قصة اعتراف !!!

[الاحاسيس المبهمه]

مساء وصباح الخير =)​

مادري ليش ودي اكتب موضوع عن اللي بسويه
يمكن عشان استحي وألتزم ؟
ولا عشان اريح ضميري ؟
ولاعشان استشيركم ؟
مادري :| بس اللي اعرفه ان اللي تعرف اي معلومة عن اللي بقوله لاتبخل علي :eh_s(22):​

الله يسلمكم انا قصتي قصصة طوييلة مع الرجيم والمتن
صج صج صج صج موغشمرة
يمكن مريييت على كللل دكاترة الرجيم والله بدون مبالغه !
ومشتركة مع دايت كير 4 مرات =)
ورجيم سنتر مرتين =)
وحتى الحبوب خذيت !
ونوااادي جامبينز حفظني اشتركت بالقديم واليديد سنة سنة !
وماشافوا رقعة ويهي الا جم شهر !​

المشكلة ان ارادتي وعزيمتي موطويلة الامد !
حييل حيييل ملوله انا وما احب الروتين !
وما احب ألتزم بشي لمدة طويله إذا كنت ما أحبه !
ورغم هذا انا مقتنعه ان الاطنان الي فيني إلي صالها قرن !
ماراح تروح يوم وليله !
بس كلام الليل يمحوه النهار !!!!!​

تدروون متى حسيت ان صج صج صج لازم اضعف ؟!
رحت عرس وشفت البنات شزينهم ؟!
وشفت وحده كانت دبلي مرتين ؟!!!!
وصارت اضعف مني ب3انصاص !!
قلت شنو فيها زود؟
ليش اهما يقدرون وانا كللله ما اقدر ؟؟؟
ليش انا استحي اطلع واتمشى والبس ؟؟
لييش انا شفيني ؟؟
جمال ودلال واصل وفصل واينن واهبل وزووغه واسمله عليومقعدي ماينمل
ومآآآآِآآآآشاااءالله علي بس متيــــنه !!!!!!!!!! ( طوفوا المدح )​

والله لمن كنت بالعرس انا كنت امتن وحدده من اللي بعمري!!
لييششش؟؟؟؟
لييش احط اهلي بموقف محرج ؟؟
ترى صج واايد محرج للأهل ان بنتهم او ولدهم متااااان
حتى لو ماقالوا بس اكيييد يحسوون صدقونييي!​

وحتى الامراض انا عرضة لها .!!
خلو الربو على صوب من وانا صغيره فيني
بس وايد زايده ازماتي
ومن فترة بغيت امووت من الخنقة !​

وغير جذي هل الحبوب اللي انتشرت بويهي كللله من الدهون​

راح تقولون ابالغ ؟؟
بس ترا هذا موبس حالي هذا حال كل بنت متيينه =)))!!!!!!!
وان مااعترفت فيه !
ترا اصعب شي الاعتراف
انا لمن اتعرفت ان فيني وفيني ولازم اسوي جذي وجذي قمت ابجيييي
قاعده اقوول لييششش اووصل لي هل المرحله لييشش؟؟؟؟؟؟؟؟؟؟؟!!!!!!!​

موضوعي طويل صح؟؟
بس ترا موهذا الشي اللي بقوله لكم الاسااسي​

قررت والله يقدرني ويعينييي ويصبرني ويسهل علي​

اني اضعف !
وغير طريقة حياتي !
واصدم نفسي فيني !
واصدم الناس =)) ! لان بالاونة الاخيره وااايد ناس قامو يقطون علي حجي اني
ما اقدر وبقعد جذي على طول ومن هل الكلام !:eh_s(8):​

اول شي سويته طلبت حبوب Ab slim
من التاجرة مودرن ... عقب باجر يوصلون =)​

ورحت عالجت ويهي من الحبوب عطوني حبتين باليوم (كل وحده فيهم 300 غرام ) ​

وببدي رجيم !!!!!!!!!!
يوم الاحد !!!!!!!!!!
تاريخ 18/2/2012
رجييييم صجي صجي صجي
موخرابيييط !!!​

بس ابي دكتورة التزم معاها بالرجيم
لان اعرف نفسي لاازم احد يتابعني
ف هل المره مابي شي يخليني اتردد او اضعف !!​

وابي احافظ على شعري !​

فياليت تساعدوني ...
من ناحية قياس الجرامات حق الحبوب عادي اخذ حبوب ويهي وحبوب الشعر وحبوب الرجيم ؟!!​

وابيكم تنصحوني حق طبيبة تغذية زينه ...​

وللمرة المليوون اقولكم مادري لييش كتبت الموضوع
حسيت ودي افضفض ودي اقول
ودي اشرح ودي ودي وودي
ابي دافع ابي بووووش قوي وجميييل منكم ...​

 

[الامل بالله 2]

الله يكون بعونا اختي كلنا نعاني من قل الاراده شنسوي كل يوم نقول باجر 000000000

انا مثلج ماكو اراده وابي احد يشجعني0000000

 

[العصماء]

الله يعين حبيبتي ويوفقك ويوفق الجميع

 

[Queen of Sadnes]

تقدرين ان شاء الله واللي ضعفوا مو احسن منج بشي انتي بس شدي حيلج وتوكلي على الله ترا والله مو صعب وانتي لاتحطين في بالج انه رجيم لا اعتبريه اكل صحي وبعدين ابتدي بالتدريج اول شي تخفيف وبعدين ريجيم
والله يوفقج ان شاء الله وصدقيني ارد واقول ماكو شي صعب

 

[الاحاسيس المبهمه]

شششكرا
لكل من رد

بس محد جاوب تساؤلاتييي =(

 

[؛؛حلاوه؛؛]

انا مبطله قروب رجيم بالواتساب حياج معانا نشجع بعض

اذا بغيتي دزيلي رقمج بالخاص

وانصحج تروحين عند احمد لاري رجيمه حلو وصحي

 

[الاحاسيس المبهمه]

حلاوه =)

شكررراً
والله يحيييج ...

ماقلتولي بنات سامعين عن او تعرفون دكتورة تغذيه زينه؟

 

[أحلى عيون]

اختي اهم شي الاراده القويه كل ماتبين تخربطين قولي لاحقه علي الاكل ابي اصير مثل فلانه

ودايم ادعي انه الله يثبتج ويقوي عزيمتج


اما الدكاتره ماعليهم الا انهم يعطونج نظام غذائي وبس لكن الي اهم شي انتي تمشين عليه صح ضعفتي خربطتي مو ذنب الدكتور ذنبج انتي



فعلااا ادخلي مع بنات للتشجيع وشوفي كل اسبوع كم ينزل وزنج وحطي جدامج هدف تبين توصلين له


صدقيني مافي شي يجي بالساهل
اهم شي المشي والحركه والرقص والقفز والرياضه والفتره الي تسوين فيها رجيم مو اقل من ٦ اشهر اذا كان وزنج وايد


وموفقه يارب

 

[قمولة]

واااااااااي فديتج كافي انج تونسين هعع شفايده جسم حلووو وحده مليقه وما تبلع ونفسيتها بخشمها :/
بس صجججج ما الومج كل وحده تتمنى جسم رشيق وينن
مشكلتج محلوله يا بعد شبزي خلي ارادتج قويه وقوي ثقتج بنفسج وما عليج من كلام احد وتره محد يسلم من كلام الناس كلشي يتطنزون ويتشمتون فيه فخيولون طقي الكل بالطوفه اهم شي وناستج وبس وبس وبس
واذا بتضعفين حق روحج مو حق احد

 

[أحمد غلاتي]

والله الصراحه انا حاسه فيج و انا ان شاء الله بساندج لانه تعبت من كلامهم السم المشكله اللي يقطون االكلام كلهم كبتات بو اربع بيبان لوووووووووول و لا اللي مسويه عمليه و ناسيه تاريخها الخرتيتي المجيد

 

[sanyoretaQ8]

الله يوفقج ان شاء الله

 

[جوري ستايل]

يالله احننننناااااا معاج نشجعج
وانا اول وحده ابي اسوي معااااج

 

[روح شقيانه]

ياحياتي كل الي قلتيه انا معاج فيه .. خصوصا سالفة النغزات الي ماراح تخلصين منها حتى لين ضعفتي لان الي مايحبونج ماراح يرتاحون الغيرة والقهر بياكل قلبهم لما تتغيرين ويصير جسمج حلو !

 

[قفشـه]

انا ملاحظه انها هالعصر عصر الضعف

ماعاد بقى احد متين

حتى اللي كانوا كبتات اربع بيبان مثل ماقالوا الخوات صاروا منيكاناتّ!!

انا اللي لاحظته هالسنه بالذات حتى عبير احمد عقب ماكانت كبت صارت مانيكان!!

اكيد طايحين لهم على شيّ!!

انا عن نفسي زدت 10 كيلوو

ونزلتها بظرف اسبوعين لاني كنت مسافرا

كنت كله اتمشى ومااكل الا واايد

انا انصحج بحبوب تسد الشهيه عشان تتحكمين بشهيتج

استعمليها لين تصغر معدتج بعدها وقفيها

 

[قفشـه]

اي وخلي عشاج روب اهم شي ضيفيله ول بران من كلوقز راح يشبعج واايد

 

[kookiz]

طالب الشمري عجيب بس لازم اراده

 

[عشق رسامه :$]

يارب تضعفين حبيبتي

 

[وسن الوجد]

المتن شييييييين و انا متينه و بلشت اسوي داايتت
و ان شآ الله اضعف عالاقل بس اقط خمس كيلوات علشان ارتاح شوي
شرايكم تسووون تجمممع و نششجع بعضض .. =)