قصة حب بين طلال وشيخة ... مو صج!!عجيــــــــــــبه... "قصة حقيقية"

[miss 3yara]

لاتطولين

 

[rawona]

القصه واااااااااااااااايد حلوه مشكووووووووووره ما قصرتي

كملي بليييييييييييز

محد كاسر خاطري الا انتي .. انشالله الحين احط بارت من عيوني ..

​

أمبيه هذي من صجها جذي اشكره يوم تفوق الولد تبيه حق بنتهااا.. حدهااااااا تبط الجبد

حبيبتي إخذي رااااحتج وناطريييييييينج باجر تكملينلنا

مشكوره لتفهمج حبوبه ..

ثاااانكس على هالبارت العنونو

وننطر منج بارت ثاني باجر ان شاء الله

نحن بانتظارج لا تطولين علينا بليييييز

اللي يصبرنا لي باجر!

متابعتج بصمت

لااااااااااااااااااااا عااااااااااااااااااد


كنت متوقعه رااح القى اكثر من باااارت



عاااااااد باجر نبي بارتات طوووويييييله وبالتفصيل الممل خصوصا لمن يشوفون بعض <<<<؟؟؟

ههههههههههههههاااي صج حدي اندمجت بالقصه رووووووعه وماشالله عليج كل هالابداع خاشته عنناااااا يا مبدعه !!



بالانتظاااار

انشالله .. بس صبروا علي اشوي

صج صج صج اتهبل القصه حدي متابعتها

كملي بليييييييييييييز روان

ماشالللله القصه اتهبلللللللللللللللللللللللل

حدج تتعرفين تكتبين و تعبرييين ماشاالله ... حدي مستانسه و مندمجه

و فصلي و فصفصي بالقصه عادي ,مابي القصه تخلص ههههههه

يعطيج العافيه و ماقصرتي :*

رواااان بالانتظاااااااار

باطه جبدي ام وليييد:23_asmilies-com:

واااااااااااااااااااااي اشتبي هذي اشووف لما سافرت اهيا واريلها وعيالها ماقالت نقول حق بوطلال يمكن بروح معانا اوووووف قثتني ماحب هالنوعيه

بعد قلبي تسلم ايدج عالبارتات وماقصرتي

وناطرينج اليوم :icon30:

حبوبه قصتج وايد حلوه بس ياليت ماطولين على ماتحطينها لانه البنات وايد يتكلمون بالقصه وجذى اتشتت علينا احداث القصه بنات عفيه اللى تكتب قصه تكتبها كامله ماتحطها قطيعى وتقول بروح انام ولا بروح عندى شغل ماصارت قصه صارت سوالف ونكت وتقبلى مرورى

لو القصه جاهزه عندي حبيبتي جان والله ماقصرت وحطيتها كامله .. بس انا قاعده اكتبها اول باول .. ومااقدر اخلصها بيوم واحد .. ولو ماوراي مسؤوليه بيت وعيال .. جان ماطلعت الا وانا مخلصتها .. بس مو بيدي والله وانشالله تتفهمون موقفي ..

يلآ يلآ
لآ يوقف لآ يوقف
لآ يوقف
عأإشت روون
ترى ننطر احر من الجمر
بليز طولي البأإأرت اليأإأي

دلوعه اهلي حرام عليج البنيه مو كاتبتها عندها كامله
وقاعده تقعد عالجهاز عشانه وتكتب مانقدر نجبرها تقعد وقت طويل تخلص القصه كلها


والبنات كل وحده قاعده ترد تقول رايها مو قاعدين يسولفون






جاري انتظار البارت

شاكرتلج تفهمج حبوبه ..









بـــــــــــــــــــــــــــــــــــــاجي البــــــــــــــــــــــــنـــــــــــــــــــــــات ....



شكــــــــــــــــــــــــراُ .. الحين باحط بارت تصبيره .. والباجي المغرب انشالله اليوم عندنا زواره ما اقدر اكشت!!

 

[rawona]

امريكا ..

كانت شيخه مواصله علشان تخلص الريبورت وتقدم البريزينتيشن اللي تأخرت فيه واللي لازم تقدمه باجر (اول شهر 7).. فماصارت الساعه 7 بليل الا واهيا خلااااااااااااااص صارت خرجه!! استأذنت من اهلها وراحت تنام..

بدريه: وين امبجر؟!

شيخه: يمه والله مافيني! كلش كلش .. الحين بانام وانا واقفه ..

بدريه: هيهيهي لا خلاص عيل روحي ارتاحي .. متى تبيني اقعدج باجر؟

شيخه: لا انا باطلع امبجر .. لا اتعبين نفسج انا اقعد بروحي ..

بدريه: اوكي .. يالله تصبحين على خير

شيخه: مع السلامه..

بدريه تبتسم!

يدخل بو مشعل مع عبدالعزيز واهم شايلين اغراض الجمعيه ..

بو مشعل: السلام ..

بدريه: وعليكم السلام .. يعطيكم العافيه ..

بو مشعل: الله يعافيج .. ها شيوخه وينها عيل؟

بدريه: المسكينه ادخلت اتنام وراها روحه للجامعه مبجر باجر ..علشان تقريرها ..

بو مشعل: اي يالله زين تسوي .. الله يوفقها انشالله ..

يرن تلفون الشقه ..

بو مشعل: الو ..
بو طلال: الو .. هلا بو مشعل ! شلونك؟

بو مشعل: يا هلااا ومرحبا .. هلا والله بو طلال .. شخباركم؟

بوطلال: بخير عساك بخير .. باجر اشعندكم؟

بو مشعل: ما عندنا شي.. آمر؟

بو طلال: ما يامر عليك عدو .. لا بس بغيناكم تمرونا باجر انشالله ..

بو مشعل( يضحك): لا ماعليه .. خلوها مره ثانيه .. خلكم على راحتكم .. ما..

بوطلال( يقاطعه): لاااا سلامتك .. لا اتعذر ! احنا نبيكم معانا .. تعالوا حياكم انت و ام مشعل والعيال ..

بو مشعل: خلها مره ثانيه . والله مانبي نكلف عليكم..

بوطلال: لا اتخاف منتو مكلفين علينا ولا شي .. وبس يالله لا تزعلني منك .. ومابي احلف عليك! ناطرينكم باجر انشالله ..

بو مشعل: صار .. اشكثر تبعدون من اهني ؟

وعطاه بو طلال العنوان ووصفله البيت ..

ارجعت شيخه من الجامعه على الساعه 11 الصبح .. ادخلت ولقت امها اتحوس بالمطبخ..

شيخه: هلا يمه شلونج؟ (سلمت عليها)

بدريه: هلا شيوختي .. ها بشري اشسويتي اليوم؟

شيخه (واهي رافعه ابهامها فوق): ميه ميه!

بدريه: زين الحمدلله .. يالله تعالي ساعديني وطلعي الكيكه من الفرن على ما اقصص السلطه .. وسوي حلو الكاكاو مالج!

شيخه: ليش اشعندكم؟ منو عازمين؟

بدريه: الا معزومين وانتي الصاجه!

شيخه: وين؟

بدريه: امس اتصل بو طلال على ابوج بليل وعزمنا على الغدا اليوم ..

شيخه: وين عازمكم؟ (للحين مو مستوعبه منو بو طلال لوول)

بدريه: هاو! شيوخه اشفيج يمه .. اصحي .. عازمنا عندهم بشقتهم بعد وين؟ يالله بسرعه لا اتضيعين وقت سوي الحلو على ما يصك شوي ولي رحنا اهناك نحطه بالثلاجه عندهم ..

بسرعه بسرعه .. سوت شيخه الحلو .. و سوت سندويشات "كلوب ساندويش" .. ونظفت المطبخ وخلصوا على الساعه 1 ونص ..

بدريه: يالله يمه بسرعه قبل لا يرد ابوج واخوج ومايلاقونا خالصين .. روحي بدلي بسرعه على ما اخذ شاور سريع!

التفتت بدريه قبل لا تطلع من المطبخ على شيخه ..

بدريه: شيوخه..!

شيخه: هلا يمه؟

بدريه (متردده تسأل): يمه ... انا امج واقرب الناس لج عدل؟ وعودتج دايما على الصراحه معاي عدل؟

شيخه (مستغربه): اي اكيد! ليش يمه في شي صاير؟

بدريه: امممم .. لا بس بغيت اعرف شغله قبل لا نروح للناس .. انتي شايفه طلال من قبل؟

شيخه تفاجأت بالسؤال اللي ماطرى على بالها كلش!! : لا يمه .. عمري ما شفته .. هذي الحين بتكون اول مره اشوفه فيها .. ليش؟!

بدريه: هااا... لا بس كنت باعرف .. انزين شيوخه يمه .. لا تخشين علي .. في شي بينج وبينه؟؟

شيخه: بيني وبين طلال شي؟؟ لا ابد والله!! كل اللي اعرفه عنه اللي قلتلج اياه! وانه ولد رفيجتج.. ومابينا الا السلام وكل احترام!!

كانت شيخه صاجه بهالشي.. لانه فعلا ماكان بينهم شي!! الريال محترمها وماشافت منه الا كل خير وعمره مالمح لها باي شي! واللي اتحسه اهي مشكلتها بروحها.. ومشاعر خاصه فيها .. وممكن تكون اوهام وبتروح مع الوقت .. مافي شي صريح بينهم كلش..

بدريه: خوش عيل .. يالله جهزي بسرعه .. لا انتأخر على الناس ..


**************************** يتبع!!

​

 

[rawona]

اوقفت شيخه ساعه جدام خزانة ملابسها .. محتاره ومو عارفه اشتلبس؟!! اغلب ملابسها عمليه .. تي شيرتات و جينزات .. وعندها فستان او اثنين قطن صيفيه.. وتنوره واسعه .. ومافي شي غير!!

بالاخير اختارت فستان قطني طويل .. الوانه صيفيه حلوه (اصفر وابيض وعشبي) ولبست فوقه توينز ابيض والبست صندل ابيض بكعب متوسط .. زينت اذونها بتراجي لولو .. والبست سلسله ناعمه .. قررت تخلي شعرها نفس مااهو (عجفه فرنسيه) .. لان شعرها بني طويل لي نص ظهرها وكثيف مو مال تخليه امبطل!!

طالعت ويها بالمنظره .. وطلعت علبه الميك اب .. قررت بالنهايه اتكون طبيعيه .. فحطت شوية آي شدو بلون ناتشورال .. ومررت الماسكرا على رموشها الطويله .. ووزعت اشوية بلاشر بلون طبيعي على خدها .. وانهت مكياجها بغلوس ناعم .. ابتسمت واهي اطالع نفسها بالمرايه وتقول: امبـــــــيـــــــــــــــه صج انا عتيجه! من متى مو حاطه ميك اب؟!!

بو مشعل: ماشالله .. اشهالزين! (يبتسم)

تبتسم شيخه بمستحى: هلا يبه شلونك؟

بو مشعل: تمام.. يالله مشينا؟؟

بدريه: اي يالله .. ترى عزيزان سبقنا وراح يحط الاغراض بالسياره ..

كانت شيخه مرتبكه طول الطريج واتحس برقعه بقلبها .. ماتدري ليش؟!! حاولت اتهدي نفسها اشدعوه.. وين رايحه يعني!! اول مره تزور ناس بحياتها؟؟!! وحاولت ماتفكر بطلال وايد .. وتذكر كلام امها.. شاللي خلى امها تسألها هالسؤال؟؟ معقوله شافت شي منها؟؟

وسرحت مع كلمات الاغنيه اللي تشتغل بالسي دي ..

اغنيه اسمعتها بالصدفه حق "رباب" وحركت فيها اشياء وايد .. وحست انها تعبر عنها وعن طلال!!

العالم اللـــــــــــــــــه.. بكره وشيخفي لنا ؟؟

العالم اللــــــــــــــــه.. بكره فرحه او شقا؟؟

العــــــــــــــــالم الـــلـــــــــــــــــــــــه ..

نحلم ابكره ولا نلقى سوى المكتوب ..

بكره فرقه او لقا .. من يدري يالمحبوب ..

اللحظه هذي ملكنا وما سواها قلــــــــوب ..

العـــــــــــالم الله .. العــــــــــالم الله ..

خوفي نتواعد و نوفي وتخلف الأزمان..

تذبل بصدري حروفي ما لقت عنوان..

وأصرخ بإسمك حبيبي والقمر ما يبان..

العـــــــــــالم الله .. العــــــــــــالم الله..


********************************يتبع!









كانت شيخه سرحانه بافكارها .. وما انتبهت انهم اوقفوا عند باب شقة طلال .. انزلت من السياره واصفقت الباب وراها ويوم التفتت .. حست بصاعقه اضربتها من فوق لي تحت ..هزتها .. واعفست كيانها وزلزلته .. اول ما شافته!! ما توقعته مزيون جذي! هقته عادي لا بالحلو ولا المو حلو .. بس ماهقته بهالجاذبيه!

اوقفت امبلمه!! مسبهه!! مبطله عيونها ومتنحه!! سبب استغرابها ودهشتها انها اول ما شافته بغت تشهق! حست انها شايفته واتعرفه! وما انتبهت لنفسها الا لما طاحت عينها بعينها .. وعت وقفتها المتنحه .. ووخرت نظرتها بسرعه والحقت امها اتسلم على ام طلال والبنات!

انصدم طلال يوم شافها!!! ابد ما توقعها ابهالحلاة!! .. شكلها عنونووو.. اصغر من سنها! توقعها على سوالفها وكلامها اكبر من جذي .. وماهقى بيشوف اليوم طفله بمثل براءتها وعفويتها! نظرتها المذهوله والخجوله حيرته!! ليش طالعته بهالنظره؟؟ خاف انها انصدمت من شكله وما عجبها؟! بس لا .. نظرتها كان لها معنى ثاني .. ولازم يعرفه!

سلمت شيخه على ام طلال وخواته .. وماتوقعت امه تكون حلوه وصغيره جذي .. وخواته بعد كانوا حلوين .. بو طلال بعد ماقصر .. سلم عليها وتغشمر معاها .. وهل الشي خلاها تسترخي شوي من الستريس اللي اتحسه!

*******************


انشالله تعجبكم البارتات .. واتمنى تعذروني على التأخير .. بس انشالله راجعه معاكم اليوم عقب المغرب انشالله .. وبليز لا تستعيلون علي .. علشان اركز بالكتابه!! لووول

اشوفكم على خير
​

 

[miss 3yara]

تسلمين عالبارت واحنا اسفين اذا استعيلنا خصوصا انا

 

[^ليلاس^]

حلوووو التسلسل

يالله ماراح نستعيل اخذي راحتج لووول

 

[rawona]

تسلمين عالبارت واحنا اسفين اذا استعيلنا خصوصا انا

لا بالعكس ياقلبي .. مشاركتج وتفاعلج يسعدني ومبرد جبدي .. مكسور خاطري عليج لاني خليتج تنطرين وايد ​

 

[rawona]

حلوووو التسلسل

يالله ماراح نستعيل اخذي راحتج لووول

مشكووووووووووووووره.. لا مو تدرين شاللي صاير .. ادخل الاقي ماشالله بنات وايد ناطرين التكمله وانا توني ما كتبتها فاحس اني اكتب بسرعه بسرعه .. وساعات مادري اشكتبت لووول ..


لا وضحكي .. اليوم ليش في زواره سي سيد مخليني شابكه الحين وقاعد يمي ..يدري ماراح يمديني اكتب شي بهالربع ساعه هيهيهي بس انشالله اكمل المغرب .. ونطرو احدااااااااااث مشوقه ..
​

 

[مشاعل بنت شعله]

يهبل يالله نبي التكمله
ما قصرتي والله
يالله يالله بليز كملي روووووووووووووووعه
ترى صج اندمجت وتخيلت نفسي شيخه شيوخ <<<<<<<< قامت تدلعها هههههههههههههههههههههه

 

[P!NKia]

وووووووووعه اندمجت حيييل بليز لاطوليييين علينا

 

[rawona]

يهبل يالله نبي التكمله
ما قصرتي والله
يالله يالله بليز كملي روووووووووووووووعه
ترى صج اندمجت وتخيلت نفسي شيخه شيوخ <<<<<<<< قامت تدلعها هههههههههههههههههههههه

وووووووووعه اندمجت حيييل بليز لاطوليييين علينا

التكمــــــــــــــــــــــله .. باذن الله اليوم بعد صلاة المغرب ..انتظروني :nbvppw:
​

 

[miss 3yara]

لا بالعكس ياقلبي .. مشاركتج وتفاعلج يسعدني ومبرد جبدي .. مكسور خاطري عليج لاني خليتج تنطرين وايد ​

لا لا لا عادي

تسلمين قلبي

 

[miss 3yara]

التكمــــــــــــــــــــــله .. باذن الله اليوم بعد صلاة المغرب ..انتظروني :nbvppw:
​

انا بدخل هني ورا صلاة المغرب وبشوف البارت وهذي وردة حقج :tek:

 

[miss 3yara]

يالله باي بدخل هني ورا الصلاه
:bye22:

 

[الغاليه ام احمد]

يا حلوج يا روووونه ويا حلو قصتج اخذي راحتج حبيبتي بس لا تطولين

 

[بدوره 22]

روعه روعه روعه

ما شاء الله عليج اسلوب وتشويق ولا اروع من جذي ....

متاااااااااااااااااااااااااااااااااااااااااااااااااااابعتج

 

[ḒŁởǾŏĹ]

روونة حيأإأتو اخذي رأإأحتج
و سوري اذأإأ استعيلناأإج
بس يأإ ليت مأإ تطولين علينأإ

 

[حمره بنفسجيه]

ولا يوقف لايوقف لايوقف ايوا عاشت rawona عاشت يختج فاقدين هالحجى الحلو من زمان مادرى ليش صار على زواجنا 15 سنه وفقدنا الحجى الحلو ويالله لايوقف لايوقف لايوقف

 

[عاشقة الصمت]

ناطرين ناطرين

يا سي سيد فج عنها اليوم خلها تكمل لنا جم بارت لووووووووول

 

[القبله]

متاااااااابعه