قسم بالله انظلمت

[حنانو 89]

يا حبيبتي يا بعد عمري ...
الي تحسين فيه هذا مو حب ولا قرب صوب الحب اصلا
هذا الاحساس بالرفض ... انتي انسانه انرفضتي من صوبه ..
وعليها صارت في فجوة .. احساس بالنقص سببها رفضه لج .
فقدتي انج تكونين محور الاهتمام ، خصوصا انج عروس ..
توقعتي اهتمام معين ، من مطاعم .. من سفر .. من دلال ..
لكن الي صار ،، كســره قوية .. حطمت كل شي ،

اراهن بانج حاولتي تلفتين اهتمامه بكل صورة وكل شكل
يمكن حتى المرض لو كان عطسه ، بتسوين منـه جنه حايشج تسمم ..
ليش؟؟
لانج تدورين لفت الانتباه .. تبين انتباهه يكون عليج

قد ما تحاولين وتحاولين، وماتحصلين شي بالمقابل... يصير عندج نقص كبير
وحاجتج لاهتمامه تكبر وتكبر وتكبر ليمه تصير العن من قبل ...

لو يمد ايده عليج .. هم راح تسكتين، مو لانج تحبينه ، لاء
لانه فيج نقص بسبته، محتاجه "اهتمامه"، راح تصبرين وراح تعطينه فرصة ثانية وثالثه ورابعه ..

سالتي سؤال فوق ، وقلتي مع انه مايستاهل ، بس ابيه ليش مو راضية اشيله من مخي؟
انتي على قد ماعذبج .. انتي تبينه ،، لانج تبين تسدين الفجوة الي صارت فيج ..
حسسج بأنج غير مرغوبـة .. صنع فيج عيوب مو فيج .. كسرج ..
وخلق فراغ عاطفي كبير ..
فـ تردين له ، تصبرين على افعاله .. تبينه يظل بحياتج ..
لانه باللاوعي عندج، تبين تستمدين قوتج منـه ، لانه اهو الي كسرج ..
هز ثقتج بنفسج ، وشككج بروحج، فـ تلقين نفسج دايما بدوامه انج تبين تثبتين له العكس
تحسينه حجر .. ودج تلينينه .. تبين دايما تكونين الاحسن الافضل ، وتلقين روحج عايشه بهالصراع الداخلي الي ما انتهى بنهاية الزواج

فنصيحتي لج ..
- قبل كل شي، لازم تعرفين الي قاعده تحسين فيه مو " حـــب "
عشان تستردين عافيتج ،، وثقتج بنفسج ..
صيري محور اهتمام ، عن طريق تقديم مساعدتج للغير ، عن طريق انج تزورين ناس وتقومين بالناس ..
عن طريق كشختج و لفت الانتباه ..
تسوقي واخذي احسن الاشياء.. وخلي الناس دايما تسال من وين خذيتي ؟ اشلون خذيتيه؟ جم خذيتيه..
سدي نقص "لفت الانتباه" بأبسط الامور ، صيري محور اهتمام خلي الناس تلجأ لج، خلي الناس تسمع شورج و رايج باللي يخصها بحياتها الشخصية ..

اما موضوعه اهو ، والذكريات الي تيلج منـه ..
دايما .. تذكري اسوء مافيه، ترى معلومـة الشخص الي يحبط الشخص الثاني لو شنو ماكان صديق او غيره ، ويقعد بس يطلع عيوبه ويتكلم فيها ..
هذا يدل على نقص ثقته بنفسه ، وعلى ان شخصيته مهزوزه ، يحاول يخلني صورته احسن عن طريق تدمير الي حولينه ، عشان يطلع اهو بالصورة الافضل !!
حطي تحتها الف خط .. وقولي اهو مريض نفسيا، مو ريال بما فيه الكفايه عشان يقول مابي اظلم بنت الناس .. جبان ماقدر يقول لا يا جماعه ترى انا مابيها انا مو مستعد لان عندي علاقه حب !!
حطي هالامور براسج بدال ما تتذكرين شلون كان يهينج ويسمعج كلام !!!!
لا تقعدين بينج وبين نفسج .. وتقولين " ليش يسوي فيني ليش؟ ليش سمعني هالكلام؟ " لاء !!
هالوقت الي تقعدين فيه بينج وبين نفسج .. تذكري لي اي درجة اهو مريض ومعقد نفسيا .. شكثر اهو جبان ومهزوز والا ليش شاد حيله على بنية وقاعد يحطم فيها حمدلله والشكر؟؟
بأي منطق يقولج انتي فيج برود جنسي وانتي توج عروس؟؟
لا تطلعين له اعذار وتقولين كان يبي يطفشني ..لاء، لو اهو ريال ابن ريال ..اقل مافيها، لو انجبر عالزواج منج! يظل صامت ساكت مصكر حلجه لا يمد ايده ولا يمد السانه عليج
اذا هالزواج كان مؤقت بالنسبة له، عالاقل ما يهدم بنت الناس ويمشي !! لو اهو فعلا ريال !!
فكري بهالامور ، راجعي هالامور .. لا تقعدين تحطمين نفسج بنفسج !!
لان اهو المريض .. اهو التعبان .. اهو الجبان ،
وقام يسوي اسقاطات نفسية عليج ..
الي يحس فيه داخل من نقص، يخلقه فيج .. عشان اثنينكم تكونون بنفس المستوى ..
لا تخلينه يربح! لا تسمحين له يفوز .. وتظلين بنفس مستواه

عسى الله يوفقج ويسهلها عليج

ماشاءالله عليج .... معاها 100٪

 

[باتشي99]

حبيبتي انا حاسة فيك ﻻني مريت بتجربتك وكان طليقي اردى من طلقيك حاسة بشعور الحزن الحسرة الظلم حاسة فيك

انا نفس يافرحة ماتمت كنت اقول وابكي وعايش حياته بعد ماظلمني وقهرني وابكي بحرقة لاني انظلمت بامور اكثر منك والله العظيم كنت اقول حسبي الله ياربي عوضني ونا ابكي من قلب

مامر شهرين الا هو متصل يبكي متحسف عقب شنو خﻻص قلبي قسى وماعاد عندي ثقة فيه ورفضته نفس مارفضني ﻻزم الانسان يكون قوي

حبيبتي ﻻزم تبعينه مثل ماباعك وﻻزم تكونين قوية اكثر وواثقه من نفسك

هذا نصيبك رب العالمين كاتبه ﻻزم تكونين صبورة وصدقيني فترة وبتعدي ﻻ تحاتين بس انتي طلعي نفسك من هالجوو وانسي

 

[Pinky -cat]

لازم التغيير يكون من صوبج لازم تحسين بالقوة وتعرفين قدر نفسج شوفي دورات وكتب تقوي الشخصية وتذكري الشين منه
وشلون اذليتي وخلي نفسج عزيزة عليج وحبيها

 

[mona q8]

الله مو كاتب لج نصيب وياه
وهالانسان ماقدرج ولا حتى راعى مشاعرج
وصدقيني لانه اول رجل بحياتج تعاشرينه حبيتيه
بس باجر بيجيج اللي احسن منه
والله يعوضج فيه

 

[حمرة الورد]

حسبي الله عليهم الي ياخذون بنات الناس ويسوون جذي بس لاتخافين ربي معاج ودعوه المظلوم مستجابه ادعي ربج ياخذ حقج ويعوضج ولا تفكرين فيه شتبين فيه مافي شي يخليج تحبينه الله يهدي الجميع

 

[زوجة عزيز]

الله يعوضج بزوج يقدر قيمتج كل واحد ياخذ نصيبه الطلاق ساعات يكون خيره للانسان دامه يحب غيرج لا تتعبين نفسج واتفكرين فيه

 

[اهذريبك~]

لاعبه بمخه و سارقه تفكيره و اكبر مصيبه انها مطلقه يعني سوابق تعرف شلون تجذبه
الله يعوضج باللي احسن منه هو مايستاهلج و عرف قدره واخذ اللي نفس مستواه

 

[زوجة حياتي]

الله يعوضج بالاحسن ادعي واستغفري ربي يرزقج بزوج يقدرج ويحبج

 

[HUSH~]

لأنه أول رجل بحياتج ، حبيتيه .
لانه اختليتي معاه حبييتيه .
لانج اكلتي معاه بسفرة وحده حبييتته ". .

لا عفوًا هذا مايتسمى حب . .
هذا الشي اللي لازم تعرفينه وتقنعين عقلج الباطني فيه . .
الحب مو بيوم ولا بيومين ولا شهر ولا سته ..
انتي مجرد بالفترة الي عشتي فييها تحركت مشاعرج له بس مو هذا اهوو الحب . .
تحدددددددددددددي نفسج انج ماتفكرين فيه . .
وشغلي روحج باشيا ثانيه
دائما خلج ايجابية لا تتشائمين وتذكري انه الله فوق وأوثقي برب العالمين . .
واهوا الظالم ، ووكل ظالم له يومه ، وكما تدين تدان

لاتفكرين تقولين صعب ولا تقولين بحاول . .
قولي قدرت انساه وانا اللحين فاتحة صفحه يديدة بناس جدد وحياتي سعيدة بدونه
وتأكدي أنه كل شي يصير للإنسان خيرة من رب العالمين حتى لو كان شي يحزنج ويضايقج
تتضايقين شهرين ولا تعيشين بذله ​

 

[مني يغارون]

البنات ماقصرو بس بقول لك شغله ترا إذا مأساعدتي نفسك محد بيقدر يساعدك خليك قويه ولا تقولين أي كلمه سلبيه لنفسك بالعكس انتي توك صغيره مو ناقصك شي زين ماطولتي معاه وضاع عمرك ترا شر وافتكيتي منه تخيلي تزوجها وحطها على راسك والله هذي الغبنه صدق فعشان كذا اقول لك تعاملي مع الموضوع انه مصيبه وطلعتي منها بسهوله والحمدلله العمر قدامك وألف من يتمناك بس استرجعي ثقتك بنفسك وعلمي العالم انه ماكان يستاهلك اصلاً.

 

[مـوعــوده]

ادعسي عليه بجزمتك القديممممه تكرمون كلكم عضوه عضوه
هاللي تحسين فيه مو حب وعمرك ماراح تحبينه هذي ردة فعل لانك انرفضتي منه
بككككره باذن الله يجيك اللي يهنيك ويسعدك ويحطك على راااسه من فوق وساعتها بتحمدين ربي مليون الف مره انك تطلقتي من هالرجل البايع وبتضحكين على نفسك انك بكيتي عليه بيوم ...هذا ان تذكرتيه اصلا

نصيحه من مجربه الجأي الى الله الجود والعوض من عنده سبحانه وثقي فيه
وخلي الزباله للزبااااله

 

[برنسس كاتي]

للأسف انتي طحتي ضحيه أهل يبون يمشون رايهم في زواج ولدهم مع رفض الولد ..
وايضا عاداتكم وتقالبدكم سهلت هل شي لانه ما كلمتيه من قبل ولا كان حسيتي بنفوره وتداركتي الوضع ..
الموضوع مو انه ما حبج ولا تقبلج هو اصلا داخل هل زواج واضح انها مغصوب وحاط براسه حبيبته
الي شكله يحبها من قبلج ولو كنتي ملكة جمال العالم وهو حاط براسه هذيك ما رح يتغير للأسف
وهذا الي صار انه بالنهاية سوى الي براسه
شتسوين بعد هذا امر الله .. واعتبريه بلاء ولا تفكرين فيه خلاص حمد الله طلعتي من الموضوع بدون عيال
وصدقيني الله بيعاقبة على الي سواه فيج
وانتي توج صغيرة والحين الزمن تغير ومن الي اشوفة المطلقة وبالبنت نفس الشي ما صارت تفرق
بالعكس تشوفين مطلقة تتزوج أكثر من مره والبنت قاعده ..

كملي حياتج والله يرزقج بالي يعوضج
وهو ان شاءالله يشوفها في بناته الي سواه فيج :eh_s(4):
وانتي ما تحبينه انتي بس تعلقتي فيه لانه اول ريال بحياتج ومالج تجارب سابقة بس مع الوقت بتنسينه

 

[رشا الهواء]

هذا مو كفو ولا يستاهلج وانتي تعرفين قدر نفسج يا حبيبتي
بس اعوذ بالله بعض الحريم يحبون اللي يذلهم ومقصر بحقهم ولا معبرهم شنو تبين فيه تفكيرين ومضايقه نفسج مافي احد يستاهل
طليقج حشره طقيه بنعل او رشي مبيد عليه عشان تخلصين منه من وجوده بحياتج وتفكيرج لا تبهذلين عمرج
الله بصير في عباده
ويتيمه انتي ربي ما يضييع لج حق

 

[ابتسملي يازمن]

عسى الله يبرد على قلوبكم ويجزيكم بنفس دعواتكم ويتقبلها يارب العالمين وانا محتسبه وصابره ويارب يعوضني خير .

 

[nour el denya]

حبيبتي الله يعوضج باللي أحسن منه و يسخره لج
الله فوقه لاتخافين حقج ماراح يضيع
أهو ماعنده رجوله لو أهو رجال كان ماتزوجج و اهو يحب وحده ثانيه و يظلمج معاه
مع الاسف هالسالفه كثرانه بالمجتمع
و انتي ماتحبينه انتي متعلقه فيه لان أول شخص (رجل) بحياتج و لان ماعندج سوالف و خرابيط فمن جذي تحسين إنج تحبينه هذا مو حب
انا اقولج أنسيه و وكلي امرج لرب العالمين و ادعيه بكل صلاة أن يعوضج بالي أحسن منه بكل شي( أخلاق و دين و منصب و شكل و نسب و شخصيه)

 

[لوولوو_88]

بعد عمري يا رب يعوضج بللي يسواه انشالله .. و الله ما يستاهلج ثقي و تأكدي انه ربج يبيلج الخير ولا يبيلج الظلم .. و كما تدين تدان والله راح يذوق حرتج هذي .. إلا الظلم والله يا ويله من ربي ..
شغلي نفسج و التهي بروحج و ادعي ربج يمسح على قلبج و يصبرج و يعوض صبرج خير حبيبتي .. قولي الحمدلله فيج من ظلمه في حريم ظالمها و يحب غيرها الحره حرتين قولي الحمدلله

 

[ابتسملي يازمن]

الله يجزاكم خير فديتكم ويعوضني ويصبرني يارب

 

[yam_yam]

انــــســــــي اللــــي نــســــاج

ومـــن بــاعــج بــرخـــيــص بــيــعـيـه بـتــراااب
وحـــرااام فــيـــه الــهــوااجــيـس والـدمـــوع
وخـــلـــج مـــن امـــس والـتــفــكـــــيـــر فـــيــــه
وعــيــشــي الــيــوم وخــطــطــــي حــق بــاجــــر
ادري اول ريال وصــعــبــه عــلـيـج بــس كــراامــتــج اهـــــم​

عـــســـى ربــــي يـعـــوضـــج بـاالــريـال
اللــي يـحـببـج ويــســـر خــاطــــرج

عـــــــــــاجــــــلآ يـــاااااربـــــي يـــاااكــــريـــم​

:ggdw::ggdw::ggdw:

 

[تبيني آرضى عليك]

الله يعوووضك باللي احسسسن منه يارررررب

 

[الاء حسين]

الحلول ماقصروا فيها البنات
باقي تهتمين بتغذيتك ونفسك وبشرتك دلعي نفسك
الحياة ماتوقف عند تجربة فاشلة النجاح دائم يسبقه تجارب فاشلة
اطلعي واكشخي واستمتعي بوقتك
والي جاب لك نصيب الاول قادر يجيب لك نصيب افضل واروع
شوية تركيز ونظرة تفائل وايجابية وراح تحسين بحقارة تفكيرك به
انسان مو كفو ليش اتعب عمري على انسان مو رجال راكض وراء مطلقة كبر جدته
مريض الحمدلله والشكر
احمدي ربك تخلصتي من الارف