om_nani
New member
- إنضم
- 8 أغسطس 2008
- المشاركات
- 63
- مستوى التفاعل
- 0
- النقاط
- 0
عقب آخر امتحان و عالويك اند تيمعو البنات ببيت سندس مثل ما اتفقو من قبل !!
الوضع كان البنات مسوين لوية و تارسين الصالة !! و مشغلين الراديو على المارينا و محد قاعد يسمع !! و مشغلين التلفزيون و محد قاعد يطالع !! و الكل يسووووولف و لوية و ازعاج !! و الطاولة الي بالزاوية فيها اطباق وايد كل وحدة من البنات مسوية حلو !!
شيخة و حنان و منال يسولفون عن عرس شيخة وعرس اسرار اخت حنان و تجهيزاتهم !!
اروى و حليمة و لطيفة و زهووور قاعدين يدزون رنات حق بعض و يسولفون عن امتحاناتهم و موادهم الي سجلوها حق الكورس الثاني و يحشون بالدكاترة !!
ومرايم و انوار شابكين بلاب توب واحد و مجابلين حفلة راشد الماجد بالتلفزيون و مندمجين بالاغاني و السايتات الي يطالعونها !!
و سندس داقة على بيتزا هت قاعدة تطلب حق البنات عشى !!
منال : (بويه خجووووول ) .. بناااااااااااااااااااااااااااااااااااااااات !! بقوووول لكم شييييييي !!
البنات كلهم سكتو و طالعو منال ناطرين الي بتقوله !!
منال : بنات ... انا .....
حنان و شيخة صرخو : انخطبتي !!
منال : بنات ملجتي انشالله على آخر الشهر !!
سندس : @@ منو ؟؟ شلووون ؟ ما قلتيييلنا ؟؟
حلييييمة : مبروووووووووووووووووووووووووك
اروى : ايواااا عندنا عروووس وايد هالشهر
ونااااسة !! مبروووك حبيبتي لطيفة : مبروووووووووووووووووووووووك حبيبتي !!
و قااامو البنات يباركون لها و يسئلونها عن المعرس منو ولده و شلون شكله وشلون شافها و من وين و كلللللللللللل شي !!
!!
وصلت البيتزا و تعشو البنات !! و عقب ما كلو الحلو في بنات راحووو و الي بقووو شيخة و حنان و اروى و سندس طبعا
!! اروى : يه يه يه حنووووون شنو هالقلب الحلو
( تتحرش فيها لان حنان كانت لابسة هدية ناصر ) حنان : ( استحت ) مليييقة
سندس : لا تحرجيييييينها اروى
شيخة : (لانها كله مشغولة مع خالد ما تدري عن السالفة و لا كان عندها وقت تكلم حنان نفس اول ) شالسااااااااااااااااااالفة ؟؟
حنان : وييييييييييييييييييييييه ماكو سالفة ماكو شي بس هاذي اروى تستخف دمها
اروى : اييييييييه الحب الحب
شيخة : !! شتقووولوون انتو ؟؟
(والللله و تحقق منااااياااا شوووفووووو حبييبييي معااااياااا )
شيخة : الووووو هلا حبيبي
انشالله
اي كا خلصنا .. وينك ؟
يالله اوكي كاني طالعه
يالله باي حبيبي
...
سندس : شيووخ تو الناس
شيخة : ماقدر اطول اهوا الي يايبني و الحين بيردني سندس مابي انطره يالله باااااااااااي بنااااااااااااات !! و اذا بتتيمعوون مرة ثانية قولولي
و رااااحت شيخة !!
اروى : شنوووو شيوووخ ما تدري ؟
حنان : اهيا مو فاضية !! كل ما بقول لها السالفة بالتلفون الاقيها تسولف عن العرس ولا خالد و جك بم يطلع لي خالد خط ثاني و بسرعه تقولي باي و ترقعه بويهي !! و ماقدر اروح بيتهم مثل اول لانها يا طالعه معاه يا نايمة يا اهوا عندهم !! و بالكلية كلكم شايفين الوضع !! التلفون ما يطيح من اذونها و اذاسكرته جابلت المسجات وياه !! بالله شلون اقول لها ؟
سندس : ويييييييييييه قلبها مترووووسة ( تطفر حنان )
اروى : هههههههه انزين حنون ما فكرتي فيه ؟ قولي الصج ؟ ما تحسين ناحيته بشي ؟؟؟
حنان : امبلى بس مادري ليش خايفة ؟
سندس : مممممم خايفه لانه شي يديد حنووون و بعدين انتي كله تشوفين هالشغلة انها غلط و ما يصير الوحدة تحب و تشوفين الشباب عمومهم جذاب و يقصون عالبنات !! و فجأة يصير لج كل هذا و تحسين بهالاحساس و يطلع لج ناصر !! اكيد بتخافين !! بس صدقيني حنووون ناصر يبيج صج و شاريج و مبين انه ما يبي يلعب !! قلت لج انا من قبل الي يبي يلعب ما يسوي كل هذا !!
حنان : سندس شتشورين علي ؟
سندس : عطيه فرصة و شوفي
حنان تطالع اروى : ......
اروى : اي حنون جربي !! عطيه فرصة و شوفيه !! الصراحة انا عمري ما شفت واحد يسوي كل الي ناصر سواه !! لو انا مكانج بعطيه فرصة و بجرب و انشالله الله يعطيج على قد نيتج !
حنان : مممممممم مادري !!
سندس : يالله انتي قولي اوكي بس !! ترى الولد ناطر هالكلمة منج !! و كل ما حاجيت بدر نط لي ناصر يسال عنج و يسال انتي قلتي شي عنه ولا لا ؟ !! يالله حنوووون طيعيني مبين انه الولد شاريج !!
حنان : انزين يعني شلون اكلمه ؟ شقول ؟ ما اعرف !!
سندس : مالج شغل انتي بس قولي اووكيييي و مالج شغل اهوا الي بيسوولف لين تطيح الميانه بينكم و تتعودين عليه و بعدين صدقيني بروحها السوالف بتيييي !!
اروى : يالله حنووووووووووون نبي عروووسة يديدة بالقروووب ;Pp~
حنان : (استحت ) عرووووسة مرة وحدة !!
سندس : اي ليش لا ؟ كاااا شيخة و حليمة اثنينهم متزوجين عن حب (حليمة متزوجة حبيبها من اول سنة جامعه !! )
اروى : و ما سمعتي منال توا تعترف انها كانت تعرف المعرس الي متقدم لها من قبل ؟؟
( منال قالت لهم انها صار لها سنتين تكلم الريال الي بتملج عليه آخر الشهر بس ما تكلمت ولا قالت حق احد شي ولا احد حس فيها و ما قالت لهم الا الحين !! )
حنان : مممممممممممم اوكي سندس قوليله اوكي
سندس قااااااااااااااامت و دزت مسج حق بدر تقوله انه حنان وافقت تكلم ناصر !! و على طووووووول رن تلفونها !!
سندس : الوووووووو هلا هلا
اييي
هههههههههههههههه لالا والله صج !!
ايييييييي كاهيا
مممم لالا ما اتوقع !! اوكي لحظة خل اقول لها !!
حنوووووونه اعطيه رقمج ؟
حنان : اووووووووه كيفج !! (استحت لان بدر ومعاه ناصر على الخط و اكيد يسمع)
سندس : ههههههههههه اي اي يالله الحين ادز لك رقمها مسج !!
اوكي حبيبي يالله بااااااااااااااااااااي
و على طول دزت سندس المسج !!
تلفون حنان ( انتييييييي امييييييييييي شلتي همييييييييييييي كل شي لاجلج يهووووووووووووووون !! )
حنان : هلا هلا امووولتي .. طااااااااااافج وناسة و الحلو الي سويته فاااز و الكل عجبه .. و امووووولة اتفقنا نتيمع عالاسبوع الياي يما صججججججج ما قلت لج مناااال يما بتملج بنفس يوووم ملجة اسرار يمااااا ونااااااااااااسة !!
( هاذي كانت طريقة حنان لما تتاخر على البيت و امها تدق معصبة تقوم حنان تسوولف وايد و تاكل امها بالحجي علشاااان تنسيها الزفة !! )
ام حنان : يحلييييلها يالله الله يهنيها !! انزين انتي انشالله متى ناوية ترجعين البيت ؟؟ يالله طالعي الساعة جم !!
حنان : انزين اشدعوة امووولة من بعد البيت ؟ كاني ثواني و اصير عندكم !! يالله ماماتي باااااااااااااااااي
ام حنان : انزين بشوووف !! يالله باي
!!
حنان : يالله اروى و سندس انا بروح بيتنا !! و الله يستر ( قصدها عن ناصر !! )
سندس : هههههههه لما توصلين البيت اذا فضيتي دقي علي قوليلي شيصير
اروى : عيل انا بسهر ماني نايمة بنطرج اول ما تفضين دقي ههههههههههه !!
حنان : يما منكم !! يالله باااااااااااااااااااااااااااااااااااااااااااااي صديقاتي
!!
و اول ما ركبت حنان سيارتها يالها مسج !!
المسج كان من ناصر !! ( حنااااني بلييز لا تحركين انا كاني صوب بيت سندس نطريني ابي اماشيج لي البيت !! مابيج ترجعين بروحج !! )
حنان ماسكة التلفون و ايييدها ترجف !!
و يرن تلفونها ( امااااااااانه ان جيت في بااااااااااااااالك تطمن قلبييييييييييي عن حاااااااااااااالك )
حنان : (بصوت مبحوح و مستحية ) الوووو
ناصر : هلا هلا !! حيالله حناااني !! شلووونج يبا ؟
حنان : الحمدلله انا زينه
ناصر : عسى عسى دوووم يا ربي اشووفج زينه !! حناااني وينج انا عند لفة بيت سندس يالله حركي السيارة علشان الاقيج عند الطلعه !!
و حركت حنان السيارة و تلقى سيارة ناصر !! و مشت شوي بسرعه و ناصر صار وراها !!
و طوووول الطريج كان ناصر يكلمها و يوصف لها احساسه و انه مو مصدق الي قاعد يصير و شلووووووووون اهوا مستانس و طاااااير !!
وصلت حنان بيتهم و راحت دارها تنام !! و قبل لا تنام دز لها ناصر مسج !! و ردت عليه و رد عليها !! و قعدووووو طووووول الليل مسجات لين نامت حنان !!
و تمر الايام و مع كل يوم يزيد الاحساس الي تحسه حنان ناحية ناصر و تتعلق فيه اكثر !! و ناصر صار 24 ساعه معاها !! تلفونات و مسجات و لما تطلع قام يماشيها بكل مكان !! للللللللللكككككككككككككككننننن في شي !! اهوا كل ما يحاول يشووووفها حنان كانت ترفض!! اهوا يفسرها عدم ثقة و يتضايق من ردها !! و اهيا كانت خايفة احد يشوفها معاه !! اهيا تلفوووون و يالله كلمته !! هالدور يبي يشوووفها برا !! لااااااااااااااااااا يبا لا يحوووشك احد يشوفهم ولا شي شيسوى عليها !! لالا تخاف !!
صج انه هالطلب يضايق الاثنين !! ناصر يتضايق من الرد و حنان تتضايق من الطلب !! بس مع هذا يتم الي بينهم قوي وااايد و ما يتاثر بهالشغلة !! و حنان قامت توله على ناصر و اهيا معاه !! و تفكر فيه على طول !! و تسرح بافكااااارها بعييييييييييييييييييييد !! بعيييييييييييييد حيييييل !! الاحلام الوردية زارت حنان !! شافت روحها معاه بالنفنوف الابيض !! شافت عيالهم !! مممم و حتى الاسامي نقوووها !! ( يوسف و فاطمة ) !! كانت هاذي اسامي عيالهم !! و ناصر كله يكلمها عن الزواج و بكل فرصة يقول لها انه يحبها !!
و حنان كانت حاطة صندوق صغير !! كانت كل ما تفقد ناصر او تفكر فيه تكتب الي تفكر فيه بورقة و تحطة داخل هالصندوق !! لو نبطل الصندوووق راح نلقى اغاني حب !! و اغاني وله !! و اغاني عتاب !! و اشعار !! و كلمات طلعت من قلب حنان لقلب ناصر !! وفي وايد شخابيط و رسمات تعبر عن احاسيس حستها حنان ناحية ناصر !!
و كانت حنان مقرره انه لما تتزوج ناصر راح تعطيه هالصندوق هدية !!
حياة حنان تغيرت !! تغيرت واااايد !!
مو بس احاسيسها و مشاعرها الي تغيرو !!
في شي ثااااني غيره نااااصر في حنان !!
و كان صعب على حنان بالبداية !! لكنها قبلت بالوضع !! و هالشغله استغرب منها العموم !!
............................................
MeeMeeYoo_2
New member
om_nani
New member
- إنضم
- 8 أغسطس 2008
- المشاركات
- 63
- مستوى التفاعل
- 0
- النقاط
- 0
ناصر كان شوي غيوور على حنان !! و طلب منها انها ما تطلع وااايد مع البنات لانه يتضايق لما يشوف احد يطالعها او يلحقها !! و فعلا حنااان خففت طلعتها مع رفيجاتها واااااااااااااااااااااايد !! قامت ما تطلع معاهم على طول !!
و طلب منها انها تخفف الميك اب لانه يبيها تحط ميك اب و تكشخ بس حقه او حق يمعات بنات !! و على قولته ماله داعي الشباب يشوفونها كاشخة و حاطة ميك اب !! و حنان خففت من الميك اب عشانه !!
تضايق ناصر من طريقة لبسها !! و طلب منها انها ما تلبس تريننج بالكلية ولا تلبس اشياء قصيرة مع البنطلون و ما عجبه انها تلبس تنانير قصيرة (مع انهم لي الركبة مو قصار وايد ) !! و قالت حنان اوكي و غيرت طريقة لبسها كله !!
ذاك اليوم البنات كانو متيمعين بيتغدون بنينو !! طبعا عقب حنه و رنه يالله ناصر رضا تروح !!
(مثل ما تلاحظون ناصر شخصيته قوية و فااارض راايه على حنان و حنااان تحب الريال الي جذي و مستانسة على الوضع و تحب تطيعه !! لانها تحس انه يحبها و يغار عليها و لو كان ريلها صج جان سوا نفس الشي )
العموم كان بالمطعم ناطرين حنان الي يايتهم بالطريج و طبعا ناصر يماشيها
(لانه هاذي فرصته الوحيدة عشان يشوفها !! و بنفس الوقت يخاف عليها !! و يحب يتطمن عليها و يوصلها )
اروى : سننننننننننننندس تبين نطلب باستا بيني و بينج ؟
سندس : اوكي !! ,, بس ماراح نطلب وحنوون ما يت وييينهي ؟
منال : انا دقيت على حنون قالت اهيا بالطريج !!
اروى : حنان يايه ؟؟ شلووون رضا ؟ سبحان مغير الاحوال !!
سندس : الحمدلله انه الي عندي مو جذي !! قطيعه حكره !! لو ادري جان ما حنيت عليها !!
منال : ههههههههههه اشدعوة عليكم !! كاهيا اهيا ترى تطلع ويانا و نشوفها خووو مو قاطعتنا !!
اروى : منووول بس مو نفس قبل ؟ قبل كل طلعه اهيا اول وحدة فيها !! الحين بين كل 4 طلعات تلاقينها يت مرة وحدة !!
سندس : عدل !! و غير الطلعه !! انتي شايفة شكلها ؟ تغير ستاااااايلها كله !!
منال : بس ما فيه شي انا عاجبني ستايلها الحين ميك اب خفيف و نفانيف واسعه !! حلوووو شكلها كيوت !!
سندس : اوكي صج كيوت بس ترى مو هاذي حنان اليي نعرفها !! حنان كانت غير !!
اروى : لحظة لحظة لحظة !! هاااااااذي الي عند الباب و يايه صوبنا !! @@ لا تقولون حنان ؟ !!
سندس : وين اي وحدة .. !! ايييييييييييييييييييييييييييييييي !!
منال : @@!!
كاانت حنان !!
بس كان في شي غير !!
شي محد يتوقعه من حنان !!
( كانت حنان لابسة حجاب !!)
حنان : هاااااااااااااااااااااااااااي
شرااااايكم ؟؟ اروى : مبرووووووووووووووك !! حبييبتي شكلج عجيب !!
حنان : مشكووووورة حبيبتي
سندس : حنووون حبيبتي مبروووك الله يثبتج انشالله
والله و سويتها يا ناصر و حجبت حنووون ههههههههههههههحنان : الله يبارك فيج يا المليقة
منال قامت و باستها !! : مبروك حبيييبتي !! وناااسة حدج تشوقين !! يالله الله يثبتج انشالله و الفال حق شيووخ !!
حنان : مشكوورة حبيبتي
(و فعلا السبب بهالحجاب كان ناصر !! حنان كانت رافضة فكرة الحجاب من اول !! و ما كان في وحدة من البنات تتجرأ تناقشها بهالموضوع !! و كل ما حاولو ينصحونها ماكو فايدة !! و قالت لهم انا ماراح البسه الا وانا مقتنعه فيه !! و كل ما بطلو طاري الحجاب كانت حنان تسكر الموضوع !! بس نااااااصر كان غير !! و قدر يخلي حنان تقتنع و تلبس الحجاب !!)
..........
ثاني يوووم !! .... كانت حنان لابسة بتروح البستان اتييب نفنوفها مال عرس اختها و بعدين بتمر الفنار اتييب نفنوفها مال عرس شيخة !! و اهيا بالسيارة يالها عوار مو طبيعي بظهرها !!
( هالعوار كان يايلها من قبل كورس و كان اييي و يروح !! بس هالمرة العوار مو طبيعي !! كان بآآخر ظهرها عند العزيزووو !!) ما قدرت حتى تقعد عالكشن !!
ناصر : حنووون شفيييج ؟
حنان : آآآآآآآآآآآآآي ظهري نااااااصر ماقدر !!
ناصر : وييينج اي صوب انتي ؟ حبيبتي صفطي عاليمين لا تسوووقين كاني انا يايلج !!
(كان ناصر ناوي يماشيها كالعادة بس هالمرة ما ماشاها من بيتها نفس كل مرة !! كان ناطرها عند الطلعه !!)
صفطت حنان و شبت الفلشر !! و رجعت الكشن لي ورا لانها مو قادرة تقعد !! انسدحت على الكشن و العوار مو طبيعي و ما تقدر تتحمله !! كانت تبجي !!
وصل ناصر و لقاها على هالوضع و اهيا تبجي !! قلبه عوره عليها ( ما تستاهلين حبيبتي!!)
بطل الباب و رفع حنان و ركبها بسيارته !! و سكر سيارتها و ركب سيارته و طااااااااااااار فييييييها الاميري !!
و بالطريج خذا تلفون حنان و اتصل على سندس قال لها اتيييلهم الاميري !!
و اول ما وصلو لقو سندس و اروى هناك !!
سندس : اشفيها حنووون ؟
ناصر : مادري كانت بالسيارة ولا فجاة تصرخ ظهري و تبجي تقول ما تقدر تقعد !! و رحت يبتها !! سندس دقي على اهلها !! امها عيزت تدق وانا بالطريج ما عرفت شسوي !! على ما انا ادخلها اوكي ؟
سندس : خلاص اوكي !!
اروى : لا نطرو لا ندق الحين !! خنشوووف شيقوول الطبيب و بعدين ندق عليهم عشان لا نخرعهم !!
سندس : اوكي !!
و طلع حنان عندها جيس دهن بالعزيزووو من زمان فيها و لانها ما عالجته من قبل زااااد عليها !! و الحين لازم يسوون لها عملية !! يحفرون مكانه و ينظفون داخل كله عشان لا يطلع لها مرة ثانية !! و العملية بيسوونها باجر الصبح !! و حنان تقدر ترد البيت و ترجع المستشفى باجر الصبح !! و عطوها مسكن علشان العوار !!
و طوووول الوقت كان ناصر داش باخلاق الدكتور !! كان خايف عليها و يحاتيها !! اروى و سندس قاعدين معاها و جيكوو على الوضع من بعيد!! و استانسو على ناصر !!
اروى : سندس ترى يحبها صج
سندس : ايييي شوفي شلوون مخترع
اروى : الله لا يغير عليهم !!
و يه ناصر : حنااااني شلونج الحين ؟
( كانت خايفة و مرتبكة و مستحية و مستانسة و كل المشاعر حست فيهم الحين !!)
حنان : الحمدلله !! ناصر مشكوور و سوري اذيتك معاي !!
ناصر : استحي على ويهج و لا تقولين لي جذي مرة ثانية !!
سندس : يالله يا روميو انا باخذ حنون معاي اردها بيتهم و عطنا السويج مال سيارتها عشان اروى تسوقها لي البيت !!
ناصر : اوكي !! بس ديري بالج عليها ترى انا ماكو الا حنان وحدة اهني !! ( و ياشر على قلبه و يطالع حنان )
حنان : (استحتتتتتتتتتتتتتتتتتت و ويها صااااااااااار احمر )
و راحت حنان مع سندس و اروى بسيارة سندس و ناصر كان يماشيهم يبي يتطمن على حنان !!
اروى دقت على ام حنان و قالت لها الي صار !! و ام حنان كلمت بنتها و تطمنت عليها !!
اروى : حنووووون طافج ويه روميوووو و اهوا خايف عليج !!
سندس : ايييييي حساااااافة ما صورنالج الموقف !!
حنان : امبييي اصلن انا حدي مفتشله !! تخيلووو كنت ابجي بالسيارة و اهوا يه و رفعني و ركبني سيارته امبييييي والله فشله !!
سندس : فشلة ولا وناسة يا العيااارة ؟
اروى : هههههههههههههههههههه
حنان : والله فشلة @@ امبيييييي مالي ويه اشووووفه مرة ثانية
اروى : مالج ويه تشوووفينه و مجابلة الدريشة قاعدة تطالعينه ؟ عيااااارتج !!
( كانت حنان قاعدة تطالعه من الدريشة بطرف عينها و اهوا يماشيهم و كانو يتحجون مسجات )
سندس : قلت لج عياااارة !! تلاقين بعد مافيها شي و تتميييرض علشان تشوووف غلاتها عنده انا اعرف هالحركات
اروى : اي اي ادري فييييها !!
حنان : حراااااااااااااااام علييييييييييييكم !! صج كان ظهري يعورني !!
.........
و ردت حنان بيتهم و رجعت اروى سيارة حنان و راحو اروى و سندس !! و حنان قالت حق امها انهم باجر الصبح لازم يروحون الاميري عشان العملية و انها ماراح تطول هناك بس تطلع من العملية و يروح مفعول البنج بترجع البيت !!
و راحت حنان دارها عشان تنام !!
و دزت مسج حق ناصر ( الله يخليك حقي يا اغلى و احلى حبيب بالدنيا !! مشكوور ناصر !! صج لو مو انت معاي جان مادري شنو سويت اليوم !! )
و يالها الرد ( حبيبتي انتي لو تبين اعطيج روحي ما تغلى عليج و انا ما سويت شي !! انا صج اليوم كنت خايف عليج !! بس هم وناسة ركبتي معاي السيارة و شفتج من قريب و كلمتج !! )
دزت له ( حرااااااااااااااام عليك انا ابجي و تعبانه و انت مستانس ؟ انزين انا اوريك !! )
رد عليها (لوووووووووول لا حبيبتي انتي كنت خايف عليج و مادري شسوي و كنت احاتيج وايد لاني مادري شنو فيج !! و لما شفت دموعج قلبي عورني عليج و قلبي تقطع !! بس حنااااني انا مستانس انج لجأتيلي انا و كنت مستانس عشان انا الي قاعد ادير بالي عليج و اساعدج !! حبيبتي مرتي انتي اصلن !! )
حنان قرت آآآخر جمله و استااانست !! لمت المخدة حيييييييييييييييل و نامت !!
و رد دز لها ( اكيد نمتي !! حبيبتي نووووم العوافي انشالله !! )
!!!!
مـ سهله ـو
*عضــوة شرف في منتديات كويتيات*
MeeMeeYoo_2
New member
om_nani
New member
- إنضم
- 8 أغسطس 2008
- المشاركات
- 63
- مستوى التفاعل
- 0
- النقاط
- 0
ثاني يوم من الصبح كانت حنان بالاميري مع امها و اختها ملاك !! و من بعيد كان ناصر موجود !! يحاتيها و ينطرها !!
و الحمدلله عدت العملية على خير و كانت حدها سهالات !! و ما طولت حنان بالملاحظة قعدت لين راح مفعول البنج و بعدين ردت البيت مع امها و اختها !! و كان ناصر يماشيهم من بعيد !!
و لما ردت حنان بيتهم لقت بتلفونها مسجات من البنات و من ناصر !! و ردت عليه و طمنته عليها !! و استانست لانه كان موجود معاها !!
و كتبت بورقة المستشفى التاريخ و اليوم و كتبت شنو الي صار و شلون قامت تحس باحساس حلو !! قامت تحس انه في واحد صج يحبها و تقدر تعتمد عليه !! قامت تحس انه ناصر مو بس حبيبها !! حست صج كانه ريلها !! و حست باحاسيس وايد حلوة و غريبه !! و طااااارت بعيييييييييييد باحلام وردية !! و عقب ما كتبت كل الي بقلبها صفطت الورقة و حطتها مع باقي الاوراق بصندوق ناصر !!
يو لها رفيجاتها بالليل و معاهم الورد و سوولها لوية بمكانها و ونسوها !! و كان الكل مستانس على ناصر و مواقفه مع حنان !! الا وحدة !!!
شيخة توها تعرف السالفة كلها و ما عجبها الوضع !!
شيخة : حنان انا مو مرتاحتله !!
حنان : بس انتي ما تعرفينه ؟؟ شلون مو مرتاحتله ؟ على اي اساس حكمتي عليه !! ؟؟
شيخة : شوفي روحج !! هاذي مو حنان الي انا اعرفها !! لا شكلج نفس شكلها ولا افكارج نفس افكارها !!
حنان : اتوقع وااايد بنات اهني تغيروووو مو بس انا !! و عادي خو ماراح نتم كلنا نفس الشي الكل بيكبر و بيتغير !!
شيخة : حناااااااااااااان انتي ما تعرفين الشباب و خرابيطهم !! حنوووون انا خايفة عليج !!
سندس : شيوووخ شفيييييج الله يهداااج بس ؟؟ الحين عقب كل الي قلناه لج عن الولد و هم خايفة ؟ ماكو واحد اصلن يسوي ربع الي اهوا يسويييه حق حنوون !!
شيخة : يبا انا ناصر هذا مو مرتاحتله !! و انتو تدرون اني عندي نظرة بالناس !! و انا من شفته مبين عليه واحد لعوبي و ويهه مو مريح !!
اروى : شيخة لا تحكمين على الشكل !! اصلن ولا وحدة منا لها الحق انها تحكم على الولد غير حنوون لانها اهيا الوحيدة الي كلمته و تعرفه من مدة و اهيا بس الي لها الحق تحكم على الولد !!!
شيخة : انا ادري يا حنان اني لما كنت اكلم خالد انج ما كانت عاجبتج الفكرة ولا عاجبج الوضع بس ما تكلمتي ولا قلتيلي شي !! و هم انتي تدرين انج لو متكلمه انا كنت راح اتقبل و اسمع منج !! و نفس الشي الحين !! انا ابيج تسمعيني حنوون !! انتي رفيجتي و اختي و حبيبتي و انا ماراح ارضالج انه ايي واحد و يلعب فيج ولا يكسر قلبج !! انا خايفه من هالناصر و مو متطمنه له !! و احس انه مو من صجه لما قال احبج و ابي اتزوجج !! اذا صج يبي يتزوجج و كله يتكلم عن الزواج ليش ليلحين ما تقدم ؟؟ ليش امه ما دقت ؟؟ ليش ما تحرك ؟؟ ليش يحن على الطلعه معاج ؟؟ اذا صج ما يبي يلعب ليش يقول ابي اشوفج وايد ؟ المفروض ما يرضاها عليج !! المفروض يخاف عليج و ما يبي احد يشوفج برا وياه !! المفروض يصونج !! المفروض انه من اول مرة لما قلتيله لا خلاص ما يبطل هالموضوع معاج ولا يحن عليه ولا يطلبه لانه صج لو يبيج جان نطر لي بعدين بتصيرين حلاله و بيشوفج على كيفه !! مو على قولته بيتزوجج ؟؟ حنوووون انتي ما عندج تجارب و اسهل شي انه يعلقج فيه !! و انا والله مو قاعدة اقولج هالحجي الا لاني خايفة عليج و ما ابيلج عوار القلب !! و انتي فكري على راحتج !!
سندس : الله يهديج يا شيووووخ احنا ياييين نسووولف وياها و نرفه عنها عقب العملية و نونسها و انتي تتكلمين جذي !!
( و رن تلفون شيخة !! خالد يه ياخذها !! و سلمت عليهم و راحت )
حنان : سندس !! اتهقين كلامها صج ؟
سندس : لا مالج شغل فيها اهيا ما تدري عنه ولا عاشت الي انتي عايشته الحين و غلط تحكم على الولد من شكله !!
اروى : بس مادري ليش احس كلامها فيه شي من الصحة !!
سندس : صحة ولا تربية !! ههههههههههه
حنان : يا المليقة !!
اروى : مو وقت ملاقتج ويا ويهج !!
......
مرت الايام !!
و كلام شيخة كل يوم يمر براس حنان !! و تفكر فيه !! بس ما تدري شتسوي !!
و لما تكلم سندس بالموضوع تقول لها سندس مالج شغل بشيوخ !!
اليووووووووووووووووووم عرس شيخة !!
كل البنات كشخووو و كل وحدة طلعت احلى من الثانية !!
الكل تحت بالقاعة !!
و شيخة كانت قاعدة مع حنان بسويت العروسة !!
يصورون و يسولفون و يدقووون على البنات يطفرووونهم على ما ايي وقت الزفة !!
و الحين وقت زفة العروووووسة !!
نزلت حنان مع شيخة و قبل لا تطلع شيخة من الاصنصير !!
قرت عليها حنان و قالت لها لا تخافين دشي و انتي واثقة من نفسج !! انتي الحين احلى وحدة بالقاعة و انتي وااااااايد بنات يتمنون يصيرون مكانج بس انتي الوحيدة الي اختارها خالد و قال ابيها !! انتي الحين بتدشين من هالباب !! مابيج خايفة و مرتبكة !! ابيج واثقة من نفسج و رافعه راسج فوق !! و مابيج ترجفين نفس الملجة لااااا انتي الملكة اليوم و لازم تصيرين ثابته و ابي ابتسامتج الحلوة ما تفارقج و مابي دمووووووووووووووع !! و لمتها !!
( طبعا هالحجي كله قالته حنان حق شيخة علشان لما تدش ما تبيها تخاف و ترتبك !!)
.......
تبطل الباب و الكل قام ايبب !! و البنات كلهم صفوووووووو يم الكوشة !! ( شيخة كانت منبهه العموم حتى خواتها !! ما كانت تبي احد معاها و اهيا تمشي و لا تحب الي يتليقفون و يعدلووون نفنوف العروسة و يخربوون زفتها !! كانت تبي برووووحها !! )
و كاااااااااان شكل شيييييييخة حده غيييير عن الملجة !! بالملجة كان مكياجها قوي و صارخ و كانت رافعه شعرها و ميك ابها و وردها لونه عنابي !! اما الحين كانت على عكس الملجة !! نفنوفها الابيض كان روعه !! ضيج و مخصر على جسمها كله و من تحت الخصر يبدى الجيبووووون !! كان نفنوووفها وايد حلو و ناعم !! و فيه كرستالات خفيييفه حييل و ورووود صغييرة لونها ابيض و ناعم .. و ميك اب شيخة كاااان وردي فاااتح و نااااااااااعم حييييييييييييييل !! ... و كانت فالة شعرها !! بس مسوية تكسير خفيف و بف !! لابسة تاج نااااااعم و حاطة طرحة قصيرة !! كانت بالضبط سعاد حسني صغيرة !! كانت كانها لعبه !! كانت كانها بيبي عنونه !! و كانت ماسكة وردة وحدة بس لونها وردي و منومتها على ايييدها ...
دخلت على هب السعد !!
و مع كل خطوة كانت حنان تشوووف روووحها مكاااانها !! و كانت تحلم باليوم الي تصير اهيا بعد فيه عروووسة و مو اي عروووووسة !! تحلم باليوم الي تصير فيه عرووووسة نااااصر !!
و قلوب الحب الي كانت تطير فوق راس حنان كانت بعد فوق راس سندس !! سندس بعد كانت تحلم باليوم الي يجمعها مع بدر على طول !! كانت تشووف روحها عروسة ناعمة و حلوة نفس شيخة و تحلم نفس احلام حنان !! لكن كان بدر واقف مكان ناصر !!
رقصو البنات و استانسو و صورو مع العروسة و الكل مستانس !! و دخل خاااااالد واهواااا طاااااااير بالسما من كثر الوناسه !! الحين خلاص صارت شيخة حبه الوحيد حقه و بياخذها معاه و بيعيشووون مع بعض طول العمر !! و خذا خاااااالد شيخة و راااحوووووو يعيشوووون حيااااتهم بحب مع بعض !!
بالليل ردت حنااااااان بيتهم منهلكه و خذت بطاقة العرس و كتبت عليها من ورا كل الي حست فيه اليوم و احلامها مع ناصر !! و حطت البطاقة بالصندوق !!
رننننننننن تلفووونها
( امانه ان جيت في بااالك تطمن قلبي عن حااااااااااالك )
حنان : الوووووووووووووووووووووووووووو
اروى : اهلن اهلن
حنان : وااااااااااااي اروى حدي متكسره !! مالي خلق شي ادور الفراااش !!
اروى : اي هاذي طردة ذربه ؟ هذا يزاي داقة و عندي فكرة حق ناصر ؟
حنان : شنو شنو ؟؟؟
اروى : انتي تذكرين كلام شيووخ عن ناصر مو ؟
حنان : ايييي حده !!
اروى : انزين اشراااايج ؟؟؟ نسوي حركة و نعرف منها انه من صجه يبيج و شاريج ولا لا ؟
حنان : يعني شنسوي ؟؟
اروى : ممممممممممم انتي ما تسوين شي !! شوفي بيني و بينج ما نقول حق سندس عشان سندس ما تفتن و تخرب علينا !!
حنان : شنو ؟؟
اروى : شوووفي بااااجر لما سندس تكلم بدر انا ادق عليها !! و اقول لها انه امي لما شافت حنان بالعرس اعجبتها و قالت حق خالتي عنها عشان تخطبها حق ولد خالتي !! و بقول لها انه امي تبي رقم امج و انا ما عندي رقمها و داقة على سندس آخذ منها رقم امج !! و اهيا على طول بتقول حق بدر !! و بدر بيوصل الحجي حق ناصر !! و اهني اذا ناصر من صجه يبيج بيتحرك و اذا بيلعب بيكون عادي عنده !!
حنان : يا المينووووووونه !! انتي من وين اتييبين هالسوالف ؟
اروى : والله قعدنا انا و لطووووف نفكر و لطوووف شارت علي بهالسالفة !! شرايج ؟
حنان : ممممممممممم اوكي على راحتج !! انا الصراحة تعبت من التفكير عقب كلام شيخة و يمكن على فكرتج ارتاح و افتك من هالوساوس !!
اروى : اوكي عيل لا تعلمين احد و خلي السالفة بينا انا و انتي و لطوف و بس !! و خنشوووف شبيصير !!
حنان : الله يستر !! يالله متى ايي باااااااااااااااااجر !!
اروى : يالله كاااااااا لطوووف خط ثاني اشبكها ولا لا ؟
حنان : لالا انتي كلميها انا بروح انام !! بس ما قمت اشوف جدامي !!
اروى : عيل بااااااااااااااااااي نوني
حنان : باي صديقتي
التعديل الأخير:
MeeMeeYoo_2
New member
MC ANFAL
New member
T-flower
New member
امبييييييييييييييييييه عفيه كملي ترا من زمان ناطرتج تكملين البارتات
بليييييييييييييييييز
لا يوقف لا يوقف
بليييييييييييييييييز
لا يوقف لا يوقف
