rawona
**مشرفة قسم السياحة والسفر**
شيكاغو- امريكا ..
طلال قاعد يدرس شوي يراجع حق امتحان الاسبوع الياي .. والا يدق التلفون ..
طلال: الوو
محمد: هلا طلال وينك؟ مو مواعدني نروح السينما اليوم؟ ترى انا والشباب ناطرين..
طلال: اتصدق نسيتكم!
محمد: صج والله؟
طلال: اسف والله .. تعبان حدي اليوم ومالي مزاج .. كنت ناوي ابلغك اليوم الصبح بس نسيت!
محمد: اللي "واخد عقلك"؟
طلال (يضحك): يدتي!
محمد( يضحك): والله ما يندرى عنك .. يقولون السكوتي لوتي !
طلال: اقول .. واللي يرحم والدينك.. فكني من الحجي الماصخ .. يالله سلم على الشباب .. انا باروح انام الحين..
محمد: صار.. يالله نشوفك.. باي
طلال: باي..
قعد طلال شوي يطالع التليفون ويفكر .. التفت على اللاب توب .. وشبك بالماسنجر ...
حس باحباط .. شيخه مو موجوده اون لاين! قعد شوي .. والا يدش المسنجر وليد ولد عمه!!
طلال: بييييييييييه! هذا من وين طالع! مالي خلقه!
وحط على حالته Away
قعد يسمع اغاني اشوي .. وفجأه يسمع صوت الماسنجر
Pink rOse… has just sign in
طلال: هذي شيوخه احضرت! : )
قوه! Hummer:
يقويك.. Pink rOse:
الحين باخلي الحوار باساميهم : )
طلال: شلونج؟
شيخه: تمام.. وانت؟
طلال: ماشي الحال .. ها ما طلعتي اليوم؟
شيخه: لا والله ما طلعت .. بس مرتني ام سالم ورفيجتها شوي .. وقبل شوي اطلعوا ..
طلال: اها .. شلونهم؟
شيخه: الحمدلله تمام .. ياحلوه سلوم ولدهم .. يهبل اسم الله عليه
طلال: : ) اي ياحليله .. شفته مره يوم ازورهم
شيخه: : )
شيخه: شلون الموفي؟
طلال: لا مارحت .. كنسلت معاهم .. وخليتهم يروحون بدوني ..
شيخه: ليش؟
طلال: والله مالي مزاج .. قعدت ادرس اشوي ..
شيخه: اها ..
طلال: ايي ما قلتلج ..
شيخه: هلا ..
طلال: اهلي راح يوصلون انشالله يوم 15/6
شيخه: يوصلون بالسلامه انشالله .. اهلي بعدهم بجم يوم : )
طلال: وبيرجعون 20/8 وناسه الصيف كله اهني..
شيخه: صج؟؟!! حتى اهلي ردتهم 20/8 بعد! هيهيهي
طلال: شكلهم متفقين من ورانا ..
شيخه: يمكن! : )
طلال: حزتهم حلوه .. بيوصلون عقب ما نخلص الفاينلز ,, يعني ماراح يشغلونا انشالله عن دراستنا ونقدر نستانس معاهم ..
شيخه: ليش متى تخلص انت؟
طلال: 13/6 .. انتوا غير عنا؟
شيخه: اي انا اخلص 18/6 بس عندي بريزينتيش لازم اقدمه اول شهر 7 .. بس عادي يوم واحد مو مشكله ..
طلال: عدل ..
شيخه: اوكي طلال انا باطلع الحين .. باروح الماركت وتالي ارجع .. تامر على شي؟
طلال: سلامتج.. بس سمعي هالاغنيه قبل لا تروحين : )
وحطلها رابط .. اغنية عبدالله رويشد / انت وينك!
شيخه: ثانكس : ) يالله باي
طلال: باي : )
اطلعت شيخه من الماسنجر واهي متكدره! ماتبي تتعلق بطلال واخر شي تنصدم! صممت على فكرة وحده .. طلال مايعني لها شي!! واهي تعلقت بسوالفه لانها في غربه .. وماعندها احد.. واهو يتعاطف معاها لانها مرت بنفس ظروفه تقريبا .. وبدافع النخوه والواجب .. مستحيل تكون الشغله اكبر من جذي.. شلون تحت واحد ما تعرفه؟؟!!! هالشي منتهى الغباء واهي مو غبيه اكيد!
حاولت شيخه تنشغل بالدراسه والامتحانات .. والبحوث .. وكانت ما تشبك على الماسنجر .. واذا اشبكت حطت حالتها appear offline كانت تشبك بس ماتبين انها شابكه .. وجم مره شافت طلال شابك بس صممت تكون اقوى وماتشبك!
تنرفز طلال من هالوضع.. وحس بضيقه.. وقامت الافكار تلعب فيه واتوديه يمين ويسار! خاف انه يكون غلط بشي من غير قصد؟!! حاول يتذكر اي شي قاله وممكن يكون جرحها من غير ما يدري!! مالقى شي!
دز لها ايميل يسال عنها وعن احاولها .. وحاول يسوي نفسه عادي .. ويسولف عن امتحاناته ودراسته ..
كان طلال متعود يدز ايميلات "اهداء" مو ايميلات عاديه ..يعني من مواقع كروت ..
وكان داز كرت اغنيه ياغايب مالت رجاء بالمليح!
قرت شيخه الكلمات ودمعت عيونها!
ياغايب عن عيوني .. أما آن الأوان
تروي عطش حنيني.. في غربة الأحزان ..
وطالت .. طالت..طالت وحدتي ..
وغابت.. غابت .. غابت بسمتي
آه.. يازماني آه.. من يأس الأماني آه
ومن ظلم الليالي .. أشكي همي وهمي اشتكى لي ..
آه آه آه .. ياغايب!
**************************** يتبع!
