قصة.. سـواهـا الـبـخـت.. قصة *نور* :) حقيقة!

[*toot]

وااو البارت اينن
بس ضحكتني سالفة عقيديه 1 وعقيديه2 لووووووول
لاحبيبتي اخذي راحتج ^_^

 

[om sa3ad]

تسلمين حبوبة على البارات

 

[البارونه*_^رونه]

اهم شي هههههههههههههههههههه عقيديه1 عقيديه 2 لوووووووووووووووووووووووووووووول


يسلموووو ع الباااااااااااااااارت

ناااااااااااااااطرينج

 

[Cuttie]

رد : قصة.. سـواهـا الـبـخـت.. قصة *نور* حقيقة!

ههههه شنسوي بعد.. بنات عذروني انا اليوم زوارتي..بعدين بروح اكمل حق العيد.. فإنشالله بالليل راح يكون في بارت وطويل عال 12 جذي.. وسامحوني عالقصور :*

 

[om sa3ad]

لا يبا ناطرينج واخذي راحتج

 

[6amni bs]

رد : قصة.. سـواهـا الـبـخـت.. قصة *نور* حقيقة!

يعطييج العافيه ... كملييي

 

[Cuttie]

رد : قصة.. سـواهـا الـبـخـت.. قصة *نور* حقيقة!

وسمية: انا اعلمج يا ملعونة الخير.. تخلين الناظرة تصرخ علي وكل من مر يسمع.. ويضحك...! هين ان ما خليتج تندمين عالساعة اللي دشيتي الثانوية فيها.. ماطلع انا وسمية.
وتروح وسمية حق رفيجتها اللي بتخط طمعاها على نور.. رفيجتها البوية (فهود)
وسمية بدلع: فهود فهووود حبيبي (وتتصنع البجي والدلع والمياعه )
البوية(فهود): هلا هلا حبيبي.. افأأأ عسى ماشر؟ منو مزعلج؟ خل اقصر اسه
وسمية: هذي الـ......... نور الـ..........
البوية(فهود): نور ماغيرها؟ اللي جنها فرنسية؟
وسمية: هذي فرنسية؟ قطع ولا شافت جمال الفرنسيات.. حبيبي اهي خلت الناظرة تزفني وتبدلني وانا زعلانة ومادة بوزي
البوية(فهود) : افا.. قوليلي شسوي وانا حاضر.. كلش ولا زعلج
وسمية(تبتسم بحقد): ابييييك ....................................................
البوية(فهود): اي عاد حدي لي مزااااااااج.. خلاص متى ما صار الوقت اعطيج الاوكي انا.. وتبوس وسمية صوب اذنها وتمشي
وسمية: هين يا نورو الفقر.. بنشوف انا ولا انتي!

بصوب ثاني بعيد عن المشاكل.. طق جرس الهدة ونور طالعة وشافت جنان بنت عمها بطريجها وطلعت معاها.. جنان يومها كانت لابسة عدسات وفالة شعرها..
نور: جنوون وويعه.. ياية مدرسة ولا سوق؟
جنان: واي نور سكتي واللي يعافيج متوترة.. فهد بيي يشوفني
نور: وويعه.. ما لقيتي تواعدينه الا بالمدرسة؟ ماصارلج يومين شايفته بالسينما
جنان: شسوي اهو حن علي وانا اشتقتله وقلتله اوكي
سبحان الله بهاليوم.. السايق تأخر على نور.. وبما إنها توها كاملة 18 فكانت توه قاعدة تتدرب عالسياقة.. يعني ليلحين ما حصلت ليسن.
وقفوا بمكان بعيد عن المدرسة مو وايد يعني شوي وتحت مظلة.. وفهد سافط بالسيارة ويمه رفيجه مشاري..
فهد: شوفها شوفها بعد عمري شلون تمشي.. طع شعرها شلون فالته.. ااااااخ قلببيييييي
مشاري: خفيف انت ولا خفيف؟ شفيك جذي؟ اثقل
فهد: شعرفك انت؟ بلاك ما حبيت
مشاري: ما حبيت؟ الا ما ينيت مثلك.. اقوول فهييد.. هذي مو جنه نور اللي مع جنان؟
فهد: اي هذي نور اللي تصيرلها ليش؟
مشاري: لا بس آخر مرة حاولت ارقمها ما رضت
فهد: اي جنون كله تقولي.. نور ماتكلم ومو مال هالسوالف.. حدها سوالف جات وام اي ار سي وبس
مشاري: شدعوه فهيد.. بنت بهالجمال وبهالعمر وماتكلم؟ ماتوقع.. اكيد في احد بحياتها
فهد: والله مادري عنها.. بس جنان كله تقولي اهي ماتحب هالسوالف.. ولا تربت عليها..!
مشاري بقلبه (فديت الثقل كله انا)
بالوقت اللي مشاري وفهد سافطين بعيد شوي عن نور وجنان
يووا صبيان اثنين بسيارتهم يتحرشون بنور وجنان
............. : هاي بنات.. تبون نوصلكم؟
نور: جنان حقريه ولفت ويها
................ : شدعوه عليج.. فديييت ثقلج وشعرج ووويهج ووو.....
ما وعى الا بكس على ويهه واحد ساحبه من السيارة مطلعه برة
جنان: فهد بس.. هده هده
فهد ومشاري يحاول يوقفه ويهديه لين فلت الصبي من ايده ونحش
جنان: فهد حبيبي شفيك.. تعورت؟
فهد: ياكل خرا زين.. وانتي ربطي شعرج اشوف وطولي نفنوفج ترا وايد قصير..
جنان(استانست وبنفس الوقت تضايقت.. استانست ان بدا يغار عليها بشكل ملحوظ وتضايقت إن ليش زفها جدام نور ومشاري)
مشاري: شرايكم نوصلكم بدال هالوقفة؟
نور: لا مشكورين.. انا السايق الحين بييني
جنان: اي انا بعد برد مع سايق نور
فهد: يالله لا تطولون.. جنان مو تليفونج معاج؟
جنان: ايه
فهد: خلي نور تدق على سايقهم وتقوله يعجل..
جنان: انشالله
مشاري: نور تبين شي؟ انا ماشي
نور: لا سلامتك.. ودير بالك
مشاري(استانس عباله تغار عليه او بدت تبادله الشعور بس اهي على نياتها مسكينة): انشالله وانتي بعد ديري بالج.. وخلينا نشوفج
نور(سكتت) والا تشوف سايقهم واصل من بعيد..
نور: يالله جنان السايق وصل
ومشوا لي السيارة وركبوا وكل وحدة نزلت بيتهم
نزلت نور البيت وبدلت وتغدت وسبحت وريحت شوي.. وقامت درست وشافت تلفزيون ولما حست روحها زهقت شبكت ودشت الام اي ار سي ( للي ما يعرفه.. اهو نفس برنامج محادثة.. جات يعني نفس البالتوك بس كتابي مو صوتي )
نور دشت بنك نيم ( NuNu ) وتمت تسولف مع العموم وجذي حالتها تقريباً
بصوب ثاني.. كان قاعد عبدالله.. واهو شخص تونا نعرفه بالقصة..
عبدالله عمره 24.. خريج علوم ادارية.. تخصص تمويل.. يشتغل بالبنك.. طويل.. مجسم بس مو وايد.. فيه ملامح غموض وعيونه وغمازته بروحها جميلة.. عسلية على بني.. شعره خفيف ومسوي قفل.. وداش يسولف بنك نيم ( Mysterious ) بمعنى الغامض..!
ماذكر شنو كان الموضوع بالضبط اللي خلا عبدالله يدش على نور يسألها عن شغلة.. لأن سأل عن شغلة بالعام.. واهي عطته لنك الشغلة اللي طلبها.. فشكرها.. وبعدين اكتشف ان مايعرفله.. فدش عليها عشان تساعده وساعدته.. وخذتهم السوالف وعرف اسمها وعمرها.. واهي عرفت عنه جم شغلة عجبوها بس قالت عادي حاله حال غيري.. نت وبس.
ومع السوالف.. خذا ايميلها.. مع العلم ان عبدالله اول صبي ياخذ ايميل نور.. وسولفوا.. وكان عبدالله حاط صورته..
نور: اقول عبدالله.. منو اللي حاط صورته انت ؟
عبدالله: ليش عاجبج؟؟ هذا انا
نور: لا صج.. منو؟
عبدالله: هو انا شفيج؟
نور: اها.. مشالله.. عيونك جميلة
عبدالله: تسلمين.. ماكو صورة لج نشوفها؟
نور: لا ماكو..
عبدالله: ها عيل اشوفج عالطبيعة احسن؟
نور: لا والله؟ مشكور مابي وتراني مو من هالنوع.. انا بس داشة اضيع وقت
عبدالله: معاي؟؟
نور ( حست ان عيب تكلمه جذي ) : لا بس يعني ماكو شغل قلت ادش اسولف وجذي.. وسبحان الله انت دشيت علي وخذتنا السوالف
وتموا يسولفون ما يقارب الساعة.. عرف انها ساكنة مع ابوها واخوانها ال3.. وعرف ان امها متوفية من لما كانت صغيرة مع اختها.. وانها بالثانوية.. واهي عرفت انه موظف بالبنك الفلاني.. وان ولد الفلاني.. مع ان ما همها تسأل او شي.. يعني اهو اللي قال منه ومن نفسه.. وعرفت عمره وسيارته..
اليوم اللي وراه بالمدرسة.. صارت حصة فراغ على نور.. وراحت البدنية تقعد اهناك وتلعب.. نور كانت قاعدة تبدل هدومها.. لأنها اهي مشتركة بفريق الجمباز من ايام المتوسط.. وقعدت تلعب بروحها.. واهي قاعدة.. مرت عليها البوية(فهد) وقالت حق ربعها.. روحوا وانا الحقكم
نور واهي قاعدة تبدل.. لبست شورت اسود قصير فوق الركب.. ونص جم ابيض.. شافتها البوية(فهد) وتمت تدقق عليها واهي تبدل.. ودققت على تفاصيل جسمها..
البوية(فهد):احمم
نور(مخترعه): وييه..يمه.. خرعتيني!
البوية(فهد): ههههه.. شدعوه
نور(تبتسم): سوري ما سمعتج وانتي تدشين
البوية(فهد): لا عادي.. انتي نور عدل؟
نور: ايه.. وتعطيها ابتسامة مجاملة.. لأن نور اكره شي عندها شي اسمه (بوية)
البوية(فهد): اي عاد انا سامعة وايد حجي عنج
نور(باستغراب):حجي؟ بالزين ولا بالشين عاد؟
البوية(فهد) حبت اسلوب نور: اممم بالزين طبعاً.. وايد ابلات يمدحونج نور ونور.. ماعندهم الا انتي.. وانا شايفتج من مدة.. يوم كرموج بالطابور..
نور: اييه.. وتعلق هدومها وياية بتطلع
البوية(فهد) واقفة عند الباب واهي ضخمة شوي.. فاضطرت نور تمر بسرعة بس جسمها حك بجسم البوية (فهد)
البوية(فهد) فديتج وفديت ريحتج.. اخييييييييييه... فديت ليديتي انا..
نور راحت تتدرب والبوية قاعدة تطالعها وتسوي روحها تقرا وتحوس بمكانها مهي عارفة شتسوي.. لين طق الجرس ويووا رفيجات نور.. البوية طلعت لأن عرفت انها ماراح تقدر تسوي شي بوجودهم
شنو راح يصير بنور؟ والبوية شناوية عليه؟ وهل وسمية تدري إن البوية بتسوي جذي؟
كل هذا بنعرفه بالبارت الياي انشالله.. والحين عذروني بس رادة من السوق متكسرة من الكعب..  بتسحر وانام.. تصبحون على خير.. وانشالله باجر انزل بارت اطول منه او بارتين بإذن الله​

 

[*toot]

اول شي ثانكس على البارت ^_^
وثاني شي اتوقع البويه تحب نور وماتسوي لها شي << مادري مجرد تخمين
ناطرينج حبيبتي لاطولين علينا ^_~

 

[om sa3ad]

تشلم ايدج

 

[MeeMeeYoo_2]

يبوووووووي بووويه
الله يستر


يعطيج العافيه حبيبتي

 

[البارونه*_^رونه]

يسلمووو على الباااااااااارت وعساااااااج ع القووه يااارب

ووووووووووووو انا اتوقع نور راح تحب عبدالله وتكلمه بعد فوون >>>>>>>>مادري عااد بيصير هالشي ولا لا

والبووويه ماارااح تسوي شي بنوور لانهاا يمكن راح تحبهااا او حبتهاا الله واعلم

ونااطرينج

 

[غ ــلا الــروح]

رد : قصة.. سـواهـا الـبـخـت.. قصة *نور* حقيقة!

يعطيييييييييييييج العاااافيه وننطرج بليييييييييييز لاتتأخرين علينا

القصة روووووووووووووووعه

 

[so_what]

يسلموو على البارت ناطرينج

 

[lovkom]

عجيبه القصه ..

ناطرينج

 

[miss disaster]

يسلمو حبيبتي وناطرين الياي

بس سؤال هالحجي قبل جم سنه ؟؟

 

[غــلآهاا غير]

يسلموووووو حبيبتي انا من متابعينج انشالله نااطرين البارت

 

[*toot]

waiting

 

[غــلآهاا غير]

waiting 2

 

[Cuttie]

رد : قصة.. سـواهـا الـبـخـت.. قصة *نور* حقيقة!

بنات اسمحولي والله
توني اليوم طالعة من المستشفى.. سويت عملية والله قومني بالسلامة وطول الوقت احاتيكم..
بليز نطروني اريح واكتبلكم بارت وانزله