moon@q8yat
New member
- إنضم
- 24 فبراير 2008
- المشاركات
- 911
- مستوى التفاعل
- 0
- النقاط
- 0
أغلى حبيبه
**مشرفة قسم بيــــتك**
ام فهودي المزيون
New member
- إنضم
- 7 أبريل 2008
- المشاركات
- 729
- مستوى التفاعل
- 0
- النقاط
- 0
rawona
**مشرفة قسم السياحة والسفر**
لووووووووووول انشالله حبوبه راح اترجم الحوار بالعربي .. بس حبيت اكتب الحوارات مثل ما انكتبت بالصج علشان تحسون بواقعيتها .. بس ولا يهمج باكتبهم عدل هيهيهي
يعطيج العافيه ومتابعين لا تتاخرين علينا
انشالله .. الحين بانزل بارتات يدد
طلال يدرس في شيكاغو مع محمد رفيجه .. وشيخه في منطقه ميلواكي بولاية ويسكونسن بس المنطقه قريبه من شيكاغو ساعه تقريبا بالسياره .. وراح تتوضح الصوره في البارت الياي انشالله ..
» мσσ∂ч ģίяĻ «;8640878 قال:
تسلموووووووووووون .. وانشالله يايتكم بارتات اكثر اكشن باذن الله
rawona
**مشرفة قسم السياحة والسفر**
cant wait
مشكورين يالغاليات كلكم .. على التشجيع والانتظار .. سوري اذا طولت عليكم بس انشالله باحطلكم الحين بارتات يدد ..
rawona
**مشرفة قسم السياحة والسفر**
اليوم الثاني ..
كلمت شيخه اخوها مشعل وقالتله انها ناويه تسوي لاهلها مفاجأه وراح توصل باجر الخميس على البريطانيه الساعه 6 الصبح عندهم.. ضحك مشعل عليها: ما امداج ولهتي عليهم!
شيخه: هيهيهي شسوي بعد اهلي!
*** *** **
مطار الكويت
الساعه 7 الصبح .. اطلعت شيخه من بوابة القادمين ادور بعيونها اخوها مشعل وشافته واقف مع دلال يسولفون وفجأه التفتوا لها واشرت لهم واهي تضحك..
سلمو على بعض وراحوا البيت .. وكانت الخطه ان شيخه تصعد غرفتها تبدل ملابسها وتلبس بجامتها وتريح شوي على ما يقعدون اهلها من النوم .. واول ما يحطون الريوق تنزل تسلم عليهم ..
بدريه: جينيفر ... وير از ذا بريد؟ اند اولسو برينغ هوني اند سلايس تشيز!
بو مشعل: هذيل لازم كل مره جذي؟! متى يفتهمون؟؟ ثاني مره مانقعد الا واهم مجهزين السفره كامله .. مو كل اشوي اناديهم ايبون شي ناقص!
بدريه: ميخالف طول بالك.. بعد عيزنا انفهم فيهم .. مثل القطار لازم كل يوم تذكرهم!
دلال: والله هالخدم شر لابد منه! مو عن ما نقدر نعيش بدونهم ..بس دواماتنا حادتنا والله ولوما الحاجه لهم جان ما يبناهم والله!
بدريه: اي والله صاجه..
بدريه: مشعل حبيبي قعد عزيزان .. علشان يمديه يتريق وتالي يلحق على صلاة اليمعه..
مشعل: قعدته الحين ينزل..
عزيز: صبحكم الله بالخير .. (ويسلم على امه وابوه واخوه )
بو مشعل: هلا .. انت ما تشبع نوم؟؟ وينك ما انشوفك؟
عزيز: لا والله يبه تدري من ارجع من المدرسه اصعد احل واجباتي وادرس وتالي العب بلاي ستيشن شوي وانام.. ولما اكون قاعد ما تكون انت في البيت..
بو مشعل: انزين اخلص بس اخلص .. ورانا صلاة مو اتأخرنا مثل كل مره!
عزيز: انشالله..
شيخه: صبـــــــــــــــاح الخير!
امها: بسم الله ! شيخه! متى يتي؟!!
بو مشعل (يطالعها مو مستوعب): شيخه؟!!
يت شيخه سلمت على ابوها واحضنته وباست راسه .. وحبت امها ولمتهاااااااا حيل واقعدت بدريه تبجي !
عزوز: شيوخه! ايا الملعونه! سويتيها وييتي من غير ما تعلمينا!
بو مشعل (مستانس): الحمدلله على سلامتج يبه؟ متى وصلتي؟؟
مشعل: اليوم رحت انا ودلال انيبها من المطار الصبح!
بو مشعل: وانت متفق معاها من غير ما تقولنا.؟!
مشعل( يضحك): بعد اتعرف بنتك.. ماتبي احد يعرف بردتها وتبي تسويها "سيبرايز" على قولتها!
بدريه ( وللحين لامه بنتها وما وخرتها عن حضنها): تعالي يمه تريقي .. شلونج؟ وشخبارج؟ انشالله مرتاحه؟؟ شنو تاكلين اهناك؟ وشنو تشربين؟
شيخه ( ميته من الضحك): يمه اشفيج الله يهداج يتيني كلج! صبري علي وحده وحده ..
الكل كان مستانس وفرحان برجعه شيوخه للبيت .. وعقب ما تغدو وخلصو .. اقعدوا يشربون جاي العصر بالحديقه ..
شيخه: يمه ..
بدريه: هلا يمه ..
شيخه: قولي منو صادفت بالتشات؟
بدريه: منو؟
شيخه: شفتي رفيجتج سعاد .. اللي ولدها راح يدرس بره.. كنت شابكه امس قبل لا اسافر على الانترنت .. و (قالت لامها على اللي صار)
بدريه: ويي طالعي الصدف! اليوم عقب المغرب انشالله راح ادق عليها واقولها ..
*********************************** يتبع!
rawona
**مشرفة قسم السياحة والسفر**
بيت بو طلال
ام طلال: ولي متى عطلتكم هذي؟ جان ييت؟
طلال: لا يمه ما تسوى كلها 10 ايام .. عاد تدرين يمه .. كلمت شيخه امس بالانترنت!
ام طلال: منو شيخه؟
طلال: يمه تذكرين يوم سولفتيلي عن بنت رفيجتج شيخه اللي كانت بجامعة الكويت واطلعت لها بعثه بره؟
ام طلال: اي شيخه بنت بدريه .. وين شفتها؟
طلال: لا يمه ما شفتها .. اول ما عطلنا قالي محمد رفيجي انه يعرف واحد من الشباب يدرس في ميلواكي ماجستير .. يمنا المنطقه بس ساعه ونص الطريج .. سأل محمد رفيجه عن الماجستير بجامعتهم .. والريال ما قصر عزمنا انا ومحمد عنده في البيت .. والمسكين ما قصر .. عقب ما خلصنا العشا وجذي .. يابلنا اللاب توب ماله ودخلنا على موقع الجامعه .. وعرفنا على البرامج ومن هالامور .. وعقب ما خلصنا اساله محمد عن مخطط قاعد يدرسه .. واقعدوا افرشوا الارض اوراق وخرايط واندمجوا عاد بشغلهم ونسوني .. المهم ما اطول عليج .. استأذنت من بوسالم هذا رفيج محمد وشبكت بالكمبيوتر ماله اتسلى شوي على ما يخلصون وبالصدفه كلمت شيخه بنت رفيجتج بالانترنت..
ام طلال ( مو مستوعبه عالم التشات والانترنت): اي بس شلون عرفتها؟ اشعرفك فيها ؟
طلال ( ضحك وحس انه توهق فألف له قصه وقالها): يمه هذا في موقع يتجمعون فيه الطلبه والطالبات الكويتيين اللي يدرسون بامريكا وبالصدفه من عرض السوالف عرفت انها كانت بالكويت قبل لا اتيي امريكا فسألتها انتي شيخه؟ و عقب ماقلتلها منو انا قالتلي اي انها شيخه .. وعرفت انها راده الكويت اتوقع اوصلت الحين .. وقلتلها تسلم عليج!
ام طلال ( تبتسم): اي ياحليلها .. انشالله اليوم اتصل على بدريه واشوفها .. المهم يمه انت شلونك؟
** ** **
كانت شيخه قاعده يم امها واهي تتصل على سعاد " ام طلال" ..
سعاد: الوو
بدريه: الو السلام عليكم ..
سعاد: وعليكم السلام .. هلا فيج .. شلونج؟
بدريه: بخير الحمدلله .. شخباركم؟ وشلون البنات؟ وبو طلال؟ وفهد؟
سعاد: بخير الحمدلله .. الحمدلله على سلامة شيخه..قرت عينج..
بدريه ( تضحك): بويه نبييج..تسلمين ياعمري .. انا داقه عليج علشان جذي !
سعاد ( تضحك): اي والله كلمني طلال اليوم وقالي .. فقلت ادق اسأل شخباركم..
بدريه: والله الحمدلله .. شيوخه اتقولي يمه دقي عليها ولدها موصيني اسلم عليهم هيهيهي
سعاد: الله يسلمه ويسلمها من الشر .. والله صج صدفه حلوه ..
بدريه: اي والله ..
واقعدوا يسولفون ويضحكون ويتبادلون الاخبار .. وشيخه طول ما كان الموضوع عنها وعن طلال كانت قاعده مرتزه يم امها وبس تغير الموضوع وصار عن معارفهم وربع الدوام وهالسوالف .. انسحبت تكتيكي من الغرفه!
تذكرت انها للحين ما كلمت حنان رفيجتها ولا بلغتها بردتها!! شلون نستها جذي!! استغربت ان معرفتها بطلال نستها رفيجة عمرها!!
******************************* يتبع!
rawona
**مشرفة قسم السياحة والسفر**
رن تلفون حنان بنغمه غريبه .. من زمان ما اسمعتهااااااا
انشالله .. انشالله .. ترجع لياااا .. انشالله .. انشالله .. حبيبي ليااا
اصرخت حنان: شيووووووووووووخ!!
شيخه ( تضحك): شرايج بالمفاجأه؟!
حنان: يالخايسه ولهت عليج!! متى رجعتي؟؟ وينج؟؟ اييلج الحين؟؟
شيخه: اكيـــــــــــد تعالي! ما يبيله كلام .. وقولي لاهلج بعد تنامين عندي اليوم .. حدي ولهانه عليج وعندي سوالف وايده.. وقولي لخالتي باجر بنتغدى بره .. انا عازمتج!!
حنان: لا يا ماما انا اللي عازمتج .. انتي ضيفتي الحين ومايصير تعزميني..
شيخه: زين وفرتي هيهيهي
حنان: اي بس ترى اكرام الضيف بس يوم واحد وبعدين كيفه يدبر نفسه هيهيهي
شيخه: ياحلوج يا حنون .. يالله عن الهذره تعالي بسرعه!
** ** **
امريكا
شيكاغو .. شقة طلال
من عقب ما كلم شيخه بالتشات ذاك اليوم .. وطلال على طول مشغول باله .. كل ما قعد شوي راح يتذكر كلامه وكلامها .. كلمه كلمه .. مايدري ليش انشغل وايد بهالشغله.. يمكن لانهم اطلعوا معرفه من غير ما يدرون؟؟ ما يدري .. بس اللي متأكد منه .. انه قام يتصل على امه يوم وترك .. مع انه قبل ما يكلمهم الا مره بالاسبوع .. وكان يحاول ما اييب طاري شيخه واهلها بس كان وده يعرف اشصار واذا كلمة امه امها او لا .. ليش؟ مايدري!
************************** يتبع!
rawona
**مشرفة قسم السياحة والسفر**
الكويت – شارع الخليج
شيخه تسوق سيارتها ويمها شيخه .. يتمشون على شارع الخليج .. الجو وايد حلو .. وخذت شيخه نفس عميــــــــــق .. واهي تقول : ياحلو ريحة البحر.. صج ولهت عليه!
حنان: ليش امريكا مافيها بحر؟
شيخه: امبلا اكيد فيها! بو مو صوبي .. انا حدي بحيرات لا ومتيمده من البرد الحين يعني ما شفت مسطح مائي للحين هيهيهي
حنان: واااي الجو خيال .. بطله فتحة السياره اللي فوق ..
الهوا كان عجيب .. قام يلعب بشعرهم ويوديه يمين ويسار ..
شيخه: الحين ننزل المطعم واشكالنا حدها غلط .. اخترب شعرنا من الهوا هيهيهي
حنان: الهوا طاير طاير .. يلعب في هالضفاير .. ومادري شنو التكمله هيهيهي
حنان: الا صج انتي وين بتروحين؟ جنج طفتي اللفه مالت مجمع زهره!
شيخه: اشحقه مجمع زهره؟
حنان: مو تبين اتغدين؟ واحنا دايما انتغدى في بيتزا هت مجمع زهره!
شيخه تضحك: ده كان زمان .. الحين راح ارقيج اشوي واوديج مكان اكشخ ..
حنان: وين؟
شيخه: أبل بيز !
حنان: اللي على البحر؟!
شيخه: ايييييي !
حنان: ماني مصدقه! شيوخه تدخل مطعم من مطاعم البحر؟!!
شيخه: ايي اشفيها؟! تدرين عاد رحت ابل بيز وانا في امريكا وعجبني الستيك مالهم .. واشفيها يعني اذا رحناله الحين؟؟ وبعدين انا تعلمت انه ما احكم على المكان من غير ما اشوف شنو اهو .. ويالله نروح ونجرب واذا ما عجبنا طلعنا!
حنان: لا يبعجبج انشالله .. المكان حلو والاكل لذيذ!
شيخه ( مستغربه): وانتي اشدراااااج؟؟
حنان: هيهيهي لما سافرتي ييت مع البنات مرتين اهني !
شيخه: ااااه ياشاقول؟؟!!! تقزين من ورااااااي؟؟ لا وماتعلمين بعد ! هين اوريج!
حنان: هيهيهيهي لا بالله تغدينا اليوم!
عقب ما تغدو وخلصو .. تمشوا على البحر شوي واقعدو يطالعون الناس الرايحه والراده .. وحست شيخه بشعور غريب .. كان ودها توقف جبال البحر .. وتصرخ باعلى صوتها !! ماتدري ليش ياها هالشعور بس كانت مستانسه! وفجأه يت في بالها فكره مينونه!
شيخه: حنانووووووووه!
حنان: هلاو!
شيخه: تدرين حايشتني موجه اينون مو طبيعيه الحين!!
حنان: هيهيهي عادي مو شي يديد..
شيخه: شرايج؟؟ ودج اتينين معاي؟؟
حنان: اكــيــــــــــــــــد!! يالله اشتبينا انسوي؟!
شيخه ( تضحك): والله تعجبيني .. معاي على الخط دايما!
حنان: هيهيهي ..
شيخه: يالله تعالي!
حنان: انزين ما قلتيلي وين؟؟
شيخه: امشي وبتعرفين!
اصفطت شيخه سيارتها في مواقف حديقه الشعب.. التفتت حنان واهي مستغربه ومو فاهمه اشتبي تسوي رفيجتها..
حنان: اشحقه يايبتنا اهني؟
شيخه وعيونها تلمع من الوناسه: صبري شوي .. لاحقه على رزقج!
ادخلوا الحديقه وراحوا سيده صوب لعبة الحبل!! (اللي يقطون نفسهم من فوق)..
حنان( اشهقت): انتي من صجج؟!!
شيخه تضحك: اكيد من صجي! اشايفتني اسوي؟
حنان: لا مابي !! ماني راكبه معاج!! اخاف!!
شيخه: بتركبين غصب مو طيب!
سألهم الهندي " منو يبي يجر هبل؟"
شيخه: انا!
وبعد ما تربطوا وخلصو .. خذت شيخه نفس عميق واهي تحس بشعور غريب وناسه على خرعه!
واضحكت على حنان اللي قامت تخوره بالحجي! وتقرا المعوذات والفاتحه ..
كانوا يرتفعون شوي شوي عن الارض .. حنان كانت مغمضه عيونها وبس تبطلهم شوي اصرخت! وشيخه كانت مبطله عيونها طول الوقت ومبتسمه! ويوم اوصلوا فوق .. عطاهم العامل الاشاره من تحت علشان تهد الحبل ويطيحون!!
شيخه: لا تخافين كلها لعبه! يالله انا راح اعد من واحد لي ال3 وتالي باهد الحبل خلج مستعده اوكي؟
حنان: واهي تبجي من الخرعه: اوكي ..
شيخه تاخذ نفس: واحد.. اثنين .. وااااااااااااااااااااااااااااااااااااااااااااااااااا (هدت شيخه الحبل قبل لا تعد لي الثلاث وصارخوا واهم يطيحون لي تحت)
حنان بغت تموت الا هيهيهيهي وشيخه بس ارتفعوا شوي وقاموا يتأرجحون يمين ويسار بالهوا كانت فرحانه ومستانسه .. وميته من الضحك على حنان اللي اقعدت تبجي وتسبها !!
********************************يتبع!
rawona
**مشرفة قسم السياحة والسفر**
مرت الايام بسرعه على شيخه واهي في الكويت .. اول الايام كانت حلوه فرحة اهلها فيها وشوفة رفيجاتها وقرايبها .. والطلعات والروحات والييات بس بعد جم يوم حست بملل مو طبيعي .. وكان ودها ترجع امريكا اليوم قبل باجر!
اهناك ... حست انه مكانها .. بيتها .. اهي صاحبة القرار فيه .. تنام متى ما تبي .. تاكل متى ما تبي.. تطلع متى ما تبي.. اهي المتحكمه بحياتها .. مو الغير .. وحست باكتئاب شوي وانعزلت اخر 3 ايام عن الكل ..
دخلت الماسنجر .. واقعدت اتجيك ايميلاتها ..
Hummer has just sign in
اطلعت هالعلامه تبين انه هالشخص دخل الماسنجر الحين .. بس منو هامر؟؟
انطرت وما تكلمت معاه ..
في احد يرجع الكويت باجازه ويجابل الانترنت؟Hummer:
جيكت على عنوان الايميل فعرفت انه طلال ..
: ) Far_aWay:
ها اشعندج مو طالعه وقاعده في البيت؟ Hummer:
ما عندي شي والله بس مليت ودي ارجع امريكا! Far_aWay:
من صجج؟ Hummer:
اي والله .. بس احس ال 7 ايام اللي طافوا كانوا كافيين ! Far_aWay:
غريبه! : ) صج اسف ما سلمت عليج! Hummer:
لا عادي : ) Far_aWay:
شلون الاهل؟ اكيد استانسوا برجعتج.. Hummer:
اي والله يحليلهم .. طاروا من الفرحه.. Far_aWay:
الحمدلله .. انشالله دوم فرحانين ..Hummer:
تسلم Far_aWay:
متى سفرتج انشالله؟ Hummer:
عقب باجر باذن الله ..Far_aWay:
يالله توصلين بالسلامه ..Hummer:
الله يسلمك .. ثانكس Far_aWay:
ماتامر على شي من الكويت؟ Far_aWay:
سلامتج والله .. Hummer:
لا والله صج .. Far_aWay:
اذا احتجت اي شي من اهني او اذا الوالده تبي ادزلك اي شي بلغني وانشالله اييبه معاي Far_aWay:
مشكوره ما تقصرين .. بس صج مو محتاج شي Hummer:
على راحتك ..Far_aWay:
اوكي انا طالعه الحين .. تامر على شي؟Far_aWay:
سلامتج .. سلمي على الأهل..Hummer:
يوصل انشالله Far_aWay:
باي Far_aWay:
باي Hummer:
بعد جم يوم ارجعت شيخه امريكا .. و ردت لحياتها اهناك .. صارلها 3 ايام من ردت .. وكانت لاهيه بالدوام وترتيب الشقه .. وتشري اغراض البيت .. وراحت زارت جمانه بعد .. فانشغلت شوي وما مداها تدخل المسنجر ..
كانت بالجامعه في لاب الكومبيوتر .. تجيك ايميلاتها .. وشدها ايميل غريب.. كان عباره عن اهداء ..
افتحت الايميل وقرت
الاهداء من 6alal
المسج: الله بالخير .. شلونج شيخه؟ شخبارج؟ الحمدلله على سلامتج.. عسى ماشر ما تبينين؟ عموما بس حبيت اسأل عنج .. يالله تيك كير ..
الاهداء: بطاقه من رعودي.. أصيل بو بكر/ علينا..
افتحت الاهداء واسمعت اغنيه اصيل ..
علينا اشفيك ما تسأل .. ترى الغيبه تضايقنا ..
أكيد الناس قالولك.. سوالف بالخطا عنا!
وابتسمت!
*****************************يتبع!
rawona
**مشرفة قسم السياحة والسفر**
الله يعافيج حبيبتي .. ثانكيوو :eh_s(22):
عاد أعرف ناس الحين يدرسون بولاية ميلواكي
وانا رايحتلها سياحه سنة 1996 خوش منطقه هاديه .. بس اهي مو ولاية على فكره اهي منطقه بولاية ويسكونسون .. :sfg:
وااااو الأحدااااث اتينن ومتابعتج
اي أدري مو ولاايه خخ مادري ليش قلت ولايه :eh_s(22):
واااااي شعور حلو الحرية الدراسة برا حدا كان ودي اجربا وخاصة بامريكا الله يهني شيخه بالقعدة هناك و يوفقها >>>>>لووووووووووووووووول جني اعرفها
بليييييييييز كملي
بليييييييييز كملي
Shima-Style
New member
القصــــــــــه حلووووووووووووووووه
لما اقـــــــرااا اندمجت مع القصه احس جني انا شيخه >>> ههههههههههه
يالله كمــــــــــــــــــلي القصه
لما اقـــــــرااا اندمجت مع القصه احس جني انا شيخه >>> ههههههههههه
يالله كمــــــــــــــــــلي القصه
