قصة الخلق من العرش إلى الفرش

[مناير2000]

السلام عليكم ورحمة الله وبركاته
شلونكم بنات شخباركم
بدخل بالموضوع على طول لاني ماحب المقدمات الطويلة
بنات انا قريت كتاب قصة الخلق من العرش الى الفرش شريته من مكتبه العجيري بصراحة الكتاب خلاني في موضع محير ولااني قادرة اتثبت بحقيقة امره هل هو مجاز من دار الافتاء لدول الخليج لانه الكتاب يتكلم عن اشياء مخالفة للي درسناه في مختلف مراحل التعليم مثلا الكاتب يقول :-
1-ان الارض ثابتة وكل ماحولها يدور الشمس والكواكب "يسبحون
2-ان الكون خلقها الله في ستة ايام واللي علمونا اياه في المدارس ان الارض تكونت من انفجار وبعدين بردالنواة واصبحت مركز الارض وان الاشياء هذي صارلها بلايين السنين
3-وان الارض اول ماخلقها الله كانت تميد يعني تتحرك غير ثابتة فالقى الله عليها الجبال علشان يثبتها يعني الجبال مختلف عن خلق الارض
وغيرها من المعلومات
الكاتب يستند على ادلة قرآنية واحاديث نبوية ومقنع جدا لكن مادري عن حقيقة الكتاب هل هو مجازاو لا لان الكتاب خلاني في وضع الحيرة والشك :gr4uu:
فاللي عندها خلفية عنهالموضوع ياليت تساعدني

 

[yam_yam]

ان الكون خلقها الله في ستة ايام واللي علمونا اياه في المدارس ان الارض تكونت من انفجار وبعدين بردالنواة واصبحت مركز الارض وان الاشياء هذي صارلها بلايين السنين


هذا شي محيرني انا بعد

 

[ملكة الفن]

امبيه ما ادري شوفي الارض تدور و القران قال هذا الشي وفي الايه التي يولج الليل و الله مو متذكرتها علشان ما اخربط
يعني اثبت ان الارض تدور و مو ثاتبه هذا بالنسبه للنقطه الاولى اما الثانيه صح ماده الاسلامية تعلمنا ان الارض خلقت في 6 ايام و العلوم انها تكونت من انفجارات و ما ادري شنو
اما النقطه الثالثه ما ادري اول مره اسمعها
و ارجو السموحه اذا كانت معلوماتي غلط لان هذا الي اعرفه

 

[المهذبه]

يقول الله تعالى(ماأشهدتهم خلق السموات والارض) واذا الله عز وجل قال (ولقد خلقنا السموات والارض في ستة ايام)انا أؤمن بما قاله الله
واضرب بعرض الحائط جميع النظريات(على فكره كلها نظريات يعني اللي الفها يقول هذي نظريه قابله للخطأ) والمشكله عندنا يدرسوننا انها حقيقه!
لازم نعرف الفرق بين النظريه والحقيقه العلميه

مثلا النظريه مثل نظرية داروين(الانسان كان خليه بعدين كائن مائي بعدين برمائي بعدين تطور وصار قرد وبعدها تطور وصار انسان)
ليش سوا هالنظريه؟لانهم علماء طبيعه ومايؤمنون بالله ويؤمنون ان الطبيعه هي اللي خلقت نفسها(كل هذا عشان مايبون يؤمنون بالله وقامو يخرفون)فهم لازم يفسرون كل شي في منظور علمي غير ديني
وقامو يألفون نظريات ويقولون هذا توقعنا لكذا وكذا وحنا العرب نعتبرها حقيقه
عندنا كتاب الله وسنة نبيه اي شي يخالفهم نرميه خلفنا
وصدقوني لايمكن يختلف الدين مع العلم الحقيقي(مو النظريات الخرافيه)

 

[وسن 11]

المهذبه
صاجه انا معاج فلي قلتيه

 

[بنت باباتي]

في رواسخ يعني مافي مجال لشك فيها المهذبه قالت اللي بقوله

بس هل كل شي درسناه بالمدرسه صح
لا طبعا
انا اقولج ليش المدرسه تقول ان الانسان حيوان ناطق
قال تعالي الآية:70 من سورة الإسراء
{ولقد كرمنا بني آدم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا }
والمدرسه تقول انه الانسان اصله قرد
فهل كل شي درسناه صحيح؟؟؟؟
طبعا لاااا