قصة حب بين طلال وشيخة ... مو صج!!عجيــــــــــــبه... "قصة حقيقية"

[eNg_ToTa]

مشكوووره و ماقصرتي والله صج قاعد نتعبج معانا

بس والله هذا من كثر ما القصه تهبل

تسلم ايدج و يعطيج العافيه :**

 

[غيدآء]

يعطيج العآفيه

 

[انين_الصمت]

<<------------- تنطر بفارغ الصبر

 

[no0or_q8]

حدها القصه عجيببه لا يوقف لا يوقف,,

ياريت تكتبين لنا بااااااااااااااااااااااارت طويييييييييييييييييييييييييييييييييييييييييييييييييييييييييييييييييييييل شوي يبرد القلب

 

[روح كويتيه]

يسلموووو قلبي على هالبارت العنونو

والله يحفظ لج الواق و الويق اللي عندج

 

[أغلى حبيبه]

صج صج صج


روووووعه

 

[Shima-Style]

صــــباااااح الخـــــــــــير ووووينج يا روووووووووووونـــه .. اصبحنا واصبح الملك لله
صبااااح الخير يااااحلواااااااااااات .. يالله يارووونه ناطرينج على نــــــــــــــــــــــــاااااا :eh_s(14): ررررررر

 

[مشاعل بنت شعله]

صباح العسل والإشطه

تنتظر البقيه
قامت تموت بشيخه وطلال <<<<<<<<<<< صج الله يكتب لهم السعاده يارب


هذا الاهداء حق شيخه وطلال مني

أنا لحبيبي و حبيبي إلي
يا عصفورة بيضا لا بقى تسألي
لا يعتب حدا و لا يزعل حدا
أنا لحبيبي و حبيبي إلي
حبيبي ندهلي قلي الشتي راح
رجعت اليمامة زهر التفاح
و أنا على بابي الندي و الصباح
و بعيونك ربيعي نور و حلي
و ندهلي حبيبي جيت بلا سؤال
من نومي سرقني من راحة البال
أنا على دربو و دربو عالجمال
يا شمس المحبة حكايتنا أغزلي




وشكرا روووووووووووووووووونه ما تقصرين ,,,,,,,,,,,,,,,,

 

[rawona]

بنااااااااااااااااااااااااات


مشكورين وايد على انتظاركم .. وتفاعلكم مع شيخه وطلال ..



شعله ميرسي على الاهداء .. وصل ..



انشالله دقايق وانزل البارتات اليديده .. واعذروني بنات .. انا عشت معاكم الاحداث مره ثانيه .. وضايق خلقي لانها قربت من النهايه..

يمكن علشان جذي قاعده امطط فيها اشوي ! :tomato2:
​

 

[aldana]

:ada:صباح الخير رونه .... الى الامام
القصه روووووووووووووووووووووووووعه
حدي مندمجه :ggdw::klhfl:

 

[ام سوسو]

صباح الخير بنات
يالله حدي مندمجة

 

[Shima-Style]

يالله يارووونـــه ناااااااااااطــــــــــــــرينج لاتمططين بليززززز
قاعده اتخيل البارتات اللي يايه شــــــــلووون بتكون احداثهــــا

 

[rawona]

اقعدت شيخه الساعه 10 الصبح وانزلت اتريق وتقرا جرايد اشوي .... ومبطله التلفزيون تنطر تسمع اغنية " العيد العيد .. ترتتا.. الله عل العيد ترتتا" لوووول

دلال: امبيه شيوخه حدج قديمه هيهيهي

شيخه: اي والله ولهانه اسمع اغاني العيد لا تنسين طوفت عيدين يوم سافرت بره واحس ولهت على هالاجواء!

دلال: انزين يالله قومي بدلي الحين الكل راح ايي وانتي بعدج ماخلصتي ..

شيخه: يالله بس اخلص قهوتي اصعد ابدل..

كان بو مشعل اكبر اخوانه وخواته وكانت يمعة العيد دايما عنده اول يوم .. اصعدت شيخه وبدلت واكشخت وتبخرت .. وانزلت قبل لا يدخلون بيت عمها محمد بشوي .. وانترس البيت بالعمام وحريمهم والعمات ورياييلهم واليهال اكيد .. وكانت شيخه وايد مستانسه بهاليمعه اللي افقدتها من زمان .. وعقب اذان العصر الكل طلع واهو مستانس .. اللي راح يطلع عياله ويوديهم الالعاب .. واللي كان وراهم زوارات ثانيه .. واللي يبي يرد بيته يرتاح .. وخلى بيت بو مشعل الا من اهله!

اصعدت شيخه وبدلت .. البست ملابس البيت وانزلت تقعد مع دلال وامها .. وابوها صعد ينام اشوي ويرتاح .. ومشعل وعبدالعزيز اطلعوا اشوي ..

شيخه: وين اليهال عيل؟

دلال: توهم اصعدوا ينامون اشوي .. ويييي ماشفتي ليونه اشلون تعسرت ! قلت حق ماريا اتخليها اتنام اشوي بو ساعه او ساعتين والا جان يننتنا الحين! وخلودي بعد نام قبلها!

شيخه: هيهيهي اي عاد عيالج اذا تبين اتعذبينهم لا اتنومينهم الظهر!

دلال: اي والله ..

بدريه: دلال باجر يمعه اهلج مو؟

دلال: اي خالتي .. اليمعه بتصير في بيت خالي ..

بدريه: اي ذكريني اطرش معاج من حلو العيد اللي مسوينه ..

دلال: انشاءالله ..

شيخه: يمه باجر غدانا في بيت يدي عدل؟

بدريه: اي يمه .. وخالاتج وخوالج كلهم بييون اهناك .. بس عاد قعدي امبجر مو تأخرينا؟ لا يفضحنا يدج .. قبل ال 11 لازم نكون عندهم ..

شيخه: انشاءالله .. يحليله يدي للحين على سوالفه هيهيهي ..

طالعت شيخه ساعتها "5 العصر" ..

شيخه: انزين خلص العيد اليوم .. شراح اتسوون؟

دلال: هيهيهي شنو خلص العيد؟

شيخه: يعني خلاص الناس تغدوا وخلصوا وردوا ابيوتهم .. شنسوي الحين؟ احس بملل!

دلال: والله انا بانطر نص ساعه بعد واروح اقعد اليهال .. وشكلي باوديهم بيتزا هت اللي على البحر اعشيهم .. اتيين؟

شيخه: امممممم لا اتيبين طاري الاكل ! شبعانه حدي .. بس راح ايي مابي اطوف الطلعه!

دلال: هيهيهي اوكي .. بعد اشوي ايي مشعل ونروح .. خالتي اتيين؟

بدريه: لا شيوديني بيتزا .. انا مالكم شغل فيني الحين يقعد عمج وباطلع معاه بنمر عماته الكبار انسلم عليهم ..

واقعدوا يسولفون لين وصل مشعل واصعدت شيخه صلت المغرب وبدلت وانطرت تحت على ما تخلص دلال من تلبيس اليهال .. وعلى الساعه 8 اطلعوا من البيت .. وطول الطريج وشيخه "اطق رووس" دايخه تبي اتحط راسها واتنام! ارجعوا على الساعه 10 ونص وشيخه سيده راحت بدلت وحطت راسها ونامت ..

اقعدت الفير الساعه 5 .. صلت وتالي اشبكت على الماسنجر ولقت ايميل طلال .. قرته واهي تبتسم وكانت توها بترد عليه والا اتشوفه يشبك ويصير اون لاين..

طلال: صباح الخير!

شيخه: هلا صباح النور ..

طلال: ليش قاعده لي هالحزه؟

شيخه: قصدك ليش قاعده هالحزه! انا توني قاعده من النوم !

طلال: هيهي شكله حايشج اللي حايشني .. الساعه 8 ادوخ بانام والساعه 5 افز اقعد!

شيخه: هيهيهي اي والله نفسي بالضبط .. شكله فرق التوقيت..

طلال: شكله جذي .. شلون شيوختي بس؟

شيخه: زينه..

طلال: شكلج ما ولهتي علي كثر ما انا ولهان عليج!

شيخه: امبلا والله ..

طلال: ليش ما كلمتيني عيل؟ والا دزيتيلي مسج؟

شيخه: مادري والله .. استحيت!

طلال: لا والله! ماشي!
شيخه: شنو يعني ماشي؟

طلال: ولا شي!

شيخه: طلال زعلت؟

طلال: اييييي

شيخه: طلال بليز..

طلال: مشكلتي طيب حيل .. وما اقدر على زعلج!

شيخه: حبيبي والله.. : )

طلال: ايي قصي علي! : )

شيخه: وين بتروح اليوم وشراح اتسوي؟

طلال: اليوم الله يسلمج .. غدا العيد في بيت عمي بو وليد ..

شيخه: هذا نفسه ابو فاطمه؟

طلال: اي اهو نفسه .. لا واللي معجبني انه شايل غدا العيد وهم يبي الزواره يوم الخميس عندهم بعد! بس ابوي قاله يخليها الاسبوع اللي وراه لان ابوي اللي بيسوي الزواره..

شيخه: وانت ليش متعجب .. عادي عمك ويبي يخلي الزواره عنده مافيها شي!

طلال: اممممم ماعرفتي عمي عدل .. اهو ما سوى جذي الا في باله شي..

شيخه: لا ما اتوقع..

طلال: انزين .. بتشوفين..

شيخه: امم والله مادري ..

طلال: المهم ما علينا منهم .. انتي شمسويه؟؟ وين بتروحين اليوم؟

وقامت شيخه اتقوله عن يومها امس باول يوم عيد وقالتله وين بيروحون اليوم واقعدوا يسولفون لي الساعه 9 الصبح وتالي الكل راح يشوف شغله .. وأكد عليها طلال انها ضروري اتكلمه او ادزله مسج والا بيزعل عليها!

وبس طلع من الماسنجر .. سيده خذت موبايلها ودزتله مسج حلو:

كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري

وحطت send

** ** **

كان طلال قاعد يتريق مع اهله يوم وصلته نغمته المسج " تتتت تاتا تتتت ... تتتت تاتا تتتت" بطل المسج والا رقم غريب وقرا المكتوب وابتسم !

دزلها " شيوختي؟"

ردت عليه " ومنو غيري يمووت فيك؟"

زادت ابتسامته وهد الريوق ودزلها هالمسج:

حشى مااخيب اضنونك

ووكل عمري انا اصونك

ودمعي فدوه لعيونك

ومن حبك تعلمنا

وsend !

استمرت المسجات بينهم طول اليوم .. وبليل كان طلال ما ينام الا ودازلها مسج وما يصبح الا وداز لها مسج بعد .. ونفس الشي شيخه .. وبعد 3 ايام .. كانت شيخه اتحس بانها مقموته .. واتحس انها مو مرتاحه من هالوضع وقررت اخر شي انها اتكلم امها واتصارحها باللي قاعد يصير معاها ..

انزلت لقت امها قاعده تحت بالصاله ومعاها دلال واليهال .. العبت مع عيال اخوها اشوي ويوم قامت دلال وراحت المطبخ قربت شيخه من امها وقالت..

شيخه: ماما .. ابي اكلمج بموضوع .. مهم .. ممكن؟

بدريه: موضوع مهم؟ عن؟

شيخه: شغله اتخصني .. وابي اكلمج فيها ضروري ..

بدريه: اوكي تكلمي ..

شيخه تلتفت صوب المطبخ: لا يمه ابي اتكلم معاج بروحنا .. و ..

بدريه: اوكي فهمت ..

ردت دلال من المطبخ واقعدت اتوكل ليونه ..

بدريه: دلال يمه انا وشيخه بنروح الممشى اشوي .. اذا يا عمج قوليله..

دلال: انشاءالله .. اشعندكم بتروحون الممشى؟ شيوخه بتختفين ترى اذا مشيتي مترين بعد!

شيخه: هيهيهي .. مو شرط امشي مشيه رياضه .. بس انتمشى

دلال: هيهي اذا جذي اوكي ..

بدريه: يالله شيوخه روحي بدلي على ما البس عبايتي .. مانبي انتأخر ..

شيخه: اوكي..

راحت شيخه بسرعه اتبدل والبست تريننغ وردي وسوت شعرها (عجفتين) ووخذت موبايلها وسويج سيارتها واطلعت!

اصفطت شيخه عند ممشى مشرف .. وانزلت مع امها يتمشون .. بدريه كانت ساكته وناطره بنتها تبتدي بالكلام .. لانها حست ان بنتها من ارجعت من امريكا واهي فيها شي متغير!

طال صمت شيخه مو عارفه شلون ومن وين تبدي..

بدريه: شيوخه .. في بحياتج احد؟!

شيخه اوقفت مصدومه من سؤال امها! لهالدرجه يبين عليها!! صج امها اختصرت عليها الطريج ويابتها من الاخر بس هم حست انها ضيعت الكلام ومو عارفه شتقول..

شيخه: يمه .. انا .. اللي صار ..

بدريه: قولي يمه لا اتخافين .. انا امج ومهما كان اللي صار محد بيقدر يفهمج او يساعدج كثري!

شيخه: يمه انا اسفه .. بس ..

بجت شيخه واهي تتكلم مع امها وخرت الاول والتالي .. قالت لامها عن طلال .. وشلون تطورت العلاقه بينهم .. وانهم يحبون بعض الحين وبينهم مسجات و.. و.. و..

وسكتت شيخه عن الكلام .. واهي ناطره ردة فعل امها .. طال الصمت واهم يمشون .. وكانت شيخه سارحه بافكارها مو عارفه شلون تتصرف او شتقول!


************************************** يتبع!


​

 

[rawona]

يالله يارووونـــه ناااااااااااطــــــــــــــرينج لاتمططين بليززززز
قاعده اتخيل البارتات اللي يايه شــــــــلووون بتكون احداثهــــا

لا مو قصدي امطط بالاحداث .. قصدي مو قاعده انزل بارتات بسرعه لووول


بس انشالله راح انزل بارتات كثر ما اقدر واحاول اختصر وانهيها ابسرعه ​

 

[rawona]

كانت الساعه 8 بليل لما ادخلت شيخه وامها البيت .. مالقوا احد بالصاله .. دلال راحت شقتها .. وعزيز رايح بيت خالته .. وبو مشعل بالدوانيه ومشعل مع ربعه ..

استأذنت شيخه من امها واصعدت دارها اتنام .. حاولت شيخه اتغمض عيونها واتنام .. بس ما اقدرت! .. تقلبت بالفراش وايد .. وهم ماكو فايده .. استغربت حيل من ردة فعل امها .. توقعت ان امها بتزفها وبتخانقها .. وبتاخذ الموبايل منها .. وهم توقعت انها اتعلم ابوها او اخوها بعد .. وماتخليها اتكمل دراستها بره .. بس ما توقعت كلش ان امها ماتسويلها شي!!

سألتها امها شوية اسئله عن طلال وجاوبت شيخه عليهم .. واخر شي سالتها انتي متأكده انه يحبج؟! استغربت شيخه سؤال امها لها وقالتلها اي متأكده! اسكتت امها واطلبت من شيخه ما تقوم باي خطوه من غير ما اتشاورها .. وهم اسمحتلها انها تستقبل وادز له مسجات.. وهالشي حير شيخه وايد!!

اللي اتعرفه ان امها حيل شديده من هالناحيه .. وماتوقعت كلش كلش انها تسمح لها بهالشي! تذكرت كلام امها لها ...

" شوفي شيخه.. انتي الحين مو صغيره .. وعارفه مصلحه نفسج .. انا من ناحيتي ما قصرت .. علمتج الصح من الغلط .. وبينت ثقه بيني وبينج .. علمتج شلون تصونين نفسج طول هالسنين .. وشلون تحافظين على سمعتج .. واعتقد انتي الحين بنت فاهمه وواعيه وتعرفين الصح من الغلط .. انا ماراح امنعج من انج اتكلمين طلال او ادزين له مسجات.. لاني لو باخذ منج التلفون ممكن ادبرين غيره .. واذا شلت عنج الكومبيوتر في 1000 طريقه وطريقه تشبكين فيها على الانترنت واتكلمينه.. انا راح اخليج انتي اتقررين وتشوفين الاصلح لج .. وتعرفين وين مصلحتج .. انتي بس اللي تقدرين تتحكمين بحياتج .. وانتي بيدج اتخلينها ناجحه والا فاشله.. اللي انتي تشوفينه صح يا شيوخ سويه .. وتأكدي محد راح يتحمل نتيجه اعمال غيره .. انتي بس الوحيده المسؤوله عن افعالج وتصرفاتج واي شي تسوينه اهو قرارج انتي!.. والامر راجع لج!"

احتارت شيخه حيل برد امها .. وفكرت فيه وايد .. ياترى اللي قاعده اتسويه صح؟ شنو نهاية هالحب؟ طلال الحين طالب حاله من حالها ويبيله سنتين او اكثر على مايخلص .. واهي؟ شنو وضعها؟ شنو راح يكون مصيرها؟ توها باديه مشوارها .. وماتبي توصل لي النص وماتكمله!

تذكرت اهي اشسوت علشان توصل لحلمها .. تذكرت كل الكلام اللي انقال عنها .. تذكرت انها تحدت الكل علشان هالحلم .. والحين طلال .. طلال .. ظهر بحياتها.. هل حبها لطلال يسوى انها تتخلى عن احلامها علشانه؟؟ فكرت شيخه وفكرت .. وتقلبت وايد .. ومانامت الا عقب ما اتعبت من التفكير وهدتها الهواجس والافكاااار !



***************************************** يتبع!

​

 

[Shima-Style]

يعطيييج العااافيه ياااقلبي ميخااالف استحملــينا :eh_s(6):

 

[Bnt]

لا بليز رونا لا تنهين القصة حدها حلوه و عيشتينا بجو حلو

 

[rawona]

صحى طلال من نومه وسيده جيك على الموبايل اللي يم راسه .. انصدم وغلق يوم ماشاف اي مسج من شيخه.. من امس الصبح مايدري عنها شي! .. وماردت على مسجاته .. قام يحاتيها .. خاف يكون صاير لها شي..

فكر شيسوي .. يتصل عليها؟؟ اخاف يكون يمها احد من اهلها وبجذي يحرجها ويعرضها لموقف بايخ .. يدز مسج؟ يمكن ما يوصلها .. فكر اشوي ومالقى الا حل واحد!

نزل طلال تحت عقب ما خذا شاور سريع وحلق ولبس دشداشته .. لقى امه قاعده بالصاله مع حصه اخته ..

طلال: صباح الخير

ام طلال: صباح النور هلا حبيبي .. شلونك؟

طلال: تمام .. شلونكم؟

ام طلال: الحمدلله .. ها متى ييت البارحه؟ ما حسيت فيك؟

طلال: الساعه 8 كنت بفراشي نايم سابع نومه!

ام طلال: صج والله؟؟ وانا اقول ياربي مو من عوايدك اتأخر ! يوم صارت الساعه 11 صعدت انم وعلبالي انك للحين بره..

طلال: ها اشفيكم اليوم؟؟ السيرفيس مالكم حده تعبان! ماتبون اتريقونا؟

ام طلال: لا ويييييي ! ليش ما نبي انريقك ..حصوصه يمه روحي زهبي الريوق حق اخوج..

حصه: انشاءالله .. تبي بيض عيون والا بيض وطماط؟

طلال: مابي بيض كلش!

حصه: اوكي!

وراحت المطبخ اتسوي لاخوها ريوق ..

طلال: يمه ..

ام طلال: هلا حبيبي ..

طلال: شخبار بنت رفيجتج سعاد؟ من ردينا ماندري عنهم؟ (اخاف صج ماتدري عنها!)

ام طلال: صاج والله ذكرتني كل يوم اقول باتصل عليها أسألها عن بنتها وانسى ..

طلال: دقي عليها الحين .. شوفيهم..

ام طلال: الحين؟

طلال: اي الحين الساعه 11 بعد اكيد قاعدين!

ام طلال: مو فشله؟

طلال: لا مو فشله .. دقي ..

ام طلال: اوكي ..

وتمسك التلفون تتصل ..

بدريه: الوو

سعاد: الو .. هلا والله .. شلونكم؟

بدريه: هلا فيج ياعمري .. شخبارج؟؟

سعاد: والله الحمدلله بخير انتي شلونج؟ وشلون بو مشعل والعيال كلهم؟

بدريه: والله الحمدلله كلنا بخير .. البنات شلونهم؟ وطلال واخوه؟

سعاد: بخير والله .. ابنيتنا شلونها؟ شلونها بعد الغربه؟؟ انشالله مرتاحه؟

بدريه: اي والله طايره بعد قلبي .. مستانسه حيل ..

سعاد: اي ياحلوها .. الله يردها لج انشاءالله بالشهاده ورافعه الراس يارب .. ويبلغكم فيها ..

بدريه: آمين .. يزاج الله خير .. ويبلغج في عيالج انشالله ..

سعاد: تسلمين ..

سعاد: الا شلون انتصار ولطيفه؟ مالهم حس بعد التقاعد؟

ويوم ابتدوا يسولفون عن رفيجات الدوام وصديقاتهم .. تنهد طلال وقام ما كمل ريوقه وطلع!



********************************************* يتبع!

​

 

[Shima-Style]

عااااشت رووووون:ggdw::ggdw: والله اليوم انا بـــقعدلج قعده لان حيل مندمجــه :dddds::dddds:

 

[rawona]

افتر طلال بسيارته مو عارف وين يروح هالحزة .. الجو وايد حلو وفكر يروح يوقف على البحر .. بس ماله خلق زحمة السالميه ولويتها .. وبعد تفكير .. ساق سيارته واتجه حق منطقة "ابو الحصانيه" او "بو الحصاني" .. وراح وقف سيارته جبال البحر اهناك .. ونزل قعد على الرمل .. يطالع البحر ويفكر بشيخته! ,,

طلع الموبايل .. وكتب لها رساله :

وشفيك غايب .. طعنت القلب بغيابك..

ياللي احبك .. حرام انك تجافيني..

ودز المسج send

كانت شيخه قاعده اتكلم حنان رفيجتها بالتلفون يوم اوصلت رسالة طلال فما انتبهت لها :

شيخه: هيهيهيهي ياحليلج يا حنون تزوجتي وصرتي مره وللحين على سوالفج!

حنان: شاسوي بعد "بو اطبيع" !

شيخه: انزين ما قلتيلي الحين .. شلون على اتفاقنا؟ اخاف ريلج ما يرضى؟

حنان: لا بالعكس اهوا يدري انج اقرب رفيجاتي .. واهو والله اللي قالي روحي طلعي معاها واستانسي .. فشرايج انا اخذ ولد حماي الصغير وانتي اتيبين خلودي ولد اخوج وانروح انطلع اليهال باجر؟

شيخه: امممم باجر الخميس .. لا خليها يوم السبت احسن .. مالي خلق الزحمه..

حنان: صااار عيل السبت انطلعهم..

شيخه: اوكي يالله انا باروح اشوف دلال واعطيها خبر من الحين .. احجز ولدها مو تدرين حبيبي خلودي من كثر المعجبين لازم ناخذ موعد قبل!

حنان: هيهيهي ياحلوه .. خلاص اخليج الحين .. بينا الو!

شيخه: اوكيش.. يالله بيباي .ز

حنان: باي..

سكرت شيخه الخط وانتبهت لاشارة المسج .. بطلت المسج وقرت رسالة طلال .. وانقمت صدرها! ..

فكرت .. و فكرت .. واخر شي يتها فكره!

راحت اقعدت يم امها .. واهي تتعبث بالموبايل .. وسوت فوروورد لمسج طلال ودزته لنفسها!

يتها نغمة المسج" تيتت تيت تيتت .. تيتت تيتت تيتت"

وبطلت المسج مال طلال "الصجي وقرته" .. والتفتت على امها ..

شيخه: ماما (دايما اذا بغت شي او تبي تدلع على امها نادتها ماما) .. ياني مسج من طلال ..

بدريه: اشيبي؟

شيخه: ماكو بس يسأل عني .. ارد عادي؟

خزة بدريه بنتها خزة واهي كاتمه الضحكه ومسويه روحها معصبه ..

بدريه: والله كيفج! انا اشعلي؟!

شيخه: ماما .. بليز مابيج اتعامليني جذي .. قوليلي شاسوي؟

بدريه: سوي اللي تبينه .. بس لا اشوفج يوم من الايام يايتني تبجين!!

وقامت امها واطلعت من الدار .. ضاق خلق شيخه حيل .. واحتارت .. ياربي ساعدني!! اقعدت ساعه تقرا مسج طلال وترد اتعيده ..

وبعد تفكير قررت ادز له مسج!

دزتله:

انت بحياتي كل شي .. وانا بحياتك من اكون؟
يا اغلى من روحي علي .. اهواك لحد الجنون..
ودي تحسسني بغلاي .. ودي توضح يامناي..
حتى لو تضحك معاي .. مقبول ردك ياحنون ..

Send


فرح طلال حيل لما وصله رد من شيخه .. وكان يبي يرد عليها على طول .. بس وق اشوي عند المسج اللي طرشته وقعد يفكر فيه.. ياترى اشتقصد؟؟ .. ظل طلال قاعد على البحر لي المغرب .. ماراح تغدى في البيت .. ولا راح اي مكان .. كشت بربعه اللي يدقون عليه .. ماكان يهمه بهاللحظه الا مسج شيخه.. والبحر اللي جدامه!

دخل طلال الساعه 7 البيت .. وكان حده تعبان ودايخ .. ويوعان .. بس ماله نفس ياكل اي شي .. شافته نوره اول ما دخل..

نوره: بسم الله الرحمن الرحيم! اشفيه شكلك جذي؟؟ من وين راد؟

طلال: مو شغلج .. ذلفي!

نوره معصبه: وليش اتصرخ علي؟؟ انا اشسويتلك؟؟

طلال: نوروووووه .. مالي خلقج .. قلبي ويهج وذلفي عني لا يصير شي الحين لاصار ولا استوى!

نوره: هين .. ان ماعلمت امي عليك .. ما اطلع انا نوره .. وخذا طلال المخده اللي يمه وحذفها عليها! ..

ادخلت ام طلال الصاله مخترعه ..

سعاد: طلال اشفيك يمه؟ عسى ماشر ؟ اشفيك على اختك؟

طلال: يمه.. الله يخليج مالي خلق شي .. تعبان ومالي خلق حنه!

سعاد: اشفيك يمه؟ تعبان من شنو؟؟ طلال .. قولي حبيبي اشفيك؟؟

قعد طلال اطالع امه .. ويفكر .. يقولها والا ما يقولها .. واحتار حيل شيسوي..



********************************* يتبع!


​