل في هالسوالف .. شي خاص بينك وبين بنت عمك
ناصر فز قلبه: من انت ؟
نايف: ممكن تيي وياي شوي ؟
ناصر مب فاهم شسالفه : خير ؟
نايف: بس شوي ..
ناصر قام وياه .. : قول شعندك ؟
نايف: والله مادري شاقولك .. انا مادري ليش انت ييت وطقيت ريم امس .. بس
ناصر يقاطعه: وانت شعليك ؟؟
نايف يبيه يهدى: ادري انا مالي شغل .. قلت لك من البدايه .. بس بقولك شي .. ممكن تخليني اتحجى وماتقاطعني
ناصر بعصبيه: قول
نايف: امس ريم كانت واقفه تبي تسوي الانترفيو ومب عارفه تروح حق من .. جفتها .. قلت لها تبين اسوي وياج ؟؟ قالت اوكي .. جافني حمد ( اهني ناصر طلعت عيونه .. نايف حس فيه بس كمل حجيه ) ويه وقعد ويانه .. ويوم قال لها بسوي الانترفيو وياج مارضت .. وتم قاعد .. وهي حتى مابدت فلانترفيو رن تلفونها .. وتمت تسولف ويا رفيجتها .. وضحكت ..
ناصر وقف .. تم ينطره يكمل ..
نايف: وانا مادري شصار عقب .. انت ادرى .. المهم .. اتصل فيني حمد وقالي ييب السياره بنروح المستشفى ضروري .. رحنا المستشفى .. ماله داعي اقولك شصار هناك .. المهم
ناصر يقاطعه: لحظه .. (قلبه عوره ) انا ليش طقيتها ؟
نايف مستغرب: مادري انا ..
ناصر: لانها كانت تضحك وياكم ؟
نايف: ماكانت تضحك .. وبعدين مب ريم اللي تضحك ويا الشباب ..
ناصر وحس الدنيا تدوور في راسه .. ومب عارف شيقول .. ومب عارف شيسوي .. يعني اهوه طقها .. وذبحها من الطق .. وخلاها تروح المستشفى .. على شنو ؟؟ انترفيوو ؟؟؟؟ وليش ؟؟؟؟ حس بالندم .. متحسف .. تم واقف .. مبقق عينه .. ونايف يطالعه ومايدري اللي سواه صح ولا غلط ..

نايف .. متردد: آسف اخوي بس كنت بوصللك معلومه .. مادري تعرفها او لا
ناصر تم ساكت .. مشى نايف عنه .. وهوه تم واقف .. عبدالله توه مكمل مكالمته .. التفت يدور ناصر .. جافه واقف .. مشير .. بسرعه راح له
عبدالله : ناصر ؟؟
ناصر وعيونه تلمع من لدموع .. من جاف رفيجه يوده: عبوود الحق علي
عبدالله خاف عليه: شفيك ؟؟ شصاير؟
ناصر بلع ريجه: مادري .. مادري مادري ..
عبدالله: بسم الله شصاير ؟
ناصر مشى عنه .. تم يمشي بسرعه .. ركض .. جن مينون .. بسرعه راح يدور ريم .. يبي يتأسف ..
ريم كانت توها بتطلع من الجامعه ..
اسماء: شفيج تمشين جذي بسرعه جن لاحقج جلب ؟
ريم التفت عليها: مابي اجوف ناصر .. بسرعه امشي ..
حمد كان لاحقهم : رييييييييم
ريم التفتت عليه .. وقفت تنطره: خير ؟
حمد: بس كنت بقوللكم فيه Meeting اليوم الساعه 5 .. بس عند الجامعه عشان نعرف باجر وين نروح ..
ريم مستغربه: وين نروح ؟
حمد: الرحله يعني .. ماعليكم .. بس انتوا لتنسون تيون ..
ريم: ان شاءالله ..
مشت عنا .. واسماء وياها : اوهوو شيبي ذي ؟؟ قايلين بنروح البراده احنا
ريم: انزين بقى وايد علخمس .. لتحاتين .. الحين بس خنروح نصلي الظهر وننزل ..
اسماء: اوكي ..
عبدالله لحق ناصر .. بس ماقدر .. كان يركض من صجه ..
ناصر وقف يوم جاف حمد
حمد يطالعه من فوق لي تحت ..
ناصر معصب: انت ؟
حمد نافخ صدره: انت ؟
ناصر معصب: شتبي مني ؟
حمد بخبث: انت شتبي مني ؟
ناصر معصب: لتجرب يمها .. كلش
حمد يطالعه من فوق لي تحت .. ابتسم بخبث .. ومشى عنه ..
ناصر عصب .. مب عارف شيسوي فيه .. وده لو يذبحه .. طلع من الجامعه .. قال بيجوفها يمكن في الشقة ..
راح صوب العماره .. توهم نازلين ريم واسماء .. بروحهم يتمشون
ناصر بسرعه ركييض راح جدام ريم .. وهوه ينافخ من الركيض: هه هه هه
ريم خايف من جافته .. راحت ورا رفيجتها بخوف وبراءة: لتطقني بليز لطقني ..
ناصر عوره قلبه .. بهدوء: ريم
اسماء عصبت: هي هي شتبي انت؟؟وخر عن طريجنا يالله ومانبي نجوفك كلش هااا
ريم منخشه ورا رفيجتها .. وهوه يحااول يجوفها .. يقول شي .. مب عارف شيقول ..
بسرعه مشت اسماء ومشت ريم وراها بسرعه بسرعه ..
ناصر تم واقف مكانه .. ماعرف شيقول لها .. رفس الأرض بقوه : اففففف

يتبع[/B]