قصة توايلايت

[بدويه حضريه]

الجزء الثاني نيو مون اللي شايفينه ياريت تكتبون شنو صار بالضبط

 

[أروسا]

بيلا تكون مع ادوارد

بس عائلة ادوارد اضطرت انها تنتقل لأنه الناس لاحظت انه ابوه الدكتور ما كبر على الرغم من مرور 10 سنين على وجوده بالمنطقه

و يترك بيلا و يقول لها خلاص انا بنتقل معاهم ديري بالج على روحج

اهي انهارت و قامت اتصارخ و اهي نايمه و كانت ادز ايميلات حق اخته ساره مادري ليزا مو ذاكره اسمها و تقول لها كل شي يصير وياها

و ما كان في رد من اخته بعد يعني كانت اطرش ايميلات على الفاضي

بعدين طلع لها جيكوب اللي شعره طويل و يساعدها و يحبها و اهي تقوله انته جست فريند و بععدين جيكوب يدش مع شله تتحول حق ذيابه و اهوا يتحول وياهم بعد ..
و بهالحزه كانت فيكتوريا اللي بالجزء الاول اطارد بيلا تبي تنتقم منها لأنه من سبتها اذبحوا رفيجها بس جايكوب و ربعه كانوا له بالمرصاد بس ما اقدر يصيدونها لأنها وايد سريعه و طبت بالبحر...
و بعدين
قامت بيلا تتذكر كلام ادوارد لما قال لها دير بالج على نفسج ولا تسوين شي غبي .... قامت تسوي اشياء غبيه يعني اتعرض حياتها للخطر و كل ما سويت شي غلط طلع لها ادوارد على شكل خيال ينصحها فيه و اهي تستانس ... لين ما مره قطت روحها من فوق الجبل تبي اطيح على البحر و طلع لها ادوارد و قالها لا تسوينها و طبت اهي استانست لما طبت بس ما توقعت موج البحر جذي كبير ... وقام الموج يكفخ فيها لين ما غرقها ... فا و اهي تغرق كانت مبطله عيونها شافت فيكتوريا يايتلها اهي اني استسلمت لأنها خلاص بتموت .... و بعدين يت أيد من بره و اسحبتها (كان جيكوب) و قعدت و وصلها البيت ... وكانت بالبيت اخت ادوارد و قالت انتي حيه ما متي ... انا شفت رؤيه لج انه انتي متي شلون جذي ليلحين عايشه و طبعا جايكوب ما كانت عاجبته ساره لأنها فامباير و عقبها اطلعت ساره عقب ما اطمنت عليها و رن تليفون البيت و وشاله جايكوب(صج ملقوف) و قال حق المتصل انه ابو بيلا قاعد يحضر حق مراسيم الدفن .... اهني ساره استغربت قالتله مراسيم منو ؟؟؟ و منو حاجيت انت ؟؟؟؟

طلع ادوارد لأنه ادوارد حس انها ماتت فا حبت يدق يتأكد فا قرر انه يروح ايطاليا عن رئيس الفامباير عشان ينهون حياته لأنه حياته من غير بيلا مالها طعم

فا يت ساره مره الثانيه حق بيلا و قالت انه اخوي على باله متي واللحين رايح ايطاليا عشان ينهي حياته

اهي اهني مسكينه طار عقلها و سافرت بسرعه ايطاليا مع ساره


و راح ادوارد حق الرئيس و قاله ابيك تنهي حياتي قاله لا ما لا داعي سببك تافه و خلاه يمشي فا قعد ادوارد يفكر شلون يموت فا تذكر انه اذا في فامبيير كشف نفسه حق الناس بحزة شمس و الناس شافوه و اعرفوا انه فامباير يتخذ مجلس الفامباير قرار انه ينهون حياته

فا ما شاف الا هالطريقه .... و طبعا ساره و اهي بالسياره شافت كل هذا و قالت اخوي راح يكشف نفسه جدام الناس و بيموت و انه انا اذا رحت له و قلتله انج ما متي ماراح يصدقني روحي انتي بنفسج

و اشوى تلاحقت عليه بس مجلس الفامباير حسوا انه في شي غلط و اجتمعوا فيهم و اعجبتهم بيلا واااااااااايد و قالوا حق ادوارد انت شلون مستحمل وحده جذيه شكلل تتعذب وايد عشان ما تعضها


و اتفقوا انه بيلا تتحول حق فامباير عشان يرتاحون الكل .... بس شكله بالجزء الثالث تتحول بيلا


و خلصت و ملصت ويت الديايه و عنفصت

 

[مـ سهله ـو]

اييييييييييييي راح يحولون بيلا الجزء الثالث بس ان شاء الله جاكوب ما يخرب عليها

بس اللي قهرني انها قالت لجاكوب بآخر الحلقه احبك اوووف غثتني وقالت له لا تخيرني لاني راح اختار ادوارد وااي غثتني

 

[أروسا]

بيلا ام ويهين

تحب ادوارد و لما ما حصل لها راحت حق جايكوب و لما رد لها ادوارد خلت جايكوب

ما تستحي

 

[مـ سهله ـو]

اي انا اتوقع الجزء الثالث تحب زوج اليس هههههههههههههههههههههههههههههه

 

[SKY123]

نسيتي شغله نهاية الفلم بيلا قالت حق ادوارد حولني فامباير جان يقولها اوكي بس بشرط قالت له شنو جان يقولها تتزوجيني!!
انصدمت جان ينتهي الفلم!!

بس اللي انبط جبدي انه بيلا قالت حق جيكب أحبك بس لا تخيرني بينكم لأن راح اختار ادواارد شنو هذا ليش جذي ام ويهين؟ ليش ادوارد يسكت لها؟
لاعبه عليهم
المخرج صج عبي شنو هذااااا!!!!!!!!!

ونهايت الفلم مو حلوه تبط الجبد
الحين متى ينزل جزء الثالث بعد سنه
يالله بنطر توافق عليه وتتزوجه ام ويهين؟ اتوقع اي
مالت عليهم!!
يالله ننطر بعد شنسووي

 

[ReRez]

زين بنات يعني اذا شفت الفلم ماله داعي اقرى قصة نيو موون؟؟ الجزء الثاني من تويلايت؟؟
لأني بشووف الفلم وهم احب اقرى بس اذا نفس الشي بالظبط ماحب .. عاد اللي قاري الروايه نفس الفلم؟ ولا في اشياء غير؟؟؟

 

[miss-pinksh]

زين بنات يعني اذا شفت الفلم ماله داعي اقرى قصة نيو موون؟؟ الجزء الثاني من تويلايت؟؟
لأني بشووف الفلم وهم احب اقرى بس اذا نفس الشي بالظبط ماحب .. عاد اللي قاري الروايه نفس الفلم؟ ولا في اشياء غير؟؟؟

انا احسه نفس تلخيص يعني كل شي مهم بالفلم كاتبينه و الاشياء الباقي عاديه يعني ما لها تاثير بقصه الفلم

 

[أروسا]

انا ما قريت الكتاب

بس وصلتني معلومه قالوا انه اللي سحب بيلا من البحر اهي فيكتوريا !!!!!!!

لأنها ما تبيها تموت غرقانه ... تبي اهي بنفسها تذبحها بس ببطئ


وبالفلم حاطين انه الأيد اللي اسحبتها إيد جايكوب !!!!!



مادري اذا اللي سمعته صح ولا لأ

 

[ALBAROUNA.FAJER]

انا قريت الكتاب وشفت الفيلم


ترى الفيلم مغيرين الأحداااااااث حيل حيل



بس القصه تينننننن تكسر الخاطر مايكسر خاطري غير جيكوب بيلا انانيييه حيل حيل


ومايكسر خاطرج بنيو مون الا اخر شي لما جيكوب راح عند باب بيتها << بالفيلم حاطينه انهم بالغابه

بس نيو موون لا يطوفج الروايه احسن من الفيلم بوايد