قصة حب بين طلال وشيخة ... مو صج!!عجيــــــــــــبه... "قصة حقيقية"

[rawona]

بيت بو مشعل


بومشعل: يالله يبه .. مشعل .. دلال .. تأخرنا .. لا تطير طيارتكم !

مشعل: كانا .. الحين نازلين ..

مشعل يكلم امه اللي شايله "ليان" بنته وواقفه اطالعهم واهم يلملمون اغراضهم مبتسمه ..

الله يهديه الوالد .. ماايووز عن سوالفه .. اللي يشوفه مختب هالكثر يقول اهو اللي مسافر مو احنا!

دلال تسكر اخر جنطه وتضحك: ياحليله عمي .. يحاتينا المسكين .. يالله مشعل اخذ الجنطه معاك وانزل له قبل لا يعصب زياده .. على ما اقفل الدار واعطي خالتي المفاتيح ..

مشعل: يالله انا تحت .. لا تبطين لا يذبحني ابوي ..

دلال: انشالله ..

ام مشعل: اصبر خلني اسلم عليك من الحين .. مابي انزل وياكم علشان لا تشوفكم ليونه طالعين وتقعد تصييييح بعدين!

نزل مشعل.. ورتبت دلال الغرفه على السريع .. واقفلت الدار وعطت خالتها المفتاح .. وباست ليونه .. وعيونها تغورق!

ام مشعل: يالله حبيبتي .. تروحون وتردون بالسلامه .. ديريبالكم على عمركم يمه .. وانشالله موفقه برسالتج.. سمي بالرحمن واقري المعوذات واية الكرسي وادعي ربج وانشالله الله يسهل عليج .. وتخلصين من هاللويه انشالله ..

دلال وهي تبوس خالتها على راسها: الله يسمع منج انشالله ... خالتي ميخالف اسمحيلي اذا كلفت عليج وخليت اليهال عندج .. والله لو حالة امي تسمح جان وديتهم عندها ..

ام مشعل: اشدعوه يابنيتي .. الحين بتزعليني منج! انتي مو مثل بنتي لانج اصلا بنتي .. وعيالج عيالي .. روحي يمه ولا تحاتين .. وموفقين انشالله .. عيالكم بعيوني ..

دلال: مشكوره خالتي .. والله يخليج لنا ذخر دووم..

مشعل يصارخ من تحت الدرج: يالله يا ام خاااااااااااااااالد .. تأخرنا .. لا تخليني اهون الحين واقعد!

نزلت دلال الدرج ركض ولحقت مشعل بره..



************************** يتبع!

​

 

[aldana]

مابغيتي تردين علينا روانه
مابقى شي و يخلص الدوام

 

[rawona]

الشباب متيمعين بقهوة شعبية..

طلال: اييييييييييه ياحلو الكويت .. وياحلو هاليمعه ..

سالم يبتسم: والله انا متحجي .. انت توك ياي ومستانس الكل طاير فيك .. انطر لين يملووون وتالي بتقوول وينج يا امريكااااااااا!

طلال: لاااا بل! ياحلو ديرتنا .. على الاقل الواحد قاعد بين اهله وناسه و ربعه ..

سالم: ايي انزين .. باذكرك باجر وبتشوف (يبتسم)

التفت طلال على ضاري: هااا شلونكم مع الهاند؟؟ للحين تشتريلهم عشا؟ هيهيهيهي

ضاري: ولييييييييه .. مانخلص احنا !

الشله: هيهيهيهيهي

سالم: ها شمسوي مع الدراسه؟

طلال: والله ماشي الحال .. الحمدلله الامور كلها طيبه .. وانشالله من الكورس الياي راح اكون على حساب التعليم العالي ..

سالم: انشالله .. تستاهل يابوحموووووود ..

طلال مبتسم: تسلم ..

قعدوا الشباب يسولفون ويضحكون ويتذكرون ايام الشطانه والدراسه لي الليل ..


****************************يتبع!

​

 

[rawona]

بيت ام مشعل

تدخل شيخه الصاله وتلاقي امها رافعه التلفون وتتصل برقم ..

شيخه: ادقين على منو يمه؟

بدرية: على رفيجتي سعاد تذكرينها اللي كانت معاي بالدوام.. اللي سولفتلج عنها مره .. تلفونهم مشغول.. خل احاول بعد شوي .. اقولج اللي مره قلتلج الجامعه افصلوا ولدها واهو بسنه ثالثه .. وتالي دزه ابوه يكمل دراسته في امريكااا ..

شيخه وهي تحس بغمته وحسره: اي امبلا .. جنج قايلتلي عنها مره .. انزين ليش بتدقين عليها؟

بدرية: عرفت من نوال رفيجتنا ان ولدها ياي باجازة بالصيف وماكانوا شايفينه من سنه .. فقلت ادق اتحمد لها على سلامته واسلم عليها بالمره ..

شيخه: اها .. اوكي .. يالله اخليج تكلمينها على راحتج .. ماشفتي ابوي؟

بدرية: ابوج راح الديوانية .. بعد شوي بيرجع .. بغيتي منه شي؟

شيخه: اي والله .. اذا رد ناديني .. ابي اكلمه ضروري ..

بدرية: خير يمه؟ فيج شي؟ (مخترعه)

شيخه: لا يمه اشفيج اخترعتي .. مافيني الا العافيه ..بس ولهانه عليه وكنت ابي اسولف معاه شوي ..

بدرية: اكيـــــــــــد؟؟

شيخه: اي يمه اكيد.. لا تحاتين .. اخليج تكلمين رفيجتج الحين ..يالله سي يو ..



***************************


يالله بنات .. هالبارتات "تصبيره" لين نلتقي العصر انشالله ..


aldana ... سوري والله شاسوي .. اليوم انكرفت بالدوام .. وقاعده اكتب هالبارتات السريعه لكم .. والحين باطلع باروح البيت تأخرت على عيالي .. وانشالله اسمع افعالكم العصر ..


الى الملتقى :klhfl:

​

 

[fatma]

حبيبتي القصة حلوة يالله كملي البارتات وايد اقصار ابسرعة ايخلصون

 

[HERMITAGE]

تسلم الانامل والله قصه حدها مشوقه تدرين اني من امس متسمر قدام اللاب توب على صفحاتج الصراحه كتابتج تشد واسلوبج روعه روعه روعه وروعه انها قصه حقيقيه هذا الاجمل
كملي حبيبتي والله يعطيج العافيه ويشرح صدرج مثل ما طلعتيني من الجو الي انا فيه
لا يوقف لا يوقف لا يوقف

 

[New Mum]

حافظج الرحمن رونه
في انتظار البقيه

 

[الغاليه ام احمد]

تردين البيت بالسلامه ان شاء الله والله يفرحك بعيالك ويعطيك الف عافيه واحنا بانتظار التكمله لا تتاخرين علينا حبيبتي

 

[esperanza]

يعطيــج العااافيه

وناطرين بارتات العصر .. وصح البارتات قصيره بسرعه تخلص .. جان زين تكون أطول

 

[» мσσ∂ч ģίяĻ «]

مشكووووووووووووووووره رووونه حبيبتي عالبارتات وان شالله ناطرينج العصر

 

[احساس الشعور]

تسلم ايدج على هالقصه وبنتظار التكمله

 

[حور العيون]

<<عـآيـشـه آلـدور مع القصه لووووووووووووووووووووووووول


كملي فديـــــتــج

 

[احساس طفلهـ]

متابعه

 

[عاشقة الصمت]

كملييييييييييييييييييييييي

 

[rawona]

حبيبتي القصة حلوة يالله كملي البارتات وايد اقصار ابسرعة ايخلصون

حراااااااااام عليج .. اطول من جذي مااقدر هيهيهي​

تسلم الانامل والله قصه حدها مشوقه تدرين اني من امس متسمر قدام اللاب توب على صفحاتج الصراحه كتابتج تشد واسلوبج روعه روعه روعه وروعه انها قصه حقيقيه هذا الاجمل
كملي حبيبتي والله يعطيج العافيه ويشرح صدرج مثل ما طلعتيني من الجو الي انا فيه
لا يوقف لا يوقف لا يوقف

مشكوره حبيبتي على المتابعه وانشالله دووم مستانسه والله يبعد عنج الضيقه والحزن .. ​

حافظج الرحمن رونه
في انتظار البقيه

انشالله من عيوني ..​

تردين البيت بالسلامه ان شاء الله والله يفرحك بعيالك ويعطيك الف عافيه واحنا بانتظار التكمله لا تتاخرين علينا حبيبتي

الله يسلمج .. مشكوووووووووووره..​

يعطيــج العااافيه

وناطرين بارتات العصر .. وصح البارتات قصيره بسرعه تخلص .. جان زين تكون أطول

تبون بارتات اقصار ووايد؟ والا اطول وشويه؟ هيهيهي انشالله احاول اطول في البارت شوي ​

مشكووووووووووووووووره رووونه حبيبتي عالبارتات وان شالله ناطرينج العصر

تسلم ايدج على هالقصه وبنتظار التكمله

<<عـآيـشـه آلـدور مع القصه لووووووووووووووووووووووووول


كملي فديـــــتــج

متابعه

كملييييييييييييييييييييييي

كلـــــــــــــــــــــكم .. مشكورين وايد .. وايد .. وايد .. على المتابعه والحضور .. وانشالله تعجبكم الروايه .. تسلموووووووون ..
​

 

[rawona]

باريس

ام وليد: بس تعبت من الفراره بالسوق وشيلة الاغراض! شكلي بارجع حق ابوكم بالفندق وارتاح لي ساعه وتالي ارد، بتيون؟

شريفه: لا يمه انتي روحي ارتاحي لج اشوي .. احنا بعدنا ماخلصنا للحين فينا "شوبينغ" بس بنروح انتغدى اول وتالي انكمل.. بليز ماماتي اخذي جياستنا معاج دامج بتروحين!

ام وليد: اوكي بس لا اطولون! ماني طالعه قبل لا اتييون..

فاطمه: انشالله ..
ام وليد: يالله ديروبالكم .. بيباي..

البنات: باي!

شريفه: هاااا وين ودج اتغدين؟

فاطمه: مالي خلق اكل شي! اللي فيني مكفيني!

شريفه: هااو اشفيج؟!

فاطمه: مليت من القعده اهني .. ودي ارجع الكويت!

شريفه: عشتوا! من متى هالوطنيه؟ (تبتسم)

فاطمه: شرفووه! عن الاستعباط! تدرين ليش ودي ارجع!

شريفه: لا مادري.. ذكريني!

فاطمه: شرفوووه!

شريفه: افطيم.. اصحي! خلاص انسي طلال.. ماعاد لج! طلال خلاص نسااااااج! هذا اذا ماعرف له وحده وحبها عقبج بعد!

فاطمه: لااااااااا مستحيل ينساني! مستحيل! مو بهالسهوله!

شريفه: فطوم.. صج انتي اختي .. بس الحق ينقال.. انتي اللي ضيعتي طلال من ايدينج.. انتي اللي تخليتي عنه ورفضتيه.. انتي اللي خفتي من امي يوم طاحت على دفتر اشعاركم ونكرتي كل شي! صلحيلي لو كنت غلطانه .. مو انتي اللي قلتي "طلال مثل اخوي" << تقلد فيها نبرة فاطمه.. لو كنتي تحبينه صج جان ماتخليتي عنه و اهو يمر باصعب مرحله بحياته!

فاطمه تبجي: انا مادري ليش سويت جذي! كنت خايفه من امي .. وبنفس الوقت ماكنت عارفه شاللي ابيه بالضبط! كنت اقول ان كلام امي صح .. طلال ماكان ماشي بدراسته .. وفشل.. وكان مستقبله مجهووول .. فخفت.. وماعرفت اتصرف .. (تصيييييح)

شريفه تتنهد: خلاص الحين اللي صار صار .. ومابيدنا نسوي شي.. انتي الحين ضمنتي مستقبلج وخلصتي دراستج .. وطلال للحين يدرس على حساب اهله (ابوهم ماقالهم عن تحويل دراسة طلال على حساب الحكومه) .. وللحين مايندرى شبيصير.. يمكن يتخرج ويرد يتقدم لج .. لا تفكرين وايد فيه .. وخليها على الله..

فاطمه تمسح دموعها: يالله .. خل نروح نخلص شغلنا لا انتأخر على امي..

شريفه (تقول بقلبها ماكو فايده .. اتصرقع من امي هيهيهي): لااااااااا اول شي نروح انتغدى وتالي نخلص "الشوبينغ" ..
فاطمه تبتسم: بطينييه من عمرج تموتين اذا مابلعتي .. يالله ..


******************************** يتبع!


​

 

[عاشقة الصمت]

متابعين كمليييييييي

بنات ترى قصة نجود انحذفت وين نتيمع ؟؟

اسفة روون اذا دخلت عرض بقصتج

 

[rawona]

شيخه قاعده بغرفتها تكلم حنان على التلفون..

حنان: ها كلمتي ابوج على سالفة تغيير الكليه والا للحين؟

شيخه: لا والله للحين .. ناطرته يرد من بره وباكلمه انشالله .. والله يستر!

حنان: هيهيهي .. اشدعوه السالفه ماتخرع لي هالدرجه .. مااظن عمي خالد بيقولج شي!

شيخه تقول لنفسها "ايييه بلاج ماتدرين شالسالفه".. : اوكي حنان اكلمج بالنت .. الزعيم شابك الحين .. يالله سي يو ..

ال MIRC

قناة احلى بنات (اللي مسويتها حنان)

#a7la_banat

Alza3eem: al salaaaaaaaaam

وعليكم السلام KaiKah:

اهلين يالزعيم.. KaiKah:

وعليكم السلام والرحمه Ghareebah:

^7adee^cOoL^: w'salaam bro, shlonik?

Alza3eem: hala walla

Alza3eem: haa esh3endekom metyam3een?

ماكو .. بس حش وسوالفKaiKah:

صج الحمدلله على السلامه .. تو مانورت الكويت Ghareebah:

Alza3eem: allah esalmich sweety, el q8 mnawrah bahalhaa

الزعيم بالكويت؟! من متى؟؟ ماحد ماقالي KaiKah:

^7adee^cOoL^: hehehe , ee wallah 7ata ana "ma7ad ma gallee"

Alza3eem: hehehe… ams we9alt .. 3la balee galatlekom Ghareebah

بصراحه انا نسيت .. هيهيهي توني ذكرت يوم شفت نيك نيمك Ghareebah:

يالله انشالله نعوضك باستقبال حلو باليايات KaiKah:

Alza3eem: inshallah ..

Alza3eem: ^7adee^cool^ , **** nawee terja3 inshallah?

^7adee^cOoL^: ummm wallah elwed wed eared elyum gabel bacher

^7adee^cOoL^: bs ma agdar ma5eth 9aifee , inshallah 3la x-mas

انشالله .. KaiKah:

يالله .. ميخالف انشالله لاحق على الكويت وحرها وغبارها Ghareebah:

انت خلص وييب الشهاده وتالي يصير خير Ghareebah:

^7adee^cOoL^ : inshallah .. teslemeen yal '3alyah

الله يسلمك .. Ghareebah:

Alza3eem: brb

تيت KaiKah:

^7adee^cOoL^: tyt

تيت Ghareebah:

شرايكم نلعب سكرامبل؟ KaiKah:

اوكيــــــــــش Ghareebah:

^7adee^cOoL^: yallah …

***

تشات خاص بين شيخه والزعيم
Alza3eem : (

اشفيك؟ Ghareebah:

Alza3eem: z3laaaaaaaaaaaaan 3alaich !

شيخه: اووف شيبي هذا بعد!

ليش؟ اشسويت؟ Ghareebah:

Alza3eem: l2anee a'3aaaar 3alaich .. o mabee a7ad ekalmich '3airee!

شيخه: هيهيهيهي لا صدقتك!

تغار علي من منو؟ Ghareebah:

Alza3eem: ma a7eb a7ad egolich "yal '3alyah" !

شيخه: اتحفتني!

اممممم بصفتك منو؟ Ghareebah:

Alza3eem: : ( y3nee ma tadreen '3alatich 3endee?!

شيخه: امبيه والله شبابنا عجبه! من صجه هذا؟ اخاف صدقته! قايلها لمليوووووون وحده غيري هيهيهي شحسباله باتحطك الحين من كلامه هيهيهي

تدخل شيخه بتشات خاص لحنان ..

حنوووووووووووون هيهيهيهي Ghareebah:

هااا وين رحتي ماتردين علينا على العام؟ KaiKah:

الزعيم قاعد يكلمني على الخاص .. امبيه مو صج Ghareebah:

شنو؟ : ) KaiKah:

شوفي انا باسويلج كوبي بيست .. اقري وضحكي Ghareebah

لووول اوكيش KaiKah


واقعدت شيخه وحنان يسولفون بالنت ويضحكون ويدردشون مع شلتهم الانترنتيه لي الفير! ونست شيخه تكلم ابوها!



​

 

[esperanza]

متاااابعه وناااسه كملي

فضول فيني وسؤال طرح نفسه .. الزعيم مو اهوا طلااال مو ؟ هذاك جنه كان راد قبل وشخصيته أثقل صح ؟

 

[esperanza]

شوقتينااا روونه

قمت أفسر على كيفي لوووول كملي