قصة حب بين طلال وشيخة ... مو صج!!عجيــــــــــــبه... "قصة حقيقية"

[rawona]

رواااااااااااااااااااااااااااانوووووووووووووووووووه كملي عفيه كملي حدي اندمجت

عالفكره من زمان متابعتج بس ما اكتب كومنتات لانه عيني اتعبت وانا ادور ردورج لوووول

وتلسميين عالقصه الروعه :**

مشكوره حبيبتي على المتابعه .. وتوه مانور الموضوع بمشاركتج!!



وباجي البنااااااااااااااااااااااااااااااااااات ثانكيوووووووو


مشاركاتكم عجيبه وردودكم اتهبل!



الحين اكمل الباجي :ggdw:​

 

[ام فهودي المزيون]

بعد بعد نبي بارت ثانييييييييييييييييييي

 

[بدوره 22]

مرت عم طلال الصراحه ما تستحي

شنو هذا ... على كيفهم الريال ؟؟؟

 

[ام سوسو]

شكووووووووووو ليش ياخذ فطوم

 

[ميسوره]

فاطمه ضايع بالطوشه
مسكينه احسن
ناس شايفين عمرهم

 

[Shima-Style]

كملي .. كملي بليييييييييزززززززززز

 

[rawona]

راح طلال واهله (ابوه واخوه وعمامه) بيت بو مشعل يخطبون شيخه من ابوها .. كانت روحتهم خفيفه وسهالات مثل ما يقولون .. وكانت شيخه قاعده بالدار فوق اطل عليهم من الدريشه مع دلول مرت اخوها وشافتهم واهم داشين البيت وأشرت على طلال علشان اتشوفه دلال .. وهم كانوا ناطرينهم لما ايطلعون علشان اتشوفه عدل! ..


دخل بومشعل ومشعل الصاله عقب طلعة الرياييل ..

بو مشعل: مبروك يا ام مشعل .. والحين تقدرين انتي وام طلال اتفاهمون على كل شي !

ام مشعل( فرحانه ومو فرحانه بنفس الوقت): الله يبارك فيك !

كانت مستانسه لانها بتفرح فبنتها اقريب .. ومو مستانسه لانها اتحاتيها وخايفه عليها .. واصعدت حق شيخه فوق بدارها..


ردت شيخه دارها عقب ماراحوا الرياييل .. وبطلت كبتها طلعت كل اللي فيه !! كانت تبي ترتب اغراضها واتشوف شنو عندها وماعندها .. علشان تشتري اللي ناقصها قبل لا اتسافر!

ادخلت بدريه عليها الدار..

بدريه: ها شيوخه شتسوين؟

شيخه: ماكو قاعده ارتب واسنع .. وافرز الشغلات اللي ابيها والشغلات اللي ما ابيها ..

بدريه: زين اتسوين ,,

بدريه: شيوخه .. انتي اشرايج باللي صار؟ تبين طلال؟

اسكتت شيخه ونزلت راسها .. ما تكلمت من الحيا ..

بدريه: يمه هذا زواج مو لعبه .. اخاف تتزوجين وتلهين عن دراستج ومستقبلج ..

كانت شيخه للحين ساكته مو عارفه شتقول ..

بدريه: انزين .. عندي لكم رايي .. شرايكم تملجون الحين مثل ما احنا مخططين واذا رديتوا بعطله الصيف اتسوون العرس وتتزوجون!

شيخه اصرخت بلقافه ونست الحيا: اي شي! شلون ارد مع طلال امريكا وانا مرته ومو مرته!

بدريه استغربت ردها ويتها الضحكه: شيخووووه! صج ما تستحين!

اضحكت شيخه ولمت امها: سوري يمه انتي طلعتيني من جو المستحى اللي كنت فيه هيهيهي شلون املج على طلال وارد امريكا معاه واسكن بصوب واهو بصوب وما بينا الا ساعه ونص بالسياره؟!! مو حلوه كلش!!

فكرت بدريه بكلام شيخه ودرت ان معاها حق.. خلاص انا اكلم سعاد باجر وباشوف شنرسي عليه!

مرت الايام التالييه بسرعه! جنها حلم!

اتفقوا سعاد وبدريه ان الملجه والعرس باجر!! اعترضت شيخه ومارضت!! وافقت بس يملجون ويمهلونها اشوي اترتب امورها ! واتفقوا ان العرس يصير الخميس .. يعني بعد 4 ايام من اليوم!

وكانت شيخه وامها ودلال وحنان ركضه ركضه من مكان لي مكان .. وسعاد خالتها بعد ماقصرت! احجزت قاعه بفندق .. والريال اللي اجرها لهم منصدم انهم حصلوا حجز بهالوقت واللي اصدمه اكثر ان حتى الاربعاء كان فاضي والقاعه مو محجوزه!!

اتفقت شيخه مع صالون بالغصب رضوا يستقبلونها .. وتالي راحت اتراكض بالصالحيه ادور بدلة عرس !! ماحصلت شي حلو على مزاجها . وراحت المثنى محل الاسطوره قبل ومارضوا يستقبلونها الا بموعد!! حطت تليفونها وكتبت يم اسمها مستعجل! وما مداها انزلت الدري الا وداقين عليها ورضوا يستقبلونها!! قايست شيخه بدلتين وماعجبوها .. واول ما عجبتها البدله الثالثه قالت ستوب! بس ابي هذي!

اتفقت دلال مع المصوره وادفعت لها عربون .. وكانت شيخه وامها يتنقلون من مكان لي الثاني من الفنار لي ليلى غاليري لي مجمع زهره لي سوق شرق والصالحيه !! جهزت شغلها على السريع .. الاساسيات فقط!!

اتفقت حنان مع طربان على الدي جي واختارت الاغاني واحجزت كوشه واطلبت من شيخه اتروح اتشوفها علشان اذا عجبتها يوقعون العقد!!

وكان طلال محتاس بعد بس مو كثر شيخه! فصل له دشداشه يديده واشترى بشت وغتره يديده .. وحجز فندق ..وراح مع امه يشترون دبله لشيخه.. وكان حده ريلاكس!!

كانت شيخه تطلع من الصبح مع امها ومايرجعون الا عقب ما اتسكر المحلات!! اشترت شيخه شبكه واتفقت مع راعي الورد على مسكتها .. واختارت تسريحه وقررت شنو لون الميك اب مالها..

ساعدوها حنان ودلال بترتيب اغراضها وسوولها جنطه الفندق ورتبوا اغراضها الباجيه باجناطها الثانيه اللي بتسافر فيهم.. وما يا يوم الخميس الا واهي منتهيه!!

************************************** يتبع!



​

 

[حمره بنفسجيه]

واى ناقزنى قلبى حاسه انه ماراح ياخذ شيخه يغصبونه اهله على فاطمه ياربى اشهالبلشه بس تبين الصج انا الوم طلال يوم كان فى امريكا وكانت ادزله فاطمه ايميلات جان قالها انا مابيج روحى شوفى نصيبج قاعد يسولف ويه فاطمه ويسولف ويه شيخه

 

[rawona]

بنات تعبت وصرت حوله من الشاشه لوووووووول


نطروني اكمل لكم الحلقه الاخيره من قصة شيخه وطلال العصر ..


وانشالله تعجبكم النهايه!


:nbvppw:

​

 

[بدوره 22]

واي بيبب ما ني قادره امسك عمري


كلللللللللللللللللللللللللللللللللللل ووووووووووووووووووووووووووووووووووووووووووووووش

كلللللللللللللللللللللللللللللللللللللللوووووووووووووووووووووووووووووووووووووووووووووووووووش

 

[rawona]

واي بيبب ما ني قادره امسك عمري


كلللللللللللللللللللللللللللللللللللل ووووووووووووووووووووووووووووووووووووووووووووووش

كلللللللللللللللللللللللللللللللللللللللوووووووووووووووووووووووووووووووووووووووووووووووووووش

لوووووووووووول مابغوا هاا؟ ​

 

[esperanza]

وااااااي ونااااااااااسه

ناطرين الحلقه الأخيره

وما نوصييييييييج .. نحب النهايات السعيييييييده

 

[ام سوسو]

انزين بس قولي لنا خلاص يعني راح يتزوجون ؟؟

 

[بدوره 22]

اي والله ما بغوا ههههههههههههه

الله يهنيهم

 

[Shima-Style]

تكفين كملي قربتي الحلقه الاخيـــره بلـــــــــــــيزززززززززز

 

[حمره بنفسجيه]

لا شنو الحلقه الاخيره العصر مو بكيفج ولعتينه بالقصه كمليها لين تزوجو وشسو فى امريكا ووين سكنت وشيابو من اعيال نبى بالتفصيل الممل

 

[New Mum]

وناااااااااااااااااااااااسه

 

[rawona]

لا شنو الحلقه الاخيره العصر مو بكيفج ولعتينه بالقصه كمليها لين تزوجو وشسو فى امريكا ووين سكنت وشيابو من اعيال نبى بالتفصيل الممل

لووووووووول ماصارت قصه حلاو؟

انشالله راح انزل بارت حلو اليوم وطويييييييييييييييييييييييييل لا اتحاتون وانشالله يعجبكم :tek:​

 

[بدوره 22]

رونه طحت عليج قاعده تقرين قصه ثانيه هههههههههههه

يالله حبوبه لا طولين حدي متحقرصه بعرف النهايه

 

[rawona]

رونه طحت عليج قاعده تقرين قصه ثانيه هههههههههههه

يالله حبوبه لا طولين حدي متحقرصه بعرف النهايه

لوووول اي والله ابي اقرى قصص الهى فيهم اشوي وما اييب طاري السفر حق ريلي << مدمنه سفر لووول


لا انا راح انطر علشان اشوف اردود باجي البنات اللي للحين ما قروا البارتات اليديده وتالي انزل البارت الاخيـــــــــــــــــــــر :ggdw:​